كتب الكاتب الفاتح جبرا المتوفرة بمعرض الدوحة
|
|
 Re: العايز يعرس.. برعاية خالات البورد (Re: سلمى الشيخ سلامة)
|
محمد هاشم دا عزالطلب حيث الان الزواج طلاب سااااااااي
العريس عمره 17 والعروس 14
عندص واحد من اصدقائي قدرنا كدا وما معرس
اها انا منقية شعيرو يازول عرس يا زول عرس
قالي مرة اعرس ليه
قلت ليه عشان تجيب اولاد ينفعوك البلد دي مافيها ملاجئ سمحة
قالي يا زولة ها انا بعد دا كان عرستا ولدي حيبقى مشروع يتيم
عشان كدا يا ابو تفة لازم تسارح بالزواج قبل يفوت عليك الفوات...
اها يا جماعة نفتح المعرض حقنا بابو تفة؟
من تأنس في نفسها الكفاءة تتقدم ليه..
اهم موصفاتها تكون جلدها تخين وما بتزعل بسرعة
| |
 
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: محمد هاشم دا عزالطلب حيث الان الزواج طلاب سااااااااي
العريس عمره 17 والعروس 14 |
د. بيان كل سنة و انتي طيبة
زكرتيني لما الحجة اتكلمت معاي لما ضربت ابارك ليها زواج اخوي الاكبر مني قبل سنتين ....
طبعاً طوالي شنَّت ليك علي هجوم مؤسس و قالت لي بعد دا تبقى جادي في موضوع العرس ...
و لزوم الزوغان قلت ليها ركزوا على مصطفى (اخوي الصغير الكلمتك عنو ) اصلوا الموضة الايام دي بقت عرس الشُفَّع 
غايتو لو انا شفت حاجة بيجاي بجيك بالدرب التحت (مسنجرات و كدة) و انتي برضو لوفي حاجة قولي لي عوووووك (برضو بالدرب التحت) 
| |
|
|
|
|
|
|
|
|
Re: العايز يعرس.. برعاية خالات البورد (Re: احمد محمد بشير)
|
د. نجاة
سنه سعيده عليكي انتي و ماما دومه و كل البورداب
و انتي الله يديكي العافيه شايله هموم الناس كلها
و قالوا من وفق راسين في الحلال ليه الجنه
انا عندي كم زيجه موفقه و الحمد لله .... قدرت عملت ماتشينق كويس
غايتو لي اسي ما دعوني الحمد لله
ختيني في الديبارتمنت بتاعت المتشنه و انا بشتغل ليك شغل نضيف
اتفقنا؟؟؟
في النهايه قبضوني الكشف .... و حاة خوتنا ما باكلكم
ربنا يوفقك يا دكتوره ...
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: سلامات يا جاد
يحولو لعناية تراجي لعمل اللازم |
لكن يا خالة الراسو موجعو بيربطولوا كراعو .. أو كما قال الشاعر ..
دا تعجيز .. وتعسف ..
ثم .. وأنت بألف خير وعافية ..
سؤال: وين البنيات السمحات .. ما شايفن ..
تحياتي،،،
| |
|
|
|
|
|
|
|
|
|
Re: العايز يعرس.. برعاية خالات البورد (Re: ناصر احمد الامين)
|
الاخوات الحبيبات دكتورة نجاة ودومة
سلام وكل سنة وانتو طيبين
والله بوست موفق وماشى مع كمية الفرح الموجود فى المنبر ويا بخت من جمع راسين بالحلال
بس عندى حاجة صغيرة لاخواتى وبناتى البنات وصلتنى عبر الايميل فيها حكمة وتفكير
في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر: أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل.
دخلت إحدى النساء (لمتجر الأزواج) لاختيار زوج لها
في مدخل الطابق الأول علامة :
الرجال هنا لديهم عمل ومؤمنون بالله
وفي مدخل الطابق الثاني علامة :
الرجال هنا لديهم عمل ومؤمنون بالله ويحبون أطفالهم
وفي مدخل الطابق الثالث علامة :
الرجال هنا لديهم عمل ومؤمنون بالله
ويحبون أطفالهم وشكلهم جذاب
وكانت المرأة تـفكـر 'واو ولكن سأستمر بالصعود'
وقد وصلت إلى الطابق الرابع لتجد علامة :
الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل
فتعجبت في خلجات نفسها
' يا إلهي إني لا أستطيع التحمل سأوافق '
ولكنها استمرت بالصعود
وفي مدخل الطابق الخامس وجدت علامة :
الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً
وكادت أن تطأ قدمها ذلك الطابق إلا أنها استمرت بالصعود
وفي مدخل الطابق السادس وجدت علامة :
أنـت الـزائـرة رقـم 4.363.012
ليس هناك أي رجال في هذا الطابق
لأن هذا الطابق وجد خصيصا كبرهان أن النساء لا يمكن إرضاؤهم شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً
____________________________________
اخواتى نجاة ودومة انا متاكدة تماما اى فتاة وجدت فرصة واضاعتها للبحث عن الافضل ولا اعفى الرجال ايضا وبيدهم زمام كثير من الامور
لابد ان تعى الفتاة من سترتبط به هو رجل وبشر وليس ملاك له عيوبه وله حسناته وكذلك المراة يا عزيزى الرجل ليس كل الامر جمال ومال وعلم
الزواج توافق فكرى وتقارب روحى وهى رحلة طويلة تحتاج منكم التزود بالحكمة والصبر عشان المركب (الزواج) لن تكونوا فيها لوحدكم سيكون معكم فيها اطفال
لابد ان يرو الحب بينكم عشان يطلعوا اطفال محبين ليكم وللحولكم
والله يساعدكم اخواتى وانا اذا طلبتو منى اى حاجة على استعداد
انتصار
| |
|
|
|
|
|
|
|
|
|
Re: العايز يعرس.. برعاية خالات البورد (Re: انتصار محمد صالخ بشير)
|
Quote: وجن الزول دا تابع لناس تراجي دا متموم حلوه
جاي هنا متسلل لما بت يعقوب تقبضو يقول بهظر ساي |
قر قرقر قر يا دكتورة ياخي قربتي تكتليني بالضحك
عايني خليكي حلييييييمة وما تطيري مننا القبور ياخ
(وش قاعد يستعطف بحرارة)
| Quote: لابد ان تعى الفتاة من سترتبط به هو رجل وبشر وليس ملاك له عيوبه وله حسناته وكذلك المراة يا عزيزى الرجل ليس كل الامر جمال ومال وع |
الله يديك العافية يا انتصار لقد اوجزت واصبت الفيل في مقتل
احييك وانحني لجنابك احتزاما وتقديرا
| |
|
|
|
|
|
|
|
|
|
Re: العايز يعرس.. برعاية خالات البورد (Re: طيفور)
|
السلام عليكم يا ناس هوووووى ...
والشكر الجميل لبيان ودوما
وانا طبعا معرس وجايى للمساعده فقط
اها انا عندى بوكس وجاهز للمشاوير وفطور العريس
تخريمه
يا بيان
الزول الفاره انسانيا بتاع الامارات دا طلبو عندنا
شوفى ليك طريقه واجمعى ليكى راسين فى الحلال
والعروس اهو دى
اها رايك شنو ؟
| |
|
|
|
|
|
|
|
|
|
Re: العايز يعرس.. برعاية خالات البورد (Re: انعام حيمورة)
|
Quote: اها البوست دا بشملني ولا نحن بقينتا برة الرصة
هههههههههههه
دكتورتنا وماما دومة كل سنة وانتو طيبيين بوست لذيذ جدا ..
وانا بقرأ في المداخلات قلت يا ريت يتحقق ويبقى زواج سودانيز الجماعي برعاية خالات البورد
ههههههههه
محبتي |
انعام هوووى
تعالى اقعدى جمبى بى هنا دا فى مكان الناس المعرسين 
| |
|
|
|
|
|
|
|
|
|
Re: العايز يعرس.. برعاية خالات البورد (Re: هاجر التهامي ياسين)
|
بت اختى هاجر
انا زى دوما ونجاة بعتبر نفسى خال لى بنات واولاد البورد الصغنتوتين
وبما انى خالك وعرفت انو فى زول فاره انسانيا وطالب واحده سمحه شديد
فقلت بت اختى هاجر اولى بالزول الفاره دا وهو اولى بالزوله الحلوه دى
والصوره ختيناها عشان لو داير يعمل لينا رايح يشوف السماحه الطالبا جد
وبث
| |
|
|
|
|
|
|
|
|
|
Re: العايز يعرس.. برعاية خالات البورد (Re: Abureesh)
|
عبر الايميل وصلت هذه الرسالة
كنت قد قرأت ماجادت به دوك نجاة و ماما دومه هنا وودت ان اشترك معهما .. بعدد لا بأس به من قصصى الغريبه ان صح لى التعبير مع " العريس السودانى " ..
انا فتاة .. ابنه قبائل .. لن اكذب و بل ساتجرد تماما فى هذا انا جميله و ذكيه و لبقة فى اوائل الثمانينات كان مولدى ..و لكنى بدأت ادفع ثمن كل هذا ..فى اللحظه اللتى قرر الشاب الذى احب ان يتخلى عنى .. معتذرا بقوله .. " معليش انا ما بقدر اتزوج واحده .. لامن تمشى معاى فى الشارع الناس كلها بتتكسر فيها " ..
علما بانى لست باجمل بنات حواء !!!
اعرف تماما شعوركم الممزوج بالدهشه .. كان مثل شعورى ايضا و انا استمع اليه .. مرددا هذه العباره السخيفه .. و لم اصدق انه كان يعنى كل هذا حتى بعد ان زف الى غيرى و رايت العروس اللتى كانت لا تمت للجمال بصله ..
و بعدها تكررت على ّ مجموعه من القصص الغريبه ..
كذاك الذى طلب منى ان اذكر له اسماء ثلاث اشخاص من المهمين فى الدوله .. وبالضروره ان يكونو جميعا اقاربى .. لانه لا يستطيع سوى ان يتزوج ابنه ناس مشهورين او مشاهير جدا ...
و يا حبّذا لوغيرت سيارتى الى كامرى او برادو مثلا كى تتناسب ووضعه الاجتماعى.. علما بانه موظف فى احدى الشركات و هو ليس بمهم و لا ابن رجل مهم .. و لا انا كنت امرأه تبحث عن الوجاهات يوما
هل حدثتم عن ذاك الذى رفضنى لان اصولى من الجزيره وكأن الجزيره هى عار ...اصولى من الجزيره و هى المكان الذى ينتمى اليه اجدادى و انا فخوره به و لم انسلخ منه يوما ما .. لانى شخصيا اعتقد بان اى شخص ينسلخ من جذوره هو شخص غير سوى ..
..
اليس الزواج هو بناء حياةمشتركه .. تقوم على اساس متين ؟
فيها زوجان يتوقان الى تحقيق استقرار كامل و تربيه جيل ناضج ؟
حسنا ... لن اخجل .. فالزواج هو غاية كل فتاه .. و ان كان منبركم سيساعدنى على ايجاد زوج مناسب .. ساكون شاكره ..
اريد زوجا سودانى .. ينتمى الى هذه البلد .. و فيه كل صفات اهلها صفات الرجل السودانى " السمح بالحيل " ..
سودانى فيهو صفات السودانى و لا شىءآخر ..
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
ماما دومة ود. نجاة
حبابكم أمهات الخير والسرور
والله النصيحة لي الله لي كم يوم عاوزة أجي أشيد بفكرة البوست ده بس كنت ملاوزة !
قلت يقوم شمشار ولا شمشارة يقول : ( البت المذيعة الأرملة دي الوداها تتضهب في بوست عرس البنات شنو) ؟ههههههههههه
لكن قلت لروحي يازولة خشي شيدي بالفكرة ويارب تنجحوا وتعلنوا أول تلاتة زيجات عن طريق البوست ده
ونحتفل بيهم إحتفال كبير والله ,,
بالمناسبة عندي صديقتي جميلة ومهذبة وصغيرة مازالت لكنها مطلقة وعندها ولد ينفع تلقوا ليها عريس ولا إلا (عذارى) الحي بس ؟!
تسلموا ووفقكم الله لعمل الخير ياحبيبات
نعوم حيمورة؟
بتتضهبي بي جاي مالك تاني أكلم ليك أزهري صحبي ؟ ( وش فتاااان) ههههه
| |
|
|
|
|
|
|
|
|
|
Re: العايز يعرس.. برعاية خالات البورد (Re: نادية عثمان)
|
و الله عجبتني قصتها ياخي..
Quote: اريد زوجا سودانى .. ينتمى الى هذه البلد .. و فيه كل صفات اهلها صفات الرجل السودانى " السمح بالحيل " ..
سودانى فيهو صفات السودانى و لا شىءآخر .. |
ابشري أخت الخير!
نصفك الآخر موجود في الصفحة السابقة.. ( أخونا بتاع الامارات)
يا خالة بيان.. شغلك بقى تعبان :)
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
يادكتوره ياخى خلى الاستهبال لو مادايره تدينى بتك زاريه كلمنى عديل لانو البت مااظنها تقول لا والله تلاته اناعريس لقطه وماحتندمى يااماكمان خلينى النلحق السوق الحار دا
بعدين حركات الكيزان دي ماتعمليهم معاى شنو خاتانى فى البلاك لييست دايره تطفشى منى بت الجزيره السمحه وهاجر وناديه
على كل حال ديل مابناباهم لكين الفيك انعرفت ياضلاميه
| |
|
|
|
|
|
|
|
|
|
Re: العايز يعرس.. برعاية خالات البورد (Re: WAD ELGAALI#4)
|
هاهاههاها يا ود الجعلي
من لقيت بدايل بقت تقولي بطلي حركات الكيزان وضلامية
بكدا يا بتستحلمنا يا ولدي
لما نعجز موش قلت ليك نحنا بنقوم ونقعد مع بتنا الصغيرة دي
باكتج كاملة البت وامها ابوها
تعرف هي بت خدومة جدا اها لما كان صعيرة(في اولى ابتدائي)
ابوها قاليها
يا "زرزور" نحنا بعدين بنجي نموت في بيتك
قالت ليه لكن لو راجلي اباكم؟؟!
بعداك اتحرجت شديد ووعدت انه لو راجلها ابانا حتعمل لنا بيت صغبتوتي
جنب بيتها وترعانا..
اسع انت زعلت عشان البلاك لست بري ما بعرس ليك بتي الحنموت في بيتها
تجي تقوليها ياانا يا امك وابوك ديل..
| |
|
|
|
|
|
|
|
|
يا دكتوره كل سنه وانت طيبه
طيفور بصـراحه قاصد قول اغطس الحياةالزوجيه
(عدل بواسطة محاسن أحمد محمد on 01-04-2010, 05:38 PM)
(عدل بواسطة محاسن أحمد محمد on 01-04-2010, 05:39 PM)
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote:
بألمناسبه طيفور قاصد اقول
اغطــس الحياة الزوجبة ما قاصداقول
اقدس الحياة الزوجبة |
Quote: عثيفير الجنة دا زول مستهبل كبير
الله يدينا خير اولاد الفنون ديل.. |
نجاة ومحاسن بسسسس عليكون يا ضلاميات
الحسادة العليكون شنو؟؟؟
طيرتو لينا البلوم وعملتو لينا سومعة ياخي
صحي والله البتريدو بترشو ليهو الدرب
والبتابوهو بتحرشو ليهو الكلب
| |
|
|
|
|
|
|
|
|
|
Re: العايز يعرس.. برعاية خالات البورد (Re: على محمد على بشير)
|
الخال على محمد على بشير
Quote: انا زى دوما ونجاة بعتبر نفسى خال لى بنات واولاد البورد الصغنتوتين
|
انا زولة بحب خيلاني شديد وبحترمهم جدا
وما ممكن حد يكون في مكانهم ما احترمه
انا اسفة جدا على كلامي وهظاري معاك
ولك العتبى حتى ترضي خالي العزيز
ابنه اختك الزعلاته من روحها
هاجر
| |
|
|
|
|
|
|
|
|
|
Re: العايز يعرس.. برعاية خالات البورد (Re: امادو)
|
ايووووووووووووووووووووووووووووووووووووووي
اااااااااااااااااااااه كم انتي جميلة.................. رقيقة .................... عاقلة
وان شاء الله رجلك خضراء ( الرزق بعد الزواج رهن بلون رجل المراة )
حبيبتي اعدك ب...........................
حبيبي اعدك ب ............................
اخيرا دكتورة نجاة نجحت مساعيها.
| |
|
|
|
|
|
|
|
|
|
Re: العايز يعرس.. برعاية خالات البورد (Re: امادو)
|
ثم
ولانك سوداني ( مثقف ولبرالي خارج المنزل) فانت ستحرص على كل مقتنياتك الثمينة ,,,,,,,,,,,
ولابد من فرض السيطرة ؟؟؟؟؟؟؟
اغلق كل المنافذ.
واترك لها مفتاح قلبك ( مفتاحا وهميا )
| |
|
|
|
|
|
|
|
|
|
Re: العايز يعرس.. برعاية خالات البورد (Re: عبدالله الشقليني)
|
Quote: ولانك سوداني ( مثقف ولبرالي خارج المنزل) فانت ستحرص على كل مقتنياتك الثمينة ,,,,,,,,,,,
ولابد من فرض السيطرة ؟؟؟؟؟؟؟
اغلق كل المنافذ. |
امادو ياخي دي كيفتني لما كيفتني
يديك الفي مرادك
عشان كدا ضلامي عديل ولا مستنير مجهجه
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
الدكتورة نجاة
لك الود
صدقيني المستنيرين الحقيقين لايستطيعون البوح بيننا
المستنير بيننا ياخذ لقب ( دلدول )بامتياز ؟
والمجد هنا للظلاميين ؟
والغريب ان الظلاميين هم تربية امهاتهم , ليواصلوا الدرب قمعا للنساء
هل هي معركة داخلية بين الجنس اللطيف انفسهم ونحن بيادق ؟
قريبا السيناريو التاني
| |
|
|
|
|
|
|
|
|
|
Re: العايز يعرس.. برعاية خالات البورد (Re: mustafa bashar)
|
لاخوات جملة والاخوان جملة والعرسان القلبوا ضحك
تحية طيبة
كل لكلامكم سمح وزين عجبني كلام سلمى و انتصار
اتمنى الناس تاخد الموضوع بجدية ...
لانه في قراء كتار اخدوه بجدية
واتمنى نوفق في مساعدة الناس في الوصول الى النصف الضائع
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
الدكتورة نجاة
السلام عليكم
والله يا اختى بقى علينا المثل قلبى على جنايا وقلب جناى من حجر
الناس ديل مالهم مترددين يا شباب الجادى ومستعد يرسل للدكتورة نجاة التردد دا احد عوامل الفشل
لا تنظروا للزواج من خلال التجارب الفاشلة انتم بيدكم النجاح
واكسرو الروتين العايشين فيه هنالك عالم اخر محتلف يمكنك من خلاله صنع شئ فى الحياة قبل الرحيل منها
| |
|
|
|
|
|
|
|
|
|
Re: العايز يعرس.. برعاية خالات البورد (Re: انتصار محمد صالخ بشير)
|
الأخت دكتورة / نجاة
تحية طيبة،
شكرا لهذا البوست وربنا يديك سعادة الدارين وجميع عرسان هذا البورد. ( بإعتبار ما سوف يكون ) .
| Quote: واكسرو الروتين العايشين فيه هنالك عالم اخر محتلف يمكنك من خلاله صنع شئ فى الحياة قبل الرحيل منها |
الأخت إنتصار محمد صالح : كيف حالك
كيف لنا بأن نكسر الروتين ود. نجاة حولتنا للأخت تراجي ، .
نطالب بإنضمام خالات وأخوات آخريات لمساعدة الأخت تراجي حتى يتم النظر في طلبات أنصار التعدد وتعم الفائدة ..
المهم أنا جادي - سجلوني معاكم .
موفقين يا رب
صلاح حمد
| |
|
|
|
|
|
|
|
|
|
Re: العايز يعرس.. برعاية خالات البورد (Re: صلاح حمد)
|
الاخ صلاح
السلام عليكم
اخى الكريم ان قولك
| Quote: حتى يتم النظر في طلبات أنصار التعدد وتعم الفائدة .. |
ان كنت عاوز تكسر الروتين بالزوجة الثانية عفوا اخى الكريم انت محتاج لامر اخر ان تعيد تجديد حياتك القديمة مع شريكة حياتك التى كانت معك فى الحلوة والمرة
ان طريق التعدد شائك ووعر وليس من السهل ان يعيشه رجل عاقل . ممكن تقول لى انا بقدر اعدل ! كيف يكون معيار العدل بين كفتين غير متساويات الزوجة القديمة والجديدة
بين زوجة عاشت كل صغيرة وكبيرة بحياتك وبين زوجة دخيلة على حياتك قل بربك كيف يكون العدل ؟
اخى قد يكون للزوج اسباب منطقية للزوجة الثانية وعندها انا متاكدة ان زوجتك الاولى هى من ستختار لك الزوجة الثانية
اخى ليه ما تعيش حياة متجددة مع زوجتك الاولى حياة كلها تجديد ودا بكون بوضع برنامج يتم تنسيقها حسب ظروفكم ووضعكم الاقتصادى والاجتماعى والاسرى
كدى يا اخوى قول بسم الله واقعد مع ام الاولاد واعملو جرد حساب لحياتكم الزوجية واعيدو فيها الحياة
انتصار
| |
|
|
|
|
|
|
|
|
|
Re: العايز يعرس.. برعاية خالات البورد (Re: انتصار محمد صالخ بشير)
|
يا انتصار شايفة الرجال المعرسين ديل ما يعرفوا الفردوس المفقود الا لما يعرسواتاني
مفتكرين يكونوا حمل بين نعجتين يلقوا نفسهم عضمة بين ضبعتين بعدين بالجد الروتين حقو بتكسر
تعرفي في ماساة اسع اسمها طلاق الزوجة التانية بس الناس ساكتة عليها
الواحدة تعرس الام وعيالها واهلها يحمشوا الجحر ويملوه موية
صاحبنا يطلق ويجي صاغر. على الاقل بيكون اتفسح بالحلال فترة
لكن يجي يكون نزل من فوق الراس لتحت الشبشب
لا احترام ولا محبة في البيت الخسر فيه شبابو وتعبو
لاحظت الرجال البعرسوا تاني دائما زوجاتهم مكلملات من كلو
بيكن نموذجهم السمح دا يعمموا على كل النساء
لما يأمن بعداك ويكون دفع ثمن درس العصر دا بسعادته.
ونحنا والله عايزين مصلحتكم يا اخوانا ما مابين ليكم السمح
هاهاههاهها
| |
|
|
|
|
|
|
|
|
|
Re: العايز يعرس.. برعاية خالات البورد (Re: السمؤال بدرالدين)
|
Quote: سألني أحدهم يوما ونحن نناقش مسألة عدم زواجي حتى الآن ياخي دايره شنو؟ زوج وبس؟ عشان المجتمع والناس وكلامهم ونقة الأهل؟
ما الذي يجعل من الزواج قضية كبرى أو هاجسا لدى البنات؟؟ أغلبهن عندما يسألن
لماذا تريدين الزواج؟ سيقلن لك وبصوت عال جدا أريد أطفالاً وأن أحس بطعم الأمومة و الإستقرار وووو.. كل تلك الإكليشيهات المحفوظة من زمن جدة جدتي...
يعني أنهن غير باحثات عن الحب لأنه ومن وجهة نظر الآخرين (التي تبنوها) وأصبحت شعارهن، فإن الحب بهت ولم يعد له مكانا أو هو المحرك الرئيس لهذا الدافع..
وتطابقت وجهة نظرنا في الرجل الذي اتمناه مكملا لحياتي عندما نصحني بالحلم برجلٍ طود .. سفينه، رجل تلقمينه اللقمة فكأنك تستطعمينها.. رجل تركضين معه كالأطفال وتكركرين في حضرته بالضحك، رجل لا تخجلين أن تخبريه بمواعيد دورتك الشهرية التي فاجأتك - و أنتما لا تزالان صديقين - رجل يرى في جبهتك موضع التقبيل قبل أن يشتهي شفتيك، لكنه يغافل اغماضك لعينيك فيقبلك بحر نار عشقه لك، ويضحك .. رجل طفل جميل .. يحكي لك حكايا خارم بارم و يغني في الحمام فيضرسك .. يعد لك عشاء سيئا ولساعات، ثم يضحك من نفسه ومنك حين تلقون بالعشاء إلي السلة و تبيتان القوى، رجل يدلك ظهرك في الحمام و" يليفه " دون أن ينتبه إلى مفاتن الإنثي.. لكنه يرى الإنسان الذي يعشق..
رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال. |
دة كلام مابعدو كلام
خالص التحايا يادكتورة
| |
|
|
|
|
|
|
|
|
 Re: العايز يعرس.. برعاية خالات البورد (Re: ندى عثمان حسن)
|
| Quote: رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال. |
الكلام سمح، وبيشبهني شديد خلاص، لوول، فمن تجد في نفسها الجرأة، المعلومات موجودة بالبروفايِّل...
___
التلفزيون البقول شششششششششششش ده غير تلفزيون امدرمان زمان مافي؛ فعلى ضوء "ششششششششششش"، تقريباً الكاتبة في النصف الأول من الثلاثين، وموجود بالسودان..
| |
|
|
|
|
|
|
|
|
|
Re: العايز يعرس.. برعاية خالات البورد (Re: Yassir Tayfour)
|
| Quote: رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال. |
الكلام دة يادكتورة أطبيعيهو فى كروت ووزعيهو لكل المتقدمين- أظن انو ح ينفعهم
all single ladies looking for the same
| |
|
|
|
|
|
|
|
mustafa bashar
غباشي
saadeldin abdelrahman
احمد محمد بشير
JAD
omar arbab
ناصر احمد الامين
انتصار محمد صالخ بشير
طيفور
على محمد على بشير
انعام حيمورة
Abureesh
WAD ELGAALI#4
محاسن أحمد محمد
عفاف الصادق بابكر
معتز القريش
امادو
عبدالله الشقليني
صلاح حمد
السمؤال بدرالدين
ندى عثمان حسن
معاوية عوض الكريم
Yassir Tayfour
فيس بوك
تويتر
انستقرام
يوتيوب
بنتيريست