|
|
 الحمد لله ..توت عنخ امون..اتلقى ميت موت الله
|
الحمدُ للهِ هَمْ، ونزل كنت شايل همْ... و..هَمْ شديد ...يطلع توت عنخ آمون مات مقتول...ونبقى في الكتلو منو؟... ولي شنو كتلو؟... والحراس حقّينّو كانوا وين؟... و انا نضمي بيني، وبينكم قلبي مِحدِّسْني من تالا حبوبتو أم أخناتون بالمناسبة شفتها في مسلسل سيدنا يوسف في قناة المنار؛ مَرَا شُوم، وجنّها مشاكل والإنتاية دي من بدا المسلسل لحدّي ما انتهى تلاتين حلقة؛ ما فرَّت خَشُما ضحكت .. وتاني نضمي بيني، وبينكم أنا شااااااكّي تكون حرّشت زول يقتل وَدْ ولدها دا ...الفراعنة ديل حليلكم منّهم.... ويقوموا المصريين يقبِّلوا علينا جاي...أصلهم أيِّ مصيبة تجيهم قاعدين يقولوا كُلُّو مِنَّنا.. آخر حاجة لما الجزائر غلبتُم في الكورة.. خّلُّوا كلِّ شِي ومَسكُو فينا نحن...البارح والله لما شفت الخبر، وقالو مات موت الله فِرِحْتَ فرح شديد...وقعدت أشحد في الله قدر ما يكون في فرعون مات؛ يكون مات موت الله...وأصلو مافيهم واحد كتلوهو.. والله كانوا دايرين يقتلوهو... وشدّة ما خائف باكر دي يجونا ويقولوا؛ بَحَتْنا فرعون الغِرِق- وهو جاري ورا سيدنا موسى داك-...ولقينا وثائق تثبت إنُّو غرق تالا حلايب، واللاّ بورسودان، ويجوا يقولوا لينا العين بالعين، والسن بالسن؛ ودايرين نغرّق منكم زول زيْ ما غرّقتوا فرعون؛ وخااااايف القُرعة تقع فيني......والله ما مكجّن شي في الدنيا دي قدر كَجَّنتي للمشاكل...أضَّارا منَّها ...هنا وهناك......وماشي جنب الحيطة... ولو ألقى طريقة أمشي جوّا الحيطة....أمّا ترهاقا إن بقى ميت مقتول عافينّو .. أصلو ما كان فيهو فايدة جِنُّو سبق حمير...وشِبَكْ.. زول لو ما بتاع شِبَكْ يمشي من هنا يكاتل الناس عند أهلُم عشان الحصين...؟؟...عِلاَّ بعانخي نحن مبسوطين منُّو تَبْ..... و أصلي ما بقدر ألومو...ما كان زول فارغة... مبسوطين منُّو بَسِطْ شديد.. لحدِّي ما معلِّقين تماثيل الخرفان الضبحوهن يوم سمايتو ..معلقهن في المتحف القومي. خِرْفَان سُمان وسمحاااات ماشا الله؛ أقلَّ واحد فيهن يجيب لو سبعمائة ألف...أها النَّرْجع لي توت . اسمو بالكامل توت عنخ آمون أخناتون..قالو أبوهو أخناتون، وكانو بيدَلَّعُوهو بيقولو ليهو (إخ)..إخ ود عشة السايق الركشة... وأمو ما معروفة لكن أخناتون كان مِعَرِّس فوقا... معرِّس شقيقتو نفرتيتي" أها.. خشمي وعندي.. باكر أبقى في قوالة ساكت" شفتو جنس النضم دا؟ زول أصلو وقت داير يعرِّس فوق مَرَتُو يعرِّس أختو؟!... من قلة النسوان؟.....وحات الله لحدِّي أولة البارح دي أنا قايل نفرتيتي؛ دي ضُمَّة ما عرّست . ,وما ضاقتو...وماتت بي شوقو...لأنو ديمه شايفها براها..ما معاها اي زول متحَكِّرة في علبة السجاير....
|
|
  
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: Balla Musa)
|
Quote: حسن كلامو صح يا أمين
بعانخى بقى بعثى بعد ما اتخرج من حنتوب.
لكن لحدت السنة الرابعة فى حنتوب كان جبهة ديمقراطية |
حسن ياخي أنا بعتذر عن كلامي ده جدا و حقو الناس الكبار و الحضرو الحاجات دي زي ناس دكتور بله يكتبو تاريخ البلد دي من الأول للأجيال الجديده و كده !!
قصة بعثي دي أنا جبتها من أبوالريش لانو مره في مؤتمر صحفي قال شاف بعانخي بكتب في حيطه في مدني (الموت و الدم لكلاب الأمن !!)
| |
|
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: Balla Musa)
|
| Quote: أبو الريش مابكون قال كدا بس إحتمال كبير يكون ماكتب الكلام بطريقة مبسطة (أو إنت قريتو فى فوراول). |
النصيحه يا بله ، هو ما قال بعانخي بالإسم لكن وصفو : اخدراني طويل شعرو سبيبي و لابس تي شيرت مرسوم فيو صورة توت و مكتوب فيو (الليق ، الليق يا عواليق ) !!
| |
|
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: Hassan Makkawi)
|
| Quote: وحات الله لحدِّي أولة البارح دي أنا قايل نفرتيتي؛ دي ضُمَّة ما عرّست . ,وما ضاقتو...وماتت بي شوقو...لأنو |
سجيمان ياعمك...
الله بدي الجنة الحمد لله ربنا سهل ليك
انت برضو ...وضقتو..
ولما تموت بعد عمر طويل تموت بشوفت وليداتك
لكن القال ليك توت مامات مكتول منو...
كتلتو انثى الانفوفلس ..شفت الاناتي بسون في شنو
سوي ليك ناموسية..عشان ماتلم فيك واحدة تلحقك نفرتيتي...
| |
|
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: أمين محمد سليمان)
|
Quote: امين انا من البارح بدور اسعالك.... علا مستحرج شوية
انت الطريفي دا,,,, مالو؟ |
الطريفي ده يا سيجمان كان بكتب معانا هنا ، ياكل الطعام و يمشي في الأسواق زي خلق الله الباقيه فرقه منهم إنو كان بينثر الفرح و ثاقب الرأي في كل بوست و مداخله .
كان عزنا و فخرنا و شمسنا التي تشرق في البورد آلاف المرات ، و لكن لانو طريفي (زول نصيحه ) يبدو إنو اشتبك بليل مع أحدهم قام أب صلعه - قدس الله سره و سر صلعته المجيده - وقفو !
--------
معا لرفد بكري !!
| |
|
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: أمين محمد سليمان)
|
'طيب يا امين
انتو ناس بتاعين خيار وفقوس
انا كديستي ديك ... الولدت في المنبر دا.. بي تطراها؟... ما بكري شالا بي وليدات وجدعها في السهلة مافيكم زول فتح خشمو......والمنبر كلو ينبح الديمقراطية وحرية الراي.. وهي مسيكينة خشما وعندها اصلها ما غلتت علي زول
بالرغم من كدا .... انا بطالب بارجاع الطريفي معاكم ..عشان خاتر الديمقراطية...... حيث اني ما عارف رفتوهو في شنو.... لكن باقي لك ما بيكون اتلوم في زول؟؟؟
| |
|
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: سجيمان)
|
يا سجيمان
Quote: انتو ناس بتاعين خيار وفقوس
انا كديستي ديك ... الولدت في المنبر دا.. بي تطراها؟... ما بكري شالا بي وليدات وجدعها في السهلة مافيكم زول فتح خشمو......والمنبر كلو ينبح الديمقراطية وحرية الراي.. وهي مسيكينة خشما وعندها اصلها ما غلتت علي زول
|
لاب صلعه حق مصادرة ذكريات طفولتنا ، قلوبنا التي بين جنبينا و دموعنا التي في المآقي - و بالقانون - تقولي لي كديستك ؟!!
| Quote: بالرغم من كدا .... انا بطالب بارجاع الطريفي معاكم ..عشان خاتر الديمقراطية...... حيث اني ما عارف رفتوهو في شنو.... لكن باقي لك ما بيكون اتلوم في زول؟؟؟ |
الطريفي بكون تلوم في زول ، عشان كده ما قلنا يرجعو : قلنا يعملو قوانين و لوائح تعاقب المسئ ، قوانين واحده تسري علي الكل و تفعل علي الكل : ما مرات بالجمله و مرات بالقطاعي و ما علي حسب مزاج أب صلعه ، لانو والله مزاجو أخير منو صلعتو !!
---------
معا من أجل منبر خالي من الإساءه و الشتايم و أب صلعه !!
| |
|
|
|
|
|
|
|
|
|
Re: الحمد لله ..توت عنخ امون..اتلقى ميت موت الله (Re: Balla Musa)
|
Quote: أمين
إنت زاتك بكرى مجاملك
إنت ليك فترة مخترق اللائحة كلها...
وياهدى كل اللايحة:
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. |
يا دوك
وين أنا إتدخلت شؤون إدارة المنتدى - قدس الله سرها - ؟! أنا معترض علي بكري في عضمتو ما في شؤنو !! 
| |
|
|
|
|
|
|
| |
سجيمان
أمين محمد سليمان
Balla Musa
Hassan Makkawi
عبدالعزيز الفاضلابى
حافظ كنجال
محمد عبد الماجد الصايم
Sidgi mattar
Magdi Ahmed Elsheikh
فيصل محمد خليل
فيس بوك
تويتر
انستقرام
يوتيوب
بنتيريست