|
|
 Re: أغاني وأغاني.. للقدامى والمستجدين.. (Re: بابكر التوم)
|
عصام: حرام ثم حرام انك تكون ما حافظ اغنية زى دى
الله يطرى عمار السنوسى بالخير..
والله العظيم انا شفت زول ببكى وهو يستمع لهذه الاغنية بصوت عمار
عصام : يا خى مافى داعى للفلهمة الزايدة فى الغنا دى..
رماز: اشهرتها اغنية (ملامة) للشفيع.. كان احسن يدوها الاغنية دى..
لكن نقول شنو فى التهميش المقصود للعصافير
| |
 
|
|
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
اول ايامات البرنامج .. في مواعيده كنت بخلي الواري والقدامي .. واتوهط في الكرسي قدام التلفزيون عشان استمتع ..
حالياً .. بقيت اخلي كل المهام المؤجلة ( بما فيها غسيل عدة الفطور ) لمن يجي البرنامج ..
على الاقل اصحصح بخبتي الحلل والصحون لمن عصام يقرب ينومني من الساعة تسعة باسلوبه الغريب في اداء بعض الاغاني ..
وبما انو عيوني اليومين دي بقن مطششات .. اقول اخير ( اشيح بنظري ) وما اعاين للرقاش واللماع يقومن يطششن زيادة ..
والمشكلة كل ما اتلفت من حوض العدة .. القى عاصم صاري وشو وبحدر حدرة غريبة كدة لمنو ما عارفة ..
ولا القى افراح بتصلح طرحتا ( ما قدرت افهم ليه هي الوحيدة البتصلح طرحتا الوقت كلو ؟؟ ) وبتعاين في اتجاه ما مفهوم ( اظن اتجاه الكاميرا ) ..
بعدين عندها رمية يد بعد كل مقطع بتخليني احن عليها واقول البت دي اكيد بترجع بيتم بكمية من الفلايت والقطايع بت بتي ما تطلعا منها..
اها جلابية نادر امبارح ذكرتني افلام الابيض والاسود وعبد السلام النابلسي وهو بيكورك لتفيدة تجيب ليهو شبب الزنوبة عشان يتوضا للصلاة ..
غايتو برغم السلبيات البتطغي على الايجابيات في البرنامج دة .. لكن مجبورين نحضرو .. على الاقل ارحم من ( عفاف وندى ) في هارموني ..
غايتوالله يصبرنا .. كنا قايلين البرنامج حيبقى لينا فزعة .. بقى فزاعة بتعمل وجعة ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: بابكر التوم)
|
عمك اختار فردتكم لاغنية (لوموهو اللاهى) عشان نادوا لينا البنا يبنى لينا الجنة
لكن يا عاصم البنا المقصود دا ما البنا حقكم..دا البنا المقاول..
والله يا عاصم طريقتك الاديت بيها الاغنية دى تجعل ابو داوود يتململ فى قبره
الاغنية دى تفوقت فى اداءها بنت اسمها على ما اعتقد (نسرين النمر)
وكان ذلك فى قناة النيل الازرق فى برنامج اسمو (ثنائيات)
والله البنية بالغت فى حسن اداءها..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Mayada)
|
| Quote: ماقلت ليكم لقو ليهم طاقة بتاعة ساتان كل الالوان واقعة جمب الخيات... |
لا لا يا ست النيات دة مخسوس وارد اسبانيا بشان الحلقات بتاعة عمكم السر ... انا غايتو ما شفت ستان احمر زي دة قبل الحلقات دي
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: عمك اختار فردتكم لاغنية (لوموهو اللاهى) عشان نادوا لينا البنا يبنى لينا الجنة
لكن يا عاصم البنا المقصود دا ما البنا حقكم..دا البنا المقاول..
والله يا عاصم طريقتك الاديت بيها الاغنية دى تجعل ابو داوود يتململ فى قبره |
حسن سنوسي
البدايه كانت موفقه ولكن عصام وفرفور
تركوه ينحرف عن الاداء بسيط وقلبوها سامبا
وياخي قول الحمدلله عاصم البنا رجع الى مستواه
وكما تعلم الفنان اذا واحد يرقص خطا في دائرة الرقص
ممكن يحرفه عن اداء الاغنية .
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
السلام عليكم
......
يا اخوانا سؤال بره الموضوع
"شوق للشينة ولو صعبة"
يعني شنو؟
....
تطور خطير حصل لي
زمان ...
كنت بعد احضّر "الفيليه" والقهوة والذي منو
يستحيل اتحرك قبل الحلقة تنتهي
ولو اضطريت فكنت أوقف التسجيل وربما أرجع اشغلو من الأول
اليومين ديل عااااااااااادي
أدخل وامرق زي الما حاصل حاجة
واتفاجأ بان الحلقة انتهت
ومرات كمان بقيت أحمد الله على نهايتها
يا ربي أنا براي ولّ الحالة عامة
.....
يا..عاصم
زمان (لما كنت فردتنا)
قلنا ليك غنا أبو داوود عبارة عن مقلب كبير
لأن السر فيهو هو بصمة الصوت الما بتتكرر
وقطعاً المقارنة لن تكون في صالحك
....
"قالوا" الحلقة الليلة مملة
"وقلنا" ليهم الحسنة الوحيدة كانت شريف الفحيل
....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: الزوول)
|
| Quote: يا ربي أنا براي ولّ الحالة عامة |
يالزوول عامة وعلم كام .. انا بس وون كليك وصوت التلفزيون مافي وواصل شغلي اونلاين واتمتم الباقي من شغل النهار وقبل ما البقعدو في المكاتب من غير المسلميين يروحو و كليك اخد صورة لناس ودالعباسية وودالموج وهكذا دوالييك ...
يعني القائميين علي البرنامج دييل ما دايريين يخذلونا ويخلو عادة سودانية وهي الهبوط الفوري وقوعا ارضا بعد الانطلاق طوالي في اي عمل ... احسن الشعوب في الانهيارات والتاريخ بيقول كدة ...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
يا خال تعرف ،،،
انا متحيز للاغنية لانه بحب اسمعها كتير
بس فى النية اعمل رابطة معجبى ريماز ومنار ،،
لانه ما ممكن منار يدوها تغنى كوبلى واحد وتسكت ،
وريماز قاعده متفرجة ،، البت غناية وحلوة ،،
ياخى دا ظلم ،،،
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Ahmed al Qurashi)
|
رغم النقد الحاصل للبرنامج
لكن صدقوني هو احسن من السئ الحاصل في السهرات
التلفزيون ما في شي تحضره فيهو زاتو
ننتظر الاعادة لان الحلقة الرئيسية في مواعدي التراويح ونمشي ننوم
دي برامج رمضان المعدة من قبل شهرين والبرمجة الخاصة و.... و ...
وطلع كلو كلام في كلام
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
| Quote: ننتظر الاعادة لان الحلقة الرئيسية في مواعدي التراويح ونمشي ننوم |
يابتي لخبطينا .. كيفن الحلقة بعد التراوييح وتمشو تنومو وتنظري الاعادة البتجي وشي الصبح في الخليج ..؟؟
روحي الفيسبوك وحتلقي الحلقة وشوفيها وكملي نومتك للصباح بدل الصحية في الساعة تلات الصبح
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
العزيز/ احمد القرشى
ياخى شكراً اولاً على التصويب..ونعتذر للغلطة المطبعية
الغريبة مناسبة اغنية حسن ابو العلا معروفة.. واظن انه كان طريح الفراش بارض الكنانة عندما نظمها
وقبلها اغنية خليل فرح ومناسبتها مشابهة لـ(سفرى السبب لى اذاى) وهى (ماهو عارف قدمو المفارق
شكراً ود القرشى
وشكراً اخيراً على الاحصائيات الجميلة لاغانى عبد المنعم عبد الحى
وهذا هو النهج الذى ظللنا ننادى به منذ العام الماضى
وقد كنا نرجو من عمنا ابو كلام ان يقوم هو باحصائياتك بحكم انه عايش وعاش وعاشر كل هؤلاء
عموماص سنطلب منك على الدوام هذه الاحصائيات المهمة والمطلوبة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
اعزائي جاءتني الرسالة التاليه من الاخ معز حجاز من ايرلندا فلو تكرمتم اي زميل حصل اللنك في يوتيوب او اي موقع اخر ان يتحفنا به مشكورا
Quote: سلامات طارق....
يا أخوانا نحنا هنا لا عندنا النيل الأزرق لا النيل الأبيض
فا يا أخونا أدونا اللنكات أول بى أول ما تشحتفونا معاكم.. نحنا ما عندنا غير البوست دا عشان نتابع البرنامج..
خصمتكم بي النبي تدونا لنك عاصم البنا و لوموه اللاهي.. ولو في شفت جابا بي صوت العميرى يكون جيهنا جيهة شديدة.
معز حجاز.. إيرلندا
|
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
..
.
Quote: أغنية سفري السبب لي اذايا هي للشاعر الكبير حسن عوض أبو العلا
وليست من كلمات عبدالمنعم عبدالحى ، |
شكرا يا دكتور على المعلومه
__________
عاصم البنا دا زولاً بيحب الاداء المنفرد
اى خرمجة بتخلي خطاهو ما موزونة
حتى اللمه ما برتاح ليها .. وياهو باين
من البداية
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Tabaldina)
|
قدور
حاول ينظر
قال عبد المنعم عبد الحى دينكاوى
والناس الهنا بيمثلوا كل السودان
زول من بورسودان وزول من الجزيرة وزولمن بحرالغزال
وبى كدة دا غنا السودان
طبعافات على قدورانو عبد الحى الدينكاوى دا
تم الاحتفال بيهو لمن استوعب ثقافة الوسط وكتب
بمعايير للشعروالجمال بتاعت الوسط
نوع
ديسو فوق درعو
ودا برضو حصل لمن تم الاحتفال بخليل فرح
غنى السودان هو الغنا البيعبرعن الجميع
شمال وجنوب شرق وغرب
بمعاييرالجمال والتعبير
بتاعت الناس ديل باللغات المختلفة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
| Quote: غنى السودان هو الغنا البيعبرعن الجميع |
لم يوفق السر قدور فيما قال امس وكان مجمله قولا حماسيا لا يمثل واقعا وانما نظرة عشوائية ضيقة لواقح حال بلد به اكثر من 590 مجموعة قبلية واثنية يتحدثون باكثر من 150 لسان وبالتالي ثقافاتهم الخاصة لم تنصهر بعد في بوتقة واحدة .. كان للاعلام المسموع "المذياع " والذي رافق سياسة الاستعراب في ثلاثينات واربعينات وخمسينات القرن الماضي والذي كان لايسمح الا للصوت الناطق عربيا بالتحدث فيه والغناء من خلاله ( وهذه حقيقة لا جدال فيها حتي كسر محمد عثمان وردي في العام 1957 ذلك الجدار ) هو الذي سوق لنوع واحد من الغناء السوداني الناطق بالعربية دون غيره من كل غناء اهل السودان اساسا .. اليوم وبعد اكثر من ثمانية عقود منذ البث الاذاعي في السودان فان اهل اقصي الشمال الاولوية قبولا في وجدانهم هو غنائهم و هو كذلك عند اهل الشرق والغرب والجنوب من الناطقيين بغيرها .. بعد اكثر من اربع عقود منذ هجرنا من الشمال واكثر من ثلاث عقود منذ ان هاجرت خارج السودان فاستماعي للاغنية النوبية يوميا هو الغالب ....
التمنيات فقط لا تخلق انصهارا ثقافيا قوميا ولكن تمنيت لو ان ذلك الانصهار الثقافي حدث وانتشر غناء كل اهل السودان بينهم فعرفوه جميعا كما عرفو غناء الوسط السوداني والذي سماه السر قدور غناء اهل السودان لاغيا الجميع دون ذلك وهذه مصيبة كتابنا ومثقفينا وساستنا والذي فشلو في ان ينهلو من مخزون ثقافات اهل السودان الثرة فحصرو رؤاهم وامكاناتهم في منطقة واحدة يصرون علي انها كل السودان ...
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: يا معتصم انت ماسمعت هذه الاغنية من الفنانه عافيه حسن....؟
اول من اظهرها من الشباب واجمل من غناها.
اعتقد ان عاصم غناها بصوره معقوله الا ان قارنا اداءه مع اداء عافيه.... |
كيفك يا طارق ..
يا ريتك تسمعه بصوت عصام ياخي قمة في الروعة ..
للأسف ما سمعتها بصوت عافية وعاصم لم يكن موفقاً فيها ..
سلام للجميع ..
غايتو مسألة اللبس دي أتجاوزوها وقطعوها في حنانكم ساي خصوصاً ناس التترسايكلين 
في أغنيات ما بحب أسمعها إلا من أصحابها ..
ولما فنان يغنيها ويقوم (يكوعجها) ياخي بجيب لي العصبي ..
للمره الكم ما عارف عاصم لم يكن موفق في أغنية لوموهو اللاهي ياخي دي أبوداؤد الله يرحمه كان بعذبنها بيها عديل كده الحمد لله إنو فرفور والشباب لحقوهو ..
أحسن من يغني أغنية أنساني من الفنانين الشباب هو عمار السنوسي التحية له من هنا وهو صديق وزميل في المنبر أيضاَ ولكنه لا يشارك كثيراً ..
غايتو يا سناء جعفر بعد دا البرنامج إستنفذ أغراضه عشان كده قومي لغسيل العدة يرحمكم الله
يا شبكة أنا زيك قاعد أحضر البرنامج نهاية الليل عشان أقدر أتابعه بدقه ولو إنه بساهر بينا لكن نعمل شنو ..
باشمهندس أبوبكر يا ريت عمنا السر قدور ما ينسى إنو البرنامج دا توثيقي يقوم ينسى نفسه ويشطح ..
لأنه قاعد يوثق لفترات جميلة من الغناء السوداني لذلك يحتاج لتجويده أكثر وأن لا يكون مجرد برنامج في رمضان فقط ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
..
.
غايتو ود الابيض شريف ابدع فى اغنية
قالو وقلنا ليه ..
بس الشباب الصغار ديل لمن يغنوا بجنى احساس
التسجيل مدبلج .. ولا دى تهيؤات ..!!؟
السر قدور متلوم للاخر مع فرص ريماز ومنار
والفرقة الموسيقية..
فنان زى فرفور وما يكون حافظ الاغنية بتاعت ابوداؤؤد ويقعد يتللص
بين فخذيه عشان ياخد ليهو سطر والتانى عيب اكبر
كان احسن ما يغنيها عديل..
___________
ابوداؤود دا ما زولا بتقلد بسهولة
الخرمجة بائنة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Tabaldina)
|
الباش ابوبكر
محاولة تكريس غناءالوسط كغناء لعموم السودان
هو شكل من اشكال الاستهبال الثقافى
اذا اتيحت الفرصة فى اجهزة الاعلام لغناء السودان المتعدد
سوف نكتشف الدرر الغالية
برنامج ربوع السودان كان نافذة مضيئة
وتجربة غناء ابراهيم موسى ابا وعبد القادرسالم وعبد الله الكردفانى وعبد الرحمن عبد الله وصديق عباس
عرفت بالفن الكردفانى ((مع ملاحظة ولا اغنية واحدة لهولاءلم تتح لها الفرصة))
عمراحساس يعرف بصورة جيدة بغناء اهلنا فى دارفور
تجربة عقد الجلاد ايضا اسهمت فى الترويج لغناء سودانى جديد
فى بلدنا التقزيم على ودنو
فى الجقرافيا اختصرنا البلد فى مثلث حمدى
وفى الغنااختصرناهو فى الحقيبة والعاصمة
وفى الكورة هلال مريخ
وفى الاقتصاد البترول
وفى السلطة مؤتمروطنى وحركة شعبية
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: mohmmed said ahmed)
|
كنت اتابع برنامجا خاصا عن احدث مترو في العالم واعلاهم مواصفاتا (مترو دبي الذي نفذ في 4 سنوات فقط وفيه اكبر محطة في العالم واطول خط اتوماتيكي ) ونظرت الي الساعة فوجدت ان ميعاد اغاني واعاني قد ازف فرجعت الي النيل الازرق فوجدت اهلنا يغنون مع سابنتود احدث الاسبيرات الكورية واروا وشاي الزرافتيين والفارس وكراسي الجلوس وخديجة وقعت من البلكونة
ان التطور والتقدم عزيمة واصرار و عمل وليس شعارات وسفسطة ومكابرة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
الاغاني الثلاث كان يمكن ان تؤدي باحسن مما كان فهي اغاني سهلة وقريبة من الوجدان .. للاسف مسالة البخرات وعدم الحفظ والاستعداد هما القاسم المشترك في حلقة هذا العام مع سوء الاعداد العام ومسابقة اكوج (من كوجن وهي من مقتنيات ممكونة الاعتبارية ) للملابس
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
| Quote: لا باس بها ( حلقة ) |
دة كلام يا ود العباسية .. لاباس بس .. الواحد ينتظر سنة كاملة متخيل كرديت ودبستنغشن يجي يلقي "لاباس " ...يعني بترضي انو بعد سنة قراية ام دق يدوك "لاباس" ...قراية بالمراسلة ساااي الواحد بيجيب فيها جيد جدا تجي في حصص السر قدور تاخد "لاباس" ...تعليم متهالك .. مش!!
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
| Quote: والله يا ابوبكر يا فنان |
كتر خيرك يا طارق اخويا .. لكن الحكاية باظت خالص الواحد طلع من السودان قبل كام وتلاتيين سنة وواكب وعمل كجزء من العالم التي استعانت بها دبي للتطور بادارة واعية ودون ضجيج وما زلت اعمل كاحد المهنيين في موقع متقدم ولدي اهم شركات التطويير العمراني واشعر بالغضب الذي يصل الي القهر وانا اري بلادنا كيف تصر علي ان تتهاوي وضجيج ساستنا يصم اذانهم قبل اذان العالم وادعاءات باننا فعلنا كذا وكذا واننا بنينا الدولة الفلانية والعلانية واننا صنعنا طائرات بينما اسراب الطائرات من الحشرات لها اكبر القواعد في العالم في بلادنا .... اخر انجازاتنا هو فلتر زيت صباح ......دة كلام ياعالم
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
السلام عليكم
......
يا سلام عليك يا منار
ابداع
صوت مصمم خصيصاً لأداء الأغاني النسائية
ولا أروع
....
الحلقة عن الأغاني النسائي
وعندنا 3 مطربات
البديهة تقول أن الغناء النسائي على قلته مصمم لأصوات نسائية
لزومو شنو عاصم وعصام وشريف ونادر
هذا لا يمنع أن نقول أن شريف الفحيل أبدع في "يا حمام يا زاجل"
......
عيون المها يا عيون
الله يرحمك يا عبد العزيز العميري
....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
منى الخير
منذ الصبا ومنى الخير عندي ليست مجرد مطربة ذات صوت شجي ، ولعلها ( الشلوخ المطارق ) التي جعلتني ارى فيها امهاتنا وخالاتنا
كثيرا ما تساءلت لماذا لم تحظ اغاني منى الخير بالشهرة الكافية مع مافيها من حلاوة وتطريب ، وكان لدي شعور ( مجرد شعور ) بان السر قدور ( حا يعملها ).
الشابة الرائعة منار جاء صوتها شبيها بصوت منى الخير حين صدحت باغنية ( عشان هواك ) واذا تركنا دواعي الاعجاب الاخرى جانبا فبلا شك فمنار هي صاحبة الصوت البرنجي ليس من بين مشتركات برنامج اغاني واغاني بل بين مطربات البلد كلتها بقلعاتها وحصونها ز
اثار فينا الشجون الابن الرائع بحق شريف بادائه اغنية ( حمام يا زاجل ) وتملكتني الرغبة في الاتصال بها ، ولكني لعنت ابليس ، اكيد ( بها ) لا اعني منها منى الخير
كسرة
حين يصدر الغناء من مطرب يتلصص الى ورقة رمى بها على الارض يعطيك نفس الاحساس حين تدرك ان الازهار الجميلة التي امامك من البلاستيك ، فتتلقى الغناء خاليا من اي عاطفة او احساس
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: saif addawla)
|
منار: والله منافسة خطيييرة لسميرة دنيا
عصام: فلهمة مافى ليها اى داعى.. وياخى دى اغنية اى زول حافظها
ما اغنية محتاجة لبخرة.. اسوأ من ذلك قفلة الكوبلى.. غايتو انقذك ذكاء محمدية
بعدين شينة فى حقك انو معتمد على بخرات لاغانى تكاد تكون محفوظة
امس الاول انت اغنية الشفيع (انسانى) بشتنتها بشتنة شديدة.. بادى بالكوبليه الاخير
ومدخل مقطع من الكوبليه الاول فى نص الغنية وووو
بعدين يا مخرج البرنامج: هنالك اختراع اسمو (البروجكتر) بدل ما الجماعة يتبهدلو فى مسألة البخرات بالصورة دى
حضر ليهم الاغانى مكتوبة فى اى لاب توب موصل مع البروجكتر..
واعكس ليهم الاغانى الـ حيغنوها انشاء الله فى الحيطة.. وما ديرين نتكلم عن (ال سى دى) وكدا
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: saif addawla)
|
اتذكر سهرة لبرنامج (صالة العرض) احد افضل برامج الاذاعة زمان
وكان ضيف البرنامج انس العاقب.. وكان موضوع الحلقة برعى محمد دفع الله
وفى مسألة اجازة الاصوات النسائية ومدى التزام برعى
قال انس العاقب لعلم الدين هاشم:ياخى برعى لحدى ما مات كان هنالك 5 مغنيات
اليوم هنالك اكثر من 500 غناية .. ياحليلك يا برعى
الاخ احمد القرشى
بالله ورينا من هم الشعراء الذين كتبو للفلاتيةو منى الخير
لانو المعلومة دى بقينا ما منتظرنها من عمك
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
رحم الله الفنانة الرائعة منى الخير فهي تستحق أكثر من حلقة ..
وتستحق أكبر مساحة للتحدث عن فنها وتاريخها الغنائي ..
منار وشريف كانا أكثر من رائعين ..
والديتو بين رماز ونادر جميل ..
كنت أتمنى أن تكون الحلقة نسائية بحتة ولكن عمنا السر مستحيل ما يجامل ..
| Quote: لكن اوضة الشفع كانت قاعدة مطرفة وشايلة مايك وهي البتغني ... |
باشمهندس أبوبكر سلام ..
ياخي الزولة دي غناية شديد وأنا متابعها من مدة طويلة وإسمها شذى شيبان ..
صدقني يا هندسة الزولة دي بتغني للشفيع ولا أروع ..
بالله عليك أسمعه كده بي مزاج وادينا رأيك قد نفرد لها بوست هنا ..
أما مسألة اللبس دي قطعه في حنانك ساي
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: معتصم دفع الله)
|
Quote: باشمهندس أبوبكر سلام ..
ياخي الزولة دي غناية شديد وأنا متابعها من مدة طويلة وإسمها شذى شيبان ..
صدقني يا هندسة الزولة دي بتغني للشفيع ولا أروع ..
بالله عليك أسمعه كده بي مزاج وادينا رأيك قد نفرد لها بوست هنا ..
أما مسألة اللبس دي قطعه في حنانك ساي |
يا معتصم اها اكان صوتا كويس تنفع في الاذاعة .. حنسمعها اوديو فقط ..السماع دة عايزلو سلطنة ومزاج بعدين تجي اوضة شفع تخربو فاحسن ليها تبقي مطربة اوديو ....
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
ابوبكر
بالعكس حلقة امس في النيل الازرق كانت جميلة والنقاش فيها كان متجدد وفيهو جوانب واتنقاشو عن عمل المراة
واحدة طبيبة وواحدة صحفية وواحدة طالبة ماجستير وزوجها عايزها تقعد في البيت
النقاش كان غير
انا السهرة عجبتني
لكن اوضة الشفع بعد الاجازة دي صرخت فينا لما راسي هسة داير يتكسر بالصداع بسببها
احول منها واجي القاها لسة بتغني
عجييييبة
ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير
رغم انو مرة مرة كنت بسمع تابيتا
لكن السهرتين مع بعض ما بجوا
غايتو ناقص كتير
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
| Quote: امس رماني حظي العاثر امام شاشة للنيل الازرق بالليل خالص وشفت حاجة كدة زي اوضة الشفع بعد الاجازة.. جماعة جالسيين حول تربيزة ومعاهم سعد ( والزول دة بيجيب لي ابو الشهيق كدة لله في الله ) وبنية تانية لابسة توب بس وشها تتراسايكليني |
نحن يا ابو بكر طوااالى حظنا العاثر برمينا فى سهرات النيل الازرق البتفقع المرارة دى
والله يا ابو بكر تلحق تفتح (بوست)عن سهرات النيل الازرق ينطو ليك ناس اضعاف البزورو نجوان فى اغانيها واغانيهادى
حتكتشف ان هنالك الاف الناس ممغوسين لكن مالقين يفضفضوا
شى عن زولك البجيب ابو الشهيق..شى عن مذيعات بره الشبكة (ودى على فكرة مسرحية رهيبة)
واشياء عن ضيوف لا تسر الناظرين ولا السامعين..
اما سهرة امبارح.. تخيل انو زولك بسأل فى الضيوف اى واحد لاقى زوجتو كيف ؟؟وحصل شنو لحدى ما تزوجو..
ياخى جنس بياخة قصص.. غايتو اسكت ساى
ماكان احسن ليك يا ابوبكر: تكمل برنامجك عن مترو دبى ونهضتها المعمارية التى شغلت الدنيا
ياخى :مالك ومال بلاويناومحنا دى.. ؟؟
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
Quote: ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير |
انا نفسى يا شبكا: اعرف انو البت دى الاقنعها منو بقصة الغنا دى
بعدين ياخى القال منو انو الزول عشان يشتهر مفروض يبقى غناى او غناية؟؟
الغنا قبل كل شى موهبة.. والموهبة وحدها هى التى تصنع اسماً للفنان وترتقى به المراتب العلى
ما كفاية انو فى ناس طبلو ليك.. او ناس باقين ليك ضهر
يا خى هى دى بلد شنو دى .. اى حاجة تعملها لازم تكون مسنود عل ضهر
الله يكسر كل الضهور الجابت لينا ناس زى دى
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
| Quote: حتكتشف ان هنالك الاف الناس ممغوسين لكن مالقين يفضفضوا |
انا غايتو ياابو علي اها بس رمضان بلقي لي وقت اتعثر في النيل الازرق ولذا افضفض علي طول ...
| Quote: ماكان احسن ليك يا ابوبكر: تكمل برنامجك عن مترو دبى ونهضتها المعمارية التى شغلت الدنيا |
كوني احد التروس العملت في هذه النهضة فاحاول شوية تغيير فاقوم واتعثر في النيل الازرق وتبقي بدل عثرة حفرة غريقة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
الاخ حسن سنوسي
Quote: منار: والله منافسة خطيييرة لسميرة دنيا
عصام: فلهمة مافى ليها اى داعى.. وياخى دى اغنية اى زول حافظها
ما اغنية محتاجة لبخرة.. اسوأ من ذلك قفلة الكوبلى.. غايتو انقذك ذكاء محمدية
بعدين شينة فى حقك انو معتمد على بخرات لاغانى تكاد تكون محفوظة
امس الاول انت اغنية الشفيع (انسانى) بشتنتها بشتنة شديدة.. بادى بالكوبليه الاخير
ومدخل مقطع من الكوبليه الاول فى نص الغنية وووو
بعدين يا مخرج البرنامج: هنالك اختراع اسمو (البروجكتر) بدل ما الجماعة يتبهدلو فى مسألة البخرات بالصورة دى
حضر ليهم الاغانى مكتوبة فى اى لاب توب موصل مع البروجكتر..
واعكس ليهم الاغانى الـ حيغنوها انشاء الله فى الحيطة.. وما ديرين نتكلم عن (ال سى دى) وكدا |
ابدعت فيها دي يا سنوسي لكن والله لكن منار ما اظنها تنافس سميره دنيا ...ريماز ميرغني ممكن...!!
صديقي معتصم
هسع انا باسمع في شذي في اغنية الشفيع اله فني ...روعه
اختنا شبكه
Quote: ولما مشيت الشروق لقيت بت ام لعاب ديلك بتغني
تضرس باللمعان والاكسسوار اللباساهو والبلوزة ورق السجاير
|
والله قدر ما نحت راسي ما عرفتها ...ممكن خيارات...؟
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
..
.
والله يا حسن وطارق ..
فعلا حاجة تحير خرمجه عصام للاغنية امبارح
بالجد الزول دا عايز اسالو فى الموضوع دا ..
ما ممكن يكون ما حافظها ..
يكون زعلان .. ياربي ..
اساسا شايفه تسجيلو المره دى زى المجبور
_______
عموما الواحد بقى البرنامج دا ما بحضروا
الا عشان حاجتين .. يشوف عوض احمودى فى مقطع موسيقى
او ابتسامه ريماز بعد كوبلية وتخت المايك جنبها ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
| Quote: يا معتصم اها اكان صوتا كويس تنفع في الاذاعة .. حنسمعها اوديو فقط ..السماع دة عايزلو سلطنة ومزاج بعدين تجي اوضة شفع تخربو فاحسن ليها تبقي مطربة اوديو .... |
والله يا هندسة البت دي غناية ..
ولمن يجيك المزاج والسلطنة أسمعه وخصوصاً في أغنيات الشفيع ..
Quote: لكن اوضة الشفع بعد الاجازة دي صرخت فينا لما راسي هسة داير يتكسر بالصداع بسببها
احول منها واجي القاها لسة بتغني |
ظلمتي البنية يا شبكة والله ..
صحيح لبسه أمس ما كان حلو لكن شوفيها بالتوب ياخ
وأتفق معاك إنو الحلقة كانت حلوة وبتتكلم عن حياة الناس العاملين وأسرهم ..
| Quote: هسع انا باسمع في شذي في اغنية الشفيع اله فني ...روعه |
بالجد الزولة دي غناية يا باشمهندس ..
تعرف يا صديقي الاعلام في السودان عنده ناسه وعشان زولة زي دي تاخد فرصتها أظنها محتاجه للكثير ..
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: معتصم دفع الله)
|
الزوول:
Quote: تطور خطير حصل لي
زمان ...
كنت بعد احضّر "الفيليه" والقهوة والذي منو
يستحيل اتحرك قبل الحلقة تنتهي
ولو اضطريت فكنت أوقف التسجيل وربما أرجع اشغلو من الأول
اليومين ديل عااااااااااادي
أدخل وامرق زي الما حاصل حاجة
واتفاجأ بان الحلقة انتهت
ومرات كمان بقيت أحمد الله على نهايتها
يا ربي أنا براي ولّ الحالة عامة |
الحالة عامة
Quote: "قالوا" الحلقة الليلة مملة
"وقلنا" ليهم الحسنة الوحيدة كانت شريف الفحيل |
Quote: يا سلام عليك يا منار
ابداع
صوت مصمم خصيصاً لأداء الأغاني النسائية
ولا أروع |
يا زوول يا فنان ذوقك عالي ..لك التحية
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: معتصم دفع الله)
|
معتصم
Quote: ظلمتي البنية يا شبكة والله ..
صحيح لبسه أمس ما كان حلو لكن شوفيها بالتوب ياخ |
انا لما اشوف الفنان في التلفزيون معناها الصورة لازم تكون مكتملة
صوت وصورة
لكن اسمع من غير اشوف ما بقدر
لو كان سمع كان تجي في الرادي نسمع ونتسلطن
لكن لبسها عجيب
وبالمناسبة قبل كم يوم كانت اما في هارموني ولي الشروق بتوب
الغنية كلها تصلح في التوب
وكان في صوت في الساعة ديل بضيع
طبعا مع احترامي لرايك
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
Quote: بالعكس حلقة امس في النيل الازرق كانت جميلة والنقاش فيها كان متجدد وفيهو جوانب واتنقاشو عن عمل المراة
واحدة طبيبة وواحدة صحفية وواحدة طالبة ماجستير وزوجها عايزها تقعد في البيت |
يابتي انا مشكلتي "النظر" اصلو لابس نطارة زمن ما النطارات في السودان كانت زي القمر الصناعي ما بتلقاها الا في ناسا ...دة زمااااان.. اها الزغللة بتاعة الاصفررر ما بنقدر عليها
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
ما اثقل من سهرات النيل الازرق
الا سهرات خيمة الشروق
ثقالة وخفة دم ورشاقات
فى سهرةكدا فى النيل الازرق زول كدا يتكلم خارم بارم
الحماروالكارو
والتانى يكرر الفن المحبة
كلام مجانى فى الهواء
الزولا شذى لا شكل لا مضمون
شروق دايرا تكون فنانة بالعافية
الاعلام ممكن يسمى زول جاهل مثقف
وممكن يلمع سياسى ويسميهمو الاستراتيجى
وممكن يجيب انتهازى ويقول عليهو مناضل
لكن مهما بلغ من قوة ما بيصنع فنان دون موهبة
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: الزوول)
|
Quote: وشفتي ندى القلعة وعفاف أمين
بت اللعاب شنو البريئة ديك ؟
والله كنتي قمتي جارية عديل كده
...... |
الزول
ندي وعفاف ديل يوماتي من يوم 15 رمضان بعد الفطور
لكن لي هسة ما جاني صبر اقعد اسمع لي جملة عشان اعرف البرنامج بتكلم عن شنو
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
الساعة 8 ثمانية ونص مساء وبين مشاهدة تدشين مترو دبي اطول مترو يسير من غير سائق في العالم وبه اكبر محطة مترو في العالم تحت الارض وتم تنفيذه في وقت قياسي وتم تسليمه في الوقت المحدد اليوم 9 9 9 والعودة الي مشاهدة النيل ازرق وجدت اننا يادوبك وصلنا دبي من خلال شعيرية الخليج من مصنع دبي في الخرطوم ...عجبي وبرضو ينط واحد ويقول نحن البنينا الخليج مش كدة !!!
اها خلونا مع عمك السر ونرجع لواقعنا ارضا
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
سلامات يا قريبي
| Quote: قصدك يا عزام قريبنا محمد اسماعيل عبد الجليل ( السجانة) بن اخ قريبي سليمان عبدالجليل بحكم انني غائب كتير فلا اعرف هل ما زال يغني ام تقاعد |
يا سلام على محمد اسماعيل ..
أكثر من يجود أغاني الكاشف ..كنا نستمتع به في حفلات الزواج بالصحافة ..
على حد علمي ، أصدر ألبوم واحد .. و مازال قابض على جمر حفلات المناسبات ..
رمضان خش العضم ولا شنو يا باش 
| |
|
|
|
|
|
|
|
|
|
Re: أغاني وأغاني.. للقدامى والمستجدين.. (Re: Alsa7afa_30)
|
اول يوم منذ بداية رمضان الاخ عصام محمد نور يؤدي بطريقه جاده وبدون اي لولوه
ولو خلا ضحكاتو الماليها اي معني دي يكون تمام التمام
ابوبكر عزام والله ود حلال ان شاء الله كل يوم تجيبو سيرتو
لكن يا اخوي ركز علي الاسم رمضان قرررررررررب
| |
|
|
|
|
|
|
| |
بابكر التوم
abubakr
Mayada
وليد عبد اللطيف
ودالعباسية
الزوول
Ahmed al Qurashi
SHIBKA
طارق جبريل
mohmmed said ahmed
معتصم دفع الله
عبدالله الامين صالح
mamkouna
saif addawla
الحاج حمد الحاج
احمد العربي
Alsa7afa_30
فيس بوك
تويتر
انستقرام
يوتيوب
بنتيريست