|
Re: مسدار يا أهل المسادير ((2005)) (Re: نادية عثمان)
|
يا نادية: ندوية الضحكة ضحكتك واللا بلاش بحرا ما بلحقو هدير القاش البشوفك ضاحكة عيونو يجيها طشاش والما شاف صورتك... تب ما عاش ***ودالمسيكتاب*** لا تحسبوه غزلآ ,وإن كان فهو عفيف تاني ***ود المسيكتاب***
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
جيتكم ياالشباب شايلة الفرح جوايا
الحزن المقيم فى قلبى هارى حشايا
شايفاكم بتحكوا على البنية حكاية
هل ست الرشيم السمحة بت التاية
وينك يا الشويعره البى الجوار مشايه وينك وين نميمك ليك زمان جافايه لكن جيتى بيتك ولى النفوس رضايه يا نيزك فريقك للعقول ضوايه
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يبرى حشاك إتــي من الهـــري يا ناديــة جيتي متل الجِديّه الفي الوحــل متهاديــة من كايرو البعيدة الليــــلة زرتي الباديـــة حالفين باليمين في الزاملة تبقي الحادية
نشأت ناديه جات جات المغرده شاديه زي بلبل كنار صداحه ساحره وحاديه زى ما إنت قلت زى الجدى متهاديه نحن كمان نقول بريبه ملكة باديه
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
تعود وكتين تعود انا قاعدة منتظراك
ياود القبيلة هلال سطع فى سماك
شمس الزمهرير من حولك الافلاك
سيد القافية مرحب مين بيحاكى علاك
يحي أخو البنات ناديا وشدت شاجياك زى صايغ الدرر رسمت هلال محياك بنت الفنجرى العرف الإسم سماك وعارف إنتى نجمه وإنت شمس سماك
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ندوية الضحكة ضحكتك واللا بلاش بحرا ما بلحقو هدير القاش البشوفك ضاحكة عيونو يجيها طشاش والما شاف صورتك... تب ما عاش
ود المسيكتاب ماك المسيخيت طاش وماك عوج الوجه ياكا المضيحيك هاش كان عجبك ضحك ناديا المخدر باش وزى زرزور بلوم شقشاقه فى الأعشاش
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ود مفتاح سلام مليون شكر حافيك إت ولدا نجيض ما بتلحق سافيك كل ما أقول مديح ألقاهو ناقص فيك يا الدهب المجمر قولي كيف أوفيك
مليونين سلام يا بخارى ما بتكفيك ومليونين عقب يادوب حرير تكسيك قول بالبسيط أنا بالصدق حاسيك يالمخلص أصيل دهب الخصايل فيك
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ياود الامام مرحب حباب الزول اخو البنوت اخوى سمح الخصال والقول لى من الكتابة الرايقة زى كم حول وهسع تانى جيت انثر زهور وشتول
يا بت الأصـم الفــعلو ســـابق القول البحلف علي ضـــيفو يبيــت للحــــول ما بقدر اوصف كرمو شـرحو بطــول وزهرك انتي نادية خلى العقل مخبول
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
منصور انت دخري ولي زمايلك سابق بالنضم المقفى وتاني بالك رايق حليت الجلوس بي شعرك انت الفايق ولو بارينا دربك نخشى من الزالق
///////////////////////
ياود الامام أحيت قلوبا ماتت بالشافعة أم خدود الليلة وين ما فاتت ذكرها ينعش الروح والعقول إن جاطت وحبها في فؤادنا ياخي باقي متالت
///////////////////////
يانادية الكلام والله منك حالي وزايد في النقاوة معاك رايق بالي يابت القبايل بقراليك طوالي وذكرك فيني باقي أصلو ليك ماسالي
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
الغالي منصور المفتاح أرجو رفع هذا العرضحال إلى الأخ المهندس بكري أبو بكر مشفوعا بتوصيتكم. ولك ما تستحق يا أفضل الناس.
يا بكري المهندس جيتا قاصد خير ناشدك بس تتم فضلا بذلتو كتير هادا المنبر الـ أصبح يلالي منير شال في بطنو سوداننا وبقالو سفير
أقدم عرضحال مشفوع بما أعلاه وقدامي الشفيع المافي زول ذمّاه منصور الجميل يمدد إليك يداه أجبر خاترو ياخي وضيفني في وزراه
من ناحية لوايح .. حافظا وقاريها موافق بيها، باصم بي الأيادي عليها متعهد أضيف دررا يسيل واديها بحرك ما أظنو القطرة يبخل بيها
من تالاي واثق فيك ومرتاح بالي نعمن فضلكم ذكروا الكتار قبالي كذلك بي قفاي منصور شفيع آمالي باقيلك بيمرق من ديارك خالي؟
تشكر اكان رضيت.. وان ما رضيت لي تسلم فضلك لينا سابق وخيرو لينا اتقدّم ساكت بقرا زي ما كت قبيل ما بندم واسأل ربي يحمي بناك ما يتهدم
ودعقيد
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الأخ الغالي منصور التحية والتجلّة والإكرام بدؤها السلام وختامها السلام
في الغربة ام سواد الإلفة ليها مكانا والعرفة البقت بيناتنا يكرم شانا انا زول بادية ساكت باقي من سكانا بحب طيرا وشديرا ورملتا وقيزانا
انا من الحليلة قريبة لي المكنية سافل شندي غرب النيل حليلة هنية اصلنا من جعل (رؤساها) مانا دنية جدنا ود عقيد في (العاصمة) ليه بنية
* العاصمة: هي المتمة * البنية: بفتح الباء وكسر النون وتشديد الياء – معروفة لديك
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
أول حاجة يا منصـور شكر بالـــكوم فضلك حافظو لامن يبقـى يوم الــيوم انت ابو المكـارم اخويا خاتي اللوم سألت الله الكريم يحميك محل ما تحوم
شكري بطبقو لي بكري الكريم في أصلو صاحب المنبر المحبوب لكل من وصلو مدرسة الجميع .. البرّة .. والفي فصلو للحلوين محلا.. وللمعيق حاد نصلو
بخاري بشير قال: يامنصور ماقايل ود عقيد بي قفانا قايلو معانا في البوست وزملو ديك فايتانا أب صقعا بسر اليسوا والبغبانا ما بنخلي بكري كلامك إتعدانا
حبابك يا البخاري وليد كميرنا برانا مرحب بي غناك وحروفك النديانة صقعك في النميم احلى واتم بيانا صاحبك بكري خت الشكرة فاض ميزانا
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
يحيا أخوي سلام.. الليلة مالك غايب ونشأت برضو ما في ولا البشير اب نايب حت سيد البلد منصور خبر مو جايب تعالو نعزي روحنا بلدنا فيها مصايب
ود عقيد
غدار القدر غدار وأمرو عجائب عزال البطل عزال بدورنا حبايب جون المات بطل ماهو اللضينه الخايب حقق ما حصل والليله أصبح غايب
منصور
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
يانشأت يمين تلقانا ساعة الحارة مدفعنا إن رزم قايدين انحنا الغارة ما بنفع معانا النضمي والشوقارة صغيرنا يشبع الصقار لحوم ومرارة
يا دوب جينا من وجع الدواس والحاره جينا بعد سنين شفنا المآسى الماره كان دايرين دواس تعرفنا نحن القاره دايرين بس سلام معروفه فينا حضاره
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
الزول الكتل اخوي ما برتا لو وان الكون صفا انا قلبي ما بصفالو الدم الوشل كيفن في يوم انسالو والسيف ان اباك امسك عليك نصالو
السيف فوق أخوك هابيل زمان ضحالو والمسئول جهل أمر الشغب واحوالو كان لازم يشد أمن البلاد بى رجالو ويحقن للدماء الفى المداين سالو
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
صبرنا زمان كتيير وجهلنا كان في عقالو قدر ما قالوا فينا سكتنا لي ما قالو دحين بعد الحصل يجب الجميع نوعالو صديقك لو صدق ما بقول (عدوك ارتالو)
ود عقيد
عدونا الجهل يا ود عقيد واحوالو وإن وقع القدر لازم نعرفوا مآلو دكتور جون ذهب أنسوها قلنا وقالو خلو الموت غدر خلو الشغب وافعالو
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
يا منصور اخوي الناس عنونا عديل مو شية بكوسولو وبدورلو دليـــل ولو كان العقل حا يوقف التقتـيل ما فيش داعي للعجلة وصبرنا جميل
الجاهل علموا وخلوهو إبقى دليل وخلو الأمن إعم شدو الحزام بالحيل كان زولا خطف كان بالنهار أو ليل إلقى جزاهو بالقانون قسيط وعديل
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
إذنك طب معاك والدار قسم زى دارك وأخلف للكراع عافين جميع أعذارك جيب النم تعال جيب البجودبو خيالك وليك شاكرين دوام شاكرين جميل أقوالك
ود مفتاح أخوي تسلم أريتك سالم بوستك لمَّ الحُراف والمِتِلنا ساكت حالم قلمك يمين سكيناً يخافا الفاهم سكينك للضبح تخافا جنس بهايم
يا منصور أخوي الليلة الكِديد* مغبون قوافيهو راحت مِنُّو ونضموا ما موزون كبسيبة الرماد الجابَتْهَا ميتة جون لا تكون شاتَّ السلام ضفَّاري برَّة القون
* الكِديد هو لقبي
| |
|
|
|
|
|
|
Re: مسدار يا أهل المسادير ((2005)) (Re: Adil Al Badawi)
|
يا منصور أخوي الليلة الكِديد* مغبون قوافيهو راحت مِنُّو ونضموا ما موزون كبسيبة الرماد الجابَتْهَا ميتة جون لا تكون شاتَّ السلام ضفَّاري برَّة القون
* الكِديد هو لقبي
الشوت يا الكديد نقرابى هو المضمون وموتة جون أخوى واجعانى واجعه عيون واجعه الفى المقابر بالتراب مدفون ولكن السلام يا ابو الكديد مضمون
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الشوت يا الكديد نقرابى هو المضمون وموتة جون أخوى واجعانى واجعه عيون واجعه الفى المقابر بالتراب مدفون ولكن السلام يا ابو الكديد مضمون
ود مفتاح أخوي كُلَّنا للسلام ماعون كبسيبة الرماد القامت تقول طاعون كان ما شُفْنَالها حد زنقناها في جخنون تلحِّق سلامنا فُقَّاعة بت صابون
أَفْرَك عيش السلام قناديلو ما ها صغار قدلت قماريهو ما خايفة من صقَّار كبسيبة الرماد البَقَّتْ تقول النار قاصدة ترُدَّنا نتضاير من الحُقَّار
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
يا منصور سلام .. (بوستك) دوام مرفوع وكرمك لي حبايب النمّــة مو ممنـــوع غناك جاب (الكديد) يطربنا بالمسـموع حباب البدوي سو .. شبّعنا ألفا الجوع
يا ود العقيد الليلة الكديد ميجوع من فتن الزمن خايف علي المشروع كبسيبة الرماد البتنتح تقول صنقوع بخافا تخلي سلامنا لحسة كوع
الليلة الصعيد جاب الخلوق حزنانا موت ود قرنق يمين مرق شيطانا يا الله الكريم كبسيبة الرماد تعفانا ويا زمن الفتن، محمَّد معانا لا تغشانا
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
يا منصور سلام .. (بوستك) دوام مرفوع وكرمك لي حبايب النمّــة مو ممنـــوع غناك جاب (الكديد) يطربنا بالمسـموع حباب البدوي سو .. شبّعنا ألفا الجوع
ودعقيد
جوعا فى المراح يا ود عقيد ممنوع وديك بكرة أم تنى وديك بت لبون بتضوع عاجزين عن جزاك حلاف يمين مدفوع وكرما من عقاب كرمك نكوسلو طلوع
منصور
| |
|
|
|
|
|
|
Re: مسدار يا أهل المسادير ((2005)) (Re: Adil Al Badawi)
|
الليلة الصعيد جاب لَكْ ضَقَلْهَا يكركب بي ميتة ود قرنق بلدنا دايرة تشنكب كبسيبة الرماد إن شالله تَب ما تعقِّب مسدار السلام نتمُّو نرجع عليهو نعقِّب
ياود البدوى هوى هبت نسيمه تهبهب ومى كبسيبه مى شعلة حريقه تلهلب عارفين الفراق عارفين جروحو تعذب وعارفين السلام دايرين شتولو ترطب
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ياود البدوى هوى هبت نسيمه تهبهب ومى كبسيبه مى شعلة حريقه تلهلب عارفين الفراق عارفين جروحو تعذب وعارفين السلام دايرين شتولو ترطب
منصور
ود مفتاح تعيش.. سوّيتا نسمة تهبهب؟ هي كانت ريح سموم كسحت ودارت تقلب بس ما دمت إنت بتدعو فينا وتكتـب بنبنيهو السلام ونداوي جرحو نقطب
ودعقيد
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
ياود البدوى هوى هبت نسيمه تهبهب ومى كبسيبه مى شعلة حريقه تلهلب عارفين الفراق عارفين جروحو تعذب وعارفين السلام دايرين شتولو ترطب
ود مفتاح تعيش.. سوّيتا نسمة تهبهب؟ هي كانت ريح سموم كسحت ودارت تقلب بس ما دمت إنت بتدعو فينا وتكتـب بنبنيهو السلام ونداوي جرحو نقطب
أريتا نسيمةً آخويا صادقة ما بتكضِّب تفارقنا الحُمَّى ما نرجع بي قفانا نهضْرِب كبسيبة الرماد كان جانا تيسها يلَبْلِبْ عاقلنا يسرح بي غنم إبليس ويحسِّب
قالوا الصعيد جايبلو الليلة حديس يعم الحضر و الفي خلاهو كديس كبسيبة الرماد لا تدخِّلنا في حيص بيص تريمبيل السلام لا بداً يصل لي الميس
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
ان قلت الصعيد صابو الوجع بحسيس يبقى سافلنا اليستر الحال الدخلنامسيس كبيسبة الرماد لاتحرم فرح لا عريس بنسوق قافلة السلام لامن تدخلو الميس
قودوهوا السلام قودة عروس لعريس وخلوهو الغضب أطفوهوا جابو إبليس نحن شعوب سلام ما بنعرف التدليس عارفين القدر عارفين كريم وخسيس
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
أرقد فى سلام..مليون ميل مربع ما بتضيع ياجون !!
شعر نادية عثمان مختار
القاهرة فى يوم حزين..الاول من أغسطس 2005م
طعمك ياالجحيم قبل القيامة حرام
ريحة الدم ملت أنف المحنة زكام
شنقوك ياوطن يوم ضبحوا فيك حمام
بتموت ياقرنق لو ماحفظنا سلام
**** **** ****
لو رحل الزعيم هل للمبادئ رحول ؟!!
الحب كالمطر فاض فى قلوبنا هطول
لا الخوّة انتهت لاريدنا اكلو الغول
عيب ساعة الغضب نفقد ضمير وعقول !!!
**** **** ***
ياأمى العظيمة ربيكا ليكى الرب
يصبّرك الآله ياحازمة ساعة الكرب
فقدك للحبيب زادك ملايين حب
جون فى نعيم سلام تب ماوقع فى الجب
*** **** ****
أرواح البشر فى بلدى غالية شديد
السودان وطن حلو زى صباح العيد
كلنا فيهو واحد مافى سيد وعبيد
الموت ياأهل حرق الشباب والغيد
*** **** ****
ود مبيور سلام يغشاك محل ماتكون
يارجل السلام انا قلبى جد محزون
عشان فقدك حزينة وشان وطن مليون
مليون ميل مربع مابتضيع ياجون **** **** ****
الوطن الحزين تسونامى مايغشاك
تفيض بالخير دوام ياحبى ماأحلاك
مارد فى الغضب وبرضك حبيبى ملاك
ميّزك الآله وأبدع وكت سواك
**** *** ***
الولد اتكتل بس وطنى مابيموت
لا النار تشوى قلبو ولابيبلعو حوت
الشعب العظيم مابختو فى التابوت
لو ماتوا الرجال بيكمّلو البنوت
**** **** ****
من غير الجنوب مااظن بيبقى شمال
شول وأحمد سند كتف الوطن لو مال
جون قرنق الزعيم مابرضى بى ده الحال
كان غصن السلام ما تهدموا الآمال
***** **** ****
الألم الكبير بالحكمة نجتازو
كل المات شهيد للخير حرق جازو
مطر الغيم حبيب بى لونو وحرازو
بعد غضبا يفوت لبلدنا انحازوا !!
**** **** ****
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
Quote: الولد اتكتل بس وطنى مابيموت
لا النار تشوى قلبو ولابيبلعو حوت
الشعب العظيم مابختو فى التابوت
لو ماتوا الرجال بيكمّلو البنوت |
الوطن العظيم حايعيش أمامو مسيرة والولد الفقدناتجيبو تاني مهيـرة النار تنطفي وما بنمشي نوقد غيرا نخلي شتاتنا يتماسك نغزلو ضفيرة
انتو المبدعين..أتلموا أبقوا شعاع يضويلنا الطريق وفي مسارنا يبقاشراع حزب واحد.. جميل واعد.. هو (الابداع) منوت منصور وبشرى ونادية.. لي جمّاع
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
الاكرم عبد الله عقيد
Quote: الوطن العظيم حايعيش أمامو مسيرة والولد الفقدناتجيبو تاني مهيـرة النار تنطفي وما بنمشي نوقد غيرا نخلي شتاتنا يتماسك نغزلو ضفيرة |
الوطن العريس ماشين معاه فى السيرة
فى جبينو الهلال وفى رأسو أحلى ضريرة
الأمة الشجاعة الحاشا ماها عويرة
جنوب وشمال أهل أحلى الصلات والجيرة
Quote: انتو المبدعين..أتلموا أبقوا شعاع يضويلنا الطريق وفي مسارنا يبقاشراع حزب واحد.. جميل واعد.. هو (الابداع) منوت منصور وبشرى ونادية.. لي جمّاع |
وانت معانا شمسا ياولدنا عقيد
شايل الشمعة حايم زى نهار العيد
حاشاك مو سفيه لازول جبان رعديد
فارس أخو البنات صلد العزيمة حديد
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
ود مفتاح أخوي كُلَّنا للسلام ماعون كبسيبة الرماد القامت تقول طاعون كان ما شُفْنَالها حد زنقناها في جخنون تلحِّق سلامنا فُقَّاعة بت صابون
مافيش سلام من غير ضحايا ولوم ولازم يحصل المكتوب ولازم يوم هداك مات كبش لفداء المعلوم ومات جون قرنق ماتت معاهو قيوم
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
وانت معانا شمسا ياولدنا عقيد
شايل الشمعة حايم زى نهار العيد
حاشاك مو سفيه لازول جبان رعديد
فارس أخو البنات صلد العزيمة حديد
إنتى الماك هوينه ممهيره عاقله حديد ويا رابعة بلدنا الفى العشق تجريد فى ساعة السلام ماك صيدا ملكة غيد وفى ساعة العضال نمره وجناها جديد
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الأخ منصور المفتاح تحية وبعد لست من أهل المسادير لم ينعم علي الرب لكني لا أفوت جديده مهما دعا الداعي وصرفتني قراءات آخر في المنتدى أو خارجه بدأت قولي بالسلام أختمه أيضاً بالسلام
بليونين سلام عثمان محمد صالح وبليونين عقب لشعوبنا كان بتصالح وزى ما إنت تقرأ دوام بنقرأ الطارح وديمه أخير نكافح كان نعلم طالح
ولك من التحايا بقدر سعتك منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الوطن العريس ماشين معاه فى السيرة
فى جبينو الهلال وفى رأسو أحلى ضريرة
الأمة الشجاعة الحاشا ماها عويرة
جنوب وشمال أهل أحلى الصلات والجيرة
الوطن الجريح سوانا يمه فى حيره يوم فى الهم نصيح يوم فى مسايل غيره جازمين باليمين نفرح صغارا وطيره نبنى المستحيل نبنى الدروب لى خيره
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: إنتى الماك هوينه ممهيره عاقله حديد ويا رابعة بلدنا الفى العشق تجريد فى ساعة السلام ماك صيدا ملكة غيد وفى ساعة العضال نمره وجناها جديد
منصور |
بِصِّح عاقلة مبدعة ديما ليها جديد وبين كل الوجوه وجهاً صبوح وفريد إبداعاتا راقية وبارعة في التجويد ندوية المكملة هِلّي إنتي العيد ود عقيد
Quote: بليونين سلام عثمان محمد صالح وبليونين عقب لشعوبنا كان بتصالح وزى ما إنت تقرأ دوام بنقرأ الطارح وديمه أخير نكافح كان نعلم طالح
ولك من التحايا بقدر سعتك منصور |
مع منصور بقول "مرحب جنا ود صالح) عثمان الحبيّب وجهو طيّب وصالح (جسور) وكتين يخاصم وروعة لمّا يصالح وكتّابا حروفو مدادا بحر المالح ود عقيد
| |
|
|
|
|
|
|
Re: مسدار يا أهل المسادير ((2005)) (Re: عبدالمنعم عبدالله)
|
تريمبيل السلام واصل إن شالله دون تدليس بس كبسيبة الرماد ما بتقبل التحنيس لازمنا الحزم مع كل جنود إبليس وكل سوداني إبقى لي أخوهو ونيس
رقد ود قرنق وسلامو أفرك وقاوى شاحدين الكريم بيهو الخلوق تتساوى من كبسيبة الرماد نفزع نقوم نتداوى نركِّز في السلام ما نقعد كمان نتكاوى
رقد ود قرنق يا أخواني وما رقد تفكيرو ميتاً وأللا حي المحريب بجينا عبيرو أكان دايرين السلام ما نبداهو من الزيرو كلام الفتن نكتلو ندفنو تَبْ في بيرو
رقد ود قرنق حاشاهو مو هجاص يبكوهو المهمَّشين أهل الجلد والراس رادوهو من حديسو ما قروهو في كرَّاس أريت الوراهو يبنولنا فوق الساس
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
Quote: إنتى الماك هوينه ممهيره عاقله حديد ويا رابعة بلدنا الفى العشق تجريد فى ساعة السلام ماك صيدا ملكة غيد وفى ساعة العضال نمره وجناها جديد
منصور |
أنا اخت الرجال فى الحارة ببقوا نسور
مافيهم أضينة عويل كشف مستور
فى بلدى الشهامة مهمة كالدستور
وكل فارس بيخوض النار بيكون منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
ما بين البدايه والنهايه ما بين الميلاد والشهاده ما بين الثوريه والنرجسيه ما بين النقيض والنقيض ما بين الحزن والفرح ما بين النفس والروح ما بين البشر وكل التناقض والتشابه مسادير مسادير وما احلى مسادير المساء فلك الرحمه يا جون
فأر البقور الليله جال فى الميس وقال داير كباد داير عشاهو كديس داك جقدول قدل داير عروسو لميس وناس سفر السبت دايرين إقلبو خميس
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
بِصِّح عاقلة مبدعة ديما ليها جديد وبين كل الوجوه وجهاً صبوح وفريد إبداعاتا راقية وبارعة في التجويد ندوية المكملة هِلّي إنتي العيد ود عقيد
ياود عقيد ناديا وجمالا فريد وزي تاجوج حداقه وناديه حاليه شديد صقاعة النم درر دوبايه ما بتحيد وقولا تقول مصفح كم لدينه حديد
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
ناذر نفسى اضحك علا حزنى كبير
الوعد الجميل واقع فى قعر البير
الداير الخراب ياربى يمشى يطير
وتفضل بس بلدنا سليمة دون تكسير
مشروع الضحك يا ناديا ساعة الخير وساعات الحزن غلابه حامضه كتير أمل البلاد تحقيقو بالتحضير وفى شرع الإله لازمه النفوس تغيير
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
فات البطل والكان لى سلامنا أساس وفقدك يا قرنق فى الدنيا مابنقاس تبكيك سعاد وحياة قبل مريوم وودعباس وبنتمو البديتو الا انكملنا خلاس...
يحى الهمام الديمه سابق الناس عزاى العزاز ساعة الولف وناس عراف الفضايل بالملايين حاس وحاس بى ود قرنق يالديمه زايد إحساس
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
رقد ود قرنق وسلامو أفرك وقاوى شاحدين الكريم بيهو الخلوق تتساوى من كبسيبة الرماد نفزع نقوم نتداوى نركِّز في السلام ما نقعد كمان نتكاوى
راكزين خيل سلام حالفين يمين نتخاوا لا كبسيبه تانى ولا جروح تتداوا مات المستحيل خلانا نحن شقاوا عاشمين فى الرحيم إقلب سمومنا طراوا
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
رقد ود قرنق يا أخواني وما رقد تفكيرو ميتاً وأللا حي المحريب بجينا عبيرو أكان دايرين السلام ما نبداهو من الزيرو كلام الفتن نكتلو ندفنو تَبْ في بيرو
عادل يا ظريف مازال بلدنا بخيرو والموت إن حصل لازم نجرب غيرو مات ود قرنق من فوق ضريره حريرو لكن الوطن حالف يتم تقريرو
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
عقيد انشاء الله تسلم من شرور الناس
الاخلاق علم ماكتبو فى الكراس
ياود القبائل من اساس الساس
الزيك ذخيرة وللوطن حراس
ناديا العقيد فى قلوبنا قوق الراس وحلال الشبك فى الشبهه مو جلاس ثابت أخو البنات زول شكره مو هلواس وعراضا محرق طبلو ديمه نحاس
منصور
| |
|
|
|
|
|
|
Re: مسدار يا أهل المسادير ((2005)) (Re: المكاشفي الخضر الطاهر)
|
الاخ منصور نبارك لك زواج اخينا المهندس فيصل المفتاح يوم الجمعة
نبارك لك الزواج ونسأل الله ان يجعله زواج خير وبركة
فيصل قولو مبروك يا المكاشفى أخونا ومليون تانى مبروك للعريس ابوشونا وعقب تانى مبروك للأهل يطرونا بى صالح الدعاء ومن شر خلوقوا إلفونا
منصور
| |
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
رقد ود قرنق حاشاهو مو هجاص يبكوهو المهمَّشين أهل الجلد والراس رادوهو من حديسو ما قروهو في كرَّاس أريت الوراهو يبنولنا فوق الساس
تكرار الناس صعب لكن ظلال أفكارا مافيش جون بجى لكن بيبقى منارا زى قاموس فكر أفكارو تملأ الحارا مات يوم العرس خلانا أمه حيارا
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
الوحدة العلاج لبلد حزينة صبورة
شمال وجنوب جميع بلدنا نحنا ندورا
انشاء الله الجروح تصبح عقب مجبورة
مانشوف تانى دم لانشوف قلوب مكسورة
آمين يا الكريم خلى الأمور مستوره وأجبر كربتا وتحفظ أسودا هصورة تحفظ للوطن تحفظ جمال الصوره ترفع عزة الأمه الجسوره غيوره
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
مرحب بي السلام فرّت غصونو وماحت وغيوم الحزن جِيداً ختتنا وراحت بنمسك في وئامنا وضُمّة ما بنتّاحت يا ريت كل همومنا تكون خلاص انزاحت
ود عقيد
غيوم الحزن هتانة الدماء الإجتاحت ساحات الرعب شاخت غصونا وطاحت أفراح السلام طال إنتظارا وتاهت علا هديك بروقا وديك بشاير لاحت
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
الليله البلد.. هديت خلاص ارتاحت والكل فى وجع.. لملم دمومو الساحت الراحت فداكم.. حصِّلوا الما راحت سيبو العنصرية الفي كلامكم فاحت
عثمان فضل الله - ود عقيد إنتاج مشترك
يا ود العقيد شوف الخلوق كيف داحت واحدين فى الغرب واحدين عقولم راحت واحدين فى المراح كبرت عيوبم شاهت وتانيين فى العقب فرت طيورم حاحت
منصور
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
Quote: مرحب بي السلام فرّت غصونو وماحت وغيوم الحزن جِيداً ختتنا وراحت بنمسك في وئامنا وضُمّة ما بنتّاحت يا ريت كل همومنا تكون خلاص انزاحت |
الهم الركبنا انشاء الله مايعود تانى
نعيش حلو الوعود ومايكون عشمنا أمانى
جون قرنق الحبيب نورو المشع بيغشانى
كان همو البلد ويزرع جميع حيشانى
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
مرحب ود عقيد البيك بتم الكيف ومرحبتين حبابو الدفوة عند الزيف قاصع في النضم ما ببرى دربو حريف وإن كان جاد عليك ما أظن يعقبو خريف
/////////////////////////
الوابل هطل مطر الخريف الجادت وكبسيبة الرماد يا البدوي تب ما عادت داوينا الجروح وآلامنا يادوب راقت ومن درب السلام نفوسنا قط ماحادت
///////////////////////////
منصور إنت وين طولنا من مسدارك أب صقعا بسر درر الغوالي مدارك خليها (العبوس) جادع مع زوارك وابقى ادينا غشوة نحنا هنا في دارك
///////////////////////
نشأت يا الهميم ضويت مغاني ربوعك ومن نظم القوافي ما بنرضى نحنا رجوعك الولدالقبيل الزاد عليك موجوعك قوليو آآآآآآآآالبليد :جريت لحسة كوعك
| |
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
الاكرم بخارى بشير
Quote: يانادية الكلام والله بيك موزون وموجوعين خلاص يابنية بي موت جون مو هوين يمين كاتل زمون وزمون وشمر للسلام حالف يزيل البون |
تسلم اخو البنات فارس القبيلة وسيدها
بالزيك بلدنا تملى صابح عيدها
بى جيتك يمين مسرورة جد وسعيدة
ايام السواد شاحدة الآله لايعيدها
| |
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
الاكرم يحى عبد الكريم
Quote: حمامنا هداك اليف اصيل ومو برانى شايل الفرحة شتت حبةوعمت الاوطان من تمر السلام عبيت مليت جربانى نم ياودالامام خل نادية التعقب تانى |
حبابك يحى تسلم وين مشيت يازول
ليك زمن اختفيت قرب تتم الحول
شفت الشئ الحصل فوق ناس عبادة وشول
كان شيتا مرير فاق الوصف والقول
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
مرحب بت بلدنا الفي كلامه سديدة ومرحب بالنويدية وتاني باهي قصيدة أيام السواد يا نادية تبقى بعيدة و الوحدة أم سوار تبقالنا قامة مديدة
//////////////////////////
يا نادية أم سماح والله وازنة عقول ومن نضمك كتير مرات أعيش مذهول كتري في الكلام اللينا شرحو بطول وفي درب السلام يحفظك الإله ذي الطول
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
Quote: مرحب بت بلدنا الفي كلامه سديدة ومرحب بالنويدية وتاني باهي قصيدة أيام السواد يا نادية تبقى بعيدة و الوحدة أم سوار تبقالنا قامة مديدة |
الوحدة بنردد الف مرة نشيدا
وجعة عزة كانت يابخارى شديدة
علا الرب ستر بقت المساعى حميدة
من غير السلام مابنبقى أمة رشيدة
Quote: يا نادية أم سماح والله وازنة عقول ومن نضمك كتير مرات أعيش مذهول كتري في الكلام اللينا شرحو بطول وفي درب السلام يحفظك الإله ذي الطول |
تسلم يااب سماح حاشاك ماك دلدول
اب قلبا حنين ووجها بشوش مقبول
ياصادق الحروف ورصين معانى وقول
من تبيت مميز وياكا أحسن زول
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
مرحب ود عقيد البيك بتم الكيف ومرحبتين حبابو الدفوة عند الزيف قاصع في النضم ما ببرى دربو حريف وإن كان جاد عليك ما أظن يعقبو خريف
مرحبتين حبابكم كلكم يا ظريف ومرحبتين حباب إبداع رقيق ولطيف إبداع المحب عاشق الغرام وليف وشايلين القليب المن مهيدو رهيف
munswor
| |
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
الوابل هطل مطر الخريف الجادت وكبسيبة الرماد يا البدوي تب ما عادت داوينا الجروح وآلامنا يادوب راقت ومن درب السلام نفوسنا قط ماحادت
فى خاتر السلام أرواح براعم بادت فى شان السلام أغصان نواحل مادت قمرى الأصايل فوق غصونن شادت وجدى الخمايل صوب جروفاإتهادت
منصور
| |
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
الليله الحمام رك ونزل من تاني ورفرف بي جناحو وحط في سوداني الغصون المايسه اصبح قطافهن داني زالن للهيب الجمرو بقّّا كواني
خليها الحمامه البلهديل طاربانى ديمه معشعشه وضاحكات عشانا أغصانى زى ناس الفريق عاديها من جيرانى لو دارت درب بسقيها من شريانى
منصور
| |
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
الهم الركبنا انشاء الله مايعود تانى
نعيش حلو الوعود ومايكون عشمنا أمانى
جون قرنق الحبيب نورو المشع بيغشانى
كان همو البلد ويزرع جميع حيشانى
حبا فى البلد سالبنى مالكو كيانى وحب أهل البلد ماكنى شوقو أزانى يا الغايب تعال فى قلبو يوت تلقانى مانى الشاكى لكن شوق شجاهو شقانى
منصور
| |
|
|
|
|
|
|
|