|
|
 عيد ميلادي بكرة
|
اولا انا بحب احتفل بعيد ميلادي حتى ولو كنت لوحدي
- مقاس رجلي 39 ، البناطلين 32 أو 34 حسب الموديل.. الواني الكاكي والبرتقالي والأصفر والكموني
- احب العطور لدرجة خاصة "نينا ريتشي" و"جوشي" و"شانيل وما عندي مشكلة ابدا تجربة أي عطر جميل جديد
أخيرا انا مستعدة اعزمكم على تورتة آيس كريم بفواكه الكاريبي ودي حاجة خطييييرة
كل سنة والجميع بخير
|
|
 
|
|
|
|
|
|
|
 Re: عيد ميلادي بكرة (Re: Raja)
|
رجاء
مقاس توكة شعرك كم؟ نسيتي
كل سنة وانتي طيبة يا ستي
والشهر الجاي عروس قولي آمين, مافي طريقة للسنة الجاية مش؟
الزول لمن عيد ميلادوا يقرب بقوم يفكر لاعياد ميلاد الناس
اها انا مقاس توكة شعري فري سايز
والخاتم 7
ما بادور هديا الهدوم ولا العطور عشان مزاجي متقلب
تحياتي وحبي
زولة123
| |
|
|
|
|
|
|
|
|
|
Re: عيد ميلادي بكرة (Re: Raja)
|
أخت رجاء
كل سنة وعصافير الفرح تزقزق قدام شباكك
والسعادة ليك ولك السودانين يا رب
كنت عايز ارسل ليك هدية توب سواني
ينفع؟؟
والعطر فرير دمور .. وبت السودان
كل سنة وانت طيبه
الرحمابي
| |
|
|
|
|
|
|
|
|
|
Re: عيد ميلادي بكرة (Re: Raja)
|
الأعزاء الأحباب زولة 23 AlRa7mabi
والشريف
وانتو طيبين وبالمناسبة يا
AlRa7mabi
انا بحب التياب جدا ومجننا امي فيهم ما بتريدني البس منها عشان بتقول ببهدلهم.. احب التوتال بأي لون سادة أو مشجر وعاد لو بقى رسالة لندن يكون خطر
--
زولة
عايزة طوق ما توكة لأني ما بعرف اختها في شعري
| |
|
|
|
|
|
|
|
|
 Re: عيد ميلادي بكرة (Re: Raja)
|
Happy birthday (abu alfasad) I hope I can find something nice to send you coz you are the nicest thing in my life I also know very well that you like the Make-Up products may be I can send you some
| |
|
|
|
|
|
|
|
|
|
Re: عيد ميلادي بكرة (Re: Raja)
|
ميرسي حبيبتي راوية
وكل عام والجميع بخير، حكاية المكياج دي ما قلتها هنا عشان ما يقولو على "حنكوشة".. لكن طالما ذكرت ايوة انا بحب المكياج جدا واسعى لمعرفة الجديد فيها وما بطال لو نظرتو ايها الاعزاء البورداب في هذا الأمر
| |
|
|
|
|
|
|
|
|
|
Re: عيد ميلادي بكرة (Re: Raja)
|
رجاء العباس سلام
كل سنة وانت طيبة
وان شا الله السنة الجاية وزيرة اعلامنا فى العهد الديموقراطى
رسالة لندن ؟
دى بسيطة بكلم ليك ماجد سرحان
يدينى ان شا الله اخر رسالة من مشاكوس
مرة تانية كل سنة ورجاء بخير
| |
|
|
|
|
|
|
|
|
|
Re: عيد ميلادي بكرة (Re: Raja)
|
ود الميرغني والفاتح الأعزاء
شكرا .. وانتو طيبين
يا الفاتح مشاكوس الهسع الجابها شنو.. نحن ما صدقنا جاتنا حاجة شخصية تنسينا الشغل وهمومه.. برضو مصرة على رسالة لندن
| |
|
|
|
|
|
|
|
|
|
Re: عيد ميلادي بكرة (Re: بكرى ابوبكر)
|
العزيزة رجاء
كل سنة وانت طيبة
متفائلة ومصادمة وعنيدة
ولكى لانؤجل الامنيات
السنة دى نكون فى وطن حر وديمقراطى يتسع لكل إحلامك النبيلة
وفى الختام لا تنسى نصيبى من التورتة وإلا ساشكو للوالدة
عبدالعزيز
| |
|
|
|
|
|
|
|
|
|
Re: عيد ميلادي بكرة (Re: Raja)
|
رجاء كل سنة وانتى طيبة
وعاما قادما اجمل
وقلتى لى التيبان كيف؟ طبعا انا باموت فى التيبان والعجب لمن جيت بلاد العم سام دى باحس بيها هويتى خلاص وانا راجعة بامر بلندن اشوف لى كم توتال كدة وامر على القاهرة وما عندك مشكلة بس للزمن داك لازم تكونى حافظة لى نصيبى من التورتة
كل سنة وانتى طيبة
| |
|
|
|
|
|
|
|
|
|
Re: عيد ميلادي بكرة (Re: Raja)
|
رجاء
لا املك غير تلك الكلمات اهديها لكي في عيد ميلادك
وكل سنه وانتي طيبه
**********************************
بطاقة من يدها ترتعد
تفدي اليد
تقول : عيدي الأحد
ما عمرها؟
لو قلت .. غنى في حبيبي العدد
إحدى ثوانيه إذا
أعطت، عصورا تلد
وبرهة من عمرها
يكمن فيها .. أبد
ترى إذا جاء غد
وانشال تول أسود
واندفعت حوامل الزهر..
وطاب المشهد
ورد..وحلوى ..وأنا
يأكلني التردد
بأي شيء أفد
إذا يهل الأحد
بخادم ..بباقة؟
هيهات. لا أقلد
أليس من يدلني؟
كيف .. وماذا أقتني؟
ليومها الملحن
أحزمة من سوسن؟
أنجمة مقيمة في موطني؟
أهدي لها
الله .. ما أقلها؟ ..
من ينتقي؟
لي من كروم المشرق
من قمر محترق
حقا غريب العبق
آنية مسحورة خالقها لم يخلق..
أحملها ..غدا لها
الله ..ما أقلها
لو بيدي الفرقد
والدر والزمرد
فصلتها جميعها
هدية صغيرة .. تحمل نفسي كلها
لعلها
إذا أنا حملتها
غدا لها
ستسعد
يا مرتجي .. يا أحد ..
| |
|
|
|
|
|
|
|
|
|
Re: عيد ميلادي بكرة (Re: Raja)
|
كل سنو وانته طيب تعرفى كل الاشياء القلتيها جميلة ومحبوبة بس الا الكاكى ده
المشكلة انو العطور فى السودان بقت تركيب واظرف حاجة انو اشتريت لى عطر قبل شهور لزوم التجربة تعرفى الحصل كلفنى روشتات طبيه كتيرة بسبب الحساسية والدكتور قال لى ابعد ملاح الاسود والريحة السودانية المركبه
وسنه حلوة يا جميل
@@@@@@@
كم فى ظلمة الليل من بهاء
ولكن كثيرون حولوها الىارتكاب المصائب
| |
|
|
|
|
|
|
|
|
|
Re: عيد ميلادي بكرة (Re: Raja)
|
الاخت/ رجاء العباسى
Happy Barith day to You
كل سنة حلوة يا جميلة
كل سنة و انت طيبة و انشاء الله القابلة زى ما تتمنى اما عن الهدية فنحن خلف الاسوار لا نستطيع ان نهديك سوى الامنيات الطيبة لك و للوطن.
++++++
عزيز انت يا وطنى برغم قساوة المحن
| |
|
|
|
|
|
|
|
|
|
Re: عيد ميلادي بكرة (Re: Raja)
|
هلولة
وانتي طيبة.. خلاص اتفقنا انتي تجيبي كم توب من امريكا ولما تجي عندنا هنا في مصر انا حأهديك "الشباشب" المجننة السودانيات وبقى اي صاحب دكان يناديك عشان في موديلات جديدة طلعت.... والتورتة منتظراك انتي والجميع
----
بيكو
أعجز عن تقديم كلمة شكر فقيرة أمام كلماتك الثرية.. تسلم
---
بلدي يا حبوب
سلامتك الف سلامة من الحساسية.ز نحنا ما قلنا "السينييه" يكسب ولو كان بـ 200 دولار
| |
|
|
|
|
|
|
|
|
|
Re: عيد ميلادي بكرة (Re: Raja)
|
الأحباء الكرام
بت أم در، دور نقاس، أبوعرفة ومارد
وانتم جميعا طيبين ويكفي هذه التهنئة التي جعلت هذا العام عيدي مختلفا.. دمتم اخوة افاضل وكنز عثرت عليه في زمن لا يؤمن بالأشياء الجميلة
| |
|
|
|
|
|
|
|
|
 Re: عيد ميلادي بكرة (Re: Raja)
|
أختي رجاء كل سنة وانتي بألف صحة وعافية000وربنا يجمع الشمل000 نسيتي أيضا من الاشياء التي تحبينها 000أهديك دبدوب كبير بلون بني00000 وعمر جميل مديد
| |
|
|
|
|
|
|
|
|
|
Re: عيد ميلادي بكرة (Re: Raja)
|
سوركتي العزيز
وانت طيب.. قلت شنو؟ دبدوب؟ اححححم.. بيني وبينك انا قلت لازم زي ما كبرت سنة اكبر برضو في هداياي وحكاية الدبدوب والفار جيري والكلب اموروس ديل خليهم بيني وبيك
دمت يا غالي
| |
|
|
|
|
|
|
|
|
|
Re: عيد ميلادي بكرة (Re: Raja)
|
بسم الله الرحمن الرحيم
العزيزة رجاء
سلاااااااااااااام وفرحة
كل سنة وإنتي طيبة وسعيدة
وربنا يحفظك ويديك الفي مرادك
آمين يارب العالمين
| |
|
|
|
|
|
|
|
|
|
Re: عيد ميلادي بكرة (Re: Raja)
|
العزيزة رجاء
كل سنة وانتي طيبة وعامرة بالأخوة والإنسانية والمشاعر الطيبة
والسنة الجاية انشاء الله تتحقق الامنية (اللي بالي بالك) وعقبال مية سنة
ولو كنت في القاهرة كنت عزمتك في كافتيريا فيينا في شارع القصر العيني
| |
|
|
|
|
|
|
|
|
 Re: عيد ميلادي بكرة (Re: Raja)
|
رجاء الحبيبة
هو كارت و انتهينا
كمان منزلة بوست مدجج بالطلبات؟؟؟؟
كل سنة و انت حلوة
وطيبة
و مناضلة
واهم شىء
كل سنة وانت بيننا
| |
|
|
|
|
|
|
|
|
|
Re: عيد ميلادي بكرة (Re: lana mahdi)
|
كل
كل
كل
سنه و انت طيبه والجايه علي امانيك
ويا رجاء قالوا المرأه ما بسألوها من عمره
و الراجل ما بسألوهو من ماهيتو... صاح
يديك العافيه وتسلمي
تحياتي ...ناصر البطل
| |
|
|
|
|
|
|
|
|
|
Re: عيد ميلادي بكرة (Re: Raja)
|
الاخت رجاء.......التحيات الطيبات
كل سنة و انت طيبة
انا بما انى من المؤمنين بانو الهدايا الجميلة لم تقدم بعد!! فانا لسة منتظرة و كده اظنك ترجينى كتير عشان كده ما مشكلة اطفئوا الشموع و انا باحصل فى اقرب فرصة انشاء الله
| |
|
|
|
|
|
|
|
|
|
Re: عيد ميلادي بكرة (Re: aba)
|
يا رائعه
كل عام وانت طيبه
لكن ما قلتى لى فنانك منو وبتحبى يا تو غنيه
بس حاولى ركزى على العشا
التورته دى ما بتنفع
| |
|
|
|
|
|
|
|
|
|
Re: عيد ميلادي بكرة (Re: Raja)
|
الأخت الأستاذة .. رجاء
كل سنة وانتى طيبة، وربنا يحقق الأمانى
ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث
| |
|
|
|
|
|
|
|
|
 Re: عيد ميلادي بكرة (Re: Raja)
|
رجـويـة ســـلام
كـل سـنـة و إنـتـي طـيـبـة و ربنا إحـقـق الأمـانيـى
بـس نسـيـتـي لـون المـنـكيـر المـفـضـل مـهـم جـدا لأنـو الناس مقامات
| |
|
|
|
|
|
|
|
|
|
Re: عيد ميلادي بكرة (Re: Raja)
|
| Quote: تورتة آيس كريم بفواكه الكاريبي ودي حاجة خطييييرة |
خطيرة انتى يا رجاء
و عقبال مية شمعة
و كل سنة و انتى طيبة
لك كل النينا ريتشي
و عطور الياسمين
| |
|
|
|
|
|
|
|
|
|
Re: عيد ميلادي بكرة (Re: Raja)
|
والله العظيم ده احلى عيد ميلاد مر علي.. لأني عمري ما تلقيت التهاني بالكثرة والحب ده.. تسلموا ايها البورداب
----
وليد 500
شكرا على باقة الورد
---
معتز، ملاذ افكارنا، بدر الدين ونصر الدين و
sympatico
ألف شكر وكل عام والجميع بخير
----
فيصل العزيز
الله يحقق كل الأمنيات (اللي بالنا منها).. ميرسي
-----
لنا الحبيبة
ده لو ما عاجبك في لستة تانية... هاها ها
-----
yumna gota, abe
شكرا احبائي على كلماتكم الرقيقة
---
الفنان الفنان حمزة سليمان
انا فناني صاحب أي اغنية حلوة، وبالمناسبة اعرف اميز بين الذي يغني والذي يطرب.. نحن مع الطرب.. وحكاية العشا دي قيد النظر
------
الأعزاء صفوان 13، خضر حسين ، امدرماني
كل عام والجميع بخير
---
أبو حسين يا ممسوخ انت بس هني ساكت ، مالك ومال لون المانكير؟ عموما اذا كنت مصر فلازم يكون شفلف عشان يمشي مع الأظافر "الإناميل" الجديدة لووووووووول
---
Tmbis
لكن ما بالغت في الحاجات الحلوة التي اهديتني اياها.. تسلم ايها العزيز
----
الغالي أسامة
صدقني التورتة فعلا خطيييييرة.. وقعدت ستة شهور اقارن بين حلاوة فواكه الكاريبي ولا التروبيكانا فروت.. ها ها ها
---
العزيز أبويوسف
شكرا جزيلا وكل سنة ونحن جميعا بخير
| |
|
|
|
|
|
|
|
|
|
Re: عيد ميلادي بكرة (Re: Raja)
|
كل سنة وتنتى طيبة وعقبال 100 شمعة ، ومقاساتك محفوظة مافي داعي لذكرها يا سندريلا ، طريتينى عرس المغترب لمن اجى اعرس ارسل الشنطة ويكلف الاهل للبحث عن السندريلا حسب مقاس المداسات والحاجات الفي الشنطة ، سندريلا يعنى اها عقبال الشيلة يا رجوية .
| |
|
|
|
|
|
|
|
|
|
Re: عيد ميلادي بكرة (Re: عشة بت فاطنة)
|
كل سنة وانت طيبة
اشتريت كل الهدايا حسب المواصفات الدقيقة . لكن الجندرية غارت . واعتقد انها طمعت في الهدايا خاصة وان المقاسات تتطابق مع مقاساتها . ساحاول التحايل عليها وتخليص الهدايا منها ، رغم انني لا استطيع ان اقول لها بصراحة ان هذه الشباشب والهدوم انا مشتريها لرجوية ، فهي تغير منك بشدة .
المهم اذا استطعت تخليص هداياك , فسيكون هذ1 اقل مايمكن تقديمة اليك في هذه المناسبة ، واذا لم استطيع فان أكثر ما يمكني تقديمة هو هذه المحبة .... فهل هناك أكبر منها واثمن ؟
| |
|
|
|
|
|
|
|
|
|
Re: عيد ميلادي بكرة (Re: Raja)
|
الحبيبة ندا
يمكنك ان تقولي كده بين 18 لي 21 سنة
وكفاية لأني ناوية اقيف في هذه الفترة الزمنية لمدة خمسة سنين كمان
| |
|
|
|
|
|
|
|
|
|
Re: عيد ميلادي بكرة (Re: Raja)
|
العزيز الفاضل أمين "هدهد"
تلقيت الآن دعوة وترك لي تحديد المكان من هدهد.. تسلم يا هدهد ويشرفني تلبية دعوتك الكريمة وكل عام والجميع بخير
--
مثلما قلت ان الأفراح هلت بالجملة عيد ميلادي اولا ونجاح استاذ جلال في انتخابات النقابة ولا اعرف ايهما اولا
دمت
| |
|
|
|
|
|
|
|
|
|
Re: عيد ميلادي بكرة (Re: Raja)
|
الاخت رجاء
كل سنة وانتي طيبة
انا بحب اجي في اليوم المظبوط
مش ياهو الليلة؟
التورتة كان اكلتوها من غيري,بشيل حسك اعملي حسابك
رسلي لي تزكرة طيارة عشان احضر
كل مصاريف الحفل وتزاكر الجميع علي بكري.دوينيها ليهو في النوتة
القال ليهو يلمنا في الحوش الكبير دة منو؟
الله يحقق الاماني
حنينة
| |
|
|
|
|
|
|
|
|
|
Re: عيد ميلادي بكرة (Re: Raja)
|
حنينة الحنينة
ايييييوة مضبوط الليلة.. ونصيبك من التورتة قااااعد منظرك
طبعا اتفقنا مع ابونا بكري على التذاكر والحجوزات والذي منه وربنا يمد لينا في عمره عشان هو غصبا عنه بقى أبونا.. ولا رأيكم شنو؟
| |
|
|
|
|
|
|
|
|
|
ميلادك (Re: Raja)
|
العزيزة رجاء
لك تحيات الزهور
كل سنة وانت طيبة
وعيد ميلاد سعيد
واول زيارة لي للقاهرة وعما قريب جدا الهدايا تصلك حتى الباب
لك الود
خالد العبيد
| |
|
|
|
|
|
|
|
|
|
رجاء (Re: Raja)
|
العزيزة رجاء
لك تحيات الزهور
شكرا ليك يا غالية
انا بجي القاهرة مرتين في السنة تقريبا
زوجتي واطفالي وارف واياس مقيمين في القاهرة
اتمنى ان تتعرفي عليهم
تلفونهم
2419386
ويسكنون حلمية الزيتون
لك الشكر
خالد
| |
|
|
|
|
|
|
|
|
|
Re: عيد ميلادي بكرة (Re: Raja)
|
الأعزاء الفاتح يسن وعبد المنعم 2002
ألف شكر وكل عام والجميع بخير
---
الزميل الفاضل خالد العبيد
شكرا وتم الاتصال بالأسرة الكريمة وبالمناسبة طلعنا معرفة وان شاء الله تدوم
---
الزملاء الذين اتصلو بي تليفونيا مهنئين
ألف شكر وحقيقة هذا أجمل عيد ميلاد بتواجدكم الظريف معي
| |
|
|
|
|
|
|
|
|
|
Re: عيد ميلادي بكرة (Re: Raja)
|
عارفين اتذكرت منو في هذه المناسبة.. إنسانة لأنها هي اللي كانت بتذكرنا بأعياد ميلاد بعضنا.. التحايا لها هي وبورداب الخرطوم اللي اتقابلو في نفس يوم عيد ميلادي.. سلاااااااام
| |
|
|
|
|
|
|
|
|
|
Re: عيد ميلادي بكرة (Re: Raja)
|
العزيزة رجاء
كل سنة وانتي طيبة وربنا يحقق أمانيك وتلقي مرادك والفي نيتك
امنياتي لك بالسعادة الدائمة تقبلي تهاني يسرا وامها
استلمي الهدية
| |
|
|
|
|
|
|
|
|
|
Re: عيد ميلادي بكرة (Re: Raja)
|
الاستاذه رجاء
بعد عمر مديد وصحة حديد
وانشاء الله تلبسي ما راق لنفسك من الموضة وعطور باريس
كل سنة وانت طيبة
اخوكم/ ابوساره
| |
|
|
|
|
|
|
|
|
|
Re: عيد ميلادي بكرة (Re: Raja)
|
الاستاذه رجاء
بعد عمر مديد وصحة حديد
وانشاء الله تلبسي ما راق لنفسك من الموضة وعطور باريس
كل سنة وانت طيبة
اخوكم/ ابوساره
| |
|
|
|
|
|
|
|
|
|
Re: عيد ميلادي بكرة (Re: Hozy)
|
رجاء كل سنة وانتي طيبه
طبعا مشيت لسيد الجزم اشتري ليك هديه لقيت جزمة زيزي مخلصه
سيد الدكان قال لي في تموت تخلي
قلت لي جيب اتنين اصلو البت دي عزيزه علينا
اها تقطعيهن بعرق العافيه
والحوامه الدافيه
قولي آمين
| |
|
|
|
|
|
|
|
|
|
Re: عيد ميلادي بكرة (Re: Raja)
|
جئت كالعادة متاخراً يا رجاء لكن لا املك إلا ان اهنئك بعيد ميلادك وبهذه الأريحية والإشراق وبهذا العدد من الاصدقاء والمهنئين .اتمنى لك سنة عمرية جديدة موفقة في المجالات كافة بما يغمرك بحبور طويل الأمد
| |
|
|
|
|
|
|
|
|
|
Re: عيد ميلادي بكرة (Re: Raja)
|
تسنيم العسل
شكرا ياذوق.. تسلمي
-----
هوزي حبيبتي
وينك؟ السودان دساك مننا ولا شنو؟ افتقدنا طلتك البهية.. تمنيت حضورك عيد الميلاد.. لكن الجايات أكثر من الرايحات.. ميرسي يا حبوب
----
هوب لس
يا كريم بصلة المحب خروف ، وتموت تخللي احسن من اي حاجة من ايطاليا.. وانا في الانتظار
ألف شكر
-----
الفاضل حبيب بلدو
كل عام والجميع بخير، شكرا جزيلا
---
ود رملية العزيز
تسلم يا عزيز وكل عام وكل البورداب واهلهم في السودان بخير
----
أستاذي الفاضل بشرى الفاضل
سأحتفظ بكلمة تهنئتك مثل الكنز، لأنها أتت من كاتب أعشق أحرفه وأدعي في كل مرة أنني "البنت التي طارت عصافيرها" التي تحدثت عنها
ألف شكر وكل عام والجميع بخير
| |
|
|
|
|
|
|
|
|
|
Re: عيد ميلادي بكرة (Re: Raja)
|
العم كباشي الصافي كما يحلو له ان يكتب لي
شكرا جزيلا على التهنئة، واسعدني معرفة انك بالقاهرة وهديتي هي فقط المقابلة.. تسلم
| |
|
|
|
|
|
|
|
|
|
Re: عيد ميلادي بكرة (Re: Raja)
|
الأخت الفاضلة رجاء
أرجو المعذرة للتأخير .
وكل سنة وانتي طيبة وربنا يحقق كل أمنياتك وأحلامك وعقبال المئوية.
| |
|
|
|
|
|
|
|
|
|
Re: عيد ميلادي بكرة (Re: Raja)
|
زيدون العزيز
شكرا جزيلا.. اين انت يا رجل؟ من أوضة السفير وحوش حنين ما شفناكم تاني الحاصل شنو..
كل عام والكل بخير
| |
|
|
|
|
|
|
|
|
|
Re: عيد ميلادي بكرة (Re: Raja)
|
الأخت الفاضلة رجاء
نعمل شنو يارجاء الحيشان الرطبة قفلت ... قلت نلف شوية ... لكن الظاهر طولت .. ايمكن اتعاديت من حمي الغياب المنتشرة بيجاي دي. لكن شمعتك دي نورت لينا الطريق ... جينا جري .. يمكن نلحق حتة من التورتة اللذيذة دي .. انشاء الله باقي فيها شي ؟؟؟
ده الموضوع بإختصار شديد.
مقاسك مالقيته في السوق 40 كيف ؟؟؟
| |
|
|
|
|
|
|
|
|
|
Re: عيد ميلادي بكرة (Re: Raja)
|
هوبلس
شايفاك عملت لينا بوست استنكار..اها هاك دي
عربيتي المفضلة
BMW
الفئة الثالثة، وياريت يكون لونها
Dark Blue
| |
|
|
|
|
|
|
|
|
|
Re: عيد ميلادي بكرة (Re: Raja)
|
رجاء
شفتو مافي زول شغال بيكم
عشان كدا الواحدة منكن بقت تفرجها على نفسها براها
وتحتفل بعيد ميلادها
والله حاجة ظريفة جداً
ناس البورد ديل بأخوي وأخوك مابيجوا
لازم ا لواحد ياكل نارو براهو
لك التحية والتهنئة الحارة على اعياد الميلاد
بالله السنة الفاتت احتفلت بعيد ميلادي اول مرة في حياتي
بس الجماعة دعواتهم كلها لأبوحراز السنة الجاية نلقاك عريس
والزهور الأرسلوها ليكم انتي والزولة بالله ماشفنا منها أي حاجة
يعني في تفااااااااااح وفقوووووووووووس
بالله حتى بكري ابوبكر مسحنا سااااااااااااكت
قال تورته قال
ظريفة قروشك المفضلة دي
| |
|
|
|
|
|
|
|
|
|
Re: عيد ميلادي بكرة (Re: Raja)
|
العزيز أبو حراز
وانت طيب.ز ايوه شفتنا برانا بنحتفل بأعياد ميلادنا.. لكن الصحبة الجميلة هنا في البورد لم تجعلني قط احس بأني احتفلت به وحيدة.. كلماتهم اجمل باقات ورد، دعواتهم اجمل عطر
----
الحبيبة الذوق انسانة
تسلمي يا غالية وانا جد عندما سافرت لقضاء اجازتك في السودان عرفت اني سافتقدك في ذلك اليوم.. شكرا للكارت الرقيق والكلمات الأرق
| |
|
|
|
|
|
|
| |
Raja
zola123
AlRa7mabi
elsharief
Rawia
Wadmirghani
alfatih
بكرى ابوبكر
beko
دورنقاس
بلدى يا حبوب
abuarafa
waleed500
Abd-Elrhman sorkati
يحي ابن عوف
motaz
بدرالدين شنا
Faisal Salih
lana mahdi
nasiradin
yumna guta
aba
HAMZA SULIMAN
ABUHUSSEIN
tmbis
اسامة الخاتم
مهاجر
عشة بت فاطنة
تراث
haneena
خالد العبيد
الفاتح يسن
moniem2002
almohndis
ابو يسرا
Habib_bldo
Bushra Elfadil
ودرملية
Tumadir
أبو ساندرا
ابوحراز
فيس بوك
تويتر
انستقرام
يوتيوب
بنتيريست