|
|
 Re: أغاني وأغاني.. للقدامى والمستجدين.. (Re: Ahmed al Qurashi)
|
لليوم التاني :
حلقة باهتة من ناحية الأداء الغنائي .
بركة في شوية السرد و الحكي المبتسر في حق الجميل محمد أحمد عوض .
....
أفراح دي أكعب مغنية في العالم .. بأشنا حواجب الله خلقهم ( أو خلقتهم هي ) .
عمنا السر بيضحك و يقرقر سبه بلا سبب .. حاجة عجيبة !!!
عصام بالبدلة التريبل إكس أم لون كعب و موضة قديمة .. و كمان صديري ؟ عصام ياخي شنو ياخ ؟؟
....
الله على محمدية و احمودي و اسماعيل و عاصم الطيب و مليجي .. شغل نضيف .
| |
 
|
|
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
سلام و تحايا
شريف الفحيل و عصام أحمد الطيب أصوات جميلة ،، لكن حتى الآن لم تتاح لهما الفرصة الكافية لإبراز أمكانياتهما الصوتية ..
في اعتقادي صوت منار كان هو الأبرز و الأجمل في أغنية " جوبا " ..
عمنا السر قدور أمتعنا بالتجوال في سيرة الراحل محمد أحمد عوض ..
يا جماعة فرفور مالو ؟؟
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Alsa7afa_30)
|
و ما زال احساس يوم رحيلك يا حبيبى ممسخ على باقى الحلقات ....
مع الاعتذار للموج : افراح دى حقو تفكر فى شىء تانى غير الغناء ...مثلا مديرة اعمال اخونا الموج (قصرت معاك)
يا جماعة شوفو لينا فرفور خبارو لعل ما عندو عوجه...
شوفتو فريق نجوم الغد بيفرح كيف لمن تجى اغنية الختام قمنا على مهلنا و ماشين لاهلنا ...طوالى بتذكر زمان فى المدرسة لمن يضرب جرس الحصة الاخيرة و نكورك ......البيوت البيوت ....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Alsa7afa_30)
|
يا جماعة من لنا بفرفور؟؟
الزول دا والله نهكة تتحدي الزمن
رماز دي قاعدة ساكت لو استبدلوها يكون أحسن
منار ماشا الله عليها عيني باااااااااااااااردة يا بت الاحفاد
أفراح عصام امبارح السر قدور هرشا لأنها كتلت الاغنية
ولاتزال قناة النيل الازرق تتربع فوق عرش الفضائيات
نادر خضر حضور جميل وصوت راقي
عصام محمد نور سمح يا زين
حبيبنا عاصم البنا عبارة عن سايكلوبيديا في الغناء القديم والحديث
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
سلام يا حلوين
انتو ياناس مسالة البخرات دي كمان عادوا بيها ناس نجوم الغد كمان؟
لاحظت في اكتر من حلقة الحاجة دي
وظهرت اكتر في اغنية جوبا مالك عليه
وشريف ولا بدسها عادي يقرأ من الورقة ويغني
وحتى المخرج والمصور فاتت عليهم وظهرت البخرة اكتر من مرة
عاين الصورة والسهم الاخضر ادناه
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: عبدالله وداعه الامين)
|
| Quote: وحتى المخرج والمصور فاتت عليهم وظهرت البخرة اكتر من مرة |
ياشاعرنا بن وداعة ....هذه الدورة فيها كثير من العجلة وقلة الاعداد والاعتماد علي ان البرنامج استقطب جماهيريا كافية وعليه "اي حاجة وحتنجح؟"...اسلوب اداء وعمل شائع في السودان بحيث تكون كل طبخاتنا غير مستوية والاكتفاء بانها طبخة والسلام .. اجادة العمل كونه من المقدسات ليست في قواميس انجازاتنا ولذا فان الخط البياني لكل عمل في السودان يبدء في الارتفاع ثم ينحدر سريعا....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
Quote: زول يقول لي دعاية زيت (هايل ) مالها
هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا
صراحة دعاية مخيفة وممكن جدا تستخدم عشان تخلع بيها زول |
السلام عليكم
....
الله يجازيك
بالخير يا مايا
بعد ما قاطعت الدعايات دي بالله وواحد ..وارتحت منها
مع تكنلوجيا (الفيليه) الجديدة 
الشمار حا يرجعني تاني اشوف دعاية هايل دي شنو
الله في
.....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
| Quote: هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا |
يا قريبتي دييل لا قاصديين لا عارفيين .. قبل السحور صحيت مخلوع اتهيالي واحديين كانو بكوركو في اضاني "هايل !" لقيت نفسي ماسك التربيزة الجنب السرير ويمكن كنت داير اجدعا وناس الكوارييك قالو علي "هايل " فصحيت ...جنس محن ...اها الواحد ياكل فول بهايل ويبقي ينطط زي الكنجرو ..هايل ...هايل ...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
صراحة كده البرنامج بدون فرفور زى الهلال بدون هيثم مصطفى
او المريخ بدون العجب .. مسيخ وبايخ ...فرفور غير الصوت
الاكثر تميزا بين المجموعة فهو اكثرهم شغبا مما يعطى للبرنامج
شكلا اجمل .
الشباب الجدد .. معظمهم ماحافظين .. خصوصا البنات .. عشان
كده قدور ماقدر على العدالة فى توزيع الفرص ..
رماز ميرغنى الى الان عبارة عن ديكور مضاف للاستوديو وبس
الاختيار للبرنامج من نجوم الغد فيهو خيار وفقوس بدليل
انو المجموعة المختارة دى هى نفسها المجموعة التى سافرت
الى الامارات .
اغنية محمد احمد عوض ( مع السلامه ) افتقدت الرائع
محمود عبد العزيز بالامس .
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: برير احمد إبراهيم)
|
Quote: يا شفيف
قصة الشراريب دي قلناها زماني ياخ!
صحي جاي متأخر |
يا عمك ..
ورسلتوا الشراريب
جميل هو الحديث عن فنان مثل الراحل محمد أحمد عوض ..
كنت أتمنى أن يكون حاضراً في هذه الحلقة الفنان محمود عبدالعزيز لأنه أحسن من يغني له ..
وبعدين برى أن السر قدور ما عادل في توزيع الفرص ..
أمس غايتو يا معجبي أفراح عصام الزولة دي وقعت ليها وقعة لمن عالجها محمدية وأحمودي ..
خففوا العيون شوية عليها وخلوها تبدع لينا ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: معتصم دفع الله)
|
جوبــــــــــــــــــــــــــــا مالك علي أنا
الأغنية التي تصيب الهلالاب بالأرتكاريا وضيق التنفس ،
في 6 أكتوبر 1977 تلقى الهلال هزيمة مسمارية تاريخية
معتبرة من نده المريخ بمدينة جوبا بهدف أسطوري من قدم
الراحل الفنان سامي عزالدين وكانت تلك أول مباراة بين
الفريقين في عاصمة الجنوب ومن يومها والقبيلة الحمراء
تترنم ( جوبا شِلتي عيني ).
أنا.
رحم الله محمد أحمد عوض المبدع الأصيل ، كان مع فنانين شعبيين
آخرين كبادي محمد الطيب (الشيخ طه) ومحمود علي الحاج
رقما ثابتا في حفلات (الصبحية) وهي – لناس الشهاده العربيه –
الحفل الذي يلي ليلة الزفاف ، كانت حفلات العرس تمتد لثلاثة
أيام هي الحنة والدخله والصبحية ، كنا نهتم بالصبحية بشكل
لايقبل المساومة حيث أنها كانت فرصة لاستكمال النظرة والإبتسامة
بتاعت أمبارح ، تلتقي العيون التي ظلت من الأمس تغني يا يوم بكره
ما تسرع ، البنيَّه الجميلة في صورة أزهى تناسب الحفل النهاري
ويصدح محمد أحمد عوض ( والله القسمه ما معروفه لي وليك كانت خافيه
يدوم سعدك مع غيري وتملا شبابك العافيه) إبتسامة أخرى ونظرة تنسي
الغداء والطباخين ، غابت شمس الجمعة ، وولى المسا وغدا السبت المدرسة.
الحصة الأولى رياضيات .
جوبا شلتي عيني
أنا
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: محمد المرتضى حامد)
|
* حلقة موٌفقة عن الفنان الشعبي محمد أحمد عوض...لم يتوفق خلالها أي من النجوم الموجودة في الغناء مثله..
محمد أحمد عوض كان يُمثل و يوٌصف و ينفعل بكل كلمة يقولها و كانت له وقفات و حركات جسد غاية في خفة الظل و التطريب.
* أتفق مع الكثيرين أن نجوم ( دكة الإحتياطي ) مظلومييييين..مظلومييين.. مظلومين.
و أخص بالظلم البشوش شريف الفحيل و الأبش عصام أحمد الطيب .
* أسجل إعجابي الشديد بأناقة رماز ميرغني..و أناقة قعدتا و لفتاتا و حركاتا.
* لم أفتقد فرفور.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
على الرغم من جهلي بماهية (البودي الكارينا ) القالتا داليا دي وما إذا كانت
تسريحة أم ملابس أو بليلة دخن أو أم جنقر إلا أنني أقترح على قناة النيل إياه
الإستعانه بممكونه في مسألة الديكور والملابس والتسريحه وشغل المانكير
والبادكير إستعدادا لرمضان الجاي وبوست الباش أبوبكر لنسخة 2010 ،
أها.. يا البودي بقا كارينا يا ممكونه عملتا فينا.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد ابراهيم قرض)
|
يا قرض ، رمضان كريم ، كيف المطبخ..
لازم عاصم يقاطع قدور ، ياخ دا قال أغنية مرضان باكي فاقد كتبا عبيد عبدالرحمن
مع إنو ناس اليوناميد وبان كي مون زاتم عارفين إنها لمحمد على عثمان بدرى ،
والساكت عن الشعر فلسان أخرس ، يعني كان لازم يصحح المعلومه وإلا يكون شارك
في تضليل الجماهير من المحيط إلى الخليج.
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: saadeldin abdelrahman)
|
سلام للأغانياب
يا مايا
Quote: اخيرا
زول يقول لي دعاية زيت (هايل ) مالها
هل كانت محاولة لعمل حاجة معينة وفشلت بقت كدا ولا اصلا من الاول هم قاصدين كدا
صراحة دعاية مخيفة وممكن جدا تستخدم عشان تخلع بيها زول |
نفسي أعرف إجابة للسؤال ده
الدعاية ما عندها أي علاقة بالزيت و لا العريس و العروس ولا المعازيم ولا أم العروس اللي بتزغرد
ده كلو علاقتو شنو بالزيت !! كان في داعي لكمية الجمهور و بدون تركيز علي أي نوع من الأكل !!
دي غاتيو مخرج دعايات في الروضة ما يعملها !! عشان كده أوافقكـ الرأي إنها كانت حاجة تانية و فشلت ..
لكن تصدقي هسي ح تنجح لأنها مشاترة و بالتالي الناس ح تعلق عليها أكتر من إنها تكون عادية و الدليل حبيبنا الزوول فوق قال راجع يشوفها 
_
محمد أحمد عوض ( إتكروت) يا أغانياب..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
Quote: حفلات (الصبحية) وهي – لناس الشهاده العربيه –
الحفل الذي يلي ليلة الزفاف ، كانت حفلات العرس تمتد لثلاثة
أيام هي الحنة والدخله والصبحية ، كنا نهتم بالصبحية بشكل
لايقبل المساومة حيث أنها كانت فرصة لاستكمال النظرة والإبتسامة
بتاعت أمبارح ، تلتقي العيون التي ظلت من الأمس تغني يا يوم بكره
ما تسرع ، البنيَّه الجميلة في صورة أزهى تناسب الحفل النهاري
ويصدح محمد أحمد عوض ( والله القسمه ما معروفه لي وليك كانت خافيه
يدوم سعدك مع غيري وتملا شبابك العافيه) إبتسامة أخرى ونظرة تنسي
الغداء والطباخين ، غابت شمس الجمعة ، وولى المسا وغدا السبت المدرسة.
الحصة الأولى رياضيات . |
ينصر دينك يامولانا ...
كلام زي نمنمات كمنجة محمدية في خلفية الموسيقى والغنا ...
ياخي ... كبر لينا الصورة والحكاوي ... وأفرزها في بوست منفصل ..
..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Hatim Yousif)
|
اخي محمد المرتضي كلامك عن الصبحيه جميل للغايه رغم قلته ارجو المواصله ما امكن.
حديث عاصم البنا او تصحيحه لاستاذ السر قدور حق مشروع وهو يبدو انه غير تخصصه في اغاني الحقيبه
مهتم كثيرا بهذا المجال ويجالس الكبار ايضا.
بالامس حينما كان عاصم البنا يغني في النيل الازرق كان الفرجوني "البنا ايضا" يقدم حلقه عن اولاد البنا
في هارموني وفي نفس الوقت يغني في القناة القوميه.
يعني بنبنوا كل القنوات....!!!
غض النظر عن انحيازنا لفنان دون اخر يجب ان نؤمن علي ان البرنامج نجح في التوثيق لفنانين او لفترات
تاريخيه من الغناء السوداني رغم قصر زمن البرنامج.
اقتراح بزيادة زمن البرنامج الي ساعه مع اضافة بعض الفنانين والتخلص من البعض.
اقترح المواصله في الاستفادة من براعم نجوم الغد مع تقليص عددهم وتغيير بعضهم مع اضافة بعض الفنانين
كمحمود عبد العزيز او طلال حلفا ذوي الاصوات الجميله والاداء الرائع.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: عبدالله وداعه الامين)
|
| Quote: ياخي ... كبر لينا الصورة والحكاوي ... وأفرزها في بوست منفصل .. |
حاتم سلامات ، هاو آر يو،
تلك أيام لن تعود يا سيدي ، أيام التَقَليه والسكسكانيه،
زمن كنا لاشايلين هم لا عارفين H1N1 و التاميفلو، وقبل أن تصبح العاصمة مستنقعا كبيرا.
زمن الجنزير في النجومي زي الهيكل المنضوم وما قبل ال (بودي كارينا والبيمشي وبجينا)
في (سنتر الخرطوم) ، حين كانت نظراتهن تشق القلوب قبل الجلود فأصبحت تشق الجيوب والجلود.
يا العزيز جل ما يتصل بذلك الزمن الأخضر كتبته في بوستات سابقة ك (الحب في المنبر)
و (ناسنا) وتجد رابطيهما أدناه ، وبالله يا نجوان أعفي لي إستغلال البوست بهذا الأسلوب
الإنتهازي ومحاولة تحويل مساره والبكاء على الطلول وبرقة ثهمد وحساب المثلثات.
تسلم.
ناسنا..
الحب في المنبر
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: محمد المرتضى حامد)
|
Quote: أقترح على قناة النيل إياه
الإستعانه بممكونه في مسألة الديكور والملابس والتسريحه وشغل المانكير
والبادكير إستعدادا لرمضان الجاي وبوست الباش أبوبكر لنسخة 2010 ، |
* سأبدأ أولاً بتفجير الإستديو ثم إعادة هندسته بالإستعانة بالباش شخشياًً...
على ان يشمل التفجير كل بِدل عصام محمد نور.
* سأتعاقد مع هيئة مياه الخرطوم لتوريد خراطيش موية لإزالة بوهيات الشروق و الغروب...
على ان يشمل قرار الازالة اي احذية بدون شراريب.
* سأستعين بهيئة مصففين عالمية لإعادة تشذيب دقن أبو الكلام..شنب ندوري و حواجب الشعب..
على أن تتولى نفس الهيئة مسألة القعدات و الوقفات و القرفصاء و الخنفساء.
* سأستعين بشركة نظافة عالمية لإعادة تلميع الصلع و الجلحات الصغيرة..
على أن تقوم نفس الشركة بتوريد بواريك - رجالية و نسائية - متى ما دعت الضرورة.
* ستقوم لجنة - منبثقة - تحت عنوان ( لا لا للبخرات) بالإشراف على تحفيظ دكة الإحتياطي و اللعيبة الأساسيين...
على أن تتولى ذات اللجنة مهمة معاقبة المزوغين من البروفات.
* سنقوم بتخصيص زي موٌحد ( زي بتاع ماوتسي تونغ ) لكل أفراد الحلقة..بما فيهم الفرقة الموسيقية و الضيوف...
يأتي تصميمه من وحي علم السودان...أزرق للرجال..أخضر للنساء...أبيض للفرقة الموسيقية..أحمرررررر لأبو الكلام و ضيف الحلقة.
* نعدكم بتقليل زمن الإعلانات و إعطاء فرص متكافئة لكل المشاركين/ات في البرنامج..
كما نعدكم بمفاجآت و مفاجآت و مفاجآت.
تسقط تسقط ...الامطار.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
كل المتداخليين امنو على انه فرفور غيابه ما أثر ،،،
لكن فرفور لو كان موجود فى الحلقة بتاعة محمد احمد عوض ،، كانت حا تكون غير ،،،
لانه يجيد فن الغنا الشعبى ،،،
الدعاية بتاعة الزيت ،،، المحيرنى الناس ديل سودانييين ،،، ؟
غايتو من الزغرودة ما اعتقد ،، ولا شنو ،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Alsa7afa_30)
|
الإخوة والأخوات الأعزاء
سلام للجميع
| Quote: كل المتداخليين امنو على انه فرفور غيابه ما أثر ،،، |
| Quote: أنا ما معاهم ،، و شايف انو فرفور صار جزء لا يتجزأ من البرنامج و وجوده مهم ،، |
فرفور صوته جميل وحسه الغنائي عالي، بصراحة غيابة واضح، فوجوده كان له طعم خاص في الجلسة
أيضاً رماز ميرغني من الأصوات الفنية الرائعة والجميلة والقوية فهي موجودة ولكنها غائبة
أتمنى أن تتاح لها فرصة لأداء أغنية كاملة حتى تتمكن من إبراز مقدراتها الغنائية والفنية
تحياتي
مشاعر
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
حلقة جميله مع انو كان واضح عدم الانسجام مع الاستاز محمد ميرغنى
ولا اعتقد ان احد من الحاضرين من الفنانين استطاع ان يؤدى معه
كما وضح جدا ان الاستاذ محمد ميرغنى يحمل الكثير ولكن ضيق الوقت لم يجعله يفرغ مافى جعبته
نتمنى ان تتاح له فرصة اخرى حتى نستمتع بأغنياته الجميلة
كما اتمنى فى السنوات القادمة ان يزيد وقت البرنامج ..
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: محمد حسن محمد)
|
مين فكٌرك يا حبيب و مين الهداكَ إليٌ ..
كلمني يا حلو العيون..
شفتك و ابتهجت..وين يا غالي إنتَ ..
عاطفة و حنان يا ناس و قليب رقيق حساس...
في اللحظة ديك اشتقت ليك و احتجت ليك..
حنيني اليك و ليل الغربة اضناني ...
........
لا بنساك و لا بقدر و لا عاوز بعد حبك احب تاني.
......
أنا  بحري.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: سيف الدين مصطفى كرار)
|
السلام عليكم
......
الحمد لله
جت سليمة
والله يا جماعة كنت خايف عمنا السر يوكل رائعة السر دوليب (مين فكرك يا حبيبي)
لنادر خضر
وحينها فلا مفر من أننا كنا سنشهد أصناف من "حبيبو"
........
يبدو أن برنامج أغاني وأغاني سيشهد ميلاد ثنائي رائع جديد
منار وريماز ....
يفرق كتير صوت كل منهما على حدة عنها كثنائي
......
يا سلام عليك يا مليجي
حد فيكم لاحظلو في أغنية "شفتك وابتهجت"؟؟
.....
ده شنو يا فرفور البتسوى فيهو ده؟
جاد الزمان عطر ليلتنا بالأفراح
وهب النسيم "يسكر" أفراحنا من غير راح
يسكر يا راجل!!!!!
القصة كلها فعل ماضي .. جاد ..عطّر ...هب ...
تقوم تحشر لينا فعل مضارع يسكر
والله ضرستني عديل كده ... الله يسامحك
وضرست استاذنا محمد ميرغني
فاضطر "المسكين" للتدخل ليصلح الأحوال
وكان أن انتقلت "الضرسة" من الكلمات للصوت.
......
عوض أحمودي إضافة حقيقية للأوركسترا السودانية
ونلاحظ أنه صار ياخذ موقعاً متقدماً لا يمكن تجاوزه
...
لا يزال "زولنا" عصام أحمد الطيب مهمشاً
غايتو أنا لو منو كنت حردت
غايتو التعليل الوحيد للحالة دي
انو تكون في حلقة خاصة بوالده الفنان أحمد الطيب
ويكونو "داخرينو" ليها
والا
تكون دي حقارة عديل كده
.....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ارصد محمد جلال)
|
على الرغم من حقيقة أني حزمت أمري بألا أرجو طربا بعد زيدانية اليوم الثاني
إلا أن جيوش الأماني عندي لاتندحر ، منيت نفسي بأداء يغازل السحاب عندما سمعت
أن محمد ميرغني بين المشاركين ، هذياني زاد وزادت أنَّتي فقلت أن محمدا لامحال
مُتِحِفي بأغنية تحتفل بها كل خلية فيّ على انفراد ، أغنية يستحيل معها الجسد والخاطر
مهرجانا للبشاشه ومتحفا أو ضريحا مفتوح للزيارة ، رجوته أن يغني رائعة السر دوليب
( أنا والأشواق) لأنو الغنيه دي فيها معاني ولوحات إستثنائية دعك عن اللحن الذي فصل على
قامتها المائزة ، أنا والأشواق في بعدك بقينا أكتر من قرايب ، بالله إتخيل ، زي أعز اتنين
حبايب ما بنغيب عن بعض أبدا( إن المصائب يجمعن المصابين)، بالله زول يقول ليك شوقي أبلغ
من غناي ، دا مش بكون خلاّك قميص وبنطلون ساي ؟ وشوقى قال لى مستحيل مرة يتحقق مرادى
ولازمنى زى خلى الوفى واصبح حبيبي الما بعادى، كلمات كهذه لاتُؤدَى إلا بعد عقد النية
والوضوء وانتقاء الحضور بعيدا عن فرفور الذي مدد رجليه وصنقع للوراء حتى ظننته
يطلب (دِرِب) أو اسطوانة أكسجين ، ظننته ضرب الفيتز فخشيت على من يجاوره في الكنبه.
تلك أغنيات تؤدى في المعابد بعيدا عن مطربي زمن الإنفلونزا والشيالين الأوزبك ناس
الماكنتوش دستم.
حبيبو تالاهون كان جميلا
(حين زيّاني لباس الأمن والروعة والبهاء
توجني برغوة الشمس والعبير والغضب
بخصل من اللهب
وحُلل من الضياء) كما قال ود المكي.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
يعني الواحد يكتب بعد ود المرتضى يقول شنو!
فعلا .. أنا والأشواق لوحة شعرية قاضية..
يا ريت لو كان هناك حلقة ثانية..
التحية لفنان المشاعر الرقيقة الأستاذ محمد ميرغني..
______
يا سلام.. يا دوب التلت من الشهر الكريم
وسالت مشاعر الناس جداول already..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Kamal Karrar)
|
الحلقة كانت حلوة شديد
عجبني شديد طريقة المليجي علي الايقاع
يمين خلاني اتخجخج براي
نقرتو للبنقز براها لوحة
من هنا احيهو وربنا يديهو الصحة
محمد ميرغني اغانيه مليانة شجن ياخ
ذكرنا حاجات قديمة كدة كانت انزلقت الى قاع الذاكرة
ذكرنا الحلة القدامنا دييييييييييييييك
وشارع الدكان داك
والزولة السمراء السمحة ديك
ياخي لمن غنوا ((حنيني اليك)) قربت اقطع تذكرة امشي الحلة ديك
يمين الاغنية دي زي الزبيب في الخشاف
الترتر الفي بنطلون نادر خضر دة ما قدرت افهمو
والملاح الاخضر البي شبت اللابساهو افراح دة يضرس عدييييييييييييل
مع الاعتذار لي حبيبنا ود الموج
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: سارة علي)
|
Quote: لليوم التاني :
حلقة باهتة من ناحية الأداء الغنائي .
بركة في شوية السرد و الحكي المبتسر في حق الجميل محمد أحمد عوض .
....
أفراح دي أكعب مغنية في العالم .. بأشنا حواجب الله خلقهم ( أو خلقتهم هي ) .
عمنا السر بيضحك و يقرقر سبه بلا سبب .. حاجة عجيبة !!!
عصام بالبدلة التريبل إكس أم لون كعب و موضة قديمة .. و كمان صديري ؟ عصام ياخي شنو ياخ ؟؟
....
الله على محمدية و احمودي و اسماعيل و عاصم الطيب و مليجي .. شغل نضيف . |
عماد عبد الله....ياوغد
يا اخوى انت عربى ما بتعرفوا تنتقد افراح؟
قوم لف يا بوم...
ما تتصل على تانى،،،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Tayseer Elmobarak)
|
كيف يعني ..حلقة أو حفلة لـ محمد ميرغني ... بدون مانسمع " أنا والأشواق" ؟؟؟؟؟؟
ياخي دي أجمل أغنيات محمد ميرغني وأجمل أغنيات بحري والخرطوم والسودان ذاته....
...
أي نعم ... نقر .. ونعترف ... الحلقة في مجملها عبارة عن وجبة كاملة الدسم من الطرب السمح ...
بس .... ياخي نحن مستنين " أنا والأشواق" من أول ظهور دعايات الحلقات الجديدة ...
_______
في الحلقات الأخيرة ..عمنا أبوكلام"حقوق الإسم محفوظة لملاسي" ... ماقادر يسوق تسلسل الكلام والشعراء وربطها بالإغنيات ...
______
حزنت على ما حدث لـ صوت محمد ميرغني ...
...
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: Tayseer Elmobarak)
|
أغاني و أغاني..(البوست)..
أجمل كتير من البرنامج (سيد) الاسم...!!
شكرا لصاحبة البوست..ولكل الزملاء و الزميلات...
ورمضانكم كريم و عيدكم سعيد...
لو لا هذا البوست..لما أستطعنا متابعة الحلقات...فنحن من تلك البلاد البعيدة التي ..لا تزورها قناة (النيل الازرق)..
في مجمل الحلقات هي جميلة.لانها بحد ذاتها..(رفرش) لذاكرة الاغاني و المغنين و الشعراء ,,
وأحداث ما مضي من ايام...و(توثيق ) مهم...لماض بعض الاغنيات و للفنانين..!!
راي شخصي و شخصي بحت:
لماذا التركيز علي مجموعة معينة من الاصوات كل عــــــــــــــــــــــام؟؟
مع كل احترامنا وتقديرنا للاساتذة الموجودين و لكن نسال عن:
محمود عبد العزيز..
خالد الصحافة...
عمار االسنوسي..
عمر جعفر..
عادل مسلم...
فيصل الصحافة..
حيدر بوتسودان...
يحي ادروب...
عبد الكريم ابوطالب..
وليد زاكي الدين....
و الي احر القائمة ...
لمـــــــــــــــــــــاذا غياب العنصر النسائي حتي الان...
امال النور..سمية حسن.....نانسي عجاج... منال بدر الدين...نبوية الملاك..عافية حسن...ايمان توفيق... التومات.. وايضا الخ القائمة؟؟
فالتنوع ..يثري البرنامج و يزيد من الفائدة...ويسمعنا اصوات مختلفة و اذواق متباينة..
لمــــــــــــــــاذا لا يزداد عدد الفرقة الموسيقية الماسية..
بقيادة المايسترو الاستاذ\ محمدية ربنا يديه الصجة و العافية..
واعتقد..
وجود...ساكسفون وبالذات الشاب الساكسفونيست الذي كان مع محموعة (نجوم الغد)..
واوكورديون..
اعتقد بان شكل الفرقة كان من الممكن ان يكون اجمل..
الازياء...
الفرقة الموسيقية...كان من الممكن ان يكون زيها موحدا..
السادة الاساتذة من الفنانين الشباب...
التناسق ما بيم لون الديكور والملبس شي ضروري.
فاذا كان الديكور و الكراسي غامقة لا يمكن ان تلبس مثلها..
ففي حلقة الاستاذ محمد ميرغني..
(قميص) فرفور و لون الكنبة....اقرب شديد للتطابق..
الجلوس ومد الرجلين بي مـــــــــزاج..ويصر السيد المخرج..علي تصويرها...
ملامح بعضهم مرات تبدو اقرب للفضب..وبعض المرات.مرتاحين خالص مع بعض...
وايضا يصر المخرج عليها..او المصور..
لماذا لا تكون هنالك فرصة لادارة الحوار...ومناقشة الفنان الضيف من قبل الفنانين الحاضرين و ايضا من شباب نجوم الفد..
زيادة الرنامج الي 45 دقيقة....كان من الممكن ان تعطي الحلقات ميزات أفضل..واختيارات اجمل للاغاني..
وفرصة اكبر للفنان الضيف كي يقول ما عنده...
_____أجمل ما في البرنامج دخول عنصر الشباب من (نجوم الغد)..فبرغم قلة الفرص,الا أن وجودهم اضاف بعض المرح و روح الشباب للبرنامج
####
عفوا للاطالة...
ونتابع معاكم
واخيرا...هذا راي شخصي بحت و لست بمختص!!
لكم كل الود
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
Quote: اختنا الممكونه..
بالفعل ولاحظوا اجمل حلقات ايه الرابط بينها..
حلقة ثنائي العاصمه ..
حلقة سيد خليفه..
حلقة محمد ميرغني ..
وثم حلقة زيدان ..
بحرررررررررررررررررررررررري نفر ... |
وكلنا بنحب بحري ...
وأحلى الناس من بحري ...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: sanaa gaffer)
|
Quote: اختنا الممكونه
بالفعل ولاحظوا اجمل حلقات ايه الرابط بينها
حلقة ثنائي العاصمه
حلقة سيد خليفه
حلقة محمد ميرغني
وثم حلقة زيدان
بحرررررررررررررررررررررررري نفر |
زيدان كمان عملتوهو من بحري!
_____
طارق ميرغني.. واحد في الإتنين أثّر عليك
يا الصيام يا الطرب!
(بنصحك ما ترجى ود العباسية لما يرجع)
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
محمد المرتضى ..
مداخلاتكم قطع فنية تستحق أن يخصصوا
لها متحفا خاصا يرتاده عشاق الطرب
الاصيل لأداء فروض الولاء و الطاعة ..
ثم أنها مداخلات توضح رهافة الحس الفني
فيكم الذي أخاف عليه أن يستثار لدرجة
ما تحتم علينا أن نعقد لكم جلسة (ظار)
طارئة يا مرتضى !!!
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
سلام يغشاكم كلكم ست البوست .. والمتداخلين ..
والله لكن كان يوم سمح سماحة ..
مباااااالغة عديل كده ..
محمد ميرغني وعاطفة ومعاها حنان شيء عجيب ..
وفي اللحظة ديك أشتقت ليك عديييييل كده من غير لف ودوران ..
غايتو جنس بهجة ولخبطة حلوة كده من الجميع ما حصلت ..
الواحد مرت عليه كده .. لحظات بهجة غريبة خاااااالص ...
يا اخوانا اعذروني محمد ميرغني ده قاعد يعمل فيني لخبطات ما مفهومة ..
وبرجع ليكم تاني ...
بت الصادق
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
أغنيات محمد ميرغني فيها تطريب وشجن ما عادي ..
كنت أتمنى أن يكون في تنسيق بين المجموعة في مسألة الدخول للأغنية وتسليم الآخر ..
لكن يظهر الشباب كلهم مليانين شجن وعايزين يشاركوا حتى محمد ميرغني نفسه مرات بنلقاهو دخل معاهم ..
منار وريماز عملن شغل جميل ..
وشريف الفحيل الشباب ضيعوهو في النص ..
شنو يا ناس بحري نكسن شمبات
على فكرة أنا سكنت في شمبات الحلة فترة من الزمن ..
وقريت فترة بسيطة في مدرسة بحري الثانوية لا تذكر ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
| Quote: افراط في الجهوية .. وتضحكو علينا لما نقول حلفا دغيم ولا باريس وتقولو عنصريين .. محن.. .. |
الأخ/ أبوبكر...
رمضان كريم... وحلفا دغيم على العين والرأس...
بحري ما جهوية يا الحبيب... بحري وطن صغير... فيهو كافة قبائل السودان
وبالذات حبايبنا الحلفاويين
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Kamal Karrar)
|
Quote: شنو يا ناس بحري نكسن شمبات
على فكرة أنا سكنت في شمبات الحلة فترة من الزمن ..
وقريت فترة بسيطة في مدرسة بحري الثانوية لا تذكر .. |
يعنيوانا من زمان يا معتصم اقول انت لذيذ كده ليه...؟؟؟
ناس بحري عندهم مغناطيسيه ونوع معين من الملاريا العاطفيه يعني تخش العضم علي طول وتجيك رعشه كلما
تسمع غناوتخليك تستفرغ شعر وتكسر في العضام زيى الحاصل لي صديق الموج ده..
بعدين يا ممكونه انتي بقيتي معارضه ولا شنو ؟؟
زيدان ومنذ التسعينات عندما حرد العباسيه وخت عفش بيتو في الشارع
احتضنته الشقله قرب الحاج يوسف والتي يقطن فيها حتي تاريخه..يعني صار بحراوي صرف
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
طارق ميرغني سلامات ورمضان كريم
سكن زيدان في الحاج يوسف لا يغير في الأمر شيئا
نحن نعتمد شهادة المنشأ الموثقة لدى جهات الإختصاص..
تتصور الزول دا لم يأت بجديد منذ غادر أمدر جسدا!!
بالله تاني لما تتكلموا عن المدن ما تجيبوا سيرة أمدرمان
أمدرمان ليست مدينة ، أمدرمان حاله ، وكما قال سند
( شمس بعمق الجرح ..
ترقص في عيون الحس ..
تزحف تحت أنسجة الشعور)
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
| Quote: أمدرمان ليست مدينة ، أمدرمان حاله |
بس .. واخيرا وجدت من يشاركني او اشاركه وجهة نظر عن "الحالة امدرمان " ... انها حالة وجدانية عند الكثيرين او معظم من لم يعرف الا امدرمان وطنا صغيرا منذ اتي اجداده اليها ...والفرق بين بين "انا امدرمان انا السودان " و"انا السودان انا امدرمان "
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Kamal Karrar)
|
| Quote: بحري ما جهوية يا الحبيب... بحري وطن صغير... فيهو كافة قبائل السودان |
ياابني دة كلام هكر ساااي ...الحلفاوي(دة اسمي الجهوي ايام الدراسة يعني حتي سبعينات القرن الماضي ) ما بتفرق معاهو بعدما حلفا غرقت اها حايميين في بلاد الله فوق الكام وتلاتيين سنة ...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
| Quote: ياابني دة كلام هكر ساااي ...الحلفاوي(دة اسمي الجهوي ايام الدراسة يعني حتي سبعينات القرن الماضي )] |
أبوبكر يا صديق...
ما يصير خاطرك إلا طيب... أما عن نفسي... فأنا لست جهويا...
أمت بصلة قرابة أو قل نسب بكثير من الأسر الحلفاوية.. وحتى لو لم أكن...
محبتي الأكيدة ليهم ولكل قبائل السودان...
مع خالص إحترامي
| |
|
|
|
|
|
|
| |
Emad Abdulla
ودالعباسية
Alsa7afa_30
abubakr
بكري الخير
الزوول
Hatim Yousif
برير احمد إبراهيم
معتصم دفع الله
محمد المرتضى حامد
داليا حافظ
mamkouna
Kamal Karrar
Dania Elmaki
saadeldin abdelrahman
فيصل نوبي
الطيب شيقوق
جلال جبريل
محمد حسن محمد
Rawia
غباشي
ارصد محمد جلال
نجوان
طارق جبريل
محمد عبد الماجد الصايم
سارة علي
صديق الموج
هواري نمر
عفاف الصادق بابكر
Hussein Mallasi
فيس بوك
تويتر
انستقرام
يوتيوب
بنتيريست