|
|
 تهانينا لعضو المنبر جمال الصادق .. جابوا ليهو بنية
|
هـاهـو فارسـنا جمـال حسـين ، يمنحنـا شـيئا للتجـلي ،
وهـاهـي الأمـيرة هنـادي ، ترسـم فـي قلـوبنا الفـرح ، والسمـاء الجمـيلة تهبهمـا (طفـلة) جمـيلة ، تضـاف لأطفـال بلادي اليـوم ، و (للجكـس) غـدا ...
تهـانينا القلبيـة لعضـو المـنبر (جمال الصـادق) ولزوجـته العـزيـزة (هنـادي)
ألف مبروووك جيمـي وتتربى في عـزك ...
تنبيه :
السماية بعد اسبوع من اليوم ، وقد تم فتح باب التبرعات من أجل الخروف ، كل التبرعات ستكون بطرف العزيز نازر محمد الخليفة ...
|
|
 
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: ghariba)
|
العـزيـز ، قـريبـة ...
التحـايـا والـود ، وكل عام وأنت بخيـر ...
نيابة عـن صـديقي جمأل ، وعزيزتي هنادي ، أشكـرك أجمل الشكـر ....
| Quote: وعاوزين ندوق السماية |
ومرحب بيك ، لو ما شالتك الخليلة ، تشيلك توتي ، ولو ما توتي ، اشيلك الراس ...
بس ما تنسى التبرعات (بطرف الأخ ناذر)...
مع تحياتي ...
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: سفيان بشير نابرى)
|
عزيزي رابع الذ زول (بعد بنت جمال)عبدالعظيم ،
وبالمناسبة انا قلت لي جمال سميها (سحر)!!!!
كل عام وأنت بخير ...
وقريبا سأزورك ...
صديقي العزيز سفيان ...
التحايا والشوق والحب ...
| Quote: الف مبروك البنية والبنيات اجمل المخلوقات لو علمنا نحن ذلك. |
صدقت يا صديقي البنيات أجمل ، وأروع ،وأعظم مخلوقات الله ...
لكن البقنع الديك شنو ؟؟
وعندنا مقولة أيام الجامعة مؤمنين بها تماما : (إنو الرجال جزم ، بس النسوان ما بقدرو يمشو حفيانات ...)
تهانينا للكل ...
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: حسين يوسف احمد)
|
حسين الجميل
الف مليون مبروك لجمال وهنادى ، كنت قد هاتفتهم امس بعد إستقبالى للخبر عبر رسالة موبايلية من ابو البنية جيمو. مبروك مجددا لجمال وهنادى وعقبال الباقين (إنت عارفهم مش؟) ، ربنايجعلها من بنات الوطن الصالحات المناضلات وكفايه أنها من صلب أصلد مناضل ومناضله، وياريتك يا حسين كنت دخلت الجو كنا فرحنا بولدك الى حيتزوج بنت جمال وهنادى ويا له من نسب.
التهانى موصوله لعمر شيخون وعموم أعمامها وخيلانها وانت أولهم يا وغد
سحر يا مفترى !!!!؟ ، دى لازم يختاروا أسم ما إتسمى قبل كده واذا فى تبرع المفروض يكون بالأسماء الجميلة والمعبرة ولا رأيك شنو يا سحس ؟
موقعك وين أنت هذه الأيام ؟ أرجو الإفادة للضرورة .
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: عمار عثمان بشير)
|
جمال و هنادي الف مبروكـ
و تتربي في عزكم انشاء الله
لكن تعالو قولو لي
شنو قصة ولاده البنات الماشه في البلد اليومين ديل !!
انا جابو لي بت
4 من اصدقائي = 4 بنات
2 من صديقات زوجتي 2 بت
مشكلة كبيره يا جمال يا اخوي
البنات ديل ملابسهم بس بتشطب من الميزانيه 3 بنود
-سجاير
-قميص و بنطلون كل شهر
-تقلل امواس الحلاقة
شيل شيلتكـ بقيت للنص 
لكن برضو الف مبروكـ تاني لانو البنات جميلات
و سفيان اخوكـ ده عندو حكمة قالها لي
خلي يقولها ليكـ
مفيده جدا
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: حسين يوسف احمد)
|
حسين يوسف
سلام يا صاحب
جمال (ابو البنية) مبروك البت ياخ وكل سنة انت ووالدتها بالف خير وهى بصحة وعافية
| Quote: وينك ياراجل ... من رحلة توتي لم نلتقي ... |
شقاوة بس يا صاحب مانعانا نتلاقى
لكن يوم الاربعاء حاول اظهر فى لقاء البورداب بتاع الحدايق ده لانو ح يكون لقاء عاصف
وانا ناوى (اخت ) الكورة واطة.
طارق ابو عبيدة (ابو لقاء)
كل سنة انت وام لقاء ولقاء بخير
ايوة صح قلتليك كده :-
Quote: تعرف يا طارق انا رأسى (الكعب ده) من زمان بفكر انو اى بيت تكون كبيرتو بت الاولاد بطلعو متربين سمح.
عشان كده اتمنيتا لينا بت واهو جاتنا لقاء. |
ولى هسى مقتنع بالكلام ده
وعايز تتاكد منو (كان انت كان جمال) شوفوا اولادكم (الزكور ) ح يطلعوا ناس سمحيين خلقه واخلاق .
وياجمال وخدر انا فعلاً فرحان بانكم جبتم بنات.
وكونو بخير
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: حسين يوسف احمد)
|
شكرا الاخ حسين لإيراد هذا الخبر المفرح ..
وإنشالله يا أخ جمال تتربى في عزك وألف مليون مبروك ..
| Quote: السماية بعد اسبوع من اليوم ، وقد تم فتح باب التبرعات من أجل الخروف ، كل التبرعات ستكون بطرف العزيز نازر محمد الخليفة ... |
بالله سلموني التبرعات نقدا يعني ما داير زول يجيب لي باقي الكرشة بتاعت خروف العيد ويقول لي دا تبرعي 
صنفرة :
رغم إنو زيارتي الجاية كان يفترض تكون بعد ما يسوو الكبري لكن الظاهر حا اعمل لي زيارة إستثنائية
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: محسن عبدالقادر)
|
صديقي العزيز عمار ...
التحايا والشوق ...
عليك الله شفت الشفع ديل عملوها كيف ...
إتخيل معاي ، جمال بهرش في بتو لأنو لقاها خالطة !!! وهنادي تقول ليهو أوعك ، إنت نسيت أيام الجامعة والكنتر والسلم وبلوك 7 ، ولا أنادي ليك أعمامها وخالاتها !!!
والله زمن ...
| Quote: وياريتك يا حسين كنت دخلت الجو كنا فرحنا بولدك الى حيتزوج بنت جمال وهنادى ويا له من نسب.!! |
بالااي .. أنا أبقى نسيب جمال وهنادي ..!!
والله أولادنا إلا نجيب ليهم شركة أفراس عشان (الأبيض .. الربوة .. توتي .. الخليلة .. وبالعكس )...وفي رواية أخرى ( وبالجكس )
| Quote: سحر يا مفترى !!!!؟ ، دى لازم يختاروا أسم ما إتسمى قبل كده واذا فى تبرع المفروض يكون بالأسماء الجميلة والمعبرة ولا رأيك شنو يا سحس ؟ |
بربك وهل هنالك أجمل من هذا الاسم ( ومن معناه العميق ) !!! أنظر معي :
سحححح..ححح..حححر
أجل فليكن اسمها سحر .. وبالعدم كدا (إيناس) ههههههههههههه!!! 
| Quote: موقعك وين أنت هذه الأيام ؟ أرجو الإفادة للضرورة . |
اليومين ديل في الخرطوم .. وسأكون بها حتى نهاية الشهر .. أصلو جيت أشيل الباغة من ناس جمال وهنادي ...!!!
مع التحايا والود والأشواق ...
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: حسين يوسف احمد)
|
العزيز خدر
التحايا والود ...
أول شي مبرووووك البنية ....
| Quote: شنو قصة ولاده البنات الماشه في البلد اليومين ديل !! |
فالنحمد الله على ذلك ...
فالله لطيف بعباده ... ومن لطفه بنا أن يقلل نسبة الرجال في هذه الدنيا ...
فالرجال مصدر أساسي لكل شرور العالم ...
يوقدون النار ، فتقضي على الأخضر واليابس ...
وهؤلاء القوارير الرائعات يوقدن النار ، فنأكل ونشرب ...
من لطف الله بنا أن يهبنا بنات ...
وهل هنالك أجمل وأعظم منهن !!!
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: حسين يوسف احمد)
|
صديقي العزيز جمال ...
تهانينا من الابيض لي الخليلة ، مرورا بالربوة وتوتي ، وإنتهاءا بمدني الجميلة التي شهدت قصة ميلاد (سحر) ...
طبعا أنا سميتها سحر .. شئت أم أبيت !!!
وسميتها (سحر) لأني حسيت بيك (إرتحت) خااالص لمن إتولدت ... ولمن طلعت من بطن أمها ...
وبالمناسبة دي يا صديقي ، إنت بعد كدا مفترض تطلع من البيضة دي !!!
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: حسين يوسف احمد)
|
العـزيـز نـاذر ...
التحـايا والأشـواق ...
| Quote: بالله سلموني التبرعات نقدا يعني ما داير زول يجيب لي باقي الكرشة بتاعت خروف العيد ويقول لي دا تبرعي |
وأنا بدوري بمدك بوسائل المسـاعـدة :
دي لتبرعات الرجال ( ناس قريبة ، سفيان ، عمار ، عبدالعظيم ، خدر ،حمزاوي ، وراق ، منتصر ، والعم المغترب محسن ...الخ ) 
ودي لتبرعات النسوان ناس (...و...و.....الخ) 
ودا تبرعي أنا (مادي عيني) ، 
صنفرة الصنفرة :
| Quote: رغم إنو زيارتي الجاية كان يفترض تكون بعد ما يسوو الكبري لكن الظاهر حا اعمل لي زيارة إستثنائية |
أطمئنك .. السماية في الخليلة الفكي هاشم ... منها وشندي ...
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: عمر ادريس محمد)
|
شباب سلام ...
نيابة عن صديقي العزيز جمال ...
يسعدني أن أخبركم بأن السماية يوم غد الأحد 22 يناير ...
مكان السماية ، الخليلة الفكي هاشم ، وليس توتي يا ناذر ..
والدعوة غداء ، أكرر غداء ،
وأحذر من المشوار ، الواحد يفطر ويتوكل على الله ، ويتحرك ، عشان ما يصل مواعيد العشاء ...
فيبقى (كشا .. مشا .. عزمو غدا جاء عشا)...
الدعوة موجهة للجميع بالرغم من أن حصيلة الدعم بطرف الأخ ناذر ، كانت صفر كبير ، أكبر من صفر الهلال الدولي ...
وبالمناسبة الاسم المختار هو : منتهى ، لتكون : منتهى الجمال ...
ملحوظة
توجد مواصلات بعد العض ...
| |
|
|
|
|
|
|
|
|
|
Re: تهانينا لعضو المنبر جمال الصادق .. جابوا ليهو بنية (Re: bayan)
|
الأعــزاء جـدا ...
تمـاضــر ...
أحمـد الشــايقـي ...
بيـان ...
التحـايـا والتقـديـر ...
أبـو منتهـى كلفـني بأن أشـكـركم نيـابة عنـه ، وعـن حكـومـته ...
فهـو لا زال مشـغـول باستـقـبال الضـيـوف ، وبحـاجـات تـانـية كـدا ...
يشـكـركم جميـعا ، وإن كـان خـذلتـوه فـي السمـاية ...
المهـم بكـرة سيعـود انشـاء الله ...
مـع الـود والتقـديـر ...
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حسين يوسف احمد
ghariba
سفيان بشير نابرى
خدر
gamal elsadig
إسماعيل وراق
ناذر محمد الخليفة
محسن عبدالقادر
عمر ادريس محمد
Tumadir
bayan
فيس بوك
تويتر
انستقرام
يوتيوب
بنتيريست