طلعت القمرة - مسلسل أون لاين

مرحبا Guest
اخر زيارك لك: 05-18-2024, 09:44 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.بشري الفاضل(Bushra Elfadil)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-26-2010, 01:07 AM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: طلعت القمرة - مسلسل أون لاين (Re: Abdlaziz Eisa)

    الحلقة السادسة عشرة

    الخيط الرئيسي(داليا وأروب)، المشهد 55
    خارجي/ليل
    بعد الندوة أروب في الطريق ليوصل داليا لشقتهم
    داليا: نحن من ناحية أمي محس قديمين زي ما عارف المحس النسوا أصولم في بري وتوتي وحلة حمد .لكن ناس أمي جدودن برضو من أم درمان.يعني زي جدود ناس خليل فرح ناس بدري لو سمعتا بيهم.
    اروب: كيف خليل فرح في زول في السودان ما بيعرفوا؟
    داليا: وناس حاجة كاشف بدري من عايلتم كمان
    اروب : بالله؟
    داليا : أيوة. ( تواصل كلامها)كلمة محس وشايقية نسيناها زمان في العايلة .انا مما قمت لا لقيت جدي ولا أي واحد من اخوانو بتكلموا باللغة النوبية.ولو رجعت أم درمان لي ورا وقالوا لي قبيلتك شنو حأحتار.
    أروب : إنتي تحتاري لأنو أهلك الأمدرمانيين اتقدموا على باقي السودان في محو آثار القبلية لكن انا ما حأحتار .بل حأختار.
    داليا:حلوة دي. تختار شنو يا أرروب؟ا
    أروب: اختار بي طوعي واختياري رفضي للقبلية.واقول زي على عبد اللطيف ما قال أنا سوداني.شوفي الفنان الكاشف دا كان عظيم كيف ؟
    (أروب يغني : أنا افريقي انا سوداني)
    داليا : عارف دي كلمات منو؟
    أروب: المساح؟
    داليا: لا السر قدور.وبالمناسبة هو موجود هنا بالقاهرة ولما يجي السودان بزورنا عندو علاقة مع ناس أهلنا.
    اروب : الاتنين الكاشف وقدور عظيمين . بس الغنا شهر الكلمات.
    داليا: ايوة شوف زي الكلام دا: شمسك طلعت واشرق نورا بقت شمسين! (تغنيها بصوت جميل)
    أروب: يا سلام يا سلام.صوتك جميل يا داليا. وقبلهم الفكرة دي كانت في غنا خليل فرح وأغاني الحقيبة من التلاتينات.أنا طبعاً ما من رقيق الشمال العتقوهم مطلع التلاتينات .وإذا كان في ناس من أهلي عندهم مرارات من الممارسات القديمة ما ممكن وما منطقي يطالبوا بي تارم من الأجيال الجديدة. تخيلي يا داليا يجيك واحد جدودو كانوا رقيق جدودك يطالبك برد المظالم.
    داليا: طبعاً حأحتار أعمل معاهو شنو.أولاً على مستوى عائلتنا ما كان عندنا رقيق لي أبو جدي لكن جد جدي يمكن كان عندو رقيق. قصة الرق في السودان صحي يا أروب لابد من الفضفضة فيها بواسطة الناس الواعين.الوعي ما بالتعليم بس.
    اروب : أنا بعتبر المثقف هو الزول البنكر قبليتو بي وعي منو. حتى لو عرف قبيلتو زي حالتي دي يسمو فوقا ويحقق لي افرادا زي بقية السودانيين أحلامهم على أساس المواطنة.ولو ما عرف أو ما مهم إنو يعرف زي حالتك دي يا داليا أعتقد إنو الوضع في أم درمان والعائلة ساعدوه كتير إنو يتفتح وما باقي ليهو إلا خطوة نحو إعلان حالة كونو سوداني وبس.
    داليا: دا كلام كبير يا أروب ووصلو ليهو ناس كتيرين في أجيالنا دي.
    أروب : والوصلو ليهو في الأجيال السابقة زي على عبداللطيف كانوا
    رواد.
    داليا:أفكارك يا أروب بتتطابق مع أفكاري وقع الحافر بالحافر بس انا ما بقدر اعبر عنها زيك.
    اروب: وأتنمى إنو مشاعرنا كمان تتطابق يا داليا.
    داليا: في الحتة دي اتفقنا ما نتكلم هسة.
    اروب : أنا اعتبر كلمة هسة دي فال خير.
    يواصلان السير
    (قطع)









    الخيط الرئيسي ( داليا واروب( ، المشهد 56 (
    خارجي /نهار/ليل
    (داليا واروب وسليمان ويوسف وزينب ونجلاء وريم وأروى وانجيلا وخالد ابن خالة داليا يسافرون بالبر للسودان . يركبون
    القطار إلى أسوان ومن هناك بالباخرة إلى حلفا. نصور مساعدة الأولاد للبنات والمرح والروح الرائعة للرفقة )
    زينب (وهي تنزل منهما في حلفا تصر على أن تعزمهم جميعاً عن أهلها في حلفا القديمة أهلها لم يهاجروا. يذهبون معها)
    داليا: خايفة يا زينب أهلك لما يشوفونا يقولوا دي حملة انجليزية جديدة.
    سليمان: بالجد يا زينب كان مافي داعي نمشي لي عند بيتكم كدا فجأة . يوسف: ولو مصرة نغشى السوق
    زينب : عيب !
    (يصلون بيت ناس زينب ويقوم والدها عبدالمجيد الموظف بالمعاش بإكرامهم بذبيحة على الفور.يأتي أهل زينب كل واحد بصينية وطبق ويظهرون الكرم النوبي الأصيل . فياكلون القراصة بإدامات شهية وبعضها بالسمن . ويتغدون بلحم الخروف غداء باكراً فيحس الجميع بالتخمة بعدها في العصر يتجولون في معالم حلفا وزينب تحكي لهم. يشارك خالد المطلع على المعلومات التاريخية لحلفا(
    أروب : الله! حلفا دي جميلة خالص خالص .أول ما رجلي نزلن في البلد دي جاني إحساس بالسكينة.
    أروى : بالسكينة ولا بي سكينة؟
    داليا: دي مني دي؟
    يوسف: أنتو الحلفاويين ديل ما بياكلوا المرارة ؟
    سليمان: عارفك مشتهيها تلقاك لما قبيل لقيت الكبدة جاتك في الكمونية قلبك وقع.
    داليا: الحلفاويين متحضرين زيهم وزي المصريين ما بياكلو اللحم ني.
    أنجيلا: دينكا كانوا زمان بياكلوا لحم ني.دكتور فرانسيسي دينق جمع كتاب بتاع أحلجي دينكا بالانجليزي بيوري كيف كان المرة لما تاكل اللحم ني تنقلب لبوة والراجل يجي يدقها يدقها ويديها لحم ني تاكل يدقها يدقها لغاية ما ا تاباه .لما ترفض تاكل لحم ني خلاص ترجع مرة تاني وتتوب ما تأكل لحم إلا نجيد.
    داليا: والله دي حكايات الظاهر عليها شيقة أنا ما قريتها.الكتاب اسمو شنو؟
    أنجيلا: The Dinka Folk Tales
    أروب: أحاجي الدينكا.أنا عندي الكتاب دا في الخرطوم بسلفو ليك.
    خالد (يحس بوجود شيء بين داليا وأروب . يظهر الارتياب أحياناً على وجهه) داليا : (تسأله) خالد أنتا مالك ما مندمج معانا يعني خلاص عشان إنت ود الجامعة الأمريكية شايفنا ناس جامعات إقليمية واللا شنو؟ ما كنت الصباح بتحكي لينا عن حلفا.
    خالد: مصدع شوية.
    (الجميع يودعون زينب واهلها بحرارة ويركبون القطار المتجه نحو الخرطوم).
    (قطع)






    الخيط الرئيسي – داليا واروب – المشهد 57
    داخلي/ ليل
    (في داخل القطار ؛ نحو الخرطوم)
    أروب : حلفا جميلة يا شباب مش كدا بالله؟ . لكن كان نفسي أزور الشمالية دي كلها من حلفا لي كريمة وأتوقف بصورة خاصة في الخندق.
    داليا: عشان تشوف الحتة الاتولد فيها البطل على عبداللطيف
    أروب: عليك نور .
    يوسف: هو بالله على عبداللطيف إتولد هناك؟ انا قايلو جابوهو هناك صبي.
    خالد: ياخ بالله ما تسيبك شابكنا على عبداللطيف على عبداللطيف ( ملتفتاً نحو اروب وهو يقول وعلى وجهه تعبير ازدراء ) إنت حكايتك شنو؟
    سليمان : خالد!
    داليا : في شنو مالك يا خالد؟
    خالد : انتي تسكتي خالص.
    يوسف: يحاول التدخل : يا خالد الكلام دا ما في داعي ليهو.
    داليا: يوسف سيبك سيبك لحظة. يا خالد قصدك شنو أسكت خالص؟ إنت عندك سلطان علي؟
    (نجلاء تقود داليا لقمرة داخل القطار في عربة أخرى وينقطع الهرج الذي كان سائداً حيث كان صوت خالد يعلو بالسباب ويسمع صوت أروب يقول)
    أروب: معليش يا شباب .خالد دا فاهمني غلط .الحكاية دي بعالجها معاه. بسيطة.
    خالد : بسيطة؟ بسيطة قال. تاني تتكلم مع البت دي لسانك دا بقطعو ليك.
    (وجوم)
    (الشباب يبعدون خالد عن وأروب بينما كان خالد يحاول الاشتباك بأروب ويتصاعد سبابه لأروب بأقذع الالفاظ . يرد اروب أحياناً بكلمة من نوع كترتها.,إنت فاهمني غلط .واحياناً بكلمة حازمة من نوع: الكلام دا بتاباه لو قبلت عليك حسة.يا زول هيي أسكت خلاص إنت عيل ساكت. ..)
    (قطع)












    القريتان – قرية ام جداول، المشهد 23
    خارجي وداخلي /صباح
    (هناء وبدور تذهبان لودنفير بعربة بوكس يقودها ابن جيران أهل هناء في أم جداول ويرفض الأجر .)
    تنزلان والشاب يقول لهناء : يا هناء ترجعوا الساعة كم؟
    هناء : ما في داعي يا حاتم .بنلقى طريقة ترجعنا .وليد قاعد في ودنفير وعندهم عربية .
    حاتم : خلاص لو ما لقيتو وليد واللا كان بوكسيهو ما في أنا قاعد في ود نفير دي للمغرب تلقوني في بيت ناس أهلي ديل ناس ودقاسم .وليد بعرف البيت.
    هناء : طيب يا حاتم إنت ما بتقصر .
    (تذهبان نحو بيت عوض والد وليد .هناك تقابلهما آسيا الطيب أم وليد عمة بدور .تسلم عليهما بدهشة وحرارة)
    آسيا : هناء .القدم الجابتك لينا ان شا الله بخيتة وسعيدة.
    (تعرفها هناء ببدور): أهلاً يا بتي اتفضلو اتفضلن أدخلن لي جوة.
    أسيا: هبة تعالي سلمي على اخواتك ديل (تاتي الطفلة هبة بزي المدرسة كانت في حصة الفطور وتسلم على هناء وبدور .أمها تقول لها ) : أمشي قبال تمشي لي مدرستك نادي وليد تلقيهو في ضل دكان محمود.
    (هبة تنطلق لتنادي وليد)
    (ياتي وليد مسرعاً ومتفاجئاً. يسلم على هناء وبدور )
    (آسيا أم وليد تدخل للمطبخ لتعد شيئاً تكرم به الضيفتين)
    (قطع)





    القريتان- قرية أم جداول ، المشهد 24
    داخلي/نهار

    (هناء تطلب من وليد أن تخرج معه للمزروعات والخضروات داخل حوشهم حتى تبتعد عن بدور وأم وليد .تستاذن من بدور التي كانت متفقة معها أصلاً على الانفراد بوليد وتطلب منها بهمس أن تشغل خالتها عنهما.تنادي وليد بحجة رؤية المزروعات)
    (قطع)
    القريتان – قرية أم جداول ،المشهد 25 متصل
    خارجي / نهار
    ( هناء ووليد قرب الخضروات والزهور المزروعة في حوش خالتها آسيا ببيت العوض والد وليد)
    وليد: فرصة سعيدة يا هناء لكن بالجد شقة غريبة .ما كنت متخيلك تجينا كدا فجأة كنت تكلميني على الأقل. أنا كنت مسافر أمس افتش شغل وأجلتو للسبت بس عشان الخميس .
    هناء : وأنا مافي لي فرصة عشان الجامعة فاتحة إلا اجي الخمايس وأسة زي ما شابفني داكا بكرة السبت.جيتك يا وليد لي موضوع مهم.صحي إنت اتقدمت لي خطبتي؟
    وليد: طبعاً ويسرني إنكم وافقتو .
    هناء: يا وليد إنت جامعي وخريج تجي تخطبني كدا من أهلي بالخمة بدون ما تعرف رأيي؟
    وليد: رأيك عارفو .إنتي من زمان ما كنت لما بنذاكر سوا كنت بشعر إنك بترتاحي لي ؟
    هناء: إنت متذكرحاجات من زمن أولى عام؟ أسه أنا برتاح ليك لكن زي اخوي. وأجيك من الآخر عشان ما يجي زول يقاطع كلامنا.إنت ما شاورتني في الخطوبة دي.
    وليد : اسة النشاورك . رأيك شنو؟
    هناء : يا وليد أحسن أصارحك .إنت ما بتعرفني كويس .انا وإنت وجهاتنا في الحياة مختلفة وتصوراتنا للعالم مختلفة.لكن دا كلو كان ممكن ما يكون مشكلة لولا إنو انا مرتبطة مع واحد في الجامعة السنة دي اتخرج ومتفقين على الزواج.
    وليد: متفقين كيف ومتين؟ جاء خطبك من أهلك؟
    هناء : دي ما قضية .حيجي يخطبني .لو ما جا حيتزوجني كيف؟
    وليد : (يتأوه وينفعفل ويمسك أعصابه وبقول لها ): طيب الكلام دا قصرو الفيك عرفتها المطلوب مني أسه شنو؟ (ينظر لهناء بحنق )
    هناء : المطلوب إنك تساعدني بي فرتقة الحبال الكركرتها في دي بدون مشاورتي.تقول لي عمتي آسيا ولي ابوك يمشو لي ابوي يخلو الموضوع دا.
    وليد: يمشو ليهم في الخرطوم؟
    هناء : نحن جايين في العيد اليجونا في العيد ويقنعوا ابوي لكن الحكاية دي بتبدأ منك إنت.
    وليد: (بحنق ) أنا بقول ليهم هناء رفضتني وهم بعد داك اليتصرفوا
    هناء: كدا طبعاً بتعقد الأمور أكتر لكن ثق يا وليد لو عقدتها والله ما عقدتها انا ما بعرسك.
    وليد : وبوريهم السبب.
    هناء : وريهم.
    وليد : (بغضب) بنات مطلوقات ساكت.صاحبتك الجوة دي زيك كدي؟
    هناء : وليد؟ وليد؟ وكت دا رايك فيني داير تعرسني طيب ليه؟
    (قطع)











    البحث عن طه، مشهد
    21 خارجي/ليل
    الوقت المغرب
    ( مجموعة من شباب حي الصحافة من الذين كانوا يشاهدون تمرين فريق ناديهم يقودون حاجة عاشة إلى منزل سيد احمد .كانوا يتشككون في أنها تعرف البيت يطرقون الباب الذي تشير عليهم به فتخرج لهم بدور ).
    بدور : أهلاً .(تنظر إلى حبوبتها عاشة): الحاجة عاشة ان شا الله تكون عافية مالكم جيتو معاها؟
    أحد شباب الحي من العائدين مع عاشة : أهلاً أهلاً بدور.لا بس قلنا نوصلها لي بيتكم عشان هي جاتنا في الميدان
    بدور : أهلا ً يا عادل . شكراً ليكم اتفضلوا اتفضلوا
    أمها من الداخل : منو الفي الباب اتفضلوا
    (حاجة عاشة تدخل)
    أم بدور تهرع إلى الباب: اتفضلوا يا شباب عليكم الله تجوا تشربوا شاي المغربية مع الحاجة.
    أحد الشباب : شكراً شكراً المرة الجاية.
    (قطع)







    باسباريبحث عن عمل ، مشهد 39
    خارجي/نهار
    (باسبار يبحث عن ابن منطقتهم أوشيك من جبل هوموقوار الذي يعمل فراشاً بإحدى المؤسسات التعليمية منذ ثلاثين عاماً .باسبار لم يصادفه في حياته وعندما صادفه وجد أمامه كهلاً يرتدي البنطال والقميص ويبدو لامعاً ونظيفا).
    باسبار (بعد السلام الحار من قبل باسبار والفاتر من قبل أوشيك): ناس وصفوا لي إنت ساكن وين جيت نشوف قلت واحد من أهل
    يمكن يساعد . انا شغال في مطعم بتاع سلات في خرطوم بحري.
    أوشيك : ماترا شغال كويس وساكن معا منو؟
    باسبار : ما دي المشكلة الأنا جيت ليك عشانا . ساكن مع جماعة بتاعين خمور ومخدرات والعياذ بالله.
    اوشيك : خلاص أمشي شوف شغلك وانا لو لقيت طريقة بجيك في محلك وأوريك تعمل شنو.
    (باسبار يذهب .المقابلة مع اوشيك لم يرتح لها)
    قطع






    باسبار يبحث عن عمل، مشهد 40
    داخلي/نهار
    (باسبار انتظر شهراً بحاله ولم يحضر إليه أوشيك.أخيراً يقرر ترك العمل بالمطعم بسبب متاعب السكن . زملاؤه كل مساء مع الشجارات والبوليس).
    باسبار (مع صاحب المطعم): شغل في مطعم ما بطال لكن أنا عندي مشكلة في سكن.
    صاحب المطعم: القا ليك سكن وين؟ السكن يجي قدر ما هيتك دي اربعة مرات .إنت قايل الخرطوم دي لعبة؟ أسكن مع الجرسونات ديل ساي أمش.
    باسبار : خلاص شغل ما ندور.
    صاحب المطعم : شنو ؟ عاين زولك أمش غور . الف زيك حايمين ما لاقين شغل كان ماداير سلم عدتك من دربك دا وغور
    باسبار : غور دا شنو ؟ إنت غور ما تقول
    صاحب المطعم : أمش يا ولد هيي احسن ليك (ينادي أحد معاونيه) : يا حسبو أدي العربي دا حسابو خليهو يفرتق من هنا ما عايز اشوف وشو دا تاني في المطعم
    باسبار: الله في .انا حساب ذاتو ما ندور
    ( حسبو ينادي باسبار الذي بدا يتحرك خارجاً) : يا باسبار تعال شيل قروشك ديل .
    باسبار: ما ندور
    حسبو : يلحقه ويضع بضعة جنيهات في جيبه .
    (باسبار يأخذها بصمت ويذهب)
    (قطع)








    باسبار يبحث عن عمل، مشهد 41
    داخلي/ليل
    دكتور خليل لموظف الحسابات: أسه نعرف كيف البجاوي دا إنتو ما ظلمتوه وأعرف كيف أديتوهو حسابو. فتش عليه جيبو لي أسألو انا بنفسي
    موظف الحسابات: نلقاهو وين هسة يمكن مرق في بلدم. غايتو نشوف كان في زول يورينا دربو.
    د.خليل شوفو بالله يا معتصم
    موظف الاستقبال : حاضر يا دكتور.
    (قطع)




    باسبار يبحث عن عمل، مشهد 42
    داخلي/ليل
    (باسبار يركب القطار المتوجه لبوردتسودان عائداً إلى بلده مصصما في البداية على العودة لمسمار حيث حاج قسم الله)
    (باسبار يصادف في القطار أونور أحد متعلمي جبل هوموقوار وهو موظف بالسكة حديد)
    أونور يساعد باسبار باركابه مع ركاب الدرجة الثانية .
    أونور : إنت من وين في هوموقوار يا باسبار؟
    باسبار : أنا من حلة كودات
    أونور: الحلة دي أنا شفتها.كيف حال الأهل هناك؟
    باسبار : والله تعبانين. زراعة مافي . مطر ما لقينا . بهايم ماتت.
    أونور : الله يكون في العون . يصر اونور على إعطاء باسبار مبلغ من المال وياتي له بزوادة طريق
    باسبار لأونور: كتر خيرك لكن انا ما نقبل كرامة .أنا ما زول (كرامات هريو )( بتشديد الراء)يحاول رد القروش
    أونور : لا دي من أخو معاك من جبل هوموقر اقبلها.
    باسبار يقبل على مضض
    (يدخل الجنيهات في جيبه وعددها أكتر من جنيهات صاحب المطعم ذلك ما سيكشفه لحاج قسم الله حين يعود).
    (قطع)









    إبراهيم بطيخ ، مشهد 25
    خارجي/نهار
    إبراهيم بطيخ في المنطقة الصناعية يعمل مع خراط
    الخراط: يا عم الشغل دا حار وكان جيت صبي كان تقدر عليهو لكن زي ما إنت شايف ما بتعرف ليهو .
    (قطع)


    نهاية الحلقة السادسة عشرة
                  

العنوان الكاتب Date
طلعت القمرة - مسلسل أون لاين Bushra Elfadil08-12-10, 03:13 PM
  Re: طلعت القمرة - مسلسل أون لاين محمد المرتضى حامد08-12-10, 03:21 PM
    Re: طلعت القمرة - مسلسل أون لاين Bushra Elfadil08-12-10, 03:30 PM
      Re: طلعت القمرة - مسلسل أون لاين سلمى الشيخ سلامة08-12-10, 09:24 PM
        Re: طلعت القمرة - مسلسل أون لاين هشام كمال08-12-10, 09:53 PM
          Re: طلعت القمرة - مسلسل أون لاين Bushra Elfadil08-13-10, 00:37 AM
        Re: طلعت القمرة - مسلسل أون لاين Bushra Elfadil08-13-10, 00:23 AM
          Re: طلعت القمرة - مسلسل أون لاين سلمى الشيخ سلامة08-13-10, 00:42 AM
            Re: طلعت القمرة - مسلسل أون لاين Bushra Elfadil08-13-10, 05:44 AM
              Re: طلعت القمرة - مسلسل أون لاين سلمى الشيخ سلامة08-13-10, 05:58 AM
                Re: طلعت القمرة - مسلسل أون لاين هشام كمال08-13-10, 07:45 AM
                  Re: طلعت القمرة - مسلسل أون لاين فيصل محمد خليل08-13-10, 08:15 AM
                    Re: طلعت القمرة - مسلسل أون لاين Bushra Elfadil08-13-10, 09:13 AM
                      Re: طلعت القمرة - مسلسل أون لاين Bushra Elfadil08-13-10, 09:19 AM
                        Re: طلعت القمرة - مسلسل أون لاين Abdlaziz Eisa08-13-10, 11:04 AM
                          Re: طلعت القمرة - مسلسل أون لاين Bushra Elfadil08-13-10, 12:50 PM
                            Re: طلعت القمرة - مسلسل أون لاين Bushra Elfadil08-13-10, 01:05 PM
                              Re: طلعت القمرة - مسلسل أون لاين Bushra Elfadil08-13-10, 01:27 PM
                                Re: طلعت القمرة - مسلسل أون لاين Bushra Elfadil08-13-10, 01:53 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                    Re: طلعت القمرة - مسلسل أون لاين Abdlaziz Eisa08-13-10, 03:29 PM
                                      Re: طلعت القمرة - مسلسل أون لاين خدر08-13-10, 05:00 PM
                                        Re: طلعت القمرة - مسلسل أون لاين Bushra Elfadil08-13-10, 07:47 PM
                                          Re: طلعت القمرة - مسلسل أون لاين Bushra Elfadil08-13-10, 07:50 PM
                                            Re: طلعت القمرة - مسلسل أون لاين Bushra Elfadil08-13-10, 07:55 PM
                                              Re: طلعت القمرة - مسلسل أون لاين Bushra Elfadil08-14-10, 09:53 AM
                                                Re: طلعت القمرة - مسلسل أون لاين Bushra Elfadil08-14-10, 10:12 AM
                                                  Re: طلعت القمرة - مسلسل أون لاين محمد المرتضى حامد08-14-10, 11:16 AM
                                                    Re: طلعت القمرة - مسلسل أون لاين Bushra Elfadil08-14-10, 11:54 AM
                                                      Re: طلعت القمرة - مسلسل أون لاين محمد المرتضى حامد08-14-10, 12:06 PM
                                                        Re: طلعت القمرة - مسلسل أون لاين Bushra Elfadil08-14-10, 08:32 PM
                                                          Re: طلعت القمرة - مسلسل أون لاين محمد المرتضى حامد08-14-10, 11:11 PM
                                                            Re: طلعت القمرة - مسلسل أون لاين Bushra Elfadil08-15-10, 08:10 AM
                                                              Re: طلعت القمرة - مسلسل أون لاين Bushra Elfadil08-15-10, 02:39 PM
                                                                Re: طلعت القمرة - مسلسل أون لاين Bushra Elfadil08-15-10, 02:42 PM
                                                                  Re: طلعت القمرة - مسلسل أون لاين Bushra Elfadil08-15-10, 02:51 PM
                                                                    Re: طلعت القمرة - مسلسل أون لاين Bushra Elfadil08-16-10, 08:16 AM
                                                                      Re: طلعت القمرة - مسلسل أون لاين Bushra Elfadil08-16-10, 08:18 AM
                                                                        Re: طلعت القمرة - مسلسل أون لاين Bushra Elfadil08-16-10, 04:48 PM
                                                                          Re: طلعت القمرة - مسلسل أون لاين Safa Fagiri08-16-10, 05:53 PM
                                                                            Re: طلعت القمرة - مسلسل أون لاين Bushra Elfadil08-16-10, 11:37 PM
                                                                              Re: طلعت القمرة - مسلسل أون لاين Bushra Elfadil08-17-10, 11:35 AM
                                                                                Re: طلعت القمرة - مسلسل أون لاين Bushra Elfadil08-17-10, 12:07 PM
                                                                                Re: طلعت القمرة - مسلسل أون لاين Bushra Elfadil08-17-10, 12:09 PM
                                                                                  Re: طلعت القمرة - مسلسل أون لاين Bushra Elfadil08-18-10, 11:53 AM
                                                                                    Re: طلعت القمرة - مسلسل أون لاين Bushra Elfadil08-18-10, 11:59 AM
                                                                                      Re: طلعت القمرة - مسلسل أون لاين Bushra Elfadil08-18-10, 12:04 PM
                                                                                        Re: طلعت القمرة - مسلسل أون لاين Bushra Elfadil08-19-10, 09:44 PM
  Re: طلعت القمرة - مسلسل أون لاين Bushra Elfadil08-20-10, 12:27 PM
    Re: طلعت القمرة - مسلسل أون لاين Sidgi Kaballo08-20-10, 02:34 PM
      Re: طلعت القمرة - مسلسل أون لاين Bushra Elfadil08-20-10, 03:00 PM
        Re: طلعت القمرة - مسلسل أون لاين Bushra Elfadil08-21-10, 08:24 PM
    Re: طلعت القمرة - مسلسل أون لاين Bushra Elfadil08-22-10, 02:06 PM
      Re: طلعت القمرة - مسلسل أون لاين Bushra Elfadil08-22-10, 02:13 PM
        Re: طلعت القمرة - مسلسل أون لاين Bushra Elfadil08-22-10, 02:22 PM
          Re: طلعت القمرة - مسلسل أون لاين Bushra Elfadil08-22-10, 09:52 PM
            Re: طلعت القمرة - مسلسل أون لاين Bushra Elfadil08-23-10, 07:52 AM
              Re: طلعت القمرة - مسلسل أون لاين dardiri satti08-23-10, 10:24 AM
                Re: طلعت القمرة - مسلسل أون لاين Bushra Elfadil08-23-10, 01:00 PM
                  Re: طلعت القمرة - مسلسل أون لاين Bushra Elfadil08-24-10, 01:15 AM
            Re: طلعت القمرة - مسلسل أون لاين طيفور08-26-10, 11:16 PM
  Re: طلعت القمرة - مسلسل أون لاين محمد الكامل عبد الحليم08-24-10, 01:02 PM
    Re: طلعت القمرة - مسلسل أون لاين Bushra Elfadil08-24-10, 02:06 PM
      Re: طلعت القمرة - مسلسل أون لاين Bushra Elfadil08-24-10, 11:35 PM
        Re: طلعت القمرة - مسلسل أون لاين Abdlaziz Eisa08-24-10, 11:47 PM
          Re: طلعت القمرة - مسلسل أون لاين Bushra Elfadil08-26-10, 01:07 AM
            Re: طلعت القمرة - مسلسل أون لاين Bushra Elfadil08-27-10, 04:35 AM
              Re: طلعت القمرة - مسلسل أون لاين عصام دهب08-27-10, 03:20 PM
                Re: طلعت القمرة - مسلسل أون لاين Bushra Elfadil08-27-10, 04:20 PM
                  Re: طلعت القمرة - مسلسل أون لاين عصام دهب08-27-10, 04:33 PM
                Re: طلعت القمرة - مسلسل أون لاين Abdlaziz Eisa08-27-10, 05:47 PM
                  Re: طلعت القمرة - مسلسل أون لاين Bushra Elfadil08-27-10, 07:32 PM
                    Re: طلعت القمرة - مسلسل أون لاين Bushra Elfadil08-28-10, 09:20 PM
                      Re: طلعت القمرة - مسلسل أون لاين Bushra Elfadil08-29-10, 09:31 AM
                        Re: طلعت القمرة - مسلسل أون لاين Bushra Elfadil08-29-10, 07:50 PM
                          Re: طلعت القمرة - مسلسل أون لاين Bushra Elfadil08-29-10, 08:01 PM
                            Re: طلعت القمرة - مسلسل أون لاين Bushra Elfadil08-30-10, 01:57 PM
                              Re: طلعت القمرة - مسلسل أون لاين Bushra Elfadil08-31-10, 08:21 AM
                                Re: طلعت القمرة - مسلسل أون لاين Bushra Elfadil08-31-10, 10:23 AM
                                  Re: طلعت القمرة - مسلسل أون لاين Bushra Elfadil08-31-10, 08:01 PM
                                    Re: طلعت القمرة - مسلسل أون لاين Bushra Elfadil09-01-10, 11:19 AM
                                      Re: طلعت القمرة - مسلسل أون لاين Bushra Elfadil09-01-10, 11:26 AM
                                        Re: طلعت القمرة - مسلسل أون لاين Bushra Elfadil09-01-10, 02:46 PM
                                          Re: طلعت القمرة - مسلسل أون لاين Bushra Elfadil09-02-10, 01:33 AM
                                            Re: طلعت القمرة - مسلسل أون لاين Bushra Elfadil09-02-10, 01:48 AM
                                              Re: طلعت القمرة - مسلسل أون لاين Mohamed Abdelgaleel09-02-10, 12:50 PM
                                                Re: طلعت القمرة - مسلسل أون لاين Bushra Elfadil09-02-10, 02:22 PM
                                                  Re: طلعت القمرة - مسلسل أون لاين Bushra Elfadil09-03-10, 01:06 PM
                                                    Re: طلعت القمرة - مسلسل أون لاين Bushra Elfadil09-05-10, 02:45 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de