|
|
|
 Re: أرغب في الزواج ، فهل تعينونني ؟ (Re: ودقاسم)
|
اخوى ودقاسم رمضان كريم
والله العرس سترة واى واحد/ة عشان يحفظ نفسو يعمل بى كل الطرق المشروعة والبتريحو ومايشتغل بى كلام الناس واولاد بمبمة ليهم باع طويل فى الشغلة دى موش بيقولو اخطب لبنتك وماتخطبش لابنك ,,اها يااخوى هسه نحن ماقدرين نخطب لى روحنا نعمل شنو؟ادعو لينا ساااااااااى فى رمضان دا ربنا يفك ساجورنا وساجور كل العذابة\بيات
ودالديم
| |
 
|
|
|
|
|
|
|
 Re: أرغب في الزواج ، فهل تعينونني ؟ (Re: ودقاسم)
|
استاذي ودقاسم
قد يكون عمرك اطول من عمري او كما يقولون عند توارد الخواطر هذا
كنت هذا الصباح او بالامس لا ادري وانا لوحدي في البيت سارحا افكر في امر الزواج بالنسبة للبنات وفي نفس هذا الموضوع تحديدا هل بامكان المراة ان تعلن رغبتها في الزواج مثل ما يفعل الرجل وهل يسمح لها المجتمع بالتحدث او بالبوح عن حبها لمن تريد الزواج منه صادف هذا اني كنت اشاهد المسلس التلفزيوني الامريكي فرندز وقد حدث امر مشابه من فتاة لرجل انها عرضت عليه الزواج وتامل الجميع مع الامر ببساطة وكانه امر عادي وهو ما قادني للتفكير في لما مجتمعنا ينظر لهذا الامر غير تلك النظرة بالرغم من ان في امثالنا السودانية ان زوجك لبنتك ودع ابنك يختار ولكننا نمارس العكس فعليا ولكن عندما نسمع مثلا تلك القصص والتي لا اعرف هل هي من وحي خيال او حقيقة ان فتاة حضرت الي المسجد مثلا وعرضت علي الامام ان يعلن ان هناك فتاة تريد زوجا فيستحسن الجميع في النقاش هذا الامر ولكن اذا كانت هذه الفتاة اختا او قريبة هل تكون وجهة النظر مطابقة لا اعتقد ذلك ولكن يظل الامر في نظري مطلوب جدا فالكثير من الشباب هذا الزمن يحتاجون لدفعات وحتي زمن الجامعة كانت هناك بعض العلاقات بين الطلاب وتطلب الفتاة ان تكون العلاقة جدية بالخطوبة مثلا ولا يوجد احد يستنكر الامر ولكن اظن انه في النهاية ان الامور تسير علي هذا الطريق وهو طريق موضوعي ولهن حق في ذلك اعتقد في ان لا تنتظر فتي الاحلام والفارس علي الجواد فقد ولي هذا الزمان وصارت البنات اقل رومانسية واكثر عقلانية وصار الشباب مفلسا لا يعرف ما يفعل ولكن لي زميلي هنا في العمل وكان يسكن معي قبل ستة اشهر خطبته ابنة جيران اخته والان هم في منزل الزوجية ينتظرون المولود
التوقيع
اساسي عريس جاهز
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
عزيزي:
السعادة هي ان يمتلك كا الذي يتمناه في حيانه والزواج هو العادة بحد ذاتها حيث ينعم كلا الطرفين السعادة وسوف يكون هذا الزواج اكما لنصف الدين. ويعنتب النصيب والقسمة في الزواج شئ مكتوب بأمر الله تعالى .
فعندما يكون الانسان قد احب من سوف تكون له شريكة حياته وهى كذلك , تقف بعض العقبات والحواجز تعكر صفوهم مما تطول فترة انتظارهم للزواج ويجري العمر وبيهما احلام جميلة يريدا تحقيقها.
وكذلك الفتاة تمر بعلاقة حميمة بين من تحب, فيأتيها يتار رفض أهلها لهدذا الشريك الذي أختارته, وتشعر تلك الفتاة بالحسرة والندم مما يجعلها عن رفضها لأي شاب يطرق باب بيتها.ويعتبر الحب هو اساس زكيرة الحياة في الزواج به ينعم ويسعد كل ما شاور قلبه وعقله في اختيار شريكة حياته هذا هو رأي الشخصي فهذا الموضوع الذي أعجبني
وللحديث بقية وفي انتظار المزيد والجديد في هذا الزاوية.
وعد
أتاني هواه قبل ان عرف الهوى
فصادف قلبا فارغا فتملكا
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: وعد)
|
أختي وعد
لك التحية
نعم في الزواج سعادة كبيرة ، وتكوين الأسرة حلم كل شاب وشابة ، لكن لماذا ميزاننا مختل تجاه التصريح برغباتنا والإعلان عن احتياجاتنا ، لماذا نفرح بتصريح الرجال ونستهجن ونرفض تصريح النساء
يمكن أن تكون هناك امرأة قادرة على إقامة زواج وإنشاء أسرة ، لكن الرجل الذي ترغب في شراكته تمنعه عدم مقدرته على إعلان رغبته أو تأجيلها ، لماذا لا تبادر المرأة وتعلن عن رغبتها وتتقدم خطوة نحو من تأمله شريكا لها وتقول له : أريدك زوجا لي ،
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
والله فرحت كثير برأي ود الديم وأساسي ، وأقول أنه رأي من شباب يعرضون أنفسهم للزواج ، وهم في ذلك شجعان ، وربنا يحقق أمانيهم ويديهم بنات الحلال .
بس برضو يا ود الديم ويا أساسي أنا وأنتم كلنا نحلم بأن يدخل إلى البوست بنات ويكنّ في مستوى شجاعتكما ويقلن أنهن يطلبن أزواجا ، وأنهن لا مانع لديهن من زواجكما
ولا أحد سيشنفهنّ في ذلك
أين اخوات مهيرة ؟
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
افتكر انو الرأي واضح وبسيط جدا جدا وواضح خالص خالص زييييي وضوح الشمس انو طوالي هيقولو البت دي وشها مجلد وماعندها اخلاق واضعف الايمان هيقولو انها عينها قوية وماخفي كان اعظم...
صح ولا ماااغلط....
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: Mayada)
|
ميادة
لك التحية
رغم الرأي الواضح هذا ، فالهدف نبيل وشرعي وإنساني ، لماذا لا نصر على قوة العين ، لماذا نخشى لومة من يلومنا في الحق ، لماذا نقطع الألم في مصاربنا .
أعتقد أن مشالكنا ستحل إذا تعاملنا معها بشفافية ، وإذا أعدمنا حالة التردد والخوف من أعين الناس وهمسهم .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
عساكم عافيه
ودالديم
واساسى
رمضان كريم
ودقاسم
لك التحيه وانت تفتح هذا الموضوع
السيده خديجه طلبت الزواج من خير الانام الرسول صلى الله عليه وسلم
الشجاعه مياده لك التحيه
ولى عوده ان شاء الله
ودعقاب
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ود عقاب)
|
ود قاسم الحبيب
موضوع هام و حيوي
بإختصار شديد
لكل عصر لغته ، و سيأتي الوقت الذي تقوم به الفتاة بنفس خطوات الرجل لإيجاد الشريك
ربما لن تكون بنفس خطوات الغرب ،، و لكنه سيأتي ذلك اليوم
في تاريخنا الإسلامي هناك نساء خطبن لأنفسهن ،، و لكن وجها لوجه مع الرجل دون اللجوء إلى خاطبات أو إعلان يعرفه الناس
الآن الإنترنت في كل المواقع تجد طلبات زواج من فتيات محترمات ، و بالرغم من أن أسماءهن و عناوينهن طى الكتمان ، إلا أن الوقت كفيل بأن يجعل كل شيء معروفا
مسألة زمن فقط يا ود قاسم
بس عنوان البوست جاب لى الخلعة ،، قلت ناس زياد و طلال وين عن كلامو دة ؟
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ابو جهينة)
|
أبو جهينة أحوي
لك تحياتي
تعرف يا أبوجهينة أن الكثير من المبادرات الجميلة عبر التاريخ لا تنطلق لتصبح تيارا عاما ، ولا أعلم يقينا لم يحدث هذا ، لكني أعتقد أن عاداتنا تكون أقوى من أن تخترق وأنا حقيقة استغرب سر قوة هذه العادات التي ربما تكون خاطئة ، فنحن نواجه تأخرا في سن الزواج ، ونواجه كما من العنوسة ، ونواجه كما من الزلات تنشأ عن حاجة الجنسين إلى ما هو طبيعي . المال والعمل والمشاركة الفعالة أصبحت متاحة للمرأة كما هي متاحة للرجل ، لكن على المستوى الاجتماعي فلدينا قانونين أحدهما للرجال والآخر للنساء .
لا تخف على أخوك ، فأم طلال تعمل مصححا لغويا لما أكتب وهي تمارس علي رقابة صارمة .
ولو فرطت فعلى نفسها جنت براقش
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ود عقاب)
|
ود عقاب
لك التحية
والله أنا أشوف وأعرف بنات مافي أحلى منهن ، حلوات في كل شئ ، لكن الاسوار الاجتماعية تحيط بهن وتقيدهن ، فتؤجل سعادتهن بحجة أن النصيب لم يأت بعد .
بعدين المشكلة ناس كثيرين عايزين أزواج لبناتهم ، وناس كثيرين عايزين زوجات لأودهم ، بس المشكلة في الأسوار الاجتماعية .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: حمزاوي)
|
أخي الفاضل ودقاسم..
اود ان احييك علي طرحك مواضيع جادة وواقعية تمس المجتمع..
مسألة تصريح الفتاة برغبتها في الزواج..علنا ..تحدها الحدود ..وتحول عنها حواجز داخلية نفسية ..الحدود تمثلها العادات والتقاليد المتوارثة في ان الصورة المألوفة هي مبادرة الرجل ..والصورة المقلوبة ..تعد جرأة ان لم توصف بالوقاحة .."والعين البيضاء" كما ذكرت الأخت أعلاه..في تقديري ان المحددات الداخلية اوقع ..في تأثيرها علي عدم الإقدام ..وهي الكبرياء ..الذي يحول دون طرح النفس..ودوننا كثير من العلاقات من طرف واحدة إحساس عميق ..يملأ المرأة تجاه احدهم وتتقطع نياط قلبها عليه حباً ووجدا وهوى فيظل حبيسا ..مقيدا..يلهبه الكبرياء بسياط المنع وان لا لابد من حفظ الكرامة..وهو الأقوي حسبما اعتقد من قيود المجتمع..حيث ان الإحساس..بشئ من ذل للنفس يعترى الممكون اذا ما بادر وصرح ..والإحساس بالموقف الأقوي للطرف الثاني ..في أغلبه هو السائد مدي الحياة اذا ما تم الزواج بعدها ويقيني في ان الأفضل ان تسلك المرأة في سبيل رغائبهافي هذا الخصوص طرق أخرى للتنبيه..اذا تتطلب الموقف ..وبلغ السيل الزبى!!!!
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: انا بنت النيل)
|
أختي أنا بنت النيل
لك التحية
هذه العادات صنعها غيرنا وورثونا إياها ، والآن نحن مقتنعون تماما أن فيها ما يضيق علينا وما يؤثر سلبا في حياتنا ، فهل نظل نرعاها ونهدهدها ونطيل أمد بقائها ، أم أننا سنعلن تمردنا عليها ونسعى لاجتثاث جوانبها السلبية ونبقي على الجوانب الخيرة منها .
نحن مواجهون بتحديات ، وعصرنا غير عصر مورثينا ، فلماذا نظل نحتكم إلى قوانين عصرهم ؟
أشكرك على مداخلتك القيمة
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: حمزاوي)
|
أخوي حمزاوي
لك التحية
أنا وانت برضنا ممنوعين من التصريح عن رغباتنا ، وهذا أيضا يشمل أخوانا ناس الكاشف كلهم .
عسى أن يأتينا مشروع السلام القادم ببعض من حرية لنتمكن من الإفصاح عن احتياجاتنا .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
1- ودقاسم
هذه تجارب حيه
أ- في زيارتي الأخيرة قلت لبت الجيران ذات الخلقة والاخلاق :أنتي يا بت سمحه وظريفة وشاطرة ومؤدبه مالك ما عرسوك لغاية هسع ، الرجال ما بيشوفو ولا إنتي ما بتعرفي تعرضي نفسك ، البنيه إندهشت وضحكت وقالت : لكن نحن نعمل شنو؟
قبل ايام إتصلت زوجتي قالت لي عملت شنو في موضوع فلانه لقيت ليها عريس ، إتصلت بها وأكدت انها تفوصني تمامآ في إيجاد عريس لها ، وانا الأن أسعى كأشطر خاطبة وأيدكم معانا يا جماعة الخير
ب- صديقي مقيم في العالم الأول ما وراء البحار منذ سنة 95 ، سوف نلتقي إنشاء الله في الوطن في يناير القادم ، طلب مني ان اضع مسألة زواجه في أولى المهام
ج- صديقي هنا عنس ،فاتحني برغبته في تالزواج وأن مشكلته تكمن في الاختيار بسبب غيابه سنوات طويلة عن السودان ، كذلك أوضاعه في العمل لم تساعده ، الأن حصل على وضع أفضل ، معآ إتصلنا بالسيدة رشيدة حرمي المصون ، أخذت منه المواصفات المطلوبة ووعدته خيرآ ، وفي ذات المحادثة حدثتها عن صديقي في ب وهو صديق لأسرتنا ، قالت لي أخيرآ إقتنع!؟ ما حا أساعدو إلا بعد ما يجي هنا ويحلف إنو جاد حتى تنظر في الأمر
د- بناتي ساندرا وماهيتاب على وشك التخرج ، هددتهن ، سوف أمهلهن سنتين بعد التخرج إذ لم يتزوجن لن أكون مسؤل عنهن وكل واحدة تتصرف ويمكنها أن ترحل وتؤجر شقة ، ساندرا قالت إنها آملة ان تتزوج قبل إنتهاء مهلة السنتين وناقشتني في أحدهم ، أما ماهيتاب فرحبت جدآ بفكرة أن ترحل وقالت من الأن سوف تبحث عن شقة مؤمنة وحا تزورنا في الأسبوع مرة
أها شن رأيك؟
2- ود الديم
ياتو ديم يا فردة؟
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: أبو ساندرا)
|
أبو ساندرا صديقي
لك التحية
زمان يا أبو ساندرا لما أنا كنت طالب ، كان عدد البنات في الجامعة محدود جدا مقارنة بعدد الأولاد ، وكان أي عشرة أو خمستاشر ولد ممكن يرضو بصحوبية بت واحدة ، لكن في بنات من يوم ما دخلوا الجامعة لي حدي ما اتخرجوا ما اتكلموا مع ولدين ، بعضهم عاملات تقيلات ، وبعضهم معقدين وبعضهم يرى أن الونسة مع الأولاد لحسة كوع ، وقد زرت في مرة إحدى زميلاتي في موقع عملها ، واستقبلتني استقبالا كريما ، وكانت قد تزوجت وأنجبت وأصبحت مديرة في عملها ، وسألتها عن الزملاء والزميلات واجتررنا الذكريات ، وقطعنا قطيعة كتيرة جدا ، واتضح أن الغالبية العظمى من الزميلات لم يتزوجن ، ولا أعلم السبب ، لكني أعتقد أن الأسوار الاجتماعية هي السبب .
قلت لبنتي فدوى وربما تكون في سن ابنتك ساندرا ، ما عندك كيس case قالت لا ، قلت لماذا ؟
فردت أمها نيابة عنها :
بالله في راجل يسأل بتو سؤال زي ده ؟
لكن زجر الأم لي لم يمنعني أن آخذ ابنت على جنب وأن أعيد سؤالي ، فقالت ابنتي
يا بابا والله خايفة الأمور دي تشغلني عشان كده صارفة النظر عنها ، لكن الأمر يزعجني ، وأخشى أن تكون ابنتي لا تريد أن تفصح عن رغباتها
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاستاذ ود قاسم
لا توجد في الحياة مشكلة فيما يتعلق بالاحاسيس والمشاعر الراقية من يعبر او من يقول ، واذا وجد الرجل الذي الذي يمكن ان يستوعب ذلك بصدق وفهم كامل اعتقد انه ما في مشكلة .
ولك التحية والتقدير
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: maia)
|
مايا
لك التحية
صحيح إن وجد الشريك المناسب فلا مانع من إعلان الرغبة ، لكن إذا لم يتوفر هذا الشريك فإن التعبير عن الحاجة والإعلان عن بدء مرحلة البحث عن شريك مناسب يكون عملا مرفوضا من الأسرة والمجتمع ، والانتظار السلبي يضيع الفرص ويضيع شباب العمر وأحلى أيامه .
وهناك حالة طلب من الجنسين ، فقط الأمور تحتاج إلى تحريك
لك الشكر على مداخلتك
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاخ ود قاسم
لا اعتقد ان هنالك غضاضة ان تخطب لبنتك او ان تخطب الفتاة لنفسها، فهنالك مثلان حيان لدينا الاول ما ذكره الاخ ود عقاب عندما طلبت السيدة خديجة ان تتزوج من رسول الله واخبرت جاربتها فذهبت الجارية لسيدنا محمد صلى الله عليه وسلم وسالته لماذا لا يتزوج فذكر لها عن حاله فسالته لماذا لا تتزوج السيدة خديجة؟ فسالها هل ترضى هي ان تتزوجني وانا فقير وهي غنية فقالت له دع الأمر لي وانا ساخبرها وبعدها تم الزواج المبارك الميمون وهذه هي القصة باختصار وتصرف
اما المثال الآخر ففي القرآن الكريم ما جاء في قصة سيدنا شعيب مع موسى:
Quote:
"فَجَاءتْهُ إِحْدَاهُمَا تَمْشِي عَلَى اسْتِحْيَاء قَالَتْ إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا فَلَمَّا جَاءهُ وَقَصَّ عَلَيْهِ الْقَصَصَ قَالَ لَا تَخَفْ نَجَوْتَ مِنَ الْقَوْمِ الظَّالِمِينَ (25) قَالَتْ إِحْدَاهُمَا يَا أَبَتِ اسْتَأْجِرْهُ إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ (26) قَالَ إِنِّي أُرِيدُ أَنْ أُنكِحَكَ إِحْدَى ابْنَتَيَّ هَاتَيْنِ عَلَى أَن تَأْجُرَنِي ثَمَانِيَ حِجَجٍ فَإِنْ أَتْمَمْتَ عَشْرًا فَمِنْ عِندِكَ وَمَا أُرِيدُ أَنْ أَشُقَّ عَلَيْكَ سَتَجِدُنِي إِن شَاء اللَّهُ مِنَ الصَّالِحِينَ (27) قَالَ ذَلِكَ بَيْنِي وَبَيْنَكَ أَيَّمَا الْأَجَلَيْنِ قَضَيْتُ فَلَا عُدْوَانَ عَلَيَّ وَاللَّهُ عَلَى مَا نَقُولُ وَكِيلٌ (2 " القصص
|
استمعت مره لتفسير الشيخ احمد الكبيسي وهو يفسر هذه الايات وقال ان الأب علم من بنته انها ترغب في ان تتزوج من هذا الرجل حين ما طلبت منه ان يستأجره لأنه قوي وآمين وسالها كيف عرفت قوته فحكت له كيف ازاح الخرة لوحده وهيالتي لا يقوى عليها ثلاثون رجل وعن امانته حين ما جاءته لم يرفع راسه لينظر اليها وحينما سارا طلب منها ان تسير امامه حتى لا ينظر اليها ففهم الأب وطلب منه ان يستاجره وفي المقابل يزوجه احدى بنتيه وهو يقصد التي جاءته واتت به للبيت وفعلا تزوجها هي
فمن القصتين نفهم ان البنت يمكن ان تخطب لنفسها لكن بنوع من اللباغة والكياسة حتى لا يساء فهمهالأن الصراحة الشديدة قد تكون ضارة في بعض الاحيان
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الأخ ياسر
لك التحية
المثالين المذكورين مثالين قيمين ، لكنهما أيضا تدخلان في خانة الاختراقات ، التي لم تتحول إلى تيار عام ، وهما تؤكدان على أن الدين لم يمنع أن تعبر البنت عن رغباتها وأن تعلن عن حبها وإعجابها ورغبتها في الشريك ، لكن قيودنا الاجتماعية من أين أتينا بها ووضعناها في أيدينا ،
وأنت تلاحظ في التقرير الذي أوردته أن نسبة العنوسة ترتفع وأن الأمور النفسية تتعقد ، وبالتالي فإن المجتمع يخسر ، ألا ترى أن من الأفضل أن نفعل شيئا ، هل هناك إجراء جماعي يمكن أن نتخذه ، هل هناك وسيلة يمكن أن نحرك بها الأشياء الساكنة ؟
أعتقد أن للمرأة حقوقا موضوعة على الرف وأن المرأة لا تريد أن تمد يدها لتأخذ هذه الحقوق ، أو أن هناك يدا ثقيلة تمنعها من نيل حقوقها .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاخ ود قاسم
سلامي ورمضان كريم
موضوعك قيم جدا وشائك
ليتني اعطيك امثلة حية كنت لصيقة بصحباتها وهي عندما تكون البت
هي البادية في العلاقة
هذه الشابة انسانة صريحة ونقية ولكن كانت لديها اراء عن الرجل
والمساواة وعندها عدة نظريات حتي كانوا مسمينها د نوال السعداوي
في يوم كدا جات فجاة وقالت انها وجدت فارس احلامها وطبعا البنات كلهم ضحكوا وقالوا ليها وين نظرياتك المجننانا بيها
قالت ليهم دا اكسر ليه نظريات الدنيا كلها
المهم كانت بتعمل في بحث دراسي وذهبت له في المكتب وهامت به وبدا همها الشاغل هو كيف تبدا معه علاقة ولاتوجد طريقة لملاقاته مرة اخري
ماذا هي فاعلة ؟
وبدا الكل في اعطائها افكار ولكن ماذا تفعل بالحواجز الاجتماعية
اللتي تمنعها من ابداء اعجابها
المهم في اخر زيارة عمدت الي نسيان بطاقتها الجامعية في مكتبه
وبدات تنتظر ولم يظهر فارس الاحلام والكل حاول اقناعهابنسيانه
قالت ليهم انتو ما عارفين الزول دا عمل فيني شنو انا حياتي ما حسيت لي باحساس ذي دا وبرضو اضيعه
المهم زولنا ظهر بعد 10 يوم كدا حاملا البطاقة وطبعا صحبتنا
تظاهرت انه بطاقتها ضاعت وما كانت عارفاها وين ومن هنا تم
التعارف وبعد كم مقابلة سالها اذا كانت لديها رغبة في الارتباط به
تعرف قالت ليه شنو والله انت فاجاتني وكدا اديني فرصة افكر ...الخ
في حين انه قالت لينا في اللحظة القال لي فيها الكلام دا قربت
اطير من الكرسي واقول ليه اخيرا نطقتها انت ما عارفني اناكنت
اعد الليالي والنجوم عشان اللحظة دي لكن قت يا بت ارجلي وخليك جادة
اها شفت اللف والدوران دا كيف يا ود قاسم
اواصل
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: tasneem)
|
العزيزة تسنيم
لك التحية
أشكرك على المداخلة ، وآمل أن تواصلي ،
من أخطر أشيائنا أن نحمل أفكارا نتحدث بها ، وأفكارا أخرى نتعامل بها ، هذه الازدواجية مسألة خطيرة .
ولي أحاديث وأحاديث .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاخ ود قاسم
سلامي
لماذا عندنا تلجا الفتاة الي اللف والدوران وتتجنب الطرق المباشرة
هل لان المجتمع وضعها في هذا السياج ام لشي في نفسها ام انهاتخاف ان
لايفهمها ويستوعبها الرجل اذا تعاملت معه بصدق وحسن نية ام انها اقتنعت بهذا
الدور السلبي ؟؟؟؟؟؟؟؟؟؟؟؟؟؟؟؟؟؟
والي متي سوف يظل هذا الوضع
افتكر بان الرجل يلعب دور اساسي لانه دايما يفضل ان تاتي البداية
منه .
مثالي التاني هو بنت لطيفة بسيطة في تعاملها وهي مصدر
اشعاع للمرح اينما حلت ولذلك هي محبوبة للكل وهي بنت مغتربين مروقة
في يوم كدا كانت تبدو مهمومة غير عادتها مما ادي الي حيرة من حولها
وحاولوا صحباتها معرفة سبب ذلك ؟ وقالت لهم هي بكل صراحة
وصلت الي قرار خطير في حياتها وهي انها بتحب استاذها الجامعي فلان
الفلاني وماشة تقول ليه
صحباتها كلهم قالوا ليها يا بت انتي مجنونة تختي نفسك في وضع ذي دا
وياتو راجل سوداني الممكن يستوعب الكلام دا
وليه تضعي نفسك في وضع ذي دا والناس الجارين بوراك ديل كلهم خليتيهم
وبدات تسمع كلام كتير في الموضوع دا ونظريات ودروس
لكن برضو عملت الفي راسها وذهبت له وبكل بساطة اخبرته
تعرف قال ليها شنو
قال ليها انتي متاكدة من الكلام البتقولي فيه دا
بعد داك اشاد بيها
وقال ليها انا برضو عاوزك تعرفي من اول خطوة انه انا القدامك دا
انسان من اسرة بسيطة وابوي عامل بسيط وساكنين في بيت ايجار واخواني سبعة وانا اكبرم وبساعد في المعيشة
امشي فكري في الكلام دا كويس وادي نفسك فرصة كافية
واذا لم تغيري رايك وعاوزاني تعال نشوف الخطوة الجاية
المهم في نهاية الامر اتفقوا وامورم مشت تمام.
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: maia)
|
العزيزة مايا
لك التحية
وتقبلي تحيات فوزية ، فقد قرأت تحيتك قبل أن تسحبيها ، حد يسحب السلام يا مايا ،
وفدوى أيضا تبلغك تحياتها ، فهي هذه الأيام معنا في دار الغربة وبها اكتمل عقدنا وتحقق لمّ شملنا،
تعرفي يا مايا سألتني أمي يوم حنتي للزواج ، قالت :
انت يا ولدي مالك بالك مشغول بي شنو ؟
وكانت أمي تظن أن المشكلة مشكلة قروش أو إرهاق ، لكنها فوجئت حين رددت عليها :
والله يمة أنا مشتاق لزوجتي وعايز أكون معاها وانتو قاعدين تطولوا الحكاية بدون أي سبب ،
فكان رد أمي :
أجي يا ولدي ، بسم الله ليك ، هسة ده كلام الزول بيقولوا قدام أخواتو .
يعني أي تعبير عن الحاجات الجميلة ممنوع .
لكن أخواتي والحاضرات كن سعيدات بهذا الكلام وبعضهن ما يزال يذكره ويردده في وجودي ووجود زوجتي .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
محمد قاسم! ،،عفيت منك يا دوب عرفت سر الصحوبية بيناتنا ،يا زول يا رائع ،واقعة ليلة العرس ، يا شفقان ، مفروض تخلي فوزيه تتوقع منك سؤالك لي فدوى ، ما هو الزول الشفاف البيقول الكلام ده ، لازم يسأل السؤال ده
نحن نتعمد نحكي { قصتنا} قدام البنات وواعين للآثار ، يوم فاجأتنا ماهيتاب قائلة ، عملتوها وكان حلال عليكم ، بكره لمن نعملها نحن تتجننوا وتبهدلونا ، أم لسان كانت عايزه تستصدر موافقة مبكرة على بياض ، وقايل صاحبك إتلفت ! ولا رشيدة ما إتباقصت على طول قالت ليها أعمليها وختينا في الصورة عشان نقيم معاك ،
يا صديقي انا حاصل لي العكس ، خايف واحدة منهن لا تجد حظها في الحب والزواج ودائمآ أوصيهن إنهن ما يضيعن وقتهن ، بوضوح لا إعتراض لدينا ومتفقين ان يكون كلو في النور
في حاجة تانية ما عارفها عادية ولا غريبة ، وهي انه لم يحدث إعتراف بيني ورشيدة لآ قلت ليها ولا قالت لي كانت صداقة وتطورت بشكل طبيعي ولم تكن هتاك حاجة للتصريح ، كنا فاهمين الحاصل ، وكذلك الناس الحولنا ، يعني ما قلت ليها عندي حاجة عايز أقولها ليك ، ظللنا خمس سنوات لاصقين في بعض ، يوم قلت ليها يلا نمشي معرض الغابات عشان العفش ، قالت لي طيب أديني فرصة ،أرسم الديزاين العايزاهو ، وبعد يومين قالت إنها جاهزة ،عاينت للرسومات والمطلوبات المكتوبة وجدت بينها سرير دبل {مزدوج} قلت ليها ده لزومو شنو ، قالت لي عشان نرقد فيهو العيال عشان ما يقعوا ، شفت الجن؟!
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: أبو ساندرا)
|
أبوساندرا
كيفك ورمضان الدوحة
تعرف يا أبوساندرا أنا أتصور أن هناك الكثير من الأمور التي يعتبرها الناس أمورا معقدة وهي في غاية البساطة ، كما أنني اعتبرها أمورا طبيعية ليست فيها غرابة ،
فوزية وفدوى - وكان عمرها سنة واحدة في تلك الفترة - ذهبتا إلى السودان وبقيت أنا في الرياض ، وبعد صبر ثلاث أسابيع كلمتهما بالتلفون وتحدثت إلى حماتي أم فوزية ، وقلت لها خلاص كفاية عليكم خلوهم يرجعوا الرياض ، فقالت لي أنها لم تشبع من فدوى بعد ، فقلت لها مافي مشكلة يا حاجة رجعي فوزية وخلي فدوى معاك .
وفوزية يا ابو ساندرا لا ترفض حديثي مع فدوى لكنها تريد أن تنفرد بها وتحادثها هي ، وكلاهما يعتبران ودقاسم بتاع شمارات ، يعني لو فدوى أحبت أحدا وودقاسم عرف الكلام ده معناها ينشرو في المكتب ووسط الأصدقاء وفي النت وغيرو .
ولو قدر لك أن تقابل مصطفى نصر أو أي من العزابة الذين كانوا برفقتنا ببيت امتداد ناصر لوجدتهم جميعا يعرفون فوزية ،
مشكلة فدوى انها تعبانة وضعيفونة وعينها طالعة ، لا طلعت طويلة زي أبوها ولا سمينة زي أمها ، وعلي العليها بتريد القراية ريدة شديدة وأنا خايف عليها تطلع من المولد بدون حمص .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: Rawia)
|
راوية ابنة استاذي الجميل في حنتوب الجميلة
سلام عليك
الحكاية فعلا مش شكل ولا طول ، لكن فدوى كل من يراها يقول أنها في سادسة ابتدائي ، ويعتبها شافعة فيصرف النظر عنها ،
وأنا وأمها وزننا الإجمالي 180 كيلو
وقد عاكسها أحدهم وهي في طريقها للجامعة ،بقوله :
يا سلام عليك انت لمن تكبر شوية
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاستاذ ود قاسم
لك تحياتي وللخالة فوزية وفدوى
اتعود الناس في مجتمعنا عموما على الخوف من البوح بتلك الاحاسيس الجميلة التي تجيش في القلب ، والمصيبة انهم بيتعاملوا معها وكانها من المحرمات التي يمكن ان تكون سبب في خلق الكوارث ، مع انه الامر ابسط من كده بكتير ، فالناس هم من يعقدون الحياة ويخلقون اسباب التعقيدوالقيود.
مع انه كم تكون الحياة جميلة وتستقيم بلحظة بوح صافية واحساس جميل ينطلق بدون قيود
مع انه بعتقد ناس زمان كانوا اقدر على الحب والوضوح في مشاعرهم
واذكر احدى قريباتي امراة كبيرة في السن قالت لينا انتوا ناس الزمن ده لا بتعرفوا تحبوا ولا بتعرفوا معنى الحب والعشق ، فاخذت تحكي لنا عن تجربتها الطويلة المدهشة جدا في عالم الحب والقدرة على الصراحة
جيلنا بالرغم من التحرر المظهري الا انه ينقصه الكثير جدا المحتاج للوقوف عنده ومعالجته
تسلم يا استاذنا وتحياتي الكثيرة جدا للخالة فوزية وفدوى وياريت لو نزلتوا صورهم عشان نشوفهم
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: maia)
|
ابنتي مايا
لك التحية
لا أقول من اشتغل بالناس مات هما ، لكن أقول أننا يمكن أن نحقق بعض الاختراقات وأن نسعى لتحويل الاختراقات الجميلة إلى تيار عام ، تماما كما تصلنا الموضة وتلاقي منا ترددافي البداية ثم ما تلبث أن تكون مقبولة بل مطلوبة من الجميع ، الآن أنا وأبوساندرا وفوزية ورشيدة جاهزون لكل ما يأتي منكم ، يعني كل واحدة تطبق عريسها في يدها وتجي ، ومن أرادات أي عون في البحث عن عريس فلن نتردد أبدا في تقديم العون لها ، ومن لم تظفر بالعريس فعليها وزرها ووزر من عمل بعملها إلى يوم القيامة ، وأعتقد أن هناك الكثير من الآباء والأمهات سيشاركوننا نفس الموقف ,
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
العزيز ود قاسم
لأهلي الشايقية في البركل عادة لا أستطيع الزعم أنها موجودة عندكل الشايقية عندما يتقدم للبنت من يطلب الزواج ينادي العم عادة أبناء إخوانه ويشاورهم أن فلان تقدم طالبا يد فلانة ، والأمر في ظاهره مشورة ولكن ماتعارف عليه أن من يعترض منهم يعني أنه يريدها لنفسه
وله أن يقترن بها لو أراد وطبعا بعد موافقة الفتاة ، أما المجتمع ككل فتختلف فيه العادات بإختلاف القبايل في السودان وأذكر أحد الزملاء في البورد ذكر قبل مده عادة أحد القبايل في جنوبنا الحبيب وكيف أن الفتاة تمر علي صف من الرجال طالبي الزواج وتختار منهم بإشارة من أصبعها .. وأذكر أيضا ذلك الأب الذي خطب لبناته بإعلان صحفي وقد كان ذلك مثار حديث طال زمن .. عموما لا أري ضير في أن تخطب الفتاة لنفسها خاصة لو إرتأت فيمن تطلب الوعي والموده
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: aba)
|
أبا أحييك في رمضانك البارد جدا في تلك البلاد البعيدة
عادة الشورة موجودة عند كثير من القبائل السودانية ، وأهلنا الدينكا والجنوبيون عموما بناتهم يتمتعن بحريات أكثر مما تتمتع به بنات الشمال ،
بس تعرف يا أبا أنا عندي ليك مثال انتصر فيه الخاطب على نظام الشورة :
أختي الأصغر مني تزوجت وهي صغيرة جدا ، والسبب أن أقرباءنا وهم يسكنون في قرية بعيدة عنا جاءونا ثاني أيام العيد ، والوالد عليه رحمة الله كان ( عندو موية في الحواشة ) وكان عمي موجودا ، فتوقف البص الذي حمل أهلنا هؤلاء أمام بيتنا في القرية ، وقابلهم عمي وهو يعرفهم واحدا واحدا ، لكن نزل إليه واحد فقط من كل الركاب ، وقال له نحن جيناكم طالبين نسب ، كان أديتونا بننزل ، وكان ما أديتونا والله من عربيتنا دي ما نازلين ، فسأله عمي من ستزوجون ، قال فلان ، وكانت أختي في تلك اللحظة في بيت الجيران ، لكنها خرجت متوجهة إلى البيت لما شعرت بأن هناك بص وضيوف وحوار ، فقال لهم عمي ليست لدينا بنت جاهزة للزواج . قال الرجل : نأخذ أكبر بنت عندكم في البيت ، ولو كانت صغيرة نربيها عندنا ، فقال لهم عمي إن تلك القادمة هي أكبر بنت عندنا وهي كما ترون صغيرة ، قالوا ونحن نريدها ، قال عمي على بركة الله ،
فنزل الزوار ، وذبحت الذبائح وحضر الوالد وحكوا له ما حدث ، فقال لعمي خيرا فعلت ، واجتمع الأهل وكلهم باركوا .
لكن أبناء العم والخال من الشباب لم يعجبهم هذا الحال ، وبما أن آباءهم باركوا فلا حيلة لهم ، فأرسلوا بعضهم لعمة لنا أيضا تعيش في قرية أخرى ، وكان لديها ولد ربما أمل أن يتزوج أختي هذه ، وجاء هؤلاء الشباب بعمتي وهي تبكي وتسكلب ، وأبدت اعتراضا شديدا على خطوبة البنت ، وأحضرت ولدها معها ، وقالت لوالدي ، اكتب لينا جواب للناس ديل ، نمشي ليهم أنا وولدي ونقول ليهم الولد داير بت خالو
رفض والدي وقال أنه أعطى كلمته ولن يتراجع عنها ، لكن أخته مارست عليه كل الضغوط ، فقال لها لن أكتب لك خطاب ، ولكن اذهبي لهم أنت وولدك وقولي لهم لن أتنازل عن بنت أخي وأريدها لولدي ومن يقربها غيره فسأفعل له وأفعل ،
أطرقت عمتي ، وبدأت تعود إلى رشدها وباتت في ضيافتنا ، ثم باركت الخطوبة صباح اليوم التالي .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: Tumadir)
|
ود قاسم
و الناس الخشّو بي جاي
اهلاً
قررت ان اتكلم ساي كما تشاءني الكتابة .. بهدوء من دون ان اتلبّد ورا طعامة المفردات ..
*********************
امبارح كنت زهجان .. جيت مارّي بي جاي .. يمكن فضول من اتهبش في ذات الامنيه بحوش سمح للحنين ، يلمّني في البت البحبّها .. يلمني في زول امين علي الشوق .. يرتاح لابتسامتي الولوف ساعة بوح معافي من طنين ما نحمله في ضهر الزاكره من ارث وسكات وحاجات تانيه تمنعنا من ان نكون نحن وكت نمد ايد احتياجنا للآخر بخجل .
تعرفوا
فرتقت الزهج .. فكّكتو وختّيتو قدّامي .. لقيت الكمان في الطريق للحبيب .. قلت ليهو القلب سمّعك غنوتو.. قال سمع انّو لحن الهوي انكوي بالجوي والكلام المرتّب في دم الحبيب كان غريب!! نبّه الامكنه لانفعال الرويد بالخطا تقترب تقترب تقترب .. من جديد تبتعد!؟؟؟
كوركت ما سمعني غيري ..
بكيت .. لملمت ادمع انشطاري لكوكبين من العشق وقلت .. ارجل
عندها تزكرت عمر الدوش ...و .... سعاد ... و
اتمحّنت .. رقدت فوق ضل الورق ونزفت .. لم يقرأني سواي قلت(قدر ما الله ادّاني مروّة شوق في شرياني بحب تاني وبحب تاني وب....) تزكرت محمدالحسن سالم حمّيد وفيضانات الريد للوطن والبنت والولد ...
هزّيت قلبي .. تساقط رطب وحدتي ..
رفعت اكفّي وقلت ( يا الله الحبييييييييييبه )...و تلوت
يالتي كلّما قلت ليك ما تجي نتّكي في المكان الحريف من دمي
حلّقت في سماك البلاد
والحمام سلّمك غنوتي
لوّنت ضحكتك نكهتي
نكهتي رتّبت مشيتك في المسام
يدّنا في بعض
هل تمام ترحلي؟
دا الحصل
يا بلاداً بلا ايّ داعي بتسرق وكتنا
قلوباً جوانا رمتنا علي الشطّ
نادت لنا النيل
هئ لهم غرقاً ناعماً
ومحاراً
كمنجه
ندق الكمنجه بصوتا الحميم
تنفلق في جوانا السنين العجاف
البنات اللطاف صفّقوا
والمحار استلف من جواهو الرزاز الشفيف
الغرق اندهش!
يا
بلاداً
بلا
ايّ
داعي
بتسرق
وكتنا
....
و
تاني خشّيت جوّه الكلام الفي البوست دا .. قلت يمكن القي اجابه توريني اعمل شنو .. وكت تلقي الحبيب .. ويلبد تحت شجرة طناشو
اها
المسأله ببساطه في موضوع الزواج
ايوه .. ايوه أكيد في احتياج جارف لمن يتقاسم معك نصف لفافة ما تبقّي من صبر علي الحياة .. تخت ايدك في ايد شوارعو الجوّانيه وتحوم معاهو جوّاك بصدق وشفافيه وعدل فيما يخص اختلاف الشوف للعالم .. ترصف معاهو طريق سرّي يؤدي لضوء قمر مناسب ليجعل ظلام الحاصل نهار كارب وحدائق وريفه للقصائد .
بس
لي سؤال حريف يقلقني ساعة البت .. ساعة الحب .. ساعة التفكير في كوخ اتلمّ فيهو معاها ونتخمد ننوم تحت سقف المعقول من حياة حدّ التخمه والبساطه والانبساط .. ساعة كل ما انكتب هنا .. اعمل مع السؤال دا شنو ؟؟ :
لو كان السؤال الحب
تقدر تطول زيّك
وتشبه روعتك جوّاي
عشان اتقبّلك ؟
واهبش ملامحك برّه
دافرك جوّه مرّه اتأملك ؟
هل
تقدر
اذا
حبّيتك ؟
......
سأعود .. الوجع حي .. وانتو فتحتو الكلام دا براكم.
وسلام الي مطلع الامر
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: عاصم الحزين)
|
عاصم الحزين
أستزيدك من عذوبتك ، وأجد أنها تحرك الساكنين ، والساكنات ، الراكدين ، والراكدات ،
يا جماعة الحب حاجة جميلة جدا ، ولا يجوز أبدا تقطيعه داخل المصارين ، لابد من إعلانه على الملأ
ألم تروا كيف ملأ قيس وليلى ، وكثيروعزة ، وتاجوج والمحلق ، وروميو وجولييت ، ألم تروا كيف ملأوا دنيانا بالشعر والأدب الجميل
بيننا كثيرون مثلهم ، لماذا نستسلم لقيودنا ، لننطلق فإن الحب حدث جميل ، والزواج حصاده ، وهو حق لنا جميعا ، أولاد وبنات ، من حقنا أن نعلن عن احتياجاتنا وأشواقنا وا، نصرح علنا عن رغباتنا
لم لا
| |
|
|
|
|
|
|
|
|
 Re: أرغب في الزواج ، فهل تعينونني ؟ (Re: wd al geran)
|
الاخ ودقاسم
الف تحية ليك
وكل المشاركين والمشاركات
شكرا للطرح والكلام في الممنوع
من نزل البوست وانا اتاوق وامشي...اتاوق وامشي
عندي كلام كتير محبوس و بدور اقوله
لكن ما داير يطلع قدر ما حاولت
دعواتكم اللسان يتفك(ربي احلل عقدة من لساني)
وساعتها
لن اتوقف
وحانكت البوست دة ولو غتس في نهاية البورد
دعواتكم
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: haneena)
|
حنينة
تحيات طيبات
طبعا يا جماعة أنا سمعت حنينة في التلفون ، في مناسبة فطور بورداب الرياض ، وكانت ممتلئة شجاعة وكرما ، وهي فوق هذا وذاك حنيييينة جدا ، ولو ربنا أطلق عقدة من لسانها فستجدون منها عبقاوطيبا
يلا يا حنينة ربنا يفك ساجور اللسان ويسيّل القلم ويجعل الكي بورد طوع بنانك
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاخ ودقاسم لك التحيه والاحترام
يا اخوى الله يخلى ليك اولادك وامهم
يا اخوى اعينونى انا لانو انا قربته انزل المعاش
ولى عوده لموضوعك لغاية ما تلقى لى تعيسة الحـــــظ
ح.
searching for a heart of gold
| |
|
|
|
|
|
|
|
|
 Re: أرغب في الزواج ، فهل تعينونني ؟ (Re: ودقاسم)
|
استاذنا ود قاسم
والله الموضوع سمح بالحيل,,بعد اذتك الواحد يتكى ويولع سجارة بعد الفطور فى برشك دا,,,,اها والله شتت جهودنا اصلو موضوع العرس دا طووييييييل والكلام فيه كتير كترة البنات الماليات البيوت,,,,كدى نمسك واحدة واحدة ونعرج بيك شوية من راى البت كدى النشوف رايكم انتو ابوها وامها الزواج والعزوف عنه عند الشباب؟يعنى انتو كاولياء امور بتشوفو شنو بالظبط فى الحتة دى ودوركم شنو؟ ياخ انا والله مستغرب انو 99 فى المائة من الزيجات البتطرشق بتكونو سببها انتو(معليش طبعا للتعميم)وللاسف الكلام لم تجى للعرس بيقولو عند امها يعنى لم يقولو ليك اللزول دا بجرى زى ام العروس وقع لينا الكلام دا يادوب انو ام العروس دى بتستلمك وتتجارى بيك يمين وشمال,,,الوحدة تستلم ليك العريس وبلا خجلة تقول للرجال انتو دوركم فى الجامع يوم العقد,,اى والللله العظيم دا البحصل تستلمك امها والله الدرر الحصلت قدامنا بى سبب الكلام دا تخليك تفكر فى تعيش باقى عمرك راهب ,,يااستاذنا والله العظيم ووحات رمضان دا استاذ وعلى خلق ودين وشيخ وكل ماتتمناهو البت دفع كللللل العندو ولم سال ابوها قال ليه بس كيلة بصل والزول قال ليه لا زيها زى باقى البنات شنو كيلة بصل دى وحياتك حق التكسى البوديه الفندق بقى ماعندو الشباب جازفو ليه عربية اتخيل الراجل مارق والناس بترفع فى الشنط وقفت امها وقفلتها بى مفتاح جوه اوضة وقعدت تسكلب زى السمعت خبر قالت الا دايرة حق اللبن؟حق اللبن؟حق اللبن؟يعنى انتى بترضعى بتك سنتين عشان تجى تخلصيهم منى فى يوم زى دا؟والله انا لو مستطيع موش اديك حق اللبن ياخى اديك حق اللبن والمديدة الشربتيها عشان تجيبى اللبن زاتو,,,بالله دى حالة دى انت عارف الراجل قال شنو ؟قال والله انا كنت مفتكر انى اتكلمت مع رجال,, وابوها وخالها واقفين زى الازبلايط يتفرجو ,,فى النهاية قال ليهم خلاص خليتها وهو النوع المودب ومابعرف يقلع حقو الا الشباب لمو ليه القروش وطلعو الهانم بت امها؟البت قارية ومتعلمة والابو قارى ومتعلم ومتفلسف ,,وينوهم فى وقت زى دا؟وينها قرايتهم وفلسفتهم الكتيرة؟
عليك الله موش حاجة تخليك تفكر الف مرة بدل تتفضح وتفضح اهلك اخير تسكت وتاكلها فى حنانك؟
طول لينا بالك يااستاذنا عارفين عرجنا من الموضوع وجاييك تانى لى فلم النسيبة وللستة حقت الطلبات التقول عايزين يفتحو بيها كنتين فى الحلة,,والغريبة الطلبات دى كلها بعد انت ماتفتح خشمك وتقفلو وتجيب المهر والشيلة ويكون القدامك والوراك انتهى ,,,
كل الناس العندهم بنات فى سن الزواج:::مامشكلة تخطب لى بتك ولا اختك ,,المشكلة مرتك بتنستر فى ود الناس دا ولا بعد مايجى بالباب بتبدا المفاوضات والمبادرات والموامرات زالمخترحات بين الام والخالات والصحبات وزملاء الابتدائى والجامعة وبنات الجيران وستات الشاى الفى الحلة وبنات الاتصالات وانتو يا ام جلااليب وعمم نشوفكم فى الجامع بس؟
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: wadaldeem)
|
ود الديم
لك التحية
قلنا حبوا يا جماعة ، مش تشوفوا البنات في الأشرطة والصور وتقولوا خلاص ما لنا غير هذه ، الحب لا يأتي إلا عن اقتناع ، وتجربة المعايشة ضرورية ، والتعرف على كيفية تفكير الآخر ومدى مقدرته على المعايشة ومدى مقدرته على وضع الآخر في حساباته ، كل هذه أشياء ضرورية
هناك أولياء ووليات أمور صعبات شديد ، لكن بيكون بناتهن سمحات سماحة قاطعة ، لكنهن ربما يعانين من الخواء المعرفي ، كأمهاتهن أو آبائهن ، لكن أتصور أن البنت التي حددت هدفها وعرفت طريقها ستهزم كل من يعرقل هذا الطريق ،
لا تترددوا ولا تخافوا ، قولوا لا لكل من يقف أمام سعادتكم
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الأخ ودقاسم...
رمضان كريم... إنت عارف إنو بوستك دى هبش ناس كتيرين خاصة إخوانا العايشين هنا بأمريكا, والله من زمن وأنا أراقب الشباب, إذا جات بت شابة وغير مرتبطة ما بتاخد شهر إلا وتكون إتخطفت, وفى سودانية جارتنا هنا أختها فى السودان أم بنات, عندها 6, فقالت ليها والله لو قدرتى ترسليهن لأمريكا حأوزعن فى شهرين..
وعلى العموم أعرف إنو فى ناس هنا تزوجوا عن طريق البورد ووالله عايشين فى سبات ونبات, والشيئ البيساعد أكتر إنو كل راغب أو راغبة فى الزواج إنو يملأ البروفايل بتاعه بالمعلومات المهمة التى تساعد فى إعطاء فكرة أولية.
ولقد صار البورد وطناً,,,
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: WadalBalad)
|
ود البلد
لك التحية
انت أكيد عايز ليك بت بلد ، سودانية تهوى عاشق ود بلد
في عيونو المفاتن شئ ما ليهو حد
المشكلة انو أمريكا ذاتها لحسة كوع
كيف البنات يصلوها
كمان مخوفانا حكاية أنو الناس القي أمريكا ديل ما بيرجعوا السودان
بطولوا الغيبة ونحن بناتنا ما دايرنهم يغيبوا عننا كثير
تعرف جد زوجتي كل من تزوج إحدى بناته كان يخصص له جزءا من البيت ويسكنه فيه ، وفي بعض من نسايبو قاعدين أكثر من 50 سنة في نفس البيت وهكذا ضمن الرجل أزواجا لبناته وضمن بناته بالقرب منه
لكن طبعا سمح القرش
الراجل كان عندو بيت كبييير جدا
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
شفت يا أخوي ود قاسم الكلام الحلو وصدق المشاعر بيجيب الناس الحلوين كيف ؟! حوش بوستك إمتلا بالحلوين ، تماضر وحنينه وماي والولد الحريف عاصم الذي يحوم ولا يرد والسنجك ابا وودجيرانا الحبان ، وجميعهم أعلاه
والمشكلة يا ود قاسم ، انا بقدر رغبتي في زواج بناتي ،إلا خايف ومرات بتجيني نزعات أنانيه أقول بلا زواج بلا لمه خليهن معاي كده إستمتع بيهن ،هسع يعرسوهن ويسوقوهن مني وبعدين العذاب وبيني وبين نفسي قلت اعمل عرقلة بدأتها بأن يا بنات كملن تعليمكم اولآ وماقي مانع للدراسات العليا وووويا زول رشيدة نقشت الموضوع ومحركتي وإصطياد الأسباب يعني مرة في شأن ساندرا تداولوا أسم ، صراحة قولت ليهم ده مرفوض من إسمو ده ، الشاهد إنو رشيدة نقشت وقالت لي يا ظالم إنت قبل كده ما سقتني من حضن أم حبيبة وحمى أب ملاذ ، كانوا يعني ما عايزني ، وإنت هل كان عندك شك في قدرتك على إسعادي ، كمان بناتنا حا يحظين بعرسان يحبوهن ويستوتوهن زي ما إنت عملت ، وبعدين البنات البتحبهن ويحبوك ديل حا تفقد حبهن لو عرقلت ليهن وفي مرحلة معينة لابد من الزواج او الإحباطات والمشاكل ، وهن حا يمشن منك وين بيجوك وبيعوضوك ويعمرن الدار تاني بالبنات والبنين كمان الما قدرت تجيبهم ديل؟ ، يعني يا ود قاسم الوليه الجاحدة صارت تطعن وتشكك في قدراتي ونسيت إنها أجهضت قبل كده ولد مكتمل النمو في شهره السابع وإنتهزت زلة لسانها وتماديت قاءلآ يلا إنتي أسمحي لي بزواج تاني وحا تشوفي الأولاد ،يا زول صاحبتنا إحتارت ثم تحول الغيظ لها وفلت منها تصريح ، طيب انا مشيت وين وما زلت خصبة يلا سوي قدرتك وأهو نجيب لينا عيل بت ، ولد ما فارقه بس عيل نقزقز بيهو باقي عمرنا ، وصاحبتنا كانت رافضة الفكرة وكل ما احايلها تقول لي أجي! بعد العمر ده بري يا يابا، هسع منهمكة في التحاليل وقالت أيه ده كلو عشان خاطرك
المهم انا خايف يجوا عرسان يجهجهوا لي بناتي ، وكل مرة أقول ليها ساندرا دي عليك الله حا تتحمل الزواج ،وترد قاءلة مالها ما بتقدر ، بتقدر على كل شيء، وقالت هذه المقاييس الحديثة للجمال والمطلوبة والمرغوبة والعصر عصر الرشاقة يعني ما تشيل هم فدوى دي حا تكون اسهمها في السماء رشاقة خلقة مش يتوسلوا لها بالر يجيم والركض في الكورنيش وعقاقير التخصيص
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: أبو ساندرا)
|
أبو ساندرا حبيبي
يا أخي ما بعرف مرات كده ممكن تلقى زول في أمريكا بيشبه زول في السودان ، وأنا حاسس اننا بنتشابه في حاجات كثيرة ، شوف بالرغم من إني أنا من أهل العوض ، وأول مرة أجي الخرطوم يوم جيت أسجل في الجامعة ، بس شجعني أنني وجدت فاروق سنهوري يقف أمامي في الصف ، فاستعدت بسرعة مذهلة شفتنة الثانوي التي كان سنهوري جزءا منها ،
وبعدين العرب اتفلهم وعمل في جيبو طاقية ، يا زول اتزوج من ناس أمدرمان ووين من أبو روف كمان ، المهم يا سيدي أنا برضو بخاف على فدوى خوف شديد جدا ، وهي الأنثى الوحيدة بين ثلاثة ذكور ، وهي تدرس في السودان ، وعندما أحدثها في التلفون أحس فورا بما لم تحدثني هي به ، من نبرة صوتها أعرفها وأفهمها ، وقد قال أخوها الذي لحق بها أيضا أن فدوى لا تتحدث عن شئ إلا وتتدخل بابا وماما في كلامها ، وقد طلبت مني مرة في الإجازة أن أزورها في الجامعة فلما دخلت وجدتها في انتظاري وحضنتني وصاحت ( يا بنااااااات ، بابا جا )
لا أدري كيف يأخذها مني من يتزوجها ، وقد حدثني أخي وهم مقيم في كندا أن صديقه قال له ( ما تشوف لي بت أخوك دي وتعرسوها لي ) فقال له أخي :
يا أخي والله بت أخوي دي الزول المناسب ليها هو أبوها بس . ولا أعلم كيف لاحظ أخي العلاقة بيني وبين ابنتي .
سألني مهندس كان يجهز خرطة منزلي ، لماذا تريد غرفا كثيرة في الدور الأرضي ؟ لماذا لا تجعله استقبالا فقط ، قلت له أنا سأسكن في الدور الأرض ولن أصعد للدور الفوق إلا إذا قالوا لي بتك ولدت ، أطلع أبارك ليها وأتحمدل ليها السلامة ، فسالني المهندس ، وكم بنت عندك ؟ قلت واحدة ، قال معاك حق تسكنها جنبك .
العزاب يا أبو ساندرا عايزين ياخدوا بناتنا بالساهل كده ، لا وكمان إيه قال يجن البنات يخطبنهم ، يقول أخواننا الخليجيون ( تخسون ) أنا غيرت رأي ، مافي بت واحدة تمشي تخطب ليها ولد ، اتعززوا عليهم زي مادايرين ، ولا تكلموهم إلا من طرف النخرة ، غيظوهم ناس محمد الشيخ وناس تمبس وناس قرنفل ،
وما برجع في كلامي .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاخ العزيز ودقاسم
لك التحيه والاحترام
ياسيدى شكرا رفعتنى فوق وانا بصراحه بعد كلامك القولتو فينى ده حا اخلف رجل فى رجل واتسلطن بمزاج واخليهم يدفعوا لى كمان ايه رأيك.
عزيزى ليس بعيدا عن الموضوع المطروح دار فى ذهنى منذ فتره ان انزل بوست يتناول موضوع قريب من الموضوع المطروح الا وهو موضوع غناء البنات والى اى مدى تكشف نصوص الاغنيات عن مكنون ومعايير البنات فى اختيار النصف الاخر .
تعال نتابع المسأله تاريخيا, منذ زمن بعيد جدا كان الغناء السائد نوع (قصدى وقصدك مشتاقين ما لقو قصدى فوق السجائر ولع لى النحرقو)
ثم جاءت فترة السبعينات وبدأت ظاهرة الاغتراب وسمعنا غناء ذى مغترب ولا تاجر غرب وانتقلت المعايير من جوهريه ذى ما فى غناء الستينات من قيم انسانيه جميله ذى الشهامه والكرم والرجوله التى رمز لها بالشنب والطول و ذى الفروسيه كما فى غناء ناس شغبه المروعمابيه( اتمنى ان اكون كتبته الاسم صحيح) ومهيره بت عبود فى ازمان سابقه.
شكل ذلك الموروث الذى اهتدت به ناس حواء الطقطاقه ورفيقاتها فى تلك المرحله ولم يخرجن من نسق القيم الذى كان سائد انذاك . ثم بانتشار ظاهرة الاغتراب وما احدثه من تحولات على المجمتع السودانى انتبهت الفتاة السودانيه الى قيمة القروش ,وافتكر هذه نقطه بالذات تستحق الوقوف عندها كثيرا لانها افرزت مفاهيم جديده على الواقع السودانى طالت للامانه رجاله ونساءه فعبرت عن معايير فتى الاحلام لدى الفتاة السودانيه بقوه فى جميع ارجاءالسودان مع الاعتبار بان الغنيه قد تخرج من بورسودان بنص قصير وعندما تصل الابيص تكون اخذت شكل اخر ثم تعود الى بورسودان لتغنى بشكلها الجديد وبذلك تشترك الفتاة فى الغرب مع الفتاة فى الشرق فى معايير فتى الاحلام .
ثم انتقلت المفاهيم الى مرحله اخرى وهذه المره عبرت الفتاة السودانيه عن فتى الاحلام من خلال منظور مختلف , وذى ما قعد نقول طلعوا فى الكفر الظباط وناس الجيش عموما وله مبرره يمكن سيطرة ناس الجيش فى ايام نميرى على مفاصل الحياة السودانيه والسلطه التى تمتعوا بها انذاك رفعت من اسهمهم جدا فصاروا هم النجوم بلا منازع
فاصبح الغناء لهم فى كثير من المؤدى وقتها . ثم جاءت فتره كان نجومها الدبلوماسين ,ثم انتقل الغناء الى لعيبة الكره وحدهم من قبيلة الرياضين,وهكذا الى ان وصلنا الى مرحلة ندرة الرجال فقدمت الفتاة السودانيه تنازلات ضخمه جدا فصار الغناء من شاكلت انشاء الله سواق كارو الى بالضره بالضره انشاء الله راجل مره , ولما المسالة ضاقت اكتر واحتدمت المنافسه على الرجال واعنى الرجل المؤهل سمعنا غناء ذى ده تقيل ده تقيل يا ابوشراء جرو بالجنزير يا ابو شراء.
عزيزى.
الغريب فى الامر انو ذى نوعنا نحن اصلوا ما غنوا ليه ولما قلنا نحصل لينا اغتراب ونسافر بره لانو برضو البنات بقن يفكرن فى السفر برضو ومافى طريقه الا فى معية راجل ,قلنا نحن خلاص حانطلع فى الكفر وهاك ياسرحان فى ليالى الغربه الموحشه اذا بنا نصاب باحباط فظيع بعد ما سمعنا تسلم لى السعوديه اللامه العواطليه اتخيل , نمشى وين نحن ياودقاسم.
خلاصة الموضوع افتكر ان الفتاة السودانيه ومن خلال ماعبرت به فى غناءها قطعت نصف المسافه فى دعوتها للرجل للزواج منها شرط ان تتمتع بالصفات المطلوبهانشاء الله سواق كارو وياعمى ضل راجل ولا ضل حيطه.
ومحبتى للجميع
ح.
searching for a heart of gold
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
حنينة
لك التحية
ما زلت أنتظر كلامك الللي بيزعل ،
نزعل من شنو ونزعل من منو ؟
كل الناس هنا ما بتخبر زعل
محمد الشيخ
لك التحية
الاشعار الشعبية مليئة بالبوح ، والتصريح ، لكنها ظلت فنا شعبيا ولم تشكل هي الأخرى تيارا عاما أو منهجا سلوكيا للبنات أو الأولاد أو الأمهات أو الآباء
زولا سرب سربة وخلا الجبال غربه
أدوني لي شربة خلوني النقص دربه
يايمة خليني الجراري راجيني
زولا سمح صورة بالفاتحة بندوره
وكثير
آمل ان تبحث لنا في هذا الجانب حتى ولو في بوست منفصل ، فسيكون عملا مفيدا
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الاخ ود قاسم
طبعا بوست جميل كمل على الوقت كله
ومداخلات اجمل من ناس واعية جدا
وبتتعامل باريحية تدخل القلب
ولي تعليق بسيط
هو انه ما صعب على البنت الاختيار
بالعكس هي قادرة على الاختيار وفرض نفسها على الاخر بس بعقل وشوية لف ودوران
وده عشان خاطر الجنس الذكوري
يعني المشكلة فيكم مش فينا
يعني اذا تقبلتم مظبوط الموضوع ده
واتهضم عندكم وبطلتم بعدها تنظروا للمرأة ( الخاطبة ) نظرة دونية
او اضطهادها ومعايرتها
ما بيكون في مشكلة ابدا
بس اذا في رجال اتمتعوا فعلا بالاخلاق دي
وشالوا الافكار القديمة في الحتة دي
تمنياتي
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: Hozy)
|
هوزي
لك التحية
الرجال والنساء توارثوا عادات خاطئة ، وهي إرث اجتماعي ثقيل له مبررات ومسببات تاريخية عديدة ، ارتبط هذه الإرث بقوانين المجتمع الذكوري التي أفرزتها الأنظمة الفاسدة ، التي ظلمت وهمشت وأقصت ، هذا الإرث الاجتماعي فرض الحياء على المرأة وجعله جزءا من كرامتها ، ونزعه من الرجل وجعل الخروج عليه جزءا من فهلوته ورجولته .
هناك من النساء من تمردن على هذا الواقع وانتصرن عليه ، وهناك من الرجال من وقف وقفة صلبة في مساندته للمرأة ونيلها حقوقها ومساواتها ، المساواة التي لا تحرمها أنوثتها ، وعلينا جميعا أن نسعى لمساندة هذا التيار وبالتأكيد هو سيصبح تيارا جارفا.
لك التحية
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
اذا اخذنا ظاهرة اغانى البنات كمثال نرى فيها ان البنات يعبرن فيها بكل وضوح عن مشاعرهن وفى بعض هذه الاغانى نجد غزلآ حسيآ للرجل و(مفاوضه)بينه وتعبير مباشر عما تشتهيه البنت ومن تحب. وهى تجربه فريده فى ظل مجتمع يمارس الكبت ضد النساء ولكنها ايضآ و رغم انها ظاهره تعكس توفر امكانية المبادره لدى البنت فى التعبير عن مشاعرها العاطفيه تجاه الرجل الا ان سلبيتها تكمن فى ان ناظمة الاغنيه تظل مجهوله ويظل العمل الابداعى منسوبآ الى مجهوله او الى مجموعة من البنات غير مسميات امعانآ فى التمويه.
ورغم ما يقال عن ان غياب اسم المؤلفه مرده الى ان تلك الاغانى هى نتاج جهد جماعى , الا ان عدم ظهور واحده على الاقل تنسب جزء من الاغنيه الى نفسها يكشف ان المسأله يحول دونها مقايضه اجتماعيه يرتبها المجتمع الذكورى يغض الطرف بموجبها عن هذه الاغانى ويسمح بتداولها فتنال تلك الاغانى اعفاءآ من الخضوع لشروط وضوابط المجتمع المحافظ وبموجب هذا التقايض تلتزم البنات باهدار هوية المؤلفه لتظل الاغنيه نظريآ معتبره كفعل مجرم ب جريمة الخروج على التقاليد ولتظل الفاعله مدينه بافلاتها من العقاب (للحيله الاجتماعيه) التى مفادها ان هذه الاغنيه بلا مؤلف. هذا ينطبق بشكل اوضح على الاغانى ذات الغزل الحسى الصريح و التى تشمل تعبير نسوى عن رغبات و اشتهاءات تدور حول جسد الرجل .
لذا فان حتى هذه الاغانى و التى ربما تبدوى فى الوهلة الاولى كمحاوله للانفلات من الحصار المضروب على المشاعر النسويه , فانها وبنظرة اعمق يتضح ان اخفاء اسم المؤلفه انما يؤسس لاستمرارية الحاله التجريميه لابداء البنات لمشاعرهن. فالمجتمع الذى اعتبر (تدجين النساء) احد (ثوابته) قد يطرب لسماع تلك الاغانى المفعمه بالمشاعر الصريحه و الواضحه ولكنه لن يتهاون فى مسألة وجود نساء يعبرن عن ذلك بشكل معلن.
عدم قدرة النساء فى التعبير لا تنفصل عن مجمل قضية المرأه و ما تعانيه من اضطهاد.
أتمنى ان لا اكون قد حملت الموضوع اكتر مما يحتمل و (شاترت) بطرح فكره تاخذ البوست من مساره وتقطع هذا السرد الجميل لتجارب المشاركين المفيده والقيمه وخاصة ماذكره أبو ساندرا و ود قاسم.
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: Bakry Eljack)
|
صديقي بكري
تحية رمضانية ملؤها نكهة الحلو المر العاملاه أمي
يا بكري المجتمع المتخلف يفرض قوانينه المتخلفة ، ويضع قيوده علينا ، والاختراقات مهمة ، لكن لابد من إعلانها لنأخذ منها القدوة ، في الجامعة كنا نشاهد عددا من الاختراقات ، كانت تسألني إحدى الصديقات كل ثمانية ساعات إن كان كيسها وهو صديقي قد أخذ علاجه أم لا ، تأتي أمام بوابة داخلية فلسطين ، وهي كانت قريبة من داخلية الطالبات في تلك الفترة ، وتطلب من أي داخل أن ينده لها ودقاسم من الغرفة رقم كذا ، وأنا أعرف مقدما ماذا تريد ، فأجيبها وأنا أمد يدي لأسلم عليها ( الله يديني كيس زيك كده )
وسأطرح تجربة لأمي وكنت كتبتها قبل ذلك في بوست آخر لكني سأوردها مختصرة ، وهي أن أبي سافر للحج وتأخر ، وأعلنت أمي عن اشتياقها لزوجها ، فبلغ ذلك نسوة بالقرية ، فما كان منهن إلا أن شنّفنها ، فلم تتراجع أمي بل قالت والله سأعانقه أمام كل الناس يوم عودته ، فلما وصل البص الذي حمل الحجاج إلى القرية كانت أمي تفج تجمع المستقبلين حتى وصلت لباب البص وعانقت والدي أمام كل أهل القرية ، وظل والدي يداعبها وهو يضحك :
يا مجنونة تقالديني وسط العالمين ؟!
وكان لهذا الحدث أثرا إيجابيا في علاقة نساء القرية بأزواجهن ، وبقي موضوعا مطروحا للحوار وسط النساء والرجال ، وبعضهم ربما يذكره حتى الآن ، وقد وقع الحدث سنة 1968
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: nabta)
|
نبتا
لك التحية
تعرف يا نبتا كل المجتمعات تقريبا اكتشفت أنها تمارس كبت مشاعر الأنثى ، قد تختلف المسألة من ناحية المقدار أو الكم لكن الظاهرة معاشة وموجودة ، ونحن الشرقيون والمنتمون إلى العالم الثالث قد نكون الأسوأ ، لكن توجد عندنا بعض الجيوب تتمتع فيها المرأة بمساحة أكبر من الحرية ، فمثلا بعض قبائل الجنوب وربما بعض قبائل الغرب تتيح للمرأة حرية أوسع ومشاركة أكبر في العملية الإنتاجية دون فصل في الأعمال على أساس النوع ، لكن بعض هذه القبائل بالرغم من أنها توسع دائرة حرية المرأة إلا أنها أحيانا تجعلها جزءا مما يورث وكأنها إحدى الممتلكات ، وقد سمعت مرة إحدى الأخوات الحنوبيات في التلفزيون تحكي عن أن قبيلتها تورث الزوجة الأرملة لأخ الزوج وأظنه الأكبر ، وقد أورد أحد الزملاء في مداخلته أن إحدى القبائل تتيح الفرصة للبنت لتختار من بين صف من الشباب الذين هم في سن الزواج ، وقد أوردت أمثلة كردفانية على بعض الأغاني الشعبية التي تتضمن البوح عن العشق والهيام لدرجة المطاردة .
وأعتقد أن ما يسمى بأغاني البنات في السودان عموما يعتبر قائله مجهولا ، وقد تضاف بعض الأبيات إلى القصيدة أو الأغنية وقد تختلف بعض الكلمات من منطقة إلى أخري ، لكن عدم معرفتنا للقائل الأساسي قد لا تكون هدفا في حد ذاتها ، فهي ربما تنتج عن الجهل بأهمية التوثيق ، وقد انتبه شعراء المدائح النبوية لهذا الأمر باكرا ، وأضافوا أسماءهم وأدخلوها في نهاية القصيدة فكان ذلك توثيقا مفيدا ، لكن الشعر الغزلي والأنواع الأخرى لم تنتهج هذا النهج ، لذا توجد قصائد عديدة لا يعرف قائليها وربما يكونوا رجالا أو نساء .
ويظل للمجتمع الذكوري دور هام في تغييب بوح المرأة والعمل على زجره ، لكن المرأة تستعيد بعضا مما أفقدها المجتمع ، وتعلن عن بعض ما ترغب وعن بعض ما تشتهي وعن بعض ما تحب ، وإذا بحثنا في شعر العديد من نساء عصرنا لوجدنا بوحا صراحا وحبا عنيفا تم إعلانه في وضح النهار ، وتشهد النفاجات بين بيوت الجيران ( وربما من وراء الحيشان ) ، وأزقة القرى والمدن ، ومدرجات الجامعات وكافتيرياتها ، والمكاتب والمصانع والشركات ، وحتى وسائل المواصلات ، كلها تشهد بوحا صريحا أو مستترا ،
لكني أرى أن المسألة لا تزال في بداية الطريق ، وحتى لا تتعثر ، وحتى لا يقتلها الذين نذروا أنفسهم للإعتداء على كل جميل ، فإنني أرغب في أن يهتم الناس بأشيائنا الجميلة ، وبتربية الأبناء تربية فيها شفافية ووعي ومقدرة على تبادل المعلومة وإخضاعها للحوار .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
Quote: مافي بت واحدة تمشي تخطب ليها ولد ، اتعززوا عليهم زي مادايرين ، ولا تكلموهم إلا من طرف النخرة ، غيظوهم ناس محمد الشيخ وناس تمبس وناس قرنفل ،
وما برجع في كلامي . |
لووووووووووووووووووووووووول يا ود قاسم
يعنى الحمد لله الواحدة ما سمعت كلامك الفى اول البوست وقلنانشوف اخره
امازحك يا قول شيرى
ولى عودة انا ايضا بس حارسة حنينة الاول
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
سلام ياود قاسم و جميع المشاركين
ود قاسم اهو لقينا لينا اخو تاني في حوش بكري وتسلم
انا و حنينه كنا بنتاوق بي بره ونتكلم في الماسنجر
واتحدتني حنينه قالت لي ما بتقدري تدخلي البوست دا
قلت ليها بقدر وقبلت التحدي
ومع انو دخلتي كانت انصرافيه بعض الشئ و ما في الموضوع
لكن اهي دخله وتمهيده
واتاري بت قوته زاته كانت لابده
وانا ما عندي مانع من المشاركه في النقاش دا
| |
|
|
|
|
|
|
|
|
 Re: أرغب في الزواج ، فهل تعينونني ؟ (Re: Rawia)
|
Quote: مافي بت واحدة تمشي تخطب ليها ولد ، اتعززوا عليهم زي مادايرين ، ولا تكلموهم إلا من طرف النخرة ، غيظوهم ناس محمد الشيخ وناس تمبس وناس قرنفل ،
وما برجع في كلامي . |
يا اخواتي
سيد البوست زاته غير رأيه بعد خلاص قلنا نتكلم
شوفتوا نصيحته الفوق دي كيف؟؟
الواضح ما فاضح
هالة و راوية
ودقاسم كلامه عديل
مافي داعي لقلة القيمة
وبرضو أمزح
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
العزيزات ، زميلات البورد هالة ، راوية ، حنينة
لكن تحياتي
أنتظر برفقة الزملاء بوحكن ،
حنينة شنو ما بتعرفي المزاح ؟
من أمس وأنا أنتظر كلامك عشان مشتهي لي زعلة كده . والله لو شفتيني يوم أزعل ما بشوف القدامي ، لا فوزية ولا فدوى ،
أنتظر أيضا أن يحدثنا الصديق ياسر الشريف والصديق حيدر بدوي ، هل تخطب الجمورية عريسها ؟ هل تبادره بقولها :
شنو يا أخي عامل ما حاسّي بينا كده ، ما نحن بنموت فيك .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
الأخ ود قاسم وبقية الاخوة المتداخلين في هذا الحوار الجميل الذي يناقش مشكلة اجتماعية نحن بحاجة الى نتكاتف جميعا لحلها فكلنا لنا أخوات/أخوان أو بنات/ أولاد أو خالات/ خيلان أو عمات/ أعمام أو بنات جيران/ أولاد جيران زاحموا سن الزواج دون أن يتقدم صاحب النصيب كما يقولون وطالما ان موضوع الحوار هو اختيار زوج للبنت ففي رأي الشخصي أن من واجب ولي أمر البنت في أن يساعدها للحصول على زوج وقديما كان الأمر ربما أكثر بساطة والزواج كان أمرا أسهل من شربة ماء لكن الآن الأمور تشابكت والقضايا والمشاكل تنوعت بطريق يصعب معه السيطرة على الامور .
وأنا شخصيا لدي تجربة في هذا المضمار رغم حداتتها لكن وجدت هذا المنبر وهذا الحوار سانحة لأشرحها للجميع ورغم أن هنالك كثير من المشاكل تحيط بي لأني أعمل لوحدي في هذا المجال. والتجربة ببساطة تكمن في انشاء ان صح التعبير جمعية طوعية اسمها راسين في الحلال وتكمن في توفيق من يريدون الزواج وتسهيل عملية اتصالهم وتعارفهم بطريق لا يخدش كرامة الجميع ولا يسئ للأخلاق والتقاليد وفي كثير من الاحيان يفوت القطار كما يقولون كثير من أخواتنا أو بناتنا بسبب بعض المشاكل مثل:
- أن كثير من النساء الجاهزات للزواج طبعا لا يعرفن" بضم الياء " وخصوصا في ديار الغربة لان أمر التعارف بين الأسر محدود ولا يتجاوز المجاملات .
- أن كثير من الشباب يجد نفسه بحاجة الى زواج مبسط بأمرأة تستره ويسترها لكن يجد صعوبة في الاختيار.
- خوف أولياء الأمور من الجانبين على ابنهم/ ابنتهم من أي زيجة قد لا يرتاحون كثيرا لها لأنهم لم يتعارفوا على بعضهم البعض.
- في كثير من الأحيان نصر على أشياء ليس لها معنى أو منطق يدعمها كاكمال البنت للجامعة مثلا أو اتمام دراستها فوق الجامعية واقف قليلا عند هذه النقطة فمثلا اذا زوجت بنتي عند عمر 18-20 سنة وهي راشدة وبالغة ومستعدة لتحمل الأعباء الزوجية ولنفترض بعد ذلك أنها طلقت أو توفي عنها زوجها ألست أنا كأب مسئول عنها أيضا بعد وفاة زوجها أو تطليقها اياه فاذن يمكن أن أزوجها في سن مبكرة وتستطيع أن تكمل ما تريده في حياتها باتفاق مع زوجها واذا حدث ماحدث من أقدأر فأنا ايضا مسئول عنها ولن أتركها واذا استطاعت الفرد منا ادارة وقته فكل شئ ممكن.
رغم هذه المشاكل فالعملية في غاية البساطة أو أكاد أجزم بأنها كذلك . اذا التزمنا بالأتي
- ليس من العيب أن تبحث لابنتك أو أختك أو من يهمك أمره عن زوج فهذا الامر قد فعله من هم أفضل منا الصحابة رضوان عليهم وعلى رأسهم عمر الفاروق.
- ثانيا نحن مسئولون عن البنت كمسئوليتنا عن الأولاد تماما واذا كنا حريصين على اختيار عروس لابننا فنحن في امس الحاجة لاختيار عريس لبنتنا.
- زيادة العنوسة في العالم العربي وفي بلادنابصفة خاصة تحتم علينا أن نخطو خطوات أكثر ايجابية لصون أولادنا وبناتنا
- من المهم جدا أن نتجاوز العنصرية في الزواج أو التعصب لقبيلة بعينها ونحن مأمورون با ن اذا أتانا من نرضى دينه بان نزوجه.
- قضية الدين قضية أساسية في الزواج عندناكمسلمين ولا يمكن أن نتنازل عنها وهذا من حقي أنا كولي أمر لبنتي المسلمة ولن أجامل فيها ابنى ايضا. وحتى لا يسرح الناس بعيدا " الدين المعاملة"
- الدين وحده لا يكفي لا بد من التحلي بالاخلاق الجميلة وتحمل المسئولية وغيرها مما يساعد على استمرارية الزواج.
- يتبقى الأمر المهم أو ما أسميه أنا بالهدف الذهبي وهو لا بد أن نضحي قليلا بمساعدة العرسان الجدد يعنى أنا كولي أمر لبنت لم تبلغ سن الزواج بعد أخطط من الآن بادخار قدر من المال لها يساعدها في المستقبل وكذلك للأبناء هذا في الخطة الى الأن لم ينزل في حسابهم اي مدخر لكن هذا المال سوف يساعد الى حد كبير في المستقبل بتجاوز العقبات.
والموضوع يطول وعلى العموم عندنا نحن تجربة شخصية في تزويج من نعرفهم من بنات وأولاد أهل أو جيران أو محاولة التوفيق بينهم ولكن الموضوع قد يحتاج الى لحظات أخرى لطرقه.
- وانا اتذكر عندما كنت طالبا بجامعة الخرطوم كلية العلوم كنا 51 طالب وطالبة منهم 17 فقط من الذكور طبعا هذا قسم النبات والحيوان باستثناء الجيولوجيا والرياضيات وقد تكون النسبة في الجيولوجيا لصالح الاولاد في ذلك الزمن لكن لا أدري كيف الأوضاع الأن. فمن هنا بدأنا نفكر بأن نسبة البنات في تزايد مضطرد بمجرد النظرة السريعة لكن أهل الاحصاء وسجلات المواليد في المستشفيات هم أدرى بالتقاصيل.
اكرر حديثي بان أهم نقطة في الزواج هي الاستطاعة بكل ماتحمل الكلمة من معنى وحديث الرسول صلى الله عليه وسلم في هذا الأمر واضح وضوح الشمس " يا معشر الشباب من استطاع منكم الباءة فليتزوج ----"
وقد لا يستطيع الشاب في كثير من الأحيان الزواج بسبب ضيق ذات اليد وهنا يأتي دورنا كأولياء أمور / اخوان/ فاعلي خير/ اصدقاء بمساعدة هؤلاء
واذا افترضنا بأننا لانقع في الفاحشة أبدا " طبعا هذا متروك للقارئ ونوعيته " أليس من العيب أن لا تتمتع بناتنا/أبنائنا واخواتنا/أخواننا بما هو حق فطري ؟ أليس من العيب أن نقف مكتوفي
الأيدي ان كان بمقدورنا أن نساعد ؟ قد يقول قائل وكيف يمكن ان نساعد ؟ هنالك الكثير الذي يمكن أن نقدمه وفي كثير من الأحيان قد يكون الدعم المعنوي أكثر حافز لنجاح كثير من الزيجات وهنالك الكثير
ودمتم واتأسف جدا على الاطالة وان كان هنالك خطأ في كلامي فهو مردود على ولكم جل تحياتي
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: انور الطيب)
|
الأستاذ أنور الطيب
لك التحية
أشكرك على المداخلة القيمة ، ,وأتفق معك بأن المسألة تحتاج إلى بذل كبير على مستوى الأفراد وعلى مستوى الجماعات ، وأنه لا ضير أبدا أن نسعى لتزويج بناتنا ، لكن لم تتطرق لدور البنت وحقها في أن تبحث هي بنفسها عن زوج ، أو أن تبادر أحد زملائها أو ابن الجيران أو أحد الأصدقاء برغبتها في الارتباط به ، هل تنتظر البنت دوما أن تأتي المبادرة من الرجل ، إما أن يتقدم لخطبتها أو أن يكون أبا أو أخا ويبحث لها عن زوج ؟ لماذا لا تبحث هي ، وهي الآن تخرج للعمل والدراسة وتقابل الرجال وتجالسهم وتنافسهم وتقودهم ، لماذا لا تختار أحدا وتصارحه وتقول له أرغب في زواجك ، هل تخشى البنت أن يقول لها من تبادره بأنه لا يرغب فيها ، ولنفترض أنه قال هذا ، فما المشكلة ، الأا يمكن أن يحدث هذا عندما يبادر الرجل بنتا ويقول لها أريد أن ارتبط بك ، فيمكن أن تقول البنت ، آسفة والله أنا مرتبطة أو لا أرغب الارتباط بك . لماذا تعتبر البنت أن هذا الأمر يخدش كرامتها ، أما بالنسبة للرجل فهو أمر عادي ،
أما موضوع الاستطاعة فهو أمر خاضع للنسبية ، لأن الاستطاعة ليست بالضرورة أن تغطي التكاليف المظهرية التي يطلبها الآخرون ، إذا اتفق طرفين على إتمام زواجهما فإنهما سيتمانه بكل يسر ، وأعرف العديد من الزيجات تمت بمعاونة الأصدقاء وبتعاون الزوجين ، وكما الرجل مطالب بالشفافية فإن المرأة لا بد أن تكون لها وقفة مع أهلها لتشرح لهم ظروف زوجها ولتباعد بينه وبين الصرف القسري . ومن حق الأهل أن يفرحوا بزواج بنتهم أو ابنهم ، لكن من غير المقبول أن يتم ذلك على حساب الزوج المسكين ، وخصما من مبالغ كانت ستسعد الزوجين وتقضي لهم بعض احتياجاتهم .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: انور الطيب)
|
ياودقاسم غيرك كان اشطر قبل عام من اليوم نزلت بوست وصورة ياحلاة الدنيل عليها ...... بعد لحظات نطو المثقفاتية واي واحد حافظ كلمتين بالعربي اصدر فتوى خاصة فقد اتى شمهروش بشئ فريا... وحتي الاخوات ماقصرو لكن كان كان جاب بوستك نتيجة انا برجع اعمل واحد تاني
ولا اقترح ان نعمل زواج جماعي انا وانت ونشوف النسون الجاهزات ونفتح باب الدخول للجميع مع بشريات السلام.
تقليب الشوق.... والشوق مقلوب قلبت اشواقي....
| |
|
|
|
|
|
|
|
|
 Re: أرغب في الزواج ، فهل تعينونني ؟ (Re: ودقاسم)
|
العزيز ود قاسم و الاعزاء المداخلين تحية طيبة
اولا شرعا من حق الفتاة ان تخطب الرجل و على المستوى الشخصى لا يقل احترامى لاى فتاة تبادر بالتصريح بمشاعرها لفتى احلامها و لا انظر لها كمن ينظر لمن آتى شيئا نكرا فهذا حقها
و لكن من جانب اخر و بالذات فى الزواج و الارتباط و الخطبة هناك امور جميلة لكن قطعا هناك الاجمل و فى رايي ان اجمل لحظة تعيشها الفتاة هى لحظة بوح من تحبه بمشاعره لها و فى رايى ايضا انها لحظة عصية على الوصف او التحليل او التخيل لحظة تعاش فقط دون ان توصف او تفسد بشرح و تستحق فعلا الا تتسرع الفتاة بالبوح
اما لو جئنا لمرحلة اخرى وهى مرحلة الخطوات العملية و الاستعداد للزواج فمعظم المشكلات تقع على عاتق البنات وبسببهن لان قلة الحسم هى السبب فى ذلك فالفتاة لا يمكن ان تجمع مثلا بين الحسنيين المال و الحب خاصة فى بداية الزواج فعليها ان تكون واضحة لوالديها فى الا يطالبا العريس بما يفوق طاقته بغرض المظاهر و الاستعراض و آفات المقارنة برصيفاتها فلكل ظروفه الخاصة
تجد جامعيات مستوى وعيهن متدن جدا و للاسف فى مجتمعنا السودانى التراث و التقاليد تتقاطع كثيرا مع تعاليم الدين وتناقضها فاقلهن مهرا اكثرهن بركة واذا اتاكم من ترضون دينه و خلقه فزوجوه الخ
فالسلبية و لعب دور المتلقى فقط لا تناسب المراة العصرية فالله خلقنا فى كبد و يجب ان يقع عبء صناعة المستقبل على اثنين بدلا من واحد
مع محبتى
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: lana mahdi)
|
العزيزة لنـــــــــأ
لك التحية
اتفقنا أن من حق البنت أن تبادر ، واتفقنا أن لحظة البوح من أجمل اللحظات وأنها لا توصف ، لكن لم الدعوة للتريث ، فذلك يجعلني أتساءل ، ما مقدار هذا التريث ، ربما التقلة المطلوبة ( يا بت خليك تقيلة شوية ) ربما تضيع عليها بعض الفرص ، والسنوات تمر والعمر يمر ، ونحن نهدر الفرص . أعتقد أن من الأفضل أن نعلن عما بداخلنا اليوم قبل الغد .
أما الصرف البذخي والتظاهري فنتفق تماما أنه غير مرغوب فيه وهو خطأ جسيم وربما يكون خصما من مستقبل الزيجة نفسها .
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
البوست قالب قلبة؟؟
عدد القراء بقى زى السنة الهجرية
ذكرنى بوستات الشمار
قالوا العرس ضحك الفار فى جحرو
ماشة اجيب لى صاج طعمية واجى....
عليك بالتصاديق ياود قاسم التصاديق
لوووول وتهانينا بالموضوع الحى دة
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: Tumadir)
|
شفتي كيف يا تماضر
عشان تقولي وتحكي أنو عرس ودقاسم حضروه ناس كتار خلاص ، والله ولا عرس الزين ،
بس بيني وبينك ما قدر الورود الجاتك ، إيييييييييييييييك ديك ورود كتيرة خلاص ، والله ما عارفك حا تشيليها كيف ، غايتو أنا متبرع ، وأضمن ليك مجموعة من ناس الرياض .
لا وكمان عاصم الحزين ، يحزن لنفرح ، وفي آخر رمضان ، غريبة والله .
| |
|
|
|
|
|
|
|
|
 Re: أرغب في الزواج ، فهل تعينونني ؟ (Re: ودقاسم)
|
Quote: مافي بت واحدة تمشي تخطب ليها ولد ، اتعززوا عليهم زي مادايرين ، ولا تكلموهم إلا من طرف النخرة ، غيظوهم ناس محمد الشيخ وناس تمبس وناس قرنفل ،
|
غايتو يا ود قاسم بوستك ده كلما افتحو .. روحي تحرقني ..وقلبي يدق
انا قلبي بدق
انا
قلبي بدق
وبعدين داير تخرب طبع الجكس ده يعني ؟؟
.. البترفع نخرته بي طريقته .. بعدين ود قاسم بيقول انا بررره
بوست قيم ياخال .. واجمل ما فيهو انو الناس فاتاهو للاخر .. ومنتظرين الناس الدايره تفتو وما قادره دي .. يا حنينة وراوية ..ويا هاله .. لووووووووول .. مافي شجاعه ادبية يعني والا شنو ؟؟
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: tmbis)
|
تمبس
كيفك يا ابن أختي
شنو ما عايز تجي تفطر معاي ، ما تشوف صاحبك قرنفل ومحمد الشيخ ، وترتبوا فطرة كده من يد خالتكم فوزية قبل أن تدخل في استعداداتها للعيد ، لأنها بعد داك ما بتتفاهم مع حد ،
تمبس رمى باصة حلوة جدا في ملعب راوية وحنينة وهالة
هناك دعوة صريحة للفت الصريح
وأهي فرصة قبل ما نقفل البوست
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: ودقاسم)
|
استاذنا ود قاسم
شايفة زي اللي غيرت رأيك حول المبادرة من جانب البنت ولا كيف؟
المهم ما زلت بقول انه مرات بتجي لحظات لا هو ولا هي اللي بيبادروا فجاة كده كل شيء بينهم هو اللي بيبادر
تحياتي الكثيرة للخالة فوزية وفدوى ويلا عازمينكم معانا في مسقط في العيد
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: maia)
|
الاخ العزيز ودقاسم لك التحيه والاحترام
اهنئك على هذا البوست الرائع بحق.
سأعمل جاهدا باذن الله على ان انزل بوست بخصوص غناء البنات واثر التحولات السياسيه والاقتصاديه والاجتماعيه وكذلك الاخلاقيه على مفرداته ونصوصه, للوصول اى مدى عبر هذا الانتاج الغزير عن مكامن الفتاة السودانيه ,
لفت انتباهى اشاره اشار لها الاخ بكرى الجاك ضمن مشاركته وهى تعاملنانحن كمجتمع سودانى مع مفردة(حب, واحبك)التى كما قال تصعب حتى على البنت من التعبير عن حبها لوالدها,واعتقد ان ذلك يعود الى مفاهيم تربويه قديمه اصبحت متأصله داخل مجتمعنا, حيث بقدرة قادر اصبحت هذه المفردة مرادف لكلمة بذئه الجهر بها قد يخدش الحيا العام
لذلك فى تقدير الشخصى اصبحت ثقيله على اللسان من النطق بها والمجاهره بها حتى على الرجل السودانى فما بالك بالمرأة السودانيه
وحتى حينما كان يتم تداوالها فى الاعمال الدراميه المصريه تجد والى وقت قريب ان كل المتابعين لهذا العمل وخصوصا عند حضور الاجيال القديمه تجد الجميع فى حال من الحرج كأنما هم من على الشاشه وذلك يعود كما ذكرت الى المفهوم المتوارث , ولمذيد من التاكيد على صعوبة
التعامل بهذه المفرده ارجع الى غناء الحقيبه تجد ان هذه المفرده سقطت تماما من قاموس الحقيبه على الرغم من ان هناك الكثير من التصوير الجسدى فى كثير من غناء الحقيبه,الا ان كتاب الحقيبه لم يستخدموا هذه المفرده بالذات للتعبر عن كثير من حالات الحب التى صوروها فى اشعارهم واستعاضوا عنها بمفردات وارقام اخرى.
وايضا على قلة الاعمال الدراميه السودانيه التى تابعتها لم الحظ وجود لهذه المفرده خصوصا فى الاعمال التى ظهرةفى الزمن القبيح هذا
عزيزى ودقاسم من منا الان نحن الذكور قادر على ان يجهر بهذه المفرده
للتعبير عن احساسه تجاه اخوانه او اصدقاءه فما بالك بالفتاة السودانيه, اجد العذر لبناتنا فى عدم الجهر والبوح بهذه الكلمه للطرف الاخر و الا كما ذكرت احد الاخوات اعتبرت خرجت عن حدود الادب ونظر اليها بشكل اخر .
نحن فى امس الحاجه لان نشيع هذه المفرده فى مجتمعناحتى تصبح خفيفه على اللسان ويسهل التعامل بها .
والى ان يأتى ذلك اليوم خلينا نعبر بنظراتنا وبصدق فهى قادره ان توصل احاسيسنا ولتاتى لحظة البوح فيما بعد وصدقنى اذا توفر الصدق
هذا لن تحتاج اى فتاة سودانيه للبوح لان الفعل حينئذن سيكون اكبر من القول.
احبكم جميعا
ح.
| |
|
|
|
|
|
|
|
|
|
Re: أرغب في الزواج ، فهل تعينونني ؟ (Re: mohamed elshiekh)
|
ود قاسم وكل الحلوين ... سلامات
هذا مازرعه الرجل الشرقى .. نحصده الان
البوح ووتمليكه للرجل دون الانثى .. البوح فى كل شئ يا ود قاسم
البوح فى المشاعر .. الاختيار .. وحتى الاستمتاع ... شمعناه بالاحمر وكتبنا عليه بصريح العباره للرجال فقط .. ولا عزاء للسيدات
علمنا الانثى كيفية كبت المشاعر والرغبات .. قوقعناها وحزمناها فى طيات التقاليد والاعراف ...
حدثنى احدهم انه كان مسافرا وكان بجواره عروسين جدد .. فى طريقهما لشهر العسل ... وامرأة اخرى فى الجوار .. كان العروسين فى قمة التالف والانسجام يتمايلون طربا ويضحكون وهمساتهم فى تبادل مستمر ... لتلتفت اليه المرأة وفى صمت تشير الى اذنها وتجر باصبعها شخيت على ارضية البص وتلولح راسها فى تعجب واستنكار
وبالعربى كده الحركات دى تعنى ( اضانى طرشه وواطاتى خرشه ) وهو مثل
سودانى يدل على ان العروس قاهر وعينه بيضاء .
اى ان هذه المرأة حجرت على العروس ان تمرح وزوجها فى وجود الاخرين
وكانها تقر ان عليهم فعل ذلك بعيدا عن اعين الناس او خلسة وما الامر ؟؟؟ مجرد حديث وضحك ليس الا ..وطيب لو العريس ده قبل يد عروسه
بس يدها كان الموضوع حيكون فيهو ضرب للصباح اظن
وهناك الكثير والكثير ...
المرأة العربيه تفتقر حتى الى معرفة حقوقها الزوجيه وكيفية المطالبه بها وما الدخان عندنا فى السودان الا اشارة خرساء
من الانثى تعلن فيها باستحياء عن رغبتها فى ممارسة الجنس مع زوجها فى هذه الليله ...
نحن ( الرجل ) يا عزيزى ود قاسم من زرع فيهن هذه السلبيه والا فهن فاجرات .. او ذوات تجارب او ... او
كلنا ( يجكس ) ولكن عندما نرى احدى اخواتنا مع شخص غريب يتطاير الشرر منا دون حتى ان نتعرف عليه ..
وكدى بينى وبينك يا ود قاسم زمان مالبدتوا ليكم لى واحد وكسرتوه لمجرد انو جكس بت حلتكم ..لووول.
اذن نحن من انبتهن فى مجتمع اباح للرجل كل شئ وحرم على الانثى ابسط الاشياء
فان اردنا تحريرهن .. فالنحرر انفسنا اولا وبدلا عن زراعةالتقاليد والاعراف التى لاتثمن ولا تغنى عن جوع فالنزرع فيهن علما ... وثقه .. ووعيا .. وقطعنا سنجدهن كما نشتهى وتشتهى يا ودقاسم .
ولك مع الود احترام
ديك الجن
| |
|
|
|
|
|
|
| |
ودقاسم
اساسي
وعد
Mayada
ابو جهينة
أبو ساندرا
Yassir7anna
Rawia
aba
hammama
Tumadir
عاصم الحزين
wd al geran
haneena
mohamed elshiekh
WadalBalad
Bakry Eljack
willeim andrea
انور الطيب
شمهروش
lana mahdi
tmbis
Hussein Mallasi
ترهاقا
عشة بت فاطنة
فيس بوك
تويتر
انستقرام
يوتيوب
بنتيريست