Quote: عمر محجوب التوم خبير الضرائب ان البنوك السودانية لم تتاثر بالأزمة المالية العالمية وذلك لاستخدامها لصيغ التمويل الاسلامية داعيا الي تطوير الافكار والصيغ الاسلامية التي اثبتت كفاءتها حيث تم تقييم التجربة الاسلامية في السودان عدة مرات
دا واحد متخلف باشبزق ليس الا! انت خبير ضرائب وجباية! والرسول صلعم يقول انما بعثت هاديا وليس جابيا! وانتوا بدل الزكاة ربع العشر شغالين تقلعوا فى خلق الله ضريبة ارباح ضريبة جمارك وضريبة دخل وقيمة مضافة ومليون ضريبة ودمغة! وانت عندكم بنوك من اصله عشان ما تفلس! بنوك مفلسة قبل الازمة المالية! اكثربنوك اهل الارض اختلاسا وافلاسا وتعتيما! وهو قروشكم حقت بنوككم دى كلها فى موجودة فى فرع بنك فى هولندا فى شارع اتجاه واحد! ناس ببتكلم بالترليونات والله يدوكم ليها ما تعرفوا محل تختوها خلوا تستثمروها! قال صيغ اسلامية! يعنى شركات ملتى ناشونال شغالة اسهم فى البورصات دايرة تشتغل زى البنك الاسلامى فرع سوق العناقريب! مرابحة ومضاربة ومعافرة ومزارعة ومساقاة وجعالة ! يا متخلف الازمة المالية ادت الى هبوط اسعار النفط ستة شهور فقط خلتكم تولولوا وتعملوا ضوابط للعملات الصعبة! الازمة المالية يا عبيط العالم كله جسد واحد وقرية واحدة فى السودان اثره بظهر فى ازدياد العطالة وارتفاع نسبة الطلاق والاجرام وفى الكساد واغلاق المؤسسات والشركات وتشريد منسوبيها وفى انخفاض عائد تحصيل الجمارك والضرائب وتبعا لذلك تتاثر البنوك وتتاثر عمليات التسليف والايداع وتتاثرالسيولة فى الاسواق! انت يا متخلف ديونك 35 بليون دولارقبل الازمة! اتاثرت عمليات الاقراض العالمى والاغاثات وحركة الصادر والوارد كيف السودان ما اتاثر! انت عايش فى المريخ ولا الزهرة! جنى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة