Post: #1
Title: الخلود لله وانا عندي خالد وبريدو شديد .....
Author: عفاف أبو حريرة
Date: 12-18-2009, 08:52 PM
خّلد في روحي وبريدو شديــــــــــــــــــــــــــــــــد
ابو فاتن
ابو احمد
ابو لينه
ابو عفراء
ابو حفصه
ابوزينب
ابو فاطمه
ابو عصام
كل كلمه قالها يوسف البنّا في الرجال
بقولها ليكم
:من العرفته في 27 سنه
كلهم انا انجمعت لي في خالـــد قدر ما اقول ما بوفيه حقهه
وقولو ما شاء الله وكل يوووم
وده باب مفتوح لي دواخلي مليان نور
حبيت انكم ينوبكم منو نصيب
|
Post: #2
Title: Re: الخلود لله وانا عندي خالد وبريدو شديد .....
Author: soma
Date: 12-18-2009, 08:59 PM
Parent: #1
يا سلااااااااااااام عليك يا بت شيوخ البطانة
الوفيه الهميمة وكريمة
سمحة ومجيهة وست بيتك بحق وحقيقة
ود المحرب اخوى يستاااااااااهل
وانتو الاتنين خاتين القول
اولاد العلم والفكر
اهل الجود والكرم
ربى يحفظكم ويغطيكم
كانت اسعد لحظات حين التقيت بيكم
واجمل سويعات فرح قضيتها بينكم
شرفتونى وقدرتونى واسعدتونى ايما سعادة
التحايا عبرك لى سيد بيتك وسندك
اخوى خالد ود المحرب وكل الاسرة
وتسلموا ان شاء الله من كل بلا
فتكم بى عافية
|
Post: #3
Title: Re: الخلود لله وانا عندي خالد وبريدو شديد .....
Author: Balla Musa
Date: 12-18-2009, 09:02 PM
Parent: #2
تالله عجبتينى يا ام أحمد
قولى وابدى بى دى:
ابو احمد بقول شعرى ولسانى مطرق
جبلى الفيهو من العاديات بتدرق
تحياتى لكما سويا
|
Post: #5
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-18-2009, 09:58 PM
Parent: #3
Quote: كانت اسعد لحظات حين التقيت بيكم
واجمل سويعات فرح قضيتها بينكم
شرفتونى وقدرتونى واسعدتونى ايما سعادة |
يا بت البيوت المن بعيد معنيه
يابت البعشى الضيف مراره وشيه
سوما الحبييبه كونى بالف خير
|
Post: #4
Title: Re: الخلود لله وانا عندي خالد وبريدو شديد .....
Author: كمال عباس
Date: 12-18-2009, 09:03 PM
Parent: #2
Quote: التحايا عبرك لى سيد بيتك وسندك
اخوى خالد ود المحرب وكل الاسرة
وتسلموا ان شاء الله من كل بلا |
|
Post: #6
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-18-2009, 10:08 PM
Parent: #4
Quote: تالله عجبتينى يا ام أحمد
قولى وابدى بى دى:
ابو احمد بقول شعرى ولسانى مطرق
جبلى الفيهو من العاديات بتدرق
تحياتى لكما سويا |
د بله موسى انت عرفت كواليس نفسى ابواحمد جبلى وجبل بناتى
بى افعالو وافعالو كتيره ودايما رافع راسنا
ابقى قريب
|
Post: #7
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-18-2009, 10:14 PM
Parent: #6
الاخ كمال عباس شكرا على المرور الانيق وربنا يخليلك ام العيال
ويسدد خطاك ياامير
|
Post: #8
Title: Re: الخلود لله وانا عندي خالد وبريدو شديد .....
Author: يوسف الخضر
Date: 12-18-2009, 11:09 PM
Parent: #7
ربى يحفظكم ويغطيكم.
اللهم امين.
|
Post: #15
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 03:42 AM
Parent: #8
Quote: ربى يحفظكم ويغطيكم.
اللهم امين.
|
الأخ يوسف شكــــرا على الدعوة
والمرور
جمعا يا رب
خالد البكرم الضيفان صباح وعشية
رباي اليتامة الهملوهــم ميـّه
فرزاع عركة الحرب الخيولها سـويّة
غطـاي مُقنع الكاشفة الدّموعها رويـّة
|
Post: #9
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-18-2009, 11:10 PM
Parent: #7
يااااااااااااااااااه
أنا جيت بس أحجز بمبري
لكن ليك علي بجيكم بي رواقة
الدنيا شوية جايطة معاي
جري و طيران
لكن بإذن الله
خالدين فيها أبدا
|
Post: #16
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 04:05 AM
Parent: #9
Quote: يااااااااااااااااااه
أنا جيت بس أحجز بمبري
لكن ليك علي بجيكم بي رواقة
الدنيا شوية جايطة معاي
جري و طيران
لكن بإذن الله
خالدين فيها أبدا |
اهلين يا حبيب
راجينك وما تجينا قدحك فاضي
|
Post: #10
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-18-2009, 11:13 PM
Parent: #7
فيه الاتى يا اخوان يااخوات بكرم الضيف وبكرمنى انا دايما وحنين على بناتو والله الواحده كان دايره
اي شى ما بخل بيه عربى بى معنى الكلمه السودانيه بكل معانيها ولكن افندى مع الافنديه وبدوى مع البدو
وخواجه حتى مع الخواجات وكان جاهو شاب صغير يعرف يتعامل معاهو ويكرمو بى القول والفعل وشهادتى فيك
مجروحه يا خالد المحرب
|
Post: #11
Title: Re: الخلود لله وانا عندي خالد وبريدو شديد .....
Author: نصار
Date: 12-18-2009, 11:18 PM
Parent: #10
ربنا يديمكم لبعض و يديم الدواخل العامرة
و لطيفة و ودودة و محبة
يا اهل المحبة ادونا ادونا حبة
|
Post: #12
Title: Re: الخلود لله وانا عندي خالد وبريدو شديد .....
Author: WAD ELGAALI#4
Date: 12-18-2009, 11:39 PM
Parent: #11
يقول الرسول صلى الله عليه وسلم خيركم خيركم لاهله
دى منو القالك شهادتك فيهو مجروحه دى شهاده مفروض ودالمحرب يعلقافوق قنقون رأسو
خالد المحرب رجل عربى مؤصل لايختلف على كريم خصاله اتنين
وزى ما قال طه
الراجل فعايلوببيننلك طبعو
واناوالخلا البعرف اسودو وضبعو
يربنا يكرمكم ويحفظ ليكم عيالكم مع ودى
والله خالد وعفاف من البورداب الواحد بتمنى لو كنتو أهلولحم ودم عديل كدا
|
Post: #13
Title: Re: الخلود لله وانا عندي خالد وبريدو شديد .....
Author: Omayma Alfargony
Date: 12-19-2009, 01:51 AM
Parent: #12
الملكة الكريمة سليلة الكرام بت الملوك
بارك الله فيك وفوق شيخ العرب ابو وليداتك الميمون ودالمحرب.
الله يحفظه ليكم ويحفظكم لى بعض.
ونعم الوفاء والاخلاص من زوجة لزوجها.
حاق الشكرة وسمحه فوق سيده.
وان شاء الله دايما راضيه ومرضيه.
لكما ولكل الاسرة خالص المحبة والود.
:).
|
Post: #14
Title: Re: الخلود لله وانا عندي خالد وبريدو شديد .....
Author: د.نجاة محمود
Date: 12-19-2009, 02:26 AM
Parent: #13
يحفظكم من العين والحساد
ويحفظ ذريتم يارب..
|
Post: #25
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 09:46 AM
Parent: #14
Quote: يحفظكم من العين والحساد
ويحفظ ذريتم يارب.. |
الله يادكتوره مرورك اسعدني
ويحفظك الله انت وبناتك
كل الود والتقدير
|
Post: #24
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 09:41 AM
Parent: #13
Quote: الملكة الكريمة سليلة الكرام بت الملوك
بارك الله فيك وفوق شيخ العرب ابو وليداتك الميمون ودالمحرب.
الله يحفظه ليكم ويحفظكم لى بعض.
ونعم الوفاء والاخلاص من زوجة لزوجها.
حاق الشكرة وسمحه فوق سيده.
وان شاء الله دايما راضيه ومرضيه.
لكما ولكل الاسرة خالص المحبة والود.
|
بت الرجال الكلبم مابنبح الضيف
والكرمهم زي مطر الخريف
شكرا علي الدعوات الصادقات
كامل حبي واحترامي
|
Post: #23
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 09:33 AM
Parent: #12
Quote: خالد المحرب رجل عربى مؤصل لايختلف على كريم خصاله اتنين
وزى ما قال طه
الراجل فعايلوببيننلك طبعو
واناوالخلا البعرف اسودو وضبعو
يربنا يكرمكم ويحفظ ليكم عيالكم مع ودى
والله خالد وعفاف من البورداب الواحد بتمنى لو كنتو أهلولحم ودم عديل كدا |
دي شهادة انا اعتزبيها واعلقه في
قانونت راسي
المتلك انت لي الشرف تكون من لحمي ودمي
كن بالف خير
|
Post: #17
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 04:11 AM
Parent: #11
Quote: ربنا يديمكم لبعض و يديم الدواخل العامرة
و لطيفة و ودودة و محبة
يا اهل المحبة ادونا ادونا حبة
|
ربنا يخلي ليك ست بيتك ويحفظ ليك نور بيتك ام العيال
المحبة تفوتكم انتو تمشي وين!!
ربي يحفظكم
|
Post: #18
Title: Re: الخلود لله وانا عندي خالد وبريدو شديد .....
Author: haroon diyab
Date: 12-19-2009, 07:59 AM
Parent: #17
استاذة / عفاف
صباح الخير
وشهادتك غير مجروحة بل هي مهمة
لتزيد اواصر المودة والرحمة بين
الازواج والاسر وخالد يستحق.
وببركة السنة الهجرية الجديدة
ربنا يفتح عليكم ابواب رحمته
ويخلي ليكم وليداتكم.....
ويحفظ كل اسرة من كل سوء
لكي وللاستاذ خالد ولاسرتكم الكريمة
كل الاحترام والتقدير وصادق الدعوات
بحياة هانئة سعيدة .
|
Post: #19
Title: Re: الخلود لله وانا عندي خالد وبريدو شديد .....
Author: عفاف الصادق بابكر
Date: 12-19-2009, 08:17 AM
Parent: #18
Quote: ابواحمد جبلى وجبل بناتى
بى افعالو وافعالو كتيره ودايما رافع راسنا |
عفة يا ذوق وخفة روح ..
تسلمي انتي ويسلم ابو احمد ..
ربنا يغطيئكم ويحفظكم .. ويبعد الحسد والشرور عنكم ..
انتي تستاهلي ابو احمد يا ام احمد .. والطيبون للطيبات ..
|
Post: #20
Title: Re: الخلود لله وانا عندي خالد وبريدو شديد .....
Author: ود محجوب
Date: 12-19-2009, 08:48 AM
Parent: #19
عفاف ربنا يديم المحبة والوفاء
خالد كمل الرجالة لمن دفقت
وانتى يا بت الشيوخ مليتو عينو لمن دفقت
وكل ما تقوليه فى خالد لك منه النصيب الأوفى
|
Post: #21
Title: Re: الخلود لله وانا عندي خالد وبريدو شديد .....
Author: محمد حسن العمدة
Date: 12-19-2009, 08:59 AM
Parent: #20
والله ماشاء الله وربنا يحفظكم
البوح بالمشاعر الزوجية دا كان من اكبر مهددات الحياة الزوجية السودانية لانو الرجل السوداني بيعتقد انو - او كثيرين - بيعتقدو انو التصريح بالمشاعر نوع من الضعف الما مفروض يكون في الرجل وكذلك المراة بتخجل انها تبوح بمشاعرا .. طبعا دا ما كلام صاح ويتخيل لي الاسرة بتعلن عن مشاعرا بتكون اسعد اسرة حتى انها بتعلم ابنائها وبناتها معنى الحب الحقيقي الطاهر والعفيف
ادام الله حبكم وحفظكم من كل سوء
|
Post: #22
Title: Re: الخلود لله وانا عندي خالد وبريدو شديد .....
Author: humida
Date: 12-19-2009, 09:09 AM
Parent: #21
عفاف .. مبروك الغويشات .. 
|
Post: #26
Title: Re: الخلود لله وانا عندي خالد وبريدو شديد .....
Author: سيف بخيت موسي
Date: 12-19-2009, 09:51 AM
Parent: #22
Quote:
من العرفته في 27 سنه
|
27 سنة دي لحالة كفلية وجديرة تخلي شهادتك في شيخ العرب غير مجروحة
بل تؤكد اصالة معدنك ومعدنه ، وابو أحمد كتابه بيمينه
إذا لم تشهد الزوجات لأزواجهم، فمن احق أن بالشهادة
لكم العمر المديد والسعادة والحفظ من كل عين
تحياتي ام أحمد وعبرك للمحرب خالد الود المقيم
|
Post: #27
Title: Re: الخلود لله وانا عندي خالد وبريدو شديد .....
Author: ود الباوقة
Date: 12-19-2009, 09:58 AM
Parent: #26
ام احمد ..
نسال الله ان يديم الود بينكما
ويخلي ليكم وليداتكم ...
امين ....
|
Post: #28
Title: Re: الخلود لله وانا عندي خالد وبريدو شديد .....
Author: حمزاوي
Date: 12-19-2009, 10:04 AM
Parent: #27
عفاف بت القبائل
تسلم البطن الجابتك
أخوي خالد
سيد الرجال
زول الهوبا
أسمك في الرجال عمسيب
وانت يا فرنيب
انت للضرس عرديب
|
Post: #30
Title: Re: الخلود لله وانا عندي خالد وبريدو شديد .....
Author: أحمد الشايقي
Date: 12-19-2009, 11:04 AM
Parent: #28
الاخت الكريمة عفاف
خالد المحرب من الرجال الذين تأسف على وقت مضى من عمرك لم تتعرف فيه إليه
وافر التقدير لكلماتك الرصينة
أحمد الشايقي
|
Post: #61
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:01 AM
Parent: #22
| Quote: عفاف .. مبروك الغويشات .. |
اهلين يا العريس
لو في مباركة
بارك لي سيد الغويشات
|
Post: #36
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 01:46 PM
Parent: #20
Quote:
عفاف ربنا يديم المحبة والوفاء
خالد كمل الرجالة لمن دفقت
وانتى يا بت الشيوخ مليتو عينو لمن دفقت
وكل ما تقوليه فى خالد لك منه النصيب الأوفى
|
الاخ الفاضل ود محجوب
مرورك اسعدني
وكلماتك اسعدتني اكتر
ـــــــــــــــــــــــ
اكان اداك وكتر ما بيقول اديت
ابدرقا موشح كلو بالسوميت
كاتال في الخلا وعقبان كريم في البيت
|
Post: #34
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 01:33 PM
Parent: #19
Quote: عفة يا ذوق وخفة روح ..
تسلمي انتي ويسلم ابو احمد ..
ربنا يغطيئكم ويحفظكم .. ويبعد الحسد والشرور عنكم ..
انتي تستاهلي ابو احمد يا ام احمد .. والطيبون للطيبات .. |
الغالية عفاف
الله يسلم قلبك
يا ست الزوق كله انتي
شكــرا على المرور
|
Post: #31
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 11:12 AM
Parent: #18
Quote: وببركة السنة الهجرية الجديدة
ربنا يفتح عليكم ابواب رحمته
ويخلي ليكم وليداتكم.....
ويحفظ كل اسرة من كل سوء
لكي وللاستاذ خالد ولاسرتكم الكريمة
كل الاحترام والتقدير وصادق الدعوات
بحياة هانئة سعيدة |
الاخ هارون
شكـــــرا على دعواتك
رنا يبشرك بالخير يوم تلاقيه
دم بخير
|
Post: #29
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 11:02 AM
Parent: #1
|
Post: #32
Title: Re: الخلود لله وانا عندي خالد وبريدو شديد .....
Author: ناذر محمد الخليفة
Date: 12-19-2009, 12:34 PM
Parent: #29
يا سلااام يا عفاف ..
على غرار أغنية السمحة أم ولدي البتغنيها ندى القلعة ،
بقترح عليكي تصيغي نص (السمح أبو ولدي) للأرباب المحرب وترسليها ليها برضو ..
|
Post: #33
Title: Re: الخلود لله وانا عندي خالد وبريدو شديد .....
Author: الطيب شيقوق
Date: 12-19-2009, 01:30 PM
Parent: #32
الله يخليكم ويحفظكم ام احمد
|
Post: #35
Title: Re: الخلود لله وانا عندي خالد وبريدو شديد .....
Author: الشامي الحبر عبدالوهاب
Date: 12-19-2009, 01:41 PM
Parent: #33
خالد المحرب
من الذين وصفهم محمد سعيد العباسي:
رفاق الضيف انا حلّ هبو
لهم للضيف ضم والتزام
اذا نحروا العشار مودعات
فلا من بذاك ولا كلام
ربنا يديم عليكم يا عفاف السعادة والهناء
|
Post: #37
Title: Re: الخلود لله وانا عندي خالد وبريدو شديد .....
Author: د.محمد حسن
Date: 12-19-2009, 01:47 PM
Parent: #35
حميدة قال:
| Quote: عفاف .. مبروك الغويشات .. |
وحسب الافادات
قالوا اشترى ليها شقةباسمها في قاهرة المعز
ابو احمد سلامات يا راجل يا ارباب
ام احمد
سلامات يا زولة سعن سمن للضيفان
ربنا يحفظكم
|
Post: #40
Title: Re: الخلود لله وانا عندي خالد وبريدو شديد .....
Author: خالد عنان عمر
Date: 12-19-2009, 02:13 PM
Parent: #37
ربنا يحفظكم ويغطيكم
آمين
|
Post: #65
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:12 AM
Parent: #40
Quote: ربنا يحفظكم ويغطيكم
آمين |
الاخ خالد
شكـــــرا
ويحفظك انت من كل شر
|
Post: #64
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:11 AM
Parent: #37
Quote: وحسب الافادات
قالوا اشترى ليها شقةباسمها في قاهرة المعز
ابو احمد سلامات يا راجل يا ارباب
ام احمد
سلامات يا زولة سعن سمن للضيفان
ربنا يحفظكم |
ابو التومات
كيفك يا زول يا جميل
خالد اشترى لي الدنيا كلها وختاها لي في عيوني
|
Post: #38
Title: Re: الخلود لله وانا عندي خالد وبريدو شديد .....
Author: عبد الفتاح زوما
Date: 12-19-2009, 01:54 PM
Parent: #35
الاستاذة / عفاف
سلام مع التحايا العطرة
اولا نسال الله ان يديم بينكم المودة والرحمة والمعروف
وان تسعدوا بابنائكم وقرات اعينكم
شهدنا فخر الامهات بابنائها وشهدنا فخر الخنساء
ورصيفاتها بالاشقاء .. وقلما شهدنا زوجا تفخر ببعلها
انت درة نادرة من النساء
اسال الله ان يحفظكم من كل سوء و تطفوا 100 شمعة
|
Post: #66
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:15 AM
Parent: #38
Quote: الاستاذة / عفاف
سلام مع التحايا العطرة
اولا نسال الله ان يديم بينكم المودة والرحمة والمعروف
وان تسعدوا بابنائكم وقرات اعينكم
شهدنا فخر الامهات بابنائها وشهدنا فخر الخنساء
ورصيفاتها بالاشقاء .. وقلما شهدنا زوجا تفخر ببعلها
انت درة نادرة من النساء
اسال الله ان يحفظكم من كل سوء و تطفوا 100 شمعة |
الاخ الفاضل عبدالفتاح
شكــــرا على الكلام الجميل
صدقني لو عرفت خالد عن قرب ح تعرف سر فخري بيه
دم بخير
|
Post: #63
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:04 AM
Parent: #35
Quote: خالد المحرب
من الذين وصفهم محمد سعيد العباسي:
رفاق الضيف انا حلّ هبو
لهم للضيف ضم والتزام
اذا نحروا العشار مودعات
فلا من بذاك ولا كلام
ربنا يديم عليكم يا عفاف السعادة والهناء |
خالي العزيز مرورك ليه طعم خاص
شكــرا يا راقي
|
Post: #60
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 08:56 AM
Parent: #33
| Quote: الله يخليكم ويحفظكم ام احمد |
لطيب الزول الجميل شكرا على النصائح القيمة..
لكن العنكوليب يعني شنو؟؟
|
Post: #39
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-19-2009, 02:03 PM
Parent: #32
الأخوة
محمد حسن العمده
سيف بخيت موسى
ود الباوقه
حمزاوي
احمد الشايقي
نـــــاذر
شكرا على مشاركاتكم وكلماتكم الجميلة
ومشكورين جزيلا على المرور
وده خالدي:
يا الفي الرجال قبيل ما بشبهوك بالناس
يا جبل الدهب الصافي ماك نحاس
|
Post: #41
Title: Re: الخلود لله وانا عندي خالد وبريدو شديد .....
Author: حسن مضوي
Date: 12-19-2009, 02:27 PM
Parent: #39
الأستاذة / عفاف
ربنا يديم بينكم المحبة
ويحفظكم من كل شيطاناً مارد
وتحياتنا لي شيخ العرب خالد المحرب
|
Post: #42
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:31 PM
Parent: #41
الفقرة الجاية دي برعاية ( كع) ف ممنوع دخول التي شيرت
والبنطلون والبلاوز دي إلا تجينا بصحبة مأمونة مع وجود محرم شرعي
كذلك يمنع إصطحاب الحناكيش ومن لف لفهم من وليدات المصارين البيضا المخضرمين
(يوجد أب شنب و أب زرد والتِلِب و أبان مسوحاً مي و أخوان البنات )
يمنع منعاً باتاً حمل التشيز حتي لو أستدعي إستعمال الغاز المسيل للدموع
(توجد حُمرة عين )
ممنوع دخول السندوتشات بكافة انواعها ، وكان للبيتزا دي تشموها قدحة!
( سيد الحوش سكينوا حمرا وواقف للضيوف ألف أحمر )
الآلات الوترية والنحاسية ( ما عدا نحاس أبو دليق ) والتمتم والريقي و الراب تحرم تحريماً
كاملاً وشاملاً في كل المذاهب والشرايع اللِيلت البوست
( توجد سيرة و عرضة ودلوكة فقط )
ممنوع إرتداء القمصان يا جماعة الضرب سيطان
هذه الفقرة تحت شعار
الحِجازة عاد لي متين كلو زول أدو سوطين
كع
ما داير أيي كلام لمدة تلاتة كبايات شاي حمرا
وسجارة من نفس اللون
|
Post: #43
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:32 PM
Parent: #42
(1)
من زمناً تليد ياكا الأصيل الخالد
وارث في الكرم عزاً قديماً خالد
ود شيخ العرب الفرعوا يوت متخالد
مصيون بالعفاف قابض حريرو وخالد
|
Post: #44
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:35 PM
Parent: #43
(2)
ما بتزِح شِبِر.. للدنيا ماك خواف
يا الوِتدك يمين داقِنوا في الرجاف
فُت جبل أحد.. والليه حجّ الطاف
أوصافوا التِلِب مزيون وصاينوا عفاف
|
Post: #45
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:38 PM
Parent: #44
(3)
ماك مشحود علي طبعاً جميلاً خايل
بي عفة وكرم تقّلت جملاً شايل
ما شافوك تزِح لو كان تجيكا هوايل
أجواداً أصِل فايت ملوك و قبايل
|
Post: #46
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:39 PM
Parent: #45
(4)
أم أحمد لجين لو كان لقيت أوصافة
لا قالت شِوي لا قالوا دي الشنافة
السبب البخلي الروح تدوب في سلافة
ملكة مأصلة.. سلطانة تاجة عفافة
|
Post: #47
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:41 PM
Parent: #46
(5)
شتلة منصح الجرف النبت تيرابو
بي قلب الرضيع القام و فتّح دابو
بي زينة طبِع قلبي أستلمتوا صوابوا
نجحوا الخلفوك الليلة غابوا و جابوا
|
Post: #48
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:44 PM
Parent: #47
(6)
حلفوا الجوك ضيوف بي ذاتو عزّ وجلّ
قبال يدخلوا .. الكِسرة سابقة الحلة
تحلِف للمبيت .. آبريكا دوب إنبلّ
يا شيخ العرب ... منك يحلنا بلة
|
Post: #49
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:45 PM
Parent: #48
(7)
فوق سافل صعيد لا غادي مشرِق ومغرب
صيتك فات بعيد فرطاق خيولوا يقرّب
السبب البِخل شمسك تدور ما تمغرِب
محمد بالعفاف ميزانوا خالد المحرِب
|
Post: #50
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:48 PM
Parent: #49
(8)
يا عم عبد الجليل الليلة زولك سوّا
شافوا هداك نُقُد قايد رتاينوا و ضوّا
السبب البخلي الزول يبيت القوّة
خالداً ما أتولد ولا مِتلوا جابت حوة
|
Post: #51
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:51 PM
Parent: #50
(9)
يا ست النفايل برد الليالي الحرّن
بت ناساً أسود لو النصايب مرّن
في الزمن المحل وكت الغمايم ترّن
خليتي العجاف من تاني حلبن و درّن
كع
|
Post: #52
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 07:55 PM
Parent: #51
أها
إن عدتم عدنا
كع
|
Post: #53
Title: Re: الخلود لله وانا عندي خالد وبريدو شديد .....
Author: ismeil abbas
Date: 12-20-2009, 08:14 PM
Parent: #52
الله يحفظم يارب.....
بسعد لمثل هذا البوح الوفى...
وفى هذه الدنيا الجميلة دنيا ألأزواج....تعجبنى العلاقة المييزة من الود والتعامل الراقى..بين ألفنان أبوعركى البخيت ود/عفاف الصادق.,;وكثير من ألأزواج الذين أعرفهم...وقد لاحظت من المودة بينهم الله يخفظهم ماتخضر به صحراء قاحلة..
العلاقة المبينة على الحب والوضوح وألأحترام عادة مايسودها النجاح 27 عام وعقبال أضعافهم أم أحمد وأبو أحمد وانتم ترفلون فى نعيم وسعادة يارب...
كنت كثيرآ ما اتناول ما يقدمه التلفزيون من حلقات تهتم بشأن ألأسرة هنا..وعرضت قبل ذلك بوست عن تلك الحلقة المميزة التى قدمها د/البونى وألأستاذة منى أبوزيد..وما باحت به السدة الفضلى خلود كبيدة عن جمال المفردة التى تتعامل بها مع زوجها وكم أسعدتنى وهى ترددها
http://Re: ألمرأة بعد تلد الجنى ما بتدى الهنا..
لكم التقدير وربنا يحفظكم ويحفظ أولادكم يارب......
|
Post: #70
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:44 AM
Parent: #53
Quote: الله يحفظم يارب.....
بسعد لمثل هذا البوح الوفى...
وفى هذه الدنيا الجميلة دنيا ألأزواج....تعجبنى العلاقة المييزة من الود والتعامل الراقى..بين ألفنان أبوعركى البخيت ود/عفاف الصادق.,;وكثير من ألأزواج الذين أعرفهم...وقد لاحظت من المودة بينهم الله يخفظهم ماتخضر به صحراء قاحلة..
العلاقة المبينة على الحب والوضوح وألأحترام عادة مايسودها النجاح 27 عام وعقبال أضعافهم أم أحمد وأبو أحمد وانتم ترفلون فى نعيم وسعادة يارب...
لكم التقدير وربنا يحفظكم ويحفظ أولادكم يارب...... |
و أنا بسعد بمعرفة اخوان بالجد زيك انت
تسلــــم يا انسان يا نقي
|
Post: #54
Title: Re: الخلود لله وانا عندي خالد وبريدو شديد .....
Author: ناذر محمد الخليفة
Date: 12-20-2009, 08:28 PM
Parent: #52
هيييييييييييييع !!
أبشر بالخير يا حبيب نورة ..!
|
Post: #55
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 11:08 PM
Parent: #54
Quote: هيييييييييييييع !!
أبشر بالخير يا حبيب نورة ..! |
مرحب حبابك يا ود الخليفة
وتسلم كتير أخوي
أخبار البتاعات شنو؟
ياخي الدنيا مشتهياك
|
Post: #56
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-20-2009, 11:14 PM
Parent: #55
من حوض أبو صلاح
أسمعوا دي معاي
جافي المنام لاسعني حي ام زاد غرام ضاوي المحي
قالب الدرع يقدل ضحي طال جيدو فاق ظبي السحي
قالي تطوف بي كل حي كيف تبقي عاشق وانت حي
لو يانسيم مريت عشي قبل فويطرات الرشي
قوليه قط مابي شي الا الغرام شاويني شي
خليك خفيف رايق بني لاتتني قامة الدابو ني
املد خصر خاتي التني حق نهدو يلعبو التني
ياللردف خصر تكي انا من هواك دايماً شكي
فاطرك وقد بالبسمة كي يشويني لايكويني كي
عينيك متل عين الظبي السارحة بي شويدن الربي
كم بالدعج هلكن صبي جاهلابو زي ماجاهلة بي
نورتي يالخد الجلي تخفي الجواهر والحلي
خبرني يابصدراً عُلي البرتكان ليك والا لي
قالي دا لااتباع لاشُري احسبلو فوق نجم التري
لسع رخيص ناعم طري خمر الدلال باقيلو ري
سائل حميمات الودي بالزمة يغشن للجدي
يردن ذلال فاهو الندي عن نيلو قصرن ساعدي
ياقلبي كون بالحب رُضي انا لي رضاك ماشافلي ضي
|
Post: #57
Title: Re: الخلود لله وانا عندي خالد وبريدو شديد .....
Author: صديق الموج
Date: 12-21-2009, 01:50 AM
Parent: #56
بت القبائل سلام
يمين القلتيه كلو ما يساوى عشر العشر فى ابواحمد
فهذا رجل والرجال قليل
لكن مهما بذلتى من جميل القول
فابو احمد يكن لك الود مضاعفا
ولكن هذا لا يلغى المشروع يا بت شيوخ البطاحين
فمشروعنا انا وابو احمد سوف يرى النور قريبا
لووووووووووووووووووووووووووووول،،،
|
Post: #58
Title: Re: الخلود لله وانا عندي خالد وبريدو شديد .....
Author: طارق عبد اللطيف نقد
Date: 12-21-2009, 07:35 AM
Parent: #57
الله يخليكم لي بعض وتفرحوا بي نجاح وليداتكم
وانا برضو شهادتي مجروحة
لكن بي الطريقة دي يا عفاف
انا ح اشوف لي باسويرد لي راما!!!
|
Post: #59
Title: Re: الخلود لله وانا عندي خالد وبريدو شديد .....
Author: صديق الموج
Date: 12-21-2009, 07:47 AM
Parent: #58
Quote: لكن بي الطريقة دي يا عفاف
انا ح اشوف لي باسويرد لي راما!!! |
طارق لو سمحت ممكن تكتب فى رابعةالنهار والعين بتشوف
بسم الله يا شيخى...
بعدين خالتى عفاف دى بقت حبوبه تكتب زى ما تكتب وكان
سالوها بتتكلوا على الخرف،راما مع شنو كمان؟؟؟
|
Post: #62
Title: Re: الخلود لله وانا عندي خالد وبريدو شديد .....
Author: محمد عمر الفكي
Date: 12-21-2009, 09:02 AM
Parent: #59
كتب الموج
Quote: بت القبائل سلام
يمين القلتيه كلو ما يساوى عشر العشر فى ابواحمد
فهذا رجل والرجال قليل
لكن مهما بذلتى من جميل القول
فابو احمد يكن لك الود مضاعفا
ولكن هذا لا يلغى المشروع يا بت شيوخ البطاحين
فمشروعنا انا وابو احمد سوف يرى النور قريبا |
الفهمته انك عندك نية عرس، بس صدقني انت داير لك سنين عشان تنسى شاكوش (نجوم ونجوم) عشان كدا كل ناس المنبر عارفينك زول بيهضرب ساكت.
انت يا حاج صديق مافي زول بيكتب فيك كلام حلو زي دا لشنو؟
الاخت الغالية عفاف
ادمك الله لابو احمد وادمه لك وادام لكم البنيات والابناء والاحفاد وربنا يحفظكم من كل شر يا ركائز القبيلة.
|
Post: #74
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 10:01 AM
Parent: #62
Quote: الاخت الغالية عفاف
ادمك الله لابو احمد وادمه لك وادام لكم البنيات والابناء والاحفاد وربنا يحفظكم من كل شر يا ركائز القبيلة. |
الاخ محمد شكرا على الدعوات
وشكرا على المرور
|
Post: #73
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:58 AM
Parent: #58
Quote: الله يخليكم لي بعض وتفرحوا بي نجاح وليداتكم
وانا برضو شهادتي مجروحة
لكن بي الطريقة دي يا عفاف
انا ح اشوف لي باسويرد لي راما!!! |
اهلين يا طارق
خالد انا لو كتبت فيه البحر مداد ما بوفيه حقه في الكلام
الله يخليه لي ولي بناته وليكم كلكم
|
Post: #72
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:54 AM
Parent: #57
Quote: بت القبائل سلام
يمين القلتيه كلو ما يساوى عشر العشر فى ابواحمد
فهذا رجل والرجال قليل
لكن مهما بذلتى من جميل القول
فابو احمد يكن لك الود مضاعفا
ولكن هذا لا يلغى المشروع يا بت شيوخ البطاحين
فمشروعنا انا وابو احمد سوف يرى النور قريبا
لووووووووووووووووووووووووووووول،،، |
اوووووو
امانة البوست ما جاب ضرس
كيفك يا جدو
البيتو من قزاز مابيفلق
حباب سيد الناس كلهم بس المضرة مافي داعي ليها
خالد ده فك دربو
|
Post: #89
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:46 PM
Parent: #57
Quote: ولكن هذا لا يلغى المشروع يا بت شيوخ البطاحين
فمشروعنا انا وابو احمد سوف يرى النور قريبا
لووووووووووووووووووووووووووووول،،، |
مشروع زي دة يعني شروع في الإنتحار يا شيخ العرب
أعمل حسابك شديد وود الموج دة خرّاب عامرة
|
Post: #71
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:47 AM
Parent: #54
Quote: هيييييييييييييع !!
أبشر بالخير يا حبيب نورة ..! |
ناذر
عليك الله حبيب نورة ده اعمل ليه شنو
سلملي على رزة ولميس
|
Post: #69
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:39 AM
Parent: #43
Quote: من زمناً تليد ياكا الأصيل الخالد
وارث في الكرم عزاً قديماً خالد
ود شيخ العرب الفرعوا يوت متخالد
مصيون بالعفاف قابض حريرو وخالد |
اوووووو
كان نفسي زول يغني لي في خالد
وانت كفيت ووفيت
كامل ودي وإعتزازي
ابقى قريب
|
Post: #68
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:28 AM
Parent: #42
Quote: الفقرة الجاية دي برعاية ( كع) ف ممنوع دخول التي شيرت
والبنطلون والبلاوز دي إلا تجينا بصحبة مأمونة مع وجود محرم شرعي
كذلك يمنع إصطحاب الحناكيش ومن لف لفهم من وليدات المصارين البيضا المخضرمين
(يوجد أب شنب و أب زرد والتِلِب و أبان مسوحاً مي و أخوان البنات )
يمنع منعاً باتاً حمل التشيز حتي لو أستدعي إستعمال الغاز المسيل للدموع
(توجد حُمرة عين )
ممنوع دخول السندوتشات بكافة انواعها ، وكان للبيتزا دي تشموها قدحة!
( سيد الحوش سكينوا حمرا وواقف للضيوف ألف أحمر )
الآلات الوترية والنحاسية ( ما عدا نحاس أبو دليق ) والتمتم والريقي و الراب تحرم تحريماً
كاملاً وشاملاً في كل المذاهب والشرايع اللِيلت البوست
( توجد سيرة و عرضة ودلوكة فقط )
ممنوع إرتداء القمصان يا جماعة الضرب سيطان
هذه الفقرة تحت شعار
الحِجازة عاد لي متين كلو زول أدو سوطين
كع
ما داير أيي كلام لمدة تلاتة كبايات شاي حمرا
وسجارة من نفس اللون |
ولدي الحبيب ما عارفه اقول ليك شنو
اسعدتني حد الثمالة
وادهشني حد الذهول
انت انسان جميل
تسلم البطن الجابتك
صدقني شعوري بيك نفس احساسي بأحمد ولدي
|
Post: #67
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-21-2009, 09:21 AM
Parent: #41
Quote: الأستاذة / عفاف
ربنا يديم بينكم المحبة
ويحفظكم من كل شيطاناً مارد
وتحياتنا لي شيخ العرب خالد المحرب
|
حسن مضوي شكــــرا على الدعوات الصادقة
|
Post: #75
Title: Re: الخلود لله وانا عندي خالد وبريدو شديد .....
Author: خالد علي محجوب المنسي
Date: 12-21-2009, 10:25 AM
Parent: #67
Quote: كل كلمه قالها يوسف البنّا في الرجال
بقولها ليكم
:من العرفته في 27 سنه
كلهم انا انجمعت لي في خالـــد قدر ما اقول ما بوفيه حقهه
وقولو ما شاء الله وكل يوووم
وده باب مفتوح لي دواخلي مليان نور |
الكلمة الصادقة بلسم
لحن جميل في صبح أجمل
حديث القلوب وصدقه دواء
خالد رجل وأخ كريم وكفى
وكل دُعائنا أن يجمعنا به المولى عز وجل يوما
نحادثه نجد في نبرات صوته أخ تعرفه من زمن طال
يفقد الغائب يتب حفيان للقادم هين باش مقدام وقدامي
لكم أسرة كل المنى بدوام السعادة والهناء ومزيد دوماً
تحياتي أختي عفاف أبوحريرة
|
Post: #76
Title: Re: الخلود لله وانا عندي خالد وبريدو شديد .....
Author: خالد المحرب
Date: 12-21-2009, 08:00 PM
Parent: #75
للتو وصلت من الدمام المنطقه الشرقيه فى السعوديه لارتباطى بها كعمل لقيت ست البيت فاتحه بوست غزل بالنسبة لى
امتداد لى حب سنين غير معلن ولكن فاليكن شكرا ست البيت ومن هنا انا اشكر كل المتداخلين من احبتى فى المنبرالكبير
وقريت كل المداخلات واحنو هامتى لكم حب واحترام بما فيكم ست البيت شكرا للجميع
|
Post: #77
Title: Re: الخلود لله وانا عندي خالد وبريدو شديد .....
Author: الطيب شيقوق
Date: 12-22-2009, 05:50 AM
Parent: #75
Quote: للتو وصلت من الدمام المنطقه الشرقيه فى السعوديه لارتباطى بها كعمل لقيت ست البيت فاتحه بوست غزل بالنسبة لى
امتداد لى حب سنين غير معلن ولكن فاليكن شكرا ست البيت ومن هنا انا اشكر كل المتداخلين من احبتى فى المنبرالكبير
وقريت كل المداخلات واحنو هامتى لكم حب واحترام بما فيكم ست البيت شكرا للجميع |
اكيد بتتابعوا الاتنين للجامع عند كل صلاة
ام احمد
طالما ما عندكم عنكوليب خصمتك بالنبي شيلي ليهو الابريق وكبي ليهو بيدك عشان يتوضأ ويصلي زيييييييييين نامن جبهتو تبين فيها الغرة
|
Post: #78
Title: Re: الخلود لله وانا عندي خالد وبريدو شديد .....
Author: Khalid Saeed
Date: 12-22-2009, 09:46 AM
Parent: #77
الأخت العزيز أم أحمــد ..
سلام من الله يغشاكم ويحفكم ..
مثلكم يحسن الوفاء لمثل خالد الذي خبرته وعرفته في دروب الغربة التي تفرز الذهب من النحاس ..
عرفته كريماً .. داره العامرة دارنا .. إلتقيناه بود .. فهو نعم الصديق ونعم الأخ .. فمثل خالد لابد ان تكون خلفه أمرأة توزن مليون نفر .. تحقيقاً للمقولة التي مفادها [ وراء كل رجل عظيم إمرأة ] ..
التحية لك وللأرباب خالد أبو أحمد وللأسرة الكريمة ..
تحياتي،
أخوكم/ خالد سعيد
|
Post: #79
Title: Re: الخلود لله وانا عندي خالد وبريدو شديد .....
Author: محمود بكر
Date: 12-22-2009, 06:06 PM
Parent: #78
الافاضل الاعزاء/ لم احمد واب احمد
اسال الله ان يديم المحبة والود بينكما
وان يطرح البركة في ذريتكم
وان يجعل بيتكما عامر بالقران والايمان والحب والمال والضيفان
وان يجعله خاليا من كل شر وان يبعد عنكما شيطان الانس والجن اللهم امين
|
Post: #80
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:06 PM
Parent: #79
ناس البمبر سلام
عُقبان جيتكم أواخر ليل
وعارف إنو ديوان النعيم ود حمد
ولا بنسد!
بابوأ مفتوح تكية للعدمان والمعلم الله
الدنيا براكم خربانة
دخلوها ناس قريعتي راحت
دخلوها وصقيرا حام
عقبان جيتكم قاصد بليلة مباشر عشم !
مقاشر ضبيحة فسالة بتكبّر بلا قبلة وما بتعرف بسم الله !
ماعونا حانِف وشوا
يحلف عليك اليمين جهراً
وبطنوا ماسكة غبينة ما بقشها السم اليقطع مصارينك
ناس أكلوا يا جماعة كل شئ فضلة خيركم!!
وتحت تحت !!
إنشاء الله بالساحق والماحق والبلا المتلاحق
عقبان جيتكم يا أمي
وطعم المغايس يهرد في حشاي زي ضبيحة مقاشر
بدور أنجم في ضراكم
الطعموا كيف الموية الباردة و ضل الساعة إتنين
عراقي و عنقريب هبابي
وقلية بُن
تفك قريفة السنين البانجقلي
وما داير أيي نضم إلا بعد أشرب البكري والبركة و التني و راجل الدرب
ومعاكم حتي المصماص
دقيقة بس !
|
Post: #81
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:10 PM
Parent: #80
(10)
وافرة سحايبو باهلة ثم دانية قطوفوا
دقُر يا عيون تفتش لي منازلوا تطوفوا
من فيض خصالوا ....الكملت معروفوا
ناروا تودّر القِرّة .. و تعشي ضيوفوا
|
Post: #82
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:13 PM
Parent: #81
(11)
مِي قمحانة مِي كملانة تنهل من رشاش الغيمة
كامل دينا ضاوية رتينة ترضع من عفافا حليمة
بُرعي سقاها زادوا هناها تشكر فضلوا صايم ديمة
قادلة حلاتة كاملة صَلاتة بي دينها و حياتة عليمة
|
Post: #83
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:16 PM
Parent: #82
كم دكيت وكم هدّيت ..جلاميد الجبال المِنعن
كم شاشيت وكم قشيت سباليق العيون الدِمعن
السبب البخلييك ....... ديمة سند القِنعن
فراسةً بيها ..... أخوات البنات ما سمعن
|
Post: #84
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:18 PM
Parent: #83
نحن هلكنا يا يمة... وكتلنا شهابك
راكبين في ضهور الخيل و فوقنا سنابك
السبب البخلي الروح دايماً تلازم بابك
فوق نسل الكرام يا يمة وين تيرابك
|
Post: #85
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:21 PM
Parent: #84
ماها قصيرة طالت بي حميد أفعالا
ماها طويلة حالِك ديسا يتشابالا
حانية كريمة فاتت نورة والغنالا
بي ما عونا تسبق للبِجن قُبّالا
|
Post: #86
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:23 PM
Parent: #85
الشم خوخت قبل العِصير و أتدلّت
و أتوارا الحرور روح النهار أنسلّت
يا أسد الضرا الفيه مدحي متلّت
برقاً قبلي بي ريقوا العطاش أنبلّت
|
Post: #87
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-22-2009, 07:24 PM
Parent: #86
كع .....
بجيكم باكر كان الله طلق
|
Post: #95
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-23-2009, 04:14 PM
Parent: #86
Quote: الأخت العزيز أم أحمــد ..
سلام من الله يغشاكم ويحفكم ..
مثلكم يحسن الوفاء لمثل خالد الذي خبرته وعرفته في دروب الغربة التي تفرز الذهب من النحاس ..
عرفته كريماً .. داره العامرة دارنا .. إلتقيناه بود .. فهو نعم الصديق ونعم الأخ |
الارباب انت بجد اخو وينشد بيك الحيل
شوف حبيب نوره كلامه ده كيف والله ياخالد لمن بكيت
الشم خوخت قبل العِصير و أتدلّت
و أتوارا الحرور روح النهار أنسلّت
يا أسد الضرا الفيه مدحي متلّت
برقاً قبلي بي ريقوا العطاش أنبلّت
|
Post: #88
Title: Re: الخلود لله وانا عندي خالد وبريدو شديد .....
Author: Kamal Karrar
Date: 12-22-2009, 07:38 PM
Parent: #84
يا سلام,,,,,
الله يديم ما أسبغ عليكما من نعماء المودة والسكن والمحبة..
حفظكما الله ما طلعت شمس على البرية...
يا سلام....فالموقف يتقاصر عنه أي وصف
وفوق أي كلمات...
وأقول لإبي أحمد هذا ليس غزلا ...
بل هو خلود المحبة..وريدة فاضت عن دن الروح
فتدفقت وتبدت لنا لنكون عليها شاهدين ومعجبين
يا له من ألق مبهج
|
Post: #90
Title: Re: الخلود لله وانا عندي خالد وبريدو شديد .....
Author: خالد المحرب
Date: 12-23-2009, 01:20 PM
Parent: #88
الاخ الكريم خالد الارباب كيفك يارجل وربنا يديم الخوه المى خوة قزايز وسكره
تحياتى ياابوضراع
|
Post: #91
Title: Re: الخلود لله وانا عندي خالد وبريدو شديد .....
Author: خالد المحرب
Date: 12-23-2009, 01:26 PM
Parent: #90
Quote: اسال الله ان يديم المحبة والود بينكما
وان يطرح البركة في ذريتكم
وان يجعل بيتكما عامر بالقران والايمان والحب والمال والضيفان |
شيخنا واخونا محمود بكر نسال الله ان يتقبل هذه الدعوات من اخ مخلص
مثلك دم بخير شكرا
|
Post: #98
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-23-2009, 04:41 PM
Parent: #88
Quote: يا سلام,,,,,
الله يديم ما أسبغ عليكما من نعماء المودة والسكن والمحبة..
حفظكما الله ما طلعت شمس على البرية...
يا سلام....فالموقف يتقاصر عنه أي وصف
وفوق أي كلمات...
وأقول لإبي أحمد هذا ليس غزلا ...
بل هو خلود المحبة..وريدة فاضت عن دن الروح
فتدفقت وتبدت لنا لنكون عليها شاهدين ومعجبين
يا له من ألق مبهج |
الاخ الفاضل كمال كرار
طالما في ناس مرهفين زيك اكيد نحنا بالف خير
شكرا للمرور الراقي و جميل
|
Post: #99
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-23-2009, 04:41 PM
Parent: #88
Quote: يا سلام,,,,,
الله يديم ما أسبغ عليكما من نعماء المودة والسكن والمحبة..
حفظكما الله ما طلعت شمس على البرية...
يا سلام....فالموقف يتقاصر عنه أي وصف
وفوق أي كلمات...
وأقول لإبي أحمد هذا ليس غزلا ...
بل هو خلود المحبة..وريدة فاضت عن دن الروح
فتدفقت وتبدت لنا لنكون عليها شاهدين ومعجبين
يا له من ألق مبهج |
الاخ الفاضل كمال كرار
طالما في ناس مرهفين زيك اكيد نحنا بالف خير
شكرا للمرور الراقي و جميل
|
Post: #94
Title: Re: الخلود لله وانا عندي خالد وبريدو شديد .....
Author: خالد المحرب
Date: 12-23-2009, 03:56 PM
Parent: #81
Quote: الكلمة الصادقة بلسم
لحن جميل في صبح أجمل
حديث القلوب وصدقه دواء
|
يالامزكور ماك منسي ابوحمد حبابك الف ياسمي خالد
عليك الله شوف حبيب نوره اتقطع في المربوع كيف
وافرة سحايبو باهلة ثم دانية قطوفوا
دقُر يا عيون تفتش لي منازلوا تطوفوا
من فيض خصالوا ....الكملت معروفوا
ناروا تودّر القِرّة .. و تعشي ضيوفوا
|
Post: #101
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-23-2009, 07:00 PM
Parent: #80
Quote: عقبان جيتكم يا أمي
وطعم المغايس يهرد في حشاي زي ضبيحة مقاشر
بدور أنجم في ضراكم
الطعموا كيف الموية الباردة و ضل الساعة إتنين
عراقي و عنقريب هبابي
وقلية بُن
تفك قريفة السنين البانجقلي
وما داير أيي نضم إلا بعد أشرب البكري والبركة و التني و راجل الدرب
ومعاكم حتي المصماص
دقيقة بس |
دقيقه بس ياودحشاي
الحشا رحم
وبرضوالحشا فؤاد
وانت جيت من الاتنين
ملكت لب روحي ووصفت لي نور العين
من اي ارض جيت
وباي قول بحت
اتيت من داخلي
ولبيت كل ماصبأت اليه روحي
انت مني وانا منك
وكلن يحب ويمجد ذلك الاب الخالد
كنت حبيب نوره
دووووم حبيب امك
|
Post: #96
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-23-2009, 04:33 PM
Parent: #79
Quote: اسال الله ان يديم المحبة والود بينكما
وان يطرح البركة في ذريتكم
وان يجعل بيتكما عامر بالقران والايمان والحب والمال والضيفان
وان يجعله خاليا من كل شر وان يبعد عنكما شيطان الانس والجن اللهم امين
|
استاذي الفاضل محمود بكر
اهو دعوتك دي براها بالدنيا شكرا يا اصيل
|
Post: #92
Title: Re: الخلود لله وانا عندي خالد وبريدو شديد .....
Author: خالد المحرب
Date: 12-23-2009, 01:33 PM
Parent: #75
Quote: وكل دُعائنا أن يجمعنا به المولى عز وجل يوما
نحادثه نجد في نبرات صوته أخ تعرفه من زمن طال
يفقد الغائب يتب حفيان للقادم هين باش مقدام وقدامي
لكم أسرة كل المنى بدوام السعادة والهناء ومزيد دوماً
|
الاخ خالد المنسى انت بكفوك براك ياشيخ اولاد جعل اخى
الكريم برجع ليك بعد شويه تحياتى
|
Post: #93
Title: Re: الخلود لله وانا عندي خالد وبريدو شديد .....
Author: سمية الحسن طلحة
Date: 12-23-2009, 02:55 PM
Parent: #92
خالد وعفاف
ربنا يحفظكم
ويبلغكم أملا لم تبلغوه
ويرضى عنكم رضاءً لم تعلموه
وياعفاف خالد هو خالد
لايطول مقامه قول
وكل الأوصاف تحوم حول حماه
ولاتملك مقدرة إرتياد صميمه
له التحية وعميق الإحترام
وأطيب الأمنيات بعام سعيد
ولك وللأبناء ولضيوفك الكرام
وتحايا خاصة وخالصة لـ :
حبيب نورة
.
|
Post: #97
Title: Re: الخلود لله وانا عندي خالد وبريدو شديد .....
Author: nazar hussien
Date: 12-23-2009, 04:36 PM
Parent: #93
هذا بوح القلوب الصادقة وتقية ونقية...
تحياتي وامنياتي لكم بدوام السكينة...والعافية...
|
Post: #102
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 12-23-2009, 07:19 PM
Parent: #97
Quote: هذا بوح القلوب الصادقة وتقية ونقية...
تحياتي وامنياتي لكم بدوام السكينة...والعافية... |
اهلا اخي نزار
الشي البعرفو عنك انك بتقطع اخضر
مالك بخلت علينا بي صميم نمك
|
Post: #103
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-23-2009, 08:17 PM
Parent: #97
Quote: طارق لو سمحت ممكن تكتب فى رابعةالنهار والعين بتشوف
بسم الله يا شيخى...
بعدين خالتى عفاف دى بقت حبوبه تكتب زى ما تكتب وكان
سالوها بتتكلوا على الخرف،راما مع شنو كمان؟؟؟ |
وبناءاً عليه أعلن أنا الموقع أدناهُ عن إنسحابي النهائي من حلف صديق الموج
مقطوع الطاري وجميع لجانه المنبثقة في الفارغة والمقدودة
هذا و سنكون لجنة طواري إسعافية عاجلة برئاسة ود شيقوق و عضوية كل من بلة اللديح
و عوض البوم و الطاهر بيضة الديك مقرراً و أمينا عاماً
وذلك لتقييم الأوضاع والخسائر المعنوية والمادية ، و سنطلق عليها إسم لجنة
الطواري لإدانة صديق مقطوع الطاري ، و سنصدر بياناً شديد اللهجة بعنوان
حبوبة في عينك
ونقول فيه يا الموج أمانةً تجيك في عويناتك ماما عفاف دي ما قدُر بناتك ؟
هذا وتهدف اللجنة الطارئة لإبطال مفعول المخطط إياه !!
أو ما يعرف إصطلاحاً بعملية المحرب 2 (تُو)
ونحب أن نعرفهم أنهم مراقبين مراقبة لصيقة و يمنع منعاً باتاً اللعب بالأطراف
والفاولات داخل المنطقة وأيي محاولة لعمل دبل كيك داخل المنطقة هذا يعني إشهار
الكارت الأحمر علي طول !
لأنها تعتبر من الأخطاء العشرة المحرمة دولياً
وعليه يجب إتباع مبدأ اللعب النظيف الموصي عليه من قبل الفيفا برئاسة حبيب بلاتر
عُلم و سنفذ حُمرة عين كدة!
|
Post: #104
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-23-2009, 08:19 PM
Parent: #103
مربعات في هجاء صديق الموج ( مقطوع الطاري)
(1)
الموج لو نطق قالوا بتقع راكوبة
ياخوي العفاف... قمرية فرّت دوبا
شافوها الأهل زاد السرور فرحوبا
ملكة وبت ملوك كيفن تقول حبوبة ؟
|
Post: #105
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-23-2009, 08:21 PM
Parent: #104
(2)
ماروقة الأدب....... مزدانة ما معيوبة
من نسل الكرام..... طيبة أصِل و عروبة
لا ندهت ولِي....... تشكيلوا هم و رطوبة
يا الموج ياخ نِكير فارقتوا بي اعجوبة
|
Post: #106
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-23-2009, 08:24 PM
Parent: #105
(3)
يا أمي الرسول باكر تشوفي بشاير
أشحدي للنبي... صديق تجيه خساير
لو كاس للخراب فرتيق بيوت وعماير
ما يغرِّك نضِم شِن نفلوا موجاً طاير
|
Post: #107
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-23-2009, 08:26 PM
Parent: #106
(4)
الموج ما نصيح... خرّف و زايد جِنّو
هضرابوا أنكشف..... خليهُ فكّت مِنوا
حسادك كتار.. حالفين قسم ما يحِنّوا
لو خالد يمين في إيدنا واثقين مِنوا
|
Post: #127
Title: Re: الخلود لله وانا عندي خالد وبريدو شديد .....
Author: هويدا شرف الدين
Date: 12-27-2009, 01:34 PM
Parent: #97
الأستاذه عفاف
الله يهنيكم ، هو منو الما بحبو بس نحن بنعاين من بعيد لي بعيد لكن وقت جات فرصة كسير وكدي الننداح ونعبر
|
Post: #138
Title: Re: الخلود لله وانا عندي خالد وبريدو شديد .....
Author: nassar elhaj
Date: 01-03-2010, 08:05 PM
Parent: #97
عفاف وخالد
محبةً تطول الكون
وأنتما جمال باذخ أبداً ...
ويا حبيب نورة
جميل أنت
وشاعر أسكرتني هذه الليلة
لكما يا خالد وعفاف بمعلقة حبيب نورة
شعراً
ومديحاً
ومربعات دوبيت
وأحببتها جداً أيها الجميل محمد عبدالغني سابل .
ولكما الحب الجميل عفاف أبوحريرة وخالد المحرب...
نصار الحاج
|
Post: #142
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-04-2010, 03:05 PM
Parent: #138
Quote: عفاف وخالد
محبةً تطول الكون
وأنتما جمال باذخ أبداً ..
|
الجمال كله في معرفة ناس اصيلين
زيك انت واعتدال
مرورك بجد اسعدني
شكرا
|
Post: #108
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-23-2009, 11:07 PM
Parent: #93
Quote: وتحايا خاصة وخالصة لـ :
حبيب نورة |
سمية الحسن طلحة
كتّر ألف خيرك
ربنا يديك العافية يا رب
|
Post: #130
Title: Re: الخلود لله وانا عندي خالد وبريدو شديد .....
Author: خالد المحرب
Date: 01-02-2010, 04:27 PM
Parent: #93
Quote: خالد وعفاف
ربنا يحفظكم
ويبلغكم أملا لم تبلغوه
ويرضى عنكم رضاءً لم تعلموه
وياعفاف خالد هو خالد
لايطول مقامه قول
وكل الأوصاف تحوم حول حماه
ولاتملك مقدرة إرتياد صميمه
له التحية وعميق الإحترام
وأطيب الأمنيات بعام سعيد
ولك وللأبناء ولضيوفك الكرام
وتحايا خاصة وخالصة لـ :
حبيب نورة
|
بت العزاز
مافي شيء بيحسسني بالعجز الا انتم
وما في زول على الوسيعه دي بتأدب ليه حد الخشوع الا انتم
فيكم الادب المحمدي ..ادب بيت النبوة ..وفيكم عظمة الملوك وحلم العارفين
عندك رهبه في نفسي تخليني ادخل البورد واطلع ييغلبني الاقولو ليك
قد ملكتم من القلب مكان
الشيخ الحسن
حاجه هاله
سميه
المجتبى
تلك اسامي اقف عندها كتير ولها اُثر اكتر في نفسي
نورت البوست وحلت عليه البركه
|
Post: #153
Title: Re: الخلود لله وانا عندي خالد وبريدو شديد .....
Author: حبيب نورة
Date: 01-13-2010, 06:37 PM
Parent: #32
Quote: بقترح عليكي تصيغي نص (السمح أبو ولدي) للأرباب المحرب وترسليها ليها برضو ..
|
دة كلام صاح
مسعولين من الخير
مالا أتكنوّا ناركم ماتت!؟؟
|
Post: #100
Title: Re: الخلود لله وانا عندي خالد وبريدو شديد .....
Author: احمد العمار
Date: 12-23-2009, 05:00 PM
Parent: #1
ام احمد تحياتى لك والى ابو احمد
التحية لك وانت تأكدى بأنك نموذج حقيقى للزوجة الصالحة والوفية
والتحية لابو احمد الذى يأكد قول المصطفى ( ص) خيركم خيركم لاهله
فنعم الازواج انت و ابو احمد متعكم الله بالصحة والعافية و ابنائكم
و ادام عليكم نعمة المحبة والوفاء و الاخلاص وافرحكم بتوفيق عيالكم
مع محبتى و تقديرى لكم
أحمد العمار
|
Post: #109
Title: Re: الخلود لله وانا عندي خالد وبريدو شديد .....
Author: nazar hussien
Date: 12-24-2009, 07:54 AM
Parent: #100
Quote: اهلا اخي نزار
الشي البعرفو عنك انك بتقطع اخضر
مالك بخلت علينا بي صميم نمك |
أبشري يا بت العزاز وام العزاز...واسمحي لي ان انم علي لسانك
هيييييييييي ايييييي ايييييي....
رفيقي الدنيا ساعيلها الكرم والسترة
لافحه توب محنة يغيثنا من كل عترة
مودة ورحمة تقدل وتنطرح وتتخترا
تبهل فوقنا خير موية الضراع والنترة
اب أحمد سليل كرما عزيزا وحر
ما لاقيتو عابس (يمة) عيني دقر
الخلاني اتباهي واذيع في ام در
ما لبسني غير سترة وجواهر ودر
(هذه الابيات المنجورة هي لك...وعلي لسانك فان كانت تليق
بمفام اب احمد ...فهي هديتي لكما عن محبة )
|
Post: #110
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-24-2009, 10:31 PM
Parent: #109
أها
نواصل
|
Post: #111
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-24-2009, 10:35 PM
Parent: #110
صنقع للسما .. وبسمل فتح بيبانو
إتدلّي المطر........ سيلاً سرف حيضانو
غني القمري قوق.. رقصن حريم عربانو
مرقوا الناس صفوف قالوا الكرم ميزانو
|
Post: #112
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-24-2009, 10:37 PM
Parent: #111
يا خالد تعال نعَدِل مقاديف رُوسنا
نقطع للشرق من شوفا نغرف كُوسنا
الداير اللقا خلّي اللجرب يكوسنا
أب أحمد قيام يا زول كرهنا جلوسنا
|
Post: #113
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-24-2009, 10:41 PM
Parent: #112
الدنيا السجم فوق راسنا نسجت شيبة
فاتنا النيل رحل ما ضُقنا منو شِريبة
طِريت حِلتنا ديك ومسِيرنا في داديبا
طِريت شايا أب لبن عصراً قريب الغيبة
|
Post: #114
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-24-2009, 10:44 PM
Parent: #113
أصلك ود ملوك نسَبك سليل الأُمرا
ما مِتلك ولد عطّرت سيرة السُفرا
لو دُرت السفر ليكم تكون السَفرة
يقطع للرياض حرّم و أجيكم عُمرة
|
Post: #115
Title: Re: الخلود لله وانا عندي خالد وبريدو شديد .....
Author: صديق الموج
Date: 12-25-2009, 05:35 AM
Parent: #114
Quote: للتو وصلت من الدمام المنطقه الشرقيه فى السعوديه لارتباطى بها كعمل لقيت ست البيت فاتحه بوست غزل بالنسبة لى
امتداد لى حب سنين غير معلن ولكن فاليكن شكرا ست البيت ومن هنا انا اشكر كل المتداخلين من احبتى فى المنبرالكبير
وقريت كل المداخلات واحنو هامتى لكم حب واحترام بما فيكم ست البيت شكرا للجميع |
جبانا قال صفنى فقلت عفوا ياجبل الجليد
والله بتخبى فى الاتر يا الشديد..
حبيب نورة جاييك انت وحبوبة عفاف،،،
يا حبيب عفاف ماقصرت لكن بقت حبوبه ليا
وات شكلك مكرى وبت ابوحريرة غامتالك طيه
ود المحرب الارباب الكلس وحبوب وصافى النية
انا حالف من بنات الاحفادالا اشوفلو بنيه
لووووووووووووووول،،،
|
Post: #116
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-25-2009, 05:25 PM
Parent: #115
لووووووووووووووووول
جاييك
|
Post: #117
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-25-2009, 05:50 PM
Parent: #116
Quote: يا حبيب عفاف ماقصرت لكن بقت حبوبه ليا
وات شكلك مكرى وبت ابوحريرة غامتالك طيه
ود المحرب الارباب الكلس وحبوب وصافى النية
انا حالف من بنات الاحفادالا اشوفلو بنيه |
يا جماعة
ناس البمبر
الرد دة من أخونا و حبيبنا عبد الغفار المهدي
( بوردابي معاش )
أما أخونا صديق الموج
أنا برجع ليه لاحقاً
يا ود الموج بنات الاحفاد دررًاً حية
ما بتلحقن الا لبنية طيبــــــــة
لابسات العفاف والعلم والرومانسية
وا حى انا من الفيهن رامينى حنية
انت وانا ما لينا غير عض البنان أسِية
المربع دة من أخونا فرفور
الذي نسعي لإعادته لحظيرة البورد
|
Post: #118
Title: Re: الخلود لله وانا عندي خالد وبريدو شديد .....
Author: خالد المحرب
Date: 12-25-2009, 06:02 PM
Parent: #117
Quote: لو دُرت السفر ليكم تكون السَفرة
يقطع للرياض حرّم و أجيكم عُمرة |
ات ابقا تعال ياكبتن ونوخ راحلتك عندنا
|
Post: #119
Title: Re: الخلود لله وانا عندي خالد وبريدو شديد .....
Author: مطر قادم
Date: 12-25-2009, 06:19 PM
Parent: #118
الحبيب
جاييكم
|
Post: #120
Title: Re: الخلود لله وانا عندي خالد وبريدو شديد .....
Author: خالد علي محجوب المنسي
Date: 12-25-2009, 11:14 PM
Parent: #119
Quote: يالامزكور ماك منسي ابوحمد حبابك الف ياسمي خالد
عليك الله شوف حبيب نوره اتقطع في المربوع كيف
وافرة سحايبو باهلة ثم دانية قطوفوا
دقُر يا عيون تفتش لي منازلوا تطوفوا
من فيض خصالوا ....الكملت معروفوا
ناروا تودّر القِرّة .. و تعشي ضيوفوا |
أخوي الما شوفتو لكن عرفتو
ومعرفة الرجال تكفيك نبرتو
وكتين تحر تجلجل تدودّو نهرتو
وإن بردت جاري توبو وتلم كسرتو
خالد محجوب
كلام سمح بالحيل ويخلي الزول مهوي من أرض الله البسيطة
لك التحيات والمودة للفاضلة عفاف
|
Post: #121
Title: Re: الخلود لله وانا عندي خالد وبريدو شديد .....
Author: صديق الموج
Date: 12-26-2009, 02:26 AM
Parent: #120
ود المحرب اللزوم حاشا مو طماع
رباى اليتامى للعديم شباع
شوفتو للضيف بهم يقوم فسراع
ماتنسى ياحبيب مثتى وثلاث ورباع
|
Post: #122
Title: Re: الخلود لله وانا عندي خالد وبريدو شديد .....
Author: صديق الموج
Date: 12-26-2009, 02:34 AM
Parent: #121
كضاب البجيب فى ام احمد كلمتن شينه
كريمه روشه ايدها وابل العينه
بنخليها للضيوف تكرم وترحب كان جينه
وخالد بنشوفلو واحده من ناس ريماز وشيراز وتينه
|
Post: #123
Title: Re: الخلود لله وانا عندي خالد وبريدو شديد .....
Author: إسماعيل وراق
Date: 12-26-2009, 05:53 AM
Parent: #122
والله يا بت أبو حريرة جبتي نضم في زول سمح بلحيل..
شيخ عرب كريم وأجواد وفارس حوبة.
الزول دا بريده لله في الله.
ربنا يحفظكم لأولادكم ويغطيكم من كل شر.،
التحية لخالد المحرب أينما كان.،
|
Post: #124
Title: Re: الخلود لله وانا عندي خالد وبريدو شديد .....
Author: خالد علي محجوب المنسي
Date: 12-26-2009, 10:48 AM
Parent: #123
(( ماتنسى ياحبيب مثتى وثلاث ورباع ))
................
العندو الراسية بغرز ومابكوس لكمال
فوق بت البيوت حاشا مابكبّو رمال
وخالد جبلاً راسي ولي العديل ميال
الصُح ياموج قلتو ليك ماقول قال
خالد محجوب
تحياتي ومودتي صديق الموج
|
Post: #125
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-26-2009, 08:51 PM
Parent: #124
ناس البمبر
سلام
|
Post: #126
Title: Re: الخلود لله وانا عندي خالد وبريدو شديد .....
Author: حبيب نورة
Date: 12-26-2009, 11:18 PM
Parent: #125
البوست محروس
وسِتّوا تكوس
|
Post: #128
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-01-2010, 00:38 AM
Parent: #126
بيقولو كل فتاة بأبيها مغرمة..
وده الحاصل ..انا اعلن عشقي وغرامي غير المشروط والمطلق لأبي (خالد المحرب)
هذا بعد احترامي الهائل لشخصه ادركت مؤخرا انه كل هذة المشاعر تجاهه مش بس لأنه والدي البيولوجي ولكن لانه خالد المحرب .
.الإسم الذي لطالما افتخرت بمضمونه في كل المستندات التي تثبت هويتي ..في الواقع خالد المحرب هو "هويتي".
لو الانسان بيختار اهله ما اظن اني ح اكون محظوظه لدرجة إني احظى بيه كأب..
احمد الله واشكرة في كل لحظه على نعمة خالد المحرب ..بابا
لــينـــه خـالد المحرب
|
Post: #129
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-02-2010, 02:20 PM
Parent: #128
Quote: هو منو الما بحبو بس نحن بنعاين من بعيد لي بعيد لكن وقت جات فرصة كسير وكدي الننداح ونعبر
|
هييييييييي وتاني هييييييييييي
ختي شخيت واقيفي بعيييييييييييييييييييييد
هههههههههههههه
اختــــــــــي هويدا شكرا للكلام الجميل والاندياح
|
Post: #135
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-02-2010, 05:02 PM
Parent: #126
Quote: البوست محروس
وسِتّوا تكوس |
حبيب امه
انت محرسنك البيت القى السيل شاله وداه الخور
تعال لم بيجاي
|
Post: #134
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-02-2010, 04:55 PM
Parent: #123
Quote: والله يا بت أبو حريرة جبتي نضم في زول سمح بلحيل..
شيخ عرب كريم وأجواد وفارس حوبة.
الزول دا بريده لله في الله.
ربنا يحفظكم لأولادكم ويغطيكم من كل شر.،
التحية لخالد المحرب أينما كان.، |
الاخ اسماعيل
واحنا كمان بنريدك لله في الله
وخالد بيعزك شديد
شكرا يا وراق
|
Post: #143
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-04-2010, 03:55 PM
Parent: #119
حبابك يامطر ونحن راجينك
|
Post: #133
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-02-2010, 04:48 PM
Parent: #115
Quote: جبانا قال صفنى فقلت عفوا ياجبل الجليد
والله بتخبى فى الاتر يا الشديد..
حبيب نورة جاييك انت وحبوبة عفاف،،،
يا حبيب عفاف ماقصرت لكن بقت حبوبه ليا
وات شكلك مكرى وبت ابوحريرة غامتالك طيه
ود المحرب الارباب الكلس وحبوب وصافى النية
انا حالف من بنات الاحفادالا اشوفلو بنيه
لووووووووووووووول،،، |
عمي الصديق
البيته من قزاز ما بيجدع الناس بالحجار
اخلاص عرسوها وبكره بتجيب ليك حفيد ليه جلحات
|
Post: #132
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-02-2010, 04:40 PM
Parent: #109
Quote: أبشري يا بت العزاز وام العزاز...واسمحي لي ان انم علي لسانك
هيييييييييي ايييييي ايييييي....
رفيقي الدنيا ساعيلها الكرم والسترة
لافحه توب محنة يغيثنا من كل عترة
مودة ورحمة تقدل وتنطرح وتتخترا
تبهل فوقنا خير موية الضراع والنترة
اب أحمد سليل كرما عزيزا وحر
ما لاقيتو عابس (يمة) عيني دقر
الخلاني اتباهي واذيع في ام در
ما لبسني غير سترة وجواهر ودر
(هذه الابيات المنجورة هي لك...وعلي لسانك فان كانت تليق
بمفام اب احمد ...فهي هديتي لكما عن محبة )
|
صح لسانك يا زينة الجنيات لي حدهم
|
Post: #131
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-02-2010, 04:34 PM
Parent: #100
Quote: ام احمد تحياتى لك والى ابو احمد
التحية لك وانت تأكدى بأنك نموذج حقيقى للزوجة الصالحة والوفية
والتحية لابو احمد الذى يأكد قول المصطفى ( ص) خيركم خيركم لاهله
فنعم الازواج انت و ابو احمد متعكم الله بالصحة والعافية و ابنائكم
و ادام عليكم نعمة المحبة والوفاء و الاخلاص وافرحكم بتوفيق عيالكم
مع محبتى و تقديرى لكم
أحمد العمار |
الاخ العزيز احمد العمار
وانت نعم الاخ
كلام جميل من زول جميل
مشكووووور ابو وضاح
دم بخير
|
Post: #136
Title: Re: الخلود لله وانا عندي خالد وبريدو شديد .....
Author: سمية الحسن طلحة
Date: 01-02-2010, 09:13 PM
Parent: #131
Quote: بت العزاز
مافي شيء بيحسسني بالعجز الا انتم
وما في زول على الوسيعه دي بتأدب ليه حد الخشوع الا انتم
فيكم الادب المحمدي ..ادب بيت النبوة ..وفيكم عظمة الملوك وحلم العارفين
عندك رهبه في نفسي تخليني ادخل البورد واطلع ييغلبني الاقولو ليك
قد ملكتم من القلب مكان
الشيخ الحسن
حاجه هاله
سميه
المجتبى
تلك اسامي اقف عندها كتير ولها اُثر اكتر في نفسي
نورت البوست وحلت عليه البركه |
أخي خالد بحق وحقيقة
كل عام وأنت :
مقامك عالي في الأبراج
وبيتك كعبة المحتاج
ياالبابك بلا مرتاج
كرم المعصرات ثجاج
وكل الأمنيات الطيبة لك وللأسرة الكريمة
.
|
Post: #137
Title: Re: الخلود لله وانا عندي خالد وبريدو شديد .....
Author: حبيب نورة
Date: 01-03-2010, 07:23 PM
Parent: #136
ناس البمبر
أمانة ما أتلوّمتوا
جيت لمن لقيت الفلاني
حمدت الله
بجيكم صاد
|
Post: #139
Title: Re: الخلود لله وانا عندي خالد وبريدو شديد .....
Author: خالد المحرب
Date: 01-03-2010, 10:20 PM
Parent: #137
Quote: هذا بوح القلوب الصادقة وتقية ونقية...
تحياتي وامنياتي لكم بدوام السكينة...والعافية |
جبتك فى الصفحه التانيه
|
Post: #140
Title: Re: الخلود لله وانا عندي خالد وبريدو شديد .....
Author: خالد المحرب
Date: 01-03-2010, 10:24 PM
Parent: #137
Quote: ناس البمبر
أمانة ما أتلوّمتوا
جيت لمن لقيت الفلاني
حمدت الله
بجيكم صاد |
اخى الحبيب حضورك رقم
|
Post: #141
Title: Re: الخلود لله وانا عندي خالد وبريدو شديد .....
Author: Mohamed Abdelgaleel
Date: 01-04-2010, 09:33 AM
Parent: #140
والله أول مرة أفتح الخيط ده .. لا حولا
عفاف وخالد وصديق الموج والخال حمزاوي ونصار
واسماعيل عباس واحمد العمار وطارق نقد وأحمد
الشايقي وشيقوق وسمية طلحة ولينا وحبيب نور برباعياته
المحكمة ... ووراق وبقية العقد الفريد من النساء والرجال
السعداء بكسر حاجز الصمت والتعبير عن المشاعر ليكون
العالم أجمل .. رغم وجود صديق الموج المتمرد الأممي
بأجندته المنحازة لمثنى "كلام ساكت" .. ولأن الشيء بالشيء
يذكر فسأحكي قصتي قبل عودتي للرياض بيوم أي يوم
24 ديسمبر 2009م وأنا بمنزلي ألملم أغراضي وأتأكد من
التذكرة والتأشيرة ورسوم المطار والفول والتمر والتمباك
وقد تحلق حولي سمية وآمنة وسناء وخالد وملاذ والصادق
والتومات قلت لسمية (زوجتي):
- والله أنا قايل ربنا يدخلك الجنة؟
سمية: ليه؟
أنا: لأنك زوجة مطيعة
ضحك الجميع إلاي .. وقلت لهم تضحكوا لأنكم لم تقرأوا
الأثر الكريم الذي يؤكد كلامي ..
تاني بجي أقرأ لكين ما بتداخل طالما الحكاية فيها صديق
الموج وحمزاوي
|
Post: #144
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-04-2010, 04:12 PM
Parent: #141
Quote:
خالد وعفاف
ربنا يحفظكم
ويبلغكم أملا لم تبلغوه
ويرضى عنكم رضاءً لم تعلموه
وياعفاف خالد هو خالد
لايطول مقامه قول
وكل الأوصاف تحوم حول حماه
ولاتملك مقدرة إرتياد صميمه
له التحية وعميق الإحترام
وأطيب الأمنيات بعام سعيد
ولك وللأبناء ولضيوفك الكرام
وتحايا خاصة وخالصة لـ :
حبيب نورة
|
والله ياسميه بقلبني اقول ليك شنو
وبحس بالبلاده
والعجز وكل الكلام بروح مني
ممكن يكون خالد قال كل الفي نفسي
اتدب
لي مرورك حد الخشوع
واسعد بيه حد الثماله
الله مايحرمنا منك
يا زوله ياامه
|
Post: #145
Title: Re: الخلود لله وانا عندي خالد وبريدو شديد .....
Author: الطيب شيقوق
Date: 01-04-2010, 09:05 PM
Parent: #144
ود المحرب
وحاة الله ربنا مطول عمرك
اقرا كلام العلماء ديل عشان تشوف سعادتك مع ام وما انعم الله عليك منها من نعمة الاولاد والبنات
Quote: أظهرت دراسة جديدة أن الأشخاص الذين يعملون في وظائف مليئة بالتوتر يرتفع ضغط الدم لديهم خلال عام إذا كانت علاقاتهم مع شركاء حياتهم سيئة وأنه على العكس فإن الأشخاص الذين يواجهون توترا في وظائفهم وعلاقاتهم الزوجية طيبة فان ضغط دمهم يهبط بنفس القدر.
وقال الطبيب شيلدون دبليو. توبي وزملاؤه من جامعة تورنتو بكندا في دورية ارتفاع ضغط الدم الأمريكية إن "قد يكون من المفيد للأشخاص الذين يواجهون توترا كبيرا في وظائفهم ومستوى منخفضا من التلاحم الزوجي أن يقوموا بقياس ضغط دمهم بصورة منتظمة."
وأجرى توبي وفريقه هذه الدراسة لبحث ما إذا كان عامل الوظيفة ونوعية الزواج قد يتفاعلان للتأثير على ضغط الدم.
وتابع الفريق 229 رجلا وامرأة لمدة عام وكانوا جميعا يعيشون مع شريك للحياة وغير مصابين بارتفاع في ضغط الدم مع بداية الدراسة.
وركز توبي وفريقه على "التلاحم الزوجي" للزوجين أو مدى دعم كل زوج للآخر. وارتدى المشاركون في الدراسة أجهزة لقياس ضغط دمهم طوال فترة يوم عمل نمطي في بداية الدراسة ومرة أخرى بعد ذلك بعام.
وزاد ضغط الدم الانقباضي أو الرقم الأعلى في قراءة ضغط الدم ثلاث نقاط لدى الأشخاص الذين تحدثوا عن ارتفاع مستوى التوتر في عملهم وانخفاض مستوى التلاحم الزوجي .
وعلى الجانب الآخر انخفض ضغط الدم الانقباضي ثلاث نقاط لدى الأشخاص الذين يتمتعون بمستوى عال من التلاحم الزوجي ويواجهون توترا في عملهم. |
http://www.zfafna.com/articles.php?page=view&id=25
بختكم اتجدعوا سااااااااااااااااااااى ومحل رهيفة تنقد
|
Post: #146
Title: Re: الخلود لله وانا عندي خالد وبريدو شديد .....
Author: حبيب نورة
Date: 01-07-2010, 10:14 AM
Parent: #145
طيبين ؟
|
Post: #147
Title: Re: الخلود لله وانا عندي خالد وبريدو شديد .....
Author: سمية الحسن طلحة
Date: 01-07-2010, 12:42 PM
Parent: #146
Quote: والله ياسميه بقلبني اقول ليك شنو
وبحس بالبلاده
والعجز وكل الكلام بروح مني
ممكن يكون خالد قال كل الفي نفسي
اتدب
لي مرورك حد الخشوع
واسعد بيه حد الثماله
الله مايحرمنا منك
يا زوله ياامه |
ياعفاف عليك الله ماتقولي أي شيء
انتو عارفني وانا عارفاكم وبس
( كلما زادت المعرفة قل الكلام )
.
|
Post: #148
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-07-2010, 02:10 PM
Parent: #147
Quote: ياعفاف عليك الله ماتقولي أي شيء
انتو عارفني وانا عارفاكم وبس
( كلما زادت المعرفة قل الكلام )
|
الله يا سميه
لمابكتيني
تسلمي لي وعمرك طويل
ياست الناس كلهم
|
Post: #149
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-07-2010, 02:13 PM
Parent: #146
طال مانت طيب نحن اكيد طيبين
|
Post: #150
Title: Re: الخلود لله وانا عندي خالد وبريدو شديد .....
Author: عفاف أبو حريرة
Date: 01-07-2010, 02:17 PM
Parent: #145
Quote: بختكم اتجدعوا سااااااااااااااااااااى ومحل رهيفة تنقد
|
طال ما عندنا اخو وصديق زيك انت من حقنا نتجدع
ابقي قريب
|
Post: #151
Title: Re: الخلود لله وانا عندي خالد وبريدو شديد .....
Author: على محمد على بشير
Date: 01-07-2010, 03:47 PM
Parent: #150
ربنا يسعدكم ويخليكم لى وليداتكم
|
Post: #152
Title: Re: الخلود لله وانا عندي خالد وبريدو شديد .....
Author: حبيب نورة
Date: 01-11-2010, 12:39 PM
Parent: #151
اها يا جماعة كيف قيّلتوا؟
قدر ما أقول أجي أنضم لي معاكم خشم خشمين
يا ألقي البوست محروس و ستوا تكوس
يا أكون ما فاضي
المهم
الخلود لسة عندك ؟
|
Post: #154
Title: Re: الخلود لله وانا عندي خالد وبريدو شديد .....
Author: حبيب نورة
Date: 02-01-2010, 07:12 PM
Parent: #152
يا جماعة
أخباركم وكدة
|
|