|
Re: الخلود لله وانا عندي خالد وبريدو شديد ..... (Re: nazar hussien)
|
Quote: طارق لو سمحت ممكن تكتب فى رابعةالنهار والعين بتشوف بسم الله يا شيخى... بعدين خالتى عفاف دى بقت حبوبه تكتب زى ما تكتب وكان سالوها بتتكلوا على الخرف،راما مع شنو كمان؟؟؟ |
وبناءاً عليه أعلن أنا الموقع أدناهُ عن إنسحابي النهائي من حلف صديق الموج مقطوع الطاري وجميع لجانه المنبثقة في الفارغة والمقدودة هذا و سنكون لجنة طواري إسعافية عاجلة برئاسة ود شيقوق و عضوية كل من بلة اللديح و عوض البوم و الطاهر بيضة الديك مقرراً و أمينا عاماً وذلك لتقييم الأوضاع والخسائر المعنوية والمادية ، و سنطلق عليها إسم لجنة الطواري لإدانة صديق مقطوع الطاري ، و سنصدر بياناً شديد اللهجة بعنوان حبوبة في عينك ونقول فيه يا الموج أمانةً تجيك في عويناتك ماما عفاف دي ما قدُر بناتك ؟
هذا وتهدف اللجنة الطارئة لإبطال مفعول المخطط إياه !! أو ما يعرف إصطلاحاً بعملية المحرب 2 (تُو) ونحب أن نعرفهم أنهم مراقبين مراقبة لصيقة و يمنع منعاً باتاً اللعب بالأطراف والفاولات داخل المنطقة وأيي محاولة لعمل دبل كيك داخل المنطقة هذا يعني إشهار الكارت الأحمر علي طول ! لأنها تعتبر من الأخطاء العشرة المحرمة دولياً وعليه يجب إتباع مبدأ اللعب النظيف الموصي عليه من قبل الفيفا برئاسة حبيب بلاتر
عُلم و سنفذ حُمرة عين كدة!
| |
|
|
|
|
|
|
Re: الخلود لله وانا عندي خالد وبريدو شديد ..... (Re: nazar hussien)
|
عفاف وخالد
محبةً تطول الكون وأنتما جمال باذخ أبداً ...
ويا حبيب نورة جميل أنت وشاعر أسكرتني هذه الليلة
لكما يا خالد وعفاف بمعلقة حبيب نورة شعراً ومديحاً ومربعات دوبيت
وأحببتها جداً أيها الجميل محمد عبدالغني سابل .
ولكما الحب الجميل عفاف أبوحريرة وخالد المحرب...
نصار الحاج
| |
|
|
|
|
|
|
Re: الخلود لله وانا عندي خالد وبريدو شديد ..... (Re: سمية الحسن طلحة)
|
Quote: خالد وعفاف ربنا يحفظكم ويبلغكم أملا لم تبلغوه ويرضى عنكم رضاءً لم تعلموه وياعفاف خالد هو خالد لايطول مقامه قول وكل الأوصاف تحوم حول حماه ولاتملك مقدرة إرتياد صميمه
له التحية وعميق الإحترام وأطيب الأمنيات بعام سعيد ولك وللأبناء ولضيوفك الكرام وتحايا خاصة وخالصة لـ : حبيب نورة
|
بت العزاز
مافي شيء بيحسسني بالعجز الا انتم
وما في زول على الوسيعه دي بتأدب ليه حد الخشوع الا انتم
فيكم الادب المحمدي ..ادب بيت النبوة ..وفيكم عظمة الملوك وحلم العارفين
عندك رهبه في نفسي تخليني ادخل البورد واطلع ييغلبني الاقولو ليك
قد ملكتم من القلب مكان
الشيخ الحسن
حاجه هاله
سميه
المجتبى
تلك اسامي اقف عندها كتير ولها اُثر اكتر في نفسي
نورت البوست وحلت عليه البركه
| |
|
|
|
|
|
|
Re: الخلود لله وانا عندي خالد وبريدو شديد ..... (Re: عفاف أبو حريرة)
|
ام احمد تحياتى لك والى ابو احمد
التحية لك وانت تأكدى بأنك نموذج حقيقى للزوجة الصالحة والوفية والتحية لابو احمد الذى يأكد قول المصطفى ( ص) خيركم خيركم لاهله
فنعم الازواج انت و ابو احمد متعكم الله بالصحة والعافية و ابنائكم و ادام عليكم نعمة المحبة والوفاء و الاخلاص وافرحكم بتوفيق عيالكم
مع محبتى و تقديرى لكم
أحمد العمار
| |
|
|
|
|
|
|
Re: الخلود لله وانا عندي خالد وبريدو شديد ..... (Re: احمد العمار)
|
Quote: اهلا اخي نزار الشي البعرفو عنك انك بتقطع اخضر مالك بخلت علينا بي صميم نمك |
أبشري يا بت العزاز وام العزاز...واسمحي لي ان انم علي لسانك
هيييييييييي ايييييي ايييييي....
رفيقي الدنيا ساعيلها الكرم والسترة لافحه توب محنة يغيثنا من كل عترة
مودة ورحمة تقدل وتنطرح وتتخترا تبهل فوقنا خير موية الضراع والنترة
اب أحمد سليل كرما عزيزا وحر ما لاقيتو عابس (يمة) عيني دقر الخلاني اتباهي واذيع في ام در ما لبسني غير سترة وجواهر ودر
(هذه الابيات المنجورة هي لك...وعلي لسانك فان كانت تليق بمفام اب احمد ...فهي هديتي لكما عن محبة )
| |
|
|
|
|
|
|
Re: الخلود لله وانا عندي خالد وبريدو شديد ..... (Re: حبيب نورة)
|
Quote: للتو وصلت من الدمام المنطقه الشرقيه فى السعوديه لارتباطى بها كعمل لقيت ست البيت فاتحه بوست غزل بالنسبة لى امتداد لى حب سنين غير معلن ولكن فاليكن شكرا ست البيت ومن هنا انا اشكر كل المتداخلين من احبتى فى المنبرالكبير وقريت كل المداخلات واحنو هامتى لكم حب واحترام بما فيكم ست البيت شكرا للجميع |
جبانا قال صفنى فقلت عفوا ياجبل الجليد والله بتخبى فى الاتر يا الشديد.. حبيب نورة جاييك انت وحبوبة عفاف،،،
يا حبيب عفاف ماقصرت لكن بقت حبوبه ليا وات شكلك مكرى وبت ابوحريرة غامتالك طيه ود المحرب الارباب الكلس وحبوب وصافى النية انا حالف من بنات الاحفادالا اشوفلو بنيه لووووووووووووووول،،،
| |
|
|
|
|
|
|
Re: الخلود لله وانا عندي خالد وبريدو شديد ..... (Re: حبيب نورة)
|
Quote: يا حبيب عفاف ماقصرت لكن بقت حبوبه ليا وات شكلك مكرى وبت ابوحريرة غامتالك طيه ود المحرب الارباب الكلس وحبوب وصافى النية انا حالف من بنات الاحفادالا اشوفلو بنيه |
يا جماعة ناس البمبر الرد دة من أخونا و حبيبنا عبد الغفار المهدي ( بوردابي معاش )
أما أخونا صديق الموج أنا برجع ليه لاحقاً
يا ود الموج بنات الاحفاد دررًاً حية ما بتلحقن الا لبنية طيبــــــــة لابسات العفاف والعلم والرومانسية وا حى انا من الفيهن رامينى حنية انت وانا ما لينا غير عض البنان أسِية
المربع دة من أخونا فرفور الذي نسعي لإعادته لحظيرة البورد
| |
|
|
|
|
|
|
Re: الخلود لله وانا عندي خالد وبريدو شديد ..... (Re: مطر قادم)
|
Quote: يالامزكور ماك منسي ابوحمد حبابك الف ياسمي خالد عليك الله شوف حبيب نوره اتقطع في المربوع كيف
وافرة سحايبو باهلة ثم دانية قطوفوا دقُر يا عيون تفتش لي منازلوا تطوفوا من فيض خصالوا ....الكملت معروفوا ناروا تودّر القِرّة .. و تعشي ضيوفوا |
أخوي الما شوفتو لكن عرفتو ومعرفة الرجال تكفيك نبرتو وكتين تحر تجلجل تدودّو نهرتو وإن بردت جاري توبو وتلم كسرتو
خالد محجوب
كلام سمح بالحيل ويخلي الزول مهوي من أرض الله البسيطة لك التحيات والمودة للفاضلة عفاف
| |
|
|
|
|
|
|
Re: الخلود لله وانا عندي خالد وبريدو شديد ..... (Re: إسماعيل وراق)
|
Quote: والله يا بت أبو حريرة جبتي نضم في زول سمح بلحيل..
شيخ عرب كريم وأجواد وفارس حوبة.
الزول دا بريده لله في الله.
ربنا يحفظكم لأولادكم ويغطيكم من كل شر.،
التحية لخالد المحرب أينما كان.، |
الاخ اسماعيل
واحنا كمان بنريدك لله في الله
وخالد بيعزك شديد
شكرا يا وراق
| |
|
|
|
|
|
|
Re: الخلود لله وانا عندي خالد وبريدو شديد ..... (Re: صديق الموج)
|
Quote: جبانا قال صفنى فقلت عفوا ياجبل الجليد والله بتخبى فى الاتر يا الشديد.. حبيب نورة جاييك انت وحبوبة عفاف،،،
يا حبيب عفاف ماقصرت لكن بقت حبوبه ليا وات شكلك مكرى وبت ابوحريرة غامتالك طيه ود المحرب الارباب الكلس وحبوب وصافى النية انا حالف من بنات الاحفادالا اشوفلو بنيه لووووووووووووووول،،، |
عمي الصديق البيته من قزاز ما بيجدع الناس بالحجار
اخلاص عرسوها وبكره بتجيب ليك حفيد ليه جلحات
| |
|
|
|
|
|
|
Re: الخلود لله وانا عندي خالد وبريدو شديد ..... (Re: nazar hussien)
|
Quote: أبشري يا بت العزاز وام العزاز...واسمحي لي ان انم علي لسانك
هيييييييييي ايييييي ايييييي....
رفيقي الدنيا ساعيلها الكرم والسترة لافحه توب محنة يغيثنا من كل عترة
مودة ورحمة تقدل وتنطرح وتتخترا تبهل فوقنا خير موية الضراع والنترة
اب أحمد سليل كرما عزيزا وحر ما لاقيتو عابس (يمة) عيني دقر الخلاني اتباهي واذيع في ام در ما لبسني غير سترة وجواهر ودر
(هذه الابيات المنجورة هي لك...وعلي لسانك فان كانت تليق بمفام اب احمد ...فهي هديتي لكما عن محبة )
|
صح لسانك يا زينة الجنيات لي حدهم
| |
|
|
|
|
|
|
Re: الخلود لله وانا عندي خالد وبريدو شديد ..... (Re: احمد العمار)
|
Quote: ام احمد تحياتى لك والى ابو احمد
التحية لك وانت تأكدى بأنك نموذج حقيقى للزوجة الصالحة والوفية والتحية لابو احمد الذى يأكد قول المصطفى ( ص) خيركم خيركم لاهله
فنعم الازواج انت و ابو احمد متعكم الله بالصحة والعافية و ابنائكم و ادام عليكم نعمة المحبة والوفاء و الاخلاص وافرحكم بتوفيق عيالكم
مع محبتى و تقديرى لكم
أحمد العمار |
الاخ العزيز احمد العمار
وانت نعم الاخ
كلام جميل من زول جميل
مشكووووور ابو وضاح
دم بخير
| |
|
|
|
|
|
|
Re: الخلود لله وانا عندي خالد وبريدو شديد ..... (Re: خالد المحرب)
|
والله أول مرة أفتح الخيط ده .. لا حولا
عفاف وخالد وصديق الموج والخال حمزاوي ونصار واسماعيل عباس واحمد العمار وطارق نقد وأحمد الشايقي وشيقوق وسمية طلحة ولينا وحبيب نور برباعياته المحكمة ... ووراق وبقية العقد الفريد من النساء والرجال السعداء بكسر حاجز الصمت والتعبير عن المشاعر ليكون العالم أجمل .. رغم وجود صديق الموج المتمرد الأممي بأجندته المنحازة لمثنى "كلام ساكت" .. ولأن الشيء بالشيء يذكر فسأحكي قصتي قبل عودتي للرياض بيوم أي يوم 24 ديسمبر 2009م وأنا بمنزلي ألملم أغراضي وأتأكد من التذكرة والتأشيرة ورسوم المطار والفول والتمر والتمباك وقد تحلق حولي سمية وآمنة وسناء وخالد وملاذ والصادق والتومات قلت لسمية (زوجتي):
- والله أنا قايل ربنا يدخلك الجنة؟ سمية: ليه؟ أنا: لأنك زوجة مطيعة ضحك الجميع إلاي .. وقلت لهم تضحكوا لأنكم لم تقرأوا الأثر الكريم الذي يؤكد كلامي ..
تاني بجي أقرأ لكين ما بتداخل طالما الحكاية فيها صديق الموج وحمزاوي
| |
|
|
|
|
|
|
Re: الخلود لله وانا عندي خالد وبريدو شديد ..... (Re: Mohamed Abdelgaleel)
|
Quote:
خالد وعفاف ربنا يحفظكم ويبلغكم أملا لم تبلغوه ويرضى عنكم رضاءً لم تعلموه وياعفاف خالد هو خالد لايطول مقامه قول وكل الأوصاف تحوم حول حماه ولاتملك مقدرة إرتياد صميمه
له التحية وعميق الإحترام وأطيب الأمنيات بعام سعيد ولك وللأبناء ولضيوفك الكرام وتحايا خاصة وخالصة لـ : حبيب نورة
|
والله ياسميه بقلبني اقول ليك شنو وبحس بالبلاده والعجز وكل الكلام بروح مني ممكن يكون خالد قال كل الفي نفسي اتدب لي مرورك حد الخشوع واسعد بيه حد الثماله الله مايحرمنا منك يا زوله ياامه
| |
|
|
|
|
|
|
Re: الخلود لله وانا عندي خالد وبريدو شديد ..... (Re: عفاف أبو حريرة)
|
ود المحرب
وحاة الله ربنا مطول عمرك
اقرا كلام العلماء ديل عشان تشوف سعادتك مع ام وما انعم الله عليك منها من نعمة الاولاد والبنات
Quote: أظهرت دراسة جديدة أن الأشخاص الذين يعملون في وظائف مليئة بالتوتر يرتفع ضغط الدم لديهم خلال عام إذا كانت علاقاتهم مع شركاء حياتهم سيئة وأنه على العكس فإن الأشخاص الذين يواجهون توترا في وظائفهم وعلاقاتهم الزوجية طيبة فان ضغط دمهم يهبط بنفس القدر. وقال الطبيب شيلدون دبليو. توبي وزملاؤه من جامعة تورنتو بكندا في دورية ارتفاع ضغط الدم الأمريكية إن "قد يكون من المفيد للأشخاص الذين يواجهون توترا كبيرا في وظائفهم ومستوى منخفضا من التلاحم الزوجي أن يقوموا بقياس ضغط دمهم بصورة منتظمة."
وأجرى توبي وفريقه هذه الدراسة لبحث ما إذا كان عامل الوظيفة ونوعية الزواج قد يتفاعلان للتأثير على ضغط الدم. وتابع الفريق 229 رجلا وامرأة لمدة عام وكانوا جميعا يعيشون مع شريك للحياة وغير مصابين بارتفاع في ضغط الدم مع بداية الدراسة. وركز توبي وفريقه على "التلاحم الزوجي" للزوجين أو مدى دعم كل زوج للآخر. وارتدى المشاركون في الدراسة أجهزة لقياس ضغط دمهم طوال فترة يوم عمل نمطي في بداية الدراسة ومرة أخرى بعد ذلك بعام. وزاد ضغط الدم الانقباضي أو الرقم الأعلى في قراءة ضغط الدم ثلاث نقاط لدى الأشخاص الذين تحدثوا عن ارتفاع مستوى التوتر في عملهم وانخفاض مستوى التلاحم الزوجي . وعلى الجانب الآخر انخفض ضغط الدم الانقباضي ثلاث نقاط لدى الأشخاص الذين يتمتعون بمستوى عال من التلاحم الزوجي ويواجهون توترا في عملهم. |
http://www.zfafna.com/articles.php?page=view&id=25
بختكم اتجدعوا سااااااااااااااااااااى ومحل رهيفة تنقد
| |
|
|
|
|
|
|
Re: الخلود لله وانا عندي خالد وبريدو شديد ..... (Re: حبيب نورة)
|
Quote: والله ياسميه بقلبني اقول ليك شنو وبحس بالبلاده والعجز وكل الكلام بروح مني ممكن يكون خالد قال كل الفي نفسي اتدب لي مرورك حد الخشوع واسعد بيه حد الثماله الله مايحرمنا منك يا زوله ياامه |
ياعفاف عليك الله ماتقولي أي شيء انتو عارفني وانا عارفاكم وبس ( كلما زادت المعرفة قل الكلام )
.
| |
|
|
|
|
|
|
|