|
Re: ناس الزقازيق ... أجدع ناس (4) .. (Re: ميسرة سيد أحمد)
|
ياكوتش ما شاء الله منور في "فرح" صلاح الامين وطلة بهية ومعك سيادة اللواء والابناء حفظكم الباري
سلام ياريس وكامل تضامنى معك ودعمى لبرنامج العودة الطوعية وجلا دا بالله ماتقصر معاه في شأن التعويضات والدعم
جلا .... آخر اخبار الرحلة شنو؟
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
أحيانا بكون في مود بشعر بان كل ما سأكتبه سيكون ممل و بايخ و ما بتيلع... زي المود بتاع اليوم... و الزول الفي مود زي المود بتاعي ده حقو الناس تقول ليهو... محمد معانا ما تغشانا... و لا كمان يعاملوهو معاملة الكتاحة... ولا المطره البتجيب السيول ديك... و يقولو ليهو حوالينا و لا علينا... عشان ما يسوي فيهم سواة العاصفه بي ساق الشتيل الني... و الناس هي أصلا ما ناقصه كآبة و غتامه و بؤس... لما يجي واحد زي كده يزيدها بؤس... الواحد بيجي هنا عشان يطلع من الحاله الهو فيها... مش يلقى ليهو واحد يغتسو أسفل سافلين... و أنا و الله فاهم الحاجه دي كويس... لكن لما يجي الريس و يطلب العودة الطوعية نعمل شنو... نتجاهل النداء و نرضخ للمود... و لا نستجيب للنداء و ان لم يستجيب المود... وجودي هنا اليوم هو استجابة للنداء رغم أنف المود... و كمان اكتشفت حاجه.. انه حتى لو جيت هنا بي مود مكركب... تجد نفسك بمجرد أن تكتب أول سطر المود استعدل و اتصلح.. غايتو أنا صلحت مودي و الحمد لله... لكن لو مودي الجيت بيهو في الأول لخبط مودكم... بقول ليكم... أنا مالي و مالكم...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: نناشدكم العودة الطوعية. |
يا ريس .. الناس دايره حوافز ...
Quote: تجد نفسك بمجرد أن تكتب أول سطر المود استعدل و اتصلح.. غايتو أنا صلحت مودي و الحمد لله... |
يا حبيب ... خمــّس لينا معاك نفــس ..!! ( فتحة على الفاء )
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
رحلة ناس الزقازيق 6 مايو ... المكان شمبات ...آخر محطة لمواصلات كلية الزراعة جامعة الخرطوم.... الزمان الساعة 11 صباحاً... نترقب إتصالكم لتأكيد حضوركم أو إعتذاركم و هما محل إهتمام و تقدير.... تلفون محمد صديق..0912162923 ..أو معتصم جعفر...0912304549 بالعدم شوفو تلفون محمد آدم 0912319724... لكم الحب في حلكم و ترحالكم و إغترابكم
طبعاً الوصف آخر محطة دي للناس الراجلة: الراجلة دي يا موسى عيسى يعني الناس الماعندها عربية يعين الناس الماشة بي 11 خ يعني الناس الجاية كداري يعني زي كدا غايتو جنس فهم!!! دا شنو ياخ
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
وصباحات التفاؤل
________________________
وصباح جديد مع حسن طلب :
ما بين الوردةِ والحَجَرِ
مضاهاةٌ لفراغ الروحِ
ومُزْدَجرٌ للضّجرِ
فَكُونِى بين المُسْتَوَيَينِ
أقِيمى بين التُّرْبَةِ والشجرِ
وذُوبِى فى الضِّدينِ
أوِ انْفَجِرى .
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
يطلق على الحكايات و الحجاوي الطويلة التي ليست لها نهاية... أو الحجاوي الملخبطة و التي لا تعرف أولها من آخرها.. بأنها(حجوة أم ضبيبينة)... لآ أعرف لماذا أختير لها هذا الاسم و الى ماذا يرمز... و لكن لا شك في أنه بالنسبة لجيلي اسم يعبر تماما عن المعنى... و لكن الجاب سيرة حجوة أم ضبيبينة دي شنو في الصباح الباهي لونو ده.. الاعلان التالي ذكرتي بحجوة أم ضبيبينة...
Quote: رحلة ناس الزقازيق 6 مايو ...
|
عليكم الله دي مش رحلة أم ضبيبينة... حسه ده الآعلان رقم كم... لا طلعت رحلة و لا نزلت صور و لا يحزنون... ممكن يا جماعة تأجلوا الرحلة دي كمان شهر شهرين... عشان أجيب العيال و نجي نحرر ليكم الرحلة البايرة دي...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: عليكم الله دي مش رحلة أم ضبيبينة... حسه ده الآعلان رقم كم... لا طلعت رحلة و لا نزلت صور و لا يحزنون... |
بعد ما تقرو الإقتباس الفوق دا قرِّضو على كدا...و ما تقرو الإقتباس التحت دا
Quote: و الزول الفي مود زي المود بتاعي ده حقو الناس تقول ليهو... محمد معانا ما تغشانا... و لا كمان يعاملوهو معاملة الكتاحة... ولا المطره البتجيب السيول ديك... و يقولو ليهو حوالينا و لا علينا... |
طبعاً نفسكم ما أمارة بالقراية ...يعني لازم تحرجونا و تقروهو عشان كدا زولك دا شوفو ليهو خيارات من الحاجات الكتبها أنا غايتو إخترتا حوالينا و ما علينا
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: وصباح جديد مع حسن طلب : |
دي ياكوتش ذكرتني ابوعاج رحمة الله عليه و "المواطن على حسن سلوكه" المهم دا على سبيل وضع ارضية "للتفاهم" عشان البين الوردة والحجر ما يصل مرحلة الانفجار --------- صباحاتكم ندية .... ومودها عالى ...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: و أمشي أُكل ليك باسطة |
غايتو عالم حاقدة بشكل ... قال اكل ليك باسطة قال عاوز توديني التوج مش ... اسمع في حاجة في السودان اسما "الكمبا" .... بس كتلتها القاعد يغني ليها المرحوم خليل اسماعيل ديك زاتها ... تاني كل مرة قول لي سف ليك كمبا او ابلعها "اذا كانت غير مسحونة" قالوا بتنزل الزفت دا والله ... ---------- الحمد لله بقينا حقل تجارب ...
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
رحم الله الحاجة آسيا والدة إلهام شمس الدين
رحمة واسعة واللهم أهلها وذويها الصبر والسلوان
وجميع أفراد العائلة حسن العزاء
إنا لله وإنا إليه راجعون،،،،
كما توفيت شقيقة مكي عباس جاكسون (منقول من الفيس بوك)
تغمدها الله بواسع رحمته ولأخونا مكي كامل العزاء والصبر ،،،
إنا لله وإنا إليه راجعون،،،
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
تعازينا للأخت إلهام شمس الدين
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها الصبر
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
سلامات يا ناس
Quote: توفت والدة الهام شمس الدين زراعة الاثنين الفائت للفقيدة الرحمة ولزويها العزاء وربنا يضبرهم |
Quote: رحم الله والدة الهام شمس الدين زراعة .... تغمدها الله بواسع رحمته ... اسكنها فسيح جناته .. العزاء موصول لها ولاسرتها ... انا لله وانا إليه راجعون ....
Quote: رحم الله الحاجة آسيا والدة إلهام شمس الدين
رحمة واسعة واللهم أهلها وذويها الصبر والسلوان
وجميع أفراد العائلة حسن العزاء
إنا لله وإنا إليه راجعون،،،،
كما توفيت شقيقة مكي عباس جاكسون (منقول من الفيس بوك)
تغمدها الله بواسع رحمته ولأخونا مكي كامل العزاء والصبر ،،،
إنا لله وإنا إليه راجعون،،، |
Quote: للفقيدة الرحمة والمغفرة ... ولاسرتها صادق العزاء ...تعازينا للزميلة الهام شمس الدين وشقيقاتها ... انا لله وانا اليه راجعون |
Quote: رحم الله والدة الأخت الهام شمس الدين.... تغمدها الله بواسع رحمته واسكنها فسيح جناته .. العزاء موصول لها ولاسرتها ... انا لله وانا إليه راجعون .... |
|
Quote: للفقيدة الرحمة والمغفرة ... ولاسرتها صادق العزاء ...تعازينا للزميلة الهام شمس الدين
انا لله وانا اليه راجعون
الدوام لله وحده |
Quote: تعازينا للأخت إلهام شمس الدين
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله لها الرحمة ولذويها الصبر |
Quote: لها الرحمه و المغفره واسكنها الله فسيح جناته |
Quote: سلامات يا ناس
رحم الله والدة الهام شمس الدين
وإنّا لله وإنّا إليه راجعون |
_________________________________________
يا ريت الناس تعمل التعازى فى البوست المخصص لذلك
وانا طوالى حأترجاكم....اصلو ما حأزهج
شكراً
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
و الله يا كوتش عندك طولة بال سلبة بس ياخ خلي الدراويش في حالهم و الله الليلة عندي طايوق بي مزاج لكن لقيت ليك الحالة بطالة خلاص الفيس بوك حزايني للآخر و كمان البوست و نفس الناس الهناك يا هم زاتم هنا
ما قلتا ليك.... أمبارح اليوم الوحيد الشفت ليك فيهو برشلونة و ريال مدريد و الكورة مدورة و الحكم صفر للنهاية و أنا بغالط في الناس ياخ ما فااول يا ربي يكون حسب تسلل ولا ضربة جزاء الجماعة عاينو لي كدا ...واحد دخل إيدو في جيبو و أداني ألف جنيه قال لي أوع تاني تجي تحضر معانا كورة
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
ديدو يا منقة بالنسبة للرحلة ... و رغم إنو كثرة الإتصالات ما قسمت معاك زي ما قلت لكن و لا يهمك نحن زي فريق المريخ لمن قال المريخ بمن حضر و بعدين إترش زي الترتيب نحن رحلتنا دي برضو بمن حضر طالما موجود الكوتش و جمال الوالي ممثل في شخصية نهلة نجم الدين و الريس معتصم إذا إترشينا سلطة الأسود بنعملها باسطة و إذا نجحت و هذا ما نتمناه يكون حدي معاكم صندوق التكافل و الشركة و جيبي يسع الجميع
| |
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
صبحكم الله بالخير
Quote: يا ريت الناس تعمل التعازى فى البوست المخصص لذلك
وانا طوالى حأترجاكم....اصلو ما حأزهج
|
انتو الزول ده يكلمكم كم مره... أعملوا حسابكم لحدي حسه الكلام أترجاكم و بعد اذنكم... لو لحق الكوتش ده و حمر ليكم كان في الضلمه و لا في غيرها... الكلام ده بتابوهو...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
أحرز إبن عوض عبدالرحيم شلبي _تجارة الزقازيق_ دفعة 88 كاس اليوسي ماس في ماليزيا... عوض سيستقبل إبنه يوم الخميس بمطار الخرطوم... سيكون عوض شلبي حضور في رحلة ناس الزقازيق يوم الجمعة مبروووك عوض لإبنك و مزيد من النجاحات و التقدم تلفون عوض شلبي 0912630540
العهدة على الراوئي الشيخ جلا منقول من الفيس بوك
| |
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
شايف الريس ميسرة جلّا الرجاء بتاعى
يكون ما قسّم معاهو ولّا شنو؟
ياريس رجاءً :توجيه رئاسى لنقل التعازى الى البوست المختص.
Quote: إذا إترشينا سلطة الأسود بنعملها باسطة و إذا نجحت و هذا ما نتمناه يكون حدي معاكم صندوق التكافل و الشركة و جيبي يسع الجميع |
يا سِرِّى ...الطايوق عندك ...عليك الله رسِّل منو شوية (قدر نص كيلو بكفى)
وما تنسى عليك الله برضو تقلب جزء من السلطة (رُطَبْ)عشان حبيبنا الطّاعم.
بالمناسبة جمال الوالى ...وصل.
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
قبل ما يجي حين ميسرة أرمي مداخلتي
Quote: الكوتش حبيبنا ... انا وطارق جبريل ... مابنقدر نرحل من هنا ... والمساككا ... مابنقدر عليها .... ومعانا ناس كتاااااااار .... |
إنت و طارق جبريل معفيين دنيا و آخرة الناس الكتار ديل قول ليهم الرحلة يوم الجمعة 6 مايو الساعة 11 صباحاً و المكان شمبات ..آخر محطة لمواصلات كلية الزراعة جامعة الخرطوم
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
يا أبو الزوز الرحلة دي للناس الراجلة زي ما ذكرت ليك و قد فسرت ذلك في مداخلة سابقة معنى الرجلة دي بحكم موسى عيسى من الناطقين بغيرها أما الناس الجاية بعربات خاصة خليهم يتعبو شوية هناك حلان الآول و إنت ذكرتو التاني يقومو يتابعو الهايس بتاع المواصلات بحيث ما يتخطاهو أبداً... لغاية نزول آخر شخص من الهايس و يخلي الهايس يلف لفة الرجوع ... لأنو إذا ما لف معناها لسع ما وصل آخر محطة الخوف يكون صاحب الهايس ماشي ياخد ليهو جمة قبل صلاة الجمعة
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: والمساككا ... مابنقدر عليها .... |
ولدنا ياسر نجيلة ما بقدر على المساككا... و أنا ذاتي و الله تعبت من المساسقا... و للتفريق بين المساسقا و المساككا أستعين بأغنية صلاح مصطفى... أساسق بالدريب الجاى بحداك اقول يمكن اصادف مرة القاك اسالمك وينشرح قلبى الاصلو حباك أنا تعبت من المساسقة الأسبوعية بين أبو ظبي و السلع... وذلك لطول الطريق و معاناته بالاضافة الى اننا قد هرمنا... الا أن كل شيء يهون عندما يكون الرحيل الى من نحب... فلمثلهم تشد الرحال و لو كانوا في آخر الدنيا.. ان مداخلات ياسر نجيلة بمربع كاي تسعدني أيما سعادة... و لا أبالغ اذا قلت ان مداخلة واحدة منه تعطيني دافعا للكتابة لمدة طويلة.. و لا أريد أن أدخل في تفاصيل لماذا هذا و لماذا ذاك.. و لماذا هنا و لماذا هناك.. فلقد تم تناول هذا الأمر كثيرا... فقط أردت أن أقول لياسر نجيلة..لو كانت مساككه و لا مساسقة... فهي بلا شك تسعدنا و تفرحنا... و فوق كل ذلك تحفذنا... فمر علينا كما تفعل كل مرة عشان أسالمك و ينشرح قلبي الأصلو حباك...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
وصباحات المساككة....
Quote: الكوتش حبيبنا ... انا وطارق جبريل ... مابنقدر نرحل من هنا ... والمساككا ... مابنقدر عليها .... ومعانا ناس كتاااااااار ....
|
يا حبيب ...ويا كل الأحبة:
ما كل حاجة نحن بنعملها بنكون قادرين عليها...
أُعلن هاهنا :إنى لا أقدر على المساككة وسأستكين بالمنطقة التى تريحنى.
ويبقى الود.
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
Quote: الا أن كل شيء يهون عندما يكون الرحيل الى من نحب... فلمثلهم تشد الرحال و لو كانوا في آخر الدنيا.. |
إذا كنت تشد الرحال إلى أبوظبي لإلتقاء من تحب فهذا شأنك أو أن يشد الأخ ياسر الرحال إلى مربع كاي فهذا يعني أنه يحبك و لا غضاضة في ذلك و بالرغم من حبي للناس المشتتة في بلاد الله هو شأن يخضكم كلكم فأعلمو أنني سأشد الرحال إلى الرياض و فوراً لأن الذي أحبه هو ليس في آخر الدنيا ولكن البعد الزمني طال رغم أن المسافة بيني و بينه هذا البوست بالطبع ليس هو موسى عيسى ... و لكنه الشديدة زاتها إنه منص فكيف أجعل ذلك هيناً
أبو الجل أعمل شخيط و أقيف بعيد...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
يا احبــــة انا اقترح الاتى ( للتعازى ) فقط ان تكتب فى البوست المخصص لها
كيف ؟ اى شخص اراد ان ينزل خبر تعزيه عليه ان يقوم بادرج الرابط ( هــنــا ) كمثال بوست عزاء ....
لسبب بسيط مثلا" فى التهانى التى تخص زواج الاخ صلاح الامين كنت اريد تنزيل اغنية ولكن لان الصفحة تحمل ايضا" تعازى لزملاء وزميلات فانه لا يجوز ذلك
ما عدا ذلك فاكتبوا ما شئتم سوا هنا ام هناك ....
مبروك لابن عوض شلبى
الحق الولد ده فى المطار يا جلا وقول ليهو بكره عندنا رحلة جانا كذا رصيد وكم زول آآكد الحضور وحجزنا كده واشترينا كده ... سريع سريع حيديك النتيجة
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
جمعتكم مباركة...
نفسي أتقرج على تغطية مباشرة من رحلة ناس الزقازيق اليوم... لنقف على آخر التطورات و المفاجآت التي أعدها المجلس الانتقالي... و لنعيش معهم أيضا الحدث لحظة بلحظة وبتفاصيله المختلفة... كل الأمنيات لهم بأن تكون رحلتهم جامعة و ممتعة...
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
فتاة قالت لسوداني ياأسود بنوع من السخريه فأنظروا بما جاوبها تقولين أســـود ؟؟؟ تقولين أســـود ؟؟؟ وكل من يزور الكعبة يقبل لوني بانحناء السواد هو صندوق سر لرحلات الفضاء السواد هو بترول مبدل صحاريك لواحة خضراء لولا السواد ما سطح نجم ولا ظهر بدر في السماء السواد هو لون بلال المؤذن لخير الأنبياء لولا السواد لا سكون ولا سكينة بل تعب وابتلاء تقولين أســـود ؟؟؟ تقولين لي أسود والسواد فيه التهجد والقيام والسجود والرجاء فيه الركوع والخشوع والتضرع لاستجابة الدعاء فيه ذهاب نبينا من مكة للأقصى ليلة الإسراء لو ضاع السواد منا علينا أن نستغفر ونجهش بالبكاء عزيزتي تأملي الزرع والضرع وسر حياتنا في سحابة سوداء اسمعيني والله أنتي مريضة بداء الكبرياء أنصتي لنصيحتي يا مرا و لوصفة الدواء عليك بحبة مباركة من لوني مع جرعة من ماء أنا لست مازحاً وستنعمين والله بالصحة والشفاء سامحيني يا مغرورة لكل حرف جاء وكلمة هجاء وكل ما ذكرت هو حلم في غفوة ليل أسود أو مساء ');"> كلنا من خلق الله الواحد نعود لآدم وأمنا حواء
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
حلات الجمعة يومها وحلو شمبات مقيلها ........................... تحت فيحاء الخميلة كنا والاطيارتغنى ترقص الأطيار تمنى بينا أوجه جميلة .......................... كلما العصفور يغرد والنسيم يهفو ويبرد تزدهى الأقمار تورد واحدة صاحية وواحدة وسنى وواحدة فاترة فاتنة حسنة فى غفلة الدهر إختلسنا جلسة ما منظور مثيلها ................................... ويا ............... حليل ود الزناتى
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
مساكم الله بالخير
أول شي خلوني أبارك للهلال تأهلة لدوري المجموعات... بعد أن تخطى الأفريقي التونسي بعد معركة شرسة... و التي انتهت بأحداث مؤسفة كان بطلها الجمهور التونسي... هو ذات الجمهور الذي جعلنا نتعاطف معه و هو ينادي بالحرية... ليس مأخذي عليه فقط للانفلاتات التي أظهرت وجها قبيحا للجمهور التونسي... بل أيضا للعبارات العنصرية التي وجهها الجمهور أثناء المباراة لأعضاء البعثة...
أبو عمر...يا سلام على الصور الجميلة على شاطيء الخليج.... و شايف صاحبك موسى مستمتع على الآخر.... و أنا خلاص عرفت سبب الطناش المطنشنا ليهو... قول ليهو بكره بيجي الريف و اللواري بتقيف...
أمبارح الجمعة جاني تلفون من السودان... كانت المتصلة نهلة نجم الدين... رديت و اذا بي أسمع موسيقى و صوت البلبل الصداح أحمد عوض... لم تقل نهلة حرفا واحدا...فقط أحمد عوض يؤدي في وصلة غنائية... لقد نجحت نهلة في اغاظتي... لكن بتسداها فيك يا نهلة... يوم بمشي لي ياسر نجيلة و نقوم نغني أنا و هو و نضرب ليك تلفون...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
يا ابو عمر يا سلام علي الصور .... لكن صاحبك ده عجز كده مالو ما يشوف الصور دي جلا ... بالله نزل باقي الصور
يا رشدي سلامات ....
الناس ديل حا ينزلوا لينا الصور متين ... بعدين جلا ده شايفو اختفي في ظروف غامضة ... امبارح استمتعنا برحلة مشابهة هنا في الشرقية ....
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
سلامات يا اجدع ناس مليون مبروك لهلال الملايين ودى جيتنا من الاستادبورى واعلام وهيصة شديدة وانتقلت سيرة النصر واحاطت باستاد المريخ وقفلو شارع العرضة كلو وبعد داك زى مليون عربية جنب حلويات شريف لصاحبها المريخابى بس الشعب السودانى جميل |............ ناس الرحلة تصلو بلسلامة اسكنو فى شمبات دى ويا ناس الشرقية تحياتى لهافمونوالله ايام الصورررررررررررررررررر
| |
|
|
|
|
|
|
Re: ناس الزقازيق ... أجدع ناس (4) .. (Re: معتصم جعفر)
|
Quote: يوم بمشي لي ياسر نجيلة و نقوم نغني أنا و هو و نضرب ليك تلفون... |
رشيد القوم ... تحياتي ياملك ... انت تعال بس .... وشوف لوما نقلتها ليك لايف على تلفزيون ... دريم .... والفنانين حيكونو ... مهند وعمار ... والكورس امنية وأحمد اما فارس سينفرد بالعزف المميز ...
========== مبروووووووووووووووووووك يا هلال ... والله فرحنا ليكم ... ومعكم ... في جميع مبارياتكم ومعي أي فريق سوداني يمثلنا خارج الحدود ...
| |
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده،،،
نهدي تحية الصباح لفرسان الهلال
ونتمنى الثبات على المستوى الرفيع
طولنا من الإنتصارات الخارجية ،،،
ولأننا هرمنا من كثرة الخذلان ،،،
التحية لكم جميعاً ولناس شمبات
وناس الشرقية ،،،،،
| |
|
|
|
|
|
|
Re: ناس الزقازيق ... أجدع ناس (4) .. (Re: معتصم جعفر)
|
بسم الله الرحمن الرحيم صباح الخير يا وجوه الخير إلى حين ميسرة قصة الرحلة: نحن دائماً في الموعد هي رحلة و لا أحلى كل الجمال فيها فكاهه و غنا و كلام بجانب سلطة الأسود
و القصة إنتهت... كما تقول بنتي الكبيرة أسرار أما إنتصار الصغيرة فدائماً تقول تعال يا بابا أحكي ليك قصة في أضانك يعني بالدارجي كدا قصة لي ناس معينين يعني ما للجميع غايتو عمر أظنه سيقول دايرين أحكي ليكم عن الرحلة؟؟؟؟ طلِّعو الشيرنج
أما أنا فأقول ليكم أن جيبي دائماً يسع الجميع و قد كان
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: غايتو يا أحمد إسماعيل الفكي القاعد في السجادة دا ما يمشي يزوزي بي الشافع دا |
يا محمد آدم الفكي عايز يفهم حيرانو واجبية القيام بالنفس فقال : خيل خمسة وعليم ناس كمسة وجلك كمسة وعبد الله واحد ، هنا القيام بالنفس واجب اما النجاة فمستهيل
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
مرات يا جلال بيجيني احساس انه في مؤامرة ضد البوست ده بس الواحد يرجه لعقله ويقول منو يتآمر ضد منو .؟ يعني المسالة كسل ولا الناس قنعت ولا وصلت حالة التشبع قدر ما عملنا مناشدات وقدر ما كتبنا الناس عامله اضان الحامل طرشها ... عموماً نتمني انها تكون ظروف مرحلة يمر بها الناس ويعود البوست لسابق عهده ...
| |
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
تعرف يا ابوالزوز .... البوست قاعد يشرح نفسو اغلب الاوقات .... فما بين حالة المود والدبرسة والمشغوليات وعدم توفر "نت" ووووو ...... يمكن اجمال الاسباب في ذلك ... لكن الايام دي الموضوع زي طول شوية .... وينبغي ان تحال هذه "الكيس" للدراسة (والله تقراها الكيس من بلاستيك او ورق) اعضيك في راسك اما نظرية المؤامرة ف (فور شور) ما واردة عندي احساس حاتم جبارة بجي ناطي اسا دي (الواد ده فين)؟
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
يا ابو الجل طالما ابو عمر جاب الصور خلينا نتونس شوية وننسي موضوع البوست البقي تعبان ... وقصة منصور الاتعود علي الغياب .... ولا البادي الما قدرنا نعرف ليهو بلد ... ولا طارق جبريل الزعلان وما لقي زول يطيب بخاطره ... ولا موسي عيسي الشغال معانا بيييييييييييياك ويقوم جاري ولا حتي صديقي الرشيد وبيضة الديك التي عودنا عليها منذ فترة فامسك بمكانة البادي النور سابقاً بجدارة ... ولا حتي عمر نملة الزعل مننا وابي يجينا .... وحتي الريس ميسرة بقت طلاته طشاش ... اما بنات الشيوخ فقصتهم بقت زي قصة الريدة القديمة ... البتذكروها مرة مرة ديك ... وحليل صديقي محمد صديق ... والقائمة تطول ... حتي سامي الظاهر في الصورة ده .... بقينا نشوفه بالدرب اكتر من البوست ....
عموماً الصور في جسر البحرين احتفاءً بناس الرياض فكي موسي وشقيقه طارق ... ثم حضر في اليوم التاني ابو عمر مع اسرته ... كانت ايام جميلة ... بالنسبة للمصطفيات يا ابو عمر اجتمع في ذلك اليوم ثلاث مصطفيات الا انه مصطفي الضيف ود الباشمهندس صديق فكي موسي والذي يظهر يمين الصورة مع ابن صديقي مصطفي عماد صباحي قد حاز علي الجائزة الاولي ... وجهجه ليك كل المصطفيات والمحمدات اللعبو معاه في الكورة .... ورشحناه يا ابو الجل لاشبال الهلال ... اما وجيه الجبيل فقد زاد الليلة فرحاً ... وما عايز اقول اكتر من كده عشان ناس النضيف ديل ما يقولوا كسير التلج ... شكرا يا احمد اسماعيل
وين ناس الرحلة ...
| |
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
بعد ما تردو التحية بتاعت صباح الخير يا وجوه الخير أردت أن تتأملو معي كلمات للشاعر كجراي وهذه بعض مقاطع من قصيدة الإحتراق في موسم الرياح ويخجلني امتداد الصمت ، لون الصمت ، عري الصمت في جدب المسافات تسائلني عصابات من الشعراء والفقراء، عن نار تمد لسانها المسعور في ساحات لوحاتي وعن عبق من الكافور عن قبس من الديجور كان يضيء في كل المسافات ماذا يا رفاق الدرب ما دامت تزلزلنا رياح القهر والاحباط في عقم البدايات
| |
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
صبحكم الله بالخير
الحمد لله البقت بيضة ديك في الحرالحاره دي يا أبو الزوز... ما بقت بعرة فيل و مستوردة من الفتيحاب كمان... و الله أشعر بالحر الشديد... مشيت جبت البتاعات البركبوهم في قزاز العربية بالجمب ديلك لزوم زيادة التظليل... و برضو شاعر ان مكيف العربية و كأنه بيأذن في مالطه... ما يجي واحد يتفلسف و يقول لي استخدام غير صحيح لي يأذن في مالطه.. أنا براي حران و زهجان أستعمل العبارات بالطريقة البتريحني... المكيف و كأنه يؤذن في مالطه...مره تانية كمان.. في زول عنده اعتراض... قلت ليهم مكيف المكتب ده مالو حار تعالوا صلحوا المكيف... كركبك..كركبك...نفضوا الغبار من الفلتر... برضو مكيف المكتب و كأنه بيأذن في مالطة (مالكم و مالي)... المكيفات في السكن عايزه ليها تنضيف و تسليك... نضفك...نضفك...سلكك...سلكك..برضو المكيفات و كأنها بتأذن في مالطة... قلت الحل الوحيد أتصل بي صاحبي بتاع الفتيحاب يرسل لي حاجه... بعره كااااااربه كده... تخليني أنا ذاتي أمشي أأذن في مالطه...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
والله لكن مكيفاتك "بنات حلال" او اولاد حسب المود تعال شوف نحن .... قال ليك "اقمنا الصلاة " عديل ولا اسى ما عرفناها بتأذن" ولا بتغني والله يالرشيد بلد بت كلـ......... ياخ صلاة الفجر والواحد عرقان ويناهد تقول "قراع" وقراع دي الا جبرييلا يجي يشرحا ليكم ....
الرشيد تجي نمشي اجازة السكا ....
ازيكم ياناس شمبات ...
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
عشان الواحد يخش معاكم في المود لازم أفرِّق بين التكييف و المكيفات فالتكييف و هو تفعيل بالشخص الداير يتكيف أما المكيفات فهو الإسم المشتق من الكيف فمثلاً داير تكييف معنى أن الجو محتاج لمثل هذا النوع من التكييف أو داير مكيِّف معناها الجو يفرض عليك أن تقوم بتشغيل المكِّيف وهكذا دواليك
و الله أعلم
| |
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
Quote: الرشيد تجي نمشي اجازة السكا ....
|
جلجل يا حبيب...
نفسي و الله أمشي الاسكا... و أغشى منى عباس في فانكوفر في كندا... و أمر على حاتم جباره كمان... و أسلم على السهيلي... و بالمره أقعد يومين مع أولاد عمي في شيكاغو... و أعمل انتفرفيو مع أوبرا وينفري... و من هناك أركب الطيارة سييييييدا للبحرين أتكسر لي يومين مع بكري حامد... و البحرين دي لو سألتني عشان شنو... أقول ليك حتى تكتمل الصورة...
| |
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
مع الحلوين تكتمل الصورة و معذرة ابو عمر الصور بتاعت
جسر البحرين و شاطي نصف القمر و كورنيش الخبر حتى هذه
اللحظة لم يتم الحصول عليها من شلة المصفات و المحمدات
و لكن هذه الروعة بنت الظريف مكي حمزة و الله ماشاء الله
عسل و العجب لو تكلمت حلاوة ما تديك الدرب ربنا يحفظها.
قول ماشاء الله يا جلا !!!!!
الحبيب الرشيد شكلك متقريف ليك علي بعرة ؟؟؟ نورت البوست
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
Quote: قول ماشاء الله يا جلا !!!!! |
ما شاء الله و عيني بااااردة الكلام ما أنا.... الكلام إنت الحاضن الصورة ليك 13 يوم جاي تتطلعاها هس؟؟؟ بس إنشاء الله ما تكون بركت ليها في السجااادة أها إنشاءالله قريت ليها ياسين
| |
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
الحمد لله العين باردة عليها الخوف ما منى !!!!
الخوف من عيون العزابة الله لا كسب العزوبية !!!
الشي التاني يا شاب باقي حساب الرحلة وين الحساب
ولد و انت تاريخك ما بشفع ليك عندنا و عصام جلي
المحاسب و تاج الدين المراجع و عادل عبدالرحمن المراقب
يعني الله يفكك مننا .
| |
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
مساء الخير ،،، يا وجوه الخير
نظراً لإنقطاع النيت خلال الثلاثة ايام السابقة
فلم أتداخل معكم نهائياً والآن قبل نصف ساعة تم
إصلاح العطل العام وتوقعت بأني سوف أتعب في الدخول
معكم ولكن لقد سهلتم لي المسألة حيث لم تكلفني أكثر من
عشرة دقائق وقد خلصت جميع المداخلات.
نعم كثير من الناس كما قال أخونا جلال لها ظروف ولكن
لو كل إنسان عمل مداخلة واحدة زي بتاعتي أو مداخلات رشيد القوم
لظفرنا بأكثر من 40 مداخلة في اليوم الواحد.
لا نطلب كثرة الطلة ولكن نرفض الغياب التام!!!!!!!!!!
| |
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
كويس نبدا حملة لارجاع المفصولين للصالح العام في هذا البوست خيراً بدا محمد عيد بطارق جبريل ... رغم انه الولد ده مرات بيخرج بره النص الا انه وجود مهم اضم صوتي لصوت محمد عيد وطالب بعودة طارق جبريل .. وفوراً ...
بعدين الزول الكان بيتكلم معاي في التلفون ... قبيل وقال لي دقيقة ارجع ليك .... ياخي انا راجيك من قبيل ....
| |
|
|
|
|
|
|
|