|
|
 يارمزا ولي يارمزا او هجيج السبعينات
|
يارمزا ولي يارمزا
انتو ما عارفين شارع الكاملين
يارمزا ولي يارمزا
الحجه والتوبه من طريق سوبا
فالو الصيد ورد في حله حمد (لاحظ كنا هسي في الكاملين لكن ما تحك الموضوع)
وقرض الناس قرض
قرض الناس قرض
قرض الناس قرض
كبككبككبكبككبك
انتهي النص
والله الاغنيه دي ومعاها زي دشليون واحده زيها
بذكروني ايام لذيذه ومااابترجع تاني
وماتفهموني غلط بالنسبه لي موضوع العمر وكده
انا كنت طفل وبدون اي صلعه واسالو ناس ابوساندرا
لكن لحدي يوم الليله في ذاكرتي الاف من اصوات الباعه
والمغنين والمداح و المؤذنين
عليه فقد قررت ان اخصص هذا البوست وبكامل قوابا العقليه
لاغاني الهجيج في السبعينات والتمانينات بالتدرج توثيقا ومتعه
من اغاني الحفلات والاعراس او حتي جلسات السمر والطرب اذا ساعدنا البعض
اي غنيه هججت بالناس نديها حقها مهما كانت كلماتها او لحنها
وانا لي يوم الليله مافاهم رمزا يعني شنو
لكن كان غنوها لي اسي بسكسك وبسكسك وبسكسك
يدكم معانا ياناس تمبس ومن لف لفهم
والله يسترنا من ناس د كين ومن لف لفهم
انا ح ابدا وفي انتظار الفطاحله
المولانات يمتنعون
|
|
 
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
من اغاني الهجيج في حفلات السيعينات
الله ليموني الله ليموني الله ليموني
البرتكان الناير
وكان عندها رقصه وقميص ليموني
وح نلاحظ كما سيرد ذكره (ياود يافقري)
ان الليمون كان قابض الجو اكتر من البرتكان
ولم توضح الدراسات سببا لذلك
تعال ياحسن الجزولي يابتاع الدراسات
ورينا كان عندك رقبه لي شعرا قدر دا
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
من الملاحظ ان الجاز والليمون من اكتر السلع الاستهلاكيه التي لاكتها السن المغنون والمغنيات في حفلات ذلك الزمان
حيث مازال البابور جاز
وخلو يشتغل الشغل بالجاز خلو اليشتغل
جدا نخلي اليشتغل
اما الليمون سقايتو علي
فتؤكد ان هذه السلعه كانت محط الانظار الفنيه
وموضه الشعراء
انا ماعارف الغنا بيبدا بالليمون والبرتكان في اي بلد ككوره شراب وبعدين يمشي لي قدام
ولي الكلام دا خاص بالغنا حقنا وبس
وهل دا ليهو اثر في طعم الغنا نشيف علي قول اهلنا
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
الاخ الرائع طارق الامين
| Quote: بسكسك وبسكسك وبسكسك |
السكسكه انواع ياحبة
القرد القرد
النبق النبق
ودردقني في النجيلة
طبعا دي اخر update
لمعلوماتي لانواع السكسكة
ولو عندي جديد هاتو
Quote: وماتفهموني غلط بالنسبه لي موضوع العمر وكده
انا كنت طفل وبدون اي صلعه
|
اخوي طارق الفيك بدر بيهو من هسع
عمرك كم؟
اخوك/ ابو أحمد
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: بشير أحمد)
|
Quote:
اخوي طارق الفيك بدر بيهو من هسع
عمرك كم؟ |
لن احفل بمثل هذه الاسئله الانهزاميه يا ابو حماده
سنواصل حتي يعود للبلاد هجيجها ولانامت اعين البتاع وكده
واحده من ملكات اغاني الهجيج في السبعينات
حني حني علي انا يا ستي
الحاصل بي سببو انتي
لابسه توب منقوش الفراشه
اعايت فيك وانتي ماشه
الحاصل بي سببو انتي
وعي من اغاني الفنان كمال ترباس
وهو يغنيها احيانا بكلمه تتي بدلا عن ستي
وقد كانت الاغنيه واسعه الانتشار
واصبحت كلمه تتي هي كلمه الغزل الموضه في البلد
كان تشاغل بها اي بت سمحه
وتقوليها وين يا تتي
غايتو دي كانت الحاجه الحاصله
لكن كانت عواره ولي ما عواره دا ما موضوعي
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: WadAker)
|
وفي تنافس ملحوظ بين الخضر والفاكهه فقد حدث تقدم نسبي طفيف للمنقه وسجل الليمون والجاز تراجعا في بورصه
الغناء السوداني وذلك بظهور
حلاوه جك يلا يامنقه
جك جرك جك جك يلا يا منقه
ثم انحياز البلابل الواضح ضد الليمون والجاز
يالشايل المنقه ادينا المنقه تررم
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
ساعدت حكوماتناالرشيده المواطنين واجبرتهم علي ترك الغنا لليمون والسلطه واستجلبت لهذا الغرض خصيصا
ما عرف وقتها ب بصات ابو رجيله التي سحرت الناس خاصه في قصه الباب الخلفي الذي يفتح بذر من عند السايق
حيث الكثير من القصص هنا لكنها خارج نطاق هذا البحث ( امك بقي بحث اديييل كده)
اموت انا في الرميله
اموت انا في الرميله
يجيب خبري ابرجبله
نادو لي حنان
اموت انا في البكاسي
اموت انا في البكاسي
يجيب خبري تكاسي
اغنيه مؤثره وتغنيها الفتيات بكثير من الشجن
اتمني ان تكون الاخت حنان المذكوره في الاغنيه قد استجابت
والا يكون قد حدث مالم يحمد عقباه بناء علي ماورد من تهديدات اعلاه
والله ولي التوفيق
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: عوض محمد احمد)
|
من اجمل اعاني السبعينات وللمفارقه
كانت عن فاكهه لاتثمر رغم انها تزرع في البيوت وتنمو وتبخل بثمارها عاي الفقراء
كان شارع افريقيا الحالي يسمي حينها ب شارع الجنه
وهذه التسميه ببساطه قد كانت لانه الشارع الوحيد في سبعينات الخرطوم الذي تباع فيه الفواكه النادره والمستورده
لكن التاج مكي الساحر سحر الناس باغنيته الراقصه
كان مغاطنا ومامصدقنا اسال العنبه الراميه فوق بيتنا
خاينه يادنيا وظالمه يادنيا ترالالا
وبدخول العنب في الاغنيه السودانيه يكون التاج مكي قد ادخل الليمون في امرا ضيق
ولا نامت اعين الجبناء
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
طارق السلام عليك
سلام يتدردق دردقة وشايل الجردقة فى جردل
الليمون دا احتمال يكون مطمن جدا فى الزمن داك لاسباب اذكر منها الطمام 
وطبعا لمن تشوفه قلبك بعمل شححح وبترتفع درجاته بسرعة مقياس ريختر من الدقات .. وهنا ما عليك الا تشيل اقرب باغة وتدقها لمن عينها تطلع .
وكما قال الفنان
الله الليمونى ... البرتكان الناير
وقال الفنان داك برضو ..
الليمونة الخدرا سقوها بالجردل .. لالا يا لالا قصيبتو سكر
والسكسة هنا يبدو انها من الجناين .. ولى جناين الشاطئ ..
بالجمبة :
قال ليها لمن اشوفك يطير النوم من عيونى ..
قالت ليهو يخسسسى عليك ..انا باعوضة
وسكسك فى الزمن الجميل
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
Quote: والله الاغنيه دي ومعاها زي دشليون واحده زيها
بذكروني ايام لذيذه ومااابترجع تاني
وماتفهموني غلط بالنسبه لي موضوع العمر وكده
انا كنت طفل وبدون اي صلعه واسالو ناس ابوساندرا
لكن لحدي يوم الليله في ذاكرتي الاف من اصوات الباعه
والمغنين والمداح و المؤذنين
|
ابو الطروق كيفنك
ياخي ناس كتار هنا عارفين انك دفعتي
مالك عايز تكبرنا ياخ
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق جبريل)
|
ولان لليمون معزته ومكانته الراسخه في الاغنيه السودانيه
فقد غضب وتعزز فرقصت خرطوم السبعينات علي انغام
وقام اتعزز الليمون عشان بالغنا في ريدو
فالليمون عويو عند شعراء الاغنيه
وعزيز عند الناس خاصه في رمضان
مما حدا بالرايع رمضان زايد
وقدسمي نفسه كذلك ليربط الناس بين اسمه والليمون
انتزع هذا الرجل اسماع اهل السبعينات باغنيته
عيني ياسبب التعب
شفت الجمال شفت العجب
علما بان العجب قد تم تسجيله في المريخ بعد ذلك بعشرات السنين
قصه عجيبه
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
نتفلسف شويه وبعدين نواصل
اجمل مافي اغاني عذه الفتره
انها كانت عفويه وتلقائيه
المغناه بواسطه الاذاعه منها
او اغاني الشارع العام في الخرطوم
الجو الذي كان ماثلا ويدفع الناس الي الغناء
كان اكثر عفويه
والوجدان اكثر عافيه
والبراءه والبساطه اوضح للعيان
ماعارف هل كان دا شعوري الشخصي وانا صبي؟
ولي فعلا رغبه الناس في الحياه وحبهم ليها كان اكبر
عموما بمناي عن ظروف وتفاصيل ذلك الزمان
الاجتماعيه والاقتصاديه والسياسيه
لكن الفرحه والابتهاج في نفوس الناس كان اعلي
والنكته تزين المجالس
واغاني الرجال والنساء مرحب بها في اي مكان
ولبالي الانس والسمر فاخره ونديه وعذيه واكثر طلاقه
ثم ان الغناء سلاح في يد المغني
وسناتي لاحقا علي ذكر اغنيه نسائيه شعبيه
هددت عرش حاكم الخرطوم في ذلك الزمان
وعجلت برحيله في ظني
نواصل
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: محمد الأمين موسى)
|
حمام الجك يلا يا منقا
وجك جك جك يلا يا منقا
لقيتو ماشي براه
يلا يا منقا
وشنو كده بي وراه
يلا يا منقا
__________
يا بهية شباب الزمن جنية وعرس مافي
يا بهية وشباب الزمن جنية وغادي غادي
__________
مغص مغص يالغذابة
انتو موتو مغص يالعزابة
_____
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: وليد محمد المبارك)
|
طارق ،، يا حقنا ..
مادام الموضوع فيهو هجيج ، فستراني مرابطاً ها هنا ..
أجمل نساء الدنيا ( وما زالت ) ,اجمل طالبة مرت على جامعة القاهرة الفرع ..
وآآآآآآخ أنا من ( ناس تجارة ) .. كانت بتغني لي :
الزول الزول مالو ما جاء
الزول دكتور مالو ما جاء
ود حلتنا مالو ماجاء
النسى خوتنا مالو ما جاء
(الجايي ده المهم ، والكان بيكتلني لمن أسمعو منها )
صلاح التش مالو ماجاء
والشنب حش مالو ماجاء
طارق ،،، سلم لي عليها (انت بتعرفها) وأسأل معاوية السمين الشين الكان عامل بيحبها ده ..
________________________
حاجز لي مكان هنا ..
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: shaheed gadora)
|
Quote: حبيت الشيوعي .. الشيوعي
أريت الرجعي طاير
حبيت أب سجارة .. أب سجارة
أريت اب سفة طاير
حبيت اب قجيجة .. أب قجيجة
أريت أب صلع طاير
--------------------
وماتفهمونا غلط |
يالذيذ
ده كلام سمح
وبعدين يا طارق عشرينات عشرينات
انت بس قول النصيحة
الكلام سمح ولا لا
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
طارق
افتش ليك في حفلة وردي في القاعة زي ما وعدتني القاك في بوست ..
شكلك جيت متاخر .. كلنا مخمسين يا حبه ..
__
دي كيف ..
من اول يتاير يجينا حمادة طاير ..
يقول اما في الجزائر ..
* وحات ابوي حكاها لي ابوي
صفير وجاهل
شكرا لاخراجنا من زمن اللاوعي للوعي .
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
من الطارق يا طارق ؟؟؟
الطابق البوخه جا ندا يهتق ...
تصدق ...
وقع من الدوخه ...
يا طارق دايرنا نقول شنو ..
اوكي ..
قالو لي بتحبي في السلاح الطبي ..
انا انا ..
ما جبر الخاطر .. كم سنه ::
اللليله مسافر انا انا ة..
ما جبر الخاطر ..
مين انا ..
وحات ىابوي برصو دي من ابوي .
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: عبد المنعم سليمان)
|
صلاح عبد الله
وطلال عفيفي
ومنعم سليمان
شكرا كتير والله
جاييكم لانكم غالبا
جزء من الموضوع اساسي
طبعا مانذكره لا يعني
ولاينفي ان السبعينات
وغيرها لها نجومعا الافزاز
ممن يعرفهم شعب السودان
دون حوجه لذكرهم هنا
فالكلام هنا عن وردي او عثمان حسين
او الكابلي ليس بالضروره
من مرامي واهداف هذا البوست
فاللعمالقه مكانهم
لكن المقصود هنا الحديث عن اخرين
اطربو واكان لهم الاثر في اسعاد الناس
كما لايفوتني ولا يفوت علي فطنتكم
اننا هنا نتحدث عن مجتمع الخرطوم العاصمه تحديدا
وما كان يتهججها علي وزن يتهددها هذه الايام
تحياتي وسنواصل في غالب الامر
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: عبد المنعم سليمان)
|
انتو بتخافوا من (السن مالكم )
عالم جبانات
لكن يا طارق ما بالغت
النوريك الخدار
خدارى ما بخلى الليلة وين
يالخدر اللونو زرعى
وهاك الخدار البمبى
الشماسة اذونى
كحيل عيونى
وكمان واحدة عشان ما تزعل
جننونا بالخدار
الليلة وين يا ناس
السكنوه جنوب دارفور
سبعينات عندنا ثمانيانات عندنا
وباب بيتو بالاخدر
حمادة التش مالو مالو ماجا
شنبو حش مالو ماجا
اطير وانقص زولى سادة
ولاقيتو باللفة
الالم العلى خف
واخر واحدة
سلمى الشيخ سلامة
يا بلال على
اموت انا فى الاذاعة وووب الاذاعة
وفى قسم الدراما
دى اغنية عميرى ومجدى النور المفضلة عليهما كل الرحمة
لكين ناس كابو وابراهيم خضر عملو واحدة جديدة
سلمى الشيخ سلامة
وانا جريت لى حفيانة
غايتو دى دايرة ليها ناقد من الالفية الجديدة
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
من مهججات اهل السودان في السبعينات
ابراهبم موسي ابا
ما دوامه الله هوي الدنيا ما دوامه
يادنبا ما بتنقدري شلت الصغير القدري
في المنام دموعي بلن سدري
نركل ام كركابه
نتدلي في ام روابه
ام نهيدا طاعم دابا
الجنني وجنن العزابه
ادوكي للطنباري سرح قجيجتا وجاكي
رحم الله الراهيم موسي ابا
وفعلا
ما دوامه
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
طارق يا فلته
والله بوست عجيب
يخليك تعصر الحتة بتاعت زمان في مخك
وفجأة تنساب الذكريات إنسياب النسيم العليل (علي وش زول حران) لمن يتكيف ويقعد في الواطة ساند ضهروا علي العمود
المهم يافلته
انا بتذكر لمن كنت سغير
اغنية السيرة لمن الباص يصل حلة العروس
دور بينا البلد داك احرق الجزولين يا بابور جاز
وفي هذه اللحظة السواق تمسكو الهاشمية ويتنفخ ويتنفش ويدور بينا في محلو لامن يجينا لفت راس
رايك شنو عجبتك
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: منزول محمد توفيق)
|
ندي ... يا ندي
تحرق قلوبنا وتهردا
لا قيت غزال باهي الخصال
لكن ... قوامو قوام ندى
ده سمعتها ويين يا ربي؟
لمن أتذكر ... حا أرجعلكم.
يا طارق ... يا ود اللمين,
سليت روحنا ياخ ... مر تغريبا
حول ول أكتر ... من أيام تلك
{ القفلة }
فبالله يا جماعة حقو نحدد سقف
زمني للدبرسة والغياب ... خاصة
وأننا لا نحتمل فراق الأحباب.
طارق ... كيفنك ... أفتقدك وبشدة,
والشافني { مقيل } هنا ... ما كضب
مع مودتي
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: HAYDER GASIM)
|
ومن ابهي اغاني بنات السبعينات
يا ابويا يالسني (محمد السني دفع الله يمتنع)
يالسني طمني
بجافي ليك اهلي
واسكن معاك مدني
مدني الجمال وانا مالي
الخدار مرق لي وداري
وايضا
الليله ويييييييين
الفي العصر مرورو
وكمان
ومرقت في العصريه
وركبت لي عربيه
الدكاتره كشفو عليا
قالو لي ازاكي الحب
مابتنفع العمليه
والريد قسم ياعينيا
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
خرطوم السبعينات وما ادراك ما هي
نار زاهيه
جاز الديوم والمرحوم عمر عبده
حيث
حاجه كولن كولن باشاكا
الله خلي وليدي باشاكا
الله خلي بنيه باشاكا
وجاز العقارب وعامر ساكس
هم ما نسونا
قالو ما نسونا
نتمني دايما
لو هم يجونا
اين الفنان عامر ساكس بربكم
ثم البلوستارز
وعمر قيلي
يامسافر وشايل في قليبك شنطه سفر
من ناصر المزداوي
ووليم اندريه
كفايه مزاح
خلي الليل يكون صباح
بدور ارتاح
واعوض بيك شبابي الراح
وفعلا ارتاح اندريه
المغني البارع
وكابتن الفريق الاولمبي
وابرز لاعبي الفريق القومي السوداني للسله
الذي احرز كاس البطوله العربيه للسودان في الكويت
مع رفاقه حبيب استانبوليا القبطي
وخميس جردقون من جبال النوبه
ومحمدعلي الاعيسر من جبال النوبه
مايكل الجنوبي
مات وليم اندريه في احداث 76 دون ذنب
فيما يسمي باحداث المرتزقه
مات سمبله يعني ساي
هكذا حظ السودان
رحمه الله
ومن ضمن الفريق العظيم
نيكولا بطرس
شقيق تابيتا بطرس كما عرفت
اين هو الان
لا احد يدري
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Sudnawi)
|
Quote: ومن ابهي اغاني بنات السبعينات
يا ابويا يالسني (محمد السني دفع الله يمتنع)
يالسني طمني
|
طارق اللمين وجمهور السبعينات..
سلاااااام..
طارق اغنية السنى دى كلو مرة بتعمل ليها ابديتنغ...
هاكم دى عينة ..
*حلاوة البيب يلا يا منقة متين نلاقى حبيب يلا يامنقة..
*سوق ياسوق بطريقتك سوق ياسواق...
معانا حنان ياسواق و صلناالدكان..
*الليلة مسافر انا انا ماجبر الخاطر لى انا..
السيسابانا خدرا وروياناانا انا ...
يا حبيب بامانة انا انا الظروف عكسنا وبصلحا..
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
أرجعكم مرة أخرى لـ ( الليمون ) وهذه المرة مع الفنان محمد سلاَم وأغنيته الأشهر
قام إتعزز الليمون
عشان بالغنا في ريدو
ومع محمد سلام تطل صورة الفنان مجذوب أونسة الذي ظهر معه في نفس الفترة وأغنيته الأشهر
دا ما سلامك
ولا الكلام الكان زمان في سلامك
والله يعني نويت تسيبنا
في الخريف تحرم غمامك
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
غايتو يا طارق لقيتك تحفة
وما براك
الناس القاعدة هنا دي كلها
ماشالله عليكم
خبببببببببببببببببببببرة
غايتو بتذكر انا غنية
البلوم نزل يا اهلنا
البلوم نزل جننا
البلوم نزل في الساحة
البلوم نزل براحة
ونزل نزل براحة
ونزل
نزل
براحة
طق طق
قوم فوق منك له
----
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
يابت الشيخ
داك زمن الفرح والطرب الغير معنون
رقيص عروس علي حنة عريس علي مسرح
حتي جريدة المساء كانت ممتعة
غير زماننا هذا
انا زول جديد علي فكرة ما قديم زي الناس الفوق دي
عشان كدا العشتو وشفتو تمنينات ساي
ما بتذكر سبعينات وشنو وشنو
لكن علي ما اذكر برضو فالو في فنانة جديدة طلعت
الناس كانت بتتدافع عشان تحضر ليها عرس وله حفلة ساي
كان اسمها حنان بلوبلو
والرقيص الحلو
---
هتافات رابة بتنفع يا طارق؟؟
الكهربا جااااااااااات
املو الباغااااااااات
هسي
بتقطع
ويا جعفر
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Ahmed Mohammed Osman)
|
Quote:
برضو من ابوي وحات ابوي ..
عاش ابوي |
الابن الشاطر عبد المنعم سليمان( اشالله تكون الابن دي ريحتك)
ياخي ماتزعل وماتخاف
وتاني اوعك تجي البوست دا كان ما جبت معاك ولي امرك
واضح انه ح يفيدنا جدا في توثيقنا لهجيج السبعينات
هاك دي
الشال منام عيني وفؤادي جارحو
انشالله يلاقيني وبهوايا اصارحو
نتقابل الاتنين بيهواي اصارحو
واشكيلوا مر البين وبهواى اصارحو
لعل قلبوا يلين يعطف على المسكين
العين تشوف العين والايد تصافحو
وحاة زمتى برضه دى من ابو عبد المنعم سليمان
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: shaheed gadora)
|
رائعة اغاني البنات الخالدة : دودو بي اريتو كان طار بي
دودو بي اللوري
دودو بي اريتو كان طار بي
اتلمن الهايفات .. الوالدة والعمات
يرمن في الدمعات .. وحبيبنا ما بنفات
يا امو ماشة وين .. يا اختو ماشة وين
هن كلهن اوضتين
الاولى لي زوجي والتانية لي عفشي
الشنطة والقفة .. والخاينة تتوفى ..
نبكيها في حلفا .. انا وزولي
دودو بي اللوري
______________________
نلاحظ التناص اللغوي في المعاني بصورة واضحة في قصيدة البنات الحداثية "سجل لي دهب امك" التي سنعود لها لاحقا ...
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: shaheed gadora)
|
حباني القامو خلوني .. ليه ماجوني
الساعة ستة ونص .. ليه ماجوني
السرحو المخصوص .. ليه ماجوني
الصيلونو قزاز .. ليه ماجوني
النورم بي الغماز .. ليه ماجوني
الما بولعو جاز .. ليه ماجوني
حباني ..
__________________
يلاحظ في النص السابق عدم ارتباطه بالبعد الزماني فقط، ولكن ارتباطه بالبعد الزمكاني "الزماني/المكاني" حيث يختفي بوصول الكهرباء للمنطقة وانتفاء مزية "النور البي الغماز" كميزة.
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: shaheed gadora)
|
طارق اللمين ياقريبى وصديقى الزمان، أيوه كده خليك من بوستات التابلويد يا فنان يا عبقرى وتعال إلى ما ينفع البورد والناس، أحس اننى أستعيدك يا صديق. سجل اسمى عضو دائم بهذا البوست. أسمع فى علاقة بين الجلالات بتاعة العساكر فى جكات الصباح بتاعتم وأغانى الهجيج، كنا نصحى شان نسمعا، عليك الله نكت فيها، كان ذلك قبل أن تصبح الجلالات ذوات امر جلل.
أذانى يايمة شرانى وبريدو
رسل لى رسايل
وقال انا فى الجزاير ............. الخ
ويا طارق أظن أن الصحيح تتى وليس ستى، وكانوا يشاغلون لبنات:" يابت يا تتى حمامكم بدى ولا بعضى"
ألله عليك يا جميل وواصل
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: WadAker)
|
Quote: حمادة التش مالو مالو ماجا
شنبو حش مالو ماجا
اطير وانقص زولى سادة
ولاقيتو باللفة
الالم العلى خف
واخر واحدة
سلمى الشيخ سلامة
يا بلال على
اموت انا فى الاذاعة وووب الاذاعة
وفى قسم الدراما
دى اغنية عميرى ومجدى النور المفضلة عليهما كل الرحمة
لكين ناس كابو وابراهيم خضر عملو واحدة جديدة
سلمى الشيخ سلامة
وانا جريت لى حفيانة
غايتو دى دايرة ليها ناقد من الالفية الجديدة |
سلمى الشيخ سلامة ظللت وجهك الغمامة
طيرى فى جوك المعطر وزورى امريكا بالسلامة
اساليهم عن المحبة وعن فؤادى الذى احب
اسألى حتى ناس اوباما
واسألى بوش اذا استبد وما تقابليه بابتسامة
واسالى لينا كونداليزا كان تقلل الغشامة
واسالى الناس فى الشوارع والمجانين والطشامه
وسلمى لى على سوميتا ورسلى لى معاك بجامة
شرفتينا ونورتينا ومحتاجينك هنا
هاك دى :-
مبروك عليك الليلة يانعومه
ياحليل ناس ديل الزمان بجونا
يوم قالوا لى الحبيب مسافر
مشيت المطار قطعت التذاكر
من شدة اساى جرى دمعى دافر
مبروك عليك يانعيم هنانا
نشرب كتير من كاسات هوانا
وعلشانك انته بنستحمل ازانا
ارحل بى جسمك وقلبك معانا
من فراق سلومة مسكتنى حمى
من شدة بكاى انا جسمى استسمى
قولوا للحبايب تانى وين نتلمى
وقولوا للعوازل خلاص مناكم تمه
(احب السبعينات واموت فى غنا السبعينات واحب العيش ابو سبعين زاتوا ياااخ)
| |
|
|
|
|
|
|
|
|
 Re: هجيج السبعينات (Re: طارق الأمين)
|
يا طارق نحن السبعينات في خضمها !!
اهة خالتك حوة حريفة في الاغنية دي حرافة وانا في اي مناسبة لازم اطلبها يغنوها لي اصلها خيطي
أووب علي العزيز نار حية
اهلك شعروا بي ورفعوا علي قضية
قضية ما همية كفاية ريدك لي ..
العزيز ناروا حية ..
يا يابا سعدابي ..
تحتو الشجر كابي
بسجل عقابي للتيم المريخابي
العزيز ناور حية ..
ياتوبي البلالي
خيطو الكباري
شباب مربوع تمنية شباب اسكيلو عالي
العزيز نارو حية ..
يا توبي الكويته
في الدولاب ختيته
يا عشاق جنيتو وسكون بحري خليتوا
العزيز نارو حية ..
وجيت مارة ببي بيته
وقالوا الناس غشيتوا
الحب انا ما بديته ومن تبيت للقيتوا
العزيز ناور حية ...
يا يمة يايابا
كان ترضى كان تابا
الحب انا ما بديتا من زمن الصحابة
العزيز نارو حية ..
| |
|
|
|
|
|
|
|
|
|
Re: هجيج السبعينات (Re: انعام حيمورة)
|
الاخ سودانوي
شكرا للمرور الجميل والمساهمه
نزل العندك كلو ياعزيزي
ودور الفرح من سحر المزازيك الزمان
طبعا اليوم جمعه والامه مجتمعه
ونزلت مني دمعه
لكن اول من تخلص الاجازه ح اكون في المكتب والاستديو
وح انزل بالصوت ماتيسر
شكرا للاغنيه حاجه كولن كولن ورحم الله الفنان عمر عبده
اجمل مافي هجيج السبعينات انه لايسال عن الاغنيه من اي جهه جاءت
فانتشرت الاغاني الساحره بكل اللكنات واللهجات
ومثال لذلك حاجه كولن كولن
والله الليموني عبد الفادر سالم
والليله وين السكنو جنوب دارفور
وياباص السقينه لي كوستي ودينا
وجوبا مالك علي انا
شلتي نوم عيني انا
ولو زرت مره جبل مره
وياود باقير ماقت خطير
وين السليه
ووين درب البير
ةحتي الطيف رحل خلاني
وعديلا او وولي رن فجيلي اوووووووه
وادم شاش
وشندي وكبوشيه يالهجروك عليا
الدامر والمحميه يالهجروك عليا
ونحن من وين وانتو من وين نحن شله من الديم ياعنيا
ويارايع جفيتني وانا ضايع تعال لي
تامل وسنعود
| |
|
|
|
|
|
|
|
|
|
Re: هجيج السبعينات (Re: طارق الأمين)
|
طارق سلامات
مشتاقون ياخ
صعلت البورد
اقصد نورت البورد
قلت لى
ويارايع جفيتني وانا ضايع تعال لي
لكن العمر ما عندك ..  
تحياتى اسماء الجنيد/ مسقط
| |
|
|
|
|
|
|
|
|
|
Re: هجيج السبعينات (Re: soma)
|
Quote:
ومع محمد سلام تطل صورة الفنان مجذوب أونسة الذي ظهر معه في نفس الفترة وأغنيته الأشهر |
الاخ عاطف عمر
اسعدنا مرورك مثلما اسعدنا البى العصر مرورو الليله وين
فعلا كان الفنان محمد سلام واغنيه الشهيره انذاك قام اتعزز الليمون قد اكتسحا مساحه مقدره فى وجدان السبعينات حيث الشباب الراقص طرب
المتطلع الى مستقبل ملىء بالفرح والبهجه والطرب والسعاده
وقد ظهر نجم مجذوب اونسه فجاه فى السبعينات بحنجره جديده ذات بحه مميزه وجميله تشبه عندى بعض الشى صوت فنان الطمبور محمد جباره
واكثر الاغانى التى اشتهر بها كانت اغنيه العطبراوى
نسانا حبيبنا المامنظور انسانا
حليلو سافر روح ماغشانا
حليل الخوه الماقدره عشانا
نساهر ونشقى لو ينفع شقانا
تسيل دمعتنا بى شوقا وحنانا
عشان مايطرا ريدتنا ومنانا
يذكر يقلبو ايامو المعانا
وحياه الريده مابننسالو عشره
اه يادنيا لو فى بالو مره
اتذكرنا او بس طيفنا مره
كان ياحليلو عرف الفرقه مره
رحم الله الفنان القدير العطبراوى
اذكر وانا صبى ( صبى دى بالمناسبه مصر عليها ) ان كان هنالك برنامج يقدمه فريد عبدالوهاب اسمه لقطات وكانت هناك فقره فى البرنامج اسمها لقطه ولفطه وقد قدم البرنامج هذه الاغنيه مرتين فى هذه الحلقه مره بصوت مجذوب اونسه ثم مره بصوت العطبراوى انقسم المشاهدون فى الشارع السودانى وقتها الى فريقين فريق مع العطبراوى وفريق من شباي السبعينات احبو الاغنيه بصوت مجذوب اونسه لكنه فى ظنى استطاع اونسه ان ينقلها الى شباب السبعينات وكانت فتحا اطل عبره الى ذاك الجيل واردفها ب...
البريدك موت قالو بتريدو
قالو سمح القول فى خشيم سيدو
واخرى
يالرحتو طولتو وعلى ماسالتو
يالكنتو منى قراب انا وين ووين انتو
يعجبنى من اغانى مجذوب اونسه
لمن تفوت انتى فى الدنيا ايه قول لى يالكنتا فاكرك لى
الدنيا ياما تورى والدهر يامايقرى
تحيه للمرحوم العطبراوى والفنان مجذوب اونسه
نواصل فى الفقره القادمه بى اغنيه رابه وهجيج شديد
| |
|
|
|
|
|
|
|
|
|
Re: هجيج السبعينات (Re: soma)
|
التش تش حلاوة لبن
عليكم الله خلوني يا ناس
الزينبية حلاوة لبن
:
:
وانت ماشي
ـــــــــــــــــــــــــ
الول لول يا لولية بسحروك يا لولي الحبشية
حبشيه انتي ما صعبه
لوليه انتي ما صعبه
حبشيه انا ماعارف
انا بحب كسلا والقضارف
برضو وانت ماشي
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
الاخ شهيد قدوره
اسعدتنا بما قدمت من نماذج سبعينيه ومن تعليقات طريفه ولطيفه وعلى تلك النماذج
نعودالى اغانى الهجيج عند بنات السبعينات
امين يا امين الولد دا
امين يا امين الولد دا
فى مصنع الفازلين والسقط جا
عماد ياعماد الولد ده فى جامعة بغداد العسل ده
عصام ياعصام الولد ده فى مصنع الاقلام الولد ده
وسوووووووووحى اليل لالا
بالجنبة موحى اليل لالا
سوحى لينا اليل لالا
والعقبة لينااليل لالا
سامى عز الدين حسابه على
وعلى قاقرين حسابه على
علما انه لايوجد اى توضيح للحساب المذكور اعلاه وكيفية سداده
( وحاة ذمةعبد المنعم دى من ابوه )
نواصل
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
Quote: البلوم نزل في الساحة
البلوم نزل براحة
ونزل نزل براحة
ونزل
نزل
براحة
طق طق
قوم فوق منك له |
احمد محمد عثمان نزل فى الساحة لاكين اجمل مافى الموضوع انه مانزل براحة نزل بى تقلوا
وفجأه نهرنا ذى ناس الكشة لعلمك ياكموندان البوست ده عاملين ليه تصريح اوفر نايت
ومعانا عازفين من سلاح الموسيقى والعريس عنده ود خالتو نقيب طبيب سجون معاش
ونزل نزل نزل
ما قايميييييين
هاك دى من ابو عبد المنعم سليمان
( قسم اغانى النفط)
حيث لم ينس المغنون والمغنيات الثروة البترولية والشركات الضخمة التى تعمل فيها
فى سبعينيات الخرطوم التى لم تكن تكتظ بالصينيين عفواً بالاشقاءوابناء الخالات الجدد من الصين العاملين فى حقل البترول
دون مراعاة لمقررات وموجهات الاوبك
نمشى شرق لطلمبة شل
ونمشى غرب لطلمبة اجب
ونمشى طويل لموبيل
شل شل شل كب لى جالون
شل شل شل حسب القانون( البحث جار عن ماهية القانون المذكور )
شل شل شل انا مابديل
شل شل شل الطلمبه هديك
بابور جاز خلو اليشتغل الشغل بالجاز خلو اليشتغل ( علما باننا قد ذكرنا سلفا بان لا مانع من ان يشتغل بابور الجازاعلاه باى وسيلة يختارها )
والعزة للسودان
صورة للسادة شركة بتروناس
صورة للسادة شركة بترودار
صورة للسادة بمركز ابحاث النفط
صورة للسيد والد عبد المنعم سليمان
صورة لمنظمة الاوبك
صورة للسيد مدير مصنع الصلصةكريمة ( صورة ساى مابتضر )
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
Quote: نتدلي في ام روابه
ام نهيدا طاعم دابا
الجنني وجنن العزابه |
طاعن بالنون يا طارق ياخ..
وهو كناية عن صغر السن..
لكن زولك والعزابة بتاعنو.. لقيتهم ليك ما عندهم موضوع
البوست دمو خفيف والله
ولو لقيت لي طريقة بجي أسمعكم غنانا بتاع الترع الما خمج
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: عبد المنعم سليمان)
|
شكراً لمرور الجميع وساعود اليهم فرداً فرداً
وعلى ذكر مداخلة الاخ شهيد قدورة اعلاه وايراده لاغنية دودوبى اللورى ,وسيرة اللورى قديمه فى الاغانى منذ ماقبل السبعينات
فشمالا يا اللورى تشيل منو بلا بنات نورى تشيل منو
وشرقا ياللورى عليك الرسول بورى
وغربا اللورى حلا بى دلانى انا بالودى
ومنذ سائق البوباى وسايق الفيت وسايق العظمة كانت سيرة العربية واردة فى الاغنية مثل القطار والطائرة وكانها تمثل الدابة الحديثة والخيول العصرية التى هام بها الشعراء منذ المتنبي
الخيل والليل والبيدا تعرفنى
ثم
واسود يضلهم الليل منه الى اخره
قسم الدواب العصرية فى الاغانى السبعينية
1- مرقنه فى العصرية وركبته لى عربية
2- عربيتك المرسيدس كسرت علينا الترس - انته جعلى مابتتهبش وانت شطة مابتتقرش
3- تقوم بينا العربية تقوم بينا كب تقع بينا رب ( مع ملاحظة عدم ذكر الماركة والموديل واذا كانت مرخصة ام لا )
4- عربيتك الحمراء وحلانه فى الرمله انا ببقى ليك صاجة وانا بزحزح الرملة
5- ووب عليا تعال ليا يالسايق العربية
6-لو عاوز تغيزنتعال واضرب البورى ( ازعاج المبالغة
7-المهيرة البيت فرشوه وديل نسابتك بالبيجو جو ياعروسنا عريسك غلبوا الثبات (فى رواية اخرى بالماذا جوا والله اعلم)
ويلاحظ ان ثمة تطور فى وسيلة نقل المحبوب حيث قبلها فى اغنية العجب حبيبى
الزول الظريف راكب بسكليته
وصولاً الى القطارات
1- القطر الشالك انته يتكسر حته حته وتسلم لى انته
2- قطار الشوق متين توصل ترسينا
3- قطر الخميس الفات الشال حبيبى وفات الليلة ياحليلوا
4- من بف نفثك يالقطار انته شلته جيبو يالقطار
5- المحلى داخل عطبرة يابلالى ليل ليلنا
6- ياحليلا بلا غلط قالوا شاله قطار الاحد
6- قطر اويل المسافة طويل يلا يادقدق
صور- ادارة النقل الميكانيكى
وزارة النقل والمواصلات
هيئةالسكة حديد
السيد طريق الانقاذ الغربى
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Halema2)
|
(*)
طارق الأمين
والمعاهو بي جاي .. سلامات
أنا طبعاً فترة السبعينيات دي بسمع عنها سمع
والتمانينات طشاش كده
لكن والله في أغنية قبضت الجو فترة (على زمة ناس خالو وعمو) ..
أغنية (مسكين أنا
وآه مسكين أنا
وماجن بنات حلتنا ماسون دلال ماسرحن
مسكين أنا .. وآه مسكين أنا
وثتراً دزيلاً ..
_____________________________________
طارق الأمين (القوي ده بتجيبو من وين) .. تعمل من الفسيخ شربات يا (أبو صلعة إنتا)
بالمناسبة :
_______________________
إنتا في السبعينات كان عندك (خلال بتاع خشب) ؟
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Halema2)
|
Quote: يا يابا سعدابي ..
تحتو الشجر كابي |
الاخت حيمورة الامورة أسعدنا مرورك شكرا على (اهلك شعروا بيا ورفعوا على قضية يابلال على)
وقد كنت مغرما بالمقطع الذى يقول دخل الثانوية يابلال على حينما كنت ممتحنا لدخول الثانوى العالى
لكن الملاحظ فى الاقتباس على هو تكرار اسم السيد او الاخ سعدابى هذا الرجل امره محير لاعرفتو شيخ لاعرفتو عمدة
اسمع به كثيرا ولا اراه واشد مايحيرنى فى الامر الشجر الكابى تحتو ده ان الامر يبدوا محيرا يعنى هل الاخ سعدابى
يجلس اعلى قمة الشجرة وبذلك يكون تحته الشجر كابى ام انه يجلس على الارض لكنه حفر حفرة لاخيه ودفن تحتها شجرة تكب الله اعلم
ارجوا ممن تتوفر لدية اى معلومة الاتصال بالبوست مع كامل مودتى واحترامى للسيد سعدابى
والله دى قصة الليله دى
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
وواحدة للعواجيز "الله يسترنا"
الشايب دا .. رسلتو لي الدكان ..
الشايب دا .. احرج الشبان ..
الشايب دا .. رسلتو لي الحمام ..
الشايب دا .. لقاهو صاقط نام ..
الشايب دا .. رسلتو لي الفرشة ..
الشايب دا .. جابا لي كرشة..
الشايب دا .. رسلتو لي المنكير..
الشايب دا .. جابو لي طبشير..
الشايب دا .. الله بيني وبينو
تطير الابرة وتقد ود عينو
"ويختم الكورس الاغنية بترديد الحكم النافذ"
مافي ليك ومافي ليك الطالب دا
هو ليك وهو ليك الشايب دا
___________
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: عبد المنعم سليمان)
|
Quote: كان شارع افريقيا الحالي يسمي حينها ب شارع الجنه
وهذه التسميه ببساطه قد كانت لانه الشارع الوحيد في سبعينات الخرطوم الذي تباع فيه الفواكه النادره والمستورده |
كضاااااااب ..
لاقي الشُفع السغار ديل و متجدع !!! ..
شارع منو ؟ .. الجنة ؟؟؟
طارق أحسن ليك , عامل راسك أب ستة ده !!!
....
يا حلاتو يا حلاتو دردم لي جـ ....... ـاتو
خبت الباب تِكِي تِنْ تنْ مشت أمي جرى تَنْ تَنْ
ساهر بي ساهر بي شال .....ـي و حيّر بي
ساهر بي ساهر بي يا بوليص مالك بي .
و كمان :
الريد الريد يا بدور موسى
انا ما جنيت بس بدور موسى
سدو فوق البيت
يا بدور موسى
و سوو لي القيد
يا بدور موسى
أبرا ما جنيت
بس بدور موسى
ما ده الغرام و الريد
جيبو لي موسى
...
مجروسة جات كاشّا
أنا بدور موسى
شايلة دياشه
أنا بدور موسى
حبيبي خشّ الديش
أنا بدور موسى
شان يبقى أُمباشا
بس بدور موسى .
.....
موسى أب زَرَد .
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Emad Abdulla)
|
Quote: و كمان :
الريد الريد يا بدور موسى
انا ما جنيت بس بدور موسى
سدو فوق البيت
يا بدور موسى
و سوو لي القيد
يا بدور موسى
أبرا ما جنيت
بس بدور موسى
ما ده الغرام و الريد
جيبو لي موسى
...
مجروسة جات كاشّا
أنا بدور موسى
شايلة دياشه
أنا بدور موسى
حبيبي خشّ الديش
أنا بدور موسى
شان يبقى أُمباشا
بس بدور موسى .
.....
موسى أب زَرَد .
|
والله يا(عمدة) الكوامر بتاعين زمااان ظهروا
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: كمال علي الزين)
|
ان كان هذا هجيجكم... فوالله ماعندكم هجيج ولايحزنون
لعلكم قد دخلتم الى حلقات الهجيج متأخرين بعض الشئ فوجدتم فـُتـَات الهجيج ولم تُطْعَمُونَ من ( ضـَلـْعــَتـِهِ ) و ( شـَيَّــتِهِ ) و( سََـلـَطـَاتِهِ ) ولم تذوقوا ( خـُشـَافـَهُ ) ولعلكم لم تذوقوا حتى ( بـِزْيَـانـُوْزهِ ).
عفوا
الهجيج نوعان فى (رواية عمر)...
وثلاثة فى رواية (زيد)
ناقش
الزمن 10سنوات
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Emad Abdulla)
|
Quote: كضاااااااب ..
لاقي الشُفع السغار ديل و متجدع !!! ..
شارع منو ؟ .. الجنة ؟؟؟
طارق أحسن ليك , عامل راسك أب ستة ده !!!
|
عماد عبدالله
لوسمحت ياخ بنتكلم عن فواكه نادره ومستورده في السبعينات
وتحديدا التفاح والعنب والشعب السوداني كلو عارف انك شفت الحاجات دي
في الخليج بعد سن الخمسين
اما شارع الجنه دا اهلك ما بخلوك تمشي تتفرج معانا عشان ما تختف وتجري
انت زعلان عشان مافي غنيه عن لبن كافوري غي حيط العمارات
صحي نحن كنا بنمشي شارع الجنه سباحه ساي ما تسوق
لكن برضو انثقفنا وعرقنا شكل التفاح والعنب من بعيد
انت دي ما عندك اسكت منك له
ونواصل
والزعلان كلمو يقع الخزان كلمو
والخزان كان بعيد السيغه في الدكان كلمو
والدكان كان بعيد عربه نيسان في الطريق
عذه الاغنيه انتشرت في السبعينات
رغم استهتارها بمشاريع السودان التنمويه
ومقدرات الامه علي لغه الحكومات
ومن هنا فاني ادعو الي تعليه خزان الروصيرص
ردعا لمحاولات كل زعلان
ولانامت اعين العماداب
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Emad Abdulla)
|
Quote: كضاااااااب ..
لاقي الشُفع السغار ديل و متجدع !!! ..
شارع منو ؟ .. الجنة ؟؟؟
طارق أحسن ليك , عامل راسك أب ستة ده !!!
|
عماد عبدالله
لوسمحت ياخ بنتكلم عن فواكه نادره ومستورده في السبعينات
وتحديدا التفاح والعنب والشعب السوداني كلو عارف انك شفت الحاجات دي
في الخليج بعد سن الخمسين
اما شارع الجنه دا اهلك ما بخلوك تمشي تتفرج معانا عشان ما تختف وتجري
انت زعلان عشان مافي غنيه عن لبن كافوري غي حيط العمارات
صحي نحن كنا بنمشي شارع الجنه سباحه ساي ما تسوق
لكن برضو انثقفنا وعرقنا شكل التفاح والعنب من بعيد
انت دي ما عندك اسكت منك له
ونواصل
والزعلان كلمو يقع الخزان كلمو
والخزان كان بعيد السيغه في الدكان كلمو
والدكان كان بعيد عربه نيسان في الطريق
عذه الاغنيه انتشرت في السبعينات
رغم استهتارها بمشاريع السودان التنمويه
ومقدرات الامه علي لغه الحكومات
ومن هنا فاني ادعو الي تعليه خزان الروصيرص
ردعا لمحاولات كل زعلان
ولانامت اعين العماداب
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
طيب ..
أبونا كان بيجيب لينا ( الُفُروطّة ) ..
و دي حاجة لا قِبل لكم بها .. سمحة خلاس .. ( على ذمة عمك بيجو أبو منعم بيجو ) ..
و الغنا طوالي إتقطع لينا :
يا علب الفُروطّة ..
تاخد منو حتّة ..
لو ما ضقت منو يودوني للنقطة .
( خيار صعب خلاس ) .
و برضو :
قاعد في النجيلة
بالردا و الفنيلة
حبيت أشاغلو
عمل الكورة حيلة ..
و وين وين يا غالي .. أموت و انا دمعي جاري ..
( و انا ألعب في كورتي ساااكت .. ما شغال بيهم ) ..
ثم ياخي بعد داك قاموا قطعو لي :
أب رنات إنت
قاضي القضاة إنت
سيد الناس إنت
سيد الشيكات إنت
قادي الباكات إنت
أب كبكات إنت
سيد الحوبات إنت
حِتيتون إنت
حتيتون حتيتون حتيتون ..
حتتتتتتته .
( كنت سغير شوية .. غايتو .. البنات صعبات لمن يقومن ) .
دي لازم تتغنى و إنت مكفكف ..
.....
أكلت قبل كده فُروطّة ؟؟؟
عاملة كيف ؟؟
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: Emad Abdulla)
|
والله يا عمدة ... ود الديم .. من قبيل ابيت اخوش البوست بتاع الفارة اب صلعة دة
واللي عامل فيها (حناك ) ولقى الحلة فاضية والشفوت ما فيشين ... لكن لمن ظهرت
انت - طبعاً ثقتي في ابوساندرا اصبحت رويداً رويداً تضمحل الى الاندثار- قلت الكلام
الجد جاي لمن انمت جبت كلام الديم الجد جد ... بتاع كوريا ... واللي ورثوها ناس
الشيك ، واللي قلت انت ...
يا حلاتو يا حلاتو دردم لي جـ ....... ـاتو
خبت الباب تِكِي تِنْ تنْ مشت أمي جرى تَنْ تَنْ
ساهر بي ساهر بي شال .....ـي و حيّر بي
ساهر بي ساهر بي يا بوليص مالك بي .
و كمان :
الريد الريد يا بدور موسى
انا ما جنيت بس بدور موسى
سدو فوق البيت
يا بدور موسى
و سوو لي القيد
يا بدور موسى
أبرا ما جنيت
بس بدور موسى
ما ده الغرام و الريد
جيبو لي موسى
...
مجروسة جات كاشّا
أنا بدور موسى
شايلة دياشه
أنا بدور موسى
حبيبي خشّ الديش
أنا بدور موسى
شان يبقى أُمباشا
بس بدور موسى .
.....
موسى أب زَرَد .
اها يا طارق لقيتك صلعة لا تشرف ابان صلع جد ... ابقى لم الكراسي وخلي الحفلة
تشتغل
ومنعم انشاء الله يدقوه في البيت ... لانو باراك (اوباما) ...
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: مصطفي سري)
|
انا عارف البوست دا بالليل بجيب ليهو مشاكل
بالذات مع الناس المابعرفو ينضمو بالنهار ديل
يامصطفي ياخي ( سري ) وعرفناهو دا اسم الوالد
مصور نفسك من الجبهه وتحت وداسي الصلعه في البروفايل بتاعك مالك؟
سريه برضو؟
بعدين انت البدخلك حتات زي دي شنو؟
بنتكلم عن فن وغنا وطرب ياخ
امانه عليك تقطع اضنيك
غير ماكنت بتحرس لينا الباب في بروفات الكورال
باعتبار انو دي الخدمه الوحيده القدمتها للفنون في البلد
تاني ختيت معاناياتو طوبه في ياتوغنيه ولي مدحه حتي
بعدين ياخ انت زاتك ماخشيت الجامعه بعد سن الاريعين
واتفسحت في اولاد اخواتك الطلاب ياخال في الاهليه
لمن بقيت رئيس الاتحاد وانت علي اعتاب الخمسين
طيب النفرض ياخي انا لقيت الناس هنا سغار
وعاوز اتفسح ما اتفسح ياخ متفسح بي قروشك؟
بعدين البتغنو قيهو انت وساحبك دا ماهو اغاني سبعينات
والشيطان ظااااتو مابجيزا
وعليه يامصطفي ياسري
ممكن افتح ليك بوست سري
تغني فيهو الهبوط السري بتاعك دا
لم عدتك واتخارج من هنا سريع
قبل ما اكورك لي ابوساندرا
قال سري فال
زمن السريه زاتو انتهي يامان
تعال يا ود اقفل البوست دا خلينا ننوم
بسسسسسسسسسسسسسسس زوار اخر الليل كمان
وانسب اغنيه اهديها ليك من اغاني السبعينات
بالباب لا
بالشباك لا
سيد البيت جا
تعال بكره
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
العزيز طارق والافاضل
سلام وتحيه...
من فتره طويله و عندى رغبه شديده فى كتابه دراسه عن أغانى البنات منذالفتره المهديه وحتى الثمانينات وهى تتكون من عده فترات إقترنت بمراحل سياسيه وواقع إجتماعى وثقافى محددين وكانت أغانى البنات تمثل المرآه التى ننظر من خلالها للمجتمع كما كانت توثيق لإحداث محدده...أغانى فتره التسعينات وحتى الآن تحتاج لدراسه أخرى...
...............
استمرارا لأغانى الفاكهه..
أسأل العنبه الراميه فوق بيتنا..
وأغانى الملابس أيام جكسافى خط سته
قصرى المينى جوب ده
الله ليا
فق للركبه
الله ليا..
وبجيكم راجع
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: محمد مكى محمد)
|
شوف يا طارق يا وداللمين ... ما تعمل فيها قالبا وفقري وبتنوم اسع
انا بعرفك من زمن عامل فيها حبيب الشئ التاني انت زول مزوراتي
والدليل
(انا عارف البوست دا بالليل بجيب ليهو مشاكل
بالذات مع الناس المابعرفو ينضمو بالنهار ديل
يامصطفي ياخي ( سري ) وعرفناهو دا اسم الوالد
مصور نفسك من الجبهه وتحت وداسي الصلعه في البروفايل بتاعك مالك؟
سريه برضو؟
بعدين انت البدخلك حتات زي دي شنو؟
بنتكلم عن فن وغنا وطرب ياخ
امانه عليك تقطع اضنيك
غير ماكنت بتحرس لينا الباب في بروفات الكورال
باعتبار انو دي الخدمه الوحيده القدمتها للفنون في البلد
تاني ختيت معاناياتو طوبه في ياتوغنيه ولي مدحه حتي
بعدين ياخ انت زاتك ماخشيت الجامعه بعد سن الاريعين
واتفسحت في اولاد اخواتك الطلاب ياخال في الاهليه
لمن بقيت رئيس الاتحاد وانت علي اعتاب الخمسين
طيب النفرض ياخي انا لقيت الناس هنا سغار
وعاوز اتفسح ما اتفسح ياخ متفسح بي قروشك؟
بعدين البتغنو قيهو انت وساحبك دا ماهو اغاني سبعينات
والشيطان ظااااتو مابجيزا
وعليه يامصطفي ياسري
ممكن افتح ليك بوست سري
تغني فيهو الهبوط السري بتاعك دا
لم عدتك واتخارج من هنا سريع
قبل ما اكورك لي ابوساندرا
قال سري فال
زمن السريه زاتو انتهي يامان
تعال يا ود اقفل البوست دا خلينا ننوم
بسسسسسسسسسسسسسسس زوار اخر الليل كمان
وانسب اغنيه اهديها ليك من اغاني السبعينات
بالباب لا
بالشباك لا
سيد البيت جا
تعال بكره)
طيب يا ود امي انا لاقيتك قبل كدة
طبعا لا ابداً لا شافوك وين
لاقوك وين يالعنب
في الديوم الغربية ابداً لا طبعاً لا
في المحطة الاهلية ابداً لا طبعاً لا
ما تعمل فيها مقتطعا انا ود سري
وقاااااعد الليلة وطيب لي بكرة
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: الصادق اسماعيل)
|
مش قلت ليك حا أرجع!
الفراغ اللي أشرت ليهو يعني أن مزاجك عاد صافيآ ورميت التوتر خلفك وهو الأمر الجيد بدليل عودتك للكتابة وافتراعك لهذا البوست,,وأظنك فاهم الصفاء الذي أقصده!
فعلآ دي أشعار ماعندي ليها رقبة وبالمناسبة الغنا الدكاكيني من أصعب أنواع النظم, فعلى الرغم من مايبدو في بساطة الكلمات إلا أنها كالسهل الممتنع ,,ومع ذلك فمن الممكن جدآ أن يشارك في نظم مثل هذه الأشعار من لم يكتب شعرآ من قبل,,خاصة بالنسبة لأغاني البنات,,ومن المدهش إذا قلت لك أن بعض شعراء الأغنية العاطفية الكبار قد شاركوا كتابة و تأليف الأغاني الدكاكينية!,,وستندهش أكثر عندما تعلم أن شاعرنا الرقيق السر دوليب قد فجر مايشبه القنبلة بتصريحه في حوار صحفي أجري معه في الفترة الماضية والذي كشف فيه أن أغنية السبعينات الأكثر شهرة{مبروك عليك الليلة يانعومة,, ياحليل ناس ديل الزمان بجونا} هي في الأصل من تأليفه!,,فتأمل
يخيل ليا موضوع هذا البوست يحتاج لمداخلات كل من بيان, الجندرية, صديق الموج ,أبوساندرا, يازول يازول,,إلى جانب المساهمات القيمة من الذين شاركوا هنا.
حا أرجع تاني
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: حسن الجزولي)
|
اخي وصديف الزمن الجميل
وقريبي المستشار القانوني الفلته
والشاعر الفنان عزالدين عثمان
اول حاجه بركه الجيت بركه الجيت
وعسل انت وبسكويت
بركه الجيت عشان تشوف ودحلتكم مصطفي سري
البودي قارد بتاع البروفات بعمل في شنو
تسعدني جدا بهذا المرور فعلا ياصديق كنت انوي في نهايه المطاف
ان اربط وابحث مع مهتمين ومختصين مابين جلالات الجيش
اغاني الهجيج في السبعينات بصوره عامه واعاني البنات بصوره خاصه
موشحات واهازج الذكر عند الطرق الصوفيه
اغاني الزار وموسيقي الكيته والموسيقي العسكريه( شرطه جيش)
اغاني السيره والحماس
الاهازيج الشعبيه عند الاطفال
الاغاني المسكوت عنها عند الرجال والنساء
الاهازيج الشعبيه الخاصه ب الرياضه المظاهرات العاب الصبيه
يدكم معانا وكدي نبدا بالجلالات مع مواصلتنا في التوثيق
البودي قاردات يمتنعون
مع محبتي
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
وعشان البودي قاردات مهمين في تصحيح الاخطاء الاملائية ، مثل البودي(ومرات البودي الشارع او
النار) قارد الملا حسين ، نصحح لك هنا ما اودته (واعاني البنات بصوره خاصه) انت قلت اعاني
البنات ، من الذي قال ان البنات يعانن .
لازم تقدم بوست اعتذار الان عن هذه الكلمة ، لانك ضد المراة
والانسانية ، وتقف مع (الجماعة ديلك ) وما تقول اغاني وهجيج
كلامك ، اذا لم تعتذر عنه ، سنطالب بالاخ بكري ابوبكر بسحب الباسورد (الليلك)
وتحية الوحدة ...في الحاج يوسف ... وعشش فلاتة ... شن قولك ..
عزالدين شيش ، نتواصل بالماسنجر لمزيد من التنسيق لابعاد الذين يتقولون ضد النساء .
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: طارق الأمين)
|
اها دى قولوا لى فى زول حافظها
شتلوك وين زرعوك وين يا عنب
فى جنينة البلدية
ابدا لا وطبعا لا
الساعة خمسة العصرية
ابدا لا وطبعا لا
لكن وييييين
والحب جميل
يا عنب
فى جنة رضوان
ابدا لا وطبعا لا
ما بين الغزلان
ابدا لا وطبعا لا
لكن وييييين
العمال حديد
يا عنب
والباقى شنو ؟؟؟
ام وضاح
| |
|
|
|
|
|
|
|
|
|
Re: يارمزا ولي يارمزا او هجيج السبعينات (Re: essam&amal)
|
طارق
لك الود
اتذكرت عليمة العروس ورمزا دى بيعلمو بيها العروس وفى مقطع مهم ماقلتو الى هو:
بخاف عليك ولى يارمزا
من عيون الناس ولى يارمزا
الناس حساد ولى يارمزا***حساد حساد ولى يارمزا
ايي الليلة ايي يا *** ايي الليلة عريس زى دا
وأظنها من الاغاني الفيها قوون
ملحوظة: انا اصغر منك
| |
|
|
|
|
|
|
| |
حسن الجزولي
بشير أحمد
khaleel
alfatih
طارق جبريل
محمد الأمين موسى
وليد محمد المبارك
Farahat Sayed
طلال عفيفي
حسين محي الدين
عبد المنعم سليمان
سلمى الشيخ سلامة
منزول محمد توفيق
HAYDER GASIM
Ahmed musa
عاطف عمر
Ahmed Mohammed Osman
معتز الامين
انعام حيمورة
اساسي
omar altom
Mahmoud Mustafa Mahmoud
Halema2
Emad Abdulla
Gazaloat
مصطفي سري
محمد مكى محمد
الصادق اسماعيل
الجندرية
essam&amal
فيس بوك
تويتر
انستقرام
يوتيوب
بنتيريست