ناسنا..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-09-2018, 09:28 PM الصفحة الرئيسية

مكتبة محمد المرتضى حامد(محمد المرتضى حامد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-12-2007, 01:09 PM

Abdul Monim Khaleefa
<aAbdul Monim Khaleefa
تاريخ التسجيل: 28-08-2006
مجموع المشاركات: 1266

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: أم كلثوم . كنت مهووسا بها ... كل خميس من الشهر كان حضور حفلتها أمرا تجاوزه محال .. أقول "حضور" رغم المسافات والإمكانيات فما كانت حفلاتها التي يطير إليها عشاق غناؤها من اثريا العرب بطائرات خاصة أمر متاحا لأمثالي من الطلبة أبناء ملح الأرض .. كان مجرد أن يكون لك راديو تستمع إليها منه أمرا يساوي الطيران الخاص بالنسبة لأمثالي ..


    أخي العزيز محمد المرتضى
    المودة والإعزاز

    بما أن الصديق أبو بكر من عشاق الست أم كلثوم أرجو أن أهديه هذه الطرفة الواقعية ، والتي حدثت فعلاً ذات سحر من شتاء عام 1967م عندما كنت في زيارة لبعض أقاربي في مدينة نيالا.
    فبعد حفل عشاء عامر أقامه لنا صديق من أبناء الأبيض مقيم بنيالا رجعت إلى مكان إقامتي ، واستعدنا طرائف الأمسية الجميلة وقفشاتها ، وتدثرنا بالبطاطين واستسلمنا للوسن في تلك الليلة الباردة بعد أن تبادلنا عبارات تصبح على خير مع خالي الذي كان في سن مقاربة لي .
    في هدأه الليل وسكونه إذا بي أسمع شعراً عذبا من أروع الشعر منساباً بصوت رخيم ، وبنبرات واضحة ، وخلفية من الموسيقى الرائعة .. كنت في حالة لم أدرك فيها هل أنا في يقظة أم منام .. غير أني لم أشأ أن أرهق نفسي بذلك حتى لا أفسد على نفسي تلك المتعة التي أعايشها .. أسئلة كثيرة طافت بذهني ، غير أنني لم أعبا بها حتى لا تصرفني عما أنا فيه من طرب ودرجة عالية من الفرح والسمو .. غير أن أكثر ما كان يلح على نفسي وأنا على ذلك الحال هو كيف يحدث هذا ، إذ لم يكن هناك أي تفسير منطقي للمصدر الذي ينبعث من هذا الغناء المموسق البهيج ..

    قلت لنفسي لعلها درجة عالية من درجات الإلهام ، حيث لم يكن هناك أي تفسير منطقي آخر للمصدر ، كما لم تعتريني من قبل هذه الحالة من الإلهام ( رغم أنني أكتب الشعر أحياناً وتستبد بي بعض حالات التقمص الذي يلح علي في أن أفرغ إحساسي على الورق ) .. راودتني الفكرة أن أتناول قلماً لأسجل ما أسمعه .. غير أنني صرفت الفكرة ، خشية أن أفسد حالة السعادة التي استشعرها ؛ وفضلت أن أحاول حفظ ما أسمع علني أستعيده في وقت آخر ، ثم أقوم حينها بتسجيله .

    خلاصة الأمر هنا أنني تيقنت من أن التفسير الوحيد المقبول هو أن هذا إلهام سامي، وإن كنت غير متيقن من ذلك تماماً ، حيث أن التجارب الوجدانية والأحاسيس المنقولة من خلال هذا الشعر المموسق العذب لا تشابه تجاربي ، ولا المفردات تشابه كلماتي ، مما زاد الأمر حيرة .. وبالمثل صرفت التفكير وركزت على السعادة والاستمتاع :

    يا فؤادي لا تسل أين الهوى
    كان صرحا من خيال فهوى
    فاسقني واشرب على أطلاله
    وارو عني طالما الدمع روى
    كيف ذاك الحب أمسى خبراً
    وحديثاً من أحاديث الجوى

    لم يخرجني من تلك الحيرة سوى ساعة جامعة القاهرة التي أعلنت دقاتها الرابعة صباحا!!!

    التفسير لما حدث هو أن خالي ( والذي هو من عشاق الست ومن المتابعين لحفلتها الشهرية كان قبل أن يتدثر بالبطانية قد دثر معه جهاز الترانسستور داخل البطانية وظل محتضنه!! ولم ألاحظ ذلك ، كما لم يحدثني عن الموضوع .. ولم أكن حتى ذلك الحين من متذوقي الست .. حيث أن دنياواتنا أخر!

    فيا أخ مرتضى صاحبك أبو بكر ليه حق يكون مهووس جداً بالست أم كلثوم ، لكن الست ما ليها حق تمسرحني قدر المسرحية دي !!
    لكما كل الحب

    عبد المنعم خليفة
                   |Articles |News |مقالات |بيانات

10-12-2007, 09:59 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Abdul Monim Khaleefa)

    ماجده عوض خوجلي،
    الأحداث التي مرت بالمنطقة العربية والأفريقية في الزمن الذي نحكي عنه خلّفت في ذواكرنا أغرب
    ما يجتمع في الوجدان البشري ، ولا أغالي إن قلت أن السودانيين من أكثر شعوب الأرض تعرضا للثقافات
    المتباينة باعتبارهم جسرا بين شمال افريقيا العربي وجنوب الصحراء الأفريكاني، تأثرنا بكل أحداث
    المنطقة العربية من المحيط الى الخليج وبالحربين العالميتين الأخيرتين وأثرنا وتأثرنا بشرق وغرب
    أفريقيا و(سربنا) أبطال حركات التحرر من جنوب الغاره الى شمالها ونحن نعرف عن كل الشعوب أكثر
    مما يجب وهذا ما لمسناه عند تفاعلنا مع تلك الشعوب ، نعرف عنها جغرافيتها وطبائعها وساستها وفنها
    ومن النادر أن تجد شعبا يعرف عنا الكثير مثلما نعرف عنه. من الأحداث التي لاتغيب لحظة عن الذاكرة هي تلك
    التي ارتبطت بالقضية الفلسطينية فمن منا لم يكن يأسره صوت فيروز وهي تنشد:
    قلوبنا إليك ترحل كل يوم.. تعانق الكنائس القديمة .. يا قدس يا مدينة الصلاة.
    شكري يا الماجده على كلماتك،



                   |Articles |News |مقالات |بيانات

11-12-2007, 03:09 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    خالد محجوب المامنسي،
    من أناديهم (ناسنا) ليسوا من فئة عمرية محددة بقدرما هم من فئة ثقافية وذواكر متقاربة
    إلى حد بعيد ، تهزهم وتشجيهم أحداث وشخوص معينه ويحتفظون ب (أشياء) تكاد تتطابق ، هنا
    اعتبرني أكبر ناس المنبر هذا سنا ولاتخشى جزئية العمر هذه ، والله يا خالد هناك أعضاء كثر
    في هذا المنبر وجدناهم أمامنا في المدارس لكن لن يتداخلوا هنا معتقدين أن الحديث عن (أمة الأمجاد)
    كمثال سيكشف إحداثيات ميلادهم وخارطة عمرهم، أهم شي يا (شاب) تدينا ذكرياتك فمن يكتب عن مارتن لوثر كنج أو عوض الكريم أبوسن أو جوزيف قرنق أو المحلق أو عثمان دقنه ليس بالضرورة أن يكون من معاصريهم فجيفارا لم نعاصره بل سمعنا عنه بعد سنين من رحيله، دا مجرد استدراج لباقي (ناسنا ) شوف هسه أخونا أبوبكر أبوالقاسم راح (شايت) لي سؤال عن الطلائع والكتائب ايام مايو ووالله لم أشارك في أي منهما لكنني شاركت في مهرجانات الشباب (لوحات خلفيه) وفي الميدان وكان معانا تلميذات لابسات ملون وشايلين أطواق زهور عملوها ناس كوريا الشماليه وهم ناس حريفين في قصة المهرجانات.. علمت الناس يامايو اساس الوطنية، وصباح الخير عليك يا بلادنا ونقولا نعم عشان اولادنا تتعلم .. نقولا من الضمير والفم ...،
    أها يا خالد ألحِّقك إدريس أبراهيم ومايو لينا تسلم ولا كفايه كده؟


                   |Articles |News |مقالات |بيانات

11-12-2007, 07:13 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    علوبه،
    ياخ انت وين،
    يعني مداخلتك الزرقا دي تقول كاتبا بزهرة غسيل ، الهلالاب ماعندنا معاهم مشكله أبدا، مالم يرد في مداخلتك انو لهلال والمريخ
    قبل الإنفصال كنوا فريق واحد هو فريق المسالمه، بالمناسبه دي واحتفاءا بمدرسة المسالمه الإبتدائية رجع الصوره القديمه
    للبروفايل. يا علي الأسماء التي جاءت في مداخلتك من أبناء حي العرب والمسالمه لن يجتمعوا في أي حي واحد في الأرض
    بشهادة قوقل إيرث وحتى يرث الله الأرض ومن عليها، وأظنك متذكر مقولة الهادي نصرالدين لإبراهيم عوض في هذه الجزئية.
    تحايا وسلام كثير وأهديك واحد من ناسنا بنريدو لوجه الله ( تالاهون قَسَّسَا) وعزه في هواك.


                   |Articles |News |مقالات |بيانات

12-12-2007, 04:13 AM

Sawsan Ahmed

تاريخ التسجيل: 29-11-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    انا دايره اعرف ناسنا ديل ...ممكن نمشي نعمل ناسنا2
    يا مرتضي سلامات
                   |Articles |News |مقالات |بيانات

29-05-2010, 09:44 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)
                   |Articles |News |مقالات |بيانات

12-12-2007, 05:59 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13553

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ود المنسي قال:
    Quote: البرنجي برا وابوقندول وابو نخلة ومشروب حرية والبزيانوس


    البزيانوس ده تحديداً بيرجعني لسينما النيل الأزرق ... ونحن شلة من أولاد بري كنا بنمشي النيل الأزرق (كدّاري) .. وجزء أصيل من البرنامج ساندويتش المارتديلاّ وقزازة البزيانوس.

    أبو أكرم ..
    Quote: كأني اراك في العطلة السنويه التي تتخطى الأشهر الثلاث في الثانوية العامة وأنت في ( البرنده)
    نهارا وبيدك عرس الزين أو موسم الهجرة إلى الشمال أو دومة ودحامد ، بالطبع موسم الهجرة كان في تلك السن يقرأ سرا بسبب إشارات بت مجذوب ولغة ( الأناد


    الأمر أيضاً لا يخلو من (أرسين لوبين) .. وأحياناً (المغامرين الخمسة)
                   |Articles |News |مقالات |بيانات

12-12-2007, 10:41 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)




    (( لا ترحلي ))

    (( تفنى الجسوم و تبقى الرسوم ))

    (( أذكريني...فالذكرى ناقوس يدق في عالم النسيان ))

    (( let yourself be guided by the need-to-know ))

    (( SORRY... seems to be the hardest word ))

    (( للذكرى و التاريخ..و المنقة و البطيخ..و الهلال و المريخ ))

    (( من أنا؟ غير نملة في بلاط الإنسانية ! ))

    (( إنتظر حتى تجف مياه نيلي...عن ضِفَافَك ))

    ----------------

    من الصفحات الخلفية لكشكول ...
    مُش (( الكشكول )) برضو من (( ناسنا ))!!!!!؟؟؟؟

    (عدل بواسطة mamkouna on 12-12-2007, 02:36 PM)

                   |Articles |News |مقالات |بيانات

12-12-2007, 01:22 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: mamkouna)

    الأخ الحبيب أبوبكر أبو القاسم,
    ياخ سلامات وشرفت المنبر والبوست ولما يجينا عضو جديد من ناسنا بيبقى المكان أجمل وزي ماقالوا
    أهلنا(السن بتضاحك نديدا) وزي ماقال أستاذنا عبدالمنعم خليفه خوجلي أعلاه اللي زيّك بيبقى
    على طول our peice of cake وفي رواية أخرى على لسانه أيضا our cup of tea ، شايف الإنجليز
    بِعِزوا الشاي والكيك كيف؟ نحن غناينا بعز التوب.
    Quote: وعرفنا إنو عبود إفتتح توربينات الكهرباء التى أتاحت لأهلنا الهتاف بهذا الهتاف الذى لم يكرروه حال حياتهم وحتى مماتهم. ثم لم يطل العهد حتى شاهدنا مظاهرات إكتوبر ضد عبود

    واللي عرفتو أيضا إنو نفس المتظاهرين ضد عبود رأوه بعد اكتوبر في سوق الخضار ببحري مع
    سيارته القديمه فهتفوا له ( ضيعناك وضعنا وراك) ، كدي هسه يا أبابكر شوف الأسماء اللي بتدخل
    برلماناتنا من ما وعينا للدنيا، دي سالفه طويله يا عزيزي ما عايزين نفتحا لكنها تذكرة
    (للمناضلين).
    بالله جبت لي سيرة Rich man poor man ، زمن التلفزيون أبيض واسود وبينتهي بصديق أحمد حمدون
    عطرالله ثراه؟ وبعد القرآن ما تصحا إلا بصوت شششششششششششش والنمل الكثير في الشاشه.
    برضو بنقول بيتون بليس ودالاس وانا أكره جي آر لكن رايان أونيل كان رائعا في مسلسل آخر
    تبخر من الذاكره أما محاكمات أدبية لليلى رستم فقد كان يحبس الأنفاس وطبعا في ناس تانين
    يمكن يبيعوا أي شئ لكن فارس ونجود دونها السيوف. لاحقا جدا أسرتنا رائعة ألكس هيلي (الجذور)
    فكشفت لنا كيف تكون الأعمال الروائع بحق ,
    يا ابابكر، رغما عن مساوئ مايو إلا أن الرقابة على الثقافة أتاحت لنا مالم يتوفر بعدها
    بسنوات طوال وهذه من المفارقات، لذا لن تجد في تلفزيون السودان اليوم الكثير من الأعمال
    الخالدة، والحمدلله أن بعض جمال تلك الأيام ما زال موجودا كمدائح السماني أحمد عالم وأولاد
    البرعي أما الباقي ..البقيه في حياتك.
    تحاياي


                   |Articles |News |مقالات |بيانات

13-12-2007, 09:40 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Sawsan Ahmed

    Quote: انا دايره اعرف ناسنا ديل ...ممكن نمشي نعمل ناسنا2
    يا مرتضي سلامات


    2 أو 3 برضو هم في النهايه (ناسنا) يا سوسن،
    مرحب بيك وكل سنه وانتِ طيبه،
    العيد جاي وفي السودان ربما لأول مرة سيفتقد معظم الأهل (الضبيحه) حسب ما سمعت
    ويبدو أن الجميع سيُعَدِّل أغنية زيدان الجميلة إلى:
    عدت يا عيدي بدون خروف وين لحمنا ووين شربوتنا مع الظروف .. غابو عني.
    سلامي لناسنا 2
                   |Articles |News |مقالات |بيانات

15-12-2007, 06:56 AM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    تهب نفحات ليالي العيد وياليلى ليلك جنا معشوقك تأوه وأنّ
    ومن ناستا الليلة والنوبة والمديح :
    أنا لي في السادة غي لومي ياناس
    ومن ناسنا القمر والبروق والزول أب سناً فضة مالو السلام مابرده
    داك براقاً قبلي
    فوق عربي وفوق إبلي
    قوم يابخيت أحلب لي
    لبن أم زور طايب لي

    واللبن والروب والسعن والكسرة الفتريتة بي موية وبي روب وسمن
    وكل عام وناسنا بألف خير ...
                   |Articles |News |مقالات |بيانات

16-12-2007, 10:46 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: سمية الحسن طلحة)

    Quote: داك براقاً قبلي
    فوق عربي وفوق إبلي
    قوم يابخيت أحلب لي
    لبن أم زور طايب لي


    لك السلام يا سميه يا (ناسنا) وتمنياتي لك ولأخي الجميل الزبير والأبناء بكل جميل،
    كل سنه وانت طيبه وأرجو أن تعود هذه الأيام المباركه على بلادنا بالخير.
    مودتي يا سميه,


                   |Articles |News |مقالات |بيانات

15-12-2007, 07:59 AM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ود المرتضى
    دايما ماتقودنا لضوء القمر
    وتعبئنا بالنشيد
    ............
    الغريبة بوستاتك بتحكمني أشق اللين
    والجوز فيها مابخسر
    ............
    وسعوا الحلقة
    جاييكم راجع بالعراقي والشدة وقلب أبيض
    هي المودة دائما
                   |Articles |News |مقالات |بيانات

17-12-2007, 07:45 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: nourelhadi awad)

    ستظل الأخوات هاديه، أمال ، حياة طلسم ( البلابل) محطة مريحه في طريق ناسنا وكانت لهن
    مشاركات ، تحت إشراف الأستاذ بشير عباس، تركت أثرها فينا حتى أنك لوغبت عن (عزيز) مدة
    وسألته عن حاله بعدها كان الرد الطبيعي: كان سألت علينا كنت عرفت نحن الليله وين، لانستطيع
    أن نلومهن أنهن تغنين لأبعاج اخوي دراج المحن فالغالبية كانت يومها مع (حارسنا وفارسنا)
    ومازال الصحاب عند انتواء التفرق ( تشتيت بلغة اليوم) مشينا؟ بيقولوا: البلابل؟
    تلك المجموعة التي أعادت باعة الفواكه وقتها إلى الواجهة بأغنية شايل المنقه بعد غيبة طويلة
    في غياهب التهميش امتدت من عصر الحقيبة (اهدي لي تفاحه بس أو برتقانه) مرورا بالعنبه الراميه
    فوق بيتنا ثم كونيكشن قام اتعزز الليمون، أحد الأصدقاء كان قد ذكر لي أن أغنية حسن عطيه (خداري
    ما بخلي) سببها كشّة البلديه في سوق الخضار.
    التحية للبلابل وطير الجنه ومشوار شوقنا لأهلنا.


                   |Articles |News |مقالات |بيانات

17-12-2007, 02:16 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: nourelhadi awad)

    nourelhadi awad

    الفنان الجميل النور الهادي نورالهادي،
    عارفك بتجي وقلت (الذكريات) جيّابا،
    تعرف يانور، في أحايين كثيره أحاول التفكير في عقلنة بعض
    الأشياء ولا أصل إلى نتيجة منطقية ولو قلت ليك لسّه بقول ياخ
    قصة البكاء على الماضي ، كمساحة زمنية، والحنين إليه على الرغم
    من أنه يتضمن فترات تزاحمت فيها المصائب والأنواء والأدواء ، هل
    هو حنين لكل ما مضى غض النظر عما يتضمنه اليوم؟
    طبعا في حاجات كثيرة أخرى ما قادر أعقلنا وتقع ضمن ذات النطاق وهذا
    ليس مكانها ولكن سأتحين الكلام عنها حتى لو حدت عن موضوع البوست.

    الله يرحم هاشم ميرغني:
    واقول ليك (ما) تغيب ... وتعال تلقانا بي نفس الأيادي (الحانيه) مشتاقه لساعة سلام.
                   |Articles |News |مقالات |بيانات

16-12-2007, 01:30 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13553

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: بالله جبت لي سيرة Rich man poor man ، زمن التلفزيون أبيض واسود وبينتهي بصديق أحمد حمدون
    عطرالله ثراه؟ وبعد القرآن ما تصحا إلا بصوت شششششششششششش والنمل الكثير في الشاشه.
    برضو بنقول بيتون بليس ودالاس وانا أكره جي آر لكن رايان أونيل كان رائعا في مسلسل آخر
    تبخر من الذاكره أما محاكمات أدبية لليلى رستم فقد كان يحبس الأنفاس وطبعا في ناس تانين
    يمكن يبيعوا أي شئ لكن فارس ونجود دونها السيوف. لاحقا جدا أسرتنا رائعة ألكس هيلي (الجذور)
    فكشفت لنا كيف تكون الأعمال الروائع بحق ,


    لكن يا مرتضض ده ما موضوع بوست براهو ...ومالك نسيت مسلسل (الهارب) ريتشار كمبل "الطبيب الذي اتهم ظلماً بقتل زوجته ....."

    وكانت "فارس ونجود" هي أول علاقة لمشاهدي أمدرمان بالمسلسلات البدوية:
    يا هلا برجال البادية ..
    يا هلا بالخيل الغادية ..
    عشتوا أمجاد
    ماضي الأجداد
    همّتكو والله عالية
    شأننا شأن البادية

    قبلها كان مسلسل (لاسي) الكلب الوفي
    والمسلسل الفكاهي (لوسي)
    ومسلسل فكاهي آخر (أبوت وكوستيللو)

    كان وقت إذاعة المسلسل يصلح نموذجاً لبسط الأمن الشامل في الشوارع .. وحظر تجوُّل دون قرار سلطة
                   |Articles |News |مقالات |بيانات

16-12-2007, 02:48 PM

saif addawla
<asaif addawla
تاريخ التسجيل: 07-12-2006
مجموع المشاركات: 911

للتواصل معنا

FaceBook
تويتر Twitter
YouTube


Re: ناسنا.. (Re: محمد أبوالعزائم أبوالريش)

    العزيز مرتضى

    اليوم احدثك عن ناسنا الحقيقيين ..... كنا في بداية السبعينات نسافر كل عيد الى الحصاحيصا لنمضيه مع الاهل ، وكان الاهالي من سكان القرى التي يمر بها الطريق يتمترسون في منتصفه ( ليجبروا ) ركاب البصات والسيارات على الوقوف ليتناولوا معهم وجبة افطار رمضان ، اي والله ، و...... مرت السنوات وعملت اثناء خدمتي بالقضاء بمحكمة الكاملين ، ومكنتني تلك الوظيفة من الوقوف على حقيقة مرة ، مفادها انه وفي اكثر من مرة وبعد وقوع حادث مرور يعمد بعض من سكان تلك القرى على تجريد الجرحى واحيانا الموتى من ممتلكاتهم واغراضهم الشخصية .

    بديهي ان تلك تصرفات تحسب على البعض ، ولست الآن بصدد مناقشة اسباب نشوء مثل تلك الظواهر والتغيير العجيب الذي اصاب المجتمع وطغيان المادة ، ولكن عنت لي هذه الخاطرة وانت ونحن لا زلنا نحكي عن ( ناسنا )

    سيف الدوله
                   |Articles |News |مقالات |بيانات

17-12-2007, 10:28 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: saif addawla)

    مولانا سيف الدولة

    كيفنك


    Quote: اثناء خدمتي بالقضاء بمحكمة الكاملين


    ما احلى ايام ناسنا في القضائية زمن الابداع في :

    ال Examination in chief
    ال Creoss- examination
    ال Re-examination



    ود المرتضى العيد مبارك عليك
                   |Articles |News |مقالات |بيانات

17-12-2007, 10:28 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: saif addawla)

    مولانا سيف الدولة

    كيفنك


    Quote: اثناء خدمتي بالقضاء بمحكمة الكاملين


    ما احلى ايام ناسنا في القضائية زمن الابداع في :

    ال Examination in chief
    ال Cross- examination
    ال Re-examination



    ود المرتضى العيد مبارك عليك
                   |Articles |News |مقالات |بيانات

17-12-2007, 10:33 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد أبوالعزائم أبوالريش)

    أبوالعزائم ابوالريش يا محمد كل سنه وانت طيب والسنه الجايه في بري العيد"
    المسلسلات لاسي وأخواتها دي قصة طويله ولو فتحت السيره دي بنكون دايرين لينا بوست بحالو،
    أعرف ثلاث بنات ولدن في أيام فارس ونجود وتم تسميتهن (نجود) على سميره توفيق والتي كانت
    تسيطر على كافة المواقع في الضواحي والأقاليم والمداين بجوز عيون مدافع السواحل،
    ريتشمان بورمان دي ما كنا من أنصارا لكن لما ما يكن في برنامج أفضل بنقعد مجبورين.
    بالله يا محمد ذكرني الوكت داك كان في شنو في التلفزيون تاني، أنا ذاكرتي ،، تعيش انت
    كيف كمال كيلا والعقارب ، وابوعبيده حسن، رد الله غربته؟
    .
                   |Articles |News |مقالات |بيانات

18-12-2007, 04:28 PM

علوبه
<aعلوبه
تاريخ التسجيل: 27-07-2002
مجموع المشاركات: 1037

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)


    قلت لى مكتوبة بالظهرة .... المرة دى بالاحمر (مجبورين بس)
    طيب تتذكر ادم المكوجى برضو من ناسنا
    وبرضو هارون المكوجى طبعا الزول ده كبر ورجع دارفور وهسع فى محله واحد اسمه اشرف
    بالله شوف تغير الاسماء مع الزمن والاحتفاظ بنفس المهنة الشريفة التى تجعلنا كلنا قيافة واخر نظافة
    اجيك تانى:-
    تتذكر واحد اسمه اب فدوة ده زول من العرب مشهور بتتبعه لبيوت الاعراس والماتم ومتخصص فى الضلع
    شغلته الاساسية كسير الحطب وهو يجوب الاحياء يحمل فاسه على كتفه وينادى ( المعاهو حطب للكسييييير)
    اجيك تانى :-
    عشان حلب المسالمة مايزعلوا بنتذكر الحلب (اصلهم غجر او نور) وديل احسن حرفة عندهم واحد راكب عجلته وفى السرج البى وراء شنطة حديد فيها عدة الشغل زردية وكماشة وهو ماشى بالعجلة برضو ينادى
    ( صلللللللللللح السسسسسسسسسسسسسسسسسسسسراااااااااااااااااير) بنفس الجرة دى وملحنة كمان
    اجيك تانى :-
    عشان ناس حى العرب اهل الفن والطرب ما ننسى واحد عربى شايل مخلايته فيها حبال ومنشار وماكوك برضو تلقاهو ينادى (عنقريب للتصليح)
    وتانى بجيك ..............
                   |Articles |News |مقالات |بيانات

10-01-2008, 11:01 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: علوبه)

    الاخ العزيز / مرتضى

    افتقدنا هذا البوست كثيرا فى الفترة الماضية وبحثنا عنه كثيرا ولم نجده الف حمد الله على السلامه ونحن فى انتظارك لاثراء هذاالمنبر كعادتك دائما
                   |Articles |News |مقالات |بيانات

04-02-2008, 08:04 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    أحمد القرشي،
    هسه بوست الحقيبه بتاعك ده ما براهو ناسنا؟
    يعني المبارك ابراهيم رحمه الله اللي شايل رايتو صحاحبك عوض بابكر ده مش كان قائد لفرقة مكافحة الوحشه؟
    في إحساسي أن كل أهل الحقيبة من ناسنا غض النظر عن كاتب القصيدة أو الكوراس .
    يا سلام على صاحبك الشيخ طه و (زمني الخاين).
                   |Articles |News |مقالات |بيانات

03-02-2008, 11:35 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: علوبه)

    علوبه،
    في آدم دا بالتحديد صدقت،
    ياخ دا تاريخ في حي المظاهر،
    دا ناسنا بحق وحقيق.
    شكرا يا علي،
    معليش طوّلت الغيبه ، بس ما بالليد.
                   |Articles |News |مقالات |بيانات

10-01-2008, 02:03 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

                   |Articles |News |مقالات |بيانات

12-01-2008, 07:10 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: saadeldin abdelrahman)

    الاخ الاستاذ العزيز / محمد المرتضى


    كل سنة وانت طيب وما زلنا فى الانتظار
                   |Articles |News |مقالات |بيانات

12-01-2008, 07:21 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    الأستاذ الفاضل
    محمد المرتضى حامد



    كل سنة وانت طيب....



    تقديري دوماً
                   |Articles |News |مقالات |بيانات

13-01-2008, 07:07 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: salma subhi)

    الاخ العزيز / محمد المرتضى

    هذا لبوست الجميع والرائع يجب ان يستمر واعرف جيدا ان لك التزامات اخرى فى العمل عايشتها معك بنفسى تجعلك تعود الى المنزل ليلا لكن مع كل هذا نطمع نحن والقراء ان نجدك بيننا .... انت من الذين صنعوا الجمال فى هذا المنبر ويجب ان نتكاتف جميعا لكى يسود هذا الجمال .... نحن فى انتظارك ايها الرائع
                   |Articles |News |مقالات |بيانات

13-01-2008, 09:37 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: هذا لبوست الجميع والرائع يجب ان يستمر واعرف جيدا ان لك التزامات اخرى فى العمل عايشتها معك بنفسى تجعلك تعود الى المنزل ليلا لكن مع كل هذا نطمع نحن والقراء ان نجدك بيننا .... انت من الذين صنعوا الجمال فى هذا المنبر ويجب ان نتكاتف جميعا لكى يسود هذا الجمال .... نحن فى انتظارك ايها الرائع


    احمد اخوى كيفنك

    ناسنا اكان زعلوا بمرقوا من الجنة وسقطها

    والله انا اسردب ساااااااااى للتفلّق واعود تاني تاني لمن سكن الديااااااااااااااااااراااااااااااا!!!!!!!!!!!
                   |Articles |News |مقالات |بيانات

17-01-2008, 12:25 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    هنالك مؤسسات لها تأثير كبير فى حياة الفرد ومن المؤسسات التى كانت لها تأثير كبير فى حياتى مدرسة خورطقت الثانوية ففى هذه المدرسة اكتسبنا الفكر والمعرفة والوعى والاصدقاء ، تعلمنا فيها السياسة وحب الوطن والاحساس بمعاناة الاخرين ... كانت جامعة قائمة بذاتها ... كان هذا هو شعارها والذى يحفظه كل طلابها ...من نقطة فيحاء في إفريقيا البلد العتيد



    من نقطةفيحاء من افريقيا البلد العتيق
    من طقت الكبرى سأعزف معلنا هذا النشيد
    منها سأعلن للدنا للعالم الرحب المديد
    هذا النشيد الحلو رمزا للسلام و للخلود

    أنا عالم تنضم تحت لوائه كل البنود
    لا أعرف الحقد المرير أسوقه فوق الوجود
    من حاضري و فتوتي من وجه ماضي التليد
    سيقودني قلبي الفتي لأبتني الأمل الجديد

    أهوى بلادي و الهوى ينسي المحبين الجروح
    أبني الشباب الثائرين ليرفعوا شم الصروح
    و أقودهم ليهيئوا للناس و للكون الفسيح
    ما ظل يعمل كي يعم الكون أحمد والمسيح

    سنظل نمشي في الصباح مع الحياة الطالعة
    لن نستريح و لن ننام مع العيون الهاجعة
    لن تنحني جبهاتنا مع الجباه الراكعة
    لك يا بلادي للسلام وللأماني الرائعة

    أقسمت أنا ليس فينا من يداهن أو يخون
    إنا هنا بركان نار ليس يهدأ او يلين
    سنصوغ من هذا الحطام سواعد تبني السنين
    و سينتهي المتآمرون و سيسمق الحق البين

    ها نحن دوما يا بلادي سائرين إلى الأمام
    ها قد تدفق نورنا و سرى يرفرف في الحطام
    و برغم كل الظالمين و كل عشاق الظلام
    سنقود إفريقيا و أوطاني إلى بر السلام
                   |Articles |News |مقالات |بيانات

17-01-2008, 04:04 PM

ابوبكر يوسف إبراهيم

تاريخ التسجيل: 11-05-2006
مجموع المشاركات: 3337

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    أخي الحبيب مرتضى

    سلام على روحك الطيبة

    (الأشياء الممتعة في الحياة أقل عدداً من تلك المتعبة والكريهة والمتعبة)
    وارسكين كادويل

    الناس ومنهم أئمة المساجديحتاجون منا لوقفة زهاك هذه الحكاية:

    في احد المساجد (أي مسجد في العالم العربي ) كاد الخطيب أن ينفجر من حرارة دعاءه لله في أن يجد حلا لما يعانيه الشعب العراقي والفلسطيني والنظام في السودان من آلة القتل والتدمير المتعمد والتآمر على حكومة السودان لمجرد أنها إسلامية وكان الخطيب يدعو وموجها كلامه وكليته إلى الله : " من لأبناء العراق وفلسطين وحكومة السودان وشعبه غيرك " . وأخذ العرق من الخطيب حجما كبيرا من البقع على ملابسه إذ لاحظت ذلك لأنني في الصف الأول من المصلين . وقد شعرت أن الخطيب سيدعو الله أن ينزل على المسلمين إما مصانع أسلحة أو أن يبعث طير الأبابيل

    بعد الانتهاء من الصلاة التي خرجت منها بدون كرت اصفر أو احمر انتحيت بالخطيب جانبا وقدمت احتجاجي له على الدعاء الذي لا يعفينا من المسؤولية لما نحن فيه وقلت :" لماذا لا تدعوا وتقول من لأبناء العراق وفلسطين غيركم . إذ ليس الخلاف بين الله وأي إنسان ، لكن الخلاف بين البشر وأنت تريدنا أن نناضل داخل جدران المسجد " .

    فهم الخطيب قصدي على انه تحريضي وليس توعوي فرد علي :" الحمد لله أن الدولة تسمح لنا بإلقاء الخطبة ... كان على عجلة من أمره للتخلص مني إما لاعتقاده أنني مصيبة قادمة له أو أنني رجل مخابرات يمتحنه وهذا بسبب مقدار حجم الخوف الذي يعيشه الإنسان العربي فلم نعد نثق ببعضنا .
    لم يترك لي الخطيب إلا أن استوعب حالة الضعف الإنساني هذه البعيدة عن معنى الآية " الذين آمنوا وعملوا الصالحات " التي تربط الإيمان بالعمل
                   |Articles |News |مقالات |بيانات

21-01-2008, 10:49 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: ابوبكر يوسف إبراهيم)

    كلما حاولت اخاصمك وانسى الامى واساى
    واكتم الغيرة الفى قلبى واطوى جرحى فى الحنايا
    القى اثارك فى حواسى وظلك يتبعنى فى خطايا
    القى كل الدنيا حولى تهاتى باسمك معايا

    **********
    كل طائر مرتحل عبر البحر قاصد الاهل حملتو اشواقى الدفيقه
    ليك ياحبيبى للوطن لترابو لشطأنو للدار الوريقة
    **********

    من كتب هذه الابيات ومن كتب عجبا يقول الناس انك هاجرى وليلة الذكرى ولاحبك وغيرها الكثير يجب ان يكون فى مقدمة ناسنا وخاصة وانه ظل طوال عمره وفيا لحبه انه الشاعر الكبير الاستاذ حسين بازرعه
                   |Articles |News |مقالات |بيانات

04-02-2008, 12:04 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: (الأشياء الممتعة في الحياة أقل عدداً من تلك المتعبة والكريهة)


    د.أبوبكر يوسف،
    شكرا يا سيدي، على الأقل الجيولوجيا تؤكد ذلك والمياه العذبة إلى المالحة في الأرض
    والفقر إلى اليسر ليس أستثناءا كما اللحظات الباهية إلى صحراء العمر,
    مودتي يا عزيز وسعيد بعودتك معافى,
                   |Articles |News |مقالات |بيانات

06-02-2008, 04:28 PM

هشام هباني
<aهشام هباني
تاريخ التسجيل: 31-10-2003
مجموع المشاركات: 47717

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    سعادة المستشار حبيبنا ود المرتضي


    سلامات وبركة الشفناااك والتحايا الغاليات
    لكل الاهل والاحباب والاصحاب هنااااك وبالذات (ناسنا).
                   |Articles |News |مقالات |بيانات

11-02-2008, 08:31 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: هشام هباني)

    العمده ود هباني،

    شكرا لموالاتك هذه المساحة بالتجديد وأقِّدِّر مبادرتك بإعادة الموضوع للواجهة من باب التحريض المحبب،
    الأبنودي عبدالرحمن السمح الذي لاتمر أشعاره بالأذن لأنها ، لشفافيتها ، عندها دهليز سري تمر به من قلبه مباشرة
    إلى أفئدتنا. يا سلام هشام ، أسمع الكلام القديم الجديد دا، الأبنودي من أجمل ناسنا البنريدم,



                   |Articles |News |مقالات |بيانات

11-02-2008, 08:50 PM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ود المرتضى...

    نحن ما نااسك

    سلاااااام...
                   |Articles |News |مقالات |بيانات

11-02-2008, 10:49 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    Quote: نحن ما نااسك


    نَزِّلا,

    أو أي شي من صالح الضي،
                   |Articles |News |مقالات |بيانات

11-02-2008, 11:31 PM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: نَزِّلا,

    أو أي شي من صالح الضي،


    مااناسك..
    صالح الضئ..



    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>

    اضغط للتشغيل..

                   |Articles |News |مقالات |بيانات

12-02-2008, 08:48 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    محمد عثمان،
    مشكور يا الباش الباشق،
    صالح الضي أخرج الكثيرين من أبناء جيلنا في تظاهرة رومانسية تهتف ، وما برحت ، عِش معايا الحب
    وما تكاد الجموع تهنأ باستراحة وجيزة تستجمع فيها أنفاسها حتى تضرب موعدا قبل الفراق تؤكد فيه
    على الحبيب ب: أوعك تخلف الميعاد وانت عارف العمر عاريَّه وقِصّيِّر ما بكفي, وكان التفرق ب: مع السلامه يا جميل يا حلوالدم الشربات مكملو. أوعك تخلف الميعاد أدَّتها فرقة رضا المصرية الراقصة بعرض جد جميل وكنت أطرب للصوت الكورالي النسائي في مقطع (أوعا تطوِّل البعاد وتزيد ليَّا الألم) وكُنَّ يكسِرن ألف (البعاد) ويفتحن صالات الشجى بصورة استثنائية.
    زمن يا محمد ، زمن (بغير عليها من روحي).
                   |Articles |News |مقالات |بيانات

12-02-2008, 09:15 AM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ود المرتضى...

    صااح الضئ خرج من عندنا من الشرق..بورتسودان
    طبعا لم نعااصره هنااك لكن سمعنا عنه الكثير
    و اهل بورتسودان لهم ود خاص مع اغنيااته و بالتحديد التى ولدت
    فى بورتسودان...
    صالح الضئ فنان متكاامل فهو كتب اغلب اغنيااته و لحنها بنفسه
    و ايضا تغنى باشعار الحلنقى و ابو امنة و خليفة الصاادقة
    من زمن بفكر فى بوست لهذا الفنان الكبير..انشاء الله نلقى الوقت و الزمن
    من اغنيااته و التى رغم بساطتها الشديدة اغنية يا عينى ياا عينى
    هذه الاغنية بها شحنة من التطريب يمكنها ان تفجر مدينة بكاملها
    و لعله هذا السر الذى يجعل اغنياات هذا الفنان دايما مطلوبة للبنات
    فى اغانى الدلوكة فى مناسبات للاعراس..يا ربى بس دا كان زمان..؟؟
    ولا هسى كمان..؟؟ ما اظن..

    يلا..و مالك علينا مع الصباااح..

    تحيااتى...
                   |Articles |News |مقالات |بيانات

12-02-2008, 01:52 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    محمد عثمان،
    رحم الله صالح الضي فقد أمتعنا وما زال بشدوه الجميل وأتمنى لو توثق لإبن الثغر الراحل،
    صوت صالح في تسجيلات القاهرة ، التي قدم فيها خلاصة إبداعاته وفنه، صوت لايجارى وله أصداء
    في النفس لاتبارحها,
    مودتي ياالعزيز،
                   |Articles |News |مقالات |بيانات

12-02-2008, 10:58 AM

kamal ali
<akamal ali
تاريخ التسجيل: 21-06-2007
مجموع المشاركات: 362

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)


    محمد المرتضى ,,

    كيفنك يامعتق ,,

    اذهلتنى ذاكرتك القويه ,

    لم نتنازل عن اشياءنا ولكننا افتقدناها نهائيا ,, ايا ترى قد حان وقت الرحيل .

    هل تصدق اننى صرت زاهدا فى هذه الدنيا , لان احساسى يقول : لوكتب الله لنا مائة

    سنه اخرى لاعمارنا , لن يكون فيها يوما واحدا يشبه تلك الايام ,

    لذا تجدنا نعيش على الاجترار ,, اجترار ايام بطعم ( الغريبه ) , افيكم من يذكرها .

    كل التحايا والموده ,,

    كمال سالم



    ( الغريبه ) بضم الغين ,, كان يصيح بها أحد الباعه فى الحى , والله مازال طعمها

    فى الفم .
                   |Articles |News |مقالات |بيانات

12-02-2008, 10:47 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: kamal ali)

    كمال علي،

    كيفك يا عزيز،

    قالوا الموت ما بخوفك إلا لما يشيل نديدك، دا كلام الماعارفين الكلام الصِح، بالعكس يا كمال لما الموت يشيل الأنداد بفقد هيبتو،
    مالك يا كمال جايب سيرة الحياة وطعما البقا مسيخ ؟ داير تساهر بينا؟
    لا أخفيك يا كمال أن الحياة بالفعل لم تعد بالألق الذي كانت عليه ومقولة نجيب محفوظ التي استهللت بها هذا البوست إختصرت لي
    الكثير عندما فاجأت عيوني للمرة الأولى، أحيانا تقرأ كلمات تصفعك وتحزنك و تارة ( تخُجَّك) وترجرجك وتعيدك إلى صوابك، كنت أشاهد
    في قناة تلفزيزنية برنامجا علميا عن ماذا يحدث للإنسان بمرور الزمن ، كيف تتدهور الخلايا وحتى تلك التي تتجدد فهي تنسخ كالصور الفوتوكوبي تقل جودتها كلما خلفتها غيرها حتى تصبح النسخة (باهته) ولاتوجد استثناءات رغم ما يقال من أنه بتقدم الهندسة الوراثية يمكن أن يعيش الإنسان ل 800 عام ويقارب في العمرسيدنا نوح الذي اتفقت الروايتان الإسلامية والمسيحية على عمره وهو 925 – 950 سنة. أها يا كمال الأمر نفسه ينطبق على جهاز الإحساس والسمع والذوق ( طبعا دا للناس اللي عندهم إحساس وذوق أصلا)، وكلما تقدم بناالعمر قصتنا بتتجهجه ويجري علينا من ثم قول زهير بن ابي سلمى ومن يعش ثمانين حولا لا أبالك يسأم، السأم دا بيرجع لأننا نفقد الرصفاء والأنداد والصحاب والخِلاّن والأماكن والقدرة على فعل الأشياء المجنونة الإنقلابية وتردي الطموحات وتسارع الفشل والنكوص والإنحسار واندياح الفواجع، وأسوأ مافي ذلك أننا نصبح من هواة الذكريات وليس صنع الواقع وإعداد الحدث، لما دا كله يحصل يا كمال يصبح المكان الآخر أجمل من الإستمرار في العبث المعاش ، عِرِفت ليه أهلنا الكبار بيقولوا دائما يا ولدي نحن تاني دايرين شنو غير حسن الخاتمة وربنا يجمعنا مع العُزاز الراحو.

    ملحق:
    الغُرَيبه بس؟ الغُريبه الحاجه طيبه؟ دا انت ناسي الداندرمه والترمس والكبكبيك والباعة الجائلين النضاف لدرجة الإستحواذ؟ إنت نسيت حلاوه جكسا وطعم جوز الهند فيها ، أحلى واحده كانت اللي بتتباع جنب مدرسة
    المسالمه الإبتدائية بنات. إنت ناسي بسكويت كوكو ؟ الأبيض أوالبُنِّي كلو قاعد .. في الخاطر.
                   |Articles |News |مقالات |بيانات

13-02-2008, 01:02 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: الداندرمه والترمس والكبكبيك والباعة الجائلين النضاف لدرجة الإستحواذ؟ إنت نسيت حلاوه جكسا وطعم جوز الهند فيها ، أحلى واحده كانت اللي بتتباع جنب مدرسة
    المسالمه الإبتدائية بنات. إنت ناسي بسكويت كوكو ؟ الأبيض أوالبُنِّي كلو قاعد .. في الخاطر.

    عليكم الله ما تنسو..

    حلاوة حربة..
    لبان ماكسي..
    حلاوة لبن..
    حلاوة كسلا..
    حلاوة قصب..
    و..
    قرٌاصة النبق..!!!
                   |Articles |News |مقالات |بيانات

13-02-2008, 08:52 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: mamkouna)

    Quote: عليكم الله ما تنسو..

    حلاوة حربة..
    لبان ماكسي..
    حلاوة لبن..
    حلاوة كسلا..
    حلاوة قصب..
    و..
    قرٌاصة النبق..!!!


    ممكونه ، إنتي كان عندك طبليَّه؟ بالطريقه دي حانفتح كشك (تِشاشه) في البورد زي بتاع سوق (المَلَجَه), لكن اللالوب والدوم والقُضيم وبدرة القونقوليز (التبلدي) والهالوك دي كانت ملازمانا كتير في ترحالنا من أقصى الغرب لأقصى الشرق بس بيني وبينك (كَسرة) قراصة النبق في الخشُم ( بتجبر) الخاطر.
    قال مارون جلاسيه قال.
                   |Articles |News |مقالات |بيانات

13-02-2008, 02:14 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    رحم الله الزعيم الأزهري بقدرما قدم لبلادنا بمعية أفذاذ اسسوا لأول ديمقراطية في تاريخنا الحديث،
    الصورة للزعيم في زيارة لمدرسة الكمبوني بالخرطوم وفقا للمصدر،


                   |Articles |News |مقالات |بيانات

16-02-2008, 07:39 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    قتال الكنغ فو kung fu fighting ضرب من الفن الصيني القديم كان عنوانالأغنية أداها عدد
    كبير من المغنين في منتصف السبعينات لكن كارل دوغلاس كان أشهرهم، اللحن كان شعارا لبرنامج (سهرتنا الليلة) في التلفزيون السوداني ومعه رسومات الفنان الشامل إدمون منير الذي بذل جهدا استثنائيا في بث روح للصور الصامتة والحروف الجافة في شعارات البرامج في زمن لم يتوفر فيه الكومبيوتر والغرافيكس وشغل الملتميديا الحالي الذي جعل التلفزيون ينطق حتى لو كان مغلقا.
    التحايا لأحد (ناسنا) الرائع إدمون منير وكل من شارك في أن يكون للسودان تلفزيونا.


                   |Articles |News |مقالات |بيانات

16-02-2008, 01:11 PM

الرشيد شلال
<aالرشيد شلال
تاريخ التسجيل: 27-11-2006
مجموع المشاركات: 378

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)


    سلام شيخى محمد المرتضى وطبعا شيخى دى خاصة جدا وانت عارف ليه بس دايرك تواصل لى فى دعواتك ، تجلياتك واصلة وانا يوميا اتحسس القبول الباطنى لتوجهاتك ياصاحب النقاء ابن حامد وعبدالله الجامع كل تعينات الحقيقة المحمدية فى اسمك .

    طبعا ناسنا وهم كثر ولكن اذكر متعة الافلام فى سينما عروس الرمال والتى تعد من اجمل سينمات السودان فى ذلك الوقت ولااعرف ماالت اليه الان وانا فى الثانوية العامة يصطحبنى الوالدرحمه الله الى نادى المعلمين بالابيض بعد زيارة مسائية خفيفة لمكتب التعليم حيث كان مديرا للمرحلة المتوسطة وفى ذات الاثناء اقوم بمراجعة دروسى ، بعدها نذهب الى النادى ومنها الى السينما حيث نشاهد افلام (شارلس برنسون - الن ديلون - جيلانوجيما - جاك بلنص - روبرت متشوم - كلينت استود )وغيرهم ، من تلك الفترة وانا متعلق بتلك اللونية وانا فى عمر صغير اصطحبت معى متعت اغانى ام كلثوم وموسيقى محمد عبدالوهاب مع ابداعات المرهف الكابلى وناثر الود محمد وردى وسابغ الاشجان الشفيع مترنما بابداع الرائع ودالقرشى رحمهما الله ، ولناسنا بقية من حديث وزكريات...

    لك الود مرتضى .

    (عدل بواسطة الرشيد شلال on 16-02-2008, 01:24 PM)

                   |Articles |News |مقالات |بيانات

16-02-2008, 06:48 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الرشيد شلال)

    الرشيد شلال،
    والله لم ينقطع الدعاء لك وللأحباب ، لكن قصة (شيخي) دي بالغت فيها، ياخ نحن ذنوبنا لو (الشجر اقلام والنيل مداد
    لو كتب (عن "آثامنا" ما عدَّدا). على أية حال هذا تواضع الصوفية الماخمج أيها الصوفي الجميل.
    من الغرائب يا الرشيد ، وأنا أكتب عن ال kung fu fighting أعلاه ، تذكرت أحد أفلام الكاراتيه شاهدته في سينما عروس الرمال
    بمعية الوالد ، يطول عمره ، وأظن أن البطل وقتها كان بروس لي ، طبعا عمك حامد جاملني كثير بإدخالي السينما لمشاهدة
    الكاراتيه لأنه تلك الأفلام ما كانت من النوع اللي بيركب في مزاجو لكن أهو تقضية وقت خاصة اننا كنا في زيارة سريعة
    للأبيض قادمين إليها من النهود.
    طبعا يا الرشيد الأسماء اللي ذكرتها في مداخلتك دي والممثلين اللي مامكن ننساهم ناس شارلس برونسون ديل ومعاهم جوليانو
    جيما كان ناس أحمد طراوه بيقلدوهم زي ماهم ، أحمد طراوه ، كان عندو في الدرج في الفصل مسدس يشبه إلى حد كبير مسدسات
    الكاوبويز الطليان ناس جوليانو جيما (أبشخته) وكان حريف جدا في تدوير المسدس في الهواء بسبابته وإعادته إلى جيب الرداء
    الجانبي بعد نفخ فوهة الماسورة لإزالة ما تبقى من دخان.. هلاّ هلاّ .. أميقو.
    شوف الدنيا ، هسه طراوه مشى للناس ديل في بكانُم ، دا ما الخَتّا ذاتو؟ قال ليهو ديجانقو أفرز.
    تسلم يا شلال الموده.
                   |Articles |News |مقالات |بيانات

18-02-2008, 06:59 PM

هشام هباني
<aهشام هباني
تاريخ التسجيل: 31-10-2003
مجموع المشاركات: 47717

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    والتحية يا سعادتو ود المرتضي


    لناسنا مقدمي سهرات تلفزيونا حمدي بولاد وعمر عثمان.. متوكل كمال...حمدي بدر الدين والحسين الحسن وابراهيم احمد عبد الكريم وعلي المك...فريد عبد الوهاب...... وماما صفية وماما سهام المغربي واستاذة مني واستاذة الرضية... والراحل احمد سليمان ضو البيت... والجد شعبان واستاذ عوض حاج حامد.. و استاذنا الامين جماع....ماما سكينة...والخرتيت شعار جمهورية السودان!؟
                   |Articles |News |مقالات |بيانات

16-02-2008, 08:12 PM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ود المرتضى...

    ليه تقول ايامنا راحت و انتهينا..؟؟

    امس كنت بتحدث مع الاخوان و هو من المدوامين على مطالعة البوست دا
    هو ما عضو هنا..قال لى جمااعتك ديل ما جابو سيرة:
    حلاوة كريكاب و حلاوة سعد و دايما على بالى
    و كمان صابون صافى الحير اوصافى...قال كان عندو دعاية اغنية فى الراديو
    هههه...كمان ذكر حاجتين ما بيتكتبوا هنا....

    يلا....
                   |Articles |News |مقالات |بيانات

17-02-2008, 06:03 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    وحلاوة ناسنا لما الواحد يكون ونّيس يشيل ابريقو ويمشى مسافة قريبة من الراكوبة لعندي زريبة الشوك المغطاة بعرق الفقوس ويجي راجع ماسك تكتو باسنانو ويواصل لناسو في الحديث من بعيد مع اختفاء بعض الحروف من كلامو بسبب عضة تكتووووووووووووووووووو ومعاها حركات بريئة !!!!!!!!!!! غير ود المنسي ماشي حد بيعرفها .

    هيييييييييييييييع يا حليل اجمل واروع ايامنا التي كانت نقية بدون the so called الصرف الصحي
                   |Articles |News |مقالات |بيانات

17-02-2008, 09:48 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: وحلاوة ناسنا لما الواحد يكون ونّيس يشيل ابريقو ويمشى مسافة قريبة من الراكوبة لعندي زريبة الشوك المغطاة بعرق الفقوس ويجي راجع ماسك تكتو باسنانو ويواصل لناسو في الحديث من بعيد مع اختفاء بعض الحروف من كلامو بسبب عضة تكتووووووووووووووووووو ومعاها حركات بريئة !!!!!!!!!!! غير ود المنسي ماشي حد بيعرفها .


    يا عرريب الجن .. ما عنكم دبليو سي ....متخلفون ؟؟.. الله يقطع تكة سروالك ..

    ______

    حاشية: لقيت اسمك .. عاينت لقيتك الزائر 2888 قت انا اقفلها 2889 بشان انت لو جيت تاني تلقي صفر سااااي
                   |Articles |News |مقالات |بيانات

17-02-2008, 10:06 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    Quote: هو ما عضو هنا..قال لى جمااعتك ديل ما جابو سيرة:
    حلاوة كريكاب و حلاوة سعد و دايما على بالى
    و كمان صابون صافى الحير اوصافى


    يا محمد، صاحبك ده قول ليهو الكلام القلتو لممكونه أعلاه، يا محمد القائمة طويلة لأنو فيها
    دبل كولا وحلاوه دربس ولكوم والكاسالتزر والأسبرو والكافينول والأندروس وعسل القولدن سيراب
    (العلبه الخضراء والأسد الدهبي) ولبن مجفف قيتانا، طبعا البزيانوس رجعت لكنها وجدت ألسنتنا
    إتغيّرت وانعدم الذوق عند البعض - زي ما شايف - وصابون بوكيه ما رجع وجلودنا خشنت حتى شركة
    باتا لاحظت إنو كرعينّا ماشه غلط قامت عزّلت (شتَّتت)، كُنا بنجيب الفول من دكان اليماني وعليهو
    شطه وملح وزيت سمسم مع الرغيف المدوَّر ثم قزازة حُريه وبعدها تقول أنا سلطان بروناي، ياحلي
    (الحريه) الإتبخّرت وبِقَت steam ساكت.


                   |Articles |News |مقالات |بيانات

17-02-2008, 04:53 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    تعرف يا باشمهندس، صاحبك شيقوق دا من أهل الكرامات وإيدو لاحقه ، الطيب دا مرات بيمشي في المويه وبيطير في الهوا
    ( غير رقصة الصقريه اللي بيطير فيها فووووق ولما يعمل لاندنق طاقيتو تكون لسه في الهوا) ، شيقوق دا من (ناسنا) طَب..
    وهو دائما ما تشجيه ذكريات تلك المناطق في الدندر والبطانه رغم انه أمدرماني (العنوان) وخرطومي (كلية القانون) و
    مسقطي ( الأوراق الماليه) ولاأدري ماهو حظ الدندر فيه لأنو برضو تلاقيهو يطرب ويترنم بحاجات حديثة نوعا، يعني يابكري
    زولك من الأولياء الديجيتال.
    هييييع intelinside
                   |Articles |News |مقالات |بيانات

17-02-2008, 05:30 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: هييييع intelinside


    يا المرتضي
    العرريب طاير طاير ..ديجتال انيميشن ساااي ...اها شفت ليك زولا يكون قاعد في الدندر في الاجازة ويجي ياكل شية في سوق الناقة كل يوم اهو كان بيتصل بي ويقول انا في سوق الناقة ومرات في قندهار ؟؟؟؟اكيد بيطير ...انا خايف يوم بطاريتو تفضي ويجي واقع يدشدش ....
                   |Articles |News |مقالات |بيانات

18-02-2008, 11:52 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    لو بهمسه,
    خاف من الله،
    المستحيل،
    الحزن القديم،
    جميله ومستحيله,
    الأكتوبريات،
    يا ناسينا،
    قسم بمحياك البدر،
    وكل سماعين حسن،

    يا أبوبكر سيدأحمد ، والله قريبك ما قصر ، تعرف (القمر بوبا) دي من الأغاني
    اللي ترتبط بزمن الطفولة البهية البريئة الخضراء ووردي ممن يحبهم الوالد
    ، يطول عمرهما ، وهو من حبب إلي وردي وكان وما يزال يشجيه في ( خوفي منك
    خوفي تنساني وتنساها الليالي).

                   |Articles |News |مقالات |بيانات

17-02-2008, 12:12 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: هيييييييييييييييع يا حليل اجمل واروع ايامنا التي كانت نقية بدون the so called الصرف الصحي


    يا هيييييع يا صِحَِي , وين الصرف الصحي اللي جاي تقول عليه؟

    ________
    سؤال برئ ياشيقوق: إنت ما بتخاف العقارب والدبايب في الهبايب مع المغارب؟
                   |Articles |News |مقالات |بيانات

18-02-2008, 07:39 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: يا عرريب الجن .. ما عنكم دبليو سي ....متخلفون ؟؟.. الله يقطع تكة سروالك ..


    نحمد الله اندنا الكتر واندنا اللعوت واندنا الطلح واندنا واندنا واندنا واندنا نشيل ابريقنا ونمشى نصلي !!!!!! في بلد ما طل فيهو خيال ونجلس نفكّّر في الحبيبة البتشتغل في منديل حرير لحبيب بعييييييييييييييد .

    تخريمة :

    عندما كنت اعمل محاميا سألت احد القضاة : ما هي اجمل لحظة ممكن تحدد فيها مسار حيثيات قرارك القضائي في قضايا القتل ؟

    انقروا اجاب بشنو؟

    في انتظاركم يا المرتضى
                   |Articles |News |مقالات |بيانات

18-02-2008, 08:43 AM

نها محسن أبورأس
<aنها محسن أبورأس
تاريخ التسجيل: 04-04-2007
مجموع المشاركات: 856

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    أخي الجميل محمد المرتضي
    أنه الزمن الجميل ذاك الذي كان يرفل فيه أباؤنا وأجدادنا في ثياب من الطيبة السماحة والصفاء...نعم كانت لهم همومهم ومشاكلهم ولكن كانت السيادة فيه للجمال وراحة البال ...
    تري أنستحق أن نولد وأن نعيش في زمن قلما ننعم فيه بنسمة عابرة في هجير المشاكل والهموم اليومية..
    وأن نتلمس الجمال بين دياجير الوحشة والكابة....؟؟؟
    هنالك أسئلة تنبثق عنوة من أعماقي:
    هل نحن من أجرمنا بفقدان تلك الأيام...؟؟؟
    هل نحن من نصنع الزمن الجميل..؟؟؟
    أم هو من يصنعنا؟؟؟
    أخي الفاضل:
    أضناني البحث الدؤوب عن إجابة لتلك الأسئلة فعدت خائبة إلي أرض الواقع...واقع لا أرضاه وأعيش فيه عنوة...ولكنني قررت أن أتعايش مع هذا الواقع بنظرية ربما كانت قديمة ولكنها أجدت الكثير من النفع في حياتي...وهي طالما أننا لم ننعم بالعيش في ذلك الزمان فلما لا نصنع زمن شبيه بالماضي ...وهو نقل أجمل سمات ذلك الزمن إلي حاضرنا ومحاولة خلق مزيج يتوافق مع جيلنا الحاضر...وها أنا ذي قد عثرت علي طمأنينتي الطائشة وإن كانت تتمرد علي بين الفينة والأخري...


    ربنا يجمل أيامك ويسعدك
    مودتي
                   |Articles |News |مقالات |بيانات

18-02-2008, 12:00 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: نها محسن أبورأس)

    المرتضى


    Quote: رغم انه أمدرماني (العنوان) وخرطومي (كلية القانون) و
    مسقطي ( الأوراق الماليه)


    ريّح نفسك وقول جوكر عديل يجمع بين اللوشنات والطلحات ( جمع طلحة يا الرطاني ساقها احمر وبتعمل كعكول)

    المرتضى دحين الطلح من ناسنا؟
                   |Articles |News |مقالات |بيانات

18-02-2008, 12:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: المرتضى دحين الطلح من ناسنا؟

    ود المرتضى سلاااام
    الفرحة غمرتنا برجوعك .. ورجوع ناسنا
    أنتَ ما ناسنا يا ودالمرتضى



    تخريمة
    العريبي دا أقهمو جنو .....

    لك التحية والمودة

    (عدل بواسطة خالد علي محجوب المنسي on 18-02-2008, 12:23 PM)

                   |Articles |News |مقالات |بيانات

18-02-2008, 12:22 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: خالد علي محجوب المنسي)

    منسي

    Quote: .....


    لعيييييييييييييييييييييييب
                   |Articles |News |مقالات |بيانات

18-02-2008, 05:41 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: المرتضى دحين الطلح من ناسنا؟



    ياودشيقوق الطلح ده غنى ليهو خلف الله حمد ..

    يا اب احمد شكيت ليك عذرى ... من تفاح جناين الخدرى
    الســـبب المـضـــيع عمـرى .... دخان الضحى البدرى

    وقال لى احدهم ان هذا الدخان يصدر دائما الساعة العاشرة ( الضحى البدرى ) عندما يكون الجميع فى العمل) واظن جدك يا ود شيقوق اصدر امر بمنعه فى وقت الزراعة والحصاد.. اما شيخنا محمدود الرضى فلقد قال فى دخان الطلح ..

    طابق البوخه ... قام نداه يهتف نام من الدوخه
    ايدو عاقباه .... الجدله مملوخه
    ولى معالق الجوف ... موسو مجلوخه

    واذا لم يكن الطلح من ناسنا ياود شيقوق فله علاقة ما بهم .

    ولك التحية والشكر

    (عدل بواسطة Ahmed al Qurashi on 18-02-2008, 05:59 PM)

                   |Articles |News |مقالات |بيانات

18-02-2008, 07:03 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17306

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)


    يا حليلك يا ود القرشى ..
    يا هو عمك ود الرضى
    من ناسنا البصح بصح
    الكلام ده نوع الكلام البقول
    عنو د / راشد دياب
    تعالوا نشوف غناء
    صادق يا راشد دياب ده الغناء البنشاف
    لوحات لوحات تجنن
    والحاله يا محمد المرتضى الوكت داك
    مافى كلية فنون ..
    ..
    الطابق البوخه .. قام نداه يهتف
    نام من الدوخه
    ايدو عاقباه .. والجدله مملوخه
    ..
    عالم عجيب يا فنانى بروكلن
    اين العدل فى الأرض ؟
    ...
    كمان الليله نترحم على روح
    زول عملاق من ناسنا
    اسماعيل حسن
    نترحم عليه فى الذكرى ال 25
    لرحيله
    ...
    لكم التحيه
    ...
    أحمد طراوة يا زول البت دى بس دوخه
    من الطلح وكده
    .. يعنى التلفون أبو تلاته تسعات
    مافى ليه داعى .. ساعه ساعتين
    وتدخل التكل زى الترتيب .
    ..
    تحياتى





                   |Articles |News |مقالات |بيانات

18-02-2008, 07:27 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: Osman Musa)

    دكتور احمد ود القرشي

    Quote: ياودشيقوق الطلح ده غنى ليهو خلف الله حمد ..

    يا اب احمد شكيت ليك عذرى ... من تفاح جناين الخدرى
    الســـبب المـضـــيع عمـرى .... دخان الضحى البدرى


    هييييييييع الزمن ده كلو كايس ليك ما لامي فيك لكن لقيت طعمتك( بضم الطاء ) طاااااااااااااب

    و
    Quote: قال لى احدهم ان هذا الدخان يصدر دائما الساعة العاشرة ( الضحى البدرى ) عندما يكون الجميع فى العمل) واظن جدك يا ود شيقوق اصدر امر بمنعه فى وقت الزراعة والحصاد..


    يجازي محنك المتذكر توجيات جدى يا ود القرشي

    Quote: طابق البوخه ... قام نداه يهتف نام من الدوخه
    ايدو عاقباه .... الجدله مملوخه
    ولى معالق الجوف ... موسو مجلوخه


    بس احمد اخوى البتفدعوا ديل ناسنا ذاااااااااااااااااااااتهم

    Quote: واذا لم يكن الطلح من ناسنا ياود شيقوق فله علاقة ما بهم .


    ما ما ممكن تكون حلاوة دربس من ناسنا والطلح مجرد علاقه بهم

    الطلح وزيت السمسم كلهم ناسنا
                   |Articles |News |مقالات |بيانات

18-02-2008, 09:14 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: تري أنستحق أن نولد وأن نعيش في زمن قلما ننعم فيه بنسمة عابرة في هجير المشاكل والهموم اليومية..
    وأن نتلمس الجمال بين دياجير الوحشة والكابة....؟؟؟
    هنالك أسئلة تنبثق عنوة من أعماقي:
    هل نحن من أجرمنا بفقدان تلك الأيام...؟؟؟
    هل نحن من نصنع الزمن الجميل..؟؟؟
    أم هو من يصنعنا؟؟؟




    - نها محسن ابوراس -

    يا نها،

    أصعب الأسئلة جاءت من ديارك،

    سأعود إليك.

    تسلمي،
                   |Articles |News |مقالات |بيانات

19-02-2008, 09:26 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Osman Musa)

    Quote: .. يعنى التلفون أبو تلاته تسعات
    مافى ليه داعى


    عثمان موسى،
    إنت قايل المسألة دي مجرد طرفه؟ دي يا الحبيب حدثت في الواقع، مافي داعي للتفصيل
    لأن أحد أطراف القصه من (ناسنا) وشيقوق عارف السالفه وعارف بطل القصه الذي انتقل إلى
    دولة مجاورة للعمل ، بس صاحبك شيقوق ده من هنا وغادي بجيب ليك خبرو.
    تحاياي يا عزيز,
                   |Articles |News |مقالات |بيانات

19-02-2008, 05:44 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: يا حليلك يا ود القرشى ..
    يا هو عمك ود الرضى
    من ناسنا البصح بصح


    عزيزى الرائع / عثمان موسى

    يا خـــليل دقــــق
    الجمال والذوق فيها متحقق
    الكفل عالى والحشا مرقق
    والقديم فى البيت ان مشى يبقق

    وايضا ...
    يعاينن توبتى فى كامن ضميرى ويمحن
    والشاف كامن جمالن وانتشارن يمحن
    قلوبا ما انشون بنار غرامن قمحن
    الله يكـــبرن الكبرنى وسمحـــن

    لابد ان يكون من قال هذا الشعر من ناسنا.. ولك الود اخى عثمان

    (عدل بواسطة Ahmed al Qurashi on 19-02-2008, 06:00 PM)

                   |Articles |News |مقالات |بيانات

19-02-2008, 06:00 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17306

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)




    يا ود القرشى
    نعم .
    الزول قطع الشك من ناسنا .
    تحياتى
                   |Articles |News |مقالات |بيانات

19-02-2008, 09:01 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: Osman Musa)

    من اسقاطات هذا البوست الالاتي:

    اولا : الانتقائية في ناسنا ذاتهم - ناسنا البنقروا الحقة وبقنطروا السفة وبمدوا كراع واحدة بعييييييييييد عشان يرجعوا الحقة للجيب - ديل مهمشين عندكم هنا ليش

    ثانيا : ناسنا البركبوا الحمير وقت العصرية عشان يمرقوا الحدود بين المتنازعين في حدود الاراضي

    ثالثا : ناسنا البلبسوا سفنجتين بلونين مختلفين ومرات واحدة مقطوعة مربوطة بدبارة وتلقاهم يملكون البلايين من الاموال ديل برضو من ناسنا لكنهم مهمشين عندكم هنا

    رابعا : ناسنا زمن التجمعات في ميوز الضباط الاداريين او الشرطة و .......... كلهم من ناسنا
    خامسا : العربات بتاعات التراب البتدور بجرة الحبل برضو من ناسنا .

    نواصل في الشريحة المهمشة من ناسنا لاحقا
                   |Articles |News |مقالات |بيانات

20-02-2008, 05:52 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    الطيب شيقوق قال:


    Quote: من اسقاطات هذا البوست الالاتي:

    اولا : الانتقائية في ناسنا ذاتهم - ناسنا البنقروا الحقة وبقنطروا السفة وبمدوا كراع واحدة بعييييييييييد عشان يرجعوا الحقة للجيب - ديل مهمشين عندكم هنا ليش

    ثانيا : ناسنا البركبوا الحمير وقت العصرية عشان يمرقوا الحدود بين المتنازعين في حدود الاراضي

    ثالثا : ناسنا البلبسوا سفنجتين بلونين مختلفين ومرات واحدة مقطوعة مربوطة بدبارة وتلقاهم يملكون البلايين من الاموال ديل برضو من ناسنا لكنهم مهمشين عندكم هنا

    رابعا : ناسنا زمن التجمعات في ميوز الضباط الاداريين او الشرطة و .......... كلهم من ناسنا
    خامسا : العربات بتاعات التراب البتدور بجرة الحبل برضو من ناسنا .

    نواصل في الشريحة المهمشة من ناسنا لاحقا


    يا شيقوق انت الصفحه الأولى الظاهر غير مداخلاتك ما هبشتها.
    ياخ كلامي اللي بديت بيهو البوست دا تشطبو لي بجرة (كيبورد) بclick واحده؟
    كدي شوف مداخلة ودالجنيد عن الناس اللي إنت ذكرتهم،

    Quote: الطيبة ،، والبساطة ،، والعفوية ،،،

    كم افتقدناها !!!

    مع هؤلاء تحلو قعدة العصرية فى ضل الحيطة ، النصها مليّس بالزبالة والنص التانى عريان ، ضارباهو المطره لمن طوباتو إمتزجن بطين المونه ،،، وحاجة أمنة فوق البمبر ، قدامها الكانون نارو تشطشط من احتراق البعر لزوم توليع النار فى الفحم ،،،
    فى إيد ماسكة الهبابة ، والتانية القلاية تحاور فيها حبات البن ، وتحوشها من طرف القلاية
    ما تقع كلاعب الهوكى ،،،
    عندها يتصاعد زخم رائحة القلوة ، فتقوم بتمريره على الجالسين لزوم فك القريفة ،،،
    وتحلو الجلسة بين قصص الحواشات ، وجنى الطماطم والعجور والبطيخ من الجروف ، مرورا بالغنيمات ياتا فيهن الدارَّه وياتا فيهن الولدت ،،، وياتا فيهن الرضعت جناها رغم المصرار المعمول فى الضرع ،، والوليدات باتو بدون عشاء ...
    ويستمر السامر الجميل حتى يتوقف عند رفع آذان المغرب ....


    أها شن قولك؟
                   |Articles |News |مقالات |بيانات

20-02-2008, 06:45 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    المرتضى

    Quote: يا شيقوق انت الصفحه الأولى الظاهر غير مداخلاتك ما هبشتها.
    ياخ كلامي اللي بديت بيهو البوست دا تشطبو لي بجرة (كيبورد) بclick واحده؟
    كدي شوف مداخلة ودالجنيد عن الناس اللي إنت ذكرتهم،


    بالحيل فاتني كلام ود الجنيد الحنين وحلو ده بس انا برضى ما متفكفك منكم لانني اشتم رائحة التهميش لناسنا الاصلين . دعونى اواصل في الشرائح المهمشة من ناسنا :

    ما متذكر كنت واقف وين خلونى اواصل بافتراض انني في الفقرة الخامسة من ناسنا المهمشين :

    خامسا: ناسنافحامة زمااااااان العندهم التاية في الخلاء ( التاية راكوبة قش ضلها لذيذ) لما الشمس تسخن ويرجعوا التاية ويعملوا ليك السمك الكجيك بالبني كربو بتاع الدخن ( البني كربو عصيدة قوية تحتاج لحاجات lexutive ) تلحّسك مصابعيك قدام ووراء .

    سادسا : ناسنا البرجعوا من الخلاء برجليهم ويمر عليهم طفل راكب دابة ويتلب من الدابة تااااااااح عشان يركّب عمو الكبير وهو يمشى تابع عمو برجليهو من وراء فهذا الطفل من نويسنا .

    سابعا : ناسنا المقلاية وناسنا المخلاية وناسنا التفتة ( لتلوين البروش) وناسنا الفتة وناسنا الحكّة وناسنا شليل وين راح .


    دحين يا المرتضى انت الباسم من ناسنا؟
                   |Articles |News |مقالات |بيانات

21-02-2008, 02:58 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17306

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    البوست ده لابد يكون عالى
    والله وبدون مجامله
    البوست ده ينزل ضقط الدم
    بوست جميل ومحترم ومفيد
                   |Articles |News |مقالات |بيانات

21-02-2008, 09:13 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: Osman Musa)

    Quote: دحين يا المرتضى انت الباسم من ناسنا؟


    انت ياود شيقوق تقصد بالباسم ده ياتو باسم ؟ هنالك الباسم الفتان وده لازم يكون من ناسنا وهنالك انا راسم فى قلبى سورة الباسم ود برضو من ناسنا ....انت بتقصد راس الخروف ولا شنو ... والله ياود شيقوق لو خليناك ماشى فى السكة دى حتقول لينا الكول وملاح المرس وام جنقر ايضا من ناسنا وحيبقى بوست ودالمرتضى ده تكل
                   |Articles |News |مقالات |بيانات

22-02-2008, 06:58 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    ود القرشي

    Quote: ....انت بتقصد راس الخروف ولا شنو ... والله ياود شيقوق لو خليناك ماشى فى السكة دى حتقول لينا الكول وملاح المرس وام جنقر ايضا من ناسنا وحيبقى بوست ودالمرتضى ده تكل


    الله يجازي محنك خليتني اضحك زى المجنون

    خليك انت مع رسوماتك الخيالية لصورة الباسم بتاعك اما ليلتي انا فهي راس الخروف لانو بذكرني ابوى بعد يكمّل لحمة خروف الضحية بيرجع لامي بعد يومين بقول ليها يلا طلعي لينا الباسم والشطة والليمونة . طبعا الباسم ما بيكون طاعم الا بعد ال expiry period عشان بزرنخ .

    التكل يا احمد اخوى برضو من ناسنا وخاصة لما يمسك السكن ( ثاني اكسيد الكربون)فووق مع الفلكاب والزعف مع وجود بيوت ابو الدنان في نهاية كل عود من عيدان السقف .

    وعادة بتكون في حفرة من ناسنا قدام التكل .
                   |Articles |News |مقالات |بيانات

22-02-2008, 07:22 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: وعادة بتكون في حفرة من ناسنا قدام التكل .


    انت يالطيب يا اخوى الحفرة دى عشان تدفنوا فيها عضام الباسم ولا شنو .... بعدين حفرتكم دى ما بتعتر لى ناسنا ما كان يحفروها بوراء التكل... الله يجازى محنك انت ياود شيقوق ما فضحت ناسكم

    (عدل بواسطة Ahmed al Qurashi on 22-02-2008, 07:24 AM)

                   |Articles |News |مقالات |بيانات

22-02-2008, 07:39 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: بعدين حفرتكم دى ما بتعتر لى ناسنا ما كان يحفروها بوراء التكل...


    لا احمد اخوى الحفرة الله جاعل ليها accessories (نطع وشملة) بتغطيها طاااااااب اكان عتر فيها وليد بتعمل زى ال shockobsorber

    هييييييييييييع تاني بتفاصحني؟
                   |Articles |News |مقالات |بيانات

23-02-2008, 08:44 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    Quote: انت ياود شيقوق تقصد بالباسم ده ياتو باسم ؟


    زهر المواسم.
                   |Articles |News |مقالات |بيانات

22-02-2008, 05:50 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Osman Musa)

    Quote: البوست ده لابد يكون عالى


    شكرا يا عثمان، ناس شيقوق وودالقرشي ما قصّروا طَب في قصة (عالي) دي ، ما شايف (الدخان) في السما؟

    نحن (ناطرين) ناسك ، ويقيني أن لكل منا ناسو ممن يريد الكتابة عنهم/ن، يعني ياعثمان في واحده دفعة حبوباتنا
    إسمها عزيزة كانت تبيع سندوتشات طعميه وسلطة باذنجان وفول مصلَّح جنب بيت عبدالله خليل وكنا وقتها تلاميذا في الأهلية الثانوية العامه (جنب بيت أزهري) ، كنا نشتري منها لأنو سندوتشاتا أطعم من بتاعت البيت ( في ناس القصه دي لازمتهم حتى اليوم)،
    رغم تحذيرات الأهل ، أها حاجه عزيزه المرأة النظيفة دي تعتبر ركن ركين في مملكة ناسنا وربما لاتصدقني إن قلت لك أن طعم
    السلَطَه ورائحة الطعمية ما تزالا في قاع الذاكرة.


    مودتي يا العزيز.
                   |Articles |News |مقالات |بيانات

22-02-2008, 08:13 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: خليك انت مع رسوماتك الخيالية لصورة الباسم بتاعك اما ليلتي انا فهي راس الخروف لانو بذكرني ابوى بعد يكمّل لحمة خروف الضحية بيرجع لامي بعد يومين بقول ليها يلا طلعي لينا الباسم والشطة والليمونة . طبعا الباسم ما بيكون طاعم الا بعد ال expiry period عشان بزرنخ
    .

    cannibal
                   |Articles |News |مقالات |بيانات

22-02-2008, 10:23 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    Quote: وعادة بتكون في حفرة من ناسنا قدام التكل


    عزيزي ود شيقوق

    صدقت في موقع الحفرة، فقد حكى لي أخي المقدم معاش محمد عثمان محمود أن واحدة من ناسنا كانت تجلس على الحفرة خلف التكل في الناحية المجاورة للشارع وبينما هي كذلك صدم الجدار لوري ودخل عليها وقتلها قبل أن تطبق البوخة، عشان كده يا ود شيقوق موضوع السيفتي مهم جداً عند اختيار موقع الحفرة.

    إنت يا الطيب أخوي زولة زي دي دحين ما شهيدة؟

    (عدل بواسطة Ahmed al Qurashi on 22-02-2008, 10:27 AM)

                   |Articles |News |مقالات |بيانات

24-02-2008, 02:07 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    ونحيي د. نها محسن أبوراس على افتراعها بوست عن واحد من ناسنا هو الفنان الراحل محمد أحمد عوض ، ولا نضيف عن الرجل سوى أنه كان يعمل قصابا له شهرة عمت مدينة أمدرمان بشكل عام ومدينة الثورة بشكل خاص والحارة السادسة بشكل أخص وطرائفه المتجددة مع الزبائن أصبحت من الملح المتداولة في كل البيوت، لونية متفردة كان غناؤه. يبدأ بقوة ويتبعه الكورس فيندلع الطرب ويغرق الحضور ثم يفيق البعض ويستغفر ويذهب السوادالأعظم في غيبوبة حتى إشعار آخر.

    http://محمد أحمد عوض ***قيثارة الزمن الجميل***
                   |Articles |News |مقالات |بيانات

22-02-2008, 10:28 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: إنت يا الطيب أخوي زولة زي دي دحين ما شهيدة؟


    انتو حكايتكم شنو ياناس مسقط؟؟ : الزاكي سواهو "زعيم " واها انت ياود القرشي داير تسويهو "المفتي "؟؟ شن عرفو في الامور الغميسة دي اها دة عرريب ساااااي بسروال وتكة وطاقية حمرا ز.بس مرات مرات بيبقي زول مدن وبيلبس قميصا اسود ....

    (عدل بواسطة abubakr on 22-02-2008, 10:28 AM)

                   |Articles |News |مقالات |بيانات

22-02-2008, 10:38 AM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: abubakr)

    Quote: cannibal


    عزيزي المهندس أبو بكر

    تعرف الشطة والليمون والبصل دي حاجات تفتح النفس لأي حاجة، في واحد من منطقة صاحبك ود شيقوق، قال كان جابو ليه الحاجات دي ومعاها دكوة ممكن يا كل بيها فطيسة مش راس نيفة مزرنخ ليهو يومين.

    Quote: واها انت ياود القرشي داير تسويهو "المفتي "؟؟ شن عرفو في الامور الغميسة دي


    أنا يا أبو بكر قاصد شهيدة حب على وزن ما قال مجنون ليلى (وكل قتيل في حفرة شهيدِ).

    (عدل بواسطة Ahmed al Qurashi on 22-02-2008, 11:07 AM)

                   |Articles |News |مقالات |بيانات

24-02-2008, 08:21 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    وتحايا خاصة بقدوم واحد من (ناسنا) عزيزنا محمد عثمان محمود ،
    ترحيب يا زعيم وواحد وعشرين طلقة مدفعيه وبساط أحمر وقرقول شرف،
    وصوره هديه من (ناسنا) يا محمد،
    شيقوق ، زِح.




                   |Articles |News |مقالات |بيانات

25-02-2008, 06:37 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: شيقوق ، زِح.


    ازح وين والله دفري معاكم . انت يا المرتضى مش حضرت محاضرة سعيد ابو كمبال الاتكلم فيها عن نظرية آدم اسميث الاقتصادية والتي تحدث فيها عن ال Free riding theory?

    النظرية دى يا المرتضى بتحكى عن جارك العندو حيطة عالية بتغطيكم من الشمس او تكون عندو شجرة ظلها رامي جوة حوشكم تقيلوا تحتها وتشربوا القهو وتغنوا واصلكم ما حصل يوم شلتوا جردل موية سقيتوها .

    اها دحين شيقوق بزح ؟ وهسع جايين جارين عكاكيزكم عشان تمنعونى اقعد في ضلكم داخل حوشي ؟

    هيييييييييييييع امانة يا مندلا ما تكية يحسدوك عليها عدييييييييييل كده .

    (عدل بواسطة الطيب شيقوق on 25-02-2008, 06:51 PM)

                   |Articles |News |مقالات |بيانات

25-02-2008, 07:01 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    يا شيقوق ،
    محمد عثمان محمود دا من (ناسنا) وقلت ليك زِح منو شايفو لي هسه ما خشَّ ولا عبَّرناوبنديهو 24 ساعه إنذار ما أكتر,
    ياخي مانديلا دا رجل أسطوري الجمال، أنظر لهذه الروح الجميلة ومداعبته لطفلة فقيرة وهو الذي ملأ اسمه الكون،
    الكبير كبير يا شيقوق.
                   |Articles |News |مقالات |بيانات

25-02-2008, 07:42 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    المرتضى

    Quote: محمد عثمان محمود دا من (ناسنا) وقلت ليك زِح منو شايفو لي هسه ما خشَّ ولا عبَّرناوبنديهو 24 ساعه إنذار ما أكتر,


    انت والله طيب شديد وماك داري اتوكيتات الراجل ده .

    تقلة محمد عثمان محمود في الرد علينا دى بتذكرني عظمة زعماء الادارة الاهلية لما يكون الواحد فيهم داخل غرفته الخاصة ويجيهو شافع يقول ليهو جدو جوك ضيوف في الديوان الكبير والناظر على طول يقوم يتحكحك ويجيه امورو كويس وكمان ربما يقصد يخلق ليهو موضوع مع ام عيالو والضيوف يتاوقو جاء ولا ما جاء جاء ولا ما جاء وبعد يشحتف روحهم يجيهم مارق متلفح بقرقابو ويقعد في كرسيهو الوهيط ويتلفت جاى وجاى باحث عن قائد الوفد عشان يقبل عليهو عدييييييييييل ويرمي ليهو الكلام السمح يا المرتضى .

    دحين يا محمد عثمان عليك الله اكان ما شحفت روحهم ما تطلع عليهم خالص

                   |Articles |News |مقالات |بيانات

26-02-2008, 07:56 AM

Abdelhafiez Hassan

تاريخ التسجيل: 10-02-2008
مجموع المشاركات: 356

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    كدى يا ناسنا النسألكم سؤال....
    ما سر خلود ناسنا الفنانين البتجيبو سيرتم طوالى فى البوست ده:-
    ناس الكاشف وعبدالعزيز و محمد وردى ومحمد الأمين وصالح الضى ومحمد
    أحمدعوض وأبوعركى ...وناس عثمان الشفيع و عثمان حسين و ابراهيم عوض
    إلخ.....إلخ...؟ وخليك من ناس سرور وكرومة وعبد الرحمن الريح والرواد
    الأوائل ديك....

    طبعاً لأنهم فنانين موهوبين خلقة...ما مصنوعين صناعة... لأن الفن بيجرى
    فى دمهم...وكان الفن والغناء هوايتم مش سبيل إعاشتم...

    وتعالوا بعد داك نشوف البيقولو عليهم فنانين فى الزمن العلينا دا...
    كغثاء السيل....
    فى الزمن العلينا ده أصبحت فى ظاهرة إسمها ( صناعة النجوم)!!!!!!!!!!!

    وكدى خلونى أشيل نفسى وأرجع ليكم تانى......
                   |Articles |News |مقالات |بيانات

26-02-2008, 08:53 AM

Abdelhafiez Hassan

تاريخ التسجيل: 10-02-2008
مجموع المشاركات: 356

للتواصل معنا

FaceBook
تويتر Twitter
YouTube


Re: ناسنا.. (Re: Abdelhafiez Hassan)

    صناعة النجوم فى السودان لا تخضع لأى معايير فنية او مدى ما يملكه النجم المصنوع من موهبة أو إمكانات فنية......كل ما عليك فعله أن تخلق صلات حميمة مع أحد مقدمى البرامج أو الإعلاميين ....وخلى الباقى عليهو.......
    ولكى أؤكد ذلك أحكى تجربة ذاتية مررت بها فى هذا المجال......

    كنت فيما مضى ... اهوى العزف على العود ....وأدندن لخاصة أصدقائى ببعض الأغانى التى أحفظ كالحقيبة وبعض أغانى ود اللمين... وفى نطاق ضيق وفى(قعدات موغلة الخصوصية) وأعلم علم اليقين أننى لا أتمتع بحلاوة الصوت التى يمكن أن تؤهلنى لطرق هذا المجال....
    وشآءت الصدف أن يجمعنا صديق مشترك- فى مناسبة خاصة به.. ..مع أحد كبار المذيعين والإعلاميين فى ذلك الزمان......وأنا وبعض خاصتى إنتبذنا مكانا منفرداً بنا.... وبعد مرور الوقت كالعادة بدأت العزف على العود والدندنة .....
    تزحزح الحضور حولنا ....وفى مثل هذه الحالات أى صوت - وإن كان من فصيلة أنكر الأصوات - يطرب الناس .....
    وعندها انتبهت للجالس بجوارى يثنى على جمال صوتى وحسن موهبتى ....وإنه لخسارة كبرى ألاّ تخرج هذه الموهبة الفذة ليستمتع بها الناس....وكان ذلك هو المذيع اللامع.... وطلب منى موعداً للإلتقاء به لتقديمى فى برنامجه زائع الصيت حتى أنال حظى من التلميع والشهرة......

    ولأننى تعيس وخايب رجا....لم أنتهز هذه السانحة لأنال شهرتى....وكان هسه أكون
    من أشهر المغنواتية......بل انفجرت فيه غاضبأ وقلت له:-
    (أنتم السبب فى تردى الفن فى هذا البلد....أنتم السبب فى حشد كل هذا ا لغثاء
    وهذه التفاهات باسم الفن والغناء.....وهذه هى طريقتكم التى تقدمون بها كل من هب و دب من المفتقرين لأبسط المواهب والمؤهلات.....لعنكم الله لتلويثكم الساحة الفنية بكل جيوش العاطلين من الموهبة المفتقرين الى الذوق والفن والجمال)
    طبعاً إستغرب جدا من هذا الهجوم الغير متوقع من نكرة مثلى....وكان بيفتكر إنو أسدى
    لى جميل لا ينسى بأن يتواضع ويتبنى هذا الفنان الناشىء........وقام غاضباً!!!!
    وهكذا سادتى ...وبهذه الطريقة يتبؤا كل من هب و دب مكانه فى الساحة الفنية فى بلادنا المنكوبة!!!!!!!!!
                   |Articles |News |مقالات |بيانات

26-02-2008, 11:30 AM

محمد عثمان محمود
<aمحمد عثمان محمود
تاريخ التسجيل: 21-02-2008
مجموع المشاركات: 464

للتواصل معنا

FaceBook
تويتر Twitter
YouTube


Re: ناسنا.. (Re: Abdelhafiez Hassan)

    يا مرتضى

    يا خي مانديلا ده من أروع ناسنا، مانديلا الفخم الضخم الجميل، واحد من أعظم زعماء الكون، قلعة من قلعات التضحية والنضال، مدرسة في البساطة والتواضع، قمة في الإنسانية ونكران الذات، ترك كرسي الرئاسة ولكنه سيظل القائد الفعلي للألفية الراهنة حتى يجود الزمان بمثله، ولا تنسى أن سيبويه قد مات وفي نفسه شيئ من (حتى) هذه

    الحامل تسمي علي والعاقر تقول ولدي.

    شكراً عزيزي على الهدية الرائعة التي صادفت منى النفس ومشتهاها
                   |Articles |News |مقالات |بيانات

26-02-2008, 05:43 PM

Ahmed al Qurashi
<aAhmed al Qurashi
تاريخ التسجيل: 28-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان محمود)

    يا مرتضى عندى مداخله كتبتها امبارح مشت وين ؟ يا ربى وقعت فى حفر ودشيقوق الفى البوست ده ولا شنو ؟ ولا احتمال مغطيها الدخان الطلقوا لينا هنا ده !
                   |Articles |News |مقالات |بيانات

26-02-2008, 06:58 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Ahmed al Qurashi)

    [B]محمد عثمان محمود ،
    (لازم نكتب اسمك ثلاثي زي كشف الأراضي لأنو عندنا (فرده) فنان اسمو محمد عثمان)
    برضو، بنرحب بيك وقلت أهديك حاجه من (ناسي) رغم اني أدرك انهم (ناس) كل السودانيين.



                   |Articles |News |مقالات |بيانات

26-02-2008, 07:32 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    Quote: يا مرتضى عندى مداخله كتبتها امبارح مشت وين ؟ يا ربى وقعت فى حفر ودشيقوق الفى البوست ده ولا شنو ؟ ولا احتمال مغطيها الدخان الطلقوا لينا هنا ده !


    قد تكون حشرتها اسفين بين مداخلة لمرتضى وممكونة اى مداخلة بين الاتنين ديل بتتعصر تتحول لثاني اكسيد الكربون والله تاني الا تبحث ليها في نظريات المادة لا تفنى ولا تستحدث فمداخلتك لم تفن يا ود القرشي ولكن اين هي؟ الله اعلم .

    هييييييييييييييييع
                   |Articles |News |مقالات |بيانات

27-02-2008, 10:49 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: الطيب شيقوق)

    Quote: قد تكون حشرتها اسفين بين مداخلة لمرتضى وممكونة اى مداخلة بين الاتنين ديل بتتعصر تتحول لثاني اكسيد الكربون والله تاني الا تبحث ليها في نظريات المادة لا تفنى ولا تستحدث فمداخلتك لم تفن يا ود القرشي ولكن اين هي؟ الله اعلم .


    يعني مداخلتو هي البِقَت (ممكونه)، ولاّ كيف يا الطيب؟
                   |Articles |News |مقالات |بيانات

26-02-2008, 10:21 PM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    اسمنا طلع فى الارااضى ولا لسه...

    اللااات الالف....!!!!!!




    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>



                   |Articles |News |مقالات |بيانات

27-02-2008, 11:26 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: ناسنا.. (Re: محمد عثمان)

    المرتضى

    ود القرشي

    Quote: يعني مداخلتو هي البِقَت (ممكونه)، ولاّ كيف يا الطيب؟


    ات قلت كدى !!!!!!!!!

    خلينا من مداخلة ود القرشي اصلها زى ال Floating charge بترك في اى حتة بعد يحصل ليها فورمانتج بسبب الاحتباس الحراري .

    انا موضوعي المهم يا مرتضى انت دحين الديك ابو علاعل حمر ( بضم الحاء والميم) البسكوهو الوليدات بالدراب وسط القطاطي لحدى مرات ياخد ليهو تكية على جناحو في الزقاقات وعشان يضبحوهو للضيف الجعان وسامع لبعي الوليدات في الديك مش برضو من ناسنا؟
                   |Articles |News |مقالات |بيانات

27-02-2008, 12:50 PM

Abdelhafiez Hassan

تاريخ التسجيل: 10-02-2008
مجموع المشاركات: 356

للتواصل معنا

FaceBook
تويتر Twitter
YouTube


Re: ناسنا.. (Re: محمد المرتضى حامد)

    ود المرتضى...
    وناس ناسيانا...

    يعنى شنو....مداخلتى الفوق دى ما هببتوها ولا بى كلمة...
    و الا ما وقعت فى عينكم؟ زى ما قال شيخ العرب فى الجمعية
    التأسيسيةللمرحوم بوث ديو:-
    (دحين ياالبوث أخوى مركوبى ما وقع فى عينك؟)
    فقام البوث قال ليهو:-
    (شوف مندوكورو مجنون ده أين بيشيل مركوب؟)
    والعهدة على الراوى.....

    عبدالحفيظ.
                   |Articles |News |مقالات |بيانات

27-02-2008, 01:41 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: ناسنا.. (Re: Abdelhafiez Hassan)

    عبدالحفيظ حسن،

    صدقني يا حفيظ الكلام القلتو دا عندي فيهو كلام، وإن كان لايخرج عن المعنى العام، لكنه يتطرق لهذه

    الظاهرة والتي لاتقتصر على السودان وإعلامه، حكى لي صديق فنان وغنّاي جد جد، أنه كونك تكون مطرب

    معروف في هذه الأيام تحتاج - في كثير من الأحايين - عناصر لا علاقة لها بالفن أصلا، وحكى لي في هذا

    الإتجاه تجارب شخصية محزنه ومريره، وذات الأمر ينطبق على مساحات أخرى منها ولوج الإعلام نفسه ويمكنك

    أن تنسج على ذات المنوال كل ما يهم مناحي الحياة المختلفة والوظائف والخدمات والتسهيلات الخ..

    الماعندو ضهر ينضرب على بطنو، المحزن يا سيدي إنو هذه الظاهرة اصبحت عالمية، حتى في أمريكا إذا

    لم تكن مرضي عنك من جانب اليهود فلن تبلغ الشهرة المطلوبة ولعلك تعلم أن معظم وسائل الإعلام المرئية

    والمسموعة والمقروءة مملوكه للوبي اليهودي الذي يتحكم في رأي ومزاج امريكا بالكامل، هذا الكلام

    معروف ووثق له عضو الكونجرس السابق بول فيندلي في مؤلفه ( من يجرؤ على الكلام) وذات الأمر انطبق

    على الممثل ميل قيبسون عندما رفضت كل شركات هوليود الصهيونية إنتاج فيلمه آلام المسيح ، فمعظم

    شركات السينما هناك تدار من قبل إيباك والماعاجبو يشرب من البحر. عودة لناس الغُنا عندنا أقول ليك

    ، وبدون اسماء، الساحه تحتشد بعدد ممن يسمون انفسهم مطربين/ات علاقتهم بالطرب كعلاقتي باللغة

    السنكرستيه وفي غالب الحال تكون كل مؤهلاتهم/ن هي صلتهم بأهل الفن أو الإعلام أو المال أو غيرها،

    ياخ في ناس القروش صنعت منهم ملحنين وشعراء ومطربين وعييييك ، بينما الأصائل يتحسرون، فرق ياحفيظ

    شاسع بين الموهوبين والموهومين لكنها الحياة بكل تناقضاتها ماذا نفعل سوى أن نعيشها؟

    هسه انا ذاتي كان ما عندي واسطه مع بكري كان بجهلي دا بقيت أكتب في سودانيزأونلاين؟

    ياخ بالله ما تغير إتجاهنا هسه يقولوا بنتكلم سياسه كمان.

    محبتي يا أمير.
                   |Articles |News |مقالات |بيانات


[رد على الموضوع] صفحة 3 „‰ 14:   <<  1 2 3 4 5 6 7 8 9 10 11 12 13 14  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de