|
مســـــــدار الأنا المتمددة
|
أنا التاتاي أنا الشايل الصّبر جواي سايق معاهو الهمة همّ الأمة سايق الصّحبة لي ندداي صحاب الحارة والترتارة حاضن طفلي في يمناي أناحي همومو أشيل الهم لتعليمو ولي أمو الكريمة عطاي ممدود بي محنة وشوق لا بنقطع لا يروق أنا اللولاي أنا المسكين بحسبو جناي بقش الدمعة والآهة عشانو همومي أنساها بحس بي ضيقو في أحشاي وبي فرحو القليل أفرح وفي بسمو الشفيف أسرح أحس بالعافية في أعضاي أنا الصّلاي أنا الشيخ السجد بكّاي حداي السبحة والإبريق وسالك في حياتي طريق وتارك أمري لي مولاي وعازف عن مذمة زول وكايس العيشة في المقبول بديت من الدغش مسعاي على البكرية من تبيت عليها كبرت واتربيت يباركو المولى لي مسعاي يعوض صبري ذرية تعيش العمر حرية ويتحقق حلم دنياي أنا العشّاي أنا البكرم ضيوف العرفة والغشّاي أسوق الغيمة للديوان أقدم لقمة للجيعان وفي قدحا وسيع جوجاي عصيدةً حارة وملاحا تقلية تعوسا السمحة لسة بنية وبي قلبا قوي وسوّاي أخلي ضيوفي أهل الدار وأصلي علي النبي المختار أقول حرّم وحات الواهب العطّاي ضيوفي عزاز ونومي خزاز ووارث العفة من آباي أنا السّواي أنا أب قولا حقيق مو ساي وفي فعل السمح والزين تملي أقيف مع الواقفين أنا الحاحاي أرد الهجمة فوق أعداي أكاتل فوق تراب بلدي أزيل الضيمة من ولدي أنا الغناي أجر النم من الحردلو لي حدباي أسوق النيل علي الخضرة أسامر في جبل مرة تجيهو الغيمة من تالاي تصب فوق سفحو ضحوية تغرد فوقو قمرية تهيج المنقة والباباي تغازل حلفا توريت وتبقى نيالا ست البيت تراقص كسلا صوت الناي ونحن جزيرة بين بحرين معاكم في السمح والشين وفي المقرن ركزت عصاي جاتني السمحة أم درمان محمّلة بي عطا الحبّان وهبّت نسمة من أعلاي جابت بحري والخرطوم وجالت بي أكف النوم حلمت بي مطرا غزير سقّاي علي الغرا وتبلديها وهشابا ديمة راجيها ونغمة بنكهة التم تم مع الدوباي تقودك لي بطانة الخير خضار ممتد وخيرها وفير وشميت ريحة ملوك الراي جاني النيل حلو وعسجد خبرت الفلا وعديت الخلايق عد لقيت تمر الشمال بكّاي هواهو شمال ، حنينو جنوب حبيبو شرق ، قليبو غروب وأنا التاتاي أنا اللولاي أنا الصّلاي أنا العشّاي أنا السوّاي أنا الحاحاي أنا الغنّاي أنا البكّاي
|
|
|
|
|
|
|
العنوان |
الكاتب |
Date |
مســـــــدار الأنا المتمددة | ودقاسم | 03-21-04, 03:21 PM |
Re: مســـــــدار الأنا المتمددة | Elmosley | 03-21-04, 04:23 PM |
Re: مســـــــدار الأنا المتمددة | EMU إيمو | 03-21-04, 05:01 PM |
Re: مســـــــدار الأنا المتمددة | ودقاسم | 03-23-04, 12:02 PM |
Re: مســـــــدار الأنا المتمددة | ودقاسم | 03-23-04, 08:34 AM |
Re: مســـــــدار الأنا المتمددة | ابو جهينة | 03-23-04, 08:38 AM |
Re: مســـــــدار الأنا المتمددة | abuguta | 03-23-04, 11:12 AM |
Re: مســـــــدار الأنا المتمددة | ودقاسم | 03-23-04, 07:40 PM |
Re: مســـــــدار الأنا المتمددة | ودقاسم | 03-23-04, 07:41 PM |
Re: مســـــــدار الأنا المتمددة | ودقاسم | 03-23-04, 12:53 PM |
Re: مســـــــدار الأنا المتمددة | mohamed elshiekh | 03-24-04, 08:25 AM |
Re: مســـــــدار الأنا المتمددة | ودقاسم | 03-24-04, 09:53 AM |
Re: مســـــــدار الأنا المتمددة | Tabaldina | 03-24-04, 09:11 AM |
Re: مســـــــدار الأنا المتمددة | ودقاسم | 03-24-04, 12:09 PM |
|
|
|