خستكات جنوبيين في الشمال...

مرحبا Guest
اخر زيارك لك: 05-09-2024, 06:54 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة شول اشوانق دينق(شول اشوانق دينق)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-24-2008, 04:05 AM

محسن طه

تاريخ التسجيل: 03-25-2008
مجموع المشاركات: 389

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خستكات جنوبيين في الشمال... (Re: محسن طه)

    ]حوار هادي ،وبراحه بدون تعصب بين استاذين واحد من الجنوبى، والتاني شمالى ،حول سياسه (التعريب)و العربنه فى (مؤسسات التعليم العالى) السودانيه.
    وهي واحدة من القرارت السياسيه الايديولجيه،كان الغرض منها تاكيد الذات السودانيه، كهويه عربية ،اكثر مما هو قرار تربوى علمى فى زمن العولمه، وصعود نظرية واطروحه الفكى ابو كومش (فوكوياما)عن نهايه التاريخ وحنكها المزعج لدرجه الحقاره والاستخفاف بثوابت وقيم الكثيرين ممن ينظرون على المفاهيم والقيم الغربية بنظارة بيرسون ايديولوجية، متسرعة وانفعالية. ويمكن وصفها بطريقه مبسطه -حسب فهمناالابسط-. اسمعوا هوي انتو ياناس الكره الارضيه، بعد كدا مافى زول فيكم حيقدر يسد الابواب من الغبار والكتاحه الجاية من بره الحدود الجغرافيه والسياسيه والاجتماعيه والاقتصاديه.وهى من الاطروحات الجباره ،والمزعجه فى طرحها الايديولوجى، ممكن نقولها بطريقة سودانيه بحته( سيك سيك متشعبط فيك)،ا كان رضيت ولا ابيت ولا كان ضربت الكورايك،ولا بتخارخ معاهااطروحات الاستكانات والتراطيب القايله (الباب البجيب الريح والكتاحة بس امشى سدو واستريح) يعني فى داعى للتعب والاكل الكعب؟ ولا رايكم شنو في المثل السودانى التانى حق ابو التراطيب البقول( كان قلب سدها وسع قدها).
    وياهو السودان وسع قدر توسعوا الجغرافي كااكبر واطه فى افريقيا، وبقينا زي ( الواطه) - بالمعنى الدارجى لمصطلح قاع المدينه- و من قبل اولاد بلدنا الواطيين فكريا، وليس لاسباب جوهريه وعقلانيه، بل لان الشعب السودانى الواسع، والمتنوع قدر تنوعه الاوسع،فى نظرهم هو مجرد شعب واطى ويستحق ينوطي وينداس بالجزمه(التموت تخلى) فى افضل الاحوال، و(المركوب) فى اسوأ الاحوال حتى ولو كانو من اصحاب الايادى المتوضية( من الوضوء) وقاطعى الجمار خمسه اوكات فى اليوم ،ناهيك عن اهلنا اصحاب كريم المعتقدات-يالها من تسميه حقيره وواطيه،لكن حنقبلها فى الوكت الحالي وعلي مضض ، كمفرده، من مفردات (دستور السودان الاستفزازى). الى حين وأوان المجادله القانونيه.
    اهلنا المجوس اولاد رسول النار، الكتير منهم لحدي يوم الليلة يطرشهم ماسمعوا بعولمة(موسى وعيسى ومحمد)،(وكيف يتاتى لهم ذلك؟)وهم معظمهم ما بعرف يعني شنوكلمه كهرباء؟ ولا حتي لمبه ام دخيخينه البتولع بالجاز- يا عوض الجاز وانحنا ما ناسين ياالبابور جاز ونحرق الجزلين ياود الجاز، وبطل البوبار فى بيت جالوص الايجار.
    قولتو شنو.. وشنو ، امشى يا مسطول قصر الطين رئيسا، وانا بمشى بهنااااكا جمب كبرى كوبر حبيسا، ولا وهمة وجاكة ذى دى؟.
    وما علينا والبكى ما بجيبو لينا، والعلينا بعد البشته ورقاد الواطه ياود الجاز، حنعلم ناسنا واهلنا البسيطين ديل كيف ممكن يدهم الماسكة البندقية دي ممكن تعزف جاز البلوز ياود الجاز، والعجبو عجبو والماعجبو بى جازو ،اكان ابيض ولا كروسين ولا جازولين، برضوا حا نبقي ناس كويسين رغم انو قلبهم بقت ذى الفلين من الخوف والرعب والارهاب الطالباني.
    يلا ارحكم كدي نشوف الونسه حقت الجنوبى والشمالى ، عن مصيرى ومصيرك فى بلاد البشتنه وشيل الحال العلمي.
    الاستاذ الجنوبى أستاذ العلوم الساسيه بجامعه الخرتوم - عليه الرحمه- والتر كوان الكان وزير عمل فى عهد الحكومه البقرة العطية- عفوا قصدي الديمقراطية- ، قبل ما يدوها شلوت بوز وضفارى من لاعبين فريق كرة الدس دس وعرس عرس الحضارى -هاكم حضارة الود والوصال دى - ود.ووالتر لمن كان وزير عمل مرة جانا زيارة في بورتسودان لمن كنا طلبة خناك ، وهو راجل ساخر بطبعهوا اها مشينا ليه كطلاب رابطة جنوب السودان بمدرسة بورتسودان الحكومية، اها كان شايلين دفتر كشف الحال وعايزين تبرع وكدا من سيادته لصندوق الرابطة الخيري والاجتماعي، يا زول الزول دا عاين لينا كداااا وقال لينا انتو جاين دايرين شنو ؟ تبرعات...؟ انتو ياخ قاعدين في داخلية طابقين، وفي نور ومروحة كمان ودايرين قروش لي شنو...؟ والله انا لمن كنت طالب في جامعة الخرطوم انا بمشي ادق قش عشان نلم مصاريف تاي تاجامعة، كدي ياجماعة بالله خلونا كدا، امشوا اعمل حاجة تاني، ولا كشكر لينا ساكت ولا حتي من بند الاكراميات والمجاملات والطواري المصرح بيها لأي وزير ولأي مسؤول في الدولة، اها شوفتوا زي البند دا البخلي الناس يكون عندها عماراااااااات واربعة نسوان ودكاكين وشركات وحسابات في ماليزيا والفلبين والصين واستراليا وقصور زي الجنب مركز شرطة كوبر، في الوكت الفيهو الواحد يكون مجرد خريج ثانوي مشي ليهو حاجة كدا سموها كلية حربية وعمل ليهو شوية ارنب نط تراني بنط واكل ليهو كم قعونجة ودبيب ولا ارنب ويمشوا المثقفين بعد قرايتهم في لندن وفرنسا ويقولوا ليهم تعالوا ابقو رؤسا، ودي واحدة من المشاكل الرئيسية للمثقفين عايزين بس اقرب كبري يوصلهم للسلطة، بس عشان يرطبوا ويتعبوا ليك الناس بالمجادلات الفارغة عن الهوية والدين والدولة، والعلاقة بين الشريعة وعلم الحيوانات،اكراميات شنو انت قاعد في دولة ولا في ضل حيطة بيتكم..؟
    ليه لدولة دي بيت ابو منو عشان يكون فيها اكراميات وعاملين ليها بند كمان بدون خجلة ولا اختشا...؟ ياخ معقولة بس وزير واحد يكون عندو اربعة مرسيدس واربعة نسوان واربعة عمارات واربعة حسابات في (البلدان الاجنبية الكافرة) وبعد دا كلوا مستعدين يجادلونها عن الشريعة والفقر اتخيلوا بس والله البمشي يسمع كلام الناس ديل دا زول عديل ما عندوا موضوع ولا عندو طايوق زاتو في راسوا.
    الأستاذ الشمالى دا ماعايزين نجيب اسمى عشان كان جبت اسمو احتمال الهوا يقسموا.
    المهم كان الحوار بالاتجليزي شوفو عليكم النبى جنس كلام دا، نفرين سودانيين قاعدين يتونسو بالانجليزى ويدرسو ويكتبو وياكلو عيش بالانجليزى ويتكلمو عن كيفيه تعريبنا وعربنتنا كسودانين، وهى الحجه الاساسيه حقت الاستاذ الشمالى-العربنه- وبالانجليزى؟
    ياريت لو كان كلامهم دا كان بالعربى -والله الناس البقولو بمثلونا فى السودان خواجات لمن غلط اقعدو اتفرجوا كويس، ونقول شنو ماياهو اكل عيشهم الكضب. نقطه قبل مانبدا الحوار ، سوف ارمز بحرف(ش)فى حاله الكلام للشمالى وحرف(ج) لو الكلام للجنوبى ،بدلا من كل مره اقول الجنوبى والشمالى،ياحريفين اتفقنا؟
    ش:اسمع يا استاذ والتر رايك شنو فى القرار بتاع التعريب فى التعليم العالى والبحث العلمى؟
    ج:ياا كوى انت دايرني نقول شنو ما ياهو قرار بتاع دوله حقنا.
    ش:انا عارفو قرار دوله، وانا واحد من المنظرين ليهو لكن سؤالى ليك باعتبارك واحد من الناس الممكن يكونو متضررين منو وكدا؟
    ج:من ياتو ناحيه...؟
    ش:من ناحيه التدريس بالعربى...؟
    ج:والله دا ياهو مشكله كبير لى انا وماعارف نعمل شنو ولا نقول شنو فى حته دا لكن انتو ما عندكم خطط ولا طريقه تعملو لينا كوراسات بارتايم بالعربى.

    ش:انا برضو بفتكر دا واحد من الحلول، انو نعمل برنامج لمسح الاميه العربيه، عند الاخوه الجنوبين الزملاء معنا هنا فى الجامعه.

    ج:ياستاذ كدى انت صحى تقدر تدرس بالعربى صحي و بعد قعاد حقك طويل فى لندن وقراية حقك بي انجليزى وقبل كدا فى جامعه تاع خرتوم زاتو قرينا فيهو بالانجليزى،صحى تقدر تكتب وتدرس بالعربى و لا دا حركات منكم،علشان نجرى ونخلى ليكم ا لجامعه دا؟.

    ش:كيف ما بقدر ادرس بالعربى انت ناسى انو انا زول عربى ولا شنو؟؟.

    ج:يا استاذ انا عارف انتى عربى -مافى داعى لي زعل سامبلا ساكت- انا بقول كلام ده علشان انت زميل وانا متاكد انت مابتعرف تكتب بالعربى؟

    ش:كيف الكلام دا يازول انا مابعرف بكتب بالعربى ،ولا عشان بتلكم معاك بالانجليزى؟

    ج:ايوه دا برضو سبب الاول و واحد تانى من اسباب، انت ياهو قدامى بتتكلم معاى ب انجليزى وفى نفس الوكت داير عيال بتاع سودانيين ندرسهم بالعربى،تييب ماممكن ندرسهم بالانجليزى والداير يقول هو عربى يقول هو عربى دا مامشكل كبير وياهو انت هسه زول عربى وبتنضم انجليزى كويس جدا،مشكله وين؟
    ش:لا لا لا ياخ انت مافاهم، انحننا خططنا الاستراتيجيه شنو،علشان كدا ماقادر تفهم كلامى؟

    ج:ماقادر نفهم شنو فى كلامك ، كلامك حقك لو كان بالعربى كان نقول ايوه انا مافاهمتك، لكن انت قولتو ب انجليزى ياخ ،ولا امكن انا ما بفهم انجليزى فى نظرك كمان؟.
    ش:استغفر الله ياستاذ كيف اقول حاجه ذى كده،انا والله بعزك وبعز كل الاخوه الجنوبين العندنا فى الجامعه، وماطالبنى حليفه حتى الزملاء الخونه والمارقين الكانوا هنا فى الجامعه الهسه بقو متمردين مع قرنق - وقرنق العميل زاتو كان بيدرس فى الجامعه دى قبل مايتمرد- والله بحترمهم وكانواساتذه مخضرمين والله العظيم، كان ما تمردهم الارعن دا؟.

    ج:انا عارف احساسك كزول كويس وماعندى شك فيه لكن علشان ما نويست اور تايم -نضيع وكتنا- فى كلامات عاطفي سامبلا ساكت،انت ما وريتنى المشكل الحقيقى شان اولاد بتاع سودانيين مايعرفو انجليزى فى السودان،لكن انجليزى دا ياهو لغه حقى وحقك من ناحيه علميه؟.

    ش:ياخ يأاخ يامحترم الانجليزى ما لغتى وانت عارف ا لكلام دا كويس، صح ولا ماصح؟.

    ج:ايوه انا عارفو كويس كويس، لكن انت دا زاتو انا عارفك فى البيت مع ناسكم هناك ما قاعد تكلم معاهم بالانجليزى دى حاجه معروف على،ولما تجى فى جامعه هنا تونس وتدرس بالانجليزى، ياهو سبب خلانى نقول انجليزى لغه حقى وحقك من ناحيه علميه، ما من ناحيه تانى انا ماقاصدو فى جوه راسك ، بس بس..دقيق دقيق يادكتور،خلينى ننتهى من كلام تاعي وبعدين انت ونسوا زى ماداير -المكتب من دخان البنسون آند هدجس ،التقول (تكل) عواسه كسره وعصيده من دخاخين السجاير الفاخره والطاهره- ،و انت فى بيتكم فى زول يوم واحد قال ليك، عيال و وليدات دي بقوا ماعرب ولاكلام ذيدا؟علشان تجى فى مكتب حقى وتشرب شاى وقهوه ومويه بارد وكمان تشرب سجاير حقك وتونسني عن قرار بتاكم حق تعريب فى جامعات سودانيه؟.

    ش:شنو قلته..؟كلامك ما وقع لى ممكن توضح شويه؟.

    ج:اوكى..ليت مى بوت ات تو يو كليرلى -خلينى نختها ليك واضحه- وبانجليزى سيمبل -بسيط- انا دا زول شلكاوى كويس معاك،بعد ما نمرق من جامعه دى، بمشى البيت، وهناك بتكلم وبتونس مع ناس بيت بى لغه بتاعنا حق شلك -رطانه شلك ذى ما كتير ناس بقولو- مافى يوم ناس بتاع بيتنا قالوا هم ما شلك ولا حيكونو يوم من الايام ما شلك ولاحاجه ذى كدا،وانت كمان بتمشى بيتكم تتكلم وتتونس مع ناس بيتكم بالعربى,والحاجه انا متاكد منو كويس كويس ومادير غلاط كتير مافى زول من ناس بيتكم قال هو ماعرب،البخليك تجى هنا فى جامعه تقول داير عيال سودانيين يدرسوهم بالعربى شنو وكلوا كلوا حاجات علميه لازم يتدرس بالعربى دا شنو بس ،لو سالتك سؤال واضح؟.

    ش: احم احم كح كح -من السجاير- والله يادكتور:كلامك فوقو جزء من المنطق والعلميه وكدا،لكن انحنا كشماليين عندنا مشروع حضاري عميق الجزور والمرامى والاهداف ومن الصعوبه بمكان تلخصيه فى قعده صغيره ذى دى، ومحتاج لوكت اوسع من دا،وانشاء الله حاعمل قدر المستطاع علشان اوضحوا وافسروا ليك فى الايام القادمه، لو ربنا حيانا فى الدنيا.مافى داعى للاستعجال فى موضوع ضارب عميقا فى جزورنا الثقافيه والحضاريه كأمه عربيه واسلاميه وكخير امه اخرجت للناس اجمعين.

    ج:اخرجت للناس ياتم؟.

    ش:كل الناس الفى الدنيا.علشان كدا بقول ليك دا كلام كبار كبار ما بنتهى فى جلس واحد زى دى شويه شويه بفهمك ليهو ماتستعجل-العجله من الشيطان-،والله لكن الواحد شويه بيشعر بفرح، وسعاده منقطعه النظير،وبنوع من الاريحيه لما لمن يجيك فى مكتبك دا، ولمن يتونس مع الاخوه الجنوبين.

    ج:والله انينا زاتو كناس جنوفيين،عندنا نفس الشعور لما نتونس ونتكلم مع اكوان بتاع انيينا، من شمال السودان دا،واسبشيلى-خصوصا-كان بقى كلو ذى ونسة الحقنا هسه العلمى دا، ياهو يادوب واحد فينا بكون مبسوط سحى سحى،ونمشى البيت نونسو فى تلفون الملح بتاع بيت حق جامعه دا، مع دكتور دى مبيور،علشان واحد يعرف الحاصل ليهم شنو فى حركه بتاع تمرد حقهم دا.

    ش:يازول انت عندك اتصالات مع المتمردين؟.

    ج:وين ياجك -المعزره يادكتور- اتصالات بتاع شنو كمان الانا قلتو دا مع متمردين، ياخ كلام حقى دى ماهظار سامبلا ساكت ،كناس سودانيين يادكتور يا اخوى وياصابى، وانا كان زول متمرد كان نقعد نصبر لكلامات بتاعك المن قبيل دا لو هو ما كلام بتاع ناس زملا فى جامعه واحد ودايرين نخرج اجيال يكونو قويين وعضلات بتاهم العلميه يكون قوى ذى الحديد والسيخ الفى شارع السجن -اقصد السجانه- والله ماعارف مالو بقيت نتمتم فى كلام كدا بعدا ما كنت بتكلم معاك كويص ياصحبى؟ المهم نقول كلام و وانسه حقنا دا، يكون مستمر يااكوى،علشان كلامنا دى كلام علمى، لمصلحه بتاع عيال جايين بعد ما اننينا نفوت من دنيا دا،وبعدين كلام بتاع اتصالات مع متمردين دى،انا لسه متذكر كلامات فى لغه عربيه،ليتاص -خلينا- نقول عليه مجاز بس، ما حقيقى اوكى ياود البلد؟ ونقوليك كلام سر والله لو انتى مازول صحبى وانا بعرف انت من ايام بتاع دراسه حقنا فى اكسفورد وقبلو فى حوش دا الكان فى زمنا اسمو- جامعه الخرتوم- والله العظيم ونسات حقتنا المن الصباح دا كنت افتكرتو حقيقه، لكن علشان انا لسه بذكر حاجات شويه شويه فى عربى ياهو انا بفتكر كلام حقك عن تعريب دا كلو مجاز وونسه وكمان هزار بتاع ناس كومريد -اقصد- زملا واخوان دراسه جوه فى سودان وبره السودان، كويس يازميل؟.

    ش:يازول مافى مشكله بين ناس اخوان وفرد دراسه ذى ماقلته، لكن بين وبينك ،انا كان، كان ماخابرك كويس ومن زمن بعيد،كنت قلت ليك شامى تحت تحت من تصرفاتك وطريقه كلامك ،انك طابور خامس للمتمردين الخونه.

    ج:ولا يهمك يازول وتيك ات ايذى ياعزيزى عشان - السكرى والضغط- بتاعك المجننك مايسفرك التوج بدري بدري، والناس الخونه بتلقاهم فى اى محل فى الدنيا دا، وانت عارف كويس حتى فى جامعه حقنا بتاع خرتوم دا خيانات فوقو كوم بتعريفه.وياهو انت شايفينى صابر على خيانات العلميه و ماداير استعجل اخش حركه التمرد، وكلو عشان فى ناس كويسن ذيك عندهم جالصى -غيره- على البلد.وهم لسه بتذكرو وحافظين القسم حق الزول الجالدونق الاسمو(ابغراط)للناس البدرسو العلم والطب البقول(لا تاذئ) مهما كانت الظروف واختلاف الناس والاجناس ،برضو لا تأذي .فاكروا؟.

    ش:ايو ايو فاكرو فاكرو،هو دا قسم بتنسى كمان.المهم يابنج ويادكتور نقول لى ونستنا العلميه دى تو بى كونتينيو -تتواصل- .وبراك شايف الواحد المشغوليات كترت من ما جات حكومتنا دى . و الواحد احيان مابقدر يدى المحاضرات فى وكتها ،لو لا وجود بعض من شبابنا الربيناهم تربيه كويسه ماشاء الله، بقومو بالواجب وبسدوا الفراغ من محاضرات وتصحيح وطباعه على الكمبيوتر وغيرو من واجبات ،تصور يا دكتور والتر الواحد لحدى الوكت دا ماعارف يستعمل الجن الاسمو كمبيوتر دا، رغم انو الاخوان البسافروا بره كتير ماقصروا والله كل مره جايبن لى هديه كمبيوتر مره من لندن ومره الدوحه ومره ايران ومره وين ماعارف.
    والله خجلونا عديل التقول عارفنى ماناقش التكتح فى الكمبيوتر ود الذين كفروا دا.وشوف البلوة الانا فيها دى هسه الساعه تلاته حامشى اصلى العصر وبعداك ارجع تانى ادى محاضرات علميه للاساتذه الفى الجامعه الدخلناهم الدفاع الشعبى هنا، فى الميدان الشرقى لحدي صلاه المغرب ومن هناك جرى العياده احاول امشى لى كم زبون من العيانين الكتار البقو فى البلد دى وماعارف البمرضهم شنو بعد الانجازات الحضاريه البنعمل فيها يوميا دى.
    اهاوبعداك بمشى القياده العامه اشوف اخبار المجاهدين شنو كمان فى الجنوب الفقر وش النقر دا،حتان شويه القى لى وكت اتم البحث العلمى المفروض اقدمو فى مؤتمر صراع الحضارات البعدوا فيه الاخوان فى ايران تحت اشراف العامل فيهااصلاحى وعقلانى الرئيس محمد خاتمى، وشفته دا كلو من الاهبل الامريكى الكافر الطلع الكتاب البايخ الاسمو قال صراع الحضارات -اصبر ليهم اولاد الكلب حنوريهم المصارعه الحضاريه دى كيفنها-. ودا غير التلاته نسوان الفى رقبت الواحد-الله لا جاب سيرتهم بركة النبى - ووليداهم واهلنا الجاين من البلد على حس الواحد اصبح عندو كم منصب ووظيفه فى الحكومه.والله يادكتور والتر، انت مرطب ولا هاميك شئ غير محاضراتك الفى الجامعه وماعندك اثقال حضاريه شايلها فى ضهرك زيناكدا .علشان كدا الواحد بجيك كلو يوم والتانى ،عشان عارفك قاعد فى الجامعه وياهو الزول بعد المسؤليات الكتيره دى يجى يفضفض ويحتو معاك، كااخو جنوبى ،اب قلبا طيب وحنون.بس لو كنت اسلمت؟..

    ج:ياخوى خلينى فى حالى،كدا عاين لنفسك وشوف انت بيزى -مشغول- كيف بسبب المواضيع الحضاريه الفى راسك اب صلعه دا. مالك داير لى التلته ومش احسن يكون عندى شغل واحد وكمان عندى وكت لونساتك العلميه؟.

    ش:صدقته والله العظيم، والواحد يقرب يحسدك فى الطراطيب حقتك.

    ج:يا زول قول بسم الله من شر حاسدا اذا حسد.

    ش:ياااااخى كمان ناقش بعض الايات فى القران؟.

    ج:ياخوى مساجد الكتير فى خرتوم دا، من بيتك ممكن تتعلم قران كريم ولامحتاج تمشى خلوه زاتو.

    ش:صدقتا تب والله فى الحته دى، ومافى زول سبقك عليها،ردودكم كلها على الطاير،الله لاجاب باقيكم ياشيخ.

    ج:قلت شنو؟.

    ش:لا لا لا لا ماقلت اى حاجه بطاله فى حقك؟.

    ج:ايام جاست كيدينق ويز يوو - بمزح معاك - ياراجل، معقوله اقول فيك حاجه بطاله بس.

    ش:خلاص ذى ماقالت ليك نواصل انشاء الله الحوار عن التعريب بكره فى كتبك.
    ج:مافى مشكله كلاص نشوفك بكره.
    ونواصل فى الحوار والى الحلقه نمره اتنين.

    (عدل بواسطة محسن طه on 04-24-2008, 08:34 PM)
                  

العنوان الكاتب Date
خستكات جنوبيين في الشمال... محسن طه04-02-08, 05:58 PM
  Re: خستكات جنوبيين في الشمال... محسن طه04-02-08, 07:13 PM
    Re: خستكات جنوبيين في الشمال... Marouf Sanad04-02-08, 07:52 PM
    Re: خستكات جنوبيين في الشمال... Akoy Deng04-02-08, 08:02 PM
    Re: خستكات جنوبيين في الشمال... JOK BIONG04-02-08, 08:03 PM
      Re: خستكات جنوبيين في الشمال... Tragie Mustafa04-02-08, 08:24 PM
      Re: خستكات جنوبيين في الشمال... ALazhary204-02-08, 08:27 PM
        Re: خستكات جنوبيين في الشمال... الصادق اسماعيل04-02-08, 09:25 PM
        Re: خستكات جنوبيين في الشمال... JOK BIONG04-02-08, 09:41 PM
  Re: خستكات جنوبيين في الشمال... Deng04-02-08, 10:49 PM
  Re: خستكات جنوبيين في الشمال... محسن طه04-03-08, 00:20 AM
    Re: خستكات جنوبيين في الشمال... Akoy Deng04-03-08, 01:25 AM
    Re: خستكات جنوبيين في الشمال... Akoy Deng04-03-08, 01:45 AM
  Re: خستكات جنوبيين في الشمال... Albino Akoon Ibrahim Akoon04-03-08, 01:47 AM
    Re: خستكات جنوبيين في الشمال... عبدالرازق نقد04-03-08, 08:54 PM
  Re: خستكات جنوبيين في الشمال... Zakaria Joseph04-03-08, 04:48 AM
    Re: خستكات جنوبيين في الشمال... نهي محسن أبوراس04-03-08, 05:37 AM
  Re: خستكات جنوبيين في الشمال... زهير الزناتي04-03-08, 06:09 AM
  Re: خستكات جنوبيين في الشمال... عبدالرازق نقد04-03-08, 06:59 AM
    Re: خستكات جنوبيين في الشمال... الفاتح ميرغني04-03-08, 07:10 AM
  Re: خستكات جنوبيين في الشمال... مثيانق شريلو04-03-08, 10:27 AM
  Re: خستكات جنوبيين في الشمال... ALazhary204-03-08, 10:44 AM
    Re: خستكات جنوبيين في الشمال... مرتضي عباس04-03-08, 11:05 AM
  Re: خستكات جنوبيين في الشمال... نورالدين صلاح الدين04-03-08, 10:58 AM
    Re: خستكات جنوبيين في الشمال... محسن طه04-11-08, 05:29 PM
  Re: خستكات جنوبيين في الشمال... تيسير عووضة04-03-08, 11:02 AM
  Re: خستكات جنوبيين في الشمال... شول اشوانق دينق04-03-08, 01:24 PM
    Re: خستكات جنوبيين في الشمال... محسن طه04-03-08, 04:16 PM
      Re: خستكات جنوبيين في الشمال... محسن طه04-03-08, 04:46 PM
        Re: خستكات جنوبيين في الشمال... الصادق اسماعيل04-03-08, 05:19 PM
        Re: خستكات جنوبيين في الشمال... محسن طه04-03-08, 05:22 PM
  Re: خستكات جنوبيين في الشمال... M A Muhagir04-03-08, 05:20 PM
  Re: خستكات جنوبيين في الشمال... Kabar04-03-08, 05:31 PM
    Re: خستكات جنوبيين في الشمال... عبدالكريم الامين احمد04-03-08, 05:45 PM
  Re: خستكات جنوبيين في الشمال... شول اشوانق دينق04-03-08, 05:56 PM
    Re: خستكات جنوبيين في الشمال... اندرو كوات04-03-08, 06:14 PM
    Re: خستكات جنوبيين في الشمال... محسن طه04-03-08, 06:31 PM
      Re: خستكات جنوبيين في الشمال... محسن طه04-03-08, 07:08 PM
  وسقط محسن فى الإمتحان!!!!!!!!!!!!!!!!!!!!!!!!!!!!!!!!! شول اشوانق دينق04-03-08, 06:56 PM
    Re: وسقط محسن فى الإمتحان!!!!!!!!!!!!!!!!!!!!!!!!!!!!!!!!! Tragie Mustafa04-03-08, 07:21 PM
    Re: وسقط محسن فى الإمتحان!!!!!!!!!!!!!!!!!!!!!!!!!!!!!!!!! محسن طه04-03-08, 07:42 PM
      Re: وسقط محسن فى الإمتحان!!!!!!!!!!!!!!!!!!!!!!!!!!!!!!!!! محسن طه04-03-08, 08:10 PM
        Re: خستكات جنوبيين في الشمال... محسن طه04-04-08, 04:23 AM
  Re: خستكات جنوبيين في الشمال... شول اشوانق دينق04-04-08, 04:25 PM
    Re: خستكات جنوبيين في الشمال... محسن طه04-04-08, 06:01 PM
  Re: خستكات جنوبيين في الشمال... Shams eldin Alsanosi04-04-08, 08:11 PM
  Re: خستكات جنوبيين في الشمال... شول اشوانق دينق04-05-08, 12:33 PM
    Re: خستكات جنوبيين في الشمال... محسن طه04-06-08, 05:29 PM
      Re: خستكات جنوبيين في الشمال... محسن طه04-06-08, 08:41 PM
  Re: خستكات جنوبيين في الشمال... خضر حسين خليل04-07-08, 02:38 PM
  Re: خستكات جنوبيين في الشمال... نصار04-07-08, 02:51 PM
    Re: خستكات جنوبيين في الشمال... محسن طه04-07-08, 08:14 PM
      Re: خستكات جنوبيين في الشمال... محسن طه04-07-08, 10:09 PM
        Re: خستكات جنوبيين في الشمال... محسن طه04-08-08, 00:09 AM
        Re: خستكات جنوبيين في الشمال... الصادق اسماعيل04-08-08, 00:10 AM
          Re: خستكات جنوبيين في الشمال... محسن طه04-08-08, 02:08 AM
            Re: خستكات جنوبيين في الشمال... محسن طه04-08-08, 03:23 AM
              Re: خستكات جنوبيين في الشمال... احمد ضحية04-08-08, 04:21 AM
        Re: خستكات جنوبيين في الشمال... نهي محسن أبوراس04-17-08, 04:27 AM
  Re: خستكات جنوبيين في الشمال... شول اشوانق دينق04-08-08, 01:55 PM
  Re: خستكات جنوبيين في الشمال... وانجا04-08-08, 03:25 PM
    Re: خستكات جنوبيين في الشمال... محسن طه04-08-08, 05:28 PM
      Re: خستكات جنوبيين في الشمال... محسن طه04-08-08, 05:38 PM
      Re: خستكات جنوبيين في الشمال... محسن طه04-08-08, 05:40 PM
        Re: خستكات جنوبيين في الشمال... محسن طه04-09-08, 06:11 AM
          Re: خستكات جنوبيين في الشمال... محسن طه04-09-08, 07:44 AM
            Re: خستكات جنوبيين في الشمال... ريهان الريح الشاذلي04-09-08, 10:07 AM
              Re: خستكات جنوبيين في الشمال... محسن طه04-09-08, 04:58 PM
                Re: خستكات جنوبيين في الشمال... محسن طه04-09-08, 05:57 PM
                  Re: خستكات جنوبيين في الشمال... Tragie Mustafa04-09-08, 06:18 PM
                    Re: خستكات جنوبيين في الشمال... الصادق اسماعيل04-10-08, 00:24 AM
                      Re: خستكات جنوبيين في الشمال... Tragie Mustafa04-10-08, 02:04 AM
                        Re: خستكات جنوبيين في الشمال... Tragie Mustafa04-10-08, 04:13 AM
                          Re: خستكات جنوبيين في الشمال... PLAYER04-10-08, 05:39 AM
  Re: خستكات جنوبيين في الشمال... محمد احمد عثمان04-10-08, 11:51 AM
    Re: خستكات جنوبيين في الشمال... محسن طه04-10-08, 04:11 PM
      Re: خستكات جنوبيين في الشمال... محسن طه04-10-08, 05:00 PM
  Re: خستكات جنوبيين في الشمال... دوت مجاك04-10-08, 05:00 PM
    Re: خستكات جنوبيين في الشمال... محسن طه04-10-08, 05:13 PM
      Re: خستكات جنوبيين في الشمال... محسن طه04-10-08, 05:17 PM
        Re: خستكات جنوبيين في الشمال... محسن طه04-10-08, 05:21 PM
  Re: خستكات جنوبيين في الشمال... Kabar04-10-08, 05:21 PM
    Re: خستكات جنوبيين في الشمال... Lily Akol04-10-08, 06:28 PM
      Re: خستكات جنوبيين في الشمال... محسن طه04-10-08, 07:46 PM
  Re: خستكات جنوبيين في الشمال... دوت مجاك04-10-08, 07:52 PM
    Re: خستكات جنوبيين في الشمال... محسن طه04-10-08, 07:56 PM
      Re: خستكات جنوبيين في الشمال... محسن طه04-10-08, 08:05 PM
        Re: خستكات جنوبيين في الشمال... Zakaria Joseph04-10-08, 08:49 PM
          Re: خستكات جنوبيين في الشمال... Tragie Mustafa04-10-08, 08:54 PM
            Re: خستكات جنوبيين في الشمال... محسن طه04-10-08, 09:58 PM
              Re: خستكات جنوبيين في الشمال... محسن طه04-10-08, 10:02 PM
                Re: خستكات جنوبيين في الشمال... محسن طه04-10-08, 10:07 PM
                Re: خستكات جنوبيين في الشمال... Zakaria Joseph04-10-08, 10:18 PM
  Re: خستكات جنوبيين في الشمال... AMNA MUKHTAR04-10-08, 11:18 PM
    Re: خستكات جنوبيين في الشمال... محسن طه04-11-08, 04:27 AM
      Re: خستكات جنوبيين في الشمال... محسن طه04-11-08, 05:10 AM
        Re: خستكات جنوبيين في الشمال... Tragie Mustafa04-11-08, 05:46 AM
          Re: خستكات جنوبيين في الشمال... محسن طه04-11-08, 07:46 AM
            Re: خستكات جنوبيين في الشمال... الصادق اسماعيل04-11-08, 04:21 PM
              Re: خستكات جنوبيين في الشمال... محسن طه04-11-08, 04:31 PM
                Re: خستكات جنوبيين في الشمال... محسن طه04-11-08, 05:19 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de