|
Re: عمر الطيب الدوش (Re: DEEK_ALJIN)
|
مقطعين لى وردة رحلت بالرحيق... الى الغائب الحاضر الدوش.. مقطع اولأ: قدر مانمشى نتخطى الزمن بنقيف. وبتحدى الألم شكل التواصل تترهن جوانا اكتر من قصيدة قدر مانمشى نتخطى الحدود الفاصلة بتسمر غنانا ويجف نيل الكلام الفاض قبُُل تارى جاى محل قريب تارى كل ما يوم يفوت قدرك بيتلبس خطاك ويحتويك نبضك يجازف فى الحروف مع كل خفقه نشيد جديد وتموت براك... ياحى قصايدك مابتموت ياحى بترسم بى غناك الوان قزح فى كل بيت والنيل حبيبك ومبتغاك الأرض قايماك سنبله وتموت براك ياحى اكيد ضماك من يعرف وفاك ختاك بين زخم القصايد بين مناك ينشد وتر يفرق وتر لحنك وصل دوزن كلام الأرض وإنتم الغنا ينشد وتر يفرق وتر ينشد وتر يفرق وتر... مقطع ثان: كلامنا الكنا داخرنو كلامنا اللسه مااتغنى حروفنا التاهت المعنى نقالد حر فقدنا الفيك ومطامنين برغم الحسره إننا فيك وفى جمل الكلام فارهين صحيح الدنيا ما بالايد وما بالايد نباعد بينا بين وترا صبح مشدود صحيح الناس بتتفرق تغيب وتغيب وتتمنى الزمن يجمع وبس انت غيابك فينا سرمدى كان وكان سفرك بلا تحديد صحى العمر المعاك كمل ومافيك تانى لينا نشيد اكيد حتعود واكيد الناس حتسمع من غناك جديد وأظن الموت هو ما آخر المطاف لى زول نحت كلماتو جوه الناس قعد ينزف عصارة فنو شان يبقى الكلام معروف..
احمد ابن عوف.
|
|
|
|
|
|
|
العنوان |
الكاتب |
Date |
عمر الطيب الدوش | ELTOM | 02-27-03, 05:43 PM |
Re: عمر الطيب الدوش | dreams | 02-27-03, 10:52 PM |
Re: عمر الطيب الدوش | mustafa mudathir | 02-28-03, 04:00 AM |
Re: عمر الطيب الدوش | Kabar | 02-28-03, 04:20 AM |
Re: عمر الطيب الدوش | Elkhawad | 02-28-03, 05:04 AM |
Re: عمر الطيب الدوش | intehazy | 02-28-03, 05:15 AM |
Re: عمر الطيب الدوش | DEEK_ALJIN | 09-09-03, 09:42 PM |
Re: عمر الطيب الدوش | Hashim.Elhassan | 09-09-03, 11:04 PM |
Re: عمر الطيب الدوش | bayan | 09-10-03, 01:45 PM |
Re: عمر الطيب الدوش | sari_alail | 09-10-03, 02:15 PM |
Re: عمر الطيب الدوش | Giwey | 09-10-03, 03:37 PM |
|
|
|