|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
أخوي وحبيبي وصديقي الوفي والمسنوح كمان,,, ود شيقوق,,, شكرا يا غالي ,,
يوم يشيلوها داك يوم المني وعقبال بنياتك ووليداتك يارب,, انتاج عماني.
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
Quote: أخوي وحبيبي وصديقي الوفي والمسنوح كمان,,, ود شيقوق,,, شكرا يا غالي ,,
يوم يشيلوها داك يوم المني وعقبال بنياتك ووليداتك يارب,, انتاج عماني. |
مسنوح وما عندك اتوكيت يعني نحن ... ونربي ونعلم ويجي واحد مسنوح و ..... وعيييييييك
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
كل التبريكات القلبية للطالبة النجيبة عسجد ومزيداً من التفوق الأكاديمى وربنا يحفظها زخراً لوالديها ويقر بها أعينهما ، معلوم أن عسجد دخلت الجامعة بتفوق أتاح لها الدراسة على نفقة الحكومة الأمريكية هى وشقيقها عمروالذى هو فى سنواته الأخيرة بالجامعة بنيويورك . سليلة دوحة الأدب والكرم والأرومة قمين بها هذا التفوق فما بالنفس من دهشة كل أمانى التوفيق لبقية أشقاءها محمد ومروان .
نعم الإله على العباد كثيرة وأجلهن نجابة الأبناء .
أخى الأستاذ / سيف الدولة كامل ........... كامل التهانى لك من غير نقصان .
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
دكتورنا الجميل,,, راشد الحاج ,,, والله جيتك فرحتني شديد,, وان شاء الله تعادوها يا رب,
(عدل بواسطة سيف الدولة كامل on 01-16-2010, 09:31 PM)
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
اخي وحبيبي ورفيق غربتي ,, فضل الصادق,, فاضل في تعاملك مع الاخوان وصادق في علاقة بهم,
مكسب كأخ و صديق ورفيق طريق ,,, ربنا يكرمك ويضوي ليك طريقك يا عشا البايتات.
(عدل بواسطة سيف الدولة كامل on 01-16-2010, 10:11 PM)
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
الزعيم ,,, حسن حماد ,,, تشكر يا غالي,,, بعدين شوف صاحبك محمديس خليفة
طلعني كيت وقال البت طالعة لي أمها. برضو ما مشي بعيد.
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
حبيبنا وأستاذنا الجميل ,,, عبد الرحيم منصور,,, تسلم اولا علي كلامك الجميل
وثانيا علي مهاتفتك الودودة ,, لاعدمناك,, دايما نجم متألق في سماء نيويورك.
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
أهل الفن والابداع ,,, الاستاذة احلام وهبي,,, شكرا ليك يا حبوبة
وربنا يحفظكم وينجح ليكم وليداتكم يارب,, سلامنا للاستاذ السني.
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
شكرا ياابا عمرو مبروك لعسجد صديقتي مبروك لاسرة سيف الدولة كامل الاستاذة ستية الوالدة والمربيةوالتي ( شبعت وطبعت عمرو وعسجد ومحمد ومروان اسرة عرفتها عن قرب في الغربة ووجدت فيها ما يجعلني افخر دوما بمعرفتي لهم ابناء تختهم في الجرح يطيب ... تهذيب وعلم ام واب يحملون العلم علي جنباتهم ويسعون لنشره علي مر الاجيال مبروك للجميلة عسجد وعقبال نفرح قريبا بتخريج الجميع الباشمهندس عمرو والدكتورة عسجد وقبلهم بتخرج سيف الدولة ونيله للماجستير قريبا ان شاء الله ++++++++++++++++++++++++++++++++++++++++++++++++++++++++
تخريمة : ياخي ربا جننتني ..قالت مروان بطلع ال coins من الاضان..انا غايتو ما عارفه هو اقنعها كيف بكده...بس فلقاني بيها ..شوفوا لي حل
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: امل كرار ابراهيم فرح)
|
العزيزة \ أم ربا,,,, تسلمي يا أمل والله ما خليتي لينا حاجة نقولها.
انتو اصحاب الفضل وأهل الكرم, حبيبنا سيف الدين أول من استقبلنا في
بلاد اليانكي, نعم الاخ والصديق يقابك دايما ببسمه وفرحة , ويا أمل ما
بننسي كرمك الفياض ما زرنا بلاد العم سام الا وجدنا منك الحفاوة وكرم
الضيافة وعزوماتك القاجة ,,حليل الشربوت,, بس ما تنسي تجهزي لينا حقنا
قبل المناسبة القادمة,,, ربنا يديك العافية ويفرحك ان شاء الله , تقبلي
تحيات عسجد وأمها وأخوانها وقالوا ليك ياأمل دايما الجميل بشوف حبايبه
أجمل,, أما الود مروان ظاهر عليه رامي بعيد يا أم النسب .
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
Quote: بتي الحلوة والعسل دكتورة عسجد بتدرس تمهيدي طب السنة الثانية بجامعة نيويورك city college مواصلة
تفوقها في الدراسة, وحصلت للمرة الرابعة في هذا السمستر علي تقدير A وال GP بتاعها 4 فرحتني شديد
اليوم بعد ظهور النتيجة ,اتمني ليها ولي بناتكم واولادكم التفوق والنجاح. الف مبروك يا عسجد وربنا
يحفظك وعقبال ما اشوفك دكتورة كبيييييييييييييرة يا رب. |
عزيزي سيف الدولة
الف الف مبروك علي تفوق الابنة عسجد في دراستها.
و ليس ذلك بمستغرب اذا عرفنا من هو سيف الدولة!
هو ذلكم الاستاذ/المربي الفاضل و الشاطر.
تشهد لك اجيال و اجيال.
و لا غرو ذلك الشبل من ذاك الاسد.
و يارب النجاح لكل بنانتنا و اولادنا.اللهم امين
ود زكريا
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
حبيب الكل ,,, ودالصايم,,, والله طلتك البهية وابتسامتك النابعة من دواخلك الطيبة والجميلة
تفرح بلد,,, سعدنا بمرورك وكلامك الجميل ,,, ربنا يحبب فيك خلقه ويحفظ ليك
وليداتك وأمهم وينجحهم وتشوف سمحهم ان شاء الله.
| |
|
|
|
|
|
|
Re: باركوا لي يا أخوانا,, بتي الحلوة عسجد مواصلة تفوقها... وفرحتني شديييييييييييييييييييييييييي (Re: سيف الدولة كامل)
|
العزيز والغالي,,, الوافر ضراعو,,,سيد الحوش,,الباشمهندس بكري أبوبكر
شكرا يا حبيبنا وربنا يكرمك وأهل بيتك أجمعين,,قدر ما نقول ما بنوفيك
حقك يا أصيل,, يكفي اللمة الطيبة اللقيناها في حوشك العامر,, ربنا يعمر
بيتك بالفرحة والبهجة والمسرة وينجح ليك وليداتك ونفرح بيهم ان شاء الله .
| |
|
|
|
|
|
|
|