|
|
 Re: أغاني وأغاني.. للقدامى والمستجدين.. (Re: maia)
|
| Quote: شايفة الليلة الاغاني حتكون اغاني الراحل سيد خليفة بالفصحى |
مايا رمضان كريم
هو ما نسيت انو ابوالسيد عندو حلقة تالتة ؟؟ اها التحييز دة الخلي ودالعباسية ما يجي اليومين دييل ؟؟؟ جنس تحييز ياعم السر ؟؟
| |
 
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote:
: انا زيك يا ود العباسية محتجة و محتجة ليه زيدان بجلالة قدرو حلقة واحدة بس ...
ألا هل بلّغت.. اللهم فاشهد.. |
أخت نجوان أنا محتج معاكم في حق زيدان والله أبو الزيك يحتاج لحلقات وحلقات... بس ود العباسية إحتج
بصورة مستفزة في حق سيد خليفة ... الله يسامحه بس.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Manar Mahsoub)
|
| Quote: والله امبارح فرحت فرح لاخو عماد احمد الطيب لمن ادوه فرصة يغنى هو زاتو كان عايز يطير من الفرح |
وانا كمان ...
اصلو كنت متضايق من قعدتو في الاحتياطي في الحلقتيين الفاتت .. وكل مرة اقول عمكم السر حياشر اليه القاه بس خبط لزق "اها ياشباب ..." ويعاين للاربعة الكبار ...اصلو مبارة مدربها هو حكمها ورئيس النادي كمان تبقي تحييز ساااي يا ودالعباسية
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
ممكونه،
صيامك مقبول ،
إذا كنت تقصدين (ألا المسا ) وحديثي عن نانسي فأنا أعني ما أقول
تلوين وإبدال وإخفاء الحروف في الغناء ليس بجديد أتت به نانسي
ويمكنك الإستماع لأمكلثوم في (هذه ليلتي) بالتحديد..
وكان ما عاجباني بقول شوهت الغنيه عديل كده،
ليت عاطف أنيس أو عمار السنوسي شاركا في تلك الحلقات وتحديدا حلقات سيد خليفة..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
كلامك صح يا حمادة...و كتبنا عنو كتيييير قبل كدا..
حتى أنا على ما أذكر قلتَ إنو غناء نانسي عجاج ذكٌرني غناء الكوريين بتاعين معهد الموسيقى..
لما غنوا ( لو عارف عيونك ) بتاعت حمد الريح..
لو آآرف أيونك..توها الأيون..و أرقست الأشاير...أربا وراها كووون...أربا وراها كووون !
...
بس دا كان في مرحلة سابقة من مسيرتها الفنية..
و هي إستفادت من النقد و طوٌرت صوتها و إمكانياتها و كان ألبوم (رفقة) من أجمل ما يكون.
...
مالكم على بت الناس في نهار رمضان المغٌيم دا !!؟؟
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
| Quote: لو آآرف أيونك..توها الأيون..و أرقست الأشاير...أربا وراها كووون...أربا وراها كووون ! |
وذلك الأثيوبي الذي غنى (القمر بوبا) مع
الرقيبه قزازة أسير الأيون متل الفناجيل
إنتي ريهتك ريهة الفرير ولا بت السودان أسيل .. وأتدفق.
لكنه بلغ السحاب وأبد في ( مِأذِباني أنا ود هِلَّتَا)
عذاب
- نعتذر للعضو ( قمر بوبا)
دي تِرباية هَبّّوبتا
أليك تاقيل
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
Quote: احسن زول غنالسيدخلبفة
عمارالسنوسى
الفنان الجميل
لو شارك فى الحلقات دى كان ابدع |
محمد سيداحمد - كيفنك
سبحان الله ده كان تعليقي مع الحضور ..
لو كان عمار السنوسي موجود كان ابدع ..
تعرف في بعض الاغاني لسيد خليفه بتجلاء فيها فنانيين معينيين ...
بس عمار في ولا أ المساء ما عنده منافس
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
Quote: بس دا كان في مرحلة سابقة من مسيرتها الفنية..
و هي إستفادت من النقد و طوٌرت صوتها و إمكانياتها و كان ألبوم (رفقة) من أجمل ما يكون.
...
مالكم على بت الناس في نهار رمضان المغٌيم دا !!؟؟ |
بعد بشتفتك للاغنية كدة واكيد ناس توتي حيزعلو منك تقولي للمرتضي وحسين مالكم علي البت .. عجايب ...
_________
ان نقدهن عظيم
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
| Quote: بس ما زالت هناك مشكلة اسمها كواريك مافي داعي ليها.. اجمع عليها الكثيرون.. |
الكثيرون ديل (يانجوان)
هم سبب ظهور جمال فرفور في بداية عام95م
ومنهم الصحفي (ياسر عبد الفتاح ) فرفور فنان بنات - فرفور يفقد امكانبات الفنان
وعندما سالته الصحفي ياسر بعد مرور السنين في
صورة جماعية مع فرفور بجريد عكاظ السعودية وبالمناسبة ياسر عبد الفتاح مشرفنا في هذه الصحيفه كسوداني
فقلت له غيرت رايك ولا شنو
فضحك وقال ياوليد ياخ ده كلام جرايد.
وياخي ده طبعنا كسودانيين تخالف تذكر او تظهر
وحصل العكس وظهر جمال فرفور بقوه واحتل مكانه بين الفنانين
Quote: ______
لكن يا وليد عشان مرافعتك والذكريات الحلوة دي،
بوعدك ما أجيب سيرة البحر لمدة 24 ساعة كاملـــــة |
بالعكس يااختنا( نجوان )كلامك ده اكيد بكون محل اعتبار
ولكن والله كان عندنا صوالين فنية في بحري
لما دخلها( جمال فرفور ) كان بدق طبله وشيال (كورس)
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Alsa7afa_30)
|
يا ممكونة وصابرة
مالك على البنيات
عاملات الواجب ومخططات الحواجب 
ـــــــــــ
توقعات
(ربيع الحب) أتوقع تغنيها أفراح وتبدع فيها لأنها جاية شديد مع صوتا
(يا صوتها لما سرى) يمكن يغنوها فرفور وعصام خليهم يصوتوا كويس
(أعلى الجمال تغار منّا) من هسي بقول ليكم منتصر حا يبرطع فيها ويبوظها
حضروا حالكم إذا بتريدوا
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: تيسير عووضة)
|
| Quote: (ربيع الحب) أتوقع تغنيها أفراح وتبدع فيها لأنها جاية شديد مع صوتا |
اختنا تيسير
احب ان يذكرنا عصام محمد نور عندما كان يغني في نهاية الثمانينات
للاستاذ سيد خليفة قبل ان يظهر كفنان في الساحة
(يوم في يوم غريب ) (ربيع الحب )
وهل سيد القعده (عاصم البنا) اليوم يستطيع مجاراة الجلسة ويبهجنا
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
منتصر
رهيب والله رهيب (ابي يورثني المرض ولايمكن ان يورثني الابداع )
عاصم البنا
من انت ياحلم الصبا
بطريقة المارشات العسكرية
بعيد كل البعد عن اغاني ابو السيد
بعد كده يفترض بعده بدل فرضة على تشكيلة اغاني ابو السيد
جمال فرفور
اختيار غير موفق
ولكن جمال يبدع ويرمي باصات الى عازفي الكمان
محمد و اسماعيل عبد الجبار
نادر خضر
رهيب من غير حبشنة الاغاني السودانية
مخارج لغة عربية صحيحه
(اذا السماء بدت لنا واستعصمت بالبعد عنا)
عصام محمد نور
اسراب الحسان
ياجماعة عصام شفت وصعلوك غناء
معقول الكاشف وابو السيد في قالب (عصام محمد نور)
قمة التطريب وبطريقتة الخاصة وغير مقلدا
اعيب عليه احيانا يأكل الحروف (صوت عزب حنين )
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Rawia)
|
لا تعليق اليوم للاسباب التالية :
تضامنا مع الخرطوم(العاصمة باطرافها الثلاث) والتي تعاني اليوم من اثار امطار كثيرة تحولت الي برك ومستنقعات وتعرضت مناطق منها الي جزر معزولة وتعرضت منازل للضرر وقفلت المدارس ..وفي الحلق غصة من سوء ادارات وفساد علي مستوي الولاية والدولة تسببت في غياب عناية بعاصمة البلاد واهلها رغم مليارات من الدولارات صرفت في غير وجه حق .....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Rawia)
|
الفصحى عند سيد خليفة ..
أغاني حلقة اليوم تستحق عدة حلقات ..
كل حلقة تغنى يها الأغنية كاملة .. غير منقوصة .. وبأوركسترا مكتملة حتى يصل (درس ) اليوم .. لأهل الفن والغنا.. (الجدد) ...
الله يرحمكـ يا سيد ..
أكثر شي أدهشني انفعالات (ابن سيد خليفة ) الباردة مع كل هذا الإرث الذي أداه والده .. ...
بالجد حلقة مدهشة رغم أن ولى المسى .. ويا صوتها ، لسه في الإنتظار ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: النورس الحزين)
|
السلام عليكم
......
ضرستني يا منتصر
زمنك فارق
جرات أبوك الله يرحمو تتميز بايقاع الزمن الداخلي الدقيق
أذا كان نَفَسَكْ ما مساعدك على الجرات الطويلة دي
كنت ياخي تعتذر عنها
...
وبعدين معقولة بس
(سُمّ) ضاع الأمس منا
وضاع أملنا فيك لخلافة أبوك
....
.الفرقة الموسيقية في طرير الشباب 10/10
خاصة عوض أحمودي في المقدمة
وسعد الطيب
أما في (غيرة)
مبالغة عديل كده
بس في رأيي كانت لايقه على عصام محمد نور
أكتر من نادر خضر
....
ياخي أغنية أسراب الحسان دي
فيها موسيقى مبالغة
لكن كمية الحزن الفيها
يرشحها بجدارة
عشان تكون أغنية مصاحبة للمارشات الجنائزية
غايتو فرقة ماسية فعلاً
....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: عمران حسن صالح)
|
بسم الله الرحمن الرحيم ،،
اخونا حسن ابراهيم ،، يازول رمضان كريم ،،،
دا كلامى القلته فى الصفحة الفاتت رقم 4
Quote: مافى اختلاف انه سيد خليفة فنان كبير وقدم للفن السودانى الكتير ،،،
لكن ياخى 3 حلقات ،، معقول بس ،،، |
ما اعتقد انى قلته شئ فى حق الفنان سيد خليفة تخليك تقول انه انا احتجيت بى كلام
مستفز زي ما زكرته هنا ،،
Quote: بس ود العباسية إحتج
بصورة مستفزة في حق سيد خليفة ... الله يسامحه بس. |
وربنا يسامح الجميع يا سيدي ،، بس ما تظن ظن السؤ فى الناس ،،
انا معترض ومن حقى اعترض ،، مادام انا متلقى ومتابع للبرنامج دا ،،
اذا انت زعلته فى كلمة ( ليه 3 حلقات ؟) ايوا بكررها ليك ليه 3 ممكن يعملو حلقتين
لكل فنان اذا هم عايزين يوثقو للفنانيين الكبار ،،
تانى شئ انا ما قلته الفنان سيد خليفة لاسمح الله زول ما بعرف يغنى ولا ما يستاهل انه
يخصصو ليه حلقات فى البرنامج ولكن اذا متابع معانا البرنامج دا الفنان سيد خليفة
كان عنده حلقة فى السنة القبل الفاتت ،، ليه التكرار وليه الاعادة ،،
يازول على العموم اذا وصلك او وصل لى عائلة المرحوم انى استفزيتكم ،، انا اسف جدا ،،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
Quote:
وربنا يسامح الجميع يا سيدي ،، بس ما تظن ظن السؤ فى الناس ،،
انا معترض ومن حقى اعترض ،، مادام انا متلقى ومتابع للبرنامج دا ،،
|
أخي ود العباسية ... الله أكرم وكل سنة وإنت طيب.
يا سيدي لك الحق أن تعترض ليس هناك ما يمنع الإعتراض.
الجملة الأخيرة والتي ذكرت فيها كلمة (معقولة بس !!!) كلمة تحمل الكثير من الإستفزاز ده على حسب
فهمي أنا ، يمكن إنت تكون قصدت شيء آخر ولكن الكلمة المذكورة في إعتقادي وحسب فهمي ليس لها معني
غير المعنى الذي ذكرته وهو الإستغراب في إعطاء الأستاذ الراحل سيد خليفة عليه رحمة الله أكثر من
ثلاثة حلقات ، وده شيء بالجد ياخي زعلني شديد عشان كده أنا رديت عليك ، أنا آسف جدا يمكن كلامي كان
قاسي شوية في الرد لأنه أنا بالذات علاقتي بعمي كانت مميزة جدا دون أفراد العائلة الآحرين ...
أتمنى أن تكون قد تفهمت زعلي وعتابي لكم ... وفي النهاية الواحد بيقول سيد خليفة حق كل
السودانيين ولك الحق كل الحق في أن تنتقد البرنامج ولكن أنا مصر جدا كغيري من المشاهدين أن ثلاثة
حلقات شي بسيط جدا في حق فنان تغني للوطن لأكثر من خمس عقود وقدم الكثير لهذا الوطن كما ذكرت.
أخيرا ... لك مني كل الود والتقدير.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: حسن إبراهيم خليفة)
|
يا ابو على ،،
وانا لم اقصد الشى الزكرته دا نهائ فى حق الفنان سيدخليفة ،،لانى اعرف الفنان وما قدم للفن
كلامى موجهه لى البرنامج والقائمين عليه ،،
اذا جينا للكلام عن الفنانيين وكل واحد ياخد حقه ،، البرنامج دا ما بكفى ،،
فكل واحد عنده اسهاماته فى مجال الغناء ،،،،
ياسيدي لك العتبى حتى ترضى ،،،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: عمران حسن صالح)
|
منتصر سيد خليفة 
غنية ربيع الحب فيها إحساس عالي ما قدر منتصر يوصلو للمستمعين
هسي مش كان أحسن أفراح؟
جمال فرفور 
خليك في عقد اللولي وأنا قلبي بدق
عصام محمد نور 
أشهد له بالذكاء, غنى لسيد خليفة دون أن يقع في فخ التقليد والصراخ الوقعوا فيهو جمال ونادر ومنتصر
زول عارف إمكانيات صوتو وزاغ من طلعات سيد خليفة بحنية فأتى الأداء رائع
لدرجة أن منتصر سيد خليفة دمعت عيناه "أو هكذا شُبّه لي" أثناء الأغنية
هذا على الرغم من حبي لصوت فرفور لكن المرة دي عصام يكسب
يا سقاة الكأس من عهد الرشيد ليه ما غنوها؟
| |
|
|
|
|
|
|
|
|
 Re: أغاني وأغاني.. للقدامى والمستجدين.. (Re: تيسير عووضة)
|
رمضانك كريم يا تيسير و كل سنة و انتي طيبة.
تصدقي عجبني فرفور الليلة! غنى ( قم يا طرير الشباب ) بهدوء و من غير كواريك...
الظاهر عمل حساب ديسبيلات محمد المرتضى.
...
منتصر زاتو كان الليلة رايق و تعوٌد على الحلويات.
......
عصام محمد نور غنى ( سرب الحسان) باقتدار...لكن بصراحة كان في ملل غير عادي.
....
نادر و فردتنا شالوا حلة الكوجين و عاسوا لما الله غفر ليهم.
...
قلتي لي واجب و حواجب  !
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
mohmmed said ahmed
صدقني، عندما أستمع إلى عمار السنوسي يردد أنت السماء بدت لنا واستعصمت بالبعد عنا
تعود إلى شراييني عافيتها وإلى أغشيتها مرونة غابت في زمن الماكنتوش المريب ، وعندما
يصدح ب (أنا غير أحبابي حطام) تحضر أمامي صورة سواحل جاوه بعد التسونامي ويتعذر عليّ
الوقوف دون مساندة ، يتجسد الحطام أماك .. عدييييل كده، ، ، وحين يصل إلى (لا أرى غير
الرمال) يغطيني إحساس الربع الخالي واليتم ، تلك أصوات مزيلة للكولسترول وكل الدهون المشبعة .
تحايا بلا سقف لعمار.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
منتصر سيد خليفة ... مازال مرتبكاً , نفسي يكمل ابتسامة بدون قلق
نادر ... يواصل الثبات
فرفور و عصام ... ثقة بائنة و حركات معلمين ... بقوا بضقلوا بالاغاني عديل كدة
ود البنا ... عامل حسابه
محمدية لعب screw pass جميل لسمعة في صولة الكمان
سعد الدين الطيب و احمودي ...نقرشة و لعب صاح
نجوم الغد ... ضيوف اليوم
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
قلوبنا مع ناس السودان يا باش..
______
وحلقة فيها درر من أغنيات الفنان سيد خليفة..
فعلا كل أغنية مدرسة في حد ذاتها
اتضح جليا صعوبة وتعقيد أغنيات سيد خليفة (مفصلّة على سيدها فقط)،
تعذّر على الشباب فك شفرتها .. فتساقطوا واحد وراء التاني..
ولولا عصام محمد نور لاتجهت الحلقة رأسا الى التوج..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: اتضح جليا صعوبة وتعقيد أغنيات سيد خليفة (مفصلّة على سيدها فقط)،
تعذّر على الشباب فك شفرتها .. فتساقطوا واحد وراء التاني..
ولولا عصام محمد نور لاتجهت الحلقة رأسا الى التوج.. |
اختنا نجوان
بالعكس اغاني سيد خليفة بسيطة وجميلة وخفيفه
وكل الموجودين في الحلقة كلهم واغلبهم تغنوا الى سيد خليفة
وسجلوها في اشرطتهم في يوم من الايام وتدربوا عليها كويس.
ولكن نعمل شنو (قدور ) عايز يوثق لنفسه لما كان في مصر مع سيد خليفة
ويختار اغاني ليس كانت اغاني شباك للشباب .
وبعدين زي ما شايفة تشعري بأن الشباب كلهم فارقين زمن .
اتمنى اولاد نجوم الغد يدوهم فرصتهم .
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
| Quote: نادر و فردتنا شالوا حلة الكوجين و عاسوا لما الله غفر ليهم. |
والله يا ممكونة الكوجين زاتو الليلة غلبهم..
(واضيف جيمي للجوز ده)
الناس دي ما قاعدة تعمل بروفات؟
وما فائدة البروفة اذا كانت الأغنية بتقدّم وهي ما زالت نص استواء..
(غنا أحسن منه قعاد الكنبة والله)
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: الرشيد ابراهيم احمد)
|
مساء الخير ورمضان كريم للجميع
بوست موفق يا نجوان
كنت من أول المتابعين للبرنامج من دورته الأولى، وهو صح فيه بعض الإخفاقات، لكن هذا البوست مثلاً أكبر دليل على نجاح البرنامج وانتشاره
وفعلاً، لو تم بذل جهد أكبر وركزوا في التفاصيل، لكان البرنامج فعلاً من أفضل البرامج السودانية الغنائية على الإطلاق
أنا عكسك زعلت جدا من عدم وجود أسرار فأنا معجبة جدا بصوتها وآداءها
سعيدة بأنهم هذا العام ما استضافوا فنان كبير كشرحبيل العام الماضي، والذي اظن أن استضافته في البرنامج قللت من آداءة وشأنه كفنان كبير، وأظهرت الكثير من نقاط الضعف في صوته
سعيدة بمجموعة الشباب الجديد ولو أني للآن منتظرة الدور الحقيقي لهم غير إنهم (شيالين) القعدة، فلا حضور أساسي لهم حتى الآن
بدل عاصم البناالحريرية بتعمل لي وجع عيون رسمي
ومعجبة بتهذيب جمال فرفور وشياكته أحسه فعلاً راقي وشيك، بس يخلي الكواريك شوية
ومندهشة منذ بدايات البرنامج الأولى لابتسامة عصام محمد نور، عنده ابتسامة كده لا معنى لها وابداً ما بتتغير، حتى في الأغاني الحزايني
ذوق السر قدور في الملابس ذوق الستينات أظن أو الخمسينات اعطوه عذره الراجل كبير فعلاً
استحواذه على الحوار وإدارته تماماً تعد من نقاط ضعف البرنامج (ما في زول بشارك في الكلام غيره بمعنى ده برنامجي اسوي فيه الأنا عايزه)
قصر وقت الحلقة من مميزات البرنامج فلا نشعر معه بالملل
الملل كل الملل في الدعايات التي تسبق الحلقة
المقدمة (جلسة ما منظور مثيلها) مملة ويجب تغييرها
وفي النهاية شكرا ًعلى البوست الجميل
والتحية لكل الزملاء البورداب ورمضانكم كريم إن شاء الله
دمتم
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: عبدالله وداعه الامين)
|
اليوم الخامس ..
الفرقة .. لأول مرة تتقيد بالتوزيعات الأصلية بقدر المستطاع و تتخلص من البطء بوزن السرعة و تضفى إحساساً بالطرب
سندها سعد بخلفيات رفعت من هيبة الأداء
منتصر سيد خليفة .. و فى ربيع الحب
أجاد ثم أجاد .. و الأغنية من الأغنيات صعبة الأداء دون شك
عاصم البنا .. حلم الصبا
كان أحسن أداء له على الإطلاق حتى الآن .. و الفرقة ظبطت الإخراج بجدارة
عاصم إستفاد من جهورية صوته و إمكانياته .. عساه أن يواصل فى ذلك.
فرور .. و طرير الشباب
أولاً .. برااااااافو كبيرة للفرقة .. جد معزوفة تستحق الإعجاب
فرفور .. أداء فتران كسلان مستهتر .. ما غريبة منه أبداً
الكورس .. قمة فى عدم التناغم .. مبالغة
الشكر للفرقة فى أحساس الطرب بتلك الأغنية
نادر خضر .. أعلى الجمال
ما زالت الفرقة فى طور التجلى .. و الإطراب
لكن عاودها البطء
نادر خضر .. ما زال صاحب الصوت الذى لا يخذل أبداً
لكنه ليس بأفضل مما قدمه من أداء حتى الآن
عصام محمد نور .. أسراب الحسان
أداء محافظ و جميل جداً
تركه الشباب وحده فى إمتحان صعب .. و اجتازه
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: عبدالله وداعه الامين)
|
نجوان
وكل نجوم البوست ....
رمضان كريم
فى البدء متابعين البوست اكثر من البرنامج باستمتاع واكاد ايقين بانة متابع من المؤدين انفسهم ولو كان البرنامج مباشر لكان البوست ادى غرضة كاملا
حلقة اليوم حركت كل الحواس والمشاعر هدوء واداء موسيقى بحرفية عالية لان الكلم بالفصحى وعبقرية الالحان اجبرت المؤدين للاجادة واعتقد بان الكل
كانوا قليلى الاخطاء . اجبر الرائع سيد خليفة بفنة الخالد بان تمتد الحلقات لثلاثة واتمناها رابعة ،،،،،
وثبت بان الموهبين من نجوم الغد بان المساحة الشحيحة التى تعطى لهم سوف تزيد من اشتداد عودهم مستقبلاوسوف يستفيدوا من ماقدم وسيقدم وحين
تعطى لهم فرصة اللعب كاساسين سيكون لهم شأن اكبر وستصقل موهبتهم .
* نادر خضر كل يوم يزداد ابداعا
* جمال فرفور متمكن فى اجادة كثير من الاغنيات اذا قلل من ال show
* عاصم ثبت بانة يبدع فى الاداء بلونية غنائية محددة لطبقة صوتة والطريقة للونية اغانى الحقيبة والسيرة (جينات ) يحتمل
* عصام محمد نور مبدع لحد الدهشة
الفرقة الموسيقية تملك الكثير من ناحية الاجادة اذا انصرف المؤدين للغناء دون لعب دور المايسترو للفرقة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
شاهدت الحلقة مسجلة حيث كنت مضربا امس تضامنا مع ناس الخرطوم بعد الامطار (اضعف الايمان):
يستفزني رغم انني من الناطقيين بغيرها ان ينطق الحرف في غناء او اعلام مسموع خطا فامس تردد الحرف "قاف" علي انه "غين" والحلقه عن غناء ابو السيد بالفصحي ....
حزنت وانا اري وجه الصبية افراح ملونا ومخططا كانه تمثال في متحف الشمع ( يا ناس حرام الواحدة تبهدل روحا كدة .. خلقة ربنا مالا ..)
استفزني السر قدور وهو يتجاوز الشباب الخمس من نجوم الغد ويتركهم للمرة الثانية خلال خمس حلقات في كراسي الاحتياطي ...
ودمتم
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
مراحب ببت قضيم ..شخصيا.. وكلمات في الصميم..
أهلا ببابكر التوم.. اضافة قوية للبوست..
هلا بيكم غباشي.. وحبيب نورة..
____
| Quote: النجيضه البت ام فستانا زى دواء الحريق دى |
غايتو يا صديق الموج دي بالغت فيها
قلت ليكم البوست ده بيطلّع من الناس حاجات عجيبة!
_____
وحالتو يا دوب قلنا يا هادي!
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
ورد في ديوان الحوادث والطوارئ - قسم الحروق - للشاعر دمَّاع ولد بكاي:
(من بكي من تَشّة بضع جمرات لئيمة ... قطع شك لم يذق ناجازاكي أو هيروشيما)
ما زلنا نؤكد على المثل التايواني القائل:
(فضائية ما فيها ركشه تشوف فيها الكارو لامبورجيني)
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
أغاني سيد خليفة بالفصحى كانت صعبة جدا على الشباب عدا عصام محمد نور..
وضح ان عاصم و جمال فرفور ما حافظين و مركزين على ورقة مما قلل من مستوى الأداء عكس عصام محمد نور الذي لم يجد مساعدة من الباقين و نجح في التغلب على ذلك..
نجوم الغد مهمشين خاصة في حلقة أغاني سيد خليفة بالفصحى...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: الحاج حمد الحاج)
|
نجوان
كل سنة وانت طيبة
كل يوم القى البوست دا عامل صفحتين و3 و4 والليلة وصل 5 ،ماشاء الله، المهم قدر ما اقول اقرا كل الصفحات ، اكسل واقول في نفسي يابت لو قريتي الصفحات الـ 5 دي الا تجازفي ليكـ فتوى تفطركـ ،ودرءً للشبهات ، قريت الصفحة 1 ، 5
تقريبا المسالة ملاحظات وتحليل لـ الحقات بتاعة اغاني واغاني ، ولا ما كدا؟؟؟
اولاً:
وتقريبا كدا السنة دي ناس اغاني واغاني قرررررررربوا يوحدوا الزي (ياخي ما ممكن والله اتذبحنا )
- مرحبا مجددا بنادر خضر ، وحزيييييييييييييييييينة عشان اسرار مافي
- فكرة اشراك نجوم الغد ، فكرة جيدة ، واستطاع عمنا السر ان يختار الاصوات الجميلة وكذلك الوجوه ،،السر قدرو دا راجل ما ساهل
- نجوم الغد كمان فرحانين اكتر من اللازم ، مع انهم كومبارس ، كنت عايزاهم يكون واثقين اكتر من انفسهم ويخلوا الفرح الشديد دا
- ود سيد خليفة دا تقريبا حضوره من اجل ان يضفي بعض الشرعية لاداء اغاني سيد خليفة ،ملكية فكرية وكدا، ،،السر قدرو دا راجل ما ساهل
-البت الاسمها افراح الشعب على قول عمنا السر ، بت غناية عديل كدا ، لكني زي الحسيت بانها بدت تتكلف وتتعسم ، وظهر ذلك في اغنية سيد خليفة أسالوه ، بعدين البت وزنها زاد والكلام دا ما من مصلحتها
- فرفور كالعادة مبدع ومبهج اصلو ما بيخذلني
ـــــ
احلى حاجة في البرنامج ضحكة السر قدور
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Hussein Mallasi)
|
شمائل يا شمائل | Quote: بعدين البت وزنها زاد والكلام دا ما من مصلحتها |
هي بتغني بالكيلو ؟
يا ملاسي
الاسنان و حركة اللسان و العجلة إتلمن علي (أبو الكلام) ..
تضجر الجميع من طول الحلقة (أو الثلاث حلقات بتسجيل واحد) خاصة فرفور و عاصم كان ضجرهم واضح جداً ..
_
وليد عبداللطيف ..
إنت مزعلاكـ قصة (البرلمة) دي ؟ خلاس ياخ معليش (ما برلوم) متأسفين .. ما تضايق
لا قبل الفطور لا بعد الفطور .. خلينا في الأغاني دي و بعيد عن (ضيق الصدر) و حقكـ علينا. دلِع زي ما عايز.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: شمائل النور)
|
حسين ملاسي ( حسونه )
محمد المرتضى (حماده)
بعتزر لهذه الالقاب والواحد صراحة لو ماحبيناكم ما كنا دلعناكم
ولكن يظهر في نفوس مريضة حاولت تستغلها في اشياء في نفسها
نجوان اختنا
كنا بنقول على حسى الورود النجيله تشرب
ولكن يظهر في فيروسات دخلت عليك
ويجب بتر ها قال وكتب شنو ( برلمة السنين ) قال سنير قال
وقت بيكتب وبغالط في هلال مريخ وبتراشق
وبتعافن كنا بنضحك على مهزلة اهل الكورة
كدى بفطر وبجي بوريك اسكيلو
والبدق الباب بلقى الجواب .
______________
مع الاعتزار للمره التانية اخواني حسين ملاسي + محمد المرتضي حامد
وبعتزر لكل رواد اغاني واغاني في بوست نجوان
_______________
سلام .. سلام
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: شمائل النور)
|
سيد خليفة فنان كبير و بيستحق اكثر من 30 حلقة لكن برضو زيدان بيستحق مليون ( انا لسع زعلانه من حلقة زيدان الفرد واحدة) و بما انى زعلانه جدا و محتجة شديد فكان لا بد من معرفة السبب و عرفتو امبارح اتارى سيد خليفة كان بيفك ازمات السر قدور المالية ما شوفتو ركز كان كريم كان كريم و قال اول اجر تقاضاه لمن عمل كورس معاه و كان جنيه و بعد الجنيه برضو سيد خليفة جاء اداهم من القروش بتاعتو ....شوفوتو السبب و طبعا زيدان ما وفر ليه الخدمة دى ....
عصام محمد نور ادائه صراحة قسر كوركر شورتيق كوديكينانى ( ابن عمى ابو بكر الترجمة بالله لغير الناطقين باللغة )
الحمد لله الليلة حلقة مختلفة ....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Manar Mahsoub)
|
افتكرت انه طالما تم افراد حلقة تالتة لاغاني الراحل الفنان سيد خليفة انه حيكون لمزيد من الابداع
لكن الشاهد في راي انه جاءت حلقة الامس متواضعة جدا وما بتتناسب مع حجم الاعلان عن افراد حلقة زيادة لاغاني الفصحى
كان يمكن اداء هذه الاغاني في الحلقتين الفاتوا وده ما تقليل من انه الفنان سيد خليفة يحتاج لافراد حلقات وحلقات
لكن ما تم تقديمه كان يمكن ادائه بالكتير في حلقتين
نادر خضر صوته غير مناسب لاغنية ( انت السماء ) ولولا ستر ربنا كان قرب ( يحبشنها)
اخفق عاصم البنا في الاغنية وما اداها بالشكل المطلوب
عصام محمد نور كان افضلهم
فرفور لا تعليق
بس قليل من الرحمة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
ياقريبتي . دايرين كتير اصلو اليوم السادس من رمضان والبدن بقي ينخ ولازم من حوافز .. غايتو لو خلو ناس نجوم الغد يغنو علي الاقل 15 دقيقة ويخلو الباقي للشباب حنشعر بالتجديد والواحد يمكن يقدر يمارس رياضة الجري ويمكن دافوري .... دايرين زي القالو ود حسين اوباما داااك التغيير ...والواحد فينا بعدين يكورك yes we can
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
يا ربي الرطَّانه ديل بيقطعوا في منو؟
__
الوليد،
هوِّن عليك يا عزيز ، ندرك أن كل من يعلق هنا يستصحب حسن النية لاغير،
كل من يغشى هذه المساحة لايحمل إلا كل جميل وعزيزنا فيصل نوبي رجل مشهود
له بالعفوية وسماحة النفس ولم يفعل سوى المشاركة بالمداعبة المتسقة
مع روح البوست كما ترى وهي سنة رمضانية سنوية استنها ملاسي منذ 3 سنوات..
مودتي يا الوليد،
__
رمضان دخل في نخاع العضم بالحيل،
والله يا عاصم بقيت تنوم في الأستوديو ،.
ما تتاوق بي بره تعال ،
تستاهل.
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
حلقة اليوم مع الفنان السر احمد قدور
والوضع العام هو كما ترونه في هذه الصورة :
اهم ما في الحلقة انو شريف اول من يغني ( من فروع الحنة ) بعد فنان الحلقة عمكم السر والبنيات يردن وراهو ومحمدية يجر الكنجة جر تمام ..
فرفور غائب
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: ورد في ديوان الحوادث والطوارئ - قسم الحروق - للشاعر دمَّاع ولد بكاي:
(من بكي من تَشّة بضع جمرات لئيمة ... قطع شك لم يذق ناجازاكي أو هيروشيما) |
محمد المرتضى ...ببكى وببكى وبتمخت زاتو..
باكى بعيونك مش عيونى ان شاء الله يتقددن
وبعدين وحات الله نص البكتبوا هنا ديل باكين
لى نجوان وبت قضيم دى زاتا سمع اضانى يجوعرن
بس انا خاينى لسانى ده..
ياجماعة خسمتكم بى الله كان واحد فيكم ما قطع لى صورة البنية
افراح دى وفرزها لى براها عشان اختها فى بروفايلى ده..
باقى انا استاذنت منها...
منتظركم يا الشفيفين..عدم العلم كعب،،،
راجيكم يا الشفوت،،،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
_
Quote: وليد عبداللطيف ..
إنت مزعلاكـ قصة (البرلمة) دي ؟ خلاس ياخ معليش (ما برلوم) متأسفين .. ما تضايق |
اخي فيصل نوبي
ياخي انت يظهر لم تقرا مداخلتي الاول بعد طلبت الشرح وفي نفس الوقت شرحت ليك وفوق كده
عملت ليك رغبتك اكتر من كده في . وعشان نحن برالمه لازم نحترم السناير .
وبعد ده تقوم تشيل كلامي وتعيدوا مره اخرى وانا لم اعرف درجة
علاقتك (بملاسي )والاخ (محمد المرتضى )
وياخي انا بتأسف ليك للمره التانية وعشان مافي داعي نحرف البوست
واناشد من هذا البوست معا من اجل منبر معافى وضد المهاترات والسخف بين الزملاء
,,,,,,,,,,,,,,
Quote: هوِّن عليك يا عزيز ، ندرك أن كل من يعلق هنا يستصحب حسن النية لاغير،
كل من يغشى هذه المساحة لايحمل إلا كل جميل وعزيزنا فيصل نوبي رجل مشهود
له بالعفوية وسماحة النفس ولم يفعل سوى المشاركة بالمداعبة المتسقة |
ــــــــــــــــــــ
مع كل الوداخواني محمد المرتضى وملاسي وفيصل نوبي ونجوان
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
نادر خضر
تمام التمام
عصام البنا
يالله ذكرنا اليوم ليالي امدرمان والمبدع (الجقر) احد اولاد البنا
وهذا هو (عاصم البنا) يمتعك في هذه اللونية من الغناء
تشوفوا سلطنة وقمة تطريب .
(ولع جسمى جمر الحي === وما بتطفيهو اه واحي
يازينة ربوع الحي === ولدياركم يعود الحي )
يديك العافية ياود البنا
بس اليوم لم يكون كما عودنا بالاناقة
وفقدنا اليوم صوت الصخر (فرفور )او (كواريك فرفور)كما تقول اختنا نجوان
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
مشكور على الصور يا باش..
حلقة تلقائية..انداح فيها السر قدور وذكريات مع العبادي..
حكى واتونس.. نكّت،
وغنّى..
الشاب شريف.. صوت وأداء جميل..
نادر حوّل الأغنية بقدرة قادر الى نشيد مدرسة..
فردتنا كان مزاجه رايق وفي قلب الـ comfort zone بتاعه،
أبدع وتسلطن..
_____
الفرقة الموسيقية والكمنجات
شغل نضيف..
| |
|
|
|
|
|
|
|
| |
abubakr
طارق جبريل
محمد المرتضى حامد
Hussein Mallasi
وليد عبد اللطيف
mamkouna
mohmmed said ahmed
عفاف الصادق بابكر
Alsa7afa_30
تيسير عووضة
Rawia
عمران حسن صالح
النورس الحزين
الزوول
ودالعباسية
غباشي
نجوان
فيصل نوبي
الرشيد ابراهيم احمد
بت قضيم
ليلى عز الدين
بابكر التوم
معتز القريش
ارصد محمد جلال
حبيب نورة
صديق الموج
الحاج حمد الحاج
شمائل النور
محمد عبد الماجد الصايم
حامد محمد حامد
فيس بوك
تويتر
انستقرام
يوتيوب
بنتيريست