Post: #1 Title: مدرسة الخرطوم القديمة الثانوية Author: Ahmed musa Date: 09-10-2008, 04:41 PM
Post: #2 Title: Re: مدرسة الخرطوم القديمة الثانوية Author: عابدون محمد عابدون Date: 09-11-2008, 07:50 AM Parent: #1
قبلك بى زمن طول يا ابو حميد لكن جيت من الخرطوم قبل يومين ومشيت مكان مدرستنا القديمة الجميلة وتحسرت على انها صارت بقايا انقاض لم يبق منها شىء ولم اعرف المكان حتى .... تحياتى وفعلا كانت ايام واتذكر عمر صاحب المطعم واتذكر بياع السجائر تحت النيمة عند بوابة داخلية الجامعة .... اشياء من الزمن الجميل
Post: #5 Title: Re: مدرسة الخرطوم القديمة الثانوية Author: يوسف محمد يوسف Date: 09-11-2008, 09:47 AM Parent: #2
الاخ احمد موسى .. انت اليوم تنفض الغبار عن سجلات حسبنا انها فهرست وحزمت.. ووجدت لها متكا على ارفف النسيان .. علقت عليها ديباجة كتب عليها بالخط العريض " ايام من الزمن الجميل 66-1970 " علق على الجانب الايمن من الارفف تنبيه بالخط الاحمر " الرجاء عدم فتح هذه السجلات .. هذه ايام من زمن لا نظن ان مثله ات ... تفتح فقط للتوثيق " .. انتهى كانت اربعة سنوات .. تبلورت فيها افكارنا .. احاسيسنا .. طاقاتنا .. مشاعرنا .. وعينا .. تطلعاتنا .. امالنا .. مهاراتنا .. مع .. المتلقى (بضم الميم) من المجتمع المدرسى المتكامل والذى جسدته مدرسة الخرطوم الثانوية منذ افتتاحها فى خمسنيات القرن الماضى .. تبلورت وتكاملت كل هذه العناصر مع بعضها البعض .. لتفرخ لكل منا شخصيته المتفردة التى هو عليها الان .. لا اعرف من اين ابدا .. ولا من ايتها لحظة .. فقد كانت كل لحظة اجمل من سابقتها .. وكل يوم فى محيطها كان حياة كاملة .. لكن حتما سنفض الغبار .. شكرا احمد موسى.. وللاخ عابدون.. اقول انا كمان قبلك بزمن .. ارجو ان نستجمع معا تلكم الذكريات الخالدات .. كل الود
ع/ركن/م يوسف محمد يوسف جدة
Post: #58 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 07:47 AM Parent: #2
Quote: ومشيت مكان مدرستنا القديمة الجميلة وتحسرت على انها صارت بقايا انقاض لم يبق منها شىء ولم اعرف المكان حتى
نحن ما محظوظين..مدرستنا الأولية "الخرطوم شرق" (مدرسة رفاعة الطهطاوي) تمت إزالتها و ترحيلها
لموقع آخر والآن "الخرطوم القديمة" تمت إزالتها أيضا و ترحيلها..
Post: #3 Title: Re: مدرسة الخرطوم القديمة الثانوية Author: Adel Sameer Tawfiq Date: 09-11-2008, 09:01 AM Parent: #1
Quote: ....وكانت ايام ....
خريج قديم !!
Post: #4 Title: Re: مدرسة الخرطوم القديمة الثانوية Author: Adel Sameer Tawfiq Date: 09-11-2008, 09:12 AM Parent: #3
صورة من الأرشيف لبعض طلبة المدرسة أخذت عام 1974
تصحيح : أخذت في أو حوالي فبراير 1975
جوائز قيمة لمن يتعرف على الموجودين في الصورة !!
Post: #6 Title: Re: مدرسة الخرطوم القديمة الثانوية Author: Hussein Mallasi Date: 09-11-2008, 10:02 AM Parent: #4
عادل سمين توفيق و مهند سمين جابر
_____ متأكد من 74 دي
Post: #8 Title: Re: مدرسة الخرطوم القديمة الثانوية Author: Adel Sameer Tawfiq Date: 09-11-2008, 10:16 AM Parent: #6
هلا حسين..مشتاقين كتير..
شوفت أنا و مهند كنا ضعاف كيف ؟؟!!
بالمناسبة..إيه رأيك في الساقين ؟؟!! فضيحة مش كدة ؟؟!!
و بعدين شنو..إنت مش كنت معانا ؟؟!!
أرجو الإتصال بي على تلفون السودان لإستلام الجائزة..المكالمة محلية !!
حأرسل ليك الرقم بالمسنجر..
Post: #23 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-11-2008, 08:47 PM Parent: #8
دي صورة المرحوم عبد الكريم يا عادل
مش كدة؟
لا حول ولا قوة الا بالله العلي العظبم
يوم لا ينسى ابداُ
Post: #52 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 06:44 AM Parent: #23
نعم ، المرحوم عبدالكريم محمد عبد الكريم ، زميلنا و صديقنا من الأولية(الخرطوم شرق) و الوسطي
(الخرطوم الأميرية)..توفى في حادث حركة اثناء عودته من المدرسة للمنزل..
ماعندك صور رحلة الجنوب ؟! أنا عندي صور جميلة لكن للأسف مخزنة في الخرطوم لا أستطيع الوصول اليها
الآن..
Post: #32 Title: Re: مدرسة الخرطوم القديمة الثانوية Author: Tagelsir Elmelik Date: 09-12-2008, 12:01 PM Parent: #8
علدل سميييييييييييير معز الجيم قرين يا حليل القديمة وحسن غبيد الشايقي و عبد الرحمن دياب و استاذ( سكتش) و جديث ( الكيس و العاجز) مالكم دايرين تفتحو لينا درب للحكي و الحسرة على الأيام الحلوة ،ايام تذكرة المواصلات الفيها شختة و ايام المظاهرات الكنا بننتهزها و نمشي نتغدى عند ناس معز و عادل سمير كلن بجي سايق ليه عربية كده عجيبة، و ناس خالد محمد عثمان اب لمبة ، و أمين الجزولي رحمه الله ، و الجماعه الظبتوهم مع الصول و صول الكديت الكان متوقع حرب اهلية في السودان و الدم حدو الركب و طارق اب نوز الكان بحب( الرير ايرث) و صور الشهيد ( كمال سلامة) وجمعية التاريخ برئاسة معز و رحلة الجنوب.......... ما بقيف قريب ده لكم جميعا حبي الللمحدود.. و الما قرا في القديمة يمشي يشوف ليه قديمة
Post: #53 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 06:57 AM Parent: #32
Quote: و عادل سمير كلن بجي سايق ليه عربية كده عجيبة،
تاج السر الملك الجميل..كنت و مازلت جميلا..
ياحليلك و حليل الايام الجميلة..
ما عندك أي صور لفترة الخرطوم القديمة ؟!
Post: #34 Title: Re: مدرسة الخرطوم القديمة الثانوية Author: Tagelsir Elmelik Date: 09-12-2008, 12:21 PM Parent: #4
الواقف ورا العمود يا عادل سمير هو ( علي التلب)
Post: #10 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-11-2008, 10:56 AM Parent: #3
كانت لنا أيام..
Post: #7 Title: Re: مدرسة الخرطوم القديمة الثانوية Author: خالد عبد الله محمود Date: 09-11-2008, 10:04 AM Parent: #1
الأخ العزيز أحمد موسي .. رمضان كريم ..
أنا تخرجت سنة 1993 و كنت أيضاً من شلة جمعية المسرح .. و كانت الشلة وقتها تضم صالح عبد القادر الممثل المعروف وده لما نحن دخلنا المدرسة هو كان كمل سنة ثالثة و أتخرج لكن كان لا يزال يشرف على جمعية المسرح .. كذلك أولاد سوبا أمير و خالد ( ما بتذكر الأسماء بالكامل ) و معتصم من أولاد بري و ياسر على عطية زميلي و جاري منذ أن درسنا الإبتدائي في الجريف غرب .. طبعاً لا زلت أذكر الأيام الجميلة القضيناها في المدرسة بالذات اللحظات الكان بنقضيها خلف المسرح و مقابل داخليات البركس و طبعاً كونا صداقات قوية داخل البركس بالإضافة للفطور المجاني في الميز بتاعهم .. لذلك كنت دايماً بقول لأصحابي إني دخلت جامعة الخرطوم من المرحلة المتوسطة مباشرة !!!
سأعود ... أكيد ..
Post: #9 Title: Re: مدرسة الخرطوم القديمة الثانوية Author: Ahmed musa Date: 09-11-2008, 10:51 AM Parent: #1
Quote: قبلك بى زمن طول يا ابو حميد لكن جيت من الخرطوم قبل يومين ومشيت مكان مدرستنا القديمة الجميلة وتحسرت على انها صارت بقايا انقاض لم يبق منها شىء ولم اعرف المكان حتى
المؤسف عابدون اخي ... أن الأمر مر كأن لم يكن شيئاً ... هُدِّمت المدرسة الصرح ... صارا ممراً للعربات ... تنفث فيها بقاياهاوتَنَكُّر الدولة لتاريخ المدرسة ... كلما ألزمني الظرف بالمرور بذاك المكان شعرت بالخُزي والعار وشعرتي بمشاركتي فيه ...بسبب المرور ...
Post: #11 Title: Re: مدرسة الخرطوم القديمة الثانوية Author: اساسي Date: 09-11-2008, 11:25 AM Parent: #9
والله يا افكاتو انتو دفعة قديمة خلاص لي وراء , انحنا طلنا عيال التزعينات تصدق الخرطوم القديمة 1990- 1993
Post: #12 Title: Re: مدرسة الخرطوم القديمة الثانوية Author: عمار عبدالله عبدالرحمن Date: 09-11-2008, 11:33 AM Parent: #11
Quote: تخرجنا في 1985 من مدرسة الخرطوم القديمة الثانوية
احمد موسى ,,, يعنى ما حضرت الاستاذ عمر الحميدي
كانت لنا ايام 1980-1983م عمر عبدالله عبدالرحمن
Post: #13 Title: Re: مدرسة الخرطوم القديمة الثانوية Author: أيمن الطيب Date: 09-11-2008, 11:57 AM Parent: #12
اساسى
Quote: والله يا افكاتو انتو دفعة قديمة خلاص لي وراء , انحنا طلنا عيال التزعينات تصدق الخرطوم القديمة 1990- 1993
صفا,,,إنتباه,,,صفا,,,إنتباه,,, قيام ,,,,,,جلوس,,,,,,جلوس,,,قيام ما حا نجلدك عشان إنتا أخدت الكوتة بتاعتك فى برى الأميرية ولسه زعلان من الوقت داك,, يازول أحمد موسى دا حا يمرق ليك الحبوبات الفى البورد دا كلهم ناس من زمن أربعة سنين وناس من زمن الردا,,وناس من زمن قبل ما يحفرو البحر
الخرطوم القديمة صرح أثرى وشاهد تاريخى تم تهديمه لأسباب غير معروفة,,,لك الله يا بلدنا,,,
إحترامى لكم,,,
Post: #18 Title: Re: مدرسة الخرطوم القديمة الثانوية Author: محمد الشيخ أرباب Date: 09-11-2008, 06:41 PM Parent: #12
يا احمد موسى
طبعا نحن قبلكم وكان المدير
حسن عبيد ومن الاساتذة عمر الحميدي
وجرجس محارب ومصطفى بوستي وكدودة
وعبد اللطيف وعبدالرحمن موسى( اسكتش)
كانت ايام. ببساطة تمت ازالت هذا المعلم
التاريخي.
تحياتي
Post: #14 Title: Re: مدرسة الخرطوم القديمة الثانوية Author: Ahmed musa Date: 09-11-2008, 12:25 PM Parent: #1
Quote: والذى جسدته مدرسة الخرطوم الثانوية منذ افتتاحها فى خمسنيات القرن الماضى .. تبلورت وتكاملت كل هذه العناصر مع بعضها البعض .. لتفرخ لكل منا شخصيته المتفردة التى هو عليها الان ..
أخي الفاضل ... محمد يوسف محمد ... أنجبت هذه (السنمار) قيادات وطنية بكافة مناحي الحياة ... ثُم إتكأت فداءاً ... لرغبات غير نزيهة ... نحاول هنا رد جزء يسير من جميلها بمحاولة التوثيق لها ...
Post: #15 Title: Re: مدرسة الخرطوم القديمة الثانوية Author: عابدون محمد عابدون Date: 09-11-2008, 03:29 PM Parent: #1
الدفعة 1973 – ابريل 1976 طبعا يا أحمد موسى انا اتفق معك انو اكثر مايؤلم انه هذه المدرسة عبارة عن تاريخ تم اغتياله بكل بساطة والمدهش فى الموضوع انو لم يقم أحد بإثارة هذا الموضوع ابدا ... اتفق معك ان اقل مايمكن عمله هو محاولة القاء الضوء على تاريخ هذه المدرسة العظيمة ورجالاتها ومساهماتهم .....
Post: #16 Title: Re: مدرسة الخرطوم القديمة الثانوية Author: Ahmed musa Date: 09-11-2008, 04:23 PM Parent: #1
Quote: صورة من الأرشيف لبعض طلبة المدرسة أخذت عام 1974 جوائز قيمة لمن يتعرف على الموجودين في الصورة !!
مولانا عادل سمير: تحية فخر أن تكون من خريجي هذا الصرح العملاق ... ... ... ولكن ألا تتفق معي أن التاريخ أعلاه كان (تِرِكْ) وقع فيه أخوي حسين ملاسي بكل سهولة ؟؟!!
ناذر الخليفة ... الوشوش دي بتنزلوها كيف ...؟؟؟
Post: #17 Title: Re: مدرسة الخرطوم القديمة الثانوية Author: Magdi Algorashi Date: 09-11-2008, 04:44 PM Parent: #16
اخي احمد موسي
والله يااحمد فتحت علينا طاقة من الذكريات الجميلة
والمؤلمة في نفس الوقت (ياليتنا عودنا او عادت الايام) , فطاف الخيال
بكل جميل لايام القديمة فتذكرت المرحوم الناظر حسن عبيد والمرحوم مصطفي كيمياء
Post: #54 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 07:02 AM Parent: #16
Quote: ولكن ألا تتفق معي أن التاريخ أعلاه كان (تِرِكْ) وقع فيه أخوي حسين ملاسي بكل سهولة ؟؟!!
يستاهل..
Post: #19 Title: Re: مدرسة الخرطوم القديمة الثانوية Author: Ahmed musa Date: 09-11-2008, 06:47 PM Parent: #1
Quote: متأكد من 74 دي
في إحتمال تاني يا حسين ملاسي ...؟؟؟
Post: #20 Title: Re: مدرسة الخرطوم القديمة الثانوية Author: عمار عبدالله عبدالرحمن Date: 09-11-2008, 06:55 PM Parent: #19
اللهم اغفر وارحم استاذنا ومديرنا الاستاذ حسن عبيد بحق هذا الشهر الكريم يا رب العالمين
Post: #21 Title: Re: مدرسة الخرطوم القديمة الثانوية Author: محمد البشرى الخضر Date: 09-11-2008, 07:04 PM Parent: #1
ابوحميد طلعت سنيرنا احنا دفعة 87-90 خالد ودسوبا المذكور اعلاه في جماعة المسرح كنا في كنبة واحدة في اولى و تانية عبيدة اذكر استاذ عوض الجيد كان الوكيل واحمد المقدم و الترابي التربية الإسلامية الطيب و التجاني للرياضيات بدر الدين للفيزياء و الفاضلابي للغة العربية مهدي و الحاج كيمياء
Post: #22 Title: Re: مدرسة الخرطوم القديمة الثانوية Author: Abdulmageed Gorashi Date: 09-11-2008, 08:35 PM Parent: #21
دفعة 79-81
شكلت الخرطوم القديمه الكثير في وجداننا وتبلورت فيها افكارنا ومشاعرنا و تطلعاتنا و امالنا.....
التحيه للاساتذه الاجلاء: المرحوم الناظر حسن عبيد المرحوم الاستاذ مصطفي بوستي ـ كيمياء استاذ عربي ـ عربي استاذ كدوده - عربي استاذ جرجس ـ فيزياء استاذ عصام- انجليزي استاذ "كافتيرا" لقب رياضيات مولانا "السمح" لقب ـ دين
التيحه للاخوه الزملاء:احمد النفيدي ـابوبكر يوسف الخليفه ـ حسام ابراهيم نور و هشام ـ هشام احمد عبد الحليم ـ وقرني ـ سعد ـ عماد علي ماللك ـادريس - ابوبكر حمد- عبد العزيز مندور-مجدي علي حسن ـ عاطف عبد الحليم
Post: #24 Title: Re: مدرسة الخرطوم القديمة الثانوية Author: Ahmed musa Date: 09-12-2008, 00:42 AM Parent: #1
Quote: كانت لنا أيام..
وأي أيام أ . د . معز ... كان ناظرنا الأستاذ مصطفى عابدين أمد الله في عمره والذي خلف الأستاذ : حسن عبيد رحمه الله وكان وكيل المدرسة حينها أستاذ عوض الجيد رئيس شعبة الجغرافيا ... وكان أستاذ الفنون أستاذ كرم الله ... وكان هنالك الأساتذة ميرغني يوسف ... بدرالدين في الفيزيا ... التيجاني ... الطيب في الرياضيات ومارتن مومو في الإنجليزي .... حدث لي موقف طريف مع أستاذ الكيمياء .... ببداية سنة تالتة ... جاء مار ... وكنت أشرب زجاجة كوكا كولا .... فعزمت عليه فإعتذر ..ز وأصريست قائلاً له (عليك الله يا أستاذ دي فيها كلوريد الصوديوم) ... فإعتذر ... ثم بعد سكتة فجائية سألني (أحمد موسى إنت مشيت أدبي) فقلت بفخر لا محل له (نعم) ... فاجاب بإرتياح لم أفهم له سبب (الحمدلله) ..... أ.د. معز .... الأستاذ ده ليه قال الحمدلله ؟؟؟؟؟!!!!!!
Post: #25 Title: Re: مدرسة الخرطوم القديمة الثانوية Author: فتحي الصديق Date: 09-12-2008, 02:23 AM Parent: #1
الغالي أحمد موسى وبقية الزملاء لكم التحايا 1980-1982 المرحوم حسن عبيد كان في الادارة والأستاذة الاجلاء الذين أسهموا في (تربيتنا وتعليمنا)..مصطفى حسن.عبدالرحمن موسى.محمد المهدي بشرى.عمر الحميدي.بدر الدين.وغيرهم ممن وهبونا ذواتهم تربية وتعليما.. أذكر من الزملاء خالد محمود..خالد فتح الرحمن ..عبدالماجد عمر الطيب.قاسم محمد صالح..دريج أحمد ابراهيم..و
كانت لنا أيام..
Post: #26 Title: Re: مدرسة الخرطوم القديمة الثانوية Author: Mohamed Yassin Khalifa Date: 09-12-2008, 03:34 AM Parent: #25
عزيزي أحمد موسى
بالله عليك تزكر كل شلة المسرح وتنسى الزعيم.. سكرتير جمعية المسرح والسكرتير الثقافي لأتحاد الطلبة وصاحبك القدييييم بالقديمة
ياخي ما ليك حق!!!!
تعظيم سلام للقديمة... ولكل من تخرج منها قبلنا ومعانا وبعدنا... والتحية لكل الأساتذة الأجلاء الحي منهم والذي مضى في رحمة الله.
بالمناسبة يا عبد المجيد قرشي أستاذ جرجس كان بدرس الكيمياء... رحمه الله... تقاعد بعد 28 سنة تدريس ورجع مصر وزرناهو في رحلة الطلبة في بيته بالقاهرة جنب السفارة وبكى وأبكانا معاهو....
محمد يسين الخليفة - الزعيم
القديمة 1981 - 1984
Post: #27 Title: Re: مدرسة الخرطوم القديمة الثانوية Author: عابدون محمد عابدون Date: 09-12-2008, 08:15 AM Parent: #1
ياجماعة فى واحد عنده اخبار عن حسن برشم ؟
Post: #28 Title: Re: مدرسة الخرطوم القديمة الثانوية Author: Ahmed musa Date: 09-12-2008, 09:27 AM Parent: #1
Quote: محمد يسين الخليفة - الزعيم
القديمة 1981 - 1984
لاحوللللاااااااااااااااا .... محمد يسين؟؟!!!!!!!! والله البدلة جهجتني ليك جهجهة .... حبابك يابوحميد ... يلا هوبا هوبا نجمع ما نستطيع من ذكريات
Post: #29 Title: Re: مدرسة الخرطوم القديمة الثانوية Author: Ahmed musa Date: 09-12-2008, 09:35 AM Parent: #1
Quote: الأخ العزيز أحمد موسي .. رمضان كريم ..
أنا تخرجت سنة 1993 و كنت أيضاً من شلة جمعية المسرح .. و كانت الشلة وقتها تضم صالح عبد القادر الممثل المعروف وده لما نحن دخلنا المدرسة هو كان كمل سنة ثالثة و أتخرج لكن كان لا يزال يشرف على جمعية المسرح .. كذلك أولاد سوبا أمير و خالد ( ما بتذكر الأسماء بالكامل ) و معتصم من أولاد بري و ياسر على عطية زميلي و جاري منذ أن درسنا الإبتدائي في الجريف غرب ..
خالد ... إنتو إذن شُلة أمير عزالدين ؟؟؟ .... ولا لؤي حسن ؟؟؟
بالمناسبة امير سوبا تقريباً إتزوج في الأيام الفاتت
Quote: طبعاً لا زلت أذكر الأيام الجميلة القضيناها في المدرسة بالذات اللحظات الكان بنقضيها خلف المسرح و مقابل داخليات البركس و طبعاً كونا صداقات قوية داخل البركس بالإضافة للفطور المجاني في الميز بتاعهم .. لذلك كنت دايماً بقول لأصحابي إني دخلت جامعة الخرطوم من المرحلة المتوسطة مباشرة !!!
اها قصة ميز الجامعة ده قصة تانية كنا بنقد السلك ونمشي هناك أكل وشراب وشبع وتحلية باسطة ولبن .... أيام !!!
Quote:
سأعود ... أكيد ..
اكيد أكيد ياخالد دايرين قصص الحقبة دي .... وأساتذتها
Post: #30 Title: Re: مدرسة الخرطوم القديمة الثانوية Author: Ahmed musa Date: 09-12-2008, 10:42 AM Parent: #1
Quote: والله يا افكاتو انتو دفعة قديمة خلاص لي وراء , انحنا طلنا عيال التزعينات تصدق الخرطوم القديمة 1990- 1993
يا أساسي يا أخوي دفعة قديمة هسع نحن ولا ناس مولانا عادل سمير ناس 1974م ...؟؟؟ وملاسي يتلبد يقول ليك (إنت متأكد من 1974 دي ...) داير يزيدفي الكلام وخايف التوثيق
Post: #55 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 07:06 AM Parent: #30
Quote: يا أساسي يا أخوي دفعة قديمة هسع نحن ولا ناس مولانا عادل سمير ناس 1974م ...؟؟؟ وملاسي يتلبد يقول ليك (إنت متأكد من 1974 دي ...) داير يزيدفي الكلام وخايف التوثيق
يا أحمد مالك و مال الكاشف أخوي ؟!
Post: #31 Title: Re: مدرسة الخرطوم القديمة الثانوية Author: Moawia Mohammed Date: 09-12-2008, 11:50 AM Parent: #1
الخرطوم القديمة الثانوية
المدير : مصطفي عابدين الوكيل : عوض الجيد أحمد الزبير ( جغرافيا ) دين: الترابي , بوب عربي : النوراني الحاج الفاضلابي , التيجاني كدودة كيمياء : مهدي , عوض بيض فيزياء : بدرالدين , ميرغني يوسف أحياء : أسامة جلال رياضيات : أحمد عبد المجيد ( مصري ) , دفع الله , الطيب , التيجاني , عبد الرحمن موسي ( اسكتش ) انجليزي : مارتن , كمال شرفي تاريخ : أبومدين كديت : الصول بابكر
معاويه حسن عمر محمد دفعة : 84 - 1987م أولي خالد , ثانية خالد , ثالثه أبوبكر
Post: #33 Title: Re: مدرسة الخرطوم القديمة الثانوية Author: Tagelsir Elmelik Date: 09-12-2008, 12:12 PM Parent: #31
الما حضر بوستي مولانا السمح و مولانا الشين و أستاذ عصام الصقر و مولانا السمح و جرجس محارب و حسن عبيد الشايقي و عبد الرحمن موسى اسكتش ( أطلق الأسم عليه نادر محمد خير غثمان) للتوثيق و الما شاف عادل وليم قلادة ماشاف، كان بيحمل اثقال غير متساوية قامت ليه عضلات مقلوظة الما شاف الناس ديل يمشى يراجع الأرشيف و عبد العال اب شنب ( شنب من سنة اولى) بنجي بأقاصيص عجيبة قريبا.
Post: #35 Title: Re: مدرسة الخرطوم القديمة الثانوية Author: Tagelsir Elmelik Date: 09-12-2008, 12:37 PM Parent: #33
أهداء الي دفعات السبعينات
Post: #36 Title: Re: مدرسة الخرطوم القديمة الثانوية Author: Mustafa Satti Date: 09-12-2008, 12:39 PM Parent: #31
سلام للجميع و رمضان كريم
ويا معاويه ما طلعنا اولاد دفعه واحده ..اولى و تانيه وتالته خالد احياء... وازكر من الشله
شريف عباس الناظر ....ابو الدفاع....موجود الان في جده اشرف امين كامل ...مستقر حاليا في ميونخ نور الدين سيد احمد.... ابوظبي إبراهيم شبو إمام عبد الناصر حمزه حسن حمزه المعز عبيد
المدير : مصطفي عابدين الوكيل : عوض الجيد أحمد الزبير دين: ابو النوم عربي : النوراني الحاج الفاضلابي كيمياء : مهدي فيزياء : ميرغني يوسف أحياء : أسامة جلال رياضيات : التيجاني انجليزي : كمال شرفي
وياشباب الخرطوم القديمه نقلوها ولا كسروها ... والسبب شنو
Post: #37 Title: Re: مدرسة الخرطوم القديمة الثانوية Author: Tagelsir Elmelik Date: 09-12-2008, 12:47 PM Parent: #36
Seventies Rock ولا شنو يا معز؟؟؟
Post: #38 Title: Re: مدرسة الخرطوم القديمة الثانوية Author: Ahmed musa Date: 09-12-2008, 01:12 PM Parent: #1
Quote: احمد موسى ,,, يعنى ما حضرت الاستاذ عمر الحميدي
كانت لنا ايام 1980-1983م عمر عبدالله عبدالرحمن
والله ياعمار نحن كنا تقريباً في زمن متقارب ... كان أستاذ ميرغني يوسف رئيس جمعية المسرح وكنا بنعمل إحتفال مسرح سنوي في مسرح المدرسة لاحول ولاقوة إلا بالله .... والله لحدي اللحظة لمن أتذكر إنو مسرح المدرسة راح أكره الزول الإتخذ القرار بتاع فنح الشارع ده ....
Post: #39 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-12-2008, 02:01 PM Parent: #38
الحبيب أحمد موسى،
شكراً لهذا البوست الممفعم بالشجن القديم
وسأعود بحكايات رهيبة عن هذه المدرسة العظيمة قريباً إن شاء الله
بس نسمع حكاوي الجميل تاج السر الملك وعادل سمير في الأول
وأكون رجعت البحرين وأتفرغ ليكم
يا أبو السرة أنا كنت رئيس جمعية العلوم ما التاريخ
نسيت لما نمسكك للمساء تحرر لينا جريدة المجهر
ياااااااااااااااه
جاييكم راجع..
Post: #40 Title: Re: مدرسة الخرطوم القديمة الثانوية Author: Magdi Algorashi Date: 09-12-2008, 05:04 PM Parent: #39
الاخ تاج السر تحياتي
شكلك من سردك لهذة الايام تكون دفعتي مرورا بعادل وليم
الزمان طال والبال مشغول والذاكرة اصبحت خربة لكن ساذكر بعض من الدفعة
الاخوان حمدي جيلي , عادل نوبي , عادل صلاح محمد كمال , حسام احمد عبدالحليم , خالد محي الدين
عارف النصري , خالد شدو , عصام الداروتي , شبيكة ,حسين عقيل , هشام المفتي , جمال استيف , عصام علي
جلال ميرغني , مجدي علي حسن ,محمد هاشم , احمد السواحلي ,رضا الحلبي , محمد الامير, عادل حداد, حاتم حسن العبيد
جرجس الحبشي , فيصل حسن , طارق ابوشيبة ,الفاتح عبدالله , مارتن , باتريس لوممبا .ياجماعة العندو معلومة عن هولاء
نرجو الافادة
وللاشواق عودة
Post: #42 Title: Re: مدرسة الخرطوم القديمة الثانوية Author: Tagelsir Elmelik Date: 09-13-2008, 04:56 PM Parent: #40
Quote: حمدي جيلي , عادل نوبي , عادل صلاح محمد كمال , حسام احمد عبدالحليم , خالد محي الدين
عارف النصري , خالد شدو , عصام الداروتي , شبيكة ,حسين عقيل , هشام المفتي , جمال استيف , عصام علي
جلال ميرغني , مجدي علي حسن ,محمد هاشم , احمد السواحلي ,رضا الحلبي , محمد الامير, عادل حداد, حاتم حسن العبيد
جرجس الحبشي , فيصل حسن , طارق ابوشيبة ,الفاتح عبدالله , مارتن , باتريس لوممبا
يا مجدى القرشي حسين عقيل رجع الى السودان بعد سنوات نعمنا بصحبته في الولايات المتحدة، هشام المفتي لا يزال هنا في ولاية فيرجينيا مع أسرته و أطفاله أنا ما متأكد أذا كنا دفعه واحدة و لكننا بالقطع تعاصرنا في دفع متقاربة، انا دفعة المعز عمر بخيت و عمر كبس ( طبعا لازم تتمسك بالمشاهير) ، و لكنني امارس ولاء القسم المافيوزي مع كل من درس في القديمة مطلقا، فالقديمة لم تكن مدرسة فقط، و لكنها حالة أجتماعية، سياسية ونفسية ( ناس الرقعة ما محسوبين...معليش) دحين عصام الداروتي ده ما كان في بحري الثانوية؟؟؟ دفعتنا ضمت المرحوم الصديق علي السيد الصديق، ولنا عوده..
Post: #41 Title: Re: مدرسة الخرطوم القديمة الثانوية Author: Ahmed musa Date: 09-12-2008, 09:31 PM Parent: #1
Quote:
الاخ احمد موسي.......شكراً لك علي فتح ملف الخرطوم القديمه، المدرسه التأريخ، الكوره، المسرح و زخم سياسي عظيم؛ صدمه عظيمه يوم ان عدت بعد سنوات لأجد لا قديمه و لا مسرح و لا كشك الليمون و لم يتحدث عنها احد مع ان البشير نفسه نهل من ذلك الصرح؛ آمر عجيب.
شكراً لك و انت تفتح نافذةً عبقه في جسم التاريخ لمؤسسه قدمت الكثير لهذا الوطن و كانت دوما صوتاً للناس المساكين عند زيادة السكر و العيش، شكراً لمصطفي عابدين و عوض الجيد و التجاني و اسكتش و النوراني و اسكريمو و مارتن و بدرالدين الصديق و ميرغني يوسف خالد التجاني و أسامه جلال و كمال شرفي و احمد مصري و محمد سعدالدين و مهدي كيمياء و صول بابكر اخرون كثر.....و رحم الله استاذ الطيب الذي علمنا من بعض الاصدقاء انه توفي قبل سنوات وكذلك استاذ حمدي، الذي توفي في اوائل التسعينات....
التحيه و الاجلال لهؤلاء الاباء و الاساتذه و اذكر جيداً ان بدرالدين الصديق رفض اعطاء دروس تقويه لاحد التلاميذ بحجه انه يدرسه في الفصل و هو نفس ما سيدرسه له في الدرس الخصوصي. السلام و التحيه لك يا أحمد و لكل من ولج من تلك الباب و خصوصاً كل اولاد بري و امتداد ناصر و اركويت فصداقتهم طيبه و كريمه و عاشت القديمه سطوره و قرايه و كوره كما كنا نهتف.
اخوك ناصر حسن منعم منصور، ٨٦ حتي ٨٩، اولي و ثانيه و ثالثه علي و الان نا ئب جراحه مخ في جامعه شيكاقو
رسالة إلكترونية أفرحتني من الدكتور ناصر حسن منعم منصور نائب جراحة المخ بجامعة شيكاقو...تؤكد قُدرة الخرطوم القديمة حتى بعدما حاق بها من خراب على أرساء قيم التواصل بين منسوبيها
من هو أُستاذ الطيب الذي توفى ؟؟؟
Post: #43 Title: Re: مدرسة الخرطوم القديمة الثانوية Author: شول اشوانق دينق Date: 09-13-2008, 05:52 PM Parent: #1
التحية لاستاذى الجليل الطيب عبد الرحمن الطيب (رياضيات)
شول اشوانق دينق
Post: #44 Title: Re: مدرسة الخرطوم القديمة الثانوية Author: Adel Sameer Tawfiq Date: 09-13-2008, 08:05 PM Parent: #1
Up
Post: #45 Title: Re: مدرسة الخرطوم القديمة الثانوية Author: نادر الفضلى Date: 09-13-2008, 08:43 PM Parent: #44
Quote: الما حضر بوستي مولانا السمح و مولانا الشين و أستاذ عصام الصقر و مولانا السمح و جرجس محارب و حسن عبيد الشايقي و عبد الرحمن موسى اسكتش ( أطلق الأسم عليه نادر محمد خير غثمان) للتوثيق
تاج السر ونسيت مولانا (الطيب)
المولانات الثلاث أساتذة أجلاء تعلمنا منهم ولكن الألقاب التى أطلقها عليهم الطلاب أضاعت أسماءهم.. أتحدى أى منكم أن يذكر أسماءهم
Post: #46 Title: Re: مدرسة الخرطوم القديمة الثانوية Author: ممدوح عثمان Date: 09-13-2008, 09:08 PM Parent: #44
خريج مدرسة الخرطوم القديمة
دفعة 1984- 1985 نهر علي
الناظر : حسن عبيد - له الرحمة والمغفرة
الوكيل : مصطفى عابدين الوكيل بالإنابة : بابا عبده
سكتس رياضيات - يوسف - فيزياء
كانت لنا ايام جميلة بالقديمة ، ولي موقف مع الناظر حسن عبيد في سنة أولى وبعد بداية الدراسة بأربعة أيام وعند دخولي للمدرسة وجدت الناظر حسن عبيد امامي فأوقفني وامسك بشعري وقال لي هذا شعر اولاد ناس ليه ماحلقته ، فقلت ليه إن شاء اليوم بحلق ، فقال لي والله لو ما حلقتو اليوم وجيت بكرة شفت صوت العنج ده اكان اقطعوا فيك ، وبعد ماتركني وذهب قررت أنني لن احلقة عنادا ، وفعلا مر اسبوع من هذا الحادث ، وايضا عند دخولي المدرسة بعد اسبوع وجدته امامي فقال ليه يا أبن ( ... ) تعال تعال وكنت احمل كتبي في يدي وقلت في نفسي انا مجنون اقيف ليك وحضنت كتبي جيدا وجري في جهة مكتبة جامعة الخرطوم وهو جاري وراي ويقول اقيف وفكيت وما وقفته إلا في شارع النيل .. وبعدها حلقت ولم اقابله إلا بعد شهر تقريبا ولم يعرفني ... الله يرحمة .
مولانا عادل سمير لك التحيه رغم انني عملت معه في محكمة جنايات الخرطوم شمال ( محاسب ) لم اعرف انك خريج مدرسة الخرطوم القديمة
وكان مولانا عوض الحسن النور القاضي المقيم
فهل تتذكرني ؟
Post: #56 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 07:33 AM Parent: #46
Quote: مولانا عادل سمير لك التحيه رغم انني عملت معه في محكمة جنايات الخرطوم شمال ( محاسب ) لم اعرف انك خريج مدرسة الخرطوم القديمة
سلام ممدوح..
طبعا بتذكرك و باالمناسبة أنا قريت أيضا في مدرسة الخرطوم الأميرية ودي براها دايرة ليها بوست
منفصل ، قضينا فيها 5 سنوات..عمر الزهور عمر الهنا!!
Post: #60 Title: Re: مدرسة الخرطوم القديمة الثانوية Author: ممدوح عثمان Date: 09-14-2008, 09:25 PM Parent: #56
مولانا عادل سمير
سبق أن فتحت بوست بأسم مدرسة الخرطوم الأميرية ولكن لم يكن هناك تجاوب
والقديمة فعلا قضينا فيها اجمل الايام
Post: #47 Title: Re: مدرسة الخرطوم القديمة الثانوية Author: ممدوح عثمان Date: 09-13-2008, 09:28 PM Parent: #1
الأخ / احمد موسى
شكرا ليك على هذا البوست
وطلعنا دفعة واحدة انتو كنتوا بتاعين المسرح واحنا كنا بتاعين فريق كرة القدم
ولوا بتتذكر مباراة الخرطوم القديمة ومدرسة العروبة وكانت في أستاد الخرطوم وانتهت 3/2 لصالح العروبة وقدمنا فيها مباراة كبيرة وكانت العروبة بكل نجوم الدرجة الاولى اما فريقنافكنا كلنا طلبة نظاميين في المدرسة ، واذكر نادر على ناصر وشخصي قدمنا مباراة كبيرة ، واتذكر ايضا انو بعد هذه المباراة قرروا أن تكون الدورة المدرسية بالطلبة النظاميين فقط ، وذلك للمستوى الكبير الذي قدمناه دون وجود أي لاعب من خارج المدرسة .
لك تقديري ولكل المتداخلين
Post: #61 Title: Re: مدرسة الخرطوم القديمة الثانوية Author: ممدوح عثمان Date: 09-14-2008, 09:55 PM Parent: #47
الأخ العزيز أحمد موسى
لك التحية
ياسلااام على الذكريات الجميلة ، طبعا الأخ حسن حسين كنا معا في مدرسة الخرطوم الأميرية في فصل واحد ( أولى شرق ) وانتقلنا لمدرسة الخرطوم القديمة معا ايضا ، وهو كان معنا في تلك المباراة وهو من الشخصيات الجميلة جدا ولم اسمع بأخبارة منذ مدة طويلة .
ولي عودة .......
Post: #48 Title: Re: مدرسة الخرطوم القديمة الثانوية Author: Ahmed musa Date: 09-14-2008, 01:29 AM Parent: #1
Quote: ولوا بتتذكر مباراة الخرطوم القديمة ومدرسة العروبة وكانت في أستاد الخرطوم وانتهت 3/2 لصالح العروبة وقدمنا فيها مباراة كبيرة وكانت العروبة بكل نجوم الدرجة الاولى
ياسلاااام كيف لا أذكر ياممدوح هل كان معكم (حسن حسين) إبن المُقرن ؟؟؟؟.... وكانت العروبة فعلاً تعج بلعيبة الدرجات ... وصعدت سنتها عن ولاية الخرطوم ــ إن اذكر ــ للدورة المدرسية القومية ... وصعدنا نحن لتمثيل الولاية في المسرح وفزنا بجائزة الفقرة المختارة عن مسرحية (دومة ود حامد) ... وبالبرونزية عن مسرحية (نقطة تحول) وكان كاتبها طالباً بالمدرسة وهو الآن مديراً لتحرير صحيفة الوطن وهو الكاتب و الناقد( خالد ساتي) الحاصل على درجة الماجستير في النقد ... ورئيس قسم الثقافة بصحيفة الوطن العُمانية ومراسل التلفزيون السوري حالياً...بتلك الدورة فاز (نصرالدين حسن) بجائزة أحسن ممثل (ميدالية ذهبية) وفاز (عادل فطر) بميدالية فضية ... كان المشرف على الأعمال طالب أيضاً بالمدرسة هو الطالب (عوض حامد) والذي كنا نحب مناداته بـ (عوض كوبر) لسكناه بها ... الآن هو حامل لدرجة الدكتوراة في الإنتاج التلفزيوني ... ويعمل بالولايات المتحدة الامريكية
Post: #49 Title: Re: مدرسة الخرطوم القديمة الثانوية Author: نادر الفضلى Date: 09-14-2008, 01:51 AM Parent: #48
الأخ أحمد موسى
مشكور على فتح هذه النافذة لذكريات لأفضل فترات العمر لخريجى المدرسة العريقة الخرطوم القديمة، وما أجملها من حقبة وذكريات
الأخ تاج السر
مشكور لإهدائك دفعات السبعينيات أغنيات مرتبطة بذلك الزمن الجميل
الأخ معز إنها ذكريات طيبه منتظرين مشاركاتك وذكرياتك عن تلك الفترة وأرجو ان تكون فيها مساحة عن المرحوم أمين الجزولى.
Post: #51 Title: Re: مدرسة الخرطوم القديمة الثانوية Author: نادر الفضلى Date: 09-14-2008, 02:34 AM Parent: #49
الأعزاء عادل سمير حسين ملاسى معز بخيت
عندما نظرت لهذه الصورة أول مرة لم أتعرف على أحد يما فيهم صورة المرحوم عبد الكريم ولكن تعليق بروف معز عن صورة المرحوم عبد الكريم أنعش الذاكرة
الجالسون
اللابس بنطلون جالس بجوار عادل، هو الأخ محمود عبد الكريم الشقيق الأكبر للمرحوم عبد الكريم وعلى يمبن الصورة شمال محمود، مالك شريف طاهر وشماله على الطرف محمد الباقر عبد الستار
الوقف فى الخلف بمين الصورة على عثمان (خاله المرحوم زين العبادين محمد عبد القادر) وعلى يمينه هشام عتيق ..
لكن كانت جنس تيفف عذبو الخلالات عذاب!
Post: #57 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 07:39 AM Parent: #51
نادر سلام..وين انت يا رجل ؟!
ماشـــــــاء الله ذاكرتك تمام..عندي صور تاني لكن مامعاي الآن..إن شاء الله لما أرجع الخرطوم بطلعها..
Post: #50 Title: Re: مدرسة الخرطوم القديمة الثانوية Author: Ahmed musa Date: 09-14-2008, 02:14 AM Parent: #1
Quote: ياجماعة فى واحد عنده اخبار عن حسن برشم ؟
Post: #59 Title: Re: مدرسة الخرطوم القديمة الثانوية Author: Adel Sameer Tawfiq Date: 09-14-2008, 05:55 PM Parent: #1
UP
Post: #62 Title: Re: مدرسة الخرطوم القديمة الثانوية Author: Ahmed musa Date: 09-14-2008, 09:58 PM Parent: #1
Quote: ياسلااام على الذكريات الجميلة ، طبعا الأخ حسن حسين كنا معا في مدرسة الخرطوم الأميرية في فصل واحد ( أولى شرق ) وانتقلنا لمدرسة الخرطوم القديمة معا ايضا ، وهو كان معنا في تلك المباراة وهو من الشخصيات الجميلة جدا ولم اسمع بأخبارة منذ مدة طويلة .
ممدوح :
سأحاول العثور على هاتفه .... لعب في فريق المقرن وقيل أنه كان مرشح للعب في الهلال ... لا أعلم ماذا تم بشأنه .... تحياتي وذكرنا الزمن داك
Post: #63 Title: Re: مدرسة الخرطوم القديمة الثانوية Author: Ahmed musa Date: 09-15-2008, 09:19 AM Parent: #1
Quote: و الما قرا في القديمة يمشي يشوف ليه قديمة
شُكرا أستاذي تاج السر الملك .... وفي إنتظاركم بشغف
Post: #64 Title: Re: مدرسة الخرطوم القديمة الثانوية Author: Yassir Bainwi Date: 09-15-2008, 10:05 AM Parent: #63
سنة94 جيت محول من النيل عطبرة للخرطوم القديمة صادق اعزاء ومن الساتذة أذكر النوراني الحاج الفاضلابي اسامة جلال سلامة التيجاني الطيب مهدي ابن عمتي محمد عبد القادر جون عبد الجليل وغيرهم
وحقيقة الواحد بتحسر كلما يمر بي هناك
Post: #65 Title: Re: مدرسة الخرطوم القديمة الثانوية Author: Adel Sameer Tawfiq Date: 09-15-2008, 12:02 PM Parent: #1
إستلمت الإيميل التالي من الأخ عمر مصطفى خريج القديمة
Quote: مولانا سلام انا دفعة 1989-1992 ولدى صور من القديمة سأرسلها لسعادتكم واحب ان انبهكم الى هناك العشرات من خريجى هذه المدرسة يريدون المساهمة فالرجاء وضع ايميل على البوست للمراسلة ولكم الشكر وانتم تتحفونا بهذه الروائع عمر
الأخ أحمد موسى و الأخوة الكرام..
إقتراح الأخ عمر مصطفى ممتاز ، و لحين إختيار إيميل للمراسلة ، يمكن للإخوة مراسلتي على إيميلي الخاص :
وجاييك يا نادر بحكايات امين الجزولي رحمه الله ورحلة الجنوب وقصصه مع أستاذ عصام
وحكاية أزهري مع عصام الصقر لما القطر وقف في الحصاحيصا
لكن بستر ناس عادل سمير واسامة دلكة وقصصهم الجميلة في واو نار والترم ترم
طبعاً في رحلة التاريخ لمصر وحسام كمال لما غرق
وبعدين جاتو زايدة
ورحلة العلوم لمصر واليونان
وكيف لاقينا أولاد الهوارة وشندي الثانوية
واتعرفنا على حسين شندي في القطر مع ناس مدرسة شندي الثانوية
وطلع ود عمي
وكنت بدق ليه الطبلة
لما القطر خسر في العتمور
ولما الباخرة اتعطلت جنب ابوسمبل
والحكاوي لا تنتهي
وحتماً أعود
Post: #75 Title: Re: مدرسة الخرطوم القديمة الثانوية Author: Adel Sameer Tawfiq Date: 09-15-2008, 09:18 PM Parent: #67
Quote: الناظر عبد الرحمن دياب
بالمناسبة توفى أستاذنا الكبير عبد الرحمن دياب عليه رحمة الله في حوالي عام 2001 كان أستاذا مربيا و رجلا فاضلا بكل معنى الكلمة..
و كذلك الأستاذ جرجس محارب الذي عاد لمصر.
Post: #74 Title: Re: مدرسة الخرطوم القديمة الثانوية Author: Adel Sameer Tawfiq Date: 09-15-2008, 08:53 PM Parent: #66
Quote: العلى إيدك اليمين في الصورة يا عادل ده معتصم بخاري
نعم د.معتصم بخاري
Quote: لكن بستر ناس عادل سمير واسامة دلكة وقصصهم الجميلة في واو نار والترم ترم
و قصص محمد عبد الوهاب يا جيم قرين
Post: #68 Title: Re: مدرسة الخرطوم القديمة الثانوية Author: Ahmed musa Date: 09-15-2008, 04:45 PM Parent: #1
قام بتدريسنا مادة التاريخ الأستاذ كامل ... وكان لاشهر من يضع إسبوتنق للتاريخ .... قبل أن الوزارة باحد السنوات وجدت إسبوتنقه مطابق لإمتحان السنة .... فتم إستبدال الإمتحان بالإمتحان البديل ... في السنة التي تلتها .... وضعت الأستاذ كامل إسبوتنق للإمتحان الأساسي وآخر للبديل !!!!
مولانا عادل سمير ... شكراً للمقترح ... وسنخصص إيميل للبوست لو مد الله في العمر
Post: #69 Title: Re: مدرسة الخرطوم القديمة الثانوية Author: malamih Date: 09-15-2008, 05:53 PM Parent: #68
الأعزاء خريجي قلعة العلم و منارة الثانوبات الخرطوم القديمة.. دفعة 1976 ـ 1979 .. كان عام 1977 أن 3 من العشرة الأوائل من الخرطوم القديمة جمال الشلالي كان أول الشهادة السودانية .. هشام محمد عبد الرحيم ( ودالناظر وأمه أبلة خديجة مديرة الخرطوم القديمة بنات) كان رابع الشهادة والثالث نسيت إسمه رجائي التذكير.. المدير كان المربي الجليل الأستاذ محمد عبدالريم ونقل العام البعده للخرطوم الجديدة.. خلفه الأستاذ الطيب السلاوي .. شعبة الرياضيات كانت برئاسة أستاذ السنهوري ومعهم عبدالرحمن موسى إسكتش .. والعلوم المرحوم العلامة مصطفى حسن ( بوست) و جرجس محارب في الكيمياء والفيزياء القطر حنفي و الذي ألتحق بجامعة الخرطوم بعد ذلك و أصبح من الذين يضعون الإمتحانات للشهادة .. وفي الأحياء الأساتذة فتح الرحمن ( بجم) و بابكر موسى .. واللذان صحبا أعضاء جمعية العلوم لرحلة اليونان الشهيرة .. في العربي العمالقة كدودة و كرف .. وفي الدين مولانا قطبي و مولانا عثمان عبدالرحمن .. في الجغرافيا أذكر أستاذ سيد و عمر النور .. وفي الأنجليزي الأساتذة أحمد عبدالله عمل بجامعة الخرطوم لاحقآ بكلية الآداب والأستاذ عصام أبو القاسم .. في الرياضة أستاذ على السمين وكان تخصصه رمي الجلة.. في الفنون أستاذ عمر الحميدي مؤلف مسرحية السيل و معه في الشعبة أستاذ الريح الكومي ولا الكوبي صلحوني يا تاج السر ,, البوفيه عم صالح الحلفاوي .. ولمن أجيكم صادي والتحية لكل خريجي هذه القلعة التي وئدت .. ويا تاج السر الملك نكته لينا He من وين! ما زال اللحن في أذني مع تلك ( الأمسيات) .. وبالمرة ياريت تجيب لينا Demis Roses وخاصة I need you.. i want you , i wish you more أو fore ever ND NEVER YOU WILL BE MY DREAM أو LOVELY LADY FROM ARCIDIA وطبعآ بتذكر من حفلات الجارة SISTER SCHOOL ... يوم شاركونا بأغنية داليدا ( سالمة يا سلامة) .. وطبعآ يا تاج السر كارل دوقلاس شريط EVERY BODY WAS COME FOR FIGHTING THOSE KIDS AS FAST AS LIGHTING THERE IS PUNK CHINA MAN FROM FUNKO CHINA TOWN
أيام .. ولنا عودة
Post: #70 Title: Re: مدرسة الخرطوم القديمة الثانوية Author: عمار عبدالله عبدالرحمن Date: 09-15-2008, 07:17 PM Parent: #69
Quote: قام بتدريسنا مادة التاريخ الأستاذ كامل ... وكان لاشهر من يضع إسبوتنق للتاريخ .... قبل أن الوزارة باحد السنوات وجدت إسبوتنقه مطابق لإمتحان السنة ...
استاذ كامل الحلفاوي ,, فعلا اشهر من يضع اسبوتنغ في مادة التاريخ ,, في عام 1983م وضع لنا اسبوتنغ وقال بالحرف الواحد ما تشوف غيره , وفعلا جاء الامتحان مطابق عبارة عن خمس مقالات فقط وهو كان قد وضع 6 مقالات اسبوتنغ..
_______
شعبة التاريخ استاذ عوض والاستاذ مختار مختار
Post: #72 Title: Re: مدرسة الخرطوم القديمة الثانوية Author: أيمن الطيب Date: 09-15-2008, 08:27 PM Parent: #70
التحية والإحترام للقديمة المدرسة أساتذة وخريجين,,
دفعة 87-90
الأستاذ والمربى الفاضل عمنا مصطفى عابدين المدير اذكر استاذ عوض الجيد كان الوكيل وإبنه الأخ اسامة,,,,,,, واحمد المقدم و الترابي التربية الإسلامية الطيب و التجاني للرياضيات وعبدالرحيم أبشلخة أو كما كنا نناديه (كومار) اللغة الفرنسية أستاذ حسن وأستاذ آخر يشبه الفرنسيين بطريقة تسريح شعره بدر الدين للفيزياء و الفاضلابي للغة العربية مهدي و الحاج كيمياء
محمد البشرى الخضر نحن دفعة يا صاحبى!!!حاجة تحير
يا أحمد موسى يا زميل ما زلت أحاول تسقط أخبار لؤى حسن عبدالسلام!!!!!!وحسب علمى هو موجود فى الولايات المتحدة!!
أفيدونا بالله,,
Post: #73 Title: Re: مدرسة الخرطوم القديمة الثانوية Author: Zakaria Joseph Date: 09-15-2008, 08:43 PM Parent: #72
لؤى حسن عبدالسلام الحانكوش موجود فى اميركا?????? يا اخى, دى زميل و صديق شخصى, هسع و بنو هشام غبدالعزيز, محى الدين عبدالكريم و بقية الصعاليق???
Post: #78 Title: Re: مدرسة الخرطوم القديمة الثانوية Author: Adel Sameer Tawfiq Date: 09-16-2008, 10:28 AM Parent: #69
سلام malamih
Quote: جمال الشلالي كان أول الشهادة السودانية .. هشام محمد عبد الرحيم ( ودالناظر وأمه أبلة خديجة مديرة الخرطوم القديمة بنات) كان رابع الشهادة والثالث نسيت إسمه رجائي التذكير..
الثالث حسن مكي حسن ابو (باشمهندس كبير الآن)
هشام محمد عبد الرحيم دكتور إستشاري باطنية و سكري و لواء شرطة بمستشفى الشرطة الآن والده كان ناظر
الخرطوم الجديدة ! ووالدته الأستاذة خديجة عبد الله كانت ناظرة الخرطوم الجديدة بنات أو مدرسة الأم
سابقا..
Quote: المدير كان المربي الجليل الأستاذ محمد عبدالريم ونقل العام البعده للخرطوم الجديدة.. خلفه الأستاذ الطيب السلاوي
أول مرة أسمع بالاستاذ محمد عبد الريم..
لك تحياتي..
Post: #81 Title: Re: مدرسة الخرطوم القديمة الثانوية Author: Tagelsir Elmelik Date: 09-16-2008, 01:25 PM Parent: #69
Quote: في الرياضة أستاذ على السمين وكان تخصصه رمي الجلة
يا ملامح الزول ده كان عندو زنقلة كبيييييييرة مرة ما عارف منو ( يمكن المرحوم علي السيد الصديق) قاليه يا استاذ بطل هظار و ادينا الكور الداسيها تحت فنيلتك دى نلعب بيها. يا ملامح القديمة دايما كان فيها اسطوانات لافة كدة ,HE كانت التوب تن و كليف ريتشارد و Deep Purple Santana The Temptations Stevie wonder ( superstition) Barry White and this:
Post: #71 Title: Re: مدرسة الخرطوم القديمة الثانوية Author: Zakaria Joseph Date: 09-15-2008, 08:16 PM Parent: #1
احمد سلامات
خريج 1987. نسيت اسماء معظم الاساتذة و لكن ما زلت ازكر:
الادب العربى: الاستاذ الحاج الفاضلابى النحو: الاستاذ كدودة اللغة الانجليزية: الاستاذ المفكر مارتن ماو ماو اللغة الفرنسية: الاستاذ محمد الحسن احمد الرياضيات: الاستاذ التجانى اففيزياء: الاستاذ ميرغنى احيانا, كنت بحضر حصص الدين الاسلامى (لم يكن هناك مدرس دين مسيحى) و كان هناك استاذ بوب مارلى و قد كان رجلا خلوقا. رمضان كريم.
Post: #76 Title: Re: مدرسة الخرطوم القديمة الثانوية Author: Khalid S Yosif Date: 09-15-2008, 09:19 PM Parent: #1
Quote: قام بتدريسنا مادة التاريخ الأستاذ كامل ... وكان لاشهر من يضع إسبوتنق للتاريخ .... قبل أن الوزارة باحد السنوات وجدت إسبوتنقه مطابق لإمتحان السنة
وكانت لنا ايام, بالله العندو صور ينزلها الا رحم الله المربى الفاضل الاستاذ حسن عبيد الشاقى والاستاذ جرجس محارب,اللى يسببو كل الفصل مشى ادبى واتزكر قولته الشهيره ' لو نقحتو ابقى ابلونى'. يالها من زكريات وما احلاها ايام.
Post: #77 Title: Re: مدرسة الخرطوم القديمة الثانوية Author: Ahmed musa Date: 09-15-2008, 09:35 PM Parent: #1
Quote: اللغة الانجليزية: الاستاذ المفكر مارتن ماو ماو
ياسلااااام يا زكريا ... اين هذا الجميل الذي كان يدرسنا كتاب ألان باتون ....Cry the beloved country
لؤي حسن عبدالسلام كان أجمل يساري بورجوازي .... كان من أسرة ميسورة .... ويساريون بشكل مخلص
لا أعلم له مكان ...
Post: #79 Title: Re: مدرسة الخرطوم القديمة الثانوية Author: Adel Sameer Tawfiq Date: 09-16-2008, 10:36 AM Parent: #1
بالمناسبة أستاذ عصام توفي لرحمة مولاه قبل عدة سنوات..قرأت نعيه في جريدة..
لا حول البوست بقى كله أساتذة و طلبة مراحيم..
الللللله يســـــــــتر !!
Post: #80 Title: Re: مدرسة الخرطوم القديمة الثانوية Author: haleem Date: 09-16-2008, 11:13 AM Parent: #1
كتبت هذا البوست عام 2003 ..عند إنتقال المدرسة من مبانيها التاريخية الى مكانها الحالي
Quote: كانت تضم أبناء أواسط الخرطوم العاصمة وأطرافها القريبة.. عندما درسنا بها أوائل الثمانينيات كان يدرس بها جزء كبير من أبناء التنفيذيين بالسلطة..نواب الرئيس والوزراء..وأبناء السياسيين وغيرهم درس بها من تفوقوا في ميادين الرياضة مثل طارق أحمد آدم وأحمد عافية... قربها من البركس والجامعة مكننا من متابعة الكثير من الأحداث...أركان دالي ..سيخ الاتجاه الاسلامي وقراءة مساء الخير والمؤتمر...منها عشنا انتفاضة يناير 82 الطلابية كان يديرها حسن عبيد الشايقي رحمه الله..الذي طبقت شهرته الآفاق آنذاك مع ثلة من الاساتذة المميزين جرجس محارب الذي كان يقدم برنامجا تلفزيونيا عن الكيمياء.. مصطفى بوستي رحمه الله..أستاذ كدودة..شيخ عثمان... وأستاذ الفنون والمسرحي عمر الحميدي وسكتش و(صول) الكديت الشهير بابكر هذا الأسبوع إفتتح من وضعته أقدار الشعب السوداني رئيسا له مباني جديدة للمدرسة ببري حيث ستنتقل بإعتباره أحد خريجيها...مشروع الانتقال كان مخططا له من نهاية السبعينات حيث كانت الجامعة تطالب بضم مبانيها العتيقة.. إلا أن حسن عبيد كان لهم بالمرصاد حيث كان يطالب بثلاث مدارس حتى تكون بديلا عنها...هذه المباني العتيقة هي جزء عراقة المدرسة وذكرياتنا العزيزة فيها...فلا زلنا نذكر تذكارات افراد الجيش الانجليزي التي كانت تزين اركانها..ونقوش أبنائها على مر الحقب بها وداعا مباني الخرطوم القديمة الثانوية...
Post: #82 Title: Re: مدرسة الخرطوم القديمة الثانوية Author: malamih Date: 09-16-2008, 01:36 PM Parent: #80
مولانا عادل توفيق
قصدت الأستاذ محمد عبدالرحيم وهو والد الدكتور هشام فلقد كان مديرآ للخرطوم القديمة قبل أن يتم نقله للجديدة .. حيث خلفه بعد ذلك الأستاذ الطيب السلاوي .. بالمناسبة لقد إخترنا الأستاذ محمد عبدالرحيم مديرا لمدارس السودانية العالمية بالرياض عام 1995 .. أما الأستاذ مصطفى عابدين فلقد كان رئيس شعبة الأحياء آنذاك قبل أن ينقل ألى بحري الحكومية .. كان الراحل حسن عبيد الشايقي وكيلا للمدرسة .. حيث عين كمدير عام 1979 و تم تعيين الأستاذ مصطفى عابدين و كيلآ للمدرسة بعد أن تم نقله للقديمة مرة أخرى .. ولقد درسنا مادة الأحياء وكنا في النهائي .. علمي ـ أحياء ـ فلهم المغفرة و الرحمة. شكرآ تذكيرك مولانا على الرابع الباشمهندس الصديق حسن مكي حسن أبو.. والله نسيتو تمامآ.. ومن الدفعة المرحوم محمد أبراهيم الياس .. الدكتور و عضو البورد عبدالحافظ خضر أستاذ القانون الدولي بفرنسا .. وأيضا الدكتور الزراعي نصرالدين الطيب بابكر بمنظمة الفاو و الإقتصادي وأحد قادة الإنتفاضة و إتحاد طلاب جامعة الخرطوم عمر صالح عمر .. و الطبيب البيطري الدكتور الرشيد حامد .. وإيضا عضو البورد عدلان أحمد عبدالعزيز و نواصل .,
Post: #83 Title: Re: مدرسة الخرطوم القديمة الثانوية Author: Hussein Mallasi Date: 09-16-2008, 01:46 PM Parent: #80
Quote: في الرياضة أستاذ على السمين وكان تخصصه رمي الجلة
Quote: يا ملامح الزول ده كان عندو زنقلة كبيييييييرة
في أول حصة رياضة ادانا محاضرة عن حاجة اسمها الدين الاكسجيني؛ و من تاني حصة لحدى ما انتهينا من المدرسة تاني ما شفنا منو غير كور السلة و الطائرة.
Post: #84 Title: Re: مدرسة الخرطوم القديمة الثانوية Author: Tagelsir Elmelik Date: 09-16-2008, 03:44 PM Parent: #83
سلفتها لمامون الملك لغاية هسة ما رجعها
Post: #85 Title: Re: مدرسة الخرطوم القديمة الثانوية Author: Ahmed musa Date: 09-16-2008, 04:22 PM Parent: #1
Quote: الأستاذ مصطفى عابدين و كيلآ للمدرسة بعد أن تم نقله للقديمة مرة أخرى .. ولقد درسنا مادة الأحياء وكنا في النهائي .. علمي ـ أحياء ـ فلهم المغفرة و الرحمة.
الأستاذ ملامح .... الأستاذ مصطفى عابدين الآن يمتلك مدارس عابدين الخاصة ... وهو بحمدالله بصحة جيدة وعافية
Post: #86 Title: Re: مدرسة الخرطوم القديمة الثانوية Author: Ahmed musa Date: 09-16-2008, 10:50 PM Parent: #1
قابلت اليوم حاتم النور دفعة بعدنا مباشرة ... ونبهني إلا أن ما تبقى من مباني المدرسة فقط هو مخزن (عم قسم) ... فهل يصمُد ؟؟؟!!!!
Post: #87 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 08:49 AM Parent: #1
يا اخوانا ماتخلوا البوست دا ينزل كتير..
Post: #88 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 10:15 AM Parent: #1
وصلني الإيميل التالي من الأخ الدكتور محمد حيدر طبيب بمستشفى الخرطوم
Quote: السلام عليكم ورحمة الله : اذكر اول ايام دخولنا الى مدرسة الخرطوم القديمة عام 1989 كانت الفرحة تغمرنا ونحن ندخل هذا الصرح الشامخ وتم استقبالنا من قبل الاستاذ عوض الجيد وكيل المدرسة وكانت الدهشة تغمرنا لكبر حجم هذه المدرسة وعدد الانهار بها فغالبية المدارس كانت ذات نهرين فقط .
وكان بالمدرسة من المعلمين الذين اذكرهم :
الاستاذ مصطفى عابدين وكان عائد من بلغاريا كمدير للمدرسة وزاملنا ابنه امين مصطفى عابدين فى الفصل
الرياضيات محمد سعد الدين ( الطف استاذ اقابله فى حياتى ) وله طريقة بسيطة فى توصيل المعلومة والاستاذ الطيب والتيجانى والاستاذ محمد احمد .
واللغة العربية : الاستاذ كدودة الذى كان متطوعا بعد تقاعده والاستاذ النورانى الحاج الفاضلابى ايضا كان يأتى احيانا
واللغة الانجليزية الاستاذ عماد والاستاذ وليم والاستاذ كمال والاستاذ محمد عبدالقادر .
والاحياء الاستاذ اسامة جلال وآخر كان له شنب ضخم وكان ينام داخل الفصل احيانا ...
والفيزياء الاستاذ ميرغنى يوسف وكان هو نفسه من مؤلفى كتاب الفيزياء .والاستاذ بدر الدين
والكيمياء الاستاذ مهدى عبدالله
والفنون كان يدرسها شاب مغبر من كلية الفنون الجميلة ... اسمه على ما اظن احمد وهو قد تعب تماما معنا ليمحو اميتنا الفنية .
والموسيقى مدرسها كان رائعا وهو يلقننا اصول الموسيقى الصحيحة
واللغة الفرنسية عبدالرزاق واستاذ اخر والاثنين كانا محببين للطلاب لدرجة كبيرة ..
والتربية الاسلامية الترابى واستاذ نافع
والتاريخ الاستاذ شريف المصرى والاستاذ عبدالفتاح
والجغرافيا الاستاذ محمد الفاتح
وكانت اول ايامنا عبارة عن مظاهرات شبه يومية فى اواخر ايام الديموقراطية مظاهرات لايعرف احد كيف تبدأ وكيف تنتهى مما مكننا مناستكشاف الاجواء حولنا فكنا نذهب فى جولات الى الجامعة والى معرض الجيش ودار النشر ...
محمد حيدر
طبيب بمستشفى الخرطوم
Post: #89 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 10:36 AM Parent: #1
حذف لوجود خطأ في إيميل مرسل..
Post: #90 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 10:51 AM Parent: #1
أرسل الأخ عمر مصطفى الإميل التالي
Quote: مرفق صور صورة من مسرح القديمة صورة من داخل الفصل صورة بقرب النفق صورة مع البوش من كشك بريمة صورة بمكتب المدير مع الاستاذ عماد لغة انجليزية ومسجل المدرسة صورة امام الفصل صورة مع الاستاذ محمد سعد الدين رياضيات
Post: #92 Title: Re: مدرسة الخرطوم القديمة الثانوية Author: malamih Date: 09-17-2008, 02:08 PM Parent: #90
أستاذنا عادل توفيق ..
حقيقة إندهشت لمرسل الإي ميل لك بإسم عادل نجيلة .. فأنا عادل نجيلة نفسه وأكتب هنا بإسم ملامح .. دخلنا القديمة عام 1976 وتخرجت منها عام 1979 المساق العلمي أحياء .. فرجائي التحقق من مرسل الإي ميل بإسمي ولك الشكر و التقدير.
و بما أن المقام مقام زمالة و ذكريات لأحلى مراحلنا الدراسية فلنذكر بعض الطرائف .. طبعآ و لقرب القديمة لجامعة الخرطوم وخاصة داخليات البريكس فأن المدرسة تتأثر تأثرآ طرديآ مع معدل أحداث جامعة الخرطوم فكلما تكاثرت أحداث الجامعة و ألمت بها الخطوب نتأثر نحن كذلك .. وأذكر في إحدى المرات و كان يوم خميس أن جرت أحداث بجامعة الخرطوم حيث طالت الأحداث مباني البريكس المتاخمة لنا .. وفجأة أنهال البومبان علي البريكس وطبعآ طالنا الدخان و نحن في الفصل في الطابق الثاني وخرج الطلاب وهم يسعلون وصاروا يهتفون مناصرة لطلاب جامعة الخرطوم وتمادى البعض منا فصاروا يقذفون جنود الإحتياطي المركزي بالحجارة من داخل المدرسة ولفك الحصار عن طلاب البريكس .. وفعلا بدأ جنود الإحتياطي المركزي في التراجع ولكنهم فجأة بدأوا يقذفونا بالمبان .. وضرب المدير الجرس وكانت الساعة حوالى الحادية عشر صباحآ وأمرنا بواسطة المايك الداخلي بالحضور لجهة المعامل والبوفيه حتى نخلي المدرسة عن طريق مدرسة الخرطوم التجارية .. ولكن البعض من رفض وخرجنا بالباب الرئيسي و المقابل للتدريب المهني رفع المستويات .. وبدأنا في رشق البوليس بالحجارة وبدأ البوليس في إطلاق البومبان علينا فما كان منا ألا أن نصعد في قمة كبري قضيب القطر .. ونحن نجري جنوبا في القضيب .. و لم نلحظ القطار القادم من بحري ناحية الخرطوم .. فأصبحنا في موقف صعب .. القطار قادم من ورائنا ومن تحتنا جنود الإحتياطي المركزي .. ولا أمل في الوصول ألى محطة نفق بري الأخرى .. وبدأ القطار يطلق صافرته المزعجة لنا ونحن مازلنا نجري وسط القضيب .. والمسافة للنفق الآخر تبدو بعيدة المنال.. ونظر زميلي نصرالدين الطيب ألى تحت فوجد كومر متوقف قرب النفق فما كان منه ألا أن قفز على ظهر الكومر وتبعناه نحن و كنا عبدالفتاح عثمان و عبود الفاتح بشارة و شخصي و صالح الطاهر عبدالرحمن المقبول وآخرون لا أذكرهم وفوجئنا بأننا قفزنا على كومر الإحتياطي المركزي .. وبعدها حاولنا النزول منه ولكن وجدنا ضابط برتبة ملازم أول ومعه 4 من الجنود المدججين بالسلاح ينظر ألينا باسما ( كمان جايين الكومر بي رجلينكم.. أمانة ما وقعتوا الليلة.. ثم صاح بغضب إترزعوا قبلكم يا صعاليك ثم صاح موجها تعليماته للجنود يا عسكري الطلبة ديل زول يمرق منهم مافي ودوهم القسم الجنوبي على طول) .. فصاح نصرالدين الطيب فينا( أمك .. القسم الجنوبي عديل كدة .. يا جنابوا نحنا طلبة القديمة وما عندنا دخل بالجامعة ونحن هسع ماشين أهلنا) فصاح الضابط شنو أهلكم .. إنتو لوعندكم أهل بتفلقوا البوليس بالحجار) وهنا إتحمق عبود الفاتح بشارة وكان والده له منصب كبير في الحكومة آنذاك ( أسمع يا جنابوا أتكلم كويس) أواصل
Post: #93 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 07:39 PM Parent: #92
Quote: حقيقة إندهشت لمرسل الإي ميل لك بإسم عادل نجيلة .. فأنا عادل نجيلة نفسه وأكتب هنا بإسم ملامح .. دخلنا القديمة عام 1976
وتخرجت منها عام 1979 المساق العلمي أحياء .. فرجائي التحقق من مرسل الإي ميل بإسمي ولك الشكر و التقدير.
الأخ عادل نجيلة(malamih)
سلام ، حقيقة حاجة مدهشة..للأسف مسحت الإيميل المرسل..
تاني حأنقل عنوان الإيميل الذي يصلني..
أنا آسف..أرجو قبول إعتذاري..سأقوم بمسح المداخلة..
الأخ أحمد موسى للتكرم بتحديد إيميل خاص بالمراسلة لهذا البوست مع الشكر..
Post: #91 Title: Re: مدرسة الخرطوم القديمة الثانوية Author: Yassir7anna Date: 09-17-2008, 01:04 PM Parent: #1
الاخ العزيز أحمد موسى
شكرا ليك على اثارة الذكريات.
ياسر محمد عثمان، 80 - 83
تعرف خالد عبداللطيف وعصام علي ديل كنا دفعة طبعا واصحاب وشلة المسرح دي انا كنت قريب منهم شديد رغم اني ما مثلت وقدر ما تمعنت في صورتك ما قدرت اتذكرك اكيد السنين لعبت دورها
عندي كمية من الحكاوي والطرف ايام القديمة، ان شاء الله لو ربنا مد في العمر بحاول انزلها واسردها هنا
عمر عبدالله عبدالرحمن
Quote: كانت لنا ايام 1980-1983م عمر عبدالله عبدالرحمن [/quote
يا خي انت ما دفعة عديل كده ، انا كنت اولى وتانية ابوبكر وتالتة علي كدي حاول ذكرني، ما الذاكرة خلاص بقت خربة
مولانا سمير
كيف احوالك؟ عندي خالي برضو قرا في القديمة في نفس الفترة لكن ما مذكر السنين، اسمه عصام الواثق، ان شاء الله يكون مر عليكم
لكم جميعا عاطر التحايا
Post: #96 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 08:40 PM Parent: #91
Quote: مولانا سمير
كيف احوالك؟ عندي خالي برضو قرا في القديمة في نفس الفترة لكن ما مذكر السنين، اسمه عصام الواثق، ان شاء الله يكون مر عليكم
الأخ ياسر..
سلامات..تقصد عصام أخو الأستاذ الجيلاني الواثق ؟ لا..ماحضرناه في المدرسة كان قدامنا كتير !! لكن أنا بعرفو شخصيا من أولاد الخرطوم 3
عاطر التحايا..
Post: #94 Title: Re: مدرسة الخرطوم القديمة الثانوية Author: خالد عبد الله محمود Date: 09-17-2008, 08:09 PM Parent: #1
Quote: بدر الدين للفيزياء
أستاذ بدرالدين ده كان زول بحب الحناكيش شديد و جنو و جن الناس التعبانين و كان عندو قانون أنو في حصتو مافي أتنين يقعدو في درج واحد ... مرة جاء الحصة و و وجد أتنين قاعدين في درج واحد ... واحد أسمو سامر حنكوش من جاردن سيتي و التاني أسمو عصام من أولاد الصحافة .. قام أستاذ بدر الدين قال لي سامر : يا سامر تاني في حصتي تقعد في درج براك عشان تفهم و أنا أقدر أوصل ليك المعلومة ( قالها بكل لطف) ... سامر قال ليهو : لكن يا أستاذ ده درجي أنا ؟ قام الأستاذ قال لعصام بنهرة : ده ما درجك كمان ... قوم أطلع بره .
Post: #95 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 09-17-2008, 08:09 PM Parent: #1
سلام ....
أنا غايتو ما حأقول دفعة متين .... لكن ورا عادل سمير بسنة
الما حضر بوستي مولانا السمح و مولانا الشين و أستاذ عصام الصقر و مولانا السمح و جرجس محارب و حسن عبيد الشايقي و عبد الرحمن موسى اسكتش _____ إضافات .. الناظر: السلاوي، و قبلو الناظر عبد الرحمن أول من علمني موسيقى، العم رابح مرداس رحمه الله
Post: #97 Title: Re: مدرسة الخرطوم القديمة الثانوية Author: Adel Sameer Tawfiq Date: 09-17-2008, 08:50 PM Parent: #95
Quote: أنا غايتو ما حأقول دفعة متين .... لكن ورا عادل سمير بسنة
طبعاً ... مش دفعتك ناس ماهر سليمان ومصطفى هاشم .. وبي هناك ناس "كبسيبة"
Post: #110 Title: Re: مدرسة الخرطوم القديمة الثانوية Author: malamih Date: 09-18-2008, 01:41 AM Parent: #100
مولانا عادل سمير ولا يهمك يا عزيزي ولا داعي للأسف..
من الطرائف الجميلة إن أقيم حفل ساهر في المدرسة لوداع الدفعة وكان هذا تقليد في القديمة.. و كان الحفل بالفنان الراحل عبدالعزيز داؤود وأثناء ما أبوداؤود بغني أن جاء أستاذ مصطفى حسن ( بوست) ولقد كان من أصحاب الوزن الثقيل جدآ ليبشر في أبوداؤود منتشيآ بإحدى الأغنيات وفجأة إنقطع التيار الكهربائي من المسرح و المدرسة ككل .. وهنا علق أبوداءود لمصطفى حسن ( يا أستاذ كدي زح لينا شوية إمكن تكون عفصت السلك).. وأنفجر الجميع ضاحكين بما فيهم بوست رحمة الله عليه.
Post: #111 Title: Re: مدرسة الخرطوم القديمة الثانوية Author: malamih Date: 09-18-2008, 01:59 AM Parent: #110
تعرف يا تاج السر أنت عبرت بينا مرحلة كاملة من الذاكرة.. حاجة زي
Black&White.. و JB .... Sant James ..... وصينية الإتحاد الإشتراكي .. ورحلة اليونان .. والهروب من المعسكر و السفر ألى لندن لحضور حفل بوب مارلي هناك .. جنون أستاذ فتح الرحمن بجم عند إكتشافه للهروب .. ركوب الإنتركوزموز ترين القطار العالمي من أثينا .. ألى لندن .. ثم العمل في مطاعم لندن في الإجازة و العودة الظافرة للخرطوم.
في الذاكرة إيضا berry white (standing in the shade of love) ,, dona samer ( i know i know. we can make it) something in my mind
santaaaaaaaaaaana ya salaaaaaaaaaaaam يا تاج السر يا فنان
فعلا ( إيش لون الأحمسة ) ... شريط الندوة بالمناسبة كله مقطع رجائي الحديث مع ناس منتدى الجالية لإعادة ترتيب شربط الندوة.
Post: #112 Title: Re: مدرسة الخرطوم القديمة الثانوية Author: malamih Date: 09-18-2008, 02:05 AM Parent: #111
أخوكم عادل نجيلة .. أهداء للدفعة والزملاء في القديمة لإنعاش الذاكرة.
Post: #121 Title: Re: مدرسة الخرطوم القديمة الثانوية Author: Adel Sameer Tawfiq Date: 09-18-2008, 10:40 AM Parent: #112
Quote: أخوكم عادل نجيلة .. أهداء للدفعة والزملاء في القديمة لإنعاش الذاكرة.
الأخ عادل نجيلة..
دايرين صورةك بالزي المدرسي زمـــــــــاااان بالشورت (الردى) و ذلك لمزيد من الإنعـــــــاش !!
Post: #128 Title: Re: مدرسة الخرطوم القديمة الثانوية Author: Tagelsir Elmelik Date: 09-18-2008, 04:40 PM Parent: #111
يا ملامح
نسيت الأضواء كيف؟؟؟ كنا بنمشي لى ( ابيض) ال(DJ) و نقعد اليوم كلو نسجل في الأغنيات الجديدة و معانا اسامة السيد ( اب نوز) و من هناك غشوة لى سمك الأتينيه و في دكيكين بتاع مزيكة كان ورا الخارجية، و بعدين الأنوار المقابل لى فرن سيحة، ابيض بالليل كان بلعب دسكوتيك النيل الأزرق، و ال( كيف) تحت اكسلسيور، و البلو ستارز كانو بلعبو في سطح صحارى، ,]و دي
Emperors of Soul..The Tempts.
Post: #129 Title: Re: مدرسة الخرطوم القديمة الثانوية Author: Tagelsir Elmelik Date: 09-18-2008, 04:51 PM Parent: #128
و مرة كده ركلسنا في ( كوفير بارادايس) كندشة في رمضان مع ناس خالد محمد عثمان( اب لمبة) و محمود الطيب الطاهر و ابو الجاز اها سانتانا كان حاضر
Post: #101 Title: Re: مدرسة الخرطوم القديمة الثانوية Author: Ahmed musa Date: 09-18-2008, 00:28 AM Parent: #1
Quote: ياسر محمد عثمان، 80 - 83
تعرف خالد عبداللطيف وعصام علي ديل كنا دفعة طبعا واصحاب وشلة المسرح دي انا كنت قريب منهم شديد رغم اني ما مثلت وقدر ما تمعنت في صورتك ما قدرت اتذكرك اكيد السنين لعبت دورها
عندي كمية من الحكاوي والطرف ايام القديمة، ان شاء الله لو ربنا مد في العمر بحاول انزلها واسردها هنا
الصديق ياسر .... يازول أنا شنو جابني لناس خالد عبداللطيف وعصام على (بالمناسبة عصام ده وين ؟؟؟) ... أنا دفعة 85م خالد وعصام ديل قدامنا بكم سنة ... بعدين أنا زمان كنت ضعييييييييييف .... قريب حأنزل صورنا القديمة أيام المسرح لكن برضو أظن ما إتعاصرنا إلا في السنة النهائية ... راجين قصصك ...
Post: #102 Title: Re: مدرسة الخرطوم القديمة الثانوية Author: Tagelsir Elmelik Date: 09-18-2008, 00:39 AM Parent: #101
Get Ready
Post: #103 Title: Re: مدرسة الخرطوم القديمة الثانوية Author: محمد عبدالمنعم التلب Date: 09-18-2008, 00:48 AM Parent: #101
شكرا اخى الرئع احمد موسى على هذا الموقع الذى اصبح هو الملاذ الوحيد لنا لاجترار ذكريات الزمن الجميل وايام قضيناها ولن ننسى ذكراها. نحن من جيل الوسط 80 _ 82 هذه سنين دراستى بالقديمه من عاشقى شعبة التربيه العسكريه وفى تلك الفتره حصلت المدرسه على كل جوائز التربيه العسكريه والموسيقى على جميع المدارس الثانويه بالسودان ولى عوده معكم بالصور عن هذه الحقبه الجميله من الزمن . مراحل الدراسه بالقديمه اولى ابوبكر /ثانيه ابوبكر/ ثالثه ابوبكر شق الاحياء ودمتم حتى قريب لقاء باذن الله
Post: #104 Title: Re: مدرسة الخرطوم القديمة الثانوية Author: فتحي الصديق Date: 09-18-2008, 00:54 AM Parent: #1
محمد عبدالمنعم التلب أهلا بيك في المنبر وفي بوست الخرطوم القديمة.. نفس الدفعة سبحان الله.... جزيل الشكر للباشمهندس بكري الذي يسر لنا أمر اللقاء بعد سنين البعاد..
عرفتني وللا لسة يا جنابو ؟؟؟
Post: #105 Title: Re: مدرسة الخرطوم القديمة الثانوية Author: فتحي الصديق Date: 09-18-2008, 00:56 AM Parent: #1
العزيز التلب انت في ياتو بلد بالله الان؟ ووين خالد محمود واولاد دكتورزكريا الحاج وائل وأياس وبقية ناس بري وامتداد ناصر؟؟
Post: #106 Title: Re: مدرسة الخرطوم القديمة الثانوية Author: Ahmed musa Date: 09-18-2008, 00:59 AM Parent: #1
Quote: من عاشقى شعبة التربيه العسكريه وفى تلك الفتره حصلت المدرسه على كل جوائز التربيه العسكريه والموسيقى على جميع المدارس الثانويه بالسودان ولى عوده معكم بالصور عن هذه الحقبه الجميله من الزمن .
تعرف يا التلب .... برغم التناقض بين الفن والعسكرية إلا أننا كنا بنحب جداً شعبة التربية العسكرية وكان جُل وقتنا مع الصول بابكر وكانت الخرطوم القديمة متميزة دوماً في التربية العسكرية وتخرج منها عدد من الطلاب من الكلية الحربية أذكر منهم أمين محمد محجوب وكان كديت القديمة جواز مرور للكلية ومسرح القديمة جواز مرور لمعهد الموسيقى والمسرح
Post: #107 Title: Re: مدرسة الخرطوم القديمة الثانوية Author: علاء الدين حيموره Date: 09-18-2008, 01:22 AM Parent: #106
ايام يا قديمة ..
اولا شكرا اخي احمد موسى على هذا البوست الرائع ..
ايام حسن عبيد رحمه الله واذكر ونحن في ثالثة توفي ابنه الطالب معنا في المدرسة لا اذكر اسمه في حادث مروري عندما كان يقود دراجته النارية ( عليهما رحمة الله )
استاذ مصطفى بوستي ( والطريقة الفريدة لتبسيط شرح الكيمياء والجدول الدوري الحديث ) ..رحمه الله استاذ اللغة العربية كدودة .. استاذ عصام .. انجليزي ونحن في تالثة انتقل الى المكتبة على ما اعتقد .. ومن الطلبة صديقي عادل حسن نجيلة .. الصحفي ابراهيم عوض .. الدكتور جمال جادين .. مصطفى عبادي .. معتصم حسن موسى ( ركن انصار السنة ) ..
بعد الحصص كنا نذهب انا وصديقي عادل حسن نجيلة لاركان الجامعة وكنا مشدودين لخطاب دالي ( الجمهوريين )
كدي نتذكر شوية شوية ونرجع ..
Post: #109 Title: Re: مدرسة الخرطوم القديمة الثانوية Author: محمد عبدالمنعم التلب Date: 09-18-2008, 01:32 AM Parent: #106
الاخوه الاعزاء احمد موسى _سيد الحوش فتحى الصديق _ الدفعه اولا: الاخ احمد لاتناقض بين الفن والعسكريه واضرب ليك مثل حى من الخرطوم القديمه امين عبد الرحمن خلف الله دفعتى وابناء ذلك الجيل يذكرونه جيدا كان صول الموسيقى وصول بالكديت ومحب للموسيقى واول الدفعه 35 بالكليه الحربيه وضابط مميز الى ان ترك الخدمه وامثاله كثر وفى عقيدتى ان بكل فن يحسه العاشق له. اخونا فتحى . . والله ايام يازمان . انا مازلت بالسودان ولدى كميه من الصور حانزلها بعد رمضان باذن الله عن تلك الفتره واسمعك اخبار الحبايب. اخبارك شنو واراضيك وين ؟
Post: #108 Title: Re: مدرسة الخرطوم القديمة الثانوية Author: Ahmed musa Date: 09-18-2008, 01:30 AM Parent: #1
Quote: وكنا مشدودين لخطاب دالي ( الجمهوريين )
علاء الدين حيمورة بالله إنت قديمابي ؟؟؟ و(دالي) ده هل هو (دالي رحمة الله المحامي) ؟؟؟
Post: #113 Title: Re: مدرسة الخرطوم القديمة الثانوية Author: malamih Date: 09-18-2008, 02:21 AM Parent: #108
العزيز علاء حيمورة
أيام منذ ( wc يغادر العاصمة القومية) ... يا ممسوخ ...
تعرف يا علاء من فرحتي بالبوست لقد نسيت أن أشكر القديمابي أحمد موسى
وليك ألف شكر .. وشايف أخونا القديمابي عبدالحليم قد نوه لبوست إزالة القديمة ... هنالك أهداء ياحيمورة لكم صورة لإنعاش الذاكرة .. رجائي عمل صورة لك و إنزالها هنا.. ودمت
Post: #131 Title: Re: مدرسة الخرطوم القديمة الثانوية Author: علاء الدين حيموره Date: 09-18-2008, 05:23 PM Parent: #113
Quote: العزيز علاء حيمورة
أيام منذ ( wc يغادر العاصمة القومية) ... يا ممسوخ ...
ووقفة صغيرة مع صديق الصبا اخوي عادل حسن نجيلة حتى قبيل الدخول للثانوي فمن الطرائف انه كان لنا خياران في محطات الباصات ( محطة النجيلة ... ومحطة الزهرة ) الخرطوم 2 ولما كان والد الاخ عادل عليه رحمة الله (نجيلة ) ووالدته رحمة الله عليها ( زهرة ) فكنا نسال الاخ عادل من وين الركوب يا عادل محطة ابوك ولا محطة امك ....
ومن النكات التى كانت ولا تزال في خاطرة الاخ عادل هي نكتة المسطول والذي دخل الى مرحاض بيتهم فوجد الكثير من الصراصير فنظر الى يمناه فوجد جالون بنزين .. صب كل الجالون في الصراصير واشعل النار وبينما هو واقف يترقب نهاية النار فاذا به ينظر الى سقف المرحاض طائرا من اثر الحريق .. فذهب الي جريدة الصحافة مطالبا بأنزال خبرا عنوانه (W C يغادر العاصمة القومية ) ..
وراجع ليكم
Post: #119 Title: Re: مدرسة الخرطوم القديمة الثانوية Author: Adel Sameer Tawfiq Date: 09-18-2008, 07:22 AM Parent: #108
Quote: وكنا مشدودين لخطاب دالي ( الجمهوريين )
Quote: و(دالي) ده هل هو (دالي رحمة الله المحامي) ؟؟؟
يارااااااااجـــــــــــــــل !!
الدالي من الأخوان الجمهوريين أنصار الأستاذ محمود محمد طه كان عندو ركن نقاش في الجامعة حافل
بالنقاش و الإثارة ! و لحضور ركن النقاش لابد أن تكون مستعدا من الناحية الرياضية للجري لأنه
بينتهي دائما بصورة ديموقراطية !!
الدالي رحمة الله زميلنا في كلية القانون و مستشار قانوني في مسقط/عمان الآن !! واحد قرأ
إسمه "ألد إالى رحمة الله" !!
Post: #130 Title: Re: مدرسة الخرطوم القديمة الثانوية Author: علاء الدين حيموره Date: 09-18-2008, 05:11 PM Parent: #108
Quote: علاء الدين حيمورة بالله إنت قديمابي ؟؟؟ و(دالي) ده هل هو (دالي رحمة الله المحامي) ؟؟؟
تصدق يا اخوي احمد .. الخرطوم القديمة فيها عاطر الذكريات ..
اما عن المتمكن دالي خطيب جماعة محمود محمد طه( الجمهوريين ) ((بليغ الكلام)) .. كان خوف الطلبة كلهم انه سوف يقنعهم ..
نعم لانهم لا يستطيعون رد حججه وكان يمتلك ناصية اللغة وادب التخاطب والهدؤ فكان المميز بين كل الكوادر الخطابية في ذاك الوقت .. السيخ كان سلاح الاخوان المسلمين .. وكان السيخ في وجه كل من هو ضدهم فتاثير اركان نقاش الجمهوريين على الطلبو وسياسة الدولة كان اخطر على الاطلاق من اي سلاح آخر ..
اتمنى ان يكون بعافية الاخ دالي ..
ونواصل مع الاخ عادل حسن نجيلة
Post: #114 Title: Re: مدرسة الخرطوم القديمة الثانوية Author: Ahmed musa Date: 09-18-2008, 02:33 AM Parent: #1
Quote: احمد موسى _سيد الحوش
اهااااااا مالك ياسعادتك داير تجيب لينا الهواء الإلكتروني ؟؟؟ الحوش ده سيدوا واحد ... خلينا في سيد البوست ....
Post: #115 Title: Re: مدرسة الخرطوم القديمة الثانوية Author: malamih Date: 09-18-2008, 02:46 AM Parent: #114
أحمد موسى
نشكرك على معلومة الأستاذ مصطفى عابدين .. متعه الله بالصحة و العافية
Post: #116 Title: Re: مدرسة الخرطوم القديمة الثانوية Author: malamih Date: 09-18-2008, 03:07 AM Parent: #115
والقديمة لشدة تأثرها بجامعة الخرطوم كانت بها تنظيمات مثل الجبهة الديموقراطية .. الإتجاه الإسلامي .. رابطة الإتحاديين .. الإتحاد الإشتراكي
وأذكر المحاضرة التي تمت بواسطة الإتحاد الإشتراكي و خاطب الطلاب هاشم الزبير .. ومعه أمال عباس ..
Post: #117 Title: Re: مدرسة الخرطوم القديمة الثانوية Author: malamih Date: 09-18-2008, 03:17 AM Parent: #116
كان غالبية الطلاب السياسيين هم إتحاديون من منطقة بري وأمدوم و العيلفون .. وكانوا يتداولون خطب الشريف حسين الهندي في سرية تامة وكان طلاب الجبهة الديموقراطية معظمهم من الخرطوم شرق و العمارات والخرطوم وسط .. وكان طلاب الإتجاه الإسلامي من العيلفون أم دوم و بري إيضآ.. لكن التيار السائد كان إتحاديآ.. ثم تأتى الجبهة الديموقراطية في المرتبة الثانية.. لذا جاء الجو العام في القديمة ذو مسحة ليبرالية وبيئة مسامحة خالية من العنف .. وكانت كل التنظيمات سرية فيما عدا الإتحاد الإشتراكي و الذي كان التنظيم العلني الوحيد ..
Post: #118 Title: Re: مدرسة الخرطوم القديمة الثانوية Author: عابدون محمد عابدون Date: 09-18-2008, 06:27 AM Parent: #1
رسالة وصلت عبر البريد الإلكتروني للبوست من القديمابي محمد طلب [email protected]
Post: #122 Title: Re: مدرسة الخرطوم القديمة الثانوية Author: Ahmed musa Date: 09-18-2008, 11:04 AM Parent: #1
Quote: الدالي من الأخوان الجمهوريين أنصار الأستاذ محمود محمد طه كان عندو ركن نقاش في الجامعة حافل
بالنقاش و الإثارة !
اي اتذكرتو ....
Post: #123 Title: Re: مدرسة الخرطوم القديمة الثانوية Author: Yassir7anna Date: 09-18-2008, 11:47 AM Parent: #1
مولانا سمير
ياهو زاتو شكرا ليك كتير، الخال ده اتاريوه عجووووووز مفهمني انه الفرق بيني وبينه 10 سنين بس، عشان كده افتكرته دفعتكم لك الشكر عزيزي
العزيز احمد موسى خالد طبعا رجع السودان قبل سنتين واستقر هناك، لكن عصام ده آخر مرة قابلتو امكن سنة 95 وكان شادي الرحال الىاروبا، لكن سمعت من خالد انه قابله قريب. لكن كنت اقصد طال ما مثلت معاهم اكيد اكون شفتك، لأنه صلتي كانت لصيقة بدفعة التمثيل وبحضر معاهم دايما بحكم صداقتي بخالد
لك الشكر عزيزي
العزيز محمد عبدالمنعم التلب اكيدي تقصد 80 - 83، ولا انا غلطان لأننا دخلنا سنة 80 واتخرجنا 83، لأنه لو كده معناتو انحن دفعة عديل كده وفي فصل واحد، انا ياسر محمد عثمان، لكن عليك الله نزل لينا صورة قديمة شوية خلينا نقدر نتذكرك ، عارف طبعh السنين فعلت الافاعيل فاصبحت الذاكرة خربة جدا
مع اني من الامتداد لكن كنت مباري اولاد بري وكلهم كانوا اصدقائي وبالاخص محمد احمد عبدالماجدالاحمدي، خالد عبداللطيف ساتي، عصام علي، بدوي محمود العاص، هشام (مولانا) الكان رئيس الاتحاد
لكم التحايا جميعا
Post: #124 Title: Re: مدرسة الخرطوم القديمة الثانوية Author: malamih Date: 09-18-2008, 12:14 PM Parent: #123
تعرف يا مولانا عادل إلا أجيب صورة الجنسية أو الشهادة .. لكن دي أحدث صورة في (الكبر) .. تم أخذها رمضان 2006 في دعوة إفطارية وفي آخر يوم في رمضان 29 .. وكنا نحتفل بالختمة ذلك اليوم وكنا مهيئين لصيام الثلاثين .. وعند التاسعة مساء جاء من يخبرنا بثبوت العيد غدآ .. فأخذنا هذه الصور إحتفائآ بالعيد وفرحآ بإتمامنا الصوم..
Post: #125 Title: Re: مدرسة الخرطوم القديمة الثانوية Author: Adel Sameer Tawfiq Date: 09-18-2008, 12:48 PM Parent: #124
Quote: تعرف يا مولانا عادل إلا أجيب صورة الجنسية أو الشهادة .. لكن دي أحدث صورة في (الكبر) .. تم أخذها رمضان 2006 في دعوة إفطارية وفي آخر يوم في رمضان 29 .. وكنا نحتفل بالختمة ذلك اليوم وكنا مهيئين لصيام الثلاثين .. وعند التاسعة مساء جاء من يخبرنا بثبوت العيد غدآ .. فأخذنا هذه الصور إحتفائآ بالعيد وفرحآ بإتمامنا الصوم..
تقبل بإعتبار أفضل مايمكن الحصول عليه من صورة !!
Post: #133 Title: Re: مدرسة الخرطوم القديمة الثانوية Author: malamih Date: 09-19-2008, 01:51 AM Parent: #125
يا مولانا .. الحكم جزائي يعني .. لازم الأفضل من الجنسية أو الشهادة! طبعآ يا مولانا دي ما حسادة! ولا إيه ... يعني لازم نتحرج ..
Quote: تقبل بإعتبار أفضل مايمكن الحصول عليه من صورة !!
Post: #127 Title: Re: مدرسة الخرطوم القديمة الثانوية Author: ممدوح عثمان Date: 09-18-2008, 01:04 PM Parent: #124
تحيه لكل الزملاء القديماويين
اتوقع ان يكون هذا البوست توثيقي على مستوى رفيع
لي زملاء من الدفعة واود من كل من له معرفة بهم مدي بأخبارهم .
محمد الفاتح بشارة _ المعز محمد بشير الوقيع - امجد محمد حسين - طارق الامين البدراوي
محمد حسن محمد ، محمد بشير محمد علي
ولنا عودة .....
Post: #126 Title: Re: مدرسة الخرطوم القديمة الثانوية Author: Ahmed musa Date: 09-18-2008, 01:03 PM Parent: #1
الدالي رحمة الله كان صديقاً للأستاذ الفنان الحبوب المحامي .... وكان ذكياً وحاضر البديهة والنكتة في جلسة أمام المرحوم القاضي( البشاري) بالجزئية الخرطوم ... وكان يحاول جرجرة المواعيد لصالح موكله وكان المحامي الآخر المرحوم (كامل عبدالرازق) المحامي فطلب ميعاداً قريباً جداً ... فرد الدالي : ها يامولانا الشفقة بتطير النفقة .... فضحك المرحوم البشاري بعد أن فشل في إخفاء الضحكة وكان المرحوم البشاري مشهور عنه الوقار ... رحمهما الله
Post: #132 Title: Re: مدرسة الخرطوم القديمة الثانوية Author: محمد عبدالمنعم التلب Date: 09-19-2008, 00:37 AM Parent: #126
الاخ ياسر محمد عثمان كيف احوالك الاسم ماغريب على انحنا امتحنا الشهاده السودانيه فى ابريل 82 ومن دفعتى بالقديمه مؤنس محمد بشير الوقيع_وليد احمد على الطيب_عبد الماجد عمر محمد الطيب امير محمود زروق_ وائل على شبيكه_وليد عبد الرحيم سعيد انا حاولت اديك اسماء من فصول مختلفه عساها تنعش الذاكره الاخ ممدوح عثمان اظنك الدفعه الورانا من سؤالك عن الاسماء التاليه: المعز محمد بشير الوقيع بالولايات المتحده وكان قبل شهر بالسودان ومامتاكد انه رجع والا مازال بالسودان على العموم هم رحلوا المنشيه شرق السفاره الصينيه. الاخ طارق الامين البدراوى هو دفعتى بكليه الشرطه ويعمل بجامعه الرباط(كليه الشرطه سابقا) عقيد شرطه ولكم التحايا
Post: #134 Title: Re: مدرسة الخرطوم القديمة الثانوية Author: malamih Date: 09-19-2008, 05:03 AM Parent: #132
أشهر خريجي الخرطوم القديمة وأساتذتها منذ الإنشاء :
طبعآ ماحتصدقوا دي : عمر حسن أحمد البشير / رئيس الجمهورية .. المساق
الأدبي .. قال عنه أستاذه في اللغة الإنجليزية .. محجوب عمر باشري أنه كان طالبآ مجدآ و مكافحآ .. كان يسكن في منطقة كافوري مع والده الذي يعمل هنالك .. كان يجيد اللغة الأنجليزية .. كما كان يحرز درجات عالية في بقية المواد .. كان يعمل طلبة في إجازته الصيفية ليساعد والده في منصرفات المنزل و بقية أخوته .. تمكن من أحراز نسبة كانت ستؤهله لدراسة الإقتصاد ولكنه فضل الدخول للكلية الحربية لأنها كانت رغبته فضلآ عن أنها تدفع أعانات شهرية لطلبتها تبلغ 31 جنيهآ في الشهر.
بروفسور مصطفى حسن إسحق .. من خريجي القديمة و رئيس شعبة الكيمياء بجامعة الخرطوم تقاعد الآن .. أحد واضعي منهج الكيمياء العضوية للثانويات
بروفسر عبدالوهاب أبوجديري .. أستاذ علم الحيوان الشهير وأحد واضعي منهج الأحياء للثانويات .. بروف أبوجديري إيضآ عمل أستاذا للأحياء في القديمة قبل أن يحرز الماجستير و الدكتوراة ويتحول لجامعة الخرطوم.
دكتور تاج السر العراقي .. عمل بشعبة التاريخ بالقديمة وأحد منقحي وواضعي منهج التاريخ للثانويات .. إنتقل للتدريس بجامعة الخرطوم بعد ذلك .
الدكتور زهير الطاهر عبدالرحمن المقبول .. وزارة المالية قسم التخطيط
توفي ألى رحمة مولاه عام 1993 .
بروفسر : المعز عمر بخيت .. المخ و الأعصاب .. أكتشف علاجآ لجرثومة مرض النوم والذي تسببه ذبابة التسي تسي عدة أبحاث عالمية في أمراض المخ و الأعصاب .. عدد من الجوائز العالمية .. مزيد من التقدم يا بروف.
الدكتور عبد الحافظ خضر .. أستاذ القانون الدولي بفرنسا.
الأستاذ/ محجوب عمر باشري .. الرجل الأنيق بدلة كاملة و كرفته صيفآ و شتاءآ .. عمل أستاذ اللغة الأنجليزية بالقديمة ثم رأس الشعبة قبل أن يتحول لجامعة الخرطوم آداب.. مؤرخ و مؤلف لعدد من الكتب أهمها كتاب النميري الإمام و الروليت.. ثم كتابه الأخير في سلسلة أعلام السودان من شعراء الحقيبة. متعه الله بالصحة و العافية .. أعود لمزيد من التوثيق .. إيضآ أرجو من القديماب التصحيح إذا وردت معلومات خاطئة هنا.
الأستاذ / حسن عبيد الشايقي أستاذ العلوم بالمدرسة تخصص كيمياء أحياء نال درجة الماجستير في لندن في الكيمياء المولارية.. عمل بجامعة الخرطوم لكنه عاد ألى التدريس في القديمة لعلة أصابته .. سبقت شهرته كأستاذ أنه كان محررآ للصفحة العلمية العدد الإسبوعي بصحيفة الرأي العام وبعد مصادرتها تحول بصفحته العلمية ألى جريدة الصحافة العدد الإسبوعي يشاركه في التحرير الأستاذ أبوجديري.. رحم الله حسن عبيد الشاقي .. أواصل
Post: #135 Title: Re: مدرسة الخرطوم القديمة الثانوية Author: malamih Date: 09-19-2008, 05:12 AM Parent: #134
الغرض لهذا التوثيق لخريجي و أساتذة القديمة من الذين أشتهروا في السودان أو في المحافل العالمية.. من خلال وظائفهم.
Post: #136 Title: Re: مدرسة الخرطوم القديمة الثانوية Author: نادر الفضلى Date: 09-19-2008, 05:45 AM Parent: #135
Quote: نادر سلام..وين انت يا رجل ؟!
ماشـــــــاء الله ذاكرتك تمام..عندي صور تاني لكن مامعاي الآن..إن شاء الله لما أرجع الخرطوم بطلعها..
مولانا عادل سمير سلامات مستقر بأمريكا حين من الدهر.
دفعات السبعينيات دى دايرة ليها فرز، من مداخلات بعض القدامى شايف زى فى لخبته.
الصورة التى أنزلتها لزملاء المرحوم عبد الكريم ، هى دفعة سنه أولى للعام الدراسى 74/75 وقد يكون الأخ حسين ملاسى معاه حق تكون الصورة أخذت عام 75 وليس 74. أذكر أننى ربطت وفاة عبد لكريم بوفاة سيدة الغناء العربى السيدة ام كلثوم والتى توفت فى فبراير 1975. كدى راجع التاريخ.
دفعتكم(سنة اولى) هى دفعة جمال الشلالى، وهشام محمد عبدالرحيم، وحسن مكى أبو (جيمس)، هشام المفتى، مالك شريف طاهر، هشام عتيق، عادل سمير، مهند جابر، معتصم بخارى، نوارى عمر نوارى، ويحى إبراهيم سعيد. (نوارى زميلنا بالبورد)
قدامكم دفعة سنة ثانية: كما ذكر الأخ تاج السر الملك تضم شخصه، معز بخيت، عمر كبس، عادل عبدالله رابح، حسام كمال، المرحوم أمين الجزولى، أحمد نادر محمد خير
دفعة سنة ثالثة: الكشيف حسن (بطل الجرى)، حسن النجومى (التنس)، على جمال توفيق (كرة قدم _ لاعب النيل)،أسامة ميرغنى (رئيس الإتحاد)، حسن على الطاهر، الرشيد الصادق (كرة طائرة وقدم)، سبف الدولة محمد التوم التجانى، إيهاب أحمد محمود (فريق الطائرة)، الفاتح التوم، أحمد فضل الله، مروان محمدانى، نجيب فضل المولى (طائرة)، المرحوم الزهاوى عمر نوارى.
الدفعة الأمامهم: الأمين ميرغنى، المرحوم مأمون أبو، هشام عوض الكريم، عبد العظيم حسب الرسول، ضياء المفتى، صالح حمدى القبانى
الدفعة الأسبق: محمد سيد (أعزف عازف درمز) عزف فى فرقة البلو ستارز ( وفرقة المرحوم وليم أندرية - نسيت أسم الفرقة). وأحمد آدم (عافية) حارس مرمى الهلال.
(عمار خالد لاعب المريخ أيضاً من طلاب القديمة بس ما متأكد من دفعته)
الدفعة الأمامهم: محمد الفضلى، محمد أبو، كمال شرف، أحمد محمد الشريف البكاى (الشنقيطى)، أسامة عوض الكريم (عالم الفيزياء، وأول إفريقى أسود مستشاراً للخارجية الأمريكية)، وبروفسور محاضر بجامعه بنسلفينيا. (سأحاول الإتصال بالدكتور الباشمهندس محمد أبو بكندا فله ذاكرة قوية فى تذكر أسماء الكثيرين ممن درسوا بالقديمة قى السبعينات)
وفى دفعات أقدم (متفرقة): عمر حسن الشيخ، ميرغنى بابكر قبانى، لام كول، سعيد محى الدين
وتسألنى دفعتى ياتها، الزمن ده أى زول عاصرناه بنقول كان الدفعة القدامنا
.... سنواصل
Post: #137 Title: Re: مدرسة الخرطوم القديمة الثانوية Author: Adel Sameer Tawfiq Date: 09-19-2008, 12:30 PM Parent: #136
الأخ نادر..
ٍسلامــــــــات..
Quote: الصورة التى أنزلتها لزملاء المرحوم عبد الكريم ، هى دفعة سنه أولى للعام الدراسى 74/75 وقد يكون الأخ حسين ملاسى معاه حق تكون الصورة أخذت عام 75 وليس 74. أذكر أننى ربطت وفاة عبد لكريم بوفاة سيدة الغناء العربى السيدة ام كلثوم والتى توفت فى فبراير 1975. كدى راجع التاريخ.
تمام كدة..الصورة أخذت في فبراير 1975 وليس 1974 ، العتب على الذاكرة !! أهو كدة وفرنا سنة يا ملاسي !!
ماشاء الله على ذاكرتك يا نادر و تذكرك لكل الدفع..
لك عاطر التحايا..
Post: #141 Title: Re: مدرسة الخرطوم القديمة الثانوية Author: malamih Date: 09-19-2008, 12:54 PM Parent: #137
الأعزاء نادر الفضلي و عادل سمير..
على ما أعتقد ظهر في الصورة جلوسآ على عبدالوهاب مقلد أو شقيقه محمد عبدالوهاب مقلد.. محمد درس في رومانيا جامعة كرايوفا Food Technology وحينما عاد ألى السودان أنشأ أول مزرعة للأسماك في منطقة الكلاكلات .. ألى أن المزرعة ضمها النميري للإحتياطي المركزي .. وبعدها غادر محمد مقلد ألى رومانيا مرة أخرى.. وأنقطعت أخباره عنا..أما شقيقه عادل فلقد درس في مصر ويعمل بالسعودية الآن.
Post: #142 Title: Re: مدرسة الخرطوم القديمة الثانوية Author: Adel Sameer Tawfiq Date: 09-19-2008, 01:34 PM Parent: #141
الأخ العزيز عادل..
الجلوس في الصورة من اليمين لليسار:
1. محمد الباقر عبد الستار
2. مالك شريف طاهر
3. محمود حسن عبد العزيز الجندي
4. محمود محمد عبد الكريم
5. عادل سمير توفيق
6. معتصم إدريس بخاري
لك عاطر التحايا..
Post: #138 Title: Re: مدرسة الخرطوم القديمة الثانوية Author: Adel Sameer Tawfiq Date: 09-19-2008, 12:42 PM Parent: #1
وصلني الإيميل التالي من الأخ العزيز سامى بشير زيادة
Quote: حبيبنا عادل سمير
كثيرا ما قصصت على ابنائى ملحمة الخرطوم القديمه, حتى جاء تزكارك العزيز الشايلنو فى قلوبنا اسى وافراح يحلق بالشجن القديم ويبعث
فينا زكرى الراحل عبد الكريم وصحبه اطال الله عمرهم , مهند محمد الحسن جابر(عن يمينه) و محمد عبد العال- رابت (عن يساره) و هناك واقف
عرفات ناحية اليميين و عيينيه ناحية التزكار وطبعا الجالس عن يمينك معتصم بخارى اتزكر,ته جيدا وما اروعها صوره والله يا عادل!!!
نتمنى ان تجد بقية الصور يا ريت عشان نشوف خالد كنجارى, عمر شدو, عبد الرحمن المهدى, مامون ابو شيبه, مصطفى هاشم, وكل بقية كوكبة 7
(دفعة الشلالى) . تزكر يا عادل استاذنا الجليل سيد احمد عمر (رئيس شعبة اللغه الانجليزيه وقتها) ممسكا بيمناه كتاب اتل اوف تو سيتز,
وبيده اليسرى فنجان القهوة وكلما تذوق رشفة من القهوة قرا علينا بمزاج عالى برقراف ثم توقف ليردد علينا جملته الشهيره(يا سلام يا
ابنائى شوفوا الانجليز ديل ناس راقين ازاى!!) وبالمناسبه استاذ سيد اطال الله عمره يعمل الان اكاديميا بجامعة السلطان قابوس-مسقط
التحيه للاساتذه الافذاذ سيد احمد عمر,عبد العزيز,عوض رحمه, عصام فنتاستك, وهشام(انجليزى) النورانى, محمد الحسن, كدوده(عربى) محمد
عابدين, اسكتش رياضيات) عبد الرحمن بجم(احياء) فوزى المصرى(فيزياء) جرجس محارب, بوستى(كيمياء) فقيرى(تاريخ) مسيو اندريه الفرنسى
(فرنسى) التحيه الى روحه الطاهره المربى القدير حسن عبيد الشايقى, والى روحه الطاهره المربى الجليل عبد الرحمن دياب والتحيه للاجلاء
مولانا السمح ومولانا السمح(دين) التحيه لكل رجالات واعلام وشواهد هذا الصرح المتمادى نحو العلى ابدا
وتحيه خاصه اخى عادل نحملها للاخ احمد موسى وتهنئه صادقه بعرضه لهذا البوست المتفرد
طبعا.. المرحوم الأستاذ جرجس محارب كان مسميك كدة !!
Post: #139 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 09-19-2008, 12:49 PM Parent: #1
Quote: أشهر خريجي الخرطوم القديمة وأساتذتها منذ الإنشاء :
النيّل أبو قرون .... كان أيضاً عضواً في فرقة موسيقى الخرطوم الثانوية
Post: #143 Title: Re: مدرسة الخرطوم القديمة الثانوية Author: Tagelsir Elmelik Date: 09-19-2008, 01:45 PM Parent: #139
lمسابقة
مائة دولار لمن يتذكر الأسم الكامل ( ستة اسماء) لعادل وليم
Hint عادل وليم قلادة (اكمل)
Post: #146 Title: Re: مدرسة الخرطوم القديمة الثانوية Author: Tagelsir Elmelik Date: 09-19-2008, 02:12 PM Parent: #143
مرة و انا مزنوق في بلاغ في القسم الشمالي بسبب تحقيق عملتو في الجريدة التقيت عادل سمير لابس زى القضاة ففرحت فرحا شديدا و طمأنت نفسي بانني في سبيلي الى النجاة فصحت بأعلي صوتي يا عادل سمييييييييييير heeeeelp و لدهشتي الشديدة تجاوزني عادل سمير و كأ،نه لا يعرفني ثم انه بعث الي بعسكري ووقف ينتظرني ( جنب الشجرة) ، شنو يا عادل عافص لى؟؟ فقال لي ..انا هنا مولانا عادل سمير..شنو الشابكني عادل سمير عادل سمير .. ده هناك في القديمة.. نحن دفعة 73 عادل ورانا لكن سنة 73 دى كانت اخطر سنة في تاريخ البشرية و تخرجنا 76 القديمة كانت تغذي الجامعات و الكلية الحربية بأفضل الشباب صول بابكر يتذكر كل الضباط الذين تتلمذوا علي يديه ( يشهيك فى الغسكرية) كان هنالك طلاب بيننا شكلهم عساكر من سنة اولي..التكينة...معتصم كبارة و عبد العال سليمان و التجاني وأذكر محمد الأمين الخليفة و موتر الفسبا و منصور الطاهر وامين و مامون الملك و خالد محمد عثمان و كرسني و البلولة الألفة ( كان ماخد الموضوع سيرياس) صلايب و حلايب و ممكن كان يضاربك عيسى الجعيلي من الجريف و عبد الرحيم من الله كان شيطاااان ، و قراصة سلاح الأسلحة مبالغه اها ( كمال بجبوج) يا معززززز تتذكر بجبوج؟؟ و بعدين محمد الأمين التاني داك من الجريف برضو اخوهو كان رسام مشهور المرحوم استاذ المكتبة الحسين الحسن ( يا نسيم ارجوك) ويك يا صادح في ظل الأراك صه رويدا و استمع نغمي الحزين طارق الطيب قالي حصة المكتبة الجاية حتكون في بيتكم يا تاج السر ( ما كنت برجع الكتب بعد الأستلاف) بعدين ياسين محمود عباس ( أحمد ربشة)، اتكسرت ترقوتو في رحلة الجنوب ( انقلب بينا اللورى جنب طمبرة) من عمايلنا و شايلين صفايح عسل و بلاوي و سن فيل ، رجعونا تاني بى مجروس واحد تاني الي ضيافة الزعيم يوسف طمبرة كنا شفع يا رجل، سواق اللورى كان اسمو منووووو؟؟ كان مصقوع ( هنت)
Post: #148 Title: Re: مدرسة الخرطوم القديمة الثانوية Author: Adel Sameer Tawfiq Date: 09-19-2008, 02:49 PM Parent: #146
Quote: مرة و انا مزنوق في بلاغ في القسم الشمالي بسبب تحقيق عملتو في الجريدة التقيت عادل سمير لابس زى القضاة ففرحت فرحا شديدا و طمأنت نفسي بانني في سبيلي الى النجاة فصحت بأعلي صوتي يا عادل سمييييييييييير heeeeelp و لدهشتي الشديدة تجاوزني عادل سمير و كأ،نه لا يعرفني ثم انه بعث الي بعسكري ووقف ينتظرني ( جنب الشجرة) ، شنو يا عادل عافص لى؟؟ فقال لي ..انا هنا مولانا عادل سمير..شنو الشابكني عادل سمير عادل سمير .. ده هناك في القديمة..
معقول أنا أعمــــــــل كــــــــدة يا السر ؟! والله العظيم ما بتذكر !!
إن شاء الله بعد دا أكون خارجتك ؟!!
Quote: مائة دولار لمن يتذكر الأسم الكامل ( ستة اسماء) لعادل وليم
Hint عادل وليم قلادة (اكمل)
معقوووووولة بس يا السر ؟؟!!
Post: #151 Title: Re: مدرسة الخرطوم القديمة الثانوية Author: Abdulmageed Gorashi Date: 09-19-2008, 04:58 PM Parent: #148
معذره الاخ تاج السر. انما يدل هذا ان الاخ السمير يتمتع باخلاق مهنيه عاليه واحترام للقانون.. الكل عنده سواسيه امام العداله وهذا مفخره لكل خريجي الخرطوم القديمه...
كل الود.
Post: #165 Title: Re: مدرسة الخرطوم القديمة الثانوية Author: Adel Sameer Tawfiq Date: 09-20-2008, 10:36 AM Parent: #151
Quote: معذره الاخ تاج السر. انما يدل هذا ان الاخ السمير يتمتع باخلاق مهنيه عاليه واحترام للقانون.. الكل عنده سواسيه امام العداله
وهذا مفخره لكل خريجي الخرطوم القديمه...
الأخ العزيز عبد المجيد قرشي..
تمام، لك الشكر و التقدير لكن السر دا مفتري شديـــــــد مستحيل أكون عاملته كدة ! أنا قاعد أعامل الناس عموما بكل تهذيب فما بالك
بالناس البعرفهم و مابالك بزملائي و أصدقائي ؟؟!!
Post: #152 Title: Re: مدرسة الخرطوم القديمة الثانوية Author: Tagelsir Elmelik Date: 09-19-2008, 05:14 PM Parent: #148
Quote: معقول أنا أعمــــــــل كــــــــدة يا السر ؟! والله العظيم ما بتذكر !!
إن شاء الله بعد دا أكون خارجتك ؟!!
اولا اديتني نصيحة اشوف محامي ، لأنو لو دخلوني الحراسة يوم الخميس ( و اليوم) كان يوم خميس ما بطلع تاني الا يوم السبت ( انا كنت ملاحظ الضابط اللئبم بيأخر في الأجراءات عشان الساعة اكناشر تجي) و قلت لى على كل حال انا بمر يوم الجمع دايما و بفك الناس المحبوسين بسبب من غتاتة بعض الضباط
بعدين يا شباب القصة دى ليست قدحا في مولانا عادل، علاقتي بعادل علاقة اسرية اوسع في ماعونها من علاقة القديمة تمتد الى اليوم و الساعة، لكن مولانا ( يمكن نسي و يمكن قسا و يمكن ظروف المدرسة)..اذكرك..الكيس بتاع شركة فرانكو بنتو.
حل المسابقة الأولى
عادل وليم قلادة مليكة متى ابو ضباب.
Post: #160 Title: Re: مدرسة الخرطوم القديمة الثانوية Author: Adel Sameer Tawfiq Date: 09-20-2008, 08:48 AM Parent: #152
Quote: )..اذكرك..الكيس بتاع شركة فرانكو بنتو.
أخير أول..!!
Quote: و قلت لى على كل حال انا بمر يوم الجمع دايما و بفك الناس المحبوسين بسبب من غتاتة بعض الضباط
و كمان عايز تعمل لينا مشاكل مع أخوانا ضباط البوليس !!
Post: #144 Title: Re: مدرسة الخرطوم القديمة الثانوية Author: Ahmed musa Date: 09-19-2008, 01:53 PM Parent: #1
Quote: طارق الامين البدراوى
التلب أخوي ... طارق ده من أولاد بري ؟؟؟؟ ودفته كم في كلية الشرطة ؟؟؟؟
Post: #145 Title: Re: مدرسة الخرطوم القديمة الثانوية Author: علاء الدين حيموره Date: 09-19-2008, 01:57 PM Parent: #144
محمد ابو العزائم حقيقة بسال عن مزمل ابو الريش كان دفعتنا في القديمة وعرفت انو في امريكا كان بسكن العمارات شارع 17 ...
خبرو شنو الزول ده ؟
Post: #168 Title: Re: مدرسة الخرطوم القديمة الثانوية Author: Adel Sameer Tawfiq Date: 09-20-2008, 11:37 AM Parent: #145
Quote: محمد ابو العزائم حقيقة بسال عن مزمل ابو الريش كان دفعتنا في القديمة وعرفت انو في امريكا كان بسكن العمارات
شارع 17 ... خبرو شنو الزول ده ؟
مزمل ابو الريش ورانا كتير ، ما حضرناه في القديمة..
موجود في الخرطوم و رحل من العمارات شارع 17
شغال مقاول لبناء عمارات و شقق..
رقم جواله بطرفي حأرسلو ليكم..
Post: #171 Title: Re: مدرسة الخرطوم القديمة الثانوية Author: علاء الدين حيموره Date: 09-21-2008, 01:26 AM Parent: #168
Quote: مزمل ابو الريش ورانا كتير ، ما حضرناه في القديمة..
فرحتني يا مولانا بحاجتين :
اولا الحصول على اتصال بالاخ مزمل ابو الريش وبشكرك كتير على مدي برقم موبايلو ..
ثانيا قصة ورانا كتير دي وقطعا بتعني اني وراكم كتير برضو وما حضرنا زمنكم ....
ببقى نستأذن الاخ احمد موسى عشان ننصب مولانا عادل سمير عميدا لبورداب القديمة ...
تسلم مولانا وربنا يديك الصحة والعافية ..
وبرضو من دفعتنا الاخ حسام احمد عبد الحليم ..
Post: #149 Title: Re: مدرسة الخرطوم القديمة الثانوية Author: Abbas Mohamed Date: 09-19-2008, 03:05 PM Parent: #144
اول ناظر (مدير) كان المربي الكبير الاستاذ محمد احمد عبد القادر رحمه الله .. ومن اوائل مدرسيها الاساتذة : الاستاذ ميري للرياضيات الاستاذ علي توفيق للرياضيات الاستاذ اوتس لغة انجليزية الاستاذ عمر لغة انجليزية الاستاذ الهادي احمد محمد صالح لغة عربية الاستاذ كرف لغة عربية الاستاذ جاويش تاريخ الاستاذ سميث جغرافيا الاستاذ البيلي دين مد الله في عمر الاحياء ورحم الاموات رحمة واسعة
بدأت المدرسة بالمباني قرب داخليات الطب شمال شارع الطابية او الامام المهدي ثم انتقلت الي قرب البركس نافست المدارس المعروفة (الوادي وحنتوب وخور طقت ) بعد مرور 4 سنوات علي انشائها تعلم فيها كثير من الذين اثروا في تاريخ السودان سياسيا وثقافيا ورياضيا خاصة الذين دخلوا القوات المسلحة
Post: #197 Title: Re: مدرسة الخرطوم القديمة الثانوية Author: Adel Sameer Tawfiq Date: 09-28-2008, 08:50 AM Parent: #149
Quote: اول ناظر (مدير) كان المربي الكبير الاستاذ محمد احمد عبد القادر رحمه الله ..
و تخرج من القديمة إبنه المرحوم الرائد زين العابدين محمد أحمد عبد القادر و كان مشهورا (بود
الناظر). و كذلك تخرج من المدرسة الرائد أبو القاسم محمد ابراهيم..
و من العسكريين أيضا الفريق السر محمد أحمد الشهير بالسر أب أحمد..
Post: #147 Title: Re: مدرسة الخرطوم القديمة الثانوية Author: Ahmed musa Date: 09-19-2008, 02:45 PM Parent: #1
وصلتني هذه الرسالة من يوسف الصادق (يوسف كوبر) ... وأصريت أنزلها كما هي دون تعديل ...
بالامس كنت أتحدث بدار الجالية السودانية في Turinto عن مدرسة الخرطوم القديمة ذلك الصرح الشامخ ورغم إني من القراء المتابعين لـ sudaneseonlne من بعيدد .. إلا أنني لم أرى هذا البوست ود أخطرني احد الاخوان بوجود بوست عن الخرطوم القديمة بـ sudaneseonlne ونسبة لظروف عملي أرسل إليك هذه البوست ولك حرية التصرف وتصحيح الأخطاء يوسف الصادق (كوبر) اولى تانية عمر ثالثة عثمان أحياء 1980ــ1983م المدير حسن عبيد الشايقي الأساتذة جرجس , مصطفى بوست , عبدالمنعم , مولانا السمح كدودة الفاضلابي ميرغني يوسف الطيبعمر الحميدي إسكتش عبداللطيف الكافتيريا عمر بشير المخزن عم قسمالكديت بابكر الصول أذكر من دفعتي أبناء بري عادل محمود أبراهيم عبدالحليم(المانيا)ابوالعزائم ناصر عبدالرؤوف ومن ابناء الرياض المنشية والجريف غرب فيصل عباس عصام الترابي عمان احمد عثمان عثمان صلاح الدين شبيكة أحمد عثمان لؤي ابراهيم ومن ابناء الجريف شرق الكرام محمد أحمد عوض (عميد شرطة) عمر صاحبي (الجمارك) أبوالقاسم (الخليج) ...والشاب الدكتور الخلوق فتح الرحمن (اليابان) ومن أبناء الصحافة والإمتداد .زعادل عبدالرحمن (بنك الخرطوم)عادل عبدالجليل (الشرطة) عبدالماجد حاج السيد (قطر)...(الإمارات) عثمان السيد أمجد محمد أدريس (أستاذ ...)
.... .... .... جزء من الكلمات راح لي بسبب العطش والجوع ....هههه
Post: #150 Title: Re: مدرسة الخرطوم القديمة الثانوية Author: Ahmed musa Date: 09-19-2008, 04:35 PM Parent: #1
تعرف يا تاج السر أنا كنت شغال بمجال المحاماة منذ 1992م وماحصلت إشتغلت يوم قادم مولانا عادل .... وكان في 1992 تقريباً بالجزئية مع مولانا الرائع نادر أبوالعلا ..؟؟؟ ومولانا البشاري رحمه الله ومولانا قاسم حامدالذي أحببته ومازلت في الله ... ومولانا طارق محمد عثمان أظنه بعدهم ... ولكن برغم ذلك هناك (سر) خفي جعلني اترصد جزء من حركته ... وعمله لفترة تقريباً بإستثمار القضائية ؟؟؟... ربما كان هذا (السر) هو الهوى القديمابي ؟؟؟
Post: #161 Title: Re: مدرسة الخرطوم القديمة الثانوية Author: Adel Sameer Tawfiq Date: 09-20-2008, 08:58 AM Parent: #150
Quote: وعمله لفترة تقريباً بإستثمار القضائية ؟؟؟...
الأخ العزيز أحمد موسى..
سلامات..
ما حصل عملت في إستثمار القضائية !! دة أخونا عصمت ووجه الشبه انه سمين شوية !!
راجع الذاكرة شوية !! ممكن أرسل ليك صور !!
لك تحياتي..
Post: #153 Title: Re: مدرسة الخرطوم القديمة الثانوية Author: Ahmed musa Date: 09-19-2008, 11:21 PM Parent: #1
Quote: اولا اديتني نصيحة اشوف محامي ، لأنو لو دخلوني الحراسة يوم الخميس ( و اليوم) كان يوم خميس ما بطلع تاني الا يوم السبت
والله برضو خدمك ... هو طبعاً مولانا مابقدر يتدخل مباشرة في الموضوع بدون طلب من محامي أو صاحب الحق ولأنك محبوس فالمحامي حركته أسرع .... الكلام ده إلا بدري شوية لأن القبض والفك ده من اختصاص النيابة الله ؟؟؟ دايرين نبوظ البوست ؟؟؟ أها نرجع للشجن ... نخلي السجن
Post: #154 Title: Re: مدرسة الخرطوم القديمة الثانوية Author: محمد عبدالمنعم التلب Date: 09-19-2008, 11:43 PM Parent: #153
الاخ احمد موسى العقيد شرطه طارق الامين البدراوى من اولاد برى وهو دفعتى بكليه الشرطه الدفعه 52 وبيتم يقع شمال اخر محطه لمواسلات برى القديمه ويفتح فى الميدان غربا
Post: #155 Title: Re: مدرسة الخرطوم القديمة الثانوية Author: Ahmed musa Date: 09-19-2008, 11:50 PM Parent: #1
Quote: الاخ احمد موسى العقيد شرطه طارق الامين البدراوى من اولاد برى وهو دفعتى بكليه الشرطه الدفعه 52 وبيتم يقع شمال اخر محطه لمواسلات برى القديمه ويفتح فى الميدان غربا
عرفته ومشيت بيتهم كم مرة .... ولي علاقة قوية بجهاز الشرطة حيث عمل والدي عليه رحمة الله (موسى عمر) قصاص أثر بعدد من اقسام الشرطة وتخرج شقيقي عمر موسى عمر من الدفعة 50 ومعهم من أبناء بري وقتها الرشيد علي مساعد ومن ابناء بورسودان محمد موسى عمر
Post: #156 Title: Re: مدرسة الخرطوم القديمة الثانوية Author: محمد عبدالمنعم التلب Date: 09-20-2008, 00:31 AM Parent: #155
الاخ احمد موسى تحياتنا الحاره لجنابو عمر وين اراضيه الان والرحمه والمغفره لوالدكم ولكل الشرفاء من رجال الشرطه الذين توفاهم الله
Post: #157 Title: Re: مدرسة الخرطوم القديمة الثانوية Author: Yassir7anna Date: 09-20-2008, 05:48 AM Parent: #1
الأخ العزيز محمد عبدالمنعم التلب
لآ اتذكرت تماما، انتو كنتو الدفعةالقدامنا، حتى كان معاكم خالد حسين، وشقيق صديقي امير عبدالله حسن سالم (والله نسيت اسمه) ما قلت ليك الكبر حصل والزهايمر بدا ، وقدامكم كان ابو صوفة، ما عارف اسمه منو لكن كان بيقولي لينا ده ابو صوفة
Quote: أشهر خريجي الخرطوم القديمة وأساتذتها منذ الإنشاء :
ما تنسى:
علي عثمان محمد طه، نائب رئيس الجمهوية
حسب ماذكر لما درس في القديمة كان الوقت داك فيها داخلية
صورة من الزمن الجميل، جوائز قيمة لمن يتعرف على من بالصورة:
شكلها كده ح تفرشخ البوست ده
لأني ما قدرت اصغرها
Post: #158 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-20-2008, 07:56 AM Parent: #157
Quote: القديمة كانت تغذي الجامعات و الكلية الحربية بأفضل الشباب صول بابكر يتذكر كل الضباط الذين تتلمذوا علي يديه ( يشهيك فى الغسكرية) كان هنالك طلاب بيننا شكلهم عساكر من سنة اولي..التكينة...معتصم كبارة و عبد العال سليمان و التجاني وأذكر محمد الأمين الخليفة و موتر الفسبا و منصور الطاهر وامين و مامون الملك و خالد محمد عثمان و كرسني و البلولة الألفة ( كان ماخد الموضوع سيرياس) صلايب و حلايب و ممكن كان يضاربك عيسى الجعيلي من الجريف و عبد الرحيم من الله كان شيطاااان ، و قراصة سلاح الأسلحة مبالغه اها ( كمال بجبوج) يا معززززز تتذكر بجبوج؟؟ و بعدين محمد الأمين التاني داك من الجريف برضو اخوهو كان رسام مشهور المرحوم استاذ المكتبة الحسين الحسن ( يا نسيم ارجوك) ويك يا صادح في ظل الأراك صه رويدا و استمع نغمي الحزين طارق الطيب قالي حصة المكتبة الجاية حتكون في بيتكم يا تاج السر ( ما كنت برجع الكتب بعد الأستلاف) بعدين ياسين محمود عباس ( أحمد ربشة)، اتكسرت ترقوتو في رحلة الجنوب ( انقلب بينا اللورى جنب طمبرة) من عمايلنا و شايلين صفايح عسل و بلاوي و سن فيل ، رجعونا تاني بى مجروس واحد تاني الي ضيافة الزعيم يوسف طمبرة كنا شفع يا رجل، سواق اللورى كان اسمو منووووو؟؟ كان مصقوع ( هنت)
ياااااااااااااااه يا تاج السر بالله اتذكرت الناس ديل كلهم
ويا سلااااااااااااااااااام على كمال بجبوج
ياخ الزول الرائع ده من القديمة ما شفتو تاني
بعدين سواق اللوري الإتقلب بينا في الجنوب كان اسمو هلالي
وجايييك تاني
Post: #167 Title: Re: مدرسة الخرطوم القديمة الثانوية Author: Adel Sameer Tawfiq Date: 09-20-2008, 11:18 AM Parent: #158
Quote: بعدين سواق اللوري الإتقلب بينا في الجنوب كان اسمو هلالي
الجيم قرين Jim Green
حسه السواق دا إتذكرت إسمو كيف ؟!
كان طاشم و مشي سريع شديد لما قالوا ليه أعمل حسابك و أمشي براحة قام قلب اللوري ب 49 طالب+1 اساتذ+1 مراسلة+1 خروف !!
أها رأيك شنو في الارقام المتذكرها دي ؟!
تتذكر محمد عبد الوهاب لما إتقلب اللوري ، فتح خط و بقى يتكلم براه ، واحد قال لطشوه عشان يستعدل !!
Quote: ويا سلااااااااااااااااااام على كمال بجبوج ياخ الزول الرائع ده من القديمة ما شفتو تاني
التحق بكلية الشرطة و نقل لجهاز الأمن !! آخر مرة شفته سنة 1996 في إحتفال في القضائية !
Post: #162 Title: Re: مدرسة الخرطوم القديمة الثانوية Author: محمد الشيخ أرباب Date: 09-20-2008, 09:04 AM Parent: #157
الثاني من الشمال ده خالد عبداللطيف
--------------------------------------
"انا جرجس محارب اهين ولا اهان"
واحد من الدفعات القدامنا كان بيحكي لي
عن جرجس وان بعض الطلبة اشعلوا النار
في سيارته الفولكس الصفراء في تلك اللحظات
كان هو في حصة . فقال له بعض الطلاب
يا استاذ في نار تحت سيارتك ولكنه لم يهتم وواصل
الحصة وبعد قليل قال ليهم ديل عورة دي عربية
مؤمنة " شركة التامين تدفع يعني"
Post: #179 Title: Re: مدرسة الخرطوم القديمة الثانوية Author: Adel Sameer Tawfiq Date: 09-22-2008, 12:00 PM Parent: #157
Quote: صورة من الزمن الجميل، شكلها كده ح تفرشخ البوست ده لأني ما قدرت اصغرها
الأخ ياسر..
سلام.. أها انا صغرت ليك الصورة.. يلا أمسحها من عندك عشان ما تبوظ البوست !!
Post: #159 Title: Re: مدرسة الخرطوم القديمة الثانوية Author: haleem Date: 09-20-2008, 08:35 AM Parent: #1
الصورة:
ياسر حنا
خالد عبداللطيف
--عبدالله حسن سالم (ما عارف اسمو الاول)
Post: #163 Title: Re: مدرسة الخرطوم القديمة الثانوية Author: Yassir7anna Date: 09-20-2008, 09:55 AM Parent: #1
العزيز حليم
كيف اخبارك؟ ليك وحشة والله، البركة الشفناك طيب
صدقت، الثالث امير عبدالله حسن سالم، ياللا اعرف الرابع
اها ماعرفت الاستاذ ده؟
استاذ اللغة العربية، كان مجضم اللغة العربية جضيم شديد كان لي معاه مناقاشات كتيرة في الحال والصفة والنعت
وعم بشير يا اخوانا مافي زول اذكرو، صاحب الكافتيريا
Post: #164 Title: Re: مدرسة الخرطوم القديمة الثانوية Author: Adel Sameer Tawfiq Date: 09-20-2008, 10:15 AM Parent: #1
وصلني الإيميل التالي من الأخ حاتم حسن عبيد الشايقي إبن المرحوم الأستاذ حسن عبيد الشايقي !
حاتم إتخرج من القديمة و عمل ضابطا بالشرطة و هاجر الى أمريكا !
Quote: Dear Adil Salam to you,your family. My young sister referred me to a post about khartoum high school and it was one of those moments you really wish you can reel the time back to enjoy them all over again. I been living in the US for decades now and so glad to be able to get in touch with you. salam to all my fellow graduates from high school and I wrote them this message in arabic which took me 3 hours hehehe. Please post in on my behave.
السلام عليكم ورحمة الله وبركاته لاخ عادل سمير والاخوة الاعزاء تحياتي وسلامي واتمني ان تجمعنا الايام مرة اخري في اروع لحظات كعهدنا بالخرطوم القديمة.. اخوكم حاتم حسن عبيد الشايقي
Post: #166 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 09-20-2008, 10:47 AM Parent: #1
Quote: المرحوم استاذ المكتبة الحسين الحسن ( يا نسيم ارجوك)
أستاذ تاج السر ..
أستاذ المكتبة كان إسمه (العوض)، وليس الحسين الحسن، وهو فهلاً شاعر يا نسيم ارجوك، وأذكر أنه حكى قصة تلك القصيدة ... له الرحمة
طيب .. مافي زول إتذكر لينا مشرف الرياضة، راجل خفيف الحركة رغم كرشو التي لم أكن أستطع تحويل نظري عنها.
إيييييه ... واصلوا، رجعتونا لأيام ذهبية فعلاً
Post: #169 Title: Re: مدرسة الخرطوم القديمة الثانوية Author: ممدوح عثمان Date: 09-20-2008, 08:47 PM Parent: #166
UP
Post: #170 Title: Re: مدرسة الخرطوم القديمة الثانوية Author: Ahmed musa Date: 09-20-2008, 11:21 PM Parent: #1
Quote: من افضل لاعبى الكرة بمدرسة الخرطوم القديمة اللاعب محمد عقيد لاعب الهلال السابق ولاعب منتخب الناشئين الذى صعد الى نهائيات العالم بماسا الايطالية عام 1990-1991وحينها كان يدرس بالخرطوم القديمة وهو لاعب فى منتهى الادب والاحترام والفن الكروى الراقى وهو الآن بالدمام بالسعودية
رسالة إلكترونية وصلتني على إيميل البوست [email protected] من الأستاذ : عمر مصطفى شكراً له وبإنتظار مزيد من الإفادات حول المدرسة الصرح وليت لو وجدت صور ....
Post: #172 Title: Re: مدرسة الخرطوم القديمة الثانوية Author: علاء الدين حيموره Date: 09-21-2008, 01:45 AM Parent: #170
يا اخوانا في الخاطر حصة كيمياء : فبراير 1980 م
المعمل مكتظ بالطلبة .. دخل الاستاذ مصطفى ( عليه رحمة الله ) وكتب على السبورة
الموضوع : الكلور CL الرقم الذري 17 المدارات 3 تتوزع ب 2 _ 8 _ 7
ببقى يا اخوانا عشان يتشبع هذا العنصر فانه سيجذب ( يعني تختو في بالكم العنصر اب 17 ده زي البنت الحلوة عمر 17 سنة تجذب الشباب وتكون تقيلة ويجو جارين عليها مش تفقد وتجري هي على العواجيز ... هي عايزة واحد بس عشان السبعة الفي المدار الاخير تتشبع ولما يقوم يجيها العجوز الخفيف اللفيف الصوديوم طوالي بقوم يشبعها بواحد عشان يحصل الاتحاد ويتشبع المدار ل 8 ويكونو لينا كلوريد الصوديوم او ما يعرف بملح الطعام ..
صفافير وكوراك من الطلبة وفرصة ضحك حبة وترجع الحصة لموضوعها الاساسي ويكونوا الطلبة قد فهموا ما يرمي اليه الاستاذ مصطفى ..
Post: #173 Title: Re: مدرسة الخرطوم القديمة الثانوية Author: علاء الدين حيموره Date: 09-21-2008, 06:19 PM Parent: #172
الدكتور جمال جادين .. طبيب الاسنان .
اتحرك معاي شوية يا مولانا ..
Post: #175 Title: Re: مدرسة الخرطوم القديمة الثانوية Author: Adel Sameer Tawfiq Date: 09-22-2008, 08:18 AM Parent: #173
Quote: الدكتور جمال جادين .. طبيب الاسنان .
اتحرك معاي شوية يا مولانا ..
عفوا الشخص المطلوب غير موجود في سجلاتنا !!
Post: #223 Title: Re: مدرسة الخرطوم القديمة الثانوية Author: محمد عبدالمنعم التلب Date: 10-01-2008, 09:15 PM Parent: #175
العشيره القديماب كل عام وانتم بالف خير وعافيه والعام المقبل لامين سالمين تامين
وربنا يحقق امانى الجميع وتحيه خاصه لابناء دفعتى 80_82
سؤال : الاخ محمد ابو العزائم ابو الريش دفعة سنة كم لك منى الف تحيه وتقدير
اثنى الاقتراح الخاص بالاخ علاء حيموره مع رجاء شرح كيفيه التنفيذ
Post: #192 Title: Re: مدرسة الخرطوم القديمة الثانوية Author: Abdulmageed Gorashi Date: 09-25-2008, 05:54 AM Parent: #172
هذه احدي قفشات الاستاذ الجليل مصطفي بوستي رحمة الله عليه:
دخل الفصل ووجد عدد كبير من الطلاب اختار ميثاق الاحياء
فرد عليهم "انتو قايلين الاحياء دي طحال وفشافيش'
Post: #174 Title: Re: مدرسة الخرطوم القديمة الثانوية Author: Ahmed musa Date: 09-21-2008, 10:53 PM Parent: #1
*
Post: #176 Title: اعلان للجميع:ارشفة المنبر العام الحالى للربع الرابع لعام 2008 يوم 30سبتمبر 2008 Author: Adel Sameer Tawfiq Date: 09-22-2008, 09:15 AM Parent: #174
Quote: اعلان للجميع:ارشفة المنبر العام الحالى للربع الرابع لعام 2008 يوم 30سبتمبر 2008
سلام و تحية الى كل الاعضاء....ورمضان كريم
سوف اقوم يوم 30 سبتمبر 2008 بارشفة المنبر العام الحالى ...اخى الكريم/ة اذا كان لديك موضوع تريد
نقله الى المنبر العام للربع الرابع من عام 2008 المرجو كتابته هنا .سوف يتم نقل موضوع واحد لكل
عضو/ة لمنبر للربع الرابع لعام 2008 من منبر الربع الثالث لعام 2008.
الأخ أحمد موسى..
أرجو التكرم بطلب نقل البوست لمنبر الربع الرابع لعام 2008 حتى لا يتم أرشفته..
Post: #177 Title: Re: مدرسة الخرطوم القديمة الثانوية Author: Ahmed musa Date: 09-22-2008, 10:36 AM Parent: #1
تامر سعادتك
Done
Post: #178 Title: Re: مدرسة الخرطوم القديمة الثانوية Author: Adel Sameer Tawfiq Date: 09-22-2008, 11:03 AM Parent: #177
Quote: تامر سعادتك
Done
تســـــــلم.. ما يأمر عليك عدو !
و ده إهداء ليك و لكل الخريجين..
أغنية المصير بصوت عقد الجلاد..
Post: #180 Title: Re: مدرسة الخرطوم القديمة الثانوية Author: Adel Sameer Tawfiq Date: 09-22-2008, 08:00 PM Parent: #178
إستلمت الإيميل التالي من الأخ معتصم بخاري..
Quote: الاخ الكريم عادل
مررت عن طريق الصدفة بموقع سودانيز اون لاين ورأيت الموضوع عن الخرطوم القديمة. لقد اعادني هذا البوست الي ايام نعزها ونجلها فلك
التحية و الاكبار.اذكر يوم وفاة المغفور له باذن الله اخونا عبد الكريم ان حضر الي منزلنا الاخ عمر كبس ليخبرني وشقيقي امين بالحدث
الجلل.كان ذلك اليوم من اكثر الايام حزنا في حياتي ، اذ ام يكن الموت مما تتوقعه لمن هم في سننا في ذلك الوقت، طبعا الوضع مختلف الان
بعض من لم بذكرهم احد في الصورة ، اخوناعلاءابوالعلا، سامرعلي متولي، مالك شريف طاهر، عبد العزيز ابوشيبه، هشام صالح عتيق.
انت يا مولانا وين اراضيك ،لم نتقابل منذ زمن طويل ،اتمني ان تكون والاسرة الكريمة بخير ،و لنتواصل.
اخوك معتصم بخاري
Post: #187 Title: Re: مدرسة الخرطوم القديمة الثانوية Author: Abdulmageed Gorashi Date: 09-23-2008, 06:04 PM Parent: #178
ياسلام عليك يا عادل سمير , البوست نور بوجودك وبقية الاخوه الزملاء.
..اغنية المصير كانت خيار جميل وموفق.............
Post: #181 Title: Re: مدرسة الخرطوم القديمة الثانوية Author: Ahmed musa Date: 09-23-2008, 11:08 AM Parent: #1
إنتقلت مباني المدرسة إلى حي بُري أبوحشيش .... فقدت رونقها التاريخي ...صارت مثلها ومثل غيرها من المدارس ..... بلا لون ولا رائحة ولا طعم ....
Post: #182 Title: Re: مدرسة الخرطوم القديمة الثانوية Author: Hussein Mallasi Date: 09-23-2008, 11:20 AM Parent: #181
Quote: مررت عن طريق الصدفة بموقع سودانيز اون لاين
Post: #183 Title: Re: مدرسة الخرطوم القديمة الثانوية Author: Hussein Mallasi Date: 09-23-2008, 11:33 AM Parent: #182
سلامات يا معز بطرفي صورة لرحلة اليونان؛ أخشى إن أنزلتها أن تظن غرضي اغتيال شخصيتك و كدا فالبنطلون و القميص الكاروهات أفدح من حسن الظن
Post: #184 Title: Re: مدرسة الخرطوم القديمة الثانوية Author: malamih Date: 09-23-2008, 01:27 PM Parent: #183
ألي حسين ملاسي
أحمل لك تحايا دكتور مؤمن محمد حسن جابر من أريزونا .. كما أحمل لكم إيضآ تحايا الباشمهندس ماهر نوري .. ولكل الدفعة و خريجي القديمة.. تقابلنا أمس في منزل الأخ بكري أبوبكر في إفطار بورداب أريزونا.
Post: #185 Title: Re: مدرسة الخرطوم القديمة الثانوية Author: Ahmed musa Date: 09-23-2008, 02:46 PM Parent: #1
Quote: ألي حسين ملاسي
أحمل لك تحايا دكتور مؤمن محمد حسن جابر من أريزونا .. كما أحمل لكم إيضآ تحايا الباشمهندس ماهر نوري .. ولكل الدفعة و خريجي القديمة.. تقابلنا أمس في منزل الأخ بكري أبوبكر في إفطار بورداب أريزونا.
دُفعة كم يا ملامح ؟؟؟
Post: #186 Title: Re: مدرسة الخرطوم القديمة الثانوية Author: نزار عبد الماجد Date: 09-23-2008, 03:18 PM Parent: #185
مررت بالقديمة كسروها وخلو حيشان العسكر ...تخيلو ولا طوبه من سلاح الاسلحه ما شالوها فقط المقرن ومريدي الجيش القابض على نفس النيل ما اصعب أن يتغول احد ما على جزءا منك تاريخك
طبعا الناس الموجودين ديل (ابواتنا) عدييل كده دفعة 1991
Post: #188 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-23-2008, 06:44 PM Parent: #186
Quote: سلامات يا معز بطرفي صورة لرحلة اليونان؛ أخشى إن أنزلتها أن تظن غرضي اغتيال شخصيتك و كدا فالبنطلون و القميص الكاروهات أفدح من حسن الظن
الجميل حسين ملاسي،
ياخ نزل لينا من الصور بتاعة الرحلة العجيبة
أصلو الكاروهات رجعت موضة
ولو عندك صورة لمحمد الحاج بالكرفتة
تكون ما قصرت..
Post: #193 Title: لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا Author: Adel Sameer Tawfiq Date: 09-25-2008, 08:37 AM Parent: #188
لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا
معز.. ماعندك صور لرحلة الجنوب ؟!
في كتاب عملو أستاذ عصام فيه صور عن الرحلة لو لقينا منو نسخة ؟!
Post: #195 Title: Re: لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا Author: Dr. Moiz Bakhiet Date: 09-25-2008, 10:52 AM Parent: #193
حبيبنا عادل سمير،
عندي صور عجيبة من رحلة الجنوب
وفي واحدة خطيرة ليك
بس كلهم في السودان
ان شاء الله انزل العيد وأجيبم معاي
Post: #194 Title: Re: مدرسة الخرطوم القديمة الثانوية Author: Adel Sameer Tawfiq Date: 09-25-2008, 08:46 AM Parent: #186
Quote: طبعا الناس الموجودين ديل (ابواتنا) عدييل كده دفعة 1991
لعلمك في ناس هنا من أيام التركية السابقة !!
Post: #189 Title: Re: مدرسة الخرطوم القديمة الثانوية Author: Ahmed musa Date: 09-23-2008, 11:31 PM Parent: #1
Quote: الجميل حسين ملاسي،
ياخ نزل لينا من الصور بتاعة الرحلة العجيبة
بروف ..... أشك أن يقوم ملاسي بذلك !!!!
Post: #190 Title: Re: مدرسة الخرطوم القديمة الثانوية Author: ممدوح عثمان Date: 09-24-2008, 10:34 PM Parent: #189
بعض من الذكريات حول المعلم الفذ حسن عبيد طيب الله ثراه
اذكر أن منزل الأستاذ حسن عبيد كان عند المدخل الخارجي واذكر أن بعض الطلبة وعند خروجنا في نهاية اليوم الدراسي كانوا يقذفون منزله بالحجارة ( انا لست منهم ) شقاوه بس ....
ولنا عودة
Post: #191 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 09-24-2008, 11:48 PM Parent: #1
الأخ علاء الدين حيمورة آسف جداً لعدم المتابعة .. وما شفت سؤالك عن مزمل أبوالريش إلاّ هسة
Quote: مزمل ابو الريش ورانا كتير ، ما حضرناه في القديمة..
موجود في الخرطوم و رحل من العمارات شارع 17
شغال مقاول لبناء عمارات و شقق..
عادل سمير معلوماتك دقيقة ويظهر إنك على علاقة بإبن عمي مزمل إبراهيم أبوالريش
تسلموا
Post: #196 Title: Re: مدرسة الخرطوم القديمة الثانوية Author: ممدوح عثمان Date: 09-27-2008, 08:50 PM Parent: #191
up
Post: #198 Title: Re: مدرسة الخرطوم القديمة الثانوية Author: Ahmed musa Date: 09-28-2008, 10:36 AM Parent: #1
Quote: لعلمك في ناس هنا من أيام التركية السابقة !!
ديل من زمن كان الطالب بكون أستاذ في مكان تاني !!!!
Post: #199 Title: Re: مدرسة الخرطوم القديمة الثانوية Author: علاء الدين حيموره Date: 09-28-2008, 06:12 PM Parent: #198
العجب لما كانو بالرداء الصباح ... وبالليل الشالستون ..
اتخيل مرة سرقو بنطلوني وانا بتمرن سباحة في حوض الجامعة وكان عاجبني شديد .. اها قصة امشي للسجانة وانا بالمايوه كانت مشكلة كبيرة .. في النهاية وجدت احد زملاء القديمة وكان ضيف في داخلية الخرطوم التجارية .. مشى الداخلية جاب لي بنطلون حليت بيه المشكلة لغاية التمرين التاني ...
ايام يا قديمة
Post: #200 Title: Re: مدرسة الخرطوم القديمة الثانوية Author: Tagelsir Elmelik Date: 09-28-2008, 06:44 PM Parent: #199
في زول سرق الصور بتاعتي الصورتها في الجنوب
وبعدين الأستاذ المرحوم عصام متين طلع كتاب لرحلة الجنوب؟؟
في كمية من الصور عند محمد الأمين الخليفة حننشرها قريبا لمن يرسلا.
Post: #201 Title: Re: مدرسة الخرطوم القديمة الثانوية Author: Hussein Mallasi Date: 09-28-2008, 06:58 PM Parent: #200
صورة رحلة اليونان؛ و هي من الفداحة بحيث اضطررت أن أنتظر بها بداية الصفحة الثالثة
_____ جائزة لمن يتعرف على معز
Post: #202 Title: Re: مدرسة الخرطوم القديمة الثانوية Author: Hussein Mallasi Date: 09-28-2008, 07:03 PM Parent: #201
و جائزة - أقل قيمة - لمن يتعرف على مصطفى هاشم؛ أحمد عمر؛ عثمان سليمان؛ احمد محمد صالح و سيف محمد صالح.
Post: #204 Title: Re: مدرسة الخرطوم القديمة الثانوية Author: Tagelsir Elmelik Date: 09-28-2008, 11:24 PM Parent: #201
Post: #206 Title: Re: مدرسة الخرطوم القديمة الثانوية Author: Adel Sameer Tawfiq Date: 09-29-2008, 08:06 AM Parent: #201
أستاذ العلوم يمين معز.. نسيت إسمه ؟!
Post: #239 Title: Re: مدرسة الخرطوم القديمة الثانوية Author: Adel Sameer Tawfiq Date: 10-06-2008, 09:18 AM Parent: #200
Quote: في زول سرق الصور بتاعتي الصورتها في الجنوب
لا حول !! السرقها ماشي يسوي بيها شنو ؟!
Quote: وبعدين الأستاذ المرحوم عصام متين طلع كتاب لرحلة الجنوب؟؟
شفت كتاب مع أستاذ عصام فيه صورنا في الجنوب مع اللواء جوزيف لاقو..
الكتاب باللغة الإنجليزية..
ما عارف معز لو عندو فكرة ؟!
Post: #203 Title: Re: مدرسة الخرطوم القديمة الثانوية Author: Ahmed musa Date: 09-28-2008, 07:08 PM Parent: #1
Quote: صورة رحلة اليونان؛ و هي من الفداحة بحيث اضطررت أن أنتظر بها بداية الصفحة الثالثة
والله يا حسين زولك القدامي ده ... ماقصر مع نفسو في الكاروهات ... مكره خالص !!!
Post: #205 Title: Re: مدرسة الخرطوم القديمة الثانوية Author: عابدون محمد عابدون Date: 09-29-2008, 06:00 AM Parent: #1
ياجماعة فى زول عنده صور منتخب المدرسة فى الدورة المدرسية عام 76 .. أها يامولانا الكلام دا أظنه كان فى العصر الجليدى قبل التركية السابقة .... ياجماعة انا كنت حارس المرمى وبالذات مباراتنا مع الكلية القبطية فى الزمن داك وكان المدرب يوسف مرحوم .... جاء ذكر محمد احمد التكينة هنا وهو كان دفعة برضو ارجو انو يكون بخير
Post: #208 Title: لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا Author: Adel Sameer Tawfiq Date: 09-29-2008, 09:56 AM Parent: #205
الى كل الأخوان الأحباب..
كل عام و أنتم بخير..
لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا
Post: #207 Title: Re: مدرسة الخرطوم القديمة الثانوية Author: عابدون محمد عابدون Date: 09-29-2008, 09:22 AM Parent: #1
كل سنة والجميع بألف خير وعافية وانشاء الله ربنا يجعل ايامكم كلها اعياد
Post: #209 Title: Re: مدرسة الخرطوم القديمة الثانوية Author: Ahmed musa Date: 09-29-2008, 10:31 AM Parent: #1
كل عام وكل القديماب أساتذة وطلاب بألف خير وصحة وعافية ومتفدمين الصفوف ...وألف رحمة تنزل على من فارقنا منهم ...آمين
Post: #210 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-29-2008, 01:16 PM Parent: #209
يا سلااااااام يا حسين
أخوك بالكاروهات يجنن
حسة الجكس كلو ح يطفش
طبعاً يا عادل سمير العلى يميني ده استاذ فتح الرحمن (بجم)
وجنبو استاذ بابكر موسى
بعدين يا حسين الجنبو طوالي مصطفى هاشم ووراهو على يمين مصطفى هاشم أحمد عمر
البطرف في أقصى شمال الصورة سيف محمد صالح وعلى يسارو سطلة (أحمد محمد صالح)
Post: #211 Title: Re: مدرسة الخرطوم القديمة الثانوية Author: Dr. Moiz Bakhiet Date: 09-29-2008, 02:05 PM Parent: #210
نسيت أقول ليك يا حسين
الوراي طوالي ده طارق ابو قصيصة
Post: #212 Title: Re: مدرسة الخرطوم القديمة الثانوية Author: Tagelsir Elmelik Date: 09-29-2008, 09:58 PM Parent: #211
Quote: الوراي طوالي ده طارق ابو قصيصة
يا معز طارق ابوقصيصة قاعد هنا فى امريكا و مامون الملك اتزوج وجحا برضو هنا.
Post: #213 Title: Re: مدرسة الخرطوم القديمة الثانوية Author: Ahmed musa Date: 09-30-2008, 00:03 AM Parent: #1
*
Post: #214 Title: لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا Author: Adel Sameer Tawfiq Date: 09-30-2008, 09:55 AM Parent: #1
لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا
الإهداء لكل خريج من القديمة..
Post: #215 Title: Re: لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا Author: Adel Sameer Tawfiq Date: 09-30-2008, 09:59 AM Parent: #214
Post: #216 Title: Re: لـــن ننسى أيامـــا مضت لن ننســـى ذكراهـــا .. لن ننســـى اياما مضت مرحـــا قضيناهــــا Author: Adel Sameer Tawfiq Date: 09-30-2008, 10:04 AM Parent: #215
حاولت أجد نسخة باللغة العربية لكني فشلت..
إذا لقيتوا نسخة بالله نزلوها..
Post: #217 Title: Re: مدرسة الخرطوم القديمة الثانوية Author: عابدون محمد عابدون Date: 10-01-2008, 10:05 AM Parent: #1
روعة يامولانا الله يديك العافية وكل عام وانت والاسرة الكريمة وكل القديماب بخير وعافية مع دوام النجاح على كل المستويات
Post: #218 Title: Re: مدرسة الخرطوم القديمة الثانوية Author: Adel Sameer Tawfiq Date: 10-01-2008, 10:55 AM Parent: #217
أها بعد دا حقو تفكروا في عمل رابطة و دليل للعناوين الكاملة للخريجين !!
Post: #219 Title: Re: مدرسة الخرطوم القديمة الثانوية Author: علاء الدين حيموره Date: 10-01-2008, 01:02 PM Parent: #218
كل عام وانتم بالف خير ..
ولماذا لا نفكر في موقع على الشبكة حتى تتاح الفرصة للذين لا يستطيعون الدخول والمشاركة في هذا المنبر ..
مجرد اقتراح ...
Post: #220 Title: Re: مدرسة الخرطوم القديمة الثانوية Author: علاء الدين حيموره Date: 10-01-2008, 01:02 PM Parent: #218
للتكرار
Post: #221 Title: Re: مدرسة الخرطوم القديمة الثانوية Author: Adel Sameer Tawfiq Date: 10-01-2008, 06:37 PM Parent: #220
Quote: لماذا لا نفكر في موقع على الشبكة حتى تتاح الفرصة للذين لا يستطيعون الدخول والمشاركة في هذا المنبر ..
إقتراح جميل..أثني..
أرجو شرح كيفية عمل موقع على الشبكة ؟؟
رأيكم شنو يا شباب ؟؟
Post: #222 Title: Re: مدرسة الخرطوم القديمة الثانوية Author: ممدوح عثمان Date: 10-01-2008, 08:06 PM Parent: #221
كل عام وأنتم بخير
وربنا يحقق أماني الجميع
Post: #224 Title: Re: مدرسة الخرطوم القديمة الثانوية Author: محمد عبدالمنعم التلب Date: 10-01-2008, 09:21 PM Parent: #222
العشيره القديماب كل عام وانتم بالف خير وعافيه والعام المقبل لامين سالمين تامين
وربنا يحقق امانى الجميع وتحيه خاصه لابناء دفعتى 80_82
سؤال : الاخ محمد ابو العزائم ابو الريش دفعة سنة كم لك منى الف تحيه وتقدير
اثنى الاقتراح الخاص بالاخ علاء حيموره مع رجاء شرح كيفيه التنفيذ
Post: #225 Title: Re: مدرسة الخرطوم القديمة الثانوية Author: haleem Date: 10-01-2008, 09:32 PM Parent: #1
التلب يا دفعة
ما تكروت الناس ياخي
انت دفعة 79-82
Post: #226 Title: Re: مدرسة الخرطوم القديمة الثانوية Author: محمد عبدالمنعم التلب Date: 10-02-2008, 05:06 AM Parent: #225
معليش ياحليم تشابهه على البقر
Post: #227 Title: Re: مدرسة الخرطوم القديمة الثانوية Author: Mohamed Yassin Khalifa Date: 10-02-2008, 06:15 AM Parent: #226
أبناء العشيرة القديمة... عيد سعيد وكل سنة والجميع بخير وصحة وعافية!
-------------------------
ويا التلب والله ليك وحشة...
-------------------------
وكانت أيام لينا في القديمة... وطبعا نحنا أكتر ناس قضينا وقت في القديمة
وأظن حققنا الرقم القياسي في مجموع الساعات القضيناها في المدرسة
نفتحها الساعة الخامسة صباحا كل يوم مع الكديت...
وبنقفلها الساعة عشرة... بعد نهاية بروفات جمعية المسرح وإجتماعات الإتحاد وبعدهم عشاء البركس
من قراية لموسيقى لرسم وكديت ومسرح وعلوم وجعرافيا لجمعية التاريخ...
اليوم كان قصير...
والله الواحد حاسي إنو سورطه مدفونة جنب كشك البركس... ومازال خرمان ليهو لسيجارة يخمسها مع خمسة أحباب قدام
ودمتم...
Post: #228 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 10-02-2008, 09:05 AM Parent: #1
سؤال : الاخ محمد ابو العزائم ابو الريش دفعة سنة كم لك منى الف تحيه وتقدير
الأخ عبدالمنعم التلب ....
سؤالك فيهو إدانة بيتيح للكتيرين الشماتة ... لكن لا بأس
يا سيدي أنا دفعة 75 - 78 (والله الواحد حاسي إنو سورطه مدفونة جنب كشك البركس... ومازال خرمان ليهو لسيجارة يخمسها مع خمسة أحباب قدام)
عارف يا محمد يس الخليفة، كلامك ده ذكرني لما (الوكيل) حسن عبيد يجي يعمل لينا كشة، وينتظر الجايين من ناحية البركس عند مدخل المدرسة، ولأنو عارف البيجي من هناك بيكون بخبخ ليهو سيجارة، كان (بيشم) يدينّا، ولما عرفنا لعبتو بقينا نمسك السيجارة باليد الشمال، ولما يقول هات إيدك بنديهو اليمين. والبيلقى فيهو ريحة سيجار بيقول ليهو قولته المشهورة (يا ولدي انت باطل .... أمشي مرفود سبوع)
Post: #229 Title: Re: مدرسة الخرطوم القديمة الثانوية Author: محمد عبدالمنعم التلب Date: 10-02-2008, 09:42 AM Parent: #228
الاخ ابو العزائم
لم اقصد التجريم من سؤالى وكانت الغايه من معرفة دفعتك لانو فى واحد بالدفعه القدامنا اسمو ابو العزائم من اولاد برى امتحن الشهادة فى العام 81 وكنته داير اتاكد من تطابق الاسماء . وعلى العموم انته ما اكبر مننا الا ب3 سنين فقط . ولك العتبى
الاخ محمد يسن خليفه
اولا لك الشكر على دعمى لنيل العضويه وثانيا كل عام وانتم بخير .
وياحليل ايام الكديت وعمك بابكر وعمك ادم وسانزل مجموعه من الصور عن الكديت فى القريب العاجل باذن الله .
لكم منى خالص التحايا
Post: #230 Title: Re: مدرسة الخرطوم القديمة الثانوية Author: Ahmed musa Date: 10-02-2008, 09:55 AM Parent: #1
Quote: كل عام وانتم بالف خير ..
ولماذا لا نفكر في موقع على الشبكة حتى تتاح الفرصة للذين لا يستطيعون الدخول والمشاركة في هذا المنبر ..
مجرد اقتراح ...
علاء الدين وكل القديماب ... كل عام وانتو بخي . والله انا فكرت في نفس الفكرة بس قلت نخلي البوست يمشي شوية ... والقصة ساهلى البورد مليان مصممي مواقع ممكن نشرع طوالي وننزل فيها كل تاريخ القديمة والدفع والعناوين إلخ ... ونحن جاهزين
Post: #241 Title: Re: مدرسة الخرطوم القديمة الثانوية Author: علاء الدين حيموره Date: 10-07-2008, 10:17 AM Parent: #230
نحول الاقتراح لطلب للدكتور المعز وهو صاحب تجربة .. ان شاء الله يقسم لينا حوشو ..
نسمعك يا دكتور ...
Post: #231 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 10-02-2008, 09:59 AM Parent: #1
الأخ محمد عبدالمنعم ..
لا عليك .. فقط أردت النكتة .... وأبوالعزائم الذي تقصد على ما أظن هو شقيقي (السنى أبوالعزائم)
Post: #232 Title: Re: مدرسة الخرطوم القديمة الثانوية Author: Adel Sameer Tawfiq Date: 10-02-2008, 10:47 AM Parent: #231
و صلني الإيميل التالي من الأخ العزيز حيدر عوض :
Quote: Salam dear Adil, sorry to write to you in english and this bcz my PC is not arabic enabelled.
Ana Haider Awad , we were class mates not only in Al Qadeema 74/75-76/77 but before that in Al Khartoum Al AMEERIA. I still
remember most of my class mates, Sami Hassan Al Hakim, Gamal Al Shalali, Nadir Ali AL Tahir, Mohannad Hassan Jabir, Mamoon
Abu Shaiba , Omer Shiddu, Rashid Al Nasri, Khalid Kanjari, utassim Bukhari, but one of the most dominant figure graduated
from this school is Omer Abu-sham, I wish if can shed some light on him and his funny stories.
best regards
Haider Awad Sharfi
Post: #233 Title: Re: مدرسة الخرطوم القديمة الثانوية Author: Adel Sameer Tawfiq Date: 10-02-2008, 12:00 PM Parent: #232
Quote: one of the most dominant figure graduated from this school is Omer Abu-sham, I wish if can shed some light on him and his funny stories.
عمر أبو شام الآن محامي كبير ذو بـــــــــاااع طويـــــــل !!
كان لديه حكايـــــــات طريفة !!
لو كتبت عنها أي حاجة ممكن يبيعني الوراي و القدامي !!
غايتو العارف يقول على مسئوليتو !!
Post: #234 Title: Re: مدرسة الخرطوم القديمة الثانوية Author: Ahmed musa Date: 10-03-2008, 09:45 AM Parent: #1
Quote: لو كتبت عنها أي حاجة ممكن يبيعني الوراي و القدامي !!
Post: #236 Title: Re: مدرسة الخرطوم القديمة الثانوية Author: ممدوح عثمان Date: 10-05-2008, 07:33 AM Parent: #235
فوق
الظاهر الناس كلها لسه معيده
Post: #237 Title: Re: مدرسة الخرطوم القديمة الثانوية Author: Adel Sameer Tawfiq Date: 10-05-2008, 08:04 AM Parent: #236
Quote: فوق
Post: #238 Title: Re: مدرسة الخرطوم القديمة الثانوية Author: ممدوح عثمان Date: 10-06-2008, 08:24 AM Parent: #237
up
Post: #240 Title: Re: مدرسة الخرطوم القديمة الثانوية Author: ممدوح عثمان Date: 10-07-2008, 08:29 AM Parent: #238
up
Post: #242 Title: Re: مدرسة الخرطوم القديمة الثانوية Author: ممدوح عثمان Date: 10-08-2008, 08:06 AM Parent: #240
#
Post: #243 Title: Re: مدرسة الخرطوم القديمة الثانوية Author: Adel Sameer Tawfiq Date: 10-08-2008, 10:53 AM Parent: #242
# UP
Post: #244 Title: Re: مدرسة الخرطوم القديمة الثانوية Author: Adel Sameer Tawfiq Date: 10-10-2008, 05:42 PM Parent: #243
UP
Post: #245 Title: Re: مدرسة الخرطوم القديمة الثانوية Author: Hisham Magzoub Date: 10-10-2008, 10:50 PM Parent: #1
مرحب باهل الخرطوم القديمه
انا دفعة 85-88 (الفتره من بداية الى نهاية الديمقراطيه الثالثه)
يالها من مدرسة كانت نقله بالنسبه لنا كبيره من لبس الارديه للبناطلين من حمل الشنط لحمل الكتب بدونها شعور بانو الزول كبر واتحرر الشئ الجميل كان شعورك وانت تخطو خارج الفصل بانك وصلت الشارع بدون المرور بسور حيث كان لايفصل الفصول عن الظلط شئ ولكن ونحن فى السنه الثالثه تم عمل سور شائك يفصل الفصول من الشارع اصابتنا الكأبه حينها وظننا انها نهايه للمدرسه ولكننا لو كنا نعلم انها ستزول من الوجود يوما" ما لفكرنا جديا" فى الانتحار
وكان اجمل شعور ينتابك وانت فيها مجاورتها لجامعة الخرطوم حيث كل الذى يفصلك من الدخول للجامعه هذا السور
عشنا اروع ايام من الحريه نفطر فى الجامعه نشرب سجائر جنب البركس كل المظاهرات والمسيرات التى كانت تنتظم فى الجامعه حينذاك (وما اكثرها فى ايام الديمقراطيه تلك) كنا نشارك فيها
كانت مدينه كامله تحوى ثمانى انهر فى ثلاث دفعات اى 24 فصل فى متوسط 50 طالب اى حوالى 1200 طالب من كل مناطق العاصمه تقريبا" فياله من جمع كبير ولو كان فيها داخليات كما حنتوب وخور طقت لاسترخيناواتكينا فى المجالس (كما يفعل اهل تلك المدارس) وصرنا نناجى الزكريات ولكنا تعرفنا على تلك الاجيال
Post: #246 Title: Re: مدرسة الخرطوم القديمة الثانوية Author: Adel Sameer Tawfiq Date: 10-12-2008, 12:54 PM Parent: #245
الاول من اليمين د. حسين حمو..حكيم بدوي..محمد فريد بيومي..محسن بدوي
الاول من اليسار محمد ابراهيم خليل..د. محمد عبد العال..د. محمد عبد الوهاب..
التاني من اليسار د. جمال حسين الشلالي
إستلمت الصورتين من الأخ العزيز د. حسين حمو لأولاد دفعتنا..أخذت قبل يومين..في لقاء تجميعي لاولاد
القديمة في أحد المطاعم في الخرطوم !!
الغريبة كلهم حلب !!
Post: #249 Title: Re: مدرسة الخرطوم القديمة الثانوية Author: Tagelsir Elmelik Date: 10-12-2008, 02:44 PM Parent: #246
Quote: الغريبة كلهم حلب !!
والله يا عادل سمير قربت اقوليك ده اجتماع ( مصر للأسمنت المسلح)؟؟؟؟
Post: #247 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 10-12-2008, 01:25 PM Parent: #1
يا مولانا ما تتغول على الدفع ..... فريد بيومي الدفعة الوراك
Post: #248 Title: Re: مدرسة الخرطوم القديمة الثانوية Author: Solafa Alagib Date: 10-12-2008, 01:49 PM Parent: #247
يا شفافين حاكيتونا ...لكم منا التحية.................الخرطوم القديمة بنات
د:سلافا العاقب
Post: #250 Title: Re: مدرسة الخرطوم القديمة الثانوية Author: ممدوح عثمان Date: 10-12-2008, 03:15 PM Parent: #248
Post: #251 Title: Re: مدرسة الخرطوم القديمة الثانوية Author: Ahmed musa Date: 10-14-2008, 03:32 PM Parent: #1
رسالة إلكترونية وصلتني من عطا صديق العطا-سان هوزي-كاليفورنيا دفعة 1981 ــ1984م
Quote:
Dear Ahmed Musa, Thank you so much for remembering Khartoum Old High School, could you please post below message as a little share. Again, thank you.
الزملاء خريجي الصرح العلمي الخالد-الخرطوم القديمه السلام عليكم ورحمة الله وبركاته اسمحوا لي ان اشارككم بهذه المشاركه المتواضعه عن هذا الصرح العلمي الشامخ برغم قرار الازاله الجائر دفعة 81- 84الاساتذه الاجلاء كانوا مصطفى عابدين -المدير الرياضيات-سكتش-عبدالرحمن موسى-الطيب-يوسف الفيزياء ميرغني يوسف عبدالسيد وبدرالدين الكيمياء -مهدي الجغرافيا عض الجيد و محمد الفاتح كنت في اولى وثانيه وثالثه عمر من زملاء الدفعه-عمر الفاروق حافظ سالم-عباس عبدالله شلقامي-عوض السيد جباره-محمد الفاتح احمد المصطفى-وليد حسب الباقي رضوان-عادل حامد-امير عبدالله -امير عباس مدني-حسن تاج السر الحسن-تيسير الفاتح-)-عماد ادهم خليل-عبدالناصر عبدالحفيظ(جمال وزه)-عمادالدين عبدالرحيم عبدالكريم-هاشم محمد ابراهيم-صلاح حسن بادي-محمد ابراهيم سليمان-خالد عوض نصر-جلال نصر-غفاري وراق- انقطت الاخبار وتفرقت بنا السبل ولا ادري اين هؤلاء الان عدا اتصالاتي مع هاشم محمد ابراهيم(اوهايو-امريكا) ارجو نشر الرساله مع رقم الهاتف علا وعسى ان يقرا احدهم هذا البوست التاريخي عطا صديق العطا-سان هوزي-كاليفورنيا- 1-408-505-6511
Atta Elatta
Praise be to Allah, the Cherisher and Sustainer of the worlds
Most Gracious, Most Merciful
AL-FATIHA
شكراً عطا أخي وصديقي
Post: #252 Title: Re: مدرسة الخرطوم القديمة الثانوية Author: Adel Sameer Tawfiq Date: 10-14-2008, 08:15 PM Parent: #251
عندي مداخلات خاصة بدكتورة سلافة راحت..
الجاتك في مداخلاتك سامحتك..
البركة في الويب و البوست..
Post: #253 Title: Re: مدرسة الخرطوم القديمة الثانوية Author: Adel Sameer Tawfiq Date: 10-15-2008, 12:53 PM Parent: #252
Quote: ماتخلي البوست ده بنين وبنات
رأيك شنو يامولانا عادل سمير
أفضل بوست منفصل لكل من البنين و البنات لأن لكل خصوصيته..
لكن دا ما يمنع الزيارات المتبادلة زي زيارة د. سلافة !!
نحن نكن لمدرسة الخرطوم القديمة بنات كل التقدير كمدرسة عريقة..
Quote: رأيك القانوني طبعا ......
الرأي القانوني هيـــــــن.. الكلام الرأي الشـــــرعي !!
Post: #254 Title: Re: مدرسة الخرطوم القديمة الثانوية Author: Adel Sameer Tawfiq Date: 10-20-2008, 12:18 PM Parent: #253
#
Post: #255 Title: Re: مدرسة الخرطوم القديمة الثانوية Author: haleem Date: 10-20-2008, 12:37 PM Parent: #1
Quote: غايتو العارف يقول على مسئوليتو !!
غايتو يا مولانا عمر ابو شام دة عارفين عنه أنو مشخبط اسمو في المعمل الشرقي للمدرسة (شرق ميدان الباسكت)
والكلام دة موجود لحدي بداية الثمانينات
لكن (ذو باااااع) دي احكيها لينا انت...
Post: #256 Title: Re: مدرسة الخرطوم القديمة الثانوية Author: Adel Sameer Tawfiq Date: 10-20-2008, 07:59 PM Parent: #255
Quote: لكن (ذو باااااع) دي احكيها لينا انت...
أنا ما قاعد أتكلم في الســـــياسة يا حليم !!
و اللبيب بالإشارة....!
Post: #257 Title: Re: مدرسة الخرطوم القديمة الثانوية Author: Adel Sameer Tawfiq Date: 10-28-2008, 08:30 AM Parent: #256
وين يا شباب ، جبت البوست من آخر الدنيا !!
Post: #258 Title: Re: مدرسة الخرطوم القديمة الثانوية Author: Adel Sameer Tawfiq Date: 10-30-2008, 12:30 PM Parent: #257
أنتو يا شباب قنعتو من البوست دا ؟!
أنا تاني ما حأرفعو ليكم !!
مخيريين !!
Post: #259 Title: Re: مدرسة الخرطوم القديمة الثانوية Author: علاء الدين حيموره Date: 10-30-2008, 12:53 PM Parent: #258
Quote: أنتو يا شباب قنعتو من البوست دا ؟!
الناس ما قنعت يا مولانا لكن ظرف المنبر خلى الناس لابدة لكن بتمنى انهم يجمعوا تاني ..
شكرا مولانا..
Post: #260 Title: Re: مدرسة الخرطوم القديمة الثانوية Author: Mohamed Yassin Khalifa Date: 10-30-2008, 05:41 PM Parent: #259
الأعزاء الكرام
جائتني هذة الرسالة من ألمانيا من العزيز إبن خالي وود بري الدكتور والفنان إبراهيم عبدالحليم:
تحية حارة جدا خصوصا بعد غيبة طويلة مررت على منبريكم برى ومنبر الخرطوم القديمة وسعدت جدا بوجود هذاالعدد الهائل من الزملاء الذين اعرفهم فلهم التحية لكى يتذكرونى هاك عنوان صفحتى الألكترونية
تحياتى عبرك للراقى دوما الفنان يوسف الموصلى الذى أعرفة وأشك إن كان يعرفنى كذلك التحية للأخ بكرى أبوبكر الدفعة زميل الدراسة فلقد كان بكرى فى الجيولوجيا وأنا فى قسم الكيمياء فشكرا بكرى على هذا الموقع المتميز
أخوكم إبراهيم عبد الحليم
Post: #261 Title: Re: مدرسة الخرطوم القديمة الثانوية Author: Mohamed Yassin Khalifa Date: 10-30-2008, 05:42 PM Parent: #260
أستمعت لغناء إبراهيم ووجدت فيه كلمات شاعرية وموسيقى متطورة وأداء محترف
وجدته فن راقي وإضافة موسيقية ستسعد بها مكتبة الفن والغناء السوداني
وحتما سيرشحه تميزه للعالمية... وكان الله معه ووالاه كل التوفيق
أدعوكم بحق للأستماع له والإتطلاع على أعمال الدكتور الفنان إبراهيم عبدالحليم أحمد الزبير... على:
Post: #262 Title: Re: مدرسة الخرطوم القديمة الثانوية Author: Adel Sameer Tawfiq Date: 11-02-2008, 07:05 AM Parent: #261
Quote: أستمعت لغناء إبراهيم ووجدت فيه كلمات شاعرية وموسيقى متطورة وأداء محترف
Post: #263 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-02-2008, 07:51 AM Parent: #262
الاخوه القديماب اسعد الله ايامكم بالخير والهنا طبعا ما الم بالمنبر جعلنا .... طاشين وما عارفين نلقى البوست والا المنبر ولمن نلقاهو مانقدر ندخل وبعد ماندخل مانقدر نكتب وغايتو احوال عجيبه .
المهم حمد بسلامه الرجوع والالتقاء ونامل ان تستقر الاحوال وربنا يهدى الهكر ويخلى جنه البيعمل فيهو دا.
وعلى العموم لنا رجعه للمواصله واحياء فكرة دليل خريجى القديمه التى لم يبقى منها سوى الذكريات الجميله وهذا الكم الهائل من الرجال الافذاذ امد الله فى ايامهم ومتعكم بالصحه والعافيه ووفقكم الى ما فيه الصلاح والنجاح .
اااااااامين
Post: #264 Title: Re: مدرسة الخرطوم القديمة الثانوية Author: Adel Sameer Tawfiq Date: 11-02-2008, 10:42 AM Parent: #263
Post: #265 Title: Re: مدرسة الخرطوم القديمة الثانوية Author: Adel Sameer Tawfiq Date: 11-04-2008, 06:43 AM Parent: #264
يا أخوانا أنا تعبت من الجري كل مرة اجيب البوست دا !!
ما تنسوا اني شخصية ليها وزنها... حوالي 140 كيلوجرام !!
Post: #266 Title: Re: مدرسة الخرطوم القديمة الثانوية Author: Mohamed Yassin Khalifa Date: 11-04-2008, 08:22 AM Parent: #265
بـــــــالغت يا مولانا... والله دي ما سبقك فيها زول [[!]]
وجد قلبتا فيها الهوبة!
سيدي وزنك يقاس بالطن في قلوبنا... يقصر الملح والملاح وأنت الموجود وباقي فينا
------------------------------------------
دخلت لبوسطن قبل دقائق... والساعة عندنا الثانية صباحا ووحاتك مافي نوم قبل ما ندي أهلنا القدام (أهل القديمة) طلة
وهي سويعات قبل ما نشوف موضوع الإنتخابات ونجيك راجعين....
Post: #267 Title: Re: مدرسة الخرطوم القديمة الثانوية Author: Adel Sameer Tawfiq Date: 11-04-2008, 08:52 AM Parent: #266
الأخ العزيز محمد ياسين..
سلام كتير.. أظنو البرد عندكم هسه !!
Quote: بـــــــالغت يا مولانا... والله دي ما سبقك فيها زول [[!]]
وجد قلبتا فيها الهوبة!
ما تعبت !
Quote: سيدي وزنك يقاس بالطن في قلوبنا... يقصر الملح والملاح وأنت الموجود وباقي فينا
تسلم يا سيد الناس..
Post: #268 Title: Re: مدرسة الخرطوم القديمة الثانوية Author: Adel Sameer Tawfiq Date: 11-05-2008, 12:15 PM Parent: #267
ياربي يكونوا ديل إتخرجوا من وين ؟؟!!
Post: #269 Title: Re: مدرسة الخرطوم القديمة الثانوية Author: عبد الدائم سيد أحمد Date: 11-05-2008, 12:49 PM Parent: #1
Quote: شفافين حاكيتونا ...لكم منا التحية......الخرطوم القديمة بنات
د:سلافا العاقب
ديل تعبانين ساكت يا د/ سلافة الفستان اللبنــى يكســـب
عنهم / ناظر القديمة بنات
Post: #270 Title: Re: مدرسة الخرطوم القديمة الثانوية Author: Adel Sameer Tawfiq Date: 11-06-2008, 06:21 AM Parent: #269
Quote: ديل تعبانين ساكت يا د/ سلافة
الفستان اللبنــى يكســـب
(((((((الإصطياد في الماء العكر)))))))
وينو بوست القديمة بنات دا ؟؟!!
Post: #271 Title: Re: مدرسة الخرطوم القديمة الثانوية Author: عبد الدائم سيد أحمد Date: 11-06-2008, 07:05 AM Parent: #270
Quote: وينو بوست القديمة بنات دا ؟؟!!
انت كنت وين لما البوست كان موقف شباب المنبر على فرد كراع
اوع تقول لي كنت بتذاكر ...
ديل غنى ليهم زيدان يا بنات المدرسة كمان قول لي ما سمعتها ...
Post: #272 Title: Re: مدرسة الخرطوم القديمة الثانوية Author: Adel Sameer Tawfiq Date: 11-06-2008, 07:24 AM Parent: #271
الأخ عبد الدائم ..
ٍٍسلام.. يا أخي ما تشوف لي اللنك دا وين !
بالجد أنا القديمة بنات بتعني لي الكتير ، و لي فيها ذكريات طفولة ، حيث عملت فيها والدتي أستاذة
و مديرة لفترة طويلة !
Post: #274 Title: Re: مدرسة الخرطوم القديمة الثانوية Author: Adel Sameer Tawfiq Date: 11-08-2008, 09:52 AM Parent: #272
#
Post: #273 Title: Re: مدرسة الخرطوم القديمة الثانوية Author: محمَّد زين الشفيع أحمد Date: 11-06-2008, 07:54 AM Parent: #1
العزيزُ / أحمد موسى :
كنتُ قدْ درسْتُ بها كورسًا صيفيًّا فقط في مطلعِ تسعيناتِ القرنِ الماضي ؛ فتشرّقتُ حينها بأنْ أجلسَ طالبًا
منصتًا لعلماءَ كثيرينَ كُلٍّ في مَجالِهِ أمثال د/ الحبر يُوسف نور الدَّائم ، وهُوَ يتناثرُ أدبًا وشعرًا
جاهليًا .
وأُستاذ / الحاج محمَّد فضل وهوَ خيرُ مَنْ فهِمْتُ منهُ الكيمياءَ العضويَّةَ ؛ والأُستاذ / ميرغني يوسف عبد
Post: #275 Title: Re: مدرسة الخرطوم القديمة الثانوية Author: ممدوح عثمان Date: 11-10-2008, 11:32 AM Parent: #273
مولانا عادل سمير
قلنا نساعدك شوية
Post: #276 Title: Re: مدرسة الخرطوم القديمة الثانوية Author: عابدون محمد عابدون Date: 11-10-2008, 04:00 PM Parent: #1
أها يامولانا ....
Post: #277 Title: Re: مدرسة الخرطوم القديمة الثانوية Author: عابدون محمد عابدون Date: 11-10-2008, 04:03 PM Parent: #1
ياجماعة استاذ عصام الله يرحمه كان قبله استاذ سيد المحسى فى اللغة الانجليزية وانا مستغرب انو لغاية هسة مافى زول جاب سيرته وكان استاذ عمر فى الجغرافيا ...
Post: #278 Title: Re: مدرسة الخرطوم القديمة الثانوية Author: ممدوح عثمان Date: 11-10-2008, 05:33 PM Parent: #277
ياجماعة صاحب البيت ليه شهر مختفي
إن شاءالله يكون خير بس .....
Post: #279 Title: Re: مدرسة الخرطوم القديمة الثانوية Author: Adel Sameer Tawfiq Date: 11-10-2008, 06:43 PM Parent: #277
الأخ عابدون
أستاذ سيد دا كان رئيس الشعبة ؟!
Post: #280 Title: Re: مدرسة الخرطوم القديمة الثانوية Author: Adel Sameer Tawfiq Date: 11-10-2008, 06:53 PM Parent: #277
الأخ عابدون
أستاذ سيد دا كان رئيس الشعبة ؟!
Post: #281 Title: Re: مدرسة الخرطوم القديمة الثانوية Author: عابدون محمد عابدون Date: 11-11-2008, 04:36 AM Parent: #1
ايوة يامولانا استاذ سيد كان رئيس شعبة اللغة الانجليزية ...
Post: #282 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 11-11-2008, 07:16 AM Parent: #1
Quote: وكان استاذ عمر فى الجغرافيا ...
ذكر الجغرافيا بيوصلنا للأستاذ السر العراقي
Post: #283 Title: Re: مدرسة الخرطوم القديمة الثانوية Author: Mekki M Alhassan Date: 11-11-2008, 08:10 AM Parent: #282
اولاً شكراً للاخ أحمد موسي علي هذه السانحة
1981-1982 أولي علي البراري
Post: #284 Title: Re: مدرسة الخرطوم القديمة الثانوية Author: عابدون محمد عابدون Date: 11-11-2008, 03:58 PM Parent: #1
هوووووووووووووووووب لى فوق
Post: #285 Title: Re: مدرسة الخرطوم القديمة الثانوية Author: عابدون محمد عابدون Date: 11-12-2008, 04:51 AM Parent: #1
ياجماعة ماتتقدموا فى الهجوم وتخلونى براى ورا هنا .. الناس ديل بهاجموا بى خمسة ..
Post: #286 Title: Re: مدرسة الخرطوم القديمة الثانوية Author: ممدوح عثمان Date: 11-16-2008, 09:15 AM Parent: #285
جيناك ياعبدوووووون
Post: #287 Title: Re: مدرسة الخرطوم القديمة الثانوية Author: عابدون محمد عابدون Date: 11-16-2008, 12:27 PM Parent: #1
والله ياعطا ماتقول لى لواء ولا فريق أنا بتذكر شكلك بالردا الرصاصى والقميص الابيض ونحن ماسكنك بالسنارة لما الهواء يقوم عشان ماتطير... الكلام دا لأخونا اللواء عطا محمد العطا.. أما الهادى الجاك فكان من اولاد برى واتذكر إنو كان لعاب جدا وماعارف ليه وقتها ما اتسجل فى الهلال ولا المريخ ...
Post: #288 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-17-2008, 09:27 AM Parent: #287
القديماب انتو نمتو والا شنو وكما قال الشاعر الفذ سيف الدين السوقى انحنا يادوب ابتدينا الاخ محمد يسن خليفه لك التحيه العطره وراجع ليك بصور مذهله عن كديت القديمه ناس دفعتى 79 _82 انتو وين اليوم وصلتنى رساله رقيقه من الاخ سامر محمدعبد الحليم وساحاول ان اجرجره للكتابه معنا فى هذا المنبر تحباتى للجميع وموده غير من منقطعه القديمه فوق فوووووووووووق
Post: #289 Title: Re: مدرسة الخرطوم القديمة الثانوية Author: Solafa Alagib Date: 11-17-2008, 12:06 PM Parent: #288
والله ياخوانا انا ناس القديمة بنين ديل (غرتا)منهم عديييل كدا.....
يابنات انتو وين (القديمة بنات,الاميرية بنات,الخرطوم شرق بنات)...طبعا يا مولانا عادل معاك سوا بس بدل (اولاد)...(بنات)
رسالة خاصة:
حضرةالناظر عبدالدايم..سناجعفر..مايا..وكل بنات القديمة فتشوا معاي البوست القديم والا.....بفتح واحد براااااي
د:سلافا العاقب احمد
الخرطوم القديمة(بنااااات)
Post: #290 Title: Re: مدرسة الخرطوم القديمة الثانوية Author: عابدون محمد عابدون Date: 11-17-2008, 01:34 PM Parent: #1
WE SAID NO TRESPASSING YA DICTORA..... حوشكم بى هناك ...
Post: #291 Title: Re: مدرسة الخرطوم القديمة الثانوية Author: Solafa Alagib Date: 11-17-2008, 02:05 PM Parent: #290
سمح يا عابدون الجواب ماتراهه لا ماتسمعوا
لكن النصيحة دين النبى...بوستكم سمح عديل كدا...زى حلة الدمعة لما يعملا الراجل تكون طاعمة خلاص...لكن بيوسخ عدة المطبخ كلها
ودمتم................د:سلافا العاقب
Post: #292 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 11-17-2008, 02:18 PM Parent: #1
عارفة يا د. سلافة ... القديمة بنات دي لينا معاها برضو ذكريات.
لما نادونا نعمل بروفات مع البنات المشاركات في الدورة المدرسية (أول وآخر مرة أدخل المدرسة دي)، ودخلنا تحت حراسة مشددة، وإشراف أستاذة الأجيال/ خديجة عبدالله (أبله خديجة) .. طبعاً برضو رغم الحصار المفروض، كنا في مكان البروفة (فصل فاضي) وباقي البنات بالشبابيك ونحن جوة مساكيييييييين، وزي القرود في الجنينة
Post: #294 Title: Re: مدرسة الخرطوم القديمة الثانوية Author: Solafa Alagib Date: 11-18-2008, 10:26 AM Parent: #292
ياخوانا صباح الخير في بوستكم السمح دا(عايزة اسحرو طبعا)
يا محمدابوالعزايم انتو ماناس القديمة اولاد ديل اخوانا بالرضاعة لكن الكانو بستحقوا الحراسة المشددة والضبح والعليق من
شكرا علي المرور يا عابدون...بخصوص القراصة ,بالرغم من انى من بنات الخرطوم ميلاد ونشأة (واللآتى يشاع عنهن عدم معرفة اى شئ
في المطبخ,وهذا حقيقي وليس محض خيال),وبالرغم من انى كنت ومازلت دلوعة ,امي مدرسة وابوى مساعد مدير بنك,وبالرغم من اننى اقسم
بالله صادقة اننى ما صنعت حلة ولاحتي شاي بلبن الابعد زواجي(قبل عامين تقريبا)بعد كل هذه(البرغمات)الا اننى وبشهادة الجميع كنت اصنع
افضل قراصة واحلى دمعة في شهر رمضان السابق(وهو بالمناسبة اول شهر لى في بيتي الحقي براي)وللعلم لم يكن هذا الرمضان في الخرطوم
حيث تكثر القراصة بعددبيوت الشوايقة والدناقلة والجعليين ,ابدا دا كان في دارفور مقر عملي الحالي انا ورئيس جمهوريتي,فعليه لو
ربنا هون واتقابلنا في اي ملف في هذه الدنيا(وبالمناسبة هي صغيرة خلاص الدنيا دى)تأكد انى حاظبط ليك قراصة ماحصلت ولو جيت تانى
يوم بعملا ليك بالتقلية ...شن قولك بعد دا
د:سلافا العاقب احمد
Post: #293 Title: Re: مدرسة الخرطوم القديمة الثانوية Author: عابدون محمد عابدون Date: 11-18-2008, 04:52 AM Parent: #1
كان كدى يادكتورة نوقع ليكى تصاريح دخول وخروج من البوست دا زى ماعاوزة أصلو سيرة الدمعة والقراصة ديل بيعتبروا من أهم البرامج عندى خاصة إنو أنا من الناس اللى ذكرتيهم يعنى خبير فى حلة الدمعة والقراصة ...
Post: #295 Title: Re: مدرسة الخرطوم القديمة الثانوية Author: عابدون محمد عابدون Date: 11-18-2008, 12:54 PM Parent: #1
Post: #296 Title: Re: مدرسة الخرطوم القديمة الثانوية Author: Solafa Alagib Date: 11-18-2008, 01:40 PM Parent: #295
عاد يا عابدون نحنا بنقدر بلاكم,العجب كان بقي رئيس الجمهورية دا هو:
رئيس وزراء المشاعر
ورئيس هيئةاركان القلب
ووزير شؤون التقدير والاحترام والمحبة
وراعي هيئة احترام الام والابو وريدة الاخوان وشيل هم الاخوات
ومندوب الطموح السامى وزميل الدراسة والعمل
عاد دا زولا بخلو ؟؟؟؟كان هو قدامى انا وراهو وكان انا قدامو هو معاى (ماوراى)والعاقبة عندكم في الزواجات
د:سو لا فا
Post: #297 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 11-18-2008, 02:01 PM Parent: #1
Quote: رئيس وزراء المشاعر
ورئيس هيئةاركان القلب
ووزير شؤون التقدير والاحترام والمحبة
وراعي هيئة احترام الام والابو وريدة الاخوان وشيل هم الاخوات
ومندوب الطموح السامى وزميل الدراسة والعمل
عاد دا زولا بخلو ؟؟؟؟كان هو قدامى انا وراهو وكان انا قدامو هو معاى (ماوراى)
التحية ليك ولي رئيس جمهوريتك ... والله يديم عليكم الفوق ده كلو
Post: #298 Title: Re: مدرسة الخرطوم القديمة الثانوية Author: عابدون محمد عابدون Date: 11-18-2008, 02:09 PM Parent: #1
لا كان كدى يادكتورة دا رئيس جمهورية بالصح .. وانشاء الله ربنا يخليكم لى بعض .. علا دايراسألك يعنى رئيس جمهورية بقى بى انقلاب ولا ساكت كدى يعنى كان عرفتى قصدى بعمل ليكى صحن قراصة يوم الجمعة الجاية ...
Post: #299 Title: Re: مدرسة الخرطوم القديمة الثانوية Author: Solafa Alagib Date: 11-18-2008, 02:20 PM Parent: #298
والله ياخي هو في الاصل(حضرتك) كان في مرشحين وانتخابات لكن هو فاز بالاجماع السكوتى.....وبحي اولاد القديمة ومايزعلوا
ويقولوا(شخصنا)البوست....وبالمناسبة رئيس جمهوريتي دا اخر دفعة اتخرجت من (طقت),ولما اكون عايزة مزاجو (يتظبط)بالجد
أسألو عن زكرياتو في طقت.
سلافا
Post: #300 Title: Re: مدرسة الخرطوم القديمة الثانوية Author: عابدون محمد عابدون Date: 11-18-2008, 02:31 PM Parent: #1
نحيى خور طقت لكن برضو القديمة فوق .... الجماعة مااظنهم يزعلوا اصلوا نحن ماسكين ليهم الوردية لغاية مايجوا يستلموا ... أها يادكتورة انا ماشى لى مشوار كدة وعايز اقول ليكى انو الونسة معاكى سمحة وانشاء الله الله يديم عليكى التوفيق والنجاح ..
Post: #301 Title: Re: مدرسة الخرطوم القديمة الثانوية Author: Solafa Alagib Date: 11-18-2008, 02:40 PM Parent: #300
ياسيدي تسلم انا زاتى طالعة ومابرجع الا باكر باذن الله....ودامت محبتكم في القلوب
Post: #302 Title: Re: مدرسة الخرطوم القديمة الثانوية Author: Adel Sameer Tawfiq Date: 11-18-2008, 07:26 PM Parent: #301
شكرا على تداخلك معانا يا د. سلافة !
جاييك برواقة في بوست القديمة بنات !
Post: #303 Title: Re: مدرسة الخرطوم القديمة الثانوية Author: إبراهيم عبد الحليم Date: 11-18-2008, 11:01 PM Parent: #302
الأخ أمير على التلب سؤال هل إنت الكنت فى الكديت الدفعة قدام ناس أمين عبدالرحمن وكنت أول الدفعة فى الكديت وكان الصول بابكر يكن لك معزة خاصة؟ بعده إلتحقت بالشرطة على ما أظن
إبراهيم عبد الحليم
Post: #304 Title: Re: مدرسة الخرطوم القديمة الثانوية Author: ممدوح عثمان Date: 11-19-2008, 09:15 AM Parent: #303
الاخ / احمد موسى
وين انت ياااااخ
قلنا ليك نخلي البوست دا بنين وبنات
اها ... هسه الدكتورة سلافا العاقب فتحت
بوست للبنات بهناك ... والظاهر كلنا حنمشي
نعسكر فيه..
رأيك شنو يامولانا ...
Post: #305 Title: Re: مدرسة الخرطوم القديمة الثانوية Author: Solafa Alagib Date: 11-19-2008, 11:27 AM Parent: #304
اهلا والله يا ممدوح ,الحلة ذاتا بدون ملح مابتبقي
د:سلافا
Post: #306 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-19-2008, 12:01 PM Parent: #305
الاخ ابراهيم عبد الحليم انا دفعة امين عبد الرحمن خلف الله وهو رفبق درب وهو اول الدفعه 35 وكانت لنا ابام وبعد امتحانى الشهاده السودانيه التحقت بكلية الشرطه وقد تكون وجدت صور لنا بمكتب الكديت
لك التحيه
Post: #307 Title: Re: مدرسة الخرطوم القديمة الثانوية Author: ممدوح عثمان Date: 11-19-2008, 12:10 PM Parent: #306
الدكتورة سلافا
لك التحية والتقدير
مرورك هنا اسعدنا .. وبوستك بهناك برضو اسعدنا
Post: #308 Title: Re: مدرسة الخرطوم القديمة الثانوية Author: عابدون محمد عابدون Date: 11-19-2008, 08:00 PM Parent: #1
أها ياممدوح الليلة انا ماسك ليكم الباب .
Post: #309 Title: Re: مدرسة الخرطوم القديمة الثانوية Author: إبراهيم عبد الحليم Date: 11-19-2008, 09:09 PM Parent: #308
الأخ محمد عبد المنعم التلب نحن الدفعة الوراكم فى الكديت وعلى ما أذكر إنت من برى وأعتقد اللاماب إبراهيم عبد الحليم
Post: #310 Title: Re: مدرسة الخرطوم القديمة الثانوية Author: عابدون محمد عابدون Date: 11-20-2008, 04:35 AM Parent: #1
أظنه يا ابراهيم هسة بقى من اولاد بحرى ...
صباح الخيرات ...
Post: #311 Title: Re: مدرسة الخرطوم القديمة الثانوية Author: ممدوح عثمان Date: 11-20-2008, 09:36 AM Parent: #310
الاخ العزيز عابدون
إن شاء الله ما كان في أي تجاوزات وكدا ...
انا غايتو ماشي البوست التاني داك
تغيير جو بس وراجع ..
Post: #312 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-20-2008, 09:48 AM Parent: #310
عند دراستى بالقديمه كنت اسكن كوبر والان اقيم يحله حمد والنتجه انو انا بحراوى حتى النخاع ولاحظت انو الاخ عابدون متابع كويس واظنه من سكان بحرى ( الشعبيه) وبالمناسبه انت دفعت كم ياعابدون.
وهذه دعوه منى للجميع لزيارة بحرى ست الهوى على الواقع اوعبر منبر بحرى طراوه للاخ كمال كرار.
ولكم كل التحيه والتقدير وحتى لقاء قريب.
Post: #313 Title: Re: مدرسة الخرطوم القديمة الثانوية Author: عابدون محمد عابدون Date: 11-21-2008, 08:23 AM Parent: #1
محمد عبد المنعم اهلا وسهلا بيك انا فعلا من الشعبية بحرى وديناصور قديم بالقديمة دفعة 76 ....
Post: #314 Title: Re: مدرسة الخرطوم القديمة الثانوية Author: عابدون محمد عابدون Date: 11-21-2008, 08:24 AM Parent: #1
ياممدوح ماقلنا ليكم ماتتقدموا فى الهجوم كتير انا براى هنا ....
Post: #315 Title: Re: مدرسة الخرطوم القديمة الثانوية Author: إبراهيم عبد الحليم Date: 11-21-2008, 09:53 AM Parent: #314
الأخ محمد عبدالمنعم التلب سلام وتحية حارة يأخى أعذرنى الظاهر الكبر دخل وأخونا عابدون ده الظاهر عندو أكسير للشباب ذاكرتو قوية ولكن تخمينى إنك فى البوليس كان فى محله ونحن كنا الدفعة البعديكم أنا دفعة ناس مأمون لو بتتذكر ومحمد يسن الخليفة إبن عمتى كان الدفعة الوراى وكنت أنا بدربهم. بعدين ناس بحرى ديل أهلنا وعمى عنده محل للباسطة والحلويات فى بحرى بجوارالوطنية أسمه خيرات بحرى توقعنى قريبا فى قناة الشروق بغنى لبحرى أغنية وطنية فى برنامج أوتار الحنين بس أتمنى أقدرأسجلها فالدنيا الأن برد وجليد والعود داير ليهو شوية تصليح. إبراهيم عبد الحليم
Post: #316 Title: Re: مدرسة الخرطوم القديمة الثانوية Author: ممدوح عثمان Date: 11-22-2008, 07:48 AM Parent: #315
الأحوان الأعزاء
مولانا عادل سمير ، محمد عبدالمنعم التلب
عابدون محمد عابدون ، ابراهيم عبدالحليم
وكل القديماب
أين صاحب البوست ؟؟؟؟
Post: #317 Title: Re: مدرسة الخرطوم القديمة الثانوية Author: ممدوح عثمان Date: 11-22-2008, 06:49 PM Parent: #316
ياعابدون
تعال راجع .....
الدفاع خير وسيلة للهجوم ...
Post: #318 Title: Re: مدرسة الخرطوم القديمة الثانوية Author: Adel Sameer Tawfiq Date: 11-22-2008, 07:35 PM Parent: #316
Quote: أين صاحب البوست ؟؟؟؟
الأخ العزيز ممدوح..
فعلا مختفي !!
إتصلت على جواله ، مافي رد !
رسلت ليه رسالة SMS...
حاولوا الإتصال بيهو..
Post: #319 Title: Re: مدرسة الخرطوم القديمة الثانوية Author: Adel Sameer Tawfiq Date: 11-22-2008, 08:12 PM Parent: #318
الإخوة الأعزاء..
إتصل بي الآن الأخ أحمد موسى..
و أفاد أنه كان في القاهرة..
و أنه تعرض للتهكير ، و أن الهكر كان بيستعمل إسمو !!
غايتو دا طرفي من البوست دا البيتهكر سيدو !!
أنا ماشي بهناك ، الدايرني يلقاني في بوست القديمة بنات !!
Post: #320 Title: Re: مدرسة الخرطوم القديمة الثانوية Author: Solafa Alagib Date: 11-23-2008, 08:22 AM Parent: #319
ماااا دايرة اقول غلبناكم لكن ياهو....
ماتتحسسو...اياكم "حبايبنا...قرايبنا..البعرفونا"
رفعت ليكم البوست بعد تفتيش,يللا واصلو وخلو الكسل
د:سلافا
Post: #321 Title: Re: مدرسة الخرطوم القديمة الثانوية Author: ممدوح عثمان Date: 11-23-2008, 09:05 AM Parent: #320
الأخ العزيز مولانا عادل سمير
يعني هو لسه مهكر ؟؟؟؟
Post: #322 Title: Re: مدرسة الخرطوم القديمة الثانوية Author: عابدون محمد عابدون Date: 11-23-2008, 01:59 PM Parent: #1
القديمابيات تصدق ياعبد المنعم التلب انا من الوكت داك قاعد افكر فى كلامك القلتو انو كيف نأنث كلمة القديماب وغايتو كدى شوف الفوق دى كان تنفع ... هسة القديمابيات بى هناك شغالات شية ساكت فى الخروف بتاع مولانا ...
Post: #323 Title: Re: مدرسة الخرطوم القديمة الثانوية Author: Maha Bashir Date: 11-23-2008, 02:28 PM Parent: #322
سلامات يا ناس القديمة مبالغة وووين كان البوست دا؟ أستاذ أحمد موسي تحية لك أولا فتحت البوست من الاول لقيت صورة خطيرة عرفت فيها الأصدقاء مالك شريف طاهرو معتصم بخاري فتحت الصفحة التالته لقيت معز مبالغة يا حسين صورة بمليار دولار تحياتي ليك ولمعز ومن أعز الاصدقاء الدرسوا في القديمة نادر محمد خير تحياتي يا نادر لوفاء و الشباب وكمان أمين أخوي "أمين بشير" درس في القديمة و أحمد صلاح حسونة و خالد عبد الحفيظ أولاد الحلة و عبد الحليم صديق وهشام خوجلي أصحاب طارق اخوي أولاد حلتنا عبد الحليم زاملني في كلية الهندسة جامعة عين شمس تحياتي يا عادل سمير ومحمد أبو العزايم ولكل من مر علي بوست القديمة بنات
مها بشير
Post: #324 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-23-2008, 03:36 PM Parent: #323
الاخ عابدون حلوه ومطاطه الاخت مها مرحب بيك ويا عابدون الاخت مها جابت بالصدفه مفرده شامله ايضا (اهل القديمه) وهى تشمل الذكور والاناث يااااااااااا ابو مرووووه الحقواا اخونا احمد موسى فى التهكير المساعدة ممن لهم الخبرة فى اخراج المذكور من ورطته ويدكم معاااااااانا
Post: #325 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 11-23-2008, 11:02 PM Parent: #1
يا اخوانا الحاصل شنو؟
صراحة بوست القديمة بنات كسح وخلاّكم ورا
Post: #326 Title: Re: مدرسة الخرطوم القديمة الثانوية Author: عابدون محمد عابدون Date: 11-24-2008, 05:19 AM Parent: #1
يامحمد مولانا باعكم وسجل مع المريخ بى هناك ....
Post: #327 Title: Re: مدرسة الخرطوم القديمة الثانوية Author: ممدوح عثمان Date: 11-24-2008, 08:40 AM Parent: #326
الأخ عابدون
التسجيل فيه قروووش ولا ملح سااااااي
Post: #328 Title: Re: مدرسة الخرطوم القديمة الثانوية Author: Solafa Alagib Date: 11-24-2008, 01:57 PM Parent: #327
ويوييي.....بوستكم وقع ورفعتو ليكم ....هاكم ليهو
يابن ابوالعزايم ابوالريش(اول مرة القي زول اسمو كلو اسم شهرة غايتو جنس محن)دي القديمة بنات والاجر علي الله...الله يرحم ايام
مسابقات المدارس
Post: #329 Title: Re: مدرسة الخرطوم القديمة الثانوية Author: عابدون محمد عابدون Date: 11-24-2008, 03:06 PM Parent: #1
ياممدوح التسجيل بقى باليورو ....
يامولانا شنو الحكاية كسرت ركبة بى هناك ...
يادكتورة ماتجى تلقطى اللعيبة بتاعيننا ...
Post: #330 Title: Re: مدرسة الخرطوم القديمة الثانوية Author: Adel Sameer Tawfiq Date: 11-24-2008, 05:00 PM Parent: #329
مفروض الأخ أحمد موسى يظهر حسب ما قال !!
يبدو انو بيواجه مشكلة..
Post: #331 Title: Re: مدرسة الخرطوم القديمة الثانوية Author: عابدون محمد عابدون Date: 11-25-2008, 04:52 AM Parent: #1
ياجماعة دا لقيتو مجدوع فى حتة الا تسمى حتين تصل ليها ...
Post: #332 Title: Re: مدرسة الخرطوم القديمة الثانوية Author: عابدون محمد عابدون Date: 11-25-2008, 10:31 AM Parent: #1
ياجماعة انا اصلو ساكن هنا فى الخور دا ومابتحرك منه لكن كلما اجى عايز انوم يجى البوست بتاعكم دا واقع فينى ويطير النومة ...
Post: #333 Title: Re: مدرسة الخرطوم القديمة الثانوية Author: Adel Sameer Tawfiq Date: 11-25-2008, 10:53 AM Parent: #332
أحمد موسى سيد البوست إتهكر يا رجالة !!
Post: #334 Title: Re: مدرسة الخرطوم القديمة الثانوية Author: Solafa Alagib Date: 11-26-2008, 09:56 AM Parent: #333
Post: #335 Title: Re: مدرسة الخرطوم القديمة الثانوية Author: عابدون محمد عابدون Date: 11-27-2008, 04:56 AM Parent: #1
هووووب ... اسع انا اشرب شاى الصباح ولا اقعد اعتل فى البوست بتاعكم دا ...
Post: #336 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-27-2008, 07:32 AM Parent: #335
الاخوة القديماب اقعدوا عافيه ياجماعه لابد من حل لمشكلة اخوانا احمد موسى( البيت محروس وستو تكوس) اهاااا رايكم شنو وماهى الاليه؟؟؟؟؟؟ ومن هم على اتصال به يعكسوا المشكله للاخ بكرى حتى يجد لها علاج والا رايكم شنو؟؟ نرجو ان نسمع.
Post: #337 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 11-27-2008, 08:01 AM Parent: #1
مولانا عادل سمير ....
قبل حوالي أسبوعين جيت من الخرطوم. وهناك قابلت فريد بيومي، وكلمته عن الصورة (الكلها حلب) النزلتها هنا. وقال في فكرة تجمع دوري للقديماب من أبناء تلك الدفعات. يا ريت لو زي ما قلت مشيت الأيام دي تحاول تشوفو وتنشّط معاهو الموضوع ده.
Post: #338 Title: Re: مدرسة الخرطوم القديمة الثانوية Author: Solafa Alagib Date: 11-27-2008, 08:05 AM Parent: #337
بركة والله ...اخيرا صحيتو ..اهلا بيكم فوق
Post: #339 Title: Re: مدرسة الخرطوم القديمة الثانوية Author: Adel Sameer Tawfiq Date: 11-27-2008, 10:08 AM Parent: #337
الأخ محمد..
ٍحأتصل ببعض الزملاء للتنسيق إن شاء الله !
Post: #340 Title: Re: مدرسة الخرطوم القديمة الثانوية Author: نصرالدين عمر الجعلي Date: 11-27-2008, 10:36 AM Parent: #339
الاخ الفاضل مولانا عادل احيي شخصكم الفاضل وكل خريجي القديمة ولقد هيجتم فينا الذكري والله لم اقف في قراءة ما سطروه ابناء هذه المدرسة من ذكريات وتمنيت ان لا يقيف البوت انا دفعة ( 83-86) المدير الدبلوماسي مصطفي عابدين ( وكان صعب جدا تدخل مكتب بتطلع باحدى الكارثتين- يا رفد من المدرسة - او تجيب ولي امرك ) الاساتذة ( النوراني - التكينه - الطيب - التجاني اب شلخة - بدرالدين - مرغني يوسف - مارتن ماوماو- كرم الفنون- كدودة ) كنا سبعة من ابناء حلفاية الملوك يدرسون في مدرسة الخرطوم القديمة وكنا الدفعة الثانية والاولى كان فيها ياسر محمد صالح الشايقي ومحمد عبدالرحيم ودفعنا امير عون الشريف قاسم وعلي الفكي وابراهيم محمد خير وعيسى ومصطفى الحكيم ومصطفى ابو العزايم وكان يتمتعنا استاذ التكينة بشرح القصايد وعلى ما اذكر شرح لينا استاذ التكينه بيتي الشعر ( تمشي الهوينا كما يمشي الوحي الوجل كان مشتيها من بيت جارتها مر السحاب لا ريث ولا عجل ) في سبع حصص تخيلوا سبع حصص وصف فيها احلى مواصفات الفتاة من زمن العرب الى زمنه ووصف بنا القبايل السودانية وما يمتازن بها صفات. وكنا نستمتع بتدريسه ، ومن اطرف المواقف ( كنا نمشي في الفسحة بركس بنات جامعة الخرطوم للخلط ) وكنا حريصين على ان نفوت حصة استاذ التكينه لشرحه اللذيذ فتاخرنا خمس دقايق وكان بدا الشرح ولا يحب ان يدخل اي طالب بعده لكن حرصنا للاستمتاع وكانت الحصة الثالثة دايما بعد فسحة الفطور، وحضرنا ومعي زميلي على ودار الحوار استاذ التكينة : نعم نحن : نحن طلبة في الفصل الاستاذ: ليش متاخرين نحن : فطرنافي كافتيريا الجامعة الاستاذ: ليه كافتيريا الجامعة المدرسة ما فيها كافتيريا نحن: كافتيريا المدرسة زحمة الاستاذ : وبضحك الزحمة ما قلتو فيها الرحمة ولا احسن الرحمة في الجامعة جميع طلبة الفصل يقهقون الاستاذ : شربتو الشاي نحن: بكل براءة لا يا استاذ عشان ما نتاخر الاستاذ : طيب امشو اشربوا الشاي وتعالوا ( من اجمل الاشياء كان هنالك توأمة مع جكس مدرسة القديمة بنات) وكنا ندك المدرسة بعد فسحة الفطور يوم الخميس للذهاب للقديمة ايضا كان من دفعتنا عاصم وامير من ابناء بري ومازالت الذكريات الجميلة تدغدع الوجدان وحكاية القطار يا سلام ذكريات لها ايقاع ويعطيكم العافية
نصرالدين الجعلي الدوحة
Post: #341 Title: Re: مدرسة الخرطوم القديمة الثانوية Author: Adel Sameer Tawfiq Date: 11-27-2008, 09:17 PM Parent: #340
الأخ نصرالدين الجعلي..
لك التحية و التقدير..
بالمناسبة أنا جنبك في البحرين !!
Post: #342 Title: Re: مدرسة الخرطوم القديمة الثانوية Author: نصرالدين عمر الجعلي Date: 11-27-2008, 11:52 PM Parent: #341
مولانا عادل شكرا على الرد وسوف اكون في زيارة قريبة للبحرين حسب الاجازة وسوف احدد لكم الموعد لاحقا ولك خالص التحايا العطرة ولكل الاخوان في البحرين
Post: #343 Title: Re: مدرسة الخرطوم القديمة الثانوية Author: sadda Date: 11-28-2008, 01:16 AM Parent: #1
ا خ خ خ خ خ خ خ خ خ
فكرة البوست اتسرقت
البوست ممتع انا من الجيل القبل الجديد في القديمة وما شايف زول من رعيلنا ظهر : 90 - 93
القديمة تاريخ ومكان ورائحة وطعم وووووو كل ما حكيتم عنه وكانه امامي الان
لنا عودة
Post: #344 Title: Re: مدرسة الخرطوم القديمة الثانوية Author: Adel Sameer Tawfiq Date: 11-28-2008, 10:54 AM Parent: #343
فووووووووووووووق
Post: #345 Title: Re: مدرسة الخرطوم القديمة الثانوية Author: عابدون محمد عابدون Date: 11-29-2008, 05:59 AM Parent: #1
خلاص الاسبوع دا الوردية عندك يامولانا انا ماشى ...
Post: #346 Title: Re: مدرسة الخرطوم القديمة الثانوية Author: Adel Sameer Tawfiq Date: 11-29-2008, 04:29 PM Parent: #345
عشان البنات ما يفوتونا !!
Post: #347 Title: Re: مدرسة الخرطوم القديمة الثانوية Author: ممدوح عثمان Date: 11-30-2008, 07:47 AM Parent: #346
عشان البنات ما يفوتونا !!
Post: #348 Title: Re: مدرسة الخرطوم القديمة الثانوية Author: محمد عبدالمنعم التلب Date: 11-30-2008, 08:16 AM Parent: #347
عشان اولادنا تتعلم
Post: #349 Title: Re: مدرسة الخرطوم القديمة الثانوية Author: Solafa Alagib Date: 11-30-2008, 12:36 PM Parent: #348
مولانا,,,,,,,,التلب,,,,,,,,ممدوح,,,,,,,,,,,عابدون
بالغتو ,,,,,مالكم جفيتونا
Post: #350 Title: Re: مدرسة الخرطوم القديمة الثانوية Author: amir elsharief Date: 11-30-2008, 01:40 PM Parent: #1
الخرطوم القديمة إسم وعيت عليه منذ نعومة أظافرى إذ درس بها أبناء خالاتى الفطاحلة الدكتور مصطفى عمر نوارى والدكتور نوارى عمر نوارى والمرحوم دكتور الواثق بشير. أصرت الوالدة متعها الله بالصحة أن أدخل الخرطوم القديمة تيمنا بهؤلاء ألأفذاذ رغم الضغوط لإنضمامى لخور عمر أو بحرى الثانوية. كانت النتيجة لهذاالقرار أجمل ثلاث سنوات فى حياتى نعمت فيها بصحبة أخوان أجلاء أذكر منهم مساعد على مساعد و عبد الحفيظ و عاصم عثمان وعصمت عبدالله من برى ومعاويه جلال و على سليمان وأسامة على صالح و طارق كمبال من الصحافة وأولادالحلفاية المذكورين فى بوست نصر الدين الجعلى
Post: #351 Title: Re: مدرسة الخرطوم القديمة الثانوية Author: ممدوح عثمان Date: 12-01-2008, 09:13 AM Parent: #350
مولانا عادل سمير
اخبار احمد موسى شنو
Post: #352 Title: Re: مدرسة الخرطوم القديمة الثانوية Author: Adel Sameer Tawfiq Date: 12-01-2008, 11:07 AM Parent: #351
ممدوح..
ٍسلام.. مافي أي اخبار.. حاولت الإتصال على جواله الآن..مقفول !!
Post: #353 Title: Re: مدرسة الخرطوم القديمة الثانوية Author: نصرالدين عمر الجعلي Date: 12-01-2008, 11:41 AM Parent: #352
الاخ الباشمهندس العزيز امير عون لك من خالص الود والتحايا العطرة مشتاقون الرجاء ارسال رقم جوالك على بريدي الالكتروني [email protected] وتحية عطرة لكل طلبة الخرطوم القديمة خاصة ولكل دفعاتها
Post: #354 Title: Re: مدرسة الخرطوم القديمة الثانوية Author: عابدون محمد عابدون Date: 12-01-2008, 01:36 PM Parent: #1
مرحب بيك يانصر الدين ودمت عزيزا ..
Post: #355 Title: Re: مدرسة الخرطوم القديمة الثانوية Author: Ahmed Elsharif Date: 12-03-2008, 05:02 AM Parent: #354
دفعة 90-93 أحلى أيام أيام الخرطوم القديمة لكم التحية والشكر على اعادة شريط الذكريات الذى كاد ان ينمحي مع جدية الحياة فى بلاد الصقيع.
لنا فيها ذكريات جميلة واذكر ان أسرتي أصرت على ان اذهب الى مدرسة خور عمر و انا فى الصف الثانى بالخرطوم القديمة بحجة انها مدرسة الاوائل ورضخت للرغبة وتم التحويل. أول يوم فى فى خور عمر كأنو مات لى عزيز وبقيت فيها اسبوعا واحدا فقط وعدت ادراجي الى الخرطوم القديمة حيث الألفة و الصحبة و عبق الزمان والتاريخ العريق فتحية لها من مدرسة وتحية لاساتذتنا الاجلاء.
Post: #356 Title: Re: مدرسة الخرطوم القديمة الثانوية Author: عابدون محمد عابدون Date: 12-04-2008, 08:52 AM Parent: #1
الذكريات ...
Post: #357 Title: Re: مدرسة الخرطوم القديمة الثانوية Author: Adel Sameer Tawfiq Date: 12-05-2008, 08:33 AM Parent: #356
يا شباب.. بوست البنات فاتكم !!
Post: #358 Title: Re: مدرسة الخرطوم القديمة الثانوية Author: Adel Sameer Tawfiq Date: 12-05-2008, 07:59 PM Parent: #357
UP
Post: #359 Title: Re: مدرسة الخرطوم القديمة الثانوية Author: عابدون محمد عابدون Date: 12-06-2008, 07:49 AM Parent: #1
مين فيكم بيتذكر عمر صاحب المطعم جوة المدرسة ...
Post: #360 Title: Re: مدرسة الخرطوم القديمة الثانوية Author: Adel Sameer Tawfiq Date: 12-06-2008, 08:21 AM Parent: #359
Quote: مين فيكم بيتذكر عمر صاحب المطعم جوة المدرسة ...
أنا بتذكر فزاري !!
Post: #361 Title: Re: مدرسة الخرطوم القديمة الثانوية Author: Adel Sameer Tawfiq Date: 12-07-2008, 07:55 AM Parent: #360
UPPPPPPP
Post: #362 Title: Re: مدرسة الخرطوم القديمة الثانوية Author: Adel Sameer Tawfiq Date: 12-07-2008, 11:50 PM Parent: #361
كل عام و أنتم بخير بمناسبة عيد الأضحى المبارك أعاده الله على الجميع بالخير ..
Post: #363 Title: Re: مدرسة الخرطوم القديمة الثانوية Author: Abdulmageed Gorashi Date: 12-09-2008, 01:52 AM Parent: #362
مع اجمل التحايا بمناسبة العيد السعيد وكل سنة وانتم بخير
Post: #364 Title: Re: مدرسة الخرطوم القديمة الثانوية Author: Ahmed musa Date: 12-11-2008, 10:18 AM Parent: #1
عيد مُبارك لكل القديماب وومن يحبهم وعيد مبارك لكل أساتذة القديمة ورحمة ومغفرة تنزل على امواتهم
Post: #365 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 12-11-2008, 10:33 AM Parent: #1
يعني أحمد موسى موجود؟ والا دا الهكر
Post: #366 Title: Re: مدرسة الخرطوم القديمة الثانوية Author: Solafa Alagib Date: 12-11-2008, 02:11 PM Parent: #365
تعالو بهناك جنبنا,,,,فووووق
Post: #367 Title: Re: مدرسة الخرطوم القديمة الثانوية Author: Magdi Ahmed Elsheikh Date: 12-11-2008, 03:03 PM Parent: #366
Post: #368 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 12-12-2008, 08:41 PM Parent: #1
*
Post: #369 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 12-13-2008, 12:20 PM Parent: #1
معليش يا شباب .. البوست مشى بعيد بسبب إغراقنا للمنبر عن قصد ليلة أمس بعدف محاربة الهاكر وإغراق بوستاته بعيد عن الأعين.
عشان كدة جايين نعتّل ليكم البوست و ........
واصلوا
Post: #370 Title: Re: مدرسة الخرطوم القديمة الثانوية Author: Adel Sameer Tawfiq Date: 12-18-2008, 10:13 AM Parent: #369
Post: #371 Title: Re: مدرسة الخرطوم القديمة الثانوية Author: عبدالبارى العجيل Date: 12-18-2008, 04:01 PM Parent: #1
Post: #372 Title: Re: مدرسة الخرطوم القديمة الثانوية Author: Adel Sameer Tawfiq Date: 12-19-2008, 07:53 PM Parent: #371
Post: #373 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 12-20-2008, 09:24 AM Parent: #1
مولانا عادل .... عندي سؤال بمناسبة البرد الأيام دي ....
زمان البرد ده كنا بنستحمله كيف مع الردا؟ كدي إتخيل معاي إنك هسة لابس ردا وواقف في الصقيعة ..... حولا!
Post: #374 Title: Re: مدرسة الخرطوم القديمة الثانوية Author: Adel Sameer Tawfiq Date: 12-20-2008, 10:25 AM Parent: #373
Quote: مولانا عادل .... عندي سؤال بمناسبة البرد الأيام دي ....
زمان البرد ده كنا بنستحمله كيف مع الردا؟ كدي إتخيل معاي إنك هسة لابس ردا وواقف في
الصقيعة ..... حولا!
لازم تحرجونا يعني ؟!
Post: #375 Title: Re: مدرسة الخرطوم القديمة الثانوية Author: Adel Sameer Tawfiq Date: 12-21-2008, 12:16 PM Parent: #374
Post: #376 Title: Re: مدرسة الخرطوم القديمة الثانوية Author: Adel Sameer Tawfiq Date: 12-22-2008, 08:34 PM Parent: #375
Post: #377 Title: Re: مدرسة الخرطوم القديمة الثانوية Author: Adel Sameer Tawfiq Date: 12-25-2008, 09:57 PM Parent: #376
ويييييين إنتوا يا شباب !!
Post: #378 Title: Re: مدرسة الخرطوم القديمة الثانوية Author: Adel Sameer Tawfiq Date: 12-26-2008, 09:14 AM Parent: #377
Post: #379 Title: Re: مدرسة الخرطوم القديمة الثانوية Author: Adel Sameer Tawfiq Date: 12-27-2008, 11:23 AM Parent: #378
Post: #380 Title: Re: مدرسة الخرطوم القديمة الثانوية Author: Adel Sameer Tawfiq Date: 12-28-2008, 06:41 PM Parent: #379
UP
Post: #381 Title: Re: مدرسة الخرطوم القديمة الثانوية Author: Ahmed musa Date: 12-31-2008, 12:22 PM Parent: #1
كل عام وكل البورداب عامة بألف خير والبورداب القديماب خاصة لهم مني كل المحبة والمودة والإنحناء قدر طاقتي
Post: #382 Title: Re: مدرسة الخرطوم القديمة الثانوية Author: Adel Sameer Tawfiq Date: 12-31-2008, 08:48 PM Parent: #381
Post: #383 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 01-09-2009, 00:36 AM Parent: #1
مولانا عادل ....
ياخ سامحنا على التأخر في التهنئة ....
كل عام والجميع بخير .... وأعياد ميلاد سعيدة
Post: #384 Title: Re: مدرسة الخرطوم القديمة الثانوية Author: حيدر امين Date: 01-09-2009, 07:50 AM Parent: #383
مجموعة من ناس الخرطوم القديمه فى السودان منهم ( كمال ابوالعزائم , فريد بيومى ومجموعة اخرى )
بصدد انشاء موقع خاص بالمدرسه ومن انتسب اليها
وطلب منىنشر الخبر فى هذا البوست
Post: #385 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 01-09-2009, 08:59 PM Parent: #1
Quote: مجموعة من ناس الخرطوم القديمه فى السودان منهم ( كمال ابوالعزائم , فريد بيومى ومجموعة اخرى )
بصدد انشاء موقع خاص بالمدرسه ومن انتسب اليها
وطلب منىنشر الخبر فى هذا البوست
شكراً يا حيدر ...
في الحقيقة دخلت عشان مسألة الإعلان .. ولقيت أخونا حيدر قام بالواجب.
في البوست ده ذكرت للأخ عادل سمير إني قابلت فريد بيومي، وقال إنهم بيتقابلوا كمجموعة صغيرة، ويظهر الحكاية دلوقت كبرت شوية.
أيه رأيكم .. لأغراض الحصر وتقديم العون ما أمكن، كل واحد من (القديماب) يسجل هنا إسمه، دفعته، وعمله الحالي، عشان نكون مستعدين لدعم هذا المشروع الجميل متى ما طلب منا.
المقترح أعلاه من شقيقي السني أبوالعزائم، وهو دفعة (78 - 80)، مقيم بسلطنة عُمان، ويعمل مدير تقنية معلومات بشركة تأمين.
يالاّ يا قديماب ...
Post: #386 Title: Re: مدرسة الخرطوم القديمة الثانوية Author: Adel Sameer Tawfiq Date: 01-17-2009, 08:26 PM Parent: #385
وييييييين الناس مشوا ؟؟!!
Post: #387 Title: Re: مدرسة الخرطوم القديمة الثانوية Author: Adel Sameer Tawfiq Date: 01-18-2009, 06:57 PM Parent: #386
****************
Post: #388 Title: Re: مدرسة الخرطوم القديمة الثانوية Author: نصرالدين عمر الجعلي Date: 01-20-2009, 07:22 AM Parent: #387
تحية طيبة مولانا عادل وتحية لكل طلاب القديمة اينما كانوا ولمربي ومعلمي القديمة وكل مدارس السودان نصرالدين الجعلي الخرطوم القديمة اولى ابوبكر دفعة ( 38-86) مترجم - قطر وجاهزون لكل عمل يوثق لللقديمة مع مودتي للجميع
Post: #389 Title: Re: مدرسة الخرطوم القديمة الثانوية Author: Adel Sameer Tawfiq Date: 01-20-2009, 08:53 AM Parent: #388
الأخ نصرالدين..
لك التقدير الشديد..
Post: #390 Title: Re: مدرسة الخرطوم القديمة الثانوية Author: Adel Sameer Tawfiq Date: 01-23-2009, 08:09 AM Parent: #389
ويييييين يا شباب ؟؟!!
Post: #391 Title: Re: مدرسة الخرطوم القديمة الثانوية Author: Adel Sameer Tawfiq Date: 01-28-2009, 11:53 AM Parent: #390
*********
Post: #392 Title: Re: مدرسة الخرطوم القديمة الثانوية Author: Adel Sameer Tawfiq Date: 02-08-2009, 06:37 PM Parent: #391
***********
Post: #393 Title: Re: مدرسة الخرطوم القديمة الثانوية Author: ماضي ابو العزائم Date: 02-10-2009, 08:38 AM Parent: #392
التحية لكل المشاركين لست من طلاب هذه المدرسة الصرح و ان ربطتنى علاقة القربى و الزمالة بالكثير من رموزها وانا ابحث بين ثناياكم عن من يشاركنى التجربة فى الرايط ادناة, فالخرطوم القديمة كانت رقم مميز فى تلك الفترة حكاوى عن أحداث أغسطس(شعبان) 1973 من ذكريات طلاب ذلك الزمان(2) مع خالص ودى
Post: #394 Title: Re: مدرسة الخرطوم القديمة الثانوية Author: Adel Sameer Tawfiq Date: 02-21-2009, 06:42 AM Parent: #393
من الخرطوم القديمة بنين الى الخرطوم القديمة بنات..
مبروووووك لدكتورة سلالفة المولود !!
يتربى في عزكم..
Post: #395 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 02-27-2009, 08:51 PM Parent: #394
سلام يا قديماب ..
إقترحانا - دعماً لمشروع تجمع خريجي القديمة - أن يسجل كل واحد إسمه ودفعته وعمله الحالي. واستجاب مشكور الأخ نصر الدين. يالاّ تعالوا نواصل الحصر.
محمد أبوالعزائم دفعة 75 - 78 العمل الحالي بالدوحة - دولة قطر.
Post: #396 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 02-27-2009, 11:11 PM Parent: #395
الإيميل الوصلني من السني ابو العزائم لمزيد من الفائدة:
Quote: العزيز أبوالريش،، دي رسالة فيها الروح الرسمية عشان كدة ما عاوز أدخل في حاجات خاصة،، بس ببداها ليك بالسلام ليك والسؤال عن أسرتك
في نقاش لي مع كمال أبوالعزائم بالتلفون، وكان جنبي حدير أمين، عرفت منه عن موضوع البوست ده وقلت أجي اشوفه. قبل كم يوم إتصل بي كمال أبوالعزائم وعرفت منه إنهم في حالة إجتماعات متواصلة (مجموعة من خريجي القديمة) وإنهم فكروا في إنشاء منتدى لأبناء القديمة أو زي ما سميتوهم (القديماب). على العموم عرفت انه الإجتماع من ضمن ما تمخض عنه تكليفي بدراسة عمل الموقع، عشان كدة انا على إتصال بيه بشكل دائم، وحاليا نحن في فترة حجز الإسم والمساحة في النت وعمل الموقع. وكان طلبت الليلة من كمال عدد من الحاجات وعرفت منه إنهم عندهم إجتماع بكرة وح يكون التواصل بيني وبين فريد بيومي في الفترة الجاية لأنه كل المعطيات المحتاج ليها موجودة عندي من الجانب التقني، بس طلبت منهم كم من المعلومات حسب ما يتفقوا عليها عشان انا ما عاوز أعمل حاجة حسب رؤاي الشخصية، ولكن الفكرة جماعية ممكن تطرح الكلام ده للأخوان خريجي القديمة، وإن شاء الله التحرك ح يكون في الأيام الجاية بعد ما يدوني رؤاهم البتمكني من تحيديد المساحة المطلوبة والإسم المقترح. ولو في أي واحد من خريجي القديمة عاوز يساهم في العمل ده، ممكن يتصل بالأخوان، ومن الناحية التقنية ممكن العاوز يشارك معاي يراسلني على [email protected] أو [email protected] وسلامي لكل القديماب
Post: #397 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 02-27-2009, 11:15 PM Parent: #396
وده إيميل تاني رد على بعض استفساراتي:
Quote: في الحقيقة هناك جمعية تم تسجيلها، وهي برئاسة د. محمد عبدالوهاب وهو استاذ في الجامعة الامريكية في القاهرة، وعرفت من كمال انه اليوم ح يكون عندهم إجتماع الساعة 7:00 مساء بتوقيت السودان (الحكومي). وانا اسه حاولت اضرب لفريد عشان استشيره في موضوع الإعلان بس ما رد، وكمال في رأيه إنه الإعلان بيكون شيء إيجابي وممكن يتعمل،، يظهر يا أبوالريش انه الجماعة ديل عندهم مفهوم واسع وكبير وجميل لتطبيق الحاجة دي، عشان كدة حقو تعلن الموضوع، ويكون كويس لو الناس في البوست بتاعكم قامت وكل واحد كتب مجال عمله وتخصصه الحالي ودفعته (من سنة كذا إلى كذا) عشان لو الناس ديل محتاجين لخبرات في مجالات محددة، يكون البوست بتاعكم ده مرجع ليهم ويلقوا الزول العاوزينه حسب خبرته. وممكن تكتب بالنيابة عني إسمي ودفعتي (78 - 80 ) وعملي الحالي (مدير تقنية المعلومات). ويديكم العافية
Post: #398 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 03-01-2009, 08:00 AM Parent: #397
(*)
Post: #399 Title: Re: مدرسة الخرطوم القديمة الثانوية Author: محمد أبوالعزائم أبوالريش Date: 03-07-2009, 06:37 PM Parent: #398
في انتظار بعض التفاصيل عن رابطة خريجي القديمة
يمكن لخريجي القديمة من غير أعضاء سودانيز أون لاين التواصل عبر الإيميل:
