|
|
 Re: للرجال فقط !!!! (Re: عواطف ادريس اسماعيل)
|
الأخت عواطف كيف خالك وحمدالله على السلامة
أفتقدتك الأيام الفاتت وما تشوفى شر انشا الله
أنا كلمت مهند أجى أدى الجماعة ديل درس عصر
أحسن من التعب والسفر لى تركيا...........
أونفتح جامعة ودى أسهل شى ونخصص كلية نسميها
كلية الرومانسيةوالبئة الصحية
رايك شنو؟
| |
 
|
|
|
|
|
|
|
|
Re: للرجال فقط !!!! (Re: معتصم مكاوي)
|
Quote:
تعال يا الرطاني اسمع النضم اللذيذ هنا كيف ضيعتوا عمرنا كلو مع الهكر . |
سلام يا شيقا
ياخي حب حب وحب.. لكن بمنطق.. مش تقع لينا في الكوامر..
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
عبد العزيز المسنوح
انا زمان قلت ليكم الشدر .... فيهو الصمغ ولّ يا طوفي ؟
زيدي ايقاعك عشان نرحل بجاي
| Quote: عمركم ما ضاع لسة في العمر بقية ... |
ما عادت ثمة بقية لبدايات جديدة
لقيتيني كيف ؟ سريع قبل الرطاني يسمع
| |
|
|
|
|
|
|
|
|
 Re: للرجال فقط !!!! (Re: آدم صيام)
|
العزيز صيام ..
محبتي بتوقيت (الغار)
والله أنا ذاتي مستغربة من وجودي وسط الجماعة ديل لكن معليش كله عند العرب صابون ..
ميرسي عالطلة ..
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
بنتنا عواطف أزيك
موضوع إشتباك...
لا يحتاج لقرارات من مجلس الأمن
أكيد...
هذه الظلال التي تحجب رفيقتك العزيزة هي من جبل الظن..
هو ذلك الجبل الذي تمخض وولد هذا الرجل..
هذا الرجل الذي في ساعة ميلاده
أصبحت كل الدنيا وحدة عناية مركزة..
فصبت في أوردته كل المضادات الحيوية..
منها تلك التي سرقت من عروقه دلالها
ومنها تلك التي جرحت منابع الصفاء..
ومنها ما أدى إلى تشخيص حالته بأنه خديج
جاء ناقصاً فتربع فوق حاضنة الإنتكاسة..
تنتكس في أرجائه الأشياء كأنها بكتيريا المكورة العنقودية..
فتذهب الشعور والأحاسيس في مراحل الإنتان والتحلل..
وما تنفع كل الأجهزة التي نصبت
غير أن تسكب فيه كل ما لا يفيد
فيظل في وجود يحكمه هذا الجسد الذي ينمو تحت المتابعة
ويكبر رجلاً
أما الباقي..
تجدوه مكتوب في التقارير
وربما محاضر الشرطة
ولا عزاء لرجال القضاء
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
أختنا الكريمة...عواطف إدريس إسماعيل..
بوستاتك لا يكفينى الدخول فيها مرة واحدة..وهذا مؤشر جيد لأختيارك للمواضيع الجيدة والهادفة وإثرائك للحوار بصورة لطيف وجميلة..
Quote: احترامي الشديد لشخصك ورأيك لكن دعني أختلف معك قليلا ..
إذا قعدنا نقول فاقد الشيء لا يعطيه ما حنغير في الحاصل حاجة لا بد أن نبدأ بأنفسنا حتى يقتنع أولادنا
بالفكرة .. عموما أنا بتشكرك على المكالمةالجميلة التي تدل على كرم أخلاقك ..وأتمنى أن تمارس الرومانسية
مع المدام قولا وفعلا وصدقني حتكون أسعد إنسان في الدنيا .. مودتي .. |
نختلف قليلآ أو كثيرآ هذه ظاهرة حميدة...وألأختلاف يولد ألأراء الجديدة وجميلة..
ولا شكر على واجب لمكالمتى لك التى تأخرت كثيرآ...
الرومانسية مع المدام مغرقاها لحدى ما بدت تشك..اما ألأولاد وصلوا مرحلة الدلع منها....وممكن يكون ده من بقايا ما اعطيت منه.
الحكمة فى مبدآ التربية.. والشخصية لو ما تربت على العطف والحنان لايمكن ان تعطى غيرها لآنها تفتقد أصلآ هذا الشىء وهذا مبدآ فكرتى.
نعم هناك اشياءحضارية فى التعامل نكتسبها ولكن تكون قشرة سرعان ما تزول...يعنى نرجع نقول ألأساس يكمن فى التربية.
مودتى..إسماعيل محمد احمد عباس...
| |
|
|
|
|
|
|
|
|
 Re: للرجال فقط !!!! (Re: ismeil abbas)
|
جدو يا حنين ..ياااااااااااحنين ...
تسلم من كل بلاء .. وبتشكرك كتير قوي على كلامك الحلو الذي يدل على رومانسيتك ورقتك البادية على قسمات
جهك أهو دة الكلام ولا بلاش (حقيقة وليس غزل ) .. يا ربي ما تحرم بيت من الحنية والدلع .. فعلا التربية بتلعب
دور كبير فيما يؤول عليه الشخص في المستقبل .. فمن تربى على جفاف وتصحر سوف يكون ناشفا زي الحطبة والعكس
هو صحيح ..
شكرا سمعة كلك ذوق ..
| |
|
|
|
|
|
|
|
|
 Re: للرجال فقط !!!! (Re: معتصم مكاوي)
|
عصومي !!
سلام ...
أولا بالتبادي البنية ما سودانية تانيا هي مصرة على واحد رومانسي حتى لو تقعد وتمشط البيضا بالزرقا
وبيني وبينك معاها حق ليس بالخبز وحده يحيا الإنسان ..
وبعدين يابعد عمري أنا ما بشوف القرار دى جائر تئبر ألبي فكل إنسان في الدنيا دي بيكون عنده مواصفات
معينة عايزة في شريك حياته والمسألة في النهاية وجهات نظر..
شكرا يابعد عمري على طلتك الرائعة ...
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
طوفي
المرة دى قلت اجر نفسي واذاكر موضوعك كويس عشان اعمل كنتربيوشن مفيد للبشرية . وبما انو كل اناء بما فيه ينضح هاك الناضح مني ده شيليهو كبيهو ليها كلو في راسها.
..Quote: طيب دحين يا رجال
العالم لازم تتحدوا وتمنعوا بتنا الحلوة دي من تنفيذ خطتها وذلك بقليل من المجاراة وكثير من
الحب فإذا اكتشف الداء عرف الدواء ولا شنو رايكم ؟ خصوصا وإنه الرمانسية ما عايزة فلوس حاجة |
طيب يا طوفي هاك الكلام ده صريهو وناوليهو ليها براااااااحة اوع يتسرب منك وفسري ليها اكان لولحت راسها
حرقوصك نتل جاب من هواكي دعاش
خيّم فوقك الليلي ومكاييل هاش
اتهتك سماك اسقى الـ كانوا عطاش
عربك تالتة واقفين ، لا برش لا فراش
ركزنلك بروقك عكّلن قيزانك
انهلن بشايرك واستعد عربانك
اتدلقن سحابك نعّ فوق وديانك
بي فرحة وطرب دقو الرباب عربانك
لقيتيني كيف؟
| |
|
|
|
|
|
|
|
|
|
Re: للرجال فقط !!!! (Re: الطيب شيقوق)
|
عواطف...
ليش طوبة او ماطوبة.. انت بمية راجل, بس الدنيا معصوبة..
Quote:
عبد العزيز المسنوح
انا زمان قلت ليكم الشدر .... فيهو الصمغ ولّ يا طوفي ؟
|
شيقا
فيهو الصمغ اذا كان حياٍ..
شدرتك الفتح ليها بوست الا كان تعمل حطب دخان..
Quote: حرقوصك نتل جاب من هواكي دعاش
خيّم فوقك الليلي ومكاييل هاش
اتهتك سماك اسقى الـ كانوا عطاش
عربك تالتة واقفين ، لا برش لا فراش
ركزنلك بروقك عكّلن قيزانك
انهلن بشايرك واستعد عربانك
اتدلقن سحابك نعّ فوق وديانك
بي فرحة وطرب دقو الرباب عربانك |
أها يا شيقا
بديت ترطن..!!
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
طلق .. وعليا بالحرام (حليفة كمسنجية السوق العربي) ..
كنت قايله سودانية .. عارفه ليه ..
الزمن اليغباني الماري علينا ده السموهو عولمه ..
العرست ليها هندي عرست والعرست ليها صيني عرست ..
والبنات في الخرتوم لسع قاجات مع راجل المره حلو حلا
قال أيه بحبن الكبير لأنه مليان حكمة وقرووووش ..
كدي قولي لزولتك دي في واحد في الدوحة حيغديها رومانسية
ويعشيها بطاطا ؟؟!! بس يا خوفي يفطرها بي علقه ..
| |
|
|
|
|
|
|
|
|
 Re: للرجال فقط !!!! (Re: معتصم مكاوي)
|
معتصم ...
سلام ..
دي حليفة كمسنجية ولا ناس سعد قشرة ..
يا بعد عمري دة مش زمن العولمة دة زمن العجب كمان ...
زولتي قالت ما عندها مانع شن قولك ؟
| |
|
|
|
|
|
|
|
|
|
Re: للرجال فقط !!!! (Re: سيف الدين مصطفى كرار)
|
| Quote: ومالو يا السجم الدخان بيطرد الباعوض و يقوم مقام الساونا الما خمج |
يا شيقا
خلاص انا راجيك هناك مع الرطاني..
شغلتك هذه سوت ليها دريبات..
بدل العجوزة الغابرة.. صارت هنالك جويبات تانية..
عاد تودي وشك وين مننا..
تحياتي
| |
|
|
|
|
|
|
|
|
|
Re: للرجال فقط !!!! (Re: Abdlaziz Eisa)
|
عواطف
غبت يومين وجيت عشان كدة حابدا من محل ما كنت واقف لحدي ما اقرا المداخلات الفاتتني .. من المسلسلات التركية .. مافي داعي تقطعي تذكرة وتسافري لانك حترجعي زي ما كنتي .. ما لم تقيمي في تركيا .. فالسر في تركيا هو طبيعتها الساحرة وجوها الخلاب ووجوهها الحسنة .. وهذه والله هي التي تذهب الحزن وتمطر بالرومانسية ..
يعني واحد مهما يكون مرتاح ماديا لكن معنوياتو بتكون في الحضيض بسبب السخانة والوجوه العابسة والمناظر العكرة .. حيجيب الرومانسية من وين?
(وش رومانسي عابس)
| |
|
|
|
|
|
|
|
|
|
Re: للرجال فقط !!!! (Re: elfadl abdellatif)
|
الفضل ..
ودي ..
بصراحة الأجواء بتلعب دور كبير في قضايا الرومانسية ولكن علينا أن نخترعها إ، لم تكن الأجواء مساعدة
على ذلك ..خلينا دايما نقول الدنيا ربيع والجو بديع ..
سلملي على كل المواضيع لو سمحت ..
شكرا على طلتك التي تسعدني ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
الرومانسية
السودانية , اصيلة , قديمة وحكيمـة
كل مفرداتها خاص ومضمر ومفهوم من طرفي العلاقـة دونما حاجة لإفصاح
يا عواطف نحنا رومانسيين بس بطريقتنا
قولي كدا لصاحبتك,
أحمد الشايقي
| |
|
|
|
|
|
|
|
|
|
Re: للرجال فقط !!!! (Re: أحمد الشايقي)
|
الشايقي ...
اشلونك ..
صحيح بعضنا رومانسي وليس كلنا ولكن طريقتنا دي لازم نغيرها عشان تواكب العصر يعني الرومانسية بتاعة
جدك الله يكرمه لابد أن تختلف عن رومانسية والدك الله يعزو.. عموما صاحبتي دي عايزة الرومانسية الحديثة
وليس التقليدية ..
شكرا على طلتك التي تحمل بين طياتها رائحة نخيل بلادي ..
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
Quote:
بصراحة الأجواء بتلعب دور كبير في قضايا الرومانسية ولكن علينا أن نخترعها إ، لم تكن الأجواء مساعدة
على ذلك ..خلينا دايما نقول الدنيا ربيع والجو بديع ..
|
عواطف
هو دة الكلام المفيد وبيت القصيد .. هناك نوع من الناس روضته وبستانه في صدره .. تمر به الاهوال والاهواء والاعاصير فلا تعكر اجواءه .. ترميه بحجر فيتساقط عليك رطبا جنيا .. ما اجمل هذا الانسان .. عليك الله صاحبتك دي لو لقت زول بالمواصفات دي عرفينا بيهو .. على الاقل نصاحبو
متابع المداخلات لكن ما قادر اعلق
| |
|
|
|
|
|
|
|
|
|
Re: للرجال فقط !!!! (Re: elfadl abdellatif)
|
الفضل ...
يزيد فضلك يا بعد عمري ويجعلك من أصحاب اليمين إن شاء الله ..
شكرا على طلتك الحلوة وسوف نعرفك بكثير من الأصدقاء الذين يتنفسون رومانسية ..
بس خليك جاهز ..
| |
|
|
|
|
|
|
|
|
|
Re: للرجال فقط !!!! (Re: الطيب شيقوق)
|
الاستاذة عواطف
تحياتي وعودة بعد التهكير الذي تعرضت له بدواعي الكهرباء
على كل حال انا قريت في مداخلة احد الاعضاء انو المسألة وراثية .... ومن يقول انها مكتسبة
المهم قبل فترة كان في مسلسل (مصري مش تركي) شغال وكان فيه مشهد رجل يغازل زوحته امام ابنتهما المراهقة ... واحدة من النسوان الحاضرات قالت : المصريين ديل اصلهم ما بخجلو من اولادهم ?
طيب كيف سنورثها او نكتسبها اذا كان دة راي النساء .. اما الرجال فيرونها حقارة عديييل .. وقلة هيبة وعدم وقار
ملحوظة صاحبتك دي اما يكونو ابوها وامها من النوع (الما بخجلو) دة او تكون اكتسبت الرومانسية دي من المسلسلات الزي دي
وفي الحالتين برضو مكسب
| |
|
|
|
|
|
|
|
|
|
Re: للرجال فقط !!!! (Re: elfadl abdellatif)
|
سلام يا عواطف
الحال والاحوال ..
كتير بنسمع الرجل وهو بيتكلم مع زوجتو ويقول :
ياخى اقول ليكى حاجة
هنا استعاض بدل كلمة يا بعد عمرى او يا روحى او يا حبيبتى
بكلمة ياخى حتى شال منها صفة المؤنث ...
رومانسية شنو ياخى .
| |
|
|
|
|
|
|
|
|
|
Re: للرجال فقط !!!! (Re: عواطف ادريس اسماعيل)
|
سلام ياعواطف
غايتو واحد من اتنين
1. صحبتك دي كايسة ليها عريس بأحر من الجمر وانتي قلتي ليها أنا بفهم نفسية الرجل السوداني وأبشري بجيب ليك عريس بس أستفزهم ليك وأقول ليهم انتو ما رومانسيين والبت حتعرس من بلد تانية عشان بقدروا المراة .... ده حنك عاضّي... بس نقول ربنا يسهل ليها ويديها عريس شايقي لأنو الشوايقة رومانسيين
(!!OF COURSE I AM KIDDING)
2. نسيت التانية !! لكن أظني برجع ليك أصلنانحن رطانة بنرجع تاني!! وبالمناسبة رومانسيييين!!!
أمير
| |
|
|
|
|
|
|
| |
Abdlaziz Eisa
الطيب شيقوق
عواطف ادريس اسماعيل
آدم صيام
المسافر
ismeil abbas
هويدا شرف الدين
معتصم مكاوي
elfadl abdellatif
طارق جبريل
أحمد الشايقي
عبد الدائم سيد أحمد
فيس بوك
تويتر
انستقرام
يوتيوب
بنتيريست