|
|
 الرد علي ما كتبتها آمنة مختار عني ...
|
في بوست للأخ خالد بحر وفي مداخلة ممسوحة لآمنة مختار كتبت ما يلي:
Quote: السؤال هو : لماذا يقبل شول أن يودعه الأمنجية والكيزان والعنصريين الذين لا يخجلون من التفوه بأقبح العبارات العنصرية ويههلون لحروب الإبادة العنصرية تجاه أهله ....ويصفون أهله بالحشرات !!!!!!!!!!!!!!!
ولماذا حرص شول على توثيق صلاته بحثالة البشرية هؤلاء !!!!!!!!!!!!!!!!!!!!
أذكر قبل سنوات بوستا لشول أثار حيرتى وإشمئزازى ، كان البوست إستنكارا من شول لقرار المحكمة الدولية بإصدار قرار للقبض على البشير !!!!
وكان له بوست آخر قبل الأستفتاء أثار تعجبى أيضا ، ذكر فيه إنه ضد إنفصال الجنوب وهلل له الأعضاء !!!!!
.....................
أمر آخر أثار حيرتى حول هذا الشول ..
قبل سنة تقريبا حضر إلى القاهرة وإتصل بى وكنت فى ميدان التحرير ، أراد مقابلتى فقلت له تعال إلى الميدان ...فقال إنه يخشى على نفسه !!!!!
أعطانى رقمه فى السودان ، وعندما حضرت إلى الخرطوم إتصلت به فتهرب من مقابلتى !!!!!!!!!!!
إتصلت به أكثر من مرة ، وأرسلت له رسائل ، لأنه كان بحوزته غرضا مفترض أن يعطينى إياه ....فلم يرد ...وقد حيرنى هذا الموقف لأنه لم يحدث لى من قبل .....لم يحدث أبدا أن طلبت مقابلة شخص وتهرب منى ...ولم يحدث مطلقا أن إتصلت بشخص ولم يرد على .....!!!!!!
هذا الشول يقابل الكيزان والأمنجية والعنصريين كل يوم ويصادقهم ويصافحهم ويحتضنهم دون خجل ......ويتهرب من مقابلة أمثالى ....عجبا ثم عجبا !!!!
فمن هو شول أشوال دينق هذا ؟؟؟؟؟؟؟
هل هو مجرد منافق ...أم جرقاس ....أم شئ آخر أخطر ....؟؟؟؟؟؟ |
المداخلة أعلاه تم مسحه بواسطة بكري من البوست أدناه:
النفاق الإجتماعي في المنبر...(تأملات في وداع شول أشوانق).
نرد عليها كالأتي:-
| Quote: السؤال هو : لماذا يقبل شول أن يودعه الأمنجية والكيزان والعنصريين الذين لا يخجلون من التفوه بأقبح العبارات العنصرية ويههلون لحروب الإبادة العنصرية تجاه أهله ....ويصفون أهله بالحشرات !!!!!!!!!!!!!!! |
الذين ودعوني يا آمنة لو إستثنينا علاء الدين يوسف (كمسجل أمنجي وأي حاجة عندك) وكما قال ملاسي محمد المسلمي بدرجة أقل ... قل لي من هم الأمنجية الذين ودعوني؟ ملاسي ولا نجلاء سيد أحمد الجروحها الفي ضهرها لسع ما برت دي أمنجية ولا زوجها بخاري ولا أحمد حنين ولا حافظ ولا عيدروس ولا سامي صلاح ولا دكتور ياسر عبد القادر ولا Osama Dahab القابلتو لاول مرة ولا ذو اليد ولا الإنعامين حيمورة وحفيظ ومعاهن إشراقة هن الأمنجيات ولا يا تو هم الأمنجية؟ يا ربي العوض المسلمي أمنجي ولا سفيان نابري ولا القدم الجديد أنقابو... منو الأمنجي (مطلوب لستة لو سمحتي).
من هنا بشكر كل الإخوة الحضرو عشان يودعوني وبقول ليهم ما قصرتو والف شكر ليكم ودايركم تعرفو إني أجلت سفري من يوم 5 لي يوم 14 مايو لظروف خاصة جداً ... شكراً ليكم تاني.
| Quote: ولماذا حرص شول على توثيق صلاته بحثالة البشرية هؤلاء !!!!!!!!!!!!!!!!!!!! |
ما عندك الحق تصنفي الناس لي حثالة وما حثالة ... إنتي منو؟ وليه ما أوثق صلاتي بالناس العايزهم انا؟ وهل المفروض إني آخد منك الإذن عشان اوثق صلاتي بالناس؟!!
| Quote: أذكر قبل سنوات بوستا لشول أثار حيرتى وإشمئزازى ، كان البوست إستنكارا من شول لقرار المحكمة الدولية بإصدار قرار للقبض على البشير !!!! |
قبل سنوات البتقوليها دي شول ما فتح بوست إستنكار (الإرشيف موجود) شول قال وبقول هسع إنو مسك البشير بواسطة محكمة الجنايات الدولية ما هو الحل لمشاكل السودان وعلي ما أذكر كنت مشترك في الرأي مع جني وجات تراجي وطلعتني من المرطبين في الخرطوم عشان كده بتكلم بالطريقة ده وبعد زمن جات وعرفت إنها كانت غلطانة في إعتقادها.
| Quote: وكان له بوست آخر قبل الأستفتاء أثار تعجبى أيضا ، ذكر فيه إنه ضد إنفصال الجنوب وهلل له الأعضاء !!!!! |
بوست إني وحدوي ده رأيي بخصوص الوضع الزمن داك المفروض تحترميهو بغض النظر عن تهليل الأعضاء لي ولا تكبيرهم.
Quote: أمر آخر أثار حيرتى حول هذا الشول ..
قبل سنة تقريبا حضر إلى القاهرة وإتصل بى وكنت فى ميدان التحرير ، أراد مقابلتى فقلت له تعال إلى الميدان ...فقال إنه يخشى على نفسه !!!!! |
الكلام ده كلام خاص ما المفروض يتناول بالطريقة الفجة دي بس طالما جبتيهو هنا نرد ليك:
جيت القاهرة لأول مرة يوم 23 يناير 2011 قبل يومين من إندلاع الثورة المصرية وانا لما هاتفتك إنتي كنتي في الدقي يا أستاذة وليس ميدان التحرير الإنتي حسب كلامك الوقت داك جيتي راجعة منو. ثم ثانياً ميدان التحرير البخوفني منو شنو؟ وهل أنا كنت محتاج أمشي ميدان التحرير بل هل كان في إقتراح ذي ده من أصلو؟!
Quote: أعطانى رقمه فى السودان ، وعندما حضرت إلى الخرطوم إتصلت به فتهرب من مقابلتى !!!!!!!!!!!
إتصلت به أكثر من مرة ، وأرسلت له رسائل ، لأنه كان بحوزته غرضا مفترض أن يعطينى إياه ....فلم يرد ...وقد حيرنى هذا الموقف لأنه لم يحدث لى من قبل .....لم يحدث أبدا أن طلبت مقابلة شخص وتهرب منى ...ولم يحدث مطلقا أن إتصلت بشخص ولم يرد على .....!!!!!! |
ما إني متأكد دشليون في المية إني ما تجاهلت مكالماتك وما قاعد أعمل الحركة إياها بس متذكر إنو مفروض أقابلك وما حصل ... المشكلة هنا وين يعني؟ ثم طالما جيتي وكتبتي الكلام ده هنا كان الأفضل تكتبي الغرض الكنتي عايزاها عشان ما تخلي عزيزك القارئ يأول ويفتكر إني شلت منك حاجة وزغت بيها وما رجعتو ليكي.
| Quote: هذا الشول يقابل الكيزان والأمنجية والعنصريين كل يوم ويصادقهم ويصافحهم ويحتضنهم دون خجل ......ويتهرب من مقابلة أمثالى ....عجبا ثم عجبا !!!! |
برضو مطلوب لستة وطبعاً لا يخفى عليك إنو ما كل زول إنتي مفتكراهو أمنجي خلاص أمنجي برضو عندنا "للعلم فقط"
| Quote: فمن هو شول أشوال دينق هذا ؟؟؟؟؟؟؟ |
شول اشوانق دينق هو شول اشوانق دينق فقط لا غيره.
| Quote: هل هو مجرد منافق ...أم جرقاس ....أم شئ آخر أخطر ....؟؟؟؟؟؟ |
شكراً جزيلاً
سلام
|
|
 
|
|
|
|
|
|
|
 Re: الرد علي ما كتبتها آمنة مختار عني ... (Re: شول اشوانق دينق)
|
وووووووين ياشول يااااخ توعدنا وتبخل بالصورة يوم الجمعة 
................................................
عندي شهادة عاوز ادلي بيها في موضوع القاهرة ده تحديداً
أنا كنت في القاهرة في تلك الايام واتصل بي شول واتصلت به
اكثر من مرة وظروف القاهرة ومشكلة التحرك فيها في تلك الايام
لم تساعدنا ان نلتقي فهل كان يتهرب مني ايضاً !!!! وشول حسب
علمي كان جاي اجازة او حتى لو جاي شغل اى زول عاقل بقطع اجازتو
ويرجع لانو الاجواء ديك لا كانت اجواء اجازة ولا اجواء شغل ....
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: سلمى الشيخ سلامة)
|
Quote: Quote: هل هو مجرد منافق ...أم جرقاس ....أم شئ آخر أخطر ....؟؟؟؟؟؟
شكراً جزيلاً
|
والله يا شول إنك لرجل عظيم..
يكفي أنك رجلٌ متصالح مع نفسه، واثق من نفسه،
( تجبر ) من يعرفك أن يحترمك.
كم تمنيت لو كنت بالخرطوم لأحظى وأتشرف بمقابلتك.
تمنياتي لك بالتوفيق في مقبل الأيام.
| |
|
|
|
|
|
|
|
|
 Re: الرد علي ما كتبتها آمنة مختار عني ... (Re: سلمى الشيخ سلامة)
|
السلام و التقدير يا شول
بالله عليك ما توجع رأسك و تفكر في الكلام الفارغ المبذول هنا و ما هو
الا محاولة لإثارة الفتن و المشاكل و معركة في غير معترك !!!
ناس ما عندها موضوع في الدنيا غير تصنيف الناس دا أمنجي و دا غواصة
و دا حثالة و دا جرقاس و و كلوووو في النهاية لا يضيف للنضال الوهمي
أي اضافة بل هو مضيعة زمن في الفارغ واللاموضوع !!
الحقيقة التي يراها الكل هنا أعضاء و قراء انك فرضت محبتك و صداقتك علينا
بحسن أدبك و تعاملك و حبك برضو للناس ، و مااااافي اي زول في الدنيا عندو
وصايا عليك ولا علينا في إختيار من نصاحب ولا من نحب ، حتي علاقتك الشخصية
مع أي كان من الامنجية ولا غيرهم من منتسبي النظام تظل علاقة شخصية لا يحق لأي
كائن كان ان يقرر فيها ، و كلنا ساعة الدواس بنعرف نفرز ، و السياسة و حب الوطن
دا ما أدوهو لي ناس و حرموا منو ناس كلنا بنحب الوطن و بنحب الشعب السوداني و بنكره
النظام الحاكم ، لكن علاقاتنا الشخصية و الخاصة جدا ما محل نقاش .
شكرا" جزيلا" شول لوجودك في حياتنا كصاحب يعدل الكفة في إتجاه الميل الطبيعي للعلاقات الانسانية
و شكرا" لانك إنسان مهذب ولا تنجرف وراء الترهات
سافر يا زول في أمان الله و رأفقتك السلامة و محبتنا
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: شول اشوانق دينق)
|
والله ياشول انت زاتك ماجادى
زى آمنة مختار دى كلمتين بس ماأكتر
يعنى بدل الكلام الكتير دا مش كان تقول ليها قومى لفى وانتهى الموضوع؟
مافى داعى ياخ تشغل روحك بى سفاسف الأمور الزى دى
وبعدين ياخ نحنا عارفنك منو وانت عارفنا منو
الماعاجبو يقع البحر ياخ...
سلام
ملازم اول أمن طبنجة
الدُفعة البعد شول طوالى 
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: Mohammed Awad)
|
لم يحدث أبدا أن طلبت مقابلة شخص وتهرب منى ...ولم يحدث مطلقا أن إتصلت بشخص ولم يرد على .....!!!!!!
__________
قدر ده ؟؟!
ثم قالت :-
هذا الشول يقابل الكيزان والأمنجية والعنصريين كل يوم ويصادقهم ويصافحهم ويحتضنهم دون خجل ......ويتهرب من مقابلة أمثالى ....عجبا ثم عجبا !!!!
_______
المشتهي الحنيطير يطير ):
والمشتهي اللوبة عفن يندفن ):
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: Mohammed Awad)
|
صديقي شول
يكفيك فخرا انك كسبت محبة الجميع هنا
ولكل قاعدة شواذ
وامنة مختار غلطانة بإنها نشرت
حاجات شخصية بينك وبينها
بغض النظر عن صحتها "مرفوض تماما"
مع إني ما بعرفا لكن بقول ليها عيب كدا
.............
ما دمت موجود اسبوع
أكيد ح نتقابل قبل السفر
دم بخير
| |
|
|
|
|
|
|
|
|
 Re: الرد علي ما كتبتها آمنة مختار عني ... (Re: حافظ انقابو)
|
كل المتداخلين في البوست أو قل جلهم مصنفين أمنجية أو موالين للنظام لووووول ^_^
و بنفس معيار العلاقات الشخصية و مبدأ شيلني و أشيلك في هذا البورد
لن نسمع كلمة إدانة واااااحدة من فيبلة المعارضين في الكلام الفارغ
دا ولا كلمة عيب للاساءات الهبشت كل الناس من طرف
عجبي !!!
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: Salahaldeen Nadir)
|
كلام غبي ووصائية واستعلائية غريبة مارستها امنة مختار على شول
ما هو عشان الوصائية دي الجنوبيين مشو علمو دولتهم
عشان يقدرو يختارو براهم يصاحبو منو ولا يجلو منو ولا يمسحو اسم منو من تلفوناتهم
وبكري زاتو غلطان مفروض كلام زي ده ما يمسحو
مفروض يثبتو ليها توقيع تحت اي مداخلة تكتبها
عشان كل ما تكتب تشوف كلاما ده لغاية ما تبطل براها من نفسها تعمل كدة تاني
لانو التوقيف وتقريع الناس ما قاعد يجيب تمنو
وغايتو ده اقتراح انا بقترحو لبكري انو ما يوقف اي زول
بس كلامو الغلط البكتبو ده يثبتو ليهو توقيع مع اي مداخلة بكتبها
عشان تاني اي واحد يقرا مداخلتو الف مرة قبل يرسلها
لك العتبى حتى ترضى يا شول
نحترم خيار شعب الجنوب في اقامة دولتهم ونتمنى لهم الازدهار والسلام والامن والحرية والكرامة
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: شول اشوانق دينق)
|
شول الوحدوي ده بندافع عنو بالدم عزيزتي آمنة
انا شخصيا ضد هذا الانفصال الى يوم القيامه
لكن ياشول
آمنة عتابها برغم عنفه الا انه من العشم فقط وبحسن النية
------
أتقدم بطلب صداقة لشخصك ياشول واتمني أن نلتقي في عاصمة جديدة
لبلدينا الشقيقين بعد الوحدة العادلة النظيفة
كل الود
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: احمد التجانى احمد)
|
| Quote: من قال ان مناصرة شول تعني نصب المشانق لآمنه مختار؟! |
مشانق شنو يا تراجى بلا نيلة ..
يعنى هى كانت أول مرة ، ولا حا تكون آخر مرة ؟ من زمان قلت ليهم إلا يقلعوا منى الباسويرد .
............
أما إنت يا شول ، قول لى بس بياتو وش مسافر لأرض الحشرات ؟!
إنت قايل ناس الجنوب ما بيقروا سودانيزاونلاين ولا شنو ؟
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: احمد التجانى احمد)
|
Quote: فمن هو شول أشوال دينق هذا ؟؟؟؟؟؟؟
هل هو مجرد منافق ...أم جرقاس ....أم شئ آخر أخطر . |
تقصدين شول أشوانق دينق
لكن لو تغاضينا عن سؤال النفاق فكلمة جرقاس كيف يمكن التغاضي عنها؟ لغة عنيفة يجب الاعتذار لشول .
التحية لك يا شول .انت وحدك من تتخير أصحابك ولا يمكن لأي شخص مهما كان أن يتخير لك الأشخاص
الذين تتعامل معهم..ندين معك هذه اللغة التي خاطبتك بها آمنة مختار.
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: Bushra Elfadil)
|
حقيقة ما تعرض له صديقنا شول هنا مؤسف جداً ...
_________________
| Quote: ......ويتهرب من مقابلة أمثالى ....عجبا ثم عجبا !!!! |
هههههههههههههههههههههههه
والله يا شول أنا أمبارح شفت مداخلة الزولة دي وكنت عايز أرد عليها لكن لما قريت الكلام في الاقتباس أعلاه بتمعن .. والله ضحكت لمن المدام شكت في قواي العقلية .. ياحبيب زول بقول زي الكلام دا معناها بيعاني من مشاكل نفسية وعقد اجتماعية .. وبعدين انت ذاتك بتبالغ كيف تتصل بيك واحدة زي دي ما تمشي ليها انت عارف دي شنو ؟ دي سليلة ملوك زي ما قالت (خالتك) تراجي انها ماهرية فرع شنو كدا ما عارف ..زي ما قريت مرة في بوست هنا .. عبارة "عجباً ثم عجبا"ً الواردة في الاقتباس دي ُتقرأ كالآتي : (الدينكاوي دا جنّ ولا شنو ؟) دا طبعاً حسب التفاسير الواردة في القاموس الملكي ..
سلالات الملوك ديل دايرين معاملة خاصة وكدا .. وانت ذاتك عشان تتجنب المشاكل حقو لمن واحد او واحدة تتصل بيك .. أول حاجة تسألها اللخت سلالة ملوك ولا نسخة شعبية زينا كدا ... بالمناسبة سليلة الملوك دي في المنبر هنا تقوم بدور (ريا) وخالتو تراجي تمثل دور (سكينة) وشي لله يامرسي يا ابو العباس.
______________________
بالمناسبة يا آمنة مختار أنا لاقيتك مرتين قبل كدا ولم احس بأدني رغبة في تحيتك حتى ...شفت كيف؟
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: Hisham Amin)
|
شول من اكثر اخواني الجنوبين الذين ارى فيهم شخصية الراحل المقيم القائد جون قرنق.
هذه اللغة التي استعملتها امنة مختار لغة حادة ######يفة وجد انا واحد من الناس الذين احبطو في امنة مختار لدرجة الغثيان
التحية لشول الرجل الذي كنت اتمنى ان اتشرف بلقاءه في الخرطوم قبل رحيله جنوبا . وتصحبك السلامة يا انسان.
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: تبارك شيخ الدين جبريل)
|
B]يا تراجي
انت لا تقراين ما اكتب عندي عمود راتب اسمه في التنك اتصدى فيه بما استطيع في الدفاع عن صد القبح وعن القضايا التي تدافعين عنها انت نفسك لكن بتشنج. لقد قلت عند هجمة ( الحشرات ) هنا في هذا المنبر إن مثل هذه الكلمات العنصرية تخفض من قيمتنا كبشر . العنصرية تهاجمها طاعات حية في مجتمعنا يا تراجي وانت تهاجمين من يهاجمونها.هل نست هجومك على نجلاء سيد احمد؟ العنصرية يهاجمها المستنيرون في كل العالم من قرون ولا زالت تعشعش في اركان الكرة الارضية والكفاح ضدها طويل وسيطول فلماذا تعكننين أنت وغيرك نفر غير قليل هنا من تظنون فيهم الظنون وهم ليسوا كذلك.هنالك في هذا المنبر اشخاص يحملون مناشير كل واحد يخرج في كل ساعة وحين بمنشاره كما في أفلام الرعب الامريكية المبتذلة والمناشير كلمة واحدة يرمون بها في وجه من يظنون خصومهم بينما يهنأ الخصوم الحقيقيون في قصورهم وهو يقهقهون.أحد هذه المناشير هو كلمة جلابة لابة لابة لابة آبة آبة . انتظري يا تراجي سيخرج بها صاحبها بعد حين . هذا ليس نضالاً بل حرقة روح.ونفاد صبر. وتعالي يا تراجي حين تكوني عقلانية وردي على هذه الحجة: ما الفرق بين حشرة وجرقاس؟
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: خالد المحرب)
|
سلامي و تقديري مرة تانية لي شول و لكل أصدقائه من الامنجية
و غير الامنجية
Quote: يا هبه الماحي منو قال لك انه آمنه بتعرف صور الناس ديل حتى؟!
بلا الامنجيه المحفظ صوره للناس منو؟!
|
صور شنو و بطيخ شنو يا تراجي ياخ كدي ركزي و بطلي الرواشة دي مرة في حياتك
انا شخصيا" لا اتكلم عن لسان اي واحد من اصحاب شول ولا عن شول نفسه ، بتكلم
عن بت ام روحي دي و كلام آمنة مختار مساني في روحي لاني انا صديقة شخصية لي شول و
لو كنت قريبة كنت مشيت زي و زي الباقين و حضرت وداعه ، المهم هسة في الموضوع
لا فرق عندي بين آمنة مختار وعلاء الدين مثلا" كلهم ما بعرفوا يحترموا
الرأي الاخر و كلهم مسئيين و أقرب شئ علي لسانهم لغة النبذ و التقليل من شأن
الاخرين بوصفهم بأدني المخلوقات ..
عليه يا ست تراجي و حفاظا" علي ود باقي بينك و بينك زحي لي من سكة آمنة دي
و ما تدخلي في النص بيني و بينها انا عندي حق عندها بأعتباري واحدة من الجراقيس
الكانوا بهللوا لي شول . إنتهي
أي لف يووو والله يا ام حازم رغم الشتارة و الشوت الضفاري لوووول
Quote: انت وحدك من تتخير أصحابك ولا يمكن لأي شخص مهما كان أن يتخير لك الأشخاص
الذين تتعامل معهم..ندين معك هذه اللغة التي خاطبتك بها آمنة مختار. |
شكرا" د. بشري الفاضل و شكرا" لكل العقلاء في المنبر
هسة يعني اخونا شول دا يسافر و هو مغبون كدة ؟ معقولة بس ؟
المسلمي أخوان و عمر جنابو بليز أعد اللمة و برنامج الوداع طالما
إنه شول قال قاعد تاني كم يوم و الزارعنا غير الله اليجئ يقلعنا ( لغة امنجية جد جد ) ههههههه
| Quote: للأسف شول ما عندو حساب في الفيس بوك ...! |
عندو يا ناذر عندو وحاة نظري كمان داخل بتلاتة أسماء مختلفة
بس الظاهر إنه طوًل مجمدهم ، يكون هو زاتو امنجي ياربي ولا شنو !!
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: Mohammed Awad)
|
العجوز المتصابية المريضة تراجي اواي ان كان اسمها
انتة زعلانة مالك المفروض تفرحي لان الناس بتحب
شول ده وهو في عمر ولدك الكبير وتعتبريه ولدك
وتقيفي معاه مش ضده
-----------------
شول شخص عظيم ومحبوب من كل الناس التحية له في جوبا في الخرطوم
شول شول جوا قلوبنا
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: انعام حيمورة)
|
شول سلامات وتحايا واشواق
كل ما اغيب عن المنبر ده واجى راجعة ما بندم على غيابى خالص
يا جماعة الحاصل شنو النيران دايما مولعة صديقة وغير صديقة الحوار بالنفس البارد ده صعب لهذه الدرجة
غايتو كان دى طريقتكم الا...... اقعدوا فى بيوتكم وبطلوا الادعاءات كلها
شول صديق ايامنا الجميلة يا زول انت من ابيى ولا نسيت مع الهوجة والزحمة دى ماشى وين
لازم نلقاك قبل ما تغادر
وامسح لينا كل الهطرقة دى فى وشنا
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: عثمان رضوان)
|
Quote: شول يا صديق ..
ما عارف ليه وانا بقراء كلام أمنة اتحسست سفنجتى !!!!!
ــــــــــــــــــــــــ
ما تشتغل بالفارغة ياخ .. |
هههههههههههه
دة اوسكار تانى والله
يا شول البوست دة تاج على راسك لانة بيين للناس نفوس الناس
نفوس طيبة و محبوبة ونفوس سيئة ومكروهة ... ونفسك .... انت ادرى بنفسك
كل التحايا
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: مجدي عبدالرحيم فضل)
|
Quote: والله اليسمع "لا فرق عندي" يقول العندكم ليمون
لكن انتي عارفة ونحنا عارفين
ما كل المدردم ليمون
أرخي فيونكتك دي شوية
والمليس العايزة تعمليهو لي تراجي وتمسكي ليها العصابة من النص بي علاء
ما بتلقيهو معاي
وين شفتي علاء في المنبر دة تعرض ليهو لي زول من طرف ودون ان يتلقى منه الإساءة أولاً؟
لو قدرتي تثبتي دي
وأتحداك
حينها أكتبي ما تشائين
غير كدة
سيبي حركات الدهنسة والتملق البتعملي فيهم ديل ولو عندك حاجة عايزة تصفيها مع زولتك دي
أمشي أعملوها بعيد بعيد
تعيسة على خائبة رجا
|
علاء الدين إحترم نفسك و أختاني لاني جد ما فاضية ليك !! لا فاضية أجيب إثباتات
ولا فاضية أرد عليك الكلمة بالكلمة ، أولا ترفعا" مني علي صغائر الامور !!
ثانيا" انا لو قررت أرد عليك بتلقاني في وشك و برد عليك بطريقتي انا مش طريقة
الشتائم في المنابر و الكلام الفارغ المدور هنا ، انا لا ممنوعة من دخول البلد و لا
مهاجرة بي لجوء يمنعني من السفر بركب بصل لغاية عندك و بوًريك التعاسة الجد بتكون كيف!!!
أستغفر الله العظيم الذي لا إله إلا هو الحي القيوم و أتوب إليه
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: heba Elmahi)
|
Quote: علاء الدين إحترم نفسك و أختاني لاني جد ما فاضية ليك !! لا فاضية أجيب إثباتات
ولا فاضية أرد عليك الكلمة بالكلمة ، أولا ترفعا" مني علي صغائر الامور !!
ثانيا" انا لو قررت أرد عليك بتلقاني في وشك و برد عليك بطريقتي انا مش طريقة
الشتائم في المنابر و الكلام الفارغ المدور هنا ، انا لا ممنوعة من دخول البلد و لا
مهاجرة بي لجوء يمنعني من السفر بركب بصل لغاية عندك و بوًريك التعاسة الجد بتكون كيف!!!
أستغفر الله العظيم الذي لا إله إلا هو الحي القيوم و أتوب إليه |
تحترمي نفسِك تجدي الإحترام
غير ذلك تُعامِلي بالمثل
هسِّي بالله الما فاضي للتّاني مِنو؟ اللي عُمرو في المنبر دة ما جاب ليك سيرة ولا أظن تداخل معاك
ولّ الجّاية من الباب للطّاق جايبة سيرتي وتُشكِّك في سريرتي؟
شوفي يا عُضوة المِنبر العام
علاء لا يُخطئ على أحد من فراغ
البِقل أدبو ياخُد فوق راسو
بعدين تقرِّري أولا لا
هذا شأن يخُصّك وحدك
ولا مجال لاستعراض و عنتريّات فارغة
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: ذواليد سليمان مصطفى)
|
كتب الاخ والصديق محي الدين جبريل
Quote: آمنة مختار .... بقدر ما كنت معجب بشخصيتك ........ خذلتينى فيك ....
|
ما خذلان يا محيو لكن صدمة عديييل
دخلت المنبر قبل قليل
وكالعادة لا استطيع أن اتجاوز بوست باسم الأخ شول
لكني فوجئت بما فيه
أخي وصديقي شول
انت في القلب قبل العين
وحقك علينا
ـــــــــــــــــ
(أمنجي) ودعك بالتلفون !!
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: محمد المسلمي)
|
| Quote: لم يحدث أبدا أن طلبت مقابلة شخص وتهرب منى ...ولم يحدث مطلقا أن إتصلت بشخص ولم يرد على |
والله إنتي يا آمنة مُخْتار، زوله وهم بِشكل ما طبيعي.. إنْتاجِك في ها المنبر صِفر كبير في السنوات الفائتة -وما أظِن عِنْدِك إنتج زاتو في السنوات القُبال الفائِتة- زي ما قُلت ليكي يا آمنة مُخْتار، إنتي داخلة في مرحلة بسميها أنا "إنْقِطاع الوهج الإسْفيري" وهي على قِياس "إنقِطاع الطمث" والحالة دي فحواها إنو الزوله لامن تلقى رقبتا خارِجة الأضوا الإسْفيرِية، بِتْقوم تسوي جِنِس البتْسويهو ده، عِنْدِك عمود قبل فِترة إسمو حاجة كِده زي [ماف زول مِن أعضاء المنبر يرسل لي رسالة في الخاص] ومره تكْتبي [إتصلت بيهو ومارد] وأظِنك عاوزا تتجدعي لامِن قُلتي إنك كُنتي في ميدان التحرير:
| Quote: قبل سنة تقريبا حضر إلى القاهرة وإتصل بى وكنت فى ميدان التحرير ، أراد مقابلتى فقلت له تعال إلى الميدان ...فقال إنه يخشى على نفسه !!!!! |
هسِع نحنا كأعضاء/قُراء بهِمنا شنو في كَونِك إتصلتي بِشول ولا ما إتصلتي؟ وبعدين ميدان التحرير ده إنتي ما كنتي بتعرفيهو لامِن الأمن المِصري ضرب أهلِك الغرابا في ميدان مُصطفى محمود ضرب غرائب الأبل!
<a href="http://www.sudaneseonline.com/cgi-bin/sdb/2bb.cgi?seq=print&board=320&msg=1294370998&rn=" target=_self>في الذكري 5 لمجزرة ميدان مصطفي محمود ناشطون سوداني...ره المصريه بواشنطون
ـــــــــــــــــــــــــــــــــــــــ
| Quote: أجلت سفري من يوم 5 لي يوم 14 مايو |
شول.. أنصح الإسراع بِمُغادرة السودان.. التأخير ما في الصالِح.. كِفاية القعتو في السودان.. إتْخارج يا خوي.. أمرُق.. فوت.. أفلِت.. فِز
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: الامين موسى البشاري)
|
سلامات يا عزيز ..
| Quote: بس بحب أشكر الأخ مزمل خيري والباشمهندس الشاذلي خيري وحرمه علي الحضور البهي في اليوم داك "يوم الوداع الجاب لي الكركبة" |
فعلا" انت أخ عزيز وكريم ومحترم ..
لا كركبة ولا من يحزنون ..انحنا بتهمنا الانسانية والاحترام .. وعمرنا ما اتربينا على ده ابيض ولا ازرق ..
الزول الكويس .. هو الانسان المحترم الفيهو انسانية ..
وانت حقيقى زول محترم ..
ـــــــــــــــــــــــــــــ
ابقى بعافيتك
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: شول اشوانق دينق)
|
Quote: يا تولوس مافي أي مشكلة اصلاً ومافي زول شايل منها حاجة الدنيا دي.
كن بخير ولا تعتزر ولا حاجة كلو تمام.
والعفو والعافية.
سلام |
ده الاوسكار الجد جد
تسامح وطيبة وجمال
تسلم اخي العزيز شول والواحد جد زعلان انو ما لاقاك ولا إتعرف عليك من زمان
لكن نحن فيها وإن شاء الله نلتقي في سوداننا الحبيب
كن بخير اخي العزيز وربنا يوفقك ويبلغك مقاصدك
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: ساميه حامد)
|
Quote: يا تولوس مافي أي مشكلة اصلاً ومافي زول شايل منها حاجة الدنيا دي.
كن بخير ولا تعتزر ولا حاجة كلو تمام.
والعفو والعافية. |
يديك العافية يا حلو على الحصة
البوست ده بتاعك يا شول ولانك زول عزيز .. حا نتجاوز الهرطقة الفوقو مؤقتا
توصل بالسلامة يا حبة
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: الصادق الزين)
|
| Quote: و يا آمنة شول كون يودعه الكيزان أو يبيدوه كما يفعلون هذا شأنه و أعتقد إنه رجل عاقل و البيراسو يعرف خلاصو، و أنت كل ما تحتاجينه هو إعادة تقييمك لشخصه ، وما عندك بيه شغلة الناس فى المنبر دا عندهم عقول وقاعديين يقروا البوستات دى و عارفين منو هو شنو. ويا تراجى أضبطى نفسك حتى نتجنب ساقط القول، و يا شول أنا لو منك بعدل فكرة الرحيل دى و بتفرجغ بقعد فى الشمال دا، طالما الكيزان رضوا عنك عوجة حتجيك ما فى و أكيد حيستثنوك و يدوك حقنة المافى شنو؟ |
أولاً مبروك يا عريس وبيت مال وعيال إن شاء الله.
بخصوص الإقتباس الفوق ... أفضل تكون واضح وتجي دغرررررري؟!
سلام
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: شول اشوانق دينق)
|
أول حاجة كلمة جرقاس دي عنصرية و بي تنزل بالإنسان لمستوي الحيوان
موضوع صداقة شول و غير شول مع عضوية المؤتمر الوطني ممكن تتناقش بدون شتايم
و الله يا شول من البوست دا حبيتك لوجه الله ساكت كدا
و حتي لو بقيت في أيي حتة حا يجمعنا سودانيز
حتي يجتمع الوطن شمال و جنوب إن شاء الله
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: aydaroos)
|
Quote: الباطل المسلمي
و الباطل فكي اسحاق |
ليس على من بلغت أرذل العمر حـــرج
Quote:
Tragie Mustafa
تاريخ التسجيل: 29-03-2005
مجموع المشاركات: 44158
|
44158 لاحول ولا قوة الا بالله
يازولة انتي ما بتخافي الله
ودا الحالة قالوا بكري كان موقفك سنتين ودا غير مشاركاتك في نيو سودان
ياخي اتقي الله في عيالك، ربنا بسألك منهم انتبهي ليهم شوية حرام عليك
ناس دارفور ديل ماماشين ينفعوك بشي يوم الموقف العظيم ودا غير انك غير المضرة ما عاملة ليهم شي
بشتارتك وعدم فهمك
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: محمد المسلمي)
|
Quote: منو قال لك نسيت؟!
و انسى ليه؟!
قضية نجلاء سيد احمد هي امتداد لكل الفساد في منظمات المجتمع المدني؟!
ولعلمك الشايفه من ما يسمى حرب البيانات الدارفوريه داك باقي جبل الجليد من هذه القضيه.
ولعلمك في قضية اعتقال سانتينو شول ود ابيي ايضا لما كتبوا هؤلاء الشله ناس نجلاء وبخاري
بانه ناطش في قرفنا وتم اعتقاله,رديت عليهم بانه ليه امثال سانتينو شول في
قرفنا لم نسمع بهم الا في المعتقلات؟!
واين كانت اسمائم وقت المنح و الدورات التدريبيه ووقت توزيع الاي فونات
كادوات للتوثيق؟!وعلى فكره لم يجرؤ على الرد علي ايا منهم!
امثال صفيه اسحاق نسمع بيهم ضحايا للاعتقال و ضحايا للاغتصاب
ولا نسمع بيهم مبتعثين لدروات تدريبيه ولا منح دراسيه! |
كترتى المحلبية وبرضوا ماحتشيل
ماردينا ليك موش عشان كلامك صاح ولا عشان احنا بنعمل فى حاجات ماصاح وخايفيين ننفضح بس فاهمين دوافعك كلها ومحركاتك المريضة
لو متخيلة معلوماتك الكلها كضب وصواطة حيعتمد عليها جهاز الامن فى ادانتنا استريحى دا مابحصل ومطار الخرطوم قاعد والسفارات قاعدة ممكن يعرفوا احنا سافرنا ويين
وبرضوا لو عايزة تقولى فى قروش قاعديين نستلمها من المنظمات جيبى الدليل وكمان هم بقدرو يعرفوا حساب بخارى بتدخل فيهو قروش والحمد لله انا لاعندى حساب ولابعرف القروش
ولابقيمها ودا مافى اتنيين بختلفوا فيه
واحنا اشرف من ان نقتاد من مأسى الشعب السودانى ولو كنا كدا دروب كندا بنعرفها ونجى نقعد جمبك فى الجليد الباااااااااااااااارد
ونوزع صكوك الوطنية والشرف والامانة وندعم كل مهمشى الوطن ونهضرب ذى الرامينا جمل .
كمان حركة قرفنا الماعندها التكتحها وبتعتمد على مساهمات الاعضاء والاصدقاء السودانين فقط
بتقدر تدفع للناس قروش عشان يقدروا يشتغلوا انا حاكون اول زوله اقبل القروش دى
عشان حتخلى قرفنا تعمل بشكل واسع وقوى
والحاجة الاخير كنت بعمل بمثل الجمل ماشى بس شكلك فهمتينا خطأ لذا وجب التوضيح
التوقيع نجلاء بباسويرد بخارى
ملحوظة
لاي فونات كادوات للتوثيق؟
بس ياكضابة جيبى اسم الزول الجاب لى ايفون او كاميرا حتى ومن صادروا حاجاتى كلها المشتريها من قروش بخارى وعشان مليتفهم انو بخارى مشتريها لى هو من اجل
العمل بيها اوضح ليك مفروض اشترى دهب مثلا او اشترى توب واطقم او امشى الكوفير انا شفت ان الحاجات دى كلها لاتعنى لى حاجة وقررت مصاريفى الشخصية اشترى
بيها ادوات عملى وبعد ماصودرت حتى الان لم استلم من اى شخص او جه كاميرا او قروش سوا من سلوى وشخص رفض ان اعرف من هو حواله بقيمة 200دولارا اى مايعادل 600
وكسر جنية لو فى اى جه او شخص رسل لى حاجة او قروش يجى يطلعنى كضابة بعدين انت تعلمى اخوانى واخواتى وزوجى لو انا دايرة الف ايفون او كاميرا بتصلنى فى نفس اليوم
بس والحمد لله انا اعمل بقصد ان تصل الصورة والصوت وليس من اجل جودة المادة لذا تلفون يكفى ولمن الامن يصادر ما يلقى حاجة ذات قيمة فهمتى وله اشرح من تانى
معليش لكل الناس البتقول لى انت اكبر من الرد لتراجى بس للضرورة احكام .
اتمنى ان تكون آخر مداخلة لى مع هذة المريضة واتمنى لها الشفاء وكامل التضامن مع من تتبنى قضيتهم
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: نجلاء سيد أحمد)
|
Quote: تقصدين شول أشوانق دينق
لكن لو تغاضينا عن سؤال النفاق فكلمة جرقاس كيف يمكن التغاضي عنها؟ لغة عنيفة يجب الاعتذار لشول .
التحية لك يا شول .انت وحدك من تتخير أصحابك ولا يمكن لأي شخص مهما كان أن يتخير لك الأشخاص
الذين تتعامل معهم..ندين معك هذه اللغة التي خاطبتك بها آمنة مختار. |
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: بدر الدين الأمير)
|
كلامك قبيح جداً يا أخت آمنة
مهما حصل ما ممكن الواحد يصل
لدرجة الانحطاط دى !
Quote: قلة في هذا المنبر من يجمع حولهم الاعضاء
وهذا البوست استفتاء حقيقي على اصالة
معدنكـ ونقاء سريرتكـ
|
...
شكرا يا البشارى كلام صحيح 100%
__
العزيز شول :
كنت متمنية اقابلك فى حفل الوداع بس
ربنا ماسهل انى اجى !
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: عبدالوهاب علي الحاج)
|
العريس ...
Quote: الأخ تبارك،
تراجى قالت كلام فيهو عدم إحترام لمخالفيها، و رغماً عن فداحته وعدم إستساغه، إلا أن تعليقك تجاوز عدم الإحترام إلى قلة الأدب و هذا ما جعلنى أتداخل فى هذا البوست، نحن نختلف فى وجهات النظر و فى الآراء لكن دوماً هنالك خطوط حمراء عندما يتعلق الأمر بالشرف و الكلام القبيح الذى يمس الشرف لا أظنك ترضاه أن يوجه لأسرتك بدءاً بزوجتك، أخواتك و كل من يهمك شرفهم، فلماذا تولغ فى شرف الآخريات؟؟ أرجو أن نسمع وجهة نظركم. |
ألف مبروك وبيت مال وعيال ... انا كنت في نيويورك يوم الجمعة الفاتت ... اعتقد كانت فكرة حكيمة انو امشي ماساشوستس بى مغربيتي واتكامل اهلي ... لأني بى صراحة ما كنت خاتي بالي لى حكاية "اختلاف وجهات النظر" دي ... انا غايتو انظر إلى أعلى ... وانت ربنا يغتّي عليك محل ما تقبّل بى وجهة نظرك .... يا متّع الله نظرك أنّى وجهته ....
بالنسبة للدكتور المغادر الوحدوي صديق الكيزان ... فاعتقد أن ما ينتظره في "جوبا" افظع مما كتبته أمونة ست البنات ... وأقل عقلانيةً ...
نتمنى أن يطيب به المقام مع خياراته الصعبة هذه ... وأتفق مع الأستاذة آمنة في أن الدكتور في مأزق لا يحسد عليه ... فسيكون السؤال في انتظاره:
من يكون شول اشوانق دينق؟
ونتمنى أن يوفق في إجابة تشفي غليل 97% ممن آثروا الإنفصال على الوحدة ... ومفارقة الكيزان على ممازحتهم وموادعتهم ... (ولا تسأل عن "لستة")
... المهم ... ®Tabaruk2012©
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: محمد المسلمي)
|
| Quote: و الباطل فكي اسحاق |
كتر الف خيرك يا تراجى مصطفى ابو طالب
وجزاك الله خيراً على صنائع المعروف
وأبدل حالك بأحسن حال أدباً وعلماً وعفة
___
عندى ( كزول تقليدى ) المرأة بيشتكوها لوليها ( إنت يشتكوك لمنو حســى ) !!
كبيرك منو ؟
سقفك حدو وين ؟
قمك شكلها شنو ؟
شنو احلال عندك والحرام ؟
شنو وشنو وشنو !!!
إمراة فى سنك / ربة منزل / أم / ناشطة فى العمل العام وتحتفظى بمفردات شوارعية مثل مفرداتك دا هذا فيه تقليل من قيمة إحترام المراة السودانية نفسها
حســى أنا كان جيت كتبت ليك المفردة المقابلة لكلمة باطل تجاهك كإمراة بيكون موقفك شنو ( كواريك مع الولولة ومناصرة المراة ) ..
لكن اهو انا بقول ليك من اليوم ليست لك عندى سوى ( عدم السقف )
يا فاتية ( الكل عامل حسابو منك ) لكن من الليلة صدقى سيكون لك أمر أخر ...
____
شايفك ماشى بسرعة ماخ للوصول الى لقب فاتيــة المنبر ...
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: بدر الدين اسحاق احمد)
|
Quote: الباطل المسلمي
و الباطل فكي اسحاق |
يا تراجي مثل هذا الكلام لا يليق بإمرأة أبدا
ولا يليق أن يقال لرجل من رجل ناهيك عن أن تقوله إمرأة
ولا يليق بهذا المكان أبدا بمن فيه من أعضاء وزوار
ولا يليق بك أنت شخصيا بحكمك ناشطة معروفة
| Quote: لكن اهو انا بقول ليك من اليوم ليست لك عندى سوى ( عدم السقف ) |
الأخ العزيز بدر الدين اسحق
لا وألف لا وعشان الخوة والملح والملاح لا لالالا
آمنة مختار
بدون تعليق ـ فقط أرجو منك مراجعة طبيب نفسي
الغالي شول أشوانق
لو أني تمنيت الوحدة لسبب واحد فقط فسيكون هو أنت
سافر وعين الله ترعاك وربنا يعدل خطوتك محل ما تقبل
وكان حيين بنتلاقى
تلفوني : 0097466684856
الايميل : ([email protected] (yahoo - hotmail
الاسكايب : black.nims
أتمنى أن يدوم التواصل بيننا
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: بدر الدين اسحاق احمد)
|
اجمل تحية لك اخي شول وشكرا لكلماتك واخلاقك الطيبة وشكرا للدروس المجانية ... التي تبعثها لمن اراد لشعب الجنوب المسالم ان يقود حربا بالوكالة خدمة لاجندته التي لا سقف لها الا بالاحلال والابدال
.......................
المسلمي وبدر الدين
شكرا لضبط النفس وعدم انجراركم لتراجي ... فان اثار ضربات هجليج صنعت لها لوثة ووعكة صحية افقدتها اعصابها... ولابد للمهزوم علي ارض الواقع ان يفش غبينته بي لسانه والعياز بالله
فعزرا لكم ولا عليكم ...
اما ابلة تراجي فاعزروها... بل ادوها الضل
واما من لف لفها... فاضربوا الحية علي رائسها
| |
|
|
|
|
|
|
|
|
 Re: الرد علي ما كتبتها آمنة مختار عني ... (Re: وليد محمد المبارك)
|
| Quote: امسحي كلامك ده ياخ ... ما تخربي صورتك |
لا يا وليد،
نجلاء تصرفها سليم، (خالتي فرنصا) دي دايرة العين الحمراء،
والتعامل معاها باحترام ما بنفع، أنا ما عارف بكري دا مطنش من الحركات بتاعتها دي ليه؟
مفروض يلقي بيها في اقرب مكب نفايات... زولة قبيحة الدواخل ومريضة ..حسبي الله ونعم الوكيل.
______________
صح لسانك يا نجلاء 
| |
|
|
|
|
|
|
|
|
|
Re: الرد علي ما كتبتها آمنة مختار عني ... (Re: وليد محمد المبارك)
|
Quote: وما تنسوا فيديو تجار الاسبيرات قال و السيارات المستعلمه كلها بلصات لامثال ناس المسلمي!
عشان يجيوا يطبلوا لكم!وعسكري الامن الاتكلم بكل ادب ويكرر ال ج ب ا ن بخاري اكرر بكل ادب!!
ما قلت لي (لمه) زي ما بجوها امثال الصلبه احسان فقيري ليه؟!لانهم ما بخالطوا الامنجيه!!
شوفوا انتو بتخالطوهم ليه؟! يمكن عشان عربيه بالاقصاد برضو وارد!! |
كلامك شين وبائخ وكله كذب ومافيه ولا حقيقة واحدة فيما يخص اختنا نجلاء واخونا بخاري ,, اي والله اخوانا عدييييييل كدة !
وخايفك بكرة برضو تقولي غواصات هههههههههه
تراجي استحي فمن قال لك كلمة في حق نجلاء فقد لعب بك واراد ان يمسكك ضنب الككو !
واقول ليك حاجة نجلاء لو عائزة عربية في بيتها بجيبها ليها , وانتي كان جبتي قروشك كااااش بعدهم عشر مرات وفي الاخر بقول ليك معليش العربية ما للبيع !
احترمي الناس عشان برضو الناس تحترمك يا تراجي
| |
|
|
|
|
|
|
| |
شول اشوانق دينق
omer osman
محمد عبد الماجد الصايم
سلمى الشيخ سلامة
طارق جبريل
محي الدين جبريل
elhilayla
Hussein Mallasi
عثمان رضوان
heba Elmahi
Mohammed Awad
محمد المسلمي
العوض المسلمي
مزمل خيرى
حافظ انقابو
ismeil abbas
معتصم محمد صالح
Siham Elmugammar
Salahaldeen Nadir
نور الدين عثمان
علاء الدين يوسف علي محمد
عبدالله الشقليني
هيثم طه
محمد إبراهيم علي
خضر الطيب
Elmosley
احمد التجانى احمد
Bushra Elfadil
ناذر محمد الخليفة
عبدالوهاب علي الحاج
Hisham Amin
الخير محمد عوض
تبارك شيخ الدين جبريل
حذيفه ابراهيم الكباشي
Gaafar Ismail
بدر الدين اسحاق احمد
محمد فرح
انعام حيمورة
الشاذلى خيرى عبد الله
هند محمد
مجدي عبدالرحيم فضل
ذواليد سليمان مصطفى
عبود عبد الرحيم
الامين موسى البشاري
ABUHUSSEIN
عزام حسن فرح
تولوس
ساميه حامد
الصادق الزين
aydaroos
نجلاء سيد أحمد
بدر الدين الأمير
وجدان جمال
معتز القريش
فيس بوك
تويتر
انستقرام
يوتيوب
بنتيريست