|
بين ليلى وسعاد
|
يقولون ليلى بالعراق مريضة كان كدي النقوم أبلس توبي أمشي أشوفا يا مريم ما شين نشوف ليلى قالو عيانه كلمي فتحية الرسول معاك وشوفو فاطنه لكين بدرية ما أظن عندها مداخلة معاهم ، إنتي يا بت أمي الجاب ليك الخبر منو يا دي ، والله أبو وليداتي قاعد براهو في الصالون مركب نضاراتو وسافي وبعد ما شرب كباية الشاي وبدون ما أسألو قال الكلام ده ، شنو هو بعرف ليلي من وين ، هوي يا راجل هوي إنت ليلى دى منو بتعرف ليلى دى من وين وريني ساكت مالك ما تتكلم. يا بت أمي ما تمرقي الناس منتظرنك ماشه ولا ما ماشه ، كدي لامن أمشي مع الناس وأجي راجعه والله الليلة يا أنا يا إنت في البيت ده لو ما قلت لى ليلى دي منو. بانت سعاد فقلبي اليوم متبول شنو والله يا هو إنت يا راجل ما بتخجل ما بتستحى على روحك قايل نفسك ولد صغير صلعتك وصلت نص راسك ونضاراتك زي قعر الكباية وبعد ليلي كمان سعاد هو يا راجل هوي انا المشي بطلتو أمشن يا نسوان أنا ما ماشه ليلى تطير في السما ما جاتني في بكا حبوبتي التايه. يا دار عبلة بالجواء تكلمي يا راجل هوي طلقني كمان بعد سعاد وليلى عبله طلقني إنت قايلني أنا مقطوعه من شجره أنا هسع والله بمشي لي أهلي طلقني ، ياو ليه لا حول ولا قوة إلا بالله يا ولية عنتر بن شدبد العبسي هو القال الكلام ده ما أنا لا بعرف عنتر بن شداد لا شيطان طلقني
|
|
|
|
|
|
|
العنوان |
الكاتب |
Date |
بين ليلى وسعاد | almulaomar | 04-13-03, 11:53 AM |
Re: بين ليلى وسعاد | shiry | 04-13-03, 12:41 PM |
Re: بين ليلى وسعاد | almulaomar | 04-13-03, 12:55 PM |
Re: بين ليلى وسعاد | Abdalla Gaafar | 04-13-03, 01:48 PM |
Re: بين ليلى وسعاد | almulaomar | 04-13-03, 02:11 PM |
Re: بين ليلى وسعاد | shiry | 04-13-03, 03:06 PM |
Re: بين ليلى وسعاد | almulaomar | 04-13-03, 03:32 PM |
Re: بين ليلى وسعاد | AlRa7mabi | 04-14-03, 08:03 AM |
Re: بين ليلى وسعاد | almulaomar | 04-14-03, 09:26 AM |
Re: بين ليلى وسعاد | AlRa7mabi | 04-14-03, 02:26 PM |
Re: بين ليلى وسعاد | almulaomar | 04-14-03, 03:38 PM |
|
|
|