ناس الزقازيق ... أجدع ناس ..

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-10-2018, 07:08 PM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
21-05-2009, 10:12 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الرشيد كيفنك
    ياخي سيبك من عبد الدائم دة
    هو السودان كله مليان غناء شوايقة
    وهاك دي كيتا في عبد الدائم:


    المشتهنك
    يا المشتهِنَّك وفي غيابك بالنا بيك ضُمَّة انشغل
    النوم وراك يبقالنا شر .. فارق عيونَّا ، خلاص رحل
    ضايقين متين ترجع تعود .. نسأل ، متين قطرك يصل
    حارسين شويفعنا البجيب لينا البشارة يجيب أمل
    يجري ويناهد من بعيد .. شايِلُّو شنطة ، وبي عَجَل
    يفرح يقول .. خلّيتو جايي وراي يسالم في الأهل
    والساعة ديك عاد البلد تنجارا قاصداك يا السَّمِح
    الناس توسوس لي بعض .. يي داك وصل .. واللهِ صِح
    حتى اللِّي كان محزون وباكي الليلة عاد هشَّ وفِرِح
    في يوم رجوعك يا حِبَيِّب روحنا تب يبرا الجَّرِح
    الساقي بعد العنكبوت الفوق حِطيبا خلاص بنى
    بعد الكآبة ومسحة الحزن العليها مهيمنة
    مرقت تلاقيك زي عروس متعطِّرة ومتزيِّنة
    جدولنا من بعد اليباس الكان موجِّع تقْنَتُو
    بعد السنين العاشا في بُعدك بيكتم أنَّتو
    بعد العذاب الفي غيابك كان يزيد لي محنتو
    بلقاك فِرِح .. جاك زي عريس يادوب جديد بي حِنَّتو
    القمري من بعد الألم والحسرة والنوح والجراح
    بعد الدموع السايلة دايماً وعمرو في كفكيفا راح
    في يوم رجوعك جفنو من بعد السهر دابو استراح
    فوق السبيط زوزا ورقص .. طربان يزغرد للصباح
    رسَّل غنيواتاً حُنان .. في روعة صفَّق بالجناح
    أوتار طنابيرنا الأبت يا حِبِّي في غيبتك ترن
    حلفت محال ما تجيب نغم .. يفرِح قلوبنا ويسعِدِن
    عادت هي متل ايام زمان تشرح نفوسنا وتبهِجِن
                   |Articles |News |مقالات |بيانات

21-05-2009, 10:47 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    يا ود جبريل الناس ديل عزاز علينا(منص وديدو) لكن الفيهم اتعرفت...شفروا لينا
    البوست يا راجل...المهم و لا يهمك خليك من ديدو ده وواصل اندياحك...الزول عجز وما
    قادر ينقز قال ليك بيجروا زي عربات الملاهي...سيبك منو...مع اني بضحك لحدي حسه
    و الجماعة في المكتب قالوا لراجل جن...
                   |Articles |News |مقالات |بيانات

21-05-2009, 11:00 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: الزول عجز وما
    قادر ينقز قال ليك بيجروا زي عربات الملاهي


    ههههههههههههههههه
    دي بالغتة فيها يا الرشيد
    تعرف لو رجعوا كودات الغناء
    بشلخ ليكم البوست دة لاااااااوراء
    ههههههههههههه
                   |Articles |News |مقالات |بيانات

21-05-2009, 11:20 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    انت يا الرشيد قاعد لغاية هسة مالك ؟؟
    مش الليلة الخميس ولا انت ناسى ؟؟
    انا لمن كتبت كلامى الفوق ده كنت معتمد على كده
    قلت الزول ده كان فريب , بيكون فى نص الطريق
    لكن بعد كده , انا وأخوى ديمة ده , الا تشغلو لينا ترجمان
    لأننا حا نخليها
    (ملاعب جنة لو سار فيها سليمان
    سار بترجمان )
    لكن يا طارق جبريل , انا اقر واعترف
    بأن عيون الفن والغناء السودانى
    مشلخ لى وراء من اساسه
    بس المشكلة ما الشلوخ بس
    حتى الرقيص لى وراء
    (انتو ناس رجعيين ولا شنو ؟؟؟)
    يا محمد عيد , هويدا عوض الكريم
    من نماذج البنات البنفخر بيهم اكيد
    كأنت (فاعلة وسلسة )
    صخب ساكن
    او كمان ممكن تقول
    (سكون صاخب )
    اتساءل معك اين هى الآن؟
    ما قلت ليكم البوست ده حا يقوم بينا
    جلا يا حبيب , ان شاء الله انت بخير
    مكانك فاضى و وكل الأماكن مشتاقة ليك
                   |Articles |News |مقالات |بيانات

21-05-2009, 07:00 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    مساء الخير يا منص...انت عارف الناس ديل لازم ياخدو منك ساعات العمل زي ما مكتوبة
    ي العقد بتاعك...تزيد ما مشكلة لكن ما تنقص...فيا حبيب أنا دايما بطلع في نفس
    الوقت...بس عادة ما بيكون عندي وقت أطل على البوست...
    اليوم افتقدت صحبتك في الطريق...المشوار اليوم طول شوية الشارع مليان حوادث في مدخل
    أبوظبي...الله يسلمنا ويسلمكم يا حبيب...
    من التعب الشديد انت سألت عن هويدا أنا رديت لمحمد عيد فعليك الله أقراها هناك ما بقدر أكتبه
    ليك تاني...دي زكرتني بنكتة بتاع الايقاع الأحول...

    و على ذكر بتاع الايقاع...ذكرتني بمحمد المرتضى...مرة في خريف ما وقع بيوت كثيرة في الخرطوم
    وفي حلة ناس محمد الديوم الشرقية كان هناك أكتر من بيت متضرر...فقمت بزيارة محمد
    بعد الأمطار للاطمئنان عليه فوجدته بخير هو و الأسره...ثم خرجناأنا وهو لأركب من شارع
    محمد نجيب فمررنا بمنزل يسكنه أولاد مليجي المشهورين وكانت حيطتهم واقعة و الجماعة
    قاعدين في الحوش فقام محمد المرتضي قال ليهم أولاد مليجي حيطتكم عاملة ايقاع ولا شنو...
    التحايا العطرات لظريف ظرفاء الزراعة محمد عبدالعزيز...
                   |Articles |News |مقالات |بيانات

21-05-2009, 11:12 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    رحم الله والدة الزميلة حنان مجمر
    وألهم أهلها وذويها الصبر والسلوان
    وأدخلها الجنة ، ولجد الزميل خالد المغفرة
    وأن يتغمدهم الله برحمته .

    إنا لله وإنا إليه راجعون


    محمد أدم جلا ياخي سحروك الما بشبهوك
    وأنا أقول الراجل ده راح وين ،، ما من عاداتك
    ألف كفارة وسلامتك وديل كلهم كرامتك .

    الشفاء العاجل لوالد زميلنا المرحوم ياسر الشفيع
                   |Articles |News |مقالات |بيانات

21-05-2009, 03:16 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    التحية و التجلة لكل الناس الرائعة
    الميل 28 أظنو بشبه الميل 40 في فترة ما
    لكن الحمدلله ما وداني التوج
    عشان كدا أحاول أواصل من هنا وأنسى كل جراحي
    حاولت المتاوقة أمبارح
    لقيت الناس
    الله يرحم فلان
    للفقيدة الرحمة
    وربنا يسكن علان الجنة
    و البقية في أولادو
    المهم بيني بين نفسي قلت يازول قوم إتنفض دا إلتهاب حلق ساكت
    و بطريقتك دي الجماعة يقومو يذكروا في محاسنك
    يا طارق جبريل المسألة ما كبر
    وأنا جاييك
    أشكركم
    أحبكم
    أنا منك
                   |Articles |News |مقالات |بيانات

21-05-2009, 03:27 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)



    عبد الدايم هنا صورة توجد بها الاخت الفاضلة هويدا عوض الكريم
    وهى الثانية جلوسا يسار الصورة وترتدى ثوبا احمرا بجوار الزميلة احلام الصايغ ( بيطرة )


    رشيد لو عرفت عشرة من الفى الصورة بارسل ليك هدية ولو ما عرفت حأرسل ليك كيلو كركم !!

    (عدل بواسطة محمد عيد on 21-05-2009, 04:07 PM)

                   |Articles |News |مقالات |بيانات

21-05-2009, 04:46 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)
                   |Articles |News |مقالات |بيانات

21-05-2009, 06:00 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    التعازى موصولة(لسنيرنا )الدكتور ياسر شبيكة
    فى وفاة عمته
    رحمها الله وتقبلها قبولا حسن
    (اهم حاجة فى الموضوع يا عبد الدائم )
    (انو الواحد لقى ليهو زول يقول ليهو سنيرنا )
                   |Articles |News |مقالات |بيانات

21-05-2009, 06:34 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    صادق العزاء للأخ ياسر شبيكة في وفاة عمته...نسأل الله أن يتقبلهاقبولا حسنا
    و ان ينزلها منازل الصديقين والشهداء وللأخ ياسر و الأسرة الصبر و السلوان..
                   |Articles |News |مقالات |بيانات

21-05-2009, 06:17 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    محمد عيد حأبدأ محاولا الوصول للرقم عشرة و بعدين ما تقول لي طلعني أنا و هويدا
    بره و الحركات بتاعتك دي...
    من اليمين..ماجده سعيد،فلاح، مجدي، مالك، محمد عيد،عيسى، الطيب سلمان، أسعد، المرحوم
    ياسر الشفيع، أحمد عبدالله في مقدمة الصورة...

    و بسؤالك عن هويدا...فهويدا تعمل بشندي الآن ولقد التقيناها منذ بضعة سنوات هنا بأبوظبي
    في زياره لأختيها المقيمتان هنا بأبوظبي...و ألتقيناها كثيرا بعد التخرج فأنا
    و نجاة كنا نسكن في السودان مجاورين مع أختها وجمعتنا بأسرتها كلها بشندي و الخرطوم
    والامارات علاقة طيبة...وعندما حضرنا للامارات وجدنا معاملة طيبة واستقبال يشبه هويدا
    من أبناء أختها الكبرى عصام و عمر وهم أصدقائي خاصة عصام وما زالوا.
                   |Articles |News |مقالات |بيانات

21-05-2009, 06:58 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الرشيد حمد الله على السلامة , وصلت ؟؟
    الصورة الطيب سلمان ما فيها
    ابو السارة فى منتصف الصورة وقوفا
    وعندك دكتور مالك فى الصف الأمامى
    اللابس كوت جينز ازرق ده ما عرفتو
    ولا الفى وسط الصورة جلوسا
    البتتاوق زى فضولى بتاع مجلة ماجد دى زينب التيجانى ولا انا غلطان ؟؟
    دى صورة تخرج ناس مجدى ومحمد عيد سنة 1987
    الزمن داك نحن فى السودان
                   |Articles |News |مقالات |بيانات

21-05-2009, 07:04 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    أجدع ناس سلام
    واضح إنه البوست متابع من عدد كبير من الناس والدليل كم القراء الآن تجاوز 42.600 قراءة ودا معناهوا متابعة البوست
    بالمئات إن لم أقل بالألوف ، ويمكن الناس تزيد من عدد القراء والمتابعين من خلال إخبار الآخرين ، واعتقد انها تجربة
    ناجحة فعلاًَ ، واللاعبين الجدد زادوا البوست ألقاً وقراءً ونتمني أن نلحق كل فترة عدد من اللاعبين الجدد ليضخوا دماء
    جديدة في جسد الفريق بلغة ناس الكورة ...
                   |Articles |News |مقالات |بيانات

21-05-2009, 07:13 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    أبو الزوز مساء الخير

    لقينا ليك في معسكر امتحانات في البيت...و مافي لياقة لي مرقة برة البيت
    فالليلة قاعد حارس ليكم البوست ده لي الصباح لحدي يجي محمد صديق الصباح شايل
    العصيدة و ملاح النعيمية الرهيب داك...
    و داخل الليله ان شاء الله مسابقة مع ناس أمريكا كل ما ينزلو البوست ده أرجعه ليكم
    تاني..
                   |Articles |News |مقالات |بيانات

21-05-2009, 07:08 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صادق العزاء للزميل ياسر شبيكة في وفاة عمته لها الرحمة والغفران
    وله وللأسرة صادق العزاء والصبر الجميل
                   |Articles |News |مقالات |بيانات

21-05-2009, 07:12 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    توفي اليوم بالقاهرة إبن عم الأخ إبراهيم يوسف هباني
    ويقام العزاء بالعمارات شارع 35 والدفن صباح الغد
                   |Articles |News |مقالات |بيانات

21-05-2009, 07:25 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    منة أخبار الجمعية
    قررت اللجنة التنفيذية في أجتماعها السابق إقامة سوق خيري يهدف لدعم مالية الجمعية
    وتقديم خدمة للأعضاء في المقام الأول وللمجتمع ثانياً وتقرر قيام السوق الخيري بقصر
    الشباب والأطفال في الفترة من 28 مايو الحالي والأيام التالية ويحتوي السوق علي الآتي :
    1/ الزي المدرسيي .
    2/ شنط وأحذية مدرسية .
    3/ أدوات مكتبة ومدرسية .
    4/ كتب مدرسية .
    5/ صناعات يدوية بالتعاون مع بعض منظمات العمل المدني التي تشرف علي هذه الحرف .
    6/ معرض زهور وتباتات زينة .
    7/ جناح خاص بالمدارس الخاصة

    الأنشطة المصاحبة .
    1/ فرق كوميدية .
    2/ ندوات تعليمية .
    3/ عروض تلفزيونية .
    سيغطي المعرض تكاليفه من الجهات العارضة والمشاركة
                   |Articles |News |مقالات |بيانات

21-05-2009, 07:36 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صادق العزاء للزميل ياسر شبيكة في وفاة عمته لها الرحمة والغفران
    وله وللأسرة صادق العزاء والصبر الجميل
                   |Articles |News |مقالات |بيانات

21-05-2009, 07:44 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    نسخة من الدعوة للجهات المشاركة :
    بسم الله الرحمن الرحيم
    الجمعية السودانية لخريجي جامعة الزقازيق
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    دعوة
    تدعوكم الجمعية السودانية لخريجي جامعة الزقازيق للمشاركة في السوق الخيري المقام بقاعات قصر الشباب والأطفال في الفترة من28/5/2009م والأيام التالية ويحتوي السوق الخيري علي الأنشطة التالية :
    1/ الزي المدرسيي . 2/ شنط وأحذية مدرسية .
    3/ أدوات مكتبة ومدرسية . 4/ كتب مدرسية .
    5/ صناعات يدوية بالتعاون مع بعض منظمات العمل المدني التي تشرف علي هذه الحرف .
    6/ معرض زهور وتباتات زينة .
    7/ جناح خاص بالمدارس الخاصة
    الأنشطة المصاحبة :
    1/ فرق كوميدية . 2/ ندوات تعليمية .
    3/ عروض تلفزيونية .
    وسيعلن علي السوق الخيري كالآتي :
    1/ 3.000 بوستر بالألوان الكاملة حجم كبير يغطي كل العاصمة المثلثة .
    2/ 100 لافتة قماشية لتغطية كل الشوارع الرئيسية بالعاصمة مع التركيز علي مدينة أمدرمان .
    3/ الإعلان علي الإذاعة الرياضية قبل السوق بثلاث أيام وأيام السوق .
    4/ الإعلان علي قناة النيل الأزرق نفس الفترة المذكورة أعلاه .
    6/ الإعلان في الصحف الرياضية والاجتماعية (قون ، حكايات) .
    7/ الإعلان عبر مكبر صوت يجوب أمدرمان نفس الفترة المذكورة في الفقره 4 .
    للإستفسار الرجاء الإتصال بـ : 0919701061 - 0122004040
                   |Articles |News |مقالات |بيانات

21-05-2009, 07:47 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    وصلتنا البارحة مساهمة الأخ الرشيد بابكر وهي 500 درهم إماراتي ما يعادل 327 جنيه سوداني
    وهي مساهمة قيمة وله جزيل الشكر والتقدير ، كما ناس الداخل تتواصل مساهامتهم والآن قد
    وصلت مبلغاً محترماً ,,, فللجميع الشكر والتقدير
                   |Articles |News |مقالات |بيانات

21-05-2009, 07:52 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    تعرف يا الرشيد لا زلت أساهر كما أيام الزقازيق ، وللاسف النت عندي في البيت قاطع
    لو ما كده كان شلت معاك البوست دا والله كان نجهجه ليك الأمريكان ذاتو خلي السودانيين الفي أمريكا
    لكن عندهم حظ ، عشان كده ودعتك الله ماشي البيت ، وبجي عليكم يوم السبت إن شاء الله ...


    بعدين صاحبك الرشيد دا ظاهر عليهو طشش خالص قال زينب التجاني ، عليك الله نحن قاعدين نغالطكم في الناس
    القدركم والدفعتكم ، حسع الزول دا نعمل معاهو شنو .... عليك الله الكلام دا يجوز ....

    (عدل بواسطة زهير الزناتي on 21-05-2009, 08:00 PM)

                   |Articles |News |مقالات |بيانات

21-05-2009, 08:26 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    والله يا الرشيد ومنصور حالتكم بقت صعبة
    واحد يقول ليك الطيب سلمان والتانى يقول زينب التجانى !!! والله بكره يقولوا ليك
    ده سهل النجيب ولا صلاح التجانى ...!!!
    لا الطيب ولا ابو السارة ده عمر تربية ، وبعدين التانى ده مش المرحوم ياسر الشفيع
    والقلت عليها زينب يا منصور دى احلام الصائغ - بيطرة - وانا ذكرتها مع عرض الصورة !!
    جااااكم كركم ... يخم...... يخمكم
    سلام انا ذاتى راجع الشغل عندى royal visit فى المول
    نتلاقى بكرة بعد صلاة الجمعة الجامعة
                   |Articles |News |مقالات |بيانات

21-05-2009, 09:14 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    والله حكاية ويا الرشيد ومحمد ومنصور الظاهر علبكم عاوزين تعلمونا السهر
    اها انا الليلة لي الصباح و وعد مني احرس ليكم البوست ده للصباح ...
    وزعت العيال وقلت اسهر مع الحبايب












    ويا طارق جبريل (مادام غاب جنى الوزين يادوب قل نوم العين)
                   |Articles |News |مقالات |بيانات

21-05-2009, 09:03 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    سلامات يا ناس الحوش

    التعازى لكل من فقد عزيزآ

    منصور ..ما زلت فى انتظار الشاى

    مرحبآ بالعزيز سمؤال وتسلم

    جلا ...سلامتك ...فى زول جنبى قال لى جلا ده قاعد يمرض كيف

    انا الوحيد طبعآ العارف عندك شنو والنضيف قرب يقولا

    محمد عيد قاعد تجيب حاجات من بيت الكلاوى وطوالى ذكرتنى زولة رائعة

    من زراعة برضو كانت ممن يحطن باشعار عبد الصبور ..الزولة صاحبة

    الكتابات الانيقة قند اليمن عثمان موسى...علمت انها استقرت بالسودان

    لها التحية والعارف ليها سكة يورى الناس....حأقوم اهديك وناس الحوش

    -اجمال القصة-

    كانت تدعونى بالرجل الرملى..

    واناديها بالسيدة الخضراء

    وتلاقينا فى زمنى الشفقى

    وتنادينافى مرح طفلى

    وتعارفنا فى استحياء

    وتحسس كل منا مبهورآ الوان الآخر

    وتقاسمنا الاسماء..

    وتفرقنا ...........

    لا تسالنى ماذا يحدث للاشياء اذ تتصدع

    او للاصداء..اذ تهوى فى الصمت المفرغ

    لكنى اذكر انا ذات مساء

    كنا قد خادعنا منجل حصاد الموت

    غافلنا صيحة ديك الوقت

    وطبعنا فوق جدار الليل

    تخطيطآ يشبه ظلينا..لونين مزيجين

    مسكوبين على طرف وساد متجعد

    منهارين على مسند مقعد

    ها انت ترانى..

    اتملى هذى اللوحة فى ايامى الجرداء

    وانادمها حين يغيب الندماء

    افرغ للوحة كأسآ...ارجوك

    هذا اجمال القصة.

    رحم الله صديقى ياسر على الشفيع الذى دلنا على القصيدة ذات مساء

    لكم جميعآ الود

    نقزة كده خفيفة وان شاء الله بكرة تكون عرضة
                   |Articles |News |مقالات |بيانات

21-05-2009, 09:34 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    Quote: لقينا ليك في معسكر امتحانات في البيت...و مافي لياقة لي مرقة برة البيت
    فالليلة قاعد حارس ليكم البوست ده لي الصباح لحدي يجي محمد صديق الصباح شايل
    العصيدة و ملاح النعيمية الرهيب داك...
    و داخل الليله ان شاء الله مسابقة مع ناس أمريكا كل ما ينزلو البوست ده أرجعه ليكم
    تاني..


    الرشيد معليش ماشفت مداخلتك دي ......
    قايل روحي براي مساهر بس لقيت ليك الناس كلها الليلة مساهرة
    وذولك الراجنو بالعصيدة والنعيمية اتاري هو زاتو راجي منصور يجيب الشاي
    اها خليها علينا
    بالمناسبة الزول القلت عليه (المرحوم ياسر الشفيع) اتخيل لي عبدالصادق هاشم (تربية) "وش خايف من عبدالدائم"
                   |Articles |News |مقالات |بيانات

21-05-2009, 09:35 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    محمد صديق...تصبخ على خير...أمشي نوم بدري بكرة الفطور عليك منتظرنك تستلم الوردية...

    انت يا جلال خطتك دي 4-2-4 ولا 5-3-3 ....يا زول بقيت تجي يآآآآك كده و تزوغ...الكلام
    ده ما بينفع... أمرق لا بره...

    محمد عيد...انت بقيت تصغر الصور...وبعدين تجي تغالطنا..ده ما فلان و ده ما علان...أمشي
    المول ان شاء الله المدام ما تخلي ليك هلله في جيبك...

    (عدل بواسطة الرشيد بابكر on 21-05-2009, 09:40 PM)

                   |Articles |News |مقالات |بيانات

21-05-2009, 09:42 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: انت يا حلال خطتك دي 4-2-4 ولا 5-3-3 ....يا زول بقيت تجي يآآآآك كده و تزوغ...الكلام
    ده ما بينفع... أمرق لا بره...


    والله يالرشيد ...
    ده تكتيك جديد بعد ماغيرنا المدرب .... اها لو الخطة دي نجحت
    بنجضكم نجاض كل خميس (وش متاوق)
                   |Articles |News |مقالات |بيانات

21-05-2009, 09:58 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    سلامات

    جلال حمدا لله على السلامة انت ياخوى مسعول من الخير سامى وين

    مستنى شاى منصور اسبوع وما قنعان

    ومستنى عروة اسبوع وبرضو ما قنعان

    الرشيد العصيدة اعتبرا قدامك

    طارق جبريل عووووووووووووووووووووك
                   |Articles |News |مقالات |بيانات

21-05-2009, 10:02 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    انت عارف يا جلال سيرة الخطط و الكورة دي كان منصور صاحي كان لقاها ليك مقنطرة
    و ما خلى ليك أمبيلي و فابريجاس...لكن منصور يا حليلو منصور زمان...منصور بقى
    يهرشو ويقولو ليهو أوع تساهر بعد الساعة 12 ...انت عارف أنا المحيرني شنو...انو
    الزول ده زمان ما كان بيعرف الباك من الجناح...حسه بقى ليك ارسين فينجر عديل كده...
    لكن بقول ليهو برضو أحسن من الضمنه...
    انت عارف القطيعة في الناس لما بيكونو نايمين لذيذة خلاص...
    لكن شكلي كده حأقفل ليك السهرة بتاعت نجوم الغد دي و أمشي أنوم...بياخة 6 ريختر.
                   |Articles |News |مقالات |بيانات

21-05-2009, 10:24 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    لا لا يالرشيد منصور لسه محافظ ماشاء الله انت عارف البهرشو ده منو؟
    قايتو حمدو في بطنو على رأي الوالده الله يمسيها بالخير

    والله يالرشيد انا دخلني الشك من جماعتك الاتنين ديل بقو يستعملوا (الاكواد)

    تصبح على خير ياحبيب .... والنيل الازرق سهرة (بيض فعلا) بس تحية للزملاء المعلمين
                   |Articles |News |مقالات |بيانات

21-05-2009, 10:30 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    صادق العزاء للزميل ياسر شبيكة في وفاة عمته لها الرحمة والغفران
    وله وللأسرة صادق العزاء والصبر الجميل
                   |Articles |News |مقالات |بيانات

21-05-2009, 10:43 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    Quote: تحس بي بقول ليكم صحوني الساعة عشرة صباحا
    ينوبكم ثواب
    (مصطفى محمد الحسن علوم)


    يا جبريلا خلي ام احمد تعمل لينا حلة كاربة وتغسل الهدوم
    وبعدبن خلي لي امين (امينوف) القروش عشان يحاسبها
    تحس بي حاسدك عشان ما عندك سكاشن صباحية الليلة
    (حاتم جبارة بيطر)



    يا جورج (محمد صديق) تحس بيهو البن كمل يعني
    حرك نفسك وجيب لينا بن وكم حجر للشيشة
    (مصطفى محمد الحسن علوم)



    يا سناير يعني صحوني معاكم تحس بي كسلان كدة وعندي سكشن لحمة الليلة
    (ناصر كشري بيطرة)



    دي ورقة معلقة كانت في بابا الحمام في شقتنا انا وحاتم جبارة في لكوظ
    طبعا الذ حاجة انه امين محمد الحسن ومحمد صديق
    وناصر كشري ومصطفى محمدالحسن كانوا ساكنين في شقق مختلفة
    لكن كانوا قاعدين معانا
    مرة كنا في الاتحاد انا وحاتم جبارة وجورج
    قاعدين في المسطبة الماهلة ديك
    قام جاء مصطفى محمد الحسن قال لينا يلا شقتنا
    قام اعتقد محمد الفاتح قال ليه ياخي انت ما راجع البيت ولا شنو
    قال ليه موش اديتكم حقي الايجار والميز خلاص اقطعوا وشكم من طريقي
    هههههههههههههههه
    وقام عاين لي بي طريقته اللذيذة ديك وقال لي:
    جبريلا يلا شقتنا عشان نجهبز العشاء

    مصطفى محمد الحسن شخصية لا مثيل لها مطلقا
    ل يمكن الا ان ينتزع منك البسمة حتى لو كنت في قمة الحزن
    حقيقي اتمنى ان اجد الوقت لكي اكتب عن قفشاته


    يا محمد صديق جاييك بي رواقة
    وحا اطلع ليك كل دفاترك حقت الشمع ديك
    هههههههههههههههههههههه
                   |Articles |News |مقالات |بيانات

21-05-2009, 10:51 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    Quote: جلال حمدا لله على السلامة انت ياخوى مسعول من الخير سامى وين

    والله ياابوحميد سامي ده بقى مدير كبير .... مشغولياتو زادت يوم في الصين ويوم فى الفلبين الله يكون في العون
    تسلم ياكمندان وتحياتي للاسرة
                   |Articles |News |مقالات |بيانات

22-05-2009, 00:38 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    انا قلت اخليكم تبرطعوا براكم و بعدين اجيب قون الثوانى الأخيرة
    عارفينو طبعا
    آآآى الما بتدرن داك
    زى قون انيستا السرق بيهو الكورة من تشيلسى
    وزى قون احمد فتحى امبارح فى طلائع الجيش
    يا محمد صديق , وليع الكوانين آخر الليل قاسى شديد
    لكن انت سكرك كيف
    يا اخى ما اديك معاى (بيرة من غير كحول ) واللللللله من غير كحول
    مليانة تلج , بآآآآآآآآآآردة
    مش اخير ليك من الشاى
    جاوبنى بلا زعل (على وزن خاصمنى بلا زعل بتاعت ناس طارق جبريل )
    والله يا جماعة عندنا واحد زميلنا حصل ليهو الآتى
    اتزوج اول مرة , جاب مرتو قعدت معاهو زى سنة كده
    جاهم رمضان قالوا ماشين عمرة
    وهم راجعين من العمرة
    حصل ليهم حادث
    مرتو ماتت , وهو يا دوب شوية رضوض
    قعد خمسة سنين براهو
    السنة السادسة اهله عرسوا ليهو تانى
    قعد مع الزوجة الجديدة سنتين , تانى قال ماشى عمرة
    وهو راجع من العمرة , تانى عمل حادث , مرتو اتوفت و وهو يا دوب شوية رضوض كده
    عندنا زميلنا تانى (صاحب عاطف القوز فى القصيم ) ضرب ليهو عشان يعزيه
    البركة فيكم يا فخر الدين
    الله يبارك فيك يا حسين البشير
    خصمتك بى الله كان تورينى الحتة البتجيب منها النساوين البموتوا ديل
    انتهت الحكاية
    واغلق البوست لأن الجماعة ناموا
    زهير الزناتى جمال فارح وين ؟؟؟
                   |Articles |News |مقالات |بيانات

22-05-2009, 00:44 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    Quote: على وزن خاصمنى بلا زعل بتاعت ناس طارق جبريل



    (فاوضني) يا منصور موش خاصمني
    ههههههههههههههههه
                   |Articles |News |مقالات |بيانات

22-05-2009, 00:49 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    انت المصحيك شنو لغاية هسه
    ولا انتو ناس المغرب العربى ليلكم لم ينتصف بعد
    فاوضنى فاوضنى و هو نحن حا نعرف اكثر من الحكومة يعنى
    لكن عليك الله فاوضنى دى
    اكيد يكون شاعرها (خليل ابراهيم )
    وتلحين (نافع )
    ولا انا غلطان برضو ؟؟
                   |Articles |News |مقالات |بيانات

22-05-2009, 00:54 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    Quote: انت المصحيك شنو لغاية هسه


    والله يا منصور غلبني النوم وبكرة شغال صدق
    لكن قل اجي اقد الناس هنا
    هههههههههههههه
                   |Articles |News |مقالات |بيانات

22-05-2009, 08:37 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    السلام عليكم أيها الناس
    بالله نسبة لمرض كثير من أخوانا (زي أنا)
    نرجو كريم تفضلكم بمداخلات ما تقطع النفس
    إنتو جارين كدا محصلين شنو
    الحمدلله الناس المساهرة بتكون نايمة لغاية المغرب
    لكن المغرب زاتو متين لناس المغرب
    الله أعلم
    أنا من الآن حضور بإذن واحد أحد
    محبتي
                   |Articles |News |مقالات |بيانات

22-05-2009, 08:50 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    سلامات يا ناس

    وصباحكم خير

    منصور الباااااااردة دى مع الاملاح الكتيرة دى ما فى احسن منها

    طارق يا خوى حليل زمن الشمع


    يا الرشيد والله العصيدة جاهزة ....ومنتظرنى اخلص البكتب فيهو ده

    ويختوها...صدق شرموط ابيض ...ده بيعرفو ناس الجزيرة وكسلا عدا جلا

    الخبير بالعدس!!!!!!


    اذا ما حصلت العصيدة حأديك عصيدة معنوية...دة تعبير لاخونا شاويش

    وهى حكاية زقازيقية فى الطريق

    وحين هاجنى الجوى...

    وددت لو امد قامتى بطول شوقى الجبل

    لعلنى ارى ابتسام خطوك الانيق...

    يدلق العطور قرب ساحتى

    يقارب الطريق بين خطوتى وخطوتى

    يريحنى من التوتر المقيم

    من عناكب الوجل.

    سلام
                   |Articles |News |مقالات |بيانات

22-05-2009, 03:41 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    الإخوة سكان الحوش
    سلام وعافية
    إنشاءالله الجاتني تختاكم
    وهاكم
    دخل عمران بن حطان يوماً على امرأته , و كان عمران قبيح الشكل
    ذميماً قصيراً و كانت امرأته حسناء فلما نظر إليها
    ازدادت في عينه جمالاً و حسناً
    فلم يتمالك أن يديم النظر إليها
    فقالت : ما شأنك ؟
    قال : الحمد لله لقد أصبحت والله جميلة
    فقالت : أبشر فإني و إياك في الجنة !!!
    قال : و من أين علمت ذلك ؟؟
    قالت : لأنك أُعطيت مثلي فشكرت ,
    و أنا أُبتليت بمثلك فصبرت ..
    و الصابر و الشاكر في الجنة.

    طبعاً لغاية هنا ونحن كويسين و أنا متأكد أي واحد فيكم حيقول أنا ما زي عمران دا
    لكن
    أولاً: أنا.. إذا قلت أنا ما معاهم في ناس تموت من الضحك
    محمد صديق ...طبعاً قبل كدا وريتك
    زهير الزناتي أبو شنب ...ما عايزة مغالطة
    تاج الدين ..دا خلوهو لمن نقول الحرامي في راسو ريشة طوالي يلمس راسو
    موسى عيسى .. حبيبي ... أبو كرش
    معليش منصور إنت معانا .. قبل كدا شفتك نهاراً جهاراً
    محمد عيد برضو.. لأنو حيكون هاري بت الشيخ بي كلامو الكتيردا
    نسيت أيواااا
    أسامة أبتر ... أول إنت كل يوم في حتة و شبكتك ديمة طاشة
    جلال إنت جو الجك.. كيف ..؟ ماعارف
    يا ربي يكون عبد الدايم النضيف معانا؟

    كل من أصابه شك في وجاهتو ... الباب مفتوح
    إلا الما داير يخش الجنة معانا نحن الشاكرين مع أمهات عيالنا الصابرات
    اللهم أدخلنا جناتك بي بركة الجمعة الجامعة و الكلمة السامعة
    اللهم أحفظنا في نفوسنا
    اللهم أجعلنا من خواص خواص خواص أمة نبنا محمد (ص)
    اللهم شفعنا في نينا محمد (ص)
    اللهم أدخلنا الجنة برحمتك
    اللهم أجعلنا في ظلك يوم لا ظل إلا ظلك
    آمين
    آمين
    آميييييين
                   |Articles |News |مقالات |بيانات

22-05-2009, 08:10 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    سلامات يا ناس


    الحكاية شنو؟

    الحوش ده فاضى مالو؟

    ابتر طمنا عليك {غيابك طال كفاية تعال

    شغلت البال بالف سؤال }

    وين دهب..عروة ...عبدالدائم..البادى..صالح..الريس

    الزيناتى رسلو لى اللبن يادوب بيكون ماشى على البيت

    عيد والرشيد ومنصور ما عوايدكم ..الجمعة دى عملت فيكم

    شنو...؟

    جلا لسة ما خشيت الفورمة

    جلال غيب وتعال دى ما بتلعبك شوط واحد
                   |Articles |News |مقالات |بيانات

23-05-2009, 07:34 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    العزاء موصول للدكتور ياسر شبيكة في وفاة عمه
    وكذا الدكتور إبراهيم هباني في وفاة إبن عمه
    للفقيدان الرحمه وأن يتعمدهما الله بواسع رحمته
    ويلهم أهلهم وذويهم الصبر والسلوان
    إنا لله وإنا إليه راجعون
                   |Articles |News |مقالات |بيانات

23-05-2009, 07:52 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    Quote: قررت اللجنة التنفيذية في أجتماعها السابق إقامة سوق خيري
    يهدف لدعم مالية الجمعية وتقديم خدمة للأعضاء في المقام الأول وللمجتمع
    ثانياً وتقرر قيام السوق الخيري بقصر الشباب والأطفال في الفترة من 28 مايو
    الحالي والأيام التالية ويحتوي السوق علي الآتي


    اللجنة التنفيذية الجديده بقيادة المايستروا معتصم سلمان جعفر داخله
    الموسم الجديد بقوة كبيرة ،،، ونحن من هنا نؤازرهم ونتمنى لهم النجاح
    وندعوا جميع أعضاء الرابطه التعاون والإيجابية والتواجد الفعلي واليومي
    والمساهمة الحقيقة لإنجاح هذا العمل المميز .

    نحي جميع أعضاء اللجنة التنفيذية وإلى الأمام وربنا يوفقكم ،،، وبخصوص
    الدعم المالي والمتفق عليه لرتق الفجوه التي حدثت سابقاً نأمل أن يحذوا
    جميع الأعضاء بالخارج حذوا أخونا الرشيد ولكنى لا أعني ناس السعودية حيث
    لهم تجربه سابقاً يجب أن يستفاد منها ،، أما الزملاء إلى موجودين في بلاد
    الله الواسعة ننتظر منهم التحرك الفوري بدون إنتظار .

    يا جماعة أنحنا غبنا يومين بمكة المكرمة جينا لقينا ليكم البوست ده
    إلا تاخد معاك دفتر وقلم لتسجيل النقاط ،، عيني عليكم بارده يا حراس بوابة
    البوست وخاصة خلال عطلة نهاية الإسبوع .

    الحبيب محمد صديق الليله براك تشلخ البوست ده زي ما عايز ،، اصلوا صباح يوم
    السبت الشغل بكون مردوم شديد ومساحة الهروب من العمل ضيقة ،،
                   |Articles |News |مقالات |بيانات

23-05-2009, 10:58 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    Quote: عيد والرشيد ومنصور ما عوايدكم ..الجمعة دى عملت فيكم

    شنو...؟

    محمد صديق...والله بعد السهرة المع جلال...قمت شفت العصيدة بتاعتكم و ملاح الشرموط الأبيض
    قلت لي نجاة حوفي شوفي محمد صديق ده بحندك فينا كيف...انتي ظبطي الملاح و أنا الليله
    الكسره دي كان أركب ليها طياره أجيبه من محطة سبعه مابخليها...وكان ذلك جبيت الكسره
    وبقيت أشوف البوست طشاش...من سرير لي سرير لحدي ما قمت الصباح لميت عفشي وجيت الشغل

    أنت عارف أنا بعمل ريجيم سته أيام في الأسبوع...و أول ما أرجع أبوظبي برفع الريجيم وببيع
    ليك القضية...الحاجه الدسمة الوحيدة المواظب عليها خلال الاسبوع هي البوست ده...فجاييكم والله
    بي شوق شديد ونحاول الاسبوع ده ننوع شويه في المواضيع مع بعض الزكريات الجميلة ان شاء
    الله....
                   |Articles |News |مقالات |بيانات

23-05-2009, 11:41 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    و دي ليك يا ود جبريل و للناس كلهاحتى جماعة التشفير و الهجرة...قومو خلاص الاسبوع
    و الله تفرط فيهو تلاقي الجمعة جات...
    منصور أنكت لينا عاطف القوز...خليهو يتاوق من شباك من شبابيكم...
    محمد عيد انت جمال مصطفى ده فنشوهو ولا شنو الزول قاعد بيسوي شنو في السودان...


    بقيف في الداره
    وسط الداره
    وأتنبر وأقول للدنيا ديل أهلي
    عرب ممزوجة بي دم الزنوج الحارة..
    ديل أهلي
    ديل قبيلتي ، لما أدور أفصل للبدور فصلي..
    أسياد قلبي والإحساس
    وسافر في بحار شوقم زمان عقلي
    أقول بعضى..
    ألاقيهم تسربوا فى مسارب الروح بقو كلي
    محل قبلت ألقاهم معايا، معايا زي ضلى
    لو ما جيت من زي ديل..
    كان ،أسفاي..
    وآمأساتي..
    وآذلي..
    تصور كيف يكون الحال
    لو ما كنت سوداني وأهل الحارة ما أهلي
    تصور كيف؟

    (عدل بواسطة الرشيد بابكر on 23-05-2009, 11:43 AM)

                   |Articles |News |مقالات |بيانات

23-05-2009, 12:35 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)


    ومضات ســريعة وسط زنقة يوم السبت - على رأى الريس ميسرة -

    &# محمد صديق .. انت ذاتك ما زول رائع لإنك فعلا اخرجت لينا مبدعة أخرى من عشاق عبد الصبور وهى اختنا وزميلتنا العزيزة .. قند اليمن عثمان وانا كمان بأضيف ليها مع هويدا ثالثة اعرف جيدا عشقها وولعها بهذا الشاعر المجيد ومشاركاتها الكثيرة فى حوارات عديدة عن شعره دارت رحاها فى تلك الأيام الجميلة وأقصد هنــا زميلتنا الرقيقة .. رشـــا على عمــر ( بيطرة ) والتى كانت من فرط التحامها بتلك المجموعة النيرة من بنات زراعة مصنفة من جيراننا الاعزاء اهل بيطرة بأنها بيطرية منتسبة باسرة زراعة . كما ان كثيرين من ناس زراعة كانوا يظنونها زراعية صرفة !!! . ايضا نتساءل بكل خير عنها ؟؟ .
    &# جلا .. اولا حمدالله على السلامة .. وأتســـاءل فى ريبـــة .. يا ترى ما هو هذا المرض الذى ابعدك طوال الاسبوع الماضى عنا وعاد بك على صهوة جوادك مصوبا رماحك نحو وجاهة شباب الحوش بنو مــرّة الذين يبذل كل منهم ما فى وسعه لمحو آثار السنين !! والتعلق بأستار ماضى الزقازيق الجميل ..؟ يا ربى هل هى هضربة ملا ريا الألفية الثالثة ؟؟ عموما هى مداخلة ظريفة وطيبة خصوصا ختامها بذلك الدعاء الجميل .

    &# طارق جبريل .. الله يعطيك العااافية ( السودانية وليست المغربية ) . لكن انتبه جيدا من استدراج منصور لأنو بيخليك ماشى وراه لغاية ما تلقى روحك براك ماشى ترقص لى وراء او كما قال !!
    &# رشيد الحبيب .. جمال مصطفى ده كان مشكلتوا انو كيف يصل السودان بعد ده مشكلتوا حتكون البيرجعوا شنو تانى ، غايتو الا نشغل الطابور الخامس ناس معاوية وعبده مضوى واحمد صالح .

    رؤى الســــاعة 25
    اخترت لكم ابياتا من رائعة الراحل .. مصطفى ســـند .. البحـــر القديــم
    الاختيار من وحى اللحظة يا جلا ولا علاقة له بقصتنا تلك ..
    بيني وبينك تستطيل حوائط ..
    ليل ... وينهض ألف باب
    بيني وبينك تستبين كهولتي
    وتذوب أقنعة الشباب
    ماذا يقول الناس إذ يتمايل النخل العجوز سفاهة
    ويعود للأرض الخراب....
    شبق الجروف البكر للأمطار
    حين تصلّ في القيعان رقرقة السراب
    عبرت ملامحك النضيرة خاطري
    فهتفت ليتك لا تزال
    للريح خمرك للمساء وللظلال
    والبرق لي .. والرعد والسحب الخطاطيف الطوال
    تروى هجير النار تحت أضالعي الحرّى
    وتلحف في السؤال
    كيف ارتحالك في العشيِّ
    بلا حقائب أو لحاف ؟
    ترتاد أقبية المكاتب والرفوف السود
    والصحف العجاف
    &&&
    بيني وبينك قصّة الشعراء صدر غمامة
    يلهو على الأفق الشفيف
    هذا أنا
    بحر بغير سواحل بحر هلامي عنيف
    لا بدء لي لا قاع لي لا عمر لي
    لكنني في الجوف ينبض قلبي
    النـزق اللهيف
                   |Articles |News |مقالات |بيانات

23-05-2009, 01:54 PM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    يا ناس يا حلوين سلامات

    التعازى لكل من فقد عزيز لديه

    التعازى موصولة للاخت حنان مجمر . ياسر شبيكة . خالد احمد محمد صالح

    ابراهيم هبانى .


    يا منصور والنضيف يا انداندى هال مندى

    يا جلا الف لا بأس عليك وانا قايل دى انفولونزا الخنازير الخلت تشكك الناس فى نفسا دى

    يا مستر جورج اليومين الفاتو كنت فى ابو جنوك والان جيت قاعد الملم فى عفشى جايكم
                   |Articles |News |مقالات |بيانات

23-05-2009, 02:07 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: اسامة أبتر)

    ناس الحوش
    الله يطراكم بالخير
    أولاً أصبحتم تتسابقون في الكتابة ودا زاتو هد حيلنا من القراية
    ثانياً في ناس السهر عندهم حاجة عادية يعني زي ما كانو في الزقازيق
    الواحد يكتب من المفرب
    الثاني يرد ليهو من الأمارات
    وبعد شوية يدخل واحد من السعودية
    عشان كدا الهضربة ناتجة من المحاولة للحاق بكم يعني ليست هضربة ملاريا الألفية الثالثة
    ثانياً قلت أجرب PASSWORD وذلك لطول المدة
    على الإطلاق لا أنكر أنني فقدت وزناً بحجم مدخلاتكم
    ومسافة بطول تواصلكم
    كما أن الفارق بيني و بين مداخلاتكم أصبح كبيراً
    حاولت اللحاق ولكن ضربات قلبي زادت فتوقفت ألتقط بعض أنفاس تعينني في مواصلة المشوار
    محمد صديق قالها
    لسع ما خشيت الفورمة
    فأنا عائد من الإصابة في الميل 28
    ولذلك الدخول في الفورمة تدريجياً
    أما اللعب في الميل 29 يحتاج لتكتيك خاص من نوعه
    أعتذاااااار واجب
    وأصبروا أيها الجمهور على اللاعب
    وأدوهو فرصة
    يمكن يكون
    زي قودين

    (عدل بواسطة محمد آدم النور on 23-05-2009, 02:11 PM)

                   |Articles |News |مقالات |بيانات

23-05-2009, 02:35 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    Quote: طارق جبريل .. الله يعطيك العااافية ( السودانية وليست المغربية ) . لكن انتبه جيدا من استدراج منصور لأنو بيخليك ماشى وراه لغاية ما تلقى روحك براك ماشى ترقص لى وراء او كما قال !!


    سنيرنا محمد عيد
    كيفنك
    اي نعم منصور سنير مقرم جدا
    بس ما تخاف نحن جينا برالمة بي سنونا
    هههههههههههههههههه




    حبيبنا الرشيد لكن الكسرة ما عندك
    هههههههههههههههه

    وهاك دي:
    السر عثمان الطيب

    الحنين وداني جيت بالساقي سادر


    الحنين وداني جيت بالساقي سادر***قلت انشد ناسا عن زولي المسافر

    الحفير شوف عيني يبكي معاي يكابر***دمعو جدول جاري لبيتكم مجاور

    قال لي وين ما بنت طوّل ماك ظاهر***دار اجيكم قلت لو كان لاقي خاطر

    كانت الايام حنان بلحيل نواضر***الله يلعن حظي شوم يااخواني عاسر

    لمحل اللقيا سقت خطاي ازاور***استعيد الماضي اتعللبو صابر

    احضن الاغصان واهيم في وهم سادر***وحدي تحت المنقة للأحزان مصاقر

    مالو من خلاني ما يكتب يخابر***بس لعلّو المانعو خيروكتر بشاير

    ناس فلان قالوا لي طاريك ديمة ذاكر***بغرامك قلبو ديمه ملان وعامر

    لابس الاخلاص حرير وهلال واساور***قلدو فوق عنقو اكليل من ازاهر

    آه..تقاليد ريفنا يا الابو ماب تشاور***نحن سر مأساتنا بتنا قولا قاصر

    برضي بمحبوبتي مهما كان بفاخر***زولتي خلقت مني زول فنان وشاعر

    من جراحي ونوحي والاذي والدرادر***من جحيمي الفيهو مرمي كأني كافر

    من ضيا القمرة البشق الليل يدافر***من حسيس طنبور يرن في روعة يناقر

    من فؤادي وروحي من آخر وآخر***بهدي اجمل شعري لؤلؤ در جواهر


    انا قلتلكم ان بقيتوا خليتوني بشلخلكم البوست دا لاااااورااا
    هههههههههههههههه
                   |Articles |News |مقالات |بيانات

23-05-2009, 02:52 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    أها يا محمد عيد
    أولاً البوست إتشلخ لي ورا
    ثانياً السهر بدا
    ثالثاً الرشيد هس يكون قاعد يرقص لا ورا

    والله حكم
                   |Articles |News |مقالات |بيانات

23-05-2009, 04:30 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    يا جلا حمدالله على السلامة ياخي...شايفك بي لياقتك دي و ما مقصر...تمنياتنا ليك
    بدوام العافية...

    في مكالمة تلفونية مع عاطف القوز من شوية قلت ليهو الظاهر عليك ماشي البيت يا قوز
    فلقيتو ليك ماشي الميكانيكي يصلح عربيتو الاشتراها قريبا...سألتو اشتريت تراكتر ولا
    شنو...قال غايتو الكاف و الراء فيها بس ما كوريلا...قلت ليهو عرفتها...هكر...طلعت
    كامري في الآخر...قلت أمشي أفتح سودانيزأونلاين حتلاقي الكلام ده نازل...
    منصور رأيك شنو في الكامري بتاعت القوز دي...

    تقبلوا تحيات عاطف القوز...

    طارق جبريل...و الله الحرقان لحدي حسه مولع...كلو من محمد صديق ده...
    طارق القصيدة في السلك...شلخ و خلي العزال يفتشو في المكتبة يمكن يلقو حاجه تتفهم..
                   |Articles |News |مقالات |بيانات

23-05-2009, 10:34 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    اتساءل يا جماعة بجدية
    هل الجمعة فعلا اربعة وعشرون ساعة -----فقط
    اشك فى الموضوع ده كثير
    الجمعة الف سنة ضوئية على الأقل
    انها المسافة بين احساس الخميس الجميل
    وبين سبت تتمنى لو انك تستطيع ازالته من روزنامات الدنيا (وكا لندراتها )
    انها المسافة بين طارق جبريل الراقص (لا ورا) اقصى المغرب العربى
    وبين اسامة ابتر المتنعم بضفاف القاش والسواقى الجنوبية (نواحى الشرق )
    (وحيث تشرق هناك (شمس وجد ) من لا تشرق شمسهم
    انها بطول مسافة الحصول على (كم طرقة كسرة ) عند الرشيد بابكر
    او قراصة خمسة بوصة على مائدة ابو عناب
    ودى مناسبة فاخرة حتى احكى ليكم ما فعلته بنا
    عزيزتنا واختنا زوجة عزيزنا واخينا
    ببساطة لقد اعادوا اكتشاف نادى تعارف جديد
    تماما كما كنا نفعل فى اسرة زراعة

    (عدل بواسطة منصور عبد الرازق on 23-05-2009, 10:47 PM)

                   |Articles |News |مقالات |بيانات

23-05-2009, 10:45 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    مهدت لينا برلومتنا الرائعة
    عفاف على
    زوجة زميلنا التكتيكى الرائع
    محمد عثمان حاج الركز
    قبل مدة كده -زادت عن الأسابيع الأربعة
    مهدت لنا لقاءا زقازيقيا اسريا
    فى منزلهما العامر
    ناحية الملز
    شرق ملعب الأمير فيصل بن فهد
    حضرته انا
    وحضره جلال
    وحضره دكتور قيس جمال الدين
    والبرلوم عبد المحسن كان كزلك من الحاضرين
    اسرنا واطفالنا لم يكونوا من الغائبين
    جلسنا واستعدنا الزكريات
    جبنا سيرة كل الناس
    قطعنا واغتبنا ونمينا
    حكينا الحصل والماحصل
    كل ده عادى
    ولكن !!!

    (عدل بواسطة منصور عبد الرازق on 23-05-2009, 10:48 PM)
    (عدل بواسطة منصور عبد الرازق on 23-05-2009, 10:50 PM)

                   |Articles |News |مقالات |بيانات

23-05-2009, 11:01 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    ونستنا وقطيعتنا كانت خمسة نجوم
    ضحكنا حتى خفنا على دكتور قيس كيف سيصل للخرج
    بعد كل الزكريات الأستعادها دى
    انا حمدت الله على انو مسافتى قريبة
    بعد ما رجعت (عشرين سنة لى ورا )
    العشرين سنة دى ناس طارق جبريل بيرجعوها فى رقصة واحدة
    وبعد كل ده
    جاتنا برلومتنا عفاف وقالت يلا قوموا العشاء
    طبعا نحن كنا اتملينا جمال وشفافية
    وبقينا خفاف وزن الريشة
    جلال بقى زى صالح تبلدينا جوة الجلابية
    عبد المحسن شعر راسه قام تانى
    قيس جمال الدين و انا شخصيا حسيت بيهو طول
    اما انا , فبقيت ابيض عديل
    رفعت نور الدين جنبى
    (بقى اوبرا بس )
    بينما تحول حاج الركز الى (دكتور فيل )
    عاطف القوز تخلف عن الحضور ففاق وبز (الكسعى فى ندامته )

    وبينما نحن فى الحالة دى
    تجى البرلومة النجيضة دى
    وقالت لينا قوموا اتعشوا
    ما بالغتى عديييييل يا برلومة
                   |Articles |News |مقالات |بيانات

23-05-2009, 11:13 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    ما حا احكى كثير عن عشاء البرلومة
    لكن يا عصام دهب
    بعض البرالمة (سناير )
    زى ما بعض السناير (برالمة ) زى حالتنا دى فى المنبر وحوش الأجدع ناس
    البرلومة النجيضة بعد الحكى داك كله
    وبعد الونسة المدهشة ديك
    عملت لينا عشاء ادهشنا
    قيس جمال الدين رجع لى علبه تانى قصير كما كان
    وانا استعدت (لونى الجميل ) الأنا بحبه
    وصلعة عبد المحسن رجعت تلمع تانى
    واستعاد حاج الركز قدراته التكتيكية المفقودة
    اما العزيزة عفاف على
    فقد نقلت البوست ده
    وكل تعب شباب الزقازيق فى الخرطوم
    وتجمعات زقازيقى الرياض
    وفكرة زقازيقاب او لاين زاتها
    ادتها ليكم بعد جديد وافق ممتد
    بضربة معلم واحساس فنان
    ضموا عفاف على وحاج الركز الى هزا الألق الممتد
    وبسالك من هسة تانى
    العشاء الجاى متين ؟؟؟

    (عدل بواسطة منصور عبد الرازق on 23-05-2009, 11:18 PM)

                   |Articles |News |مقالات |بيانات

24-05-2009, 06:44 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    Quote: ضموا عفاف على وحاج الركز الى هزا الألق الممتد

    فهم بلا شك إضافة له وسوف يزيدانه القا على الق

    منصور ازيك
                   |Articles |News |مقالات |بيانات

24-05-2009, 06:57 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    صباح الخير يا جوه الخير
    طارق جبريل الله يديك العافية أني ما شايقي
    بس بحب غناكم علشان غناء حنين شديد ويا طارق
    أنحنا معظم نسابتنا من عندكم وأحكي ليك طرفه
    عندي شقيقتي من مواليد السعودية ولم تشاهد السودان حتى
    تزوجت واحد شايقي يحب الغناء بتاعكم والطنبور ودخل في إشكال مع زوجته
    كلماأدخل شريط من عندكم تجي تحتج عليهو ياخي شغل لينا أغنية سودانية
    وصاحبنا يزعل وإستنجد بي وبدأنا نصحح المعلومات دول أكثر ناس غنوا في
    السودان وغناهم ونضميهم جميل بس دحين صارت شايقية بالحيل وكمان لا وراء .

    منصور عبدالرازق محمد عيد جلا والناس المتابعين أنا أحيكم لجهدكم القوى
    لرفع هذا البوست وإلى الأمام .
                   |Articles |News |مقالات |بيانات

24-05-2009, 07:05 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    والصورة عشان خاطر رشا على عمر


                   |Articles |News |مقالات |بيانات

24-05-2009, 07:48 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    يا منص يا غتيت الحكاية دي ليها أكتر من أربعة اسابيع و لابد بيها براك...على الأقل
    من باب شكر البرلومة المسكينة التعبت معاكم كان تنشر الموضوع...بس فالحين لي تجمع
    طيب للزقازيقاب و لمة زقازيقية معتبره و هلم جرا...الخيل تجقلب و الشكر لي حماد...
    حماد ده طبعا ما حاج الركز...حاج الركز مع الخيل...

    تعرف يا منص اليوم ما عارف مالي من الصباح قمت طاري ليك حبوبتي حاجه أمونة رحمة الله
    عليها...ومسكت ليك الجماعة في المكتب...رصيتم ليك قدامي و قعدت أحكي ليهم عن علاقتي
    بالقهوة متى ابتدأت ولماذا لم تنتهي...شي مصريين وشي أردنيين...مرة أقول قدتي(جدتي)
    ومرة جدتي...مرة الأهوة و مرة القهوة...لمن فيوساتي ضربت...المهم ما قصرت ليك في حبوبتي
    ربنا يجعل مثواها الجنة...وقلت ان شاء الله لما تخلص من قصة عشاء ناس حاج الركز و البرلومة
    عفاف...أحكي ليكم قصتي مع القهوة و حبوبتي حاجه أمونة...قالو قصتين غرقو البوست
                   |Articles |News |مقالات |بيانات

24-05-2009, 08:47 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    التحية لأجدع ناس
    والله المتابعة بعد الغياب تقطع النفس... ماشاء الله
    حضور جميل..
    وناس كتّابة شديييييييييييييد...
    ولجنة تنفيذية جديدة ولا أحلى (إختيار صادف أهله) نحن معكم وجاهزين... ربنا يفقكم ويجزيكم عنّا خير الجزاء
    __________________________
    التعازى لكل من فقد عزيز لديه
    ونخص بالتعازي لاخت حنان مجمر, الأخ ياسر شبيكة , الأخ خالد احمد محمد صالح
    والأخ ابراهيم هبانى .
    __________________________

    Quote:

    Quote: جلال حمدا لله على السلامة انت ياخوى مسعول من الخير سامى وين

    والله ياابوحميد سامي ده بقى مدير كبير .... مشغولياتو زادت يوم في الصين ويوم فى الفلبين الله يكون في العون
    تسلم ياكمندان وتحياتي للاسرة



    أخونا محمد صديق أشكرك كتير على سؤالك عني ودائما سباق وما بتقصر
    ويا جلجل الشوق مطر... تعرف الجري الكتير دا كلو عبارة عن معافرة ومحاولة للمخارجة من هنا علشنا ننضم للكوكبة الرائعة الموجدة هناك... بس دعواتك
    ________

    محمد آدم جلا
    ألف سلامة ليك والظاهر دي عين من كترة هذا الحضور الرائع

    ويا ناس الرياض (جلال والسنير منصور وقيس ودفعة) إن شاء الله عشاء حاج الركز وعفاف... ينفعكم
                   |Articles |News |مقالات |بيانات

24-05-2009, 10:30 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: سامي عبد الوهاب إدريس)

    Quote: طارق جبريل الله يديك العافية أني ما شايقي
    بس بحب غناكم علشان غناء حنين شديد ويا طارق
    أنحنا معظم نسابتنا من عندكم وأحكي ليك طرفه
    عندي شقيقتي من مواليد السعودية ولم تشاهد السودان حتى
    تزوجت واحد شايقي يحب الغناء بتاعكم والطنبور ودخل في إشكال مع زوجته
    كلماأدخل شريط من عندكم تجي تحتج عليهو ياخي شغل لينا أغنية سودانية
    وصاحبنا يزعل وإستنجد بي وبدأنا نصحح المعلومات دول أكثر ناس غنوا في
    السودان وغناهم ونضميهم جميل بس دحين صارت شايقية بالحيل وكمان لا وراء .


    والله يا ريس ميسرة اختنا بالغت
    هههههههههههههههههههه
    دي تعرف عشان تآمن قريبي دة مفروض يوديها كريمة بالقطر عدييييييييل
    هههههههههههههههه


    الله يسعدهم ياخي
                   |Articles |News |مقالات |بيانات

24-05-2009, 11:02 AM

ياسر شبيكة
<aياسر شبيكة
تاريخ التسجيل: 16-04-2008
مجموع المشاركات: 597

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    أعزائى وأحبائى وعزوتى الزقازيقاب

    لكم الود والتحية

    باسم آل شبيكة أشكركم جميعا
    وهو حال الدنيا

    وانا لله وانا اليه راجعون

    وأرجو أن أهنئ كل من مرت عيه أحداثا سعيدة
    وأن أبعث أيضاأصدق التعازى لكل من فقد عزيز لديه

    وأتمنى أن نكون على اتصال دائم

    دمتم يا رفاق الزقازيق

    لكم كل حبى وتقديرى واحترامى

                   |Articles |News |مقالات |بيانات

24-05-2009, 11:25 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر شبيكة)

    إقتراح من الزول الرائع أحمد اسماعيل
    Quote: السلام عليكم ايها الأحباب وتعازينا لكل من فقد عزيز لديه ربنا يتغمدهم بواسع رحمته ومغفرته
    وإنا لله ,إنا إليه راجعون ؛؛؛
    بالنسبة للجمعية نهنئي اللجنة الجديدة وإن شاء الله موفقين ؛؛؛؛؛
    اما بالنسبة لدار الجمعية عندي إقتراح مقتبس من تجربة أخ وصديق كان بشجعني عليها وهي
    أـ شراء قطعة أرض بالسوق المحلي الخرطوم يقول أن المساحات تتراوح بين 80م2 ــ120م2
    القيمة لاتزيد عن 50000جنيه ج ؛؛؛؛
    ب ــ بناء هذه الأرض لايتعدى ال100000 جنيه ج لأنه عبارة عن 9أعمدة يعمل منها
    أرضي دكاكين وعلى الطابق شقتين كل واحدة 2غرفة ، الشقتان تصلحان للدار اما الدكاكين
    على حسب تجربة صاحبنا بتؤجر ب 2000جنيه ج شهرياٌ تكون دعم لمناشط الجمعية وكده
    يكون عصفورين بحجر واحد ؛؛
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
    كيف ننفذ مشروع الدار هذا ؛؛؛؛
    طبعاٌ إجمالي المبلغ (150000) جنيه جديد مبلغ كبير إلا إنه على عضويتنا يسهل جمعه إذا إجنهدنا
    وحصرنا فقط 500 عضو من عضويتنا المنتشر على هذه البسيطة إذ إننا في دول الخليج لانقل عن مائة عضو، فلو كل واحد من ال500عضو ساهم فقط ب300 جنيه ج نكون على أتم الإستعداد لتنفيذ
    هذا المشروع وأيضاٌ ممكن ينفذ بمرحلتين اساسيتين شراء الأرض وممكن هذه المرحلة تنفذ إذا إلتزم
    فقط 167 من الأعضاء الجاهزين زي الرشيد اما المرحلة الثانية وهي تنفيذ المباني ممكن اللجنة الموقرة ترتب ذلك وهناك عامل مشجع آخر بأنّ واحد من الزقازيقاب الحسان بضم الحاء ؛؛
    (بزنس ، اكشن، طبلة ، بري ،بوليس ......الخ) عنده شركة مقاولات تنفذ مباني



                   |Articles |News |مقالات |بيانات

24-05-2009, 01:09 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    مرحبا بالعائدين الأخوان ياسر شبيكة و سامي عبدالوهاب...حمدالله على السلامة.

                   |Articles |News |مقالات |بيانات

24-05-2009, 01:23 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: اما انا , فبقيت ابيض عديل
    رفعت نور الدين جنبى
    (بقى اوبرا بس )

    يا منص ناس محمد صديق كانو فاطرين بملاح شرموط أبيض يوم الجمعة...انت البرلومة دي عشتكم ملاح
    روب أبيض ولا شنو...

    منص كان مسافر بكره أي حته داخل السعودية كلمني...أنا مقدر ظروفك..يا تبيع يا....لا قدر الله
    عشان أنا ناوي أقدكم بي حبوبتي و القهوة بكره ان شاء الله....صحيح البركة في محمد عيد وجلال
    وديدو و جلا وميسرة وطارق جبريل وسيد الحوش عصام دهب ومحمد صديق وأبتر وعروة، البساهروا الليل
    و البنومو بدري وباقي العقد الفريد...لكن والله حضورك مهم جدا....
    فأديني أماره كده...ننشر ولا ما ننشرش...

    (عدل بواسطة الرشيد بابكر on 24-05-2009, 01:25 PM)
    (عدل بواسطة الرشيد بابكر on 24-05-2009, 01:25 PM)

                   |Articles |News |مقالات |بيانات

24-05-2009, 02:59 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    التحية لكم من الزول الجميل عادل فتح الرحمن وهذه مداخلته

    Quote: سلام وتحية للأسرة ما زلنا نتنسم سنوات الصبا فى بوست ناس الزقازيق ومتابعين معاكم سأحكى لكم واحدة من حكايات محمد حسان هذا الشخص النبيل وكان أن زارنا والده فى الزقازيق ودلفنا إلى السوق بعد أن ضربنا المشاوى فى مطعم لورد الذى عتبناه للمرة الوحيدة المهم أثناء تجوالنا فى السوق ابوه قال ليهو أطلب ماتريد ففى الأول قال ماعايز أى شئ وبعد إلحاحنا أنا وصدر الدين أشار إلى بيجامة نوم وهذا كل ما خرج به ......... تصور


    تعرف يا عادل المشكلة ما في محمد حسان...لكن أبوهو ما عارف ولدو يعني...
                   |Articles |News |مقالات |بيانات

24-05-2009, 04:25 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: ويا ناس الرياض (جلال والسنير منصور وقيس ودفعة) إن شاء الله عشاء حاج الركز وعفاف... ينفعكم


    أها تعرف يا ابو السيم طبعاً انا زعلت جد جد لامن منصور وصف المسألة بأنها (صنايع) برلومة
    وحاتك وبعد انتهاء هذه السهرة (الف ليلة وليلة) يادوبك وصلت العيال جنب باب العمارة وهاك ياجكة .....

    شيئ زي ده سناير مابعرفوا
    -------------------------

    ابو السيم ليك وحشة والله
                   |Articles |News |مقالات |بيانات

24-05-2009, 04:34 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    Quote: يا منص ناس محمد صديق كانو فاطرين بملاح شرموط أبيض يوم الجمعة...انت البرلومة دي عشتكم ملاح
    روب أبيض ولا شنو...


    والله يالرشيد منصور ده بقى ابيض بس مش من الروب
    عارف من شنو .... القمر كان طالع ياحبيب وكنا جالسين في (شرفة) منزل حاج الركز
    والليل صفي والجو برد ..... اها مابعرف اوصف ياخ بخليك لامن منصور يجيك براه

    بس كانت ليلة جميلة
    شكرا (برلومة شكرا حاج الركز)
                   |Articles |News |مقالات |بيانات

24-05-2009, 08:29 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    Quote: عارف من شنو .... القمر كان طالع ياحبيب وكنا جالسين في (شرفة) منزل حاج الركز
    والليل صفي والجو برد ..... اها مابعرف اوصف ياخ بخليك لامن منصور يجيك براه


    يا جلال انت خليت شنو لي منصور يوصفو...انت خليتني أتصور انو حاج الركز ده ساكن في جينيف
    شرفه وقمر و الليل صفي دي ناقصة لفافة تبغ وكنت بقيت ديستوفسكي عديل كده...أما القمر طالع
    ممكن تكون أي مكان حتى كنانه...

    انت يا جلال محمد عيد ده لسه ما رجع من المول ولا شنو...و لا رجع ونفسياتو ما كويسة...قلنا
    ليهو خليك مساهر معانا...حلف يمشي المول..وكمان كتبه لينا بالعنجليزي ياعبالعال...

    جلال أنا نايم لي ساعة بالعصر كان بتقدر علي أمرقاك لا بره..
                   |Articles |News |مقالات |بيانات

24-05-2009, 10:09 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    حباب ياسر شبيكة ومراحب سامى عبد الوهاب
    حبتين اضافيتين فى عقد اللؤلؤ المنظوم
    سيحتنا طويلة وعاجبانا
    زى ما زينة كابلى عاجباهو وسارة بالو كمان
    ما هى اصلو زى ما قال
    بتعجب كل شاعر
    يلعب بالمشاعر
    وعليها يهنونا ونقول سبحة وعاجبانا
    طويلة زى ليل (النعام آدم )
    ياطارق جبريل
    مش هو قال (ليل طويل طولا يجنن )
    اما قمر يوم ناس حاج الركز
    فى شرفته المطلة على (قلوبنا )
    فلا شبيه له الا الليل الهادى بتاع شرحبيل
    او لو دايرين الصدق والجد
    فاننا كدنا ان نسمع اصوات المتر
    وهى تنساب كلما (الليل هدأ والجو صفا وغاب الأثر )
    والنسيم من توتى جاب (اصوات المتر )
                   |Articles |News |مقالات |بيانات

24-05-2009, 10:34 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    ويا جلال لمن الرشيد يقول ليك نايم لى ساعة العصر
    فطوالى , اعمل شخيط واقيف بعيد
    الزول ده بدون ما يكون نايم , سقد كبير
    لمن يكون نايم , اعمل انت نايم
    والا بكرة شيل شيلتك مع الكفيل
    قصة الكفيل دى باين عليها عاجبة محمد آدم النور
    هسى يا جلا عليك الله دى كتابة زول عيان
    وفاقد ليهو كيلوات تساوى الميل تسعة وعشرين البنقطع فيه ده
    مجلس الشورى السعودى على وشك الغاء نظام الكفيل
    ازا كان ده ياهو سبب عياك يا جلا
    فاريتك تبقى طيب , انا البى كله هين
    الرشيد ده ما دام نايم ليه ساعة العصر
    وكمان متزكر حبوبته (حاجة امونة )
    فنحن يا عصام دهب
    نتخارج نأجر لينا بوست تانى
    لغاية ما الرشيد يخلص
    ازنا ليك يا مان
    انداح واتألق
    وابدأ ليك انا
    حاجة آمنة اتصيرى
    الميكروفون معاك
    اخدوا ساتر يا ناس جنابو محمد صديق
    خطوات تنظيم , صفا انتباه

    (عدل بواسطة منصور عبد الرازق on 24-05-2009, 10:46 PM)

                   |Articles |News |مقالات |بيانات

24-05-2009, 11:52 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    ي منصور نزيدك شوية من الشلوخ
    البرلومة الفصمتكم دي شايقية من تنقاسي كمان
    اها بقن عليك ملاهط وشعر وغناء
    ههههههههههههههههههههههههه
    وبي كدة الميكرفون بيكون مع الرشيد
                   |Articles |News |مقالات |بيانات

25-05-2009, 06:47 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    احياء لذكرى المحنة المتمثلة في حبوبتي حاجة أمونة بت حاج مهدي سأشرككم معي فيما
    كتبته عنها اثر رغبة عارمة سيطرت علي منذ يومين في احياء ذكراها...بل وجدت نفسي
    كما اسلفت سابقا أحدث عنها كل الناس وهي تستحق أكثر من ذلك..و لقد أجج الأمر أكثر
    عندما كنت أجالس صديقي الشايقي النجيض المهندس محمد الكامل..ووجدته ود حبوبات مثلي
    تمامافتبادلنا زكرياتنا حول الموضوع..كل يغني على حبوبتة حتى قتلنا الموضوع بحثا
    وقتلنا محنة.

    و اليكم ما كتبت.........

    في الأدب الشعبي السوداني هنالك الكثير من الغنائيات للشاي و القهوة، فلقد تفنن الشعراء
    و الغنايات و الحكامات و أيضا المشاطات في ذلك، وبما أننا بصدد القهوة الآن فسأحاول أن أنقل
    من مواقع مختلفة بعض ما قيل في القهوة بالتحديد كمدخل ان شاء الله الى ارتباطي بحبوبتي الحاجه
    أمونة حاج مهدي، التي كانت كلما توسطت جبنتها الفناجين كما تتوسط الشمس المجموعة الشمسية،
    و تفوح رائحة البن المحروق تملأ الأرجاء...كانت تناديني أو تنادي من تجده أمامها ثم تطلب منه
    أن يناديني (عليك الله يا ولدي نادي لي رشيد القوم) هكذا كانت تناديني دائما تيمنا بالسيد
    أبراهيم الرشيد شيخ الطريقة الابراهيمية وتلميذ سيدي أحمد بن ادريس شيخ الطريقة الادريسية
    المشهورة والتى ما زال مقرها بأم درمان شارع الموردة..فأهرع اليها مسرعا، لقد كان اللقب
    محببا الي نفسي (رشيد القوم)،

    (عدل بواسطة الرشيد بابكر on 25-05-2009, 06:48 AM)

                   |Articles |News |مقالات |بيانات

25-05-2009, 06:50 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    تتعثر قدمي بطرف السرير فأكاد أن أسقط فتقول حبوبتي يا سيدي أحمد...أمسك بها ثم
    أسقط بجانبها في السرير محاولا تجنبها، فهي بالكاد تستطيع أن تحمل فنجان قهوتها فأنا
    لها أن تسمك بي..فتضحك ضحكة تملأ القلب و الروح ...فتحضنني و تقول لي بحب أخشى أن
    أقول أنه قل مثيله..فتقول لي (شفت يا ولدي سيدي أحمد نجدك كيف)..وكانت الجلسة مع
    حبوبتي عباره عن بانوراما للقصة و الشعر و المديح وخفة الدم و الظرف الممزوج بالمحنة
    ، وبعد ذلك كله خرمة القهوة أو (قريفتها) التي لم تفارقني حتى الآن..
    و الشعر و المديح و القصة فسوف أتي اليهم لاحقا، أما المحنة وما أدراك ما المحنة، لكي
    أوصفها فالأمريحتاج الى صورة وصوت و كثير من المؤثرات، فلقد كنت في بواكير طفولتي
    اتضايق كثيرا عندما تقوم حبوباتي و عماتي و خالاتي بشمي، نعم شمي فرائحتي لها تأثير
    بالغ في نفوسهم، فيشمونني ثم يقبلوني..كنت أتضايق ثم أدركت لاحقا عظمتها و عمقها وطعمها
    و لونها ورائحتها..ولا أبالغ اذا قلت ان رائحة حاجة أمونة لم تفارقني حتى يومنا هذا..وهي
    الراحلة عن دنيانا منذ سنوات ليست بالقليلة...

    أما الشعر فهذا بعضه....
    في الشرق
    فنجان جبنة في شمالو يسوى الدنيا بي حالو
    سوي الجبنه يا بنيه في ضل الضحاويه
    سويها.. الجبنة التسويها.. حالف ما بخليها

    وفي الغرب...

    أنا ماني فرق بنات حرات موكرات
    عدتهن كتيرة مضــــمومة للحزات
    جارتي أم عمر أريتا فزع كان صرمتك جات
    البشرة أم أمبخيت دي أخت الأخوات
    عديلة أم حماد ديك الجميلة شهادة اللات
    ضامرة السجيلي أم بيتًا كبير وله صهوات
    أنا انكسر فنجاني عدا حدثوا الشيخات
    وخليت القهاوي وتركت الشهوات

    (عدل بواسطة الرشيد بابكر on 25-05-2009, 06:51 AM)

                   |Articles |News |مقالات |بيانات

25-05-2009, 07:08 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صباح الخير يا شباب ،، ترى الشوايقة ديل
    إحتلوا البوست وكتبوه بإسمهم ،، عاد الشئ شنو
    غناء وطمبور وكلاماً كتير وحنين وشعر موزون وعفيف
    وكمان كلام حبوبات ،، وأنحنا بنضاير لا وراء وبنجر البنبر
    وبنتربع في مقام الرشيد القوم ، ومعليش ياحبايب منصور ومحمد عيد
    وجلال ، أنحنا كلام الحبوبات ده بنريده بالحيل ،،، بس يا الرشيد لمان
    تغني أه كمان خلي طارق جبريل يساندك ويقالدك أصلوا زولاً حنييين بالحيل
                   |Articles |News |مقالات |بيانات

25-05-2009, 07:48 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    اجدع ناس بدون فرز احلي الصباحات

    بدأ العد التنازلي للسوق الخيري
    الخميس 28/5 الإفتتاح ، يلا يا جماعة خليكم قراب
    والحاضر يكلم الغائب ،،، الأستعدادت علي قدم وساق
    ياعبدالدائم تابع قناة النيل الأزرق من الليلة إعلانا
    حا ينزل فيها ....

    ويا جماعة البوست دا أمانة في ذمتكم من هنا ولأسبوع لقدام ما ينزل من الصحفة الأولي
    وخلوا بالكم منه

    ناس الزقازيق: السوق الخيري الأول لمستلزمات المدارس بقصر الشباب والأطفال
                   |Articles |News |مقالات |بيانات

25-05-2009, 09:58 AM

سامي عبد الوهاب إدريس
<aسامي عبد الوهاب إدريس
تاريخ التسجيل: 15-11-2005
مجموع المشاركات: 1508

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    السلام عليكم ورحمة الله وبركاته

    التحية لأجدع ناس

    وتحية خاصة للأخوة أعضاء اللجنة التنفيذية لكل ما يقومون به من جهد

    متمنين لكم التوفيق والنجاح لمشروع السوق الخيري

    __________________________

    وبالنسبة للمساهمات من السعودية
    نستأذن أخونا عبد الدائم في أن نودع مساهماتنا في حسابه كالمرات السابقة
    وأرجو ألا نتأخر أكثر من ذلك
                   |Articles |News |مقالات |بيانات

25-05-2009, 10:25 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: سامي عبد الوهاب إدريس)

    سلام للحلوين كلهـــم
    الحوش دخل الحوش والكلام مرق بره الحوش
    الباشـــا .. رشــيد القــوم منعنا من الكتابة فى السياسة وقلـــب المسألة جهــوية ..!!
    وقام بمســـاندة مدفعية جبل طارق وجبال أطلس بتشليخ البوست وكمان لا ورا ...!!
    انحنا غايتو جهزنا استراتيجيتنا ومنتظرينكم تكملوا حكاويكم .. ونقوم الآن بتأليب الرطـّانة فى مشارق الأرض ومغاربها ..
    وشوية حتلقوا الحوش مفروش بصوانى الكابيـــده ، والدى جى – الما خمج - يصدح
    بى ألحان وردى والبلابل ..
    وحنرقص الشباب كلهم على انغام صندلية ليه واسمر اللونا .. ولا قدام كمان ..!
                   |Articles |News |مقالات |بيانات

25-05-2009, 12:14 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    محمد عيد الحبيب...بكل اللهجات المتعة مضممونة...حيثما تكونو يكون الاشعاع
    و الاشباع و الامتاع أيضا...و حكاوينا لا تمنع اندياحكم فهلم بنا نغني معا أسمر
    شيرتو...
                   |Articles |News |مقالات |بيانات

25-05-2009, 01:14 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    يا ناس الحوش سلام
    يا محمد عيد
    قبلك قلنا الروووووووووووووووب
    بالله البوست ليهو أسبوع بالتمام و الكمال نفسو قايم
    أنا إلتزمت مكاني....
    منصور قال... يأجر بوست تاني لغاية ما الشلوخ دي تنتهي
    زهير... قاعد يقالع فيهم و يجيب أخبار عمل اللجنة التنفيذية من وقت لآخر
    المشكلة أسامة أبتر
    قال أخير يمشي أدغال جنوب كردفان
    و يشوف البرامكة إتصالحو مع الناس القاعدة تشرب الشاي من غير قواعد ولا لسع متشاكلين
    ولمن يجي راجع يمكن يلقى النقيز وقف
    محمد صديق قال...دا شعر ما عندي ليهو رقبة
    المشكلة الناس المتاوقة
    حتى متاوقتهم أصبحت زي النقيز
    وقدر ما يقولو يرتاحو.... يرجعو تاني
    يلقو نفسهم مع المساجلات
    يلفو.. ويلفو... ويلفو... و يولفو... ويلفو
    وصفقة.. رط...وتاني..... رططط....
    والأغرب أنو الأخ الرشيد زاتو من محبي العصيدة
    وفي نفس الوقت ود جبريل قاعد يتناول في القراصة أم 10 سم
    دي تجي كيف؟؟؟؟؟
    عشان كدا التكتيك بتاعك خش بيهو من غير ما تعلنو
    محبتي أيها القوم
                   |Articles |News |مقالات |بيانات

25-05-2009, 04:08 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    رشيد القوم .. يالحبيب

    منتظرين تكملة حكاوى الحبوبة والقهوة ..!

                   |Articles |News |مقالات |بيانات

25-05-2009, 04:12 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    Quote: سلام للحلوين كلهـــم
    الحوش دخل الحوش والكلام مرق بره الحوش
    الباشـــا .. رشــيد القــوم منعنا من الكتابة فى السياسة وقلـــب المسألة جهــوية ..!!
    وقام بمســـاندة مدفعية جبل طارق وجبال أطلس بتشليخ البوست وكمان لا ورا ...!!
    انحنا غايتو جهزنا استراتيجيتنا ومنتظرينكم تكملوا حكاويكم .. ونقوم الآن بتأليب الرطـّانة فى مشارق الأرض ومغاربها ..
    وشوية حتلقوا الحوش مفروش بصوانى الكابيـــده ، والدى جى – الما خمج - يصدح
    بى ألحان وردى والبلابل ..
    وحنرقص الشباب كلهم على انغام صندلية ليه واسمر اللونا .. ولا قدام كمان ..!



    سنيرنا محمد عيد
    ياخي انت نسيت انه محمد وردي اجمل اغانيه بتاعة اسماعيل حسن
    هههههههههههههههه
                   |Articles |News |مقالات |بيانات

25-05-2009, 06:34 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    الإخوة ناس الحوس
    مساكم الله بالخير
    عزيزي محمدعيد
    لا تفتر ولا تنظر تكملة حكاوي وحجى الرشيد و ود جبريل الما بتنتهي
    قوم إتنفض
    ولا تضيع غناك وأدبك شمار في مرقة
    لأنو نحن نتغذى روحاً بما تكتب
    ونتنفس ليس تحت الماء كما العندليب
    بل نتنفس عبيراً يفوح عبر المسافات و الحواجز الوهمية
    فنحن من ننتظر و آخرون كذلك وخاصة المتاوقون
    نحن لا نمانع الرشيد من ممارسة هوايته الحجى والحكايات الطويلة
    ونتمنى أن يزيدنا بما عنده من روائع الكلم
    منصور بالله ما تذكر الراجل حبوبتو و حاجة فلانة
    أصلو الراجل دا زول تأصيل
    يا ربي الرشيد يكون نام العصر وجاي يساهر في البوست دا و لاشنو؟؟؟
    والله يباري طارق جبريل يرجع السودان بدري
    ويا سكان الحوش
    وجدت نفسي أدندن مع الزول السمح محمد الحسن حميد
    وبي غنا الراحل المقيمم فينا دهوراً
    الرائع مصطفى سيد أحمد
    فأسأتلكم بالله دي تنفع

    نورا
    محمد الحسن حميد
    **************
    وكتين يضيع
    عرق الجباه الشُّم
    شمار فى مرقة ..
    آه .. يا نورة آه
    من دربك التوّر
    نفس خيل الصبر
    فتـّر خطاوى الشوق
    وراه .. يانورة .. آه
    ساعة الشموس الغُر تهضلم
    تلحق الصِّح .. فى المغارب
    يدفر الضو الكهارب
    تستر المدن السرابية ..
    الضبابية .. الكآبة
    حائط التيه .. والطشاشات ..
    فوق قفيِّك يا أمْ عوارض...
    يا أمْ عوارض .. مو دُعاشة
    ماها شبـُّورة وتقيف ..
    جايى ليك يا نورة غيمة
    تملا ماعونِك خريف
    يملا عينيكى ويفضـِّل
    يروى جوّاك العطاشة
    جاة ليك يا نورة غيمة
    تملا ماعونك خريف
                   |Articles |News |مقالات |بيانات

25-05-2009, 07:45 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    محمد عيد ومحمد آدم...بالرغم من انني قد أكون الأكثر ظهورا في البوست...لكن لو
    شفتو يوم من أيام العمل عندنا هنا لعرفتم مدي معزتكم عندي...وكيف انني أطوع المحال
    لأكتب في البوست...انتهزت سانحة هذا الصباح و كتبت ما كتبت عن حبوبتي ووفيت بوعدي
    لها ولكم...ثم ازدحم المكان و تطايرت الأفكار...و خف ايقاع الطار وضاعت الكلمات
    فقلت مافي مشكلة أنوم ساعة العصر اللذيذة و أصحى المغرب و بعد الصلاه أواصل السيرة
    الأمونية...الا أن أسوأ اختراعات العصر(الموبايل) لم يدعني في حالي وخرجت مرة أخرى
    في عمل لأعود الآن فقط... ولأن حاجة أمونة ما ساهلة ما عايز أكلفته ليكم...عايز برواقة
    كده أجيكم ليها راجع امكن ترضى عني و تطلع ليها خمسة وعشرين قرش (طراده) حمرأأأأأأأأأء
    من مفحضته بعد أن تكون قد تلفتت يمينا ويسارا حتى لا يراهااخوتي الآخرون...ثم تهمس لي
    همسا تكاد لا تسمعه..هاك القروش دي اشتري ليك بيها حاجه..وكانت الطراده في آخر أيام
    مجدها ما بتشتري حاجه لكن بتدخلك الكورة و التسالي و قصب السكر مجازفاااات..
                   |Articles |News |مقالات |بيانات

25-05-2009, 08:43 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


أسماعيل حسن ووردي (Re: الرشيد بابكر)

    Quote: سنيرنا محمد عيد
    ياخي انت نسيت انه محمد وردي اجمل اغانيه بتاعة اسماعيل حسن
    هههههههههههههههه


    طارق هاك دي...الجماعة قايليني نسيت الشلوخ مع غمرة الزكريات الدافئة

    خاف من الله على قلبي
    قلبي من غرامك خاف
    زرعت الشوك على دربو
    وياما في هواكم شاف قلبي

    سنين وايام
    قضيت عمري في لوعة
    انادي الليل واقول ياليل
    انا المظلوم عساي دمعة
    دموعي تسيل وليلي طويل
    وعايش في مهب الريح براي شمعة
    انادي الليل واقول ياليل
    ياما في هواكم شاف قلبي

    خسارة قلبي في حبك واخسارة
    علمتو يحبك
    ولما سار في دربك
    رحت وسبت حبيبك ليه
    يا خسارة املي واملك وا خسارة
    كنا بنبني الجنة
    ولما خلاص قربنا
    رحت هدمت سعادتك ليه
    يا خسارة دمعي ودمعك وا خسارة
    ياما سهرنا ليالي
    ياحليلك يا غالي
    وياما في هواكم شاف قلبي

    يا قلبي انسى الفات وعيش من تاني وحداني
    ولو حنيت لعهد الشوق اجيب من وين عمر تاني
    كفى يا قلبي شفت الويل وليل السهد بكاني
    بعد ما تبت من النار حرام تتجدد احزاني
    يضمك ليل ويطويك ليل ونار الويل ميهادة
    يا مظلوم وما ظالم حليلك والعمر فاني
    وياما في هواكم شاف قلبي
                   |Articles |News |مقالات |بيانات

25-05-2009, 09:01 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    رشيد الحبيب ..
    والله شفقتنى وافتكرتك تكون زعلت من مداخلة الصباح ..
    عموما ما غريبة عنك ... الروح الحلوه والقلب المليان محنـــّة
    ما المحنة أصلك راضعها من حبوبتك حاجة أمونة الله يرحمها
    واصل يا حبيب وانا عندى ليك بعدين مداخلة عن حكايتى مع القهوه و ارتفاع ضغط الدم ..!!

    المشكلة صاحبك منص ما عارفو غطس وين ؟ اوعى يكون طلع بره الرياض عملا بنصيحتك ..!!
                   |Articles |News |مقالات |بيانات

25-05-2009, 10:01 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    Quote: رشيد الحبيب ..
    والله شفقتنى وافتكرتك تكون زعلت من مداخلة الصباح ..


    يا حمادة كلمة زعل دي ما بيناتنا أبدا...لك يا عزيزي أن تقول الكلام المباح و غير
    المباح...يا شهريار..

    Quote: المشكلة صاحبك منص ما عارفو غطس وين ؟ اوعى يكون طلع بره الرياض عملا بنصيحتك ..!!


    منصور ما زال بيعاني من سهر الأسبوع الفات...الأسبوع ده متبع خطة جلال 4-2-4 ولا يكون
    غير المدرب زي ما الهلال غير دو سانتوس بكامبوس وعمار مرق موجود... و المشكلة في المدرب
    دايما...

    (عدل بواسطة الرشيد بابكر on 26-05-2009, 05:22 AM)

                   |Articles |News |مقالات |بيانات

26-05-2009, 08:20 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    سلامات يا ناس

    الرشيد حديث الحبوبات جميل ودى اشياء بقت مفقودة واصل عليك الله

    لاننا جميعآسنتذكر حبوباتنا يرحمهن الله فى حبوبتك وجميعنا يختزن

    مؤونة حكاوى لاؤلئك الحبوبات تحمل معانى كبيرة.......

    يا عيد دائمآ تحرك فينا شجنآقديمآ فى اماكن حبيبة يتربع...مصطفى سند

    له الرحمة اختاره الله فى زمن توطدت بى معرفته...كنت محظوظآبمرافقته

    الى كوستى وعبدالوهاب هلاوى الشاعر الرقيق....اقمنا ثلاثتنا باحد

    فنادق المدينة...المرحوم سند كان مخزنآضخما للحكايا......كان قادرا

    على استعادة ادق التفاصيل لازمان بعيدة....وفوق ذلك كان ودودا.....

    وقلبه قلب طفل...وانت يا عيد تسأل عن رشا على عمر ...وتذيل حديثك

    بمقطع لسند...يا للمصادفات!!!!!هل تصدق اننى فى ذلك اليوم اصطحبت

    هذين الرائعين وسجلنا زيارة لرشا وزوجها بمنزلهما بكوستى اوان عصرية!!

    اليك عيد وسكان الحوش هذا المقطع لسند من ديوان البحر القديم.......

    ناقوسنا التهم الصباح من الصباح الى المساء

    فترنحت مقل النهار

    ودب فى الالق العياء

    يا صندل الليل المضاء...

    افرد قميص الشوق حين تطل سيدة النساء

    فالمجد جاء

    وتناثر الاحد الصبى يهز اعمدة الغناء

    لو زندها احتمل الندى

    لكسوت زندك ما تشاء

    ثوبا من العشب الطرى

    وابرتين من العبير وخيط ماء...

    للجميع التحية

    محمد صديق بيسلم عليكم ويدعوكم للشراء من السوق الخيرى

    حق ناس الزقازيق
                   |Articles |News |مقالات |بيانات

26-05-2009, 09:16 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)



    محمد صديق .. الرائع

    تخيل ان توالى الصدف لم يتوقف عند لقاءك والعمالقة سند وهلاوى بالعزيزة رشا

    ولكن الأبيات التى اوردتها فى نهاية مداخلتك كانت دائمة التردد على

    لسان رشــا كلما التقينا

    .....
    يا صندل الليل المضاء...

    افرد قميص الشوق حين تطل سيدة النساء

    فالمجد جاء

    وتناثر الاحد الصبى يهز اعمدة الغناء

    لو زندها احتمل الندى

    لكسوت زندك ما تشاء

    ثوبا من العشب الطرى

    وابرتين من العبير وخيط ماء...


    %%%%

    حتى ان هذه الأبيات صارت لدى هويدا وقند اليمن ورشا وصفية مثل

    نشيد العلم .. لا يحلو الحديث معهم فى الشعر والأدب الا وكانت

    البداية بها ..
    حقا" .. كانت ايــــام
                   |Articles |News |مقالات |بيانات

26-05-2009, 10:06 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    تحية , و سلام شوق لأجدع .. أجدع ناس ..
    و صادق التعازي و المواساة لزملائنا الزقازيقاب الأفاضل :
    الأخت / حنان مجمر عيسى, الأخ / د. ياسر شبيكة , الأخ خالد احمد محمد صالح والأخ د. ابراهيم هبانى .
    و نسأل الله تعالى أن يتقبل فقدائهم و يدخلهم فسيح جناته و ينزلهم منزلة الأبرار المكرمين ، التعازي لأخوتنا الأفاضل و أساله تعالى أن يلهمهم الصبر و الإحتساب و أن حفظ الجميع بحفظه ..

    ـ
    كان غيابي إضطرارياً في الأيام الماضية و ذلك لمرافقة المدام و التي قامت بإجراء عملية جراحية في مكة المكرمة أحتسبنا على إثرها جنيناً في أسبوعه الـ19 .. و الحمد لله على كل حال ..
    ـ

    التحية لأخوتنا الأفاضل في اللجنة التنفيذية و هم يعملون بدأب و إجتهاد نحو مزيد من الإنجازات ،،

    ـ
    آمل من الإخوة تحويل مبالغ إشتراكاتهم على حساب الأخ / عبد الدائم أو تسليمها له مباشرة ، و آمل من الأخ عبد الدائم إعادة نشر رقم الحساب ..
    ـ
    عودة بإذنه تعالى ..
                   |Articles |News |مقالات |بيانات

26-05-2009, 10:14 AM

ياسر شبيكة
<aياسر شبيكة
تاريخ التسجيل: 16-04-2008
مجموع المشاركات: 597

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    العزيز الأخ الفاضل عصام دهب
    حمدالله على سلامة المدام
    وقدر الله و ما شاء فعل
    وانشاء الله الجايات أكثر من الرايحات


    الصفحة دى مالا مفتولة ؟
                   |Articles |News |مقالات |بيانات

26-05-2009, 10:25 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر شبيكة)

    الزقازيق بـنـــيــن

    يا حليلكم يا بنات المساكن الحنينات ده لو كان واحدة بس
    مشتركة معانا هنا ما كان رضيت تخلينا

    ـــــــــــ
    سلامة المدام يا دهب وزى ما قال ليك شبيكة البنات الجايات اكتر من الرايحات

    ورقم حسابى اهو يا سامى ولكل الجدعان
    البنك الاهلى التجارى 11716164000110
    عبدالدائم سيداحمد محمد - جـده
                   |Articles |News |مقالات |بيانات

26-05-2009, 11:27 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    حمد لله على سلامة المدام ياعصام دهب وإن شاءالله ربنا يعوض عليكم
    ألف سلامة وما تشوفوا شر
                   |Articles |News |مقالات |بيانات

26-05-2009, 11:50 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    الف حمدا لله على سلامة المدام يا عصام دهب وربنا يعوض عليكم انشاء الله ..

    سنيرنا الجميل .. ياسر شبيكة .. ياخى والله طلتك فى البوست تعطى الصفحة

    القا" ورونقا.. فلا تحرمنا من هذا البهــاء

    اما حكاية الصفحة المفتولة فيا عزيزى البوست زى ما قال جلا مشلخ ليهو اسبوع

    عشان كده بقى مايل لا ورا ..!!
                   |Articles |News |مقالات |بيانات

26-05-2009, 12:23 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    الأخ دهب
    نسأل الله لكم و لبت الشيخ دوام الصحة و العافية
    و ربنا يخلف ليكم
    في مالكم و أولادكم
    طبعاً لمن محمد عيد يقول سنيرنا الجميل
    د. ياسر شبيكة
    الناس الكان مربعة يدينها تقعد في الواطة
    والكان مدلدل إيدينو يربعها
    والما شاكي القميص يكويهو ويدخلو بي جوه
    طبعا ناس الرشيد ومحمد عيد ومنصور هس قاعدين يصلحو في الكرفتات
    وألف مرحب بسنيرنا الجميل
    فالبيت بيتك
    و البوست بوستك
    والناس الفيهو حقنك
    إنشاءالله حنكنا دا يجيب حاجة منك أيها الجميل
                   |Articles |News |مقالات |بيانات

26-05-2009, 12:33 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    سلامات

    يا دهب حمدآ لله على سلامة ام الاولاد

    وربنا يعوضكم
                   |Articles |News |مقالات |بيانات

26-05-2009, 12:33 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    ألف مليون كفارة يا دهب وحمد لله على السلامة
    والجايات أكثر من الرايحات والحقيقة فقدناك
    الفترة السابقة ،،،
    وحسب ظروفك نلتقي في إجتماع تشاوري في مقرنا المفضل
    لدى د. حسن يوم الأربعاء بعد صلاة العشاءهذا ما تم الإتفاق
    عليه مع أخونا عبدالدائم .

    حساب عبدالدائم بالبنك الأهلي أهو موجود ولأخوانا البعيدين
    ناس سامي وياسر نجيله وآخرون والناس القراب وظروفهم ما بتسمح
    بحضور يوم الأربعاء - بكرة - يقوم بتحويل المبلغ المتفق عليه أو
    يزيد قليلاً في هذا الحساب .

    **************************

    سؤال لكل الناس يا جماعة ده شهر مايو أليس هو شهر مفضل لناس الزقازيق
    أول شهر مكهرب ؟؟؟ ألم تكن الإمتحانات في هذا ، وتوقف العمل السياسي والكل
    يمني نفسه بالعودة للسودان أو السفر للعمرة أو .....؟
                   |Articles |News |مقالات |بيانات

26-05-2009, 02:11 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    عصام دهب...عوضكم الله بالأصلح و الأبرك...وحمدالله على سلامة المدام..نسأل الله أن يصبرها
    على فقدها و أن يبلغها الصحة و العافية

    (عدل بواسطة الرشيد بابكر on 26-05-2009, 02:16 PM)

                   |Articles |News |مقالات |بيانات

26-05-2009, 04:22 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    شكراً الريس ميسرة على التذكير
    Quote: سؤال لكل الناس يا جماعة ده شهر مايو أليس هو شهر مفضل لناس الزقازيق
    أول شهر مكهرب ؟؟؟ ألم تكن الإمتحانات في هذا ، وتوقف العمل السياسي والكل
    يمني نفسه بالعودة للسودان أو السفر للعمرة أو .....؟

    عشان كدا أن قلت البوست دا مافيهو غير النفرين ديل و لاشنو؟
    أتاريهو منصور عامل معسكر مقفول مع محمد صديق و عبد الدايم وجلال
    أسامة أبتر في ترحال دائم يفتش للمذاكرة الجماعية في جنوب كردفان
    و أظنو و الله أعلم ساق معاهو عروة و البادي وياسر نجيلة
    محمد عيد ما بعرف يذاكر إلا براهو يعني أباذر
    أنا غايتو بالطريقة دي و مع إجتهادي مربت مع موسى عيسى الما وجد رقم جلوس أقصد الباسورد
    أي زول متاوق في الحوش قاعد يعاين في الإمتحانات القديمة وقلبو في إيدو
    أما النفرين ديل مربتين و ما خايفيين وراجعين السودان
    و الله بس قوة عين
    محبتي
                   |Articles |News |مقالات |بيانات


1 صفحة 29 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de