|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
الموصلى
الرجل النغم
مع كل امنياتنا ليك بكل الرقى والنجاح، قطعا حنفتقدك ونفتقد حضورك الجميل النبيل، والاتنين والله حارات علينا، انه نقول ليك اقعد معانا، لاغم العمل المضى الماشى عليهو، وانك تفارقنا كمان
المهم يا فنان خت الخفسات فى بالك ومره مره كده ادينا هبشه، لنه اكيد نحن محتاجين ليك
وانشاء الله من ذرى عالية الى ذرى أعلى
وفى سوامق المراتب باذن الله
وليك المنى والدعوات كلها بما تشتهى وتريد
أبوذر
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
الأخ العزيز الموصلي أولا تحياتي لك ولكل من يحبك وثانيا أود أن أقول كلمة لابد من قولها وهي أننى لمست فيك الانسان بمعنى الكلمة الراقي الخلوق الصافي الذي يسعى لتقريب الناس لا لتفريقهم هذا ما لمسته من مداخلاتك وردودك المتواصلة في هذا المنبر ومن وفائك لمن حولك. ولهذا أضم صوتي لسمباتكو على أن لا تقطع الوصل بسودانيز أون لاين ولتطل كل فترة ولو مرة في الشهر فهذا أجدى لنا من أن تفارقنا رغم تقديرنا واحترامنا لاختياراتك ولكن هذا رجاء نتمنى أن تحققه لنا. وصدقا أنا لا أعرف الموصلي الموسيقار ولكن أعرف الموصلي الانسان الذي يمكن أن يقدم الكثير في أي حوار يدخل فيه.
ولك خالص شكري وتقديري أبو الطيب
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: ASAAD IBRAHIM)
|
سنفتقد فيك الفنان الانسان الصديق الاخ الاستاذ ولكن العزاء ان هفك اكمال وانجاز مشروعك كلنا نعرف ما يحتاجه البحث من جهد وتركيز فكيف الموسيقى نتمنى ان نعرف أخبارك وما تنقطع وربنا يوفقك ونسمع عنك كل خير أهم حاجة تعمل وقت محدد لمتى تريد ان تنتهى وتسعى اليه سعيا حثيثا السايقة واصلة ربنا يشرف السودان بيك يا عظيم ولك منا الحب والاحترام والتقدير والاعجاب
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
يا زول النيل ببدا من هنا أبيض حبوبة ممددة رجلينا فوق برش الأثير ولامة حوالينا جنيات ولادا , نضمي وحكي موصللي الغناوي يشدو فن وإنسان , وباقي عقد رغم العكننة مرات إلا نقول أولاد مصارين في بطن الحوش , يتشاكلوا ويتناقروا ويرجعوا في حضن حبوبة النيل سيمفونية الشوق الأزل الهدتنا لي دربو منافي القسر وحبيبة عزة غياب , تغيب يا الضي الجوة في بطن الحوش يغيب سنا وتدي عتمة , يبقى خليك ضي فينا ولو غبت ليل , إلا رجا صباحك عشم يا عشم النيل الموصللي . وقالتا تماضر هناك لاحقينك بس مادام رحيلك جبر يبقى عذرك معاك بس عشم إنتظار فيض الأزرق الأرزق والأبيض من قلبك في ملتقاهم وقت الدميرة ما يطول يا طول روح إنسان البورد . سلام وبالتوفيق وفي حفظ الله ورعايته أبنوسي دوماً
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: السمندل)
|
أستاذى الجليل يـوسـف، أنت معنا دائمـا حتى لو أحتجبت ظاهـريـا عن ناظرينا.. أنتظــر بفارق الصبــر للإستمــاع إلى سمـفونيـة النيل.. وبالفعل بـدأت (أسمــع) طيفهـا.. الأن النيل الأبيض الهادئ الجميل والصـافى.. كما بدأت أفرك اذنى لتستعـد لصخب النيل الأزرق الثائـر العنيف، والذى لا يعرف النظـام! وأتخيل صـراخ الناس وهم يضعـون المتاريس.. وعجبـونى الليلـة جوا موزعـة من جـديــد فى نهايـة هـذه السمـفونيـة الرائعـة!! (هل شطحت كثيــرا) يبـدو أننا موعـودون بعهــد ذهبى للفن الســودانى.. فهـذه تماضــر شيـخ الدين أيضـا تقـود (الصحـوة المســرحيـة) فى نفس الوقت الذى يبـدع فيـه شعــراؤنا وأدباؤنـا فى كل مجــال.
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
الموصلي بكل صدق وامانة وجدية
اول مرة ازعل في فراق زول عرفتو من النت.... بالرغم من انو علاقتنا لا تتعدى البورد.......علا انا والله جد متألم لفراقك.....والله انت زول عظيم وكبير.....وزول تتختا فوق الجرح يبرا....اخلاقك عالية... ومتواضع..ربنا يغتي عليك ويوفقك ويحفظك من كل بلا.....وعليك الله تعفى لي كان طلشت بي كلام جرحك ولا غلت عليك...... انا عارف نفسي لساني كعب وزول مخرف وبنضم ساكت....ولا اله الا الله
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
استاذنا الموصلى منذانضمامى للمنبرالحر للحقيقة كنت احد اعمدة المنبر فى الترحيب والتشحيع وهكذا عهنداك فنان متمرس فى صياغةالحروف بمثل اتقانك للنوته الموسيقية وضروبالفنالمختلفة فحقا كنت وستظل المنبع الذى ننهل منه عبرك تعلمنا المقامات الموسيقة واختلافات السلالم الموسيقية وفوق ذالك كله انت الموصلى الانسان السودانى النافح البسمة والمشبع بالطيبة. سيكون التواصل عبر موقعك بأذن الله اماعن وداعك للبورد للاسباب التى ذكرتها فكل الامل ان توفق فى مسيرة حياتك الدارسية وفى انتظار عودة دكتور الموصلى للبورد. مع التمنيات بدوام الصحةوالنجاح تحياتى
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Shinteer)
|
حبيبنا الفنان الانسان المبدع الموصلى رغم الحزن على قرار ابتعادك ولكن لا نملك الا ان ندعو لك بالتوفيق والسداد. سوف اكون اكثرالخاسرين من هذا القرار, لانى كنت انتظر وبفارق الصبر مشاركاتك القيمه والتى كانت تمثل لى بحق جامعه من المعرفه.مازال هناك كثير من المسحاحات المظلمه فى وعينا الموسيقى فى امس الحوجه الى اضاءاتك المتميزة ومازال ايضا هناك الكثير من التساؤلات.فأن ابتعدت فرجاءا لا تحكم اغلاق ابواب فيضك.دع الباب مورابا حتى يجد حبنا منفذ الى شخصك الجميل , وطل عليتا بين الفينة والاخرى كل ما سمح وقتك الغالى. سيظل تواصلنا الحميم اليك عبر كل الممكن وستظل فينا دوما حاضرا
امنيات سندسيات يايوسف بان يتشرف النجاح بك فى ابحارك القادم.
ساشد الرحال من الان وانشطر الى نصفين نصف فى تانا والاخرعلى فكتوريا فى انتظار هذا التيار القادم.
اطلب طلب خالد عويس وبنفس الطريقه ولك كل ما فى الارض من اريج موده
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
الموصلي العزيز عزاي بس إني أشوفك من جديد... في غناك ... في سماء النغم الأصيل أسمع همس وترك وأذكرك ... يا أصيل ... عزيزي الموصلي لقد جعلت من هذا المنتدى نوتة موسيقية نعزف ونتعلم منها ألحانك الحانية وجعلتني اشعر بأن كل فرد في هذا المنتدى حرفاً من حروفك الموسيقية بكلماتك الرقيقة التي تحمل روعة الفنان الذي في داخلك ولكنا فقدنا روعة اللحن برحيلك عنا. أتمنى لك التوفيق في كل حياتك يا رائع ...
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: كبسيبة)
|
الأستاذ .. الموصلى ..
أتمنى لك رحلة ميمونة .. و عودا حميدا, و أنا على ثقة تامة أنك لن تألو جهدا فى الاهتمام بالايقاعات و الألحان لمجموع التكوينات الثقافية السودانية, فى محاولة للخروج من ثنائية: "فن حديث" و "فن حقيبة", و تأسيسا لخطوط غنائية متنوعة, على غرار تنوع: فن الجاز و البلوز و الكنترى سايد و الريقى و الروك أندرول .. الخ و أتوقع لك بعد عودتك "كونسيرت" على مسرح فى الهواء الطلق و فى ساحة فيسحة, يهز أرجاء عاصمتنا الكئيبة و يغسل عن و جوه سكانها أحزانهم الدفينة ..
أتنمى لك التوفيق و النجاح فيما تصبو اليه و الى اللقاء
| |
|
|
|
|
|
|
Re: وداعا احبتي الاخوة والاخوات الابناء والبنات في سودانيس اونلاين (Re: Elmosley)
|
الاستاذ الموسيقار ... الموصلى
لقد فاجانى عنوان البوست من الوهله الاولى . وقلت ماممكن ، الحاصل شنو ؟ الزول دا مالوا
ولكن لمن عرفته السبب عزرتك ، بس علشان المصلحة وانك سوف تسمو بالاغنية السودانية الى اعلى
المناصب ، ولكن هذا ليس بسبب تحرمنا من تلك الالحان الجميلة والتوزيع المنمق فنحن عشقنا
تلك الموسيقى الفريدة ...!!
اتمنى ان يوفقك الله فيما تصبو اليه وان تنجب لنا رايعة النيل التى سوف ننتظرها بفارق الصبر
وكمان ما تنسانا طل علينا مرة .. مرة .. كدا وادينا شوية من الحاجات الجميلة دي
والى الامام دوما ......
| |
|
|
|
|
|
|
|