|
العضوة الجديدة والجماعة البكايين.
|
العضوة الجديدة الجميلة أمنة عبد الكريم عضوة نشطة وجديدة وفتحت حوالي ثلاث بوستات مختلفة. رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ.
ملحوظة:
المتزوج شايل العزابي على وزن الاعمى شايل المكسر.
هذا البوست لا علاقة له بالعضوة الجدية أمنة عبد الكريم ولكنه يكشف الناس البكايين.
دينق.
|
|
|
|
|
|
|
|
Re: العضوة الجديدة والجماعة البكايين. (Re: Deng)
|
دينق سلامات
و الله ملاحظتك فى محلها ياخ جنس بكاء شديد. يا اخى المتزوجين عاملين زحمة انا زاتى كنت داير امشى ابكى بس و الله حته اختا فيها مداخلة زاتو مالقيتها البوست مقفل و محجوز، يا زول مداخلة شنو و الله محل لى ابره مافى رجعوا لينا المسنجر يا جماعة حكاية البكا على روؤس الاشهاد دى قاسية
و الخوف لمن تجيب ليها شواكيش يا ود المهدى!!!
| |
|
|
|
|
|
|
Re: العضوة الجديدة والجماعة البكايين. (Re: abubakr salih)
|
يا دينق والله انت بتاع مشاكل ...
التحية للاخت امنة عبد الكريم ومرحب بيها .. وكدي الواحد يمشي يخش بوستاتا يشوف الحاصل شنو؛ ما تحصل لينا حكاية نسرين سوركتي ) الهكر ) القصة قامت وقعدت ووانتهت ونحن ما جايبين خبر وساكين ليك الوهابية؛ ولمن راوية فتت ملاسي كنت مسطح خالص وجيت زي اهل الكهف اسأل في الناس يا جماعة القصة شنو والحاصل شنو ؟؟
| |
|
|
|
|
|
|
Re: العضوة الجديدة والجماعة البكايين. (Re: Abdel Aati)
|
مالك يادينق ياخ داير تعقدهم وتخوفهم مايدخلوا ليها تاني؟؟ الناس دي ماداخله بس علشانها هي حلوه ولطيفه.. لكن كمان هم دايرين يوصفوا بيوتهم.. بيوتهم دي شهدت ومازالت تشهد في معظمها ذكريات طفوله وشباب واهل..
عليك الله خليهم في حالهم..
مع التحيات الفرحانه بحبها ليك....
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دينق سلامات
و الله ملاحظتك فى محلها ياخ جنس بكاء شديد. يا اخى المتزوجين عاملين زحمة انا زاتى كنت داير امشى ابكى بس و الله حته اختا فيها مداخلة زاتو مالقيتها البوست مقفل و محجوز، يا زول مداخلة شنو و الله محل لى ابره مافى رجعوا لينا المسنجر يا جماعة حكاية البكا على روؤس الاشهاد دى قاسية
و الخوف لمن تجيب ليها شواكيش يا ود المهدى!!! |
يا أبو بكر صالح.
البوستات ديك غايتوا إلا أخونا بكري يديك باسورد خاص علشان تكابس فيه.
خصوصا أخوانا ناس الخليج السعودية ديل الله يديهم العافية بس.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: العضوة الجديدة الجميلة أمنة عبد الكريم عضوة نشطة وجديدة وفتحت حوالي ثلاث بوستات مختلفة. رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ.
ملحوظة:
المتزوج شايل العزابي على وزن الاعمى شايل المكسر.
هذا البوست لا علاقة له بالعضوة الجدية أمنة عبد الكريم ولكنه يكشف الناس البكايين.
دينق. |
والله كلام صاح ... بس انا مشيت ووصفت بيتنا وعزمتها ... لكن بعد شوية اكتشفت انها جديدة.. دحن انا بكائي
تحياتي
الامين
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: يا دينق والله انت بتاع مشاكل ...
التحية للاخت امنة عبد الكريم ومرحب بيها .. وكدي الواحد يمشي يخش بوستاتا يشوف الحاصل شنو؛ ما تحصل لينا حكاية نسرين سوركتي ) الهكر ) القصة قامت وقعدت ووانتهت ونحن ما جايبين خبر وساكين ليك الوهابية؛ ولمن راوية فتت ملاسي كنت مسطح خالص وجيت زي اهل الكهف اسأل في الناس يا جماعة القصة شنو والحاصل شنو ؟؟ |
يا عادل.
والله ما قدرته أسكت.
ودي ظاهرة تستحق النقاش بشفافية تامة.
بعدين لو داخل بوستات أختنا أمنة دي لازم تكون ماخد خبرة في الدفر والرفس.
زي الشكل بتاع ركوب الموصلات زمان.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: مالك يادينق ياخ داير تعقدهم وتخوفهم مايدخلوا ليها تاني؟؟ الناس دي ماداخله بس علشانها هي حلوه ولطيفه.. لكن كمان هم دايرين يوصفوا بيوتهم.. بيوتهم دي شهدت ومازالت تشهد في معظمها ذكريات طفوله وشباب واهل..
عليك الله خليهم في حالهم..
مع التحيات الفرحانه بحبها ليك.... |
منى خوجلي.
هسع كده أنتي كلامك ده مجاملة ولا مساندة؟
أنا داير رايك وملاحظتك كعنصر نسائي بالبورد.
أنتي لو فعلا بتريديني مفروض تسانديني.
اصلوا البوست ده بعد شوية ح يقوم فيهو عجاج وكتاحة خليك قريبة بحتاج الى عضلاتك (أقصد ملاحظاتك).
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
"In the end, we will remember not the words of our enemies, but the silence of our friends"
علشان الجزء التاني في كلامك ده التحته خط.. أنا بجي وبساندك
انا والله يا دينق صراحه وبدون هظار..بفتكر برضه في رجال بيعملوا بوستات فيها كبسيبه شديده وكلها هظار.. وبعدين لو هي دخلوا ليها البوستات علشان حلوه بس.. بعد شويه المولد بينفض..والموضوع بيبقي عادي جدا.. اوافقك انه الشكل ساعدها.. لكن هي برضه عندها جرأه في قلبها.. لأنه عامة اي زول جديد اتعودنا انه يقعد وسط الناس بهدوء شويه.. يزور الناس في البوستات بتاعتهم.. حتي يقدر يفتح بوست.. واتعودنا انه البوستات للناس الجديده ممكن تقعد فتره طويله لغاية ما يتداخل فيها الأعضاء.. لكن مع العضوه آمنه الوضع اختلف.. لأسباب كتيره بعضها يمكن معرفته وبعضها ممكن تخمينه وبعضها لسه ما وصلنا لتحليله.. المهم انا البوست ده بالتحديد شوفت عنوانه..وأنا اساسا وبدون منطق مقنع للأخرين..عندي كراهيه للعناوين الطويله.. المهم انا دخلت في بوست تاني ورحبت بيها..وماكان في زحمه.. علشان كده قلت ليك الجماعه ديل مشتاقين لبيوتهم ساكت وانت ماصدقتني.. اسه هي لو كتبت بوست جديد وقالت مثلا..
غنمايتنا جرحت أضانها..
أاكد ليك الناس دي برضه بتجي تدخل البوست.. يا أما علشان تكفر ليها لأنه عندنا رحمه في قلوبنا علي الغنمبالتحديد.. ولأنه في منهم كتير وحشهم غنمهم..وفكروا امكن غنمهم يمر بنفس هذه الظروف القاسيه..والناس لي بعضها في النهايه.. شوفت كيف يا دينق؟؟
وأنا قاعده معاك اساعدك مره مره
انت بس
| |
|
|
|
|
|
|
Re: العضوة الجديدة والجماعة البكايين. (Re: Deng)
|
الاخ الكريم دينق كيفك ، و الله انا قائله معانا من زمان ، بس برضو ما لقيتنا بى هنالك خلينا نشوف الحاصل شنو ، نمشى نشوف الجماعة (غايتو جنس محن ). بعدين جنس شغلك ده نوع من الدعاية ولله شنو؟
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: والله كلام صاح ... بس انا مشيت ووصفت بيتنا وعزمتها ... لكن بعد شوية اكتشفت انها جديدة.. دحن انا بكائي
تحياتي
الامين |
الامين أخوي.
والله ما عارف أقول لك شنوا ولا أجاوبك كيف.
لكن البكا بكا.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !!
ــــــــــــــ دينق قول لى انت ما بتبكى لييه ؟؟؟ كبرت ؟؟ ابكى ياخ فضفض هم الغربة دا .. والامريكيات ديل خلاس خت ليهن القدرن ... التفت شوية لبنات جلدتك (حلوة دى )؟؟ وخلى البكا لبنات بلدنا مااااااااااا برا البلد .... تربت يداك !!
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: الاخ الكريم دينق كيفك ، و الله انا قائله معانا من زمان ، بس برضو ما لقيتنا بى هنالك خلينا نشوف الحاصل شنو ، نمشى نشوف الجماعة (غايتو جنس محن ). بعدين جنس شغلك ده نوع من الدعاية ولله شنو؟ |
الاخ الكريم هجو.
الحق الظلامي معتز القريش كاسر ركبة عديل كده بي هناك.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
كتبت رجاء العباسى تعليقآ على ظهور العضوة الجديدة المدعوة آمنة عبد الكريم التى تحمل درجة الماجستير فى ادارة الاعمال حسب بروفايلها:
Quote: بيني وبينك عندي شوية أكلان في قلبي و(الفار بيلعب في عبًي ) البنية Too good to be true |
تابعى حدسك يا رجاء follow your intuition
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: لووووول يا مان ..
شكلك عجًزتا خلاس وبقيت ما بتقدر على المدافرة في بوستات العضوات الجديدات..
غايتو أنا يا مؤمن يا مصدق دخلت بمزاج ووصفت بيت ناس حبوبة.. لكن بيني وبينك عندي شوية أكلان في قلبي و(الفار بيلعب في عبًي ) البنية Too good to be true
ربك يسترنا ما تطلع حكاية زي نسرين سوركتي
صلًحتا حرف..
-------------------------------------------------------------------------------- بـكـرة أحـلـى.. |
الغالية رجاء العباسي.
أنا من متين بتاع مدافرة؟
أنتي كصحفية وين أحساسك الصحفي من هذا الحدث الهام.
والله دقستي جنس دقسة.
ما أظنها تطلع زي نسرين سوركتي.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: يا عمك
العوض دخل البورد شبكتوهو ما قال كش وكوز واللازي منو
دي جاتكم بي كسير عديييييييييل
بس عشان تطلع من المزيره بتاعتكم دي
برضو ما ريحتوها |
محمد عبد الماجد.
العوض ده لكن مبالغة عديل كده.
والله أنا ما شايف أي حاجة غلط في العضوة الجديدة أمنة ولكن ناس قريعتي راحت ديل لعبهم مكشوف وواضح ودفر ولز.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دبنق سلامات
أنا واحد من المتداخلين في بوستات أمونة وبالمناسبة ده أسم الدلع لي آمنه أوعى تفتكرني إنفقعت بالبكاء سؤالي ليك :
عملنا شنو ما عادي خلاك تقول كده ?
ولو ما عندك جواب مقنع يادينق حنعتبر بوستيك ده فراش وبكا
وحتكون صاحب الفراش معليش يا دينق كل كلمة
محسوبة في المنبر ده وآمنه شرط لكن أخت وزميلة عزيزة وإنت زول
حبيبنا وزميلنا لكن you have to pay your bills too bad |
صلاح وسبة.
كمان لحقتوا وسميتوها أمونة!!!
في أخوات في البورد ده ليهم مية سنة مافي زول أداهم أسم دلع رغم أسمائهن الجميلة والرنانة.
والله شغلكم نضيف.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !! |
دينا.
طيب ليه ما فتحتي زي البوست بتاعي ده؟
ولا خايفة تخسري أصدقاء بكايين؟
Quote: ــــــــــــــ دينق قول لى انت ما بتبكى لييه ؟؟؟ كبرت ؟؟ ابكى ياخ فضفض هم الغربة دا .. والامريكيات ديل خلاس خت ليهن القدرن ... التفت شوية لبنات جلدتك (حلوة دى )؟؟ وخلى البكا لبنات بلدنا مااااااااااا برا البلد .... تربت يداك !! |
أنا قاعد في ميامي وجنبي South Peach مالي ومال البكا؟
البكا لجماعة الخليج.
دينق.
| |
|
|
|
|
|
|
Re: العضوة الجديدة والجماعة البكايين. (Re: Tragie Mustafa)
|
العزيزة آمونه 2 حنسميك آمونه 2 لانه عندنا آمونه قبلك:
Quote: شكرا لاهتمامكم
الموضوع عادي جدا وانا متقبلة الحكاية
واي شيء جديد الناس بتمشي عليهو
عادي
وودي واحترامي للجميع..
|
يازوله عادي جدا من جماعتنا ديل الا نحن بنكاوي فيهم ساي.
| |
|
|
|
|
|
|
Re: العضوة الجديدة والجماعة البكايين. (Re: Tragie Mustafa)
|
اها يا دينق جوووووك في بيتك ، عاد تمشي وين تعرف هي قالت قرت في الاهلية اللي انا قريت فيها وساكنة امتداد الدرجة الثالثة ودي حلتي بعد دة بوستها المقصود ما تداخلت فيهو قلت القى بوست زي دة ملح اخوش واقول الوصف الاخت امنة اقعدي في البوست دة والجماعة برحلو من هناك الى هنا ، وانا دخلت غايتو ...
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: كُل القِصة يا دينق إنو إنتا رآءت ليك نفسك الخرِبة وإحساس الدونية الكامِن جواك إنك غير مؤهل زيّك وزي باقي الناس ديل للتداخل مع الزولة دي بالشكل الإجتماعي الخفيف والبسيط الشايفو قدِّامك دا |
لي كدا يا ود الجيران يا اخي انت لو شفت دينق مع الراحل المقيم جون قرنق ديني انا الزول دا وسيم ومقدره عديل كدا , بس يا دينق ما تشيل حالي تقول مامه دومه بكايه انت في مقام ولدي والله لكنك مكمل الوسامه
| |
|
|
|
|
|
|
Re: العضوة الجديدة والجماعة البكايين. (Re: Deng)
|
الاخت تراجي.
لا تهتمي كثيرا بمثل هذا الساذج، سوتنا لحقوا والظاهر هو أحد البكايين.
وبما أنه مجرد ساذج فلازم كان يطلع بمثل هذا الحديث العنصري.
وأنا ما عندي زمن لزول مكبوت في حياتوا كلها.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: شكرا لاهتمامكم
الموضوع عادي جدا وانا متقبلة الحكاية
واي شيء جديد الناس بتمشي عليهو
عادي
وودي واحترامي للجميع.. |
الاخت أمنة عبد الكريم.
شكرا لتفهمك مغزى هذا البوست.
لكي كل الاحترام والود.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دينق كيفنك؟؟ بالله ود قريش قلت لي كاسر ركبة عديل كدة؟؟؟ |
يا تراجي.
ما شفتي الظلامي ود القريش.
هجر كل البوستات التكفيرية وبارك في بوستات العضوة الجديدة، وناس الطقي وفرانكلي كايسين ليهو وما لاقينوا.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: اها يا دينق جوووووك في بيتك ، عاد تمشي وين تعرف هي قالت قرت في الاهلية اللي انا قريت فيها وساكنة امتداد الدرجة الثالثة ودي حلتي بعد دة بوستها المقصود ما تداخلت فيهو قلت القى بوست زي دة ملح اخوش واقول الوصف الاخت امنة اقعدي في البوست دة والجماعة برحلو من هناك الى هنا ، وانا دخلت غايتو ... |
مصطفى سري.
أوع بس تكون كتبت عنوان بيتكم بي هناك برضو؟
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
دينق الحبيب ماعارف الدنيا هسع عندكم صباح ولا ضهر المهم مساء الخير ياخوي البكاء خشم بيوت ( دجانقو افرز ) وجه ميت من الضحك . انا غايتو بكائي وما بدس بكائي شوف الناس العاملين فيها صناديد ديل . والله لو شوفت لي حجر نبتت عليهو زهرة ببكي فيهو مش انا شاعر وعلي كيفي.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
دينق انا من الاساس ما دخلت بهناك ... انت ناسي انا ديامي وللا شنو وبعد تربية الديم مشيت كبير للامتداد ... اسع ابو ساندرا غايب وتراجي ما ذكرت انو عمك ما اتداخل كلو ، وكيكي في اللوتري ما فاضي يعني التفاتيح زحوا بعيد ... بوست الامتداد دخلنا سلمنا على زول لكن الدلقو بهناك ، الطلاميين على المستنيرين على اصحاب الهوايات والبكا الحاصل ، لكن عندي احساس العكاكيز بتقع اسع ...ويجوك هنا للشكوى ، او التظلم ... او يلعنو بوستك دة ظاااتو
| |
|
|
|
|
|
|
Re: العضوة الجديدة والجماعة البكايين. (Re: يسرى معتصم)
|
يا دينق
يا اخى اخيرا لقيت لى فرقة بكيه مع العالمين المكسرين ديل، و الله بكيت بكيه حاره خلاص يا زول بكيه ذات طابع فنى ادبى غميس. لو داير تشوف البكية امشو بوست البنية الجديده و انيقة دى بتاع اليركس بتاع مصطفى سيد احمد تلقانى باكنى فاقد هناك.
انا و الله عندى فروقات بكاء فى البنات الشديدات ماكملتها فى الجامعة، يا اخى ضيعنا وكتنا فى الاركان و الشيوعيين كانوا مكرهننا يقول ليك انت قيادة جماهيرية لازم تكون منضبط و شنو. ضيعوا علينا كل الحاجات السمحه الله يغفر ليهم بس.
| |
|
|
|
|
|
|
Re: العضوة الجديدة والجماعة البكايين. (Re: مصطفي سري)
|
حكاية عجيبة يا دينق ياخ !!! يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !! يا كمان نتبلم نقعد و نراعي للمغسات جوانا و برانا و ما نقول بِغشم ؟؟ ونسة الله الواحدة دي مالا .. عيبا لي ؟؟ كاتمين نفسنا مالكم ؟ العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو .. لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي . المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا .. كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا . و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت .. في غيابا كانت الناس بتجي و تتونس في لمة و لا أحلى .. بوستاتا التانية ما عندي خبرها .. لكنها ما وصلت لعدد المداخلات الفي البوست ده .. لو المسألة بكا و تكسر كان إتسوت في البوستات التانية معاها .. عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا .. ما تمسخو طعم إنسانيتنا الله يخليكم , و تحملوا الحاجات فوق ماهي حاملة .. الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق .. أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
..... مصطفى سري .. حتى انت يا بروتس !! ( الإبتسام و الترويح و الحميمية حقت الناس بقت : تهمة ) .. أبشر بالخير . و تحيا التقدمية الإنكشارية
| |
|
|
|
|
|
|
Re: العضوة الجديدة والجماعة البكايين. (Re: wd al geran)
|
Quote: انا و الله عندى فروقات بكاء فى البنات الشديدات ماكملتها فى الجامعة، يا اخى ضيعنا وكتنا فى الاركان و الشيوعيين كانوا مكرهننا يقول ليك انت قيادة جماهيرية لازم تكون منضبط و شنو. ضيعوا علينا كل الحاجات السمحه الله يغفر ليهم بس. |
ولا يهمك يا ابوبكر صالح ابكي باثر رجعي
| |
|
|
|
|
|
|
Re: العضوة الجديدة والجماعة البكايين. (Re: Tragie Mustafa)
|
تراجى سلامات
Quote: ولا يهمك يا ابوبكر صالح ابكي باثر رجعي |
فيكى الخير و الله، ح ابكى و الله كتير عساى و لعل نلحق شئ مما فاتنا!! بس البكاء الجماهيرى فى النهاية بيكون مقيّد بحدود ما ممكن يتجاوزها فشوفوا لينا طريقة لارجاع المسنجر، باقى انتو ناس قدام و ايدكم لاحقه
| |
|
|
|
|
|
|
Re: العضوة الجديدة والجماعة البكايين. (Re: Hafiz Bashir)
|
عماد عبدالله ، سلامات يا مرتاح ابدا انا دخلت مع الناس للضحك ، وبوست دينق دة زي العملتو الاخت راوية عن ملاسي وبرضو دخلنا فيهو وادلينا بدلونا ، ولا تقديمية ولا يحزنون ، وانا الونسة بعرفها كويس ، وهناك لقيت بوست الاخت امنة زحمة لمن الباسوورد راح مني ، وما شايف دينق طرح هامش وقامش ، اتحدث عن ناس بالهزار قلنا نهزر ... وامنة خلقت روح جميلة في البورد اليوم ... والدليل البوست دة نفسو وبتاعها اللي بهناك ... شفت انا مسكين كيف ... بعدين انا ود حلتك زمان ما تقوم فينا قدر دة ... والتالت ... كلها ترويح وفكفكة نفس يعني اشتغل من الصباح سياسة للمساء ... اصلوا بصرف كم انا ... تسلم ...
| |
|
|
|
|
|
|
Re: العضوة الجديدة والجماعة البكايين. (Re: Deng)
|
يا بكري علوم (لزوم التمييز و كدا )
انضبط اخييييييييير ليييييييييييييييك و الله اشووووتك بلاااااااااااااااااااغ
( شفتا انا كنت حريف كبف ايام الجامعه بمشي ابكي بعيد بعيد و اجيكم ناطي في حيارى عامل فيها الود ثوري)
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: أنا غايتو ياأخوى دينق خشيت فى بوست الأهلية يعنى دفعه وكدا
أخوى دينق مالك داير تعمل لينامشاكل مع المدام |
يسري مصطفى.
أها أنت دفعت أمنة ولا دفعة مصطفى سري؟
أما إذا كانت المدام بتدخل البورد ده بطريقتك.
تاكل نارك براك.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دينق الحبيب ماعارف الدنيا هسع عندكم صباح ولا ضهر المهم مساء الخير ياخوي البكاء خشم بيوت ( دجانقو افرز ) وجه ميت من الضحك . انا غايتو بكائي وما بدس بكائي شوف الناس العاملين فيها صناديد ديل . والله لو شوفت لي حجر نبتت عليهو زهرة ببكي فيهو مش انا شاعر وعلي كيفي. |
هاشم أحمد خلف الله.
كل الاحترام والتقدير لشخصك الغالي.
الواضح ما فاضح و "شنبوا في المصيدة"
دينق.
| |
|
|
|
|
|
|
Re: العضوة الجديدة والجماعة البكايين. (Re: كمال سالم)
|
عماد عبد الله كل ده يا اخي يطلع منك؟؟ اكان ما كاسر ركبه من بوست ونسة لبوست وسنة؟؟؟
Quote:
حكاية عجيبة يا دينق ياخ !!! يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !! يا كمان نتبلم نقعد و نراعي للمغسات جوانا و برانا و ما نقول بِغشم ؟؟ ونسة الله الواحدة دي مالا .. عيبا لي ؟؟ كاتمين نفسنا مالكم ؟ العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو .. لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي . المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا .. كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا . و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت .. في غيابا كانت الناس بتجي و تتونس في لمة و لا أحلى .. بوستاتا التانية ما عندي خبرها .. لكنها ما وصلت لعدد المداخلات الفي البوست ده .. لو المسألة بكا و تكسر كان إتسوت في البوستات التانية معاها .. عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا .. ما تمسخو طعم إنسانيتنا الله يخليكم , و تحملوا الحاجات فوق ماهي حاملة .. الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق .. أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
..... مصطفى سري .. حتى انت يا بروتس !! ( الإبتسام و الترويح و الحميمية حقت الناس بقت : تهمة ) .. أبشر بالخير . و تحيا التقدمية الإنكشارية
|
غايتو يا امين الصديق و ابوبكر صلاح ونور الدين صلاح ياهو العشم فيكم اعمامكم ديل فتروا وقعدوا لي بوستات الونسة اتحزموا مع اخوكم دينق ده بيهظر شويه لكنه لا يضع سلاحه ابدا.
انت في ده يا دينق ولا عماد عبد الله بيسأل كمان من سفارة غانا ولا ساحل العاج ماعارفه يعني كل المحن الفي بورد ما مكفيه قايم يتم الباقي كواسة برجوله
عامد عبد الله شفت شيل الحال ده كيف؟؟؟؟ ثاني تعال المولد
| |
|
|
|
|
|
|
Re: العضوة الجديدة والجماعة البكايين. (Re: Tragie Mustafa)
|
يا بكري علوم اوع يغشوك باقي بنات المنبر ديل زي الزميلات عاملات جادت ونكديات الا قلة انت كان نجيض تنق سياسة هنا وتجكس في منابر ثانيه زي بتاعت ناس دكتور معز ديك:
Quote: فيكى الخير و الله، ح ابكى و الله كتير عساى و لعل نلحق شئ مما فاتنا!! بس البكاء الجماهيرى فى النهاية بيكون مقيّد بحدود ما ممكن يتجاوزها فشوفوا لينا طريقة لارجاع المسنجر، باقى انتو ناس قدام و ايدكم لاحقه |
زي الزملاء زمان النجاض فيهم اكيد بينظروا في علوم وكيسوا في آداب مش كده برضوا؟؟
اما حكاية ايدنا لاحقة دي فانسى وحياتك شوف لك واسطة من بنات الجلابة باقي نحن بكري ما حسابنا نساء او بنات ذاته
| |
|
|
|
|
|
|
Re: العضوة الجديدة والجماعة البكايين. (Re: Tragie Mustafa)
|
تراجى انا بالجد فى عرضك
اتوسطى عند اي جهة بالله، عند بكرى عندها هى زاتها المهم شوفى لى اخوكى طريقة حريم الاسكندناف ديل ما نفعلن معانا، و بعدين ما برجعن معانا الســــودان الحار داك. و لسة عندنا مشوار قراية يفك الجنيه، و بالطريقة بنرجع البلد مصلعين و على درب البوره العظيمة.
عشان كدا احسن الواحد يلحق روحوا اسفيريا. بالله حنّكى معاها و صاحبيها شيلى الايميل حقها و اجدعى لى اخوك. بعد داك الواحد بجاسف الى ما شاء الله
و الواضح ما فاضح
| |
|
|
|
|
|
|
Re: العضوة الجديدة والجماعة البكايين. (Re: Tragie Mustafa)
|
تراجي .. إنتي أقعدي بس لشيل الحال .. ياهو البنلقاهو منك ..
و أي نعم فترت .. و فترت عديل كمان .. ياخي هديتو حيلنا بالملاواة .. شكيتكم علي الله . و تاني من هنا و لي قدام .. بس ياهو كده .. و يا بركة الله ألقاكي في ملف ..
.... معليش يا دينق جات فيك .. بعيد عنك كترة الفقر و زيادة السأم .. و الأخلاق البقت نتشه . كلو هيّن .. بس حجة تراجي دي تزح من هنا .
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دينق انا من الاساس ما دخلت بهناك ... انت ناسي انا ديامي وللا شنو وبعد تربية الديم مشيت كبير للامتداد ... اسع ابو ساندرا غايب وتراجي ما ذكرت انو عمك ما اتداخل كلو ، وكيكي في اللوتري ما فاضي يعني التفاتيح زحوا بعيد ... بوست الامتداد دخلنا سلمنا على زول لكن الدلقو بهناك ، الطلاميين على المستنيرين على اصحاب الهوايات والبكا الحاصل ، لكن عندي احساس العكاكيز بتقع اسع ...ويجوك هنا للشكوى ، او التظلم ... او يلعنو بوستك دة ظاااتو |
مصطفى سري.
قلت لي ود الديم وطلعت تفتيحة؟
طيب قريبك ود عبد الله مالو نقش الفلم؟
والله شوفة عيني في البوستات ديك، الظلامين والمستنيرين رقدو قش.
بعد شوية أنا ح أنقل بعض المداخلات ح وأطلب من "عزيزي القاري" أن يقيس نسبة ودرجة الكبكبة عند الكبكابة.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: والله خترى يادينق ,, الناس اتمشورت , ركبوا الباصات والحافلات والرقشات , لمن عملوا أزمة مواصلات , وكلهم ماشين بهناك , وأنت قاعد وخالف كراع فى كراع وجبتها لعندك , فقرى , |
كمال سالم.
الخازوق هي تجي بي جاي يقومو الجماعة كلهم برضو يتحولو للبوست ده.
علشان كده لازم أحصل صحبي بكري أبوبكر ويديني كود خاص للبوست ده خوفا من هجمة الانكشارية.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !!
|
اجي يا دينا خالد !!!!!!! انتي حولتي لعبد الدين خالد ولا شنو ؟؟؟؟؟!!!!
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: "In the end, we will remember not the words of our enemies, but the silence of our friends"
علشان الجزء التاني في كلامك ده التحته خط.. أنا بجي وبساندك
انا والله يا دينق صراحه وبدون هظار..بفتكر برضه في رجال بيعملوا بوستات فيها كبسيبه شديده وكلها هظار.. وبعدين لو هي دخلوا ليها البوستات علشان حلوه بس.. بعد شويه المولد بينفض..والموضوع بيبقي عادي جدا.. اوافقك انه الشكل ساعدها.. لكن هي برضه عندها جرأه في قلبها.. لأنه عامة اي زول جديد اتعودنا انه يقعد وسط الناس بهدوء شويه.. يزور الناس في البوستات بتاعتهم.. حتي يقدر يفتح بوست.. واتعودنا انه البوستات للناس الجديده ممكن تقعد فتره طويله لغاية ما يتداخل فيها الأعضاء.. لكن مع العضوه آمنه الوضع اختلف.. لأسباب كتيره بعضها يمكن معرفته وبعضها ممكن تخمينه وبعضها لسه ما وصلنا لتحليله.. المهم انا البوست ده بالتحديد شوفت عنوانه..وأنا اساسا وبدون منطق مقنع للأخرين..عندي كراهيه للعناوين الطويله.. المهم انا دخلت في بوست تاني ورحبت بيها..وماكان في زحمه.. علشان كده قلت ليك الجماعه ديل مشتاقين لبيوتهم ساكت وانت ماصدقتني.. اسه هي لو كتبت بوست جديد وقالت مثلا..
غنمايتنا جرحت أضانها..
أاكد ليك الناس دي برضه بتجي تدخل البوست.. يا أما علشان تكفر ليها لأنه عندنا رحمه في قلوبنا علي الغنمبالتحديد.. ولأنه في منهم كتير وحشهم غنمهم..وفكروا امكن غنمهم يمر بنفس هذه الظروف القاسيه..والناس لي بعضها في النهايه.. شوفت كيف يا دينق؟؟
وأنا قاعده معاك اساعدك مره مره
انت بس |
منى خوجلي.
والله ما قصرتي معي أبدا.
لكن برضه خليك قريبة.
بكرة ح تجي قوات الانكاشارية محتجة على هذا البوست.
بيني وبينك أنا لمن لقيت زحمة العربات والصيوان والجلاليب قلت يمكن تكون في مناسبة فرح ولا كره لكن لقيت مناسبة من نوع جديد.
دينق.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
لي كدا يا ود الجيران يا ظريف ؟؟؟؟ انت لو شفت دينق مع الراحل المقيم جون قرنق ديني انا الزول دا وسيم ومقدره عديل كدا , بس يا دينق ما تشيل حالي تقول مامه دومه بكايه انت في مقام ولدي والله لكنك مكمل الوسامه
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote:
اجي يا دينا خالد ؟؟؟!!! ولا قلبتي بقيتي عبد الدين خالد |
طالما الحكاية انقلبت كدي يلا نغني مع ود السافل..
طابت طيبة طيبة رطيبة كل الخلوق تطيب من طيبة طابوا المجانين وجنو النصاح أصلو الجاهلة ما جاهلة نصاح
آمن الفي الضمير مازياني ما شفتوها يا خلاني واحدين قالو شفنا الشافها ما شفتوها يا خلاني تطوي قلوبنا رهافة ما شفتوها يا خلاني.
يلا خلي الدارة تقوم غبار..
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: يا عماد.
أجمل حاجة فيكم هي "إنسانيتكم"
إنشالله إنسانيتكم دي تغمرو بها الضعفاء والفقراء والشينين كمان. |
شوف يا دينق كله الا الشينين ديل عماد عبد الله سمح وبيحب السمحين لا مكانعنده للشينين وكان كثرنا ده النوع البقول لك الله جميل يحب الجمال
| |
|
|
|
|
|
|
Re: العضوة الجديدة والجماعة البكايين. (Re: Deng)
|
العزيز / دينق صباح الخير Quote: العضوة الجديدة الجميلة أمنة عبد الكريم عضوة نشطة وجديدة وفتحت حوالي ثلاث بوستات مختلفة. رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ. |
والله انتوا عليكم جنس شمارات ....حسع الخبر ده انا يادوب عرفته......!
بس اكان لي انا مامشيت بي هناك ..... بس انت يادينق ....جاوب هنا
Quote: يا دينق إنتا ظاطك البوديك هناك شنو? |
حلوه حكاية المتزوج شايل العزابي دي ......يعني في كوم جديد كبر بي هنا .....وبرضو يعني ناس قريعتي راحت بعد دا الا اكان يشوفوا ليهم زول يكسر ليهم تلج في منبر تاني.....رائك شنو نتوسط ليهم في منبر الظلامي معتز القريش ( الدويم دوت كوم) بس في ناس كده مابقدروا يخشوا وكر الذئاب ده. التحايا هارون دياب
| |
|
|
|
|
|
|
Re: العضوة الجديدة والجماعة البكايين. (Re: WAD ELGAALI#4)
|
Quote: لا تأمنن على النساء مودة ان النساء وصالهن مقسم فاليوم عندك تيهها ودلالها وغدا لغيرك كفها والمعصم |
Quote: أحبك أنت يا أملا كضوء الصبح يلقاني أمات الحب عشاقاً وحبك أنت أحياني ولو أنساك يا عمري حنايا القلب تنساني إذا ما تهت في درب ففي عينيك عنواني |
Quote: love like you've never been hurt |
كلامك بقول انك زول غريب ومتناقض .... اما الاقتباس الاول حقيقي يحير لدرجة الالجام .. لانو تعميم مخل وغير عادل. اما كلامك في مداخلتك الاصليه فجارح ومؤلم واتمنى انك تحذفه.
تحياتي.
| |
|
|
|
|
|
|
Re: العضوة الجديدة والجماعة البكايين. (Re: haroon diyab)
|
عارف يا دينق ...
انا كل ما افتح المنبر بعاين اول شئ على كل العناوين وبعدين اشوف "اتلب" وين .. اها لمن جيت عند عنوان البيت وما البيت لقيت ليك عدد المداخلات كمية ما شاء الله وكل ما تعدي خمسة دقايق واعمل "رفرش" وحاتك انت القى ليك البوست "مشعلق" فوووق حالف ما يتدلى .. قلت بسم الله ونقرت عليهو ودخلت .. اجي .. حال السرور يا يابا .. عالم توصف في بيوتها .. وعالم تعزم .. وعالم تتعزم .. وعالم تقدم في دعوه لي روحها لي زيارة بيت الحسناء .. والكان كايس القروش بطل كواسة "وحتل" بي غادي وان على دكين "فت" اخره .. وهسي بكري صالح في بوستيك دا جاب اخرو برضو .. والله اتبسطت عديييل ياقول العمده .. قلت النبي نفسنا قام من المعافره والمدافره حقو ناخد لينا "بريك" وسط البيوت البتتطاقش دي.
تخريمة ما ليها علاقة بالبوست: هذه الدينا خالد فلته وما بتتكرر .. ياخي انتي زوله عسل عديييل.. يا رعاك الله
| |
|
|
|
|
|
|
Re: العضوة الجديدة والجماعة البكايين. (Re: Randa Hatim)
|
رندوك صباح الخير
Quote: انا كل ما افتح المنبر بعاين اول شئ على كل العناوين وبعدين اشوف "اتلب" وين .. اها لمن جيت عند عنوان البيت وما البيت لقيت ليك عدد المداخلات كمية ما شاء الله وكل ما تعدي خمسة دقايق واعمل "رفرش" وحاتك انت القى ليك البوست "مشعلق" فوووق حالف ما يتدلى .. قلت بسم الله ونقرت عليهو ودخلت .. اجي .. حال السرور يا يابا .. عالم توصف في بيوتها .. وعالم تعزم .. وعالم تتعزم .. وعالم تقدم في دعوه لي روحها لي زيارة بيت الحسناء .. والكان كايس القروش بطل كواسة "وحتل" بي غادي وان على دكين "فت" اخره .. وهسي بكري صالح في بوستيك دا جاب اخرو برضو .. والله اتبسطت عديييل ياقول العمده .. قلت النبي نفسنا قام من المعافره والمدافره حقو ناخد لينا "بريك" وسط البيوت البتتطاقش دي. |
والله جنس شلاقة ....انتوا القاعد بوديكم الحتات ديل منو .....؟ يعني لازم تجيبوا لنفسكم الاحباط . يابتي اخديها من قصيره وخليكي في بوست النفسيات الماجايبه همها دي . وحاتك تباري بوستات دينق دي ....الا اكان نفتش ليكي في الخور عديييييييييل كده . حسع يجوا ناطين ليكي ناس ......! ويشبكوكي ....ياحاسده ....وياظلاميه ....ونبقي في اليحلنا الحله بله.....! وبرضو ....اناقه ....يااشراقة . صباحات بيضاء هارون دياب
| |
|
|
|
|
|
|
Re: العضوة الجديدة والجماعة البكايين. (Re: haroon diyab)
|
Quote: يابتي اخديها من قصيره وخليكي في بوست النفسيات الماجايبه همها دي |
ليه لكن يا هارون .. ليه. مالا بوستات الونسه والكلام البيريح الاعصاب .. ياخي والله فترنا من بوستات ياكافر ياملحد ياكوز ياجبهجي يا شيوعي.
البنية دي جديده لسه فرش وكلاما ليهو طعم .. لسه ما اصابتها "حمى المنبر المتصدع" الله يكفيها الشر ويغطي عليها.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
بالمناسبة يا جماعة ..
بوست دينق دا ما حسيت فيهو أي نوع من الباد إنتنشنز أنا بضحك من أول كلمة لغاية النهاية .. دينق يا زول ولا يهمك ..
يحيا عبدالرحيم محمد أحمد يعيش ريتشرد حسن
ولا نامت أعين المكسرين
| |
|
|
|
|
|
|
Re: العضوة الجديدة والجماعة البكايين. (Re: Deng)
|
البت سمحة يا دينق.. سمحة.. انتا ياخي قلبك ده ميت ولاشنو؟؟ انتا ماك شايف الضحكة دي؟؟ الانشراحة دي.. انا لو كنت شاعرا لاشعرتها شعرا .. منو البضحك في السودان مثل هذه الضحكة.. منو العندو القدرة على الابتسام ساي في بلد الغلا والهموم والهامش والملشيات؟!! منو البقدر يلبس احمر في بلد كان سكرتيرا الاحمر بين المخابي والدسائس؟!! منو البجي طاخ كده من اول بوستات يقول وريني انتا قريت في الاهلية مع منو ومنو كان معاك وساكن وين؟؟ منو البتقدر تنزل صورتها بالحجم العائلي (الفري سايز) وبي ضحكتا؟! منو البتجي ترد ردود انيقة ومقتضبة ووراها مودة ؟؟ حرم في السودان مافي زول يعمل العملتو هذه البت الشجاعة دي إلا ناس بسم الله.. وناس تانين في منتهى الجمال الله لاوراك ليهم..
ـــــــــــــــــ وبعدين ياخ كل زول ببكي بطريقتو وهو في ذلك حر.. واهو انتا بكيت بي طريقتك.. يعني دي اول بت نبكي فيها ؟؟ اشمعنا دي بالذات جاي تلفت النظر في اننا بكينا فيها.. اعترف انو الحلاوة دي هزتك ونزلتا فيها بوست؟!!
اعترف ياعفرييييييييييت..
| |
|
|
|
|
|
|
Re: العضوة الجديدة والجماعة البكايين. (Re: Deng)
|
دينق يا حبيب سلامات,,
فى البداية قررت أن اتحفظ وهى عادتى فى بعض الأحيان لما احس إنو الموضوع ما عاجبنى أو لم تقع لى الفكرة,,,لكن بعد قراءة المداخلات وردود الأفعال المختلفة تفهمت القصد وقلت ندلو بدلونا لأخينا الكبير دينق (حسب ما تقول الصور)
الفرق بينك والكثيرين أنك تكتب معظم ما يدور فى رأسك الكبير ده هنا,,,,وهي عادة أقرب ما تكون إلى الوضوح وصفاء النية وهو ما يعنى أيضا بالنسبة لى عدم سوء النوايا,,,,
وهى نفس الصفات التى يمكن أن تتصف بها صاحبة البوستات المعنية أختنا آمنة عبدالكريم وهى طريقة ناس كتار فى الدنيا,,,الوضوح وكتابة كل ما يدور فى دواخلهم وكل ما يردإلى خواطرهم دون ترددأو تفكير كتير وعكسهم أيضا ناس تعيش التعاقيد الكتيرة ويقتلون الأمور تقليبا وحساباحتى تموت الأفكار نفسها!!!!وأنا منهم فى معظم الأحوال للأسف,,,
إنت هبشت السلك العريان فى البورد ده ووضحت مسألة الإصابة بالEmotional Disturbance و(الفراخات) العاطفية التى عادة ما تصيب الشعوب المرهقة التى تعانى من الشتاتات والحروب وفقدان البوصلة الفكرية لديهم نفسها للتوازن الذي يمكنّها من العمل بطريقة سليمة,,,,
آمنة عبدالكريم أخت كريمة وبرلومة نشطة لم ألتق بها قبلا لكن من طريقتها فى الكتابةوطرح المواضيع يبدو أنها نوع الناس التوووووووووشك to the pointوإنت كمان يا الحبيب بتتعامل بنفس الفكرة,,,
إختلاف ردود الأفعال نفسه كان محيرا,, ناس أخدوا الموضوع شخصي جدا ناس إتحسسوا !!!ناس إتجندروا!!!وناس نكشوا ورق قديم وناس نفشوا ريشم,,, وناس ضربوا اللبشة وناس تعاملوا معه بالطريقة السليمة ولم يحاولوا إيجاد شئ ما من بين السطور
الضحك شرطنا,,,,,,,
*أحييك لفكرة ربط بوستك بذاك البوست الناجح فقد جعلت منه بوست جميل,
شكلو أهلنا ديل بقوا قصة مافيها حرابة ودفاس ما بتخارج معاهم......
إنت يا صاحبى بالمناسبة دى أسمح لى أقول ليك إنك (مدوراتى) كبير! !! ماتهبش السلوك العريانة عشان السلوك الحايمة هنا دى معظمهاHigh Voltage
| |
|
|
|
|
|
|
Re: العضوة الجديدة والجماعة البكايين. (Re: أيمن الطيب)
|
دينق
سلام
انت امنة دى عملت ليها دعاية اسى انا مشيت شفت بوستاتها من جديد من مداخلتها ذكرتنى بالسفير عضو معانا قديم الناس قايلو ولد وهو طلع بنت فى رابعة اساس نفس المواضيع,,تذكر بوستان حوش البنات وحوش الاولاد وحاجات تانية نسانى ليها الزمن وحكم الانقاذواحلام الحركة الشعبية وناس الشعبية هههههها قلنا ندخل ليك حبة سياسة عشان نطعم البوست بوستك دا ظاتو لزيز وسوف يمتلىء ركاب الشق نيل فائض
| |
|
|
|
|
|
|
Re: العضوة الجديدة والجماعة البكايين. (Re: Deng)
|
الاستاذ دينق نهارك سعيد
Quote: العضوة الجديدة 1- الجميلة أمنة عبد الكريم 2-عضوة نشطة وجديدة |
Quote: ولكنه يكشف الناس البكايين |
ممكن تسجلوني معاكم ؟ .... الاستاذ : محمد الخضر البشرى
Quote: لا و الحالة سجيمان لسة ما جا |
حالتو دي ما جا؟
.... الاستاذة امنة عبد الكريم:
Quote: وأي شيء جديد الناس بتمشي عليهو |
الكلام دا ما أظنو في البورد دا ... يكون في حتة تانية ؟ ---- . . .
طبعاً يا أحباب الكلام هظار والبكاء ما عيب.
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: تحيا الإنسانية .. لا للفقر و الشناة و كل الشوال بتاعا البيتشال في الضهر .. يسقط دينق و تراجي .. وأخوناالزمان تيسير عووضة |
ويسقط عمادعبدالله الPainter عشان سافر وما قال لينا مع السلامة!! هسى القصة دى ممكن تبقى شغل بتاع Graphics ولا ما ممكن!!! القصة الآخره لسة دى! ! !
تحياتى يا عمدة,,,لما ترجع أدينا خبرك....
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote:
حكاية عجيبة يا دينق ياخ !!! يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !! يا كمان نتبلم نقعد و نراعي للمغسات جوانا و برانا و ما نقول بِغشم ؟؟ ونسة الله الواحدة دي مالا .. عيبا لي ؟؟ كاتمين نفسنا مالكم ؟ العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو .. لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي . المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا .. كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا . و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت .. في غيابا كانت الناس بتجي و تتونس في لمة و لا أحلى .. بوستاتا التانية ما عندي خبرها .. لكنها ما وصلت لعدد المداخلات الفي البوست ده .. لو المسألة بكا و تكسر كان إتسوت في البوستات التانية معاها .. عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا .. ما تمسخو طعم إنسانيتنا الله يخليكم , و تحملوا الحاجات فوق ماهي حاملة .. الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق .. أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
|
تحية وتقدير عماد عبدالله
| |
|
|
|
|
|
|
Re: العضوة الجديدة والجماعة البكايين. (Re: Deng)
|
الفاضل/ دينق
بوستك جميل ورائع زي بوستات امنة وزوارها
انت عارف يادينق
صدقني واقولها جاد كرهت ساسة يسوس دي رغم اني ما قاعد اتداخل الا في بوستاتهالكن تقول شنو مرضة اجارك الله وبما انو من ناحية العمر فان زمانا فات وغناينا مات نحن شبابنا كان كله نكد في نكد وغم في هم ومسئوليات من الجهل وما شفنا البنات سمح الا في الجامعة فبقيت ياصاحبي اطوف على بوستات الشباب ديل واستمتع اخر سطر انا شايف عدد كبير من دفعتي بتحاومو بي هناك شاربين دم الشباب
| |
|
|
|
|
|
|
Re: العضوة الجديدة والجماعة البكايين. (Re: Deng)
|
ود الجيران !!!
Quote: يا زول لا عجاج ولا غيرو ..
كُل القِصة يا دينق إنو إنتا رآءت ليك نفسك الخرِبة وإحساس الدونية الكامِن جواك إنك غير مؤهل زيّك وزي باقي الناس ديل للتداخل مع الزولة دي بالشكل الإجتماعي الخفيف والبسيط الشايفو قدِّامك دا .. والغيرة بعدها ولعّت جواك زي النسوان .. وبموجب الخباثة المُتلبِّسة ذاتك .. قررتا تلعب علي سيكلوجيتا البسيطة والسمحة الظاهِرة في ردودا علي الاخوان والاخوات .. وتطفِشا مِن هِنا .. عشان يفضا لينا المكان لي جِنس قباحة نفسك دي
دا كُل ما في الامر يا دينق..
الزولة دي لا في زول قلا ادبو معاها .. ولا في زول كتب ليها كِلمة فارغة .. والناس دي كُلها بتتونس ما اكتر .. وهي ذاتا يوم يومين حتتِعود علي اساليب التعامل في البورد .. وناس البورد كمان حيتعودوا عليها .. والمسألة ح تبقى اكتر مِن عادية ..
بس إنتا كيف تختاها .. |
ًWhat the hell you are talking about Wed el geran ؟؟؟!!! منو الغشاك وقال ليك إنك مؤهل وإجتماعى كمان؟؟؟ الناس ديل أى واحد يجى يمثل ليك إجتماعى ومؤهل وبطيخ!!! ... تعال ورينا إجتماعيتك ده ومؤهلاتك القادينا بيها هنا ده... يا ريت كان سجلته لينا صوت وصورة عشان نآمن ونقتنع. تعال ورينا مهارات الونسة الجاى تعلمه للناس.
Quote: شايف البوست نبرتو إتغيّرت يا دينق .. ايوة كِدة إتعدِل وخليك زول كويس .. عشان نكون حِلوين مع بعض .. |
تفتكر كلامك الفوق داك هو الخلاهو يتعدل؟؟؟ يا لبؤسك يا ود الجيران!!!
_________________________________
العزيز دينق كيف الحال؟ شفت البوست المضروب بتاع نسرين سوركتى ورانى الويل... كنت من ضمن الشلة إياها... بس الحمدلله عد على خير.
سلام ليك ولكل الحلوين
شول اشوانق
| |
|
|
|
|
|
|
Re: العضوة الجديدة والجماعة البكايين. (Re: عبدالله كع)
|
Quote: شفت البوست المضروب بتاع نسرين سوركتى ورانى الويل... كنت من ضمن الشلة إياها... بس الحمدلله عد على خير. |
سلامات يا شول,,
مابراك يا اللخو معاك ناس كتاااااااااااااااااااار لكن نكرو بى الله واحد وقالو لا شفنا لا سمعنا بيه,,,,,,,
عادى المرة الجاية لوك الصبر يا حليو,,إنتظر لحدى ما الكلام يتأكد بعد داك تجيب قطرتك ومناديلك وتجى بيت البكا تفرش!!
تحياتى
| |
|
|
|
|
|
|
Re: العضوة الجديدة والجماعة البكايين. (Re: أيمن الطيب)
|
السلام عليكم
والله يا دينق كلامك في محلو والقصة ما غريبة لانو انت في سودانيز اون لاين
والامر ان السياسة والثقافة شعارات مضي علي الدهر اكلا وشربا وبقيت الشوفنية
والسطحية لكن الموضوع برتو ممكن يكون زي ناس السياسية والثقافة وينزل كمنتدي ثقافي إجتماعي تحت شعار بيتكم بويين يا عيني وندعو له كل علماء الاجتماع والثقافة والسياسة واهل الدين ورجال الاعمال وبالمناسبة دي يا دينق بيتكم بوين ؟؟
عارف انا دخلت بهناك لكن لقيت المحكرين كلهم من ناس شمس قمر نجوم بالليل
اتفق معك في عدم موضوعية البوست بس اهو ونسة سودانية
خربشة : أنتي لو فعلا بتريديني مفروض تسانديني؟؟؟؟؟ الكلام دا تحت اي شعار
من لا يساندني فهو لا يحبني :
| |
|
|
|
|
|
|
Re: العضوة الجديدة والجماعة البكايين. (Re: أيمن الطيب)
|
ســــــــــــــــلام ملك مربع مربع لحد ماتصل 14 دي مربعات الأمتداد ومن ضمنها مربع 7 الساكن فيهو الملاك الجميل ده
دينق كدي أتخيل البوست ده من غير صورة البروفائل والبسمه الفي الوجه الساحر والتبري المرصوص في الفم داك الناااس دي كان شكل البكاء
حيكون بكزااام دي عشان سري جاااي من الديوم (حي الزهور ) ووصل قااال كبير للدرجة أعمل حسابك من السلمه رقم 7 أسعدتنا بالبوست وصاحبة
البوست ولوكان البروفائل بقرد مني خوجلي المادي قدووموا متر ونص وقاال أحمر شفاه ومن أجمل المداخلات مداخلت عماد عبدالله ياخي خلي الناااس
تفكفك حبتين وبعد داك بترجع وتروق مع مودتي لكل المتداخلين وخلي روحك رياااضية والعب مداخلت ود الجيران ثٌروا أوت ،
رايك شنو ننزل غنية المنديل لأبوالسيد لزوم تحرير البكاء وكده .
يعني يادينق تاني ما نفتح بوست جكس للأنضماام إلي المساحة الأسفيرية دي ولا شنو !!! لسع الأمتداد أربعتعشر مربع وأصغر مربع فيهو 68 بيت
وكل بيت فيهو قول فاطمة يعني بكري يجيب باصات المتعافي الأيرانية ماتكفي الدائري الشرقي .
،،،،أبوقصى ،،،،
| |
|
|
|
|
|
|
Re: العضوة الجديدة والجماعة البكايين. (Re: Deng)
|
Quote: غايتو يا امين الصديق و ابوبكر صلاح ونور الدين صلاح ياهو العشم فيكم اعمامكم ديل فتروا وقعدوا لي بوستات الونسة اتحزموا مع اخوكم دينق ده بيهظر شويه لكنه لا يضع سلاحه ابدا. |
يا تراجي.
ما تخافي على عماد عبد الله ده أصلو ولدنا.
والحاجات كلها بتمشي مع بعض.
كلام عماد ده كلام زول زهجان قامت بيهو الغربة.
وبيني وبينك زول يكون في الخليج مع ناس الطقي وود القريش لازم يزهج.
دينق.
| |
|
|
|
|
|
|
|