|
|
 Re: المجرمـــــــــــان....الثلاثة (Re: omdurmani)
|
[blu]
تماضر
اهلاً .. وكل رمضان وانتي طيبه
طيّب
حكاية نشيط ود تعبان واختو لفيفه ذات رمضان ابتدأ .
مشهد خارجي
السوق (العربي)
الساعة تمام الفقد .
قبالة الشارع الذي يؤدي للجنون ( الحبيبه).
نشيط بيعد في الساعات التي ستفصله عنها.. واحد..تلاته .. وثمّة سؤال عن رمضان (يا ربي حيكون بكره؟).. زحمه .. لا مواصلات ولا يحرنون ساكت علي حلم بأنو البلد ممكن تكون سمحه قريب .. شكله .. غبار .. ناس ماشين جايين سارحين بي غنم الروح كان تلقي المرعي تلوح امات الشوق زغرادهن ضجّ حنين .. و....ظهرت ..ايوه ..هنااااك .. نشيط يتابعها بنظراته .. يكاد ينط .. يطير ..يصل .. و...وصلت..كلمات عاديه..اهلاً ..و..اها مسافره مسافره....قالت : ضروري ..امّي براها ..عندي خمسه اخوان .. رمضااااااااان يا نشيط .. والشغل حيكون كتير عليها.. بس العيد ينتهي وتلقاني بي جاي..تمتم نشيط وهمهم بي كلام شكلو طاعم كده .. سألتوا مالك؟..قال: لا بس سرحت في كتاب(.........) عن حقوق البنات والامهّات...سرحت في ثورة عاملات المطابخ ..سرحت في البلد .. تعرفي الاستاذ........اتكلم مرّه عن حقوق المرأه في الدين...و....سمعت القصيده البتحكي........كان نشيط بيتكلم كما لو انه واقع للتو من فوهة بركان انسان تمام وواعي وبيحلم بترتيب الوان زهرة الحياة ..نشيط ينفعل و يحكي ليها عن محاولاتو لتطبيق كل ما هو مقتنع به من افكار ..وعن اختو لفيفه والحريات القاعده تتمتع بيها .. عن دخولو المطبخ ..عن...والبت سارحه ... وبتعاين ليهو زي نبي.....قرّبت تلغي فكرة السفر........قالت اهو برضو ممكن تكون خطوه في درب الثوره المطابيخيه وحقوق البنات الرمدانات السجمانات الراضيين بالحاصل وما دايرين يختو ايدهم في ايد الرجّاله زي نشيط ويرصفوا معاهم ما تهدّم من حنين.... وقرّبت ما تسافر....و....تزكرت امها ...قالت لي روحا(الشباب ديل ممكن يطنشو والحجه تتعب ..انا عارفاهم جرسه كيف)..كان نشيط في خطبته المائه وقد تجاوز كتب عصر النهضه وعلي وشك الدخول في بدايات صر التنوير ومقارنة وضع المرأة فيه ورمضان في الزمن داك بعصر ما بعد احداثه حيث تلوّن (الآبري) وصار له اكثر من بريق ..انتبه نشيط لسرحان البت الحبيبه...قال ليها مالك؟ انت لسه مع حكاية قريبكم المغترب الجاي يخطف من عيون ريدتنا الفرح..انسي دا هسي ..انا قلت ليك حاتصرف....قالت ليهو : لا ابداً ..فكرت ما اسافر واتني غيّرت رأيي..انت عارف الحجه وكدا...اها يا نشيط انا حامشي .. التلفونات .. ابقي عشره .. انا معاك معاك ..............وهكذا امضيا زهاء السبعة اشواق وبعض الكضب وكتيير من الاحلام ...وانتبها للوقت يحندكهما بسرعة هزيان سويعاته فانصرفا .
مشهد خارجي تاني
السوق(ام درمان)
زحمة ناس حلوين لو تدروا.
الساعه بداية ليل وونسة...ومشاورات جول خم رماد الحزن
كان نشيط حزيناً لا كما الحزن حين الحبيبه ولكن كما العطش في نهار رمضاني .. كان رحيماً بالكلام كعادته .. يعرف من اين تؤكل المفرده .. سلّم وقعد وسط الشباب...شاغلوه وتعّبوه وحنّسوه وحرّضوه عشان يقول قصيده.... دمّع .. سكتوا .. دمّع تاني وقرأ من الحب النشيد..و غنّوا عن البنات .. وضحكوا فيما يخص خيبة الاولاد .. وجاء شايل خبر رمضان في جيبو ...بكره الصيام .. التفت نشيط لذلك المكان من زاكرته .. والكلام حول الطبيخ .. الشغل في البيت .. ال...ال..وثورة اختوا لفيفه ذات نومه في رمضان الفات .. تزكر كسله ومحاولات امه الجاده لتنبيهه لملاية السرير التي يتركها كما هي في تمام الأذان ومدفع الافطار ليخرج بعدها لشوارع المدينه يحكي لها عن السلوك الثوري و مجابدة الذات لتقوم بواجب الوقت والمعرفه .. تزكر الحبيبه وكلامو الشايلو الهوا .. تزكر جوطات الاب في ساعة الصلاة قائمه .. تزكر ان الزمن ما فات وبرضو ممكن يعمل حاجه.. تزكر ما يكتبه من شعر .. و سقطت دمعه جوّانيه .. و سكت نشيط عن السرحان المباح ومضي الي البيت يتوكأ علي حلم نجيض بالبت الحبيبه ويتهيأ لشكله حميمه مع البت لفيفه ..
و.......
بكره اذا حبّتوا اوصل الحكي عن المشاهد الداخليه .. نشيط وحوامتو بأفكارو في البيت .. ام نشيط الفترانه وحكاية ملاح نشيط الضارب ..ابو نشيط وصلاة الصبح .. لفيفه اخت نشيط وشكله ذات مكنسه..ترتيب للبيت .. واعلان حالة الطوارئ الرمضانيه.
|
|
 
|
|
|
|
|
| العنوان |
الكاتب |
Date |
| المجرمـــــــــــان....الثلاثة | Tumadir | 10-26-03, 04:01 PM |
| Re: المجرمـــــــــــان....الثلاثة | Tumadir | 10-26-03, 04:08 PM |
| Re: المجرمـــــــــــان....الثلاثة | nazar hussien | 10-26-03, 04:20 PM |
| Re: المجرمـــــــــــان....الثلاثة | almulaomar | 10-26-03, 04:18 PM |
| Re: المجرمـــــــــــان....الثلاثة | THE RAIN | 10-26-03, 04:25 PM |
| Re: المجرمـــــــــــان....الثلاثة | اساسي | 10-26-03, 05:38 PM |
| Re: المجرمـــــــــــان....الثلاثة | Maged | 10-26-03, 05:46 PM |
| Re: المجرمـــــــــــان....الثلاثة | أم سهى | 10-26-03, 06:14 PM |
| Re: المجرمـــــــــــان....الثلاثة | omdurmani | 10-26-03, 07:52 PM |
| Re: المجرمـــــــــــان....الثلاثة | عاصم الحزين | 10-26-03, 09:29 PM |
| Re: المجرمـــــــــــان....الثلاثة | عاصم الحزين | 10-26-03, 09:31 PM |
| Re: المجرمـــــــــــان....الثلاثة | عاصم الحزين | 10-26-03, 09:40 PM |
| Re: المجرمـــــــــــان....الثلاثة | dreams | 10-26-03, 10:34 PM |
 Re: المجرمـــــــــــان....الثلاثة | aba | 10-26-03, 11:33 PM |
| Re: المجرمـــــــــــان....الثلاثة | Tumadir | 10-27-03, 03:39 AM |
| Re: المجرمـــــــــــان....الثلاثة | osama elkhawad | 10-27-03, 03:51 AM |
| Re: المجرمـــــــــــان....الثلاثة | Tumadir | 10-27-03, 12:42 PM |
| Re: المجرمـــــــــــان....الثلاثة | قرشـــو | 10-27-03, 12:47 PM |
| Re: المجرمـــــــــــان....الثلاثة | bayan | 10-27-03, 01:05 PM |
| Re: المجرمـــــــــــان....الثلاثة | Alrayah Senhuri | 10-27-03, 01:40 PM |
| Re: المجرمـــــــــــان....الثلاثة | Ahlalawad | 10-27-03, 01:26 PM |
| Re: المجرمـــــــــــان....الثلاثة | ابو جهينة | 10-27-03, 01:35 PM |
| Re: المجرمـــــــــــان....الثلاثة | اسامة الخاتم | 10-27-03, 08:45 PM |
| Re: المجرمـــــــــــان....الثلاثة | Tumadir | 10-27-03, 11:34 PM |
| Re: المجرمـــــــــــان....الثلاثة | Tumadir | 10-28-03, 01:22 AM |
| Re: المجرمـــــــــــان....الثلاثة | عاصم الحزين | 10-28-03, 03:16 AM |
| Re: المجرمـــــــــــان....الثلاثة | Tumadir | 10-28-03, 08:36 AM |
| Re: المجرمـــــــــــان....الثلاثة | Tumadir | 10-28-03, 01:56 PM |
| Re: المجرمـــــــــــان....الثلاثة | الجندرية | 10-28-03, 01:59 PM |
| Re: المجرمـــــــــــان....الثلاثة | Tumadir | 10-28-03, 03:22 PM |
| Re: المجرمـــــــــــان....الثلاثة | بلدى يا حبوب | 10-28-03, 04:40 PM |
 Re: المجرمـــــــــــان....الثلاثة | ShiningStar | 10-28-03, 05:24 PM |
| Re: المجرمـــــــــــان....الثلاثة | Tumadir | 10-29-03, 06:02 AM |
| Re: المجرمـــــــــــان....الثلاثة | إيمان أحمد | 10-29-03, 06:49 AM |
| Re: المجرمـــــــــــان....الثلاثة | ShiningStar | 10-29-03, 04:47 PM |
| Re: المجرمـــــــــــان....الثلاثة | Tumadir | 10-29-03, 11:46 PM |
| Re: المجرمـــــــــــان....الثلاثة | Tumadir | 10-30-03, 01:31 PM |
| Re: المجرمـــــــــــان....الثلاثة | Ahlalawad | 10-30-03, 01:42 PM |
| Re: المجرمـــــــــــان....الثلاثة | Ahlalawad | 10-30-03, 02:01 PM |
| نصوص باترياركية – الى تماضر | nada ali | 10-30-03, 02:08 PM |
| Re: نصوص باترياركية – الى تماضر | Tumadir | 10-30-03, 03:47 PM |
| Re: المجرمـــــــــــان....الثلاثة | Nada Amin | 10-30-03, 04:41 PM |
| Re: المجرمـــــــــــان....الثلاثة | Bakry Eljack | 10-30-03, 05:47 PM |
| Re: المجرمـــــــــــان....الثلاثة | Tumadir | 10-31-03, 12:00 PM |
| Re: المجرمـــــــــــان....الثلاثة | Ahlalawad | 11-01-03, 08:45 AM |
| Re: المجرمـــــــــــان....الثلاثة | Tumadir | 11-01-03, 12:08 PM |
| Re: المجرمـــــــــــان....الثلاثة | Tumadir | 11-01-03, 02:35 PM |
| Re: المجرمـــــــــــان....الثلاثة | إيمان أحمد | 11-01-03, 07:51 PM |
| Re: المجرمـــــــــــان....الثلاثة | Tumadir | 11-01-03, 08:05 PM |
|
| |
عاصم الحزين
فيس بوك
تويتر
انستقرام
يوتيوب
بنتيريست