|
|
|
 Re: ناس الليل سلااام....(توجد قطيعة).... (Re: bent awad el kareem)
|
Quote: أميرة يا ختي ممكن أشارك ؟؟؟
.
.
.
أنا جيت من بعيد وقلت أشيل معاي الفانوس ده عشان أضوي ليكم شويه ..
معليش النور خافت ..... أها وصلته ... في شنو يا جماعه أنشاءالله خير ؟؟ |
بت عوض الكريم جايه تتلبتى زى حرامى الجداد ...خلى فى شنو؟؟
ابكى بكاك وادى اميرة دى قدحها واتخارجى..
غايتو جنس تحايل هو،،،
| |
 
|
|
|
|
|
|
|
|
Re: ناس الليل سلااام....(توجد قطيعة).... (Re: ياسر بيناوي)
|
وحاتكم امبارح سهران مع برشلونة بقيت زي (teenager)
شوفوا اميرة دي غواصة من ناس النهار ما تشتغلوا بيها
هسي دوامها بيقلب نهار وتقعد تفرفر
ناس الليل الاصليين ما بيقدروا يخلو النخجي والجوعير
وزي ما قالت دكتورة صفية السكلي دة لا عنده عمر لا عنده وقت
في العشرينات تجوعر
في الثلاثينات تتنخج
في الاربعينات تقع هردبيس
وحات الله بكري دة يرجع كودات الغناء ما اخليكم تنوموا
ان شاء الله لو اخت ليكم (اريت ابو صلعة «ساهر»)
ههههههههههههه
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: طارق جبريل)
|
| Quote: وحات الله بكري دة يرجع كودات الغناء ما اخليكم تنوموا |
انت بس,,
....تدودر بينا يعني!!
وتدينا البكاء و النخجي..و الجوعيــــــــر
اها انا الليلة من الصباح
اسمع(خاف من الله)...
الا وردي ده ,,مالو ما معانا!!
عارفنا ناس سكلبة و لا كيف؟؟
الله يرجع العدة و يخلي ودجبريل...
بتخج..
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: هواري نمر)
|
يا ميره نسيتي اضافه اساسيه للشرط بتاع الزول المعذبو مديرو
الشرط كان يجب ان يقرأ
1/ اي زول(او صاحبو) مديرو معذبو .... الي اخر الجمله
والا فلن اسمع اي شكوي حول المديريين من صحابي الانتي عارفاهو ذي جوع بطنك تاني
| Quote: وبخلص لصاحبى عمر بوب جرستو الجرستها ليهو... |
تعيش الصحوبيه و داون داون الجرسه
الخبر لمن توصليهو خليني معاك عشان ازيد فيهو توم وشمار
| |
|
|
|
|
|
|
|
|
 Re: ناس الليل سلااام....(توجد قطيعة).... (Re: Omar Bob)
|
سلام يا أميرة,,
الأيام ديل مفروض الناس كلها تبقى ناس ليل ,,
Temp. was 48C yesterday in Doha.
واحد مسطول قال والله اليومين ديل من شدة الحر
تفتح الباب تلقى الشارع قاعد في ضل الحيطة,,
شايف الحر قام بأخونا عزّام لمن بقى مفتئ,,,
الكورنيش ما بحلكم,,,
أسمعى قولى لصاحبتك تعالى أدفعى الغرامة ,,,
سلامات ياخ,,,
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
Quote: كان غيرك اشطر ياشلبي
وكيلك الله صور الكباب ساي ماطلعنا بيها
اميرة دي روحا طويييييله سلبه بس |
نوفل .. طيب ما تجي نزازيها للصباح ..
لحدي ما تقر بالحقيقة و تقول الصور وين
لو ما قرت بالحقيقة لحدي الصباح نقوم ندخلا في بوست اميرة فاروق بتاع ناس النهار ونقفل عليها بالمفتاح.
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Omar Bob)
|
Quote: 1/ اي زول(او صاحبو) مديرو معذبو .... الي اخر الجمله
والا فلن اسمع اي شكوي حول المديريين من صحابي الانتي عارفاهو ذي جوع بطنك تاني
|
امسك واحد مدير شرف البوست...
والله ياعمر بوب جيتك ما بناباها الا طالما انك مدير
احسن تفتى ليك مسالة نجاض المدراء اسبابها ومسبباتها...فى
غايتو انا قرررربت اعملت تحذير اقول ممنوع دخول المدارء الا تقول شنو
صاحبك ود الزين تانى ما جا داخل البست..تعليقك خلاهو يجرى جرى
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
| Quote: تحت تحت كدا قلتي لي ممكن تديني أسماء الناس المعرسين ومكسرين في زول كدا في راسي يا ريت يكون معاهم - بعدين في كم بوست انا قلت الكسير دا لا بعرف صغير لا كبير لا معرس لا باير |
ياجماعة ركزو معاى فى كلام هويدا دا..
صعبةةةةة صعبةة ياهويدا والله البوست بتاع الكسير دا كنت قايلها هكر..
اها ياهو دا كلام الليل زاتووو....
| |
|
|
|
|
|
|
|
|
 Re: ناس الليل سلااام....(توجد قطيعة).... (Re: Amira Elsheikh)
|
Quote: بان الشرط بتاع المتزوجون يمتنعون الناس دي هنا ما شغالة بيهو كلو كلو
|
شبكة مابيدى ما بيدى..
لو جينا نشوف نحن العزابة كم??كلنا يا 5 يا6
1/هوارى
2/نوفل
3/ياسر بيناوى
4/هبة الماحى(من زمن نادى العزابة الاسفيرى)
5/انتى
6/انا....
حتى فريق سلة ماتامين...كان تابعنا القوانين دى وحاتك نقعد برانا
اها رايك شنو?
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
| Quote: قالوا عندها كاميرا من زمن اجدادنا القدما واصحاب الكهف |
نوفل دى كاميرة عزام والله....ادوك المعلومة غلط...
انا كاميرتى عمرها 5شهور بس....
حالة سعبة..
___________________________________________________
والله كتلتنى بالضحك...بديت اشك انك قاعد فى الدوحة
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: طارق جبريل)
|
| Quote: وعشان ما اتعبك وروينى بتنزلها كيف |
عادي .. زي لما تجي تنزلي صور الدوحه ديك
كلك يمين علي الاشكال و properties و تعملي كوبي للرابط وتجي تصلقيهو هنا
غايتو مجبورين علي الدروس المجانيه دي
دا كلووووو عسي ولعل تفضي كاميرتك دي يا اميره
| Quote: ناس الليل كيف امسيتو |
تجي بهنا تقول كيف امسيتو وتمشي بهناك تقول كيف قيلتو ؟
ودجبريل جيب اضانك
الاكواد اشتغلت
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
اميره
سلامات مشتاقين شديد
----------------------
اسمعي القطيعة والشمار
دايرين جبنة وفشار
وشريط دلوكة في الخلفية
(الغداره ديمة+ الخاينة صحبتنا )
الحوار:-
وبعد داك !!!
اه قلتي لي !!!
شفتي !!!
ما بصدق !!!
اه تاني قولي لي !!!
لا لا لا!!!
الرسول!!!
واااااااب بالغت لكن !!! ( بصرخة مدوية وصفيق يدين )
------------------
بنفع بتاع سنريست جادع مش؟؟؟
--------------------
شكلوا رايحة ليك قطيعة والغربة هدتك
دايره ليك اجازه تاني
وما لاقية ليك زول في الماسنجر
وقلتي نشوف ناس المنبر ديل كان بفشوك
----------------
مع ودي وسلامي
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
Quote: شكلوا رايحة ليك قطيعة والغربة هدتك
دايره ليك اجازه تاني
وما لاقية ليك زول في الماسنجر
وقلتي نشوف ناس المنبر ديل كان بفشوك
|
ود ابو القاسم...اتحداك شوق...
الغربة هدتنى صااااح...
دايرة لى اجازة تانى بلحيل ومستعجلة كمان...
اما المسنجر دا وملحقاتو(اسكايب..وشنو كدا)ديل نهائى ما اصحابى ولا قدرت
اخلق معاهم علاقة..انا بحب الونسة والحكى المباشر والعين فى العين...والله حتى
التلفون دا لحدى اسي ما صاحبى...صاحبتك لسة تقليدية شديد
| |
|
|
|
|
|
|
|
|
 Re: ناس الليل سلااام....(توجد قطيعة).... (Re: ahmed khidir)
|
Quote: التكنولوجيا قصرت المسافات
بعد 15 سنه التقى صديق
|
احمد خضر...صباحك او ليلك سعيد ودا حسب التوقيت عندك..
طبعا وماعندى راى فيها وبتعامل معاها لكن تحس بانى ما قادرة عليها
يعنى ممكن شهر ما ادخل مسنجر وعادى واصحابى وناس بيتنا بعانو معاى فى الحتة دى....
لكن برضو وسائل الاتصال(من مسنجر وغيرو) ممكن تتحول لادمان وتعزلك من الحياة المباشرة الحولك...
والله العظيم يوم ما انتبهت لمشاركاتى ..لكن ملاحظتك عجبتنى شديد
شكرا ليك كتير ومرحب بيك اكتر
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: محمد عثمان)
|
Quote: لو جينا نشوف نحن العزابة كم??كلنا يا 5 يا6
1/هوارى
2/نوفل
3/ياسر بيناوى
4/هبة الماحى(من زمن نادى العزابة الاسفيرى)
5/انتى
6/انا.... |
سلام يا أميرة...
اها...قلتي لي العذابة و الكسيـــــــــر!!
و الله الناس المتزوجين ديل,اكتر ناس مدشدشين.!!لــــــــــــــــــوووووول
شوفي ناس طارق جبريل..!!هههههههههههههه
الليل كلو بكاء و نواح..
بس احنا لينا الله....
غربة ..شفل يالليل...و كمان عذوبية..
يالطيف!!
اها شايف كمان ناس النهار,اتلمو..
مشينا قلنا نطايبهم..
اصلو احنا
ليلنا هنا عندكم نهار..و العكس.
يعني شايتين بالجهتين..
ههههههههههه
عليكم الله بالليل.زاسمعو الاغاني النزلها
ود جبريل...والحفظتوها كلها في
الكمبيوتر..
عليكم امان الله..الا كان تلقو الدميعات...تف تف تف ..نزلن..
اااااحي الله كريم..
اها.زالمدير بتاعي...زولا مشوطن..جنو حوامة
مرات شهر ما اشوفه...
مريحني شديد...الا مرة مرة
بتصل علي و بوريني شوية كده انو مهتم..
والليل الهاجع....
غرد.....
ياود جبريل.......
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: هواري نمر)
|
ياناس الليل
بس مرقت من ناس الصباح قلت اجي اسلم
لقيت الشارع مقفول بالمناديل وباشياء اخرى
انت ليلكم دا شكلو رهيييييييييب
الله يستر منكم
اميرة
خلي المتزوجين يجوكم خميس وجمعة وباقي الاسبوع اقفلي البوست على العزابة
خليك تقيلة شوية مع المتزوجين ديل
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: سيف الدولة كامل)
|
الأخت أميره
صباح الورد - نحن طبعا ناس نهار وصباح بنخش النت بالصباح بس مساهرين معاكم - البوست داك جاب لي الكفوه أعمل شنو يعني ننزل في البوستات والناس بعد دا ما شغالين بينا - عارفه ذي ما قال نوفل راجعي بوستك دا العذابه قدر اصابع اليد لكن المتزوجين هم المكسيرن
أعملي مسح لي كل بوستات طارق جبريل كلها كسير عمري ما شفتو كتب عن حاجه غير الكسير وكمان البوستات بتاع سيد الصوره كلها كسير وبكا وجوعير اخير هو من طارق مره مره بكتب حاجات دينيه وثقافيه ولسه البقيه تاتي أخير انا بس نزلت بوستين بس في الكسير
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: طارق جبريل)
|
بت الشيخ
1Quote: /خلو طرف من الخدمة الزوجية
2/العمر اقل من30 سنة ودا عشانك
3/شهادات الخبرة فى مجالات حياتية مختلفة
4/ تكون نضييييف من مسالة الشواكيش ومتعلقاتها.. |
انا من هنا افوت مفلق عديل .
جنى وجن ازدواجية المعايير ليش ود الكامل سامحة ليهو يجدع بهنا ؟
هو معترف مقر بانني اكثر استيفاءا للشرط الثالث منو . وانا عارف سجله مليان شواكيش ومتعلقاتها .
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
Quote: انا من قوة الشمار غلبني ألصق
|
نكرها يانوفل وشايفاك انت صدقتو...
ولا كتل قلبك بقصة عليهو الشيلة دى...
نوفل دا رزق والله جابو لينا خلينا نسوقو شوية لقدام...
ونصبح بيهو الواطة ابوى انا...
غايتو انا مامصدقة نهااااائ.....وش مدردق ومكتح بالتراب.....
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
| Quote: نكرها يانوفل وشايفاك انت صدقتو... |
مش جايب لي الشيله ؟
انا ذاتي بشهد انه عمرو ما اخد شاكوش
كان جارنا ودرسني كمان .. اصلي ما سمعت بيهو اخد شاكوش
.............
ياخ الزول حلف بالله والرسول عدييييييييل كده .. والمؤمن صديق
وبيني وبينك كده ... اصلي ما مصدقو :D
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
Quote: بتقوى...بتكبر..بتصقل...بتزيد التجارب...وبتنضف القلب..
|
حولااااااااا
انت اصلو ما خده كم شاكوش يا اميره ؟
تجيبي الشبكه ولا اشبك فيك ؟ :D
انا الليله كان ما عرسته من هنا ما مارق
..............
قصة الشواكيش دي دايره بحث واستفاضه
سلبياتها.. ايجابياتها.. اثرها علي الشخص وحياته مستقبلا
هل تعلمي ان بعض الشواكيش مفيده ؟ - رب ضاره نافعه
( عسي ان تكرهوا شيئا وهو خير لكم )
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
Quote: تجيبي الشبكه ولا اشبك فيك ؟ :D
|
الشبكة مش متبرعين بيها ليك نظام رشوة وكدا ,,,
Quote: قصة الشواكيش دي دايره بحث واستفاضه
سلبياتها.. ايجابياتها.. اثرها علي الشخص وحياته مستقبلا |
شايفاك عاجاباك قصة الشواكيش دى وعلمنته المسالة
وعملتهاادفاتيش وديس ادفانتش..افتح بوست واى ويل سبورت يو ريلى....
انا موضوع الشواكيش دا من المواضيع الفرى انتريستيت بالنسبة لى ,,,
| Quote: انت اصلو ما خده كم شاكوش يا اميره |
اما انا ماخدة كم شاكوش دى بوريك ليها لما تفتح البوست..قصرت معاك
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: علاء الدين حيموره)
|
Quote: الشبكة مش متبرعين بيها ليك نظام رشوة وكدا ,,,
|
ديك شيله يا اميره .. شيله
الشبكه دي الدهب وكده
انت اصلو ما حصل ليكم عرس ؟ ولا جيرانكم ؟ ولا صديقاتك ؟
استضافوني في التلفزيون القومي لناقش قضيه اجتماعيه علي مدار ساعه
حسيت انه فعلا المفروض الناس تديها حقها من النقاش بصوره اكتر تفصيل
كلامك نبهني لضرورة فتح بوست منفصل ليس للشواكيش ولكن حتما سيرد ذكرها في الصياغ
......
الحلقه كانت عن الخطوبه
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
Quote: انت اصلو ما حصل ليكم عرس ؟ ولا جيرانكم ؟ ولا صديقاتك ؟
|
لوووول يانوفل شكلك داير تحقر بى عشان اعترفت بشواكيشى ولا شنو
حقو الواحد يكذب عليكم زى سيف دا ويقوليكم البدينى شاكوش امو ماولدتو
والزى انا مابدو شاكوش والكلام الماجيب حقو داك والواحد يسمع فيهو وعارفو
كضب لكن مايفتح خشمو...
والله عرس امير اخوى جنس عرس اريتو عرسك وعرس البتريدهم وكان اول عرس لينا
ودينا الشبكة وقولة خير وسدينا المال وودينا الشيلة وحاجات العيد وسوينا
القيدومة والحنة الفى النص والحنة الكبيرة ومشينا البحر واييييك...
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
Quote: الكلمه دي نكشتيها من وين
غايتو قديمه جنس قدم ؟
|
نوفل صباح الخير بتوقيت هنا...هناك عندكم مساء يادوب*
قديمة وبت حبوبات وتصدقـ بتعجبنى الكلمات الزى دى واصلى مابتبرا منها
والله مفرداتنا العامية سمحة وحنينة واخير من الكلام البترمى زى الدراب
غايتو فى موضوع نكيش المفردات اسال منى كيكى حتى متابع معاى وقال راصد
اى مفردة انا نكشتها...
__________________________________________________________-
بمناسبة صباح اومساء الخير انت قاعد وين عشان نراعى فروق الوقت كدا
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
مساء الخير دي علي وزن البوست عشان ما يتلخبط الاختصاص
لكن الصحيح هي صباح الخير
المفردات العاميه دي جميله ودقيقه جدا في الوصف
قبل شويه كنت بتكلم بالتلفون مع معاويه المدير عن كلام الحبوبات
والتراث الجميل من حكاوي وحجا وامثال ... جيك راجع للموضوع دا
................
انا في الخرطوم
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
Quote: سنين و ايام قضيت عمري..
في لوعة...
انادي الليل و اقـــــــــــــــــــــــــــــــــــــــــــول ياليل
انا المظلــــــــــــــــوم عزائ دمعة..
دموعي تسيل و ليلي طويل
وعايش في مهب الريح...براي شمعة.. |
هوارى مطلوب حضورك فورا...لمواصلة البكاء
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
أميرة يا بت الشيخ:
مناداة هواري ما بتنفع
دا يمة هسع تلقي النخجي والسكاليب ما يدن الدرب
نحن غايتو سمار ليل
لكن بنمر بعيد لبعيد
الحالة دي لو استمرت
احتمال هواري يرجع البلد
ملعون أبوها الغربة الكدرومية الشينة العفنة
القبيحة
بهاء /طوكيو
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Baha Elhadi)
|
Quote: الحالة دي لو استمرت
احتمال هواري يرجع البلد
ملعون أبوها الغربة الكدرومية الشينة العفنة
|
بهاء...صباح اومساء الخير بتوقيت طوكيو...
بمناسبة طوكيو دى زمان واحدة صاحبتنافى الجامعة فجأة كدا الجكس بتاعة
قال مسافر..استكهولم...جينا لقيناها تبكى وتتنخج والدموع عشرة عشرة...
وتقلب فى ورق الدنيا والعالمين سالناها...قالت ماحترد ما لم نجيب ليها اطلس العالم
جبنا(صحبتنا كمان) قعدت فى نص السرير وتقلب ...
قالت لقيت الحتة الماشة ليها المعفن دا تعالو اقروها لانى غالبانى من الصباح...
اتذكرتها القصة بمناسبة انك فى طوكيو وناس كتار مجدعين فى بلود طيرا عجمى
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
أحييييييييييييي يا بت الشيخ
نقول شنو واله الليلة وووبيييييييين ما بتحلنا
المشكلة ازهى عمرك بضيع سمبلة وسهر
وسجم وكل عائلة السين المصوتة دي
| Quote: وناس كتار مجدعين فى بلود طيرا عجمى |
وعلى العلينا تجو تفتحو جراحنا بعد ما تقرب تبرا
الله في لكن
بهاء
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Baha Elhadi)
|
Quote: وعلى العلينا تجو تفتحو جراحنا بعد ما تقرب تبرا
|
ماتغش روحك كان جروح الدنيا دى كلها برت ..جرح الغربة دا نو وىى
لانوغريق وكان مرت بيهو نسمة ذكريات ساى بتعوقو.....
فما بالك من رياح الحبابيب البتقلع القلب من جذورو...
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
مساهر بي ضرس يا اميره ضرررررس
| Quote: قالت لقيت الحتة الماشة ليها المعفن دا تعالو اقروها لانى غالبانى من الصباح... |
هههههه
المشهد مبالغه ... كتلني بالضحك
بهاء ازيك بالياباني
وحاة النبي دا الاغتراب يا بلاش .. تقول لي الخليج البقي كوبي من السودان ؟
يا مان الجماعه ديل كنت بتتفاهم معاهم كيف في اول ايامك
ما تقول لي انجليزي ... بقروه زينا كده . ونص الشعب جاهل بيهو
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
انتو بتهظرو لازم البيساهر يثبت وجودجة الساعة 3 صباحا بكلمة up
انا امس فى الدوام وفاتح النت وحاتكم غير راوية ما فى حد وقالت عندهم الساعة فى امريكا الساعة 5 عصرا
قلت اطق معاها حنك شردت شردة ابعاج المرحوم ..................................
تانى خلى واحد يجى يقول لى بساهر ان ما اهكر ليكم البوست دة ما اكون البعاتى
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: عمر سعد)
|
عمر سعد كيفنك
نحن يااخوي قاعدين هنا من امس
وهسي الساعه عندنا 8 صباحا
والله لو بقيت ناس الانقاذ ما تجي تلقانا نايمين
قال اهكر قال
هسي خلاص الشمس شرقت وعندنا مشواير بشريه
نلاقيك بعدين بالليل يا البعاتي
البعاتي دي خلي اميره تجي تفلفلها ليك وتحللها
باقي هي تخصص وكده
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: نوفل عبد الرحيم حسن)
|
| Quote: هوارى مطلوب حضورك فورا...لمواصلة البكاء |
الليـــــــــلة ....
جابت ليها..كشف حال!!
و بشتنة و شواكيش..و بكــــــاء..و ده غير البكاء..!!
نعاود الارسال ,من بعد الويك اند..
و من بعد نصاصي الليل..
نتحاوم..ونساهر..
و.....
يلا يا دبايب..امرقو..
و الليل ...الهادئ..
يذكرني..
حبيبي الغائب
من بدري...
و خـــــــــــــــــلاني و حيد...
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: SHIBKA)
|
| Quote: انت شغال بتوقيت وين الفيهو ويكن اند يوم التلات دا؟؟؟؟ |
شبكة ازيك ياخي..
و اخبارك؟؟
ما احنا زي ما عارفة الويك اند بتاعنا,سبت و أحد..
و اها انا ببدأ الشغل يوم الاتنين المساء..
يعن يعني عندك التلات الصباح...
اها .....
ما قلته ليــــــــــك!!
زمان الويك اند بتاعي..كان يوم الاربعاء..
شفتي كيف؟؟
يعني اشتغل 6 ايام..و الاربعاء....في نص الاسبوع..
يدوني اجازتي...
البلد دي فيها ناس اجازتهم يوم الاتنين..
و مرات كل اسبوع العطلة بتكون يوم جديد..!!!!!
الا هسي نحمد الله بقينا ويك اند, بحق وحقيقة..
اها...اخر شمارت البوست ده شنو؟؟
غايبين و كده!!
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: هواري نمر)
|
| Quote: الا هسي نحمد الله بقينا ويك اند, بحق وحقيقة.. |
الحمدلله بقيتوا مع الناس
فضل ونعمة
Quote: اها...اخر شمارت البوست ده شنو؟؟
|
اها الشمارات كالاتي:-
امس اميرة ونوفل وعمر سعد ينضموا في راسنا الليل كلو ما سكتوا عشان نقدر ننوم ونجي على بوست النهار
هسة هم مشوا رقدوا لا قادرين احنا نواصل في بوست النهار
لا قادرين نشوف شغلنا
شفت جنس المحنة دي
بركة الجيت بالسلامة
اها بمشي اخد لي لفة في المنبر وبجيك راجعة
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: هواري نمر)
|
Quote: محسوب..محسوب...محسوب
|
هوارى قبل ماتحسب الشواكيش الاسفيرية(لانها حتاخد مننا زمن) عليك الله
زرزر معاى سيف دا لانو قال من الله خلقو وطلقو مااخد شاكوش..
الكلام دا منطقى ????
بعدين تعال زرزر قريبى ودشيقوق ولا اقوليك ود شيقوق
دا خلى على بجيب ليك اخرو اسي..
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: Amira Elsheikh)
|
خالي هواري
بس لكن الشواكيش الاسفيرية دى مرات يعتقد انها هكذا في حين يكون المشوكش (اسم فاعل) ناشق في البطانة وترك اللابتوب في الحلة ويجي يقتش عنه المشوكش (مفعول) اوالذي يعتقد انه هكذا وما يلم فيهو اسفيريا ويقول خلاص اداني هرض اكتافو اسفيريا .
بت الشيخ
Quote: بعدين تعال زرزر قريبى ودشيقوق ولا اقوليك ود شيقوق
دا خلى على بجيب ليك اخرو اسي.. |
انت غلبك ود الكامل السااااااااااهل تقدري تباري بجاى؟
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: هواري نمر)
|
Quote: و الليل ...الهادئ..
يذكرني..
حبيبي الغائب
من بدري...
و خـــــــــــــــــلاني و حيد... |
ياهوارى شرحبيل دا بعقدنى عديل والغريبة كم يوم انا مشغلة الاغنية
دى....
عارف نفسي اسمع ياتو اغنية فى اللحظة دى...
غايب السنين الليلة ..
| |
|
|
|
|
|
|
|
|
|
Re: ناس الليل سلااام....(توجد قطيعة).... (Re: عمر سعد)
|
Quote: انتو بتهظرو لازم البيساهر يثبت وجودجة الساعة 3 صباحا بكلمة up
انا امس فى الدوام وفاتح النت وحاتكم غير راوية ما فى حد وقالت عندهم الساعة فى امريكا الساعة 5 عصرا |
عمر سعد انت بتهظر...نحن لينا كم يوم بنساهر لحدى الصباح..
وحاتـك انا من السفارة وللشغل مباشرة...up شنو كان داير كول عديل
بديك ...اها الليلة معانا ولا مع الخيانة
| |
|
|
|
|
|
|
| |
bent awad el kareem
صديق الموج
ياسر بيناوي
طارق جبريل
هواري نمر
Omar Bob
أيمن الطيب
أميرة فاروق عبد العال
عماد الشبلي
نوفل عبد الرحيم حسن
علاء الدين حيموره
محمد ابو القاسم
ahmed khidir
SHIBKA
سيف الدولة كامل
هويدا شرف الدين
الطيب شيقوق
حبيب نورة
عمر سعد
فيس بوك
تويتر
انستقرام
يوتيوب
بنتيريست