كتب الكاتب الفاتح جبرا المتوفرة بمعرض الدوحة
|
|
 افتتاح مطبخ أمكم جارة..
|
ندعوكم غذا الأربعاء 21 اكتوبر لحضور افتتاح "مطبخ ماما جارة"..
هكذا هو اسمه..
وهو مشروع جميل نسأل الله ان يكون مفيدا لهاو للجميع..
يقام الاحتفال في الساعة الثالثة ظهرا بمدينة لندن ساوث كينزنجتون..
يشرفنا حضور كل من يتمكن منكم..
نرجع لكم بمزيد من التفاصيل فيما بعد..
|
|
 
|
|
|
|
|
|
|
 Re: افتتاح مطبخ أمكم جارة.. (Re: ياسر بيناوي)
|
اتمنيت لوكنت معاكم
سلام يا غالية
خالص الود
مرحب يا ياسر..
انك معانا بكره..
وريني آكل ليك شنو أكثر؟؟
مشتاقين يا ياسر..الخرطوم كيف؟؟
...........
...........
أمكم جارة في زواج أنجي محجوب التجاني..بنت اختها زينب في أمريكا..
بكره كمان هاتبشر..اشمعني هي يعني!
| |
|
|
|
|
|
|
|
|
|
Re: افتتاح مطبخ أمكم جارة.. (Re: yasir Abdelgadir)
|
منى المشروع مبروك
مادايرين ليكم مدير تسويق والا مشرف صاله
بشتغل بى بطنى ...
وكان راتبى عالى بفط ليكم وجبة..
مبروك منويه وانشاء الله استثمار ناجح
اهم شى المنيو تدخلوا فيه اكلنا
واعملوا قسم عصيدة ومديدة ومشروبات
سودانيه من العرديب مرورا بالقونقليس لحدى القضيم
وموفقين،،،
| |
|
|
|
|
|
|
|
|
|
Re: افتتاح مطبخ أمكم جارة.. (Re: صديق الموج)
|
Quote: منى المشروع مبروك
مادايرين ليكم مدير تسويق والا مشرف صاله
بشتغل بى بطنى ...
وكان راتبى عالى بفط ليكم وجبة..
مبروك منويه وانشاء الله استثمار ناجح
اهم شى المنيو تدخلوا فيه اكلنا
واعملوا قسم عصيدة ومديدة ومشروبات
سودانيه من العرديب مرورا بالقونقليس لحدى القضيم
وموفقين،،، |
مرحب يا صديق..
عارف فط وجبة ما بيحل..لازم تفطهم كلهم او حتي اتنين!
البلد دي غالية والمرتبات لازم تكون عالية..
واحنا كلنا بناكل من مطبخ ماما جارة وجبة واحدة لانه مافي دخل..
تحب تجي وتاكل معانا وخلاص؟؟
اذا رضيت..اتعلم اعمل الساموسة زي الزولة الفي الصورة دي..كلنا بنحبها..
| |
|
|
|
|
|
|
|
|
 Re: افتتاح مطبخ أمكم جارة.. (Re: yasir Abdelgadir)
|
Quote: تتذكري سلطة الاسود الطلبتها وانا في مطار هيثرو...وقام اكلها محسن خالد لما جاء زاركم في نفس اليوم
انا اطالب بتعويض |
عندنا سلطة باباغنوج وهي بالبتنجان المشوي..
وعندنا سلطة أسود بالدكوة..
وواحده تانيه بالطحينة..
وبعدين برضه بتنجان مسلوق ومحشي بالتوم والبهارات
ده غير البتنجان المحمر وعليه خلطة الخل والتوم والبهارات!
ايه رايك في طبق من كل نوع ياسر؟؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: Muna Khugali)
|
| Quote: وعندنا سلطة أسود بالدكوة.. |
ايوة ركزي علي دي بالله.........أصلو نحن من غير دكوة ما بنعرف نعيش ذاتو
| Quote: عندنا سلطة باباغنوج |
دي غايتو سمعت بيها سمع لكن ما شفتها لو عندك ليها صورة نزليها لينا هنا...يمكن نطلبها بالفيدكس
| |
|
|
|
|
|
|
|
|
|
Re: افتتاح مطبخ أمكم جارة.. (Re: ممدوح أبارو)
|
الف مبروك
ومزيد من المشاريع الناجحة
ومزيد من نشر ثقافة الطعام
ونتمنى ان يكون الديكور بديع ومدهش
والمنيو الأسماء به كلها سودانية
والمشروبات متنوعة ولذيذة
وسودانية
ادهشوا الناس
وسعادة وسلام
| |
|
|
|
|
|
|
|
|
|
Re: افتتاح مطبخ أمكم جارة.. (Re: محمد سنى دفع الله)
|
Quote: مبروك
ومزيد من المشاريع الناجحة
ومزيد من نشر ثقافة الطعام
ونتمنى ان يكون الديكور بديع ومدهش
والمنيو الأسماء به كلها سودانية
والمشروبات متنوعة ولذيذة
وسودانية
ادهشوا الناس
وسعادة وسلام |
الله يبارك فيك بالسني..
والله الخواجات ديل بيموتو في أكلنا الشرقي وكمان السوداني..
بالذات الانجليز الجنهم ياكلوا السمك العامل زي اللقيمات ومعاه بطاطس محمرة!
الديكور بتاعنا بالمناسبة سوداني بسيط..
ماعندنا الزحمه الموجوده في استوديوهات القناة السودانية..
الزحمة متعبة للعيون وطارده!
الدهشة هي رغبتنا وبعدها الضحكة..
تسلم أخوي الغالي..سلم علي أحلام
| |
|
|
|
|
|
|
|
|
 Re: افتتاح مطبخ أمكم جارة.. (Re: ممدوح أبارو)
|
يا منوية بما انو انا الايام دي محتاجة فترة نقاهة بالمرة رسلوا الفيزا والتذكرة خلونا نحضر الافتتاح ..
وما تجيبوا فنان والله اغني ليكم على حس الجية ..
قول لي ماما جارة الف مبروك ..
بالعدم برسل الورد حقي طبييييعي ..
| |
|
|
|
|
|
|
|
|
|
Re: افتتاح مطبخ أمكم جارة.. (Re: انعام حيمورة)
|
Quote: يا منوية بما انو انا الايام دي محتاجة فترة نقاهة بالمرة رسلوا الفيزا والتذكرة خلونا نحضر الافتتاح ..
وما تجيبوا فنان والله اغني ليكم على حس الجية ..
قول لي ماما جارة الف مبروك ..
بالعدم برسل الورد حقي طبييييعي .. |
شوفي..
اللوز محتاجة أكل كتير..زي معدتي كده..
علشان كده لازم تاخدي اجازه شهرين علي الاقل تجي تقعديها معانا..
تمسكي الحسابات في المطبخ..وتعملي ويب سايت لماما جارة ومطبخها..
وبعدين ابعدي عن الغنا الله يرضي لانه المشروع لسه جديد وعايزين نكسب زباين ..
عملتي البسبوسة ولا لسة؟؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: ممدوح أبارو)
|
Quote: عندكم أم شعيفة وبالعدم أم بقبق وكان مافي كسرة مرة ولا بنجي
سمح ويكاب لوبة في؟ أها الورق بالخرس كيف؟ |
دقيقه اذاكر وأجيك راجعه يا ممدوح..
بس أكيد عندنا كسره مرة وزي الحنضل كمان..
انت بس اعمل الفيزا واشتري التذكرة وأنا عازماك في مطبخ ماما جارة..
| |
|
|
|
|
|
|
|
|
|
Re: افتتاح مطبخ أمكم جارة.. (Re: Muna Khugali)
|
دعوة الاحتفال غدا لها قائمة من المعجنات والفطائر وكذلك الحلويات الشرقية مثل البسبوسة بالبندق واللوز..
الكنافة بالفستق والفول السوداني..وانواع مختلفة من الكيك..
تشمل الضيافه مشروبات بارده مثل العرديب والكركدي والقونقليز وساخنه شاي..كاكاو وقهوة بأنواعها..
نرجو ان تتمكنوا من الحضور..
سلام يا محمد ابراهيم..
| |
|
|
|
|
|
|
|
|
 Re: افتتاح مطبخ أمكم جارة.. (Re: محمد المرتضى حامد)
|
| Quote: وما تجيبوا فنان والله اغني ليكم على حس الجية .. |
هوي يا بتاعت اللوز، قال فنان قال!!!
مبروك يا منى، وموفقين بمشيئة الله...
التحية لأُمنا جارة...
يعني تاني الواحد يجي لندن
ضاااامن مُلاح السبروق؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: معاوية المدير)
|
Quote: هوي يا بتاعت اللوز، قال فنان قال!!!
مبروك يا منى، وموفقين بمشيئة الله...
التحية لأُمنا جارة...
يعني تاني الواحد يجي لندن
ضاااامن مُلاح السبروق؟ |
أيوه بالله كلمها..
احنا خايفين بصراحة علي الاتنين..
علي صحتها وعلي حلقها..
وعلي الزباين يطفشوا!
وانت وصلتك لندن تجي المطعم وتشوف ملاح السبرق علي أصوله..
طبق الملاح بالقراصة..
وطبق السلطة الخدرا..
طماطم بالبصل والجرجير..مافيها عجور..بس شطه وليمون وكمون
وبعدين تلقانا البصل الاخضر ده مقطعين أطرافه متساوية وخاتينه في الصحن يلمع يشهيك الأكل..
وبالجنبة كده طبق اللحمة المحمرة!
يازووووول..انت بس تعال..
وتقبل سلام امك جارة ودعواتها..
| |
|
|
|
|
|
|
|
|
|
Re: افتتاح مطبخ أمكم جارة.. (Re: محمد المرتضى حامد)
|
Quote: مبروك يا منى وسلام للخاله جاره وبالتوفيق.
نتمنى أن يمثلنا في الحفل د. أحمد القرشي الزائر لعاصمة الضباب هذه الأيام. |
والله خسارة دكتور احمد القرشي ما كنا عارفين بوصوله..
فاته افتتاح رهيب..
حتي كمال الكان في لندن وصل متأخر!
ماما جارة بتسلم عليك كتير..
| |
|
|
|
|
|
|
|
|
|
Re: افتتاح مطبخ أمكم جارة.. (Re: osman righeem)
|
Quote: بالله ممكن دليفري
واحد كراره + فحل بصل
ترسل كيف ما اتفق
لصديق الموج
الافتتاح منقول علي ياتو قناة
مليون مبروك |
الله يبارك فيك يا عثمان..
والله كان افتتاح آخر أبههّ
الغيايظني اني كنت محضرة الشريط والمقص..
ولحظة الافتتاح ما لقيت المقص خالصّ..
في سري قلت خلاص قمنا للسرقه..
الحرامية ديل ما يصدقوا يلقوا ليهم حاجة سايبة..
ربنا يكفينا شر الحراميةّّّ ضيغوا علينا "قص الشريط"
طبعا الديليفري ناويين عليه باذن الله في المستقبل القريب..
تسلم أخوي وشكر من ماما جارة..
| |
|
|
|
|
|
|
|
|
|
Re: افتتاح مطبخ أمكم جارة.. (Re: كمال ادريس)
|
المطبخ دة ما تخصصصنا .. بتزاحمونا فيهو ليييه ؟؟؟
في هووم ديلفري للخليج راسا ؟؟؟
بختك يامني اها حتبقي زي راشيل راي واخر برامج تلفزيونية علي حس مطبخ "ماما جارة" ؟؟
_________
نسال الله المانح العاطي توفيقا لمطبخ "ماما جارة"
_____
مودتي
ابوبكر
| |
|
|
|
|
|
|
|
|
|
Re: افتتاح مطبخ أمكم جارة.. (Re: عبدالله كع)
|
Quote: بالتوفيق انشالله ..
نصينا .. من حفل الافتتاح ... نشوف صور الافتتاح هنا
موفقين يارب |
الله يخليك يا عبدالله..
عقبال مطبخكم كمان..
لو عملنا فرع عندكم بنمسكك ليه..ممكن؟؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: abubakr)
|
Quote: المطبخ دة ما تخصصصنا .. بتزاحمونا فيهو ليييه ؟؟؟
في هووم ديلفري للخليج راسا ؟؟؟
بختك يامني اها حتبقي زي راشيل راي واخر برامج تلفزيونية علي حس مطبخ "ماما جارة" ؟؟
_________
نسال الله المانح العاطي توفيقا لمطبخ "ماما جارة"
_____
مودتي
ابوبكر |
والله يا ابو بكر وزي مالحبوبات بيبدو كلامهم..ماك طالبني حليفة..
بقول ليك انه المشروع ده بيزن في راسي ليهو 5 سنوات او أكثر..
ومرات كده بتخيل المطعم ارضه تراب من السودان..
لكن بقول ماممكن..لأنه مقاييس الصحة هنا ما بتقبل..
والحاجة التانية بتغري البعض بسف السعوط ثم بصقه علي الارض..
يعني أكيد يقفلوا لينا المطبخ في دقيقتين..علي اساس انه غير نظيف وغير صحي
فكان لازم اتنازل عن الحلم ده وأكتفي بالتراب في برطمان عرض مع الديكور.عالم تحف فعلا!
أما بالنسبة للمطبخ فأنا بحبه جدا..لكن بمزاج..
علشان كده اتفقت مع مطبخ ماما جاره انه مشاركتي في الطبخ تخضع للمزاج فقط..
لكن مافي مشكلة مع الادارة..
في سبيل اعدادي لبرنامج تلفزيوني عن الطبخ السوداني من أرجاءه الاربعة وما بينهم..دي طبعا احلام مستقبلية..
ده بس لو بطلت احرق ايديني في فرن البوتاجاز او بطلت انسي النار والعة تحت الأكل!
وباذن الله أول ما ينجح المشروع نجاحا باهرا..تعمل هوم ديليفري ليكم..بس بندفعكم اكثر شوية..
تسلم أخوي وتقبل سلام ماما جارة مع سلامي..
| |
|
|
|
|
|
|
|
|
|
Re: افتتاح مطبخ أمكم جارة.. (Re: Ridhaa)
|
Quote: الأخت الفاضلة مني
سلام .,...
ألف مبروك ....وربنا يحفظكم جميعا والوالدة جاره .....
وبالتوفيق باذن الله تعالى.
خالص تحباتي |
ازيك يا رضا..
طبعا اليوم القبل الافتتاح بالليل ماما هرتني بالشغل..
تصدق كنت افرد عجينة البتزا والسامبوسة شوية واجي البورد اكتب شوية!
قلت لماما جارة نشتري جاهز..
قالت لي لا..من اولها تبذير؟
مش كده وبس..قالت لي اشتغلي شويه امكن وزنك ينزل شوية..
أعمل شنو حكم القوي علي الضعيف..قلت ليها حاضر وأنا متغاظة!
بس الحمدلله كل شيء كان تمام التمام!
عقبال ماتزورنا في لندن ونوديك المطعم..
علي فكرة اول زيارة الضيافه علينا..
نوع تشرب شاي ولا الوقت متأخر..
بس أي زيارة بعد كده ومن غير احراج تدفع تمنها..
ما كمان احنا عاوزين ناكل عيش..
وورانا افواه وارانب محتاجة تاكل برضه!
تحياتي..
| |
|
|
|
|
|
|
|
|
|
Re: افتتاح مطبخ أمكم جارة.. (Re: تماضر الخنساء حمزه)
|
Quote: منمن ياجميل
بكرة ان شاءالله عندي جية للندن
بزوغ بي اي طريقة وبحاول اصل مطبخكم
وبفضي بطني من اسي |
وينك يا تمرا..
وبركة بالظهور..
مالك لا بتردي رسائل ولا تلفونات؟؟
مشتاقين كتير وبنتمني نشوفك في لندن وتجينا مخصوص..
ياريتك جيتي وحضرتي الافتتاح..كان حلو شديد!
حبي واعزازي..
| |
|
|
|
|
|
|
|
|
|
Re: افتتاح مطبخ أمكم جارة.. (Re: SHIBKA)
|
http://www.sudaneseonline.com/aarticle2006/apr24-87803.shtml
كتبنا فى 2006 عن "دار القوم"
حلم يقظة، و خيال ارق فى ليلة مهاجر طال بيه الفراق و زاد فيه الحنين:Quote:
سنشترى من كنتينه الويكة والآبرى والكول والمحريب،،،
القرض والسنمكة والويكاب،،،
نأكل فول كافتيريته بزيت السمسم وجبنة الدويم وفسيخ الموردة،،،
طعمية الحمص وفتة الكوارع
وياريت لو بنلقى ملاح المرس وكمشة ملاح كجيق بعصيدة الدامرقة
والدخن المثخن بالعسل واللبن الحليب ،،
أكل عرسان،،،، |
------------------------------
منـــى، الشقيقة
لكم باقات زهور فى أكاليل فرح..
مبروك و ربنا يديكم خيره و يكفيكم شره..
نسجل فى سجل المداومين حين زيارة عاصمة الضباب.
أجدعى العنوان بالتفصيل..
ش
| |
|
|
|
|
|
|
|
|
|
Re: افتتاح مطبخ أمكم جارة.. (Re: خالد علي محجوب المنسي)
|
Quote: ألف مبروع المشروع وربنا يجعله من المشاريع الناجحة
حقي أدي أسيا ربيع
بتصل صباح الجمعة
طبعا حا تأكلو في 7 أيام
يا حليلة بطنا بقت سغيرة
تحياتي منى ومشتاقين |
والله هو فعلا مشروع مبروع..
والدليل علي كده بروع الفكرة..
آيا قالت ريحة الاكل بتطمم بطنها خاصة بعد معدتها بقت تاكل أكل بيبي..
لكن مافي مشكله ناويين نعمل فروع..
ورينا امكانيات فرع عندكم كيف..
بنديك مرتب كويس لو حبيت تشتغل عباره عن وجبتين في الاسبوع مره فيهم ممكن تاكل لحمة!
اما بالنسبة للأشواق فهي تمني نفسها بلقاء آخر بك وبهم في الخرطوم حبيبتنا..
بس الواحد ماعارف يعملها كيف مع مسئوليات المطبخ الجام ده!
| |
|
|
|
|
|
|
|
|
|
Re: افتتاح مطبخ أمكم جارة.. (Re: هند محمد)
|
تمنياتي بطول العمر
ودوام النجاح للحاجة جارة
| Quote: نتمنى أن يمثلنا في الحفل د. أحمد القرشي الزائر لعاصمة الضباب هذه الأيام. |
وسيتولى الدفع عن الجميع
مولانا محمد المرتضى .
تحياتي
| |
|
|
|
|
|
|
|
|
|
Re: افتتاح مطبخ أمكم جارة.. (Re: dardiri satti)
|
Quote: بشتغل بى بطنى ...
وكان راتبى عالى بفط ليكم وجبة.. |
صديق الموج
looooooooooooooooooooooooooooolz[/B]
سلام منى المشروع مبروك يا غالية
الف مبروك
تمنياتي بطول العمر لي ماما جارة
ودوام النجاح ..وموفقين بمشيئة الله...
| |
|
|
|
|
|
|
|
|
|
Re: افتتاح مطبخ أمكم جارة.. (Re: محمد على طه الملك)
|
Quote: نسال الله المانح العاطي توفيقا لمطبخ "ماما جارة
آمين |
.
محمد علي طه وينك إنت يارجل مختفي؟؟
فاقدنك وكتاباتك الرايقه والله!
تهنئة كده بس ما تنفع..لازم تقطع التذكرة للندن وتمشي المطار حتي ولو بدون تأشيرة..
علشان حتي لو رجعوك..نكون عارفين انك عملت العليك..وايه يعني تذكره طيارة لو ضاعت؟؟
ولا حاجة موش؟؟
المهم يا سيدي تهنئتك ودعاك وصل..وماما بتشكرك وعارفاك متابع معاها "خط سير حياتها"
من ساعة ايام المستشفي ربنا ما يجيبها تاني..لفاية المطبخ وافتتاحه..
تحياتي لك وللأسرة..
| |
|
|
|
|
|
|
|
|
|
Re: افتتاح مطبخ أمكم جارة.. (Re: soma)
|
Quote:
سلام منى المشروع مبروك يا غالية
الف مبروك
تمنياتي بطول العمر لي ماما جارة
ودوام النجاح ..وموفقين بمشيئة الله... |
يا سوما صديق الموج عملنا ليه انترفيو..
لقيناه مؤهل في الأكل أكثر..يعني ممكن ياكل المطبخ كله ويحيرنا مع الزباين..
اوعي تصدقي كلامه بتاع الوجبة الواحده!
ربنا يوفقنا ويوفقك انتي كمان في أي مشروع..
وزي ما قالوا..مافي أحسن من المطبخ..
شكرا حبيبتي..
| |
|
|
|
|
|
|
|
|
|
Re: افتتاح مطبخ أمكم جارة.. (Re: dardiri satti)
|
Quote: تمنياتي بطول العمر
ودوام النجاح للحاجة جارة |
يسمع منك ربنا يا درديري..
ست الكل دي ربنا يلمك بيها وتاكل من ايدها..قصدي يعني من اكل ايدها:D :D
ويارب تجي انت ومرتضي وشيقوق في رحلة وكذلك وكل أهل عمان وتكسبونا بوجودكم..
عندنا ملوخية ما حصلت..بتقلية التوم وأيضا من غير تقلية..
وبامية بالهبر الضاني بالفرن..ولا مطبوخة بالطماطم وبرضه باللحمة الضاني..
عارف بحب اوصف اصلي من النوع البيعشق الاكل!
بوريك باقي القائمة بس انت تابع معانا..
لكن بس |أوريك قبل ما أمشي انه البامية بتحب يكون معاها الرز المفلفل يالشعريه المحمرة
وسلطة خضرا وبس!
عقبال مطبخكم يارب..
وشكرا لمباركتك التي أسعدتنا..
| |
|
|
|
|
|
|
|
|
|
Re: افتتاح مطبخ أمكم جارة.. (Re: هند محمد)
|
Quote: العزيزة مني
الف مبروك
ومزيد من المشاريع الناجحة
وربنا يحفظها ماما جارة
كل الاماني الطيبة |
هندوية يا غالية..
الحمدلله القابلتك في الخرطوم..
اتحققت أمنيتي قبل ما أموت:D :D
ربنا يسمع منك واعمل انا كمان مطبخي الخاص..
صحيح بشتغل مع ماما لكن برضه في فرق..ولا آيه؟؟
خاصة لما الواحد يكون عنده ماشاء الله افواه وارانب ولازم يهتم بيهم..
إيييييه تعب كلها الحياة والله يا أوختي!
شكرا حبيبتي علي تهانيك ودعواتك الطيبة وربنا يحقق ليك كل أمانيك..
ويارب تجينا زيارة في لندن..
| |
|
|
|
|
|
|
|
|
|
Re: افتتاح مطبخ أمكم جارة.. (Re: ismeil abbas)
|
Quote: ما شاء الله تبارك الله....
مشروع ناجح بأذن الله..يكفى انه يحمل إسم ماما جارة.......الله يحفظها يارب..ويمتعكم جميعآ بالصحة والعافية...كده باقى لينا السكن ألأكل ضمناهو..... |
ويمتعك وأسرتك بكل الخير يا وش الخير..
انت السكن ده تضمنه زيه وزي الأكل بالضبط يازول يا محترم وعزيز...
.........
........
عارف ماما جارة دي عندها اكل مميز شديد..تقدر تعرف طعمه من بين الف نوع اكل..
زمان لو بقت هي ما طابخة في البيت..
تلقي اي زول متعكنن ويسأل..
الليلة الطبخ منو؟؟
وده علي الرغم من انه الزول الطبخ برضه اكله حلو!
ربنا يحفظها ويديها الصحة..
سلام للبنيات الحلوات وامهم الطيبة..
| |
|
|
|
|
|
|
|
|
|
Re: افتتاح مطبخ أمكم جارة.. (Re: شكرى سليمان ماطوس)
|
Quote: منـــى، الشقيقة
لكم باقات زهور فى أكاليل فرح..
مبروك و ربنا يديكم خيره و يكفيكم شره..
نسجل فى سجل المداومين حين زيارة عاصمة الضباب.
أجدعى العنوان بالتفصيل.. |
مرحب بالشقيق الكريم شكري..
شكرا علي باقات الزهور..وضعناها في الواجهة ابتهاجا..
الحمدلله..
في مطبخنا توجد كل المشروبات السودانية..
تتذكر عصير ليمون الجرانداوتيل قبال ما يبقي صيني أوتيل؟؟
أها ده موجود ونقدمه في نفس الكبايات الكبيرة..روعه والله..
تشرب وتتذكر الهوتيل ال علي النيل وزمنه الجميل..وتسرح..
اهو السرحان ده ميزة زياده في مطبخ ماما جارة!
كذلك عندنا كركدي مثلج ..عصير التبلدينا والعرديب..
وفي رمضان الحلو مر الخاص بينا..ولو انه الجماعة التشاديين قالوا برضه عندهم منذ القدم..
وفي أبريه أبيض وده غير عصير الفواكه الطازجه!
أما عن المأكولات..فنحكي عنها ايضا بعدين..
اخلص حبة شغل في ايدي وأرجع..
لازم تزورنا..امك جارة هاتفرح شديد..
| |
|
|
|
|
|
|
|
|
|
Re: افتتاح مطبخ أمكم جارة.. (Re: SHIBKA)
|
| Quote: الف مبروك الافتتاح |
الله يبارك فيك يا شبكة..
عارفة.. شفلة المطابخ دي بتظهر ساهله..لكنها ابدا ماساهلة!
والله انا اسة رجليني ورمو من الوقوف الطويل..
ربنا يسهل بس!
عقبال مطبخك حبيبتي..
| |
|
|
|
|
|
|
|
|
|
Re: افتتاح مطبخ أمكم جارة.. (Re: moaz elsir)
|
Quote: مبروك عليكم المشروع ونسأل الله له النجاح .
o وربنا يديها الصحة والعافية وطولت العمر. |
آمين يا معاذ..
وبإذن الله المطبخ يكبر ونشتهر..
ونعمل ليك دعوة..
ويقوموا يسالوك في السغارة البريطانية..
انت ماشي لمنو؟
تقول ليهم زي ماشايفين في الدعوة لمطبخ ماما جارة..
طوالي يدوك التأشيرة..
طبعا..لانه المطبخ بقي مشهور خالص..
تسلم اخوي..
| |
|
|
|
|
|
|
|
|
 Re: افتتاح مطبخ أمكم جارة.. (Re: omer osman)
|
كتبت منى
| Quote: افتتاح مطبخ أمكم جارة.. |
وبعد عدد من المداخلات جات تاني
Quote: Guess what??
I love you all,
see you later!
|
ــــــــــ
اها يا منى حضرنا الورق والقلم ومنتظرين 
| |
|
|
|
|
|
|
|
|
|
Re: افتتاح مطبخ أمكم جارة.. (Re: فيصل عثمان الحسن)
|
Quote: العزيزة منى ألف مبروك المشروع , بالتوفيق ان شاءالله
تحياتى للوالدة جارة . |
الله يبارك فيك وفي اولادك يا فيصل..
عارف المرة الفاتت اختك ضاربة كانت لخمة شديد..
عارف قطعت البصل وحمرته..
طبعا كمية كبيرة جدا..
بعدين زحيته علي اساس يبرد علشان اقسمه في حلل تانية..
وفجأة كده وبدون مناسبة زي ما حبوبة قسمة بتقول..
شلت حلة مليانة لبن المفروض ألخبطها في حاجات في حلة تانية وكبيتها علي البصل!
المناسبة شنو ماعارفة!
طبعا ماما جارة كانت مخلوعة جدا من تصرفي ووقفت بس تعاين لي..
وأي زول في المطبخ استغرب..
لكن ما بيحصلوني في زعلي واستغرابي من نفسي..
ماما قالت وجودي في المطبخ مضر!
| |
|
|
|
|
|
|
|
|
|
Re: افتتاح مطبخ أمكم جارة.. (Re: عفاف الصادق بابكر)
|
Quote: لي ماما جارة العمر المديد ..
والنجاحات الكتيره ..
بالتوفيق .. وربنا انشاءالله يديكم خيره |
عفاف يا عفة..
رنا يسمع منك ويسمع مني دعائي ليك بالتوفيق محل ما تقبلي..
.........
.........
الخواجات ديل جنهم طعمية..طبعا اسمها فلافل هنا..
الواحد تسأليه تاكل إيه..يقول ليك فلافل وأي حاجة تانية من اختيارك..
طبعا في كلمة اختيارك دي لازم تعملي حسابك..
قولي لي كيف..
مثلا..تقومي تقترحي..
عندنا تراديشنال ديش من نورث سودان اسمه القراصة والملاح..
وعندنا فول مع الطعمية..
وعندنا سمك..وطبايخ تقعدي تعدي بالساعة..
المشكله البيكونوا عايزين يعرفوا الاكل بيتطبخ كيف!
غايته شغلانه صعبة..بس حلوه برضه..
انت مشاريعك شنو؟؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: سمية الحسن طلحة)
|
Quote: منى إنتي مشيتي وين ياختي ؟؟؟
" حضر المأكول وغابت العقول "
ربنا يتممك بعقلك يا الحبيبة
ويدي ماما جارة الصحة والعافية |
سمسمة يا حبيبتي..
اعمل ايه دلوقتي؟؟
تتذكري الأغنية دي؟؟
كانت بتجي زمان ..زمان خالص خالص..في برنامج الاطفال كثير..
عارفة الأكل ده متعة تسعد وبرضه ممكن تودي في داهية..
اسه طول ما انا شغاله تلقي خشمي برضه شغال مضغ وحلقي ماشاء الله يبلع بدون أي إعتراض..
يعني نوع أكله لي..واكلة للزبون..
أدعي لي ربنا يسد نفسي شوية..بس ما يكون السبب مرض!
شكرا حبيبتي يخلي ليك أسرتك الصغيرة والممتدة..
وبكرة نجي بإذن الله وناكل في مطبخك..
| |
|
|
|
|
|
|
|
|
|
Re: افتتاح مطبخ أمكم جارة.. (Re: مريم عبد الله)
|
الف مبروك وعتبه خضراء يارب
وعقبال ما يكون في كم مدينه سلسله مشهورة باسم امنا حجة جارة
ربنا يذيدكم ويبارك ليكم
مرحب يا مريوم..
يارب دعوتك تصيب وونعمل سلالسل مشهورة زي سلاسل جبال البحر الأحمر..
ربنا يسعدك محل ما تقبلي..قولي آمين!
| |
|
|
|
|
|
|
|
|
|
Re: افتتاح مطبخ أمكم جارة.. (Re: omer osman)
|
| Quote: الف مبروك ....... بالتوفيق انشاء الله |
شكرا يا عمر..ماعندك طلب مخصوص ؟؟
حلويات مع القهوة ولا الشاي؟؟
جل طلبك ونرسله ليك بإذن الله..ده علي اساس لو ما قدرت تجي لندن..
علي فكره المطعم فيه تلفزيون وركن مخصوص لناس الكورة..
وزجاج ابوابه ونوافذه غير قابلة للكسر..
تحياتي..
| |
|
|
|
|
|
|
|
|
|
Re: افتتاح مطبخ أمكم جارة.. (Re: عاطف عمر)
|
Quote: مبارك يا منى
بالتوفيق لماما جارة
_________________
- حاجزين توكيل فروع الخليج
- بختك يا منى تاني ولا تطبخي ،
تعملي الحيلة ماشة تشرفي على العمال وتملي عمودك |
ياريت يا عاطف كان ده الحال!
ذكرتني زمان لما الغاز كان بيتعدم في الخرطوم والطبخ كان علي الفحم..
تلقي ماما قاعده والكوانين جنبها وبتأمر..
جيبوا السمنة والبصل..
بعد شويه..
جيبوا اللحمة..ومعاها البهارات..
جيبوا الصلصة وأملوا الجاك موية..
بعدين..
قشروا التوم ودقوه في الهون ناعم!
ده غير الخضار وتقطيعه وغسله!
الله يخرب بيت الإجازه المدرسية يا شيخ!
ماما عليها حركات!
طيب اسه ماما دي طبخت براها ولا طبخ معاها البيجيب الحاجات؟؟
الحال ما اتغير كتير..
افردي العجينة..
أفرمي الطعمية..
الرز ما تنسيه..
المحشي..اهم حاجة المحشي وخاصة محشي البتنجان..وطي النار عليه!
وإييييه حاجة كده لما تخلص منها تنسي العامود والبشيلوه فيه!
وبعد ده كله اسمه "مطبخ ماما جارة"
ماله أسم مني يعني؟؟!
يارب نشوفك وسعدية فيه وفي لندن الحلوة..
| |
|
|
|
|
|
|
|
|
|
Re: افتتاح مطبخ أمكم جارة.. (Re: عبد الدائم سيد أحمد)
|
Quote: مطبخ الهنا
وانشاء الله دايما عامر
طبق اليوم شنو ؟
بختك يا كيمو من مطعم السودة لمطبخ جاره
الملح بزيد الضغط ....
،،،،
ما دايرين ليكم زول يغسل العدة !! |
والله يا عبده محتاجين لناس تشتغل في الطبخ
والكاشير وتقديم الاكل..
انا زي ماقلت ليكم تعبانة والشغل ده كتير علي قدراتي..فنرجو السرعة في التقديم!
علي فكرة كمال إدريس بقي زبون دائم للمطبخ..
أسة قال عايز يغير اقامته من الجريدة علي المطبخ..بس أنا قلت ليه اتريث شوية..
عقبال مطبخك يا رب..
| |
|
|
|
|
|
|
|
|
|
Re: افتتاح مطبخ أمكم جارة.. (Re: Muna Khugali)
|
حمدا لله علي سلامتك يا ملكه
والله خلعه شديده .
والله يا دومة الواحد بعد كده لازم يكتب وصيته..
الحياة من الموت ما معروف..خاصة مع طريقة الحوادث الجديدة دي..
علشان كده عايزة اكتب ديوني لآيه!
تسلمي حبيبتي وبإذن الله ما أموت من غير ما أشوفك..
ماشية الخرطوم متين؟؟
ولا جايانا في لندن متين؟؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: كمال ادريس)
|
كمال ادريس وين الصور العندك؟؟
لو ماقادر تنزلهم رسلهم لي بالاميل وانا بنزلهم..
الصور دي اهم حاجة في البوست..
علي فكرة نسيت اقوليك فرحنا كيف لما جيتوا ..
والله الافتتاح كان ليه طعم جميل..
ربنا ما يحرمنا منكم اعزاء علينا وعلي ماما جارة..
.....
.....
انا عارفه يا كمال الفيديو ما هانعرف ننزله ولا كلمة ماما جارة ..
لكن ممن نكتفي حاليل بالصور بس..
يللا شد حيلك شوية اخوي..
| |
|
|
|
|
|
|
|
|
 Re: افتتاح مطبخ أمكم جارة.. (Re: Muna Khugali)
|
ألــف مـبـروك لماما جارة مشروعها الجميل يا منًوس
خلاص الزول عرف ليهو مكان جميل في لندنكم (الشينة*) يمشي ليهو..
وبالمناسبة حلمي الأتمنى أحققه قبل ما أموت إني اعمل لي مطعم. يمكن أبدا (أسيستانت) مع ماما جارة وانفرد بعد داك:))))
* طبعا هدى معترضة على حكاية لندن شينة:)))
مـــــبـــــروك تاني وتالت ورابع
| |
|
|
|
|
|
|
|
|
|
Re: افتتاح مطبخ أمكم جارة.. (Re: Nazar Yousif)
|
يكفي إيحاء الأسم
ومغزاه
لنعيش جو الام
أي ام
الأم جارة
ونسترجع يوم وأيام بنكهة الوالدة
والتي تبدا باكرا بقعدة شاي الصباح مع اللقيمات
بعد ليل طويل
وعشاء باكر ونوم باكر
فطور دسم ليس فيه فول ولا جبنة
لا تنقصه الشية وام فتفت
ثم المفروك والمطبوخ والمحمر
عليك الله يا منى ما تنسوا ركن شاي الصباح باللقيمات
بالتوفيق حبيبتي
وإنشاء الله بداية موفقة لسلسة مطاعم ماما جارة
| |
|
|
|
|
|
|
|
|
|
Re: افتتاح مطبخ أمكم جارة.. (Re: خالد العبيد)
|
سلام يا منى
السنة الجاية انا هناك في لندن
وعايز صورة ذي دي مع الماما
سلام يا خالد..
ربنا يجيبك بالسلامة وتسالم امك جارة وتتصور معاها..
بس اوعي تجي وتسافر بعدين تقول انشغلت!
كل سنة وانت والاسرة بألف خير..
| |
|
|
|
|
|
|
|
|
|
Re: افتتاح مطبخ أمكم جارة.. (Re: محمد فضل الله المكى)
|
أُسائلُ عنْكِ يا(جاره)
رياحينناً وأزهارا
مليون مبروك منى
بالهنا والشِفا لكل من دخل مطعم ماما جاره
آمين يارب..
اها انتو يامحمد فضل بتجونا متين؟؟
جيب ناجية في يدك وتعالوا لينا في الصيف..
وكل يوم بعد انتهاء الفسحة نجي ناكل عند ماما جارة..
يبارك فيك وفي صحتك ولقمتك الحلال..
| |
|
|
|
|
|
|
|
|
|
Re: افتتاح مطبخ أمكم جارة.. (Re: انعام حيمورة)
|
وأهداء خاص جدا جدا
للحبيبة أم الحبايب ..
الجريف واللوبيا ..
ولازم تشغليها ليها اثناء الطبخ عشان المزاج يطلع شوربات احلى من البعرفها ديك ..
ياخ ماما جارة دي يدها طاعمة كيف فاتت حنانة ذاتو ههههه
محبتي لها
نعومي ماما جارة قالت ليك شكرا كبيرة..
قالت هي عاملة الاغنية دي خلفية في المطعم من شدة ما بتحبها..
بس مصرة هيانها ناقصة..
تسألها طيب ناقصة شنو..
تقول ما فاكرة!
غايتو اتصرفي لما تصلك هناك..
| |
|
|
|
|
|
|
|
|
|
Re: افتتاح مطبخ أمكم جارة.. (Re: Raja)
|
ألــف مـبـروك لماما جارة مشروعها الجميل يا منًوس
خلاص الزول عرف ليهو مكان جميل في لندنكم (الشينة*) يمشي ليهو..
وبالمناسبة حلمي الأتمنى أحققه قبل ما أموت إني اعمل لي مطعم. يمكن أبدا (أسيستانت) مع ماما جارة وانفرد بعد داك:))))
* طبعا هدى معترضة على حكاية لندن شينة:)))
مـــــبـــــروك تاني وتالت ورابع
رجوية واحشانا خالص..
ماتسيبك من الشغل داك وتعالي اشتغلي في مطبخ ماما جارة؟؟
لندن مين دي الشينة؟؟
بتهظري..صح؟؟
طبعا انا مع هدي ما برضي لوي عنق الحقيقه:D:D
تعالي شوفي مطبخ ماما وشوفي اختك غاطسة شغل فيه كيف..
دلوقتي بعمل لي في يونيفورم يخيل علي الوظيفه..وهي وظيفة بتاعة كلو..
بعني أأور بتنجان..أأشر بطاطس..امسح الارض..
وأطبخ!
عيدك كيف؟؟
| |
|
|
|
|
|
|
|
|
|
Re: افتتاح مطبخ أمكم جارة.. (Re: معتصم دفع الله)
|
Quote: ألف مبروك يا منى ..
دي حاجة تفرح القلب ..
سلامي الشديد لماما جارة .. |
ربنا يفرحك كمان بحاجاتك كلها يا عصومي..
في المطبخ عندنا طبق اليوم..وبعد كده كل انواع الاطباق موجوده..
الليلة الجمعة..
ورغبة منا غي جذب السودانيين الرايح ليهم سودان..
فأن طبقنا الثابت في كل جمعة هو القراصة..
وخيارات من الملاحات..
بامية..ويكة...سليقة بيضا..دمعة لحمة ودمعة جداد..وملاح ورق..
تاخد شنو؟؟
سلامك وصل لماما جارة..سلم علي البيبي وأمه..ومنتظرنكم..
| |
|
|
|
|
|
|
|
|
|
Re: افتتاح مطبخ أمكم جارة.. (Re: معتصم دفع الله)
|
ألف مبروك يا منى ..
دي حاجة تفرح القلب ..
سلامي الشديد لماما جارة ..
مرحب يا عصومي..
كيف موده والبيبي؟؟
انا من عشاق المطابخ..
اول أمس كان عندنا الطبق الرئيس كرنب محشي..
وعملته ماما..يعني تقعد الوقت كله تاكل فيه..
ربنا يخلي لينا ماما جارة ويخلي ليك كل أحبابك..
| |
|
|
|
|
|
|
|
|
|
Re: افتتاح مطبخ أمكم جارة.. (Re: ASHRAF MUSTAFA)
|
مرحب يا أشرف..
الموضوع زي ماعارف جديد وان كان الاستعداد له قد بدأ منذ زمن..
المهم اسه انت عرفت ..فأرجو انك ماتقصر مه امك جارة..
مرة تجيب زباين..
مرة تجي انت وتاكل وتدفع الحساب..
ومرة تجي تغسل العدة معاي ومع محمد..
المهم يعني تعمل حركة مفيدة..
بالمناسبة..هانلقاك متين؟؟
تحياتي لناس البيت..
| |
|
|
|
|
|
|
|
|
|
Re: افتتاح مطبخ أمكم جارة.. (Re: عواطف ادريس اسماعيل)
|
Quote: ماما جارة ...حبيبة الكل ..
ست الحبايب .. مطبخك بلا شك لا يعلى عليه ..
ما أحلاه وما أطعمه !!
سلمت يداك .. |
طوفي انتي كنت حاضرة طبعا ساعة الديكورات واختيار الألوان..
علشان كده عندك خصم معتبر..واحد في المية لمدة 6 شهور متوالية..
قصرنا؟؟
وبعدين قبل ما تجي لندن ورينا علشان نحدد ليك الايام الممكن تجي فيها المطعم..
يللا ..تستاهلي كل خير..ماهو انتي برضه بتنا وما قصرتي معانا..
قاطعة أخبارك مالك؟؟
ماما بتسأل منك..
| |
|
|
|
|
|
|
|
|
|
Re: افتتاح مطبخ أمكم جارة.. (Re: Amany Elamin)
|
Quote: مني ازيك:
أنا حبيت أمنا جاره من الصوره شديد,
ألف مبروك ياوالده الافتتاح,
انشاء الله موفقه يارب .. |
إزيم يا أماني..
ليك حق تحبي ماما جارة..ولو لاقيتيها في الحقيقة هاتحبيها أكثر..
بتحب الضحك..وطول ما انتي قاعدة معاها تضحكي..
طبعا هي عندها سكري وبتقيس السكري براها بالجهاز..
اليوم داك مشينا ليها أنا وهالة..
قالت دمها اختفي والابرة لما تطعنها ما بيطلع منها دم..
وحاولت كم مرة لغاية مادمها طلع..
قلنا ليها تكوني ما طعنتي كويس في المرات الاولي..لازم تطعني اقوي..
حلفت وقالت لا..هي طعنت اكتر من مرة كويس..
بس الطعنة الاخيرة كانت طعنة نجلاء!
سلام لمامتك وأخواتك..
| |
|
|
|
|
|
|
|
|
|
Re: افتتاح مطبخ أمكم جارة.. (Re: Muna Khugali)
|
| Quote: افتتاح مطبخ أمكم جارة.. |
مُنَىَ
صباح الخير
ألف مبروك
وربّنا يوفّق
وأدعو الله أن يحفظ الوالدة حاجّة جارة
ويطوّل عمرها
ويجمع الشّمل بكُلّ خير وسعادة واستقرار وراحة بال
أصدق أُمنياتي
| |
|
|
|
|
|
|
| |
Muna Khugali
ياسر بيناوي
صديق الموج
ممدوح أبارو
محمد سنى دفع الله
انعام حيمورة
osman righeem
محمد المرتضى حامد
معاوية المدير
Ridhaa
كمال ادريس
abubakr
عبدالله كع
moaz elsir
SHIBKA
شكرى سليمان ماطوس
ismeil abbas
هند محمد
خالد علي محجوب المنسي
محمد على طه الملك
عاطف عمر
omer osman
انعام عبد الحفيظ
مريم عبد الله
عفاف الصادق بابكر
ماجدة عوض خوجلى
ياسر إدريس حسن
عبد الدائم سيد أحمد
عواطف ادريس اسماعيل
ASHRAF MUSTAFA
معتصم دفع الله
Raja
محمد فضل الله المكى
خالد العبيد
Nazar Yousif
محاسن زين العابدين
لؤى
khaleel
فيس بوك
تويتر
انستقرام
يوتيوب
بنتيريست