|
|
|
 Re: صور من حلتنا .. (Re: Tumadir)
|
الشكر است البوست
وللفاضلة تماضر الرفعتو..
لاحظت انو زكريات تيسير كلها دكاكين وباعة.. يمكن ودران ليك قرش والا شنو؟؟
نحن يومنا في حلتنا كان بيبدأ الصباح الدغش بي صياح
الديك (يعوعي) معلنا فجر يوم جديد.ز تبدأ الوالدة بعد دقائق بكركبة (التكل)
ومراسم شاي الصباح.. ثم خطاها وصوت السفنجات يطقطقن في اتجاه الزريبة
لتبدأ كركبة حلب الغنم.. وهي تتمتم ( يافتاح ياحليم رزاق ياكريم).. وحركة الحاج وهو يستعد للصلاة .. ونحن نرخي (لإضنينا) في انتظار
قوم يا ولد للصلاة.. أو كشحة كوز الموية..
دا ..جوة البيت برا البيت
تبدأ الكركبة متزامنة فجارنا العزيز يبدأ
في اخراج (الحمار) بعد تعليقه أي بعد تقديم طعام افطاره
ليعلق في الكارو.. وأصوات العجلات الغير مشحمة
تصرج لتصحى الحلة كلها.. ثم العم عبد النبي .. يدور (كومر) التراب
لتسخينه.. بعد أن يدردقه من الردمية المعمولة
خصيصاً للكومر أمام الباب.. بدل
(الاستارتر). فتهتز الحلة على أصوات
محرك الكومر العجوز وهي ترتعد.
نلتقي جميعاً في (ماسورة) الحلة الوحيدة
لنتوضأ .. الصغار وراء
البعض يجلس على ( وا ط ة ) الله مكرفسين ركبنا داخل عراريقنا التى نادراً ما تكون
من غبر رقع.ونتجمع في حلقة بانتظار أن ينتهي الكبار من
وضوئهم. فتجد بعضنا قد غفى أو نام..
عند العودة من المسجد.. نلتقى بالغنم وقد تم تسريحها
لتأكل من خشاش الأرض. وما خلفه البنو آدميين..في الشوارع
وكل ما تحصل عليه في طريقها.. وخصوصاً أشجار البلدية المهملة..
ونبقى في
وين الغنم
ساقوهن ناس الحملة!!! .
| |
 
|
|
|
|
|
|
|
|
Re: صور من حلتنا .. (Re: showgi idriss)
|
شوقي إدريس
إزيك ..
Quote: لاحظت انو زكريات تيسير كلها دكاكين وباعة..
يمكن ودران ليك قرش والا شنو؟؟ |
نقلتنا بروعة لصورك الجميلة
جوة البيت وبرة البيت ..
تسلم يا جميل ..
| |
|
|
|
|
|
|
|
|
|
Re: صور من حلتنا .. (Re: jini)
|
الطين الناشف اسمو البرجوب لمن الواحد يمشي فوقو تسمعو يقو "" خش خش خش خش "" وبعدين بيحبنو النسوان الحمل البتوحمن
| |
|
|
|
|
|
|
|
|
|
Re: صور من حلتنا .. (Re: عشة بت فاطنة)
|
عشة بت فاطنة ..
تخليني أتحاوم شارع شارع
وزقاق زقاق لغاية ما أجي ألقاك بي هنا ..
Quote: عاديا تيسير بوستيك طاعم جنس طعم !!
بجي صادا اكيد
ولا غنماية عادل |
ما أطعم منك والله ..
ومنتظرينك ..
| |
|
|
|
|
|
|
|
|
|
Re: صور من حلتنا .. (Re: Adil Osman)
|
عمو عادل طيب إنشاءالله،،
يا سلاااااااااااااام علي اللمعة الفي الطين،،
لسسسع ده عليهو كم يوم شمس،،
لكن لمعة ولا أجد ديزل،،
صوت الكرش في الإضنين،،
مع إنو الفعل الرجلين،،
بتحس بيهو في الحلق كيف!
الله أعلم،،
كيف عدلتها،، و كيف قلبتها؟
| |
|
|
|
|
|
|
|
|
|
Re: صور من حلتنا .. (Re: Adil Osman)
|
عمك قسم الله القطر القام
رجل خفيف الظل
كان يحمل عتود علي اكتافه
وكل ما مرة بناس من الحلة اسالوهو
يا قسم الله موديهو وين العتود دها
يقول الزربية يا اخوانا
وتكرر السوال وتكررت الاجابة
زهج عمك قسم الله
قابله صديقه الامين قدوم الابريق
موديهو وين يا قسم الله العتود دها
اجاب قسم الله
موديهو الروضة
| |
|
|
|
|
|
|
|
|
|
Re: صور من حلتنا .. (Re: Soumeta)
|
عمك خلف الله ود الفاضل عشق الخمر لدرجة الوله وكان يشرب زجاجة عرقي لوحده
في زمن وجيز جدا.
واي شي يفوت حده ينقلب لضده اصاب الرجل الشلل التام ولكنه كان يحاول الاولاد في الحلة ان يحضرو له بعض العرقي.
يسكن بالقرب من النيل وكان اولاده جيرانه يشربون الخمر علي الرمال بالقرب من منزله سمع
حركتهم وقام يحبو حتي وصل للقيفة وهو قصير جدا وله لحية بيضاء
والشباب يشربون سقط عمك خلف الله من اعلي القيفة لداخل الرملة.
فزع الاولاد فرعا شديدا وجرو وهم يصرخون واي واي الشيطان
فناداهم عمك خلف الله تعالو يا اولاد انا ما الشيطان
انا عمكم خلف الله ادوني كاس
| |
|
|
|
|
|
|
|
|
|
Re: صور من حلتنا .. (Re: khaleel)
|
خليل الظريف
حكاياتك لطيفة ..
عمك خلف الله دا ذكرني واحد في حلتنا
24 ساعة سكران
اسمو سيف الدين السكران
بس ما يقوم يتشلّ زي عمك دا ..
| |
|
|
|
|
|
|
|
|
|
Re: صور من حلتنا .. (Re: Soumeta)
|
والحمام :
يا تسيير ، الكسرة بالموية ، والحمام يلقط الحب
الحمام ، الحمام ، أنيق الخطي والهديل...
نهاية الضحي وأول الظهيرة،
وفي عمود النور
تيسير ، كان الحمام يمشي بيينا في الحي ، كـــأن..!
| |
|
|
|
|
|
|
|
|
|
Re: صور من حلتنا .. (Re: Ibrahim Algrefwi)
|
| Quote: تيسير ، كان الحمام يمشي بيينا في الحي ، كـــأن..! |
جريفاوي ..
الحمام يمشي بين الوداعة
ويرفرف فوق الإلفة
ويطعم وِلفو حتة سُكر ..
يلوحن لي حماماتـــن
همن عينى غماماتن
بريدن
شوقى لي لماتن
ياااا حليلو حمام حلتنا ..
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
تيسير
لسان حالى يقول .. يارمال حلتنا ... الباقى عارفنو
واقول مع الجابرى .. الجريف واللوبيا
نحن دوما الى الجريف .. والى حلتنا
نحن من منطقة تنام بين النيلين تماما تشرق الشمس من ثغر النيل الازرق لتقطع سحابة يومها
بحثا عن حضن النيل الابيض الوهيط
صورة من حلتنا .. عنوان كبير لحكاوى كتيرة
لكن الصورة ما زالت فى ذهنى طازجة حتى الان وقد تكون مختلفة من كل ماورد فى مداخلات الاعزاء
فى زمن مضى كن نساء حلتنا فيه يقمن مشروعا اقتصاديا يضاهى اضخم مبادىء الاقتصاد التعاونى
علما بان تاريخ المشروع يعود الى ما قبل الجمعيات التعاونية فى السودان ويتلخص المشروع
فى وضع كل ربة منزل لمبلغ معين بالتساوى ثم تقوم لجنة مصغرة بالذهاب الى السوق العربى
للشراء من تجار الجملة باسعار ارخص من القطاعى بطبيعة الحال ويرجعون اما بكارو او برينسة
الى الحلة وهناك منزل محدد ربما يكون غالبا فى الوسط تتم فيه
عملية التقسيم للاغراض التى عادة ما تكون السكر والزيت ولصابون والشاى الفلت وكل الاساسيات
والضروريات وحتى الحلوى
للصغار وكن نساء الحلة يسمين مشروعهم الفريد ( التومين ) اى التموين تلك كانت صورة تعاونية
مشرقة وجميلة من حلتناوذكرتنى بالذى مضى ..
| |
|
|
|
|
|
|
|
|
|
Re: صور من حلتنا .. (Re: عامر تيتاوى)
|
جماعة من حلتنا مشو اخطبو لزول من حلتنا في حلة جنبنا
العريس ابوهو ميت وكان ولي امرو عمو
عم العريس اسمو تنبك والله العظيم اسمو تنبك
فالجماعة قالو لما امشو لناس العروس اغيرو اسم تنبك لعبد الفراج
وتم التعارف والخطوبة
.
عمك تمبك خرج بره والجماعة بنادو فيهو
يا عبد الفراج يا عبد الفراج
وتمبك نسي اسمو الجديد
عمك يونس ود مدني
لما زهج منو
قال
خلوهو
في تنمبكتو دي
| |
|
|
|
|
|
|
|
|
|
Re: صور من حلتنا .. (Re: عامر تيتاوى)
|
إزيك يا تيتاوي ..
صورتك تجسد معنى عميق من معاني التعاون و المشاركة
شئ عظيم من نسوان حلتكم إنو يتكاتفن ويتعاضدن
من أجل توفير إحتياجات كل منزل بهذه الطريقة المثمرة
مع مراعاة إنهن نسوان بسيطات وغالبا غير متعلمات
لكن هاهن يرسين أمتن قواعد للإقتصاد والتدبير
فعلا صورة تعاونية جميلة ومشرقة زي ما قلت
أسعدتني مداخلتك
يديك العافية
وخليك قريب ..
| |
|
|
|
|
|
|
|
|
|
Re: صور من حلتنا .. (Re: Ibrahim Algrefwi)
|
هووومي،،
كان بحيرني حمام امي،،
و حمام الناس،،
رغم ما يتوفر ليهو من رزق الحياة بالقرب من البرج،،
إلا إنو يفضل يمشي بعيد،،
و يرجع في كل يوم في نفس الميعاد ،،
يكون لي منظم كدة؟
حاسداهو،،
و لسة،،
ليتو لي ،،
حمام هنا،، أشتر،،
حتي قمريتهم،، شينة،،
إلا ود أبرقنا و عشوشة،، نفس الشبه،، و شناة الطبع،، و الطنيش،،
| |
|
|
|
|
|
|
|
|
|
Re: صور من حلتنا .. (Re: Soumeta)
|
سوميتا
مديتي يدك للسحاب
شايلة الفرح
جايبة الدعاش
أديتي قلبك للصحاب
جواك سرح
أجمل فراش
إنتي يا بت إنتي قزازة ريحة
محل ما تمشي عطرك فايح ؟
البوست بدا بالغنم عاينوا سوميتا وصلتو وين ..
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
صورة من الخارج،،
في لقطة من اللقطات أول مرة كان يمشي في موعد مع الشابة الجملية التي تزوجها فيما بعد،،
قال ليها سامعة صوت رفرفة جناح الطيرة؟
قالت ليهو مافي طيرة هنا،،
قال ليها في،، إنتبهي،،
فاذا بها،، تغمض عينيها و تسترخي و يصبح كل الضجيج من حولها داخل الغرفة المطعمية سكون،،
و لا تسمع إلا صوت رفرفة جناح الطائر الصغير،، من النافذة ،،
ضحكت فرحاً بأكتشاف سر ان تكون كفيفاً و تري بسمعك مغمض العينين،،
تيسير،،
صحابي يبعدون الاف الاميال المؤلفة،،
لكنهم يسكنوني،،
حتي من لم يلمحهم قلبي بصراً،،
إتفقنا علي حب الفراش،،
فاصبح خليلي عند غيابهم،،
يصفون لي القمر في كل طور،،
فأرسم صوري بوصفهم،،
يحفظون سر ودادي و السبع نجمات و مفتاح البيبسي النجمي،،
فيزيد يقيني بالعودة للجلوس علي رمل جيرانهم المكوم علي الارض،،
في ليلة تختفي فيها النجوم و القمر،،
و من البعيد نسمع صوت نسوة يزغردن لعروسين شارفت مراسم زواجهم علي الإكتمال،،
خلينا نرجع من الاول عشان ح اعوج ليك البوست ده شكلي،،
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
أنا جيت!
تيسير،،،
بعض السكنة علي ضفاف صورك/صورنا،،
ما شايفة أنا زاتي،،
لي يومين رايحة مني صورة الشمس،،
و صورة أمدرمان عشان نعرفها أمدرمان منو،،
| |
|
|
|
|
|
|
|
|
|
Re: صور من حلتنا .. (Re: Soumeta)
|
دى صورة تانية من امدرمان.
الصورة الاولى ابت تفتح. ممكن تنسخوا الرابط وتختوهوا فى المتصفح. بفتح معاكم وحتشوفوا تراب احمر فى الشارع، وبيوت طين وبيوت طوب احمر، وفقر جميل طالع من شقوق البيوت، الا فى ام درمان!
| |
|
|
|
|
|
|
|
|
|
Re: صور من حلتنا .. (Re: Adil Osman)
|
علي احمد
لقبه علي الكنتبة
معوق في ظهره اي له سردوب
الشباب في الحلة بحبو اشاغلوهو
مرة كان فارش ليمون في الجزارة للبيع
جاء خالد واحمد خطف منو ليمونة وجري
الكنتبة لا يستطيع الجري
فقال لخالد من علي البعد
انشاء الله تعرف تحترم الليمونة
وتشتري ليها ربع رطل سكر
ما تمش تتفها في كراع العنقريب
| |
|
|
|
|
|
|
|
|
|
Re: صور من حلتنا .. (Re: khaleel)
|
جدك حاج محمد مداغ الشيك رجل يقشق النساء لدرجة الوله
متزوج من اربعة نساء
عندما يريد ان يتكلم لازم ابدا كلامو بكلمة لانو
مرة راكب المواصلات مع ولده حافظ
وفي البص بنات سمحات جدا
عجبو جدك
قام قال
لانو الساعة كم ومنتظر اجابة من البنات
فاجاب ولده حافظ
الساعة عشرة يا حاج
زعل حاج محمد وقال
لانو العايز ساعتك الطبلة دي منو
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
خليل اشيل واكتب
والشكر لعادل
غايتو
قسمة وارادتنا
وانا الدايرو سويتو
وانا العالي وطيتو
خاين العشرة ذاتو
اضطهدتو ونسيتو
دي اغنية فاطنة بت الرزيقي المفضلة في حلتنا
| |
|
|
|
|
|
|
|
|
|
Re: صور من حلتنا .. (Re: khaleel)
|
تيسير والمتداخلون
امسياتنا في الليالي المقمرة ونحن نصيح "شليل وينو أكلو الدودو"
أو
هوي يا لبلب كم في الخط أمانة عليك تكضب اضنيك ما واحد؟
ويأتي الرد كضبا" كاضب
ما ستة؟
شد وأركب
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
تيسير الجميلة الرائعة جدا
حضرت ولم اجدكم
وكتبت ليكم بالفحمة فى بابكم بتاع الزنكى
انا قاعد فى حجر جنب الدكان القدامو النيمة
لما تجوا رسلى لى موية من الزير ماعايز ببسى
تحياتى
خالد كسلا
| |
|
|
|
|
|
|
|
|
|
Re: صور من حلتنا .. (Re: عبد الله ميرغنى)
|
زما فى حلتنا كنا بنقوم من الدغش بدرى فى الاجازات عشان ندور الدافورى فى نص الحلة وكنا عشان
نسخن العملية بنلم حق جايزة زى بيبسى ولا حلاوة المهم بنواصل اللعب من صباح الرحمن وما بنخلص
الا قبل الساعة 12 بشوية ولو صادفت الايام شتا بنديها طوالى لحدى قبل الغدا بحبة كمان كنا بنعمل
درقات يعنى درع من الخشب ونزينو ونقوم نعزم فرق المنطقة كلها ونتنافس على الدرقة بعد ان نزين
الملعب ونعمل قنايات للاقوان كانت ايام رائعة وجميلة ووممتعة ودى صورة بس من حلتنا
... انتظروا باقى الفيلم
| |
|
|
|
|
|
|
|
|
|
Re: صور من حلتنا .. (Re: عبد الله ميرغنى)
|
إزيك يا خالد كسلا يا رائع ..
عاد ما إتلومنا تجينا تلقانا مافي ..؟
لكن نسوي شنو مع ناس الحلة
مشيت أحمدل السلامة لي التاية بت محجوب
قالوا كاسرة يدها دي جيتي ..
والمقعدك جمب الدكان شنو ما تدخل البيت لي جوة
نديك موية الزير وبيبسي الدكان الإتنين ..
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
الجميلة تيسير
ان شاء الله بجيكم بكرة لانوا قعدت كتير قدام
الدكان بعدين بتاع الدكان قالى ناس البيت
كلهم طلعوا عشان كدة مادخلت حصل خير بكرة قريبة
اتمنى اجى القاك .
خالد كسلا
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
مرحب بيك ياتيسير فى حلتكم الجميلة وبيتكم
العامر انا جاى عشان تتوسطى لى باعتبارك فى
اللجنة وتشوفى لى موضوعى حصل فيهو شنوا
معليش انا عارف انتى مانعة موضوع الوساطات
ده بس صاحب صاحبك صاحبك .
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
الطيب محمد احمد عمل بوزارة الاسكان في مدني في وظيفة جنزرجي مع ناس المساحة
ضعيف جدا وزنو اربعين كيلو
هزج من مدني واغترب في العراق
ذهب للمعاينة والعراقي قال ليهو انت ضعيف البنية
الطيب لم يفهم ضعيف البنية
الشباب اكتشفو الحكاية دي
وقالو ليه يا سلام يا الطيب انت ضعيف البنية دي اشتغلتها وين
قال ليهم امال مدني دي الخططها منو
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
ياخ انا مشتاقة لي البوست ده كيف،،
دي عشرة جيران ناس صحبتي في حلتم،،
وصحن الفول داك في حلة ناس ناجي الملك،،
و صورة من كل حلة،،
تيسير!!
يا بت إزيك،،
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
وطن النجوم
إيليا أبو ماضي
وطن النجوم انا هنا حدق اتذكر من انــا ؟
ألمحت في الماضي البعيد فتًى غريرا أرعنا؟
جذلان يمرح في حقولك كالنسيم مُُُدنــــــدنا
يتسلق الاشجار لا ضجراً يحس ولا ونــــــــى
ويعود بالاغصان يبريهاسيوفااو قنـــــــــــــــا
ويخوض في وحل الشتا متهللا متيمنــــــــــــا
لا يتقي شر العيون ولا يخاف الألسنـــــــــــــا
ولكم تشطين كي يدور القول عنه تشيطنــــــا
انا ذلك الولد الذي دنياه كانت هاهنـــــــــــــــا
انا من مياهك قطرة فاضت جداول من سنــــا
انا من ترابك ذرة ماجت مواكب من منـــــــى
انا من طيورك بلبل غني بمجدك فاغتنــــــى
حمل الطلاقة والبشاشة من ربوعك لدنــــــــى
كم عانقت روحي رباك وصفقت في المنحنـــى
للأرز يهزأ بالرياح وبالدهور وبالفنــــــــــــــا
للبحر ينشره بنوك حضارة وتـــمدنــــــــــــــا
لليل فيك مصلياللصبح فيك مؤذنــــــــــــــــــا
للشمس تبطىء في وداع ذراك كيلا تحـزنــــا
للبدر في نيسان يكحل بالضيياء الاعينـــــــــا
فيذوب في حدق المهى سحرا لطيفا ليــنــــــــا
للحقل يرتجل الروائع زنبقا او سوسنـــــــــــا
للعشب أثقله الندى للغصن أثقله الجنــــــــــــى
عاش الجمال مشردا في الارض ينشد مسكنــــا
حتى أنكشفت له فألقى رحله وتوطنــــــــا
واستعرض الفن الجبال فكنت أنت الأحسنــــا
من شعر إيليا ابو ماضي
| |
|
|
|
|
|
|
|
|
|
Re: صور من حلتنا .. (Re: عبدالغني كرم الله بشير)
|
الرائع عبد الغني كرم الله ..
Quote: انا ذلك الولد الذي دنياه كانت هاهنـــــــــــــــا
انا من مياهك قطرة فاضت جداول من سنــــا
انا من ترابك ذرة ماجت مواكب من منـــــــى
انا من طيورك بلبل غني بمجدك فاغتنــــــى |
إنها ذكرى صبا
مكان محفور في الوجدان
لطالما مارسنا فيه طفولتنا كأجمل ما يكون
كم منزلٍ في الأرضِ يعشقه الفتى
وحنينه أبداً لأول منزلِ
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
عمك صديق ود المجتبي سواق لوري
معه قريبه التهامي شغال معاهو مساعد
التهامي تعرض لحادث حركة وقطعت يده قبل كده
وللظروفه الاسرية قرر ان يواصل في مهنة المساعد مع عمك صديق
المهم التهامي بخلص القروش من الركاب
وبديها لعمك صديق
يوم عمك صديق شكي ان التهامي ما بجيب القروش كاملة
وبعمل فساد مالي
والشكلة دورت بينهم ونبذ جد
عمك صديق قال للتهامي
والله يوم تكون راكب معاي اللوري
وحاعمل حادث حركة
واقطع ليك يديك التانية
واخليك تنقد نقد زي الجدادة
| |
|
|
|
|
|
|
|
|
|
Re: صور من حلتنا .. (Re: khaleel)
|
يا خليل ..
في حلتنا سواق اللوري اسمو عطا ود الرمدان
ومشهور بتهورو في السواقة
تلقاهو جاي من هناك واللوري يتلولح يمين وشمال
بس الغريبة ما بيعمل حادث حريف شديد ..
أنا ما عارفة ود الرمدان دا اسمو بالجد ولا لقب
لأنو مخوف الناس بسواقتو المشاترة ديك ..
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
سوميتا. عليك الله هاك امشى جيبى لى علبة برنجى  قبل ما الدكان يقفل. فالحة بتى. اشترى ليك حلاوة حربة 
يللا قوام. امشى حفيانة. قوام الدكان بقفل.
| |
|
|
|
|
|
|
|
|
|
Re: صور من حلتنا .. (Re: Adil Osman)
|
عمو عــــــــــادل،،
سبقتني فيها،،
امس إتذكرتها و قلت ارفعها و انزلها ليك،،
لقيتك بترسلني ليها،،
لا حولاااا زمن مافي زول رسلني الدكان،،
بس انا دايرة حلاوة دررررربس،،
تيسير،،
لملمتي حلل الناس و قعدتي،،
و خليتينا نتمطق،،
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
صلاح وعبدالعظيم
اخوان جو ازورو عمهم ميرغني في ابوروف
بمجرد وصولهم البيت في سوق الشجرة
مشو الدكان عشان اشترو حنبوكة
وطبعا ناس امدرمان بسموها بلومة
وسالو بتاع الدكان عندك هنابيب بلغة القرية
بتاع الدكان ما عرف عايزينشنو
الجماعةمرقو في كبري شمبات بحثا عن الهنبوبة
ومافي زول عرف هم دايرين شنو
المهم في النهاية في واحد عرفهم وجابهم راجعين البيت
بعد خمسة وتلاتين سنة
الجماعة لسع بشاغلوهم عندك هنبوبة
| |
|
|
|
|
|
|
|
|
|
Re: صور من حلتنا .. (Re: khaleel)
|
خليل ..
على حس (الهنابيب)
عم السر في حلتنا مرتو مجنناهو ليك بولادة البنات
كلما تولد تجي بت لما بقو ستة وهو حالف إلا الإسم يكون
بحرف الهاء ..
هادية, هاشمية ,هالة ,هنادي ..... الباقي ما متذكراهو
اها لمن جات تولد للمرة السابعة قال ليها شوفي اسمعي
المرة دي تجي بت أنا ما عندي ليها اسم بالهاء
إلا كان أسميها هنبوكة
| |
|
|
|
|
|
|
|
|
|
Re: صور من حلتنا .. (Re: طارق جبريل)
|
سوميتا؟
حلاوة دربس دى شنو؟ ما عرفتها. كدى وصفيها لينا. ولو عندك صورة ليها كمان يكون "كتر خيرك وبارك الله فيك"
تيسير: دى اوضة ولا زنزانة؟
ضحكت من كلامك الاخير عن الهنابيك حتى طرشقت كآبتى. فالدنيا عندنا برد وتلج وضلام. هنا قلب الضلام الحقيقى مش قلب الضلام المجازى بتاع جوزيف كونراد Heart of Darkness
قلتى لى نفخ الهنبوكة بعمل لوز حسب تحذير وزارة الصحة الامومية؟ كانو برضو بحذرونا من اكل التلج. انا غايتو حفاظة التلج تعبت معاى جدآ. وقوالب التلج المربعات
بتذكر اول تلاجة اشتروها فى البيت كانت ادميرال. تلاجتكم كانت شنو؟ اول تلفزيون كان ناشيونال زمن الابيض واسود. إسود وملعقتين مربة توت!!
ما لقيت تلفزيون ماركة ناشيونال. لكن لقيت الشارب ده. سنة 1966. اسياده كانوا بتفرجو فى كاس العالم لكرة القدم من انقلتره! زمن!! زمن يمص الضوء من عينيك، كما قال مصطفى سند.
| |
|
|
|
|
|
|
|
|
|
Re: صور من حلتنا .. (Re: Adil Osman)
|
يا عادل بدل تاكل التلج هاك أشرب دا سخن
| Quote: إسود وملعقتين مربة توت!! |
نحن تلاجتنا كانت وايت ويستنغهاوس والتلفزيون ناشيونال برضو لكن موبيليا
عارف شكلو كيف .. البيكون مغلف بالخشب داك
| |
|
|
|
|
|
|
|
|
|
Re: صور من حلتنا .. (Re: تيسير عووضة)
|
الترزى الديمقراطى ده يا تيسير بكون بعمل للقماش شنو؟
اسمعى.. اقول ليك حاجة؟ انا اشتريت ليك مكنة الخياطة دى. امشى شيلى القماش من "الديمقراطى" ده، وخيطى براك فى البيت خياطة ديكتاتورية احتكارية! ويبقى قماشنا فى بيتنا. ونحقق شعار الثورة (نلبس مما نخيط فى البيت).
| |
|
|
|
|
|
|
|
|
|
Re: صور من حلتنا .. (Re: Adil Osman)
|
مكنة سنجر يا عادل ..
تسلم ..
خلاص أمشي جيب القماش الجابوهو ليك من الحج داك
عشان اخيطو ليك عراقي وسروال
وكده نبقى شموليين
قماش في البيت
خياطة في البيت
ولبس في البيت ..
| |
|
|
|
|
|
|
| |
Tumadir
showgi idriss
تيسير عووضة
احمد العربي
عبدالرحمن عبدالله أبوشيبة
عشة بت فاطنة
Soumeta
Adil Osman
khaleel
Ibrahim Algrefwi
عامر تيتاوى
خدر
Muna Khugali
انعام عبد الحفيظ
عبدالغني كرم الله بشير
طارق جبريل
فيس بوك
تويتر
انستقرام
يوتيوب
بنتيريست