|
Re: (5) امتداد الدرجة الثالثة ذلك الحي المتفرد (Re: محمد عبدالله مختار)
|
إِنَّا لِلّهِ وَإِنَّـا إِلَيْهِ رَاجِعونَ
اللهم اغفر له وأرحمه
وعافه واعف عنه.. وأكرم نزله..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
اللهم انقله برحمتك من ضيق اللحود والقبور..
إلى سعة الدور والقصور.. في سدر مخضود..
وطلح منضود.. وظل ممدود.. وماء مسكوب..
وفاكهة كثيرة.. لا مقطوعة ولا ممنوعة.. وفرش مرفوعة ..
اللهم لا تحرمنا أجره ولا تفتنا بعده واغفر لنا وله....
اللهم اجعل قبره روضة من رياض الجنة ..
اللهم بيض وجهه.. ويمّن كتابه.. ويسر حسابه..
وليّن ترابه.. وطيب ثراه.. وثبته على الصراط..
اللهم اجعله يمر علي الصراط كالبرق الخاطف..
اللهم اظله تحت ظل عرشك..
يوم لاظل إلاّ ظلك ولا باقٍ إلاّ وجهك..
ولا تحرمه النظر إلى وجهك الكريم.. والشوق إلى لقائك..
اللهم احشره تحت لواء نبيك محمد صلى الله عليه وسلم..
واسقه من يده الشريفة الطاهرة.. شربة هنيئة مريئة..
لايظمأ بعدها أبدا.. وبلغه شفاعة الحبيب المصطفى..
اللهم اجعل القرآن العظيم شفيعا له في قبره..
وشاهدا له في الآخرة.. وحجة له يا رب العالمين..
اللهم اجعله من السبعين ألفا الذين يدخلون الجنة بغير حساب..
اللهم اسكنه في الفردوس الأعلى من الجنة مع نبينا
و حبيبنا محمد صلى الله عليه وسلم..
اللهم اسكنه في قصورها.. واسقه من أنهارها. وأطعمه من ثمارها..
اللهم اخرجه من ذنوبه كيوم ولدته أمه.. واعتق رقبته من النار..
اللهم اقض عنه كل دين..
اللهم أبدله دارا خيرا من داره..
وصحبا خير من صحبه.. ..
واجعل له من بعده صدقة جارية .. وعلم ينتفع به ..
واجمعنا به في الفردوس الأعلى من الجنة ..
برحمتك يا أرحم الراحمين ..
يا أرحم الراحمين .. يا أرحم الراحمين ..
وصلى الله وسلم على سيدنا محمد خاتم النبيين والمرسلين
وانا لله وانا اليه راجعون,,,,
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: Rashid Ali)
|
Quote: سلام لكل الامتداداب
وصباح الخير
نرحب بالاخ علاء الدين فرغلي في مدينه الرياض قادما
من الامتداد مقيما ونتمنى له اقامه طيبه وهو طبعا
من المتابعبين للبوست |
راشد ابنعوف - كيفنك يا خي .. عارفك زعلان مني - انا اسف جدا والله ما قدرته اصلك وانا عارف قلبك كبير وبتسامح اخوك الصغير - كع - قسما بالله ظروف - ولك العتبي حتي ترضي ولنا السماح انشالله
مرحب بعلاء فرغلي في الرياض تمنياتي له باقامه طبيه
ـــــــــــ البوست بقي مسردب - وحالتو تحنن - لا عماد عويس ولا ولا ولا ولا ولا ولا ولا ولا .......الخ كلكم طيبين انشالله
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
راشد ابنعوف - كيفنك يا خي .. عارفك زعلان مني - انا اسف جدا والله ما قدرته اصلك وانا عارف قلبك كبير وبتسامح اخوك الصغير - كع -
ياكع اخبارك يازول ياكعب
كويس انك عارف اني زعلان منك
بس بالغت في انك اخوي الصغير
ياكع نحنا لمن بنفرج فيك في الرابطه
كنا بننوم قبل الكورة تنتهي وبشيلونا
لغاية البيت بعربية ابراهيم جبارة
قال اصغر منى لا بالله
تحياتي
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: ياعمو راشد ده شنو الكلام الكاتبو ده انت جنيت في مخك ده ولا شنو انا زاتي ما لعبته في رابطة الامتداد - انا حدي كان نادي الاسرة والكبوني ومرة مرة نادي التنس - وعايز تتطلعنا جلاكين هسي شوف قرجاج عمل نفسو من مواليد 1995 قدرنا يعني !! |
كع كدي فكنا من الفلم أبيض وأسود ده
أنت صوتك ده بعتو للكيزان ولا شنو !!!
مالك مامسمعنا ليهو ولا الحصة صامته (بدون معلم)
التحية عبرك للعيال وأمهم والحلوين المعاك.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: كع كدي فكنا من الفلم أبيض وأسود ده أنت صوتك ده بعتو للكيزان ولا شنو !!! مالك مامسمعنا ليهو ولا الحصة صامته (بدون معلم) التحية عبرك للعيال وأمهم والحلوين المعاك. |
ابوقصي سلامات - وحاتك شوق كميات - لكن الفلس الفلس والواحدي طلع بره الشبكه وبقيت اكلم نفسي - ربنا يستر - اتخيل اليوم عامل لي حادث من الصباح شوفته الافلام الحزاينيه دي - والحمد لله قسما بالله يا مجدي خلاااااس وصلنا الحد
قابلته ليك ممدوح ود حلتكم قبل كم يوم في المدرسة طبعا مدخل ولدو الصغير KG1 وقال لي ليهو 15 سنه في الرياض بالله دي حاله ? زول معاك في مدينه واحده وليهو 15 سنه ولا بالصدفه تقابلو . عموما بسلم عليك وعلي سمير والغريبه يا مجدي شكلو بقي شيبه شيبه . ,والذة حاجه لمن قعد يكورك للحارس - ((انتو اولياء امور الطلاب ديل ما تشوف ليهم مكان كويس ينتظرو فيهو العيال )) اداني احساس ابوي زمان لمن كنا طلبه يعني بي صريح العبارة خلاس الكبر دخل من اوسع ابوابو وبقي علينا الكبر - والفلس - الهم
يسال منك الخير - الحمدلله الاولاد امهم كا نو داخلين في زحمة انلفونزا ( ما حقت الخنازير ) وقربته ارحل و اسكن في المستشفي - لكن ربك ستر هذا كل ما لدينا الي الان ..
الحج كيف يا قريبك ؟؟ عشان نتجهز لقاهرة المعز للعلاج بعدها - ننتظر المنيه -
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: Mahassin Ibrahim)
|
محاسن
Quote: شبكه : مشتاقين شديد.....المره دى زرتي الامتداد وطفتي علي شوارعه واحيائه؟ |
يازولة جنب الغسال في حفر في الشارع تدخل العربية جوووووة لما اقنع اقول اي شي بتحت فيها اتكسر ولي اطق
ياخي مبالغة الشوارع جوة حقوا تاني الزول الماشي الامتداد يكلم الناس الماشي يزورهم ينتظروه في الشارع بدل الخساير المادية دي
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
صباح الخير للكل
بابكر قدرة اخبارك ياراجل والله مشتاقين والهكر عملها فيني والله لكن كويس
كان عندي احتياطي احسن من اصحابك المريخاب ماعندهم احتياطي لموسى الزومه
بالمناسبة مبروك الدوري مقدما وعقبال الفرحه الكبيرة يوم 30
تحياتي للاهلبالامتداد ولاولادك
ده رقم علاء فرغلي00966569904637
كع اخوي الصغير انا بهزر معاك عارفك مالعبت رابطه ولاكنت بتلبس (باتا)
ولا كان ناس عماد خميس وياسر الجولي بحاوروك لك العتبي حتى ترضى
بالمناسبه اغوغو كيف؟
لو لقيت طريقه تعال احضر معاي الكورة
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
Quote: ياكع اخبارك يازول ياكعب |
والله ما كعب يا عمو لكن اليوم بقي حته وصغنتوتي قبل ماتقوم من النوم تلقي الواطه فلللت وانت ما عملته اي حاجه وزحمة في اي حته وفي اي حاجه - تعرف يا عمو كان عندي نيه اجيب دسته عيال .. ولكن هسي والحمد لله 3 و قلبي وقف - من مستشفي لي حديقه ومن بقالة لي بقالة في النهايه عرفنا درب المدرسة ( وبقينا اولياء اموووووووووووووووور ) واظنك فتحت ليك بوست قبل كدا عن المنعول ابو النوم - صدق ما كنت بعرفو ولا فاهم هو شنو زاتووووو - وحاتك من بوستيك داك الراجل الاسمو ابو النوم ترك كل الدنيا وجاني انا براي - بالله افتح ليك بوست عن كيفية النخارجه من المنعول ده - انا ما عارفك جيبتو من وين ؟؟ شكيتكم علي الله انتو الاتنين -
شبكوته ... الامتداد بي حفرو دي ارحب من مدينه الضباب زاته - صباحك كدا وكدا - جميل بجمال حفرالامتداد ومحطة سبعه بعدين انتي البوديك بالشوارع الفيها الحفر شنو ؟
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
Quote: انت وريني شارع واحد يوحد ربنا مافيهو حفرة كبيرة؟؟؟!!!!!! |
انتي عارفه - الحفر هي زاته من اصل الامتداد يعني لو ما لقيتي ليك شارع فيهو حفرة - تاكدي انك خارج حدود الامتداد - بعدين شوارع الامتداد ام حفر دي هي زينا تماما - لها عبقها و اريحيتها وحتي الحفر دي عندها تاريخ من يوم كانت حفرة صغيرة لماااان بقت بركه وازيدك من الشعر بيت حفرنا عندها القاب واسامي زي اولاد الامتداد - عشان كدي من المستحيلات تلقي ليك شارع واحد ما فيه حفرة - ولو لقيتي ... بكون الشارع ده ما مننا !!
تحيات طيبات - شبكوته
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: كع اخوي الصغير انا بهزر معاك عارفك مالعبت رابطه ولاكنت بتلبس (باتا) ولا كان ناس عماد خميس وياسر الجولي بحاوروك لك العتبي حتى ترضى بالمناسبه اغوغو كيف؟ لو لقيت طريقه تعال احضر معاي الكورة |
يا عمو راشد يا دوبك كدا مشيت في الدرب العديل - عماد خميس - الزول ده قديم يا خوي هووي انا ما لعبته مع عماد كدوس ده - والجولي لعبته معاهو في اخر ايامو وكرعينو كلها شعر - انت عارف انا اول زول لعب في الرابطة بي كدارة اديدس جايه من المانياكارجو وخصيصا للكع - ابشرك ((احمداغوغو)) ماشي غانا او ساحل العاج انشالله - هناك الفهم الجدجد والطريق الي العالميه و زي ماقال فيلسوف الكرة روحيه ميلا (( تعلم الكورة في الصغر والشكر لي حماد ))
كورة مصر والجزائر ؟ انت رجعته مكانك القديم واللا شنو ؟؟
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
توفي اليوم الشيخ الجليل وامام الجامع الكبير العم( عثمان عبد السلام )
رحم الله الشيخ الجليل رحمة واسعة وادخله فسيح جناته مع الصديقين والشهداء
خالص العزاء للاخوان طه عثمان وعبده عثمان والاسرة الكريمة بمربع4 وايضا العزاء لكل موتنا وموتنا المسلمين ولكل من فقد عزيز لديه
انا لله وانا اليه راجعون
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
احبتي وعشيرتي سلام واشواق
اللهم ارحم كل موتانا وتقبلهم عندك في جناتك مع الصديقيين والابرار
واللهم اغفر لهم وارحمهم انت ارحم الراحميين ..
ياسلام ياعوض الكريم والله ذكرتني المرحوم خرستو ربنا يتقبلة قبولا حسنا مع الابرار
وكل ما اقرأ اسمك اتذكره لانه دائما يناديني بالفنان بكسر الالف, كان من اهل الله
اخبارك والاسرة الكريمة ..انا سعيد بوجودك في هذا الدار العامر للتواصل لك مني وللاسرة
الكريمة كثير التحيات ..
ياكعو والله انا بقيت ذي ام العروس ..كرهتي في الدنيا الرحيل ..عذاااااب يااخي
المهم لقيناكم بعافيه ومتلميين وتاميين ..
جومو انشاء الله صحه وعافيه
عيونو تلبس توب العافيه دائما ياارباب كفنك انا موجود كانت عندي حفلة في باريس عرس تشادي لكن نسبة لظروفي الصعبة
قدمت اعتذاري وانشاء الله الحفلة الجاية بديك تلفون قبليها سلامي للاسرة الكريمة
ياعوض كمبا ياحبوب والله المرة دي ماقدرت اصل اي زول المهم في القريب انشاء الله
وسلم لي علي كل الشباب
لكم مني كثير الحب
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
إن شاء الله متلمين في الخير دائما
العمده عماد عويس شرف عقبال باقي العمد
سارة + نسرين + بنات الخليفة + محاسن إبراهيم غياب بدرجات مختلفة.
شبكة مشكلة حضور رائع لها وللأحباب بقطر تحية
الريس طارق ذاتو مختفي ومجلتم موقوفة يعني مفروض يكون داخل الحوش .
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
السلام للاحبه كع مجدى/عويس /ابقاوون/صديق كمبا/عبدالغفار/عادل بلال/عادل محمود/عوض بابكر بابكر التوم الريس تيتاوى عمر شيخ الدين عماد محمود القائمه تطول وكلكم احباء على القلب
والشوق لكم شديد الرحمه والمغفرة لمواتانا واخرهم بالامس الشيخ الوقور عثمان عبدالسلام مع صراع مع المرض دام سنوات ايضا اكتب لكم والحزن على فريق الامتدادوالذى يحمل اسمنا جمعيا والذى سوف يلعب مبارتين للبقاء او الهبوط للدرجة الثالثة ترددت كثيرا فى ان اكتب فى هذا الموضوع ولكن التف اول امس ابناء الامتداد بدار النادى للوقوف خلف الفريق فى الايام القادمه وقد اتفقوا على الدعم المادى والمعنوى وبالفعل تبرع كثيرا من الحادبين بالدعم المادى ووعد الذين لايملكون ذلك بالوقفه المعنويه الداعمة كثيرين من الذين وقفوا بالامس قد تركوا الامتداد ولكن مازل فى قلوبهم دعواتكم لنا بتجاوز هذة المرحلة ولكم حبى
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
Quote: ايضا اكتب لكم والحزن على فريق الامتدادوالذى يحمل اسمنا جمعيا والذى سوف يلعب مبارتين للبقاء او الهبوط للدرجة الثالثة ترددت كثيرا فى ان اكتب فى هذا الموضوع ولكن التف اول امس ابناء الامتداد بدار النادى للوقوف خلف الفريق فى الايام القادمه وقد اتفقوا على الدعم المادى والمعنوى وبالفعل تبرع كثيرا من الحادبين بالدعم المادى ووعد الذين لايملكون ذلك بالوقفه المعنويه الداعمة كثيرين من الذين وقفوا بالامس قد تركوا الامتداد ولكن مازل فى قلوبهم دعواتكم لنا بتجاوز هذة المرحلة ولكم حبى |
الاخ / الحبيب احمد جمعة ,,,دائما هميم بحال الامتداد واهله,,,من هنا نناشد الجميع للوقوف
خلف نادي الامتداد ليكون في مكانه الطبيعي من رواد الحركة الرياضية بالعاصمة المثلثة *الرحمة والمغفرة للشيخ الجليل عثمان عبد السلام ولكل موتنا وموتا المسلمين
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: بدرالدين يعقوب)
|
Quote: اكتب لكم والحزن على فريق الامتدادوالذى يحمل اسمنا جمعيا والذى سوف يلعب مبارتين للبقاء او الهبوط للدرجة الثالثة ترددت كثيرا فى ان اكتب فى هذا الموضوع ولكن التف اول امس ابناء الامتداد بدار النادى للوقوف خلف الفريق فى الايام القادمه وقد اتفقوا على الدعم المادى والمعنوى وبالفعل تبرع كثيرا من الحادبين بالدعم المادى ووعد الذين لايملكون ذلك بالوقفه المعنويه الداعمة كثيرين من الذين وقفوا بالامس قد تركوا الامتداد ولكن مازل فى قلوبهم دعواتكم لنا بتجاوز هذة المرحلة ولكم حبى |
من علي البعد نقف معكم والحزن أيضا تملكنا جميعا في المهجر ولعل أهل الداخل هم الأقرب للوجع نسأل الله لهم النصر وأن يعود النادي للتنافس للصعود للأولي ثم الممتاز شكرا جومو وكل الأخوة بالداخل وللأمتداد تاريخ كبير وهم قدر التحدي إن شاء الله.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
لا حولة ولا وقوة الا بالله العظيم : يا جومو يا حليل الامتداد - ! بالله وصل للمرحلة دي ؟ معناها يا جومو يا حبوب - الناس تخازلت عن الفريق وتركوه الي ان وصل الي هذا الدرك السحيق - عموما قلوبنا مع الامتداد في مبارياته المتبقيه - والبقاء في التانيه انشالله
الف رحمه ونور لي جميع مواتانا -
ماشالله البوست التهب في اليومين الفاتو -
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
لا حولة ولاقوة الامتداد بصارع من اجل البقاء في الثانية !!!!!!!!
تذكر ياجومو في كورة الامتداد ووادي النيل في دار الرياضة بامدرمان؟؟؟؟؟؟
الحكم فيصل سيحة وقف المباراة وطلع لينا كرت احمر انا وانت وعبدالرحمن اخوك والهادي طعمية
تذكر دمعتنا سالت !!ولو لا قفشات الهادي كنا جعرنا ,,اها الليلة دمعتي سالت ....
قلبي معك يازهرة الامتداد ...باقون انشاء الله
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
Quote: بس ماتجهو H1N1 ياكع ونقعد نفتش في الأمصال سلام للكل ونواصل حتي يعود تيم الأمتداد لوضعوا الطبيعي |
* يا ابو قصي - يسلام الامتداد من الخنازير - وما شابه من .. لكن يا مجدي الحاصل شنو لامتدادنا ؟؟
* يا شمت الله يقلعو سيحه الاداكم كرت احمر وبكاكم -- انا ضحكته علي كل حال !!
* ربنا يخلي ليك عيالك اختنا سارة كرودي - ويكتب لهم السداد والتوفيق في حياتهم
* و كل الشباب تحيات طيبات ................................. طارق جبريل وينك ؟
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
الاخوة الحلوين تحيه طيبه بدعواتكم باذن الله سوف نتجاوز المحنة والعام القادم صاعدون للاولى ادعموا الناس فى الداخل ناس اللجنة والجهاز الفنى من خلال الاتصال عبر الهاتف ابنعوف عوض عمر فؤاد قورتى الباقر عصام التيرة ميرغنى أبقيقه(الجهاز الفنى)
الاخوة نزف لكم عقد قران الاخ سليمان العتوت (ملحيا)يوم الجمعه الماضيه بشندى تحياتى للجميع
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: احمد جمعه)
|
Quote: ادعموا الناس فى الداخل ناس اللجنة والجهاز الفنى من خلال الاتصال عبر الهاتف ابنعوف عوض عمر فؤاد قورتى الباقر عصام التيرة ميرغنى أبقيقه(الجهاز الفنى)
الاخوة نزف لكم عقد قران الاخ سليمان العتوت (ملحيا)يوم الجمعه الماضيه بشندى
|
شكرا جومو ونزف التهاني للعريس فؤاد قورتي أولا ومن ثم للأخ سليمان العتوت وبيت مال وعيال لهم
وبالنسبة للأمتداد إن شاء الله باقون وبل الموسم القادم مكانه الطبيعي الأولي بإذن الله ونن مع اللجنة
الفنية والإدارية حتي يعود الأمتداد للتنافس المعهود والأمتداد منذ أيام الليق معروف بإداؤه الجميل
وله معجبين من شتي بقاع الأرض وتواصل الأجيال مطلوب ونحن حاضرين بالغالي والنفيس جومو.
كع الجميل خلي الدنيا تفرح وهاهي الأقدار تبعد هذا وتقرب ذاك وسنة الله في الأرض هو التعمير والتواصل
الأحباب الغياب لعلكم طبيين ومافي عوجه،
الأخت سارة إن شاء الله من الناجحيين الأولاد وتحية خاصة لمحمد كرودي وزمن من الشوق يسكنا ،
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: احمد جمعه)
|
Quote: حولة ولاقوة الامتداد بصارع من اجل البقاء في الثانية !!!!!!!!
تذكر ياجومو في كورة الامتداد ووادي النيل في دار الرياضة بامدرمان؟؟؟؟؟؟
الحكم فيصل سيحة وقف المباراة وطلع لينا كرت احمر انا وانت وعبدالرحمن اخوك والهادي طعمية
تذكر دمعتنا سالت !!ولو لا قفشات الهادي كنا جعرنا ,,اها الليلة دمعتي سالت ....
قلبي معك يازهرة الامتداد ...باقون انشاء الله |
مسكين الزمن ياعمده
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
Quote: لا حولة ولا وقوة الا بالله العظيم : يا جومو يا حليل الامتداد - ! بالله وصل للمرحلة دي ؟ معناها يا جومو يا حبوب - الناس تخازلت عن الفريق وتركوه الي ان وصل الي هذا الدرك السحيق - عموما قلوبنا مع الامتداد في مبارياته المتبقيه - والبقاء في التانيه انشالله
|
تخازل شديد ياكع
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
Quote: الأمتداد للتنافس المعهود والأمتداد منذ أيام الليق معروف بإداؤه الجميل
وله معجبين من شتي بقاع الأرض وتواصل الأجيال مطلوب ونحن حاضرين بالغالي والنفيس جومو.
|
ابوقصى
عــدّى فـات .. زمـن العيون الإلفــة .. والحـضـن الملاذ ورهـافــة الحس البـلوّن .. ضـحكة النـاس العــزاز بـعـد الحـنـان .. الكـان زمـان إســتـوطـن المـطــر .. الحراز ********** روّح زمــانى .. وفى رجــاك قـاسـيـت مـرارة الإنـتـظـار .. فى ضـل شـبـابـيـك السـفـر صـادقـت لـيلات الأمـاسى .. الـتـايهة فى بحـر الأمانى بـتـنـتـظـــر لـو يـوم طـيـوف لحظـك تمر تعبر خيالاتك ... تـفــوت .. قـلـق المـواعـيـد ... الضّـجـر سـهـر العـيـون ... الإحـتراز إتـعـزز الـنــوم .. الخـــزاز ... وإتمــدد الشــقا فى العـــمر ************ مـلّـيـت تـبـاريـح الجـراحات ... البـقـت بـعــدك أسـى ... وزمــنــاً قـســــــا وحـــالاً أســيـف ومـشــيـت أفـتـش عـن خـطـاويـك الـقـبـيـل .. مـضّــارى من زمـناً ..وراك مـلانى خــوف أشــتــقــت أرتـاح فى عـيـون فـيـهـن مـلامحــك ذاتــا مــن غـير أىّ .. زيـف وإشــتـقـت لى ضـحكة صـبـاحك ... والدعـاش ... عـطّـر رزاز مـطـر الخـريف أنا وإنـت والدنـيـا الزمـان والناس وفـا .. وخـوّة صـفــا ودفء المشاعر الشاتية .. صيف أنا وإنت والدنيا الزمان زمن الغناوى الطالعة من قلباً .. رضى وحســّاً ... ندى ... وزوقاً ... رهيف أنا وإنت والـدنيــا الأمــان ما العمر شتّان ... بين أوان زمناً حييتو .... وعمر ما بتقدر بتعرف .. بكرة يصبح حالو .. كيف
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: لا حولة ولا وقوة الا بالله العظيم : يا جومو يا حليل الامتداد - ! بالله وصل للمرحلة دي ؟ معناها يا جومو يا حبوب - الناس تخازلت عن الفريق وتركوه الي ان وصل الي هذا الدرك السحيق - عموما قلوبنا مع الامتداد في مبارياته المتبقيه - والبقاء في التانيه انشالله
|
وتفاءلوا خيرا تجدوه بإذن الله
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: omar arbab)
|
Quote: ابوقصى
عــدّى فـات .. زمـن العيون الإلفــة .. والحـضـن الملاذ ورهـافــة الحس البـلوّن .. ضـحكة النـاس العــزاز بـعـد الحـنـان .. الكـان زمـان إســتـوطـن المـطــر .. الحراز ********** روّح زمــانى .. وفى رجــاك قـاسـيـت مـرارة الإنـتـظـار .. فى ضـل شـبـابـيـك السـفـر صـادقـت لـيلات الأمـاسى .. الـتـايهة فى بحـر الأمانى بـتـنـتـظـــر لـو يـوم طـيـوف لحظـك تمر تعبر خيالاتك ... تـفــوت .. قـلـق المـواعـيـد ... الضّـجـر سـهـر العـيـون ... الإحـتراز إتـعـزز الـنــوم .. الخـــزاز ... وإتمــدد الشــقا فى العـــمر ************ مـلّـيـت تـبـاريـح الجـراحات ... البـقـت بـعــدك أسـى ... وزمــنــاً قـســــــا وحـــالاً أســيـف ومـشــيـت أفـتـش عـن خـطـاويـك الـقـبـيـل .. مـضّــارى من زمـناً ..وراك مـلانى خــوف أشــتــقــت أرتـاح فى عـيـون فـيـهـن مـلامحــك ذاتــا مــن غـير أىّ .. زيـف وإشــتـقـت لى ضـحكة صـبـاحك ... والدعـاش ... عـطّـر رزاز مـطـر الخـريف أنا وإنـت والدنـيـا الزمـان والناس وفـا .. وخـوّة صـفــا ودفء المشاعر الشاتية .. صيف أنا وإنت والدنيا الزمان زمن الغناوى الطالعة من قلباً .. رضى وحســّاً ... ندى ... وزوقاً ... رهيف أنا وإنت والـدنيــا الأمــان ما العمر شتّان ... بين أوان زمناً حييتو .... وعمر ما بتقدر بتعرف .. بكرة يصبح حالو .. كيف |
مدثر يا صديق بيرجع بيكم ذاك الزمن الجميل والقادم إن شاء الله أحلي
الحبيب العمده ود شمت كل زمن فيهو رجالاتو والخير فيمن يمسكو بجمر العمل بالداخل شكرا لك أيها المفتون بالوطن الأمتداد.
عمر فعلا التفاؤل احلي واجمل والأمتداد في القلوب .
سارة + شبكة لكم المودة وانتن تزرعن الجمال بالتواجد الشجي
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
زمن الغناوى الطالعة من قلباً .. رضى وحســّاً ... ندى ... وزوقاً ... رهيف
زمن متعه... زمن جميل ..هواهه عليل ...
ياريت تعود ونعود ..نوقف عجلات الزمن ..نتوهط تحت نيماتنا في ساعة الهجير
ونحكي حكويناونغني غناوينا ..وعشقنا للدار الحبيبة ...تسلم ياابوالمجد..
تعرف ياكعو نحن بقت فينا حكاية بنقوري ...بنقوري ادوهو كرت احمر بلبس في الكدارة
جنب بيتهم في مربع 4 قبل ما يصل ميدان الرابطة ..............
كدي اسأل عبدالحليم نعيم لو ماخرف بحكي ليك قصة بنقوري او عبده التوم
بنقوري هواحمد جعفرعلي الملقب ببنقوري ...
ازيك ياشبكا..اتمني انك تكوني قضيتي اجازة جميله مع الاهل ..وجبتي لينا التلفونات..
من عمك متوكل شريف ...عفيناك لله والرسول من الشرايط ...
الكلام معاكم حلو علا الوقت ضيق ...
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
Quote: قرجاج ...
خجيتنا خج ..
الله يرحمو |
الله يخج التيم ياكع ويتذكروا الامتداد عشان مايفارقوا التانيه كرهونا البلى زاتو .......................................
عمر ارباب المشكله ما التفاؤل لاننا لسه متمسكين بالامل لكن نحن بنحزن ونندب حظنا وبنسكلب على اللعب فى الملحق لانو اللعب فى الملحق يدعوالى الولوله .......
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
اامتداداب..........احبكم
Quote: ياسلام ياعوض الكريم والله ذكرتني المرحوم خرستو ربنا يتقبلة قبولا حسنا مع الابرار
وكل ما اقرأ اسمك اتذكره لانه دائما يناديني بالفنان بكسر الالف, كان من اهل الله |
لانسان الجميل صاحب الصوت الحنون عماد عويس سلامات والله مشتاقين كتير عذرآ أخى ما قريت مداخلتك فى وقتها ربنا يرحم خرستو يغفر ليهو..... الواحد عندو كلام كتير عاوز يقلو الكى بورد بتاع بكرى ما مساعد جومو ابقى عشرة على العقاب....... الامتداد ما ينزل
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
ودجبريل سيد البيت خبارك غايب وينك فى الركايب... ناس الامتداد ياحلوين ازيكم كيفنكم لى زمان ماشفتكم نعزى كل من فقد عزيزا ونبارك لكل من عقد زيجة درست الابتدائية بمدرسة الامتدد2 وكنا ثانى دفعة بالسلم التعليمى بتاع ( محى الدين صابر) جلسنا لامتحانات الثانوى العام كأول دفعة من المدرسة ازكر من زملائى عزالدين الحاج.. سامى حسن عبدة.. التيمان معاوية والمغيرة.. عادل عثمان اول الدفعة كان الاستاذ عبدالرزاق ناظرا للمدرسة كذلك ازكر الاستاذ سيف الدين وغاب الكثير منهم عن الزاكرة بفعل الزمن هل من زملاء دراسة معيتنا بداخل البورد اوالبوست اتمنى ان اجد من اعيد معة بعضا من الق الصبا والشقاوة افيدونا افادكم اللة كفيلى بالامتداد مجدى فضل ابوقصى.
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: نورالدين الفحل)
|
Quote: ودجبريل سيد البيت خبارك غايب وينك فى الركايب... ناس الامتداد ياحلوين ازيكم كيفنكم لى زمان ماشفتكم نعزى كل من فقد عزيزا ونبارك لكل من عقد زيجة درست الابتدائية بمدرسة الامتدد2 وكنا ثانى دفعة بالسلم التعليمى بتاع ( محى الدين صابر) جلسنا لامتحانات الثانوى العام كأول دفعة من المدرسة ازكر من زملائى عزالدين الحاج.. سامى حسن عبدة.. التيمان معاوية والمغيرة.. عادل عثمان اول الدفعة كان الاستاذ عبدالرزاق ناظرا للمدرسة كذلك ازكر الاستاذ سيف الدين وغاب الكثير منهم عن الزاكرة بفعل الزمن هل من زملاء دراسة معيتنا بداخل البورد اوالبوست اتمنى ان اجد من اعيد معة بعضا من الق الصبا والشقاوة افيدونا افادكم اللة كفيلى بالامتداد مجدى فضل ابوقصى |
نورالدين الفحل يااااااخي دفعتك دي إلا تفتش ليها في التاريخ وتضاريس الجغرافيا نحنا لمن قرينا عبدالرازق لقيناهو سيرة جميلة حملت المدرسة أسمه علي مر التاريخ يمكن دفعتك دي نااااس محمد عبدالرحمن محمد الحسن يفتوك فيها، مرحبتين حباب الأحباب والدرجة تفرد جناحيها لكل الطيور التي غردت ذات مساء علي أفنانها البيت بيتك.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
إِنَّا لِلّهِ وَإِنَّـا إِلَيْهِ رَاجِعونَ واحرالتعازي للاخوان نصرالدين وصلاح وعلاء الدين ونادية ونجوي والأخ محمدإدريس (عقرب) ولجميع جيرانه بمربع 13 اللـهم أرحمـه وأسكنه فسيح جنّاتك اللـهم باعد بينه وبين خطاياه كما باعدت بين المشرق والمغرب اللـهم نقّه من الخطايا والذّنوب كما يُنَقّىَ الثّوب الأبيض من الدّنس اللـهم أغسله بالثلج والماء والبرد اللـهم أبدله داراً خيراً من داره وأهلاً خيراً من أهله اللـهم أجمعنا وإيّاه في مستقرّ رحمتك اللـهم إنّا نسألك بإسمك الأعظم أن توسّع مدخله اللـهم آنسه في القبر وحشته اللـهم ثبّته عند السُّؤال أحر التعازي لجميع أفراد أسرة الفقيد ولكل الأهل.. ولا حول ولا قوة إلا بالله.
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
بسم الله الرحمن الرحيم
السلام عليكم ياناس الامتداد جميعا
الف رحمه ونور على موتاكم وموتى المسلمين جميعا
خالص التحايا للاخ مجدى عبد الرحيم
مسؤل من الخير وين اخيك سمير وعياله تحياتنا ليهم
عذرا اسمحو لى بالتداخل معكم اهل الامتداد
لكم شكرى وتقديرى
ام خالد ( زوجة عبد الحليم حامد )
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالحليم حامد النعيم)
|
اللـهم أرحمـه وأسكنه فسيح جنّاتك اللـهم باعد بينه وبين خطاياه كما باعدت بين المشرق والمغرب اللـهم نقّه من الخطايا والذّنوب كما يُنَقّىَ الثّوب الأبيض من الدّنس اللـهم أغسله بالثلج والماء والبرد اللـهم أبدله داراً خيراً من داره وأهلاً خيراً من أهله اللـهم أجمعنا وإيّاه في مستقرّ رحمتك اللـهم إنّا نسألك بإسمك الأعظم أن توسّع مدخله اللـهم آنسه في القبر وحشته اللـهم ثبّته عند السُّؤال أحر التعازي لجميع أفراد أسرة الفقيد ولكل الأهل.. ولا حول ولا قوة إلا بالله.
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالحليم حامد النعيم)
|
اللهم أرحمهم جميعا بواسع رحمتك وأرحمنا نحن الأحياء وإذا صرنا لنفس المصير
العزيزة أم خالد البيت بيتك وتحايا بعظمة الأمتداد لك وللغالي أبوخالد وكل الأسرة
وأخي سمير وعيالو بخير وبيغريكم السلام والتحايا بوخالد علي قول أحبابنا وينك يارجل
شوق ماعادي وجده تتعطش شوق وظماء لشوفه وبل الريق .
العزيز أحمد جمعه جومو خبر عرس فؤاد قورتي كان منذ فترة بجده وللأسف لم أتمكن من حضوره
ولذا نزف التهاني له من البعد.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: نورالدين الفحل يااااااخي دفعتك دي إلا تفتش ليها في التاريخ وتضاريس الجغرافيا نحنا لمن قرينا عبدالرازق لقيناهو |
يا مجدي حرام عليك طلعته الراجل ديناصور عدل كذا ههههههههه وشباب الشباب الروح ....
مليون مرحب يا ود الفحل بيتك ومطرحك يا ابو الشباب صدقني يا ود الفحل ابوقصي الغربه دي طلعت ليهو في راسو -
تحيات عاطرات للجميع .........
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
أم خالد خلاص الباص ده بالايجار وانت في ملكك عشان لزوم البزينس وكده
الله يكون في عون ابوخالد ويخضر ضراعو بالله ابلغي منا التحايا ولك منا
التقدير واصلي تواصل حتي ياتينا ابوخالد ويعمل ليهو باص آخر.
شبكة تواجدك بقي طبيعي وتكفي العين وها هي ام خالد معك .
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: فيصل محمد خليل)
|
ناس الامتدا الطيبين بهديكم صورة من عام 1981م وهي صورة الشهيد الهادي جعفر (محطة سبعة ) البيوت الفاتحه على خور جانقى ) هذا الشاب الخلوق الذي ضرب لنا اسمى واروع معاني الصداقة و البسمة التي كانت لاتفارق شفتية افتقدناه واتفقده الحي المتفرد الامتداد وفقد نشاطه وحيويته .. ومن هنا نترحم علي روحه الطيبة وان ينزل الله عليه رحمة واسعة وان يسكنه الله فسيح جناته مع الصديقين والشهداء
من اليمين .. الهادي جعفر
وهل تعرفون عن هذه الشخصية شي بالله ادعوا له يا اخواني واخواتي
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
يا ناس الامتداد انتو زعلانين مع بعض ولا شنو بالله امس جيت رفعت ليكم البوست الصفحة الاولى ومافى واحد فيكم عمل مداخله بعدي المثل بقول الزيت لو ما كفى البيت حرام على الجار احسن تقدلوا في حوشكم ولو في شوائب الناس تزيلها وهذا هو جو البوست عندكم ياخي زمان لما نزهج بنجى نقعد في الامتداد 3 يوم ونتسامر مع اولاد الامتداد بالليل في ميدان الرابطه ومظبطين صحن البوش ناس ربيع والجمري وكرودي ومحمد البربري ونادر يوسف وخالد لولو ............. الخ
وهذه مداخلة يوم امس
Quote: 10-11-09, 06:43 ص بواسطة وليد عبد اللطيف |
----------------------------- ود قرجاج وعبد الله كع و شبكه وساره وود جبرين اصحوا شويه (وصراحة عبد الله كع تعب معاكم وهو صاحب اكثر مداخلات ) الف تحيه ليكم ياغالين
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: فيصل محمد خليل)
|
Quote: الاستاذ وليد عبداللطيف
ازيك
سبل كسب العيش هو السبب |
فيصل خليل حبيبي ياخي الناس تديل بتصحيهم بواحده من روائع الفنان (خضر بشير ) من البوست الرائع بتاعك داك (عسعس الليل ولكن ان في الصمت كلام ) (ياحبيبي اه انا خايفك بالشوق تضيعني وتكون عليّ الجاني ) (من يوم ما بقى فراقو منامي وطرفي ماتلاقو)
---------------- ود خليل نسأل العافية بس
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
احبابنا سلام كتير
رزق اليوم ناصر جبريل بامورة حلوة نتمنى لها موفور الصحة في كنف والديها (ناصر وسلافة)
يا وليد والله ما قصرت يمكن عدم جياتي لي بيتنا دة زعلة يعلم الله حسيت انه الناس زي نست الامتداد حاولت افعل موضوع ارتباطنا بالامتداد لم اجب تجاوبا سوى من عدد بسيط من ابناء الامتداد العشم كان كبير لكن يبدو انه الواحد بيحلم اكتر من الواقع في ناس خلونا عدييييييييييييل ومشوا وفي غيابات غير مبررة اعترف انه انا احبطت وابتعدت من البوست بالاضافة لي مشكلة خاصة عندي في الشغل في المغرب
تقدر تقول احباط مضاعف لكن يقيني انه الزول مفروض يحاول ويحاول اصله ما مفروض يتسرب ليه الاحباط
والله ما لقيت كلام اقوله
يمكن خبر يكون مفرح للبعض: ياسر كنيش (مربع 6) زواجه في عيد الضحية ياسر طبعا ابن شقيقتي الكبيرة
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: يمكن عدم جياتي لي بيتنا دة زعلة يعلم الله حسيت انه الناس زي نست الامتداد حاولت افعل موضوع ارتباطنا بالامتداد لم اجب تجاوبا سوى من عدد بسيط من ابناء الامتداد العشم كان كبير لكن يبدو انه الواحد بيحلم اكتر من الواقع في ناس خلونا عدييييييييييييل ومشوا وفي غيابات غير مبررة اعترف انه انا احبطت وابتعدت من البوست بالاضافة لي مشكلة خاصة عندي في الشغل في المغرب |
وإصطفيت جرحك براك وتر إنتباهك والنغم ضفة تزرع في الشروق وضفة بتقاوم الألم شمعة الأمل التهِد ليل الكوابيس زمن الودار شامخة بتعاند في صدى الليل الهياج الاحتضار صاح إنتباهك في الزمن لما أصطفاك قدر العصافير الرحيل غدر الشِباك شوك المتاهات الدوار تحتك نسيج الليل طويل الأناشيد الماخدة من حـِزم الشعاع نار البدايات البتول للسحابات التلوح قوس قزح بشرة هطول ولي ضِيا القمر المقرّح ضد قوانين الأفول ليك يا أخر الخيول فرس الرِهان الما كبا وهج الشموس الاشتعال وانكسار المستحيل شقيتو بي سيل الحروف الطالعة دابا من الصدف مجرى البحر تيارو والموج الرجوع أديتو حيل مدو الزمان كان إنحسر غيرت في الزمن الملامح طعم الكلام لون الغنا وطبع البذور كيميا التراب طقس المطر صاح إنتباهك في المكان زهو السنابل بالقموح وإجتراحك لي لسان لغة الجموح وكتين يتوه بين السكات وسيف القيود الارتهان شمس الحقيقة الـ آه بقت منفي ونزوح وأقتباسك للصبر لغة اليقين بانقسامك في الزمن وإنصهارك واقتسام الآهة بينك والمحن وانتصارك لي صباحاً بكرة طالع من مدارات الصهيل يا صباحك لما تنداح ضفة جراحك بالشجن
ياطارق انت فرس الرهان الحاصل شنو شيل الصبر الشغلانيه محبطه لكن فى بصيص امل
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
عمنا على محمد نور لك الرحمه ولى نصر الدين وصلاح وعلاء الدين الصبر ولكل الاسرة العزاء فى فقدنا الجلل اللهم اجعل قبره روضا من رياض الجنه
Quote: ود قرجاج وعبد الله كع و شبكه وساره وود جبرين اصحوا شويه (وصراحة عبد الله كع تعب معاكم وهو صاحب اكثر مداخلات ) الف تحيه ليكم ياغالين |
ياوليد اها خلينا ندى القلعه وجينا للبيت الكبير بس خليك قريب
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
حبيبنا مدثر قرجاج والله كلامك يرد الروح يا ريت الناس تجي وتفكر بصوت مسموع انا متاكد القصة ما قصة حب للامتداد الاكيد الناس كلها الامتداد جواها بس الناس عايزة لزة كدة شئ مؤسف نكون اول ناس فتحنا الاحتفاء بالاحياء ونجي نكون اكعب ناس يعين لمن تدخل لي ناس الشعبية والله لمن تفرح رغم انه الشعبية دي انا عضو فخري فيها بحكم انه خيلاني ساكنين هناك بس الحب الاول والاخير بيكون للامتداد اقتراحتك كلها جميلة صراحة كدي ننتظر راي الناس شنو
كع بابكر التوم ابو قصي سيدنا جومو شمت امير الجمري تيتاوي اولاد حمدتو شبكة بنات خوجلي عز الدين عبد الغفار بدر الدين يعقوب اشرف الباقر عصام احمد علي وبقية العقد الفريد ورونا شنو رايكم وانا مستعد احرس المنبر دة ديدبان
ويا ريت لو في ناس نشيطين ممكن اكلم بكري بس يراسلوني عبر ايميلي الشخصي [email protected] الناس النشيطة مهمة في الحتة دي
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
الاخ وليد عبداللطيف لك التحية والتجلة على اهتمامك بالامتداد واهله وهمتك العاليه اخى قرجاج تسلم ياحبيب ونشكر لك المقترحات الجميلة والبناءه والهادفة لرفعت شان الامتداد فى كل المحافل والمجالات ياطارق يازعيم الزعيم دائما صامد لاتهز العواصف والرياح والمواقف اذا كانت فى العمل او الاسرة الكبيرة الامتداد او غيرها المسيرة زاحفة للامام كع وابوقصى والمتداخلين بابكر لكم وسام الانجاز لبقيه الاخوة الذين انقطعوا عنا نقول لكم نرجوتسجيل الحضور وطلتكم بتسعدنا طالما باعدت بيننا المسافات وانتم دائما فى القلب لكم الود الحب الاحترام العفو والعافية
جومو
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
Quote: كع بابكر التوم ابو قصي سيدنا جومو شمت امير الجمري تيتاوي اولاد حمدتو شبكة بنات خوجلي عز الدين عبد الغفار بدر الدين يعقوب اشرف الباقر عصام احمد علي وبقية العقد الفريد ورونا شنو رايكم وانا مستعد احرس المنبر دة ديدبان
ويا ريت لو في ناس نشيطين ممكن اكلم بكري بس يراسلوني عبر ايميلي الشخصي |
ياود جبرين الناس دي كلها اعمل ليها عقاب وجيب اربعة عتاولة من الكنبة الورا واجلدهم ولا اقول ليك تاني اليغيب يدفع قروش وحددها
ود جبرين والله متابعين موضوعك وربنا يسهل الامور بالله ماتنسى راية الامتداد لازم تكون مرفوعة مهما كان
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
Quote: اخى قرجاج تسلم ياحبيب ونشكر لك المقترحات الجميلة والبناءه والهادفة لرفعت شان الامتداد فى كل المحافل والمجالات ياطارق يازعيم الزعيم دائما صامد لاتهز العواصف والرياح والمواقف اذا كانت فى العمل او الاسرة الكبيرة الامتداد او غيرها المسيرة زاحفة للامام كع وابوقصى والمتداخلين بابكر لكم وسام الانجاز لبقيه الاخوة الذين انقطعوا عنا نقول لكم نرجوتسجيل الحضور |
جومو وود قرجاج والاخرين يعني والله كلكم ماشاء الله وعيني بارده وما اظن في واحد فيك امي وانا متابع كل كتاباتكم واذا لم اشارك بها تعرفوا في يوم من الايام اختلفت مع سيد حوش بحري (كمال كرار ) قريبك ياقرجاج ولكن رغم عن ذلك لم ادع المشاركه وكان الاختلاف في مسار البوست يعني كل شي لمصلحة المنطقة
ود قرجاج في الاجازة البسيطة ديك قابلت ليك ازهري (ابوالزهور )ضحكني لما قعدت في الارض ياود قرجاج بطل الحركات ومشي البوست انت نسيت (عبد الله كع ) وكل ناس الامتداد فاتحين ليك بوست قدر شنو وخاتنو في وش بكري عشان تشاركهم هموم الامتداد كمان تقول ندى القلعة ( بالله رشو ياودجبرين وكع ) هذا الفتى المتمرد
ناس الامتداد ملاحظة بسيطة جبت ليكم صورة شهيد من حلتكم ( الهادي جعفر ) وما في واحد اترحم عليه ولا البتقلب دا خلاص عندكم
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
Quote: الهم تقبلة قبولا حسنا
ياوليد شباب 12 & و13 أكيد بكون عندهم الكثير عن سيرتة ...
شكرا لروحك الجميلة وعشكم فى شباب الامتداد ...
وحاتك نحنا ذاتنا محتارين ..
أظنها عين نتمنى أن لا تدوم طويلا ويعود البوست لأ لقة ...
والمحبة للجميع |
الأخ وليد عبداللطيف تحية لك عبر التواصل الجميل ده
لقد وجدنا رد بابكر التوم كافي ونترحم علي كل موتانا وموتي المسلمين ربنا أرزقهم جناتك والخلد فيها
بالنسبة لناس 12 أو 13 أو أي مربع من مربعات الأمتداد مافي زول بيعرفها كلها مثلا 12 عندي صديق توفي الي رحمة الباري وهو عمر قسم السيد ألف رحمة عليه وكثيرين المشكل مافي معرفة هذا أو ذاك المشكلة الحقيقية في التواصل قد نكتب كلنا عن الأمتداد ولكن الجيل الحالي مثلا أنا لي 11 سنة بعيد عن الأمتداد والجيل الحالي لا يعرف مجدي الذي يسكن مربع 14 منزل رقم 4 في التواصل مفقود جدا اللهم إلا عبر الكلمة ولو الآن مشيت حلتنا وسألت مني أو من سمير قل من يعرف ولكن لو سألت من أمجد أبن أخي هو الآن المعروف في هذا المنزل بالرقم 4 . وعن مداخلت الأخ مدثر قرجاج فهي تصب في ذات السياق التواصل عبر الأجيال هو ما يفقده السودان كله ناهيك عن منطقة محدودة بأربعة عشر مربع أكبر مربع لا يتعدي 200 منزل في مساحة 300 متر مربع فالكل هنا يهتم ولكن درجة الأهتمام متفاوته حسب جذب الموقع للقارئ أو المتابع ولكن يبقي الإنتماء للحي الرقم المتفرد رغم غياب أحبابه وأصحابه ولنا عودة إن مد الله في الآجال ومجددا نترحم علي كل الذين مضو إلي رحاب الباري وتحايانا إلي كل المتواجدين والغير متواجدين كمان .
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
لاحـــــوله - في البدايه يا وليد كتر خيرك يا زول يا هميم - وشكرا علي العتاله ههههههه فعلا بقي البوست حقنا كئيب وممل لابعد درجه - واذا كتبه ليك مداخله ممكن تقعد 3 يوم ما في زول يقول ليك انت بتعمل في شنو ؟ السبب شنو والله ما معرفتو - وقسما بالله بجيني احساس انو انا زول تافه فارغ وما عندي اي موضوع - فعلا احباط - والواحد بجي داخل البوست عشان يعرف احوال الناس شنو الجو والبرانين - وممكن تلقي ليك خبر جميل يفك ليك زهج الغربه وتفرح مع الشباب لو في الداخل او الخارج - لكن تتصدم بي مداخلتك الكتبها قبل اسبوع في وشك - رب تقعد مغمه عليك - امكن نفس الاحباطات حقت طارق جبريل والواحد عايشه ............... وانسي - المهم - عن نفسي - انشالله ما حا انقطع عن البوست
- وتحيات للجميع .........
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: سارة كرودى)
|
Quote: صباحكم نور .. ..
حقيقة كلنا مقصرين البوست بمشى الصفحة الكم ماعارفه الاتفتشو فتيش ...
يخوانا طلب للجميع الصباح اول حاجه نعمله لمن نصل الشغل ادخلو قولوا صباح الخير وسطرين عن احوالكم
واخبار الحلة حتى لو مشغولين شديد ..
الغياب بجيب الجفاء .. .. ..
وانتو ما جافييين .. .. |
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
سلأمنا لجميع اهلنا الطيبين بالرغم من غيابنا الطويل لكن قلوبنا معكم
ما عارف اعتزر كيف الأنترنت حولى فى كل مكان بل مجال عملى هو الأنترنت (اتصالأت الأمارات)
تصدقو بعد ده كلو بلأقى صعوبة كبيرة فى تصفح النت ودة برضو ما عزر ولكن هنالك ايضا اسباب اخرى لأ نستطيع البوح بها فى هذا الموقع فلكل انسان ظروفه الخاصة. وذى ما ذكرت فى الأول عندما تفقدونا .. تحسسو صدوركم ستجدونا ننبض داخلها
ويا كع ويا طارق جبريل واحمد جمعة وابو قصى وبقية الأخوان الله لا جاب زعل فقد احببناكم فى حب الأمتداد
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
العزيز مدثر قرجاج
نحن لا نزعل مطلقا ولكن نزعل للحال الذي وصل فريق الأمتداد لأن يلعب مبارتان هبوط وبقاء ونزعل عندما ينقطع التواصل بيننا ومطلقا نحن لا نكتب لأعضاء سودانيزأونلاين اللائي يملكون باص ويرد لمجاملة هذا وذاك والكلام ده بقولو لاي فرد بيكتب هنا لأن المستهدف من القرأ هم الذين خارج سودانيزأونلاين وهناك شريحة مهمه جدا وهم أخوانا من العرب وغيرهم بيشوفو السودان عبر أقلامنا وهذا الشئ قلته لكع ولك منذ دخولكم وأكتبو وأكتبو لأن الكتاب متنفس للعقل والروح معا وحقا تلامسون الوجدان بمخطوطاتكم الثرة وأنت أخي مدثر وكل الرائعون من أبناء التفرد لكم مكانه داخل حجر القلب وتسكنون الغرف الأربعة أذينان للأستماع وبطينان للتمعن في كل فكر يرمز برمز ما نحتاجه وهذا السفر وغيره من المنتديات نسهم فيها بقدر معين ولنا منتديات عديدة غير سودانية نكتب من خلالها بنفس النفس والطعم السوداني الجميل ولن نقف قط عن هذا الدار وبل نديره لمنفعتنا جميعا إن شاء الله ونورثه للأبناء من بعدنا لكم جميعا تحية الود والأحترام المتبادل وسيظل الأمتداد الدوحة الظليلة لنا في كل محفل نرفع الراية شكر لك مدثر وكل البيت الأمتدادي العريق أرقدو عافية.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالحليم حامد النعيم)
|
شكرا يا ام خالد وربنا يقدرنا ونقدم للامتداد حاجة
Quote: بسم الله الرحمن الرحيم عزيزي طارق جبريل سلام من الله عليك وكيف اخبارك واين ذهبت بك الحياة؟والي اين وصلت؟ وكل التحايا والاشواق لك ولتلك الايام الرائعة والزكريات التي لاتنسي ايام مدرسة الخرطوم الجديدة وهرشات عبد الحميد مدني وطرائف همت وعبقرية شاهين وحنكشة اسامة مختار ودندنة محمد عبدالله بلال .اما عني فانا بخير وصحة جيدة مقيم في اطيب بقعة (المدينة المنورة) واعمل موظف بالبنك العربي ولي من الابناء اربعة كلهم بنين والحمدلله واشكر لك سوالك عنى واشكر لك اهتمامك بهذا الحي الرائع والبديع فالامتداد صعب جدا ان نتحدث عن تاريخه وشبابه وعبقرية مبدعيه وانت منهم في سطرين او تلات ويكفي ان يسمي الواحد به ودا قمة الفخر.تحياتي لكل من معك وللمواصلة الايميل معك والجوال00966541260150 خالص اشواقي اخوك عصمت عبدالله عصمت الامتداد |
يا سلام ياخي عصمت حبيبنا كله والله اليوم الواحد طاير من الفرح زمن يا عصمت ياخي
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
سلام احبائ
هيييييع ياحليم حامد نعيم شايفك هرشت من بنقوري بتلف يمين وشمال !!والقون
بيمشي شمال يمين واحيانا لاقدام وبعدين لاوراء !!!!ماعلمتنا ياحبيب !!!
عصمت الفنان جايك الرسالة وصلتني لكن كنت في كورس رجعت امس بالليل متأخر
جايك بالونسة الدقاقة بتاعة زمان ديك !!!!كانت لنا ايام في قلبي ذكراها ..ماذلت اطراها...
صديق حمدتو والله بذكر فيك اليومين ديل ..عارف بكرة في ندوة عن الخفاض الفرعوني مع منظمة
كرتاس والدكتورة دي جايبنها من السودان اسمها ليلي ضحوي ...تذكرت ايامكم ورابطة ابناء الامتداد
بجامعة الخرطوم والدكتورة امال فريد طوبيا( لو ما السلوك اتلخبطت) ..وتعليق الهادي طعمية
طبعا دي بعرفها جومو !!!!قدمتوا ندوة كانت راقية جدا وكانت كافية لتغيير مفاهيم المجتمع ولكن!!
واتمني الاجيال اللاحقة مواصلة في العمل الاجتماعي الثقافي في الامتداد ..الاخ قرجاج ممكن يدينا
معلومات عن الفترة مابين 1992 حتي 2009 ..عن الندوات والامور الاجتماعية ...
ياحبايب سلام وتصبحوا علي خير ....
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
صباحكم خير إن شاء الله
مرور للتحية وتفقد الدار العامره
مودتي للجميع
العمده والريس وعصمت بالله أسترجعو الزكريات علي صفحات إمتداد عامر وجميل معكم نكون حضور
صديق حمدتو ، د.حاتم حمدتو ،عامر تيتاوي ،أمير الجمري ،عبدالغفار محمد سعيد،عصام علي أحمد
أين أنتم؟
ولكل الغياب أدونا غشوه ولو دقائق سِفار عبر قطار الشوق.
،،،،أبوقصي،،،،
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
ناس الامتداد سلاااااااااااااااااااااااااام
للقدام والجدادددددددددددددددددددددددددد
غبنا عنكم اجساد لكن انتم فى البال طول الزمان
سلام للجميع وربنا ينور طريقكم ويخليكم للامتداد
تعازينا فى كل موتى اهلنا بالامتداد والعذر لمن
فاتنا تعذيته وتأكدوا اننا معكم فى احزانكم وافراحكم
سلااااااااااااااااام بقامة الامتداد
ســــــــــيد ســــــــيدنا
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
طال ماظهر غزال الامتداد (عصمت الفنان ) صديقنا وحبيبنا لابد ان نذكرم بسفير كرة الامتداد (كمال تنقو ) الذي انتقل لنادي الاتحاد البحراوي بصفقة خيالية وفعلا كان داعما قويا للفريق وبالمستوي الذى ظهر به ووجد كل الحب من لاعبي وادارة النادي . ومن الطرائف كان يقوم بتدريس لاعبي الاتحاد الممتحنين للشهادة اللغه الانجليزية في المعسكر
كمال تنقو مرتدي قميص رمادي ومتوسط لاعبي الاتحاد البحراوي
ود جبرين الناس ديل عجائز وانا لعبت معهم صغير يعني ماتشيل حسي
----------------------------------- مجدي فضل معزوم شاي كارب 0557456728 وعبد الله كع لو قريب عرج علينا
| |
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
ياسلام السيد علي (كمال آدم محمد) الشهير بتنقو لاعب ل ماتجود به الميادين عرفناه منذ كان في رابطة الأمتداد يعكس الكونر في الشبكة لاعب يمتلك كل مومات اللاعب الفنان رغم قصر قامته إلا أن ذلك لايؤثر ففي كرة القدم الحضور الفكري للعبه هو ما ميز اللاعب تنقو علي أفراد جيله ورحلته الكروية تبدأ من فريق الجزائر برابطة إمتداد الدرجة الثالثة ومنها للأولي وتحديدا فري النيل العريق ومنها كابتن للفريق القومي للناشئين آنذاك والسيد علي سفير لنا في كل المواقع التي عمل بها كمدرب وهو معنا في جده يعمل فيها وفي عام 1993 كان موجود معنا هنا بجده ويشرف علي فريق الأمتداد وضينا معه أيام لا تنسي وفعلا السيد علي يمتلك لغة إنجليزية رايه ويحبها جدا،ولكن ياوليد الصورة توضح أنك أكبر اللعيبه الفي الصورة ماتفكها فينا ساااااااااي وين الشااااي في كرة مصر والجزائر بس كع بعيد ياحبيب نرسل ليهو الشااااي بدي أتش إل شكرا لحضورك الجميل ونهر الزكريات الأروع والأجمل تحياتي يا صاحب.
العميد سيد محمد سيدنا ليك وحشة يارجل وأكيد أنت مقيم في القلب ومكانتك شاغرة بيننا ودي طلت وردة.
،،،،أبوقصي،،،،
| |
|
|
|
|
|
|
|