بيان يا لذيذة ! كدي بالأول جيبي البضاعة وخلينا نعزِّل، بتيخة مقفولة وللا على السكين.. ___ أخواني الواقفين صف ديل لو بتثقوا في ذوقي، رشحوني ضواق.. ومن فرّج عن بوردابي كُربة، فرّج الله كربه في الأسافير..
Quote: شكرا اختنا د.نجاة مثلا انا زول مسيكين وساكن طرف في الخرطوم وبالايجار وعاطل عن العمل في الضواحي وطرف المداين وامتلك بؤسا عاصف وفقر مدقع من تأنس في نفسها الكفاءة لتشاركني حياة قائمة علي رزق اليوم باليوم ومرات اكل طعمية هذا برغم انني احمل شهادة عليا في الهندسة المدنية وبنيت عمارات شوامخ بليبيا وعدة ابار جوفية وحفائر بدار فور في برنامج الامم المتحدة الانمائي وامتلك شهادة خبرة باني اشرفت علي برامج في الحقول النفطية الليبية لسنوات عديدة خبراتي لم تجد فرصة في بلادي العزيزة فمازلت اعتقد ان العمل يجب ان يتوفر لي عبر لجنة الاختيار للخدمة العامة ومكتب العمل واعلانات الصحف ومنذ 96 لم اجد فرصة حتي الان وممايوسف له اني شاطر من الخلوة والي الان ونفسي اخدم بلدي ومالقيت فرصة عبر الطرق المعروفة وناوي الهجرة الي الخليج حيث لاحت لي ولكني حزين دايره لبلدي الله غالب لكن مصر اخدم بلدي ووطني بمعرفتي المتواضعة اسفت باني قدمتها لليبيبا اكتر من بلدي
Quote: يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب..
أنا غايتو مساهمتي معاكم عندي عريس مكمل من برة البورد ورشحت ليهو واحدة من بنات البورد دا ووافق مبدئياً على الفكرة لكن ما عارفة أفتح الموضوع مع البنية كيف، رايك شنو أديكم الموضوع دا إنتي ودومة تتموا الباقي ؟
Post: #10 Title: Re: العايز يعرس.. برعاية خالات البورد Author: الشفيع وراق عبد الرحمن Date: 12-29-2009, 06:19 AM Parent: #9
أحييك يا دكتورة تلمست من مداخلات بعض الاخوة أخذ الموضوع كمزحة بصراحة ليه ما يكون موضوع جاد نحنا هنا في السعودية نعاني من هذه المشكلة بصورة كبيرة شابات إتولدن هنا وكملن تعليمهم ولم يأتي صاحب النصيب ليس هناك أي سبب إلا طبيعة المجتمع من عدم الاحتكاك والاختلاط وخلافه والله يا الدسكو وسعد، بنات زي النجف ،قمة التربية والأخلاق ،وشطارة كمان
التعارف ثم الزواج عبر الاسفير يمكن أن ينجح
تحياتي
Quote: يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب..
ليه كده يا دكتورة يعني ما لقيتي الا تراجي ام عكاز
------------كسرة----------- علمت إنو البنات اليومين دي وفي السودان بالذات يبحثو عن الراجل المتزوج بقولو انه جاهز وعنده خبرة في الحياة ومتطلباته قليلة
تحياتي
Post: #11 Title: Re: العايز يعرس.. برعاية خالات البورد Author: Tragie Mustafa Date: 12-29-2009, 06:25 AM Parent: #9
النبي شفتي يا تيسير عوضه بيان دي مكاره كيف؟؟ بقت يعني هي ودومه الحنان
Quote: يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب..
وتراجي للعكاكيز!!
استني لي يا بيان!
وحاتك حتشوفا اول ناس حيجوك ناطين المتزوجين بعمولها هظار وضحك وهم النفيسه فيها!
انا غايتو اصلا كالعاده قابضه على جمر القضايا(هههههه) اها تعدد ممنوع.....وان شاء الله اهل السودان ربنا يرسل لهم واحد زي الحبيب بورقيبه ينشف ريقهم في موضوع التعدد ده.
يا خالتي بيان أناعايز لي أربعة دفعة واحدة لو بتعزيني .
Post: #13 Title: Re: العايز يعرس.. برعاية خالات البورد Author: Kamal Karrar Date: 12-29-2009, 06:41 AM Parent: #11
أها نحن المتزوجين ديل .. حامدين شاكرين..
ناس صُفاح سااااااااااكت...
بس إلا تقولوا لينا في عقد اليوم الفلاني...
نلفح عمتنا ونتوشح شالنا...ونفزع
حدنا طقوس الصُفاح بس... لا حفلة ولا يحزنون...
عشان نفقل الدرب لأصحاب العوينات الطايرة...
والله نتمنى لمشروع زي ده النجاح...
فعلا المسألة محتاجة مع تعقد الحياة...
والكم الهائل من مواقع التزويج السايبيري
أكبر دليل...
Post: #14 Title: Re: العايز يعرس.. برعاية خالات البورد Author: Dr. Salah Albashier Date: 12-29-2009, 06:48 AM Parent: #13
الأخت العزيزة د. نجاة لك التحية والود وعاطر الياسمين كل عام وأنت بخير، ندعم الفكرة من سويداء القلب. سؤالي، أين أقع بين هؤلاء وهؤلاء؟ فقط عليك أن تدركي أني "لا بتني المره ولا كباية الشاي" مع خالص تحياتي د. صلاح البشير
يـا حبيب الكاشف الله يرحمه لكن الفيك انعرفت! أنا بي دربي ماش لصاحبي الدكتور.
Post: #19 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 07:52 AM Parent: #18
Quote: بيان يا لذيذة ! كدي بالأول جيبي البضاعة وخلينا نعزِّل، بتيخة مقفولة وللا على السكين.. ___ أخواني الواقفين صف ديل لو بتثقوا في ذوقي، رشحوني ضواق.. ومن فرّج عن بوردابي كُربة، فرّج الله كربه في الأسافير..
المسنهبل الكبير دا عايزين ليه واحدة بمواصفات تراجي تمشيه في العجين ما بلخبطو..
في البورد دا في واحدة بس بتقدر عليه وهي عارفة نفسها.
من تانس في نفسها الكفاءة بالله تكتب لي
Post: #20 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 07:58 AM Parent: #19
دعاية بالجنبة كدا برعاية دهن الكركار
من احسن العزاب في البورد مكي الاحمدي وعمر سعد لو كنت ما متزوجة لتمنيت ان اتزوجهم رجال ضو قبيلة وفارهين الانسانية... ودي اهم حاجة في الراجل ان يكون فاره انسانيا صفة نادرة...
اها قلتن شنو؟
____________ مافي زول يقول الكلام على الاخلاق الاثنين في غاية الوجاهة ومقتدرين ماليا
Post: #21 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 08:06 AM Parent: #20
Quote: يا خالة بيان قلت ليك عرسي لي ولدك..العزابة بي جازهم جيتي عملتيهو عرس كورة!
كيف يا سعد اعرس ليك تب
يلا يا بنات سعد شاب ظريف جدا ومهذب وبحترم الناس الكبار ويحشمهم ودي صفة مميزة حيث مرشح نسيبتو تدق بتها ليه.
مكمل اي حاجة.. اها من تأنس في نفسهاالكفاءة فالتتقدم له
دي فرصة يا بنات البوست بكدا المبادرة للبنات ودي اول خطوة للانعتاق من فقط تسبل العيون وهو يقع ويفتكر انه هو الاختارها يعني بالجد عايزين نخدمهم نطلعم من غفلتهم دي
منتظرين
_________________ ما تشوفو شتارة عايزةاربعة ما بعملها ابدا زول مخلص جدا..ز
فكرتك جميلة وتستحق الاشادة، وأرشح بوستك دا من أجمل البوستات لـ2010 على الرغم من أنه متأخر شوية، ودا كان مفروض يحصل من زمان
وعليك الله يا دكتورة شوفى لينا عروستات لأصحابي د. سعد الدين وياسر طيفور ديل أول ناس الجماعة ديل حايمين فى النت دا من زمن كانوا بعملوا "ري إستارت" للكمبيوتر بالمنفلة ولسا ما عرسوا، يظهر إنو حنكهم مانضيف، وعايزين حبة دفرة
Post: #24 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 08:14 AM Parent: #22
امرأة من اجمل النساء الاتي عرفتهن
مواصفاتها لرجل انسان فاره الانالانسانية محب متعالي على الجسد لا ينر للعلاقة الزوجية كعلاقة جسد فقط بل روح وشريكته ينظر لها على انها انسانة وهو انسان ينتفي النوع في العلاقة فيكون الزوج الحبيب الصدق الرفيق
يسعد أوقاتك
بصراحة شديدة ما حبيت أتداخل بهناك عشان ما يظنوا إني بفتش على عريس (حق مشروع بالنسبة لي) لكن تقولي شنو في العقليات؟؟ وخليني أراسلك ماسينجريا احتمال تقدري تعرفي -ومن خلال التجارب المرير بعضها ومريت بيها (أنا فار تجارب حقيقي) وكنز لا يستهان بيه في الموضوع ده - بعض الأسباب البتخلي البنات يتأخروا في الزواج أو الأسباب البتخلي الشباب غير قادرين على الإقدام على الخطوة دي.ز
سألني أحدهم يوما ونحن نناقش مسألة عدم زواجي حتى الآن ياخي دايره شنو؟ زوج وبس؟ عشان المجتمع والناس وكلامهم ونقة الأهل؟ ما الذي يجعل من الزواج قضية كبرى أو هاجسا لدى البنات؟؟ أغلبهن عندما يسألن لماذا تريدين الزواج؟ سيقلن لك وبصوت عال جدا أريد أطفالاً وأن أحس بطعم الأمومة و الإستقرار وووو.. كل تلك الإكليشيهات المحفوظة من زمن جدة جدتي... يعني أنهن غير باحثات عن الحب لأنه ومن وجهة نظر الآخرين (التي تبنوها) وأصبحت شعارهن، فإن الحب بهت ولم يعد له مكانا أو هو المحرك الرئيس لهذا الدافع..
وتطابقت وجهة نظرنا في الرجل الذي اتمناه مكملا لحياتي عندما نصحني بالحلم برجلٍ طود .. سفينه، رجل تلقمينه اللقمة فكأنك تستطعمينها.. رجل تركضين معه كالأطفال وتكركرين في حضرته بالضحك، رجل لا تخجلين أن تخبريه بمواعيد دورتك الشهرية التي فاجأتك - و أنتما لا تزالان صديقين - رجل يرى في جبهتك موضع التقبيل قبل أن يشتهي شفتيك، لكنه يغافل اغماضك لعينيك فيقبلك بحر نار عشقه لك، ويضحك .. رجل طفل جميل .. يحكي لك حكايا خارم بارم و يغني في الحمام فيضرسك .. يعد لك عشاء سيئا ولساعات، ثم يضحك من نفسه ومنك حين تلقون بالعشاء إلي السلة و تبيتان القوى، رجل يدلك ظهرك في الحمام و" يليفه " دون أن ينتبه إلى مفاتن الإنثي.. لكنه يرى الإنسان الذي يعشق..
رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال.
تعرفي يا أم الخير (أختياري لمناداتك بهذا الأسم) إنك ساعية للخير.. آخر عريس رشحه صديقه الذي التقاني عند أسرة سودانية مصادفة- فأنا بخيلة في تواصلي اجتماعيا مع الآخرين - وطلب تليفوني ليتواصل معي صديقه الذي شكره لي كثيرا في أنه من أسرة طيبة للغاية وهو الآخر لا يقل عنهم طيبة فوافقت خاصة وأنه غير متزوج وهذ سبب كاف لأن أقبل بالتواصل معه - فكل الذين تقدموا للزواج مني متزوجين ويعانوا الأمرين مع زوجاتهم حسب كلامهم.. أو مطلقين ويريدوا الزواج بأخرى نكاية في الأولى أو لتربية أولاد الأولى أو توفيت زوجاتهم ويبحثوا عن أخرى بديلة تقبل بتربية الأولاد دون أن تحلم بالإنجاب فلديه ما يكفيه وزيادة.. -
زولة اديبة وفنانة
Post: #26 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 08:19 AM Parent: #24
Quote: شكرا اختنا د.نجاة مثلا انا زول مسيكين وساكن طرف في الخرطوم وبالايجار وعاطل عن العمل في الضواحي وطرف المداين وامتلك بؤسا عاصف وفقر مدقع من تأنس في نفسها الكفاءة لتشاركني حياة قائمة علي رزق اليوم باليوم ومرات اكل طعمية هذا برغم انني احمل شهادة عليا في الهندسة المدنية وبنيت عمارات شوامخ بليبيا وعدة ابار جوفية وحفائر بدار فور في برنامج الامم المتحدة الانمائي وامتلك شهادة خبرة باني اشرفت علي برامج في الحقول النفطية الليبية لسنوات عديدة خبراتي لم تجد فرصة في بلادي العزيزة فمازلت اعتقد ان العمل يجب ان يتوفر لي عبر لجنة الاختيار للخدمة العامة ومكتب العمل واعلانات الصحف ومنذ 96 لم اجد فرصة حتي الان وممايوسف له اني شاطر من الخلوة والي الان ونفسي اخدم بلدي ومالقيت فرصة عبر الطرق المعروفة وناوي الهجرة الي الخليج حيث لاحت لي ولكني حزين دايره لبلدي الله غالب لكن مصر اخدم بلدي ووطني بمعرفتي المتواضعة اسفت باني قدمتها لليبيبا اكتر من بلدي
دا زول جميل جدا مؤهل تاهيل عالي
اي زولة عايزة تبدأ حياة مع زول ذيو يوعدها بحسن المعاملة موش بالاشياء المادية..
تعرف الفقر كثيرا ما بعني الفقر المادي
يلا يا شابات
Post: #25 Title: Re: العايز يعرس.. برعاية خالات البورد Author: حافظ حسن ابراهيم Date: 12-29-2009, 08:15 AM Parent: #19
الام بخيتة سلامات و كل سنة و انت طيبة ووليداتك ....
انت عارفة يا نجاة امس حلمت انو ناس بيتنا عقدوا لي علي قريبتي رغم انفي و رسلوا لي القسيمة بالفاكس ... غايتو وقت صحيت من النوم قلت (الحمد لله ....كم انت كريم يا رب)... لكن 2010 دي شكلي عاملها .. عاملها اها اديك المواصفات:
اولا : الزوجة دي لا تسألني لا أسالها (ابيت برا , ما اجي كلو كلو ) و هي ليها نفس الحق يعني باختصار كدا (مهمل و لا يحب القيود الزوجية) ثانياً: بداية الشهر تشيل المرتب لانو لو بقي عندي يوم 7 في الشهر بنتسول... ثالثاً : تطرد كل ضهب منتصف الليل (الشراسة واجب المرحلة) رابعاً: أهل اهل ما معانا اي زول يواصل اهله بالطريقة البتعجبو (تفكك اسري مبكر)
يلا دي المواصفات مش انتي امي ... و اهم job description للام هي اختيار زوجة ...غايتو لايقي المواصفات الفوق دي لو بتتلايق و شوفي زولة غضب والدين كدا و عمل الخير ربنا يتمه
شكرا دكتورة نجاة و بجيك بالدرب الفوقاني
Post: #28 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 08:22 AM Parent: #25
Quote: أنا غايتو مساهمتي معاكم عندي عريس مكمل من برة البورد ورشحت ليهو واحدة من بنات البورد دا ووافق مبدئياً على الفكرة لكن ما عارفة أفتح الموضوع مع البنية كيف، رايك شنو أديكم الموضوع دا إنتي ودومة تتموا الباقي ؟
جدا يقصر الملح يا حبيبة.. رسلي لي في المسانجر
Post: #30 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 08:29 AM Parent: #28
Quote: انا مفروض اسمي ينزل هنا أتوماتيكلي
انت المفروض ن تتجلدقاعد في الاحفاد وعزابي لغاية الان؟؟
بكري مؤهل تماما من مجاميعو خلقة واخلاق مؤدب جدا الدليل قاعد في منجم البنات وباقي على خالاتو ديل اها من تأنس في نفسهاالكفاءة
Post: #31 Title: Re: العايز يعرس.. برعاية خالات البورد Author: د.نجاة محمود Date: 12-29-2009, 08:43 AM Parent: #30
Quote: الام بخيتة سلامات و كل سنة و انت طيبة ووليداتك ....
انت عارفة يا نجاة امس حلمت انو ناس بيتنا عقدوا لي علي قريبتي رغم انفي و رسلوا لي القسيمة بالفاكس ... غايتو وقت صحيت من النوم قلت (الحمد لله ....كم انت كريم يا رب)... لكن 2010 دي شكلي عاملها .. عاملها
اولا : الزوجة دي لا تسألني لا أسالها (ابيت برا , ما اجي كلو كلو ) و هي ليها نفس الحق يعني باختصار كدا (مهمل و لا يحب القيود الزوجية) ثانياً: بداية الشهر تشيل المرتب لانو لو بقي عندي يوم 7 في الشهر بنتسول... ثالثاً : تطرد كل ضهب منتصف الليل (الشراسة واجب المرحلة) رابعاً: أهل اهل ما معانا اي زول يواصل اهله بالطريقة البتعجبو (تفكك اسري مبكر)
يلا دي المواصفات مش انتي امي ... و اهم job description للام هي اختيار زوجة ...غايتو لايقي المواصفات الفوق دي لو بتتلايق و شوفي زولة غضب والدين كدا و عمل الخير ربنا يتمه
شكرا دكتورة نجاة و بجيك بالدرب الفوقاني
اها عاد يا حافظ اقوليك شنو عاد يا ولدي انت عايز تكون هامل وما هامل ودا وضع صعب شديد في تعقيدات الحياة السودانية لكن اهم حاجة حركة تشيل المرتب دي مغرية شوية
حافظ يا بنات زول وناس ولطيف وقلبو باااااااارد اولادوحيشبعو لعب لو اداهم فرصة في اللعب ما اخد كل الادوار..
بيعمل ابو ظريف جدا لكن النصيحة المواصفات الفوق دي بتخوف حبة الكلام دا عشان ما تجي واحدة تقول الله ينعل بيان ودومة ديل..
Quote: سألني أحدهم يوما ونحن نناقش مسألة عدم زواجي حتى الآن ياخي دايره شنو؟ زوج وبس؟ عشان المجتمع والناس وكلامهم ونقة الأهل؟ ما الذي يجعل من الزواج قضية كبرى أو هاجسا لدى البنات؟؟ أغلبهن عندما يسألن لماذا تريدين الزواج؟ سيقلن لك وبصوت عال جدا أريد أطفالاً وأن أحس بطعم الأمومة و الإستقرار وووو.. كل تلك الإكليشيهات المحفوظة من زمن جدة جدتي... يعني أنهن غير باحثات عن الحب لأنه ومن وجهة نظر الآخرين (التي تبنوها) وأصبحت شعارهن، فإن الحب بهت ولم يعد له مكانا أو هو المحرك الرئيس لهذا الدافع..
وتطابقت وجهة نظرنا في الرجل الذي اتمناه مكملا لحياتي عندما نصحني بالحلم برجلٍ طود .. سفينه، رجل تلقمينه اللقمة فكأنك تستطعمينها.. رجل تركضين معه كالأطفال وتكركرين في حضرته بالضحك، رجل لا تخجلين أن تخبريه بمواعيد دورتك الشهرية التي فاجأتك - و أنتما لا تزالان صديقين - رجل يرى في جبهتك موضع التقبيل قبل أن يشتهي شفتيك، لكنه يغافل اغماضك لعينيك فيقبلك بحر نار عشقه لك، ويضحك .. رجل طفل جميل .. يحكي لك حكايا خارم بارم و يغني في الحمام فيضرسك .. يعد لك عشاء سيئا ولساعات، ثم يضحك من نفسه ومنك حين تلقون بالعشاء إلي السلة و تبيتان القوى، رجل يدلك ظهرك في الحمام و" يليفه " دون أن ينتبه إلى مفاتن الإنثي.. لكنه يرى الإنسان الذي يعشق..
رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال.
تعرفي يا أم الخير (أختياري لمناداتك بهذا الأسم) إنك ساعية للخير.. آخر عريس رشحه صديقه الذي التقاني عند أسرة سودانية مصادفة- فأنا بخيلة في تواصلي اجتماعيا مع الآخرين - وطلب تليفوني ليتواصل معي صديقه الذي شكره لي كثيرا في أنه من أسرة طيبة للغاية وهو الآخر لا يقل عنهم طيبة فوافقت خاصة وأنه غير متزوج وهذ سبب كاف لأن أقبل بالتواصل معه - فكل الذين تقدموا للزواج مني متزوجين ويعانوا الأمرين مع زوجاتهم حسب كلامهم.. أو مطلقين ويريدوا الزواج بأخرى نكاية في الأولى أو لتربية أولاد الأولى أو توفيت زوجاتهم ويبحثوا عن أخرى بديلة تقبل بتربية الأولاد دون أن تحلم بالإنجاب فلديه ما يكفيه وزيادة.. -
This woman is talking about me ya Bayan, I can see my "tiffa" between her words.. ____ Ready for the road teset.. Ri7ab do I need to worry about the blind spots? don't worry m3ak mu3alim ;)
والله يا دكتورة نجاة الموضوع ده مهم، لي من الاصدقاء و الصديقات مجموعة لم تتزوج و لا اري اي اسباب لعدم زواجهم، غير فرص لقاء الطرف المناسب و قسمة رب العالمين، و بعضهم بعد ان يخطب و يقترب موعد الزواج they get a cold feet و ينطو
كمساهمة مني جاده، حقو الناس تملا البروفايل ده و ترسله لعنوانك او عنوان عام الناس يعملوهو جديد للقصه دي، و يمكن ربنا يكتب عن طريق البورد فرص تعارف بين الناس:
البروفايل العمر: الطول: الوزن: الحالة الاجتماعية: دي غتاتة عشان نكشف ناس راجل المره lol التعليم: المهنة، او مصدر الدخل: for those independently wealthy lool الهوايات و الاهتمامات: بعد الزواج، الاستقرار حا يكون وين: الاسرة: عدد الاخوان و الاخوات و ترتيبك في الاسره اي معلومات اضافية يعتبرها مقدم الطلب مهمه، كالحاله الصحيه او او او
مواصفات الطرف الاخر المطلوبه:
اهااا، بعد داك انتي و ماما دومة كان قعدتو و طقمتو لينا و نشوف البيحصل شنو، تكونو عملتو العليكم، لووول
Hmmmmm ! ___ I think alboard is a good place to start with;) untill u make ur own server..
Post: #38 Title: Re: العايز يعرس.. برعاية خالات البورد Author: doma Date: 12-29-2009, 10:56 AM Parent: #35
لوووووووووووول ماكان تصبري وتفتحي الطاقه دي في الربع الاول ولا قلت تلحقي سوق راس السنه النديكم النصييه الزواج دا امره غريب البرا داير يدخله والجوه يقول يا ابو مروه الغوث الغوث. وحساده مننا لازم اي زول يشرب المقلب دا اوله عسل واخره بصل فما ترفعوا سقف احلامكم كثيرا يا شباب اقصد الجنسين
د. نجاة كيفنك وينك يمة والله ليك شوق كميات منزلة بوست في نيوسودان مطالبين بعودتكم بس انشاء الله تراجي ماترفع لي مقشاشة. ماعندك لي فرقة في بوستك الجميل اصلوا اختك قدر ما تقبل على الخطوة دي تلقى ليك الزول خازوق كبير المهم اكتشفت ليك انو ربنا بحبني شديد بينقذني من اولاد الحرام. والله الناس العاملين فيها استايل ديل وبتاعين حنك ديل, اكتر ناس الواحدة تخاف منهم الواحد تلقية عامل السبعة وزمتها وعامل فيها برئ براءة الذئب من دم ابن يعقوب. غايتو انا خلاص ريحت بالي كدا انا راجينك مع مودتي هاجر
Quote: النديكم النصييه الزواج دا امره غريب البرا داير يدخله والجوه يقول يا ابو مروه الغوث الغوث. وحساده مننا لازم اي زول يشرب المقلب دا اوله عسل واخره بصل فما ترفعوا سقف احلامكم كثيرا يا شباب اقصد الجنسين
تحياتي لجميع المتداخلين وكل سنة وانتو طيبين
يعني يا خالة دوما عاوزي تقولي انو الزواج زي زريبة المك البرة عاوز يدخل والجوة عاوز انفك؟؟
انا شخصيا اكملت عامي التاسع في الزواج واشعر انني عريس كل ليلة ولا احس ابدا انني احتاج لاكثر من ذلك واغرب حاجة مع ذلك افكر بالتعدد (((جادي والله اذا في واحدة جادة)))
اما بالنسبة للزوجات النكديات فهن ايضا لهن فوائد جاءني ايميل لذيذ في هذا الموضوع واحببت ان اشارك به:
الزوجات كلهن فوائد
ومن يعتقد ان الزوجة النكدية ليس لها فوائد فهو مخطئ فللزوجة النكدية فوائد كثيرة ومن أهمها: تجعل لسان الزوج رطب بذكر الله طول اليوم قاعد يدعي حسبي الله ونعم الوكيل تساعد الزوج على غض البصر لأنه سوف يكره صنف الحريم تساعد الزوج على صلة الرحم لأنه على طول هربان عند أمه تساعد الزوج على أن يحافظ على وزنه ورشاقة جسمه لأنه دائما ً نفسه مسدودة عن الأكل وأخيراً تجعل من زوجها رجلاً عظيماً فبسبب قرفه وزهقه منها سوف يقضي وقتا ً أطول في العمل مما يجعله إنسانا ً ناجحاً في عمله ويحقق المثل القائل: "وراء كل رجل عظيم إمرأة
Post: #44 Title: Re: العايز يعرس.. برعاية خالات البورد Author: بدر الدين الأمير Date: 12-29-2009, 11:23 AM Parent: #41
عناية دكتورة نجاة محمود بواسطة زينب بت الفحل (دوما)
Quote: اي واحد عايز يعرس يجي يورينا شايف نفسو كيف وعايز شنو في زوجة الاحلام..
انا ابحث عن زوجة ولكن لا ارغب في دخول مؤسسة الزواج اقول قولى هذا واستغفر لازواجكم منكم
تنهدات : قيل أن الزواج هو القرار السهل للذين يعيشون على هامش الحياة وهو القرار الصعب للذين يشاركون في صنع الحياة
Post: #46 Title: Re: العايز يعرس.. برعاية خالات البورد Author: محمد المرتضى حامد Date: 12-29-2009, 11:25 AM Parent: #41
Quote: المداخلات في البوست دا زي الطلاق .. جدها جد و هزلها جد
يا حسين ، لِم (الثلث ) الفارغ من الكوب؟ النكاح والرجعة أيضا هزلهن جد وجدهن جد، خلِّي ناس ياسر طيفور وسعدالدين يهظروا وبعدين وريهم الفتاوى. شايف يا سعد ؟ جبت لروحك الكلام براك. د. نجاة سلامات.
يا حسين ده شرك تاني كتابه الاوراق العلميه بالشراكه دي زي الزواج و بالمقياس ده، انا غايتو اي زول وحيد امه و ابوهو ما دايره اكتب معاهو اي ورقه علميه او ارشحه لزول، لوووول، خصوصا الرجال
-------- مع كل الاحترام لوحيدين امهم و ابوهم، بما فيهم ابني ياسين
Post: #52 Title: Re: العايز يعرس.. برعاية خالات البورد Author: سيف بخيت موسي Date: 12-29-2009, 11:48 AM Parent: #49
Quote: اي راجل متزوج يجي يطرح نفسه حنحولو لتراجي لتقوم بالواجب..
Quote: [انت عارفة يا نجاة امس حلمت انو ناس بيتنا عقدوا لي علي قريبتي رغم انفي و رسلوا لي القسيمة بالفاكس ... غايتو وقت صحيت من النوم قلت (الحمد لله ....كم انت كريم يا رب)... لكن 2010 دي شكلي عاملها .. عاملها
عامل شنو....يا ولد؟؟؟ هـــــــــــــــــوي يا حافظ!!! يعني دي اخرتها... تعرس و وكمــــــــــان من ورانا...!!!!! والله الا اكان اجيك و اشتكيك للقديسة كريستسينا!!!! شوف عليك محن الزول.. يا دكتورة عليك الله حافظ ده بالذات, ما تقبلي طلبه.. يحرش فينا في عدم العرس...ويجي يلاقي خالاته الحنينات هنا وطوالي يبيعنا و يقدم طلب زواج!!
_____ سلامات يا دكتورة و علك والاسرة و الاولاد بالف خير ازيك يا ماما دوما..وتحياتي واحترامي.. قلنا نسلم عليكن و نرفع البوست كمان..
Post: #51 Title: Re: العايز يعرس.. برعاية خالات البورد Author: محمد المرتضى حامد Date: 12-29-2009, 11:42 AM Parent: #48
Quote: بعد الزواج، الاستقرار حا يكون وين:
أختنا رحاب، أحد الأصدقاء .. أي والله أحد الأصدقاء ، يطلب إليك إضافة if any إلى البيان أعلاه.
Post: #56 Title: Re: العايز يعرس.. برعاية خالات البورد Author: مريم بنت الحسين Date: 12-29-2009, 12:17 PM Parent: #53
العزيزة د.نجاة.. تحية وكل عام وانتم بخير
اتساءل... هل حقاً تستطيعون تحمّل هكذا مسؤولية؟! الشخصيات التي نراها في البورد ليست هي الشخصيات الحقيقية... والحياة الزوجية معقّدة ومليئة بالمشاكل... هل انتم على استعداد لتحمّل مسؤولية الطرفين؟
المصريين بقولوا "إمشي في جنازة وما تمشيش في جوازه"
Quote: اتساءل... هل حقاً تستطيعون تحمّل هكذا مسؤولية؟! الشخصيات التي نراها في البورد ليست هي الشخصيات الحقيقية... والحياة الزوجية معقّدة ومليئة بالمشاكل... هل انتم على استعداد لتحمّل مسؤولية الطرفين؟
المصريين بقولوا "إمشي في جنازة وما تمشيش في جوازه"
أتفق و لا أتفق معك فى الكلام أعلاه،، أولا، صحى الناس بعد ما يتقفل عليهم باب و تبدأ المشاكل، اول حاجة بفكروا فيها (الله يجازيك يا الكنت السبب)،،
عشان كدة لازم العزيزات ماما دومة و د. نجاة، ينوهوا و يوجهوا (لوووووول) شركاء المستقبل بإتخاذ الحيطة و الحذر، و إستخدام العقل للإختيار،،،
Quote: يعني يا خالة دوما عاوزي تقولي انو الزواج زي زريبة المك البرة عاوز يدخل والجوة عاوز انفك؟؟
انا شخصيا اكملت عامي التاسع في الزواج واشعر انني عريس كل ليلة
بالضط كدا يا ابراهيم يا ابني ياها زريبه المك لكين تسعه سنين دي لسه بدري انا بتكلم علي حكايه 24 سنه زواج وما فوق نصيحتي ليك وكت ست البيت لسه بتحسسك انك عريس ماتعددعليها
Quote: بالضط كدا يا ابراهيم يا ابني ياها زريبه المك لكين تسعه سنين دي لسه بدري انا بتكلم علي حكايه 24 سنه زواج وما فوق نصيحتي ليك وكت ست البيت لسه بتحسسك انك عريس ماتعددعليها
نصيحتك أضعها تاج فوق راسي وانا اهون من تنصحه من هي في مقامك العالي فافخر بنصيحتك واباهي بها الدنيا شكرا جزيلا يو ميد ماي دي
Quote: صيحتك أضعها تاج فوق راسي وانا اهون من تنصحه من هي في مقامك العالي فافخر بنصيحتك واباهي بها الدنيا شكرا جزيلا يو ميد ماي دي
ما اطن تقدر تتخيل مدي فرحتي لانك اخدت بوصيتي ودا وعد منك انك ما تفكر تعدد علي ست بيتك انا الاسعد بيك يا ابني الحبيب وكل سنه وانت واسرتك بخيرربنا يديكم السعاده والعافيه ويسبغ نعمه عليكم
Quote: اي واحد عايز يعرس يجي يورينا شايف نفسو كيف وعايز شنو في زوجة الاحلام..
والله يا دكتوره انا عايزه بناتي هن اليقولن عايزات شنو في زوج الاحلام وشايفات نفسن كيف فترنا من حكايه تفضلهم دي . برجع ليكم تاني . بس اتمم علي حاج دوم اليوم عليهو المطبخ .
عنقريب النبي قِدامَكِن أكان ما ساعدتوني ... تصلو شُباك النبي ... صار لي قريب حولين بهاتي بيها وهي جافياني ... بِت إبراهيم برضيها وبهديها ولقيف الأمان بعديها ... ساعدوني الله يرضى عليكِن ... الشي كاتِلني دون شك ... الشي ما مرض يومين ... الوِرْده أكان فاتتني اليَوم بِتْقَيِل فوقي باكِر جت ... والله بقى الحلو والمُر في حلقي معناهو واحِد ... ما تْساعدوني الله يرضى عليكِن ... ما عِندي ذنبًا تاباني بيهو ...
و الله يا دكتوره نجات و يا خاله دوما شغلكن نضيف ... عمل انساني في المقام الاول
تاني ما في عذر للعزابه .... و انا من ناحيتي مستعد اعمل تخفض 50% في الباكيجات للعرسان البيجو نتيجه للتواصل عن طريق هذا البوست
.................................................. و انت يا هواري نمر لمتين حتقعد مركب سلك براني كدا؟؟؟ اخرتها شنو يا اخوي LOL
Post: #68 Title: Re: العايز يعرس.. برعاية خالات البورد Author: حافظ حسن ابراهيم Date: 12-29-2009, 01:19 PM Parent: #67
Quote: عامل شنو....يا ولد؟؟؟ هـــــــــــــــــوي يا حافظ!!! يعني دي اخرتها... تعرس و وكمــــــــــان من ورانا...!!!!! والله الا اكان اجيك و اشتكيك للقديسة كريستسينا!!!! شوف عليك محن الزول.. يا دكتورة عليك الله حافظ ده بالذات, ما تقبلي طلبه.. يحرش فينا في عدم العرس...ويجي يلاقي خالاته الحنينات هنا وطوالي يبيعنا و يقدم طلب زواج!!
سلام هواري بس عامل جبص لكن تمام اخرتها شنو يا هواري داير تطير مني حظي الاصلاً طاير ... و هسي انا في حل من أي حريش قديم فيما يخص موضوع الزواج او الطلاف و خش يا فردة و شنطة ما تعتر ليك...و كمان اقول ليك و عين الله ترعاك
دوما و نجاة بالله انا في رأي تختوا شرط أساسي و هو السوابق الاسرية في الطلاق...
--------------------------------------------- يا هواري انت الويكند عندكم بجي كل شهر و لا شنو؟
الفكرة جميلة .. ولكن الحياء خاصة عند البنات يمنع من تنفيذها الماسنجر أراه غير مناسبK الناس تخاف على خصوياتها من الإختراقات ,الهكرات الإيميل المباشر هو الخيار الأفضل ..
تجربة البورداب الذين تعارفوا وتزوجوا تساعد إذا عرضوا كيف بدأوا من كلمة (نظرة) .. فتعليق (فبسمة) .. فمسنجرات (بسمة وإعجاب) .. فلقاء (فتلفون .. حفل بورداب)!
البورد يتيح مجالاً للتعارف والتفهم إلى حد على شخصية الطرف الآخر و طريقة تفكيره و شخصيته .. جادة .. مرحة .. مجاملة .. متدينة.. متحررة .. والناس تتباين فى خياراتها و ميولها أى أن البورد يكون يتيح نوعاً من الغربلة الأولى فى تحديد الخيارات .. ربما تواكبها أيضاً الإعجاب بالفريم الخارجى (الصورة)
لقاءات البورداب فى المدن والأقطار المختلفة أعتقد وسيلة ممتازة للفاء المباشر ومع الغربلة الإسفيرية قد يكون المجال متاحاً لتنمية علاقة خاصه (صداقة) كخطوة قبل المصارحة ، والحربيين لن يترددوا فى المصارحة وتقديم أوراق إعتمادهم .. يا كتل يا جيت حازما! عما ذكره أحد الزملاء بالخليج توجد شابات حظوظهن قليلة لعدم وجود عرسان أعتقد أيضاً يمكن توسيع لقاءات البورداب بأن يتم عزومة شابات أوشباب يرغبون فى التعارف والزواج (العرب بأمريكا يقومون بحفلات تعارف بغرض الزواج)
بعدين مسألة الرجل هو اللازم يخطب دى بتنتفى مع وجود (الخاطبة الإسفيرية) فالمسألة الإختيار من كلا الطرفين .. والبت ممكن تختار .. مدام تقدمت برغبتها فى الزواج
نجاة ودوما وتراجى عينهم نجيضة وأصحاب تجارب فى الحياة ... ممكن يقوموا بالترشيح على أساس معرفتهم ببنات و أولاد البورد .. و إنه منو بيصلح لمنو .. إتقوا فراسة المؤمن!
بس ما دايرين إذا بوم إختلفن مع زميل أو زميلة فى لحظة غضب .. يفتوا لينا هنا !
Quote: والله يا دكتوره انا عايزه بناتي هن اليقولن عايزات شنو في زوج الاحلام وشايفات نفسن كيف فترنا من حكايه تفضلهم دي . برجع ليكم تاني .
دومة النسوان ديل عمرن كلوهن البختارن ماخدات الرجال على قدر عقولهم عاملين هم البختارو (وش ضاحك) ما سمعتي قصة امنا حوا لمانزلو الارض قالو الله يكفينا شر قالو هي نزلت في حتة وادم نزل في حتة يلا هي تجاري وتفتش وتفتش بس شافت ليك آدم من هناك برضو يفتش قامت قعدت في الحتة اجاي عليها لما شافتو قالت لي بس آدم؟؟؟!!!
اها اسع بناتنا ديل ما يختن موصفاتهن بل يختارن من تروق لهن مواصفاته
بالله عليكم الله 2010م ماعايزين واحد عزابي ولا واحدة عزابية في البورد عايزين كل الناس اتنين اتنين وياسر طيفور يتكلم بي لغتين
بعدين عايزين كل الصور تتبدل زي الحركة بتاعة العريس تمبس والعروس داليا اصبحنا رغم البين روح واحدة في صورتين وكده عشان عايزين نتكلم في مواضيع كبيرة لووووولز
بعدين منها تاخدو اجر بس صورة مباشرة وتقللوا الباندوث بتاع بكوري بصورة غير مباشرة عشان مجموع البوستات ح تتقسم بالنص يعني بالعربي كده العريس يعمل بوست والعروس تقوم باللازم لوووووووولز
كنا عايزين نقدم طلب معاكم بس شايف شروطكم صعبة شوية للمتزوجين والحكاية فيها تراجي عشان كده احسن الواحد يبيت القوى ولا يخش مع تراجي في مخاشنات لوووووووووووووولز
Quote: البروفايل العمر: الطول: الوزن: الحالة الاجتماعية: دي غتاتة عشان نكشف ناس راجل المره lol التعليم: المهنة، او مصدر الدخل: for those independently wealthy lool الهوايات و الاهتمامات: بعد الزواج، الاستقرار حا يكون وين: الاسرة: عدد الاخوان و الاخوات و ترتيبك في الاسره اي معلومات اضافية يعتبرها مقدم الطلب مهمه، كالحاله الصحيه او او او
Quote: انا ما مهم عندى ود عز و لا لا اهم شى يكون انسان كويس و محترم جدا و يحترمنى لانو انا ما بقدر اعيش مع واحد ما بيحترم زوجتو يعيشنى مستوره و ما يكون راجل فضيحه خالص و انا و الله اكون ليهو شوفتى بس خدامه تحت كرعينو لكن هو يعاملنى بطريقه جميله
أشهد الله أنك قد بررتني يا مولانا.. كنت عايز أكتب كلام كتيـــر في شان ال arranged situation الكائنة خفت أن اتهم بالهرطقة و التخريب و ما الى ذلك من نحل. الا أن عشمي في قصد خالاتي النبيل و ما قد يوفره للراغبين/ات قد قصر بياني فلك ولهن محبة تزيد و لا تنحسر.
Mohamed E. Hamid, Mallasi, and Ri7ab... you're distracting US "elected grooms", please help us to do our business ! _____ Women ! please lineup behind Bayan..
رجل صديقي قرأ هذا البوست اثناء ما كان ينتظرني بالمكتب...
وهو غير عضو وقال لي جادي جدا ويتحمل مسئولية عرضه... قال لي:
قول ليهم عندنا مرة بي اولادها وبيت ملك وعربية لاندكروزر... موديل 2007 ومقرشة...والاولاد اكبرهم في خامسة ابتدائي واصغرهم في الروضة...فمن يأنس في نفسه الكفاءة فليتقدم...
الاسم والعنوان لدي المحرر...
قال هو عايز يتفرغ لي حياتو...وكره حكاية الاكياس الطالعة ونازلة... وجيب كدي...ونسيت ما جبت كدي...والجريدة ما قادر يقراها... والتلفزيونات تلاتة كلهن اسبيس تون وام بي سي 3 وبراعم...
Quote: قول ليهم عندنا مرة بي اولادها وبيت ملك وعربية لاندكروزر... موديل 2007 ومقرشة...والاولاد اكبرهم في خامسة ابتدائي واصغرهم في الروضة...فمن يأنس في نفسه الكفاءة فليتقدم...
What year is this? _____ Can you tell us little more about the millage, if there's any rust? accident ? how many owners? color? etc !
Post: #89 Title: Re: العايز يعرس.. برعاية خالات البورد Author: ابوعسل السيد احمد Date: 12-29-2009, 03:58 PM Parent: #1
كل سنة و الجميع بخير
و بالخصوص د. نجاة و دومة و تراجي و كل جميلات بلادي.. ( و بالخصوص أكتر بناتنا العزابيات عسى الله يرزقنا ببت حلال من بينهن )..
آها يا دكتورة نقيف في الصف و للا الموضوع ضحك و قرقراب ساكت..؟
_________________________________________________________________ باقي لي كان دخلتوا أمل كرار يا دكتورة في اللجنة دي بتكونوا ما قصرتو تب
Quote: وينك يمة والله ليك شوق كميات منزلة بوست في نيوسودان مطالبين بعودتكم بس انشاء الله تراجي ماترفع لي مقشاشة. ماعندك لي فرقة في بوستك الجميل اصلوا اختك قدر ما تقبل على الخطوة دي تلقى ليك الزول خازوق كبير المهم اكتشفت ليك انو ربنا بحبني شديد بينقذني من اولاد الحرام. والله الناس العاملين فيها استايل ديل وبتاعين حنك ديل, اكتر ناس الواحدة تخاف منهم الواحد تلقية عامل السبعة وزمتها وعامل فيها برئ براءة الذئب من دم ابن يعقوب. غايتو انا خلاص ريحت بالي كدا انا
يا هاجر يوما ما حيجيك البحسسك انك ما كدا بدونه
اها كيف معانا في المشروع دا ولا كيف؟
Post: #93 Title: Re: العايز يعرس.. برعاية خالات البورد Author: ناصر احمد الامين Date: 12-29-2009, 04:28 PM Parent: #90
يا دكتورة
انا عاوز لي واحدة طوييييلة
و مكتفية ماديا
و ما بوردابية
و اهم حاجة : يكون اهلها كلهم متوفين
و بالذات امها !
Post: #104 Title: Re: العايز يعرس.. برعاية خالات البورد Author: د.نجاة محمود Date: 12-30-2009, 02:22 AM Parent: #93
انا زاتى ختونى معاكم مابكون فى لجنة الاختيار لكن ماعندى اى مانع اكون فى لجنة ... المساعدات ماهو برضو بيكون فى تتمات للموضوع علشان يكون ميه ميه ولا شنو ... والله كلام جميل شديد معاكم فيه طوالى ... تسلمو نجاة ودومة من كل شر يارب ...
Post: #100 Title: Re: العايز يعرس.. برعاية خالات البورد Author: محمد هشام Date: 12-30-2009, 00:44 AM Parent: #99
انا دي زوجتي
:)
تحياتي للجميع
Post: #101 Title: Re: العايز يعرس.. برعاية خالات البورد Author: سيف الدولة كامل Date: 12-30-2009, 01:19 AM Parent: #100
دكتورة نجاة,,, سلامات
عمدنا شباب حلوين في نيويورك منتظرين في الصف لكن خجلانين
اها انا خالهم ونيابة عنهم وجاهزين خليهم في بالك. واحد
بوردابي والتاني بتاوق من بره,,,والتالت ما مشجع ما مضمون.
Post: #102 Title: Re: العايز يعرس.. برعاية خالات البورد Author: د.نجاة محمود Date: 12-30-2009, 02:16 AM Parent: #100
واحد من المتاوقين
نتمنى انه يعبي استمارة دكتورة رحاب..ويرسلها ننشرها هنا...
Quote: والله انا جادي للاخر لكن حقيقي المسالة شائكة مش ؟ ما اخفيك اني قبل كم يوم جيت من السودان وحقيقي مشيت عشان افتش عروس يعني ماكان طموحي اخطب عديييل كده لكن علي الاقل اعرف البت منو واحاول اتواصل معاها بالتلفون واشوف مقدار التقارب بينا لاني بالجد خايف من الفشل في موضوع العرس ده انا زول اتعزبت في حياتي دي شدييييد وماعندي اي استعداد لي مشاكل زوجية وطلاقات وعزابات فبيهمني تكون الزولة الارتبط بيها زولة متفهمة وعايزة تتقاسم الحياة مش تكون عايزاني اقول ليها يمين تمشي يمين وشمال تمشي شمال يكون عندها شخصيتها وحياتها الخاصة واهم شي ماتكون النوع الماشغال ومنتظراني اليوم كلو اجي من الشغل عشان اقوم بمهمة تسليتها واخراجها من زهجها وطبعا لازم تكون جميلة شديد وتكون فاهمة معني الزواج والمهم جدا تكون فاهمة معني الحياة الزوجية قصدي الحياة الخاصة طبعا وانا علي استعداد علي تقاسم كل الحياة بما في ذلك الاطفال ومهام المنزل الثقيلة بس بفهم ومشاركة
واخيرا كده تقريبا شخصية دينا خالد في المنبر + صورتها الرمزية اقرب لي مواصفاتي لوووووووووووول مابهزر جادي والله
Post: #103 Title: Re: العايز يعرس.. برعاية خالات البورد Author: د.نجاة محمود Date: 12-30-2009, 02:19 AM Parent: #102
Quote: بوردابي والتاني بتاوق من بره,,,والتالت ما مشجع ما مضمون.
يلا يا شباب عبوا الاستمارات وخلونا ننشرهم هنا وعلى بركة الله
يا سيف التالت دا يكون عامل تقيل ساي اسع تلقاهو ياهو الفوق دا هاهاههاههاه
Quote: نعلن دعمنا و تشجيعنا لمشروع الخالات بتزويج البورداب من بعضهم
غايتو جِنس غايتو
ناس تحت كسير التلج في السقط دة! يا أبو الشباب
أنا هسة حبيب فلانة الموقع أدناه و أعلاه
هسة لي يجي قريب ستة سنوات خاطب بت فلانة علي سنة الله و رسوله
علي كمان الله ما شفت حاجة لي يوم الليلة
وكان علي حبوبة دومة دي مفترية و شايفة روحا تجي تطلب إيد بنتها تبشكك ألماني و صيني لمن تكسر الدُّش في إيدك في دي ونسة بوستات وكدة إلا أن يثبت العكس وكان لي دعمك دة بِلُّوا و أشرب مويتوا
Quote: نعلن دعمنا و تشجيعنا لمشروع الخالات بتزويج البورداب من بعضهم
دعم شنو يا ريِّس وإنت ماسك العِدة كلها، عليك الله دخِل يدّك وأغرف من قعّر السيرفّر، الخلايا النائمة هي أحسّن خامات الزواج.. ___ وكتين البوست ده جابّك يا بكري، كلمني مشكلتك معاي شنو؟
Post: #112 Title: Re: العايز يعرس.. برعاية خالات البورد Author: محمَّد زين الشفيع أحمد Date: 12-30-2009, 07:09 AM Parent: #110
أُستاذَتي : د. نجاة محمود . تحيَّةً طيِّبَةً مُباركة . طَرْحٌ جميل وراقي وطيِّب ، نشكُرُكِ عليهِ كثيرًا ، وربَّنا يُكْثِر من أمثالك ، فنعمَ الرِّفْدُ منكِ والْقَول . جعلَكِ اللهُ في مِثْلِ هذه الأشياءِ الطَّيِّبة نِبْرَاسًا يُحتَذى ويُقتَدَى به دائمًا ، وأتمنَّى لكمُ التَّوفيقَ في المُشروعِ الْمفيد والنَّاجحِ هذا بإذنِ الله . ولكِ تقديري واحترامي .
يا صالح ! إنت كصديق مقرّب من ملاسي، مفروض تطلّع معاهو حفلات وعوازيم، فارِهة، ملاسي عندو علاقات واسعة وعلى مستوى عالي، لكن تباري لي في ناس وهبه والعوّض، يودوك محلات عجيبة، زي قندهار وقندبال، يسقوك حاجاتهم العجيبة ديك ويجيبوك مصوّر نائم، وحالتك بالبلا..
Quote: تبلدينا شوف اقول ليك كلام اسمع .. بلا استاندر عالى بلا كلام .. 2010 لازم انت تكون .. شريك وباسرع ما يكون .. مفهوم ولا .. لا
والله دا هرش عديل كدا .. عارفه يا عفه انا مشكلتى بتختلف عن عدد من الاخوة هى مشكلة استاندر وكل ما تشوف كتير تجوط الخيارات وما تقدر تلقى 85% من مقياس رختر المحدد للمواصفات شريك قال غايتو حاحقق ليك طلبك واصبح شريك تجارى _________
شكلك كدا يا مان داير تزيد نسبة عدد القراء 100% فى هذاالعام برعايتك لهذا الحدث ..
Post: #118 Title: Re: العايز يعرس.. برعاية خالات البورد Author: Hala Hassan Date: 12-30-2009, 08:05 AM Parent: #116
يا عفاف الصادق،،
Quote: تبلدينا شوف اقول ليك كلام اسمع .. بلا استاندر عالى بلا كلام .. 2010 لازم انت تكون .. شريك وباسرع ما يكون .. مفهوم ولا .. لا
لو سألتونى،، تبلدينا دة كتفوا،،، بلا إستاندرد بلا مواصفات معاهو،،
يا هالة دي طبعاً مكسب شديد و عصفورين بحجر واحد, من جهة راحة بال و من جهة اخرى فيها اجر (كفالة يتيم و كدة) ...
Quote: غباشي وسعد الدين شغالين بنظرية "إتمسكّن لامِن تِتمكّن"..
ياسر طيفور اب تِـفِّـة ... مسكنة شنو? انا شخصياً موضوع العرس ما مرقِّد ليهو كدة لكن زي ما قلت لي بيان الجماعه في بوست اماني الأمين ما بين حاج و عريس و فيهم من جمع بينهما فما كان في طريقة الواحد يزوغ بدون ما يوضح موقفو من من الشغلانة ......... اما سعد الدين فعلى راس اللستة والاشهاد كُثُر سنة سعيدة علينا و عليكم
Post: #117 Title: Re: العايز يعرس.. برعاية خالات البورد Author: Hala Hassan Date: 12-30-2009, 08:01 AM Parent: #114
ممكن اقول؟؟؟؟؟؟
Quote: يا دكتورة
انا عاوز لي واحدة طوييييلة
و مكتفية ماديا
و ما بوردابية
و اهم حاجة : يكون اهلها كلهم متوفين
و بالذات امها !
لا حول و لا قوة إلا بالله،،
أها و العريس عندو كم (أخت)؟؟؟
المقطوعة من شجرة دى إلا تكون واحدة مصرية ،، (ومن جوووة مصر)،،،
Quote: انا زاتى ختونى معاكم مابكون فى لجنة الاختيار لكن ماعندى اى مانع اكون فى لجنة ... المساعدات ماهو برضو بيكون فى تتمات للموضوع علشان يكون ميه ميه ولا شنو ...
انتي خليك بعيد .. بعد الامور تسلك .. وخليك نسيم شايل الخبر الحلو .. يعني تجي داخلة المنبر كده بالخبر اليقين .. وتكوني ذي عمر الجزولي في الاخبار .. ما يظهر إلا لما يكون في شيء حاصل .. وا .. تفجري .. الاخبارية الداوية الجميله ..
Post: #124 Title: Re: العايز يعرس.. برعاية خالات البورد Author: bob Date: 12-30-2009, 08:36 AM Parent: #119
Quote: سلامات يادكتورة .. ماعارف ليييه متخيل لي اني الوحيد البكون جادي في الناس ديل كلهم .. المهم
العمر ... 31 سنة
الطول .... 182 سم
الوزن ... 84 كجم
الحالة الاجتماعية ... اعزب واعزب شديد كمان
التعليم ... شهادة جامعية في المحاسبة وشغال محاسب في الامارات
بعد الزواج غالبا بيكون الاستقرار في الامارات ثم انو دي حاجة قابلة للاتفاق بعد داك
الهوايات .. القراءة كتب كتيرة روايات شعر وكتب علمية ووو
الاخوات عددهم 4 والاخوان 5 انا اصغر الاولاد واصغر مني بنت
معلومات اضافية ... الحالة الصحية جيدة والحمد لله الشكل العام مقبول والحمد لله وبشكل عام كده انا زول الحياة معاهو ممكنة لحد كبير كوني متفهم ومرن لدرجة كبيرة وعايز حقيقة اعيش حياة مستقرة وافتح بيت مستقر ومافيهو مشاكل واربي اطفال في جو صحي نضيف
مواصفات الزوجة المطلوبة ... اظن معظمها مكتوبة في المداخلة السابقة لكن بس عايز اركز علي فكرة كونها عندها استعداد تشتغل ماعشان العائد المادي ولكن بس مهم بالنسبة لي انها يكون عندها حياة وطموحات وحاجات عايزة تحققها لي نفسها يعني يكون عندها حياة تانية غير حياة البيت عارفو طلب غريب لكن وفكرة عجيبة لكن بالجد بتغيظني المرة البتكون قاعدة في البيت وماعندها شغلة تعملها وبالجد بشيل همها واحساسها بالزهج وعدم الموضوع وخايف اجي من الشغل اكون مرهق او زهجان وما اقدر اسليها وتقوم تزهج زيادة ونقوم نتشكل او ما شابه ذلك ... وبرضو عايز اركز علي انها تكون جمييييييييييييلة جمييييييييييييلة شديد لوووووووول وعشان اكون واضح من الاول انا بحب الجمال شديد فأخاف يعني تكون البت ماحلوة شديد اقوم اعاين للبنات في الشارع ودي حاجة ماحلوة ولا بتدل علي استقرار وانا زاتي ماعايزها لكن خايف اضطر ليها فليتها كانت حلوة شديد وبتعرف كيف تخليني ما اعاين لي غيرها رغم اني مقتنع انو دي مامهمتها وحدها ويجب اني اوطن نفسي علي كونو دي قسمتي ولا يجب ان انظر لغيرها
واخيرا كده يعني حقيقي حاسي بي اني بلغت مبلغا صعبا كوني بعبي في طلب زواج وجادي الجدية دي كلها معليش يعني لكن ده يأس مابعده يأس
يلا يا بنات
اها اول طلب جاد
زول دمه خفيف وعايز امرأة عاملة معنها بحترم حق المرأة في العمل...
Quote: معلومات اضافية ... الحالة الصحية جيدة والحمد لله الشكل العام مقبول والحمد لله وبشكل عام كده انا زول الحياة معاهو ممكنة لحد كبير كوني متفهم ومرن لدرجة كبيرة وعايز حقيقة اعيش حياة مستقرة وافتح بيت مستقر ومافيهو مشاكل واربي اطفال في جو صحي نضيف
Quote: غباشي وسعد الدين شغالين بنظرية "إتمسكّن لامِن تِتمكّن"..
عليك أمان الله شوفي ابتفة الما فاره انسانيا ده! لخبـط الدعوة الجميلة دي.. مرة عاملا قندهار و مرة كرين.. لمن يبقوا في الجد يشتتوا زي ود ابرك ساعة المغربية و عايزين اتكوا المسكين ده!
نجاة حبيبة بت امى ابعدينى انا من فرز الطلبات دى ..بعدينو يجو فى اول حمبكة يدرعوها لينا فى رقبتنا ويحملونا المسئوليه ويقولو لينا فرزتونا غلط ويعملونا سبه "> انا بتكلم عن لجنه المساعدات البتتقدم للجادين ... وخاصه المتواجدين فى السودان ..رايك شنو رحاب اختى فى كلامى ده ؟ انا والله قلبى محسسنى شديد خلاس من قصة فرز الطلبات دى تسلمى يارب ....
Quote: وبرضو عايز اركز علي انها تكون جمييييييييييييلة جمييييييييييييلة شديد
قال ليك جميلة وبالياء المُكررة، معقولة عاد؟ تفتكر يا ملاسي المواصفات دي بتكون حايمة في أسافير الله الموقدة دي؟ _____ كان داير النجيضة يا قول ود الصائم، كتر من -الكنجالات- مواصفاتك دايرة كنجالات كتيييييييييييييرة، شفت الياء الجريتها في جميلة الفوق دي مرتين، خليك جاريها مع الكنجالات..
تعال أقيف معاي، بس نزِل يدّك.. ___ عشان ما تعمل لينا كُجْ
Post: #219 Title: Re: العايز يعرس.. برعاية خالات البورد Author: بكري عباس علي Date: 01-03-2010, 12:34 PM Parent: #146
Quote: كان داير النجيضة يا قول ود الصائم، كتر من -الكنجالات- مواصفاتك دايرة كنجالات كتيييييييييييييرة، شفت الياء الجريتها في جميلة الفوق دي مرتين، خليك جاريها مع الكنجالات
الاستقرار بعد الزواج: لا امانع اي مكان، و لكن لدي شقة و سيارة جديدة في السودان
الاسرة: ترتيبي الاول، البكر في الاسره، لدي اربعه اخوه و اخوات
اي معلومات اضافية يعتبرها مقدم الطلب مهمه:
لا احب الاجتماعيات الكثيرة، جمالي متوسط، محجبه و ملتزمه، مرنه و اتقبل التغيير و احب عملي جدا مواصفات الطرف الاخر المطلوب: رجل يخاف الله في، لا يهمني من اي قبيله او مستواه المادي، لا امانع في التعارف اسفيريا مثلا عن طريق الماسنجر و لكن لابد من اللقاء وجه لوجه او الحديث في التلفون في مرحله ما
اول حاجه بحسنا الامنى العالى ومساعدة التكنولوجيا اللسه مانزلت السوق كلام الاخت الفوق دا كاتبو ولد اسمو عمر من محل اسمو تسابيح فى الشهداء امدرمان عشان كدا يابكرى اسحب دعمك للبوست دا ول الناس تكون جاده هسى يجى واحد من الشفوت يقول لكم الزول دافاكيها فى روحو لوووووووول
والله ياياسر طيفور انتا زول مصلط ياخى بتلفهاوويين الله لا تاجرك ياخى
Post: #162 Title: Re: العايز يعرس.. برعاية خالات البورد Author: د.نجاة محمود Date: 12-31-2009, 01:28 AM Parent: #160
العزيزة هاجر
الانسان الفاره انسانيا ده الانسان الذي يرى حقك في ان تكوني ويرى انك انسان قائم بذاته لك تاريخك وحياتك انسان يستوعبك بكل محاسنك وعيوبك ويراك ندا له.. ..وهو الانسان الاتكلمت عنه اول اخت نقلت كلامها
كم من النساء الذكيات القادرات توارين عن الانظار للمحافظة على زواجهن؟
Post: #163 Title: Re: العايز يعرس.. برعاية خالات البورد Author: د.نجاة محمود Date: 12-31-2009, 01:36 AM Parent: #162
Post: #165 Title: Re: العايز يعرس.. برعاية خالات البورد Author: د.نجاة محمود Date: 12-31-2009, 01:45 AM Parent: #164
Quote: انا بتبرع بالشيله
موش قلت ليكم ولد موية؟
Post: #166 Title: Re: العايز يعرس.. برعاية خالات البورد Author: سارة علي Date: 12-31-2009, 01:53 AM Parent: #165
Post: #167 Title: Re: العايز يعرس.. برعاية خالات البورد Author: هاجر التهامي ياسين Date: 12-31-2009, 02:14 AM Parent: #162
Quote: الانسان الفاره انسانيا ده الانسان الذي يرى حقك في ان تكوني ويرى انك انسان قائم بذاته لك تاريخك وحياتك انسان يستوعبك بكل محاسنك وعيوبك ويراك ندا له.. ..وهو الانسان الاتكلمت عنه اول اخت نقلت كلامها
بس د. نجاة اناعايزة من نوع الناس فارهين انسانيا ديل, ايوة بس عليك الله يا د. نجاة ما يكون كلام منابر وانا بثق فيك . ما مشكلة لو كان راجل مرا اللية.... تراجي تكون مشت تجهز لراس السنة ولما تجي تلقانا مشينا
Post: #168 Title: Re: العايز يعرس.. برعاية خالات البورد Author: د.نجاة محمود Date: 12-31-2009, 02:28 AM Parent: #167
Quote: اول حاجه بحسنا الامنى العالى ومساعدة التكنولوجيا اللسه مانزلت السوق كلام الاخت الفوق دا كاتبو ولد اسمو عمر من محل اسمو تسابيح فى الشهداء امدرمان عشان كدا يابكرى اسحب دعمك للبوست دا ول الناس تكون جاده هسى يجى واحد من الشفوت يقول لكم الزول دافاكيها فى روحو لوووووووول
ود الجعلي عايزني اختك في البلاك لست ولا شنو؟ يا زول بطل الارجاف
الزولة دي حقيقية وزولة ممتازة جدا جدا
من يظفر بها فقد ظفر بزوجة فاضلة..ز
انت يا عزاب البورد ود الجعلي وياسر ومن لف لفهم الموضوع دا نوقفو ولا كيف؟
كنا جماعة وجات سيرة الزواج فتحدث احد الاصدقاء موضحا وناصحا الحضور فقال: لايكفى ان تكون غمرتها حبا وطمرتها حبا وخنقتها حبا برغم اهمية ذلك.لابد ان تعضده وتعززه بان تحكّم الاختيار وتربطه بالواقع فقلنا كيف؟؟!! فزعم ان البنات ثلاث اصناف:
اولا الفئة العمرية الصغيرة(عمر الزهور والغرام والمنى) هذه الفئة متعبة لان لها مطالب بلا حدود وتطلعات مثل (النقابات) حركات مطلبية باهظة التكاليف
ثانيا الفئة العمرية الوسطى(الجامعيات) الواحدة منهن تنتظرك وتعتمد عليك فى كل شى اعتمادا كاملا وهى مسؤلية مركبة تهد عزمك ومقدراتك.
ثالثا الفئة العمرية الواقعية(الخريجات) وهى فئة المقدرات تملك اثاثات المنزل كاملة وصاحبة مدخرات وتعينك على الزمان فخلع على هذه الفئة قولا سارت به الركبان اسماها(ولقد مدّت لنا الايدى الصديقة)
Post: #171 Title: Re: العايز يعرس.. برعاية خالات البورد Author: د.نجاة محمود Date: 12-31-2009, 03:57 AM Parent: #170
محمد هشام
ياود انت في الكرين دا ولا لع لانه في واحدة قالت انت كيوت..
والله ناس ابو تفة واد الجعلي وسعد الدين تلفو كدا ليوم الدين ومحمد هشام دا يعرس وانتوقاعدين..
خلاص نفتح باب تسجيل الاشبال؟؟؟ ونقع من خيرا فيكم
Post: #172 Title: Re: العايز يعرس.. برعاية خالات البورد Author: أم سهى Date: 12-31-2009, 04:30 AM Parent: #171
أجمل بوست من فترة طويلة يبهجك جد اها بالله يا شباب زحو شوية في (فئة اجتماعية ) جاية بي جاي نجاة - نقدم ولا ننتظر الintake الجاي ?
الخالات العزيزات د نجاة وماما دومة لكن التحية الفكرة جيدة ومبادرة كريمة لحل مشكلة العنوسة للطرفين لانه العنوسة تفشت بصورة كبيرة بين كل الاطراف وزمان كانت حقتنا نحن بس وانا مستعدة اكون عضو معاكم من الداخل بس بشرط لو عملتوا للتقديم فورم ورسوم انا بقوم بالتحصيل من من كل المتقدمين والمتقدمات وباورنيك 15 اصلو البلد دى هنا اى شى عنده رسوم وليكن على ما اكل حقكم بس تعفونى من رسوم التقديم حقتى وحقت صاحبتى وزينب الفحل دى قريبتى انا وهى ما بينا حساب
المسالة ما مسالة اختيار الفتاة او الشاب وليه غالبا العلاقة بين الفتاة والشاب بتكون حلوة غالبا في فترة الخطوبة وبعد ما يتم الزواج معظم الزيجات بتصاب بحالة فتورة ونرفزة من طرف للتاني زي حال زولنا دا إنتى لسة ما دخلتي يا "حيوانة"
دكتورة نجاة ازيييك انا بعتبرك في المنبر دا عرابتي لكن بوستك دا غير موفق
رسالة من خالة خارج المنبر تود المشاركة في جعل هذا المشروع ممكنا
رأى في الموضوع الطروح أنا شايفه إن البعض ماخده مزح أما سيد البيت كما بتقولو عليه الباشمهندس بكري فأورد تعليق ألومه عليه (نعلن دعمنا وتشجيعنا لمشروع الخالات بتزويج البوردات من بعضهم) يعني يا باشمهندس رجال البورد يغطو قدحهم اولا أوصلى ليه اللوم مني من غير ما تجيبي إسمي يعني البنات البره البودر ما ليهم قسمه معاكم ولا حتى الرجال المتصفحين لبيتك ما ممكن شاب من خارج بيتكم تعجبه بوردابيه او العكس فهل لا توافقو؟ ياستي موفقه ان شاء الله وما أظن إنها محصوره فيكم أعرف الكثير من الشابات في انتظار ابن الحلال وما ناقصهم شي اسره تدين وادب واخلاق جمال وتعليم كل ما يتمناه الشاب يقول الرسول الكريم صلى الله عليه وسلم ( تنكح المرأه لاربعه لدينها وجمالها ومالها ونسبها فأظفر بذات الدين تربت يداك وأقول لمن قال في بوست إنه يريدها جميله جداً من حقك ان تطلب ذات الجمال وقد قال المصطفى صلى الله عليه وسلم( خير النساء إذا نظرت اليها سرتك ، وإذا أمرتها أطاعتك ، وإذا أقسمت عليها أبرتك ، وإذا غبت عنها حفظتك في نفسها ومالك ، أخرجه النسائي) لكن أعلم أن الجمال زائل مع مرور الزمن والباقي هو الاخلاق .....وقال قال الحبيب صلى الله عليه وسلم( تنكح المرأه. (ومن نكحها لمالها وجمالها حرم جمالها ومالها ومن نكحها لدينها رزقه الله مالها وجمالها- رواه الطبري بعد ما تديني الموافقه لاصبح عضوه فاعله في مشروعكم ساعرض تصوري في الكيفيه التي يتم بها الموضوع لك لشكر والتقدير ومره اخرى استميحك عذراً لطول السرد
هوي ! أنا جا، الليلة مشغولين حبة كده، بالله ما تنسونا كان جات حاجة، أي حاجة، القحة ولا صمّة الخشم؛ يا بيان محمد هاشم ده لسة طالب، وكيوت براها زي الشرا في القندول، شوفي بالله الجماعة الفوق المتخرجين من سنة أسكت، تبلدينا، غباشي، سعد الدين، ود الجعلي، وشخسي؛ لكن بتاع جميييييييييييييلة داك، أكتبي على طلبو: ينظر في أمره حينما نجد لبن الطير... ___ شايِّف التعديلات كترت في البوست، وده مؤشر ما كويِّس، بوب، الأيوبي مسّح مواصفات الزوجة، يبدو أنّ أبصلعة، سيد الشي ذاتها هرشو، وسارة علي بقت "تعدل" أكتر من ما تخرِّب، لوول..
Quote: انا زاتى ختونى معاكم مابكون فى لجنة الاختيار لكن ماعندى اى مانع اكون فى لجنة ... المساعدات ماهو برضو بيكون فى تتمات للموضوع علشان يكون ميه ميه ولا شنو ...
ما بنفع يا أخت ماجدة .. لو أنت عضو طيب الفائدة شنو .. وعمل اللجنة ذاتو يكون شنو .. وخليتو منو برة عشان يعملوا ليهو لجنة ..
مقعولة بس نقرأ في الأخبار (وقد تم خطبة عضو اللجنة المركزية من الأستاذة ... على عضو المنبر الأستاذ .... )
أختي ماجدة .. كل عام وأنت بألف خير .. والقابلة إن شاء الله في تمام السعادة وكل الأمنيات متحققة بإذن الله ..
مواصفاتي اغدس الحيات الزوجية واعشغ الاطفال رغيغ ومتعاون جدن جدن .. .. .. تاني شينو ..... ... .. تاني شينو ايواااا عندي عربيتين هنا وعربية في الخرتوم وتلاتة بيوت اتنين في بحري وواحد في الخرتوم ومحل هتش بنات ومحل خياتة ؤبث وبث انت بس ياكا زاتك العريس اللقطة انت عشق وحلم كل الفتيات ربنا يكتر من أمثالك ومن هم على شاكلتك وأزود حبتين إنت كنت وين من زمــــــان امسكون الدرر دي ياخالاتي ما يضع متل دا بين الرجول
Post: #195 Title: Re: العايز يعرس.. برعاية خالات البورد Author: حسن حماد محمد Date: 12-31-2009, 11:38 PM Parent: #1
الدكتورة الفاصلة نجاة
الاخوة البورداب والأخوات
كل عام والجميع بخير
جيت أتاوق وبس ومارق بسرعة
وأقوليكم (راجل المرة حلو حلا)
Post: #196 Title: Re: العايز يعرس.. برعاية خالات البورد Author: سلمى الشيخ سلامة Date: 01-01-2010, 00:21 AM Parent: #195
Quote: و اهم حاجة : يكون اهلها كلهم متوفين
و بالذات امها !
نجاة اختى الحبيبة اولا شكرا ليك على ادعوة الكريمة لاولادنا لكن عاينى جنس الزول دا الكاتب الكلام الفوق يعنى يا ولدى كان عندى عشرة بنات ما بديك منهن واحدة لانه كلامك يسل العافية ويقعد محلها ليه الكلام الشين؟ الكلام مجانا ليه ما يكون لطيف ؟ وعلى فكرة كتبت رسالة لابنتى اهديك اياها
رسالة الى ابنتى عزة فى المرة السابقة حدثتك عن علاقتك بزوجك وكيف ترومينها ، الان جاء دور آخر ، وهو اهل زوجك كونى عزوة لامه وابيه ، فهما من اسلماك جزءا عزيزا منهما ، ابنهما ، فكونى بارة بهما كما انك بارة بامك وابيك لاخوته واخواته ، كونى الشقيقة التى لم تنجبها امهم ، شفوقة عليهم ، اجعليهم اخوتك ،سيكونوا اخوتك واشقائك ، استوصى بهم خيرا فسيفعلون ، فهم "ناسك " واهلك احبيهم بقدرما اتيحت لك المحبة ، اسالى عن احوالهم واستوصى بهم خيرا ، فهؤلاء اهلك سيظلون دائما ، واهل ابناءك من بعد ، فاجعلى الحب قاعدة ومدخلا اصيلا بينكم ،اجعلى احفادهم وابناء اخيهم بينهم وبينك مدا بلا جزر ، وبحر لا قاع له ، ستكبرين حينها فى نظرهم ، وكلما سنحت سانحة خيرا او شرا كونى اول من يصل ، ويقف على ذلك الامر ، ليس بدعاوى ظاهرها الاشفاق بل باطنها المحبة الحقيقية ، وانك الاقرب اليهم اجعلى امك الثانية محل مشورتك راجعيها فى كل خطوة تخطينها فهى تمتلك الخبرات التى تدفعها نحوك دفعا لانك ابنتها بلا جدال ، واقعدى اليها ، مثلما تقعدين الى امك ، استمعى اليها وحاوريها وجادليها بالتى هى احسن اطردى تلك الاوهام التى تعانى منها الكثيرات ان "ام الزوج "هى امراة غير الامهات التى يعرفنها ، اقطعى تلك المقولة بسيف صارم وارمى بها الى حيث لاترينها ولاتعودى اليها قط ، وادخلى من ثم الى قلب امك وام زوجك بالمحبة ستجدينها محبة لك ، حينها ستخرج كل تلك المفاهيم "الغبية " الى الابد ، ستجدين "اما" تدخل اليك من شباك كبير يصير بابا فادخليه آمنة ، فهى نعم الام ، فهى جدة ابناءك وام زوجك الذى تخيرتيه من بين كل العالمين ، فارحميها سينزل المولى رحمته عليك ، وعلى زوجك وبيتك واطفالك اعرف ان كلماتى من نفق قديم خرجت ، لكنى اود لو كان بيدى ان اجنبك كل ما فشلت فيه ، واريدك امينة على عشك وزوجك واهله وعشيرته دمتى ايتها الحبيبة يا قطعة من قلبى امك
Post: #198 Title: Re: العايز يعرس.. برعاية خالات البورد Author: د.نجاة محمود Date: 01-01-2010, 05:02 AM Parent: #196
محمد هاشم دا عزالطلب حيث الان الزواج طلاب سااااااااي العريس عمره 17 والعروس 14
عندص واحد من اصدقائي قدرنا كدا وما معرس اها انا منقية شعيرو يازول عرس يا زول عرس قالي مرة اعرس ليه قلت ليه عشان تجيب اولاد ينفعوك البلد دي مافيها ملاجئ سمحة قالي يا زولة ها انا بعد دا كان عرستا ولدي حيبقى مشروع يتيم
عشان كدا يا ابو تفة لازم تسارح بالزواج قبل يفوت عليك الفوات...
اها يا جماعة نفتح المعرض حقنا بابو تفة؟
من تأنس في نفسها الكفاءة تتقدم ليه.. اهم موصفاتها تكون جلدها تخين وما بتزعل بسرعة
Post: #199 Title: Re: العايز يعرس.. برعاية خالات البورد Author: د.نجاة محمود Date: 01-01-2010, 05:10 AM Parent: #198
Quote: واحد بسأل عن الموقف ممن يريدون مثنى وثلاث؟؟
سلامات يا جاد يحولو لعناية تراجي لعمل اللازم
وكل سنة وانت طيب
Post: #200 Title: Re: العايز يعرس.. برعاية خالات البورد Author: د.نجاة محمود Date: 01-01-2010, 05:21 AM Parent: #199
Quote: وبث انت بس ياكا زاتك العريس اللقطة
وجن الزول دا تابع لناس تراجي دا متموم حلوه جاي هنا متسلل لما بت يعقوب تقبضو يقول بهظر ساي دي بيان صاحبتك وصاحبتي فاتحة بوست هظار
اولاد الفنون ديل الله يدينا خيرهم..
Post: #202 Title: Re: العايز يعرس.. برعاية خالات البورد Author: د.نجاة محمود Date: 01-01-2010, 05:23 AM Parent: #200
Quote: عندي ليكم عذابه تشكيليين هنا معاي في ابوظبي بس كتروا ليهم الألوان
ناس فنون ديل تمام عندنا واحدة فنانة مقدمة فوق العايز يرسل لي طوالي
Quote: محمد هاشم دا عزالطلب حيث الان الزواج طلاب سااااااااي العريس عمره 17 والعروس 14
د. بيان كل سنة و انتي طيبة زكرتيني لما الحجة اتكلمت معاي لما ضربت ابارك ليها زواج اخوي الاكبر مني قبل سنتين .... طبعاً طوالي شنَّت ليك علي هجوم مؤسس و قالت لي بعد دا تبقى جادي في موضوع العرس ... و لزوم الزوغان قلت ليها ركزوا على مصطفى (اخوي الصغير الكلمتك عنو ) اصلوا الموضة الايام دي بقت عرس الشُفَّع
غايتو لو انا شفت حاجة بيجاي بجيك بالدرب التحت (مسنجرات و كدة) و انتي برضو لوفي حاجة قولي لي عوووووك (برضو بالدرب التحت)
Post: #203 Title: Re: العايز يعرس.. برعاية خالات البورد Author: د.نجاة محمود Date: 01-01-2010, 05:28 AM Parent: #201
Quote: يادكتورة نجـاة النصائح المسرحيه شنو??
تكسر الحاجز الرابع وتعمل اكشن بس بالله ما ترفع اوفر سمح؟
عامل كيف انت؟
Post: #204 Title: Re: العايز يعرس.. برعاية خالات البورد Author: د.نجاة محمود Date: 01-01-2010, 05:33 AM Parent: #203
والله بوست موفق وماشى مع كمية الفرح الموجود فى المنبر ويا بخت من جمع راسين بالحلال
بس عندى حاجة صغيرة لاخواتى وبناتى البنات وصلتنى عبر الايميل فيها حكمة وتفكير
في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر: أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل.
دخلت إحدى النساء (لمتجر الأزواج) لاختيار زوج لها
في مدخل الطابق الأول علامة :
الرجال هنا لديهم عمل ومؤمنون بالله
وفي مدخل الطابق الثاني علامة :
الرجال هنا لديهم عمل ومؤمنون بالله ويحبون أطفالهم
وفي مدخل الطابق الثالث علامة :
الرجال هنا لديهم عمل ومؤمنون بالله
ويحبون أطفالهم وشكلهم جذاب
وكانت المرأة تـفكـر 'واو ولكن سأستمر بالصعود'
وقد وصلت إلى الطابق الرابع لتجد علامة :
الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل
فتعجبت في خلجات نفسها
' يا إلهي إني لا أستطيع التحمل سأوافق '
ولكنها استمرت بالصعود
وفي مدخل الطابق الخامس وجدت علامة :
الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً
وكادت أن تطأ قدمها ذلك الطابق إلا أنها استمرت بالصعود
وفي مدخل الطابق السادس وجدت علامة :
أنـت الـزائـرة رقـم 4.363.012
ليس هناك أي رجال في هذا الطابق
لأن هذا الطابق وجد خصيصا كبرهان أن النساء لا يمكن إرضاؤهم شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً
____________________________________
اخواتى نجاة ودومة انا متاكدة تماما اى فتاة وجدت فرصة واضاعتها للبحث عن الافضل ولا اعفى الرجال ايضا وبيدهم زمام كثير من الامور لابد ان تعى الفتاة من سترتبط به هو رجل وبشر وليس ملاك له عيوبه وله حسناته وكذلك المراة يا عزيزى الرجل ليس كل الامر جمال ومال وعلم الزواج توافق فكرى وتقارب روحى وهى رحلة طويلة تحتاج منكم التزود بالحكمة والصبر عشان المركب (الزواج) لن تكونوا فيها لوحدكم سيكون معكم فيها اطفال لابد ان يرو الحب بينكم عشان يطلعوا اطفال محبين ليكم وللحولكم
والله يساعدكم اخواتى وانا اذا طلبتو منى اى حاجة على استعداد انتصار
مبروك ميلاد مؤسسـة بياندوما الإجتماعيـة.. (الترتيب حسب الأبجدية)
ما تدو أكتر من باسوورد واحد لكل متقدم.
متبرع (جد) بواحد يو أس بى فلاش ميمورى 16 جى بى لكل عروسين عن طريق المؤسسة.
Post: #224 Title: Re: العايز يعرس.. برعاية خالات البورد Author: د.نجاة محمود Date: 01-04-2010, 02:05 AM Parent: #223
عبر الايميل وصلت هذه الرسالة
كنت قد قرأت ماجادت به دوك نجاة و ماما دومه هنا وودت ان اشترك معهما .. بعدد لا بأس به من قصصى الغريبه ان صح لى التعبير مع " العريس السودانى " ..
انا فتاة .. ابنه قبائل .. لن اكذب و بل ساتجرد تماما فى هذا انا جميله و ذكيه و لبقة فى اوائل الثمانينات كان مولدى ..و لكنى بدأت ادفع ثمن كل هذا ..فى اللحظه اللتى قرر الشاب الذى احب ان يتخلى عنى .. معتذرا بقوله .. " معليش انا ما بقدر اتزوج واحده .. لامن تمشى معاى فى الشارع الناس كلها بتتكسر فيها " ..
علما بانى لست باجمل بنات حواء !!!
اعرف تماما شعوركم الممزوج بالدهشه .. كان مثل شعورى ايضا و انا استمع اليه .. مرددا هذه العباره السخيفه .. و لم اصدق انه كان يعنى كل هذا حتى بعد ان زف الى غيرى و رايت العروس اللتى كانت لا تمت للجمال بصله ..
و بعدها تكررت على ّ مجموعه من القصص الغريبه ..
كذاك الذى طلب منى ان اذكر له اسماء ثلاث اشخاص من المهمين فى الدوله .. وبالضروره ان يكونو جميعا اقاربى .. لانه لا يستطيع سوى ان يتزوج ابنه ناس مشهورين او مشاهير جدا ...
و يا حبّذا لوغيرت سيارتى الى كامرى او برادو مثلا كى تتناسب ووضعه الاجتماعى.. علما بانه موظف فى احدى الشركات و هو ليس بمهم و لا ابن رجل مهم .. و لا انا كنت امرأه تبحث عن الوجاهات يوما
هل حدثتم عن ذاك الذى رفضنى لان اصولى من الجزيره وكأن الجزيره هى عار ...اصولى من الجزيره و هى المكان الذى ينتمى اليه اجدادى و انا فخوره به و لم انسلخ منه يوما ما .. لانى شخصيا اعتقد بان اى شخص ينسلخ من جذوره هو شخص غير سوى ..
..
اليس الزواج هو بناء حياةمشتركه .. تقوم على اساس متين ؟
فيها زوجان يتوقان الى تحقيق استقرار كامل و تربيه جيل ناضج ؟
حسنا ... لن اخجل .. فالزواج هو غاية كل فتاه .. و ان كان منبركم سيساعدنى على ايجاد زوج مناسب .. ساكون شاكره ..
اريد زوجا سودانى .. ينتمى الى هذه البلد .. و فيه كل صفات اهلها صفات الرجل السودانى " السمح بالحيل " ..
سودانى فيهو صفات السودانى و لا شىءآخر ..
Post: #225 Title: Re: العايز يعرس.. برعاية خالات البورد Author: نادية عثمان Date: 01-04-2010, 02:49 AM Parent: #224
ماما دومة ود. نجاة
حبابكم أمهات الخير والسرور
والله النصيحة لي الله لي كم يوم عاوزة أجي أشيد بفكرة البوست ده بس كنت ملاوزة !
قلت يقوم شمشار ولا شمشارة يقول : ( البت المذيعة الأرملة دي الوداها تتضهب في بوست عرس البنات شنو) ؟ههههههههههه
لكن قلت لروحي يازولة خشي شيدي بالفكرة ويارب تنجحوا وتعلنوا أول تلاتة زيجات عن طريق البوست ده
ونحتفل بيهم إحتفال كبير والله ,,
بالمناسبة عندي صديقتي جميلة ومهذبة وصغيرة مازالت لكنها مطلقة وعندها ولد ينفع تلقوا ليها عريس ولا إلا (عذارى) الحي بس ؟!
تسلموا ووفقكم الله لعمل الخير ياحبيبات
نعوم حيمورة؟
بتتضهبي بي جاي مالك تاني أكلم ليك أزهري صحبي ؟ ( وش فتاااان) ههههه
يادكتوره ياخى خلى الاستهبال لو مادايره تدينى بتك زاريه كلمنى عديل لانو البت مااظنها تقول لا والله تلاته اناعريس لقطه وماحتندمى يااماكمان خلينى النلحق السوق الحار دا بعدين حركات الكيزان دي ماتعمليهم معاى شنو خاتانى فى البلاك لييست دايره تطفشى منى بت الجزيره السمحه وهاجر وناديه على كل حال ديل مابناباهم لكين الفيك انعرفت ياضلاميه
Post: #231 Title: Re: العايز يعرس.. برعاية خالات البورد Author: د.نجاة محمود Date: 01-04-2010, 04:24 AM Parent: #230
هاهاههاها يا ود الجعلي من لقيت بدايل بقت تقولي بطلي حركات الكيزان وضلامية
بكدا يا بتستحلمنا يا ولدي لما نعجز موش قلت ليك نحنا بنقوم ونقعد مع بتنا الصغيرة دي
باكتج كاملة البت وامها ابوها
تعرف هي بت خدومة جدا اها لما كان صعيرة(في اولى ابتدائي) ابوها قاليها يا "زرزور" نحنا بعدين بنجي نموت في بيتك قالت ليه لكن لو راجلي اباكم؟؟! بعداك اتحرجت شديد ووعدت انه لو راجلها ابانا حتعمل لنا بيت صغبتوتي جنب بيتها وترعانا.. اسع انت زعلت عشان البلاك لست بري ما بعرس ليك بتي الحنموت في بيتها
الان التقياء ااااااااااااااااااااه هذا ماكنت افتقده............... وهنا تبدا الكيمياء اللعينة عملها الحوجة عدم المقدرة على الحياة بدونك انتي حياتي قادم الايام الجميلات
ايووووووووووووووووووووووووووووووووووووووي اااااااااااااااااااااه كم انتي جميلة.................. رقيقة .................... عاقلة وان شاء الله رجلك خضراء ( الرزق بعد الزواج رهن بلون رجل المراة ) حبيبتي اعدك ب........................... حبيبي اعدك ب ............................ اخيرا دكتورة نجاة نجحت مساعيها.
الدكتورة نجاة لك الود صدقيني المستنيرين الحقيقين لايستطيعون البوح بيننا المستنير بيننا ياخذ لقب ( دلدول )بامتياز ؟ والمجد هنا للظلاميين ؟ والغريب ان الظلاميين هم تربية امهاتهم , ليواصلوا الدرب قمعا للنساء هل هي معركة داخلية بين الجنس اللطيف انفسهم ونحن بيادق ؟
والله يا اختى بقى علينا المثل قلبى على جنايا وقلب جناى من حجر
الناس ديل مالهم مترددين يا شباب الجادى ومستعد يرسل للدكتورة نجاة التردد دا احد عوامل الفشل
لا تنظروا للزواج من خلال التجارب الفاشلة انتم بيدكم النجاح
واكسرو الروتين العايشين فيه هنالك عالم اخر محتلف يمكنك من خلاله صنع شئ فى الحياة قبل الرحيل منها
Post: #266 Title: Re: العايز يعرس.. برعاية خالات البورد Author: صلاح حمد Date: 01-10-2010, 04:05 PM Parent: #265
الأخت دكتورة / نجاة تحية طيبة، شكرا لهذا البوست وربنا يديك سعادة الدارين وجميع عرسان هذا البورد. ( بإعتبار ما سوف يكون ) .
Quote: واكسرو الروتين العايشين فيه هنالك عالم اخر محتلف يمكنك من خلاله صنع شئ فى الحياة قبل الرحيل منها
الأخت إنتصار محمد صالح : كيف حالك كيف لنا بأن نكسر الروتين ود. نجاة حولتنا للأخت تراجي ، . نطالب بإنضمام خالات وأخوات آخريات لمساعدة الأخت تراجي حتى يتم النظر في طلبات أنصار التعدد وتعم الفائدة .. المهم أنا جادي - سجلوني معاكم . موفقين يا رب
Quote: حتى يتم النظر في طلبات أنصار التعدد وتعم الفائدة ..
ان كنت عاوز تكسر الروتين بالزوجة الثانية عفوا اخى الكريم انت محتاج لامر اخر ان تعيد تجديد حياتك القديمة مع شريكة حياتك التى كانت معك فى الحلوة والمرة
ان طريق التعدد شائك ووعر وليس من السهل ان يعيشه رجل عاقل . ممكن تقول لى انا بقدر اعدل ! كيف يكون معيار العدل بين كفتين غير متساويات الزوجة القديمة والجديدة
بين زوجة عاشت كل صغيرة وكبيرة بحياتك وبين زوجة دخيلة على حياتك قل بربك كيف يكون العدل ؟
اخى قد يكون للزوج اسباب منطقية للزوجة الثانية وعندها انا متاكدة ان زوجتك الاولى هى من ستختار لك الزوجة الثانية
اخى ليه ما تعيش حياة متجددة مع زوجتك الاولى حياة كلها تجديد ودا بكون بوضع برنامج يتم تنسيقها حسب ظروفكم ووضعكم الاقتصادى والاجتماعى والاسرى
كدى يا اخوى قول بسم الله واقعد مع ام الاولاد واعملو جرد حساب لحياتكم الزوجية واعيدو فيها الحياة
انتصار
Post: #268 Title: Re: العايز يعرس.. برعاية خالات البورد Author: د.نجاة محمود Date: 01-11-2010, 02:32 AM Parent: #267
يا انتصار شايفة الرجال المعرسين ديل ما يعرفوا الفردوس المفقود الا لما يعرسواتاني
مفتكرين يكونوا حمل بين نعجتين يلقوا نفسهم عضمة بين ضبعتين بعدين بالجد الروتين حقو بتكسر
تعرفي في ماساة اسع اسمها طلاق الزوجة التانية بس الناس ساكتة عليها الواحدة تعرس الام وعيالها واهلها يحمشوا الجحر ويملوه موية صاحبنا يطلق ويجي صاغر. على الاقل بيكون اتفسح بالحلال فترة لكن يجي يكون نزل من فوق الراس لتحت الشبشب لا احترام ولا محبة في البيت الخسر فيه شبابو وتعبو
لاحظت الرجال البعرسوا تاني دائما زوجاتهم مكلملات من كلو بيكن نموذجهم السمح دا يعمموا على كل النساء لما يأمن بعداك ويكون دفع ثمن درس العصر دا بسعادته.
ونحنا والله عايزين مصلحتكم يا اخوانا ما مابين ليكم السمح هاهاههاهها
بت العم سلامات غايتو مداخلتك الفوق دي توضح ان النساء المتزوجات تفكيرهم في نقطة المثني والثلاث متطابق الا القليل
كسرة ممكن تضمونا للقائمة
Post: #270 Title: Re: العايز يعرس.. برعاية خالات البورد Author: ندى عثمان حسن Date: 01-11-2010, 07:55 AM Parent: #269
Quote: سألني أحدهم يوما ونحن نناقش مسألة عدم زواجي حتى الآن ياخي دايره شنو؟ زوج وبس؟ عشان المجتمع والناس وكلامهم ونقة الأهل؟ ما الذي يجعل من الزواج قضية كبرى أو هاجسا لدى البنات؟؟ أغلبهن عندما يسألن لماذا تريدين الزواج؟ سيقلن لك وبصوت عال جدا أريد أطفالاً وأن أحس بطعم الأمومة و الإستقرار وووو.. كل تلك الإكليشيهات المحفوظة من زمن جدة جدتي... يعني أنهن غير باحثات عن الحب لأنه ومن وجهة نظر الآخرين (التي تبنوها) وأصبحت شعارهن، فإن الحب بهت ولم يعد له مكانا أو هو المحرك الرئيس لهذا الدافع..
وتطابقت وجهة نظرنا في الرجل الذي اتمناه مكملا لحياتي عندما نصحني بالحلم برجلٍ طود .. سفينه، رجل تلقمينه اللقمة فكأنك تستطعمينها.. رجل تركضين معه كالأطفال وتكركرين في حضرته بالضحك، رجل لا تخجلين أن تخبريه بمواعيد دورتك الشهرية التي فاجأتك - و أنتما لا تزالان صديقين - رجل يرى في جبهتك موضع التقبيل قبل أن يشتهي شفتيك، لكنه يغافل اغماضك لعينيك فيقبلك بحر نار عشقه لك، ويضحك .. رجل طفل جميل .. يحكي لك حكايا خارم بارم و يغني في الحمام فيضرسك .. يعد لك عشاء سيئا ولساعات، ثم يضحك من نفسه ومنك حين تلقون بالعشاء إلي السلة و تبيتان القوى، رجل يدلك ظهرك في الحمام و" يليفه " دون أن ينتبه إلى مفاتن الإنثي.. لكنه يرى الإنسان الذي يعشق..
رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال.
Quote: رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال.
الكلام سمح، وبيشبهني شديد خلاص، لوول، فمن تجد في نفسها الجرأة، المعلومات موجودة بالبروفايِّل... ___ التلفزيون البقول شششششششششششش ده غير تلفزيون امدرمان زمان مافي؛ فعلى ضوء "ششششششششششش"، تقريباً الكاتبة في النصف الأول من الثلاثين، وموجود بالسودان..
Post: #273 Title: Re: العايز يعرس.. برعاية خالات البورد Author: ندى عثمان حسن Date: 01-20-2010, 04:25 AM Parent: #272
Quote: رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال.
الكلام دة يادكتورة أطبيعيهو فى كروت ووزعيهو لكل المتقدمين- أظن انو ح ينفعهم
">
