|
Re: السطو المصور (Re: Tabaldina)
|
ألاعزاء العلقوا على رسالة محسن خالد لاحظوا انه دي رسالة في ايميل داخلي بين اتنين اصدقاء ولم تكن للنشر
_____________________________ نديهو البنيفت اوف داوت ونقدم حسن النية الى ان يثبت لينا العكس
| |
|
|
|
|
|
|
Re: السطو المصور (Re: Rawia)
|
Quote: لاحظوا انه دي رسالة في ايميل داخلي بين اتنين اصدقاء ولم تكن للنشر |
ونس انها نشرت خلاص صارت شان عام
بعدين الحتة القوية بتاعة آس الشايب دي خلي تبقى ايميل خاص لو حلم ساي ما بتتفوت
| |
|
|
|
|
|
|
Re: السطو المصور (Re: محمد حيدر المشرف)
|
Quote: Quote: يمكن أن يرد هذا التعليق علي لسان ناقد و ليس علي لسان متلقي |
الله ينور عليك يا استاذ عمار تفهمني الحتة دي والفرق شنو بين سطرين ملاسي والسطر الكتيته ليهو انت وقلت ليهو قولو بدل التعليق بتاعه اول البوست والقلت عليهو كلام يطلع من لسان ناقد وليس لسان متلقي
احتراماتي انا برضو
______________________ انا في البوست دا الليلة يا ابقى مثقفة يا اخلي ليكم الحتة دي كو كلو |
لو حترجي السيد الهادي يبقيك مثقفة يا راوية أخير تخلي الحتة كلو كلو؛ فغاية غرض مداخلات الرجل في هذا البوست أن يشير لعلاقة ما تربطه بالتشكيل .. و قد فعل.
| |
|
|
|
|
|
|
Re: السطو المصور (Re: Hussein Mallasi)
|
السيد ملاسي
Quote: لو حترجي السيد الهادي يبقيك مثقفة يا راوية أخير تخلي الحتة كلو كلو؛ فغاية غرض مداخلات الرجل في هذا البوست أن يشير لعلاقة ما تربطه بالتشكيل .. و قد فعل. |
لا زلت في إنتظار الموضوعيه
إحتراماتي
| |
|
|
|
|
|
|
Re: السطو المصور (Re: Hussein Mallasi)
|
غايتو يا ناس أتارى نحنا كاتلنا التواضع سااااكت..!!
يعنى مثلا مداخلات السر الملك عن التصوير الفوتوغرافى وأساطينه ، القال عليها واحدمن الأخوة : كانما هى كلام الطير فى الباقير..غايتو أنا واحدة من الناس فهمتها كللللها.. لأنى سمعتها ودرستها على يد واحد من أساطين الفوتوغرافيا فى اعلام بورتسودان عم (أبو وائل ) بتاع (ستوديو وائل)..الله يطراهو بالخير كان راجل حلفاوى قلبو طيب (طبعا الاستطراد الممل ده أسلوب المبدعين المستظرفين ).. والكلام ده كان زمااااان...زمن محسن خالد ده كان لسه بيبى بيرضع.. وملاسى كان لسه ما أتولد ذاتو .. أيام الاجازة الجامعية ..والبال كان لسه راااايق ومزهزه
وقد اهتممت بتعلم فن الفوتوغرافى..منذ نعومة أظافرى (الاملاء صح يا محسن؟)
وكنت أول بنت (على ما أعتقد)فى بورتسودان تمتلك كاميرا شينة كبيرة بعدسة زووم ، كان الناس يضحكوا فينى لمن يشوفونى أصور بيها فى الرحلات..
والتصوير الذى تعلمته كان (مانوالى ) ..يعنى على أصوله.. ولا كان اتوماتيك ولا ديجيتال..
وبعد سنوات عندما ذهبت الى (الخرتوم) ..وجدت البعض قاشرين بحكاية التصوير دى وعاملنها موضة ، وكان الحكاية حقتهم براهم ..أو اخترعوها !!
لذلك عافت نفسى هذا الفن ، وزهدت فيه.. وتمردت عليه بكاميرا الموبايل ..بامكانياتها الفنية والتقنية التعبانة.. ولكنى رغبت فى ورود مورد ظننت انه لم يرده أحد غيرى فى السودان ..
هذا كله خوفا من (تبخيس) محتكرى الابداع.. الذين اذا قربنا الشعر شنفونا.. واذا هبشنا الرسم بهدلونا.. واذا فكرنا مجرد تفكير فى كتابة (القصة ) شهروا بينا.. فنحن فى نظرهم مجرد (عوام ) ..يتطاولون على موائد الابداع والمبدعين..
ولا يريدون أن يتركوا لنا شيئا من هذه (الوليمة العامرة ) ..حتى الفتافيت..!!
كرهتونا الابداع ذاتو..
أما المبدعين...هؤلاء الآلهة الذين صنعناهم من عجوة.. فسنأكلهم انشاء الله فى اول جوعة .. ولا نامت أعين العابدين الذين مازالوا تحت أرجل أصنامهم عاكفين .
| |
|
|
|
|
|
|
Re: السطو المصور (Re: AMNA MUKHTAR)
|
محزن جدا ما سطره الاخ محسن خالد في رسالته .. واعتقد انه اساء لنفسه ولا بداعه قبل ان يسيء للمنبر واعضائه .. ومهما تجاهل البعض ، اساءاته الجارحة وغير المبررة، احتراما لابداعه وانتاجه المدهش، الا ان ذلك لا يبرر سقوطه في مستنقع التعالي الذي ادانه الناس هنا باوضح العبارات يوم كتب الاستاذ يحي فضل الله ورفاقه بيانهم ذاك. واعتقد ان تقييم الاخ ملاسي او غيره للاعمال المصورة تلك مجرد رأي شخصي من متلقي قد يعجبه عملا ما او لا يعجبه وهي مسألة تذوق للفن لا اكثر ولا اقل . ولا تقدح في قيمة ايا من هذه الاعمال. واعتقد ان أسوأ من اهانات محسن خالد، هو سكوت البعض على هذا العبث. احي الذين كتبوا ينتقدون هذه اللهجة المسيئة للمنبر ولاعضائه.. ادين خطاب الاخ محسن خالد .. وليعلم محسن ومثله انه لا قداسة ولا احترام الا لمن يحترم نفسه والاخرين.
| |
|
|
|
|
|
|
Re: السطو المصور (Re: حسن البشاري)
|
Quote: يخرب عقلك كيكي ..!!
دا كلام شنو دا |
هلا ابو النيز ودي مقاربة اركلوجية ما بين هذا وذاك وتخوف من الانفجار العظيم في حضرة الامفكوية الملاسية الشديدة المفاجئة
| |
|
|
|
|
|
|
Re: السطو المصور (Re: AMNA MUKHTAR)
|
Quote: أما المبدعين...هؤلاء الآلهة الذين صنعناهم من عجوة.. فسنأكلهم انشاء الله فى اول جوعة .. ولا نامت أعين العابدين الذين مازالوا تحت أرجل أصنامهم عاكفين . |
____ intee sukar ya amona bs mushkiltik old
| |
|
|
|
|
|
|
Re: السطو المصور (Re: Tabaldina)
|
Quote: عموما اي عودة من ملاسي لسيرة البنات العريانات تعني عودتنا هنا ايضا في الاستديو الي (ملاسي العريان)... ديك تعرية من هدوم وهنا ستكون تعرية من روية نقدية فنية وفكرية .. وكلو تعرية مضروب في تعرية i.e(تعريتين والحجر في محلو) |
كيكي سلام .. في الأولانية they are in their birthday dresses
وفي التانية he's been totally denuded of his fig leaves
| |
|
|
|
|
|
|
Re: السطو المصور (Re: Tabaldina)
|
تبلدينا الاساءة تظل اساءة مهما زينها محسن خالد بحسن فصاحته وبيانه.. والاساءة تظل اساءة من اي شخص جاءت .. المهين اكثر يا تبلدينا، ان الذين وجهت اليهم الاهانات، يمرون على رسالته وكأنهم لا يرون .. هل يخاف البعض سلاطة لسانه هل يخافون لغة "ماتحت السرة" التي يستخدمها في مواجهة من لا تعجبه كتاباتهم .. ربما يفوقنا محسن فصاحة .. لكننا على الاقل نملك قلما وبيانا انظف واعف .
| |
|
|
|
|
|
|
Re: السطو المصور (Re: Hussein Mallasi)
|
!!! سؤال يا "حسين ملاسى" او كما تُقتضى ..أدنى.. فروض الإحترام أن نقول "عمو ملاسى" ما الغرض فى زج إسمى فى البوست؟؟ ... بغض النظر عن ما اصور والذى هو "فى الغالب" جلسات بوردابية او أحداث عامة.. لا يشبه بأى شكل من الأشكال "ما هو مذكور فى البوست الأصلى هناكـ"الذى تكرمت الأخت روزمين باحضار رابطه
بعدين ياخ انا من متين طرحت روحى "مٌصور" ولم أدرس التصوير ,,,ولا حتى كورس واحد ولا أملك فى هذه الدنيا غير كاميرا متواضعة ,,,!!!
لا تعلو أمام ...كاميرتكـ "الغالية" ...
على العموم
شكراً جزيلا..يا عموً لكن ان اردت فتح باب سخرية من احدهم أحب ان يكون بعيداً عنى ... ...
| |
|
|
|
|
|
|
Re: السطو المصور (Re: Kostawi)
|
شكرا يا كوستاوي ..
مرضي أستاذي و صديقي و زميلي و ود حلتي .. أعرف قدر شنو هو فنان حتى النخاع .. و قدر شنو هو مهموم بالفن و الجمال و قضايا الثقافة و الإبداع و العمل العام بعيد عن الأضواء .
شكراً لانك تحاول إنصاف رجل بقامة المرضي .
| |
|
|
|
|
|
|
Re: السطو المصور (Re: Emad Abdulla)
|
الأخ عماد عبدالله شكرا ليك الأستاذ أحمد المرضي ما فاضي لنوع ملاسي دا
الزول المضيع زمنو كلو في الشمارات و الفتن و اللعلعة و الشوبار
From now This is my post
| |
|
|
|
|
|
|
Re: السطو المصور (Re: محمد حيدر المشرف)
|
Quote: قلنا نتونس معاك .. كان ترضى ياها الونسه سودانييزاونلاين
سلام |
و الله يا دكتور كلامك سمح تب و ما دام بقت ونسة ما بناباها . . . نحن ناس عنقالة ساي كلمات متأنقة زي : تثاقف و مثاقفة و عصف ذهني و تداعي و اندياح الخ . . . الكلام اللابس كرفتات دا ما بنعرفلو لكن رايك شنو اجيك برواقة آخر ليل كدا ؟
يا سيدي انا شاكر لطفك و شكرن على المحاننة الما بي قدح
| |
|
|
|
|
|
|
Re: السطو المصور (Re: Hussein Mallasi)
|
ملاسي...
اسخف شئ انو زول يبخس مجهود زول....
انتا من حقك تدي رايك في اعمال احمد المرضي لكن بصورة نقد مش تهكم...مع العلم انو النقد دة علم في حد ذاتا وعندو ناسو...
عندك نقد بي صورة علمية علي تصاوير احمد المرضي ممكن تطرحو وكلنا نستفيد..غير كدة شكلك حيكون بايخ ..لانو الموضوع حيكون زي العندك معاهو شئ شخصي..
علي فهمي البسيط ممكن اقول انو احمد المرضي بيستخدم الالوان بصورة صارخة..احتمال يكون عندو رسالة بالطريقة البيستخدم بيها اللون انا ما وصلتني...
| |
|
|
|
|
|
|
Re: السطو المصور (Re: Hussein Mallasi)
|
ويا ملاسي ما دام انتا عندك راي في المصورين وفي الفن..رايك دة كان تقولوا للزول الصورك في صورة بروفايلك...مفروض ما تتصور الا من زول محترف في التصوير.. بي فهم انو الصورك دة مالو مصورك كاجي عينك كدة؟؟وعيونك غاطسات قدر دة؟؟؟اكيد عشان صورك في وضعية الشمس مضايقاك فيها...بالتالي ما بيعرف يصور... شينة منك صورتك كلها مليانة عيوب وجاي تدي راي في مصور موهوب بي شهادة خبراء في المجال..
وانتا عشان (عامل) بتفهم في الفن مفروض ما ترضي بي اقل من مصور محترف...
ولا انا غلطانة يا كيكي؟؟؟
| |
|
|
|
|
|
|
Re: السطو المصور (Re: سارة علي)
|
Quote: وانتا عشان (عامل) بتفهم في الفن مفروض ما ترضي بي اقل من مصور محترف...
|
هلا يا سارة... المصور بعض مرات بكون برئي كما في امر الذئب هزبر الذي اتهم كذبا وبهتانا باكل سيدنا يوسف... الاشكال في حالة المودل ملاسي يمكن (المودل المصور) وليس المصور صاح المصور في الصورة ادناه كوجن الضوء وعبث باشواق الزووووم واخد زاويا قائمة 42 درجة لكنه استطاع استخرج مودل (مغمت) وشايل (موبايل)... هنا في دلالة بتاعة (تواصل) عبر وسائط وغميت حاصلة..وانا كزول بتاع سيريالية جديدة طوالي ممكن افهم الرسالة الداير يرسلها المصور لهذه الصورة وهي دلالة (الغميت والتواصل)... الصورة عنوان كبير لنهج واستايل ملاسي في كل تواصله عبر وسائط فهو يتواصل اسفيرا مغمت واثيرا مغمت.. اسفيرا التغميتة يتنعكس في شكل خطابه الجائح الي روية الجوانب الفارغة من الاكواب فعندما كان كل العالم يتحدث عن اوباما وتداعياته التي توثر علي حراك الانسانية كان (المودل المغمت ملاسي) ينظر الي مكوة الشعر عند اسرة اوباوما وعندمانما واستطال خلافه مع اخريين هنا ذهب الي صبغة الشعر ايضا يلاعبها الشطرنج لتصفية خلافاته التي لا نعتقد بانها فكرية في ظل وجود تغميت شديد مفاجئي...
عموما لاحقا ان شهد العالم عصور انحطاط تبشر بالانصرافية سيتكالب القوم علي هذه الصورة فهي تجسيد حي لحالة (التغميت في زمن الوسائط)
| |
|
|
|
|
|
|
Re: السطو المصور (Re: سارة علي)
|
Quote: وتسالت عن اعمال المرضي ... فهي تفتقد لل Proper Technique واكاد اجزم بانها ناتج ال Auto-setup |
فعلاً يا وليد .. و لكن – و للأمانة - يحسب له إيقافه لخاصية ال Date Stamp.
| |
|
|
|
|
|
|
Re: السطو المصور (Re: Hussein Mallasi)
|
كدي بالله فكنا بلا داتا استامب ولا داتا بيس ورينا رايك الفني والنقدي في ثنائية (التغميت والتواصل) الفوووق دي وبلاش جقلبة والتفاف معاك
مادام القصة صور في صور ورينا رايك في صورتك دي علي الاقل اخير من حكاية الصورة العريانة اياها
| |
|
|
|
|
|
|
Re: السطو المصور (Re: Hussein Mallasi)
|
داتا -ديت -دايت
ده كلو ما موضوعنا خلينا في الموضوع الاساسي زي ماقال عمر اومو
لو ربنا لماك في زول بتاع (نظم معلومات جغرافية) خلي يوقع ليك حكاية الداتا استامب والداتا بيس دي عشان ما تتخلع فينا سااكت يا مسكين
| |
|
|
|
|
|
|
Re: السطو المصور (Re: Hussein Mallasi)
|
دي تفرق يا ملاسي.. وياكافي البلاء لا بتعرف تصور ولا بتعرف تقرا الصورة.. دي حالة بتاعة لهط وانكفاء علي الذات لزوم التمتع بالجاتوه ولو لاحظت ياكيشة التغميتة زاتها نص كم... ولكن في حالتك تلك وهي كما قلنا حالة تواصل مع الاخر فلابد من الانفتاح وليس الانكفاء والتغميت كما بداء في حالتك انت عارف دي اعظم صورة تاخدها فحقو تبروزها ولو غالطك زول طوالي تطلعها ليهو لانها فعلا تعبر عن حالة انفعال المودل المصور مع الجاتو...رغم ارتجاف الكاميرا الظاهر وتغميتة نص كم تراقب المصور الذي كان يرتجف فظهر جليا في ضوئيات الصورة درجة الارتجاف الملاسي كمصور كيشة
| |
|
|
|
|
|
|
Re: السطو المصور (Re: tmbis)
|
Quote: والله دا الكنت خايف منو.. |
كان كيكي كان سارة علي - يا تمبس - يكتبوا سااااكت و ناسين السفر!
| |
|
|
|
|
|
|
Re: السطو المصور (Re: tmbis)
|
Quote: والله دا الكنت خايف منو.. |
مافي خوفا كده يا تمبس لمن ينضمو بيهو.. بس اخونا سحس في حالة افلاس فقام فتش اوراقو القديمة وقيل اذا افلس الكيشة فتش صوروه القديمة..
حسع تلقاهو مبروزها ومعلقةويومي بعاين ليها يقوم جاري
| |
|
|
|
|
|
|
Re: السطو المصور (Re: عبدالكريم الامين احمد)
|
انت عارف يا تمبس اليوم داك مفروض بعد الصورة القام اخدها ملاسي بالسرقة دي مفروض الزول يمشي يطلع في اطول برج في ولاية الخرطوم ويجي متلب يفتت حتة حتة اسبيرات لناس فريق زنقو تاني ما ينفع بس المشكلة ملاسي داك ما كان ملاسي القضيم ده اخر فصيل وضحك اهي اهي
| |
|
|
|
|
|
|
Re: السطو المصور (Re: عبدالكريم الامين احمد)
|
Quote: اليوم داك مفروض بعد الصورة القام اخدها ملاسي بالسرقة دي مفروض الزول يمشي يطلع في اطول برج في ولاية الخرطوم ويجي متلب يفتت حتة حتة اسبيرات لناس فريق زنقو تاني ما ينفع بس المشكلة ملاسي داك ما كان ملاسي القضيم ده اخر فصيل وضحك اهي اهي |
. لا يا كيكي أنا ما بتفق معاك في الحتة دي .. قول لي كيف..؟ إنت مفترض كزول ود سوق تكون واضع كل الاحتمالات .. لكن حسع بي كلامك اخير عديل كدا تقول انا ابتسمت للكاميرا .. لانو شنو إنت قايل .. كدا بقت عليك اتنين ما واحدة .. واحد اتحنكته .. اتنين اتصورته .. ياخ (جمال دقلش ) كان لما يلبس الكاكي ويجدع ليهو دبورتين .. يا حــلات البوري فوقو تجي تقول لي ما كان ...؟ يا كيكي ما تهز لينا قناعاتنا بلاي .. بعدين الابداع دا كيفن اكتر من كدا ..؟! بلاي لاحظ لي فتحة العدسة مع حركة الملعقة .. مع انعكاس اللون والكونتراستن بتاع الأبيض دا .. يا كيكي الحصل حصـل .. خلينا نطرح الصورة دي في مزاد عشان يكون فيها حق حصري وكدا
| |
|
|
|
|
|
|
Re: السطو المصور (Re: tmbis)
|
Quote: واحد اتحنكته .. اتنين اتصورته |
فعلا يا تمبس بصراحة ال2 حصلوا.. لكن انت لو شفت كتلت الحيل بتاعة ابو الشباب ده حرم مش تصور كليب عديل كده الراجل مارس علي الجاكلية الشديدة المفاجئة فاثرت في دفاعنا المجهجة تجاه الابتسامة... ولكن صبرا يا تامبا اخوك تاني راجع اوزون والمرة دي مش جمال دقلش بل ساكون في مكنة جمال حامد بتاع مدني وما ادارك ما جمال حامد ده مش ود سوق ده ود ام سويقو
| |
|
|
|
|
|
|
Re: السطو المصور (Re: عبدالكريم الامين احمد)
|
Quote: حسع تلقاهو مبروزها ومعلقةويومي بعاين ليها يقوم جاري |
.. مش احتمال يا كيكي يكون عندو إلبوم ..؟ إنت فاكر الصورة دي ساهلة ..؟ انا شخصيا لو دخلت مزاد ولقيت الصورة دي مستعد ادفع فيها دم قلبي
| |
|
|
|
|
|
|
Re: السطو المصور (Re: tmbis)
|
Quote: .. مش احتمال يا كيكي يكون عندو إلبوم ..؟ إنت فاكر الصورة دي ساهلة ..؟ انا شخصيا لو دخلت مزاد ولقيت الصورة دي مستعد ادفع فيها دم قلبي
|
البوم ايييه يا تمبس ياخي ياخي الكاميرا الصورني بيها الزول ده طلعت دخان بعد الصورة دي وشكلها كده من زمن الانجليز....رشش فلاش مرتجف(اول مرة اشوف لي فلاش مرتجف اليوم داك) وانا كان ممكن اقلع منو الفيلم ده واعمل فيها (علي عثمان وجماعته) لكن بصراحة الراجل كان فاصل فصلة بنت لذينة (انت عارف بكون كاتل حيلو عشان ياخد الصورة دي ويجي يتاجر بيها في الاسافير عندما يتزنق)
| |
|
|
|
|
|
|
Re: السطو المصور (Re: tmbis)
|
محسن خالد حا يقعد يغربل في روحو من الناس ويغربلها ويغربلها ويغربلها
لمن يقعد في الغربال براه
ومصيره الى الجنون ده لو ما كان مجنون اصلا اصلو عيونه المنططات ديل حقات مجانين
نعم محسن بكتب كويس .. وبعبر عن نفسه كويس ..وهو معجم لغوي يمشي على الارض لكن ما اكتر ولا اقلا ولا يعمل لينا فيها تنقا يعني هو زاتو ما فنان ولا حاجة زيه وزي اي صاحب مهنة اشتغل فيها كتير بحكم الممارسة حفظ حاجات وبعملها بصورة ميكانيكية
في قننانيط ( حسب تعبيره ) كتار هنا فنانين اكتر منو كل في مجاله
غايتو نحن بنكتب ونغلط املائيا ونحويا وتعبيريا وفكريا كمان وبنعلق على الحاجة الما عجبتنا بدراية وبدون دراية كان صورة ولا لوحة ولا رواية ولا كلام خارم بارم زي الكتبه محسن فوق ده وبنقول للصورته شينه شييييييييييييييييييييييينه ونتجمجر كمان وللروايته شينة شيييييييييييييييييييييييييينة وايخيييييييييييييييي ونطلع لسانا
ونصفق لمن حاجة تعجبنا حتى لو ما عجبت الناس ونفخم اتفه حاجة لو وقعت لينا في جرح ونشاتر ونتشالق ونتحشر
موش نحن الجمهور امال ايه
حتى راينا عاوزين تبلعونا ليه والحمد لله الجات النت ومرقت صوت الجمهور عشان يسمعوه الفنانين وناقلي الفن ومعيدي انتاجه وسارقيه كمان
نرجسية وصفوية وغرور وتعالي
___________ عمار الهادي ازيك ياخ لو انت عمار البعرفه انا ولو ما هو برضو ازيك
| |
|
|
|
|
|
|
Re: السطو المصور (Re: Hussein Mallasi)
|
يا ملاسي.. الليك ليك خليك من الليكليك...
يعني بطل لكلكة وجاوب علي الاسئلة البيسالوها ليك الناس هنا..انتا ما دام ما عندك حجة الشلاقة عليك شنو البتخليك تفتح بوست ويرفعو ليك الباقين.. وشنو قصة سفر وما سفر والكلام الما بيفهمو غيرك..؟؟عندك ردود واضحة رد.. ما عندك عادي قول غلبني..
وقصة سطر وسطرين العاجباك دي ما بتغلبنا..يعني ممكن عادي المرة الجاية ارد ليك بي ربع سطر..لكن اقلاها بتقرا رد...
يا ريت يا سيد ملاسي طلعني انا بالذات من راسك...اقدر علي كيكي الاول..
كيكي وتمبس ادوني درس عصر في قصة السفر دي..ما فخمتا
| |
|
|
|
|
|
|
Re: السطو المصور (Re: حنين للبلد)
|
Quote: عني شخصيا لاتفزع...الصورة عجبتني
|
سلام يا حنين ويا زولة قولي كلام غير كده في زول بفزع من صورتو ده كلام شنو يا بت الناس هووي
ملاسي ده اصلو لمن يتعصر في خانة اليك يهرب الي سفاسف امور ولكن علي مين علي مين والسونكي سنين
| |
|
|
|
|
|
|
Re: السطو المصور (Re: حنين للبلد)
|
Quote: عني شخصيا لاتفزع...الصورة عجبتني
|
سلام يا حنين ويا زولة قولي كلام غير كده في زول بفزع من صورتو ده كلام شنو يا بت الناس هووي
ملاسي ده اصلو لمن يتعصر في خانة اليك يهرب الي سفاسف امور ولكن علي مين علي مين والسونكي سنين
| |
|
|
|
|
|
|
Re: السطو المصور (Re: حنين للبلد)
|
Quote: قصدي يعني رصيدك لدى الجكس مية مية |
هلا يا حنين ومع تاميني علي نواياك الطيبة الا ان رصيدنا بين الاخوة والاخوات يا حنين بتبني باحترامنا وتقديرنا ليهم وجهدنا المتواضع بينهم هنا بكل محبة ومودة للجميع الا لمن تفرعن مثل حالة ملاسينا هذا فله البوت والنبوت
| |
|
|
|
|
|
|
Re: السطو المصور (Re: عبدالكريم الامين احمد)
|
كيكي
والله الحركة دي بكرهاكره العمى اني اسحب مداخلاتي...
لكن بالجد فهمتني غلط...امكن مافهمت هظاري ..
وانا حريصة جدا على ما ذكرت من رصيد اخوي وحرصي على احترامك وتقديرك والمحبة والمودة للجميع
عشان كدة...اعتبرني ماكتبت شيء...
مودتي وتقديري
| |
|
|
|
|
|
|
Re: السطو المصور (Re: حنين للبلد)
|
يا حنين يا حنة ياخي لا عليك يا صديقتي ممكن القاك بره البوست ده بالتحديد ويكون امرنا اكثر اريحية ومودة وصدقيني انا فاهمك تماما صاح .... لكن يا حنين احنا في غابة في هذا البوست وسط جائع مرجف فعشان كده الكلام يا حنين بكون دقيق وصارم حتي لا تعطي للاخريين الذين يصطادون في المياه العكرة العبث بالنوايا
ومودتي الخالصة يا حنين
| |
|
|
|
|
|
|
Re: السطو المصور (Re: Hussein Mallasi)
|
Quote: ومصيره الى الجنون ده لو ما كان مجنون اصلا اصلو عيونه المنططات ديل حقات مجانين
|
و الله يا وليد قريت كلامك ده قعدته اضحك جنس ضحك.... و الله الزول ده فعلا مجنون ....ده زول مسخوت خلاص
Quote: في قننانيط ( حسب تعبيره ) كتار هنا فنانين اكتر منو كل في مجاله
|
اها لمن وصلت الحته دي يمكن الجيران يكونو سمعو ضحكي المره قالت لي مالك جنيت اضحك الله سنك ياخ
Quote: لكن ما اكتر ولا اقلا ولا يعمل لينا فيها تنقا |
ما يعمل فيها تنقا كيف ؟ هو تنقا دا كان فيلسوف اصلو؟ يا وليد ما تظلم الراجل ساي...كلامك صاح الزول ده مقدد اللغه...لكن ما وقف عندها ... ده مقدد حاجات كتيره لكن اكتر حاجه عاجباني فيهو قلة ادبو علي الناس العاملين فيها صعاليق و شفوت و خرابيط فارغه اي واحد عامل فيها صعلوق و لايوق بوقفو ليك عند حدو و بقفلو في علبه و برميهو في "الادب "خانه ... يحجز "خانتو" مع باقي الناس "الإتأدبت"
| |
|
|
|
|
|
|
Re: السطو المصور (Re: ناصر جامع)
|
مرحب اخونا ناصر
يا زول تنقا ما فيلسوف ؟! والله تنقا فيلسوف جنس فلسفة في مجاله
بالنسبة لمحسن الغرور مقبرة العظماء والترفع عن الناس ما حاجة كويسة نعم يقعد كل متعدي في علبه تمام.... وكلنا بعجبنا الزول الحافظة مكانته وبواسي الفايت حده لكن تجني على بورد كامل بدون فرز والتعالي على منسوبيه وزملائه باعتبار انه زميل معانا هنا دي حاجة ما مقبولة
هسع محسن خالد قدم شنو عشان يميز نفسه عن اهل البورد
ولا اي شي اكتر من القدموه كتار هنا ولو ما اون لاين دي ولا كان سمعنا بيه اون لاين دي ليها دور كبير جدا بالتعريف بمحسن خالد
ولولا اون لاين والطيب مصطفى وحجب تومليت من قبل الرقيب عندنا في السودان ما كنا بنعرفه
ده ما بنفي تميزه لكن ما قدر يطنقع علينا كلنا مجتمعين
بعدين الناس دي ما قالت مرقت من البلد عشان الكيزان ضيقوا عليهم وحموهم الحوار
طيب مالهم حردوا اون لاين؟
عموما يا حبيبنا تحياتنا وعبرك التحايا للزميل محسن خالد
| |
|
|
|
|
|
|
Re: السطو المصور (Re: Hussein Mallasi)
|
Quote: يا زول تنقا ما فيلسوف ؟! والله تنقا فيلسوف جنس فلسفة في مجاله |
والله تنقا ده كلنا بنحبو
انتا عارف يا وليد انا كلام محسن ده اخذتو بي فهم تاني خالص ... ما موضوع تعالي و كده
ناس طلعو بيان ... ادانو الهكر .... لا نبزو زول لا اساءوا لي زول .... هم شايفين روحهم مبدعين ....علي كيفم... و يمكن انا و انت شايفين غير كده
ياخ في ناس هنا ما عندها حرمه لا لي مره لا لي راجل كبير لا لي أي شئ...طايحين في الناس شمال و يمين و ما عندهم اي شي يقدموهو للناس غير الهمز و الغمز و اللمز...زي شفع قاعدين في طرف الشارع يطقعو الماره بالحجار ... و ابقي راجل قول عيب ... يقبلو عليك يطقعوك انت زاتك... انا باقي لي محسن خالد كلامو في الناس دي
عموما تسلم يا حبيب
| |
|
|
|
|
|
|
Re: السطو المصور (Re: Salwa Seyam)
|
No, No الكلام دا عيب يا سلوى الأستاذ ملاسي دا معلم كبير جدا في توظيف ال visual art و كمان عندو ماجستير قدر الدنيا و عندو كاميرا جديدة و كبيرة قدر الكومر و صحفي كمان نباهي به الأمم شفتي مقالآته الطويلة القدر المعلقات في الصحف اليومية و المجلات العالمية? تجنن. كمان لو شفتي معارضه الفنية بتاعة الvisual art ح تندهشي
نحن ما بنلعب في ملاسينا دا يا سلوى سمح?
| |
|
|
|
|
|
|
Re: السطو المصور (Re: Hussein Mallasi)
|
Quote: سأعود – لاحقاً - للبنات العريانات المصورن تاج السر ؛ أو ما يطلق عليهن إبداعياً الموديلات العارية. |
لاحقا دي كم يعني إن شاء الله ؟
ولا يكون الدقيق كمل
| |
|
|
|
|
|
|
Re: السطو المصور (Re: محمد البشرى الخضر)
|
ود البشري هنالك احتمالان 1-الدقيق كمل ودي الاحتمال الراجح 2-Quote: كدي الليلة ابقي قدر كلامك وعود للبنات العريانات يا ملاسي عشان افرج فيك العالمين |
ده برضو احتمال وارد
| |
|
|
|
|
|
|
Re: السطو المصور (Re: عبدالكريم الامين احمد)
|
والله يا كيكي و مع احترامي ليك لكن ما اظن البياكل دش الآسات أعلاه على اللباد و يعمل رايح و يمشي فيها بنمرة خمسة زي الماحصل شي لا اعتقد انو بتهمو فرجة عالمين ثم العالمين تاني عندهم شنو ما اتفرجوا فيه
_______________________________ الأعصاب كيف مع الكورة , انا شغال ترزي بس بي جاي
| |
|
|
|
|
|
|
Re: السطو المصور (Re: Hussein Mallasi)
|
Quote: كمان لو شفتي معارضه الفنية بتاعة الvisual art ح تندهشي |
واللاهى كلو وارد يا كوستاوى ما دام خت راسو بي راس كمال الجزولى احتمال يبز احمد المرضى فى مجال ال visual art..
| |
|
|
|
|
|
|
Re: السطو المصور (Re: Hussein Mallasi)
|
كيكي يتكيك وماعندي اي تشكيل في الكيبورد ولك الشدة فوع الكاف التالتة او الياء الاخيرة او الجيم الاولى الحقنا يا محسن فنحن العوام لانعرف مكان الشدة في حالات الاسماء الاعجمية
| |
|
|
|
|
|
|
Re: السطو المصور (Re: Walid Safwat)
|
وليد صفوت سلامات.. لا ازكر بان هنالك مساحة للمرح و التواصل بيننا طيلة وجودي ووجودك في هذا المكان وان كنت تبحث عنها عبر هذا التعليق فالف مرحب بك وبكل اريحية..
واما ان كان امرك للسخرية والسخف الاسفيري المجاني فتاكد يا عزيزي بانه سلاح يسهل رده وبصورة مضاعفة وبكل سخف بارد وما اسهل الاشياء المجانية الرخيصة في هذا المكان
| |
|
|
|
|
|
|
Re: السطو المصور (Re: Tabaldina)
|
Quote: انت اتعقدت يا هندسة !!
|
معقول يا تبليدنا كلامك ده يارجل بس انا بدي الاخ وليد كل الخيارات عشان يمشي في السكة العاوزها بكل ارتياح ومادايرين نغلط علي الراجل بانطباع قد يكون خاطي وكمان ما دايرين ندي شيك مودة واريحية كسراب بقيع نحسبها مودة واريحية والقصة تكون غير كده ..... طبعا لعملك انا ما مشيت حفل نانسي يا تبلدينا
| |
|
|
|
|
|
|
Re: السطو المصور (Re: عبدالكريم الامين احمد)
|
.. .
Quote: وكمان ما دايرين ندي شيك مودة واريحية كسراب بقيع نحسبها مودة واريحية والقصة تكون غير كده |
شنو موضوع الشيكات الحايم اليومين دى اوعاكـ تتعنق مع الغرقانين
بعدين بالغت كيف ما تمشى حفة لنانسى ياخى نانسي دى من الجميلات وذات صوت شجى ومليحة الطلعة بهية الوجه رائعة الابتسامة .. وما غير ذلك فهو محض هراء
_____________
ما عارف الواحد احيانا بستطلتفك بس ياخى ملاسي دا فردتى شديد
| |
|
|
|
|
|
|
Re: السطو المصور (Re: Tabaldina)
|
Quote: بعدين بالغت كيف ما تمشى حفة لنانسى ياخى نانسي دى من الجميلات وذات صوت شجى ومليحة الطلعة بهية الوجه رائعة الابتسامة .. وما غير ذلك فهو محض هراء |
نانسي غناية وروعة مافي شك سندة ...ورد (اتو) لناس كثير مدهشين...!!! بس اليومين الفاتن زنقة بتاعة (قراية ام دق كده)...وقبضني منها الشديد القوووي وغير الشديد القوووي رجرجة ودهماء زي ناس بدرالدين الامير ومعتز قريش ديل انا مش حفلة...حرم رقشة ما اركبها معاهم
يازول شكرا كونك مرات مرات بتعود الي رشدك بس انت شيل ملاسي ده بره الدائرة ما بيني وبينك ما بنختلف كثيرا باقي ملاسي ده زولي حااااااااار زي ما بقولوا ناس دينقا
| |
|
|
|
|
|
|
|