Post: #1
Title: ناس الليل سلااام....(توجد قطيعة)....
Author: Amira Elsheikh
Date: 05-26-2009, 11:57 PM
اولا....
البوست دا ليلى ويمنع منعا باتا التداخل جهارا نهارا(لاسباب امنبة)
ثانيا...
اى زول/ة مديرو مطلع عينو يجى يتفش هنا(بشرط مديرك مايكون عضو بسودانيز
والمنابر المجاورة ويفضل من غير المتحدثين بالعربية)
ثالثا....
مناقشة قضية العشاق والمحبين والريادين والابت تظبط معاهم فى مسالة الحب وكدا...
رابعا...
ليه القطيعة دائما بتكون بالليل?
يمنع منعا باتا اصطحاب المتزوجين/ت..ودا لاسباب ياتى زكرها لاحقا
|
Post: #2
Title: Re: ناس الليل سلااام....(توجد قطيعة)....
Author: EL fahal Abdelatif
Date: 05-27-2009, 00:07 AM
Parent: #1
| Quote: مناقشة قضية العشاق والمحبين والريادين والابت تظبط معاهم فى مسالة الحب وكدا |
ساكن الصحراء ..حتى وان صلى الاستسقاء فى رأس كل ساعة..فلن ياتيه مطر ..
كل بيئة وما خلقت له.........
البيئة التى يضيق الانسان فيها بنفسه ..لا شك يضيق بغيره...هنا يكون الحب كالنبات الصحراوى..
ابحثو عن الحب فى بيئته ...تجدوه...
او هيئوا البيئة المناسبة له....ينمو (بروس) ومن غير سقاية ليل....
|
Post: #9
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:10 AM
Parent: #2
Quote: ساكن الصحراء ..حتى وان صلى الاستسقاء فى رأس كل ساعة..فلن ياتيه مطر ..
كل بيئة وما خلقت له.........
البيئة التى يضيق الانسان فيها بنفسه ..لا شك يضيق بغيره...هنا يكون الحب كالنبات الصحراوى..
ابحثو عن الحب فى بيئته ...تجدوه...
او هيئوا البيئة المناسبة له....ينمو (بروس) ومن غير سقاية ليل.... |
الفحل سلااااام ومرحب بيك اول زائر ليلى للبوست...
كلامك دا قريتو كم مرة كدة بس بقى لى السم الفى العسل...
سمح بس لمن تفرتقو واحدة واحدة بوجعك..
بحثنا...هيئنا...بكينا..ومافى اكتر من انك تكون عندك قناعة بانو
الكون دا مابتسق ولا بظبط من غير حب ومحبين...بس النافع الله..
مرات مرات كدا يجيك احساس انو الحب دا....ولا بعدين
|
Post: #3
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-27-2009, 00:08 AM
Parent: #1
اميره كيفنك ؟
كل الشروط القلتيها دي متوفره فيني
وبكده بعتبر نفسي مسجل اول وخالي من كل الموانع
طارق جبريل وسيف الدوله ومن لفه لفهم
بالله ما نشوفكم هنا
عارفنكم من مؤسسي مجموعة الليل
لكن الشروط الفوق دي ما متوفره فيكم
ما داير معاكم عديل كده ... اكواد المنبر و .. واقفه
لا في بكي لا نخجي :D
..........
التعديل لتغيير حرف
|
Post: #11
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:13 AM
Parent: #3
Quote: كل الشروط القلتيها دي متوفره فيني
وبكده بعتبر نفسي مسجل اول وخالي من كل الموانع
|
نوفل..سلامين....
اقرا كلامك اصدقك اشوف بروفايلك اتخلع.....
المهم تعال وجيب معاك اثباتاتك وخلو الطرف مهم...شديد
|
Post: #4
Title: Re: ناس الليل سلااام....(توجد قطيعة)....
Author: كمال سالم
Date: 05-27-2009, 00:32 AM
Parent: #1
| Quote: يمنع منعا باتا اصطحاب المتزوجين/ت. |
حتى لو كانوا عشاقا ومحبين وريادين وأبت تظبط معاهم ؟؟؟
غايتو جنس قسوه غايتو !!
|
Post: #5
Title: Re: ناس الليل سلااام....(توجد قطيعة)....
Author: صديق الموج
Date: 05-27-2009, 00:37 AM
Parent: #4
| Quote: يمنع منعا باتا اصطحاب المتزوجين/ت.. |
اميرة ممكن تعملى لى استثناء،،،،
|
Post: #6
Title: Re: ناس الليل سلااام....(توجد قطيعة)....
Author: حبيب نورة
Date: 05-27-2009, 00:44 AM
Parent: #5
بت الشيخ\اول ما نورة عرفت أنو البوست دة
فيه قطيعة
قالت لي دوووس ولا تبالي
قلت ليها يا بت أمي مالك دايرة تجيبي لي الهوا
كدي نخش ونشوف الزولة دي مهببة شنو
في زمن الهبايب دة
المهم راجيين الشمارات
واللا أقول ليك حاجة
انا ذاااتي ما أفتّوا !!
لو ما خوفاً من ناس الدنيا\الله يديهم بُنية\ لكن تحت تحت كدة
كدي جيبي أضانك
يعني البوست دة فلانات ما يخشوهو!!؟
|
Post: #7
Title: Re: ناس الليل سلااام....(توجد قطيعة)....
Author: سارة علي
Date: 05-27-2009, 00:48 AM
Parent: #6
انا معااااااااااااااااااكم..
اها ..
يلا قولي..
|
Post: #8
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:00 AM
Parent: #7
يا ناس الليلة الدخلتو هنا جت عليكم/ن
صحى البكاء بحررو اهلو ..لكن انا دايراكم تبقى عليكم حكاية
ناس البيت غفرووالجيران كفرو...عشان ما فى واحد يجى يتندم ويقول
ياريتنى لو فتيتو فى بوست اميرة بتاع القطيعة الزمان داك...
بجيكم واحدواحد وبالمهلة..
|
Post: #10
Title: Re: ناس الليل سلااام....(توجد قطيعة)....
Author: علاء الدين حيموره
Date: 05-27-2009, 01:12 AM
Parent: #8
اها انا زاتي من ناس البكاء .. كان ما حررتيه بحررو ليك انا ...
انسي الشروط بس
|
Post: #13
Title: Re: ناس الليل سلااام....(توجد قطيعة)....
Author: طارق الأمين
Date: 05-27-2009, 01:24 AM
Parent: #10
انا معاكم
بس ياريت الكلام دا يكون سر بيناتنا
________________
ناس النهار ذاتو حنكم بقي عاضي ساي
يلا قولو
|
Post: #20
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 02:23 AM
Parent: #13
Quote: ناس النهار ذاتو حنكم بقي عاضي ساي
|
طارق...
مداخلتك دى بتخلينا نبقيك وزير العريس..
تعالو نبداء القطيعة بناس النهار...
والله ياطارق من بوستيك بتاع الهدؤ اليومداك حالك بقى ما عاجبنى
فى شنو?
|
Post: #19
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 02:19 AM
Parent: #10
انت وصديق الموج حنخضعكم لاختبار لياقة(من لايوق)
لك انا بعمل ليكم جيتيق...ماتخافو...لانو وجودكم فى التشكيلة مهم
|
Post: #16
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:48 AM
Parent: #7
Quote: انا معااااااااااااااااااكم..
|
وحاة عيونى اعتمدك قبل ما اعمل ارسال...
شفتى المحبة دى كيف....?
اقول ليك ياسارة...
ما حصل اشتغلت نايت شفت ودى اول مرة اشتغل ومتجرسة كنت منها لانى بحب
نوم قبل ما الشمس تشرق داك يعنى من 3 صباحا وانتى ماشة.... بس بعد
3يوم مرن على فى الشفت دا...اكتشفتو انو شفت مريح وخصوصا لما مديرك يكون
ثقيل ومابحبك لله فى لله...
انا العينة المديرها منجضة بالشغل وبالنقة....بديك التفاصيل
|
Post: #15
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:34 AM
Parent: #6
Quote: المهم راجيين الشمارات
واللا أقول ليك حاجة
انا ذاااتي ما أفتّوا !!
لو ما خوفاً من ناس الدنيا\الله يديهم بُنية\ لكن تحت تحت كدة
|
النبى فتو ياحبيب نورة...
والله فتك بيعجبنى وبعدل مزاجى....انا شخصيا متبرعة اقطع فى روحى
وفى مديرى المورينى النجوم فى نص النهار...
فت الليل سمح وخسوسا لما يكون الكلام عن القلب ومتعلقاتو..
المهم دوس البنزين لانو مرات ريحتو بس بتكيف...
حباااابك الف
|
Post: #14
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:28 AM
Parent: #5
| Quote: اميرة ممكن تعملى لى استثناء،،،، |
صديق الموج....
انت الاستثناء زاتو وحاة خوتك...
من زمن البراميل والدردقة يشهد ليك بحسن التكسر والجرى....
نغير الدستور عشانك...لكن كورتك فكت ماترجانى بكرة هنا...
سمح?
|
Post: #12
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 01:16 AM
Parent: #4
Quote: حتى لو كانوا عشاقا ومحبين وريادين وأبت تظبط معاهم ؟؟؟
|
كمال سالم....
الكلام دا قبل الزواج ولا بعدو
الليلة ووووب.....
يا كمان نركز على مقولة الكلام الاخلاق
|
Post: #17
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-27-2009, 01:50 AM
Parent: #12
| Quote: اقرا كلامك اصدقك اشوف بروفايلك اتخلع..... |
ما تنخلعي من صورة ابراهيم ود اختي دا
دي خاتيها ساي زي نظام الدبله بتاعة المكاتب الكانوا بلبسوها الناس الما خاطبين ديك
اها الصوره دي دبله اسفيريه
لكن خلاص ح اغيرها واخت مكانها القلب الاحمر المولع نار وطالع منو اللهب داك :D
|
Post: #18
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 02:09 AM
Parent: #17
| Quote: لكن خلاص ح اغيرها واخت مكانها القلب الاحمر المولع نار وطالع منو اللهب داك :D |
نوفل
غايتو لحدى ماتخت القلب البولع بنختك كنب...رغم انو مرات الواحد
بكون حرييف لكن برضو بقعد كنب(زى السعودى صحبى فى المريخ)...
المهم لو لقيناك حريف حنهتف نوفل نوفل نوفل لحدى ماتنزل لاعب اساسي..
عليك بالتمارين لانو مباريات القلب دى عاوزة لياقة ولياقة فى نفس الوقت
|
Post: #21
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-27-2009, 02:35 AM
Parent: #18
لياقه اكتر من الناس دي كلها تنوم وانا مسقد ؟
شفتي كيف ممكن ارد ليك سلامك بأفضل منو في عنوان البوست :D
|
Post: #22
Title: Re: ناس الليل سلااام....(توجد قطيعة)....
Author: SHIBKA
Date: 05-27-2009, 05:34 AM
Parent: #21
اميرة
انا جيت النهار لكن مغمضة عيوني عشان اشوف ضلام ضلام وادخل البوست دا
الفحل قال كلام
يوجع من جوة كلامو دا
لكن كمان كلو صاح
Quote: ساكن الصحراء ..حتى وان صلى الاستسقاء فى رأس كل ساعة..فلن ياتيه مطر ..
كل بيئة وما خلقت له.........
البيئة التى يضيق الانسان فيها بنفسه ..لا شك يضيق بغيره...هنا يكون الحب كالنبات الصحراوى..
ابحثو عن الحب فى بيئته ...تجدوه...
او هيئوا البيئة المناسبة له....ينمو (بروس) ومن غير سقاية ليل.... |
شفتي اختي جنس الوجع دا
اها يا اميرة ناس الليل الاساسين لي هسة غايبين ما عملتي ليهم كولينغ ولي شنو (دي من بوست اركان النقاش بتاع كيكي)
|
Post: #23
Title: Re: ناس الليل سلااام....(توجد قطيعة)....
Author: Baha Elhadi
Date: 05-27-2009, 05:39 AM
Parent: #22
بت الشيخ :
أحوالك؟
ياخي متين مغربت؟
خليها تضلم شوية
عشان الكلام ابقى كلام ليل
وخلي النجوم تلمع بعيد
وتسخر مننا ومن أوجاع الليل
ومخاضه الطويل
أميرة : شفتي الليل دا أعز صديق
لا بتاع شمارات ولا قطيعة
بتاع تبكي بس
المصيبة ليلكم نهارنا
ونهاركم ليلنا !!!
بهاء/طوكيو
|
Post: #24
Title: Re: ناس الليل سلااام....(توجد قطيعة)....
Author: هويدا شرف الدين
Date: 05-27-2009, 06:05 AM
Parent: #23
أموره العسل صباحك عسل أولا نحن نعترض علي الشروط خصوصا إبعاد المتزوجين والمتزوجات دا شرط ما فيه أي عدل ، بعدين لو راجعتي قائمة ناس الليل حا تلقيهم كلهم داخل القفص ما ندر هم العزاب وتسلمي
|
Post: #25
Title: Re: ناس الليل سلااام....(توجد قطيعة)....
Author: علا عابدين
Date: 05-27-2009, 06:56 AM
Parent: #24
أميرتنا
والله الدنيا صباح وانت عارفاني انا بكره الصباح قدر شنو لكن الجبر المصحينا
قلت ادخل عليكم عشان نطلب انو الشرط بتاع المتزوجين يتلغي
ودي مناشده وانا عارفه كتار زي نفسهم يدخلوا هنا عشان يفتوه كان من المدير ولا من غيره
وكان خليتونا معاكم دحين تاني ما بنجي الا بليل
|
Post: #26
Title: Re: ناس الليل سلااام....(توجد قطيعة)....
Author: Rawia
Date: 05-27-2009, 07:20 AM
Parent: #25
عجبتني مداخلة كمال سالم
لووووووووووووول
|
Post: #29
Title: Re: ناس الليل سلااام....(توجد قطيعة)....
Author: wadalzain
Date: 05-27-2009, 08:02 AM
Parent: #26
أراك عصـي الدمـع شيمتـك الصبـر
أمــا للهوى نـهـي عـلـيـك ولا أمـــر
بلـى ، أنـا مشتـاق وعنـدي لـوعـة
ولــــكــــن مـــثـــلـــــي لا يـــــذاع لـــــه ســــــر
إذا الـــليـــل أضـــوانـــي بـــسطـــت يـــد الـــهـــــوى
وأذرفــــــت دمـــعـــــاً مـــن خــلائـــقـــه الــكـــبــــر
تكـاد تضـىء الـنـار بـيـن جوانـحـي
إذا هــي أذكتـهـا الصبـابـة والفـكـر
معللـتـي بالـوصـل والـمـوت دونــه
إذا بــت ظمـآنـاً فــلا نـــزل الـقـطـر
حفـظـت ، وضيـعـت الـمـودة بينـنـا
وأحسن من بعض الوفاء لـك الغـدر
وفيـت وفـي بـعـض الـوفـاء مـذلـة
لإنسانةِ في الحـي شيمتهـا الغـدر
تسائلني : من أنت ، وهـي عليمـة
وهل بفتي مثلـي علـى حالـه نكـر
فقلت كما شاءت وشاء لهـا الهـوى
قتيلـك! قـالـت : أيـهـم؟ فـهـم كـثـر
فقلـت لهـا: لـو شئـت لـم تتعنـتـي
ولم تسألي عني ، وعندك بي خبـر
فقالت : لقـد أزرى بـك الدهـر بعدنـا
فقلت : معـاذ الله بـل أنـتِ لا الدهـر
ومـا كـان بالأحـزان لــولاك مسـلـك
إلى القلب لكن الهوى للبلي جسـر
سيذكرنـي قومـي إذا جـد جـدهـم
وفـي الليلـة الظلمـاء يفتـقـد الـبـدر
ولو سد غيري ماسددت ، اكتفوا به
وما كان يغلـو التبـر لـو نفـق الصفـر
ونـحــن أنـــاس لا تـوســط بـيـنـنـا
لنـا الـصـدر دون العالمـيـن أو القـبـر
|
Post: #68
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:45 AM
Parent: #29
الزين ومزيد من الحـطب الليلى.....
غايتو انا بشيل البكاء دا صرة فى خيت وبوصلو
انشاءالله يفتحو معاك تحقيق باثر رجعى..(ماخسانى)
وبخلص لصاحبى عمر بوب جرستو الجرستها ليهو...
|
Post: #67
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:39 AM
Parent: #26
Quote: عجبتني مداخلة كمال سالم
|
انتى بس خليك لى جيب الحطب...
لوووولين
|
Post: #27
Title: Re: ناس الليل سلااام....(توجد قطيعة)....
Author: هواري نمر
Date: 05-27-2009, 07:43 AM
Parent: #25
سلام ياأميرة...
انت عارفة...(سمار الليل)...كتــــــــــار..
وشكلو رئيسنا طارق جبريل...
لسه ما شاف البوست بتاعك...
اها يا ستي..انا من (سمار الليل) الاصليين..الا بس غيرت الاسم للعربي..
وجيت تاني جديد لنج..وده كلو من الهكر!!!
كلو شروطك...مستوفينها...!!
الا زمـــــــــان ريسنا ود جبريل..بجيب لينا (غنية )..شان تقلب فينا المواجع..
وتخلينا نجوعر الليل كلو.و نبكي و ننوح...
اها يا زولة..
شفل الليل,,اسأليني انا منو!!
دوامي من 9 مساء و حتي 7 الصباح..
يعني ليلي نهار و نهاري ليل..
لدرجة انو في الويك اند,برضو بساهر للصباح..
ما خلاص مكنة النوم قلبت...
اها...أأأدي فرجيخة في البوست الليلي ده,.....
بس ناغمي لينا ودجبريل...
خليه يجي مارق..
هواري..
عضو اساسي في (سمار الليل)...
|
Post: #28
Title: Re: ناس الليل سلااام....(توجد قطيعة)....
Author: سارة علي
Date: 05-27-2009, 07:47 AM
Parent: #27
الهواري..
قوم شوف شغلك..
|
Post: #30
Title: Re: ناس الليل سلااام....(توجد قطيعة)....
Author: انعام حيمورة
Date: 05-27-2009, 08:11 AM
Parent: #28
بقينا ناس نهار ساكت نحن
مشتاقين
|
Post: #31
Title: Re: ناس الليل سلااام....(توجد قطيعة)....
Author: هواري نمر
Date: 05-27-2009, 08:31 AM
Parent: #30
Quote: الهواري..
قوم شوف شغلك.. |
سارة..
ازيك...
انت لي هسي المصحيك شنو؟؟؟
ده حالتو الفرق ساعة...
غايتو انا اصلي مساهر..الا انت مالك؟؟
و لا بقيت من (سمار الليل) زينا كده!!
تحياتي..
الهواري
|
Post: #32
Title: Re: ناس الليل سلااام....(توجد قطيعة)....
Author: سارة علي
Date: 05-27-2009, 08:35 AM
Parent: #31
لا..
بس الايامات دي ما عارفة مالي ..
الزمن بقي فارق معاي..
ممكن عشان كنتا عيانة؟؟
الليل دة مااااا بحب سهرو..
بس تقول شنو؟؟
عندك حساب في الفيس بووووك؟
|
Post: #33
Title: Re: ناس الليل سلااام....(توجد قطيعة)....
Author: معاوية المدير
Date: 05-27-2009, 08:42 AM
Parent: #31
Quote: الهواري..
قوم شوف شغلك.. |
ياسارة البيسوي فيهو ده ما إياه
شغلوا زاتو...
إنتو مسعولين من الخير شيخ الرابطة
ود جبرين وين؟؟؟
|
Post: #34
Title: Re: ناس الليل سلااام....(توجد قطيعة)....
Author: الطيب شيقوق
Date: 05-27-2009, 08:51 AM
Parent: #33
ممكن ادخل يا اميرة ؟
|
Post: #35
Title: Re: ناس الليل سلااام....(توجد قطيعة)....
Author: هواري نمر
Date: 05-27-2009, 09:53 AM
Parent: #34
Quote: بس الايامات دي ما عارفة مالي ..
الزمن بقي فارق معاي..
ممكن عشان كنتا عيانة؟؟ |
يـــــــــاخي كفارة و سلامتك...
|
Post: #36
Title: Re: ناس الليل سلااام....(توجد قطيعة)....
Author: Baha Elhadi
Date: 05-27-2009, 10:03 AM
Parent: #35
| Quote: عندك حساب في الفيس بووووك؟ |
يا بتاع الليل انت ما بتنوم؟
وشنو خليت سيد الدكان وفتحت حساب بهناك؟
شنو تلفوناتك مخستكة وما بتجمع !!!
الليل دا بعد تبنا من طارق جاتنا أميرة بواحد بشروط
نقبل وين يعني ؟؟؟
0081-
8050106533
بهاء /طوكيو
|
Post: #49
Title: Re: ناس الليل سلااام....(توجد قطيعة)....
Author: سارة علي
Date: 05-27-2009, 02:50 PM
Parent: #36
يعميني كان فهمتا شئ من مداخلاتك الفوق والتحت ديل؟؟؟
ركز ركز
انا ساااااارة علي..
|
Post: #37
Title: Re: ناس الليل سلااام....(توجد قطيعة)....
Author: Baha Elhadi
Date: 05-27-2009, 10:05 AM
Parent: #35
[| Quote: عندك حساب في الفيس بووووك؟ |
أسمع خليت بتاع الدكان وفتحت حساب هناك؟
الليل ابو شروط دا كيف ؟
خليني استفتي شيخنا وأجيكم
بهاء/طوكيو
|
Post: #38
Title: Re: ناس الليل سلااام....(توجد قطيعة)....
Author: محمد أبوالعزائم أبوالريش
Date: 05-27-2009, 10:17 AM
Parent: #37
| Quote: يمنع منعا باتا اصطحاب المتزوجين/ت..ودا لاسباب ياتى زكرها لاحقا |
يعني يا أميرة قفلتيها عليك إنتي والإنعامين؟
لا عزاء لصاحبي طارق جبريل
غايتو .... ألله في
|
Post: #40
Title: Re: ناس الليل سلااام....(توجد قطيعة)....
Author: ذواليد سليمان مصطفى
Date: 05-27-2009, 10:32 AM
Parent: #38
يا اميرة الشيخ
انا لا ليل لا نهار
زول مغربية ساكت
وكمان رئيس العذابة
الكلام دخل الحوش
والجوه جوه والبره بره
المتزوجين ما ليهم دخل
|
Post: #75
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:25 AM
Parent: #40
Quote: وكمان رئيس العذابة
|
ذو اليد اخوى...
دى محجوزة من زمن دخلنا البورد دا..
شوف ليك وظيفة تانية وبنحاول تزكيتك
|
Post: #74
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:21 AM
Parent: #38
| Quote: غايتو .... ألله في |
ابو الريش....
انتو بعد دا قرضو على كدا...
الليلة وووب
|
Post: #39
Title: Re: ناس الليل سلااام....(توجد قطيعة)....
Author: هواري نمر
Date: 05-27-2009, 10:22 AM
Parent: #37
Quote: يا بتاع الليل انت ما بتنوم؟
وشنو خليت سيد الدكان وفتحت حساب بهناك؟
شنو تلفوناتك مخستكة وما بتجمع !!!
الليل دا بعد تبنا من طارق جاتنا أميرة بواحد بشروط
نقبل وين يعني ؟؟؟ |
و الله يا بهــــــــــــاء
قلنا طارق جبريل...
اها جاتكم اميرة..بالشروط!!!
يعني انت و طارق..الا تعملو استئناف..ههههههههههه
اها..
احنا كل الشروط مستوفينها...
الكلام..ليكم انتو...
يا فرد...
...و الرقم معاي و بديك الو!!
|
Post: #42
Title: Re: ناس الليل سلااام....(توجد قطيعة)....
Author: طارق جبريل
Date: 05-27-2009, 11:02 AM
Parent: #39
اوووووووووووووووووه
ناس الليل ياخي
اماني الليل ماهو سمح ويخليك توجوج وحدك
وكمان ان بقيت عندك نخجي وجوعير
ومعاهن اغنية محمد ميرغني (تباريح الهوى)
الواحد يقعد يسكلب: الليلة وووووووووووووووووووووووووووووووب
انا غايتو ود الموج دة عايز انصبه نائيب رئيس الليل
|
Post: #76
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:30 AM
Parent: #42
Quote: اوووووووووووووووووه
ناس الليل ياخي
اماني الليل ماهو سمح ويخليك توجوج وحدك
وكمان ان بقيت عندك نخجي وجوعير
ومعاهن اغنية محمد ميرغني (تباريح الهوى)
الواحد يقعد يسكلب: الليلة وووووووووووووووووووووووووووووووب
|
هى يامنقة قبل ماتقع بردلب كدا وتفك اخرك
انت قريت الشروط??لقيت روحك مستوفيها..
ود جبريل والله انا عارفاك هو ليس كيس(لكن الله ابتلانابيك)
وامتحان الجرسة والبكاء والشواكيشوالغربة دا امتحان صعيب بزاااف
طارق اعد
|
Post: #41
Title: Re: ناس الليل سلااام....(توجد قطيعة)....
Author: أميرة فاروق عبد العال
Date: 05-27-2009, 10:50 AM
Parent: #37
| Quote: يمنع منعا باتا اصطحاب المتزوجين/ت..ودا لاسباب ياتى زكرها لاحقا |
لحدي ما يجي الـ (لاحقا) ده نسلّم..
و نصت نهار كدي!!
ماهو الزول لازم يكون حريف،
ويلقى ليه طاقة يخش بيها على الحلوين..
|
Post: #43
Title: Re: ناس الليل سلااام....(توجد قطيعة)....
Author: هواري نمر
Date: 05-27-2009, 11:10 AM
Parent: #41
Quote: اوووووووووووووووووه
ناس الليل ياخي
اماني الليل ماهو سمح ويخليك توجوج وحدك
وكمان ان بقيت عندك نخجي وجوعير
ومعاهن اغنية محمد ميرغني (تباريح الهوى)
الواحد يقعد يسكلب: الليلة وووووووووووووووووووووووووووووووب |
هـــــــــــوي يا ودجبريل...
قالو...الناس المعرسين ما معانا...
غايتو....
انت و بهاء...شان من المؤسسين لي (سمار الليل)..
وشان انت ريسنا و البكاي الاول
و المجوعر الاوحد..
عندك حق الفيتو...
اها...كده كيف معــــــــــــــاك!!
ياخي ما تكلم صاحبك ده...يفك لينا اللعب
و تدينا كم.غنية كدي..
و الله الليل ده,,من غير غناء و جوعير..
صعب شديد
|
Post: #44
Title: Re: ناس الليل سلااام....(توجد قطيعة)....
Author: عماد محمود علي
Date: 05-27-2009, 11:14 AM
Parent: #41
أنا غايتو جيت أوصل أميرة فاروق بت حلتنا وراجع ... بس يا بت الشيخ كده أخدي رضا طارق الأول .. هو أول من أسس جمعية ( ناس الليل ) .... بس بدون قطيعة
أها طالما دخلنا النسلم على أهل الدار ياخي مشتاقين وكده .... ونشارككم في حب السعودي ...
|
Post: #45
Title: Re: ناس الليل سلااام....(توجد قطيعة)....
Author: طارق جبريل
Date: 05-27-2009, 11:35 AM
Parent: #44
Quote: ياخي ما تكلم صاحبك ده...يفك لينا اللعب
و تدينا كم.غنية كدي..
و الله الليل ده,,من غير غناء و جوعير..
صعب شديد
|
والله يا حبيب فتح ليه بوست عديييييييل
ياهو دة:
يا بكري النبي فيك... يضريك
لكن عامل مني اضان الحامل طرشة
عندي اغنية كدة محرقاني ليها اسبوعين
اغنية ليل تقول يا ليل
|
Post: #46
Title: Re: ناس الليل سلااام....(توجد قطيعة)....
Author: سيف الدولة كامل
Date: 05-27-2009, 01:27 PM
Parent: #45
طارق جا وانا بي قفا..... هو الليل ده ما حقنا نحن
يفوت مننا يمشي وين,,,,,,,واستثنا ما دايرين,,,,,,
بندبل عديييييل والخايف هدا طرفنا منه
محمد عثمان حصل المولد
مم
|
Post: #47
Title: Re: ناس الليل سلااام....(توجد قطيعة)....
Author: khaleel
Date: 05-27-2009, 01:31 PM
Parent: #46
الليل به النساك تتذوب الاخلاق
ومن شدة ما ترتاح ما عائزة تاني صباح
ياخي احب الليل وناس الليل واكل الطير
|
Post: #48
Title: Re: ناس الليل سلااام....(توجد قطيعة)....
Author: ممدوح أبارو
Date: 05-27-2009, 01:38 PM
Parent: #47
بت الشيخ أنا عندي كلام من زمن نادي العزابة بدور أتمو ممكن؟
|
Post: #50
Title: Re: ناس الليل سلااام....(توجد قطيعة)....
Author: ياسر بيناوي
Date: 05-27-2009, 05:43 PM
Parent: #48
اميرة
سلام
| Quote: مناقشة قضية العشاق والمحبين والريادين والابت تظبط معاهم فى مسالة الحب وكدا... |
طبعا انا اكتر واحد بتنطبق عليهو الشروط دي
وعشان تقتنعوا هاكم القصة دي من طرق الشنطة لامن اجيكم صادي
اها اليوم داك لقيت بنية وقلت كدي نجرب حظنا الواحد عارف روحو حنكو سنين لكن شوية كدة حظو معاكس
المهم ماقصرت مع الزولة دي تب لكن للاسف الشغلانة ابت تلفق كلو كلو
وقمت من جنبها وقلت ( بوست غير موفق ) وطبعا هي لحدي هسه مافاهمه حاجة
خالص الود
|
Post: #51
Title: Re: ناس الليل سلااام....(توجد قطيعة)....
Author: عماد الشبلي
Date: 05-27-2009, 07:39 PM
Parent: #50
بت الشيخ ,,
كلام اليل يمحاهو النهار ,,
كفاية الحصل علي في المطار وسوق واقف ,,,
|
Post: #52
Title: Re: ناس الليل سلااام....(توجد قطيعة)....
Author: Amira Elsheikh
Date: 05-27-2009, 09:29 PM
Parent: #51
اووووو....الشرامة وصلو....
بس اى مداخلة بالنهار بنفطها(عاوزين لجنة لفروق الوقت وكدا)
اى متزوج/ة الا يقول الروووووووب حتى نرد عليهو....
برضو حنعمل تصفيات ونطلع بفريق محترفين ودا شروطو:
1-تكون بكاااااى شديد...
2/تكون اخدت3 شواكيش معتبرة لدى جهات الاختصاص وعلم بها البعيد والقريب
3/يكون مديرك منجضك زى كدا واكتر(بس حالتى دى استاندر)
|
Post: #53
Title: Re: ناس الليل سلااام....(توجد قطيعة)....
Author: Safia Mohamed
Date: 05-27-2009, 09:59 PM
Parent: #52
أميرة
سلام شوق
مطر
عندي سؤال
مراهقة بعد الاربعين ما بتشفع
عشان بعد داك نجي
شايفاك طواالي خاتة نقرك من نقرننا سوي شنو فتحنا في الانترنت لقينا روحنا متزوجين يعني ما نعيش شبابنا بعد الاربعين ؟؟؟؟؟؟؟؟
تحياتي
صفية
عضوة جديدة لناس الليل
ما تقولي لي المساهر بيك شنو اوكي
|
Post: #84
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 03:04 AM
Parent: #53
Quote: ما تقولي لي المساهر بيك شنو اوكي
شايفاك طواالي خاتة نقرك من نقرننا سوي شنو فتحنا في الانترنت لقينا روحنا متزوجين يعني ما نعيش شبابنا بعد الاربعين
مراهقة بعد الاربعين ما بتشفع
|
وحاة الله يا دكتورة مابتلوم معاك ومرافعتك عجبتنى والعجب زهجتك
وقرفتك ريحتها طاااقة....
شفتى زى المساهر بيك شنو والمبكيك منو واشوكشتها ليه...وايييك
دى المخليانا نساهر ونفتح بوستات عشان كدا ما تتحسسى امى انا...
قلت الاربعين مالها?
|
Post: #54
Title: Re: ناس الليل سلااام....(توجد قطيعة)....
Author: ياسر بيناوي
Date: 05-27-2009, 10:00 PM
Parent: #52
Quote: برضو حنعمل تصفيات ونطلع بفريق محترفين ودا شروطو:
1-تكون بكاااااى شديد...
2/تكون اخدت3 شواكيش معتبرة لدى جهات الاختصاص وعلم بها البعيد والقريب
3/يكون مديرك منجضك زى كدا واكتر(بس حالتى دى استاندر) |
ما قلنا الشروط دي بتنطبق علينا تماما
يعني انا اكتر واحد مؤهل لدخول المتكب التنفيذي مش ...؟
خالص الود
|
Post: #55
Title: Re: ناس الليل سلااام....(توجد قطيعة)....
Author: محمد عثمان
Date: 05-27-2009, 10:08 PM
Parent: #54
تسجيل حضووور
مستوفين كل الشروط.....
|
Post: #56
Title: Re: ناس الليل سلااام....(توجد قطيعة)....
Author: عماد الشبلي
Date: 05-27-2009, 10:28 PM
Parent: #55
اميرة الشيخ كونت ليها جمعية ..
اسمها جمعية الخفافيش ..
ونصبت نفسها ( الوطواط التنفيذي )
|
Post: #57
Title: Re: ناس الليل سلااام....(توجد قطيعة)....
Author: طارق جبريل
Date: 05-27-2009, 10:52 PM
Parent: #56
قولن ليه ليلو طويل طولا يجنن
لا بدرا ظهر في سماهو لا نجمات يضون
آآآآآآخ انا من الليل
ونخجي الليل
وجوعير الليل
وسكلي الليل
|
Post: #87
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 03:31 AM
Parent: #57
Quote: آآآآآآخ انا من الليل
ونخجي الليل
وجوعير الليل
وسكلي الليل |
اسي دى لو قلتها لى واحد مغربى بفهمها ليك..
قرقرقر..
|
Post: #86
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 03:10 AM
Parent: #55
| Quote: مستوفين كل الشروط..... |
محمد عثمان....تعال نفطع معاك..
رايك شنو فى طارق جبريل??
شايفاهو عامل روحو زينا كدا مستوفى الشروط..
|
Post: #174
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 03:48 AM
Parent: #55
Quote: ..تسجيل حضووور
مستوفين كل الشروط..... |
محمد عثمان.....سلاااام
بالله معاك ملف كااامل باغانى الليل
|
Post: #85
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 03:07 AM
Parent: #54
Quote: يعني انا اكتر واحد مؤهل لدخول المتكب التنفيذي مش ...؟
|
وحاة الله شعر بس يابيناوى بتنافس..
بكاك ما داير ليهو ضوء شمس...
بما اننا اقلية(العزابة) فى البوست شكلك حتكون الرئس والامين العام
|
Post: #83
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:52 AM
Parent: #51
| Quote: كفاية الحصل علي في المطار وسوق واقف ,,, |
ووووب على يا اخوانى امسكو منى الشبلى...
اسي انا اودى وشي وين...
اعتزرنا وتانى بنتعزر ياشبلى..
|
Post: #81
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:49 AM
Parent: #48
| Quote: بت الشيخ أنا عندي كلام من زمن نادي العزابة بدور أتمو ممكن؟ |
ممدوح....
برررررررة...انت لسة فى مسرح الجريمة والاثار باينة فى بروفايلك
اذهبو فانتم المتزوجون الجدد..
|
Post: #80
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:47 AM
Parent: #47
| Quote: ياخي احب الليل وناس الليل واكل الطير |
خلى يالذيذ يارايق...
ات ما باين عليك زول ليل....الى ان تثبت العكس
|
Post: #79
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:44 AM
Parent: #46
Quote: طارق جا وانا بي قفا..... هو الليل ده ما حقنا نحن
يفوت مننا يمشي وين,,,,,,,واستثنا ما دايرين,,,,,,
|
عليكم النبى يا اخوانى شوفو جنس الحقارة والدكتاتورية دى..
طارق دا مرفود من زمن نادى العزابة بتاعنا(بلاك لست) قال فى قفا طارق
والله ياسيف متكل على حيطة مايلة..
ومسالة الدبيل دى بس ابقى قدرها...بختها ليك
|
Post: #78
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:38 AM
Parent: #44
| Quote: أها طالما دخلنا النسلم على أهل الدار ياخي مشتاقين وكده .... ونشارككم في حب السعودي ... |
عماد...سلاااام..
والله من جبتها سيرة السعودى موتها قلبى وقعدت ارجف وقررربت اقول
ليك شيل البوست بناسو وخلى لى السعودى..
الليلة وووب
|
Post: #77
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:34 AM
Parent: #41
Quote: ماهو الزول لازم يكون حريف،
|
اميرة فاروق...سلاااام...
شكلك بتاعة قانون وحقوق انسان وكدا...
بحرفتنك دى بتحتلى لينا البوست..العجب كان عملتى شراكة زكية
مع ودجبريل...الموج..شيقوق...بهاء...حتحتلو البوست عديل..
مرحب بيك شديييد....
|
Post: #72
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:01 AM
Parent: #34
| Quote: ممكن ادخل يا اميرة ؟ |
يشرط ياودشيقوق...
1/خلو طرف من الخدمة الزوجية
2/العمر اقل من30 سنة ودا عشانك
3/شهادات الخبرة فى مجالات حياتية مختلفة
4/ تكون نضييييف من مسالة الشواكيش ومتعلقاتها..
خروفنا جاهز للضبيحة...
|
Post: #97
Title: Re: ناس الليل سلااام....(توجد قطيعة)....
Author: عماد محمود علي
Date: 05-28-2009, 07:26 AM
Parent: #72
Quote: يشرط ياودشيقوق...
1/خلو طرف من الخدمة الزوجية
2/العمر اقل من30 سنة ودا عشانك
3/شهادات الخبرة فى مجالات حياتية مختلفة
4/ تكون نضييييف من مسالة الشواكيش ومتعلقاتها.. |
غايتو يا أميرة أنا جنس حقارتك دي ما شفتا !!!! ما تقولي ليهو والله مافي ليك طريقة عديييييل كده اللف والدوران شنو ؟!!!!!  
|
Post: #73
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 02:03 AM
Parent: #33
Quote: إنتو مسعولين من الخير شيخ الرابطة
ود جبرين وين؟؟؟ |
معاوية....
يسقط يسقط ود جبريل...
نحن عايزين نغير الوجوه دى...
راعو مشاعر الناس,,,كفانا صلع
|
Post: #71
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:55 AM
Parent: #30
Quote: بقينا ناس نهار ساكت نحن
|
على ذمة طارق الامين...قال حنكم بقى عاضى...
فاقداكم يانعومة..
|
Post: #70
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:53 AM
Parent: #27
| Quote: دوامي من 9 مساء و حتي 7 الصباح.. |
اها ياهوارى كان عشان دوامك دا اعتمدناك ولانك من سماار الليل
الذيذين ..بس ابعدنى من رئاسة طارق جبريل...اشتغلتو معاهو قبل كدا
مابنفع ما بنفع(والنبي ماتسالنى السبب)...لانو حتى الصلاة فيها السر
وفيها الجهر ياقول حبوبتى)...
ومرحب بيك وبالنك الجديد ...وحاة الله بعرفك كويس من زمن النك الانجليزى
والبيت بيتك ادخل لجوة...
|
Post: #63
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:21 AM
Parent: #25
Quote: قلت ادخل عليكم عشان نطلب انو الشرط بتاع المتزوجين يتلغي
|
والله بالجد حننتونى..
القاليكم عرسو منو???
انى وى حنشوف ياعلا...
والكلام بعد النتيجة بتاعة الانتخابات(ياتو انتخابات عليمك الله)
|
Post: #61
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:17 AM
Parent: #24
| Quote: بعدين لو راجعتي قائمة ناس الليل حا تلقيهم كلهم داخل القفص ما ندر هم العزاب وتسلمي |
هويدا اللذيذة ...سلااااام..
باين قفاصتكم دى ما مطبلة كويس والا البحوكم فى زفاقات البورد انصاص
الليالى...كلامك صح والدليل99% من الدخلو البوست دا متزوجين..
لو استمر تدفق المتزوجين/ت على البوست دا شكلنا حنغير الشروط...
هويدا..
زماااان فى المنبر دا شبكونا عرسو والعرس.. وبوستات تتطقاش عزوف الشباب عن الزواج
..التهرب من المسؤلية وشنو كدا ماعارفة قربو يكرهونا فى عزوبيتنا
اها قمت عملت لى بوست اسمو نادى العزابة الاسفيرى ..
والله وماطالبانى حليفة البوست دا يخيل مشى 9 صفحات..8 صفحات منها متزوجين
وبكو بدموع انهم ما كانو قاصدين يعرسو...بس جات كدا..وكان دايرة امثلة
اسي بديك
|
Post: #60
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:03 AM
Parent: #23
الهادى بهاء.....سلام...
بتسالنى من حالى وانت سيد الوجعة...
الغربة حاااارة والليل جمرة لما تصحى فى نص الليل وتلقى
روحك الا الله ورقبتك..ساعتها تحس بفداحة الخطاء ..وانك بتساهم فى تقسيم
روحك ووجدانك....وكل يوم الوجع دا بزيد وبتعمق لما نحن الوجع نبقى وجهين
لزول واحد...ساعتها لاتجدى كل المحاليل لغسل ما علق بالروح..
|
Post: #58
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 00:53 AM
Parent: #22
| Quote: اها يا اميرة ناس الليل الاساسين لي هسة غايبين ما عملتي ليهم كولينغ ولي شنو (دي من بوست اركان النقاش بتاع كيكي) |
شبكة ومنكم نستفيد....
الكولنق عليك(خصوصا لو كنتى سوابق)
بما انك ناس شفت النهار كولنقى عليك الله واطرحى الشروط..
وخسوسا قضية المدراء النجاضين ودى ممكن نشوت بيها ركن كامل
|
Post: #59
Title: Re: ناس الليل سلااام....(توجد قطيعة)....
Author: حنين للبلد
Date: 05-28-2009, 01:02 AM
Parent: #58
اميرتي انا..,,,سجلي عندك واحد عضو وصلحو....مستوفية كل الشروط زلكن عندي طلب..اي زول ولا زولة متزوج او متزوجة مالازمه اي جوعير وسهر ليل...مايضيقوها علينا...يقوموا يدونا عرض اكتافهم....ملوا البلد...
|
Post: #62
Title: Re: ناس الليل سلااام....(توجد قطيعة)....
Author: حنين للبلد
Date: 05-28-2009, 01:18 AM
Parent: #59
أميرة نسيت اقول ليك
انا الليلة سعيدة شدييييييييد....
|
Post: #65
Title: Re: ناس الليل سلااام....(توجد قطيعة)....
Author: كمال سالم
Date: 05-28-2009, 01:23 AM
Parent: #62
| Quote: انا الليلة سعيدة شدييييييييد.... |
إنشاء الله دائما ,,
|
Post: #66
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 01:30 AM
Parent: #59
| Quote: سجلي عندك واحد عضو وصلحو |
حنين بت امى....
انتى مسجلةوما محتاجة تقديم طلب وحاة نظرى..ومستوفية الشروط
وزايدة عليها..
| Quote: زلكن عندي طلب..اي زول ولا زولة متزوج او متزوجة مالازمه اي جوعير وسهر ليل...مايضيقوها علينا...يقوموا بدونا عرض اكتافهم....ملوا البلد... |
اياك اعنى ياصديق الموج واسمع ياودجبريل...
_______________________________________________________
وانا اسعد وزى ماقلت ليك اسعدى وافرحى قدر ماتقدرى ..شايلين منها شنو?
|
Post: #64
Title: Re: ناس الليل سلااام....(توجد قطيعة)....
Author: صديق الموج
Date: 05-28-2009, 01:21 AM
Parent: #58
| Quote: انا غايتو ود الموج دة عايز انصبه نائيب رئيس الليل |
طارق جبريل انت يا يابا ينصبك الله رئيس على السودان
وما تقول الليل نهار العاشقين
احب الليل واساهر الليل عشان خاتر عيونك ديل
احب الليل وسمارو
وبعدين اخوك كفوء
شعارنا:
ما اطال النوم للنوام عمرا ولاقصر فى الاجال طول السهر
وازيدك من الشعر بيت وحاتك تساوى عندنا الذى جعل معاشا والذى جعل لباسا
سكرا للتنصيب يا طارق،،،
|
Post: #69
Title: Re: ناس الليل سلااام....(توجد قطيعة)....
Author: Baha Elhadi
Date: 05-28-2009, 01:46 AM
Parent: #64
Quote: بتسالنى من حالى وانت سيد الوجعة...
الغربة حاااارة والليل جمرة لما تصحى فى نص الليل وتلقى
روحك الا الله ورقبتك..ساعتها تحس بفداحة الخطاء ..وانك بتساهم فى تقسيم
روحك ووجدانك....وكل يوم الوجع دا بزيد وبتعمق لما نحن الوجع نبقى وجهين
لزول واحد...ساعتها لاتجدى كل المحاليل لغسل ما علق بالروح.. |
وحاتك يا أميرة من شدة السهري
وقلب الليل نهار
لمان الواحد بقى يفط حساب الأيام
هو اليوم شنو؟
ياخ غربة وسهر
ومدير زمبعور كبير
وباقي ناس كدا يجيبو العوار في القلب اليمين
دا طبعا الاسبير
الاولاني خلاص باح باح باظ اسبيرات مافي
الوجع يمة نزلوه 3 شوالات أنا براي شلت 4
أححححححححححححححححححح
المصيبة حبيبي ود جبريل
كان الليل رفيقه
مش يجيب النعام آدم
كان جاب الزرافة آدم زاتو ما بحلو
وكور طنش منو
الله يجيب هواري
بهاء/طوكيو
|
Post: #82
Title: Re: ناس الليل سلااام....(توجد قطيعة)....
Author: الملك
Date: 05-28-2009, 02:51 AM
Parent: #69
بوست غير موفق
ــــــــ
واحد مساهر مساهر مساهر وفى النهاية الجماعة جوهو الساعة 5
قالو ليهو امشى نوم
|
Post: #112
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 10:59 PM
Parent: #82
|
Post: #114
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 11:03 PM
Parent: #82
واحد مساهر مساهر مساهر وفى النهاية الجماعة جوهو الساعة 5
قالو ليهو امشى نوم
معقووولة بس?الجماعة ديل بقو طيبين كدا بعد ما نحن مشينا...
ولا انت قاصد جابوهو راجع الس5 ياملك
|
Post: #88
Title: Re: ناس الليل سلااام....(توجد قطيعة)....
Author: صديق الموج
Date: 05-28-2009, 04:54 AM
Parent: #69
Quote: Quote: زلكن عندي طلب..اي زول ولا زولة متزوج او متزوجة مالازمه اي جوعير وسهر ليل...مايضيقوها علينا...يقوموا بدونا عرض اكتافهم....ملوا البلد...
اياك اعنى ياصديق الموج واسمع ياودجبريل... |
اميرة انتى لصقتينى مع طارق عشان طارق ما يزعل مش؟
انا زاتى قلت كده
معاكم يا سهار،،،
|
Post: #89
Title: Re: ناس الليل سلااام....(توجد قطيعة)....
Author: هواري نمر
Date: 05-28-2009, 05:24 AM
Parent: #88
الريس الجديد ...أميرة...
و الاحباب...(سمار الليل)....ود جبريل و بهاء...
اها...قاعدين.....
و سهرانين...و كمان...محمد وردي....بفني وبعذب فيني ب...(خاف من الله علي قلبي....)
اها شوفو الحالة....
أأأأأأأأأأأأأأأأأأأأأح... و الله كريم
سهر....بكــــــــــــــــــــاء...و دموع..
(سنين و ايام قضيت عمري..
في لوعة...
انادي الليل و اقـــــــــــــــــــــــــــــــــــــــــــول ياليل
انا المظلــــــــــــــــوم عزائ دمعة..
دموعي تسيل و ليلي طويل
وعايش في مهب الريح...براي شمعة..
|
Post: #90
Title: Re: ناس الليل سلااام....(توجد قطيعة)....
Author: SHIBKA
Date: 05-28-2009, 05:37 AM
Parent: #89
اميرة
جيت اكلمك
بان الشرط بتاع المتزوجون يمتنعون الناس دي هنا ما شغالة بيهو كلو كلو
اتاريهم موجوعين وما جايبين خبر
|
Post: #91
Title: Re: ناس الليل سلااام....(توجد قطيعة)....
Author: Baha Elhadi
Date: 05-28-2009, 05:41 AM
Parent: #89
هواري :
يبكي بس
ولا عزاء
قطعوا في حنانك بس
ولم الباقي لمان ترجع البلد
بهاء/طوكيو
|
Post: #92
Title: Re: ناس الليل سلااام....(توجد قطيعة)....
Author: heba Elmahi
Date: 05-28-2009, 05:52 AM
Parent: #89
امـيـرة يـابـت الشـيـخ
انا جيت اسجل حضور و متابعة و من سمار الليل الاصليين و كل
الشروط مستوفية بس مديري ظريف النصيحة لي الله و مافيه كلام تب !
علي فكرة يا أميرة البوست دا فيه ريحة بوستينا داك بتاع نادي العزابة
الاسفيري و يالها من ايام !!
_________________
بهاء طوكيو شنو يعني الجفا دا ؟ ( وش حزين )
|
Post: #93
Title: Re: ناس الليل سلااام....(توجد قطيعة)....
Author: هويدا شرف الدين
Date: 05-28-2009, 06:03 AM
Parent: #92
أموره العسل - صباحك ورد فروقات الزمن دي مهمه لانو شكلك بتخشي مسا ونحن صباح
تحت تحت كدا قلتي لي ممكن تديني أسماء الناس المعرسين ومكسرين في زول كدا في راسي يا ريت يكون معاهم - بعدين في كم بوست انا قلت الكسير دا لا بعرف صغير لا كبير لا معرس لا باير
|
Post: #94
Title: Re: ناس الليل سلااام....(توجد قطيعة)....
Author: هواري نمر
Date: 05-28-2009, 06:08 AM
Parent: #92
Quote: هواري :
يبكي بس
ولا عزاء
قطعوا في حنانك بس
ولم الباقي لمان ترجع البلد |
يا بهــــــــــــــــــاء
الله كريم...و عليك الله اكان ما مشيت سمعت
(خاف من الله)...
ياخي وردي ده..عذبها و طلع ....زيتنا احنا معاه...
Quote: انا جيت اسجل حضور و متابعة و من سمار الليل الاصليين و كل
الشروط مستوفية بس مديري ظريف النصيحة لي الله و مافيه كلام تب ! |
اوووووووه (سمار الليل) الاصليين وصلو...
ازيك يا هبة..
و الله احنا كتا مهكرين و كده..
يلا شوفو ود جبريل...
اصبو بكوت مساهر و بجوعر
كمان
|
Post: #133
Title: Re: ناس الليل سلااام....(توجد قطيعة)....
Author: heba Elmahi
Date: 05-29-2009, 05:10 AM
Parent: #94
Quote: اوووووووه (سمار الليل) الاصليين وصلو...
ازيك يا هبة..
و الله احنا كتا مهكرين و كده..
يلا شوفو ود جبريل...
اصبو بكوت مساهر و بجوعر
كمان |
هواري بالعربي ؟ كيف حالك يا زميل الليل
الهكر دا الله يجازيه ما لقي إلا يقلبك لينا بالعربي ؟
ود جبريل دا شكلو شايف ليهو شوفة تانية و داسيها مننا
بس اديني يومين كدا بجيب ليك خبرو !
|
Post: #95
Title: Re: ناس الليل سلااام....(توجد قطيعة)....
Author: هواري نمر
Date: 05-28-2009, 06:09 AM
Parent: #92
Quote: هواري :
يبكي بس
ولا عزاء
قطعوا في حنانك بس
ولم الباقي لمان ترجع البلد |
يا بهــــــــــــــــــاء
الله كريم...و عليك الله اكان ما مشيت سمعت
(خاف من الله)...
ياخي وردي ده..عذبها و طلع ....زيتنا احنا معاه...
Quote: انا جيت اسجل حضور و متابعة و من سمار الليل الاصليين و كل
الشروط مستوفية بس مديري ظريف النصيحة لي الله و مافيه كلام تب ! |
اوووووووه (سمار الليل) الاصليين وصلو...
ازيك يا هبة..
و الله احنا كتا مهكرين و كده..
يلا شوفو ود جبريل...
اصبو بكوت مساهر و بجوعر
كمان
|
Post: #96
Title: Re: ناس الليل سلااام....(توجد قطيعة)....
Author: bent awad el kareem
Date: 05-28-2009, 06:24 AM
Parent: #95
أميرة يا ختي ممكن أشارك ؟؟؟
.
.
.
أنا جيت من بعيد وقلت أشيل معاي الفانوس ده عشان أضوي ليكم شويه ..
معليش النور خافت ..... أها وصلته ... في شنو يا جماعه أنشاءالله خير ؟؟
|
Post: #98
Title: Re: ناس الليل سلااام....(توجد قطيعة)....
Author: صديق الموج
Date: 05-28-2009, 08:13 AM
Parent: #96
Quote: أميرة يا ختي ممكن أشارك ؟؟؟
.
.
.
أنا جيت من بعيد وقلت أشيل معاي الفانوس ده عشان أضوي ليكم شويه ..
معليش النور خافت ..... أها وصلته ... في شنو يا جماعه أنشاءالله خير ؟؟ |
بت عوض الكريم جايه تتلبتى زى حرامى الجداد ...خلى فى شنو؟؟
ابكى بكاك وادى اميرة دى قدحها واتخارجى..
غايتو جنس تحايل هو،،،
|
Post: #99
Title: Re: ناس الليل سلااام....(توجد قطيعة)....
Author: ياسر بيناوي
Date: 05-28-2009, 08:57 AM
Parent: #98
| Quote: بما اننا اقلية(العزابة) فى البوست شكلك حتكون الرئس والامين العام |
دا الكلام لكن الاتنين كتار علي انا ببقي الامين العام وانتي تبقي الرئيسة
عشان تكون في فرصة للانشقاق وللا شنو .....؟
خالص الود
|
Post: #100
Title: Re: ناس الليل سلااام....(توجد قطيعة)....
Author: طارق جبريل
Date: 05-28-2009, 10:19 AM
Parent: #99
وحاتكم امبارح سهران مع برشلونة بقيت زي (teenager)
شوفوا اميرة دي غواصة من ناس النهار ما تشتغلوا بيها
هسي دوامها بيقلب نهار وتقعد تفرفر
ناس الليل الاصليين ما بيقدروا يخلو النخجي والجوعير
وزي ما قالت دكتورة صفية السكلي دة لا عنده عمر لا عنده وقت
في العشرينات تجوعر
في الثلاثينات تتنخج
في الاربعينات تقع هردبيس
وحات الله بكري دة يرجع كودات الغناء ما اخليكم تنوموا
ان شاء الله لو اخت ليكم (اريت ابو صلعة «ساهر»)
ههههههههههههه
|
Post: #101
Title: Re: ناس الليل سلااام....(توجد قطيعة)....
Author: هواري نمر
Date: 05-28-2009, 10:29 AM
Parent: #100
| Quote: وحات الله بكري دة يرجع كودات الغناء ما اخليكم تنوموا |
انت بس,,
....تدودر بينا يعني!!
وتدينا البكاء و النخجي..و الجوعيــــــــر
اها انا الليلة من الصباح
اسمع(خاف من الله)...
الا وردي ده ,,مالو ما معانا!!
عارفنا ناس سكلبة و لا كيف؟؟
الله يرجع العدة و يخلي ودجبريل...
بتخج..
|
Post: #102
Title: Re: ناس الليل سلااام....(توجد قطيعة)....
Author: Omar Bob
Date: 05-28-2009, 10:52 AM
Parent: #101
يا ميره نسيتي اضافه اساسيه للشرط بتاع الزول المعذبو مديرو
الشرط كان يجب ان يقرأ
1/ اي زول(او صاحبو) مديرو معذبو .... الي اخر الجمله
والا فلن اسمع اي شكوي حول المديريين من صحابي الانتي عارفاهو ذي جوع بطنك تاني
| Quote: وبخلص لصاحبى عمر بوب جرستو الجرستها ليهو... |
تعيش الصحوبيه و داون داون الجرسه
الخبر لمن توصليهو خليني معاك عشان ازيد فيهو توم وشمار
|
Post: #103
Title: Re: ناس الليل سلااام....(توجد قطيعة)....
Author: أيمن الطيب
Date: 05-28-2009, 10:59 AM
Parent: #102
سلام يا أميرة,,
الأيام ديل مفروض الناس كلها تبقى ناس ليل ,,
Temp. was 48C yesterday in Doha.
واحد مسطول قال والله اليومين ديل من شدة الحر
تفتح الباب تلقى الشارع قاعد في ضل الحيطة,,
شايف الحر قام بأخونا عزّام لمن بقى مفتئ,,,
الكورنيش ما بحلكم,,,
أسمعى قولى لصاحبتك تعالى أدفعى الغرامة ,,,
سلامات ياخ,,,
|
Post: #104
Title: Re: ناس الليل سلااام....(توجد قطيعة)....
Author: أميرة فاروق عبد العال
Date: 05-28-2009, 11:37 AM
Parent: #103
الناس البتتحاوم دي الوقت عندكم نهار ولا ليل؟
كان نهار بقول أحسن تجونا بي هناك..
نـــاس النهار سلااااام.. وماحدش أحسن من حد!!
ولا عاملين بالـ
نسا قديمه تاه!!
نسخة لـ: طارق جبريل ومن جعر مثله..
|
Post: #105
Title: Re: ناس الليل سلااام....(توجد قطيعة)....
Author: طارق جبريل
Date: 05-28-2009, 12:14 PM
Parent: #104
| Quote: نسخة لـ: طارق جبريل ومن جعر مثله |
ههههههههههههههههههههههههههههه
قوية يا بت فاروق يعلم الله
|
Post: #106
Title: Re: ناس الليل سلااام....(توجد قطيعة)....
Author: أميرة فاروق عبد العال
Date: 05-28-2009, 12:28 PM
Parent: #105
Quote: أسمعى قولى لصاحبتك تعالى أدفعى الغرامة ,,,
|
أيمن،
نديك عضوية فخرية وتعفيها من الغرامة؟
هي المخالفة كانت شنو؟
|
Post: #107
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 09:49 PM
Parent: #106
اها الليل جا ونحن ورا..
|
Post: #108
Title: Re: ناس الليل سلااام....(توجد قطيعة)....
Author: عماد الشبلي
Date: 05-28-2009, 10:12 PM
Parent: #107
| Quote: اها الليل جا ونحن ورا.. |
اها نحن جينا والليل مشي قدام ..
انا والله قبلت الاعتزار
لكن عندي سوال واحد بس
وين صور الحفاوة بحنين ؟؟؟؟؟؟؟؟؟؟؟
|
Post: #109
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-28-2009, 10:41 PM
Parent: #108
| Quote: وين صور الحفاوة بحنين ؟؟؟؟؟؟؟؟؟؟؟ |
كان غيرك اشطر ياشلبي
وكيلك الله صور الكباب ساي ماطلعنا بيها
اميرة دي روحا طويييييله سلبه بس
|
Post: #110
Title: Re: ناس الليل سلااام....(توجد قطيعة)....
Author: ياسر بيناوي
Date: 05-28-2009, 10:53 PM
Parent: #109
| Quote: اميرة دي روحا طويييييله سلبه بس |
اها فوق للصباح
|
Post: #111
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 10:55 PM
Parent: #109
الشبلى ونوفل النبى فيكم اى واحد ينزل ووشوش ايمن البتقلبو
ديل نيابة عنى...ودا بكون ردى ليكم فيما يخص صور حنين والكباب..تت
خلو اخلاقكم سياحية ولسة الليل طويييييل...
ماتنسو الوشوش نظام ملحق وكدا
قرقرقرقر
|
Post: #113
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-28-2009, 11:01 PM
Parent: #111
ادينا تصبيره يا اميره
ان شاء الله الكسره بالمويه بزيت السميم حقت كمال سالم ديك
|
Post: #117
Title: Re: ناس الليل سلااام....(توجد قطيعة)....
Author: عماد الشبلي
Date: 05-28-2009, 11:49 PM
Parent: #109
Quote: كان غيرك اشطر ياشلبي
وكيلك الله صور الكباب ساي ماطلعنا بيها
اميرة دي روحا طويييييله سلبه بس |
نوفل .. طيب ما تجي نزازيها للصباح ..
لحدي ما تقر بالحقيقة و تقول الصور وين
لو ما قرت بالحقيقة لحدي الصباح نقوم ندخلا في بوست اميرة فاروق بتاع ناس النهار ونقفل عليها بالمفتاح.
|
Post: #173
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 03:20 AM
Parent: #106
Quote: أيمن،
نديك عضوية فخرية وتعفيها من الغرامة؟
|
الرشاوى بدت??
اميرة بررررة
|
Post: #130
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 03:00 AM
Parent: #103
Quote: الكورنيش ما بحلكم,,,
|
ايمن....ماتفلق ماتفلق...ياخ...
وبعدين الغرامة دى وين ومتين ومنو المفترض يدفعها...
ووشوش ووش ياناس الله...
|
Post: #127
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 02:32 AM
Parent: #102
Quote: 1/ اي زول(او صاحبو) مديرو معذبو .... الي اخر الجمله
والا فلن اسمع اي شكوي حول المديريين من صحابي الانتي عارفاهو ذي جوع بطنك تاني
|
امسك واحد مدير شرف البوست...
والله ياعمر بوب جيتك ما بناباها الا طالما انك مدير
احسن تفتى ليك مسالة نجاض المدراء اسبابها ومسبباتها...فى
غايتو انا قرررربت اعملت تحذير اقول ممنوع دخول المدارء الا تقول شنو
صاحبك ود الزين تانى ما جا داخل البست..تعليقك خلاهو يجرى جرى
|
Post: #168
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 00:53 AM
Parent: #100
| Quote: بقيت زي (teenager) |
قال بقيت قال....
هو ....
سكت
|
Post: #116
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 11:31 PM
Parent: #96
Quote: أميرة يا ختي ممكن أشارك ؟؟؟
|
بت عوض الكريم مرحبتين...
بس البطايق والبسابيرت والجناسي لازم يكونو معاك
عشان اسم كريم دا عندنا قصص معاهو حتى اسالى صديق الموج
كان ما جاك اسي واقع ومدردق ابقى اناما اميرة
|
Post: #115
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 11:23 PM
Parent: #92
Quote: الشروط مستوفية بس مديري ظريف النصيحة لي الله و مافيه كلام تب !
|
هبة انا مديرو متلوم شديد واللوم ماليهو من ساسو لراسو..
حسيت بغيرة....بقن على كتار خلاس....غربة ومدير مرض...
تعالى ياهبة واتحكرى خلينا نحكى..
|
Post: #118
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 11:50 PM
Parent: #115
| Quote: تحت تحت كدا قلتي لي ممكن تديني أسماء الناس المعرسين ومكسرين في زول كدا في راسي يا ريت يكون معاهم - بعدين في كم بوست انا قلت الكسير دا لا بعرف صغير لا كبير لا معرس لا باير |
ياجماعة ركزو معاى فى كلام هويدا دا..
صعبةةةةة صعبةة ياهويدا والله البوست بتاع الكسير دا كنت قايلها هكر..
اها ياهو دا كلام الليل زاتووو....
|
Post: #119
Title: Re: ناس الليل سلااام....(توجد قطيعة)....
Author: Amira Elsheikh
Date: 05-28-2009, 11:59 PM
Parent: #118
Quote: بان الشرط بتاع المتزوجون يمتنعون الناس دي هنا ما شغالة بيهو كلو كلو
|
شبكة مابيدى ما بيدى..
لو جينا نشوف نحن العزابة كم??كلنا يا 5 يا6
1/هوارى
2/نوفل
3/ياسر بيناوى
4/هبة الماحى(من زمن نادى العزابة الاسفيرى)
5/انتى
6/انا....
حتى فريق سلة ماتامين...كان تابعنا القوانين دى وحاتك نقعد برانا
اها رايك شنو?
|
Post: #120
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-28-2009, 11:59 PM
Parent: #118
| Quote: لحدي ما تقر بالحقيقة و تقول الصور وين |
الصور ما طلعت من الكاميرا يا عمده
قالوا عندها كاميرا من زمن اجدادنا القدما واصحاب الكهف
|
Post: #121
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 00:04 AM
Parent: #120
Quote: ان شاء الله الكسره بالمويه بزيت السميم حقت كمال سالم ديك
|
الليلة وووب يانوفل...
اسرارنا فى خطر بقت(الحالة ولاصورة مانزلت)
النبى وش تانى....وعشان ما اتعبك وروينى بتنزلها كيف
لانى مغرودة فيها شدييييد..
|
Post: #122
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 00:07 AM
Parent: #120
| Quote: قالوا عندها كاميرا من زمن اجدادنا القدما واصحاب الكهف |
نوفل دى كاميرة عزام والله....ادوك المعلومة غلط...
انا كاميرتى عمرها 5شهور بس....
حالة سعبة..
___________________________________________________
والله كتلتنى بالضحك...بديت اشك انك قاعد فى الدوحة
|
Post: #123
Title: Re: ناس الليل سلااام....(توجد قطيعة)....
Author: طارق جبريل
Date: 05-29-2009, 00:28 AM
Parent: #122
ناس الليل كيف امسيتو
|
Post: #125
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-29-2009, 01:01 AM
Parent: #123
| Quote: وعشان ما اتعبك وروينى بتنزلها كيف |
عادي .. زي لما تجي تنزلي صور الدوحه ديك
كلك يمين علي الاشكال و properties و تعملي كوبي للرابط وتجي تصلقيهو هنا
غايتو مجبورين علي الدروس المجانيه دي
دا كلووووو عسي ولعل تفضي كاميرتك دي يا اميره
| Quote: ناس الليل كيف امسيتو |
تجي بهنا تقول كيف امسيتو وتمشي بهناك تقول كيف قيلتو ؟
ودجبريل جيب اضانك
الاكواد اشتغلت
|
Post: #126
Title: Re: ناس الليل سلااام....(توجد قطيعة)....
Author: علاء الدين حيموره
Date: 05-29-2009, 01:17 AM
Parent: #123
| Quote: ناس الليل كيف امسيتو |
القرد الوسيم في طبعو دائما هادي ...........
هدية لود جبريل بمناسبة الليل الثاني
|
Post: #129
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 02:48 AM
Parent: #126
| Quote: القرد الوسيم في طبعو دائما هادي ........... |
علاء ياود امى نحن شاكين من الليل والغربة والوحدة..
تتمها لينا بالقرود...
مادام الاهداء لود جبريل ما خسانى ياقول حبوبة...
قردك يقطع الخميرة من العجين رغم عمليات التجميل الكتيرة والفل ميك اب
|
Post: #124
Title: Re: ناس الليل سلااام....(توجد قطيعة)....
Author: محمد ابو القاسم
Date: 05-29-2009, 00:53 AM
Parent: #1
اميره
سلامات مشتاقين شديد
----------------------
اسمعي القطيعة والشمار
دايرين جبنة وفشار
وشريط دلوكة في الخلفية
(الغداره ديمة+ الخاينة صحبتنا )
الحوار:-
وبعد داك !!!
اه قلتي لي !!!
شفتي !!!
ما بصدق !!!
اه تاني قولي لي !!!
لا لا لا!!!
الرسول!!!
واااااااب بالغت لكن !!! ( بصرخة مدوية وصفيق يدين )
------------------
بنفع بتاع سنريست جادع مش؟؟؟
--------------------
شكلوا رايحة ليك قطيعة والغربة هدتك
دايره ليك اجازه تاني
وما لاقية ليك زول في الماسنجر
وقلتي نشوف ناس المنبر ديل كان بفشوك
----------------
مع ودي وسلامي
|
Post: #131
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 03:34 AM
Parent: #128
Quote: شكلوا رايحة ليك قطيعة والغربة هدتك
دايره ليك اجازه تاني
وما لاقية ليك زول في الماسنجر
وقلتي نشوف ناس المنبر ديل كان بفشوك
|
ود ابو القاسم...اتحداك شوق...
الغربة هدتنى صااااح...
دايرة لى اجازة تانى بلحيل ومستعجلة كمان...
اما المسنجر دا وملحقاتو(اسكايب..وشنو كدا)ديل نهائى ما اصحابى ولا قدرت
اخلق معاهم علاقة..انا بحب الونسة والحكى المباشر والعين فى العين...والله حتى
التلفون دا لحدى اسي ما صاحبى...صاحبتك لسة تقليدية شديد
|
Post: #132
Title: Re: ناس الليل سلااام....(توجد قطيعة)....
Author: ahmed khidir
Date: 05-29-2009, 04:54 AM
Parent: #131
اميرة الشيخ
سلامات
التكنولوجيا قصرت المسافات
بعد 15 سنه التقى صديق
عبر الاسكاى بى صورة وصوت
لفت انتباهى عدد مشاركاتك
|
Post: #134
Title: Re: ناس الليل سلااام....(توجد قطيعة)....
Author: Amira Elsheikh
Date: 05-29-2009, 05:16 AM
Parent: #132
Quote: التكنولوجيا قصرت المسافات
بعد 15 سنه التقى صديق
|
احمد خضر...صباحك او ليلك سعيد ودا حسب التوقيت عندك..
طبعا وماعندى راى فيها وبتعامل معاها لكن تحس بانى ما قادرة عليها
يعنى ممكن شهر ما ادخل مسنجر وعادى واصحابى وناس بيتنا بعانو معاى فى الحتة دى....
لكن برضو وسائل الاتصال(من مسنجر وغيرو) ممكن تتحول لادمان وتعزلك من الحياة المباشرة الحولك...
والله العظيم يوم ما انتبهت لمشاركاتى ..لكن ملاحظتك عجبتنى شديد
شكرا ليك كتير ومرحب بيك اكتر
|
Post: #135
Title: Re: ناس الليل سلااام....(توجد قطيعة)....
Author: محمد عثمان
Date: 05-29-2009, 05:26 AM
Parent: #134
الصبحية بدت ولا شنو..؟؟
اميرة..
سلااام ياخى..
|
Post: #136
Title: Re: ناس الليل سلااام....(توجد قطيعة)....
Author: هواري نمر
Date: 05-29-2009, 06:32 AM
Parent: #135
Quote: لو جينا نشوف نحن العزابة كم??كلنا يا 5 يا6
1/هوارى
2/نوفل
3/ياسر بيناوى
4/هبة الماحى(من زمن نادى العزابة الاسفيرى)
5/انتى
6/انا.... |
سلام يا أميرة...
اها...قلتي لي العذابة و الكسيـــــــــر!!
و الله الناس المتزوجين ديل,اكتر ناس مدشدشين.!!لــــــــــــــــــوووووول
شوفي ناس طارق جبريل..!!هههههههههههههه
الليل كلو بكاء و نواح..
بس احنا لينا الله....
غربة ..شفل يالليل...و كمان عذوبية..
يالطيف!!
اها شايف كمان ناس النهار,اتلمو..
مشينا قلنا نطايبهم..
اصلو احنا
ليلنا هنا عندكم نهار..و العكس.
يعني شايتين بالجهتين..
ههههههههههه
عليكم الله بالليل.زاسمعو الاغاني النزلها
ود جبريل...والحفظتوها كلها في
الكمبيوتر..
عليكم امان الله..الا كان تلقو الدميعات...تف تف تف ..نزلن..
اااااحي الله كريم..
اها.زالمدير بتاعي...زولا مشوطن..جنو حوامة
مرات شهر ما اشوفه...
مريحني شديد...الا مرة مرة
بتصل علي و بوريني شوية كده انو مهتم..
والليل الهاجع....
غرد.....
ياود جبريل.......
|
Post: #137
Title: Re: ناس الليل سلااام....(توجد قطيعة)....
Author: SHIBKA
Date: 05-29-2009, 09:28 AM
Parent: #136
ياناس الليل
بس مرقت من ناس الصباح قلت اجي اسلم
لقيت الشارع مقفول بالمناديل وباشياء اخرى
انت ليلكم دا شكلو رهيييييييييب
الله يستر منكم
اميرة
خلي المتزوجين يجوكم خميس وجمعة وباقي الاسبوع اقفلي البوست على العزابة
خليك تقيلة شوية مع المتزوجين ديل
|
Post: #139
Title: Re: ناس الليل سلااام....(توجد قطيعة)....
Author: SHIBKA
Date: 05-30-2009, 09:19 AM
Parent: #138
جيت ما لقيت ولا زول من الناس الليل مافي
الناس كلها نايمة ولي شنو...
|
Post: #140
Title: Re: ناس الليل سلااام....(توجد قطيعة)....
Author: Amira Elsheikh
Date: 05-31-2009, 01:08 AM
Parent: #139
Quote: جيت ما لقيت ولا زول من الناس الليل مافي
الناس كلها نايمة ولي شنو... |
عدنــــــا...
انا كنت ويك اند غايتو....
|
Post: #141
Title: Re: ناس الليل سلااام....(توجد قطيعة)....
Author: سيف الدولة كامل
Date: 05-31-2009, 01:47 AM
Parent: #140
نحن يا دوب ليلنا ليل,,, لكن في ناس
الفيهم اتعرفت ,,, حايمين ويزازو
بالنهار,,, ويجو يتلبتوا باليل
|
Post: #142
Title: Re: ناس الليل سلااام....(توجد قطيعة)....
Author: هويدا شرف الدين
Date: 05-31-2009, 06:17 AM
Parent: #141
الأخت أميره
صباح الورد - نحن طبعا ناس نهار وصباح بنخش النت بالصباح بس مساهرين معاكم - البوست داك جاب لي الكفوه أعمل شنو يعني ننزل في البوستات والناس بعد دا ما شغالين بينا - عارفه ذي ما قال نوفل راجعي بوستك دا العذابه قدر اصابع اليد لكن المتزوجين هم المكسيرن
أعملي مسح لي كل بوستات طارق جبريل كلها كسير عمري ما شفتو كتب عن حاجه غير الكسير وكمان البوستات بتاع سيد الصوره كلها كسير وبكا وجوعير اخير هو من طارق مره مره بكتب حاجات دينيه وثقافيه ولسه البقيه تاتي أخير انا بس نزلت بوستين بس في الكسير
|
Post: #143
Title: Re: ناس الليل سلااام....(توجد قطيعة)....
Author: طارق جبريل
Date: 05-31-2009, 10:39 AM
Parent: #142
| Quote: هدية لود جبريل بمناسبة الليل الثاني |
القرد عندك يا ود حيمورة
تقول من العمارات قردك دة
ههههههههههه
|
Post: #144
Title: Re: ناس الليل سلااام....(توجد قطيعة)....
Author: طارق جبريل
Date: 05-31-2009, 10:40 AM
Parent: #142
| Quote: أعملي مسح لي كل بوستات طارق جبريل كلها كسير عمري ما شفتو كتب عن حاجه غير الكسير |
انا اصلي قاعد في البورد دة عشان الكسير
ماني داسيها
|
Post: #145
Title: Re: ناس الليل سلااام....(توجد قطيعة)....
Author: الطيب شيقوق
Date: 05-31-2009, 10:51 AM
Parent: #144
بت الشيخ
1Quote: /خلو طرف من الخدمة الزوجية
2/العمر اقل من30 سنة ودا عشانك
3/شهادات الخبرة فى مجالات حياتية مختلفة
4/ تكون نضييييف من مسالة الشواكيش ومتعلقاتها.. |
انا من هنا افوت مفلق عديل .
جنى وجن ازدواجية المعايير ليش ود الكامل سامحة ليهو يجدع بهنا ؟
هو معترف مقر بانني اكثر استيفاءا للشرط الثالث منو . وانا عارف سجله مليان شواكيش ومتعلقاتها .
|
Post: #146
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 05-31-2009, 10:28 PM
Parent: #145
Quote: اها صلقتو صليق شديد...لكن المصدر الاصلى بتاعها وين?
|
| Quote: وانا عارف سجله مليان شواكيش ومتعلقاتها |
اميره ألحقي ألصقي
انا من قوة الشمار غلبني ألصق
.....
بس المره دي ألصقي الرابط في ايقونة ( اضف صورة )
|
Post: #147
Title: Re: ناس الليل سلااام....(توجد قطيعة)....
Author: سيف الدولة كامل
Date: 06-01-2009, 00:15 AM
Parent: #146
ود شيقوق,,, وحات الله ورسول مكة عمري ما اخدت شاكوش
|
Post: #148
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 00:40 AM
Parent: #147
والله يا سيف الدوله لو ما حلفت بالله ورسوله
كان اقعد اغالط فيك للسنه الجايه
لكن لقيتك كده .... ما لقيت الشكل عشان اختو هنا
|
Post: #149
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 00:59 AM
Parent: #147
وحات الله ورسول مكة عمري ما اخدت شاكوش
يالكضضضضضضب...
وحاة الله دى دايرة وقفة وتحليل وتمحيص ..ياشرامة المنبر الحقونى..
معقولة بس ياسيف??قول اخدت شاكوش اتنين...لكن عمرك ما اخدت???
دى دايرة فهامة......
الشفافية شعار المرحلة..ياتلم كيبورديك وتتخارج..لانو نحن ماحنسكت
|
Post: #150
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 01:19 AM
Parent: #149
Quote: انا من قوة الشمار غلبني ألصق
|
نكرها يانوفل وشايفاك انت صدقتو...
ولا كتل قلبك بقصة عليهو الشيلة دى...
نوفل دا رزق والله جابو لينا خلينا نسوقو شوية لقدام...
ونصبح بيهو الواطة ابوى انا...
غايتو انا مامصدقة نهااااائ.....وش مدردق ومكتح بالتراب.....
|
Post: #151
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 01:24 AM
Parent: #145
Quote: انا من هنا افوت مفلق عديل .
|
هو انت فضل فيك حتة تانى شان تتفلق فيها......
الليلة وووب
|
Post: #152
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 01:32 AM
Parent: #151
| Quote: نكرها يانوفل وشايفاك انت صدقتو... |
مش جايب لي الشيله ؟
انا ذاتي بشهد انه عمرو ما اخد شاكوش
كان جارنا ودرسني كمان .. اصلي ما سمعت بيهو اخد شاكوش
.............
ياخ الزول حلف بالله والرسول عدييييييييل كده .. والمؤمن صديق
وبيني وبينك كده ... اصلي ما مصدقو :D
|
Post: #153
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 02:26 AM
Parent: #152
| Quote: وبيني وبينك كده ... اصلي ما مصدقو :D |
اسمعنى يانوفل ...
زول ما ماخد شواكيش دا زاتو نحن مادايرنو...
الشواكيش مالها عيبوها لى..
بتقوى...بتكبر..بتصقل...بتزيد التجارب...وبتنضف القلب..
قال ماخدت شاكوش...والله تلقى عندك قطيعة عديلة من الشواكي
|
Post: #154
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 02:48 AM
Parent: #153
Quote: بتقوى...بتكبر..بتصقل...بتزيد التجارب...وبتنضف القلب..
|
حولااااااااا
انت اصلو ما خده كم شاكوش يا اميره ؟
تجيبي الشبكه ولا اشبك فيك ؟ :D
انا الليله كان ما عرسته من هنا ما مارق
..............
قصة الشواكيش دي دايره بحث واستفاضه
سلبياتها.. ايجابياتها.. اثرها علي الشخص وحياته مستقبلا
هل تعلمي ان بعض الشواكيش مفيده ؟ - رب ضاره نافعه
( عسي ان تكرهوا شيئا وهو خير لكم )
|
Post: #155
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 03:10 AM
Parent: #154
Quote: تجيبي الشبكه ولا اشبك فيك ؟ :D
|
الشبكة مش متبرعين بيها ليك نظام رشوة وكدا ,,,
Quote: قصة الشواكيش دي دايره بحث واستفاضه
سلبياتها.. ايجابياتها.. اثرها علي الشخص وحياته مستقبلا |
شايفاك عاجاباك قصة الشواكيش دى وعلمنته المسالة
وعملتهاادفاتيش وديس ادفانتش..افتح بوست واى ويل سبورت يو ريلى....
انا موضوع الشواكيش دا من المواضيع الفرى انتريستيت بالنسبة لى ,,,
| Quote: انت اصلو ما خده كم شاكوش يا اميره |
اما انا ماخدة كم شاكوش دى بوريك ليها لما تفتح البوست..قصرت معاك
|
Post: #156
Title: Re: ناس الليل سلااام....(توجد قطيعة)....
Author: حبيب نورة
Date: 06-01-2009, 03:18 AM
Parent: #155
يا أختي
كيفنك!!
|
Post: #158
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 03:26 AM
Parent: #156
ود امى يسعد صباحك ومساك..
مساهر بيك شاكوش?
|
Post: #157
Title: Re: ناس الليل سلااام....(توجد قطيعة)....
Author: علاء الدين حيموره
Date: 06-01-2009, 03:18 AM
Parent: #155
اميرة في انتظار البوست
خلاص الدنيا بقت صباح وادو ناس النهار فرصة معاكم .....
|
Post: #159
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 03:43 AM
Parent: #157
Quote: الشبكة مش متبرعين بيها ليك نظام رشوة وكدا ,,,
|
ديك شيله يا اميره .. شيله
الشبكه دي الدهب وكده
انت اصلو ما حصل ليكم عرس ؟ ولا جيرانكم ؟ ولا صديقاتك ؟
استضافوني في التلفزيون القومي لناقش قضيه اجتماعيه علي مدار ساعه
حسيت انه فعلا المفروض الناس تديها حقها من النقاش بصوره اكتر تفصيل
كلامك نبهني لضرورة فتح بوست منفصل ليس للشواكيش ولكن حتما سيرد ذكرها في الصياغ
......
الحلقه كانت عن الخطوبه
|
Post: #160
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 03:44 AM
Parent: #159
لكن ياحيمورة اريت كان الشواكيش كلها زى شاكوشك دا....
شاكوشك دا شكلو شهادة عربية(الليلة ووب) كمان وردى وفيهو ورود
انشاءالله فى راس نوفل...
لكن عجبنى..
|
Post: #161
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 04:07 AM
Parent: #160
| Quote: انشاءالله فى راس نوفل... |
بس جاريه علي راسي دا
عشان راسك لم يبقي فيه موضع سبيبه الا وفيه شاكوش
دا شاكوش حنكوش
لكن بالنسبه لناس الشهاده العربيه ( عجبتني دي برضو )
دوشكا عديل
يشنقل فيل
يغرق حتي سمك البلطي فوق النيل
|
Post: #162
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 04:24 AM
Parent: #159
Quote: انت اصلو ما حصل ليكم عرس ؟ ولا جيرانكم ؟ ولا صديقاتك ؟
|
لوووول يانوفل شكلك داير تحقر بى عشان اعترفت بشواكيشى ولا شنو
حقو الواحد يكذب عليكم زى سيف دا ويقوليكم البدينى شاكوش امو ماولدتو
والزى انا مابدو شاكوش والكلام الماجيب حقو داك والواحد يسمع فيهو وعارفو
كضب لكن مايفتح خشمو...
والله عرس امير اخوى جنس عرس اريتو عرسك وعرس البتريدهم وكان اول عرس لينا
ودينا الشبكة وقولة خير وسدينا المال وودينا الشيلة وحاجات العيد وسوينا
القيدومة والحنة الفى النص والحنة الكبيرة ومشينا البحر واييييك...
|
Post: #163
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 04:31 AM
Parent: #162
Quote: ودينا الشبكة وقولة خير وسدينا المال وودينا الشيلة وحاجات العيد وسوينا
القيدومة والحنة الفى النص والحنة الكبيرة |
ما دا المطفشنا من العرس
هسي امير اخوك حالتو كيف بالله .. ان شاء الله بقي كويس من الحاجات الصرفها دي
|
Post: #164
Title: Re: ناس الليل سلااام....(توجد قطيعة)....
Author: Amira Elsheikh
Date: 06-01-2009, 04:37 AM
Parent: #163
Quote: بس جاريه علي راسي دا
|
انت برضو راسك سليم زى راس سيف صاحبك القال حيجيب ليك الشيلة..
حتقولى اسي والله شدة مانضيف حتى السيجار دا ماحصل شميت ريحتو زاتها..
الليلة ووووب...
السواها سيف رقدت تب..
|
Post: #165
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-01-2009, 04:45 AM
Parent: #164
| Quote: حتقولى اسي والله شدة مانضيف حتى السيجار دا ماحصل شميت ريحتو زاتها.. |
السجاير دا شنو كمان ؟
نوع من انواع البخور ؟
غايتو بتجيبوا ليكم في اسماء غريبه خلاص :D
( ألصقي الوشوش الضاحكه ديك هنا )
|
Post: #166
Title: Re: ناس الليل سلااام....(توجد قطيعة)....
Author: SHIBKA
Date: 06-01-2009, 06:07 AM
Parent: #165
أميرة ونوفل
الواطة صبحت خلاص
قوموا اتنفضوا
|
Post: #167
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 00:49 AM
Parent: #166
تانى فللت....
عدنــــــا
|
Post: #169
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-02-2009, 01:07 AM
Parent: #167
ههههههه
الكلمه دي نكشتيها من وين
غايتو قديمه جنس قدم ؟
مساء الخير وكده
|
Post: #170
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 01:55 AM
Parent: #169
Quote: الكلمه دي نكشتيها من وين
غايتو قديمه جنس قدم ؟
|
نوفل صباح الخير بتوقيت هنا...هناك عندكم مساء يادوب*
قديمة وبت حبوبات وتصدقـ بتعجبنى الكلمات الزى دى واصلى مابتبرا منها
والله مفرداتنا العامية سمحة وحنينة واخير من الكلام البترمى زى الدراب
غايتو فى موضوع نكيش المفردات اسال منى كيكى حتى متابع معاى وقال راصد
اى مفردة انا نكشتها...
__________________________________________________________-
بمناسبة صباح اومساء الخير انت قاعد وين عشان نراعى فروق الوقت كدا
|
Post: #171
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-02-2009, 02:00 AM
Parent: #170
مساء الخير دي علي وزن البوست عشان ما يتلخبط الاختصاص
لكن الصحيح هي صباح الخير
المفردات العاميه دي جميله ودقيقه جدا في الوصف
قبل شويه كنت بتكلم بالتلفون مع معاويه المدير عن كلام الحبوبات
والتراث الجميل من حكاوي وحجا وامثال ... جيك راجع للموضوع دا
................
انا في الخرطوم
|
Post: #172
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 02:23 AM
Parent: #171
لالا هجمتنى...متاكد.. والمساهر بيك شنو ابوى انا?
ضرس ولا شاكوش?
الخرطوم بعرفها كويس مافيها شئ بسهر قدر دا..
خسوسا بعد ما الحيكومة عملت الحفلات ل11 وغيرت الزمن ..
اقنعنى...بس..
|
Post: #175
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 03:56 AM
Parent: #172
Quote: سنين و ايام قضيت عمري..
في لوعة...
انادي الليل و اقـــــــــــــــــــــــــــــــــــــــــــول ياليل
انا المظلــــــــــــــــوم عزائ دمعة..
دموعي تسيل و ليلي طويل
وعايش في مهب الريح...براي شمعة.. |
هوارى مطلوب حضورك فورا...لمواصلة البكاء
|
Post: #176
Title: Re: ناس الليل سلااام....(توجد قطيعة)....
Author: Baha Elhadi
Date: 06-02-2009, 04:00 AM
Parent: #175
أميرة يا بت الشيخ:
مناداة هواري ما بتنفع
دا يمة هسع تلقي النخجي والسكاليب ما يدن الدرب
نحن غايتو سمار ليل
لكن بنمر بعيد لبعيد
الحالة دي لو استمرت
احتمال هواري يرجع البلد
ملعون أبوها الغربة الكدرومية الشينة العفنة
القبيحة
بهاء /طوكيو
|
Post: #177
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 04:19 AM
Parent: #176
Quote: الحالة دي لو استمرت
احتمال هواري يرجع البلد
ملعون أبوها الغربة الكدرومية الشينة العفنة
|
بهاء...صباح اومساء الخير بتوقيت طوكيو...
بمناسبة طوكيو دى زمان واحدة صاحبتنافى الجامعة فجأة كدا الجكس بتاعة
قال مسافر..استكهولم...جينا لقيناها تبكى وتتنخج والدموع عشرة عشرة...
وتقلب فى ورق الدنيا والعالمين سالناها...قالت ماحترد ما لم نجيب ليها اطلس العالم
جبنا(صحبتنا كمان) قعدت فى نص السرير وتقلب ...
قالت لقيت الحتة الماشة ليها المعفن دا تعالو اقروها لانى غالبانى من الصباح...
اتذكرتها القصة بمناسبة انك فى طوكيو وناس كتار مجدعين فى بلود طيرا عجمى
|
Post: #178
Title: Re: ناس الليل سلااام....(توجد قطيعة)....
Author: Baha Elhadi
Date: 06-02-2009, 04:27 AM
Parent: #177
أحييييييييييييي يا بت الشيخ
نقول شنو واله الليلة وووبيييييييين ما بتحلنا
المشكلة ازهى عمرك بضيع سمبلة وسهر
وسجم وكل عائلة السين المصوتة دي
| Quote: وناس كتار مجدعين فى بلود طيرا عجمى |
وعلى العلينا تجو تفتحو جراحنا بعد ما تقرب تبرا
الله في لكن
بهاء
|
Post: #179
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 04:53 AM
Parent: #178
Quote: وعلى العلينا تجو تفتحو جراحنا بعد ما تقرب تبرا
|
ماتغش روحك كان جروح الدنيا دى كلها برت ..جرح الغربة دا نو وىى
لانوغريق وكان مرت بيهو نسمة ذكريات ساى بتعوقو.....
فما بالك من رياح الحبابيب البتقلع القلب من جذورو...
|
Post: #180
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-02-2009, 05:06 AM
Parent: #179
مساهر بي ضرس يا اميره ضرررررس
| Quote: قالت لقيت الحتة الماشة ليها المعفن دا تعالو اقروها لانى غالبانى من الصباح... |
هههههه
المشهد مبالغه ... كتلني بالضحك
بهاء ازيك بالياباني
وحاة النبي دا الاغتراب يا بلاش .. تقول لي الخليج البقي كوبي من السودان ؟
يا مان الجماعه ديل كنت بتتفاهم معاهم كيف في اول ايامك
ما تقول لي انجليزي ... بقروه زينا كده . ونص الشعب جاهل بيهو
|
Post: #181
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 05:18 AM
Parent: #180
قفلنا يانوفل انت غتست وين??
انا خلاص الواطة عندى فللت (بتوقيتى الخاص)اشوفكم بعدين الصباح..
وخليك مع استكهولم...
سي يو
قال ضرس قال
|
Post: #182
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-02-2009, 05:26 AM
Parent: #181
مساء الخير بالصباح
كان معاي ضيوف بتونسوا .. هسي خلاص مشوا ينوموا :D
اتعشوا معاي الساعه 4 صباحا
واحد بس فيهم قال عندو جامعه .. وبياخد ليهو نومه وبمشي
بمشي ام در وبجيكم راجع
فتكم بعافيه
|
Post: #183
Title: Re: ناس الليل سلااام....(توجد قطيعة)....
Author: عمر سعد
Date: 06-02-2009, 05:32 AM
Parent: #182
انتو بتهظرو لازم البيساهر يثبت وجودجة الساعة 3 صباحا بكلمة up
انا امس فى الدوام وفاتح النت وحاتكم غير راوية ما فى حد وقالت عندهم الساعة فى امريكا الساعة 5 عصرا
قلت اطق معاها حنك شردت شردة ابعاج المرحوم ..................................
تانى خلى واحد يجى يقول لى بساهر ان ما اهكر ليكم البوست دة ما اكون البعاتى
|
Post: #184
Title: Re: ناس الليل سلااام....(توجد قطيعة)....
Author: SHIBKA
Date: 06-02-2009, 05:54 AM
Parent: #183
عمر سعد
Quote: وحاتكم غير راوية ما فى حد وقالت عندهم الساعة فى امريكا الساعة 5 عصرا
|
انت قصاد ياتو راوية في الراويات
في واحدة امريكية قاعدة في الدوحة
انت قاصد منو تاني؟
|
Post: #185
Title: Re: ناس الليل سلااام....(توجد قطيعة)....
Author: SHIBKA
Date: 06-02-2009, 05:56 AM
Parent: #183
عمر سعد
Quote: وحاتكم غير راوية ما فى حد وقالت عندهم الساعة فى امريكا الساعة 5 عصرا
|
انت قصاد ياتو راوية في الراويات
في واحدة امريكية قاعدة في الدوحة
انت قاصد منو تاني؟
|
Post: #186
Title: Re: ناس الليل سلااام....(توجد قطيعة)....
Author: نوفل عبد الرحيم حسن
Date: 06-02-2009, 05:57 AM
Parent: #183
عمر سعد كيفنك
نحن يااخوي قاعدين هنا من امس
وهسي الساعه عندنا 8 صباحا
والله لو بقيت ناس الانقاذ ما تجي تلقانا نايمين
قال اهكر قال
هسي خلاص الشمس شرقت وعندنا مشواير بشريه
نلاقيك بعدين بالليل يا البعاتي
البعاتي دي خلي اميره تجي تفلفلها ليك وتحللها
باقي هي تخصص وكده
|
Post: #187
Title: Re: ناس الليل سلااام....(توجد قطيعة)....
Author: هواري نمر
Date: 06-02-2009, 06:48 AM
Parent: #186
| Quote: هوارى مطلوب حضورك فورا...لمواصلة البكاء |
الليـــــــــلة ....
جابت ليها..كشف حال!!
و بشتنة و شواكيش..و بكــــــاء..و ده غير البكاء..!!
نعاود الارسال ,من بعد الويك اند..
و من بعد نصاصي الليل..
نتحاوم..ونساهر..
و.....
يلا يا دبايب..امرقو..
و الليل ...الهادئ..
يذكرني..
حبيبي الغائب
من بدري...
و خـــــــــــــــــلاني و حيد...
|
Post: #188
Title: Re: ناس الليل سلااام....(توجد قطيعة)....
Author: SHIBKA
Date: 06-02-2009, 07:38 AM
Parent: #187
Quote: نعاود الارسال ,من بعد الويك اند..
|
ياخوي احنا عندنا الثلاثاء الليلة
انت شغال بتوقيت وين الفيهو ويكن اند يوم التلات دا؟؟؟؟
|
Post: #189
Title: Re: ناس الليل سلااام....(توجد قطيعة)....
Author: الطيب شيقوق
Date: 06-02-2009, 07:56 AM
Parent: #188
ود كامل
| Quote: ود شيقوق,,, وحات الله ورسول مكة عمري ما اخدت شاكوش |
ولا اسفيريا؟
بت الشيخ
انت دحين الشاكوش الاسفيري محسوب ؟؟؟؟؟
|
Post: #190
Title: Re: ناس الليل سلااام....(توجد قطيعة)....
Author: هواري نمر
Date: 06-02-2009, 08:18 AM
Parent: #188
| Quote: انت شغال بتوقيت وين الفيهو ويكن اند يوم التلات دا؟؟؟؟ |
شبكة ازيك ياخي..
و اخبارك؟؟
ما احنا زي ما عارفة الويك اند بتاعنا,سبت و أحد..
و اها انا ببدأ الشغل يوم الاتنين المساء..
يعن يعني عندك التلات الصباح...
اها .....
ما قلته ليــــــــــك!!
زمان الويك اند بتاعي..كان يوم الاربعاء..
شفتي كيف؟؟
يعني اشتغل 6 ايام..و الاربعاء....في نص الاسبوع..
يدوني اجازتي...
البلد دي فيها ناس اجازتهم يوم الاتنين..
و مرات كل اسبوع العطلة بتكون يوم جديد..!!!!!
الا هسي نحمد الله بقينا ويك اند, بحق وحقيقة..
اها...اخر شمارت البوست ده شنو؟؟
غايبين و كده!!
|
Post: #191
Title: Re: ناس الليل سلااام....(توجد قطيعة)....
Author: SHIBKA
Date: 06-02-2009, 08:29 AM
Parent: #190
| Quote: الا هسي نحمد الله بقينا ويك اند, بحق وحقيقة.. |
الحمدلله بقيتوا مع الناس
فضل ونعمة
Quote: اها...اخر شمارت البوست ده شنو؟؟
|
اها الشمارات كالاتي:-
امس اميرة ونوفل وعمر سعد ينضموا في راسنا الليل كلو ما سكتوا عشان نقدر ننوم ونجي على بوست النهار
هسة هم مشوا رقدوا لا قادرين احنا نواصل في بوست النهار
لا قادرين نشوف شغلنا
شفت جنس المحنة دي
بركة الجيت بالسلامة
اها بمشي اخد لي لفة في المنبر وبجيك راجعة
|
Post: #204
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 01:17 AM
Parent: #191
| Quote: اها بمشي اخد لي لفة في المنبر وبجيك راجعة |
بس ما تكبرى اللفة ياشبكة لانو ممكن ما تجى راجعة..
خلى بالك من نفسك شديد...
الليلة ووووب
|
Post: #192
Title: Re: ناس الليل سلااام....(توجد قطيعة)....
Author: هواري نمر
Date: 06-02-2009, 08:36 AM
Parent: #190
| Quote: انت دحين الشاكوش الاسفيري محسوب ؟؟؟؟؟ |
محسوب..محسوب...محسوب
اها..
افصح يا هذا؟؟؟
لحقك واحد شاكوش اسفيري مدنكل ؟؟
ولا القصة..
حمي خفيفة!!
|
Post: #193
Title: Re: ناس الليل سلااام....(توجد قطيعة)....
Author: عماد الشبلي
Date: 06-02-2009, 08:49 AM
Parent: #192
وادرك ( شهريار ) الصباح وسكتت ( اميرة ) عن الكلام المباح ..
|
Post: #194
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 11:33 PM
Parent: #193
رجعنالك....
رجوع القمرة لوطن القمارى.....
|
Post: #199
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 00:56 AM
Parent: #192
Quote: محسوب..محسوب...محسوب
|
هوارى قبل ماتحسب الشواكيش الاسفيرية(لانها حتاخد مننا زمن) عليك الله
زرزر معاى سيف دا لانو قال من الله خلقو وطلقو مااخد شاكوش..
الكلام دا منطقى ????
بعدين تعال زرزر قريبى ودشيقوق ولا اقوليك ود شيقوق
دا خلى على بجيب ليك اخرو اسي..
|
Post: #216
Title: Re: ناس الليل سلااام....(توجد قطيعة)....
Author: الطيب شيقوق
Date: 06-03-2009, 04:23 AM
Parent: #199
خالي هواري
بس لكن الشواكيش الاسفيرية دى مرات يعتقد انها هكذا في حين يكون المشوكش (اسم فاعل) ناشق في البطانة وترك اللابتوب في الحلة ويجي يقتش عنه المشوكش (مفعول) اوالذي يعتقد انه هكذا وما يلم فيهو اسفيريا ويقول خلاص اداني هرض اكتافو اسفيريا .
بت الشيخ
Quote: بعدين تعال زرزر قريبى ودشيقوق ولا اقوليك ود شيقوق
دا خلى على بجيب ليك اخرو اسي.. |
انت غلبك ود الكامل السااااااااااهل تقدري تباري بجاى؟
|
Post: #197
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 11:59 PM
Parent: #187
Quote: و الليل ...الهادئ..
يذكرني..
حبيبي الغائب
من بدري...
و خـــــــــــــــــلاني و حيد... |
ياهوارى شرحبيل دا بعقدنى عديل والغريبة كم يوم انا مشغلة الاغنية
دى....
عارف نفسي اسمع ياتو اغنية فى اللحظة دى...
غايب السنين الليلة ..
|
Post: #196
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 11:47 PM
Parent: #183
Quote: انتو بتهظرو لازم البيساهر يثبت وجودجة الساعة 3 صباحا بكلمة up
انا امس فى الدوام وفاتح النت وحاتكم غير راوية ما فى حد وقالت عندهم الساعة فى امريكا الساعة 5 عصرا |
عمر سعد انت بتهظر...نحن لينا كم يوم بنساهر لحدى الصباح..
وحاتـك انا من السفارة وللشغل مباشرة...up شنو كان داير كول عديل
بديك ...اها الليلة معانا ولا مع الخيانة
|
Post: #195
Title: Re: ناس الليل سلااام....(توجد قطيعة)....
Author: Amira Elsheikh
Date: 06-02-2009, 11:42 PM
Parent: #182
Quote: بمشي ام در وبجيكم راجع
فتكم بعافيه |
بتنوم متين ابوى انا????
|
Post: #198
Title: Re: ناس الليل سلااام....(توجد قطيعة)....
Author: Rawia
Date: 06-03-2009, 00:43 AM
Parent: #195
Quote:
انا امس فى الدوام وفاتح النت وحاتكم غير راوية ما فى حد وقالت عندهم الساعة فى امريكا الساعة 5 عصرا |
يا اخواني في داعي لي شيل الحال دا
عاشقة.....
عاشقة ياعمر سعد وبشيل الليل سهاد وضنب
__________
... الغريبة بصحى مع ناس أمريكا وكمان بصحى مع ناس الدوحة
فعلا اليومين ديل نومي قليل
|
Post: #200
Title: Re: ناس الليل سلااام....(توجد قطيعة)....
Author: سناء عبد السيد
Date: 06-03-2009, 01:05 AM
Parent: #198
روو لسه في الدوحة يا بت و للا رجعتي ؟؟
أميرة انا جيت و معاي الفشار و التسالي , عشان القطيعة تكون على مستوى
|
Post: #201
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 01:11 AM
Parent: #200
| Quote: أميرة انا جيت و معاي الفشار و التسالي , عشان القطيعة تكون على مستوى |
سنوية كيفك??
روو لسة فى الدوحة وغايتو نحن محاولين انها ماترجع تانى
اها دى قطيعة اولى...
كبى القطيعة قبل الفشار والتسالى وانا والله نفسي فى نبق...
النبق النبق النبق يااا
|
Post: #202
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 01:14 AM
Parent: #201
ووووب على انت من زمن عاشقة ياروية..
|
Post: #203
Title: Re: ناس الليل سلااام....(توجد قطيعة)....
Author: سناء عبد السيد
Date: 06-03-2009, 01:17 AM
Parent: #201
Quote: وانا والله نفسي فى نبق...
النبق النبق النبق يااا |
نفسك في نبق و للا نفسك في ربة ؟ النبق ده مش نوع من انواع الرئص (الرقص) وللا شنو ؟؟
آخر مرة مشيت السودان كنا في عرس , بنرقص في أمانة الله ,بعد شوية الناس كلها قلبت النبق النبق
النبق انا طبعاً بقيت اتلفت زي العويرة
|
Post: #205
Title: Re: ناس الليل سلااام....(توجد قطيعة)....
Author: سناء عبد السيد
Date: 06-03-2009, 01:22 AM
Parent: #203
| Quote: روو لسة فى الدوحة وغايتو نحن محاولين انها ماترجع تانى |
هو على كيفكم ؟؟ والله نرسل ليكم صاروخ واحد بس من هنا ينسف ليكم الدوحة يبقيها ليكم زي مصنع الشفا
|
Post: #210
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 02:12 AM
Parent: #205
| Quote: هو على كيفكم ؟؟ والله نرسل ليكم صاروخ واحد بس من هنا ينسف ليكم الدوحة يبقيها ليكم زي مصنع الشفا |
لالا ياسناء تيك كير وشديد كمان لانو الدوحة دى محمية امريكية
الليلة ووووب
|
Post: #219
Title: Re: ناس الليل سلااام....(توجد قطيعة)....
Author: Amira Elsheikh
Date: 06-04-2009, 09:52 PM
Parent: #210
**
|
Post: #206
Title: Re: ناس الليل سلااام....(توجد قطيعة)....
Author: علاء الدين حيموره
Date: 06-03-2009, 01:23 AM
Parent: #203
الليل ما بنومو لاني انا حارس نجومو
مع الشقق دي 10 سنة ما شفت لي نجمة
|
Post: #207
Title: Re: ناس الليل سلااام....(توجد قطيعة)....
Author: سناء عبد السيد
Date: 06-03-2009, 01:28 AM
Parent: #206
Quote: الليل ما بنومي لاني انا حارس نجومو
مع الشقق دي 10 سنة ما شفت لي نجمة |
و نان حارسم كيفن؟؟
اخبارك شنو يا علاء
|
Post: #208
Title: Re: ناس الليل سلااام....(توجد قطيعة)....
Author: علاء الدين حيموره
Date: 06-03-2009, 01:57 AM
Parent: #207
سناء بت عبد السيد كيفنك
والله تمام بس بنفتش ليك وما لامين فيك
Quote: و نان حارسم كيفن؟؟
|
مشيت محل هنود لقيت عندهم نجوم بتلصق على السقف اها جبتهم ولصقتهم وبقيت اعاين ليهم واعدهم
المشكلة هم 15 نجمة ... يعني عدهم ما صعب وبعد مرات ما بنومو زاتو ....
غايتو الله يودينا السودان ونطلع العنقريب في الحوش ونعد للصباح ...
|
Post: #209
Title: Re: ناس الليل سلااام....(توجد قطيعة)....
Author: علاء الدين حيموره
Date: 06-03-2009, 02:12 AM
Parent: #208
| Quote: والله نرسل ليكم صاروخ واحد بس من هنا ينسف ليكم الدوحة يبقيها ليكم زي مصنع الشفا |
الليل علمك الارهاب ...
|
Post: #211
Title: Re: ناس الليل سلااام....(توجد قطيعة)....
Author: ahmed khidir
Date: 06-03-2009, 02:54 AM
Parent: #209
اميرة الشيخ
سلامات
السهر ما عندكم
الدوحه دى الا سهر تلفزيون
ولا ضرس
الدوحه بلد جميله
وناس ظريفين
انا غايتو لى زمن بفتش
فى زول يبدلنى انا امشى هناك
وهو يجى هنا
|
Post: #212
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 03:08 AM
Parent: #211
Quote: الدوحه دى الا سهر تلفزيون
ولا ضرس
|
احمد خضر سلاااام وبركة الشفناك تانى..
لاااا والله ياخ اعمل ابديت لمعلوماتك ولا اسال اخر نفرتين (فروم اميركا)
زارو الدوحة...
Quote: انا غايتو لى زمن بفتش
فى زول يبدلنى انا امشى هناك
وهو يجى هنا |
انت وين خلينى ادرس العرض كويس وليك على ابدلك ...طبعا دا لو كان البديل
من غير امريكا واسيا..اذا كنت فى واحد من ديل يستبعد العرض بتاعك
لكن بنستقبل سواح.....
|
Post: #213
Title: Re: ناس الليل سلااام....(توجد قطيعة)....
Author: ahmed khidir
Date: 06-03-2009, 03:27 AM
Parent: #212
Quote: لاااا والله ياخ اعمل ابديت لمعلوماتك ولا اسال اخر نفرتين (فروم اميركا)
زارو الدوحة...
|
اميرة الشيخ
سلامات
يا زوله اسال شنو
انا كنت فى بلدكم دى وقاعد
45 يوم واسالى عنى سوق واقف .
والكلام ده قبل شهر.
ودى المرة التالته
اها رايك شنو
مسالة البدل فشلت
شوفى لى زول تانى
ارميكا رايك شنو
|
Post: #214
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 03:40 AM
Parent: #213
رميت اترميت ويدى انكسرت...
شينة منك والله ...
Quote: انا كنت فى بلدكم دى وقاعد
45 يوم |
بتجى بالدس ولا شنو ?
برضو شينة منك...
|
Post: #215
Title: Re: ناس الليل سلااام....(توجد قطيعة)....
Author: ahmed khidir
Date: 06-03-2009, 03:56 AM
Parent: #214
Quote: بتجى بالدس ولا شنو ?
|
معقوله بس
لكن قابلته من البوردراب
الاصدقاء السنى دفع الله
وعامر تيتاوى
وفى حفل زواج كنت منحل
تعرفت على بوردراب
فى غاية الروعه والجمال
والسبب الاهم انا كنت جاى شغل
والزنقه كانت حاصله
لكن ما فات شى احتمال كبير
اصبح من سكان الدوحة قريبا لو الله سهل
|
Post: #217
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 04:43 AM
Parent: #215
Quote: لكن ما فات شى احتمال كبير
اصبح من سكان الدوحة قريبا لو الله سهل |
ya zoool well come
1000000
|
Post: #218
Title: Re: ناس الليل سلااام....(توجد قطيعة)....
Author: Amira Elsheikh
Date: 06-03-2009, 04:53 AM
Parent: #217
غايتو فى ناس كدا لوجابو شهادة مرضية عديل ما حنقبلها منهم..
الواطة عندنا فللت تشوفكم الصباح..
|
Post: #220
Title: Re: ناس الليل سلااام....(توجد قطيعة)....
Author: محمد عثمان
Date: 06-04-2009, 09:56 PM
Parent: #218
| Quote: الواطة عندنا فللت تشوفكم الصباح.. |
يادوب بدينا..
و برضو تقولى ناس ليل..!!!
|
Post: #221
Title: Re: ناس الليل سلااام....(توجد قطيعة)....
Author: Amira Elsheikh
Date: 06-05-2009, 03:42 AM
Parent: #220
| Quote: و برضو تقولى ناس ليل..!!! |
الواطة بتفلل عندناالس7 عة صباحا ودا بتوقيتى بتاع الدوام
يعنى تانى الليل دا كيفنو ياولدى..كدى راجع زمن مداخلتى ومداخلتك
|
Post: #222
Title: Re: ناس الليل سلااام....(توجد قطيعة)....
Author: هواري نمر
Date: 06-05-2009, 04:52 AM
Parent: #221
اها....
يا ناس الليل...
وينكم...الحاصل شنو؟؟
بهاء طوكيو\طارق جبريل....و الباقين..؟؟؟
ولا عشان قالو البوست للعزابة!!
خلاص عفيناكم..
تعالو مارقين..يمرق جلدكم..يا دبايب!
بت الشيخ كيفنك؟؟
اها انا جيت استلم الوردية!!
انا و النجم....
و المساء..
|
Post: #223
Title: Re: ناس الليل سلااام....(توجد قطيعة)....
Author: Baha Elhadi
Date: 06-05-2009, 08:09 AM
Parent: #222
هواي ي انمر الليالي
وينك ؟
انتظرناولم يجدِ انتظارنا
فتوكلنا على الحي الذي جعل الليل والنهار خلفتين
بعد مواجعك بوردي دايرنا ندخل؟
لسع بنجوعر منها
والعجب طارق هبش
ب ( لاقمر يطل في سماه ولا نجمات يضون)
ولا شوفتن تبل الشوق ولا ردا يطمني
بهاء /طوكيو
|
Post: #224
Title: Re: ناس الليل سلااام....(توجد قطيعة)....
Author: هواري نمر
Date: 06-05-2009, 10:07 AM
Parent: #223
أووووووووووووووووه
اخونا في الشرق البعيد....
عليك الله ,شفته وردي ده,عذب (خاف من الله) كيفن!!
ياخي..لي هسي متاثر بيها...
و علي العليها..مشيت للاجنبي كمان..(ويتني هيوستن)...
انا امنت بالله الواحد..
انت الناس بتجيب متل الكلام ده من ياتو قواميس؟؟
Quote: والعجب طارق هبش
ب ( لاقمر يطل في سماه ولا نجمات يضون)
ولا شوفتن تبل الشوق ولا ردا يطمني |
اها وين الزول الجميل ده؟؟
اصبر عليه...بجينا مارف بي مصيبة..هسي؟؟
بس وين ست الدار؟؟؟؟
|
Post: #225
Title: Re: ناس الليل سلااام....(توجد قطيعة)....
Author: هواري نمر
Date: 06-05-2009, 10:36 AM
Parent: #224
تعال يا ليل..
خليك معايا داير اشكي ليك
سهدي و اسأي
داير اشكي ليـــــــــــك
هجر الحبيب.الســابني راح...
ياليل براي..
سابني راح و خلا الجـراح
الساكنة في جوه الحنايا..
مناي كان ياليل حبيبي يكون معـــــــــــــاي
يسهر معاي ياليل حتي الصبــــــاح يسمع غناي
واشيكلوكل املي الكبير واشواقي كل, حبي, مناي
ولكن ياليل راح الحبيب خلاني اتوجع بــــــراي
رغم الالم, رغم الجراح الفي حشاي,في حشـــــاي
دابرك باليل نسمع غناي ونغني لي في اجمل رواية
قول للحبيب الغالي دائما ذكرتو في دربي وخطايا
قولو يعود يشفي الجراح الساكنة في جوه الحنايا
وشكرا يا شرحبيل أحمد..
الا البكاء زاد
و الليل ده مشوارنا معاه طال..
|
Post: #226
Title: Re: ناس الليل سلااام....(توجد قطيعة)....
Author: الطيب شيقوق
Date: 06-05-2009, 10:58 AM
Parent: #225
بت الشيخ
طلعي الجدوة طلعي ود النمر وبهاء الدين الهادي من المحل دى
|
Post: #227
Title: Re: ناس الليل سلااام....(توجد قطيعة)....
Author: انعام حيمورة
Date: 06-05-2009, 11:28 AM
Parent: #226
| Quote: على ذمة طارق الامين...قال حنكم بقى عاضى... |
ما هنا الحرافة ذاااتا دا شغل الخيانات البتعرفي داك ...
لاقيني في التقاطع حق المؤسسة بالله !!
|
Post: #228
Title: Re: ناس الليل سلااام....(توجد قطيعة)....
Author: طارق جبريل
Date: 06-05-2009, 11:33 AM
Parent: #227
ليلكم دة من غير كودات الغناء اخير منه صحن بوش
هههههههههههه
|
Post: #229
Title: Re: ناس الليل سلااام....(توجد قطيعة)....
Author: عماد الشبلي
Date: 06-05-2009, 02:28 PM
Parent: #228
بت الشيخ ,,,
لو محتاجة لتصاوير في البوست دا ..
انا ماشي قريب هنا سوق واقف وراجع ..
|
Post: #230
Title: Re: ناس الليل سلااام....(توجد قطيعة)....
Author: SHIBKA
Date: 06-06-2009, 00:33 AM
Parent: #229
ياناس الليل
سلام
|
Post: #231
Title: Re: ناس الليل سلااام....(توجد قطيعة)....
Author: سيف الدولة كامل
Date: 06-06-2009, 03:46 AM
Parent: #230
احلي ناس ,,, الليل بدا ,, ويك اند
ليلي الانس لزاز بالحليل
|
Post: #232
Title: Re: ناس الليل سلااام....(توجد قطيعة)....
Author: ياسر بيناوي
Date: 06-09-2009, 09:06 PM
Parent: #231
ورجعنا تااااااااااااااااااااني
|
Post: #233
Title: Re: ناس الليل سلااام....(توجد قطيعة)....
Author: Abdlaziz Eisa
Date: 06-09-2009, 11:22 PM
Parent: #232
Quote:
اولا....
البوست دا ليلى ويمنع منعا باتا التداخل جهارا نهارا(لاسباب امنبة)
ثانيا...
اى زول/ة مديرو مطلع عينو يجى يتفش هنا(بشرط مديرك مايكون عضو بسودانيز
والمنابر المجاورة ويفضل من غير المتحدثين بالعربية)
ثالثا....
مناقشة قضية العشاق والمحبين والريادين والابت تظبط معاهم فى مسالة الحب وكدا...
رابعا...
ليه القطيعة دائما بتكون بالليل?
يمنع منعا باتا اصطحاب المتزوجين/ت..ودا لاسباب ياتى زكرها لاحقا |
سلامات/ أميرة وسمار البوست
اول مرة أشوف البوست ولقيتو في الصفحة التالتة..
قلت ألحق بالدرب التحت.. شورت كت..
لكن طالما وجدت هواري وشيقا الكنت أصلا متوقعهم.. عرفت السوق ملحوق..
بعد ما كان فينا يسوق..
نسيت الشنطة..
وكفاية الشماعة دي
عبدالعزيز
|
Post: #234
Title: Re: ناس الليل سلااام....(توجد قطيعة)....
Author: عاصم ابوبكر حامد
Date: 06-09-2009, 11:35 PM
Parent: #233
اميرة
وين انتى يا بنت الشيخ..
كيفك وعاملة شنو ...
البوست الليلى دا ابقى عليه عشرة ...
تحياتى الى الحبيب سمؤال بدرالدين اذا لميتى فيه..
|
Post: #235
Title: Re: ناس الليل سلااام....(توجد قطيعة)....
Author: السيد المسلمي
Date: 06-09-2009, 11:53 PM
Parent: #234
بوست رائع روعة الليل،،،،
تحيه للجميع،،
|
|