|
Re: أنضف الكمونية (للنساء فقط) .. (Re: Ishraga Mustafa)
|
الشهادة لله، يا إشراقة، أفعال القلع الاتنين الأولانيّات حقّاتكم 100% وقلع المطمورة ممكن يكون مناصفة.
أكيد، طبعا. بَسْ لو جاء وانا برّة البيت قاعد أسَكْسِك في حفلة وألاّ جاكّي أساكك في الرِزِق، الدبارة كيييييف؟
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
إشراقة وعادل ..
سك الرزق دا حجة عشان الواحد يزوغ من البيت وطلباتو
واحدة راجلها اليوم كلو حايم (ساكي الرزق) مرتو قالت ليهو يا راجل إنت ما تهمد في البيت دا حبة اليوم كلو مافي .. قال ليها ياخ إنتي اليوم كلو شابكاني وديني و أديني .. دايراني أقعد ليك كيف يعني ؟؟
| |
|
|
|
|
|
|
Re: أنضف الكمونية (للنساء فقط) .. (Re: Amira Elsheikh)
|
Quote: يعنى الواحد ما ياخد ليهو (خفسة)..؟ يجى راجع يلقاكم..
سويتو الكمونية وكمان اكلتوها..
دقيقة...
اقش الحوش..
وارش ا##########..
واملا الابريق واجيكم |
عاد يا اميرة قصتك طويلة غايتو بعد ماتملى الابريق صلى وتعالى قوام بنخلى ليك حبة ماتقولى بعدها عاوزه تنفتحى النور، معليش نسيت انو النور مربوط بالجمرة الخبيثة
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
اشراقة سلامات واشواق
يا بت انتي من زمن الرجال
ديل قالوا ماتوا في كرري وبرواية اخري في تايتنك
المهم يا بت
المطرة صابة ليها 6 ساعات وسمعت كم راكوبة كدا وقعت
لكن مع دا سمعت يا بت قومي ارمي الليقمات
و افتحي مجري الموية
وجارة اخري تصرخ يا بت اطلعي راس البيت كبي تراب
واخري يا بت الطورية طيرتيها وين
فاحترت وقلت
الحلة دي مافيها رجال
يطرشني بشغل الخريف البسوهوا البنات
لكن ما قلنا قبيل
الرجال ماتوا في كرري
تقولي لي ابري و خدرا وكمونية
القصة اصبحت هيصة
غايتو البقول فيهو لنا دا انا ما فارزة فيهو شي ترجمي يا بت بس حنكشتي اخف درجة من بت الاحفاد
| |
|
|
|
|
|
|
Re: أنضف الكمونية (للنساء فقط) .. (Re: sudania2000)
|
سودانية سلامات واشواق
مادام بقت هيصة اللى يعترفوا لينا بحقنا القلعنا ده من يومها متحملة للمسئولية وزيرة اقتصاد وزيرة تدبير وبلامنازع وزيرة للصبر
اها بمناسبة المطرة الصابة دى عملتى القهوة؟ ولا التكل وقعتو المطرة اكيد الفحم اتبلى بالموية عليك الله شوفى طريقه نشفيهو وولع النار عشان نتونس بروقه عن الهيصة دى
قلت لى ماتوا ووين؟
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
شروقة وحاتك المطرة حلاوة ونار
البلد دائما الخريف بجيها مفاجئة كدا خلقة الله بس
الظلط العربية الموية خشت جوا العربية قال ظلط قال
الشوارع غرقت في شبر مطرة
البيوت الغير مسلحة اتماصت كلها
والكلاكلة بقت ما فانتاستك مرة
وامبدة غرقت
ومناطق اتمسحت
شوف ليك اغاثة قريبة بث
اها بمناسبة التكل انا مشيت الخرطوم
ولاني برجع طوالي ومدمنة جزيرة فقلت اكل
قالوا لي في تكل سوداني
واتخلعت التكل المرق من قعر البيت وبقي مطعم عام
ودي من مشاكل العولمة
الفحم يا شروقة مبلول
اعمل ليك قهوة بكوفي ميكر
لكن معزومة قهوة تحت النيمة لان التكل اتماص تماما
وسي السيد مهاجر
ضارب البيرغر و البتزا
وخالي حليمة مع المطر تعافر
ويجي في الصايبر يتفلسف
ويتكلم في السياسة و الحب و الشعر
هو لا فارز لي امو شئ ولا لبتو شئ
وفتحت خشموا يقول ليك
هو في بنات
ما كلهن مطلوقات
يا بت السي السيد دا ع قول حبوبة قطروا صفر
لا لمي في عمة جدو لا لامي في بدلة جون
لابقي اخو البنات لا ابو عازة
فك عازة وام عازة و اتمسح و اتقشر
قولي يا لطيف
القهوة فارت يا بت
وطفت النار
فتك بعافية
وقولي يا لطيف
| |
|
|
|
|
|
|
Re: أنضف الكمونية (للنساء فقط) .. (Re: sudania2000)
|
Quote: القهوة فارت يا بت
وطفت النار |
سودانية انتى فى القهوة الفارت ولا فى العكاكيز الممكن تجيك يااختى ماتنومى قفا بانو تيسير قالت للنساء فقط، اصلوا الكمونية دى بتنهضم كويس فى معدة اخونا الرجال
| |
|
|
|
|
|
|
Re: سودانية تخجّ السعن و تجنّح الجدادة (Re: lana mahdi)
|
Quote: العجب كنا دايرنك تخجّي السعن و تجنّحي الجدادة |
لنويتنا
عارفة زمن طويل وموضوع اللغة ده شاغلنى كمهمومة باحوال المرأة الريفية ياربى بنعرف لغتها؟ طيب كيف يكون التغيير؟
غايتو تيسير كمونيتها دى بتجيب ليها اجل تحليل
تحليل دم بالمناسبة صفيتى العرديب؟ المطرة جات والملاريات على الابواب
| |
|
|
|
|
|
|
Re: سودانية تخجّ السعن و تجنّح الجدادة (Re: Ishraga Mustafa)
|
Quote: Quote: Quote: العجب كنا دايرنك تخجّي السعن و تجنّحي الجدادة |
لنويتنا
عارفة زمن طويل وموضوع اللغة ده شاغلنى كمهمومة باحوال المرأة الريفية ياربى بنعرف لغتها؟ طيب كيف يكون التغيير؟
غايتو تيسير كمونيتها دى بتجيب ليها اجل تحليل
تحليل دم
|
شروق الحبيبة كمونية تيسير دة ألذ بوست في الآونة الأخيرة..بالجد كيفني
Quote: بالمناسبة صفيتى العرديب؟ المطرة جات والملاريات على الابواب |
آي و كمان أسة قاعدة (انقرف) لي في (قرينفروتة) عشان (افتّّها) بالسكر،(القرينفروت) سمح للملاريا برضو
| |
|
|
|
|
|
|
Re: سودانية تخجّ السعن و تجنّح الجدادة (Re: lana mahdi)
|
Quote: عملتا كوتيشن يا عمي عثمان لكلامك عشان تيسير صاحبتي دي (قوية و مفتريّة) ممكن تمارس (ضغوط) و بعدين الكلام دة يتمسح |
ووووووب علي يا لنا الراجل دا أنا ولا بعرفو جاي فاضحني (إسفيرياً) وشايل حسي .. وبعدين متين أنا شلت منو قروش ذاتو ؟؟
والله ما أرجعن بس كدا ..
| |
|
|
|
|
|
|
Re: سودانية تخجّ السعن و تجنّح الجدادة (Re: تيسير عووضة)
|
Quote: Quote: Quote: عملتا كوتيشن يا عمي عثمان لكلامك عشان تيسير صاحبتي دي (قوية و مفتريّة) ممكن تمارس (ضغوط) و بعدين الكلام دة يتمسح |
ووووووب علي يا لنا الراجل دا أنا ولا بعرفو جاي فاضحني (إسفيرياً) وشايل حسي .. وبعدين متين أنا شلت منو قروش ذاتو ؟؟ |
أجي أجي يا تيسير؟؟؟؟!!!أمس ما كلمتيني إنو عمي ديّنك؟؟؟؟؟؟أنا شااااااااااااااااهدة بالله يا عم عثمان نسبة من القروش الح ترجعها ليك تيسير
| |
|
|
|
|
|
|
Re: سودانية تخجّ السعن و تجنّح الجدادة (Re: Ishraga Mustafa)
|
Quote: فضل لينا بس نحفر المقابر ونمشى الدافنة |
من امبارح انا كنت عاوزة ارجع اقول ليكن انتي واماني انا الجنازة سترتها انا ومعاي تلاتة بنات واتنين اخوانا قمنا بكل مراسم التكفين والدفن لاخ عزيز وصديق فقد شبابه في غربة ولم يكن احد من اهله بجانبه. انا يا شروق عملت كل حاجة بيعملوها الرجال نسبة لاننا فقدنا ابونا بدري وكنا الاكبر في البيت وعملت كل الحاجات البيعملوها النسوان والغريبة انا من امبارح بقول لي روحي ياراوية ناقصك كورس جندرة لانك ماقاعدة تحسي بنفس احساس ناس اشراقة دا انا الامور عندي اصلها ما دا خاص بالمرأة او الرجل وانما هي اعمال يجب القيام بها انا من وعيت على الدنيا وبقيت اعرف اسرح شعري امي بطلت تصحى الصباح تحضرنا للمدرسة وكان ابوي الله يرحمه هو البيصحينا ويعمل لينا الشاي ويحشي لينا السندوتشات ويقيف لغاية مانركب نمشي المدرسة والكلام دا يومي لغاية ماشالو الموت ماحصل بطل الموضوع دا وكنا لما نفتش على شي ضايع في البيت بنساله هو حتى الابرة ممكن تساليهو ويديك ابرة بلون الخيط العاوزاهو او ممكن يخيط ليك كمان هو مسؤول من التموين في البيت من سكر وشاي بالرغم من انه والدتي ست بيت من الدرجة الاولى وبتمشي تشتري خضارها ولحمتهابراها وهي وبتمسك المصروف للشهر كامل لكن كنا بنحس بجد انه الادوار مقسمة وكان عادي انه ابوي يقعد يحرسنا في البيت عشان امي تطلع مشاويرها. وبنفس القدر الخدمة في البيت بينا احنا مقسمة غض النظر عن ولد او بت
| |
|
|
|
|
|
|
Reعشان كدى ياراوية (Re: Rawia)
|
Quote: انا من وعيت على الدنيا وبقيت اعرف اسرح شعري امي بطلت تصحى الصباح تحضرنا للمدرسة وكان ابوي الله يرحمه هو البيصحينا ويعمل لينا الشاي ويحشي لينا السندوتشات ويقيف لغاية مانركب نمشي المدرسة والكلام دا يومي لغاية ماشالو الموت ماحصل بطل الموضوع دا وكنا لما نفتش على شي ضايع في البيت بنساله هو حتى الابرة ممكن تساليهو ويديك ابرة بلون الخيط العاوزاهو او ممكن يخيط ليك كمان هو مسؤول من التموين في البيت من سكر وشاي بالرغم من انه والدتي ست بيت من الدرجة الاولى وبتمشي تشتري خضارها ولحمتهابراها وهي وبتمسك المصروف للشهر كامل لكن كنا بنحس بجد انه الادوار مقسمة وكان عادي انه ابوي يقعد يحرسنا في البيت عشان امي تطلع مشاويرها. وبنفس القدر الخدمة في البيت بينا احنا مقسمة غض النظر عن ولد او بت |
لو تعرفى كيف حبيت ابونا العباسى؟ ولو تعرفى كيف انا بنته؟
عشان كدى.. الوعى ده ليهو اساس.. اساس متين ياراوية.. اساس اسمو والدنا العباس الف رحمه تنزل على قبره
| |
|
|
|
|
|
|
Re: سودانية تخجّ السعن و تجنّح الجدادة (Re: lana mahdi)
|
Quote: العجب كنا دايرنك تخجّي السعن و تجنّحي الجدادة |
غايتو الجنيح دا خلنو علي والله اتشعبط في القادوس حق الحمام اجنحو ليكن كلو والضبح زاتو بضبو ليكن نسويلنا شوربه تدفي عضيماتنا ديل تعالي ياسودانيه النخس بي هني امسكيلي السلم النطلع القفص حق الحمام
هههههههههههه والله رجعتونا زمن عجيب
| |
|
|
|
|
|
|
Re: أنضف الكمونية (للنساء فقط) .. (Re: Adil Al Badawi)
|
عادل البدوي .. ودا برضو مشتركين فيهو ..
Quote: أقلع العِرْكِش أقلع القَشْ، وقيل البودة (عندما يتعذّر الحش عندما تتعذَّر الصّبْنَة) أقلع المطمورة |
في مناطق في السودان بتلقا الواحدة رابطة جناها فوق ضهرها في الشمس وبتعمل في الكلام دا ذاتو .. يعني شغالة وبتمارس أمومتها في نفس الوقت ..
Quote: وبرضو التحيّة ليكَن كلّكَن فقد قالت قائلة: "يوم الحِنّة هو يوم النبيح (مع الشُفّع) العالمي" وبالتالي يمكن إضافة: أكَتْكِت من البَرِد وأنا محنّنة وحِسّي ينقَرِش من النبيح مع الشُفّع وبعد دا كُلّو أريتا تجيب مريسة تام زينو... |
| |
|
|
|
|
|
|
Re: أنضف الكمونية (للنساء فقط) .. (Re: lana mahdi)
|
موضوع لذيذ يا تيسير ...
بس انا علي الجبنة
الراكوبة مقشوشة ومرشوشة والفحم مولع في الكانون عدة الجبنة جاهزة من قلاي وشرقرق والجبنة بليفتها وفناجين وأهم شئ بخور التيمان المسبع و الجاولي والعدني بس فاضل أقلي البن وأتنتنوا وأشربكم البكر والتني وكمان لو في واحدة بترمي الودع
| |
|
|
|
|
|
|
Re: أنضف الكمونية (للنساء فقط) .. (Re: سوسن عبد الله)
|
Quote: موضوع لذيذ يا تيسير ...
بس انا علي الجبنة
الراكوبة مقشوشة ومرشوشة والفحم مولع في الكانون عدة الجبنة جاهزة من قلاي وشرقرق والجبنة بليفتها وفناجين وأهم شئ بخور التيمان المسبع و الجاولي والعدني بس فاضل أقلي البن وأتنتنوا وأشربكم البكر والتني وكمان لو في واحدة بترمي الودع |
سوسن الغالية وما تنسي تمشي النخلة تجيبي ليفة عشميق نسد بيها خشم الجبنة عشان التفل
| |
|
|
|
|
|
|
Re: أنضف الكمونية (للنساء فقط) .. (Re: سوسن عبد الله)
|
Quote: عزيزتي لنا... كيفك ... بس قلت أساعدكم شوية لأني ما بحب الكمونية ولا ريحتها عشان كدة حجزت الجبنة لكن ما قلتي المصطلحات دي جبتيها من وين .. ما أظنك قعدت في السودان كتير! |
(الشلاقة) يا سوسن نحنا ما عشنا كتير في السودان بس دة بيخلي في ارتباط أوثق بالبلد ورغبة حقيقية تعرفي (قعور قعور) تراثها ودة بيكون اكتر شي ب (الصنقرة) جنب الحبوبات محبة و تقدير
| |
|
|
|
|
|
|
Re: أنضف الكمونية (للنساء فقط) .. (Re: Haitham El Galal)
|
صباح الخير.. مساء النور ست البيت
ست المكتب الفاتح على الجمهور حلال وبلال عليك مرتباً بالتعب ممهور وساعة رضاعة أجمل من سياحة شهور آخر من تنومي تقومي دغشاً بدري قبل الشمس ما تغادر سرير النوم ويغادر عشه العصفور تحرسيها اللبينة تفور تسوي الشاي يا الله كم من سندوتش فطور للممتحنة وللبيهاتي جاري يحصل الطابور وانت وراك مستنيك هم دفتر غياب وحضور لفحنا العمة خليناك بين الحلة والماسورة رتبت القميص والطرحة حفظت النشيد والسورة والتعب البخلي الصورة فى عينيك أجمل صورة ديك الحجلة وداك البلي ياما تشري ياما تبلي ما بتكلي ما بتملي ما بنقص حنانك ملي هل هذا عمل مأجور
مع تحياتي للشاعر محجوب شريف
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
Quote: فدوى الشريف ..
خلى غسيل العدة وعواسة الفطير الهينات ديل أقعدي قطعي الكرشة دي .. نضفوها إشراقة ولنا |
والله برييدها الكمونيه دي وخسوسا لمن تكون بي قرفه اللللله
لكن ماممكن مزازاني بيها الحاجي في البيت تجن تزازني بيها تاني هني سمح اسوي شنو عاد انا
| |
|
|
|
|
|
|
Re: الاجابة... لماذا تنضف النساء الكمونية (Re: Ishraga Mustafa)
|
ياااااااااااه كمونية وملوخية وريحة جميلة وأنا ما جايبة خبر..؟
الشابات العسل تيسير ولنا ولاولا وإشراقة.. بوست أخطر من خطير..
طبعا أنا أخواتي قاعدين يقولو إنه عندي روح حبوبات متلبساني. وبالرغم من الشكل المودرن إلا الحاجات الغميسة بعرفها.. سبحان الله
متابعة معاكم
| |
|
|
|
|
|
|
Re: أنضف الكمونية (للنساء فقط) .. (Re: Nadia Elsir)
|
نادية السر .. إزيك يا بت بلدنا ..
Quote: بوست ليهو هوية لمن طق لى فى راسى اسال الناس العاشوا برة فى ناس غيرنا بيعرفوا الكمونية او اكلة بتشبها؟ |
المصريين بياكلو الكمونية دي ذاتا بس عندهم ليها إسم تاني وبرضو عندهم أكلة إسمها الكمونية بس ما ياها كمونيتنا دي ! وباقي الكلام عند لنا مهدي و بنات العباسي لأنهم عاشروا المصريين أكتر ..
| |
|
|
|
|
|
|
Re: أنضف الكمونية (للنساء فقط) .. (Re: Rawia)
|
Quote: اما عفشة الخروف كلها في مصر ليها ناس مخسوسة بتبيعها وبيسموها (حلويات) شفتي الناس البتفهم |
دي بس زي راس الخروف بيسموهو (الباسم) بي شناتو ديك كلها ..
Quote: اما الحاجة الحلوة انهم بيعملوا طبيخ البامية وبييتوهو تلاتة يوم عشان يبقى حلو اها الراجل اول ما قال لي كدا قلت ليهو اسالني انا دي من البامية البايتة احلى منها مافي تسخنها الصباح وترمي فيها طرقة كسرة جديدة وحارة |
البامية والرجلة والقرع ديل ما بيتأكلوا إلا يبيتوا وفي ناس بيسموهم ملاحات (بيت البكا) وعندهم إعتقاد إنها بتكون أحلى من البتتعمل في البيت !!
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
بي مناسبة أكّشن البصل دي مرة قريت هنا في البورد دا مكتوب المكشم بلا بصل وهي غلط طبعاً لأنو معروف إنو (الكُشنة)* أساسها البصل ولما تقول مكشن بلا بصل كناية عن الصعوبة والإستحالة زي النجوم في عز الضهر ..
| |
|
|
|
|
|
|
Re: عصيدة صارّة وشها (Re: lana mahdi)
|
سلامات وعوافي غايتو الجنس اللطيف بقا حساسا تجاه حاجاتنا القديمة مع انها ظريفة وبتدي الواحدة دور عظيم .. ما عدا الختان وبعض الكبت مافي شي سمح ما لقتو الست السودانية مع انو الحاجتين ديل بقوا ماضي .. غايتو انا زولة بتعمل شاي احمر وملاح رجلة زي اميرة اختي ما لاقيت .. دحين نضفن الرجلة وخلوها تجي تعملا ليكم .. وانا بعزم العطلجية كلهم ناس بدرالدين شنا وخليل وكيكي وبقيتم .. اردم راس البيت اسقي الشجيرات ارعي بالغنيمات افتح المجاري للخريف افتح الطريق للواري البتقيف ادق الصيوان واركب ستاير الديوان املا الازيار واصلح اللمبات الدايرة غيار اشد سلك الغسيل وغايتو حاجات كتيرة خلاص لكن بس انتن حقارات ساي
| |
|
|
|
|
|
|
Re: عصيدة صارّة وشها (Re: ودرملية)
|
يا ود رملية .. سلامات وعوافي (trade mark)
Quote: غايتو الجنس اللطيف بقا حساسا تجاه حاجاتنا القديمة مع انها ظريفة وبتدي الواحدة دور عظيم .. ما عدا الختان وبعض الكبت مافي شي سمح ما لقتو الست السودانية مع انو الحاجتين ديل بقوا ماضي .. |
دي إسمها يحسدوا الأعمى على طول عكازو ..
Quote: دحين نضفن الرجلة وخلوها تجي تعملا ليكم .. |
بيقولوا حُشن الرجلة أمّال البوست دا عاملينو ليه
وبعدين يا ود رملية .. هسي اللستة العملتها دي كلها ما بي نضافة الكمونية بس ؟ أوريك الحقارة الجد جد
| |
|
|
|
|
|
|
تيسير دة شنووو؟!!! (Re: تيسير عووضة)
|
Quote: يا لنا ..
أها دي عصيدة صارة وشها شديد حواليها سمنة السرور .. يلا إتلحلحي وجيبي ملاح الروب ..
|
ما بسألكم يا تيسير أمش أجيب ملاح الروب ألاقي العصيدة ؟؟
بركة الما ختيت الطعمية دي
| |
|
|
|
|
|
|
Re: أنضف الكمونية (للنساء فقط) .. (Re: الجندرية)
|
يا أماني ..
بس بقت على خفج الزبالة .. ما بتقيفي في راسهم أكل وشاي وموية لمن ينتهوا أخير تخفجيها براك ..
Quote: احاحي الحمام ( من العيش المشرور) وقبلها اضري الشرا |
ولي رمضان ..
أزازي الكديسة (من الشرموط) أدق البهارات أنشف البصل أشر الويكة(ويكة كرب)
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
سلامات، ثقافتنا المطبخيه مرتبطه بالبئيه يعني هز السعن بنلقاهو عند نساء الريف حيث الزراعه و الرعي و عند نساء المدن (زي البرجوازيات كده) نجد دق البوفتيك و خلافه و بعدين الكمونيه دي ما معاها تحليه وين الترايفل و البسبوسه و الباسطه و اشياء اخري لا اعرف لها اسم بس تاكلها العين قبل المعده
| |
|
|
|
|
|
|
أميرة:صرّيتي الغنماية؟ (Re: Amira Elsheikh)
|
Quote: لنا مهدى...
يعنى انا ما صريت ليك الغنم .. وكمان شرحت ليك الصرار ..
كدى ارجعى شوفى الصرار دا كيف؟؟ |
أميرة الحبيبة عاد ما لقيتك ما هينة يختي تلاقيكي زي اخيتك لنا النوع البيدور ال(لبا) ولا كيف؟
Quote: وبعدين.
اسوى الشطة بالاتى.
وكمان ابو نغازى..
ديل بتعرفوهم ولا لا؟ |
الآتّة ما بدورها عاملة كدي زي (المِرْ) ابونغازي مش ياهو اللسم التاني للأتّة؟
| |
|
|
|
|
|
|
Re: أنضف الكمونية (للنساء فقط) .. (Re: Amira Osman)
|
أميرة عثمان ..
Quote: بعدين الكمونيه دي ما معاها تحليه وين الترايفل و البسبوسه و الباسطه و اشياء اخري لا اعرف لها اسم |
الكمونية دي المفروض ما معاها شي (وحدها لا شريك لها) حتى لو كان حاجة حلوة .. لكن عشان ما تزعلي جبتا ليك البسبوسة دي
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
بى شماله فنجان جبنه بى جماله يسوى الدنيا بى حاااااالو
ياجماعه ما جوعنا و شمينا مصارين بطنا
انا ماشى اكورك لى عواطف ادريس تجى تشمر يديها و تكوجن معاكن
تخريمه:
عواطف احسن من يعمل جبنه وطقوسها اوعكم تقولو ليها انا قلت كده
| |
|
|
|
|
|
|
بركة السالي رمت الطعمية (Re: Sally Balla)
|
Quote: الجمع اللذيذ شايفاكم وصلتو لحدى الجبنه!! ادونى معاكم انشالله قعر الحله ولا امشى.... افرم الكبكبي ابخر البيت اقمع الحنه ارضع البيبى الف شعرى |
وقعتي لينا في جرح ياسالي الحبيبة الكبكبي من قبيلك قاعد يعاين لينا بس قبل ما تمشي للحاجات التانية بالله(أرمي) الطعمية
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
تيسير عووضة نجـُر العكاز .. وتجرجرو الزفاف نبرّم الشنب .. وتبرمو الكنافة نلفح العمة .. وتلفحو الحديث نلوك الصبر .. وتلوكو لبان لادي نبلع المغسة .. وتبلعو مرتباتنا نشِد الكراب .. وتشدو وشوشكم نحِت العلف .. وتحتو التويستي ( السالسا ) ندق الغلطان .. وتدقو الدهب نكوي في الفكك .. وتكوو التي شيرتات نضرب أخماس في أسداس .. تضربو الموبايل
خليك من المقارنات نرجع لموضوع البوست أتمر العدة أتاتي الشفع أهز الروب أوقد النار أتاكي الباب أقدّم الغنم أفنقل الريكة أكركر الزيت أخمج الطين أجلبغ الموية أمصر الليمونة أعصر البرتكانة ( ليه واحدة مَصِر وواحدة عصِر وكلو حمضيات ؟ ) أدرج الويكة أسبك الدمعة أظبط الفول أفتل الحبل أشنّق الطاقية أكـُر اللوبا أدرش العيش ألجم السخلة أكوفِت الشعر أكتم النـّفَس أقطع الحركة
عيييييييك كفاية يا تيسير .. ولا أخلف كراع فوق كراع ؟؟
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
سلامات الأخ تيسير ست التكل والراكوبة والنيمة القدام,
كتبت الأخت أميرة عثمان:
Quote: و بعدين الكمونيه دي ما معاها تحليه وين الترايفل والبسبوسه والباسطه |
نصيحة لى ألله سيدنا ده!! ما تعملى الكلام الكتبتيه فوق ده لأنه عواقبة مضمونة وحا تكرهى الكمونية واليوم الإخترعو فيهو الكمونية!!!!يعنى بالعربى كده خليك طبيعية وسودانية وإكتفى بالشاى والجبنة عشان ما يحصل ليك ما يعرف بالStomach Shock ! !! والله يسهل عليكم ..وعلينا,
* ياأخوانا إنتو ام فتفت بت منو؟؟؟؟؟؟؟؟؟!! !!
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
قدمت الغنم
علقت للبقر
حشيت اللوبة
حمرت البصلة
سقيت الحمام
رضعت البهم
دقيت الصلصة
شرينا البامية
ردمنا البيت
لقطنا القطن
حممت الشفع
ربط الحمار
مليت الخرج قش
قلعت القطن ...
أسع فيكن واحدة بتعرف
ملاح أم بق بق ..?!
أبوعبيدة
| |
|
|
|
|
|
|
أم بق بق (Re: Abuobaida Elmahi)
|
Quote: أسع فيكن واحدة بتعرف
ملاح أم بق بق ..?!
أبوعبيدة |
أبوعبيدة ياخوي وحبوبة بتقول أهم شي ملاح (مفروك)أم بقبق عيونو ما يتهردن ..يعني الدورانيات الجوة البامية البظهرن بعد الفرك كان اتهردن ياهو الملاح الخسر..البامية المفروكة يا حبيب بتقول في النار بق بق
| |
|
|
|
|
|
|
Re: أنضف الكمونية (للنساء فقط) .. (Re: Abuobaida Elmahi)
|
أبو عبيدة الماحي ..
وكمان ..
أعلف البهم أحوّل الموية أفتح البابور أسقي الحيضان ..
Quote: أسع فيكن واحدة بتعرف
ملاح أم بق بق ..?! |
Quote: وحبوبة بتقول أهم شي ملاح (مفروك)أم بقبق عيونو ما يتهردن ..يعني الدورانيات الجوة البامية البظهرن بعد الفرك كان اتهردن ياهو الملاح الخسر..البامية المفروكة يا حبيب بتقول في النار بق بق |
أمسك في كلام لنا مهدي دا قوي ..
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
ود الماحى ياخوى ديل بنوت نجيضات تربايه حبوبات خليك من ام بق بق كان سالتهن من ملاح البربور بعرفنو
تخريمه: اسامى الملاحات بتختلف من منطقه لمنطقه و لا اقول جنس فلست عنصرى و لا من دعاتها
هذا هو غايتنا وطن خير ديمقراطى حنبنيهو النحلم بيهو يوماتى
ياخوانا ختو الاكل
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
رشيت الحوش
حرقت الصاج
عست الكسرة
ضريت العيش
لفيت الكسرة
ليست البيت
كسرت الفول
دقيت الشطة
بلينا الآبري
وكمان صفيناهو
حلبتو الليمون?
حرقنا الصاج
جبتو الطايووق?
شحدنا الرواب
شلنا الفطور لي ناس الفراش
حتشيلو الغدا?
كويت الهدوم
شريت الغسيل
سخنت الصابون
واجبت حليمة
مشيتن لي سعاد في بكا أبوها?
أكان ما مشيتن بتشيل حسكن بالحلال!
بعت دهبي برماد وشو
الليلة حنة فلانة
ختيتي لي لنا في عرسا?
.......
......
وهكذا
نحن أولاد لكن من هذا المجتمع !
تحياتي لكن .
أبوعبيدة
| |
|
|
|
|
|
|
Re: أنضف الكمونية (للنساء فقط) .. (Re: د.محمد حسن)
|
Quote: يا زول البجيبك شنو المطبخ دا للنساء فقط |
تقولي شنو يا سودانية ألفين. بِنَتْشالق سااااااي في الأيام الـ بمبي دي.
Quote: قال ليها ياخ إنتي اليوم كلو شابكاني وديني و أديني .. دايراني أقعد ليك كيف يعني ؟؟ |
وديني وأيماني، يا تيسير، في السودانِ حقّ اليومين ديل، أكان ما خَتَّ الرحمن في قلبو يا يقعد يسُك العُملة يا كمان يقعد يساكك في غنم إبليس.
Quote: ياأخوانا إنتو ام فتفت بت منو؟؟؟؟؟؟؟؟؟!! |
بِتْصلِّح القعدة، ياخ. قالو كمان بِتْ زول تاني خلّيهو هسّع.
أها...قُعَاد العافية.
| |
|
|
|
|
|
|
Re: ياهو بيت العرث (Re: lana mahdi)
|
قُنُبُتْ .. قنبنا يا لنا ..
بس وطوا حسكم شوية .. عايزين ننوم عشان نقدر بكره نقوم بدري نلقط الرزق .. و كده .
ألاقي عندكم شوية سكسكانية ؟؟
| |
|
|
|
|
|
|
|