|
Re: مدرسة الخرطوم القديمة الثانوية (Re: Ahmed musa)
|
ياجماعة فى زول عنده صور منتخب المدرسة فى الدورة المدرسية عام 76 .. أها يامولانا الكلام دا أظنه كان فى العصر الجليدى قبل التركية السابقة .... ياجماعة انا كنت حارس المرمى وبالذات مباراتنا مع الكلية القبطية فى الزمن داك وكان المدرب يوسف مرحوم .... جاء ذكر محمد احمد التكينة هنا وهو كان دفعة برضو ارجو انو يكون بخير
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
يا سلااااااام يا حسين
أخوك بالكاروهات يجنن
حسة الجكس كلو ح يطفش
طبعاً يا عادل سمير العلى يميني ده استاذ فتح الرحمن (بجم)
وجنبو استاذ بابكر موسى
بعدين يا حسين الجنبو طوالي مصطفى هاشم ووراهو على يمين مصطفى هاشم أحمد عمر
البطرف في أقصى شمال الصورة سيف محمد صالح وعلى يسارو سطلة (أحمد محمد صالح)
وعثمان سليمان ورا سيف واحمد سطلة
بس ده كلو كوم ونحن كاسحين كده ماشين وين كوم تاني..
| |
|
|
|
|
|
|
Re: مدرسة الخرطوم القديمة الثانوية (Re: ممدوح عثمان)
|
العشيره القديماب كل عام وانتم بالف خير وعافيه والعام المقبل لامين سالمين تامين
وربنا يحقق امانى الجميع وتحيه خاصه لابناء دفعتى 80_82
سؤال : الاخ محمد ابو العزائم ابو الريش دفعة سنة كم لك منى الف تحيه وتقدير
اثنى الاقتراح الخاص بالاخ علاء حيموره مع رجاء شرح كيفيه التنفيذ
| |
|
|
|
|
|
|
Re: مدرسة الخرطوم القديمة الثانوية (Re: محمد عبدالمنعم التلب)
|
أبناء العشيرة القديمة... عيد سعيد وكل سنة والجميع بخير وصحة وعافية!
-------------------------
ويا التلب والله ليك وحشة...
-------------------------
وكانت أيام لينا في القديمة... وطبعا نحنا أكتر ناس قضينا وقت في القديمة
وأظن حققنا الرقم القياسي في مجموع الساعات القضيناها في المدرسة
نفتحها الساعة الخامسة صباحا كل يوم مع الكديت...
وبنقفلها الساعة عشرة... بعد نهاية بروفات جمعية المسرح وإجتماعات الإتحاد وبعدهم عشاء البركس
من قراية لموسيقى لرسم وكديت ومسرح وعلوم وجعرافيا لجمعية التاريخ...
اليوم كان قصير...
والله الواحد حاسي إنو سورطه مدفونة جنب كشك البركس... ومازال خرمان ليهو لسيجارة يخمسها مع خمسة أحباب قدام
ودمتم...
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
سؤال : الاخ محمد ابو العزائم ابو الريش دفعة سنة كم لك منى الف تحيه وتقدير
الأخ عبدالمنعم التلب ....
سؤالك فيهو إدانة بيتيح للكتيرين الشماتة ... لكن لا بأس
يا سيدي أنا دفعة 75 - 78
(والله الواحد حاسي إنو سورطه مدفونة جنب كشك البركس... ومازال خرمان ليهو لسيجارة يخمسها مع خمسة أحباب قدام)
عارف يا محمد يس الخليفة، كلامك ده ذكرني لما (الوكيل) حسن عبيد يجي يعمل لينا كشة، وينتظر الجايين من ناحية البركس عند مدخل المدرسة، ولأنو عارف البيجي من هناك بيكون بخبخ ليهو سيجارة، كان (بيشم) يدينّا، ولما عرفنا لعبتو بقينا نمسك السيجارة باليد الشمال، ولما يقول هات إيدك بنديهو اليمين. والبيلقى فيهو ريحة سيجار بيقول ليهو قولته المشهورة (يا ولدي انت باطل .... أمشي مرفود سبوع)
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
Quote: كل عام وانتم بالف خير ..
ولماذا لا نفكر في موقع على الشبكة حتى تتاح الفرصة للذين لا يستطيعون الدخول والمشاركة في هذا المنبر ..
مجرد اقتراح ... |
علاء الدين وكل القديماب ... كل عام وانتو بخي . والله انا فكرت في نفس الفكرة بس قلت نخلي البوست يمشي شوية ... والقصة ساهلى البورد مليان مصممي مواقع ممكن نشرع طوالي وننزل فيها كل تاريخ القديمة والدفع والعناوين إلخ ... ونحن جاهزين
| |
|
|
|
|
|
|
Re: مدرسة الخرطوم القديمة الثانوية (Re: محمد أبوالعزائم أبوالريش)
|
و صلني الإيميل التالي من الأخ العزيز حيدر عوض :
Quote: Salam dear Adil, sorry to write to you in english and this bcz my PC is not arabic enabelled. Ana Haider Awad , we were class mates not only in Al Qadeema 74/75-76/77 but before that in Al Khartoum Al AMEERIA. I still
remember most of my class mates, Sami Hassan Al Hakim, Gamal Al Shalali, Nadir Ali AL Tahir, Mohannad Hassan Jabir, Mamoon
Abu Shaiba , Omer Shiddu, Rashid Al Nasri, Khalid Kanjari, utassim Bukhari, but one of the most dominant figure graduated
from this school is Omer Abu-sham, I wish if can shed some light on him and his funny stories. best regards Haider Awad Sharfi
|
| |
|
|
|
|
|
|
Re: مدرسة الخرطوم القديمة الثانوية (Re: Adel Sameer Tawfiq)
|
Quote: one of the most dominant figure graduated from this school is Omer Abu-sham, I wish if can shed some light on him and his funny stories.
|
عمر أبو شام الآن محامي كبير ذو بـــــــــاااع طويـــــــل !!
كان لديه حكايـــــــات طريفة !!
لو كتبت عنها أي حاجة ممكن يبيعني الوراي و القدامي !!
غايتو العارف يقول على مسئوليتو !!
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
مرحب باهل الخرطوم القديمه
انا دفعة 85-88 (الفتره من بداية الى نهاية الديمقراطيه الثالثه)
يالها من مدرسة كانت نقله بالنسبه لنا كبيره من لبس الارديه للبناطلين من حمل الشنط لحمل الكتب بدونها شعور بانو الزول كبر واتحرر الشئ الجميل كان شعورك وانت تخطو خارج الفصل بانك وصلت الشارع بدون المرور بسور حيث كان لايفصل الفصول عن الظلط شئ ولكن ونحن فى السنه الثالثه تم عمل سور شائك يفصل الفصول من الشارع اصابتنا الكأبه حينها وظننا انها نهايه للمدرسه ولكننا لو كنا نعلم انها ستزول من الوجود يوما" ما لفكرنا جديا" فى الانتحار
وكان اجمل شعور ينتابك وانت فيها مجاورتها لجامعة الخرطوم حيث كل الذى يفصلك من الدخول للجامعه هذا السور
عشنا اروع ايام من الحريه نفطر فى الجامعه نشرب سجائر جنب البركس كل المظاهرات والمسيرات التى كانت تنتظم فى الجامعه حينذاك (وما اكثرها فى ايام الديمقراطيه تلك) كنا نشارك فيها
كانت مدينه كامله تحوى ثمانى انهر فى ثلاث دفعات اى 24 فصل فى متوسط 50 طالب اى حوالى 1200 طالب من كل مناطق العاصمه تقريبا" فياله من جمع كبير ولو كان فيها داخليات كما حنتوب وخور طقت لاسترخيناواتكينا فى المجالس (كما يفعل اهل تلك المدارس) وصرنا نناجى الزكريات ولكنا تعرفنا على تلك الاجيال
| |
|
|
|
|
|
|
Re: مدرسة الخرطوم القديمة الثانوية (Re: Hisham Magzoub)
|
الاول من اليمين د. حسين حمو..حكيم بدوي..محمد فريد بيومي..محسن بدوي
الاول من اليسار محمد ابراهيم خليل..د. محمد عبد العال..د. محمد عبد الوهاب..
التاني من اليسار د. جمال حسين الشلالي
إستلمت الصورتين من الأخ العزيز د. حسين حمو لأولاد دفعتنا..أخذت قبل يومين..في لقاء تجميعي لاولاد
القديمة في أحد المطاعم في الخرطوم !!
الغريبة كلهم حلب !!
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
رسالة إلكترونية وصلتني من عطا صديق العطا-سان هوزي-كاليفورنيا دفعة 1981 ــ1984م
Quote: Dear Ahmed Musa, Thank you so much for remembering Khartoum Old High School, could you please post below message as a little share. Again, thank you. الزملاء خريجي الصرح العلمي الخالد-الخرطوم القديمه السلام عليكم ورحمة الله وبركاته اسمحوا لي ان اشارككم بهذه المشاركه المتواضعه عن هذا الصرح العلمي الشامخ برغم قرار الازاله الجائر دفعة 81- 84الاساتذه الاجلاء كانوا مصطفى عابدين -المدير الرياضيات-سكتش-عبدالرحمن موسى-الطيب-يوسف الفيزياء ميرغني يوسف عبدالسيد وبدرالدين الكيمياء -مهدي الجغرافيا عض الجيد و محمد الفاتح كنت في اولى وثانيه وثالثه عمر من زملاء الدفعه-عمر الفاروق حافظ سالم-عباس عبدالله شلقامي-عوض السيد جباره-محمد الفاتح احمد المصطفى-وليد حسب الباقي رضوان-عادل حامد-امير عبدالله -امير عباس مدني-حسن تاج السر الحسن-تيسير الفاتح-)-عماد ادهم خليل-عبدالناصر عبدالحفيظ(جمال وزه)-عمادالدين عبدالرحيم عبدالكريم-هاشم محمد ابراهيم-صلاح حسن بادي-محمد ابراهيم سليمان-خالد عوض نصر-جلال نصر-غفاري وراق- انقطت الاخبار وتفرقت بنا السبل ولا ادري اين هؤلاء الان عدا اتصالاتي مع هاشم محمد ابراهيم(اوهايو-امريكا) ارجو نشر الرساله مع رقم الهاتف علا وعسى ان يقرا احدهم هذا البوست التاريخي عطا صديق العطا-سان هوزي-كاليفورنيا- 1-408-505-6511
Atta Elatta Praise be to Allah, the Cherisher and Sustainer of the worlds
Most Gracious, Most Merciful
AL-FATIHA
|
شكراً عطا أخي وصديقي
| |
|
|
|
|
|
|
Re: مدرسة الخرطوم القديمة الثانوية (Re: Adel Sameer Tawfiq)
|
Quote: ماتخلي البوست ده بنين وبنات
رأيك شنو يامولانا عادل سمير |
أفضل بوست منفصل لكل من البنين و البنات لأن لكل خصوصيته..
لكن دا ما يمنع الزيارات المتبادلة زي زيارة د. سلافة !!
نحن نكن لمدرسة الخرطوم القديمة بنات كل التقدير كمدرسة عريقة..
Quote: رأيك القانوني طبعا ...... |
الرأي القانوني هيـــــــن.. الكلام الرأي الشـــــرعي !!
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
Quote: غايتو العارف يقول على مسئوليتو !! |
غايتو يا مولانا عمر ابو شام دة عارفين عنه أنو مشخبط اسمو في المعمل الشرقي للمدرسة (شرق ميدان الباسكت)
والكلام دة موجود لحدي بداية الثمانينات
لكن (ذو باااااع) دي احكيها لينا انت...
| |
|
|
|
|
|
|
Re: مدرسة الخرطوم القديمة الثانوية (Re: علاء الدين حيموره)
|
الأعزاء الكرام
جائتني هذة الرسالة من ألمانيا من العزيز إبن خالي وود بري الدكتور والفنان إبراهيم عبدالحليم:
Quote: From: Ibrahim Ahmed [mailto:[email protected]] Sent: Thursday, October 30, 2008 11:25 AM To: [email protected]; Bakri Abubakr Subject: Sudaneseonline
الأخ محمد يس
تحية حارة جدا خصوصا بعد غيبة طويلة مررت على منبريكم برى ومنبر الخرطوم القديمة وسعدت جدا بوجود هذاالعدد الهائل من الزملاء الذين اعرفهم فلهم التحية لكى يتذكرونى هاك عنوان صفحتى الألكترونية
www.ibrahimsud.net
كذلك أنا أجهز لألبوم غنائى جديد بعنوان قلبى الحنين هذا نموذج له وللفيديو كليب
also see www.ibrahimsud.net
تحياتى عبرك للراقى دوما الفنان يوسف الموصلى الذى أعرفة وأشك إن كان يعرفنى كذلك التحية للأخ بكرى أبوبكر الدفعة زميل الدراسة فلقد كان بكرى فى الجيولوجيا وأنا فى قسم الكيمياء فشكرا بكرى على هذا الموقع المتميز
أخوكم إبراهيم عبد الحليم |
| |
|
|
|
|
|
|
Re: مدرسة الخرطوم القديمة الثانوية (Re: Adel Sameer Tawfiq)
|
الاخوه القديماب اسعد الله ايامكم بالخير والهنا طبعا ما الم بالمنبر جعلنا .... طاشين وما عارفين نلقى البوست والا المنبر ولمن نلقاهو مانقدر ندخل وبعد ماندخل مانقدر نكتب وغايتو احوال عجيبه .
المهم حمد بسلامه الرجوع والالتقاء ونامل ان تستقر الاحوال وربنا يهدى الهكر ويخلى جنه البيعمل فيهو دا.
وعلى العموم لنا رجعه للمواصله واحياء فكرة دليل خريجى القديمه التى لم يبقى منها سوى الذكريات الجميله وهذا الكم الهائل من الرجال الافذاذ امد الله فى ايامهم ومتعكم بالصحه والعافيه ووفقكم الى ما فيه الصلاح والنجاح .
اااااااامين
| |
|
|
|
|
|
|
Re: مدرسة الخرطوم القديمة الثانوية (Re: Adel Sameer Tawfiq)
|
بـــــــالغت يا مولانا... والله دي ما سبقك فيها زول [[!]]
وجد قلبتا فيها الهوبة!
سيدي وزنك يقاس بالطن في قلوبنا... يقصر الملح والملاح وأنت الموجود وباقي فينا
------------------------------------------
دخلت لبوسطن قبل دقائق... والساعة عندنا الثانية صباحا ووحاتك مافي نوم قبل ما ندي أهلنا القدام (أهل القديمة) طلة
وهي سويعات قبل ما نشوف موضوع الإنتخابات ونجيك راجعين....
| |
|
|
|
|
|
|
Re: مدرسة الخرطوم القديمة الثانوية (Re: Mohamed Yassin Khalifa)
|
الأخ العزيز محمد ياسين..
سلام كتير.. أظنو البرد عندكم هسه !!
Quote: بـــــــالغت يا مولانا... والله دي ما سبقك فيها زول [[!]]
وجد قلبتا فيها الهوبة! |
ما تعبت !
Quote: سيدي وزنك يقاس بالطن في قلوبنا... يقصر الملح والملاح وأنت الموجود وباقي فينا |
تسلم يا سيد الناس..
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
العزيزُ / أحمد موسى :
كنتُ قدْ درسْتُ بها كورسًا صيفيًّا فقط في مطلعِ تسعيناتِ القرنِ الماضي ؛ فتشرّقتُ حينها بأنْ أجلسَ طالبًا
منصتًا لعلماءَ كثيرينَ كُلٍّ في مَجالِهِ أمثال د/ الحبر يُوسف نور الدَّائم ، وهُوَ يتناثرُ أدبًا وشعرًا
جاهليًا .
وأُستاذ / الحاج محمَّد فضل وهوَ خيرُ مَنْ فهِمْتُ منهُ الكيمياءَ العضويَّةَ ؛ والأُستاذ / ميرغني يوسف عبد
السِّيد الَّذي نَلْتُ منْ فكرهِ وعُمقِـهِ الكثيرَ وهُوَ يتمايلُ بالفيزياءِ علمًا وفكرًا .
ثُمَّ لَمْ تَكْتَملْ فرحَتُنا بالخرطومِ القديمة الثانويَّة لإصلاحاتٍ فيها ممَّا حدا بهؤلاءِ
العمالِقـة لأنْ ينقلونَنا إلى مدرسة بري الثَّانويَّة لإكمالِ ذاكَ الكورسِ الصَّيْفيِّ .
فالتَّحيَّةُ لكم ولهم جميعًا ، والشُّكرُ أجلُّهُ لكم وأنتُمْ ترفِدونَ لنا بعزيزةٍ لها في القلبِ
من المَودَّةِ نَصيبْ .
احترامي .
أخوكم / محمَّد زين الشفيع أحمد. ____________________
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
والله ياعطا ماتقول لى لواء ولا فريق أنا بتذكر شكلك بالردا الرصاصى والقميص الابيض ونحن ماسكنك بالسنارة لما الهواء يقوم عشان ماتطير... الكلام دا لأخونا اللواء عطا محمد العطا.. أما الهادى الجاك فكان من اولاد برى واتذكر إنو كان لعاب جدا وماعارف ليه وقتها ما اتسجل فى الهلال ولا المريخ ...
| |
|
|
|
|
|
|
Re: مدرسة الخرطوم القديمة الثانوية (Re: عابدون محمد عابدون)
|
القديماب انتو نمتو والا شنو وكما قال الشاعر الفذ سيف الدين السوقى انحنا يادوب ابتدينا الاخ محمد يسن خليفه لك التحيه العطره وراجع ليك بصور مذهله عن كديت القديمه ناس دفعتى 79 _82 انتو وين اليوم وصلتنى رساله رقيقه من الاخ سامر محمدعبد الحليم وساحاول ان اجرجره للكتابه معنا فى هذا المنبر تحباتى للجميع وموده غير من منقطعه القديمه فوق فوووووووووووق
| |
|
|
|
|
|
|
Re: مدرسة الخرطوم القديمة الثانوية (Re: محمد عبدالمنعم التلب)
|
والله ياخوانا انا ناس القديمة بنين ديل (غرتا)منهم عديييل كدا.....
يابنات انتو وين (القديمة بنات,الاميرية بنات,الخرطوم شرق بنات)...طبعا يا مولانا عادل معاك سوا بس بدل (اولاد)...(بنات)
رسالة خاصة:
حضرةالناظر عبدالدايم..سناجعفر..مايا..وكل بنات القديمة فتشوا معاي البوست القديم والا.....بفتح واحد براااااي
د:سلافا العاقب احمد
الخرطوم القديمة(بنااااات)
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
عارفة يا د. سلافة ... القديمة بنات دي لينا معاها برضو ذكريات.
لما نادونا نعمل بروفات مع البنات المشاركات في الدورة المدرسية (أول وآخر مرة أدخل المدرسة دي)، ودخلنا تحت حراسة مشددة، وإشراف أستاذة الأجيال/ خديجة عبدالله (أبله خديجة) .. طبعاً برضو رغم الحصار المفروض، كنا في مكان البروفة (فصل فاضي) وباقي البنات بالشبابيك ونحن جوة مساكيييييييين، وزي القرود في الجنينة
| |
|
|
|
|
|
|
Re: مدرسة الخرطوم القديمة الثانوية (Re: محمد أبوالعزائم أبوالريش)
|
ياخوانا صباح الخير في بوستكم السمح دا(عايزة اسحرو طبعا)
يا محمدابوالعزايم انتو ماناس القديمة اولاد ديل اخوانا بالرضاعة لكن الكانو بستحقوا الحراسة المشددة والضبح والعليق من
الرقاب كانو ناس حسونة بنين ,بشتنونا وجهجهوا امننا.
شكرا علي المرور يا عابدون...بخصوص القراصة ,بالرغم من انى من بنات الخرطوم ميلاد ونشأة (واللآتى يشاع عنهن عدم معرفة اى شئ
في المطبخ,وهذا حقيقي وليس محض خيال),وبالرغم من انى كنت ومازلت دلوعة ,امي مدرسة وابوى مساعد مدير بنك,وبالرغم من اننى اقسم
بالله صادقة اننى ما صنعت حلة ولاحتي شاي بلبن الابعد زواجي(قبل عامين تقريبا)بعد كل هذه(البرغمات)الا اننى وبشهادة الجميع كنت اصنع
افضل قراصة واحلى دمعة في شهر رمضان السابق(وهو بالمناسبة اول شهر لى في بيتي الحقي براي)وللعلم لم يكن هذا الرمضان في الخرطوم حيث تكثر القراصة بعددبيوت الشوايقة والدناقلة والجعليين ,ابدا دا كان في دارفور مقر عملي الحالي انا ورئيس جمهوريتي,فعليه لو
ربنا هون واتقابلنا في اي ملف في هذه الدنيا(وبالمناسبة هي صغيرة خلاص الدنيا دى)تأكد انى حاظبط ليك قراصة ماحصلت ولو جيت تانى
يوم بعملا ليك بالتقلية ...شن قولك بعد دا
د:سلافا العاقب احمد
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
كان كدى يادكتورة نوقع ليكى تصاريح دخول وخروج من البوست دا زى ماعاوزة أصلو سيرة الدمعة والقراصة ديل بيعتبروا من أهم البرامج عندى خاصة إنو أنا من الناس اللى ذكرتيهم يعنى خبير فى حلة الدمعة والقراصة ...
| |
|
|
|
|
|
|
Re: مدرسة الخرطوم القديمة الثانوية (Re: عابدون محمد عابدون)
|
عاد يا عابدون نحنا بنقدر بلاكم,العجب كان بقي رئيس الجمهورية دا هو:
رئيس وزراء المشاعر
ورئيس هيئةاركان القلب
ووزير شؤون التقدير والاحترام والمحبة
وراعي هيئة احترام الام والابو وريدة الاخوان وشيل هم الاخوات
ومندوب الطموح السامى وزميل الدراسة والعمل
عاد دا زولا بخلو ؟؟؟؟كان هو قدامى انا وراهو وكان انا قدامو هو معاى (ماوراى)والعاقبة عندكم في الزواجات
د:سو لا فا
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
Quote: رئيس وزراء المشاعر
ورئيس هيئةاركان القلب
ووزير شؤون التقدير والاحترام والمحبة
وراعي هيئة احترام الام والابو وريدة الاخوان وشيل هم الاخوات
ومندوب الطموح السامى وزميل الدراسة والعمل
عاد دا زولا بخلو ؟؟؟؟كان هو قدامى انا وراهو وكان انا قدامو هو معاى (ماوراى) |
التحية ليك ولي رئيس جمهوريتك ... والله يديم عليكم الفوق ده كلو
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
لا كان كدى يادكتورة دا رئيس جمهورية بالصح .. وانشاء الله ربنا يخليكم لى بعض .. علا دايراسألك يعنى رئيس جمهورية بقى بى انقلاب ولا ساكت كدى يعنى كان عرفتى قصدى بعمل ليكى صحن قراصة يوم الجمعة الجاية ...
| |
|
|
|
|
|
|
Re: مدرسة الخرطوم القديمة الثانوية (Re: عابدون محمد عابدون)
|
والله ياخي هو في الاصل(حضرتك) كان في مرشحين وانتخابات لكن هو فاز بالاجماع السكوتى.....وبحي اولاد القديمة ومايزعلوا
ويقولوا(شخصنا)البوست....وبالمناسبة رئيس جمهوريتي دا اخر دفعة اتخرجت من (طقت),ولما اكون عايزة مزاجو (يتظبط)بالجد
أسألو عن زكرياتو في طقت.
سلافا
| |
|
|
|
|
|
|
Re: مدرسة الخرطوم القديمة الثانوية (Re: Ahmed musa)
|
نحيى خور طقت لكن برضو القديمة فوق .... الجماعة مااظنهم يزعلوا اصلوا نحن ماسكين ليهم الوردية لغاية مايجوا يستلموا ... أها يادكتورة انا ماشى لى مشوار كدة وعايز اقول ليكى انو الونسة معاكى سمحة وانشاء الله الله يديم عليكى التوفيق والنجاح ..
| |
|
|
|
|
|
|
|