قرجــه
يا يا ناس انتو ما عنكم شغله تقضوها غير الكتشينه دي
اربعه وعشرين ساعه في اللعب دا؟
امدرماني
والله يا عم قرجه ما راضين التكسر دا بس تقول شنو قله شغله
ابكر آدم اسماعيل
كدي يا عم قرجه خليك من الموضوع الأنصرافاوي دا
الحاصل شنو؟؟
قرجــه
الحاصل شنو كمان يا أخوي؟؟
زمراوي
اصلو يا عم قرجه في خبر مؤكد بانو بتك شيري راجله طلقه
وكان جاريها من شعره في الشارع بس ربك ربك الخير حضر الجيران فكوها منو
*عم قرجه غضبان ملوحاً بعصاته في وجههم*
قرجــه
يا ناس هووووي دا كلام شنو .. علي الحليف الم فيكم هسع من طرف
لا بعرف كبير ولا سغير
عادل عبدالعاطي
يا عمنا كدي هدي أعصابك والموضوع بسيط ان شاء الله
ابكر آدم اسماعيل
الزول دا ما عارف عرستو ليهو كيف اصلاً .. دا زول استعلاوي
الشريف
غايتو يدي الحلق المن غير اضان
أنا يعم قرجه مش خطبته منك قبل دا وابيت بيها .. أها شوف الزول الما بيقدر دا بيعمل معاها شنو
*عم قرجه منفعلاً وقد بدت عليه علامات الغضب بارزه وهو يلوح بعصاته*
قرجــه
يا ناس هوووي انقرعوا لحدكم .. علي الحليف القرجه دي علا تاباكم دا كلام دا كمان بقي فيها تعدي علي الحرمات؟؟
الكلام دا الجابو ليكم ولقيتو وين؟؟؟؟
امدرماني
والله يا عمنا قاعدين في قعدتنا جانا فتحي البحيري كلمنا
قرجــه
اخخخخخخخخ أنا كنت حاسي بالشئ دا .. وهو وييييين هسع
*يخرج العم قرجه مسرعاً مغتفياً اثر فتحي البحيري وفي عينيه شرر*
***
**
*
الي اللقاء في الحلقة القادمة
مع تحيات هوب ليس
فيس بوك
تويتر
انستقرام
يوتيوب
بنتيريست