|
|
 Re: طلعت القمرة - مسلسل أون لاين (Re: Bushra Elfadil)
|
الحلقة الثامنة عشرة
الخيط الرئيسي(داليا وأروب) ، المشهد 61
خارجي/نهار
في محطة القطار بالخرطوم بحري
(أروب ويوسف وسليمان بعد أن ذهبت داليا وخالد وريم ونجلاء وانجيلا)
أروب : افتكر ما عندكم طريقة غير ما تمشوا معاي الحاج يوسف تتعرفوا علي أهلي وتبيتوا وتروحوا من الصباح للجزيرة.
سليمان: لا يا أروب شكراً بصات سنار موجودة دايماً والشوق لي أهلي بحر .انا بسافر لكن اعدك لوجيت الخرطوم أو قبل ما تنتهي الإجازة بي يوم أجي ازروك . (يخرج من شنطته اليدوية ورقة وقلم .اديني وصف البيت.وتلفون اتصل عليك فيه يتناول اورب الورقة ويرسم عليها الشارع ووصف البيت ويكتب أرقام تلفون لبعض معارفه ويناول الورقة إلي سليمان )
سليمان: تلفون بيتنا في سنار اديتك ليهو وكمان تلفون مدرسة ناس ابوي
يوسف: وانا كمان شرحو يا أروب .لكن حلتنا قريبة من مدني .وبجي الخرطوم كتير .لما أجي بجيبني ليك ياسر واللا حنتصل على داليا.
أروب: يا شباب ما تغيروا رايكم دا كلها يوم واحد.
يوسف: لا شكراً
أروب : خلاص أمشي معاكم موقف مواصلات مدني وسنار وين هي مش في السوق الشعبي؟
يوسف : أيوة وحناخد تاكسي لي هناك طريقنا معاك ما واحد يعطي أروب قصاصة فيها تلفونهم في حلتهم.
(يودعون بعضهم البعض وداعاً حاراً.يأخذ اروب سيارة أجرة ويذهب للحاج يوسف . يستقل يوسف وسليمان سيارة أجرة )
سليمان : والله حتكون ليك وحشة يا أروب!
يوسف : حتكون ليهو وحشة وبس؟ عمري ما شفت لي إنسان ملان إنسانية زي دا.(يصمت) وبعد شوية إنت بتكون ليك وحشة كمان يا سليمان. تعال نركب بص واحد لمدني.
سليمان: لا أنا حامشي سنار على طول يمكن كمان ألقى حافلات لهناك عندنا ناس قرايبنا عندهم حافلات زي ديل بوصلوني البيت بالمرة.
(يصلان إلى السوق الشعبي ويودعان بعضهما البعض بحرارة) .
(قطع)
الخيط الرئيسي (داليا واروب)، المشهدد 62
خارجي/داخلي / نهار
( لقاء أروب بوالدة داليا الدكتور انصاف عبدالحميد)
(جاء اروب لنادي اساتذة جامعة الخرطوم قبل الموعد بربع ساعة .وجلس في إحدى الطاولات وحيداً وهو في حالة ترقب و بين كل لحظة واخرى ينظر تجاه البوابة.في تمام الحادية عشرة وخمس دقائق جاء ت داليا وسلمت عليه وسالته عن اهله وكيف وجدهم وصحبته لمكتب والدتها الدكتورة انصاف بكلية الآداب شعبة اللغة الإنجليزية. طرقا الباب وما أن سمح لهما بالدخول حتى نظر أروب و استغرب. والدة داليا تشبهها وتبدو أصغر سناً مما كان يتوقع كانت ترتدي الثوب ..فقامت واقتربت من منتصف المكتب وسلم عليها اروب ثم اجلست اروب وداليا على كرسيين وجلست هي على كنبة. كاد اروب ان ينطوي على ذاته من رهبة اللقاء لكن الدكتورة انصاف نظرت في وجهه وابتسمت وهي تسأل)
الدكتورة إنصاف: إن شا الله لقيت أهلك هنا كويسين؟
اروب : كويسين الله يسلمك.
إنصاف: داليا شاكراك لينا كتير قالت ساعدتها كتير في السنوات الفاتت دي كلها.
داليا: والله اروب ما قصر معانا أنا وصاحباتي كلهن كان طلبنا حاجات من السوق من البقالات أو الصيدلية أو حتى القاهرة
أروب: آ آآ آآ (مرتبكاً)
الدكتورة انصاف:أنا وأبو داليا بنشكرك كتير ونفسي اتعرف على صحبانا وصاحباتا التانيين كمان .شوفي يا داليا لو جوا الخرطوم أعزميهم عندنا وإنت يا اروب تعال لينا في البيت داليا حتوريك اليوم والمواعيد.
أروب: إن شاء الله.
إنصاف: وكيف الدراسة في الزقازيق معاك داليا بتشكي من كترة المقررات والواجبات؟
.أروب: مناهج كتيرة .ماكنت قايل دراسة طب صعبة كدا.
إنصاف: الدراسة في كل مجال عايزة اجتهاد.وكيف بتتحملوا في الشتاء برد الزقازيق؟
أروب: داليا غايتو عندها ملابس برد كويسة ومع دا مرات كتيرة بتجيها نزلات خفيفة.
داليا: وإنت ما لك ما قلت على نزلاتك التقيلة العاديتني بيها في السيكشن ديك؟
أروب: (يضحك)
إنصاف:هنا السنة دي جانا شتاء صعب. سدوا حيلكم يا أروب كلها سنة وسنتين وتعدي.
اروب: إن شا الله. (يقف) طيب أستأذن أنا .
الدكتورة انصاف: اقعد يا اروب اسة انا ما عندي شغل ممكن تقعد شوية
اروب: وهو واقف: لا كتر خيرك بجيكم مرة تانية.يودعها ماداً يده وتودعه
الدكتورة انصاف: مع السلامة يا أروب .
أروب (يتجه نحو الباب وهو يقول لداليا): مع السلامة يا داليا.
داليا: استنى أنا جاية معاك اطلعك من الجامعة .
(قطع)
الخيط الرئيسي (داليا واروب ) ، المشهد 63
خارجي/نهار
أروب: الله ! الواحد ما عارف الليلة سعيد بلقاك واللا بالتعرف على والدتك الرائعة دي. دي انسانة الواحد يحترمها من أول لقاء . ورغم إنك يا داليا حكيتي لي عنها لكن التصورات راحت وجات عن إنسانة مختلفة. دي والدتك دي واللا صديقتك.
داليا:: بدري عليك تعمل انطباعات يا أروب عن أمي إلا إذا كان عايز تعمل انطباعات من أول نظرة. شكراً على كل حال أنصاف صاحبتي فعلاً . لكن إنت قمت من عندها بسرعة ليه؟
أروب : كنت خايف مجاملة لي تدك ليها محاضرة واللا اجتماع.
داليا: ماما رسمية ودي ما بتعملا .في شغلها ما بتجامل.برضو تعال نمشي كلية المعمار يمكن نلاقي عاصم أخوي .
أروب : عاصم اخوك ما قلتي اتخرج ؟
داليا: اتخرج لكن عارف أولاد جامعة الخرطوم كيف بركلسوا في الجامعة بعد التخرج. عاصم ليهو سنة ساكي الشغل لكن كل يوم في الجامعة من ركن نقاش لي كافتيريا ومن داخلية لي داخلية. ماما قالت ما بجي البيت إلا يوم الجمعة.
أروب: والله أنا مشتاق اتعرف على عاصم دا طيب يلا بينا (يخرجان)
(قطع)
البحث عن طه ، مشهد 24
خارجي/نهار
(عاشة في مركز بوليس الخرطوم شرق )
عاشة : يا حضرة الظابط ولدي ما جمع؟
الضابط المناوب : ولدك منو؟
عاشة : ولدي طه. قبال سبوع ذاعوهو في اللذاعة قالوا بيجي عندكن هني .
الضابط : يا حاجة ولدك اسمو منو؟
عاشة : أسمو طه ولد حومد خير .اسمو يعني طه محمد خير من بلدن يقولولا تمري .
الضابط: يا حاجة تمري بعرفها بالحيل انا من نوري .ولدك ما جابوهو هنا لكن بمشي اسة الرئاسة اشوفو لو في بالغ عنو في كل مراكز البوليس في الخرطوم كلها بوريك. إنتي ساكنة اسة وين؟ عتدكم تلفون نتصل
عاشة : لال لا ما في تلفون . ساكنا مع ولاد ولدي سيد أحمد في الصحافة الضابط يكلف أحد افراد البوليس بمرافقة الحاجة عاشة ويهمس إليه وصلا الصحافة مربع تلاتة كان تعرف بيت أهلها.
رجل البوليس : حاضر سعادتك .(رجل البوليس يقود حاجة عاشة نحو عربة الشرطة)
الحاجة عاشة: أنا درب البيت بعرفو.أنا نجيضي ما تشوفني كدي تقول المرة دي درويشة.
رجل الشرطة: عفارم عليك يا حاجة يا الله نوديك الصحافة بعدين تورينا درب البيت.
حاجة عاشة : اول كنت قايلا تخليني امشي بالباظات بعرف أبوي.كان اغشى هنا ولا هني من حلال الخرطوم الكتار ديل يمكن القى ولدي يلعب مع المتيلو من أخيانو القاعدين تحت عمدان الكهربا بالليل ديل .
رجل البوليس : (يضحك ويقود العربة حيث يوصل الحاجة للصحافة.
تشير حاجة عاشة لمنزل سيد احمد من بعيد قرب المدرسة فاتح على ميدان.)
رجل الشرطة: دا بيت ولدك؟
الحاجة عاشة : أي دا بيت سيد احمد ود أختي.
(رجل الشرطة يطرق الباب تخرج له بدور. يشير للحاجة وتتقدم الحاجة وتدخل وسط دهشة بدور)
(قطع )
البحث عن طه ، مشهد 25
داخلي /ليل
ام بدور: كنت وين يا حاجة.
حاجة عاشة : مشيت في درب البوليس قلت يكون سمع جاي واللا جاي خبر من طه وليدي.
بدور: لكن يا حبوبة نحن ما قلنا ليك بنفتش ليهو وإن شاء الله نلقاهو ونجيبو ليك.
أم بدور: آي يا حاجة ما تمرقي ساهي .البلد دي ما صغيرة تقومي تروحي هنا واللا هنا واللا تضربك عربية.
حاجة عاشة: لا ما بقعد والله. الخرتوم حلالا جت عليهن بفتشهن . يمكن طه ولدي لم ليهو في جماعة جاي واللا جاي ودروا ليهو راسو.ما بقعد والله.
بدور (لأمها) : يا يمة حاجة عاشة دي أنا قايلة أخير نخليها ترجع لي البلد ونحن بي هنا بنتولى التفتيش . الشباب هنا في حي الصحافة قالوا بساعدونا.أمس قابلت خالد ودعثمان خليفة البيتم مقابل الجامع هنا قال لي الشباب مصممين يفتشوا للحاجة دي عن ولدها.وأنا اصحابي في الجامعة قالوا ما بقصروا.
حاجة عاشة: لا لا؛ أنا ما بقعد بكوس لي وليدي . مالي ما تراني نصيحي.
بدور: ما قلنا حاجة يا حاجة فتشي وارجعي البلد نحن بنتم الباقية
حاجة عاشة : لا لا يا بتي:
(قطع)
القريتان – أم جداول ، المشهد 28
داخلي / نهار
(هناء وبدور في بيت الجد عبدالكريم )
هناء : بكرة يا نا الداكين اليوم.الليلة نمشي ناس خالتي المغرب عشان ما يزعلو وبكرة من الصباح نسافر.
(يدخل الحاج عبدالكريم)
عبدالكريم : كيف قيلتوا يا بناتي؟ مما جيتن ما قعدتن تتجمن في الواطة .(يسأل هناء): لقيتي عمتك كيف مع أولادها وعوض.
هناء: كويسين.يسلموا عليك.
عبدالكريم: الله يسلمن.يا هناء الليلة النهار راح .أنا والحاجة ماشين صلاة الجمعة حسة. بكرة من الصباح ما عندكن مرقة أنا عازم الأهل والجيران فطور .من كلمتكن.
هناء : لكن يا جدي نحن بكرة ماشين من الصباح عشان الجامعة فاتحة
عبدالكريم : يوم واحد ما بسوى ليكم شي .
بدور: معليش يا حاج المرة الجاية .
عبدالكريم : لا لا انا حلفت .العتود يا هو دا جبتو في الحوش .كان ما مشيتكن لي ودنفير دي كنت ضبحتو.
هناء : خلاص يا جدي بكرة بنقعد للفطور.
حاجة فاطمة (من الداخل): فطور وغدا.
(بدور وهناء تبتسمان)
بدور : أم جداول دي من سماحة ناسا دايرا تنسينا الجامعة.
(قطع)
القريتان – قرية أم جداول ،المشهد 29
داخلي /نهار
بدور : وليد دا يا هناء كنتي قاسية معاهو .شكلو ظريف .خليتي يمرق من بيتو جري .اسة تاني علاقتك بيهو تكون كيف؟
هناء : ظريف شنو؟ دا قايل الحياة حمام وقشرة ومرقة .علاقة بيهو دايرا بيها شنو؟ صحيح هو ود أهلي ولو داير يتعامل معاي في حدود الأهل بس مرحب ما بابا علاقة بيهو لكن هو زودها حبة. داير شنو قال؟ أهلو يجو يتقدمو لي ليهو؟ بالله دي حالة خريج؟
بدور: أعذريه الشاب دا ما لاقي فرقة يتقرب منك إنت ديمة في أم درمان.
هناء: جانا في أم درمان مرتين السنة الفاتت ولا مرة ما فتح خشمو بالموضوع دا معاي. بالله سيبينا من السيرة دي ( تغير الكلام ) المغرب حنمشي لي ناس خالتي علوية .وانتي ما دايرا تزوري ناس أهل ياسر عوض الجيد؟
بدور: يا هناء إنتي عارفا علاقتي بي ياسر يا دوبك في بدايتا .أقوم اجي كمان ناطة ليهو في بيت أهلو يقول على شنو وياسر ذاتو يقول على شنو؟
هناء : سنتين من تانية لي رابعة ويا دوبك في بدايتها؟ ليه انتو أفيال واللا بشر؟ وبعدين هو هل حايقول عليك متشبرة وشفقانة وجيتي تفحصي وضعو الاجتماعي؟
بدور :بالضبط . اهو دي انتي حللتي الحكاية على المستوى النظري يا رئيسة جمعية المرأة
هناء : وانتي فضل ليك المستوى التطبيقي
(تقطعان الحديث بعد سماع الحاجة فاطمة من الداخل وتذهبان لمساعدتها في المطبخ)
هناء : تعرفي يابدور خلي بالك شغل المطبخ دا قدرنا مهما حاولنا نهرب منو ورانا ورانا.اسة شوفي حالة الحاجة دي بنقدر نتفاداها كيف؟ والعجب يوم بكرة لما جدي يضبح العتود من الصباح .إنتي بتعرفي تنضفي الكمونية يا بدور ؟
بدور : بنضفا. إنتي قايلاني داليا واللا إنتي بعد سكنتو أم درمان وبقيتي بت سر تجار؟
(هناء وبدور تدخلان المطبخ وضحكاتهما ترتفع .وتطلبان من الحاجة الخروج لترتاح تخرج حاجة فاطمة وهي تقول : )
حاجة فاطمة : الله يفتح عليكن يا بنياتي . (تركز الكاميرا على تجاعيدها وفعل السنين)
( قطع)
باسبار يبحث عن عمل، المشهد 44
داخلي/ليل
المونولوج
باسبار يجلس مع صديقه وابن منطقته أوهاج ويحكي له رحلته كلها منذ غادره لأول مرة منذ سنوات. كيف انه ذهب إلى عطبرة في الفترة الاولى حيث اشتفل مساعداً لعربجيا وأعمال أخرى وكانت تلك الفترة أطول فترة يعمل فيها حيث مكث في عطبرة خمس سنوات ونصف كان يرسل لأهله كل القروش التي يحصل عليها وعندما توفي والده ذهب للخرطوم.وقال له إن اخباره انقطعت منهم في الخرطوم عشان ما عرف يرسل مع من .وقال له يمكن اخواني (جيعانين أسه) وما رسلت ليهم من ستة اشهر أوهاج طمأنه بعد سمع قصته كلها أن أهله بخير .
(قطع)
باسبار يبحث عن عمل ،مشهد 45
خارجي/نهار
(عند الحاج قسم الله)
صباح اليوم التالي لوصوله لمسمار
حاج قسم الله: باسبار؟اهلاً حبابك يا ابني؟ متين جيت في البلد (يسلم عليه بحرارة)
باسبار : جيت أمس بالقطر من خرطوم . يسلم على حاج قسم الله وهو يقول : طيبين؟ الله يبارك فيكم. طيبين؟
(يحكي باسبار لحاج قسم الله كيف أنه لم يوفق في وجود عمل.نركز هنا على الأجزاء التي لم يقلها لأوهاج)
باسبار: والله يا حاج أول قلت نمشي نشوف الأهل .الوالد اتوفي .
حاج قسم الله: والدك سمعت بي خبرو من سنين. أوهاج كلمني. هو اتوفى ظنيتو من زمنك الكنت في أتبرة.مات يوم الليلة؟ الله يرحمو يرفع معه الفاتحة.
باسبار: الله يبارك فيك . قلت امشي نشوف الوالدة واخواني وتاني شغل في أي مكان تاني ما نشوف أجي هنا طوالي لي مسمار معاك يا حاج.
قسم الله: طيب يا ولدى.
(قطع)
إبراهيم بطيخ، المشهد 26
داخلي/نهار ليل..تنويعات
إبراهيم بطيخ في ضيافة القرية.
يعجز ابراهيم بفعل المرض والشيخوخة المبكرة من العمل فيصبح في ضيافة القرية واكثر الناس ضيافة له حاج الطيب ينام في ديوان حاج الطيب وهو عبارة عن حجرة واحدة منعزلة مساحتها أربعة في أربعة بها شباكان وسرير حديد قديم وعنقريب ينام فيه إبراهيم بأسماله. بائع البطيخ من حين لآخر يتبرع لإبراهيم ببطيخة صغيرة.
قطع
نهاية الحلقة الثامنة عشرة
|
|
 
|
|
|
|
|
| العنوان |
الكاتب |
Date |
| طلعت القمرة - مسلسل أون لاين | Bushra Elfadil | 08-12-10, 03:13 PM |
| Re: طلعت القمرة - مسلسل أون لاين | محمد المرتضى حامد | 08-12-10, 03:21 PM |
| Re: طلعت القمرة - مسلسل أون لاين | Bushra Elfadil | 08-12-10, 03:30 PM |
| Re: طلعت القمرة - مسلسل أون لاين | سلمى الشيخ سلامة | 08-12-10, 09:24 PM |
| Re: طلعت القمرة - مسلسل أون لاين | هشام كمال | 08-12-10, 09:53 PM |
| Re: طلعت القمرة - مسلسل أون لاين | Bushra Elfadil | 08-13-10, 00:37 AM |
| Re: طلعت القمرة - مسلسل أون لاين | Bushra Elfadil | 08-13-10, 00:23 AM |
| Re: طلعت القمرة - مسلسل أون لاين | سلمى الشيخ سلامة | 08-13-10, 00:42 AM |
| Re: طلعت القمرة - مسلسل أون لاين | Bushra Elfadil | 08-13-10, 05:44 AM |
| Re: طلعت القمرة - مسلسل أون لاين | سلمى الشيخ سلامة | 08-13-10, 05:58 AM |
| Re: طلعت القمرة - مسلسل أون لاين | هشام كمال | 08-13-10, 07:45 AM |
| Re: طلعت القمرة - مسلسل أون لاين | فيصل محمد خليل | 08-13-10, 08:15 AM |
| Re: طلعت القمرة - مسلسل أون لاين | Bushra Elfadil | 08-13-10, 09:13 AM |
| Re: طلعت القمرة - مسلسل أون لاين | Bushra Elfadil | 08-13-10, 09:19 AM |
| Re: طلعت القمرة - مسلسل أون لاين | Abdlaziz Eisa | 08-13-10, 11:04 AM |
| Re: طلعت القمرة - مسلسل أون لاين | Bushra Elfadil | 08-13-10, 12:50 PM |
| Re: طلعت القمرة - مسلسل أون لاين | Bushra Elfadil | 08-13-10, 01:05 PM |
| Re: طلعت القمرة - مسلسل أون لاين | Bushra Elfadil | 08-13-10, 01:27 PM |
| Re: طلعت القمرة - مسلسل أون لاين | Bushra Elfadil | 08-13-10, 01:53 PM |
| Re: طلعت القمرة - مسلسل أون لاين | Bushra Elfadil | 08-13-10, 02:27 PM |
| Re: طلعت القمرة - مسلسل أون لاين | Bushra Elfadil | 08-13-10, 02:27 PM |
| Re: طلعت القمرة - مسلسل أون لاين | Abdlaziz Eisa | 08-13-10, 03:29 PM |
| Re: طلعت القمرة - مسلسل أون لاين | خدر | 08-13-10, 05:00 PM |
| Re: طلعت القمرة - مسلسل أون لاين | Bushra Elfadil | 08-13-10, 07:47 PM |
| Re: طلعت القمرة - مسلسل أون لاين | Bushra Elfadil | 08-13-10, 07:50 PM |
| Re: طلعت القمرة - مسلسل أون لاين | Bushra Elfadil | 08-13-10, 07:55 PM |
| Re: طلعت القمرة - مسلسل أون لاين | Bushra Elfadil | 08-14-10, 09:53 AM |
| Re: طلعت القمرة - مسلسل أون لاين | Bushra Elfadil | 08-14-10, 10:12 AM |
| Re: طلعت القمرة - مسلسل أون لاين | محمد المرتضى حامد | 08-14-10, 11:16 AM |
| Re: طلعت القمرة - مسلسل أون لاين | Bushra Elfadil | 08-14-10, 11:54 AM |
| Re: طلعت القمرة - مسلسل أون لاين | محمد المرتضى حامد | 08-14-10, 12:06 PM |
| Re: طلعت القمرة - مسلسل أون لاين | Bushra Elfadil | 08-14-10, 08:32 PM |
| Re: طلعت القمرة - مسلسل أون لاين | محمد المرتضى حامد | 08-14-10, 11:11 PM |
| Re: طلعت القمرة - مسلسل أون لاين | Bushra Elfadil | 08-15-10, 08:10 AM |
| Re: طلعت القمرة - مسلسل أون لاين | Bushra Elfadil | 08-15-10, 02:39 PM |
| Re: طلعت القمرة - مسلسل أون لاين | Bushra Elfadil | 08-15-10, 02:42 PM |
| Re: طلعت القمرة - مسلسل أون لاين | Bushra Elfadil | 08-15-10, 02:51 PM |
| Re: طلعت القمرة - مسلسل أون لاين | Bushra Elfadil | 08-16-10, 08:16 AM |
| Re: طلعت القمرة - مسلسل أون لاين | Bushra Elfadil | 08-16-10, 08:18 AM |
| Re: طلعت القمرة - مسلسل أون لاين | Bushra Elfadil | 08-16-10, 04:48 PM |
| Re: طلعت القمرة - مسلسل أون لاين | Safa Fagiri | 08-16-10, 05:53 PM |
| Re: طلعت القمرة - مسلسل أون لاين | Bushra Elfadil | 08-16-10, 11:37 PM |
| Re: طلعت القمرة - مسلسل أون لاين | Bushra Elfadil | 08-17-10, 11:35 AM |
| Re: طلعت القمرة - مسلسل أون لاين | Bushra Elfadil | 08-17-10, 12:07 PM |
| Re: طلعت القمرة - مسلسل أون لاين | Bushra Elfadil | 08-17-10, 12:09 PM |
| Re: طلعت القمرة - مسلسل أون لاين | Bushra Elfadil | 08-18-10, 11:53 AM |
| Re: طلعت القمرة - مسلسل أون لاين | Bushra Elfadil | 08-18-10, 11:59 AM |
| Re: طلعت القمرة - مسلسل أون لاين | Bushra Elfadil | 08-18-10, 12:04 PM |
| Re: طلعت القمرة - مسلسل أون لاين | Bushra Elfadil | 08-19-10, 09:44 PM |
| Re: طلعت القمرة - مسلسل أون لاين | Bushra Elfadil | 08-20-10, 12:27 PM |
| Re: طلعت القمرة - مسلسل أون لاين | Sidgi Kaballo | 08-20-10, 02:34 PM |
| Re: طلعت القمرة - مسلسل أون لاين | Bushra Elfadil | 08-20-10, 03:00 PM |
| Re: طلعت القمرة - مسلسل أون لاين | Bushra Elfadil | 08-21-10, 08:24 PM |
| Re: طلعت القمرة - مسلسل أون لاين | Bushra Elfadil | 08-22-10, 02:06 PM |
| Re: طلعت القمرة - مسلسل أون لاين | Bushra Elfadil | 08-22-10, 02:13 PM |
| Re: طلعت القمرة - مسلسل أون لاين | Bushra Elfadil | 08-22-10, 02:22 PM |
| Re: طلعت القمرة - مسلسل أون لاين | Bushra Elfadil | 08-22-10, 09:52 PM |
| Re: طلعت القمرة - مسلسل أون لاين | Bushra Elfadil | 08-23-10, 07:52 AM |
| Re: طلعت القمرة - مسلسل أون لاين | dardiri satti | 08-23-10, 10:24 AM |
| Re: طلعت القمرة - مسلسل أون لاين | Bushra Elfadil | 08-23-10, 01:00 PM |
| Re: طلعت القمرة - مسلسل أون لاين | Bushra Elfadil | 08-24-10, 01:15 AM |
| Re: طلعت القمرة - مسلسل أون لاين | طيفور | 08-26-10, 11:16 PM |
| Re: طلعت القمرة - مسلسل أون لاين | محمد الكامل عبد الحليم | 08-24-10, 01:02 PM |
| Re: طلعت القمرة - مسلسل أون لاين | Bushra Elfadil | 08-24-10, 02:06 PM |
| Re: طلعت القمرة - مسلسل أون لاين | Bushra Elfadil | 08-24-10, 11:35 PM |
| Re: طلعت القمرة - مسلسل أون لاين | Abdlaziz Eisa | 08-24-10, 11:47 PM |
| Re: طلعت القمرة - مسلسل أون لاين | Bushra Elfadil | 08-26-10, 01:07 AM |
| Re: طلعت القمرة - مسلسل أون لاين | Bushra Elfadil | 08-27-10, 04:35 AM |
| Re: طلعت القمرة - مسلسل أون لاين | عصام دهب | 08-27-10, 03:20 PM |
| Re: طلعت القمرة - مسلسل أون لاين | Bushra Elfadil | 08-27-10, 04:20 PM |
| Re: طلعت القمرة - مسلسل أون لاين | عصام دهب | 08-27-10, 04:33 PM |
| Re: طلعت القمرة - مسلسل أون لاين | Abdlaziz Eisa | 08-27-10, 05:47 PM |
| Re: طلعت القمرة - مسلسل أون لاين | Bushra Elfadil | 08-27-10, 07:32 PM |
| Re: طلعت القمرة - مسلسل أون لاين | Bushra Elfadil | 08-28-10, 09:20 PM |
| Re: طلعت القمرة - مسلسل أون لاين | Bushra Elfadil | 08-29-10, 09:31 AM |
| Re: طلعت القمرة - مسلسل أون لاين | Bushra Elfadil | 08-29-10, 07:50 PM |
| Re: طلعت القمرة - مسلسل أون لاين | Bushra Elfadil | 08-29-10, 08:01 PM |
| Re: طلعت القمرة - مسلسل أون لاين | Bushra Elfadil | 08-30-10, 01:57 PM |
| Re: طلعت القمرة - مسلسل أون لاين | Bushra Elfadil | 08-31-10, 08:21 AM |
| Re: طلعت القمرة - مسلسل أون لاين | Bushra Elfadil | 08-31-10, 10:23 AM |
| Re: طلعت القمرة - مسلسل أون لاين | Bushra Elfadil | 08-31-10, 08:01 PM |
| Re: طلعت القمرة - مسلسل أون لاين | Bushra Elfadil | 09-01-10, 11:19 AM |
| Re: طلعت القمرة - مسلسل أون لاين | Bushra Elfadil | 09-01-10, 11:26 AM |
| Re: طلعت القمرة - مسلسل أون لاين | Bushra Elfadil | 09-01-10, 02:46 PM |
| Re: طلعت القمرة - مسلسل أون لاين | Bushra Elfadil | 09-02-10, 01:33 AM |
| Re: طلعت القمرة - مسلسل أون لاين | Bushra Elfadil | 09-02-10, 01:48 AM |
| Re: طلعت القمرة - مسلسل أون لاين | Mohamed Abdelgaleel | 09-02-10, 12:50 PM |
| Re: طلعت القمرة - مسلسل أون لاين | Bushra Elfadil | 09-02-10, 02:22 PM |
| Re: طلعت القمرة - مسلسل أون لاين | Bushra Elfadil | 09-03-10, 01:06 PM |
| Re: طلعت القمرة - مسلسل أون لاين | Bushra Elfadil | 09-05-10, 02:45 PM |
|
| |
Bushra Elfadil
فيس بوك
تويتر
انستقرام
يوتيوب
بنتيريست