جيناكم سواقة ليل يا جماعة مطولين منكم عساكم بخير بنرجع ليكم حبة حبة وفرد فرد تسلموا يالجميلين... عديت هيا وجيت طوكر ما لقيت حتي موية باردة فيها نأسف للتأخير بوبا الجميل حبابك وحباب عودتك يا حلو وظريف قولة سلااام بس كل يوم تكفينا منك يا بوبا ولا تطول الغياب
مودتي
06-04-2008, 08:13 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: ودالمنسى : " أحمد" دا ما خايف عليهو من " الزيفة" ورقراق الشديرات ؟
ودأبوالقاسم سلااام يا طيب تعرف يا أبوبكر انا زمان كنت ضعيف زي أحمد دا كدي مرة في واحد في حينا بتاع سجارة خدرا أسمو شارلي كورك لي تعال يا جنى أت ود منو : قلت لي : أنا ودعلي محجوب قام قال لي : أجري يازول علي أهلك السنة دي الخريف جاي تقيل أهلك كان ما زبلوك بتقع .....
06-04-2008, 08:21 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
العبيد سلااام وكيفنك بس يا أخوي سواقت بورسودان الخرتوم تمشيها في 19 يوم جر يا أخوي هسي الصفحة دي لينا فيها 15 يوم ونحن منتظرين منك الكثير من شعر البطانة يا أخوي نم قول لينا وما أحلى النمة في سواقة الليل
Quote: تحريض polygamist
يا هندسة زولك هوشة ساكت .. ( مسوي في الفقرا ) لكن الحكومة أمنها أقوى من الجماعة كان إنقلب تحت السلم بي جنبة التقرير يرفع في الدندر
Quote: شيقا قلت لي .. منو قام استجمع شجاعتو؟
ما قلت ليك نفيستك فيها علا مكروب
الله يجازي محنك يا أبارو انت وصلت وين في المشروع ؟؟؟
Quote: دحين انتَ فاضي لي من ماحاحية الجراد بي الكشكوش
انا فاضى لكن انت يا المسنوح بعد سماح وصبوحة فاتن بقيت لينا قائد بوستيك زى المادح الماسك الطارة في الفسحة كلما يختوا ليهو قرشين في منديلو يروح مترتر لا وراء عشان يحرر العرضة -
اها تاني بوستيك ده الا يدور بجر الحبل زى عربية التراب البطاريتها نازلة
06-06-2008, 06:37 AM
abubakr abubakr
تاريخ التسجيل: 04-22-2002
مجموع المشاركات: 16044
ال كلاس Class هو تقسيم او توصيف مبني علي قياس الجودة ويشار به الي جماعة او مجموعة لها مميزات مشتركة ال استايل Style اسلوب قول او فعل فيمكن ان يكون للكلاس استايل وليس العكس والله اعلم
06-06-2008, 06:58 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ال كلاس Class هو تقسيم او توصيف مبني علي قياس الجودة ويشار به الي جماعة او مجموعة لها مميزات مشتركة ال استايل Style اسلوب قول او فعل فيمكن ان يكون للكلاس استايل وليس العكس والله اعلم
خلاص يا دكتور عبد الله الطيب . انا عارف كلامك ده نكاية !! بالعراريب ساااااااااااااى
06-06-2008, 08:46 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
اعذرونا على الغياب ولكنه مبرر والله,, ومراحب بالأعزاء عواطف وتبلدينا,,,
وألف مبروك لحبيبنا العريس وأبارو أيضا شكلو كدا عندو مشاريع من النوع دا,,وايضا فيما يبدو أن شيقا يحاول أن يستعيد شبابه وأطروحته ريحتا مرقت وللجميع ربنا يتمم على خير,,,
ويا خالد شيل الصبر وسوف نعوض التاخير دا قدام وحانطلب من كل الركاب يربطو الحزام
تحياتى
______________________________________________ تبلدينا الشعار دا إيجارو كم فى الساعة؟؟؟؟
06-06-2008, 11:12 AM
وضاحة وضاحة
تاريخ التسجيل: 01-16-2005
مجموع المشاركات: 9116
عارف والله الليلة دي مقيل في مزرعتنا تحت الشجر وصوت الوابور دق دق فوق راسي والمويه جاريه تحت الهباب المنتكي فوقو وما حسيت بي روحي إلا أذان المغرب بنادي ايمنوف ليك وحشة والله
Quote: وأبارو أيضا شكلو كدا عندو مشاريع من النوع دا
يسمع منك رب العالمين والبقولولو سمين يقول آمين
Quote: رغم
إنقشاع الغيوم النتروجينية التى أعقبت ( الطوكرة ) وفعلاً كانت قنبلة فراغية أدت إلى إصابة البشر بالوجوم والدخول فى بيات شتوى
ود ابو القاسم حرم انا لو من محيو أرشح معد أخبار علي طول وين انت ياخوي؟
06-06-2008, 05:33 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: إهداء الى كلّ الطيبين... سال من شعرها الذهب....وصلاح بن البادية
ما اروعك يا سسلمى وانت تعودين الينا و تتحفينا بروائع ابو امنة حامد الشاعر الشرقي السريع البديهة والخفيف الظل . يحكى عنه يا سلمى ان كان من اعز أصدقائه المرحوم الفنان صالح الضي والأخير رحمه الله كان يحب اللحمة كثيراً فكلما ينزل أبو آمنه من الشقة يقول له الضيى "بالله يا ابا امنة وانت طالع جيب معاك فرخه" ، " باالله يا أبو آمنه لمن ترجع ما تنسي اللحمه" بالطريقه دي وبعد شهر من الصرف فاجأه أبو آمنه وقال له " يا صالح والله الهلتون ارخص من النزول معاك في شقتك" !!.
اشهر ما كتب ابو آمنه وهو طالب بالثانوي هذه الاغنية :
سال من شعرها الذهب فتدلي وما انسكب كلما عبثت به نسمة ماج واضطرب.... النسيمات والخصل في عناق وفي غزل نسجت حوله القبل موكباً يغزل الطرب..... فيه من سمرة الأصيل شعرها المذهب النبيل ثغرها اليانع البليل كرزة حفها العنب... رقص الورد والزهر مهرجاناً علي النهر سال في الشط وانهمر عطرها الحلو وانسرب... يا حبيبي كلما قلبي المفعم احتمي بك وانزاح ملهما عاد كأساً بلا حبب...
معزتي
06-06-2008, 06:14 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
بس الحنان عند وضاحة خشم بيوت مش اى حنان . كدى وصف لينا حنانك اوع يكون حنان برمة سكينك ولاحق تفزع المضيوم؟ لا ابدا وضاحة تبحث عن حنان المودة والرحمة مش صاح يا بنية ؟
ابارو
شتت الزهور والورد سرييييييييييييع بوست ود المنسي اخضر تاني بعد ان كان آيلا للضياع
ود ابو القاسم
الله يجازى محنك يا بتاع المدينة الزرقاء
06-06-2008, 11:18 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
سلام بكل معاني الجمال... الجمال هو هدية ونعمة من نعم الله...وهو طاقة عجيبة تتفجّر وكذا تفجّر الإبداع.... والشعور بالجمال هو أحد أسرار السعادة التي يبحث عنها الجميع، ولحسن الحظ فإن الجمال متوفر بكثرة من حولنا، في .... الوجه الحسن...الروح...الطبيعة...الكلمات العذبة.... القصيدة....الخاطرة....الأغنية.....الخ
قال ابن الشبل البغداديّ، وهو من حكماء الشعراء في القرن الخامس الهجري:
خلقتَ الجمالَ لنا فتــنةً وقلتَ لنا: يا عبادي اتقونْ وأنتَ جميلٌ يُحبُ الجمالَ فكيفَ عبادُكَ لا يعشقونْ؟
وأبو الطيّب المتنبّيّ مدح الجمال الطبيعي بقوله:
حُسنُ الحضارةِ مَجلوبٌ بتطريةٍ وفي البداوةِ حسنٌ غيرُ مجلوبِ
وكثير من أغنياتنا السودانية غنية بالجمال ومعاني الجمال فنجد مثلاً... ما عشقتك لي جمالك إنت آية من الجمال..... وكيف لا أعشق جمالك ما رأت عينّاي مثالك.... أعلى الجمال تغار منّا..... هي نظرة تنسى الوقار ويا جميل يا مدلل..... وغيرها
غاب عنا اليوم صاحب النغم الجميل الاستاذ عثمان حسين وستبقى اغانيه والحانه خالدة وكذا موسيقاه الى ابد الأبدين _ رضينا بحكم الرحمن فينا انا لله وانا اليه راجعون وللسودان حسن العزاء
الاخ المنسي ارجو ان نوقف النغم حدادا لروحه الطاهرة
06-07-2008, 10:14 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: سلام بكل معاني الجمال... الجمال هو هدية ونعمة من نعم الله...وهو طاقة عجيبة تتفجّر وكذا تفجّر الإبداع.... والشعور بالجمال هو أحد أسرار السعادة التي يبحث عنها الجميع، ولحسن الحظ فإن الجمال متوفر بكثرة من حولنا، في .... الوجه الحسن...الروح...الطبيعة...الكلمات العذبة.... القصيدة....الخاطرة....الأغنية.....الخ
هذه هى روح الإنجمامة وأرجو أن أضيف ( حقيقة الجمال عند الصوفية ) :
الجمال عند الصوفية :
الصوفى العارف لايرى حيثما توجه إلا الله " فأ ينما تولوا فثم وجه الله " ( سورة البقرة – الأية 115 ) لأن كل ما في الدنيا تجلياته
وتنزلات أسمائه الحسنى وصفاته ... فالله خلق الإنسان على صورته " على مقتضى أسمائه وصفائه سميعاً بصيراً مريداَ حياً متكلماً " ليدل
عليه ... " وفي أنفسكم أفلا تبصرون " ( الذاريات – 21 ) ... وكلها أسماء الله الحسنى وصفاته تنزلت فيك على قدر أهليتك واستحقاقك مع
الفارق أن صفات الله تعالي حق الله مستعارة للإنسان وقد سرى حكمها فينا حسب استعداد قوابل نفوسنا لها بحكم الخلق على الصورة ... فالله
ظاهر من حيث المظاهر, باطن من حيث الهوية " هو " ولكنه لايتغير ولايتكثر مع تلك المظاهر ، فلم يزل الحق تعالي غيباً فيما ظهر من الصور
في الوجود ، فنسبتنا منه نسبة الصفات والأسماء ، أما الذات فخفاء مطلق ...وإذا إستعرنا التشبيه العصرى فسوف نقول الظاهر والمظاهر
كالنور في أنابيب النيون وأنابيب النيون ذاتها ... فأنابيب النيون هى المظاهر في تشكيلاتها المختلفة وهندساتها المتفاوته ... وفي
كل أنبوبه تجلى صفه خاصة للنور حسب هندسة الأنبوبة وتركيبها ... فأنبوبة تظهر النور الأحمر وأنبوبة تظهر النور الأزرق وأنبوبة النور
البنفسج وكل هذه الألوان من النور الأبيض الواحد ... فهى تفصيل ما أجمل في النور الأبيض وهو الظاهر فيها جميعاً على إختلاف مظاهرها ...
لآن الواحد مدرج في الأعداد إدراج سريان دونما حلول أو إتحاد وهذا مثال لسريان الأحدية الإلهية في كثرة المظاهر التى نراها دونما حلول
أو إتحاد لأن الله لا يعطى من ذاته في هذه التجليات شيئاً كما أن الشمس لاتعطى من ذاتها شيئاً للقمر حينما تتجلى بنورها فيه ( ليس في
القمر من الشمس شئ ) .
إبن الفارض شرح هذا المعنى فى شعر فصيح حمل كل هذه المعانى الشفيفة فى قصيدته ( التائية الكبرى المسماة بنظم السلوك ):
سبقتنا يا استاذ أبوبكر للتحدث عن الجمال عند الصوفيه... وإن تحدثنا عن الجمال فلابد وأن نذكره ولقد أتيتنا بطيب الكلم... نهديكم مدحة بصوت الجيلي الصافي - سوح نور سيدو بحق هي رائعة....
وصلي الله على سيدنا محمد
06-07-2008, 12:50 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
تذكري عهد لُقيانا ويوم القبلة السكرّى تقبلي ثغري الظامي فقد لا تنفع الذكرى
بمزيد من أحزان قد تراكمت على القلوب في الشهر الماضي لرحيل أعلام من أدباء وفناني سودانين نترحم على القامة الفنية والمدرسة التي تفردت وسط الأبداع السوداني ... الفنان عثمان حسين ( أبو عفان ) نسأل الله الكريم أن يتقبله ويرحمه ويغفر له كل زلاته ويجعل قبره برداً وسلام عليه وأن يجعل جنات عرضها السموات والأرض مأوه الأخير
وإنا إلى الله وإنا إليه راجعون
06-07-2008, 05:31 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: انا فاضى لكن انت يا المسنوح بعد سماح وصبوحة فاتن بقيت لينا قائد بوستيك زى المادح الماسك الطارة في الفسحة كلما يختوا ليهو قرشين في منديلو يروح مترتر لا وراء عشان يحرر العرضة -
اها تاني بوستيك ده الا يدور بجر الحبل زى عربية التراب البطاريتها نازلة
الله يجيب ليك أبارو يا مقطوع الطاري منزوع البركة
أها جات حمامة سلامنا ترفرف بين الشديرات وتشدو بي بنغم جميل القوق قوق تحرك نغماتها منزوع الأحساس جامد وما هي ألا أيام ويعود القمر يرنو إلينا بطرفه الساحر ويذيب كل الحزن الذي ألم بنا لفراقها مداً وجزرا
قلت لي ألا تكيت رقيبتي زي المداح
06-07-2008, 05:53 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: كيف يا حلوووووين ن شاء الله منجمين الجمعة دى ما عندكم ليها رحلة لجناين الشاطئ وفوق قصور الروم ..
العزيز تبلدينا لك التحايا مردفات وسعدين شديد بمروك الجميل يا جميل جر ليك عنقريب وأقعد معانا يا الحبيب إنجم وتسمعها كلمة طيبة
تحياتي ومودتي
Quote: السلام عليكم يا شباب
مشتاقين,,,,
اعذرونا على الغياب ولكنه مبرر والله,, ومراحب بالأعزاء عواطف وتبلدينا,,,
وألف مبروك لحبيبنا العريس وأبارو أيضا شكلو كدا عندو مشاريع من النوع دا,,وايضا فيما يبدو أن شيقا يحاول أن يستعيد شبابه وأطروحته ريحتا مرقت وللجميع ربنا يتمم على خير,,,
ويا خالد شيل الصبر وسوف نعوض التاخير دا قدام وحانطلب من كل الركاب يربطو الحزام
تحياتى
أيمنوف والله السعد يحدو بنا بحضورك أنت وحمامة سلامنا.. والله الشوق قتلنا لفراقكم وربنا يجيب الحبيب عم كمال عطا ويعود القمر ( سماح ) من رحلته يطل علينا .. وبوبا والعريس وتكتمل فرحة الأحباب ونتلم من تاني ونكيد الأعادي المابدوروا لمتنا قول آميييييين
Quote: ربنا يتمم له مراسم زواجه بخير ونرجو أن ندعو له بظاهر الغيب .
ودأبوالقاسم الحبيب سلااام فعلاً كل أمنايتنا أن يتم زواج أخونا الحبيب أبي بكر سيد أحمد ويعود لنا الظريف بوبا بصور مراسم الزواج ولمت الأحباب وكما ندعو الله مخلصين له الدعاء أن يكمل الفرح باكمال مشروع أخونا الصغير عمرا كبير الرأي والفهم ( أبارو ) .. وتدوم كل الأفراح السعادة في كل حيشان الإنجماميين حلوه دي ( الإنجماميين ) وتحياتي ومودتي
Quote: خالد اخوي وكل الإخوة والاخوات الاعزاء سلام يغشاكم وجمعه
هاشم خلف الله الجميل كيفك والله يا هاشم دايرنك بيناتنا هنا لكن انت مجافي تغتس سنة وتجينا مرة عليك الله خليك بيننا انت حبوب وحبيب ولك كل الود والمحبة
06-07-2008, 08:34 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
Quote: مافضل لي كتير بس *ابني البيت *اجهز العفش *احضر حق المال *اجهز الشيله *واخيراَ بت الحلال ترضي
ابارو طيب انت راجي شنو ماجاهز يا أخوي انت يعني بس السوا ليك أبوك في سغرك ( أول جديد ... سو ليك بالبنج ولا قصبة )
Quote: خالد : عدت والعود أحمد " لأحمد " .
الله يخليك يا أبوبكر وحلو البكري فيكل شي!!!
Quote: شتت الزهور والورد سرييييييييييييع بوست ود المنسي اخضر تاني بعد ان كان آيلا للضياع
ما صدقت والله إنجمامتنا باقية وركائزها عامرة ما بتنهد أرقد عافية وما تشيل هم
Quote: وما أحلى إنجمامتنا
تبلدينا وما أحلاك بيننا يا رائع
Quote: جمال من بلادي
جمّل الله أيامكم يا أهل الإنجمامة....
Quote: سبقتنا يا استاذ أبوبكر للتحدث عن الجمال عند الصوفيه... وإن تحدثنا عن الجمال فلابد وأن نذكره ولقد أتيتنا بطيب الكلم... نهديكم مدحة بصوت الجيلي الصافي - سوح نور سيدو بحق هي رائعة....
حمامة سلامنا وجميل هديلك ما أروعها فعلا من مدحة وأداء ولك الشكر حتى ترضي يا حمامتنا
06-07-2008, 09:03 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
فهو اسطورة غنائية تراه في (لا تسلني ) يسترجع الذكريات القدامى بلهجة مؤثرة و منفعلة , و تراه في ( عشرة الأيام ) يشدد على أهمية الوفاء نابذا سوء العشرة و تناسي الألفة , و تراه في ( لا وحبك ) يعبر عن ألم المحبة العمياء , تراه في كل ذلك كالطير مغردا يتنقل من غصن إلى غصن وسط رجاء و أماني قد حال الدهر بينه و بينها . تراه في المصير يقر الإجلالات العاطفية و مدى إنشغال الخاطر و قسوة التمرد على من يحب , و تراه في (قصتنا) يروي مواقف إستثنائية أحاطتها أجواء العتمة و الوحدة و الغربة و اللهفة , و هي رائعة فنية إمتزجت فيها الأمنيات بالنائبات و شكلت منعطفات و رؤى واقعية باتت مألوفة خاصة في عالمنا المعاصر . تراه في (طيبة الأخلاق) يحيط بالجمال الروحي و يعبر عن مكنونات النفس الشاعرية , و تراه في ( الدرب الأخضر) يصف مسيرة الخطى و طول السفر و تأصل الذكريات الوردية .
06-07-2008, 09:17 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
لقد صاغ بازرعة أعذب الكلمات وأسهم بها إسهاماً كبيراً في صياغة وجدان ملايين أبناء الشعب السوداني على مر الأزمان منذ منتصف الخمسينات وهو طالب وقتها في مدرسة وادي سيدنا الثانوية حين تغنى له الأستاذ الراحل المقيم عثمان حسين برائعته( الوكر المهجور )
أتذكري في الدجي الساجي مدار حديثنا العذب وفوق العشب نستلقي لنطوي صفحة الغيب وإذ ما لاح نجم السعد نطوي صفحة الغيب
تفرد شاعرنا الكبير بربطه ( دائماً ) حبه لحبيبته بحبه للوطن في إمتزاج لا انفصال له حتى أن المستمع لا يتخيل بازرعة إلا ذلك المتيم بحب حبيبته والمسكون بحب وطنه فنراه في أغنية ( قصتنا ) يقول
كل طاير مرتحل عبر البحر قاصد الأهل حملتو أشواقي الدفيقة ليك يا حبيبي وللوطن لترابو لشطآنو للدار الوريقة .
ويظهر ذلك الربط البديع أيضاً في رائعته ( عشقتك ) التي يقول فيها
عشقتك وقالوا لى عشقك حرام يا مجدد نور عيوني يا مبدد نار شجوني ليتهم عرفوا المحبة وعرفوا أسرار الغرام
إلى أن يقول
حبي نابع من بلادي من جمالها وانطلاقا أودعت حسن حبيبي من صباها كل باقا من صفاء الطيبة والكلمة الحبيبة والطلاقا كل رعشة حرف فيها ترجمت سر العلاقا يا عوازل كيف تكون الدنيا لو عز الغرام
يتوج شاعرنا كل ذلك الهيام بحبه لوطنه بأغنيته الوطنية بالغة الروعة ( بلادي أنا )
بلادي أنا لثمت شذاها وطيب رياها وسحر هواها جرى في دمي
06-08-2008, 08:31 AM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
لايمكن ان تتخيل الاثر الذى احدثتة كلماتك الرقيقة عن الراحل المقيم عثمان حسين
فنحن من الجيل الذى تفتحت اعينهم على عمالقة الفن السودانى..احمد المصطفى ..حسن
عطية ..ابراهيم عوض..وعثمان حسين والذى انطبعت صورتة فى ذهنى منذ ذلك اليوم
الذى رايتة فى الاسكتش الغنائى والذى كان يقدم فى السينمات فى الاستراحة وفية يغنى اغنية
ودعتك..والكسرة (ما بصدقكم) وكانت تصاحبة بالرقص الراقصة الاثيوبية سلاسى ....وقد قدم
طيلة حياتة اروع الكلمات لقامات شعرية راقية فسكب فى وجدان الشعب السودانى اصدق
المشاعر والاشجان ..رحمة اللة رحمة واسعة
ومن اجمل الاغنيات الحبية الى نفسى (ياعيونى) لجارنا الشاعر والدبلوماسى الاستاذ
صلاح احمد محمد صالح ..مبتكر برنامج من حقيبة الفن..وتقول الكلمات:ـ
ياعيوني .. اسكبي دمع الحنين لو يفيد الدمع أو يجدي الأنين .. راحوا عنك ياعيوني وانطوى عهد حبي والأماني والهوى ياعيوني أبكي دم شوقاً لهم واذكري أن هناي عندهم واندبيهم ياعيوني أنهم .. سعد عمري وحياتي دونهم .. كفؤاد العاشق الدامي الحزين .. طال ليلي والأزاهير نيام ونسيم الصبح قد ساد الأنام وعيوني لم تزل تهفو لهم تندب الدهر الذي أبعدهم فهي تدري أنني من بعدهم ضاع عمري بين أنات وهم واصطلى قلبي بنيران الحنين .. الحبايب يوم فراقم واعدوا أنهم مهما نووا وابتعدوا يحفظوا الحب ويرعوا ودهم فاصبري حتى يصونوا عهدهم فإذا ما أخلفوك وعدهم ونسوا بعد الأماني حبهم فاندبي .. وأبكي على مر السنين .. ــــــــــــــــــــــ
عمكم كمــال
06-08-2008, 07:06 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
لايمكن ان تتخيل الاثر الذى احدثتة كلماتك الرقيقة عن الراحل المقيم عثمان حسين
فنحن من الجيل الذى تفتحت اعينهم على عمالقة الفن السودانى..احمد المصطفى ..حسن
عطية ..ابراهيم عوض..وعثمان حسين والذى انطبعت صورتة فى ذهنى منذ ذلك اليوم
الذى رايتة فى الاسكتش الغنائى والذى كان يقدم فى السينمات فى الاستراحة وفية يغنى اغنية
ودعتك..والكسرة (ما بصدقكم) وكانت تصاحبة بالرقص الراقصة الاثيوبية سلاسى ....وقد قدم
طيلة حياتة اروع الكلمات لقامات شعرية راقية فسكب فى وجدان الشعب السودانى اصدق
المشاعر والاشجان ..رحمة اللة رحمة واسعة
ومن اجمل الاغنيات الحبية الى نفسى (ياعيونى) لجارنا الشاعر والدبلوماسى الاستاذ
صلاح احمد محمد صالح ..مبتكر برنامج من حقيبة الفن..وتقول الكلمات:ـ
ياعيوني .. اسكبي دمع الحنين لو يفيد الدمع أو يجدي الأنين .. راحوا عنك ياعيوني وانطوى عهد حبي والأماني والهوى ياعيوني أبكي دم شوقاً لهم واذكري أن هناي عندهم واندبيهم ياعيوني أنهم .. سعد عمري وحياتي دونهم .. كفؤاد العاشق الدامي الحزين .. طال ليلي والأزاهير نيام ونسيم الصبح قد ساد الأنام وعيوني لم تزل تهفو لهم تندب الدهر الذي أبعدهم فهي تدري أنني من بعدهم ضاع عمري بين أنات وهم واصطلى قلبي بنيران الحنين .. الحبايب يوم فراقم واعدوا أنهم مهما نووا وابتعدوا يحفظوا الحب ويرعوا ودهم فاصبري حتى يصونوا عهدهم فإذا ما أخلفوك وعدهم ونسوا بعد الأماني حبهم فاندبي .. وأبكي على مر السنين .. ــــــــــــــــــــــ
شكرا عمو كمال على روعة الكلمة وروعة الاغنية
وحسبي القول لقد رحل عنا قيثارة النغم عثمان حسين.. لأن الكواكب تواقة للرحيل!
لك ولفيصولي اطيب الامنيات
06-09-2008, 01:31 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
الليله شوف باص البنات عجلاتو كيف متحننات الكي قبل والقيد حرن يمشن تقول متوحلات لمباتو خلقه مكحلات من غير دلال كنباتو من داخل عدااال شايلات بلومات الكلالي الحبهم في عروقنا سال بنزينو من ازكي العطور عادمو الكبير يطلق بخور سواقو ديمه صباحو نور و مساهو نور ورفارفو من قدام خفاف مضروبه بأحمر شفاف وانا بس بخاف وخوفي الشديد لايدك شداد دايرين وصولك بالسلامه وتجينا يا برج الحمام نتلمه في الكافتيريا كوووم ويتلاقوا احباباً قداام نعمل تمام الكل حضور مافيش غياب وكل التياب اتجمعوا تسمع ضحك تسمع سلام وتحت التحت تسمع كلام اه يا حريم نوعكم عجيب مرات كلامكم لينا طيب لي روحنا انتو بترفعوا مرات علينا تزرزروا وتتأندلوا وتتدلعوا ولآمن تحين ساعه الدفع نحلف يمين ما تدفعوا ونفضل نجيب الشاي وباللبن الحليب وكمان نجيب وكمان نجيب ليمون ملخبط في القريت وتبلعوا وتقدو جيبنا ونرقعو ولم ينتهي الليل سارمشن وتقولوا دايرين ترجعوا من نوعنا خالص تقنعوا تاخدونا طرحه بدون ايجار تاخدونا ويتفك الحصار وتروحوا غير ما تودعوا راكبين علي باص البنات خطراتو باقه حلا وحمار يا ناس خلاص انا قلبي فار نطرح بلاش من دون ايجار وجوفنا من باص البنات جوه الخشم فتحت غبار نطرح بلاش لستكنا طار نتعب نلقطهااا في الظلام تلقوها ميتات بالنهار يا ناس نزار تلقوها ميتات بالنهار يااا ناس نزار
06-09-2008, 06:14 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: وهذه صباحية من الرائع عثمان حسين ( لا وحبك ) .....
أجمل تعليق قرأته فى نعى المرحوم عثمان حسين كان من كلمة واحدة ( تيَتَّمت ) وكان من عماد عبد الله ... ولقد صادف فى نفسى هوىً...
تذكر أنه فى الستينات وحتى 1973 - ظهور الإرسال التلفزيونى فى الجزيرة - كان الراديو هو وسيلة التواصل الوحيدة بين الفنانين
والمستمعين ، وكان الناس يحفظون توقيت الفقرات الغنائية ...
أذكر أن الحركة كانت تتوقف فى البيت فى حالتين :
عند غناء الفنان إبراهيم عوض حيث كان يتم إسكاتنا من الهرجلة واللعب ويتم إحتضان الراديو من خالتنا ( سيدة ).
الحالة الثانية عند غناء عثمان حسين حيث كان يتكرر المشهد من ( الوالدة عليها الرحمة ) ، وكبرت أنا وأدركت مبكراً
سر ذلك وحفظت كل أغانية - وما زلت - شعراً ولحناً وكان عثمان حسين وسيظل نقطة تواصل وتلاقى مع من أحببنا.
الله يخليك يا عظيم
والله يا ابا بكر غناء عثمان حسين فيهو سر غريب جدا فقد استطاع من خلاله احتواء وجدانيات جميع السودانيين في الحضر والريف والبوادى الغريب يا بكرى ملاحظة التقاء النخب الصفوية مع الاميين في ولههم باغاني عثمان حسين وانا شخصيا اعرف الكثيرين الذي لم يستطيعوا ادراك معاني الكلمات ولكن يسكرهم اللحن وينسحب هذا كله على اغاني ابراهيم عوض وغيره من عمالقة الفن السوداني.
في تقديري ثمة ارث وجدانى متواصل داخل كل اسرة سودانية خلفه غناء هذين العملاقين . فانا شخصيا لا انسى الجلسة الصباحية امام دكان عمى على شيقوق عندما كان الراديو بالاريال المعلق فوق بالقناية ( ده زمن ما حضروهو ناس صبوحة ) ونسمع من الصباح اغنية شجن او لا وحبك او من قساك للراحل ابراهيم عوض او زاد ويلي لابي داؤود او الابيض ضميرك والسنين للطيب عبد الله او بعد ايه لمحمد وردى ومن المدائح يا ليلة ليلك جن والسراي .
منسي او صبوحة شوفوا لينا السراي دى بحبها شديد لا سيما عندما يتغنى بها الراحل المقيم ابو داؤود .
Quote: منسي او صبوحة شوفوا لينا السراي دى بحبها شديد لا سيما عندما يتغنى بها الراحل المقيم ابو داؤود
ودشيقوق سلاااام يا طيب لو كان الرابط قلت فيه منسي أو سموحة شوفوا لينا السراي كان بحتها من جحر ابوالحداد دق لي مرواد ليس تقليل من شأن الحمامة لكن البريدو مالو تأخر بريدو يا ناس لكن نترك الامر تتولى به حمامة السلام
06-10-2008, 06:35 AM
salma subhi salma subhi
تاريخ التسجيل: 06-29-2006
مجموع المشاركات: 4817
بنقول يا ربي ماتحرم بيت من الأطفال الصغار يملوا البيت نضار وجمال ضحكة رنانة بسمة ريانة
وشوفوا الحلوين إتلموا حول الأب هم بهجة ونعيم الدنيا أم قدود وهم الأمل وصدق من قال أن الإنسان لا يعرف مدى حب والديه له حتى ينجب الطفل ومن هنا بندعو لكل أب وأم بالصحة والعافية وحسن الخاتمة
مودتي وتحياتي تبلدينا
06-10-2008, 04:00 PM
salma subhi salma subhi
تاريخ التسجيل: 06-29-2006
مجموع المشاركات: 4817
الريحانة الراسية وأديبه وفي التراث غار ساسا رضيعة البطانة وبواديها بت الشيوخ في أساسا ما بتدنّا لي الدنيّة وتكوس وديما مرفوع راسا ست عزاً قديم محروس من أخر الجدود ميراثا
خالد
06-10-2008, 04:22 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
اقتراح ***** نكر صوتك صداك غالطني الزمن فيك شهرت على الجفاف وعدك بطاقاتنا الخريفية رجع فاضي الكلام مليان معاك أتبرجت غيمة وشهق جوايـا صوت جدول مرقت على المطر حفيان لقيتك والرزاز مدخل وناديتك :أقيفى معاى نشيل كتف الغنا الميّل ونتخيل حلم دونك بيتحقق وقبلك خيل دماى واقفة على شريانى .. تتشهق وعرف صوتك .. صداك غنيتى رشحت حلقك لى إذاعات الشجر والمنتظر من عودة المدعو المطر وللمسادير .. والطنابير واللسة فى رحم القصيد والدابو حسّ فى سوق عكاظ بين مزادات الحروف غيبت رسمك .. وإحتكرتك لى الظروف للزمان الجايى .. واللحظة اللى فاتت منى هسة يا واقفة بين جرح السحاب وبين شهقة الأرض البكر ما كان ده ريد كان إحتمال تغيير قوانين حركتك ما بين حديثنا.. ولحظة الفعل الحقيقى وإنتباهك إنتى للشارع البيرجع تانى لى نقطة بدايتو وإنحيازك إنتى للشارع البيرشح فى مسام رمل التوقع وما أتعرف قانون نهايتو غايتو أمشى فى الدرب البطابق فيهو خطوة صوت حوافرك يا فرس كل القبيلة .. تلجموا يكسر قناعاتـا ويفر .. يسكن مع البدو .. فى الخلا ما يرضى غير الريح تجادلو وتقنعوا ........ إفترضتك لون أساسى يمنح اللوحة إزدواجية القراية ويفتح الضو بين خطوط الريشة .. والخط الإضافى .. الجايى من شبكية الزول البشاهد وإكتشفنا الرسمك وأنا وبرضو التوارد فى الخواطر ونفس أرقام التذاكر البيها سافرنا وشهدنا انفجارك فى الأرض يا سمرا يا واضحة ما غنيت يوم جيتك .. صدفة ما ظنيت يوم جيتك صدفة قبل أبداك كان غصنك .. بشـّر يوم ما كان إحساسك مسرى عرج غيمك فينى .. ومطّر لحظة طار عصفور من صدرك رتب فينا إحساس بالإلفة ودوزن عصب الزمن الأشتر وإتوكلت عليكى .. وقلت المارق منك داخل جرح الوردة وراسم فوقا غناوى الطل المارق منك رجع للغابات الزنج الهاربة وللعتمور العرب العاربة وأدى الكون مفتاح الحل المارق منك شادد عصب الورقة .. وحرفى وراصد فى اللاّ وعى سكونو مواعيد صحوه .. وحلمو ولونو شارى يقينك فى ظنى سارق لحظة إنى أفكر المارق منك مارق منك .. أو .. منى
اقتراح *************** او مت شهيد .. ما تتضارى ورا الدعوات وما تتلبسي فرح الفات يسكن فيك النغم الزايف ويسرق حاسة شوفنا الواقفة على رجلين جوانا نحنا الهاوية .. والمتطامن من الأرض آه من نحلك ساعة يرحل ولمن يكتب فينا الحنضل ويختم عمرو بفعل الشهد قال الجدول : طلوع النخلة .. مرور الريح .. واحد لكن الريح بعانق حقل ونحن بنطلع نخلة .. وننزل ونكتب فى ذاكرة الصفق الأخضر سجنا الريح فى الورق الأبيض وجهناها ضد التمر الناعس يسقط زى قبعة الحارس زى الكان بيناتنا ..و فات قالت غيمة : بين قوسين (غيمة لئيمة) أولاد الشارع فهرس لى كل المدن التهرس جوفك بالأسمنت قالت ريح : شوف الناس قنديل لو ما نور يحرق كوخ .. وباقى الحلة تنور أو يتفجر جوخ او ينزل بوخ يقول للنسمة الزايفة .. أقيفى لو تتفرد ريح .. تتشرد ريح .. ريح الخوف لو تتفرد ريح تبدأ تفرتق ضفاير المدن الكاذبة تعيد تسريحتك يوم سمايتك .. شكل قامتك كيف تموتى .. وتحيى تانى ويوم قيامتك .. هو البيدينا الثبات يا مجلوبة فى قافلة رق ما بستحمل صدرك رصاصة ظلم يا صابت رحم الفال يا قطعت حبل الحلم يا كنا نبيعك .. يا نسرق إخترنا النار .. الضلها يحرق طمنـّاك إنو الدنيا بخشها ضو يجرح جلد العتمة دم الليل قربان فجرك يا بت يا نيل لو نامت قمحة على الأبيض وإتشرت زيو وزاد الأبيض فى غيو ومدد رجلو اليسرى ما كان الكسرة .. جاتك من برة صفرا .. ومنكسرة زوجناك الشهدا وِلاد الكد الماتو عشان الشعب زوجناك ما عندك ضرة زوجناك ما جاتك ضرة ما إنشاف ماعونك فى الحلة يساسق ويلقى فـتات قال الأبيض لى الأزرق: يبقى ضد الانتباه وضد تواريخ التمازج بينى .. بينك ما البشوفك فى مراهقة الخرائط وفينا من وجع المسافرين واطه .. ما لاقت هوية رد الأزرق: مطر الحبش لو كان نبش جواك سقف و هد حيلك فى الدواخل وشدّ عصبك فى المداخل صوت مراكبى وإيد بتسأل فى القمح وفينا من فرح المسافرين قصة الشمس .. القضية يا أعشاب النيل الأبيض ما تتضارى ورا الدعوات ما تتلبسى فرح الفات أقرا تاريخك .. وأخاف أسأل جبين الفجر .. ألقى الفجر مطعون فى القفا هل سافرت فى دمك المحقون رجا حبة غضب ما شلنا جمرك .. و إنطفا جوانا نارك .. والمطر جايين .. جايين بالكتابة .. وضربة الناس المهابة لو هز نخلك باشبوزك ما غادرت تمرة السبيط وما ساور الطورية شك إنو الأرض أنثى .. وبتحمل بالحلال مين اللى قال إنو المسافة البينا بين الشمس طاقة أو مياه النيل بتدخل فى عروق السنبلة المسقية بى عرق الجعانين .. والمساهرين بالبطاقة أقرى تاريخك .. وأقيف جواكى .. والزمن النضيف جواى .. من جواك غضب سلم مفاتيح السؤال جيل الشمس .. موكب حريق واقف على باب الدخول بيناتو بينات الوصول .. لحظة شهيق بيناتو بينات الوصول لحظة شهيق .. لحظة شهيق
06-10-2008, 04:45 PM
خالد علي محجوب المنسي خالد علي محجوب المنسي
تاريخ التسجيل: 04-09-2006
مجموع المشاركات: 15968
عزاء أهل الإنجمامة الطيبين موصول لكل أسرة أفجعت في حبيب قريب. وندعو الله أن يتقبلهم شهداء في جنانه العلى مع الشهداء والصديقين وحسن اولئك رفيقا.. وإنا لله وإنا إليه راجعون
06-11-2008, 10:32 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
سلام أهل الخير وإن شاء الله أيامكم كلّها خير أولاً رحم الله الذين استشهدوا في حادث الطائرة ولا حول ولا قوة الاّ بالله.نسأل الله الصبر لأسرهم.وأن يجعلها آخر الأحزان! استاذ أبوبكر، دائماً لك رأي سديد وعقل رشيد...تقديري دوماً أخونا المنسي، شكراً للكلمات والأبيات الطيبة والتحية لكل أهل الإنجمامةالغايبين..ردّ الله غربتهم!
06-11-2008, 12:29 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
خالد علي محجوب المنسي
العبيد الطيب عبدالقادر
أبوبكر أبوالقاسم
abubakr
ممدوح أبارو
عواطف ادريس اسماعيل
وضاحة
فيصل محمد خليل
أيمن الطيب
هاشم أحمد خلف الله
salma subhi
Osman Musa
محي الدين جبريل
فيس بوك
تويتر
انستقرام
يوتيوب
بنتيريست