ناس الزقازيق ... أجدع ناس ..

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 03:15 PM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
15-05-2009, 02:14 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    سلامات

    ياجلا انت جليت الفطور ولا شنو غدا شنو الهسة دا

    ياخوى قالوا غاب اب شنب ولعب اب ضنب ومادام الحوش دا الليلة فاضى تعال

    ناخد لينا فيهو جكة

    احمد عوض واضح انو اتعرض لى مؤامرة كبيرة والا كان فى حاجات كتيرة ممكن

    تتشال من السودان...وين الكركدى وين التسالى....ووين ووين...........

    تحت تحت سمعت انو النصحو يشيل الخميرة هو ابوبكر حامد...دا بينى وبينك

    لو فى زول تانى عايز يقول انا ما عندى مانع

    نحن نقترح على البوليس ابتر يحقق ويتحرى عن الزول الورط احمد عوض بالخميرة

    ونقبل بتلقى اى معلومات تفيد المحقق
                   |Articles |News |مقالات |بيانات

15-05-2009, 02:25 PM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    والله يا جلا خترى زى مابقول مصطفى محمد الحسن سينيرنا فى علوم

    طبعا لمن يجى زياره تساله اسوى ليك شاى يقول ليك ده سؤال غبى

    طبعا الشاى اشكال والوان اعتمادا على الكبابى من عصر بثينة ومرورا بى عثمان حسين وبعدين

    دخلت الكبابى الفرسية

    او اعتمادا على الناس البقدموه ليك ابتداءا من هلا ايوب مرورا ب هاجر كمال بشرى

    او اعتمادا على المناسبة زى عندنا هنا فى كردفان والجلسة الخاصة به تعرف بالرمكية والجالسون هم البرامكه

    ولا يبدءون شرابه الا بعد ان يسمعوا صوت غليان الماء فى الكفتيرة لزمن ليس بالقليل

    ولا يشرب الشباب الا بعد شراب الكبار

    يبدأ الحديث من هو متزوج ثلاثة او اكتر ثم صاحب الزوجة الواحده والاعزب لا مكان له ولا حديث






                   |Articles |News |مقالات |بيانات

15-05-2009, 02:54 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: اسامة أبتر)

    ولمن تتاوق للبوست كده وتلقاهو قلب صفحة والعداد رمى (الميل 28)
    طوالى تمسكك الكاروشة بتاعت نهايات الشتاء وبدايات صيف زقازيقى جديد
    ما تعرف توازن بين فرحك بالتدفق الكتابى بتاع الشباب
    وبين خوفك وزعلك من انك تحصل تقرأ الفاتك كيف
    يا اسامة ابتر (زاكرتى ) تخزن لكسلا كباية عصير برتقال شربتها فى السواقى الجنوبية
    كان الخلاط مربوطا الى كهربته فى (جزع ) شجرة
    حتى ليختلط عليم الأمر من الغرض من هزه الربطة
    هل هو الحصول على مصدر كهرباء لتشغيل الخلاطة
    ام لربط الخلاطة عضويا بالشجرة
    خاصة لو عرفت انو الشجرة ياها نفسها الشالو منها البرتقالة العصروها ليك
    يا ربى ياها نفس الشجرة القالت للبرتقالة
    بعض الرحيق انا والبرتقالة انت ؟
    محمد صديق وانت تعرض فى الساحة وتنقز نقزة نهاية الأسبوع
    لا املك الا ان اسألك , اسوى ليك شاى ؟؟
    ولمن الصفحة والعداد يقلبو للرقم تمانية وعشرين
    وده حالتو نحن فى نهاية اسبوع
    معتمدين على ملاحظة الرشيد باعتباره بوردابى خبرة
    فنحن حا نتساءل
    يا ربى سودانيزاونلاين دى يا بكرى ابوبكر
    حاتقدر على زخم الزقازيقاب ديل
    تحياتى وجمعتكم مباركة
                   |Articles |News |مقالات |بيانات

15-05-2009, 05:15 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    سلامات

    منصور ياخوى الشاى اصلو ما داير سؤال

    ولكم شربت مع البرامك بالصغير وبالكبير{مع الاعتذار للشاعر]

    اما كسلا فالحديث عنها يطووووووول---ما زى ما انت معتقد يا جلا

    ابتر انت ما قريت حكاية احمد عوض والخميرة؟ نحن كلفناك بالتحقيق

    بدل ما تقول قبلت بالتكليف تنط لى موضوع تانى ؟ ياخى روووووووق

    واوزن كهربتك ما تشمت النضيف فيك وفينا
                   |Articles |News |مقالات |بيانات

15-05-2009, 07:23 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    ناس الحوش
    و الناس المتاوقين
    ويا محمد صديق لا تلوم أبتر في التوهان و الشرود الذهني
    ولديه تجربة سابقة في التوهان و التشتت غير الإرادي ودونك عندما أدوهو password
    مساهمات أبتر فاقت ال15 دون أن يلج بوست الزقازيق أجدع ناس
    يعني لمن تقول ليهو إتحرى عن خميرة أحمد عوض
    فما تستبعد يتحرى عن التمباك الشايلو زهير مونة بتاعت عام في بلاد الغربة
    خلي الشاي الشربو مع البرامكة
    طبعاً الخميرة بيني بينك و الله أعلم يا محمد صديق ضاربة
    وذلك لعدم وجود سوق حر وده كلام الإقتصاد
    يا منصور
    كاروشة نهاية الشتاء بعد الدخول في الميل (28)
    تحتاج فعلاً لعصير برتقال أبو صرة
    ودا ما في زول بجيبو ليك إلا تنظر تسويق الخميرة بتاعت أحمد عوض خاصة و أنت ضيف معاهو الآن
    وكلنا برضو منتظرين أحمد عوض يبيع الخميرة بتاعتو دي
                   |Articles |News |مقالات |بيانات

15-05-2009, 07:32 PM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    يا جورج مساء الخير انا اتخيلتك مشيت الفطور ولمن كتبت عن الشاى

    انت لسع ما كلفتى بالتحقيق رسمي لكن على كل حال انا قبلت

    بس قبل كده اسمع دى العربى قال للشاى شنو

    الاحمر الدلمى النسانى بقرى وغنمى

    اه انفض لاحمد عوض
    فى احتمالين لو سنة البرليم يمكن يكون الورطو الورطه دى الحاج النور لانو هو صاحب الافكار الغريبة دى
    لكن لو فى السنة البعدها غالبا ما يكون اسامة خضر لانو هو الورطو فى الغناء
    ولكن على حسب المعلومات التى وردت الينا هو براهو قال كدى نغير من الشاى والتسالى ديل لانو اى زول شايلن
                   |Articles |News |مقالات |بيانات

16-05-2009, 06:16 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: اسامة أبتر)

    يا ناس الحوش
    الما قرأ الميل 27 لا يستطيع مواكبة الميل 28
    و الحمد لله يا محمد صديق أسامة رجع لي عقلو
    يعني زمان ودوهو كلية العلوم أصبح كاتب و أديب
    قالو ليهو فتش وإتحرى عن الخميرة أصبح يكتب عن تاريخ البرامكة
    الآن تحليلة عن الورط أحمد عوض في الخميرة ماشي في إتجاه جيَّد
    المهم لك أن تواصل أو تجيب موضوع جديد نساهم في التحليل
    يا ناس البلد الغادي سلام
    ياناي القصر العالي سلام
    أدوني سلام
    وإن جيتكم تاني
    أبقى ملام
                   |Articles |News |مقالات |بيانات

16-05-2009, 07:50 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    صباح الخيرات يا ناس الزقازيق
    وصباح خاص وتمام للناس القبضت على جمر
    البوست وحنجرت البوست وردمته بالنفيس الغالي
    وإجازت نهاية الإسبوع وإختفاء الإحباب والأصحاب من
    الكاتبين والمتداخلين والمتاوقين كانت تؤرق بوست ناس
    الزقازيق وكنا في البدايات ونحتاج لعفريته علشان ندور بيها
    الماكينة بتاعته ولأنه شاغال بالجاز بيكون معطل يومين وبارد جداً
    بس الغريبة فجأة قاموا ناس الصين إكتسحوا المجال غيروا الماكينة
    وقلبوها لينا بنزين ما هو جاز ومن تضرب السلف يقوم زي البعاتي يدور
    على طول ومسخن على طول.

    ألف سلام ،،، وتحيه على المرابطين بالبوست وشايف أخونا أبتر جاب ليكم دورية سواري
    كاملة أها شالوا الليل قلبوه نهار ،، حلوين زي ديل أنا ما قايل بحبهم وناس عزاز بالحيل.

    حكاية زقازيقية ،،،
    برلوم ظريف كان معنا في الشقة وفي الزقازيق إتعود أن يأكل لانشون كما يسميه المصرين (مارتوديلا) هنا في الخليج وتعود صاحبنا على الموضوع كنا في القاهرة نهاية العام وجلسنا عدة أيام وذهب البرلوم عند أول بقال واراد أن يأتي باللانشون ونسى الإسم ، وجالت عينهاه في أرجاء البقالة عسى أن تقع عيناه عليه وتكفيه من شر السؤوال وإستفاق صاحبنا على صوت صاحب البقالة قال البرلوم بصوت خافت يا عم ما عندك لحمه ناشفة وسلم لي على البتنجان .
                   |Articles |News |مقالات |بيانات

16-05-2009, 08:33 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    Quote: يا ناس البلد الغادي سلام
    ياناي القصر العالي سلام



    تسجيل حضور ... ومتابعة بكل فخر لهذا التداعي المموسق وهذا الابداع الجميل
    بيني وبين نفسي اردد دائما كم انا محظوظ، وأحمد الله كثيرا ان سخر لي ان اكون منكم
    واحمده تعالى أن جعلنا نلتقي هنا اسفيريا لاكتشف (وأضيف) لكل ذلك كم انا احبكم
    جلا ... دكتور محمد بادي ده ود عمي وود عمتي فعند ايراد أي بيت له تأخذ الاذن اولاً
    حفاظا على هذا الارث (جميع الحقوق محفوظة ل آل عكود)


    ودا... ماهو كتير على ولدا مربي عل ضفاف النيل
    ويوم ولدوهو دفنوا ابواتو صرتو في مراكز الخيل
                   |Articles |News |مقالات |بيانات

16-05-2009, 10:46 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    الزقازيقي الجميل وركازة ناس الرياض
    أحمد اسماعيل

    Quote: الإخوة الكرام المبدعين أهل الحوش وبالأخص الإخوة / أسامة أبتر ومنصور عبد الرازق وجلا ومحمد عيد ومحمد صديق والله أمتعتونا جدا الله يديكم العافية
    أولا يا أسامة أبتر في ( شليل وينو أكلو الدودو) مامعنى كلمة الدودو ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
    ثانيا يامنصور كل ماحكيتو عن العهد السابق هو الجوهر بل هو الحقيقة المبنية على ؛؛؛؛؛؛؛؛ مدد كرعينك قدر لحافك) لاكن تعال شوف ناسنا اليوم
    المهم يظهر اليوم أو هذا الشهر وبس ؛؛؛ حتى لو على حساب بكرة يتهزّا ماعندو مانع
    اخونا محمد عيد والله عجبني موضوع ( التشدق برعاية الفضيلة ونعمل بمنطق الغاية تبرر الوسيلة) ونضيف لك قصة بليس هذه
    يقال ان إبليس حصل ليه إستياء من ناس السودان جمع أغراضه وجهّز شنطته مغادر السودان
    وصل الخبر لأبالسة الإنس الذين لايستطيعون عمل شيء إلا بعد ماينقطر ليهم إبليس طبعا، فأسرعوا
    إلى إبليس قائلين له أصل ماممكن الوسواس الخناس يترك بلد فيه ناس ، قال ليهم
    ناسكم ديل نعمل ليهم شنو، الواحد فيهم تلقاهو مفلس توسوس ليه أسرق أنهب غش أنصب همبت
    لمّن الواحد يغنى ساعتها يعمل ليه مكتب ولافتة كبيرة مكتوب عليها /هذا من فضل ربي ؛؛؛؛؛؛؛
    اما بالنسبة للأخوان محمد ومحمد آدم وبعد الإتطلاع على ماذكرتم عن أخونا أحمد عوض والخميرة نصبت نفسي كمتحري متعاون وأجريت إتصال باخونا أحمد عوض فقال ؛؛؛؛؛؛؛؛؛؛؛؛؛؛؛
    إحتمال الكمندان أسامة الثاني ليس له أساس من الصحة اما الإحتمال الأول صحيح ؛؛؛؛؛؛؛؛؛؛؛
    إلا إنه لم يدلي بإسم من ورطه في الخميرة ؛؛؛وفي حديث آخر عندما عرف أحمد عوض ؛؛؛؛؛
    بالثنائيات الزقازيقابية الهوى كان متكئا إنتفض جالسا وقال مفروض الإخوة يبحثوا عن ؛؛؛؛؛الزقازيقابيات اللاتي لم يتزوجن
                   |Articles |News |مقالات |بيانات

16-05-2009, 08:41 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلام كبير للجدعان كووووولهم ..

    و سلام كبير أوي .. أوي .. لسنايرنا المبجلين ..

    للناس الذين أدهشونا و أمتعونا و ( كنبونا ) أي جعلونا نجلس كنب متكيفين و نتابع بسعادة رائع مداخلاتهم..

    فسلام و تقدير و إحترام للأفاضل الجديدين الشديدين..

    منصور ، أبتر، محمد أدم ، محمد صديق ، محمد عيد ، الرشيد المتجدد ، عروة، .. و لكل من يشاركنا في هذه السياحة ..

    فمعكم شددنا أوتار القلوب ..
    كيفتووونا

    الله يديكم العافية جميعاً و يبارك لكم في أعمالكم ..

    بالله عليكم ما تقيفوا .. خلونا نصل الميل مليون ..



                   |Articles |News |مقالات |بيانات

16-05-2009, 09:10 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    Quote: بالله عليكم ما تقيفوا .. خلونا نصل الميل مليون ..


    بنصلوا ان شاء الله ياريس .... بس الله يسترنا من الميل اربعين
                   |Articles |News |مقالات |بيانات

16-05-2009, 09:49 AM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    لم يكن العيد ذلك العام (أبريل 1990) بالزقازيق كأي الأعياد على كل الأصعدة إذ خرجنا من شهر رمضان مثقلين من المذاكرة ( كسر شديد ) فالامتحانات بعد إجازة العيد مباشرة ... وشقيقي عصام دهب يعتزل كل شيء حتى بيت الطالبات ويكتب على باب غرفته ( جانا العيد .. إجونا الناس إقولو ا تهاني بخيت وسعيد تحقق أماني ... لقوك معصور في عالم تاني .. مدني تجاري جرح جواني ) وما درى دهب ما كان يتنظرنا من جرح بل جروح ..
    بعد يوم من الطواف على الكل بالزقازيق مباركين بالعيد ومحاولين الهروب ولو لساعات من عصرة الجلوس للمذاكرة والكسر الشديد .. رجعت شقتي في وقت متأخر من الليل .. وما أن خلدت للنوم حتى سمعت بجرس الباب يدق .. قلت عله واحد من الشباب تأخر في مباركة العيد وجاء مباركاً إذ أن كل شيء بالزقازيق كان ممكن حتى الزيارة في وقت متأخر من الليل .. فتحت الباب فإذا به الشقيق البرلوم الشليق مجتبى فاروق .. ها يا مجتبى خير الجابك من المنصورة هسة شنو مش كلامنا أمس إنو نلحق بيكم نحن بكرة إنت مصطفى نقد الله.. وقف صامتاً وأنا محدقاً فيه .. يا مجتبى في شنو .. ما في حاجة بس مصطفى نقد الله عندو أخوه احتمال إكون أُعدم مع ناس الانقلاب .. ومصطفى وين ؟ الآن في شقته ومعاه بشير على العبيد وأحمد عمر وأبوبكر حامد الأمين ..
    خرجنا من الشقة ووصلنا لشقة مصطفى التي كانت بجوار بيت الطالبات بشارع القومية .. في الطريق سألت مجتبى يعني الخبر ما أكيد .. وحكى لي البرلوم كيف تم معرفة الخبر .. ( كنت أنا ومصطفى وبعض الشباب من الأشقاء بالمنصورة نتجول في شارع الجلاء وكنت قد قرأت في جريدة سودانية وبمحض الصدفة في المنصورة ووجدت فيها أسماء الضباط الذين تم إعدامهم ومن ضمنهم ( بابكر عبد الرحمن نقد الله ) قال : ظننت أن هذا الاسم هو من عائلة الأمير نقد الله بتاع حزب الأمة .. وبينما أنا أسير مع مصطفى ومن معنا رميتها : تعرفوا يا شباب الضباط التم إعدامهم في واحد من عائلة الأمير نقد الله رائد مدفعية بعطبرة .. لحظتها جلس مصطفى على الأرض وكلنا يا مصطفى مالك في شنو .. فإذا به يقول يا جماعة أنا عندي أخوي اسمو بابكر وهو رائد بالمدفعية بعطبرة .. وبدأنا كلنا نخفف من تأثير ذلك الشيء ونقول لي مصطفى يا خي ده تشابه أسماء ليس غير .. )
                   |Articles |News |مقالات |بيانات

16-05-2009, 09:50 AM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عروة علي موسى)

    غير أن مصطفى لم يكن قلبه ليخطيء ، فعندما دخلت عليه ونظرت في وجهه ورغم أنه كان يبدو عليه الثبات إلا أنني أيقنت أن من قُتل هو أخوه هكذا انتابني إحساس بأن الضباط الذي أعدم هو بابكر عبد الرحمن نقد الله أخوه مصطفى ...
    مصطفى نقد الله الإنسان الصافي الرقيق الطيب القلب وحلو المعشر ( زول أخو أخوان ) كان يؤثرنا على نفسه .. كان ملاطفاً وممزاحاً وومخففاً لكل ما يمكن أن يعكر الصفو .. كان ينتظرنا في الشارع ونحن قادمين من أداء الامتحانات وإن وجد أحدنا مكدراً من الامتحان ياتيه بكل أريحية وطيبة قلب وحديث شفيف .. ( كدي جيب الورقة دي .. الإجباري ده كيف .. اشتغلتو يعني .. وهنا دقشت .. والسؤال ده دشيت فيهو شيء .. طيب ياخي باس خلاص ناجح عليّ .. يلا يا شباب السمك المشوي جاهز ) كان مصطفى صديقاً وشقيقاً وأباً رحيماً لا يمكن أن يجعلك تزعل منه على الإطلاق .. مرحاً حبوباً دائم الابتسامة ..
    طلبت من مصطفى نوتة تلفوناته ، فأعطاني إياها وخرجت وخرج معي بشير علي العبيد وأحمد عمر وعصام دهب ، وأصر مصطفى على الخروج معنا ، كان الوقت متأخراً لذا كان لابد من أن نقصد سنترال المحافظة لنجري بعض الاتصالات .. اتصلنا على رقم لبعض ذويه في الخرطوم بيد أن الجرس يرن فقط دون رد ، تعثرت كلنا محاولات الاتصال إلى كوستي ، كل هذا كان يثير في الهلع والقلق من الأمر صحيحاً .. وبقينا محاولين حتى الساعات الأولى من الصباح .. وعندما عجزنا أن نتوصل لنتيجة .. ونحن خارج السنترال وكان مصطفى يجلس بالداخل ناداني وقال في تلفون لأختي بالسعودية حاول الاتصال بها .. كان الموقف صعباً ومؤثراً .. ما أن دق رقم الهاتف ردت أخته وقلت أنا زميل مصطفى حتى انفجرت باكية وطلبت مني أن أعطيها مصطفى أخذ مصطفى سماعة التلفون وأنا اسمعها تقول : شفت يا مصطفى سو في أخوي شنو وهي تبكي بصوت يمزق نياط القلب .. لم يقل مصطفى شيئاً بل أنه من الوهلة الأولى انهار وسقط مغشياً عليه .. قفلت السماعة وأدرك بشير علي العبيد وأحمد عمر وعصاد دهب أن الأمر بات حقاً ودخلوا علي وأنا ممسكاً بمصطفى وهو مغشياً عليه داخل الكابينة ، وأخرجنا مصطفى إلى خارج السنترال منتظرين عربة تاكسي لنقله إلى مستشفى الجاويش ، وكان بشير علي العبيد قد استغرق في بكاء حارق ونهار وكذا الحال عصام دهب وكدت أنا ألحق بهما لولا أن العزيز أحمد عمر عالجني بكف قوي ونهرة أعادا إلى توازني وتماسكي الذي كان مطلوباً ومهماً خاصة أن اثنين ممن معنا قد فقدناهما من هول الصدمة عليهما حتى أن عصام دهب أدخلناه المستشفى كذلك بجوار مصطفى نقد الله .. وهنا لي أسجل موقفاً لأخ مصري كان يركب سيارة ملاكي عندما رأى ذلك الموقف وقف وساعدنا في إدخال مصطفى إلى السيارة وأوصلنا حتى مستشفى الجاويش وجلس معنا حتى أفاق مصطفى وأصلنا إلى شقة مصطفى إذ في ذلك الوقت الصباحي كان يتعذر الحصول على
                   |Articles |News |مقالات |بيانات

16-05-2009, 09:51 AM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عروة علي موسى)

    سيارة أجرة .. لذلك الشاب المصري الزقازيقي النبيل كل الشكر وهو ما زال مشنفاً ذاكرتي بجميل صنعه وموقفه الشجاع ..
    تدافع كل الطلاب صوب مستشفى الجاويش مشاركين مصطفى في محنته حتى امتلأ الساحة أمام دار الاتحاد ومستشفى الجاويش ، وبعد أن أخرجنا مصطفى وأخذناه هو وعصام لشقة مصطفى تواصلت الحشود أمام الشقة معزية ومشاركة في الألم ، وذلك اليوم كان بيت الطالبات المجاور لشقة مصطفى متوتراً إذ أن الطالبات قد جاء خبراً بان والدها في الخليج حدث له حادث حركة رغم تيقن جميع الناس بأن والدها قد توفى ولكن كان القصد من تلك الرواية أن يتم تهيئتها لاستقبال خبر الوفاة بعد مدة هكذا أراد أهلها .. كان الطالبة متوترة وكانت في تحرك دائم وقلق مستمر والجميع يعلم الحقيقة إلا هي ، وتم أخيراً إعلامها بالحقيقة رغم قسوة الأمر ولمنه قضاء الله وقدره أم أقل لكم إنه كان عيد مختلف ومليء بالأحزان ، وهل دري عصام دهب بأن الجرح الجواني من المدني والتجاري كان ابسط مما عايشناه من إلم ومعاناة وعيد حزين ..
    رغم كل شيء .. الامتحانات على الأبواب ، ورفض الاتحاد المساعدة في سفر مصطفى بالطيران .. سافر مصطفى بالطيران والامتحانات تبقت لها خمسة أيام وكان مصطفى في السنة الرابعة ليسانس .. وقف جميع الطلاب معنا في تلك المحنة وعند سفر مصطفى بالطيران جاد كل بما تيسر ، وهنا لا بد من أذكر موقف الشقيقة خالدة قسم الباري عندما جاءت إلينا بشيك بمائة دولار استلمته لمصاريفها أصرت على أخذه مشاركة في سفر مصطفى .. لك أختي خالدة أسمى آيات الشكر والعرفان على هذا الموقف النبيل الذي سيظل في الذاكرة ما بقيت تدري ...
    أرفقنا مع مصطفى خطاب تعزية لأهله بالسودان وطلبنا منهم أن يعملوا على إقناع مصطفى بكل السبل على أن يعود نهاية هذا الأسبوع لأن الامتحانات على الأبواب .. وخيراً صنعنا فقد التزم أهله بذلك وعاد مصطفى بعدما فاته الامتحان الأول ، وأكمل مصطفى الامتحانات ونجح فيها وهو يعتصر الحزن والألم والفقد لأخ عزيز كان يحبه ..
    بدأ مصطفى متأثراً من جراء الصدمة العنيفة لخبر وفاة أخيه وكان من مضاعفاتها أن أصيب مصطفى بالسكري إثرها .. وبقي مصطفى بالزقازيق حتى أدى دور نوفمبر ونجح ورحل مصطفى للسودان وترك لنا فراغاً واسعاً وفقداً كبيراً يصعب تعويضه .. ما كنا نعلم ما يخبئه القدر لنا .. داهم صدمات السكري مصطفى وأنهكه الحزن على فقده أخيه .. ولم تمر مدة طويلة حتى رحل مصطفى نقد الله عن الدنيا .. مات مصطفى ونحن لفراقه رغم مضي السنين والله محزنون ولكن قدر الله وما شاء الله فعل ..
                   |Articles |News |مقالات |بيانات

16-05-2009, 09:52 AM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عروة علي موسى)


    ألهم يا حنان يا منان أرحم مصطفى نقد الله وأسكنه فسيح جناتك مع الصديقين والشهداء .. واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس وصلى الله على سيدنا محمد وعلى آله وصبحه وسلم ..
    لملمت طيبك يا نقد الله
    من دقاتِ أوتاري
    فبكت عيونُ الشعرِ
    من وجعي ... ومن ناري
    ودفنت شعري في الترابْ
    ماذا .. يفيدُ الشعرُ بعدَك يا مزمار سمّار ؟
    هذه حروفي
    بالفقدِ خاويةً
    ومجلسُها حزينٌ من غيرِ سمّار
    فترقرقتْ لما نُعيت لها خبراً
    أجرى الدموعَ دماءً فوق أستاري
    لطفاً دليلي !
    حرفي كئيبٌ
    لا عجزٌه يدري بمحنته ، وصدرُه من يُتْمِه عاري
    ماذا يقول الشعرُ يا مصطفى ؟
    غير الذي ما قلت من بوحِ وأشعار
    ماذا يفيدٌ الدمعٌ يا مصطفى ؟
    فمهما أفاض من وجعي
    ما اسطاع في الوهمِ كماً
    أن ينقصَ النار
                   |Articles |News |مقالات |بيانات

16-05-2009, 10:34 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عروة علي موسى)

    من الزقازيقابي الرائع و الأخ الفاضل د. مطيع الطيب الحوري تلقيت هذه الرسالة الطيبة :
    Quote: الأخ العزيز عصام
    السلام عليكم ورحمة الله وبركاته
    أكتب اليك اليوم بعد ان طال استراقى السمع والنظر والبهجة فى محفلكم الزقاقزيقى مجترا معكم كل لحظة من لحظات حضوركم فى هذا الجمع الفريد الذى لم الشتات واعاد رتق الايام التى اهترأت من كر الزمان عليها
    معذرة للولوج بهذه المقدمة قبل تعريفكم بنفسى أنا مطيع الطيب طه الحورى زقازيقى من عصر كل هولاء العظام الذين يبتدرون كل جليل من الاعمال بهمم الابطال وبسالة الفاتحين تشرفت بكونى احد رعايا الريس المبجل ميسرة سيد أحمد ومن قبله ممن قاد ركب الاتحاد خدمة لقضايا الطلاب وسهرا على راحة الاخرين بعد ان عرفنا الان ان العمل الطلابى كان تكميلا لصياغة الفرد حتى يكون مؤثرا وفاعلا فى مجتمعه وفيمن حوله
    كل الصور التى عرضت فى البوست عشت لحظاتها واستمتعت باستعادة القها الذى لم تطفئة السنوات كنت هنا او هناك قريبا منها, قريبا من كل من فيها , قريبا من عم جودة حين التقاطتها. كل الاحاديث التى دارت هناك او تدور هنا كنت وما زلت شاهدا عليها ومصغيا لها بكل اهتمام وحضور. فلك عزيزى عصام كل الشكر والتقدير على لم كل هولاء الاصدقاء فى حوش لن تنقضى فيه الحكاوى ولن ينفض سامره ولن يمله مرتاده كلما عاد اليه بشوقه واشتياقه
    التحية عبركم لكل من دخل هذه الدار العامرة او انتسب اليها بسبب من الاسباب التحية لكل الزقازيقاب الذين عرفتهم والذين لم اتشرف بمعرفتهم الذى قابلتهم والذين رافقتهم وعشت معهم كل تفاصيل ايامهم هناك التحية لكل زملائى فى الكلية ودفعتى ( خالد محى الدين ..عمر عبد الله ..زهير على ..حسن اسماعيل ..عبد السميع أدم يوسف ..مزمل دفع الله ..أحمد الفيصل ..) ولكل من رافقنا من الزملاء والاصدقاء من الكليات الاخرى ولكل من سكنت معهم من ابناء كلية تجارة وتربية وآداب
    التحية لجيل الزقازيق الذى عاش فترة الثمانينات بتقلباتها السياسية الكبيرة وانخرط فى العمل السياسى ليبصرنا بما ينوبنا والوطن من مخاطر وما يحدق بنا من مطامع
    التحية لمؤسسى جمعية الخريجين وللجانها التنفيذية
    التحية لكل من يطالع هذا البوست
    والتعازى لكم جميعا فيمن فقدنا من اعزاء كانوا معنا هناك ولاسرهم وذويهم
    التعازى لكل من فقد غاليا عليه
    أنا الان موجود بالرياض احاول ان اتواصل مع زقازيقاب الرياض عبر الاخ الفاضل أحمد عوض
    أن تمكنت من ايصال هذه التحية عبر البوست فتلك سعادة تمنيتها وان لم فلتصل عبرك الى من تعز


    فالشكر أجزله لدكتور مطيع و سأعود لأحكي له موقف ـ ربما لا يتذكره ـ جمعنا في الزقازيق و والده الفاضل و على ما أعتقد عمه .

    ـ
    شقيقي عروة ، و الله ، و الله أبكيتني و هيجت أشجاني بذاك اليوم الذي لا زلت أذكره كما الأمس ، رحم الله شقيقنا مصطفى ، و سأعود إليك حتماَ يا عروة إن شاء المولى .




                   |Articles |News |مقالات |بيانات

16-05-2009, 10:36 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عروة علي موسى)

    عروة ....
    يغالبنى الدمع وانا اسطر لك هذا وانفرط القلب من الوجع وانت تجتر هذه الذكري
    رحمة الله عليك يا مصطفى ...
    عروة ... لله درك نعم الوفي المخلص
    شكر ... ورجاء ان لا تغيب عن هنا
                   |Articles |News |مقالات |بيانات

16-05-2009, 10:49 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    له الرحمة اخى عروة ولكل فقداء الزقازيق

    المرحوم مصطفى نقد الله اقصى يمين الصورة وقوفا" وهو ممسك بغصن الشجرة


                   |Articles |News |مقالات |بيانات

16-05-2009, 12:11 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    سلامات ياناس

    الرحمة والمغفرة لمصطفى نقد الله

    ولكل الذين افتقدناهم {منير علوم..عفاف حقوق ..اسامة طب..محمد احمد تربية

    نوال زراعة..كمال الياس بيطرة..كوتوكو اداب..وياسر الشفيع بيطرة ....ووو}

    الا تتفقوا معى بانه كان لنا حديث مع هؤلاء الراحلين لم يكمل ؟؟

    كنت اوداقول الكثير

    اسر اليك حديث الزمان العليل

    وكيف الكلام علاه الصدأ

    وكيف الجياد تعاف المسير

    وكيف المطامح راحت سدى

    وكيف...وكيف...وكيف

    وانت شسعت!!!!!

    حزمت المتاع!!!!

    شددت الرحال!!!

    ابيت السكون وظل المقيل !!!!

    ركبت خيول الطريق الصعب!!!

    فأنت شديد المراس ترود الردى

    وانت عظيم الرؤى...

    تسوس النصب.

    لهم الرحمة جميعآ...من ذكرتهم ومن لم..
                   |Articles |News |مقالات |بيانات

16-05-2009, 12:58 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    عروه...لقد أوجعتنا..لك السلوان و الصبر الجميل
    وأدعو بالرحمة و المغفرة لكل الذين رحلوا عنا دونما استئذان

    محمد صديق و اسامة أبتر...جيت أتاوق يوم الجمعة لقيتكم قلت امكن تكون كشه
    اضايرت...جيت الليله لقيت ابداعاتكم...قلت لي نفسي دي خلعه ساكت الناس ديل
    كانو بدون الميري.
    ليكم التحايا جميعا...ولنا عوده
                   |Articles |News |مقالات |بيانات

16-05-2009, 02:10 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    اخى عروة
    رحم الله مصطفى نقد الله
    وبالرغم من اننى لم اتشرف بمزاملته ومعرفته
    الا ان للقصة وقع رائع وجميل
    مليان عبر وفيها تلخيص عميق لحال الزقازيق
    واهل الزقازيق
    اما الشهيد اخو مصطفى
    فان فى قصته
    مع قصة اهل الزقازيق مع اخيه المكلوم
    الشهيد بعد زلك فى درب اخيه
    قصة السودان كله
                   |Articles |News |مقالات |بيانات

16-05-2009, 02:43 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    أخي عروة لقد نكأت الجرح العميق
    وإعتصرنا الألم الرهيب
    وأن موقفكم مع المغفور له بإذن الله قد يشابه مواقف أخرى مع الأحبة الباقين الذين ذهبوا إلى غير رجعة
    عناك دروس عبر و لاشك
    هناك ذكرى تبقى إلى الأبد
    هناك وصلٌ معهم حتى اللحد
    نحن في قطار يمشي بنا إلى الأمام
    وتتناقص الأيام
    تأتي محطات وتذهب أخر
    وينزل فيها من ينزل
    شاء أم أبى
    والكل نازل
    والكل ينتظر و يترقب
    ليست هي آخر الأحزان
    لكن دعونا نوقف هذا الحزن والألم ونكمل ما تبقى من أيام
    مستشهدين بحبهم لنا
    سائلين المغفرة لهم ولنا
    إجعلو حياتكم سهلة
    علييييييكم الله
    الله يا رب
    إستغفر الله العظيم
                   |Articles |News |مقالات |بيانات

16-05-2009, 02:50 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    رحم الله أخانا مصطفى نقد الله وأجزل ثوابه

    وجزاك الله خيرا أخى عروه على وفائك الذى يقطر من أحرفك ..

    وكما قال منصور .. فان فقد مصطفى ومن قبله أخاه الشهيد .. كان فقدا للوطن

    وحادثة الاعدام هذه فى ليلة العيد أذكرها تماما وانا أخطو اولى خطوات الاغتراب

    والمنفى اللاارادى .. فى مدينة الرياض حينها

    وكانت اول عيدية باعدام 25 من كبار ضباط الجيش .. الكدرو وكرار وعوض خوجلى ورفاقهما

    بودى الاسترسال .. ولكن سيف الرشيد بابكر المسّلط يهدر محذرا مثل تحذيرات

    طيب الذكر رامبو لاصحاب الأفران : من أراد ان تثكله امه او ...

    فكّــها شوية علينا يا رشيد !!
                   |Articles |News |مقالات |بيانات

16-05-2009, 02:42 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الله يا عروه ،، فكرتنا بالحزن القديم ،،، الله يرحم مصطفى نقد الله
    فلقد راعى مصطفى صداقتي مع الشهيد بابكر نقد الله حيث جمعني الزمن
    مع الشهيد بابكر نقدالله ونحن بالمتوسطة والثانوية بمدينة كوستي ومصطفى
    كان أخونا الصغير اليتيم يعيش بيننا ويستجيب لطلباتنا وحين هاجرت عائلتي
    من السودان 1975م لأسباب سياسية بعد أن كان والدي معتقل سياسي لفترة طويلة ،
    وفضلت العيش مع (الحبوبه) التي كانت تعيش بتلك المدينة ورفضت العيش مع العائلة
    بالسعودية ،،، حين زعمت آنذاك أنا ما بحب العرب ديل .

    توطدت علاقتي أكثر مع الشهيد بابكر ولدينا متسع من الزمن للزيارات المتبادله
    والمذاكرة وبحكم صداقتي مع المرحوم الشهيد بابكر وكنا نتسامر أو نخرج للعب
    أو الذهاب إلى السينما ونلتقي مره أخرى بالمدرسة ،،،،بعد أن التحق الشهيد بالقوات
    المسلحة قابلته ذات مره وهو برتبة رائد يقود سيارة صغيرة خاصة بالجيش وشاهدني من على
    البعد في ميدان أبو جنزير وقف أمامي بعد أن فرق بيننا الزمن ووقف معي فترة طويلة نجتر
    ذكريات الطفولة ومهد الصبا وقد حدثني عن نفسه وإنه من ضمن الضباط الذين وقعوا على مذكرة
    القوات ا لمسلحة الشهيرة ،، والشهيد بابكر من صفاته كان صنديد ضرغام لا يخاف من شئ إلا الله
    وثم ودعته على أمل أن نلتقي ولكن كان الزمن ينسج خيوطه الواهية ,,,,,,,،،،،،,,,,,عن الشهيد
    عندما سمعنا بخبر إغتياله بعد أيام قليلة من هذه المقابلة في الوهله الأولى حسبت أنه تشابه أسماء
    وعند مراجعة بعض الأصدقاء تأكدنا من أنه بابكر ولدنا وزميلنا وأخو الشقيق المرحوم مصطفى ,,,, الله يرحمهم ويغفر لهم ويجعل الجنة مأواهم لقد كانوا من خير الناس من أفضل الناس خلقاً وأدباً .
                   |Articles |News |مقالات |بيانات

16-05-2009, 03:17 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلامات يا ناس

    شايف الجو كده بقى حزين

    والحزن حالة نفسية سريعة العدوى ويصعب الخروج منها

    عروة.....تعال نحاول نطلع من هذه الحالة....نحاول

    فى آخر ساعات الليل....

    تأتى الذكرى...

    كما اطيار النورس تأتى شط البحر

    عطشى لتعانق بلور الماء

    تداعب حبات الرمل الملساء

    تحيل خمول الشط...

    ضجيجآ...وغناء

    وتبنى فوق تخوم الموج...

    منارآ للغرباء

    فى آخر ساعات الليل....

    وأنا أتهيأ كى أقرأ اورادى...

    كى اسرق لحظة صدق وضاء مع نفسى

    كى ارسم فوق ظلال الليل..

    نقوشآ للفرحة

    او اجمعمن مقلته ...من بين ضفائره....

    قطرات الانداء..

    تأتى الذكرى.

    فى آخر ساعات الليل....

    وانا اتسمع فى الخارج..وقع الاصداء

    همس طيور الليل وانات التعساء..

    صفير قطار يفجأ صمت الليل....

    دقات الساعة خلف الميدان...

    وانا اتهيأ كى ادخل فى تلك الاشياء....

    تأتى الذكرى

    ويهتف بى صوت الاعماق.....

    فى داخل حجرته....

    مابين فراغات الضؤ وبين الجدران

    فى عمق سريرته...ما بين مسامات الجلد وبين الشريان

    فى كل لياليه.....

    ما بين سكون الشوق وبين الجيشان

    فى كل لياليه...

    مابين حضور الكأس وبين رحيل الندمان

    تتردد اصداء الذكرى

    الشوق امامك ....لا مهرب

    الذكرى خلفك ....لا مهرب

    ولا مهرب.
                   |Articles |News |مقالات |بيانات

16-05-2009, 03:44 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    الأخ العزيز عصام
    السلام عليكم ورحمة الله وبركاته
    أكتب اليك اليوم بعد ان طال استراقى السمع والنظر والبهجة فى محفلكم
    الزقاقزيقى مجترا معكم كل لحظة من لحظات حضوركم فى هذا الجمع الفريد
    الذى لم الشتات واعاد رتق الايام التى اهترأت من كر الزمان عليها
    معذرة للولوج بهذه المقدمة قبل تعريفكم بنفسى أنا مطيع الطيب طه الحورى
    زقازيقى من عصر كل هولاء العظام الذين يبتدرون كل جليل من الاعمال بهمم الابطال
    وبسالة الفاتحين.

    **************************************************************
    معليش د. مطيع الطيب الحوري ،،، أخذنا النعاس وإبتلت دواخلنا بهذه
    الذكرى التي هيجب مشاعرنا ،،،، لكم الود ولنا العذر ،، أخي مطيع لقد
    كنت أنت الزقازيقي الكبير وكنت تمثل جيل بكامله وكنتم من ابطال ذلكم الزمن
    الجميل ،،، نأمل أن تكثير من مداخلاتك وكلامك المموسق حتى نقفز من حالة الحزن
    الذي صاحبتنا خلال اللحظات السابقة .

    خليك معانا وحتماً ح نكون معاك ،، أخي مطيع لك منا كل الحب .
                   |Articles |News |مقالات |بيانات

16-05-2009, 04:02 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    دا كلام جميل محمد صديق
    الخروج من دائرة الحزن
    Quote: تأتى الذكرى.

    فى آخر ساعات الليل....

    وانا اتسمع فى الخارج..وقع الاصداء

    همس طيور الليل وانات التعساء..

    صفير قطار يفجأ صمت الليل....

    دقات الساعة خلف الميدان...

    وانا اتهيأ كى ادخل فى تلك الاشياء....


    الحالة دي الحالة تسعين تكون مدبرس اليوم كلو
    تمشي دار الإتحاد الساعة العاشرة
    لناس جايين و إنت ماشي يادوبك
    و تسأل فلان قاعد ..... طيب ناس هناي مشو و لافي
    لكن برضو لازم تصل عشان تعود للشقة الساعة إتناشر
    وكدا مافي نوم
    و تجي ساعات آخر الليل
    وإذا قعدت تسمع في الخارج وقع الأصداء
    معناها المحاضرات بتاعت يوم باكر... مدكوكة ...مدكوكة
    (لأنو الزول الموزع شاف الكرت الأخير في توزيع ورق الوست)
    أما أنات التعساء دي ما بتلقاها إلا إذا كنت ساكن في شارع الحمام
    أو جنب شقة ناس تاج الدين عندما تمر بهناك وطبعاً الشقة دي أنا شربت فيها برميل شاي
    وعند ذكر سيرة القطر
    طوالي تكون إتذكرت أحمد عوض و عبد الرحمن شاويش
    لأنو ذكرت سابقاً خميرة أحمد عوض الماإتباعت
    لكن القطر دا قطر ناس أبو الجاز ومحي الدين محمد بلال ويسين الدومة جايين من الجزيرة أبا
    و الأخير يكون شايل كركدي وكسرة ناشفة وويكة لزوم دعم الميز
    ودا قبل الإنتشار
    وطبعاً مع الزوادة بيكون التمباك حضور
    شكراً محمد صديق
                   |Articles |News |مقالات |بيانات

16-05-2009, 04:43 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)



    الحبيب جلا .. مواكبة لاتجاه النزوح بعيدا عن حالة الحزن ، ارفق لك قصيدة الرشيد بابكر التى حدثتك عنها سابقا والتى نشرناها فى اطلالتنا بكلية الزراعة غالبا عام 86 ..
    والشىء الجدير بتسجيله هنا ان القصيدة اثارت كثيرا من ردود الأفعال لاحتواءها على بعض المصطلحات التى حدت بالبعض الى ما يشبه الحكم بالردة على الاخ الرشيد ، والذى حدث ان احدى زميلاتنا السودانيات – سامحها الله - ولا داع لذكر اسمها قد أخذت نسخة من الاطلالة الى مجموعة من الزملاء المصريين الملتحيين ، وبالطبع فان جماعات التكفير والهجرة فى مصر قد كانت تلك الأيام فى بدايات نشوءها واستشراءها وسط المجتمعات الطلابية بالجامعات ، وكان ان فوجئت بتلك الاخت تحضر لى برفقتهم فى قسم الاقتصاد الزراعى والتفوا حولى وبدأوا صياحا غوغائيا مطالبين بايصالهم للشخص كاتب القصيدة ، عندها حاولت مع زملائى بالقسم جمال مصطفى وصفاء عباس وعبد الحليم ان نخفف من حدة توترهم وبدأنا نشرح لهم اساليب البلاغة التى انتهجها الرشيد فى كتابته للقصيدة مع تأكيداتنا بأنه من الناس الملتزمين بالصلاة وغيرها من الفروض الراتبة وحاولنا ان نفلسف لهم ماهية الشعر الرمزى الذى استخدمه فى كتابته .. حتى استطعنا تفريقهم وهم غير مقتنعين مع توعدهم بمعاودة الكرة لمقابلة الرشيد .
    يعنى لينا عند الرشيد حق عرب فى انقاذ رأسه من تلك الجماعات ، عموما ارجو اخى جلا ان تتمعن فى القصيدة جيدا وكذلك محمد صديق وعروة وياسر نجيلة وعادل وكل المهتمين بالشعر والادب لنضع فيها رؤية نقدية محددة . ودوننا الرشيد لنضعه فى مقصلة النقد الهادف ونفتح بابا للنقاش والتحاور . واليكم القصيدة

    ارتداد

    عزيزتى
    التحايا والاشواق .. وبعد
    فى البدء .. قررت هدم المعبدين
    وهدم تمثال الحياة
    وقطع تلك النخلتين
    هذا ارتداد لا تراجع فيه
    واخبرك .. انى انسلخت عن اليمين
    اسمعها ملء احساسى واذنى ..
    صــابىء .. أقسم انك تصرخين ..
    قررت ان أكفر بك .. أتسمعين ..؟
    وأعلن انى تركت هذا الدين ..!
    فيا عزيزتى هنا ..
    الناس ترتاد البيوت والمقابر
    الناس تبكى فى البيوت والمقابر
    الناس اسدلت الوجوم على الحياة
    وصبغت الاجساد بالسواد للأظافر ..
    والـله أطفأه القمر ..
    فالموت عندهم تغمد الزهــر
    .. تساقط الشجر
    وزهرة تقبل بقعتان من ندى
    لعاشق سقاها دمعتين وانتحر
    والصمت عندنا صديقنا المنون
    نقول كل شىء صامتون
    أحب امى صامتا ..
    وغناؤنا ايماء ..
    كنا كـ اللات والعزى والسماء
    صلبونى كالمسيح فى المساء
    وحين سالت الدماء
    ولدهشتى ..
    لا صوت من تلامس الدماء والتراب
    والصمت يا عزيزتى ..
    مدينتى التى تبعثر الحياة بالسنين
    والصمت سدد الاذان من سنين
    فلم تعد تستجيب للنداء ..
    والأنين
    وثالثا عرفوا بأنا راهبان
    قانعان بالجميل فى الحياة
    فجردونى من حياتى
    ورمونى فى مدار مظلم
    لا اعرف فيه اتجاه
    بلغوهم كيف كنا سعداء
    صلبونى فى العراء
    وقضوا علىّ بأن اعيش
    فى مساحات خوالى بلا انتهاء ..
    وقضوا أخــيرا ...
    اما أرتد .. واما ان اموت
    فأخترت راغبا ان اعود
    لاننى ابن الحياة أخشى الممات
    ودائما عشقتها الورود
    وأخيرا ..
    أرو بقلبك مكانى الذى احترق
    وأبعثيه للوجود من جديد
    فالحزن صفحاته دائما ورق
    والسعادة منقوشة جميلة على الحديد
    وسعادتى فى انك فعلت ما أوردت
    وغفرت لى رغم انى صبأت
    لكنها حياتنا
    فآه آه ما حيلتنا ..!؟
                   |Articles |News |مقالات |بيانات

16-05-2009, 04:46 PM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    الأعزاء :
    عصام دهب .. جلال عثمان .. عبد الدائم النضيف .. الزول البحبو في شان الله محمد صديق .. كبيرنا وعزيزنا الرشيد بابكر .. منصور عبد الرزاق .. حكيمنا محمد آدم النور .. الغالي محمد عيد .. أستاذي باللجنة السياسية ميسرة سيد أحمد ..
    سلام ومحبة وشوق وود ..
    أثلجتم صدري بما نثرتم من مفردات خففت لوعة الحزن جواي ...
    لكم جزيل الشكر على هذا الدعم المعنوي النادر ..
    أواه من ليال الحزن من بعد الفراق ..
    وأنا الذي ما زالت ذاكرتي تمور بكثير الحديث عن أعزاء فقدناهم .. عفاف علي الشريف .. أسامة محمد عثمان ..ابراهيم جوقان .. بدر الدين محمد عبد الله مهدي رحمهم الله.. لكل واحد من هؤلاء كوم من الذكريات معي
    رغم أني جئت الزقازيق متأخراً بعض الشيء إلا أنني وجدت نفسي تربطني علاقات وطيدة مع أناس سبقوني بسنين مثل أسامة محمد عثمان رحمه الله .. وعفاف الشريف عليها الرحمة .. وأخوة أعزاء من جميع الكليات علي سبيل المثال إلا الحصر : طارق حسن عبيد .. علي الشريف .. عادل النمير .. قاسم عوض أبو صلعة .. طارق مدني .. سعيد .. عبد الدائم الوسخان .. شيخ عشري .. أحمد عبد الله الخضر .. سيد محمود .. دكتور أبو الجاز .. ابراهيم فش .. الطيب شبش .. جماع .. وصديقي وشقيقي المشتاق ليه جداً عبد الرحمن شاويش .. وغيرهم ..
    بالإضافة لكل الذي كانوا من جيلنا وعاصرونا وانتشروا فينا وانتشرنا فيهم ..
    بحق كانت الزقازيق هبة من الله .. وبعد أن قضيت السنة الثانية في الزقازيق سألت نفسي كيف كان يمكن أن يكون وضعي لو قبلت في جامعة أخرى غير الزقازيق .. هل كنت سوف أحظى بحميمية مثل هذه وكانت الإجابة ما رأيت من غريب الأحوال في مجتمعات في محافظات أخرى .. حمدت الله على تلك النعمة .. والآن أرفع اكف الشكر لله على هذه الرفقة التي أحس رغم البعد عن البعض بحنين ودفء ومشاعر جياشة واحساس متفرد .. وانتماء يشبه حالة الشوق للوطن عند المنفى ..
    شكراً لكم أحبتي كل هذا البوح وهذا القول وذاك النوح وجميل الذكريات ...
    ودعونا كما قال حكيمنا محمد آدم النور أن نجعل حياتنا سهلة ... علييييييكم الله ..
    مرفق تقديري وودي وشوقي ،،،
                   |Articles |News |مقالات |بيانات

16-05-2009, 05:07 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    يا ناس الحوش
    إقتراح
    ما في زول يعمل مداخلة إلا و يقول حاجة عن قصيدة إرتداد للأخ الرشيد
    حتى الرشيد نفسه
    شاكراً أخي محمد عيد
    حتماً سأعود لزنيدق الحب هذا
    يا منصور كرب سيفك
    يامحمد صديق ولع نارك
    ياسر نجيلة قطع بصلك
    يا عادل عبد الرحمن سخن زيتك
    ياعروة حضر شطتك
    الباقين غسلو إيدكم و قربو جاي
                   |Articles |News |مقالات |بيانات

16-05-2009, 05:28 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    سلامات

    عروة لك الود والتحايا

    مازلت عند دعوتى لك لاخراج الحوش من الحزن وانت عارف انا عايز شنو

    محمد عيد سلام

    وحده الشاعر يعلم يقينآ ماذا يريد ان يقول فى قصيدته ولكى يصل

    الى مبتغاه يتسلح بادوات كثيرة مع اللغة والتى هى اداة التعبير

    القوية.......اللغة المباشرة تفسد اى جنس ادبى....الصوفية يقولون

    بالاشارات....التلميح....يبتعدون عن التصريح....لماذا قالوا عن

    الحلاج ما قالوا اليس قوله{ما فى هذى الجبة غير الله} هو ماجر عليه

    كل ذلك؟


    الشاعر يقول ما يقول وهو يعلم وحده ما ذا يريد ان يقول يقينآ

    انا افهم ما يقوله على طريقتى وانت على طريقتك وتلك التى لم

    تذكر اسمها على طريقتها...... اواصل....
                   |Articles |News |مقالات |بيانات

16-05-2009, 05:15 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    محمد عيد يخرب مطنك...دي مرقتها من وين...والله أشكرك من أعماقي علي القصيده دي
    طبعا دي من القصائد الضائعة...
    طبعا أذكر الموقف جيدا بتاع أخوانا المصريين...و أنا التقيت فيهم بعد ذلك ولكن بعد
    أن قمتم مشكورين بتخفيف الأمر وتسهيل مهمتي...فجلست معهم وشرحت لهم القصيده حرفا
    حرفا مع ان الشعر لا يشرح...و انتهى الأمر ببرائتي من تهمة الزندقه و الكفر و أصبحت
    صديقا لهم بل أصبحوا يتابعو الاطلاله...ربما للتأكد من صدق كلامي.
    أرحب كثيرا بالنقد للقصيده...و أرجو الأخذ في الاعتبار انها كانت منذ 23 سنة.
                   |Articles |News |مقالات |بيانات

16-05-2009, 06:08 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    والله روعة
    والله أجمل
    يا رشيد
    في قصيدة أخونا الرشيد تسلح بمفردات لها مدلول معين ليصل إلى مبتغاه
    وهذا شئ محبوب و محمود و متناول في كثير من الأدبيات بدون شك
    فنحن لسنا درسنا النقد حتى نقول ما يقوله مصعب الصاوي
    ولكن لنا أن ندلف و لنا حق الإجتهاد
    يقول الرشيد

    Quote: وصبغت الاجساد بالسواد للأظافر


    و إذا قال توشحت الأجساد بالسواد لكان الوقع أجمل هذا في إعتقادي
    خاصة لأن الرشيد لونه أسمر فإن صبغ لونه بالسواد ما أظن سيغير كثير من ملامحه
    ثم هذه الأبيات
    Quote: وقضوا علىّ بأن اعيش
    فى مساحات خوالى بلا انتهاء ..
    وقضوا أخــيرا ...
    اما أرتد .. واما ان اموت
    فأخترت راغبا ان اعود
    لاننى ابن الحياة أخشى الممات
    ودائما عشقتها الورود

    تنفي عملية الصلب في العراء مع العلم أن هناك مقطع يقول أنه صلبوه كالمسيح في المساء
    على العموم هي قصيدة أجمل من زول أجمل و أظن في زمن أجمل
    الآن أشك أن الرشيد سيحاول مجدداً الدخول في تلك المتاهات وناس التكفير والهجرة قاعدييين في البيت
                   |Articles |News |مقالات |بيانات

16-05-2009, 06:24 PM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    خيراً فعلت أخي الرشيد حينما نبهت بأن هذا النص عمره أكثر من ثلاثة وعشرين عاماً لأن الفترة الزمنية لولادة النص تنبئ ببعض الأمور التي لا بد من وضعها في الاعتبار حين قراءة النص وسبر أغواره .. لذا يجب أن تكون القراءة ليست بمعزل عن أن الشاعر كان يعيش أول أيام الصبا وعنفوانه وتمرده على كل شيء في الحياة كديدن الشعراء والمفكرين حينما يجولون الفكر في أمور قد يراها البعض خروج من الملة ولكن الأمر ربما كانت معالجة لحالة لازمت الشاعر ساعة ولادة النص ، فأصبغ عليها فكره وفهمه للدين والحياة فاستلهم ما عرف ودرى لمعالجة ما يجيش بخاطره لحظتذاك ..
    هذا النص من الشعر الذي يمكن وضعه في خانة الشعر ذي الخطاب المفتوح على التأويل... وهذا التأويل هو الذي يثير كثيراً من المغالطات بين كثير من النقاد حول مثل هذا الشعر وما هي دلالة المعنى الذي يشير إليه في القصيدة ..؟ وهنا يمكن التخمين والتوقع فيشبع كل متلقي دواخله بما توصل إليه ، فيكون الشاعر هنا قد أشرك عقلك في عمله الإبداعي وجعلك تشعر بان هذا العمل نابع منك أو مشاركاَ فيه .
    نلحظ بالنص حالة من حالات عدم الصفاء الذهني ، وكثير من التمرد المعشعش في دواخل شاعرنا... ذلك إذا خبرنا أن شاعرنا وقت كتابة هذا النص كان يظن أنه تحرر سلطة كانت توجهه وبات اليوم حراً ليتخذ قراره فهو يحس بأنه اليوم له المقدرة على خلق حالة من التمرد ، إذاَ لا غرو أن نجد شاعرنا في نصه هذا يميل الي التجريد ، ليكشف لنا عن الأغوار السحيقة الكامنة في دواخلنا وهذا يتأتي هنا باختلاف وجهات النظر حول نصه ، و المقصود بالخطاب (عزيزتى التحايا والأشواق .. وبعد ) هل هو الحبيبة / النفس ( الأنا ) / الوطن .. ونلحظ هنا ملازمة القلق في الدواخل بمنطق الخوف والطمانينة / الفرح / الحزن من كل ما يحيط في حياته وتفاصيلها الدقيقة ، وحال الوطن عموماً ... هكذا خيل لي ...
    عزيزتى
    التحايا والأشواق .. وبعد
    فى البدء .. قررت هدم المعبدين
    وهدم تمثال الحياة
    وقطع تلك النخلتين
    هذا ارتداد لا تراجع فيه
    وأخبرك .. انى انسلخت عن اليمين
    اسمعها ملء احساسى واذنى ..
    صــابىء .. أقسم انك تصرخين ..
    قررت ان أكفر بك .. أتسمعين ..؟
    وأعلن انى تركت هذا الدين ..!
    نداء وأمل ورجاء وتمرد وقرار... فيه احساس بالآخر ( الحبيبة / الوطن ) .. وروعة التمثيل والرمز في (وقطع تلك النخلتين) إذاَ هي تلك النخلات التي تعطي احساس الحياة في مناخ هو الصحراء ولولاها لما أمكن تخيل الحياة هناك ، فالرمز دلالة ( دلالة البشرى والفأل الحسن ) هي القادرة باستنطاقها على تجسيد معنى الحياة ...
    فقوة التمرد وعدم الإذعان ... والبوح في العطاء الشعري المتوازن بالتعابير الشعرية ، والمفعّل من قبل الشاعر حوّل النص إلى مسرح مفتوح وأعطى شخوصه كامل الحرية للحركة وليس ثمة من شخوص إلاً هو وخاطر ريد هو في البال ... والذاكرة .. ذاكرة وطن كامل مشبع برزاز مطر العطاء المسكوب من قلب الحبيبة .. فتسود المسرح حالة من الحميمية لا تجد أنت المتابع إلا الغوص فيها وتولي زمام المبادرة لتكون أنت صاحب الفكرة والمدافع عنها ...
    الأمل ما فتيء يباشر الشاعر رغم (والـله أطفأه القمر ..
    فالموت عندهم تغمد الزهــر
    .. تساقط الشجر
    وزهرة تقبل بقعتان من ندى
    لعاشق سقاها دمعتين وانتحر
    والصمت عندنا صديقنا المنون
    كل هذا الصخب الملازم لنفسية الشاعر ساعة ولادة النص ما منع النداء لتلك الفضاءات الحبيبة / الوطن / الأنا بالتواصل والبوح .. وهنا نحسها نسمة تعطر الجو وتحلق به مع فضاءات الأمل كرفيقين حين يقول : ( أرو بقلبك مكانى الذى احترق وأبعثيه للوجود من جديد) ، ونحن فقط على حافة القراءة الأولى لهذا النص الممعن في الروعة ، وبذا يكون الشاعر قد حقق مقصده من حبسنا داخل مفرداته ... ليأتي الأمل هنا كما أراد شاعرنا : (والسعادة منقوشة جميلة على الحديد
    وسعادتى فى انك فعلت ما أوردت
    وغفرت لى رغم انى صبأت
    لكنها حياتنا
    فآه آه ما حيلتنا ..!؟ )
    لفت نظري بالنص تمثيل بديع لنفسية السوداني الذي لا يفصح عن مشاعره وقد أشار إليها الشاعر بهذا التعبير الممعن في الروعة حين قال : ( نقول كل شىء صامتين
    أحب امى صامتا ..
    وغناؤنا ايماء .. )

    أما عن الفكرة ليس الأمر دعوة للشطوح والتجاسر على العقيدة ولكنه لا يعدو أن يكون إلا إظهار لليقين الراسخ في دواخل شاعرنا ، فهو يستلهم بداية تاريخ ظهر الدعوة المحمدية ومعارضة قريش لها فأراد أن يسبغ على النص جزءاً من ثقافته لكن الأمر جاء عكس ما خطط له مما يجلعه يسعى حثيثاً ليوضح للغير المقصد من تلك التعابير ودلالاتها مما يجعل الأمر صعباً عليه إذ يتعذر عليه دوماً أن يكون موجوداً أمام كل قارئ ليوضح له وجهة نظره تلك ، فالعقيدة محفوظة وسليمة .. ولكن فكرة الشاعر كانت لتهويل الأمر ليس إلا كما ذهب الطيب صالح في روايته بندر شاه ( مريود ) عندما سبح الابن مع الجد في الكونية ملتقى التيارات العظيمة وكيف أنه أبتز جده وعبر الشط بينما أغفل جده راجعاً .. فقد روى الابن لحظتها حاله تحت منازعات تيارات الكونية بقوله كأني كنت ( إله ) أجلس على كرسى الفوضى .. فالأمر هو محاولة لتضخيم الحالة المتناولة لدى الشاعر ساعة ولادة النص ، وليس تجاسراً على عقيدة سليمة وراسخة ...
    جاء النص خليط من الشعر الحر الموزون أحياناً وشعر النثر أحيانأً أخرى وهذا ربما لحداثة التجربة وقتذاك بيد أن النص تعمره تعابير شعرية رائعة ومتميزة تؤكد تملك الشاعر لناصية الشعر بالخيال الواسع والسرد الشعري الشيق واللغة السليمة ..
    بالنص بعض الأخطاء النحوية والعروضية ولكن لقلتها لا تقلل من جودة النص وجماله ...
                   |Articles |News |مقالات |بيانات

16-05-2009, 06:26 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    Quote: الآن أشك أن الرشيد سيحاول مجدداً الدخول في تلك المتاهات وناس التكفير والهجرة قاعدييين في البيت


    محمد آدم...أملي الوحيد في البراءة أن تكون نجاة متذكره مناسبة القصيدة...لأني لحدي
    حسه ما لاقي الكركم الوصفو لينا محمد عيد عشان ألحق أتذكر مناسبة القصيده قبل نهاية
    الأسبوع...ولو ما لقيت الكركم الظاهر علي حتكون عندي اجتماعات تمنعني من قضاء نهاية
    الأسبوع مع العيال...والله يكضب الشينه...

    Quote: على العموم هي قصيدة أجمل من زول أجمل و أظن في زمن أجمل


    أشكرك عزيزي على الكلمات الطيبات...دي لو كانت قبل 23 سنة كنت كتبت قصيده كل يوم...
    ولكن لم تأتي متأخره...لكن حسه حتكون قصيده كل سته شهور.
                   |Articles |News |مقالات |بيانات

16-05-2009, 07:14 PM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    اولا انا ممن غسل يديه لتبتل جوانحه بهذا العتق المعتق

    اشنف الاذان من حلو الحديث

    املء القلب من قول الحبيب

    ولا حديت منى ولا تعليق .... ده بالنوسبة لقول الرشيد التحية له وهو يملء الدنيا عبق

    اما بالنوسبة لاخونا احمد اسماعيل والدودو

    الدودو فى رواية هو البعاتى

    اما عندنا هنا فى كردفان فالدود هو الاسد

    زيو وزى اسماء الاسد المعروفة وهى تدل على حلات الاسد المختلفة

    اسامة الاسد فى حالة هدو وارتياح
    ضرغام وهو يمشى فى خيللا
    هزبر فى حال الهياج
    هيثم وهو يجلس ويراقب
    الليث حالته مع انثاه ..هذا على سبيل المثاللا الحصر


    تحية للاخ مطيع الحورى وكل من تخرج من هذه العملاقة













                   |Articles |News |مقالات |بيانات

16-05-2009, 11:24 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: اسامة أبتر)


    غلبني الكلام و الله ..

    أكتب و أمسح ..


    يا صلاح الأمين .. وينك .. وينك ؟؟

    شفت كيف أوتار القلوب .. شفت كيف نياطها لما تتقطع ؟؟

    يا الله .. عليكم .. يا الخليتوني ..

    ( زي عايز ) أقيف في نص ( المنبر ) دة و ( أتنبر )

    ديل الزقازيقاب ديل أخواني ، ديل أهلي .. ديل ناسي ..

    ـ
    يديكم العافية ..
                   |Articles |News |مقالات |بيانات

17-05-2009, 06:53 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    كتر خيرك يا عصام و الحمدلله إنت معانا و يا حبيب أغشانا
    ولا يهمك إتنبر زي ما إنت عايز
    مش الناس ناسك
    وإنت صاحب الفكرة
    أنحنا زاتنا بقينا نتنبر
    الأخ أسامة أبتر
    قلت لي

    Quote: اسامة الاسد فى حالة هدو وارتياحو

    دة متين يا ربي بعد إطراء محمد عيد و الرشيد ومنصور
    Quote: ضرغام وهو يمشى فى خيللا
    أكيد بعد ما أدوك الpassword
    Quote: هزبر فى حال الهياج

    دا عندما عبدالدايم قال جنابو طش وعمل ليهو 5 بوستات بإسمو
    Quote: هيثم وهو يجلس ويراقب

    وأضيف إلى ذلك يكتب بإندياح طالما هناك قلوب تسعد
    Quote: الليث حالته مع انثاه

    دي بس المامعانا هنا في البوست دا
                   |Articles |News |مقالات |بيانات

17-05-2009, 07:08 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    عروة يديك العافية...تحليلك طيب و ينم عن مخزون معرفي هائل وموسوعي...سعدت كثيرا
    بتحليلك و بكلمات الثناء التي أعلم أنها لا تخلو من قليل من المجاملة...ولقد دفعتني
    دفعا الى أن أظهر للملأ ان شاء الله انتاجي من قصائد تلت تلك القصيده و ما بعد ذلك...
                   |Articles |News |مقالات |بيانات

17-05-2009, 07:34 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    أسامة أبتر...الأبيات التالية لك حتى ولو أدى ذلك الى أن يستخدم عصام دهب حق الفيتو

    شـدوا لك ركـب فـوق مهـرك الجمـاح
    ضرغـام الرجـال الفـارس الجحجــاح
    الســــم النقـــوع الفـي البـــدن نتــاح
    تمســـاح الدميـرة المـا بكتـلو ســلاح
    المـــال مــا بيهمـك إن كتــر وإن راح


    بطنـــاً جـــابـتـك والله مـــــا بـتـنــــدم
    ويــا أســـد الكــداد الفـي خـــلاك رزم
    ويارعـد الخـريف الفوق سماك دمـدم
                   |Articles |News |مقالات |بيانات

17-05-2009, 08:44 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    تحياتي يا محمد أدم و يا الرشيد و كل الناس الرايعين ..
    Quote: أسامة أبتر...الأبيات التالية لك حتى ولو أدى ذلك الى أن يستخدم عصام دهب حق الفيتو


    يا الرشيد أسامة أبتر يستاهل كل الخير و أي كلمة شكر في حقو قليلة ، و كفاية أن أشتغل لينا في الغرب و ما ختا الدرب ، و الحوش دة ما فيهو فيتو و لو في يكون للناس كلهم حتى البتاوقو من برة ..

    أسامة أسد و هزبر و ليث و غضنفر و ورد يستاهل و زيادة ..

    Quote: شـدوا لك ركـب فـوق مهـرك الجمـاح
    ضرغـام الرجـال الفـارس الجحجــاح
    الســــم النقـــوع الفـي البـــدن نتــاح
    تمســـاح الدميـرة المـا بكتـلو ســلاح
    المـــال مــا بيهمـك إن كتــر وإن راح


    بطنـــاً جـــابـتـك والله مـــــا بـتـنــــدم
    ويــا أســـد الكــداد الفـي خـــلاك رزم
    ويارعـد الخـريف الفوق سماك دمـدم
    بابـك ما انـقفـل ونــارك تـجـيـب اللـم
    وما بتحلف تقول غير استـريح حــرم



    أبواتــك جبـيــر بيســـدوا للعـوجــــات
    ومطمــورتك تكيـل للخـــالة والعمــات
    وفي الجود والكرم إيديك دوام بارزات
    ويا أب قلباً حديد في الحوبة مابتنفات



    صـدرك للصعـاب دايمـاً بعـرف العـــوم
    وفي وسط الفريق في الفارغة مابتحوم
    لا تتـــلام و لا بتـعـــرف تـجـيـب اللــوم
    ود نـــاساً عــــزّاز وللمــكــارم قــــــوم
    تفخــر بيك بنـات الباديــة والخرطـــوم

    و تسلموا ..
                   |Articles |News |مقالات |بيانات

17-05-2009, 09:24 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    و لما الحكاية جابت ليها جدعنة و فرسنة و شجاعة و زقازيقاب و بوليس كمان ، فقد تذكرت زميلنا الزقازيقابي الرائع / عوض المفتاح ( آداب الزقازيق ) ، سعادة العقيد شرطة / عوض المفتاح نور الهدى ، الذي كان أول السلوك و المواظبة على دفعته في الكلية و عوض الرجل ( الضكران )الذي تعرفونه حق القول و الشكر فكان خليق به أن يصبح مضرباً للمثل و أن ( تقطع ) له ( غنية ) من أغاني المدح و الفخر و الحماسة لتحكي عن مواقفه الشهمة الرجولية ..
    فخر كبير لنا نحن الزقازيقاب أن نردد أغنية ( يسلم لي عوض ) التي تغنيها الفنانة / ندى القلعة و التي تم قطعها من شاعرة التراث ( بشائر فرح ) لزميلنا الرائع / عوض المفتاح الذي وقف موقفاً رجولياً مع الشاعرة حتى أقتضى لها حقها فأجزلت له الشكر و التمجيد قصيداً ..
    حق لنا أن ( نعرض ) و ( نركز ) و نباهي بعوض المفتاح و كل الزقازيقاب الرايعين ..
    و لأن الكلام ـ سمح في خشم سيدو ـ أنقل لكم كلمات الأغنية و مناسبتها وفقاً لما أوضحه عضو هذا المنبر الأديب الأستاذ / منصور المفتاح ( شقيق عوض ) في بوست سابق ..

    Quote: صدقت بشاير فرح حين عطست جناسا منسجم الأجراس فى وصف من أرجع تراثها الإبداعى من عين إسمها الحركى إلى حق إسمها الشرعى....حين قالت فى قصيدتها الغنائيه زائعة الصيت رائعة الوسيط (إسلم لى عوض)
    إسلم العشا العمرو ما أرتشى
    للرحمن خشى وللأرحام غشى
    جاءته تمشى على إستحياء لأمانته وقوته بايمانه بمن فلق الحب والنوى....وناصر الحق بالحق...ليأخذ الحق لها من بين فكى سباع الفن وزبانيته الكواسر....فأرجع حق بشاير فرح الى سحر ميسره الياس لتنال حقوقها الأدبيه والعينيه من عيون إبداعها الدافق الصادق فأنشدت
    إسلم لى عوض الليله
    ومن الله العوض الليله
    يوم جيتو شايله ملامه
    قتلو فتر من الخشامه
    دنيا عابسه ما بسامه
    قال إن شاء الله عافيه سلامه
    إسلم الجنا
    المرق ما قنا
    راح منى الضنى
    وحالتى المحزنه
    يومى الزرتو جوا مكانو
    شفت هيبتو وسلطانو
    شفت عساكرو واقفه أمامو
    زى شيخا وسط حيرانو
    عهد الشرطه يوم ما خانو
    قدم كل غالى عشانو
    إسلم المفتاح
    الما بلد القباح
    وقت النصر لاح
    زى نور الصباح
    جر النوته والتلفون
    قال القاسى كلو يهون
    سالم عرضو ديمه مصون
    ورافع راسو ما مهيون))


    تلاقت روؤس الجمال فى موقف عوض المفتاح وكلمات سحر ميسره الياس وأداء ندى القلعه حتى خفت على جماع الحين من الغيره...فالمقدم شرطه عوض المفتاح إستطاع بمهنيه عاليه أن يعيد إنتاج سحر ميسره الياس من تحت إسمها الفنى والحركى بشاير فرح والذى إختفت به حقوقها الأدبيه والماديه من إنتاجها الشعرى الرائع لكى تغر عينها...فأبدعت ندى القلعه بأدائها وطربت حتى الثمالة من دن ضاق به صبوح ذلك الكاس وخيالى كخيال جبريل صرعى أباريقه والقوارير لا الغيد..............................



    منصور


    كلمات بشاير فرح لموقف عوض المفتاح بأداء ندى القلعه............

    و الأغنية صوت و صورة موجودة على الرابط أدناه :

    http://www.youtube.com/watch?v=CVtLKElBCxU


    و يلا يا عبد الدايم الحريف جيبها هنا و خلي الحوش يعرض ..

    و يسلم عوض و تسلموا كلكم ..
                   |Articles |News |مقالات |بيانات

17-05-2009, 10:39 AM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    يا جماعة كيفنكم
    انتو بتجو الحوش ده بتين

    الكهربا لمن تجى الواحد الايقوم جارى عشان يحصلكم

    قطعتو نا نفسنا

    طبعا احمد اسماعيل جرجرنى للاسد ده

    الاخ عوض المفتاح عزيز ولزيز وود حساس وبرلوم مفتح وضابط شاطر

    وهو دفعتى وانا بفتخر بيه جدا وان شاء الله يوم شكرو ما يجى

    لكم التجله كيلون الرشيد سيد الحوش والنضيف والريس وكل سناير الحوش
                   |Articles |News |مقالات |بيانات

17-05-2009, 12:37 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    مبارك جادين من الباب للشباك
    وجلا من الشباك للباب
    تصاريف قدر

    Quote: العزيز زهير الزناتي
    حاولت عدة مرات الدخول الي سودانيز
    وعندما اعيتني الحيلة قلت استعين بصديق للترحيب بالناس الجدد وهم سناير لانهم بفتحوا مواضيع حيوية
    فالتحية
    لمحمد عيد
    منصور عبد الرازق
    اسامة ابتر محمد صديق
    موسي عيسي
    ومحمد جلا وبما انني لم ارحب بالرشيد بابكر فمرحب بيهم كلهم


    اقول انني فشلت فشل كبير في الدخول لذلك فسوف احاول وعبر زهبر الدخول من نافذته الي الزقازيق اجدع ناس



                   |Articles |News |مقالات |بيانات

17-05-2009, 02:51 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    اليوم كنت عنكم بعيد وزحمة العمل قطعت نفسنا
    وكنت خرمان للدخول من الصباح ،،،،،،،،،،،،،،

    يوم أمس رن هاتف زقازيقي ،،، لأصحابنا القدامى وناس بنعزهم بالحيل
    ناس كانوا ركيزة البلد وهامة البلد وأصحاب البلد ووجهاء البلد كانوا خلقه وأخلاق
    سماحة وقيافة وقوة الشخصية من كلية الزراعة ومن دولة أبو ظبي كانت عبر الأثير
    وجه من أعيان الزقازيق القدامى من دفعة نعمات الجبل وإحسان عبدالعزيز ، ولبنى
    وأمال فضل الله ، وفائقة ، وزميلة نهلة نجم الدين والرشيد ومحمد عيد ووصولاً للأخ/ منصور
    كانت هي الأخت العزيزة والقامة الرفيعة سناء الرضي ،،،

    سناء الرضي كان يطلق عليها سراً أجمل الجميلات من بنات الزقازيق ، كانت تمتاز بقوة الشخصية
    والاعتداد بالنفس والثقة المفرطة وإنها تفهم وتعي وتحترم ما تقول ،، اشتهرت بيننا بتقديمها
    للحفلات وهي تنطق العربي بصوت قوي ورصين ومتأني وتعطش الجيم (حالياً تتكلم معي بالإنجليزي بلغة أهله)
    في إحدى الحفلات وفي مسرح الشبان المسلمين كان الإخوة بمؤتمر المستقلين يقيمون حفلاً لاستقبال الطلاب الجدد وتخريج دفعة وكانت سناء مقدمة البرامج وفي البداية كانت هناك أصوات كثيرة لا تستمع لما تقوله :

    لو سمحت انتباه !!!!!!!!!!!!!!!!!!!

    الجميع انتباه ،،، ، لازم نتعلم حسن الاستماع وفن الإصغاء وأخدت راحتها تمام وثم وقفت سناء ولمده طويلة لا تنطق بكلمة والمايكروفون بيدها والكل صامت وهي تبحلق في الجميع دون خوف أو تردد لم يتجرأ أحد لكسر هذا السكون الم اقل لكم كانت قوية وجريئة .
    أذكر أنه طلبنا منها أن تقدم حفلة كلية التجارة فأبدعت ومنها فهمنا فن الإخراج لحفلات الزقازيق ،

    تزوجت سناء في سنة التخرج وتستقر اليوم في أبو ظبي وتعمل موظفة كبيرة في احدي شركات البترول يعني شركة خواجات يعني كلمة واحدة عربي عشرة كلمات إنجليزي كنت أتوقع أن تعمل الأخت سناء الرضي بالتلفزيون كمذيعة ولكنها ابتعدت كثيراً تركت مجال الزراعة وتحصلت على درجة الماستر ولها ابن يسمى محمد فادي – كلية هندسة آخر سنة .




    صورة مقتبسة من مداخلة أخونا الرشيد ويُشاهد الأخت سناء بالثوب ودي أول مره أشوفها لابسه توب
    المايكرفون الأن عند أخونا الرشيد .

    حيوا معي يا ناس زراعة أولاً زميلتكم سناء ويا ناس الزقازيق ثانياً هذه الأخت الرائعة بروائع ناس الزقازيق أجدع ناس وبالمناسبة هي متابعة البوست منذ سنين .

    (عدل بواسطة ميسرة سيد أحمد on 17-05-2009, 03:24 PM)

                   |Articles |News |مقالات |بيانات

17-05-2009, 03:30 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    لا يمكن المرور هكذا دون التعليق علي حديث عروة حول الراحل الصديق
    نقد الله ، عروة لقد هز كل اشياءنا وابكانا ، رغم مرور السنوات الطوال
    علي رحيلك يا مصطفي إلا أن جرحك لم يندمل ، والحزن الذي خلفه إعدام أولئك
    الرجال لم يزل كبيراً ،عكس ما قيل قديماً كل شئ يبدأ صغير ثم يكبر عدا الحزن
    يبدأ كبيراً ثم يصغر ،

    أعتذر عن الغياب القسري في الأيام السابقة وحينما أتيت لمتابعة الحوش لم استطع
    أن أقرأ سوي الصفحة الحالية ،
                   |Articles |News |مقالات |بيانات

17-05-2009, 03:38 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    هنالك الكثير أود التعليق عليه ولكني علي عجل من أمري للحاق باجتماع هام
    للجنة التنفيذية في تمام السادسة ...
    لفتت قصيدة الرشيد بابكر نظري فهي قصيدة كاملة الدسم وتشبه قصائد الشعراء الكبار
    من صور شعرية وعبارات جزله وخيال ، أتعجب لماذا لم يواصل الرشيد هذا الدرب
    وإذا كانت تلك قصيدته في ذلك الزمان فماذا سيفعل الآن

    سأعود في الغالب صباح الغد
    لي ذلك الحين لكم مودتي
                   |Articles |News |مقالات |بيانات

17-05-2009, 09:55 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    Quote: المايكرفون الأن عند أخونا الرشيد .

    ميسرة العزيز...أيام العمل عندنا كما هي عندكم تمتد لساعات طوال تحرمنا التواصل معكم
    فاليوم كان يوم عمل استثنائي استمر حتى منتصف الليل ورغم ذلك لم أستطع النوم قبل
    أن أدخل البوست...فدخلت ووجدت مداخلتك عن سناء الرضي التي لم أقابلها منذ تخرجها
    و رغم أننا في مدينة واحده الا انني لم التقيها في أبوظبي...
    تعرفت على عائلة الرضي عن طريق بنت عمي...فتعرفت بأخت سناء الكبرى فوزية...حضرت معي
    فوزية الى الزقازيق لأول مرة وقامت بتسجيلي بالكلية وتناولنا الغداء بشقة أخوهم كمال
    الرضي الذي كان يدرس بكلية الطب بجامعة الزقازيق في ذلك الوقت...تعرفت على سناء بعد ذلك
    بعدة أشهر وكانت بالسنة الثالثة بالكلية...ربطتني بفوزية علاقة أخوية طيبة كانت لهاالدور
    الكبير في سرعة تعرفي بسناء...ولكنها سناء نفسهامن الناس الذين يسهل التعرف عليهم بسرعة
    وتتمتع بالتعرف عليهم...فهي شخص مودرن...و لا أتعجب أنها وصلت لما وصلت اليه...

    Quote: لفتت قصيدة الرشيد بابكر نظري فهي قصيدة كاملة الدسم وتشبه قصائد الشعراء الكبار
    من صور شعرية وعبارات جزله وخيال ، أتعجب لماذا لم يواصل الرشيد هذا الدرب
    وإذا كانت تلك قصيدته في ذلك الزمان فماذا سيفعل الآن


    الآن استمتع بمصاحبة الشعراء الكبار و قراءة أشعارهم...فصديقي الشاعر المرهف الدكتور
    عزالدين هلالي...و للزقازيق الفضل في أن أتعرف علية وتتوطد علاقتي به وباسرته...دكتور
    عزالدين هلالي هو شقيق الدكتوره فايزه هلالي...تخرجت فايزه في كلية الطب جامعة الزقازيق...
    وفي صالون دكتور عزالدين تعرفت على العديد من الفنانين والشعراء الكبار الذين أستمتع الان بأشعارهم...
    نجاة حوفي بتقول لي انت بطلت تكتب شعر مالك...هل أنا السبب ولا الحاصل شنو...و حتى الآن
    لم أجد اجابه للسؤال...لكن حتما ما هي السبب..

    أخيرا...

    منصور و محمد عيد مالكم ما قلتو بتساهروا...أبيتو مالكم..

    (عدل بواسطة الرشيد بابكر on 17-05-2009, 10:13 PM)

                   |Articles |News |مقالات |بيانات

17-05-2009, 10:01 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: ومحمد جلا وبما انني لم ارحب بالرشيد بابكر فمرحب بيهم كلهم


    مبارك جادين...ياخي ترحب بيك عافيتك زي ما بيقولو حبوباتنا...رحبنا بيك زمااااان
    لكنك كنت في رحلة البحث عن الباسورد المفقود...مرحب بيك تاني و ان شاء الله تلقى الباسورد
    وتعود لينا من جديد...و قالوا قديما سيد الرايحه بيفتش خشم البقره...فتش كويس حتلقاهو...

    (عدل بواسطة الرشيد بابكر on 17-05-2009, 10:08 PM)

                   |Articles |News |مقالات |بيانات

17-05-2009, 10:05 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: يا جماعة كيفنكم
    انتو بتجو الحوش ده بتين


    أسامه أبتر...نحن بنجي بعد الدورية بتاعتكم ما تمشي...بقيتو تساهروا بينا
    الله يديكم العافية...
                   |Articles |News |مقالات |بيانات

17-05-2009, 10:28 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يااااااااه يا ميسرة
    سناء الرضى كلها
    مرة واحدة كده
    يا اخى ده دسم كثير جدا ما بنقدر عليهو آخر الليل ده
    انا والرشيد ورفعت مع العزيز الأبى كلية الزراعة وهاجر لأمريكا من زمان
    اخونا لؤى هاشم عبد الرحيم
    بعد ان درس البيطرة فى جامعة الخرطوم فترة من الزمن
    كانت سناء الرضى دليلنا وقدوتنا ونحن برالمة
    احاطتنا بعنايتها واهتمامها
    لم احظى بمقابلتها او الأستماع لأخبارها من زمن بعيد
    كما اننا لاننسى اختها جهاد الرضى خريجة تربية عين شمس
    تحيتى وسلامى واعزازى وتقديرى لها لو كانت من متابعى البوست
    مشينا الأمارات عشرات المرات
    ليتنا كنا نعلم انها هناك
                   |Articles |News |مقالات |بيانات

17-05-2009, 10:58 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)


    قاعدين ومساهرين يا الرشيد
    والليلة دى نشوف منو البيقول الروووب ؟

    (عدل بواسطة محمد عيد on 17-05-2009, 11:09 PM)

                   |Articles |News |مقالات |بيانات

17-05-2009, 11:03 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    طرقت الباب حتى كـــلّ متنى
    ولما كـلّ متنى كلمتنى ..
    طرقت باب الحوش العامر .. ولما كـــلّ متنى ولم يرد على احد
    دفعت الباب .. واسمتعت بصريره المحبب .. ودلفت داخلا .. ويا لهول ما رأيت ..!
    الجميع ( منسدح ) ونائم ..!!
    الريس وعبد الدائم يبدو ان رطوبة عروس البحر قد فعلت بهما الاعاجيب ولم يفدنى هزهما بعنف فى ايقاظهما ..
    فى ركن بعيد وتحت راكوبة ظليلة تعالت أصوات شخير جلال ومنصور وهالنى منظر وجهيهما وقد تحولا الى بياض غريب واصطبغ شعر رأسيهما بلون أغبر .. سرعان ما عرفت انه من فعل عواصف الرمال التى اجتاحت منفوحة وغبيرة وام الحمام .. وبالفعل غبيرة أصبح اسمها غبيراء ..!؟
    فى وسط الحوش انبسط قوم كثر متمددين .. بعضهم فوق العناقريب وآخرون على بروش السعف
    ولشدة الظلام لم اتبين منهم ســوى .. محمد صديق وابتر وجلا .. ويبدو أنهم غرقوا فى غفوة طويلة امتدت منذ انقطاع الكهرباء قبيل ساعات .. ولكن ما حيرنى هو اتكاء كل من عصام دهب وعروة على ارجل العناقريب وقد سبح كل منهما فى احلامه مبتسما وكأنى بهما يدونانها لتقديمها للريس ميسرة ( ابن سيرين ) فى الصباح لمحاولة تفسيرها وسبر أغوارها !! اما ياسر نجيلة فتبدو غفوته غير طبيعية حتى خشيت ان يكون قد وقع ضحية لاحد مدعيى العطارة والطب الشعبى وأعطاه ما توهمه اكسيرا لايقاظ منابع الجمال فيه والتى يصر على البخل علينا بها ..
    وفجأة لمحت ضوءا فى آخر الحوش واذا بالحبيب الرشيد جالسا فوق ( بنبر ) حبال مستضيئا بنور احدى الرتاين بجانبه وهو يمسك قلما وورقة ويحدث نفسه " الناس كلها نيام ونجاة حوفى تنتظر ردا على سؤالها ..
    هل هى السبب فى انقطاعى عن نظم الاحاسيس ام انه التعامل مع الاجساد الخرسانية وابراج عدم الاحساس التى تسلبنى خمسة ايام كل اسبوع وترمى بى فى اصقاع بعيدة ؟
    رشــيـد .. رشيد .. ناديته . ولكنه وكأنه لم يسمعنى ..!
    فكرت مليا فى ايجاد نشوق اقربه من أنفه كى يصحو من اغماءه .. نظرت حولى فرأيت جلا وقد تدلى من جيب العرّاقى الذى كان يرتديه كيسا من ود عمارى الاصلى .. فكرت برهة ولكنى تراجعت عندما تذكرت ان الرشيد ليس من محبى هذا الترياق المزاجى الوطنى ..

    أخيرا .. شددت نفسا عميقا وقررت ان أشدو على مسامعه بأبيات شاعر كنا كلينا وثالنا العزيز / عبد الرحمن مضوى من اكثر احباءه عشقا وولها وتجميعا لمؤلفاته .. انه العظيم الجميل شاعر تركيا الكبير .. ناظم حكمت
    يقينا يا رشيد كلمات ناظم حكمت سيكون وقعها عليك اجدى وافيد من تمباك جلا او حتى نشادر منصور او بصلة ياسر نجيلة ..
    فلنستمع معا لهذا الرائع فى هذا الليلة التى تبدو وكأنها بلا انتهاء ..
    لا تحيا على الأرض
    كمستأجر بيت
    أو زائر ريف وسط الخضرة
    ولتحيا على الأرض
    كما لو كان العالم بيت أبيك
    ثق في الحب وفي الأرض وفي البحر
    ولتمنح ثقتك قبل الأشياء الأخرى للإنسان
    امنح حبك للسحب وللآلة والكتب
    ولتمنح حبك قبل الأشياء الأخرى للإنسان
    ولتستشعر اكتئابة الغصن الجاف
    والكوكب الخامد
    والحيوان المقعد
    ولتستشعر أولاً اكتئابة الإنسان
    لتحمل لك الفرحة
    كل طيبات الأرض
    ليحمل لك الفرحة
    الظل والضوء
    لتحمل لك الفرحة
    الفصول الأربعة
    ولكن فليحمل لك الإنسان
    أول فرحة

    ايماءة

    Quote: منصور و محمد عيد مالكم ما قلتو بتساهروا...أبيتو مالكم


    اجابتى ... !!!!!!! ؟؟؟؟؟؟
                   |Articles |News |مقالات |بيانات

17-05-2009, 11:37 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    ميت مسا عالناس الكويسة ..
    و سلام لكل الجدعان السهرانين و النايمين ..
    و سلام كبير أوي للسنير المبدع / محمد عيد ..
    Quote: ولكن ما حيرنى هو اتكاء كل من عصام دهب وعروة على ارجل العناقريب وقد سبح كل منهما فى احلامه مبتسما وكأنى بهما يدونانها لتقديمها للريس ميسرة ( ابن سيرين ) فى الصباح لمحاولة تفسيرها وسبر أغوارها !!


    و ليت لي ( كراع عنقريب ) هنا ، يا سنيري المبجل ..

    ــ

    خلونا ننهل و بس ..
                   |Articles |News |مقالات |بيانات

18-05-2009, 07:16 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    صباح الخير يا وجوه الخير
    لا يفوتني أن أرحب بعودة أخونا مبارك جادين
    الذي إفتقدناهو خلال الفترة السابقة وربنا يجمعك
    وتعود لينا يا ليل الفرح .

    تحية خاصة لأخونا عوض المفتاح - تمساح أم كابالو الضارب الليا-
    وديل ناس الزقازيق أخوان فاطنه ،،، يا أسامة أبتر عملتوا عصابة داخل
    قسم الشرطة ،، لكم جميعاً مودتنا .

    أخونا الرشيد بصراحة القصيدة دسمة وفخمة جداً ولها عمق دفين جداً حينما
    تقرأ القصيدة أول وهلة تخاف منها ،، لجرأة الشاعر وتلاعبه بالكلمات والمعاني
    الدفينه والتي إن لم تتعمق فيها وثبر غورها للحقنا بجماعة التكفير والهجرة
    سؤال مهم جداً ؟؟؟؟؟ لماذا لم تواصل كتابة الشعر ما دام عندك هذه الملكة الشعرية
    القوية نضم صوتنا لصوت أختنا نجاة حوفي ،، وأقول بصراحة هذه القصيدة كتبت على النمط
    الخاص بالشاعر الكبير نزار قباني .
                   |Articles |News |مقالات |بيانات

18-05-2009, 08:06 AM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    للداخل على الحوش دهشة

    وللخارج منه حسرة ووحشة

    هلا ولجتم لتروا قلم وريشه

    والحوش سيده ( دهب ) وفضة

    وريسه عطر وطيب و ( ميسرة )

    وعبقه ( رشيد’’ ) و ( عروة )

    وزهير وردة ونحلة

    ( وعيد ه) دائم ( نضيف )

    و( جلا ) نوره ملء الحوش ضياء وزهوا


    وعطره دعاش خالط ( نجيلة)

    ( ومنصور) مطالعه و ( مبارك ) جيله

    اعظم الناس من زار نيله

    وملء القلب منه كيلا فكيلا













                   |Articles |News |مقالات |بيانات

18-05-2009, 09:35 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: اسامة أبتر)

    Quote: ياسر نجيلة فتبدو غفوته غير طبيعية حتى خشيت ان يكون قد وقع ضحية لاحد مدعيى العطارة والطب الشعبى وأعطاه ما توهمه اكسيرا لايقاظ منابع الجمال فيه والتى يصر على البخل علينا بها ..


    نجيلة تعاطي فعلا الادوية الشعبية من عطارة
    محمد عيد ومنصور والرشيد وجلا واسامة ابتر وعرة ومحمد صديق ...
    ودخل في غيبوبة اللذة والامتاع ... زي ناس كتاااااااااااااااار ...

    العزيز اسامة ابتر ترحيبك باسرة الحوش ... جميل ودمو خفيف
                   |Articles |News |مقالات |بيانات

18-05-2009, 12:59 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    أعزائي مساكم الله بالخير
    الأيام دي ومع اقتراب الاجازات الصيقية...أمبير الشوق للسودان و للأهل وصل الأحمر
    و قلت أحسن أمشي أحجز من بدري قبل القصة ما تبقى فيها مشكله...مشيت لقيت غيري أشطر
    أو كانو مشتاقين أكتر مني...شركات الطيران عن بكرة أبيها محجوزة على الآخر...
    المهم حليت المشكلة و ان شاء الله نكون في السودان في الأسبوع الثاني من يوليو....

    لكن ده ما الموضوع...الموضوع في الشوق و الحنين العجيب ده...نحل القصة كيف...فلقيت
    المثل البيقول ليك الاتبلبل يعوم...و بالصدفة أهداني واحد صديقي اليوم بالتحديد شريط
    لفرقة الصفوة فيهو غناء شايقية...الشريط لامن المحنه مدفقة و سايله منو...مع العلم اني
    لست شايقيا...لكن جنس شعر و غتاء الشايقية ده ما لاقاني أحن منو...قلت لي صاحبي والله
    شريطك في السلك...والليله يا غرق يا جيت حازمه...
    وقلت أحننكم معاي شوية...طبعا النصوص طويله فأنا بكتب بعض الأبيات من قصائد متفرقة...

    واتذكرك يا يمه في وكت الهجير
    صالياك نار الدوكي عستيلنا الفطير
    رشيتي قلتي أكلوهو خير
    بتذكرك يا يمه يا بسمة الطفل الغرير
    *****
    وكت الخلوق ترقد تنوم وأسهر براي أرعي النجوم
    والشوق يرف جنحيهو بي فوق لي يحوم
    وأهتف باسمك في الخيال طيفك كمان بي فوقي جال
    وأتمني لو لحظات يدوم لكني فجأة ألقاهو زال

    وأخرى..........

    ينظر القمر المنور ساح شعاعو مغطى نيلو
    ينتشي ويعزف ربابتو لحن ما موجود مثيلو
    ******
    يا سلام لو كان رجعلك يا بلدنا الهم يزيلو
    يسمع القمرى المغرد وينسي حزنو مع هديلو
    ******
    يا رمال حلتنا زول كان بأنسك يا حليلو يا حليلو
    فات رحل من بلدو روح روح ولا روح
    روح وفاتو لى دار ما ها هيلو ما ها هيلو

    و أخيرا........

    لا تسـيـب أمــك تـهـاجــر يـمـه محـتـــاجــي الحـمايا
    لا تسـيـبـني وراك تـرحـل إنـت يـاك ضُـلـي وضرايا
    أنـت فـوق الـحـوبــة مـقـنــع إنـت للـمـكشـوف غطايا
    دايري مـنـك تـبــقـي جنـبي . جنبي في فـرحي وبلايا
    دايـري كـان قحـيـت اتـبـنـك ارفـع اقـســمـلـك غـتـايا
    أنت سـاعـة تـبـقي جنـبـي تـبـقـي ضُـلــي وتـوب قتايا
    ومـا بخــاف ظـلـم الـلــيــالي وأنـت يــاك عكاز عمايا
    دايـري أقـضـي عـمـيـري جنـبـك أصـلو قارب للنهايا

    وبس خلاص زي ما بيقول شعبولا....خايف بعد كده أكتل زول...

    طارق جبريل الميكرفون محول ليك (مقتبسه من الريس ميسرة)..
                   |Articles |News |مقالات |بيانات

18-05-2009, 01:07 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: أخونا الرشيد بصراحة القصيدة دسمة وفخمة جداً ولها عمق دفين جداً حينما
    تقرأ القصيدة أول وهلة تخاف منها


    يا ريس أشكرك من أعماقي و حقو الواحد يقوم يعمل قصيده حسه عشان تآآآمنو...لكن بالله
    يا ريس رأيك شنو في المحنة بتاعت غناء الشايقية ده...
    طبعا عشان منصور زول حبيبنا و ما عايزنو يزعل المره الجاية بنجيب غناء الدناقله...
                   |Articles |News |مقالات |بيانات

18-05-2009, 01:14 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الأعزاء تحياتي
    مداخلة علي عجل
    اجتمعت اللجنة التنفيذية مساء الأمس وناقشت عدد من الموضوعات واهمها مسألة الإستثمار
    وقد تقرر تكوين شركة منفصلة تهتم بالأنشطة التجارية لأعضاء الجمعية الذين يرغبون في المساهمة
    وقد كلفت اللجنة ثلاثة من أعضاءها الزراعيين وهم : نهلة نجم الدين حسن ومعاوية يحيي بابكر وفدوي
    أحمد عباس بدعوة عدد من المختصين من اعضاء الرابطة في البنوك التجارية والزراعية لمناقشة عدد من المشروعات :
    1/ مشروع إنتاج البذور المحسنة .
    2/ مشروع إنتاج الخضر بالصوبات ,
    3/ مشروع إنتاج السماد العضوي
    وقد حددت اللجنة عدد من الموجهات مثل :
    أن يكون رأس مال المشروع قليل .
    ان يكون مقر المشروع ولاية الخرطوم
    أن تكون المساهمة لناس الزقازيق واصدقاءهم وغيرهم
    كما تم تكوين المكتب التنفيذي كالآتي :
    1/ معتصم سلمان جعفر رئيساً .
    2/ محمد صديق محمد أحمد نائب الرئيس
    3/ نهلة نجم الدين حسن أمين عام
    4/ زهير الزناتي نائب الأمين العام
    5/ فدوي أحمد عباس أمين مالي
    6/ عابدين محمد زين نائب الأمين المالي .
    7/ عبد السميع دفع الله الأمين الإجتماعي .
    8/ معاوية يحيي بابكر الأمين الثقافي .
    9/ سيد باشا الأمين الإعلامي .
    10/ يوسف محمد يوسف نائب الأمين الإعلامي .
    11/ ماجدة عبد الرحمن أمين شئون العضوية .
    12/ عبد الصادق هاشم نائب شئون العضوية .
                   |Articles |News |مقالات |بيانات

18-05-2009, 03:45 PM

Samau'al Abusin
<aSamau'al Abusin
تاريخ التسجيل: 08-04-2003
مجموع المشاركات: 527

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    أجدع ناس..

    عفيت منكم، خليتو ناس عصام
    و عروة برالمة. كلامهم كلو بقى يا سنيري المبجل، و يا
    سنيري الشنو ما عارف، و الله عفيت منكم...
    ديمة زاتو شايفو ربع يديهو و قعد!
    يا جماعة في زول عايز موية و اللا حاجة؟ :)

    عروة العزيز،
    سرت الرعشة فيّ و أنا أسبر كلماتك في رثاء الفقيد، ففيها إحساس
    الإنسان، و الأخ قبل شفافية الشاعر، لقد آلمنا الرحيل
    المبكر و الفاجع لمصطفى. رحم الله مصطفى نقد الله، الخلوق، السمح،
    خفيف الروح. كان محبا للمرح رغم الجدية البادية على محيّاه.
    كنت أذكره و هو ينادي العزيز أحمد عمر
    الباقر من أسفل البناية في المساكن التعاونية، مقلدا
    الطريقة المصرية في المناداة .. يحمااااد، يحماااد
    و كان يفعلها بطريقة جادة حتى لا يلفت نظر المارة
    من المصريين، بينما (يفطس) من هم داخل الشقة من الضحك.

    جاءنا خبر رحيله المبكر صاعقا و أورثنا حزنا عميقا.
    إلى عالي الجنان يا مصطفى..


    تلغرافات..

    العزيز جنابو محمد صديق، مرحبا بك On Board

    الرشيد بابكر، سينفض هذا البوست عنك غبار الغربة
    و ينهض الشاعر من جديد.

    العزيز جنابو، إبن الوريفة كسلا، أسامة أبتر،
    مرحبا على البورد، و مرحبا بالتدفق على أنغام
    ود مطر. تحياتي لكل الأسرة.

    تحياتي و ترحيب حار بالسناير المحترمين محمد عيد،
    منصور عبد الرازق، و محمد آدم النور.

    الحبيب الزناتي،
    لو إنت نسيت أنا ما نسيت!

    (السنير) عصام دهب، أدهشتني بالمعلومة حول أغنية
    (يسلم لي عوض)، دا طبعا (ريكورد) زقازيقي
    يتسجل في صميم الوجدان الغنائي السوداني
    فارس زقازيقي تربع في مادة الغناء السوداني
    في أثرى أبوابها، باب الحماس الذي تجيد أداءه
    و التطريب فيه الفنانة ندى القلعة. ترى
    هل لدى ندى القلعة معرفة بالبعد الزقازيقي
    في ( عوض) الـ (حاق الشكرة؟)
    تحياتنا الحارة للأخ عوض المفتاح الذي
    لم تسهم الظروف في تعارفي معه عن قرب في
    الزقازيق..

    تهانينا بتشكيل المكتب التنفيذي الجديد،



    و تسلموا يا أجدع ناس..
                   |Articles |News |مقالات |بيانات

18-05-2009, 03:59 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    سلامات يا ناس

    دايرين نتاوق بس

    يا ريس شايف رسالتك فى الفيس بوك وما قريتا عذينى شوية لانو تقيل

    شكرى لحدى اقراها

    نلقاكم فى نقزة نهاية الاسبوع
                   |Articles |News |مقالات |بيانات

18-05-2009, 04:36 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)
                   |Articles |News |مقالات |بيانات

18-05-2009, 05:39 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    والله حيرتونا يا شباب
    هسى الواحد يبدأ من وين ؟
    طارق جبريل الله يفتحها فى وشك دنيا وآخرة
    تعيش وتتزكر , ورحم الله والدتك واكرمها بالجنة
    اسامة ابتر , ابدعت فى الموسيقى التصويرية بتاعت فيلم زقازيقيون على الهواء
    تتر بداية مبالغة كدى اسألو بكرى ابوبكر يختوا لينا (ما نشيت ) كيف ؟؟
    الرشيد بابكر قصة القصيدة بتاعتك دايرة ليها بحث
    اولا لو نجاة زاتها مستغرباها
    كيزان زراعة المصريين ليهم حق هادرين دمك لغاية هسه
    عموما انت راجل مرهف (والقصيدة ما غريبة عليك )
    زهير الزناتى مبروك التشكيل الجديد
    بالتشكيل ده دورى المجموعات مضمون
    سموأل ابو سن حبابك
    ومبارك جادين اليوم السعيد الليلة جابك
    محمد عيد ما يزال (السكرتير الثقافى الزى اعرف )
    ويا ريس مع التشكيل الجديد لا بد من جدية فى جمع المساهمات المالية حسب الأتفاق
    للتحرر والأنعتاق من قيود الدين القديم
    للأنطلاق نحو جمعية زقازيقية فاعلة
    تحياتى للجميع
    جلال تغيب لى كدة لمن باسويردك يلحق الليل عيسى موسى
                   |Articles |News |مقالات |بيانات

18-05-2009, 07:30 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    Quote: جلال تغيب لى كدة لمن باسويردك يلحق الليل عيسى موسى


    جاييكم ياحبيب لكن والله معصور عصرة .....بس الله يعين
    جلا فتح عيون الكفيل علينا











    ------------
    (زنقة ترزي يوم الوقفة)
                   |Articles |News |مقالات |بيانات

18-05-2009, 08:48 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    Quote: يقينا يا رشيد كلمات ناظم حكمت سيكون وقعها عليك اجدى وافيد من تمباك جلا او حتى نشادر منصور او بصلة ياسر نجيلة ..


    بلا يا محمد عيد وقعها كالندي على مسام أوراق شجرة عطشى.

    Quote: الرشيد بابكر، سينفض هذا البوست عنك غبار الغربة
    و ينهض الشاعر من جديد.

    سموال...حبابك..من بؤك و لباب السماء.

    Quote: يا شباب والله قافلة معاي
    متذكر والدتنا رحمها الله

    طارق جبريل أرجو المعذرة...لم أشأ أن أنكأ الجروح...و لكن حبيت أستمتع معاك بشعر الشايقية

    Quote: الرشيد بابكر قصة القصيدة بتاعتك دايرة ليها بحث
    اولا لو نجاة زاتها مستغرباها
    كيزان زراعة المصريين ليهم حق هادرين دمك لغاية هسه
    عموما انت راجل مرهف (والقصيدة ما غريبة عليك )


    يا منص...جزاك الله خير
                   |Articles |News |مقالات |بيانات

18-05-2009, 09:23 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    تحية مسائية للكل .. وللساهرين معنا بوجه اكثر خصوصية
    ونجول اليوم مع المبدع .. صلاح عبد الصبور فى ابيات لعلها تحكى عن نفسها

    في كل مساء،
    حين تدق الساعة نصف الليل،
    وتذوي الأصوات
    أتداخل في جلدي أتشرب أنفاسي
    و أنادم ظلي فوق الحائط
    أتجول في تاريخي، أتنزه في تذكاراتي
    أتحد بجسمي المتفتت في أجزاء اليوم الميت
    تستيقظ أيامي المدفونة في جسمي المتفتت
    أتشابك طفلاً وصبياً وحكيماً محزوناً
    يتآلف ضحكي وبكائي مثل قرار وجواب
    أجدل حبلا من زهوي وضياعي
    لأعلقه في سقف الليل الأزرق
    أتسلقه حتى أتمدد في وجه قباب المدن الصخرية
    أتعانق و الدنيا في منتصف الليل.

    &&&&&

    مداميك :
    • زهير العزيز .. مبروك للتشكيل الجديد وانشاء الله موفقين ، مجرد ذكر الأسماء يعطى انطباعا جيدا عن القوة القادمة فى قيادة الجمعية انشاءالله ، وما أسعدنى حقا مشاركة العزيزة جدا .. ماجدة عبد الرحمن
    وكمان ماسكة شئون الأعضاء .. يعنى كلنا أصبحنا من رعاياك يا مولاتى
    • المشروعات المقترحة طموحة وتدخل فعلا تحت طائفة المشروعات الصغيرة سريعة العائد ، فقط اود ان أضيف لها مشروعا فى غاية الأهمية والسهولة وهو انشاء معمل لمنتجات الألبان وتجهيزه بمعيناته المطلوبة مثل الفرازات والثلاجات ويكون انتاجها من الاجبان والزبادى المش و والأيسكريم وغيرها من منتجات الالبان الاخرى سهل التوزيع فى البقالات والمنافذ الاخرى ، ودوننا فى ذلك تجربتنا فى ابونعامة
    وخبرات الاخ منصور الآن والتى يمكن الاستزادة منها .
    • جلال الله يفك عنك زنقتك ..فعلا ما عوايدك
    • مبارك جادين .. كل رايات الترحاب لا تكفى لاعطاءك حقك الاصيل بفرح اللقيا ..
                   |Articles |News |مقالات |بيانات

19-05-2009, 08:34 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    صباحكم عسل يا ناس الزقازيق

    أتضامن مع أخونا العزيز طارق جبريل
    لقد عودتنا الدنيابأن نفرح كثيراً ونحزن
    بعمق دفين ،،،
    جعل الله أيامك كلها أفراح ،،،

    مبروك تكوين اللجنة التنفيذية الجديده للرابطه
    وطرح أسماء جميع الأعضاء ودخول دماء جديده هذا يعتبر
    خطوة إيجابية لها مدلولاتها ،،، وأبارك لكم الزعيم القامة
    الأخ الكبير في مقامه أخونا معتصم سلمان جعفر - كلية تجارة
    ونرحب بالدماء الجديده - ماجدة ، وعابدين - ونتوقع من الجميع الكثير .

    بخصوص المشاريع المطروحه ،،،ناس الداخل هم أدرى بالوضع ولكن أرى أنها تحتاج
    لكادر بشري ، هل ممكن الدخول في مشروع مواصلات ، لا يحتاج لكادر بشري كبير سوى
    المتابعة والمراقبة وبدون تفرغ كامل مجرد سؤوال ؟

    الدعم المالي المطلوب لسد الفجوة السابقة سوف يكون التحرك الفعلي لها من خلال
    هذا الإسبوع وسيتم التنسيق مع ناس الرياض والمناطق الأخرى.
                   |Articles |News |مقالات |بيانات

19-05-2009, 09:21 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    Quote: وقد كلفت اللجنة ثلاثة من أعضاءها الزراعيين وهم : نهلة نجم الدين حسن ومعاوية يحيي بابكر وفدوي
    أحمد عباس بدعوة عدد من المختصين من اعضاء الرابطة في البنوك التجارية والزراعية لمناقشة عدد من المشروعات :
    1/ مشروع إنتاج البذور المحسنة .
    2/ مشروع إنتاج الخضر بالصوبات ,
    3/ مشروع إنتاج السماد العضوي


    أولا: أمنياتنا للجنة التنفيذية بالتوفيق في دورتها الانتخابية هذه...نتضامن معكم
    بكل صدق و لانألوا جهدا في دعمكم ومساندتكم....

    ثانيا: لا أريد أن أسبق الحوادث للحديث عن تلك المشاريع المقترحة طالما أن هنالك
    أخوة أكفاء قائمون على دراستها وتقدير مدى جدواها الاقتصادية...و أنا أعلم كل العلم
    أنهم يعلمون أن دراسة الجدوى الاقتصادية يندرج تحتها الكثير من التفاصيل المالية
    و غير المالية...
    لست عليما بقانون الشركات في السودان...لكني أقترح أن يؤخذ في الاعتبار عند
    مناقشة هذه المشاريع امكانية تأسيس شركات مساهمة تضمن و تشجع الأعضاء على استثمار
    أمولهم...
    لكم التحايا و أمنياتي بالتوفيق..
                   |Articles |News |مقالات |بيانات

19-05-2009, 12:53 PM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    (ان ادم لم يخلق وحده000وهو لذلك لا يستطيع ان يعيش وحده
    0000 غفر الله لحواء التى انسلخت من ضلوعه لتبنى لنفسها مملكه من السحر و الحب والفتنه و الاغراء0
    00لنكون فى حوجه الى الرسل والانبياء موعظه وهدايه0)

    ده كلام الريس الجديد معتصم جعفر من الفيس

    التحية له و للجنة الجديده وسدد الله خطاكم

    طارق جبريل لك الود والتحية

    الاخ ابو سن لك الف تحية
                   |Articles |News |مقالات |بيانات

19-05-2009, 02:13 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: اسامة أبتر)

    تحية و تقدير لكل الزقازيقاب الرائعين ..

    و حباب برلومنا الببجلنا / سمؤل .. ( شفت كيف الشفتنة يا برلوم ) ..

    بجيك بي رواقة للونسة الدقاقة ..

    ـ
    يا جماعة أفقدوا النضيف و سامي و أحياناً جلال و نجيلة ..

    و في ناس كتار عايزين تِفِقِد يا جماعة أفقدوهم ..

    ــ

    تحية و تقدير للجنة الجديدة و دعوات لهم جميعاً بالتوفيق و السداد و نحن معكم قلباً و قالباً و يا لجنة أمسكي في زهير الزناتي دة قوي ..
    و يا زهير أنت مهمتك كمان تجيب لينا ناس اللجن كلهم بما فيهم الريس معتصم داخل الحوش دة و البركة في سعادتو محمد صديق ..
    ــ
    معليش يا جماعة موقف طريف جداً حدث لي مع شقيقي / مرتضى إدريس عباس ( آداب ) و نحنا في أول عهدنا بالزقازيق و قد جاءت مناسبة روايته في بوست آخر ـ و مع أنكم أهل الجلد و الرأس ـ فوددت أن أنقله إلى هنا ( للحديث عن موقف طريف لبرالمة ) و المعذرة إن كان فيه ما يخدش ..

    ـ
    Quote: في سنة ( البرلمة ) أيام الدراسة في مصر سكنت و صديقي ( مرتضى ) في الطابق الأخير بإحدى العمائر بمدينة الزقازيق ـ يعني مننا و السطوح ـ عم عبد الله بواب العمارة كان يقوم بتنظيف العمارة و مسح السلم و المداخل بخرقة قماش بالية أو كما نسميها ( مساحة ) حيث يبدأ ( المسح ) من جوار شقتنا نزولا حتى الطابق الأرضي ، و كان يضع أدوات النظافة ( مكنسة ، جردل ، مساحة ) جوار شقتنا .
    في يوم ممطر و على غير العادة لم تأت الشغالة أم محمد التي كان تحضر لنا مرتين في الأسبوع للنظافة و الغسيل و أحيانا الطبخ ، لكنها أرسلت بدلاً منها شغالة أخرى قريبة لها ( من الفلاحين ) كانت تلك الشغالة سيدة كبيرة في عمرها و كانت المرة الأولى التي تأتي إلي شقتنا ، فتح لها ( مرتضى ) الباب و عرفته بأنها حضرت بديلة عن شغالتنا وجارتها ام محمد المتوعكة يومها و باشرت في مهمتها بتنظيف الشقة ..

    بعد دخول الشغالة الجديدة لشقتناو بأقل من نصف ساعة سمعنا ضرباً شديداً على الباب و صياحاً عالياً من عم عبد الله ( و عم عبد الله أضانو تقيلة و شبه أطرش و يتحدث بصوت عالي جداً ) كان عم عبد الله يصيح بصوته العالي الأجش ..

    ـ يا أستاذ ( مورتضضاا ) يا أستاذ ( مورتضاااا ) .. فين ( الشرمـ..طا ) يا أستاذ مرتضى !!
    مرتضى كان في غرفته و أنا كذلك في غرفتي و الشغالة ( الجديدة ) في المطبخ حيث بدأت في نظافته ..
    وعم عبد الله بصوته العالي جداً و بألفاظه ( الخادشة ) صحانا من النوم ( مخلوعين ) و ربما كل سكان العمارة ..
    توجس مرتضى أن يكون عم عبدالله أعتقد أن الشغالة ( الجديدة ) التي حضرت هي مجرد ( شرمـو..ـة) .. و أن واجبه كبواب يقتضي طردها من العمارة .
    عم عبد الله يصيح بأعلى صوته ( الشرمـ..طا) عشان أمسح بها السلم يا أستاذ مورتضاااا)
    قمت متخارجاً سرعة من غرفتي و تزامن ذلك مع خروج مرتضى و أتجهنا سوياُ للباب الذي كان يئن من ضربات عم عبد الله ..
    فتح مرتضى الباب غاضباً و بصوت عالي صاح في عم عبد الله :
    ( يا عم عبد الله شرمـو..ـة شنو يا عم عبد الله دي زولة أكبر من أمي ، ياخي نحنا ناس محترمين ، دي شغالة جديدة ) ..

    رد عم عبد الله ـ الذي ربما لأن أضانه تقيييلة جداً لم يسمع كلام مرتضى ـ
    عشان النطرة ( المطرة ) خربت الدنيا بالطين أنا عايز أنضف السلم ، إنت مخدتش ( الشرمـ..طا ) يا أستاذ مورتضاااا ..

    تسمرنا أمامه مثل الرجال البلهاء و قبل أن نفيق من أستغرابنا للرد على عم عبد الله فتحت سيدة باب الشقة المقابلة لنا و كانت تحمل في يدها خرقة قماش قديييمة و قامت بإعطائها لعم عبد الله الذي شكرها على ( الشرمـ..طا ) التي أعطتها له ليمسح بها البلاط و السلم بدلاً من ( شرمو... ته ) المفقودة و التي لم ( تدخل ) شقتنا باي حال ..

    ـ
    لاحقاُ علمت أن الفلاحين المصريين و خصوصاً في محافظة الشرقية يطلقون كلمة ( شرمــ ...طة ) على خرقة أو قطعة القماش القديمة التي تستخدم في مسح الأرضيات ..

    * مرتضى صديقي و رفيق دربي من الأبيض مروراً بالزقازيق و حتى جدة حيث نقيم الآن ما أن أذكر له هذه الحكاية حتى يقول لي ( لكن هي خُلعة نصاح ) .
    ــــــــــــــــــــــــــــــــــــــــــــــــــــــ
    للفائدة ..

    شرمـ... طة وهي صفة نابية (مسبة) وتعني المرأة العاهرة التي تمارس الدعارة. تعتبر هذه الكلمة بذيئة جداً وهي كلمة عامية لا يحبذ تداولها.

    وتستخدم هذه الكلمة في أرياف مصر بمعني أخر و هو الفوطة و في المغرب العربي تستخدم ب معنى شريطة اي قطعة قماش صغيرة تستخدم للمسح.

    عند الجزائريين شرمـ..طة تعني جميلة و حسنة المظهر أو بمعنى آخر فاتنة و بالفرنسية (charmante) و لهما نفس المعنى أي الحسن و الجمال و الأناقة ..
    من الموسوعة الحرة ( ويكيبيديا )


    ..
    http://ar.wikipedia.org/wiki/%D8%B4%D8%B1%D9%85%D9%88%D8%B7%D8%A9





                   |Articles |News |مقالات |بيانات

20-05-2009, 06:54 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عصام دهب)

    صباح الخير يا وجوه الخير
    حباب أخونا السمؤال أبو سن
    وجودك معانا بيسعدنا كثير فأكثر
    منها ،،، الإخوة المساهرين وينكم بنسأل
    عنكم ، اليوم الأربعاء ومعظم الناس سوف تدخل
    في البيات الشتوي لنهاية الإسبوع ،، أبقوا عشرة
    على البوست ما يحتل .

    البادي وينك يا أخوي والله بعادك طال ما من عاداتك
    ما تحلق لينا زي الريس سامي الطاهر - الدبيب - ود. سناء الصباغ
    ود. صفية وناس آخرين كثيرين.

    عودوا لينا يا أحباب .

    (عدل بواسطة ميسرة سيد أحمد on 20-05-2009, 07:49 AM)

                   |Articles |News |مقالات |بيانات

20-05-2009, 11:42 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سهران بهاتي ،،، طول الليل بناجي
    على الحبيب ،،، الراحل،،،،،،،،،،،

    يا أخوي مالك بتغني براك ،،، جنيت
    والله لقيت نفسي برآآآآآآآآآآآآآي وبقدل
    وأجدع زي ما عايز ،،، طيب حراس البوست الليله
    وينهم ،،، قالوا مجتمعين مع إدريس دبي لصد الهجوم
    التشادي على تراب الوطن ،،،

    جدودنا زمان ،،، وصونا على الوطن
    على التراب الغالي ،،،،،،،

    فرصه الليل حبيبنا جلا ما فيش
    أكان أضري عيشي ،،، سآآآآآآآي

    (عدل بواسطة ميسرة سيد أحمد on 20-05-2009, 12:14 PM)

                   |Articles |News |مقالات |بيانات

20-05-2009, 12:29 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلمى يا سلامه ،،، رحنا وجينا بالسلامة

    أخبار من الزاقازيق :-

    أخونا عثمان الجيلي ما زال بالسودان وقد يعود بعد إسبوعين
    هاتف عثمان 00249913640195

    الزقازيقية حنان مجمر - كلية تجارة - هاجرت مع زوجها وأولادها
    وإستقرت بكندا ،،، وحنان كانت مستقرة بمدينة جدة

    عبدالدائم النضيف في بيات شتوي وقد إطمأنينا على صحته حسب توجيهات
    سيد الحوش - عصام دهب - وهو متابع بس مشغول شويه .

    الأستاذه منى يونس كلما حضرت إلى البيت تسأل عن أخبار البوست قبل الخبز
    وهي تتابع بالمراسلة لتعثر النيت بمنطقتنا وتم رفع شكوى لمجلس الأمن .

    الأخت سعاد عبدالرحمن تتواجد اليومين دول بالخرطوم - شهادة سودانية -
    تبلغ الجميع السلام .
                   |Articles |News |مقالات |بيانات

20-05-2009, 12:52 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    هــــــــــــــديــــــه

    أسهل طريقة لختم القرآن الكريم :

    - عدد صحفات القرآن الكريم 600صفحة تقريباً
    - يعني 600÷30يوم = 20 صفحة يومياً
    - 20صفحة يومياً ÷ 5 صلوات = 4 صفحات بعد كل صلاة فقط
    - النتيجة بعد شهر كامل = ختم القرآن الكريم كاملاً

    والناس المشغولين شديد صفحتان بعد كل صلاة تكون/ني
    قد ختمتم القرآن كاملاً بعد شهرين فقط ، وبدون أي مجهود.

                   |Articles |News |مقالات |بيانات

20-05-2009, 01:52 PM

اسامة أبتر
<aاسامة أبتر
تاريخ التسجيل: 03-05-2009
مجموع المشاركات: 43

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    قالوا ياريس لما التمساح بجى الورل بضاير علشان كده لما شفناك خفنا عديل
                   |Articles |News |مقالات |بيانات

20-05-2009, 02:23 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    مهداه إلى التؤام الرشيد ومحمد عيد

    رائعة الشاعر حسين بازرعة غناء الفنان
    الراحل المقيم عثمان حسين ،،،،،

    ============================

    ليه تقول أيامنا راحت وإنتهينا
    يا حبيبي والله كانت ديك سحابه لو حصل في العمر مره
    وإفترقنا !!!! هي غلطة ، ونحن نتحمل عذابها ،، يا حبيبي


    كنت عايش كل أيامك محنه ،،،، وأنا بحرق كل عمري في الصبابا
    يا حبيبي ليه ما تبقى حياتنا جنه ،،،، ننسى ظلم الدنيا ونأخذ من شبابها
    ونبعد الشك من قلوبنا والمظنة ،،، ونمشي في دنيا الأماني ،، الأماني المستطابه


    لست أدري هل عذابي أم عذابك كان أكبر لست أدري
    حين شق الدهر بينا والفراق المر أكبر لست أدري
    فلماذا كنت تخشي كل ما ضيك المسير يا حبيبي


    قيل بعد الأداء المتميز للأستاذ عثمان حسين فيه رنه الحزن الدفين وفيها
    حوار جياش بالعواطف والعتاب ،، ولعل السر يكمن في دواخل الشاعر الكبير
    حسين بازرعة،،،،


    ويا رشيد يا ود بابكر أنا عندي مكتبه تخص عثمان حسين ،،، وبعد الكبر والخرف
    بدأت أراجع الكلمات وأحفظها وكان في السابق إعجابي بالغناء واليوم بدأت أحب
    هذه الكلمات الجميلة والتي تحتفظ بدواخلها بكم هائل من المشاعر والعواطف
    بس ح أهريك ،،،،،،

    (عدل بواسطة ميسرة سيد أحمد on 20-05-2009, 02:40 PM)

                   |Articles |News |مقالات |بيانات

20-05-2009, 03:28 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    يا ابتر يا ضرغام
    ابتر يا الدود النتر ،، صحا المرافعين خوف
    حبابك ما غريب الدار ،،،

    ودعتك لـ الله يا بوستنا العزيز بس أنا ماشي
    ما تحتل تحت تاني ،،، الليله عملت ليكم فيها
    هرقل الزقازيقي ،،، بس والله لو لموا فيك ناس
    محمد عيد وناس جلا وعروه وأبتر ومنصور والرشيد
    بكسروك وبرجعوك لوضعك الطبيعي .

    مع السلامة نوموا بعافيه....
                   |Articles |News |مقالات |بيانات

20-05-2009, 04:05 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    الأعزاء ناس الزقازيق
    في البداية نتمني الشفاء العاجل للأخ محمد آدم جلا وذلك بعد الوغكة التي المت به
    وهو الآن طريح فراش منزله ، ويغري الجميع التحايا وعلي |مل أن يتواصل معكم في الأيام القادمة

    كما نتمني الشفاء العاجل للوالد علي الشفيع والد زميلنا المرحوم ياسر الشفيع وهو طريح الفراش
    كما بمستشفي فضيل كما عرفت من الأخ محمد صديق .....
                   |Articles |News |مقالات |بيانات

20-05-2009, 04:09 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    توفيت لرحمة مولاها والدة الزميلة العزيزة حنان مجمر الأيام السابقة
    ويقام المأتم في الأبيض وكما عرفت بأن الأحت حنان مجمر قد عادت قبل
    فترة لمرض والدتها ، فللفقيدة الرحمة والغفران وللعزيزة حنان مجمر
    الصبر وحسن العزاء

    وتوفي البارحة جد الأخ خالد أحمد محمد صالح( بيطرة) له الرحمة والغفران
    ولأسرته الممتدة الصبر وحسن العزاء ،،، ويقام العزاء بالصحافة محطة سبعة
                   |Articles |News |مقالات |بيانات

20-05-2009, 06:26 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    الامنيات القلبية نسوقها للأخ محمد آدم (جلا) ونتمنى له عاجل الشفاء
    ليعود الابداع لهذا البوست وتعود لنا الدهشة والاستمتاع
    ما تشوف شر ياجلا
    -----------------

    وكذلك الامنيات القلبية الصادقة بعاجل الشفاء للعم علي الشفيع
    (زميل ودفعة الوالد بشرطة سنار)
    ونتمني له الصحة وطولة العمر
    ----------------

    وأحر التعازي للزميلة حنان مجمر في وفاة والدتها ونسأل الله ان يتغمدها بالرحمة والمغفرة
    ونسأل الله أن يتقبلها القبول الحسن
    والتعازى موصولة للاخ خالد في وفاة جده له الرحمة والمغفرة

    يديك العافية يازهير ويطول عمرك
    صاحب واجب
                   |Articles |News |مقالات |بيانات

20-05-2009, 06:52 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    أحر التعازي للزميلة حنان مجمر في وفاة والدتها ونسأل الله ان يتغمدها بالرحمة والمغفرة
    ونسأل الله أن يتقبلها القبول الحسن
    والتعازى موصولة للاخ خالد في وفاة جده له الرحمة والمغفرة

    وجلا دة الظاهر عليه كبر خلاص
    الف الف سلامة








    الرشيد بابكر:
    بجيك راجع لي غناء الشوايقة
    دي حتة بقى تخصص يا حبيب
                   |Articles |News |مقالات |بيانات

20-05-2009, 07:37 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    صادق التعازي للأخت حنان مجمر في وفاة والدتها ونسأل الله ان يتغمدها بواسع رحمته ومغفرته
    وأن يتقبلها القبول الحسن وأن ينزلها منازل الصديقين و الشهداء و الأبرار.

    كما ونعزي الاخ خالد في وفاة جده له الرحمة والمغفرة.

    أما جلا والله افتقدناك في البوست وعزيت غيبتك لسفرك الكثير فقلت ربما تكون في مكان ليس
    به انترنت...و الله كفاره وسلامتك و الزقازيق كلها كرامتك...و ان شاء أجر وعافية
    اللهم رب الناس اذهب الباس، اشفي انت الشافي، شفاءا لا يغادر سغما....
                   |Articles |News |مقالات |بيانات

20-05-2009, 08:17 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا ريس طول بالك....شنو حكايتك بقيت تقول تصبحوا على خير من العصر

    Quote: مهداه إلى التؤام الرشيد ومحمد عيد


    و هديتك و الله قيمة و لا بد أن نردها ليك بأحسن منها زي التحية فاليك أهدي
    رائعة بازرعة القبلة السكرى....

    أتذكرى فى الدجى الساجى ... مدار حديثنا العذب
    وفوق العشب نستلقى .. فنطوى صفحة الغـيب
    وإذ مـالاح نجم سعد .. نرشف خمــرة الحب
    اتذكرى عهد لقيــانا .. ويوم القبـلة السكـرى
    وقبَّل ثغرى الظامى .. فقـد لا تنفــع الذكـرى

    Quote: ويا رشيد يا ود بابكر أنا عندي مكتبه تخص عثمان حسين ،،، وبعد الكبر والخرف
    بدأت أراجع الكلمات وأحفظها وكان في السابق إعجابي بالغناء واليوم بدأت أحب
    هذه الكلمات الجميلة والتي تحتفظ بدواخلها بكم هائل من المشاعر والعواطف
    بس ح أهريك ،،،،،،

    والله يا ريس حبابك...دعنا نحلق سويا عندما يقبل الليل ونسير في الدرب الأخضر....

    Quote: بجيك راجع لي غناء الشوايقة
    دي حتة بقى تخصص يا حبيب

    و الله يا ود جبريل أنا قلت الزول ده فتح لي ولا شنو وكنت عايز أرسل أغنية النعام
    لاشوفتا تبل الشوق ولا ردا يطمن
    اريتك تبقي طيب انت انا البي كلو هين

    لكن بركة اللسه فاكر...تعال لينا برواقة ومتعنا مع الطمبور...
                   |Articles |News |مقالات |بيانات

20-05-2009, 08:54 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    محمد عيد مساك الله بالخير
    قصيدة أمل دنقل التالية لعيونك.....
    قلت لكم مرارا
    إن الطوابير التي تمر
    في استعراض عيد الفطر و الجلاء
    (فتهتف النساء في النوافذ انبهارا)
    لا تصنع انتصارا.

    إن المدافع التي تصطف على الحدود، في الصحارى
    لا تطلق النيران .. الا حين تستدير للوراء
    إن الرصاصة التي ندفع فيها .. ثمن الكسرة و الدواء
    لا تقتل الأعداء
    لكنها تقتلنا .. إذا رفعنا صوتنا جهارا
    تقتلنا ، وتقتل الصغارا
                   |Articles |News |مقالات |بيانات

20-05-2009, 09:25 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    رشيد الحبيب
    المساء الذى يكتحل بأحرف رائع الكلم .. ابن دنقل ... أمل
    لا بد ان يكون مميزا .. ومختلفا
    ويحمل فى جوفه بعضا من ألق الروعة والجمال الذى يعيدنا
    الى ايام خوالى .. كنا فيها نحتسى أشعاره يوميا مع شاى الصباح

    وحين يأتى الحديث عن أمل دنقل لابد لى ان اتذكر احتفاءنا الدائم
    برائعته .. لا تصالح
    والتى ظللنا نتلاقح يوميا مع احباء آخرين فى القاء ابياتها كلما اجتمعنا
    فى مربع كاى .. عبده مضوى .. معاوية يحيى وآخرون


    لا تصالحْ!
    ..ولو منحوك الذهب
    أترى حين أفقأ عينيك
    ثم أثبت جوهرتين مكانهما..
    هل ترى..؟
    هي أشياء لا تشترى..:
    ذكريات الطفولة بين أخيك وبينك،
    حسُّكما - فجأةً - بالرجولةِ،
    هذا الحياء الذي يكبت الشوق.. حين تعانقُهُ،
    الصمتُ - مبتسمين - لتأنيب أمكما..
    وكأنكما
    ما تزالان طفلين!
    تلك الطمأنينة الأبدية بينكما:
    أنَّ سيفانِ سيفَكَ..
    صوتانِ صوتَكَ
    أنك إن متَّ:
    للبيت ربٌّ
    وللطفل أبْ
    هل يصير دمي -بين عينيك- ماءً؟
    أتنسى ردائي الملطَّخَ بالدماء..
    تلبس -فوق دمائي- ثيابًا مطرَّزَةً بالقصب؟
    إنها الحربُ!
    قد تثقل القلبَ..
    لكن خلفك عار العرب
    لا تصالحْ..
    ولا تتوخَّ الهرب!

    لا تصالح
    ولو توَّجوك بتاج الإمارة
    كيف تخطو على جثة ابن أبيكَ..؟
    وكيف تصير المليكَ..
    على أوجهِ البهجة المستعارة؟
    كيف تنظر في يد من صافحوك..
    فلا تبصر الدم..
    في كل كف؟
    إن سهمًا أتاني من الخلف..
    سوف يجيئك من ألف خلف
    فالدم -الآن- صار وسامًا وشارة
    لا تصالح،
    ولو توَّجوك بتاج الإمارة
    إن عرشَك: سيفٌ
    وسيفك: زيفٌ
    إذا لم تزنْ -بذؤابته- لحظاتِ الشرف
    واستطبت- الترف

    لا تصالح
    فليس سوى أن تريد
    أنت فارسُ هذا الزمان الوحيد
    وسواك.. المسوخ!

    لا تصالحْ
    لا تصالحْ
                   |Articles |News |مقالات |بيانات

20-05-2009, 10:05 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    محمد عيد الحبيب...كلما قرأت قصيدة لأمل دنقل انطبعت في مخيلتي صورة عبدو مضوي
    و اليك هذه قبل أن آوى الى فراشي....

    آه..ما أقسى الجدار
    عندما ينهض في وجه الشروق
    ربما ننفق كل العمر..كي نثقب ثغرة
    ليمر النور للأجيال مرة
    ......
    ربما لو لم يكن هذا الجدار
    ما عرفنا قيمة الضوء الطليق
                   |Articles |News |مقالات |بيانات

20-05-2009, 10:43 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    ونحن لسه صاحين برضو يا شباب
    التعازى الحارة للزميلة حنان المجمر فى وفاة والدتها
    والنعازى للزميل خالد فى جده
    ويا جلا شفاك الله (وشرك مقسم على الدغشم )
    ودمتم سالمين
                   |Articles |News |مقالات |بيانات

20-05-2009, 11:15 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    اها يا الرشيد بابكر قول بسم الله


    تراب بلدي
    السر عثمان الطيب

    انا وآآآ
    مغستي رحل تلوت الليل شقاوتي رحل تلوت الليل
    مسالكي ضلمه ما بتنشق سكت روح نويرة الفرقـة
    جـــوة الجـــوف تســـوي الـــبق
    مشيت لا زاد أشيلو معاي ولا زولاً مـــــعا اترفــــق
    ولما خلاص بقيت مارق نجيم الليل مــشي إتفــــرق
    بكيت وبكيت طريف العين متمسح بالدموع رقـــرق
    عشان مظلوم زماني الليلي شتت للشمـــــل فــــــرق
    بسوي الووب نحاس احزاني جــــوه قليبي ينقـر دق
    يوهدبي يلوعني واخــــاف من المـــــصير واشفـــق
    اوادع الناس وافوت مجبور يجيني نغيم من الطنبور
    اشوفلي جني وقف صفق ينط لا فوق
    يـــــــــطير ينــدق واطـــير وانـــدق
    وادنقر فوق تراب بلدي أخم بي إيدي فـــــي رحـلي
    اقول يا ليل وافارق الدار اجر فوق الوداع مستــدار
    أنــــوني أنــــوني شـــاق الـــواح محــال ارتــــاح
    ادخل إيدي في رحلي تراباً فيهو تســــوى الكــــون
    تــــراب بلـــــدي
    اشـيل مــــنو اشـــم وارتـــــاح اشـــم طـــــيبة اهــــلي
    مـــــــــــــنو تفوح ترد الروح عويناتن تلـوح وتلـــوح
    عــــــراريقن طـــواقيهـن طــــــــواريهـــن سواقيهـــن
    انين الســــاقي لــــما تنوح حــــسيس البربخ المفتـوح
    واعاين يا تراب بلدي اشوف فيك صورة ماب تنشاف
    واشم ريحة الكُليت والشاف بنات بلدي بنات بلـــــدي
    طريحاتن مناديلن رقيصاتن شبابيلن
    حـــليلي حـــليلي يــحليلن
    واشيل من زادي واتكرف
    واشوف فيك يا تراب بلدي الحنين المـــابي يتوصف
    سماح ناساً حلاة ناساً بلا السكر
    طعم قراصه في قدحاً من الدبكر
    كواريك شفع المغرب يقلبوا في الجمــــر قنــــقر
    ولاد بلدي نقاقيرن طنابيرن جـــبابيدن سنــانيرن
    وافوت يا ناسي في دربي أقول يا أهلى واغلبـــي
    خلاص ريدكن ملك قلبي منو الغيركن بشيل حبي
    تراب بلدي بنات بلدي ولاد بلدي



    ولمن بكري يشغل الكودات بتاعة الغناء
    حا اهريك نقزي حق شوايقة
    هههههههههههههههههه
                   |Articles |News |مقالات |بيانات

21-05-2009, 06:31 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    تعازينا للأخت حنان المجمر في وفاة والدتها ونسأل الله ان يتغمدها بواسع رحمته ومغفرته
    وأن يتقبلها القبول الحسن وأن ينزلها منازل الصديقين و الشهداء و الأبرار.

    وكذلك عزاءنا للاخ خالد في وفاة جده له الرحمة والمغفرة.

    اخونا محمد آدم جلا أجر وعافية
    اللهم رب الناس اذهب الباس، اشفي انت الشافي، شفاءا لا يغادر سغما....
                   |Articles |News |مقالات |بيانات

21-05-2009, 07:18 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    Quote: ادخل إيدي في رحلي تراباً فيهو تســــوى الكــــون
    تــــراب بلـــــدي
    اشـيل مــــنو اشـــم وارتـــــاح اشـــم طـــــيبة اهــــلي
    مـــــــــــــنو تفوح ترد الروح عويناتن تلـوح وتلـــوح


    يا سلام يا سلام يا سلام يا طارق جبريل
    عليك الله شوف جنس الكلام ده...
    واحد صاحبا لي شايقي بيقول لي عندو حبوبتو كان بتقول ليهو...تعال لي عشان أشمك

    فنحن في السودان كنا بنعبر عن محنتنا بكل الحواس...يا حليلها أيام
                   |Articles |News |مقالات |بيانات

21-05-2009, 07:57 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    خالص التعازى للزميلة حنان مجمر فى وفاة والدتها
    وللاخ خالد فى وفاة جــده

    ــــــــــــــ
    عاجل الشفاء للعزيز جـلا ،، ملاريا ولا شنو ده العدس الكتير
    ودوام الصحة والعافية لوالد زميلنا المرحوم ياسر الشفيع

    ـــــــــــ
    يا ناس الاقا..... الصحافة ما فيها حتة اسمها محطة سبعة ... دى منطقة حدودية
    متنازع عليها .... ما تحمر لي يا جبريلا
    الرشيد الخميس بقى يجى بسرعة ....
    ... ونحن قادرين على ناس محمد عيد
    عشان يجو الشوايقة يحبسو الدرب .....


    البوست شده ما بقى حلو والله غالبانى ( الكتابــــىىىىى ) بلغة الروس
                   |Articles |News |مقالات |بيانات

21-05-2009, 07:58 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    بنات زراعة الكتار ديك (يا عبد الدائم ) , لمن كانوا يجوا ورا
    فريق زراعة بتاع الكورة فى الملعب , وطبعا فريق زراعة زاتو كنا
    بنتموا حداشر بالعافية لدرجة انا ذاتى كنت بعض مرات بلعب , بنياتنا
    السمحات ديك لمن يشجعوا الفريق , كان الرشيد بابكر تطلع ليهو
    اربعة رجلين , وحمادة يوسف يتحول لى طيارة بشرية , وجمال مصطفى ابشر
    الأصلا بيمشى بالجلالة ونصحيهو من النوم بالقوة , يبقى لينا بس التقول
    (سبايدر مان ) , فائز حسين التوم اساسا ما محتاج (يتحول ) زى ما بيقول
    مجتبى ولدى لمن يحاول يخش فى (فولترون ) , وبالطريقة دى طبعا ناس تجارة
    (العزابة ) العندهم فريقين تلاثة وبيتشاكلو وما عارفين يلعبوا منو ويخلو منو
    و عاطف القوز قال لى انت عارف اقوان زراعة كان بيجيبها منو , قلت ليهو مش احمد يوسف ؟؟
    قال لى وحاتك اقوانها كلها جابتها لينا (زينب التيجانى ) ونجاة حوفى
    (عملا بوصية الريس ميسرة الذى لا ترد له وصية او طلب , وعرفانا لسهره بالأمس فى رفع هذا البوست )
                   |Articles |News |مقالات |بيانات

21-05-2009, 09:09 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    يا منص بالمناسبة سلسلة مقالاتك ( يا مسهل ) لو عملت ليها بوست منفصل
    خارج حوش الزقازيق يكون احسن لانو موضوع جميل بحق ويستاهل تطرحو بشكل
    موسع
    Quote: كما ان صوت والدتى عليها رحمات الله وكذلك جدتى لأمى ولأبى وهم يتناوبون على نفس البرش قبل ان تكون سجادة مكية فاخرة فى ادائهم لصلاة الفجر ومعها صلاة الرغيبة كمان , صوتهم فى القراءة ما زال عالقا بأذنى ومن قبله قلبى وفؤادى حتى الآن , تمتمة مكسرة للفاتحة مع قراءات لا تخلو من اللخبطة والتداخل بين قصار السور , التى هى غالبا الأخلاص والنصر , طبعا (الكافرون ) مستبعدة تماما لأننا من قرط تندرنا على قراءتهم لها , لم يكن من المستبعد ان ينفجروا ضاحكين , نحن او هم , ونحن نستمع لهم , وهذا ما لا ينسجم مع خشوعهم وتوجههم الكامل لرب العباد فى صلاتهم تلك
    ولكنى هنا اقول , وبالرغم من تلك القراءة المكسرة المتداخلة , الا اننى اكاد اجزم اننى لم ارى فى حياتى خشوعا فى صلاة يماثل ذلك الخشوع , ولم اشعر بسكينة تماثل تلك السكينة المصاحبة لصلوات والدتى وجداتى عليهم رحمة الله جميعا , ولصلاة الفجر عندهم سكينة وخشوع اكبر , اذ يتبعها عادة دعاء طويل غاية فى البساطة والمباشرة ولكنه ملىء بالتضرع والسؤال , حتى ان هذا الدعاء فى بعض الأحيان ومن فرط صدقه وتوجهه , فانه قد يختلط (برطانة ) من لهجاتنا النوبية الجميلة والعريفة التى يستعينون بها اذا ما استبد بهم الخشوع وخلصت بهم النوايا فليجأؤؤن الى مفرداتها التى يتقنونها فتعينهم على تعبير استعصى عليهم بالعربية , كنت استعجب من فرط طول ذلك الدعاء وخشوعه وصدقه , حتى اننى لأكاد اقفز من سريرى وما زالت بقايا النوم تملآ عيونى اذا ما ورد اسمى واسماء اخوانى وأخواتى وحتى الجيران والأصدقاء فى ذلك الدعاء الخاشع , لا اشك ابدا ولو للحظة , فى ان دعوات امى وجداتى تلك البسيطة المكسرة المخلوطة بالرطانة , قد وصلت الى رب العالمين اصدق واسرع من كل دعواتى التى مارستها فى حياتى كلها بعد ذلك , تلك الدعوات (المنظومة ) المسجوعة البليغة الموزونة


    انينقى آرتى ارحميرل
                   |Articles |News |مقالات |بيانات

21-05-2009, 09:30 AM

عروة علي موسى

تاريخ التسجيل: 27-04-2009
مجموع المشاركات: 280

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    العزاء للأخت حنان المجمر في وفاة والدتها ونسأل الله ان يتغمدها بواسع رحمته.

    والعزاء أيضاً للاخ خالد في وفاة جده له الرحمة والمغفرة.

    العزيز محمد آدم جلا سلامتك وياخي بعد الشر عليك ..

    كل ناس الزقازيق سلام ..

    وترحيب حار بالأخوة مطيع الحوري وعوض المفتاح

    ورقصني يا ديمة على رطانة وشرق ...
                   |Articles |News |مقالات |بيانات

21-05-2009, 09:35 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    عبد الدائم يا نضيف
    بالله (ار اندادى بجنا ) ؟؟
    كثر من الرندوق الزى ده
    عشان المواهيم يسطحوا
    بس الخوف بكرى ابوبكر يعتبرها شفرة لتخريب المنبر
    بدلأت ببوست منفصل عن الصحافة الرياضية
    ولكننا دائما نرتاح فى بيتنا الملك
    بتاع الأجدع ناس
    فكم منزل فى الأرض يألفه الفتى
    وحنينه ابدا لأول منزل
    كن دائما بخير يا حبيب
                   |Articles |News |مقالات |بيانات

21-05-2009, 09:48 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    الاعزاء الاحباب .. ناس الحوش
    العــزاز ودايما لذاذ ..
    مازال طعم السهرة ليلة البارحة .. يملأ فمى
    بطعم الشهد والعسل ورائحة المسك والطيب ..
    كيف لا وقد كان الســـمر و التسامر حول ذاك الرائع .. امل دنقل
    ولا يمكن ان يأتى الحديث عن امل دنقل وعشاق امل دنقل وننسى اونتجاوز عن واحدة
    من اكبر عشاقه فى جيلنا .. واكثر المدافعين والمنافحين عن لونه المتفرد .. كما انها
    كانت تعتبر ارشيفا توثيقيا او قل مستودعا لغالب ما كتب دنقل او حتى ســجل بصوته ..
    اخوتى .. اننى اتحدث عن الرائعة .. الراقية .. الأديبة .. الأريبة ..
    هويدا احمد عوض الكريم .. ابنة ديار جعل وسليلة المك نمر والارباب ( سيد الاسم )
    لا ادرى لم يأت ذكرها من قبل .. ولكن صدقونى فان تلك الـ هويدا .. كانت من أهم الرموز
    التى انجبتها كلية زراعة - ذكورا واناثا -
    أدبا وتأدبا ورقة .. ثقافة وعلم واطلاع
    قوة وصلابة فى مناقشة الآخرين الى حد الاقناع بالسهل الممتنع ..
    انسانة رائعة الى حد الدهشة ..
    اذكر اننا وبمعية العزيز عبدو مضوى كنا نطوف فى قاهرة المعز لايام عديدة
    ننتقى من دور نشرها ومكتباتها درر الكتب والمطبوعات لعرضها فى معرض
    الكتاب الذى اقامته اسرة زراعة وكانت هويدا سكرتيرا فيها
    وكانت هويدا فى تلك الجولات تصر على تدويخنا ما بين دار الشروق ودار الثقافة الجديدة
    ومكتبة مدبولى ودار روز اليوسف بحثا وتنقيبا عن دواوين و كتب امل دنقل وصلاح عبد الصبور
    وعبد الوهاب البياتى واحمد عبد المعطى حجازى ..
    وبالفعل قمنا بتجميع عشرات المؤلفات لاولئك المبدعين ..
    حتى ان كثيرون اطلقوا على معرضنا ذلك .. معرض جبهة الرفض ..!!
    وبالفعل كانت هويدا ريحانة مجالس واجتماعات اسرة زراعة ونكهتها المحببة ..
    اين هى الآن ؟؟!!
                   |Articles |News |مقالات |بيانات

21-05-2009, 09:47 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    يا ديدو حمدالله على السلامة ياخي...شنو الحكاية مشغلنك داده الأيام دي ولا شنو
    المهم عودا حميدا...وخليك جاهز لنادي الطمبور...أعمل سويدي عشان ترفع معدل
    اللياقة بتاعتك...النقزه دي ما ساهله عايزه ليها لياقة...

    يا منص...الواحد كان بيتقطع ليكم عشان زراعة تغلب وتجي تقول زينب التجاني
    و نجاة حوفي الكان بيجيبو الأقوان...طيب قبل ديل ما يجو الكان بيجيب الأقوان منو
    ولا عشان ديل كانو بيلبسوا الشرابات يعني...بعدين لو بتذكر فريقنا كان فيهو
    الخير على خلف الله و عادل حمد النيل وصمويل دفع الله ولا نسيت العمالقة ديل....
    آل نجاة و زينب البيجيبو الأقوان آآآآآآآآآآآل...
                   |Articles |News |مقالات |بيانات

21-05-2009, 10:04 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا منص كابتن الرشيد ده ياخى كان عندو مشية كده بعرفها براهو
    حقت الناس البقولو ليك انا لاعااااب .... وما تنسى كمان انو شاعر

    Quote: وخليك جاهز لنادي الطمبور...أعمل سويدي عشان ترفع معدل
    اللياقة بتاعتك...النقزه دي ما ساهله عايزه ليها لياقة...

    ياخى ديل يتجارو ذى عربات الملاهى

    ـــــــــــ
    محمد عيد لو آمكن صورة لهويدا لو تكرمت يعنى
                   |Articles |News |مقالات |بيانات


1 صفحة 28 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de