|
Re: احتفالات السودانين بالعيد فى مسقط والحفل الساهر الليله بالنادى ( صور) (Re: حيدر امين)
|
الاخوة الكرام
عمار زكي خالد محجوب المنسي ود الخضر حادي ركب البوست الاخ حيدر امين
Quote: وفي البداية نقول للأخ خالد المنسي شكرا على تهنئتكم ووصفكم لأهل مسقط بالحلوين بس كدي أشرح لينا حكاية شيقوق خرب كل شئ دي فهو زينة حفلتنا وزينة نادينا وشيخ العرب وسط جمهرتنا وعلى وشك أن يصبح واحدا من الدادائين ومن ثم السيرياليين .. وقبلنا أن الحضور قد أزانه مولانا الصادق سلمان بس برضو أشرح لينا باقي الزينة الثانية دي ود الخضر والفاتح الجنيد والباقيين ياربي منسيين عندكم ياأخ منسي ولا كيف .؟؟؟؟؟؟............ تحياتي |
اولا اشكر اخي العزيز خالص عمار زكي على تصديه لهجمات صديقي واخي العزيز جدا والمسنوح ود المنسي .
الاخ المنسي ، يا عمار اخوى ، التقيته في محراب المنبر العام وتعمقت الصلات بيننا وصرنا على الدوام نتعمد مشاكسة بعضنا البعض في كل البوستات لا سيما بوست الانجمامة .
إنجمامة في ظل كلمة طيبة ... قبل الندامة
لدى تصفحك ه>ا البوست ستجد مشاكسات اتمنى يا الشكري الا تتابط شرا وتشيل عكازك المضبب وتكوس للمسنوح ده .
غايتو عافي منك دنيا واخرة والخوة ولا كدى ولا بلاش وحرم السويتها دى ود المنسي >اتو ما بسويها لي يا الشكري .
ود الخضر
قلت لود المنسي نحاسب عمار ؟ بطلاق البرش عمار باللبن رشو ليكم بالدم احسن تعقلوا . ده زولا انا ساعيهو لعينة المسنوح ده .
| |
|
|
|
|
|
|
Re: احتفالات السودانين بالعيد فى مسقط والحفل الساهر الليله بالنادى ( صور) (Re: حيدر امين)
|
يقول أخي وصديقي وقريبي في الدم والعشيرة من توتي .. محمد أبو العزائم أبو الريش
Quote: عمّار زكي ده مالو عجّز كده؟ |
ترى الرجل الضعيف فتزدريه .. وفي أثوابه أسد هصور ويعجبك الطرير فتصطفيه... فيخلف ظنك الرجل الطرير
يا أخي محمد أبو العزائم أنا على رأي أخونا عبدالرحمن بلو من توتي مازلت أنقر في جدار البيضة لأخرج طفلا يحبو .. وعمر الأنسان لا يقاس بالسنين ولكن بمقدار حظ العقل من العلم تزداد الحياة عرضا وبمقدار حظ الوجدان من مرهفات الحس تزداد الحياة عمقا وكلما زادت صلتك بالله زادت حياتك سموا إلى أعلى وبهذه الأبعاد الأربعة فأنا أصغر من مشى على وجه هذه البسيطة على الأقل مقارنة مع بورداب مسقط ومع أخوك السني أبو العزائم والذي يصغرني بسنوات قليلة في أحد الأبعاد الأربعة أعلاه ولا كيف ؟؟؟؟ تحياتي لك يا محمد أبو العزائم
| |
|
|
|
|
|
|
Re: احتفالات السودانين بالعيد فى مسقط والحفل الساهر الليله بالنادى ( صور) (Re: حيدر امين)
|
يا ود شيقوق دى عصاية منو؟
وسيدها عاوز يفرتق الحفلة واللا شنو؟ شايف الفنان مطير عيونو!!!
غايتو عندكم جنس عصى يا ناس مسقط!! دى بتجيبوها من ظفار واللا من سوق اب جهل؟ ما شايف زولا شايل لو عكاز...
زمن الآساتدة بيدقوكم بالكرابيج وزمن السوط السوط يا جنا استادنا شوقى حمزة كان بيعلمنا ويفهمنا الدرس بالموسيقى يا ود شيقوق... شوف الفرق... خلى الزول داك ينزل عصايتو عشان الفنان يغنى بارتياح...
نورالدين منان
| |
|
|
|
|
|
|
Re: احتفالات السودانين بالعيد فى مسقط والحفل الساهر الليله بالنادى ( صور) (Re: حيدر امين)
|
ود المنان
انتو يا برابرة جنكم وجن العصى والسياط هسع الحفلة دى كلها ما لفت نظرك الا العصاية دى؟
Quote: وسيدها عاوز يفرتق الحفلة واللا شنو؟ شايف الفنان مطير عيونو!!! |
والله الفنان بقى لما يشوف العصاية دى يتم المقطع نوناي ساى زى المداح لما ترمي ليهم الريال في المنديل ويروحوا مدورين خلف وباقي المدحة يطحنوهو نوناي ساااااى وحانيين رقابهم تارين ( الترة هي رجوع جمل العصارة للخلف ) مع العرضة .
Quote: ما شايف زولا شايل لو عكاز... |
خاتنها تحت الكراسي لوقت الحارة
Quote: زمن الآساتدة بيدقوكم بالكرابيج وزمن السوط السوط يا جنا استادنا شوقى حمزة كان بيعلمنا ويفهمنا الدرس بالموسيقى يا ود شيقوق... |
ات عارف يا اللخو ده السبب الخلانا نحن اتجاه واحد وانتم متعددو الاتجاهات كفر ووتر ونغم وحت كمان ( بتعرف الحت يا العشاء اب لبن؟)
| |
|
|
|
|
|
|
Re: احتفالات السودانين بالعيد فى مسقط والحفل الساهر الليله بالنادى ( صور) (Re: حيدر امين)
|
Quote: والله الفنان بقى لما يشوف العصاية دى يتم المقطع نوناي ساى زى المداح لما ترمي ليهم الريال في المنديل ويروحوا مدورين خلف وباقي المدحة يطحنوهو نوناي ساااااى وحانيين رقابهم تارين ( الترة هي رجوع جمل العصارة للخلف ) مع العرضة . |
المداح في السوق العربي والحلقة واسعة ومنديلو إتلمى تب بالقروش وساح وغمض مع المدحا .. جا أخو البنيات وشال المنديل بي قروشو .. زولك لما فتح لقى المنديل مافي .. واحد من الحلقة كورك لي وقال : يامادح النبي سوي لينا ( أمة محمد ) فرد عليه المادح : أمة محمد بتقرضها من البسيطة ومايفضل فيها زول
زولك مغبون علي القريشات الراحت في حق الله
| |
|
|
|
|
|
|
|