|
Re: مسدار يا أهل المسادير ((2005)) (Re: munswor almophtah)
|
امبارح فى الحلم بشوف بلقيس فى تمام الزينا وفوق جمر البعاد نتقلى يبقى السمح طارينا والهدهد جاب بشارتن للعقيد البفرح راجينا نادية الملكة جات متبخترة فكت وحاوح فينا
يحيا
بركة الجيتنا يا يحيا وبقيت طارينا إنت كويس الجاتك حلِم يا اخينا أظنها في المنام مي دايرة نحنا تجينا أريتِك تبقي طيبة وتبري من كل شينة
ود عقيد
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
بركة الجيتنا يا يحيا وبقيت طارينا إنت كويس الجاتك حلِم يا اخينا أظنها في المنام مي دايرة نحنا تجينا أريتِك تبقي طيبة وتبري من كل شينة
ود عقيد
زمن المعضلات ياود عقيد لامينا فقدا جد عظيم راجينو موجايينا يحى أخو البنات ماظنو كان ناسينا فى نومو العميق حلمان بأتر فينا
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
وحاوح زى لدغة دعت التري المازينا زى أشقدى من ضرسا كبير هارينا هدهد شيبا فات لا جابا لو جايينا طال الشوق محرق للقلوب غالينا
منصور
الهدهد سكن قبلو وأبى يعود لينا سارح في كلاما وفي سماحا ولينا شاف العود مفرهد قايلو شدرة زينا أو شاف الوجه بيضوي قايلو رتينة
ود عقيد
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
الهدهد سكن قبلو وأبى يعود لينا سارح في كلاما وفي سماحا ولينا شاف العود مفرهد قايلو شدرة زينا أو شاف الوجه بيضوي قايلو رتينة
ود عقيد
الهدهد بصد بالشافو كان يشفينا وعفريت الخيال قبال رمشنا بجينا جايب للقصور جواها تقدل زينا تقدل كالملوك لابسه اللآلئ ثمينا
منصور
| |
|
|
|
|
|
|
Re: مسدار يا أهل المسادير ((2005)) (Re: إسماعيل حميم)
|
الهدهد من زمناً بعييد ما زمنا الهسه مأمور من الكريم بي أمرو طاف خلسه فوق مملكة سبأ وشاف الكفر والخسه عاد لي نبي الله الكريم وللخبر ما دسه
إسماعيل حميم
الهدهد زمان.......غير الجديد الهسه وبلغيس الوقت ماها الكديسه البسه ماشا مع البشر لابسه الحرير كم لبسه صوتا كما الغزال...غنه وحلاوة همسه
منصور
| |
|
|
|
|
|
|
Re: مسدار يا أهل المسادير ((2005)) (Re: إسماعيل حميم)
|
الأحباب ترحابكم بلحيل لطيف ورحيب زولاً يجر وصوتاً آخر يعلو بالترحيب والتالت تعال بي جاي خلك مني قريب اشكر حمدو للخوة الخلت قليبي يطيب
إسماعيل حميم
ياود حميم موت حمزه داك هزانا فجأه بلا ميعاد جناتو جاتو وزانا زولن كيف شفيف شايل قليبو شوانا شفنا صدق شفاهو وشفنا الخلق وآشانا
منصور
| |
|
|
|
|
|
|
Re: مسدار يا أهل المسادير ((2005)) (Re: الطيب بشير)
|
مالي لا أرى الهدهـد معاكم لسـة ما بنفـع غيابك حتى لو تـتدسـا حاشاك الضبح ياالما بتحمل الجسة أحسن ليك تجيب نبأك وتجمع هسـة
البوم والغراب يا ود بشير عطشانا وحمزه الفنجري..الليله صار مو معانا شابا زى ملاك قلبو التقول شفخانا لى طب الخلوق....الفى السغم وحلانا
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
شوف كيف جملو دانا وللتِقِنَّب رنّق من جبد الرسن لامِن حسيسو اتخنّق مو داير القعاد للقومة شابة وشنّق بدور النهضة لي بلد الحِجيلو مزنّق
ود عقيد
أخي منصور لصديقكم ميرغني الرحمة والمغفرة وحسن الجزاء
مابدور القعاد فى الفوده غضبان زنق بدور رقلى الصحاري السيدو شبعان شنق بدور بيت السلاح بالنار ملان ومخنق بدور الصيد مراح بارياهو عبران فنق
منصور له ولنا الرحمه ولآله الصبر ولسلوان
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
دفّاع البِداني التيه.. بَقونو عشنّق فوق ضيفانو طرباناً بتيتل.. شنّق فارس الدنقلِن ندّل ضحيوة اتخنّق روا العطشانو في عصر التريّة اتزنّق
يوسف البنّا
مو راكبلو فوق ديراوى ضرط هنق وما حبسو المقدم يوم دميرتو وخنق راكب تيسو كايس فى البداوى عننق وثابت قلبو مو ضهلان فطايس رنق
منصور
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
مو راقدلو فى ضروة وبالفضايح سبق ومو حايم على جروفا طيونة ملبق عامر ساحته بى خيرا عميم ومدفق راكب ناقته قاصد ام نفل عطورها معبق
راكب ناقتو جكن جيبو بالدولار كتير ومطبق باطش من صغير شملول خصالن لا سرق لا لفق زراع البقور بالخير ومرتاق لى فريكها وجبق فاتح بابو مشرع خير شرابو عسل أصيل ومعتق
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
ياالناس الحنان قلبى الحنون مشتاق
لى طيبة قلوب شاربة الغرام ترياق
بعادكم جد اليم وبالحيل كتير حراق
ابعدنى الشديد ولهاث وراء الارزاق
أشد من شوقك قليب الشله عبأ وضاق وضايق بالصبر من فتى طب ما راق إسعدك الكريم وأمطر عليك أرزاق ويا غصن الوداد الزاهى بالأوراق
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
تعود بكرة ان شاء الكريم الخالق وترجع للودي الليهو انت مفارق والحي بي وراك ما فيهو صبحاً شارق ام زين شوقا دفق وجمرو اصبح حارق
نشأت
بوجودكم صباح أفراحنا دايما شارق شعاع أحبابنا واصل للمسافات خارق بعادنا ان طال وقصّر للبعيش مو فارق قالو الحي بعود كعب البموت ويفارق
ود عقيد
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
تعود بكرة ان شاء الكريم الخالق وترجع للودي الليهو انت مفارق والحي بي وراك ما فيهو صبحاً شارق ام زين شوقا دفق وجمرو اصبح حارق
واقفين فوق جمر صابرنا حافى وحالق حاربينا الدليل شايلانا دافره مزالق يا سيد الجمال سيد الدهب ومغالق فسراع صد تعال لهجك عسيلن حادق
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
سيد الاصهب المنحول ضميرو مطابق مشويم للمفدعة طيبا دايم عابق مسابق الريح مشيهو وبالو ليه مسابق مِتين ينجمّ عند ام زين يعود زي سابق
ود عقيد
عند أم زين بقيل خيرو راقد وفايق وجملو العيش متكل لى علوقتو بتواق وقلبو تقيل ميقن لو عديم لو ضايق وزايد عفه فايت لا بعيق لو عايق
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
تسلموا ياشباب والله فراقكم حار
منصور الكريم عامر دوام الدار
نشأت يالامام وعقيد عشوق مسدار
بخارى ويحى مرحب يالنبأكم سار
زى نار الجمر والله زايد نار ومنصور تب موتب زي وتد فى الدار ويحى هداك مجوبك فى الغياب محتار وباقى الشله طب لايكه الصبر زى نار
munswor
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
خصمتك بالمعزة ان فتى الوداد الصار
فرحت الربع منجم بعد الفراق الطال
معروفات خصايالك بت ناسا يكرمو الجار
بيك عمر مسدارنا هلل بالمديح والطار
يحى أخو البنات قلبك حديد ما طار ويا جبلا مثبت فى الأرض مو حجار ناديه لطيفه ما بتحرمنا طلة دار وزى لبن الطيور طالباهو شيخة الزار
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
يا ناس الحنان نحنا ديل ما ناسو والقلب الودر وودع بعيد لي ساسو شايقاهو ابتسامة اللابد ورا حراسو اب ديسا حرير والفل شبه انفاسو
الليل إن برد بالحيل بدور وناسو والزول إن غرق فى الشوق بدور غواسو شوقا كيف طمح مافيش صليحا قاسو حراق للفؤاد شراق للقليب وإحساسو
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
ناس الحِلة هوووي اتلمو أبقو رُقاق جيتكم بي خبر دسديسو ما بينطاق هلّ قمر فريقنا بعد غياب وفراق ما شفتوهو كيف فرهد سمانا وراق
ود عقيد
ود العقيد نبع الحنان بقباق ويا ضل اللبخ حاشاهو طب رقراق خبرك بالحيل سمح رطب الشمال دفاق ويا حافظ العروض بالسيف حريص دراق
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
شايقية وشلوخها الستة ضاوية وجيها
تلقاها المحننة ديمة كاملة جيهة
صندلها وكت يفوح يظهر نضارها الفيها
وديار الشوايقة أكيد تعود وتجيها
ولدا ود بلد ما بعاف جميله مليحه واردات الجنوب أو من شمال تفتيحه جديات الغرب جايلات جميله مريحه وصيدات الشرق من الله جاتنا منيحه
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
البنيه الديسا ساواهو مسايرن سبعه شالت نومي فرت حمت لعيوني الهجعه الخلاني ما فـارز خميــس من جمــعه الجيـــد القـزاز والخديد ابو لمعــــه
ياود الإمام أثبت كفاك اللوعه ثبت قلبك المهبوش كتيل الروعه بدورلك حجابا من فقير كان توعه ترجع لى مراحك لا عطش لا جوعه
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
يا منصور اخـــوي قلبي حــــرّم ثابــت وفي عز العشق ما بتلقى فيهـــو بتـابت الا الحبــها في ضلوعــي اصـــبح نابت زي الشتله جواي وضلوعي ليها منابت
قلبك جبل فاتح كهوفو منافذ صيدتك يا الإمام جذاب جمالا وآخذ صوتك فى الغرام مسموع مجلجل نافذ عشقك مو حرام ما فيه أدنى مآخذ
منصور
| |
|
|
|
|
|
|
Re: مسدار يا أهل المسادير ((2005)) (Re: المسافر)
|
البنية أم ديساً كابي وفوق الفنايد طوح ( الخراب الخربتيه يخربو أبى يصلح ) العين في الطعام والجوف دباغة مملح والجسم إن وقف باقيـه يدوب يتفلـح
الديس يا المسافر خلى بقرك بوح وزى مكتول غرام من شوقو لمن نوح الزول البديع متل الورود تتفوح هراد للقلوب دا كان قعد كان روح
كل الواو مشدده ومفتوحه
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
منو القال القروش بتغنى عن أخلاقك
أدبك واحترامك أغلى من أملاكك
الدنيا الوسيعة تضيق على أندادك
نورك يبق يمين من غير كهارب أسلاكك
الوجه البشع بالنور دا فال أسلافك يا بحر الأدب كضاب عديل من فاتك غدر الزمان يا ناديا قاتل وسافك ما بعرف قيم بعرف فلوس وسكاسك
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
انتهز الفرص قبال تروح لى غيرك
حدد اتجاهك وقبلتك ومصيرك
سلطة وصولجان فى الدنيا يبقى نصيرك
ولو ترضى الهوان مابتلقى زولآ يجيرك
دلينا السبيل يا ناديا كتر خيرك ورينا الطريق تلقينا شادين حيلك سلطه وصولجان بالورثه أضحت هيلك وحرمت للقبيل دايرين تكون لى غيرك
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
هذان المربعان احتفالية بعودة وبقاء نوارة المسدار////
ما انقطع العشم فى فجرا يجيبك نادية نتلفت لى شمسا ضحى ان جات تميل متهادية وانقسم النهار ما طلت لعلها عافية االمنصور ادرك اخوك بى كلمتن شافية ********* دنت السمحة تتهادى متل النسيم المار ود منصور انشرح بعد جوا معكر وحار داك العقيد منجم لو طاش الفكر او حار افصح ياالحنين بى نمن يطرب السمار
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
منصور العزيز
Quote: دلينا السبيل يا ناديا كتر خيرك ورينا الطريق تلقينا شادين حيلك سلطه وصولجان بالورثه أضحت هيلك وحرمت للقبيل دايرين تكون لى غيرك |
منصور العزيز انا جاية كايسة دليلك
تائه فى الطريق ياالغالى ياخى حليلك
العز من قبيل رضعوهو اولاد جيلك
سلطة وصولجان مفروض تكون بس هيلك
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
جعلية وشلوخها السمحة ستة عوارض
لابترفض كلامها ولابتجيهو معارض
لو ربك أراد وزاح من طريقك عارض
تدورك بت جعل وتداوى فيك المارض
جعليه شلوخه سته الوالده ما بتتعارض وبارنها بى صدق يا ناديا ربك فارض ربك كم لطيف يا ناديا مانح وغارض ومانح فى الأرض حور الجنان ما بعارض
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
دنت السمحة تتهادى متل النسيم المار ود منصور انشرح بعد جوا معكر وحار داك العقيد منجم لو طاش الفكر او حار افصح ياالحنين بى نمن يطرب السمار
يحيا
يحيا أخو البنات في الحارّة رايك تمْ في عز النفس فات الرُجال من جمْ صاحبك ود عقيد بلحيل أكان منجمْ من هادي الهموم ال في شتات الهمْ
ود عقيد
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
ما انقطع العشم فى فجرا يجيبك نادية نتلفت لى شمسا ضحى ان جات تميل متهادية وانقسم النهار ما طلت لعلها عافية االمنصور ادرك اخوك بى كلمتن شافية
عادة القمر يحى الغياب والطلعه تتآكل تضئ أرواحنا ديك الشمعه ناديا القمر دورين وباذخة السطعه وإن غابت تعود جذابه أكثر روعه
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
وينك ود عقيد دمعاتنا نازلة سخينة
مالك ياالعزيز بقيت أكيد ناسينا
تكورك لينا نرجع وتمشى وتجافينا
ماكان العشم ياغالى تزهد فينا !!!
نادية
تبري من الدموع يا السمحة بت وادينا شاعرة مكملة ونضمك زلال يروينا كيف نزهدكم انتو وحبّكم مالينا دايما عالي قدرك يا المكملة زينا
ود عقيد
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
Quote: تبري من الدموع يا السمحة بت وادينا شاعرة مكملة ونضمك زلال يروينا كيف نزهدكم انتو وحبّكم مالينا دايما عالي قدرك يا المكملة زينا
ود عقيد |
سمح مالك مشيت نحنا البعاد آزينا
المنصور جميل مسدارو جنة حنينة
ويحى وود امام وبخارى قلبو علينا
كل زولا بمش فراقو بقطع فينا !!
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الحرف ان اباك دارك عميمة لبينة خيرا ما انقطع وخبرك بسر حادينا وكل ما مر هلالك يضوى الليالى يزينه ياك العقيد مقنعن وفى العشم دخرينا
يحيا
دخري الحوبة يحيا أخو البتضوي رتينة منسول من عُزاز جعل البفشو غبينة نديدك في الكرم منصور اخوها الزينة إيدكم طايلة وافضالكم مِغرِّقة فينا
ود عقيد
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: الى نادية
***** مسدارنا اب وردن مندى وبالحنين ساقينا جنة زهورها منوعة وبى حمرة خدود تكوينا وحاوية لى فرسان شعر بيهم ضراعة لبينا وبيهم يوت تضوى والنادية بقت لها زينا |
ود عبد الكريم الجنة بتكفينا
عشان بالحيل نحب حتى البيغلط فينا
نساعد كلو زول ونضوّى ليلو رتينة
ونضحك للبكشّر ويرموا لومو علينا !!
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
Quote: يا شيوخ الغرام الفوني بي المقدورة كاتلاني البنية في (الجزيرة) ظهورا جات من الاجازة السمحة بت (بنّورة) رجعت لي أزاي.. يا اخواني كيف الشورة
ود عقيد |
تسلم ود عقيد العافية سمحة ندورها
فياتو جزيرة جات الشافعة شالع نورها ؟!!
جزيرة توتى ام حقت قطر مشهورة ؟!!
فترتا من الجرى ياريتنى بلعب كورة !!!
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
يا شيوخ الغرام الفوني بي المقدورة كاتلاني البنية في (الجزيرة) ظهورا جات من الاجازة السمحة بت (بنّورة) رجعت لي أزاي...يا اخواني كيف الشورة
ود عقيد
نار الغرام يا ود عقيد مخبوره زى قنقر جروف نيرانو ديك مهبوله جاتك كاسعه زى جدى الحدب منتوره أشبع فيها شوف وأشرب زلال نافوره
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
تسلم ود عقيد العافية سمحة ندورها
فياتو جزيرة جات الشافعة شالع نورها ؟!!
جزيرة توتى ام حقت قطر مشهورة ؟!!
فترتا من الجرى ياريتنى بلعب كورة !!!
نادية
الشافعة المنجضة روحي بي فد فورة اسمها قالو (إيمان) في الجزيرة ظهورا مذيعة مجيّهة وتامّة الجمال.. مشهورة هي بتقرا (الخبر) وانا منبهم في (الصورة)
ود عقيد
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
نار الغرام يا ود عقيد مخبوره زى قنقر جروف نيرانو ديك مهبوله جاتك كاسعه زى جدى الحدب منتوره أشبع فيها شوف وأشرب زلال نافوره
منصور
يا منصور اخوي الشافعة نان مي حورة الوشي قمرا والعين واسعة غامضة بحورا الجيد المدوّر صبّو بي ماسورة خدها مُنضرة، فويطراتا شالع نورا
ود عقيد
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
كمّلتو الغرام باكيين كفاية النوح
عشاق الجمال بانين عشانو صروح
اهمّ من الوشيش ياناس جمال الروح
وان طاب العمل مكتوب هناك فى اللوح !!
نوحا فى الغرام إن جات خناس بتبوح وتحلف باليمين فتناها حول فى النوح الروح والوجيه يا ناديا عايزه شروح وأوتاد الجبال فد لحظه دايره تطوح
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
البي ود عقيد من زماااان مخبوره أب قلباً أصم عاشقلو بت بلوره ريدا مجهجهو خلا الضلع مكسوره يا منصور اخوي ورينا عاد الشوره؟؟
قلبا فى العقيد ريشاتو من زرزوره خاليه مكنتو من ترسا تقيل للدوره زى مضهول غرام شاف الصغيره بدوره صعبان صدو يا نشأت غرق فى كوره
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
كمّلتو الغرام باكيين كفاية النوح عشاق الجمال بانين عشانو صروح اهمّ من الوشيش ياناس جمال الروح وان طاب العمل مكتوب هناك فى اللوح !!
نادية
يا ست الحسُن عاشق الجمال مجروح كل ما يشوف جميل يبكي ويزيد في النوح ما بيكمل غرامنا، ان شا الله تب مايروح نظل عاشقين جمال الوش وطيب الروح
ود عقيد
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
نوحا فى الغرام إن جات خناس بتبوح وتحلف باليمين فتناها حول فى النوح الروح والوجيه يا ناديا عايزه شروح وأوتاد الجبال فد لحظه دايره تطوح
منصور
ود مفتاح حديثك بالبيان مزروب إيدك صابّة عند النهمة ماك مكروب تطرب لي السمِح توفيهو نمو دروب قبيل قالو العرب "إن الكريم طروب"
ود عقيد
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
زهجانة الزهج ماش يكتم الأنفاس
بايظ كمبيوترى فاقد الاحساس
مابقدر بلاه مقطوعة روحا ورأس
كرّهنى اللئيم شمّت على الناس !!!!
تبرى من الزهج يا جنه من أنناس ويا نفس الملايكه اللورد نفاس خواجة السجم ملحوس عديم إحساس ومو عارف الجهاز بتملكو ست الناس
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
ود مفتاح حديثك بالبيان مزروب إيدك صابّة عند النهمة ماك مكروب تطرب لي السمِح توفيهو نمو دروب قبيل قالو العرب "إن الكريم طروب"
ود عقيد
ود مفتاح اخوي عقيدنا تب اوفاكا ما اصلو الوفي من طبعو ما بنساكا عارف لشمايلك وحافظ لودادو معاكا ووقت الحاره تبقى تلقاهو تب يفداكا
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
ود المُرّة والشرّاد.. تِرِكْتَ الفايق حد راحتك كِمِل.. الكرامات التلاتة وسايق علي بلد الخدودة رتينة، حظّها رايق عشرين ميل.. تكيلن في تمانية دقايق
ود ضحوية
ود المره فوق عوسو اليخب مو ضايق لحاق للرهاب جدياتو بوخ طابق إن بعدن شقيلهن نفسو كاربو العاشق وإن دنن شبع معسول لهيجن حادق
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ملامحك ديمة في الخاطر واسمك في الفؤاد مشتول رسايلك تسعد المشتاق وسيرتك للصداع بندول عيونك مرسي للتاية سجارة بنقو للمسطول وحات عينيك رسايلك انتي لما تطول حرف واحد برضيني ومنك بالعدم مسكول
وصلتنى عبر الايميل من عاشق لفن الدوبيت فاحببت ان اتى بها هنا .. مع العلم اننى لااعرفه وربما يكون عضوا فى منبرنا هذا !!!
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
ود المُرة لي بلد الحُنان تب ضايق مِكابس لي الوصول قبّال يكمّل (سايق) في حوبة الرجال سيد رسنو دايما حايق يختِر بيهو ديما على ام سبيبا سايق
ود عقيد
سيد رسنو أبدقنوس طلب دار شايق بدور شلخا عقب خدو الأسيل مو عايق بدور رطبا نخل جرفو الممورقء دافق بدور عسل الجوافه يكون وحيدو الضايق
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
ملامحك ديمة في الخاطر واسمك في الفؤاد مشتول رسايلك تسعد المشتاق وسيرتك للصداع بندول عيونك مرسي للتاية سجارة بنقو للمسطول وحات عينيك رسايلك انتي لما تطول حرف واحد برضيني ومنك بالعدم مسكول
أبقى كما الرجال بالباب تعال مسئول واشبع من كلام الناديا خاتى القول يا زايق القلب إبليس دوام منعول وبسمل بالرحيم جيب الكلام معقول
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يا منصور براحه.. شايفك خلعت الزول الراجل دار يشارك معاك بس بالقول خليهو اليواصل ما تعاملو زي مخبول وانا عارفك اصيل وبالكرم مجبول
ضيفك ما بتهينو لو يجيك كل يوم ونارك ما بتموت بشوفا ضاويه نجوم العز هيلك انت ردمت فيهو ردوم والحارة ان بقت تقدل وفيها تحوم
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
يا منصور براحه.. شايفك خلعت الزول الراجل دار يشارك معاك بس بالقول خليهو اليواصل ما تعاملو زي مخبول وانا عارفك اصيل وبالكرم مجبول
الزول جا بالشباك والناس نيام يازول تاوق وتوش تلب والباب حديد مقفول كايس بدور الريد والناس قليب مشغول كان قصدو يتونس خليهو تانى يقول
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ضيفك ما بتهينو لو يجيك كل يوم ونارك ما بتموت بشوفا ضاويه نجوم العز هيلك انت ردمت فيهو ردوم والحارة ان بقت تقدل وفيها تحوم
بالباب حبابو إنشاء الله تب مايقوم ديك وأقفات نياقو أكان قبيله عموم إن دار الكرم باب الرجال معلوم كان دار الخمج فايتنو ضحوه ويوم
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
ود مفتاح اخوي عقيدنا تب اوفاكا ما اصلو الوفي من طبعو ما بنساكا عارف لشمايلك وحافظ لودادو معاكا ووقت الحاره تبقى تلقاهو تب يفداكا
عقيدا هو المشير للنائبات سكاكا
جيشا أكان قمح ببقالو طب مرحاكا عند زمن الطرب غراد خليل شجواكا
يا نشأت ظريف شلتنا ما أوفاكا
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ما خاب ظني فيك واصلي دي الحاريها عمايلك سمحه تب واصلو شين ما فيها والزول كان غلط سامحو وخلاص عديها وعارفك في العبوس ات النفوس فاديها
ناديا زى صيدن طمح واديها ما بندور كلاب الحله ديك تأزيها الزول كان غلط فد مره بنعافيها وإن قامبو الضرس يادوبو ما راح فيها
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
Quote: ناديا زى صيدن طمح واديها ما بندور كلاب الحله ديك تأزيها الزول كان غلط فد مره بنعافيها وإن قامبو الضرس يادوبو ما راح فيها |
مفتاح الفهم سرانى قولك جد
البغلط على بتقيم عليهو الحد
انا اخت الرجال الند قصاد الند
لو جاك الكلام عندك شديد الرد !!
| |
|
|
|
|
|
|
|