طارق مختار ..كائن في شكل ماسورة ..

Quote: حضرته الكورة في الاستاد امس ..ويا ريتني كان ما حضرته .. الدفاع عبارة عن اشباح .. واقفين غلط ومتكلين علي بعض , انعدم التوجيه والتجانس.. الحبش ديل لو شدو حيلهم كان ضربونا .. علي الاقل تحس انه عندهم فهم في الكورة.. الناس دي كان ما ايداهور اشتغل معاهم شغل رجاله ما كنا حنقدر نعمل حاجه.. السعودي ماسورة لكن محظوظ .. ما عمل اي مجهود كلتشي كان سيكون افيد للفريق.. وارغو اعتقد انه صبرنا معاه كمل .. طارق مختار ده عمره كم عشان نصبر ليه تاني .. الخانة اللاعب فيها ما بتتحمل صبر ..لانه القون البركب صعب يتعوض.. حافظ الله خارجه بالشلوت الاخده .. محمد كمال غايتو زي ما بقولو اهلنا ..ساعة والله طافاها .. المريخ فيه النفطي ولاسانا.. الباقي لا يصلحون الا لحاجه خلاف الكورة.. اما كربوني .. فده اظنك براك شايف الحال .. النتيجه بتاعت امس عبارة عن صدفه وكوراك جمهور وشلاليت وحكم لا اكثر.. علي البطوله السلام..