|
|
 من يحتفل معي بعيد ميلاد ابنائي؟؟؟؟؟
|
فلزات كبدي ونور عيني حازم وسند الاثنين مواليد يوم 27/8
اليوم اكمل حازم العاشره وسند السبعه وعلى فكرة الاثنين نفس لحظة الميلاد ايضا!!!!
ويا ربي احفظهم واهديهم واجعلهم من عبادك الصالحين والحامدين والمفيدين لعبادك.
ولاخواني/تي بالمنبر و القراء/اتيا ربي احفظ من رزقتهم وارزق من لم ترزقهم بعد
ولا تحرم ربي بيت من الاطفال.
تراجي.
|
|
 
|
|
|
|
|
|
|
 Re: من يحتفل معي بعيد ميلاد ابنائي؟؟؟؟؟ (Re: Tragie Mustafa)
|
| Quote: ويا ربي احفظهم واهديهم واجعلهم من عبادك الصالحين والحامدين والمفيدين لعبادك. |
..
تراجــــــي..
ربنا يحفظهم .. ويخليهم ليك ويكونوا ليك سنــد .
ما تستغربي ( وتنططي ) عيونك .. بالرغم من كل البيناتنا من ( توم وجيري ) إلا أن سند وحازم زي ما قلت ليك قبل كده .. احبهم من كل قلبي وهم في مكان ( مئاب ، وعزام ، وعمر ، وعلي )
ربنا يحفظ كل الصغار..
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: عثمان حسن الزبير)
|
الاخ العزيز عثمان حسن الزبير
شكرا لمرورك الجميل:
Quote: كل سنة وجميعكم بألف خير
عقبال ما نبارك ليك عيد ميلاد أولادهم يارب وإنتي لسة شباب .. |
بتعزف على الاوتار الحساسه.....طبعا لسه شبابا دي عجبتني بالحيل
ربنا يكمل مشاريع الاسريه على خير
وتشوف وليداتك ووليدات وليداتك ان شاء الله.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: محمد الامين محمد)
|
محمد الامين محمد
وكل عام وانت بخير
وحازم وسند قالوا لك ان شاء الله عرفت ليهم تراجي من وين من درافور
لانها لا حفظتهم يوم لا علمتهم قبيله غير الانسانيه.
غمرتني باخوتك يا غالي
وزي ما قالوا تمبس ونوبي نحن حركات (توم اند جيري )دي كان خليناها الدنيا بخير ان شاء الله.
معزتي وتقديري لك.
وعقبال تشوف تيرابك.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: هشام هباني)
|
العزيز هباني
تشكر يا ملك على كل الاماني الحلوه لاولاد اختك .
Quote:
الاخت المناضلة تراجي ام سند وحازم
كل العام وانت وحازم وسند بالف خير
وبالتاكيد اشبال تراجي اضافة وطنية
حازمة وسند للوطن الذي انجب تراجي
الاخت والمناضلة الهميمة..
كوني بخير
والعيال بخير والوطن ايضا بمليون خير.
هباني
|
وكل عام وانت واسرتك بكل خير.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: فيصل نوبي)
|
تشكر يا نوبي
وعقبال تشوف انت اولاد اولادك برضو
وتوم وجيري دي عارفاه بس البيخزي الشيطان منو؟؟؟؟
Quote:
عقبال مليون سنة يا رب
و تشوفي اولاد اولادهم
|
ام اولاد اولادهم دي ما اظن
يازول نحن معدل عمر الانسان في السودان يتراوح بين 35- 65
وكان قلنا السوداني الكندي معدل
حيكون بالكثير 75 اطرح منها مغايس الاون لاين تلقى متوسط العمر 55
باقي لك في اي طريقه للاولاد اولادهم؟؟؟؟؟
تقديري.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: عمر الفاروق)
|
العزيز عمر الفاروق
وده يوم تاريخي فالى جانب انه اداني الله فيه حازم وسند
كمان جاب لي الفاروق في (زيارة سلميه ووقف لاطلاق النار )
Quote: عيد ميلادهم جانا مفروش بي الاماني..
والفرح طوول مقيل طرز الليل بي التهاني ..
والشموع ذابت قصيدة باقة في اجمل معاني..
الله عاد يحفظ عيونهم يطفوا مليون شمعة تاني..
الاهداء من عمر الفاروق لي حازم وسند وماما عشة والجد شعبان .. |
حليلهم يا عمر
وياريت لو ناس حازم وسند عرفوا ماما عشه والجد شعبان وماما آمال دي انت اظنك ما حضرتها؟؟؟؟
يا اخوي ديل (بلا الننجا) والضرب و الشكل ما بورهم شيئ في التلفزيونات كان الله في عونهم.
عقبال ما ابارك لك سمح اولادك.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Tragie Mustafa)
|
حازم و سند
تؤام بمزاجهما ، تأخر سند ثلاث سنوات
حتى يعطي حازم فرصة إنفراد بالأم
ليرضع مع حليبها إلى جانب الغذاء
الحب والحنان والجمال
والنضال
ثم يأتي سند ليفوز بخبرات الأم وتؤمه المستعجل
جعلكما الله سندآ لوالدتكما الحازمة ، الصارمة في الحق
وجعلكما ذخرآ للوطن
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: أبو ساندرا)
|
ابو ساندرا اخوي....
تشكر على الكلمات الحلوه.
اتمنى ان يحننهم الله على بعضهم ويديم عليهم محبتهم وترابطهم.
حازم بعد ان اتولد يضاهي الفرسان في اخلاقه وطيبته ونبوغه
شاء الله ان يصاب في الحادث.
سند مسكين كبر قبل يومه يساعد اخاه كثيرا
يتمرد يغار منه احيانا,وبعقله الصغير كان يفشل في ان يفهم ظروف حازم
ولماذا اهتم به اكثر,لكنه يعود ويقفز لخدمته قبلي....
تاريخ ميادهم فعلا غريب
ويندهش الكثيرون عندما يعلمون انهم في يوم واحد....
حازم يشبه اباه كثيرا وسند يشبهني كثيرا.
Quote:
جعلكما الله سندآ لوالدتكما الحازمة ، الصارمة في الحق
وجعلكما ذخرآ للوطن |
آمين يا رب.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Tragie Mustafa)
|
حازم وسند
الدنيا تحتفل بيكم ياوش الســــعد
حتزم وســند
الفرح غمر الكون يوم اتفق الزمن على موعد واحد وساعة واحدة لميلادهم
حازم وســند
واليوم لانملك سوى الدعوات والأماني الطيبة والمحبة النقية لي الحلوين
حازم زســند
النجاح في كل خطوة ليهم وكل البعرفهم اعرف الفرح والسعد
حازم وســند
ربنا اغطيهم من كل شر وإحفظهم من كل بلاْء واخليهم ليك ضو عيونك وبهجة أيامك
حازم وســند محبتي ليكم ومودتي
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: محمد سنى دفع الله)
|
السني يا فنان
اول زيارة لك لي في بوست
تكرم ريحتهم الغاليه الجابتك لينا:
Quote:
حازم وسند
الدنيا تحتفل بيكم ياوش الســــعد
حتزم وســند
الفرح غمر الكون يوم اتفق الزمن على موعد واحد وساعة واحدة لميلادهم
حازم وســند
واليوم لانملك سوى الدعوات والأماني الطيبة والمحبة النقية لي الحلوين
حازم زســند
النجاح في كل خطوة ليهم وكل البعرفهم اعرف الفرح والسعد
حازم وســند
ربنا اغطيهم من كل شر وإحفظهم من كل بلاْء واخليهم ليك ضو عيونك وبهجة أيامك
حازم وســند محبتي ليكم ومودتي
|
وهم يرسلون لك باقات الحب يا خالو السني.
مودتي وتقديري.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Tragie Mustafa)
|
الاخـت الكريمـة
أستاذة تراجي,
Quote: ويا ربي احفظهم واهديهم واجعلهم من عبادك الصالحين والحامدين والمفيدين لعبادك.
ولاخواني/تي بالمنبر و القراء/اتيا ربي احفظ من رزقتهم وارزق من لم ترزقهم بعد
ولا تحـرم ربي بيت من الاطفال.
تراجي. |
نحتفل معك
ونسأل الله أن يكون عيد ميلادمبارك
وأن يرزقك نجابة الأبناء,
وحقق الله أمانيكم
أحمـد الشايقي
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: إسماعيل وراق)
|
العزيز اسماعيل وراق
تكرم اخي والتورتات وصلت منك مشكور عليها.
عارف عيد ميلاد مختصر شديد
اولا غادرنا ابيهم ملهوفا على أمه فقد وردنا خبر اصابتها بجلطه قلبيه قبل 14 يوم
واضطر ان يغادر للتواجد بجوارها رغم تخطيطه ان يحضر عيد الميلاد معهم.
الحمد لله تمت عمليتها وهي افضل الآن وندعو الله ان يتم شفائها وتقوم بالسلامه
ويتمتعوا برؤيتها فهي الوحيده المتبقيه لهم
وما تتخيل فظاعة احساس من لم يعرف كلمة حبوبه.
ربنا يمكنهم من رؤيته والتمتع بحضنها .
وربنا يديم نعمه علينا جميعا برؤية ابنائنا بخير.
تراجي.
| |
|
|
|
|
|
|
|
|
 Re: من يحتفل معي بعيد ميلاد ابنائي؟؟؟؟؟ (Re: Tragie Mustafa)
|
كل سنة وحازم وسند طيبين مع أمنياتي لهما بمستقبل باهر وصحة وعمر مديد وعقبال ما تحتفلي بميلاد أحفادهما إلى ما بعد المائة عام.
بس الوقت داك بتكوني عجوز وبرايه وبري المنبر ده تمشي تسويه ليهم ولي وليداتهم الله يكون في عونهم.
بس إنشاء الله ما يجوا مناضلين كي بورد زي أمهم وإنشاء الله يكون من علماء المستقبل ويقدموا للبشرية ما ينفعها.
| Quote: فلزات كبدي ونور عيني |
أسأل الله أن يقر عينيك ووالدهما وينير لك بهما ظلمات الدنيا والآخرة.
| Quote: فلزات كبدي ونور عيني حازم وسند الاثنين مواليد يوم 27/8 |
أموت وأعرف سويتيها كيف 
الشايقي
_____________
فاوضني بلا زعل
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Al-Shaygi)
|
الشايقي بالاجليزي
تحياتي
وشكرا لدعواتك الطيبه:
| Quote: أسأل الله أن يقر عينيك ووالدهما وينير لك بهما ظلمات الدنيا والآخرة. |
آمين يا رب.
وعلى زمنهم ما تخاف الحياة كلها حتكون بالكي بورد مش النضال بس
| Quote: أموت وأعرف سويتيها كيف |
وحياتك ده ربنا مش انا.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: البحيراوي)
|
البحيراوي سلام
وتشكر اخي على الامنيات الطيبه
| Quote: والعام القادم إنشاء الله الإحتفال بين الأهل في بور تسودان |
البحيراوي وحاتك وزي الانقاذ دي عدمتنا نفاخ النار زي ما قال سجيمان
ناسنا كلهم مافي زول وصل ال 60 كلهم ودعوا والله حسرة بس مغسه ربنا يهون.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: alsngaq)
|
العزيزه تراجى بت الاشراف ، كل سنه وهم واسرتك بخير ربنا يطرح ليك الخير والبركه فيهم ويكون من ابناء السودان البرره، على فكره العرائس الجعليات عندى ، ريان ، امل، الاخيره كلما تشوف صورتك تقول دى ابلة الانجليزى ، احسن ليكم تاخذوها ، طبعا اصغر كتير من الاولاد عشان ما تقولى بايرات.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: هجو الأقرع)
|
الفاضل هجو الاقرع
كيفك يا بركه؟؟؟؟؟
وتشكر على الاماني الطيبه
Quote: العزيزه تراجى بت الاشراف ، كل سنه وهم واسرتك بخير ربنا يطرح ليك الخير والبركه
فيهم ويكون من ابناء السودان البرره، على فكره العرائس الجعليات عندى ، ريان ، امل،
الاخيره كلما تشوف صورتك تقول دى ابلة الانجليزى ، احسن ليكم تاخذوها ، طبعا اصغر كتير
من الاولاد عشان ما تقولى بايرات. |
يبرن من البوره (الجعليات ) يا اخوي
ونتشرف نحن يا زول,وقول لامل أبلة الانجليزي بتسلم عليك كثير.
وربنا يخليهم لك يا هجو ويفرحك بيهم.
تحياتي.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: alsngaq)
|
السنجك العزيز
Quote:
الابناء نعمة جميلة يا تراجي
ربنا يحفظهم
ويجعلنا كل يوم نحتفي بالنعمة دي
لانو كل يوم بشرق عليهم يوم جدير
بالاحتفاء
تحياتي لحازم وسند وربنا يرزقهم رزقا حلال وكتيرررررررررررررر
|
والله نعمه والحمد لله وليس افضل من ان تراهم بخير
ربنا يهيدهم وينصرهم ويفررحنا بنجاحاتهم.
تخريمه:
صورتك خرافيه سند قال لك لو هو محل الطفل ده حيسكن في محل اللعبات
وحيشتري حمام السباحه الماما قالت عنه لا.
شفته المحن السويتا فينا يا السنجك
يعني في داعي تذكره بحمام السباحه القلنا ليه عايز جبل قروش؟؟؟؟؟
تقوم تجيب لينا الجبل لبوستنا ده!!!!
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Dr.Ahmed Boasch)
|
الفاضل احمد بوش
شكرا لمرورك الانيق
| Quote: وان شاء الله يربو في وطن خير ديمقراطي فيه الكل متساوي |
قصدك نلصق في كندا دي ولا شنو؟؟؟؟؟
هنا صحيح الكل متساوي امام القانون
ولكنا نحلم بأن يعيشوا هذا الواقع هناك في بلادنا.
وان شاء الله يتحقق كل هذا بالسودان ايضا.
معزتي وتقديري.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: إيهاب محمد مصطفى)
|
اخي ايهاب
وكل عام وانت بخير وربنا يديك الفي مرادك
Quote: إن شاء الله كل العمر لهما
وربنا يمتعهما بالصحة والعافية
ويقر بهما عينك أخت تراجي
وكل سنة والجميع بخير
|
آمييييييييييييييين يا رب.
| Quote: الجميل في البوست يا تراجي أنه جمع (كل الطيوف) ودي (نقاط التلاقي) لينا كسودانيين |
ولذا احتفلت معكم اخي لاني اعلم اننا اخوة.
لك مودتي وعشمنا ان نظل هكذا.
تقديري.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: انعام حيمورة)
|
العزيزه انعام حيموره
تشكري يا غاليه على الدعوات السمحه ومن فمك للسماء ان شاء الله.
Quote:
ربنا يخليهم ليك وتشوفي جديدهم وتفرحي بيهم ويطول عمرك وتسوي ليهم كل الفي المراد
آمين يارب |
ويشفي لي حازم او يمكنه من مزيد من المهارات.
ويديك الفي مراد يا انعام قولي آمين.
محبتي.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: ريهان الريح الشاذلي)
|
الحبيبه ريهان
مشتاقين والله
وشكرا يا غاليه على الامنيات الحلوه:
Quote:
كل عام وسند وحازم اروع
ولكم هم محظوظين بيك
|
ربنا يغتي عليك ويديك ود الحلال البيعرف قيمتك ومعدنك يا غاليه.
واتمنى ان تسعدي بوليداتك البرضه اكيد حيكونوا محظوظين بامهم .
محبتي وتقديري.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Tragie Mustafa)
|
ك يسارى اصيل .. جاى اشرب عندك بكرة الشاى
زيدى القرفة
صفقة نعناع
...........
...........
حبيبتى تراجى الغلابة
ل حازم و سند
كل الامنيات القلبية
يا رب تسعدى بيهم
يا رب تحضرى اعراسهم وتكونى حماة طيبة
...............
...............
سعيد من اجل اولادك
...............
...............
وعارفة انا بحبك قدر شنو ؟؟؟؟
قدر الدنيا دى كلها .
اخوك وصديقك وسائر فى طريق اليسار مثلك .. شاهين .
ملحوظة / بوسى لى حازم و سند من هنا ومن هنا .
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: بدر الدين الأمير)
|
اخي ود الامير
تشكر يا ملك:
Quote:
تراجى أم الاولاد واختهم وصديقتهم
اتمنى ان يكونا دوما عند حسن تربيتك لهم
ومزيدا من الفرح بيهم ومعهم
|
آمين يا رب.
Quote:
ذبدة كلام: جمعتنى ليالى فرحتنا بالصديق المناضل عصمت الدسيس عريس الزميلة ميسون النجومى
مع اولاد ابوشوك فوجدتهم ملوك وملائكة
|
مبروك مرة آخرى للاعزاء عصمت الدسيس وميسون النجومي
وعقبالكم يا بدر الدين.
اما اولاد ابو شوك فربنا يغتي عليهم
وهم فعلا ما قلت ملوك وملائكه.
ويعرف ذو الفضل اهل الفضل.
شكرا لمروك يا ملك.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: shaheen shaheen)
|
الحبيب شاهين
تشكر على كل الامنيات الطيبه
ونتمنى ان تكون محتمل البيحصل هناك ده
وهانت شدوا حيلكم قربت تفرج.
| Quote: ملحوظة / بوسى لى حازم و سند من هنا ومن هنا . |
وحازم وسند بيبوسك من هنا ومن هنا برضوا.
عقبال ما نشوف وليداتك
وان شاء الله غيرت رايك حول بوست:
ضد مفهوم القطيع
معزتي وتحياتي.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: نادر)
|
الفاضل نادر
وكل عام وانت واسرتك بالف خير:
| Quote: كل عام وحازم وسند بألف خير ... وعقبال مليون شمعة وحياة هادئة هانئة ملؤها النجاح والتقدم |
آمين يا رب ولك مثل ما دعوت لنا به.
تحياتي لمريم والكتكوت/ته.
تراجي.
| |
|
|
|
|
|
|
|
|
|
Re: من يحتفل معي بعيد ميلاد ابنائي؟؟؟؟؟ (Re: Ahmed Abdallah)
|
الخليفه احمد عبد الله
اولا وينك يا راجل سألت عنك والله وفقدتك.
Quote:
طبعا يا تراجي الوليدات ديل مستقبلهم
حا يكونوا خلفاء (جمع خليفة) عشان كده
فتحي عينكـ من هسه ..
|
مبروكين عليكم يا اخوي
| Quote: امنياتي لهم بكمال العافية والتوفيق يا رب |
ولك مثل هذه الدعوه المباركه ايضا.
تراجي.
| |
|
|
|
|
|
|
| |
Tragie Mustafa
lana mahdi
tmbis
هشام كمال
محمد الامين محمد
هشام هباني
elhilayla
غادة عبدالعزيز خالد
أبوبكر حامد الأمين
ابو جهينة
فيصل نوبي
Hussein Mallasi
عمر الفاروق
أبو ساندرا
إدريس البدري
محمد سنى دفع الله
انعام عبد الحفيظ
أحمد الشايقي
Ahmed Mohammed Osman
إسماعيل وراق
Al-Shaygi
doma
البحيراوي
ترهاقا
فيصل محمد خليل
alsngaq
هجو الأقرع
معتصم دفع الله
Bakhaf
على محمد على بشير
Dr.Ahmed Boasch
Rashid Elhag
ابو يسرا
Hashim Badr Eldin
الصادق صديق سلمان
انعام حيمورة
ريهان الريح الشاذلي
shaheen shaheen
بدر الدين الأمير
بهاء بكري
Ahmed Abdallah
Mustafa Mahmoud
فيس بوك
تويتر
انستقرام
يوتيوب
بنتيريست