سامحووووووني ما كانش أصدي !!!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 14-11-2018, 04:48 AM الصفحة الرئيسية

مكتبة عواطف ادريس اسماعيل عبدالله(عواطف ادريس اسماعيل عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-03-2007, 05:43 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    طيب يا عواطف

    طالما نحن في موضوع اللبس والهندام..

    يعني مسألة ألوان الجلابية الرجالية.. في إعتقادي فاتت حدها..

    وبقت في ألوان جلاليب أغمق من خلفية البورد ده.. يعني مستردا.. أغمق من صفار البيض

    وألوان وألوان.. وطواقي من بنجلاديش وجبال الهملايا.. وشالات مطرزة أكثر من تطريز ثياب (عبدالصمد)

    ويعني أنا لست ضد التجديد.. ولكن ضد التقاليع.. وشتان من بين الأمرين..

    يعني الجلابية البيضاء أو السمنية أو الملونة تلوين خفيف.. لكن بالألوان الشايفها دي..

    يعني الواحد يتلخبط.. بين الطوارق والسودانيين.. وبعدين زمان العمة كان فيها زيك بسيط من فل..

    تعمله الزوجة كعربون محبة ملازم للزوج... ولكن الآن.. كاد أن ترصع العمة بالترتر.. والسكسك..

    لغاية ما اصبح ما في فرق بين العمة وبين برقع الراقصات في العهد العباسي...

    أنا في رأي ده برضو وجه من المشكلة غير وجه البهدلة والبشتنة.. وهو المبالغة في ألوان الجلابية

    وتزيين العمة..

    ولا أنا ببالغ؟؟؟؟
                   |Articles |News |مقالات |بيانات

25-03-2007, 11:54 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: Kamal Karrar)

    كيمو!!!

    ديل مستأنسين بأغنية أبوعركي البخيت حمرة وصفة ,,, رزقة وخضرة ,,, وزحمة ألوان !! والله نحنا مافي
    لينا شبيه ولا مثيل ,, أما زركشة العمم والطواقي دي فمتابعين آخر صيحات الموضة لأنهم بصمموا عن
    فيرساتشي وإيف سانت لوران !!!
                   |Articles |News |مقالات |بيانات

25-03-2007, 06:39 AM

Kamal Abdu

تاريخ التسجيل: 22-02-2007
مجموع المشاركات: 270

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    مواصلة لادمان الرجال السودانيين للبشتنة و البهدلة

    طبعا يا عواطف في حاجة تانية انت ما حا تعرفي ليها.....

    شقق و أماكن سكن "العزابة"

    دي عاوزة ليها واحد لديه الشجاعة و الأمانة من اياهم يكون شفاه الله عشان يوصف ليك ما يمكن وصفه ب

    A Claimed Disaster Area

    و ما بتتصوري دفاعهم و منطقهم في "البقاء و المحافظة" على البشتنة و البهدلة و عدم النظام و فوق

    دا كلو (وساخة) ....


    بس نحنا فالحين في التبجح الفاضي الما استفدنا منه أي شئ ...بلد المليون ميل مربع ..أكبر دولة في

    أفريقيا...أول دولة استقلت في أفريقيا..نحنا قتلنا اللورد فلان و اللورد علان ...نحنا الساس و نحنا

    الراس...نحناالوحيدين العملنا انتفاضتين في في أقل من ربع قرن...نحناالوحيدين العندنا أكتر من 200

    عرق و جنس و مليون لغة و لهجة.......


    و بعدين عملنا شنو؟؟؟؟؟؟؟

    نحنا الوحيدين الماخدين مقلب في نفسنا....شعب وهم
                   |Articles |News |مقالات |بيانات

25-03-2007, 08:41 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: Kamal Abdu)

    Quote: طيب يا عواطف والنسوان البلبسوا أخضر وأحمر

    وشنطة كحلية وشبشب لون زينب ديل ما شايفاهن؟؟؟؟؟


    بتفتش في البلاوي مالك انت - هسع العواطف دى جابت سيرة نسوان .

    وهسع هي ذاتها اكان لبست توب زراق بغيّرها ؟؟؟؟؟
                   |Articles |News |مقالات |بيانات

25-03-2007, 10:34 AM

بابكر حامد احمد

تاريخ التسجيل: 06-10-2005
مجموع المشاركات: 0

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: الطيب شيقوق)

    Quote: يا جماعة الناس طارت وراحت


    ونحن حنظل مبشتنين ومبهدلين إلا ان تقوم الساعه ... كلامك دا ذكرني واحد سوداني قابلته في أجمل الاسواق بالخبر وهي يعمل سائق خاص وكان زعلان شديد ويتنفس بي ضلعوا صاحبك ما صدق أنا ومعي صديق جينا مارين بي عليهو طوالي قام سلم علينا وقال لينا عليكم الله شفتوا السوداني الجوه دا قلنا ليهو لا والله ما شفناهو قال تخيلوا انو لابس جلابية بدون فنيله داخلية ولا طاقية ولابس معاها سفنجه وكمان جاري مرتوا معاهو عليكم الله شوفوا الفضائح دي ...

    أنا كمثلي من السودانيين علاقتي مع الالوان علاقه سطحية جدا لذلك لا أخجل من أن أختار قميص او بنطلون على أن أستشير البائع وان كان لبنانيا ولي صديق لبناني عادة اشتري منو أن يجد القطعه المناسبة مع هذا اللون ... كان ما بعمل كدا كان جريت ليك الشخيت

    معجب جدا بي كتاباتك ...
                   |Articles |News |مقالات |بيانات

25-03-2007, 11:44 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: بابكر حامد احمد)

    الأخ بابكر !!!ّ

    معزتي ,,,

    مسرورة بمرورك الأنيق وزي ما قلت الأمثال كثيرة ومسيخة والبشتنة ما ليها لغاية فاروق حامد أبوناصر سماهم البشتون أما حكاية جر الشفع مع البشتنة دي لزوم الموسيقى التصويرية شكرا عزيزي ابقى معنا .
                   |Articles |News |مقالات |بيانات

25-03-2007, 11:47 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: الطيب شيقوق)

    يقول الفنان محمد وردي توب الزراق فيها تقول حرير ,,, لكن توب الزراق ما بكون نظيف ومرتب ولا شنو
    يا إبن شيقوق ؟؟؟
                   |Articles |News |مقالات |بيانات

25-03-2007, 11:50 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: Kamal Abdu)

    كمال عبدو !!!

    مالك جايب لي سيرة العزابة ورافع ضغطي ؟؟؟ والله مداخلتك دي جابت لي العصبي ,, عليك الله اسحب
    المداخلة دي وأكتب لي قصيدة من نزار قباني عشان أرجع لطبيعتي ,, شو هالجكي يا كمال تئبر ألبي !
                   |Articles |News |مقالات |بيانات

25-03-2007, 12:02 PM

nour tawir
<anour tawir
تاريخ التسجيل: 16-08-2004
مجموع المشاركات: 16008

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    صباح الخير عواطف..


    كله كوم..

    والسّفه فى المحلات العامة كوم..
                   |Articles |News |مقالات |بيانات

25-03-2007, 12:35 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: nour tawir)

    الحبيبة نور !!!

    نورت البوست ,,,

    السفة دي لامن يكون الواحد ما متعلم يمكن تعذريه ,, لكن حملة الشهادات العليا ديل تعملي ليهم شنو؟
    وبعدين عمرك يا بعد عمري شفتي أي جنسية تانية غيرنا بتسف رغم المخاطر التي يسببها ما يسمى بالصعوط ؟؟ نور الحكاية بتوجع القلب من جوة لكن منو الجايب خبر ؟؟؟
                   |Articles |News |مقالات |بيانات

25-03-2007, 12:49 PM

بابكر عثمان مكي

تاريخ التسجيل: 11-06-2006
مجموع المشاركات: 879

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: nour tawir)

    الاخت عواطف

    تحية طيبة وبعد

    سأجمع نفسى فى الخطاب مع بنى جلدتى حتى لا اصاب بلعنة اللامنتمى


    الشكل الخارجى فى الهدوم قد يكون نسبى تتفاوت فيه درجة رغبتنا فى الجمال وفى الظهور بمايرضينا امام الآخر ويرضى زوقنا

    المشكلة تكمن فى تلك الأشياء الدقيقة التى لانشعر بها ولكن يشعر بها الآخر مثل الآتى :

    الرائحةو خصوصا" فى الصيف

    الحظ دائما تفكك مفعول العطر الرخيص من شدة الحر ، لست أغالى او أتعالى ولكن معظمنا لايعبئون كثيرا" لاختيار عطر فاخر ولايهتمون لذلك ولايلفت انتباهنا سوى العطر الرخيص وليس هناك فى قاموسنا مزيلا" للعرق الا من رحم ربى

    الكرفتة الغير اجبارية

    الكرفتة لاتوجد فى قاموسنا اليومى تخنقنا وترهقنا خصوصا" اصحاب الرقاب السمينة ولانلبسها لا فى اجتماعات هامة او ان تكون اجبارية ولاندقق بشراءها من ماركات عالمية بس كرفتة والسلام عشان كدى فى كرفتات تحتار فيها لمن تشوف سودانى لابسة تقول ده قاطعة من طرف ملايا ، بعدين المؤلم جدا" لبس الكرفت مع القميس الغبر سادة او مع الشبط او الشبشب او اللبس الكاجوال


    الشراب (بضم الشين وفتح الراء ) :

    لانحرص على انتقاء لونه ولا على سؤال انفسنا عن آخر مرة لبسناه وأحيانا نستخرجه من الحذاء ونلبسه مرة اخرى دون ادنا اعتبار ولايهم لونه ورائحته واحيانا لانلبسه اطلاقا


    الملابس الداخلية :

    لانحرص على ماركتها ونسبة القطن فيها كما لانحرص على حساب الساعات منذ استخدامها


    رائحة الفم (الصعوط) (السجائر )

    معظمنا يسف ويدخن ويجى يجادل فى اجتماع مغلق او يقرب من مديره او موظفه لشرح نقطة على الورق
    وكثير من الأجناس يستغربون هذه الرائحة الخليط مابين العرق والتبناك والسجائر


    الاستحمام :

    وده طبعا سنة اولى درس لانو زمان قالو لينا فى المدرسة ونحنا بنلولح شنطة الدمورية (النظافة من الأيمان )




    بابكر زيكو

    المشكلة انو انا بكتب عاينتا لى نفسى لقيت روحى لابس بنطلون جينز وقميص كاجوال بس حنا فى القصيم بدو .
                   |Articles |News |مقالات |بيانات

26-03-2007, 04:32 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: بابكر عثمان مكي)

    أخي الحبيب زيكو !!!

    مودتي ,,,

    جميل أن تجمع نفسك مع بني جلدتك ولكن غيرك يا الحبيب ما بشوف عوجة رقبته و بفتكر نفسه صاحب الذزق
    والفهم والأتكيت ,, والله أنا لما أشوف سودانيين في مرفق عام أشعر بالخجل من البشتنة والبهدلة والصوت العالي في الونسة ولا التلفون وتعال شوفهم في الحدايق يوم الخميس ولا الجمعة نسوان ورجال وعيال حاجة تكسف ,, شفع يطيرو من مكان لمكان يقلقو راحة الآخرين ,, نسوان يتكلمن بصوت عال جدا بعيد عن الأنوثة والرقة وونسة فارغة ما ليها ريحة ولا طعم ( العدة , الدهب , الملايات ) أما الرجال يلعبوا في الكوتشينة وهاك يا حلايف على الحرام وعلي الطلاق والله الكلمتين ديل ما سمعتهن إللا عند السودانيين وآآآآآآآآآخ يابلد ,, شكرا على المرور .
                   |Articles |News |مقالات |بيانات

25-03-2007, 12:10 PM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    سلامات عطوف حبيبى
    وانشالله ذنقه الشغل خفت
    عارفه طريقه لبس الانسان بتحدد ليكى شخصيته وباقى تصرفاته وبتصدقى حتى اختيار الالوان برضو بيكون عنده علاقه بسلوكه
    الموضوع فيه جوانب كتيره الناس فعلا محتاجه تتكلم فيها
    انابجى تانى
                   |Articles |News |مقالات |بيانات

25-03-2007, 12:36 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: ماجدة عوض خوجلى)

    مجودة الحنينة !!!

    صدقتي يا بت أمي بس تعالي راجعة سريع الحالة صعبة والعيشة مرة !!!
                   |Articles |News |مقالات |بيانات

25-03-2007, 12:12 PM

د.محمد حسن
<aد.محمد حسن
تاريخ التسجيل: 05-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    عواطف يا جميلة

    سلامة اعصابك من البوظان

    هاك دي مني

    انت عارفة

    جوة في جواي ساكنة

    وفي دماي

    وجوف قليبي وما ك ساكنة

    تزلزليني

    تارجحيني

    تخلي ليلي

    ظلمة داكنة

    --

    مشتاق وحاتك

    ابقي طلي

    بهرجي الساحات

    وخلي

    لون ربيع الكون

    يحلى

    للنداوات

    والحكايات التملي

    بين غناوينا وهيامنا

    بس تهلي

    يا بدر خجل بدور

    ياقمر كم تم دور.
    -

    واحشاني

    العيون

    الفيها كون
                   |Articles |News |مقالات |بيانات

25-03-2007, 12:39 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: د.محمد حسن)

    الأخ العزيز د. محمد !!!

    مودتي ,,,

    غايتو قصيدتك الحلوة دي شوية خلت المنبر يبقى ستايل لو ما كدي كان قلت ليكم مستشفى التيجاني
    الماحي موجود ولا باعوه ؟؟ شكرا على الكلمات الرقيقة ,,,
                   |Articles |News |مقالات |بيانات

25-03-2007, 04:41 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    عواطف ..انت دايماً عسل وبوستاتك عسل وكلامك عسل


    والله ضحكت من جوه قلبي....الظاهر فاض بك وانت بتشوفي الحاجات دي.....كل ما أقرا شي اتذكر انوا مر علي...صدقت يا عواطف


    احنا شعب مخه نضيف لكن للأسف ما بيعرف يوجهه صاح.........والمظهر ده مهم مهم مهم جداً...بس كمان في مشكلة الجلابية السودانية دي

    واسعة شديد وبتسمن الزول.......عادات وتراث.....اها دي يحلوها كيف ....

    اما الراجل البيكورك في المضيفة دي خليها ساكت.......مرات بعمل روحي ما سامعها.......وللأسف خطوط الطيران أخذت فكرة سيئة عن

    السودانين ده غير الشّف البيجاروا في الطيارة ويدفقوا الأكل




    ومودتي
                   |Articles |News |مقالات |بيانات

26-03-2007, 04:18 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: salma subhi)

    Quote: يقول الفنان محمد وردي توب الزراق فيها تقول حرير ,,, لكن توب الزراق ما بكون نظيف ومرتب ولا شنو
    يا إبن شيقوق ؟؟؟


    آآآآآآآآآه من وردي يا العواطف مالك عايز تحركي المحبوس في الخلايا وكان وكان وكان يا اختي

    كان طيفا وخيالا ورؤى
    ثم ودعنا الأماني وأفقنا

    بالذي اودع في عينيك
    إالهاما وسحرا
    والذي انزل فيك الحسنى
    اشراقا وطهرا
    لا تدعني للأسى
    يدفعنى مدا وجزرا
    أثقلت كفي الضراعات
    وما تقبل عذرا

    يا حبيبا بت أشكو حرقة الوجد اليه
    وتوسلت ..
    نذرت العمر قربانا لديه
    ماله لو عاد
    فالقلب رهين بيديه
    وعيوني ظامئات للهوى من مقلتيه

    يالقلبي ..
    عاد من بعد النوى يطوي شراعا
    آه بالهوى
    يبعث في الروح حنينا واندفاعا
    مرحبا يا شوق اغمرني شجونا والتياعا
    فوداعا للذي شيدته بين ضلوعي فتداعى


    مودتي
                   |Articles |News |مقالات |بيانات

26-03-2007, 04:44 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: الطيب شيقوق)

    أبن شيقوق يا تمر السوق !!!

    والله يا سعادة المستشار أتاريك فنان جدا يا بخت الببترافع عنهم ذكرتني مولانا الشاعر المستشار الكبير الطيب العباسي لقد كان رقيقا كالنسيم خارج ساحات القضاء صلبا كالصخر في المحكمة
    سلمت ياأبن البادية ,,,
                   |Articles |News |مقالات |بيانات

26-03-2007, 04:39 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: salma subhi)

    حبيبة القسا!!!

    مرورك الرقيق يسعد القلب ,,, تسلمي ياسلمى من كل بلا ,,,

    ويا بعد عمري هي الحاجات البتكسف شوية ؟؟ اتخيلي واحد يمشي يشتري من محل مكتوب عليه أسعار محدودة
    أو فيسكدبرايسس وتعال شوفي المجادلة والكواريك قدر ما يحاول البائع المسكين يفهمو ما عايز يفهم
    وكان شفتي النسوان في بيت البكا آخر ضحك وقرقرة دون أي احترام لمشاعر أهل الميت والونسة والأكل
    ما يحلو إلا هناك أها ديل يفهموهن كيف ؟؟؟
                   |Articles |News |مقالات |بيانات

26-03-2007, 04:50 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    حكاية النسوان الفي بيت البكا.....ديل برضه نقول ليهم.....

    سامحووووووني ما كانش أصدي !!!!

    ديل فيلم براهم....الذهب يكشكش...والتياب الآخر موضة.....والحنن....وهئ هئ هئ هئ ضحكات عالية....

    (( طيب يا جماعة اتذكروا الرحوم ))




    الله يرحمه....عرف البيه والعليه.....كعب البيضحكن ديل
                   |Articles |News |مقالات |بيانات

26-03-2007, 07:30 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: salma subhi)

    سلوم !!!

    هو الضحك هي هي هي بس ولا غزة الصباع في راس ناس البكا والمسيقى بتاعة البكا المن غير دموع
    ههههههههههههههههههي الليلة ياتوب غتايا ههههههههههههههههههي الليلة يا ضلي وضراياوههههههههههههي
    الماكلمتني ؟؟؟ هههههههههههههي الما ودعتني ؟؟؟ اتقول مسافر وراجع ههههههههههي الماوصيتني إلخ
    سلوم أبقي معنا ,,
                   |Articles |News |مقالات |بيانات

26-03-2007, 05:09 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    صباح الخيرات.. أختي عواطف...


    لا .. لآ..لآ... مسألة بيوت البكاء دي شيء ثاني..

    طبعا أنا ما بشوف الحاصل.. لكن (الما مات ما شقّ الترب) زي ما بيقولوا..

    حدثتني أم العيال حديث الأسى عما يحدث في بيوت البكاء.. بعد ما المرحوم يتلحس بدقائق معدودة..

    أنا فعلا ما مصدق.. يعني نحن From an extreme end to another extreme end

    زمان نعيب على حبوباتنا دق القرع وعلى أجدادنا دق النحاس والتحزم (بكسر التاء والحاء والزين وسكون الميم).. وهسع يأخذنا العجب عن قصص شر(بعنى عرض) العدة وفنون الأبجورات في بيوت البكاء.. ده غير الحنة وتوابعها...والثياب وطريقة لبسها.. والفاتحة واليد معنكشة بكل ما هو مفرح.. وجميل

    إن شاء الله يكون ده الموضوع القادم يا عواطف.. لأنه مأساة.. حتى الواحد فكر يكتب وصية ويقول: لا للعزاء.. الله يدينا ويديكم طولة العمر.. يا عواطف,,

    مستننك!!
                   |Articles |News |مقالات |بيانات

26-03-2007, 05:28 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: Kamal Karrar)

    Quote: والله يا سعادة المستشار أتاريك فنان جدا يا بخت الببترافع عنهم ذكرتني مولانا الشاعر المستشار الكبير الطيب العباسي لقد كان رقيقا كالنسيم خارج ساحات القضاء صلبا كالصخر في المحكمة


    يا سلالالام يا عواطف فلله در هذا القانوني الاديب . تمنيت لو كنت استحضر تلكم القضية التي كتب في حيثياتها قصيدة عن متقاضية بعثرت ، بحسنها الساحر ، اوراق قضيته وصار يشدو بحسنها في حيثيات القضية .

    واحسب انه القاضى الذى كتب حيثيات قضية ( نجمة الشهيرة) في الابيض والتي تمثل انموذجا رائعا لقضائنا المتميز وقضاتنا الجهابذة .
    واعتقد بعدها آثر قاضينا الاديب أن تناى خطاه عن بلد في حماه الحب مضطهد واختار الاقامة لديكم في ابو ظبي .

    لك معزتي

    (عدل بواسطة الطيب شيقوق on 26-03-2007, 07:44 AM)

                   |Articles |News |مقالات |بيانات

26-03-2007, 07:42 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: الطيب شيقوق)

    القصيدة معاي بس اديني فرصة أخلص من المؤتمرات الكتيرة ومسيخة دي وأشوفها ليك وين ؟؟ مودتي ,,
                   |Articles |News |مقالات |بيانات

26-03-2007, 07:36 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: Kamal Karrar)

    كيمو !!!

    مواضيع بيت البكا فعلا بتبكي ,, مافيش احترام لمشاعر المحزونين المكلومين ,,, الدهب وتياب الشيفون
    والحنة المرسومة كيف والدخان والعطور وكأنه المرحوم عرس ومامات,,, ربنا يعينا الجهل مصيبة ,,
                   |Articles |News |مقالات |بيانات

26-03-2007, 06:57 AM

امل احمد عمر
<aامل احمد عمر
تاريخ التسجيل: 21-03-2007
مجموع المشاركات: 291

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    صدقت استاذة عواطف
    المشكلة بتكون مضخمة عندما نكون في الغربة
    وشرط العين بكون على مستوى

    انا مثلا كانت عندي مشكلة انو في استاذ سوداني في مدرستي
    وهو استاذ متمكن من مادة الرياضيات
    بس .. طريقة اختيارو لي لبسو غريبة
    بتصدقو انو يوم جا المدرسة لابس بنطلون وقميص وفوف القميص بدلة
    والمفاجأة الكبرى

    عمة

    والله ياجماعة ده الحصل

    وبالجد الشكل الخارجي بضيع الشخص وممكن يديك انطباع خاطئ

    شكرا لاختيار الموضوع استاذه عواطف
                   |Articles |News |مقالات |بيانات

26-03-2007, 07:49 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: امل احمد عمر)

    Quote: القصيدة معاي بس اديني فرصة أخلص من المؤتمرات الكتيرة ومسيخة دي وأشوفها ليك وين ؟؟ مودتي


    شكرا - انا اتصلت بالاستاذ عادل سمير بالبحرين واكد لى حيازته لقرصين مدمجين فيهما جميع السوابق القضائية السودانية بما فيها قضية نجمة ووعد بارسالهما لي - انا في انتظاره .

    معزتي
                   |Articles |News |مقالات |بيانات

26-03-2007, 07:52 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: امل احمد عمر)

    أمولة !!!

    كيفك ,,, مرورك الحلو يشرح القلب رغم إن الموضوع محزن جدا وبعدين حكاية المدرسين ديل حكاية تانية
    طبعة اللهجة استغراق في السودانية لمن يحيرو الطلبة عشان كدة بقو ما بتعاقدوا مع مدرسين من السودان بجو و بجيبو معاهم كل السلبيات وبجو مرة واحد قال لي طالب نزل كراعك من الكرسي قال ليه شو يعني كراعك يا أستاذ ؟؟؟
                   |Articles |News |مقالات |بيانات

26-03-2007, 10:35 AM

محارب

تاريخ التسجيل: 03-10-2002
مجموع المشاركات: 0

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    عواطف

    سلامات

    بمناسبة بيت البكاء والحنة وباقي البوبار

    قريب ده عرف انو في حنة للبكاء تختلف عن حنة الاعراس وخلافه !!!!! صحي ولا دي مكنة ساكت؟


    اكيد محبتي
                   |Articles |News |مقالات |بيانات

26-03-2007, 07:48 PM

Ali Alhalawi

تاريخ التسجيل: 10-02-2004
مجموع المشاركات: 1467

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: محارب)

    ألفين سلام يا عواطف ..

    جريت الشخيت لكن ما قدرتا أقيف بعيد .. ضحكتا كمية من الضحك كمن لم يضحك من قبل "للحقيقة لم أضحك منذ مدّة" .. و حزنت قليلا لأنه لم أرى فى المناظر المعروضة ما يحزن .. مناظر حياتية عادية صوّرتها لنا التربية الخاطئة كذلك .. أننا قوم نتواضع فى انتظار أن يرفعنا الله .. لا نحبّ التكلّف و الجنصصة أو نفّكها فى نفسنا فى الفاضى .. ببساطة نحن قوم نعرف قدر نفسنا و لا داعى أن يعرفنا الآخرون .. و الجوّاب عندنا لا يجب أن يعرف من عنوانه

    لو رواودنى حلم لحلمت أن أكون رئيسا للجمهورية .. لا لأقيم ديمقرواطية أو أقيم قيامة .. بل لأصدر فرمانا بالغاء سيئى الذكر .. الجلابية و التوب .. معليش شايفك قاشرة بتوب .. أىّ قومية هذه التى تبنى على الزّى!! .. ديل أكتر حاجة ما عملية .. شنو يعنى كلّ مرّة أرفع كمّ الجلابية حفاظا عليها من الأكل اللّوايييييييق!! .. أو كل ما أطبع حرف فى الكيبورد أجدع التوب!! .. هذى اللواييق سألغيها أيضا و لكن فى الفرمان الثانى .. لأعتقادى أنها من الأسباب التى تجعل منّا شعبا لايوق

    يا عواطف .. نحن قوم متميّزون و ما أنزل مثلنا من "أقوام" .. أقوام تعنى جمع قوم أتيت بها من عندى لأثبت أننى الآخر متميّز أيضا .. أوّل ما علمونا من مبادئ هى "خالف تذكر" .. فكيف لك أن تأمرينا أن نقشر كما يقشر خلق الله فيضيع تميّزنا كشمار فى مرقة؟ ..

    نبعث أحدنا لينال تعليما عاليا فى أدقّ التخصصات الهندسية .. الى عالما قتلته التكنلوجيا .. يرى شوارعا أوسع من الخيال .. و جسور طائرة و راكّة ..يعود ليشيّد فى بلدنا طريق لو سار فيه ثعبان لسار بزقزقان .. نقطع من قوت أطفالنا لقناة فضائية .. لتجيئنا بأزياء ما أنزل الله بها من سلطان .. يتففن المذيعون بجمع كلّ ألوان الطيف فى زىّ واحد .. و تجيئنا فرقا موسيقية كأنها تؤدى عروضا لمسرحية من القرن الكم عشر .. امّا التصوير فلا تتحدث بل أحرج .. يتعدّسون .. الكلمة مصدرها عدسات .. بتصوير مخدّات و بطاطين .. هى الأخرى كألوان الطيف .. تناثرت بغير تناسق .. و هذا إمعان فى الشفتنة التصويرية .. و حين يفلت شافع من بين هرشات أبويه .. أوّل مرّة أعرف أن للشافع أبوين .. شايفة كيف نحنا مجتمع أبوى خالص .. و يروح يتراقض أمام الفنّان فى براءة تترصدها كل الكاميرات لو كان وراها مصوّر عالم أوّلى .. ترى كاميرا مصوّرنا الحريف تنحرف ببلاهة عن تصوير هذا المنظر النادر لتنقل صورة واحدة تقطر لحما و شحما و بلاهة بدليل الألوان التى جلبطت بها وجهها .. و يتطاقش رمشيها كماكوك غزل فى مصنع الصداقة للمنسوجان القطنية .. بالمنابة هذا المصنع يبعد عن منزلنا بأربعمائة متر أو أقل .. و عاملة فيها ما شايفة الكاميرا

    سأجرّ شخيطى يا عواطف بطول خط الأستواء .. لأنك تجنيتى علينا .. أو تجننتى فينا .. كلها حروف جرّ .. لماذا تجرّينا لهذا الواقع المؤلم!!

    أقول لك كما قال الأخ مجدى
    Quote: التحية لكي ياسفيرة الكلمه الحلوه ،،، عطوفه


    بل أنت سفيرة الكلمة الحلومرّة .. و أنحنا ناس جسما مرّ حتّى لم يتحمل لبس "الجلابية بيضاء مكوية"
                   |Articles |News |مقالات |بيانات

27-03-2007, 07:07 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: Ali Alhalawi)

    أخي العزيز الحلاوي ,,,,

    صادق محبتي ,,,

    قرأت مداخلتك كمن يقرأ قصيدة صادقة الكلمة والشعور ,, كل حرف في مداخلتك يشير إلى مقدرتك على امتلاك ناصية الكتابة وفن التصوير والرسم بالكلمات ,, لذلك جريت الشخيت ولم تقف بعيدا عموما نحن نريدا دوما قريبا بشخيت وبدون شخيت ,, ولكن أتمنى أن لايراودك حلم أن تكون رئيسا للجمهورية لأن كل رؤسائاالسابقين واللاحقين راودهم نفس الحلم ولكن بعد أن تحول الحلم إلى حقيقة كل ما وعدونا به أصبح أضغاث أحلام فرأينا الوجه الآخر للحلم ,, وبخصوص الجلابية فنحن شعب نحب الفضاءات الواسعة التي لا تلزمنا التقيد بأي سلوك لذلك اخترنا الجلابية كزي وطني أما حكاية ثوبي فهو لزوم التصوير ومحاولة يائسة للشعور بالإنتماء لأنني لا ألبسه في الأيام العادية لأنه يعوق الحركة ويسلط علي الأضواء ومع ذلك برضه أصر على قشرتك مثل بقية خلق الله حتى ولو تكون شمار في فول وليس مرقة أما فيما يتعلق بمصورينا ومذيعينا فوالله لا أجد لهم وصفا ولا شبيها المذيع يلبس ما يعجبه ويأكل ما يعجب الناس ويحاور شخصا لا يعرف عنه شيئا فيصبح كالفنان المؤدي والمصور يلاحق اللقطات السخيفة ليثبت أن قناص أوباباراتزي ,,, شكرا علاوي على مرورك السهل الممتنع يا سفير المداخلات الجميلة ,,,
                   |Articles |News |مقالات |بيانات

27-03-2007, 06:46 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: محارب)

    أخي الحبيب محارب !!!

    مودتي ,,,

    فعلا الكلام صحيح مية في المية وليس مكنة وكمان في تياب يشفون للبكا وأخرى للعرس ,,, معزتي ,,
                   |Articles |News |مقالات |بيانات

27-03-2007, 07:37 AM

رشا سالم
<aرشا سالم
تاريخ التسجيل: 24-08-2006
مجموع المشاركات: 2604

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    الاخت الحبيبة عواطف....

    لي يومين عايزة ارد عليك في البوست الخرافي دا..لكن جيتك الليلة بالرواقة..

    انا عندي مشكلة واحدة لو حليتيها لي بديك جائزة الانجاز من الدرجة الاولي..

    شفتي المغتربين بتاعين السعودية ديل من الشتاء يدخل بيتعولقوا بالجلاليب ويلبسوا

    فوقها الجاكتات والبدل واي حاجة مبشتنة يلقوها في وشهم..والواحد كان سألته يتعلل

    بالبرد...

    ...وانا لما اشوف لي زول لابس جلابية وبفوقها جاكت بتجيني زغللة في عيوني

    وزجر في معدتي..

    ياخي البدلة الكاملة في البطحاء بميتين ريال (زي حقت تمبس الكان لابسها في عرس ود الشيخ )

    يعني ما حاجة غالية ولا بعيدة المنال ...لكن نحنا شعب فقري وبيحب البشتنة...

    عندك فرصة طريقة تحلي لي المشكلة دي قبل الشتاء الجايي ولا اشوف دينا المنفصمة تحلها

    لي؟؟؟؟

    مع كل حبي واحترامي واستمخاخي لكتاباتك..
                   |Articles |News |مقالات |بيانات

27-03-2007, 10:50 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: رشا سالم)

    رشوية الحبيبة !!!

    فاقدنك ,,, بركة الجيتي ,, عاد يا بت أمي الجلابية والجاكيت ديل زي البنطلون مع العمة مالهمش حل
    أبدا والبلبسهم من النوع الصعب إقناعه لأنه عندو قناعاتو الخاصة والديما بتكون بالمقلوب عشان
    كدة أنا بنسحب من المسايقة بتاعتك دي وبحول السؤال لغيري يمكن يقدر يحل الفزورة دي وحتى الشتاء
    القادم ضعي أعصابك في تلاجة عسى ربنا يفرجها أما حكاية زغللة العيون دي ما مشكلة حنعمل كشف ونجيب
    ليك نظارة دائمة عشان ما شايفة حل للحالة الكرونك دي ,,, تسلمي يا الحبيبة .
                   |Articles |News |مقالات |بيانات

27-03-2007, 08:16 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: محارب)

    العزيزة عواطف
    تحياتى

    والله كلامك فى الصميم وياريت يجيب تمنو . زمان الخرطوم كانت أجمل بلاد الدنيا والقشرة كانت بالقميص النايلون والشبط الوسيم والقميص حاشنو والخمسة جنيه فى الجيب الفوق فشخرة . والحفلات فى أبولو والأولمبى والمواصلات أبو رجيلة ترقش والطراحات بيجو وفلفو . لحدى ما فتح الخليج وجونا ناسك ديل راجعين بالبكاسى وساطوا الخرطوم .

    حكمتم فى الغربة (بلدآ ما بلدك أمشى فيها عريان) والمصيبة لما رجعوا قلعوا ملط وقلعونا معاهم .

    ما تعتقدى الجلافة جاتنا معاهم من العرب ؟

    خاصة اللهجة صارت (هادى) و (طال عمرك ) و (تفحيط) و (كشخة)

    على وزن (ما كانش أصدي ) بالمصرى برضو (سعد زغلول آل مفيش فايدة ).

    بالمناسبة البوست الراجل كتفي بالعيال وأضبحي ليه الكديسة يوم الدخلة !!! إتكتب ولا ح . إذا إتكتب إتلومتى وبكرى إتلوم ما ختاه فوق .

    ختى لينا لنك كان موجود و المرة جاية أبقى أدينا مس كول

    معزتى
                   |Articles |News |مقالات |بيانات

27-03-2007, 11:08 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: رأفت ميلاد)

    ود ميلاد ,, سليل الأمجاد !!!

    معزتي ,,,

    وينك يا ريال دي على وزن هادي وطال عمرك وتفحيط وكشخة وصيح الويل وبعدين سامحوني ما كانش أصدي

    دي إسم فيلم مصري استعرته للإعتذار لأني ما لقيت حاجة رقيقة يمكن أن تكون مقبولة غير هذه العبارة

    والله ياريري طبعا دة إسم الدلع بتاعك الليلة ذكرتني الخرطوم أيام زمان زمن الكشخة والنضافة

    والتكاسي الملمعة دة احنا فين والزمن دة فين ؟؟ موضوع الراجل كتفي بالعيال دة لسة جاي في الطريق

    لمن نخلص مواضيع البشتنة دي يا ودأمي إنت عايز مس كول ولا نص كول ؟؟ في واحد هنا في الإمارات بقول

    ليك ما عندك أي مشكلة بس أعمل لي نص كول !! تسلم يا الحبيب وربن يسعدك ,,
                   |Articles |News |مقالات |بيانات

27-03-2007, 08:33 AM

معتصم ود الجمام
<aمعتصم ود الجمام
تاريخ التسجيل: 22-04-2003
مجموع المشاركات: 3261

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    سلام ياعواطف وشكرا على الموضوع الساخن والمؤلم دا
    لو شفتي عندنا هنا في السعودية وفي المدينة حيث الحج والعمرة تبكي بس
    مؤلمين السودانيين سفنجات وعراريق ووسخ وكرفسة ونسوات تياب بولستر والوان ومناظر صعبة تخجلي عديل ماعارفه فكرة انو لازم اثناء اداء المناسك دي لازم نتبهدل ونلبس سفنجه
    جات للسودانيين من وين
    بعدين لمن تعايني للأجناس التانيه تخجلي الاسويين وحتى غيرنا من الافارقه زي المغاربه او حتى المصريين في شوية مظهر جيد او معقول ولو شفتي الرقاد في ساعات الحرم كانك في حوش بيتك والونسه بالصوت العالي .
    ودا ماأظن ليه علاقه بالفقر او المناطق الريفيه الممكن بعضهم جايين منها لكن نفس الناس ديل بعرفو في السودان لمن يكونو مارقيت يلبسو بشكل جيد منو داخل السودان بسافر من مدينه لمدينه بسفنجه ؟ ليه ننعمل كدا بره!!!!!!
    كل الكلام القلتيه في الصميم وعندنا هنا مضاعف واخ من المطارات والمناظر الفيها والاكياس الشايلينها والاطفال الجارنهم كل واحد جاري شنطه وكيسين .
    عندي صديقة جات السعودية جديده عملو ليها حفلة تاني يوم سألتها كيف الحفلة قالت ليها عرفت الدهب عيار كم وقنعت من الاطفال

    أريج الحاج

    معليش انا بكتب بي باسورد زوجي في الحقيقة طولت ونسيت باسوردي
                   |Articles |News |مقالات |بيانات

27-03-2007, 10:15 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: معتصم ود الجمام)

    Quote: معليش انا بكتب بي باسورد زوجي في الحقيقة طولت ونسيت باسوردي


    عواطف عبارة الاستاذة اريج دى بتحمل انبل المعاني وحياتك ما تتخطيهو علقي لينا عليهو .

    معزتي
                   |Articles |News |مقالات |بيانات

27-03-2007, 11:24 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: الطيب شيقوق)

    إبن شيقوق !!!

    ألم أقل إنت كلك ذوق ؟؟؟

    في الحقيقة أريج يبدو عليها إنسانة رقيقة وأسم على مسمى وقد ضربت مثالا نادرا في الصدق والنبل
    كما عكست نوعية العلاقة التي تربطها بزوجها حيث أكدت بذلك على أنها علاقة صحية مؤسسة ومبنية على التفاهم والحب واللغة المشتركة,, ربنا يحفظهم ويسعدهم ,, ويحفظك مع السمحة أم ولدك ,,,
                   |Articles |News |مقالات |بيانات

27-03-2007, 11:19 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: معتصم ود الجمام)

    أرييييييج !!!

    شكرا على مرورك البهيج ,, والله البشتنة دي يا بت أمي بقت بالنسبة لينا زي المضاف والمضاف إليه
    خصوصا برة السودان عشان كلهم مقتنعين بالمثل البقول البعرفونا ما يحضرونا أما حكاية النسوان
    وونسة الحفلات البايخة والشفع الماعندهم أدب دليل خليها ساكت المشكلة إنو كلو واحدة معجبة بي وليداتها وبتفتكر إنو الخمج حقهم دة بعجب الناس التانين مرة قالو عوض دكام جاء أبو ظبي فسألوه
    أها لقيت الناس هناك كيف ؟؟ قال ليهم النسوان سمان والرجال كضابين والشفع قليلين أدب!! معزتي .
                   |Articles |News |مقالات |بيانات

27-03-2007, 11:04 AM

بدرالدين يعقوب
<aبدرالدين يعقوب
تاريخ التسجيل: 14-03-2007
مجموع المشاركات: 513

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: عواطف ادريس اسماعيل)

    عطوفي :-

    اسمعي هوي يابت الناس انا لا بجر خط ولا بقيف بخش طوالي علي بيتكم العامر ده

    صدقيني ماعارف ابدء من رقم كم في البهدله بس الشي البغيظني وبفقع مرارتي لمن اشوف لي واحد

    كرشه كبيره ولابس جلابيه من غير فنله داخليه ومن غير طاقيه ومعاهم سفنجة وحايم بيها عديل كده

    في الشارع وخلق الله كلهم شايفنه , طوالي بجر شعيراتي لي قدام (اكلمك باعطوفي بس ماتكلمي زول انو

    انا شعري سبيبي ) وبعمل فيها بنغالي وبقول ليه صديق ليش كل سوداني بطن كبير كده ولحم بره عشان

    صاحبنا يخجل من منظره كده , وهو حدث ولا حرج .

    وكمان ياعطوفي لو شفتي نسوانا في السوق من بعيد تعرفي الواحده منهم انها سودانية , شايله كمية

    بتاعه عفش وراها( يعني ..... كبير ) ولازه كرشتها لي قدام وريحتها تقول ياغربتي من حفرة الدخان

    للسوق طوالي وصاحبنا ماشي معها , جلابيه مكرفسه بدون فنله داخليه وبدون طاقيه وشايل شاف في يده

    وجاري التاني وعيونه محمره لانو بكون جاء من الشغل للبيت وصحبتنا طوالي قالت ليه ارح للسوق لانها

    نايمه طول النهار لا شغل ولا مشغله....... بتعذب من كثرة المناظر دي وربنا يكون في عونا

    فتك بعافيه عطوفي لكن بحاول اجيك راجع عشان تفقعو مرارتي .
                   |Articles |News |مقالات |بيانات

27-03-2007, 11:34 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: سامحووووووني ما كانش أصدي !!!! (Re: بدرالدين يعقوب)

    بيبي !!!

    سلامات ,,,

    والله أنا زاتي مرارتي اتفقعت بكلامك دة ,,, عشان المنظر دة مكرر كتير جدا وفي كل دول الخليج والله مرة
    ركبو معانا مسافرين من الدوحة لو شفتهم تقول جروهم من السوق العربي ولا ميدان أبوجنزير ودخلوهم الطيارة حاجة تكسف أما حكاية الراجل الماشي ورا المرة وشيايل الشاف دي فيها الكثير من الإيحاءات
    مع إنها بتقلل من احترام الطرفين وبعدين كلامك صاح في نسوان كتار بكونو نايمين طول النهار ولما
    يجي الراجل المسكين طوالي بعد الغدا تعمل ليها برنامج سوق وما ليها دعوة بي تعبه لكن بيني وبينك هم يستاهلو عشان بقو زي الحملان لا يشخطو لا ينترو أما حكاية بشتنة النسوان دي خليها ساكت غايتو أنا
    مرات بتمنى يكون شعري سبيبي زيك ولابسة ساري بدل التوب لكن ما باليد حيلة شعري قرقدي وشكلي سودانية مية في المية لا نخرة عديلة زي السيف ولا عيون زرق أها أغالطم كيف ؟ ولا أعمل نفسي مجنونة؟؟
    شكرا هلى مداخلتك الظريفة ومن زي ديلة وا أسفاي !!!
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de