Post: #1
Title: العضوة الجديدة والجماعة البكايين.
Author: Deng
Date: 02-19-2008, 06:41 PM
العضوة الجديدة الجميلة أمنة عبد الكريم عضوة نشطة وجديدة وفتحت حوالي ثلاث بوستات مختلفة. رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ.
ملحوظة:
المتزوج شايل العزابي على وزن الاعمى شايل المكسر.
هذا البوست لا علاقة له بالعضوة الجدية أمنة عبد الكريم ولكنه يكشف الناس البكايين.
دينق.
|
Post: #2
Title: Re: العضوة الجديدة والجماعة البكايين.
Author: abubakr salih
Date: 02-19-2008, 06:48 PM
Parent: #1
دينق سلامات
و الله ملاحظتك فى محلها ياخ جنس بكاء شديد. يا اخى المتزوجين عاملين زحمة
انا زاتى كنت داير امشى ابكى بس و الله حته اختا فيها مداخلة زاتو مالقيتها
البوست مقفل و محجوز، يا زول مداخلة شنو و الله محل لى ابره مافى
رجعوا لينا المسنجر يا جماعة حكاية البكا على روؤس الاشهاد دى قاسية
و الخوف لمن تجيب ليها شواكيش يا ود المهدى!!!
|
Post: #3
Title: Re: العضوة الجديدة والجماعة البكايين.
Author: Abdel Aati
Date: 02-19-2008, 06:54 PM
Parent: #2
يا دينق والله انت بتاع مشاكل ...
التحية للاخت امنة عبد الكريم ومرحب بيها .. وكدي الواحد يمشي يخش بوستاتا يشوف الحاصل شنو؛ ما تحصل لينا حكاية نسرين سوركتي ) الهكر ) القصة قامت وقعدت ووانتهت ونحن ما جايبين خبر وساكين ليك الوهابية؛ ولمن راوية فتت ملاسي كنت مسطح خالص وجيت زي اهل الكهف اسأل في الناس يا جماعة القصة شنو والحاصل شنو ؟؟
|
Post: #5
Title: Re: العضوة الجديدة والجماعة البكايين.
Author: Muna Khugali
Date: 02-19-2008, 07:02 PM
Parent: #3
مالك يادينق ياخ داير تعقدهم وتخوفهم مايدخلوا ليها تاني؟؟
الناس دي ماداخله بس علشانها هي حلوه ولطيفه..
لكن كمان هم دايرين يوصفوا بيوتهم..
بيوتهم دي شهدت ومازالت تشهد في معظمها ذكريات طفوله وشباب واهل..
عليك الله خليهم في حالهم..
مع التحيات الفرحانه بحبها ليك....
|
Post: #4
Title: Re: العضوة الجديدة والجماعة البكايين.
Author: Deng
Date: 02-19-2008, 07:00 PM
Parent: #1
Quote: دينق سلامات
و الله ملاحظتك فى محلها ياخ جنس بكاء شديد. يا اخى المتزوجين عاملين زحمة
انا زاتى كنت داير امشى ابكى بس و الله حته اختا فيها مداخلة زاتو مالقيتها
البوست مقفل و محجوز، يا زول مداخلة شنو و الله محل لى ابره مافى
رجعوا لينا المسنجر يا جماعة حكاية البكا على روؤس الاشهاد دى قاسية
و الخوف لمن تجيب ليها شواكيش يا ود المهدى!!! |
يا أبو بكر صالح.
البوستات ديك غايتوا إلا أخونا بكري يديك باسورد خاص علشان تكابس فيه.
خصوصا أخوانا ناس الخليج السعودية ديل الله يديهم العافية بس.
دينق.
|
Post: #6
Title: Re: العضوة الجديدة والجماعة البكايين.
Author: elameen
Date: 02-19-2008, 07:02 PM
Parent: #1
Quote: العضوة الجديدة الجميلة أمنة عبد الكريم عضوة نشطة وجديدة وفتحت حوالي ثلاث بوستات مختلفة. رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ.
ملحوظة:
المتزوج شايل العزابي على وزن الاعمى شايل المكسر.
هذا البوست لا علاقة له بالعضوة الجدية أمنة عبد الكريم ولكنه يكشف الناس البكايين.
دينق. |
والله كلام صاح ... بس انا مشيت ووصفت بيتنا وعزمتها ... لكن بعد شوية اكتشفت انها جديدة.. دحن انا بكائي
تحياتي
الامين
|
Post: #7
Title: Re: العضوة الجديدة والجماعة البكايين.
Author: Deng
Date: 02-19-2008, 07:03 PM
Parent: #1
Quote: يا دينق والله انت بتاع مشاكل ...
التحية للاخت امنة عبد الكريم ومرحب بيها .. وكدي الواحد يمشي يخش بوستاتا يشوف الحاصل شنو؛ ما تحصل لينا حكاية نسرين سوركتي ) الهكر ) القصة قامت وقعدت ووانتهت ونحن ما جايبين خبر وساكين ليك الوهابية؛ ولمن راوية فتت ملاسي كنت مسطح خالص وجيت زي اهل الكهف اسأل في الناس يا جماعة القصة شنو والحاصل شنو ؟؟ |
يا عادل.
والله ما قدرته أسكت.
ودي ظاهرة تستحق النقاش بشفافية تامة.
بعدين لو داخل بوستات أختنا أمنة دي لازم تكون ماخد خبرة في الدفر والرفس.
زي الشكل بتاع ركوب الموصلات زمان.
دينق.
|
Post: #8
Title: Re: العضوة الجديدة والجماعة البكايين.
Author: محمد البشرى الخضر
Date: 02-19-2008, 07:04 PM
Parent: #1
لا و الحالة سجيمان لسة ما جا
|
Post: #10
Title: Re: العضوة الجديدة والجماعة البكايين.
Author: محمد البشرى الخضر
Date: 02-19-2008, 07:12 PM
Parent: #8
و فيصل نوبي معذور
|
Post: #11
Title: Re: العضوة الجديدة والجماعة البكايين.
Author: Kostawi
Date: 02-19-2008, 07:13 PM
Parent: #8
أها بيت البكاء ده برفعوا فراشو متين?
يا دينق إنتا ظاطك البوديك هناك شنو?
|
Post: #9
Title: Re: العضوة الجديدة والجماعة البكايين.
Author: Deng
Date: 02-19-2008, 07:08 PM
Parent: #1
Quote: مالك يادينق ياخ داير تعقدهم وتخوفهم مايدخلوا ليها تاني؟؟
الناس دي ماداخله بس علشانها هي حلوه ولطيفه..
لكن كمان هم دايرين يوصفوا بيوتهم..
بيوتهم دي شهدت ومازالت تشهد في معظمها ذكريات طفوله وشباب واهل..
عليك الله خليهم في حالهم..
مع التحيات الفرحانه بحبها ليك.... |
منى خوجلي.
هسع كده أنتي كلامك ده مجاملة ولا مساندة؟
أنا داير رايك وملاحظتك كعنصر نسائي بالبورد.
أنتي لو فعلا بتريديني مفروض تسانديني.
اصلوا البوست ده بعد شوية ح يقوم فيهو عجاج وكتاحة خليك قريبة بحتاج الى عضلاتك (أقصد ملاحظاتك).
دينق.
|
Post: #17
Title: Re: العضوة الجديدة والجماعة البكايين.
Author: Muna Khugali
Date: 02-19-2008, 07:33 PM
Parent: #9
"In the end, we will remember not the words of our enemies, but the silence of our friends"
علشان الجزء التاني في كلامك ده التحته خط.. أنا بجي وبساندك
انا والله يا دينق صراحه وبدون هظار..بفتكر برضه في رجال بيعملوا بوستات فيها كبسيبه شديده وكلها هظار..
وبعدين لو هي دخلوا ليها البوستات علشان حلوه بس..
بعد شويه المولد بينفض..والموضوع بيبقي عادي جدا..
اوافقك انه الشكل ساعدها..
لكن هي برضه عندها جرأه في قلبها..
لأنه عامة اي زول جديد اتعودنا انه يقعد وسط الناس بهدوء شويه..
يزور الناس في البوستات بتاعتهم..
حتي يقدر يفتح بوست..
واتعودنا انه البوستات للناس الجديده ممكن تقعد فتره طويله لغاية ما يتداخل فيها الأعضاء..
لكن مع العضوه آمنه الوضع اختلف..
لأسباب كتيره بعضها يمكن معرفته وبعضها ممكن تخمينه وبعضها لسه ما وصلنا لتحليله..
المهم انا البوست ده بالتحديد شوفت عنوانه..وأنا اساسا وبدون منطق مقنع للأخرين..عندي
كراهيه للعناوين الطويله..
المهم انا دخلت في بوست تاني ورحبت بيها..وماكان في زحمه..
علشان كده قلت ليك الجماعه ديل مشتاقين لبيوتهم ساكت وانت ماصدقتني..
اسه هي لو كتبت بوست جديد وقالت مثلا..
غنمايتنا جرحت أضانها..
أاكد ليك الناس دي برضه بتجي تدخل البوست.. يا أما علشان تكفر ليها لأنه عندنا رحمه في قلوبنا
علي الغنمبالتحديد..
ولأنه في منهم كتير وحشهم غنمهم..وفكروا امكن غنمهم يمر بنفس هذه الظروف القاسيه..والناس لي بعضها في النهايه..
شوفت كيف يا دينق؟؟
وأنا قاعده معاك اساعدك مره مره
انت بس
|
Post: #12
Title: Re: العضوة الجديدة والجماعة البكايين.
Author: هجو الأقرع
Date: 02-19-2008, 07:14 PM
Parent: #1
الاخ الكريم دينق كيفك ، و الله انا قائله معانا من زمان ، بس برضو ما لقيتنا بى هنالك خلينا نشوف الحاصل شنو ، نمشى نشوف الجماعة (غايتو جنس محن ). بعدين جنس شغلك ده نوع من الدعاية ولله شنو؟
|
Post: #13
Title: Re: العضوة الجديدة والجماعة البكايين.
Author: Deng
Date: 02-19-2008, 07:15 PM
Parent: #1
Quote: والله كلام صاح ... بس انا مشيت ووصفت بيتنا وعزمتها ... لكن بعد شوية اكتشفت انها جديدة.. دحن انا بكائي
تحياتي
الامين |
الامين أخوي.
والله ما عارف أقول لك شنوا ولا أجاوبك كيف.
لكن البكا بكا.
دينق.
|
Post: #14
Title: Re: العضوة الجديدة والجماعة البكايين.
Author: Raja
Date: 02-19-2008, 07:22 PM
Parent: #13
لووووول يا مان ..
شكلك عجًزتا خلاس وبقيت ما بتقدر على المدافرة في بوستات العضوات الجديدات..
غايتو أنا يا مؤمن يا مصدق دخلت بمزاج ووصفت بيت ناس حبوبة..
لكن بيني وبينك عندي شوية أكلان في قلبي و(الفار بيلعب في عبًي )
البنية Too good to be true
ربك يسترنا ما تطلع حكاية زي نسرين سوركتي
صلًحتا حرف..
|
Post: #25
Title: Re: العضوة الجديدة والجماعة البكايين.
Author: elameen
Date: 02-19-2008, 07:57 PM
Parent: #13
Quote: الامين أخوي.
والله ما عارف أقول لك شنوا ولا أجاوبك كيف.
لكن البكا بكا.
دينق. |
والله يا دينق البنت دي اكان بقت بتاع امن الرماد كال حماد...
تحياتي
الامين
|
Post: #15
Title: Re: العضوة الجديدة والجماعة البكايين.
Author: Deng
Date: 02-19-2008, 07:26 PM
Parent: #1
محمد البشرى.
ممكن أرسلك؟
ياخي أختف كراعك وجيب لي نماذج من البكايين.
دينق.
|
Post: #16
Title: Re: العضوة الجديدة والجماعة البكايين.
Author: Kostawi
Date: 02-19-2008, 07:32 PM
Parent: #15
أها مشينا بكينا وجينا
لكن ما قريت الفاتحة....ياخ ده بوست فيه خرطومية مداخلة....ما عندنا ليه وقت....المهم الشفتة دكين داقي ليه خيمة هناك.
|
Post: #20
Title: Re: العضوة الجديدة والجماعة البكايين.
Author: محمد البشرى الخضر
Date: 02-19-2008, 07:44 PM
Parent: #15
لا طبعا
لتقم صاحبة الحاجة لحاجتها
|
Post: #18
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-19-2008, 07:33 PM
Parent: #1
يا عمك
العوض دخل البورد شبكتوهو
ما قال كش وكوز واللازي منو
دي جاتكم بي كسير عديييييييييل
بس عشان تطلع من المزيره بتاعتكم دي
برضو ما ريحتوها
|
Post: #23
Title: Re: العضوة الجديدة والجماعة البكايين.
Author: Salah Waspa
Date: 02-19-2008, 07:53 PM
Parent: #18
دبنق سلامات
أنا واحد من المتداخلين في بوستات أمونة وبالمناسبة ده أسم الدلع لي آمنه أوعى تفتكرني إنفقعت بالبكاء سؤالي ليك :
عملنا شنو ما عادي خلاك تقول كده ?
ولو ما عندك جواب مقنع يادينق حنعتبر بوستيك ده فراش وبكا
وحتكون صاحب الفراش معليش يا دينق كل كلمة
محسوبة في المنبر ده وآمنه شرط لكن أخت وزميلة عزيزة وإنت زول
حبيبنا وزميلنا لكن you have to pay your bills too bad
صلاح واسبه
|
Post: #24
Title: Re: العضوة الجديدة والجماعة البكايين.
Author: دينا خالد
Date: 02-19-2008, 07:54 PM
Parent: #19
دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !!
ــــــــــــــ
دينق قول لى انت ما بتبكى لييه ؟؟؟ كبرت ؟؟
ابكى ياخ فضفض هم الغربة دا .. والامريكيات ديل خلاس
خت ليهن القدرن ... التفت شوية لبنات جلدتك (حلوة دى )؟؟
وخلى البكا لبنات بلدنا مااااااااااا برا البلد .... تربت يداك !!
|
Post: #70
Title: Re: العضوة الجديدة والجماعة البكايين.
Author: doma
Date: 02-20-2008, 03:10 AM
Parent: #24
Quote: دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !! |
اجي يا دينا خالد ؟؟؟!!!
ولا قلبتي
بقيتي عبد الدين خالد
|
Post: #22
Title: Re: العضوة الجديدة والجماعة البكايين.
Author: Lily Akol
Date: 02-19-2008, 07:50 PM
Parent: #70
| Quote: والغيرة بعدها ولعّت جواك زي النسوان |
???????!!!!!
|
Post: #28
Title: Re: العضوة الجديدة والجماعة البكايين.
Author: Deng
Date: 02-19-2008, 08:38 PM
Parent: #1
Quote: أها بيت البكاء ده برفعوا فراشو متين?
يا دينق إنتا ظاطك البوديك هناك شنو? |
كوستاوي.
أوع تكون أنت برضه سكنت بي هناك؟
دينق.
|
Post: #29
Title: Re: العضوة الجديدة والجماعة البكايين.
Author: Deng
Date: 02-19-2008, 08:40 PM
Parent: #1
| Quote: الاخ الكريم دينق كيفك ، و الله انا قائله معانا من زمان ، بس برضو ما لقيتنا بى هنالك خلينا نشوف الحاصل شنو ، نمشى نشوف الجماعة (غايتو جنس محن ). بعدين جنس شغلك ده نوع من الدعاية ولله شنو؟ |
الاخ الكريم هجو.
الحق الظلامي معتز القريش كاسر ركبة عديل كده بي هناك.
دينق.
|
Post: #30
Title: Re: العضوة الجديدة والجماعة البكايين.
Author: Adil Osman
Date: 02-19-2008, 08:42 PM
Parent: #1
كتبت رجاء العباسى تعليقآ على ظهور العضوة الجديدة المدعوة آمنة عبد الكريم التى تحمل درجة الماجستير فى ادارة الاعمال حسب بروفايلها:
Quote: بيني وبينك عندي شوية أكلان في قلبي و(الفار بيلعب في عبًي )
البنية Too good to be true |
تابعى حدسك يا رجاء
follow your intuition
|
Post: #31
Title: Re: العضوة الجديدة والجماعة البكايين.
Author: Deng
Date: 02-19-2008, 08:44 PM
Parent: #1
Quote: لووووول يا مان ..
شكلك عجًزتا خلاس وبقيت ما بتقدر على المدافرة في بوستات العضوات الجديدات..
غايتو أنا يا مؤمن يا مصدق دخلت بمزاج ووصفت بيت ناس حبوبة..
لكن بيني وبينك عندي شوية أكلان في قلبي و(الفار بيلعب في عبًي )
البنية Too good to be true
ربك يسترنا ما تطلع حكاية زي نسرين سوركتي
صلًحتا حرف..
--------------------------------------------------------------------------------
بـكـرة أحـلـى.. |
الغالية رجاء العباسي.
أنا من متين بتاع مدافرة؟
أنتي كصحفية وين أحساسك الصحفي من هذا الحدث الهام.
والله دقستي جنس دقسة.
ما أظنها تطلع زي نسرين سوركتي.
دينق.
|
Post: #32
Title: Re: العضوة الجديدة والجماعة البكايين.
Author: Deng
Date: 02-19-2008, 08:50 PM
Parent: #1
Quote: يا عمك
العوض دخل البورد شبكتوهو
ما قال كش وكوز واللازي منو
دي جاتكم بي كسير عديييييييييل
بس عشان تطلع من المزيره بتاعتكم دي
برضو ما ريحتوها |
محمد عبد الماجد.
العوض ده لكن مبالغة عديل كده.
والله أنا ما شايف أي حاجة غلط في العضوة الجديدة أمنة ولكن ناس قريعتي راحت ديل لعبهم مكشوف وواضح ودفر ولز.
دينق.
|
Post: #34
Title: Re: العضوة الجديدة والجماعة البكايين.
Author: Deng
Date: 02-19-2008, 08:54 PM
Parent: #1
Quote: دبنق سلامات
أنا واحد من المتداخلين في بوستات أمونة وبالمناسبة ده أسم الدلع لي آمنه أوعى تفتكرني إنفقعت بالبكاء سؤالي ليك :
عملنا شنو ما عادي خلاك تقول كده ?
ولو ما عندك جواب مقنع يادينق حنعتبر بوستيك ده فراش وبكا
وحتكون صاحب الفراش معليش يا دينق كل كلمة
محسوبة في المنبر ده وآمنه شرط لكن أخت وزميلة عزيزة وإنت زول
حبيبنا وزميلنا لكن you have to pay your bills too bad |
صلاح وسبة.
كمان لحقتوا وسميتوها أمونة!!!
في أخوات في البورد ده ليهم مية سنة مافي زول أداهم أسم دلع رغم أسمائهن الجميلة والرنانة.
والله شغلكم نضيف.
دينق.
|
Post: #35
Title: Re: العضوة الجديدة والجماعة البكايين.
Author: Deng
Date: 02-19-2008, 08:59 PM
Parent: #1
Quote: دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !! |
دينا.
طيب ليه ما فتحتي زي البوست بتاعي ده؟
ولا خايفة تخسري أصدقاء بكايين؟
Quote: ــــــــــــــ
دينق قول لى انت ما بتبكى لييه ؟؟؟ كبرت ؟؟
ابكى ياخ فضفض هم الغربة دا .. والامريكيات ديل خلاس
خت ليهن القدرن ... التفت شوية لبنات جلدتك (حلوة دى )؟؟
وخلى البكا لبنات بلدنا مااااااااااا برا البلد .... تربت يداك !! |
أنا قاعد في ميامي وجنبي South Peach مالي ومال البكا؟
البكا لجماعة الخليج.
دينق.
|
Post: #36
Title: Re: العضوة الجديدة والجماعة البكايين.
Author: امنة عبد الكريم
Date: 02-19-2008, 09:01 PM
Parent: #1
شكرا لاهتمامكم
الموضوع عادي جدا وانا متقبلة الحكاية
واي شيء جديد الناس بتمشي عليهو
عادي
وودي واحترامي للجميع..
|
Post: #37
Title: Re: العضوة الجديدة والجماعة البكايين.
Author: Tragie Mustafa
Date: 02-19-2008, 09:05 PM
Parent: #36
دينق كيفنك؟؟
بالله ود قريش قلت لي كاسر ركبة عديل كدة؟؟؟
Quote:
الاخ الكريم هجو.
الحق الظلامي معتز القريش كاسر ركبة عديل كده بي هناك.
دينق. |
الله يعينها على محن البورد.
|
Post: #38
Title: Re: العضوة الجديدة والجماعة البكايين.
Author: Tragie Mustafa
Date: 02-19-2008, 09:07 PM
Parent: #37
العزيزة آمونه 2
حنسميك آمونه 2 لانه عندنا آمونه قبلك:
Quote:
شكرا لاهتمامكم
الموضوع عادي جدا وانا متقبلة الحكاية
واي شيء جديد الناس بتمشي عليهو
عادي
وودي واحترامي للجميع..
|
يازوله عادي جدا من جماعتنا ديل الا نحن بنكاوي فيهم ساي.
|
Post: #41
Title: Re: العضوة الجديدة والجماعة البكايين.
Author: مصطفي سري
Date: 02-19-2008, 09:18 PM
Parent: #37
اها يا دينق جوووووك في بيتك ، عاد تمشي وين
تعرف هي قالت قرت في الاهلية اللي انا قريت فيها
وساكنة امتداد الدرجة الثالثة ودي حلتي بعد دة
بوستها المقصود ما تداخلت فيهو قلت القى بوست
زي دة ملح اخوش واقول الوصف
الاخت امنة اقعدي في البوست دة والجماعة برحلو
من هناك الى هنا ، وانا دخلت غايتو ...
|
Post: #49
Title: Re: العضوة الجديدة والجماعة البكايين.
Author: elsawi
Date: 02-19-2008, 09:39 PM
Parent: #41
مصطفى سري سلامات
يا خوي انت الحاجة البيضا الجمب سنونك دي شنو؟
اوع تقول لي ده ضرس العقل؟
بهزر معاك ساي والله
|
Post: #40
Title: Re: العضوة الجديدة والجماعة البكايين.
Author: Deng
Date: 02-19-2008, 09:13 PM
Parent: #1
الاخت العزيزة ليلي أكول.
مثل هذا الغبي لا يعرف بأنه يكشف عن جهله ومرضه للجميع.
ودي فايدة سودانيز أونلاين بتكشف لنا معدن البشر.
دينق.
|
Post: #73
Title: Re: العضوة الجديدة والجماعة البكايين.
Author: doma
Date: 02-20-2008, 03:30 AM
Parent: #40
| Quote: كُل القِصة يا دينق إنو إنتا رآءت ليك نفسك الخرِبة وإحساس الدونية الكامِن جواك إنك غير مؤهل زيّك وزي باقي الناس ديل للتداخل مع الزولة دي بالشكل الإجتماعي الخفيف والبسيط الشايفو قدِّامك دا |
لي كدا يا ود الجيران يا اخي انت لو شفت دينق مع الراحل المقيم جون قرنق ديني انا
الزول دا وسيم ومقدره عديل كدا ,
بس يا دينق ما تشيل حالي تقول مامه دومه بكايه
انت في مقام ولدي والله لكنك مكمل الوسامه
|
Post: #42
Title: Re: العضوة الجديدة والجماعة البكايين.
Author: Deng
Date: 02-19-2008, 09:18 PM
Parent: #1
الاخت تراجي.
لا تهتمي كثيرا بمثل هذا الساذج، سوتنا لحقوا والظاهر هو أحد البكايين.
وبما أنه مجرد ساذج فلازم كان يطلع بمثل هذا الحديث العنصري.
وأنا ما عندي زمن لزول مكبوت في حياتوا كلها.
دينق.
|
Post: #43
Title: Re: العضوة الجديدة والجماعة البكايين.
Author: Deng
Date: 02-19-2008, 09:21 PM
Parent: #1
Quote: شكرا لاهتمامكم
الموضوع عادي جدا وانا متقبلة الحكاية
واي شيء جديد الناس بتمشي عليهو
عادي
وودي واحترامي للجميع.. |
الاخت أمنة عبد الكريم.
شكرا لتفهمك مغزى هذا البوست.
لكي كل الاحترام والود.
دينق.
|
Post: #46
Title: Re: العضوة الجديدة والجماعة البكايين.
Author: يسرى معتصم
Date: 02-19-2008, 09:32 PM
Parent: #43
أنا غايتو ياأخوى دينق خشيت فى بوست الأهلية يعنى دفعه وكدا
أخوى دينق مالك داير تعمل لينامشاكل مع المدام
كدى ياأخوى دينق أفتح بوست للديوم شوف الديامه صفوف
ودى وتقديرى للجميع....
|
Post: #44
Title: Re: العضوة الجديدة والجماعة البكايين.
Author: Deng
Date: 02-19-2008, 09:27 PM
Parent: #1
Quote: دينق كيفنك؟؟
بالله ود قريش قلت لي كاسر ركبة عديل كدة؟؟؟ |
يا تراجي.
ما شفتي الظلامي ود القريش.
هجر كل البوستات التكفيرية وبارك في بوستات العضوة الجديدة، وناس الطقي وفرانكلي كايسين ليهو وما لاقينوا.
دينق.
|
Post: #45
Title: Re: العضوة الجديدة والجماعة البكايين.
Author: Deng
Date: 02-19-2008, 09:29 PM
Parent: #1
Quote: اها يا دينق جوووووك في بيتك ، عاد تمشي وين
تعرف هي قالت قرت في الاهلية اللي انا قريت فيها
وساكنة امتداد الدرجة الثالثة ودي حلتي بعد دة
بوستها المقصود ما تداخلت فيهو قلت القى بوست
زي دة ملح اخوش واقول الوصف
الاخت امنة اقعدي في البوست دة والجماعة برحلو
من هناك الى هنا ، وانا دخلت غايتو ... |
مصطفى سري.
أوع بس تكون كتبت عنوان بيتكم بي هناك برضو؟
دينق.
|
Post: #47
Title: Re: العضوة الجديدة والجماعة البكايين.
Author: هاشم أحمد خلف الله
Date: 02-19-2008, 09:36 PM
Parent: #45
دينق الحبيب ماعارف الدنيا هسع عندكم صباح ولا ضهر المهم مساء الخير
ياخوي البكاء خشم بيوت ( دجانقو افرز ) وجه ميت من الضحك .
انا غايتو بكائي وما بدس بكائي شوف الناس العاملين فيها صناديد ديل .
والله لو شوفت لي حجر نبتت عليهو زهرة ببكي فيهو مش انا شاعر وعلي كيفي.
|
Post: #48
Title: Re: العضوة الجديدة والجماعة البكايين.
Author: مصطفي سري
Date: 02-19-2008, 09:37 PM
Parent: #45
دينق
انا من الاساس ما دخلت بهناك ... انت ناسي انا ديامي وللا شنو
وبعد تربية الديم مشيت كبير للامتداد ... اسع ابو ساندرا غايب
وتراجي ما ذكرت انو عمك ما اتداخل كلو ، وكيكي في اللوتري ما فاضي
يعني التفاتيح زحوا بعيد ... بوست الامتداد دخلنا سلمنا على زول
لكن الدلقو بهناك ، الطلاميين على المستنيرين على اصحاب الهوايات
والبكا الحاصل ، لكن عندي احساس العكاكيز بتقع اسع ...ويجوك هنا
للشكوى ، او التظلم ... او يلعنو بوستك دة ظاااتو
|
Post: #50
Title: Re: العضوة الجديدة والجماعة البكايين.
Author: يسرى معتصم
Date: 02-19-2008, 09:42 PM
Parent: #48
أخوى مصطفى سرى
سلامات
أنا من أول دفعة علوم إدارة (أدارة أعمال) فى حمدالنيل
بسأل عن تلفون أخونامحمد كسلا لو تكرمت
مع ودى وشكرى
|
Post: #52
Title: Re: العضوة الجديدة والجماعة البكايين.
Author: abubakr salih
Date: 02-19-2008, 09:52 PM
Parent: #50
يا دينق
يا اخى اخيرا لقيت لى فرقة بكيه مع العالمين المكسرين ديل، و الله بكيت بكيه حاره خلاص
يا زول بكيه ذات طابع فنى ادبى غميس. لو داير تشوف البكية امشو بوست البنية الجديده
و انيقة دى بتاع اليركس بتاع مصطفى سيد احمد تلقانى باكنى فاقد هناك.
انا و الله عندى فروقات بكاء فى البنات الشديدات ماكملتها فى الجامعة، يا اخى ضيعنا وكتنا
فى الاركان و الشيوعيين كانوا مكرهننا يقول ليك انت قيادة جماهيرية لازم تكون منضبط و شنو.
ضيعوا علينا كل الحاجات السمحه الله يغفر ليهم بس.
|
Post: #55
Title: Re: العضوة الجديدة والجماعة البكايين.
Author: Emad Abdulla
Date: 02-19-2008, 10:15 PM
Parent: #48
حكاية عجيبة يا دينق ياخ !!!
يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !!
يا كمان نتبلم نقعد و نراعي للمغسات جوانا و برانا و ما نقول بِغشم ؟؟
ونسة الله الواحدة دي مالا .. عيبا لي ؟؟
كاتمين نفسنا مالكم ؟
العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو ..
لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي .
المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا ..
كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا .
و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت ..
في غيابا كانت الناس بتجي و تتونس في لمة و لا أحلى ..
بوستاتا التانية ما عندي خبرها .. لكنها ما وصلت لعدد المداخلات الفي البوست ده ..
لو المسألة بكا و تكسر كان إتسوت في البوستات التانية معاها ..
عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا ..
ما تمسخو طعم إنسانيتنا الله يخليكم , و تحملوا الحاجات فوق ماهي حاملة ..
الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق ..
أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
.....
مصطفى سري .. حتى انت يا بروتس !!
( الإبتسام و الترويح و الحميمية حقت الناس بقت : تهمة ) .. أبشر بالخير .
و تحيا التقدمية الإنكشارية
|
Post: #51
Title: Re: العضوة الجديدة والجماعة البكايين.
Author: wd al geran
Date: 02-19-2008, 09:48 PM
Parent: #1
شايف البوست نبرتو إتغيّرت يا دينق ..
ايوة كِدة إتعدِل وخليك زول كويس ..
عشان نكون حِلوين مع بعض ..
سلام
|
Post: #53
Title: Re: العضوة الجديدة والجماعة البكايين.
Author: Tragie Mustafa
Date: 02-19-2008, 10:07 PM
Parent: #51
Quote:
انا و الله عندى فروقات بكاء فى البنات الشديدات ماكملتها فى الجامعة، يا اخى ضيعنا وكتنا
فى الاركان و الشيوعيين كانوا مكرهننا يقول ليك انت قيادة جماهيرية لازم تكون منضبط و شنو.
ضيعوا علينا كل الحاجات السمحه الله يغفر ليهم بس. |
ولا يهمك يا ابوبكر صالح ابكي باثر رجعي
|
Post: #57
Title: Re: العضوة الجديدة والجماعة البكايين.
Author: abubakr salih
Date: 02-19-2008, 10:26 PM
Parent: #53
تراجى سلامات
| Quote: ولا يهمك يا ابوبكر صالح ابكي باثر رجعي |
فيكى الخير و الله، ح ابكى و الله كتير عساى و لعل نلحق شئ مما فاتنا!!
بس البكاء الجماهيرى فى النهاية بيكون مقيّد بحدود ما ممكن يتجاوزها
فشوفوا لينا طريقة لارجاع المسنجر، باقى انتو ناس قدام و ايدكم لاحقه
|
Post: #54
Title: Re: العضوة الجديدة والجماعة البكايين.
Author: Hafiz Bashir
Date: 02-19-2008, 10:09 PM
Parent: #51
سلامات يا دينق
بوستك دا شرك و لقيتك حريف كمان
ود الجيران
إنت ود جيران منو؟
قال نبرتو إتغيرت قال
|
Post: #56
Title: Re: العضوة الجديدة والجماعة البكايين.
Author: Kostawi
Date: 02-19-2008, 10:24 PM
Parent: #54
| Quote: قال نبرتو إتغيرت قال |
نبرتو ولا كهربتو
ود الجيران أنت من الشكينيبة ولا أم مغت?
|
Post: #58
Title: Re: العضوة الجديدة والجماعة البكايين.
Author: مصطفي سري
Date: 02-19-2008, 10:26 PM
Parent: #54
عماد عبدالله ، سلامات يا مرتاح
ابدا انا دخلت مع الناس للضحك ، وبوست دينق دة زي العملتو الاخت راوية عن
ملاسي وبرضو دخلنا فيهو وادلينا بدلونا ، ولا تقديمية ولا يحزنون ، وانا
الونسة بعرفها كويس ، وهناك لقيت بوست الاخت امنة زحمة لمن الباسوورد
راح مني ، وما شايف دينق طرح هامش وقامش ، اتحدث عن ناس بالهزار قلنا
نهزر ... وامنة خلقت روح جميلة في البورد اليوم ... والدليل البوست دة
نفسو وبتاعها اللي بهناك ... شفت انا مسكين كيف ... بعدين انا ود حلتك
زمان ما تقوم فينا قدر دة ... والتالت ... كلها ترويح وفكفكة نفس يعني
اشتغل من الصباح سياسة للمساء ... اصلوا بصرف كم انا ... تسلم ...
|
Post: #59
Title: Re: العضوة الجديدة والجماعة البكايين.
Author: اسامة جعفر
Date: 02-19-2008, 10:56 PM
Parent: #58
سرى
ناس تبكي ما تختشيش
|
Post: #60
Title: Re: العضوة الجديدة والجماعة البكايين.
Author: Amjed
Date: 02-19-2008, 10:58 PM
Parent: #1
يا بكري علوم (لزوم التمييز و كدا )
انضبط اخييييييييير ليييييييييييييييك و الله اشووووتك بلاااااااااااااااااااغ
( شفتا انا كنت حريف كبف ايام الجامعه بمشي ابكي بعيد بعيد و اجيكم ناطي في حيارى عامل فيها الود ثوري)
|
Post: #61
Title: Re: العضوة الجديدة والجماعة البكايين.
Author: Deng
Date: 02-19-2008, 11:51 PM
Parent: #1
Quote: أنا غايتو ياأخوى دينق خشيت فى بوست الأهلية يعنى دفعه وكدا
أخوى دينق مالك داير تعمل لينامشاكل مع المدام |
يسري مصطفى.
أها أنت دفعت أمنة ولا دفعة مصطفى سري؟
أما إذا كانت المدام بتدخل البورد ده بطريقتك.
تاكل نارك براك.
دينق.
|
Post: #62
Title: Re: العضوة الجديدة والجماعة البكايين.
Author: Deng
Date: 02-19-2008, 11:54 PM
Parent: #1
Quote: دينق الحبيب ماعارف الدنيا هسع عندكم صباح ولا ضهر المهم مساء الخير
ياخوي البكاء خشم بيوت ( دجانقو افرز ) وجه ميت من الضحك .
انا غايتو بكائي وما بدس بكائي شوف الناس العاملين فيها صناديد ديل .
والله لو شوفت لي حجر نبتت عليهو زهرة ببكي فيهو مش انا شاعر وعلي كيفي. |
هاشم أحمد خلف الله.
كل الاحترام والتقدير لشخصك الغالي.
الواضح ما فاضح و "شنبوا في المصيدة"
دينق.
|
Post: #63
Title: Re: العضوة الجديدة والجماعة البكايين.
Author: كمال سالم
Date: 02-20-2008, 01:18 AM
Parent: #1
والله خترى يادينق ,, الناس اتمشورت , ركبوا الباصات والحافلات والرقشات , لمن عملوا
أزمة مواصلات , وكلهم ماشين بهناك , وأنت قاعد وخالف كراع فى كراع وجبتها لعندك , فقرى ,
|
Post: #64
Title: Re: العضوة الجديدة والجماعة البكايين.
Author: Tragie Mustafa
Date: 02-20-2008, 01:30 AM
Parent: #63
عماد عبد الله كل ده يا اخي يطلع منك؟؟
اكان ما كاسر ركبه من بوست ونسة لبوست وسنة؟؟؟
Quote:
حكاية عجيبة يا دينق ياخ !!!
يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !!
يا كمان نتبلم نقعد و نراعي للمغسات جوانا و برانا و ما نقول بِغشم ؟؟
ونسة الله الواحدة دي مالا .. عيبا لي ؟؟
كاتمين نفسنا مالكم ؟
العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو ..
لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي .
المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا ..
كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا .
و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت ..
في غيابا كانت الناس بتجي و تتونس في لمة و لا أحلى ..
بوستاتا التانية ما عندي خبرها .. لكنها ما وصلت لعدد المداخلات الفي البوست ده ..
لو المسألة بكا و تكسر كان إتسوت في البوستات التانية معاها ..
عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا ..
ما تمسخو طعم إنسانيتنا الله يخليكم , و تحملوا الحاجات فوق ماهي حاملة ..
الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق ..
أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
.....
مصطفى سري .. حتى انت يا بروتس !!
( الإبتسام و الترويح و الحميمية حقت الناس بقت : تهمة ) .. أبشر بالخير .
و تحيا التقدمية الإنكشارية
|
غايتو يا امين الصديق و ابوبكر صلاح ونور الدين صلاح
ياهو العشم فيكم اعمامكم ديل فتروا وقعدوا لي بوستات الونسة
اتحزموا مع اخوكم دينق ده بيهظر شويه لكنه لا يضع سلاحه ابدا.
انت في ده يا دينق ولا عماد عبد الله بيسأل كمان من سفارة غانا ولا ساحل العاج ماعارفه
يعني كل المحن الفي بورد ما مكفيه قايم يتم الباقي كواسة برجوله
عامد عبد الله
شفت شيل الحال ده كيف؟؟؟؟
ثاني تعال المولد
|
Post: #65
Title: Re: العضوة الجديدة والجماعة البكايين.
Author: Tragie Mustafa
Date: 02-20-2008, 01:39 AM
Parent: #64
يا بكري علوم اوع يغشوك
باقي بنات المنبر ديل زي الزميلات عاملات جادت ونكديات الا قلة
انت كان نجيض تنق سياسة هنا وتجكس في منابر ثانيه زي بتاعت ناس دكتور معز ديك:
Quote:
فيكى الخير و الله، ح ابكى و الله كتير عساى و لعل نلحق شئ مما فاتنا!!
بس البكاء الجماهيرى فى النهاية بيكون مقيّد بحدود ما ممكن يتجاوزها
فشوفوا لينا طريقة لارجاع المسنجر، باقى انتو ناس قدام و ايدكم لاحقه |
زي الزملاء زمان النجاض فيهم اكيد بينظروا في علوم وكيسوا في آداب مش كده برضوا؟؟
اما حكاية ايدنا لاحقة دي فانسى وحياتك
شوف لك واسطة من بنات الجلابة باقي نحن بكري ما حسابنا نساء او بنات ذاته
|
Post: #66
Title: Re: العضوة الجديدة والجماعة البكايين.
Author: abubakr salih
Date: 02-20-2008, 02:06 AM
Parent: #65
تراجى انا بالجد فى عرضك
اتوسطى عند اي جهة بالله، عند بكرى عندها هى زاتها المهم شوفى لى اخوكى طريقة
حريم الاسكندناف ديل ما نفعلن معانا، و بعدين ما برجعن معانا الســــودان الحار
داك. و لسة عندنا مشوار قراية يفك الجنيه، و بالطريقة بنرجع البلد مصلعين و على
درب البوره العظيمة.
عشان كدا احسن الواحد يلحق روحوا اسفيريا. بالله حنّكى معاها و صاحبيها شيلى
الايميل حقها و اجدعى لى اخوك. بعد داك الواحد بجاسف الى ما شاء الله
و الواضح ما فاضح
|
Post: #68
Title: Re: العضوة الجديدة والجماعة البكايين.
Author: Emad Abdulla
Date: 02-20-2008, 02:08 AM
Parent: #64
تراجي ..
إنتي أقعدي بس لشيل الحال ..
ياهو البنلقاهو منك ..
و أي نعم فترت .. و فترت عديل كمان ..
ياخي هديتو حيلنا بالملاواة .. شكيتكم علي الله .
و تاني من هنا و لي قدام .. بس ياهو كده ..
و يا بركة الله ألقاكي في ملف ..
....
معليش يا دينق جات فيك ..
بعيد عنك كترة الفقر و زيادة السأم .. و الأخلاق البقت نتشه .
كلو هيّن .. بس حجة تراجي دي تزح من هنا .
|
Post: #67
Title: Re: العضوة الجديدة والجماعة البكايين.
Author: Deng
Date: 02-20-2008, 02:08 AM
Parent: #1
Quote: دينق
انا من الاساس ما دخلت بهناك ... انت ناسي انا ديامي وللا شنو
وبعد تربية الديم مشيت كبير للامتداد ... اسع ابو ساندرا غايب
وتراجي ما ذكرت انو عمك ما اتداخل كلو ، وكيكي في اللوتري ما فاضي
يعني التفاتيح زحوا بعيد ... بوست الامتداد دخلنا سلمنا على زول
لكن الدلقو بهناك ، الطلاميين على المستنيرين على اصحاب الهوايات
والبكا الحاصل ، لكن عندي احساس العكاكيز بتقع اسع ...ويجوك هنا
للشكوى ، او التظلم ... او يلعنو بوستك دة ظاااتو |
مصطفى سري.
قلت لي ود الديم وطلعت تفتيحة؟
طيب قريبك ود عبد الله مالو نقش الفلم؟
والله شوفة عيني في البوستات ديك، الظلامين والمستنيرين رقدو قش.
بعد شوية أنا ح أنقل بعض المداخلات ح وأطلب من "عزيزي القاري" أن يقيس نسبة ودرجة الكبكبة عند الكبكابة.
دينق.
|
Post: #69
Title: Re: العضوة الجديدة والجماعة البكايين.
Author: Deng
Date: 02-20-2008, 02:48 AM
Parent: #1
Quote: والله خترى يادينق ,, الناس اتمشورت , ركبوا الباصات والحافلات والرقشات , لمن عملوا
أزمة مواصلات , وكلهم ماشين بهناك , وأنت قاعد وخالف كراع فى كراع وجبتها لعندك , فقرى , |
كمال سالم.
الخازوق هي تجي بي جاي يقومو الجماعة كلهم برضو يتحولو للبوست ده.
علشان كده لازم أحصل صحبي بكري أبوبكر ويديني كود خاص للبوست ده خوفا من هجمة الانكشارية.
دينق.
|
Post: #71
Title: Re: العضوة الجديدة والجماعة البكايين.
Author: doma
Date: 02-20-2008, 03:22 AM
Parent: #69
Quote: دينق سلامات وكيف حالك ؟
اها كمان تعال قول انا بكيت ؟؟؟؟؟؟؟؟
انا والله زجرتهم ليك كلهم .... بما فيهم الجديدة الجميلة !!
|
اجي يا دينا خالد !!!!!!!
انتي حولتي لعبد الدين خالد ولا شنو ؟؟؟؟؟!!!! 
|
Post: #72
Title: Re: العضوة الجديدة والجماعة البكايين.
Author: Deng
Date: 02-20-2008, 03:25 AM
Parent: #1
Quote: "In the end, we will remember not the words of our enemies, but the silence of our friends"
علشان الجزء التاني في كلامك ده التحته خط.. أنا بجي وبساندك
انا والله يا دينق صراحه وبدون هظار..بفتكر برضه في رجال بيعملوا بوستات فيها كبسيبه شديده وكلها هظار..
وبعدين لو هي دخلوا ليها البوستات علشان حلوه بس..
بعد شويه المولد بينفض..والموضوع بيبقي عادي جدا..
اوافقك انه الشكل ساعدها..
لكن هي برضه عندها جرأه في قلبها..
لأنه عامة اي زول جديد اتعودنا انه يقعد وسط الناس بهدوء شويه..
يزور الناس في البوستات بتاعتهم..
حتي يقدر يفتح بوست..
واتعودنا انه البوستات للناس الجديده ممكن تقعد فتره طويله لغاية ما يتداخل فيها الأعضاء..
لكن مع العضوه آمنه الوضع اختلف..
لأسباب كتيره بعضها يمكن معرفته وبعضها ممكن تخمينه وبعضها لسه ما وصلنا لتحليله..
المهم انا البوست ده بالتحديد شوفت عنوانه..وأنا اساسا وبدون منطق مقنع للأخرين..عندي
كراهيه للعناوين الطويله..
المهم انا دخلت في بوست تاني ورحبت بيها..وماكان في زحمه..
علشان كده قلت ليك الجماعه ديل مشتاقين لبيوتهم ساكت وانت ماصدقتني..
اسه هي لو كتبت بوست جديد وقالت مثلا..
غنمايتنا جرحت أضانها..
أاكد ليك الناس دي برضه بتجي تدخل البوست.. يا أما علشان تكفر ليها لأنه عندنا رحمه في قلوبنا
علي الغنمبالتحديد..
ولأنه في منهم كتير وحشهم غنمهم..وفكروا امكن غنمهم يمر بنفس هذه الظروف القاسيه..والناس لي بعضها في النهايه..
شوفت كيف يا دينق؟؟
وأنا قاعده معاك اساعدك مره مره
انت بس |
منى خوجلي.
والله ما قصرتي معي أبدا.
لكن برضه خليك قريبة.
بكرة ح تجي قوات الانكاشارية محتجة على هذا البوست.
بيني وبينك أنا لمن لقيت زحمة العربات والصيوان والجلاليب قلت يمكن تكون في مناسبة فرح ولا كره لكن لقيت مناسبة من نوع جديد.
دينق.
|
Post: #74
Title: Re: العضوة الجديدة والجماعة البكايين.
Author: doma
Date: 02-20-2008, 03:32 AM
Parent: #72
لي كدا يا ود الجيران يا ظريف ؟؟؟؟
انت لو شفت دينق مع الراحل المقيم جون قرنق ديني انا
الزول دا وسيم ومقدره عديل كدا ,
بس يا دينق ما تشيل حالي تقول مامه دومه بكايه
انت في مقام ولدي والله لكنك مكمل الوسامه
|
Post: #75
Title: Re: العضوة الجديدة والجماعة البكايين.
Author: Mohamad Shamseldin
Date: 02-20-2008, 04:21 AM
Parent: #74
دينق
الليلة أمنت بيك "شفت"
|
Post: #76
Title: Re: العضوة الجديدة والجماعة البكايين.
Author: Deng
Date: 02-20-2008, 04:24 AM
Parent: #1
Quote: حكاية عجيبة يا دينق ياخ !!!
يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !!
يا كمان نتبلم نقعد و نراعي للمغسات جوانا و برانا و ما نقول بِغشم ؟؟
ونسة الله الواحدة دي مالا .. عيبا لي ؟؟
كاتمين نفسنا مالكم ؟
العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو |
عماد عبد الله.
ماشالله.
يعني لو في أتنين زي أمنة دي كان كان مشكلة السودان أتحلت؟
Quote: ..
لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي .
المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا ..
كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا .
و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت ..
في غيابا كانت الناس بتجي و تتونس في لمة و لا أحلى .. |
ودينق برضه ح يردد ويقول: كتر خيرك أمنة.
يعني أمنة تغيب يومين من البوست تجي تلقا الشرك قبض؟
Quote: بوستاتا التانية ما عندي خبرها .. لكنها ما وصلت لعدد المداخلات الفي البوست ده ..
لو المسألة بكا و تكسر كان إتسوت في البوستات التانية معاها ..
عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا ..
ما تمسخو طعم إنسانيتنا الله يخليكم , و تحملوا الحاجات فوق ماهي حاملة ..
الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ .. |
يا عماد.
أجمل حاجة فيكم هي "إنسانيتكم"
إنشالله إنسانيتكم دي تغمرو بها الضعفاء والفقراء والشينين كمان.
Quote: يا دينق ..
أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان . |
ياخي أنا دخلت أتبسطه جنس بسطه. ومصاريني أتهرت من الضحك.
خصوصا في ود القريش الذي ترك بوستات التكفير وجرى يقدم خدماتو و يصغر ويحجم في صور العضوة الجديدة.
أنا دينق ده بتمنى لكم السعادة من كل قلبي يا عمدة.
دينق.
|
Post: #77
Title: Re: العضوة الجديدة والجماعة البكايين.
Author: المسافر
Date: 02-20-2008, 05:25 AM
Parent: #76
Quote:
اجي يا دينا خالد ؟؟؟!!!
ولا قلبتي
بقيتي عبد الدين خالد |
طالما الحكاية انقلبت كدي
يلا نغني مع ود السافل..
طابت طيبة
طيبة رطيبة
كل الخلوق تطيب من طيبة
طابوا المجانين
وجنو النصاح
أصلو الجاهلة
ما جاهلة نصاح
آمن الفي الضمير مازياني
ما شفتوها يا خلاني
واحدين قالو شفنا الشافها
ما شفتوها يا خلاني
تطوي قلوبنا رهافة
ما شفتوها يا خلاني.
يلا
خلي الدارة تقوم غبار..
|
Post: #80
Title: Re: العضوة الجديدة والجماعة البكايين.
Author: Tragie Mustafa
Date: 02-20-2008, 06:23 AM
Parent: #76
Quote:
يا عماد.
أجمل حاجة فيكم هي "إنسانيتكم"
إنشالله إنسانيتكم دي تغمرو بها الضعفاء والفقراء والشينين كمان.
|
شوف يا دينق كله الا الشينين ديل عماد عبد الله
سمح وبيحب السمحين لا مكانعنده للشينين
وكان كثرنا ده النوع البقول لك الله جميل يحب الجمال
|
Post: #78
Title: Re: العضوة الجديدة والجماعة البكايين.
Author: haroon diyab
Date: 02-20-2008, 05:41 AM
Parent: #1
العزيز / دينق
صباح الخير
| Quote: العضوة الجديدة الجميلة أمنة عبد الكريم عضوة نشطة وجديدة وفتحت حوالي ثلاث بوستات مختلفة. رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ. |
والله انتوا عليكم جنس شمارات ....حسع الخبر ده انا يادوب عرفته......!
بس اكان لي انا مامشيت بي هناك .....
بس انت يادينق ....جاوب هنا
| Quote: يا دينق إنتا ظاطك البوديك هناك شنو? |
حلوه حكاية المتزوج شايل العزابي دي ......يعني في كوم جديد كبر بي هنا .....وبرضو يعني ناس قريعتي راحت بعد دا الا اكان يشوفوا ليهم زول يكسر ليهم تلج في منبر تاني.....رائك شنو نتوسط ليهم في منبر الظلامي معتز القريش ( الدويم دوت كوم) بس في ناس كده مابقدروا يخشوا وكر الذئاب ده.
التحايا
هارون دياب
|
Post: #79
Title: Re: العضوة الجديدة والجماعة البكايين.
Author: WAD ELGAALI#4
Date: 02-20-2008, 06:12 AM
Parent: #78
تعرف يا دينق الناس دى جنت ساكت او الاستاندر بتاعم بقى اى كلام الغريبه القبه ما تحتا فكى والله حاجه توهم الاخلاق زاتو
|
Post: #86
Title: Re: العضوة الجديدة والجماعة البكايين.
Author: Randa Hatim
Date: 02-20-2008, 07:10 AM
Parent: #79
Quote: لا تأمنن على النساء مودة ان النساء وصالهن مقسم
فاليوم عندك تيهها ودلالها وغدا لغيرك كفها والمعصم |
Quote: أحبك أنت يا أملا كضوء الصبح يلقاني
أمات الحب عشاقاً وحبك أنت أحياني
ولو أنساك يا عمري حنايا القلب تنساني
إذا ما تهت في درب ففي عينيك عنواني |
| Quote: love like you've never been hurt |
كلامك بقول انك زول غريب ومتناقض ....
اما الاقتباس الاول حقيقي يحير لدرجة الالجام .. لانو تعميم مخل وغير عادل.
اما كلامك في مداخلتك الاصليه فجارح ومؤلم واتمنى انك تحذفه.
تحياتي.
|
Post: #82
Title: Re: العضوة الجديدة والجماعة البكايين.
Author: Randa Hatim
Date: 02-20-2008, 06:54 AM
Parent: #78
عارف يا دينق ...
انا كل ما افتح المنبر بعاين اول شئ على كل العناوين وبعدين اشوف "اتلب" وين .. اها لمن جيت عند عنوان البيت وما البيت لقيت ليك عدد المداخلات كمية ما شاء الله وكل ما تعدي خمسة دقايق واعمل "رفرش" وحاتك انت القى ليك البوست "مشعلق" فوووق حالف ما يتدلى .. قلت بسم الله ونقرت عليهو ودخلت .. اجي .. حال السرور يا يابا .. عالم توصف في بيوتها .. وعالم تعزم .. وعالم تتعزم .. وعالم تقدم في دعوه لي روحها لي زيارة بيت الحسناء .. والكان كايس القروش بطل كواسة "وحتل" بي غادي وان على دكين "فت" اخره .. وهسي بكري صالح في بوستيك دا جاب اخرو برضو .. والله اتبسطت عديييل ياقول العمده .. قلت النبي نفسنا قام من المعافره والمدافره حقو ناخد لينا "بريك" وسط البيوت البتتطاقش دي.
تخريمة ما ليها علاقة بالبوست:
هذه الدينا خالد فلته وما بتتكرر .. ياخي انتي زوله عسل عديييل.. يا رعاك الله
|
Post: #83
Title: Re: العضوة الجديدة والجماعة البكايين.
Author: haroon diyab
Date: 02-20-2008, 07:03 AM
Parent: #82
رندوك
صباح الخير
| Quote: انا كل ما افتح المنبر بعاين اول شئ على كل العناوين وبعدين اشوف "اتلب" وين .. اها لمن جيت عند عنوان البيت وما البيت لقيت ليك عدد المداخلات كمية ما شاء الله وكل ما تعدي خمسة دقايق واعمل "رفرش" وحاتك انت القى ليك البوست "مشعلق" فوووق حالف ما يتدلى .. قلت بسم الله ونقرت عليهو ودخلت .. اجي .. حال السرور يا يابا .. عالم توصف في بيوتها .. وعالم تعزم .. وعالم تتعزم .. وعالم تقدم في دعوه لي روحها لي زيارة بيت الحسناء .. والكان كايس القروش بطل كواسة "وحتل" بي غادي وان على دكين "فت" اخره .. وهسي بكري صالح في بوستيك دا جاب اخرو برضو .. والله اتبسطت عديييل ياقول العمده .. قلت النبي نفسنا قام من المعافره والمدافره حقو ناخد لينا "بريك" وسط البيوت البتتطاقش دي. |
والله جنس شلاقة ....انتوا القاعد بوديكم الحتات ديل منو .....؟
يعني لازم تجيبوا لنفسكم الاحباط .
يابتي اخديها من قصيره وخليكي في بوست النفسيات الماجايبه همها دي .
وحاتك تباري بوستات دينق دي ....الا اكان نفتش ليكي في الخور عديييييييييل كده .
حسع يجوا ناطين ليكي ناس ......! ويشبكوكي ....ياحاسده ....وياظلاميه ....ونبقي في اليحلنا الحله بله.....!
وبرضو ....اناقه ....يااشراقة .
صباحات بيضاء
هارون دياب
|
Post: #89
Title: Re: العضوة الجديدة والجماعة البكايين.
Author: Randa Hatim
Date: 02-20-2008, 07:54 AM
Parent: #83
| Quote: يابتي اخديها من قصيره وخليكي في بوست النفسيات الماجايبه همها دي |
ليه لكن يا هارون .. ليه.
مالا بوستات الونسه والكلام البيريح الاعصاب ..
ياخي والله فترنا من بوستات ياكافر ياملحد ياكوز ياجبهجي يا شيوعي.
البنية دي جديده لسه فرش وكلاما ليهو طعم .. لسه ما اصابتها "حمى المنبر المتصدع"
الله يكفيها الشر ويغطي عليها.
|
Post: #81
Title: Re: العضوة الجديدة والجماعة البكايين.
Author: تيسير عووضة
Date: 02-20-2008, 06:24 AM
Parent: #1
بالمناسبة يا جماعة ..
بوست دينق دا ما حسيت فيهو أي نوع من الباد إنتنشنز
أنا بضحك من أول كلمة لغاية النهاية ..
دينق يا زول ولا يهمك ..
يحيا عبدالرحيم محمد أحمد
يعيش ريتشرد حسن
ولا نامت أعين المكسرين
|
Post: #84
Title: Re: العضوة الجديدة والجماعة البكايين.
Author: عمران حسن صالح
Date: 02-20-2008, 07:04 AM
Parent: #81
ونستونا ... وضحكتونا ...
نحن كفاية علينا بكيتنا في بوست ( الهكره) 
|
Post: #97
Title: Re: العضوة الجديدة والجماعة البكايين.
Author: محمد البشرى الخضر
Date: 02-20-2008, 10:37 AM
Parent: #84
عمران يا عمك| Quote: نحن كفاية علينا بكيتنا في بوست ( الهكره) |
خذلتني لكن
أنا مراهن عليك تماما و مجهز البرنت سكرين
حتى سألت من بالإسم
تجي تقولي كفاي وما كفاي
معقول بس يا عمران ياخ
|
Post: #85
Title: Re: العضوة الجديدة والجماعة البكايين.
Author: Salah Waspa
Date: 02-20-2008, 07:09 AM
Parent: #81
| Quote: والله لكنك مكمل الوسامه |
وفي رواية أخرى شرط
الليلة دينق ما بنوم (وش ضاحك)
و عشان ما تقول قلنا للعضوة الجديدة شرط لزوم الإنبراششششششش .
ماما دومة ماقصرتي مع دينق تب وهو بأمانة له مكانة مميزة عندنا ده ما كسير تلج عشان
بس نوفر المجهود لي الكسير حق أمونة
تحياتي دينق
صلاح واسبه
تكة :
take it easy
|
Post: #87
Title: Re: العضوة الجديدة والجماعة البكايين.
Author: DKEEN
Date: 02-20-2008, 07:45 AM
Parent: #1
البت سمحة يا دينق..
سمحة..
انتا ياخي قلبك ده ميت ولاشنو؟؟
انتا ماك شايف الضحكة دي؟؟
الانشراحة دي..
انا لو كنت شاعرا لاشعرتها شعرا ..
منو البضحك في السودان مثل هذه الضحكة..
منو العندو القدرة على الابتسام ساي في بلد الغلا والهموم والهامش والملشيات؟!!
منو البقدر يلبس احمر في بلد كان سكرتيرا الاحمر بين المخابي والدسائس؟!!
منو البجي طاخ كده من اول بوستات يقول وريني انتا قريت في الاهلية مع منو ومنو كان معاك وساكن وين؟؟
منو البتقدر تنزل صورتها بالحجم العائلي (الفري سايز) وبي ضحكتا؟!
منو البتجي ترد ردود انيقة ومقتضبة ووراها مودة ؟؟
حرم في السودان مافي زول يعمل العملتو هذه البت الشجاعة دي إلا ناس بسم الله..
وناس تانين في منتهى الجمال الله لاوراك ليهم..
ـــــــــــــــــ
وبعدين ياخ كل زول ببكي بطريقتو وهو في ذلك حر..
واهو انتا بكيت بي طريقتك..
يعني دي اول بت نبكي فيها ؟؟
اشمعنا دي بالذات جاي تلفت النظر في اننا بكينا فيها..
اعترف انو الحلاوة دي هزتك ونزلتا فيها بوست؟!!
اعترف ياعفرييييييييييت..
|
Post: #88
Title: Re: العضوة الجديدة والجماعة البكايين.
Author: أيمن الطيب
Date: 02-20-2008, 07:53 AM
Parent: #1
دينق يا حبيب سلامات,,
فى البداية قررت أن اتحفظ وهى عادتى فى بعض الأحيان لما احس
إنو الموضوع ما عاجبنى أو لم تقع لى الفكرة,,,لكن بعد قراءة
المداخلات وردود الأفعال المختلفة تفهمت القصد وقلت ندلو بدلونا
لأخينا الكبير دينق (حسب ما تقول الصور)
الفرق بينك والكثيرين أنك تكتب معظم ما يدور فى رأسك الكبير ده
هنا,,,,وهي عادة أقرب ما تكون إلى الوضوح وصفاء النية وهو ما يعنى
أيضا بالنسبة لى عدم سوء النوايا,,,,
وهى نفس الصفات التى يمكن أن تتصف بها صاحبة البوستات المعنية أختنا
آمنة عبدالكريم وهى طريقة ناس كتار فى الدنيا,,,الوضوح وكتابة كل ما
يدور فى دواخلهم وكل ما يردإلى خواطرهم دون ترددأو تفكير كتير وعكسهم
أيضا ناس تعيش التعاقيد الكتيرة ويقتلون الأمور تقليبا وحساباحتى تموت
الأفكار نفسها!!!!وأنا منهم فى معظم الأحوال للأسف,,,
إنت هبشت السلك العريان فى البورد ده ووضحت مسألة الإصابة
بالEmotional Disturbance و(الفراخات) العاطفية التى عادة
ما تصيب الشعوب المرهقة التى تعانى من الشتاتات والحروب
وفقدان البوصلة الفكرية لديهم نفسها للتوازن الذي يمكنّها
من العمل بطريقة سليمة,,,,
آمنة عبدالكريم أخت كريمة وبرلومة نشطة لم ألتق بها قبلا
لكن من طريقتها فى الكتابةوطرح المواضيع يبدو أنها نوع
الناس التوووووووووشك to the pointوإنت كمان يا الحبيب
بتتعامل بنفس الفكرة,,,
إختلاف ردود الأفعال نفسه كان محيرا,, ناس أخدوا الموضوع شخصي جدا
ناس إتحسسوا !!!ناس إتجندروا!!!وناس نكشوا ورق قديم وناس نفشوا
ريشم,,, وناس ضربوا اللبشة وناس
تعاملوا معه بالطريقة السليمة ولم يحاولوا إيجاد شئ ما من بين
السطور
الضحك شرطنا,,,,,,,
*أحييك لفكرة ربط بوستك بذاك البوست الناجح فقد جعلت منه بوست جميل,
شكلو أهلنا ديل بقوا قصة مافيها حرابة ودفاس ما بتخارج معاهم......
إنت يا صاحبى بالمناسبة دى أسمح لى أقول ليك إنك (مدوراتى) كبير! !!
ماتهبش السلوك العريانة عشان السلوك الحايمة هنا دى معظمهاHigh Voltage
|
Post: #91
Title: Re: العضوة الجديدة والجماعة البكايين.
Author: abuguta
Date: 02-20-2008, 08:19 AM
Parent: #88
دينق
سلام
انت امنة دى عملت ليها دعاية اسى انا مشيت شفت بوستاتها من جديد من مداخلتها ذكرتنى بالسفير عضو معانا قديم الناس قايلو ولد وهو طلع بنت فى رابعة اساس نفس المواضيع,,تذكر بوستان حوش البنات وحوش الاولاد وحاجات تانية نسانى ليها الزمن وحكم الانقاذواحلام الحركة الشعبية وناس الشعبية
هههههها قلنا ندخل ليك حبة سياسة عشان نطعم البوست
بوستك دا ظاتو لزيز وسوف يمتلىء ركاب
الشق نيل فائض
|
Post: #90
Title: Re: العضوة الجديدة والجماعة البكايين.
Author: عمر التاج
Date: 02-20-2008, 08:04 AM
Parent: #1
الاستاذ دينق
نهارك سعيد
| Quote: العضوة الجديدة 1- الجميلة أمنة عبد الكريم 2-عضوة نشطة وجديدة |
| Quote: ولكنه يكشف الناس البكايين |
ممكن تسجلوني معاكم ؟
....
الاستاذ : محمد الخضر البشرى
| Quote: لا و الحالة سجيمان لسة ما جا |
حالتو دي ما جا؟
....
الاستاذة امنة عبد الكريم:
| Quote: وأي شيء جديد الناس بتمشي عليهو |
الكلام دا ما أظنو في البورد دا ... يكون في حتة تانية ؟
----
.
.
.
طبعاً يا أحباب الكلام هظار والبكاء ما عيب.
|
Post: #92
Title: Re: العضوة الجديدة والجماعة البكايين.
Author: Emad Abdulla
Date: 02-20-2008, 08:51 AM
Parent: #90
تحيا الإنسانية ..
لا للفقر و الشناة و كل الشوال بتاعا البيتشال في الضهر ..
يسقط دينق و تراجي ..
و .. تيسير عووضة
|
Post: #93
Title: Re: العضوة الجديدة والجماعة البكايين.
Author: أيمن الطيب
Date: 02-20-2008, 09:07 AM
Parent: #1
Quote: تحيا الإنسانية ..
لا للفقر و الشناة و كل الشوال بتاعا البيتشال في الضهر ..
يسقط دينق و تراجي ..
وأخوناالزمان تيسير عووضة |
ويسقط عمادعبدالله الPainter عشان سافر وما قال لينا مع السلامة!!
هسى القصة دى ممكن تبقى شغل بتاع Graphics ولا ما ممكن!!!
القصة الآخره لسة دى! ! !
تحياتى يا عمدة,,,لما ترجع أدينا خبرك....
|
Post: #94
Title: Re: العضوة الجديدة والجماعة البكايين.
Author: البشير دفع الله
Date: 02-20-2008, 09:38 AM
Parent: #1
Quote:
حكاية عجيبة يا دينق ياخ !!!
يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !!
يا كمان نتبلم نقعد و نراعي للمغسات جوانا و برانا و ما نقول بِغشم ؟؟
ونسة الله الواحدة دي مالا .. عيبا لي ؟؟
كاتمين نفسنا مالكم ؟
العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو ..
لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي .
المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا ..
كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا .
و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت ..
في غيابا كانت الناس بتجي و تتونس في لمة و لا أحلى ..
بوستاتا التانية ما عندي خبرها .. لكنها ما وصلت لعدد المداخلات الفي البوست ده ..
لو المسألة بكا و تكسر كان إتسوت في البوستات التانية معاها ..
عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا ..
ما تمسخو طعم إنسانيتنا الله يخليكم , و تحملوا الحاجات فوق ماهي حاملة ..
الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق ..
أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
|
تحية وتقدير عماد عبدالله
|
Post: #95
Title: Re: العضوة الجديدة والجماعة البكايين.
Author: العوض المسلمي
Date: 02-20-2008, 10:00 AM
Parent: #1
عزيزي جورج تحياتي وودي
كمان الحكايه جابت ليها بكاء عدييل كده
| Quote: المتزوج شايل العزابي على وزن الاعمى شايل المكسر. |
العزابي عرفناه بعذرو
المتزوج ده سببو شنو
|
Post: #96
Title: Re: العضوة الجديدة والجماعة البكايين.
Author: محمود بكر
Date: 02-20-2008, 10:08 AM
Parent: #1
الفاضل/ دينق
بوستك جميل ورائع زي بوستات امنة وزوارها
انت عارف يادينق
صدقني واقولها جاد كرهت ساسة يسوس دي
رغم اني ما قاعد اتداخل الا في بوستاتهالكن تقول شنو مرضة
اجارك الله
وبما انو من ناحية العمر فان زمانا فات وغناينا مات
نحن شبابنا كان كله نكد في نكد وغم في هم
ومسئوليات من الجهل وما شفنا البنات سمح الا في الجامعة
فبقيت ياصاحبي اطوف على بوستات الشباب ديل واستمتع
اخر سطر
انا شايف عدد كبير من دفعتي بتحاومو بي هناك شاربين دم الشباب
|
Post: #98
Title: Re: العضوة الجديدة والجماعة البكايين.
Author: شول اشوانق دينق
Date: 02-20-2008, 11:53 AM
Parent: #1
ود الجيران !!!
Quote: يا زول لا عجاج ولا غيرو ..
كُل القِصة يا دينق إنو إنتا رآءت ليك نفسك الخرِبة وإحساس الدونية الكامِن جواك إنك غير مؤهل زيّك وزي باقي الناس ديل للتداخل مع الزولة دي بالشكل الإجتماعي الخفيف والبسيط الشايفو قدِّامك دا .. والغيرة بعدها ولعّت جواك زي النسوان .. وبموجب الخباثة المُتلبِّسة ذاتك .. قررتا تلعب علي سيكلوجيتا البسيطة والسمحة الظاهِرة في ردودا علي الاخوان والاخوات .. وتطفِشا مِن هِنا .. عشان يفضا لينا المكان لي جِنس قباحة نفسك دي
دا كُل ما في الامر يا دينق..
الزولة دي لا في زول قلا ادبو معاها .. ولا في زول كتب ليها كِلمة فارغة .. والناس دي كُلها بتتونس ما اكتر .. وهي ذاتا يوم يومين حتتِعود علي اساليب التعامل في البورد .. وناس البورد كمان حيتعودوا عليها .. والمسألة ح تبقى اكتر مِن عادية ..
بس إنتا كيف تختاها .. |
ًWhat the hell you are talking about Wed el geran
؟؟؟!!!
منو الغشاك وقال ليك إنك مؤهل وإجتماعى كمان؟؟؟
الناس ديل أى واحد يجى يمثل ليك إجتماعى ومؤهل وبطيخ!!! ... تعال ورينا إجتماعيتك ده ومؤهلاتك القادينا بيها هنا ده... يا ريت كان سجلته لينا صوت وصورة عشان نآمن ونقتنع.
تعال ورينا مهارات الونسة الجاى تعلمه للناس.
Quote: شايف البوست نبرتو إتغيّرت يا دينق ..
ايوة كِدة إتعدِل وخليك زول كويس ..
عشان نكون حِلوين مع بعض .. |
تفتكر كلامك الفوق داك هو الخلاهو يتعدل؟؟؟ يا لبؤسك يا ود الجيران!!!
_________________________________
العزيز دينق
كيف الحال؟
شفت البوست المضروب بتاع نسرين سوركتى ورانى الويل... كنت من ضمن الشلة إياها... بس الحمدلله عد على خير.
سلام ليك ولكل الحلوين
شول اشوانق
|
Post: #99
Title: Re: العضوة الجديدة والجماعة البكايين.
Author: عبدالله كع
Date: 02-20-2008, 12:51 PM
Parent: #1
دينق
دي الصورة بس لو شافوها كدا يعني عيني عينك
حيكون الكسر بالطريقه الصاح
المتزوج شايل العزابي والاعزب والارمل كمان
........كع
|
Post: #100
Title: Re: العضوة الجديدة والجماعة البكايين.
Author: أيمن الطيب
Date: 02-20-2008, 01:06 PM
Parent: #99
| Quote: شفت البوست المضروب بتاع نسرين سوركتى ورانى الويل... كنت من ضمن الشلة إياها... بس الحمدلله عد على خير. |
سلامات يا شول,,
مابراك يا اللخو معاك ناس كتاااااااااااااااااااار لكن نكرو بى الله واحد وقالو لا شفنا لا سمعنا بيه,,,,,,,
عادى المرة الجاية لوك الصبر يا حليو,,إنتظر لحدى ما الكلام
يتأكد بعد داك تجيب قطرتك ومناديلك وتجى بيت البكا تفرش!!
تحياتى
|
Post: #101
Title: Re: العضوة الجديدة والجماعة البكايين.
Author: sudania2000
Date: 02-20-2008, 01:24 PM
Parent: #100
السلام عليكم
والله يا دينق كلامك في محلو والقصة ما غريبة لانو انت في سودانيز اون لاين
والامر ان السياسة والثقافة شعارات مضي علي الدهر اكلا وشربا وبقيت الشوفنية
والسطحية لكن الموضوع برتو ممكن يكون زي ناس السياسية والثقافة وينزل كمنتدي ثقافي إجتماعي تحت شعار بيتكم بويين يا عيني وندعو له كل علماء الاجتماع والثقافة والسياسة
واهل الدين ورجال الاعمال وبالمناسبة دي يا دينق بيتكم بوين ؟؟
عارف انا دخلت بهناك لكن لقيت المحكرين كلهم من ناس شمس قمر نجوم بالليل
اتفق معك في عدم موضوعية البوست بس اهو ونسة سودانية
خربشة : أنتي لو فعلا بتريديني مفروض تسانديني؟؟؟؟؟ الكلام دا تحت اي شعار
من لا يساندني فهو لا يحبني :
|
Post: #111
Title: Re: العضوة الجديدة والجماعة البكايين.
Author: مجدي عبدالرحيم فضل
Date: 02-20-2008, 03:28 PM
Parent: #100
ســــــــــــــــلام ملك مربع مربع لحد ماتصل 14 دي مربعات الأمتداد ومن ضمنها مربع 7 الساكن فيهو الملاك الجميل ده
دينق كدي أتخيل البوست ده من غير صورة البروفائل والبسمه الفي الوجه الساحر والتبري المرصوص في الفم داك الناااس دي كان شكل البكاء
حيكون بكزااام دي عشان سري جاااي من الديوم (حي الزهور ) ووصل قااال كبير للدرجة أعمل حسابك من السلمه رقم 7 أسعدتنا بالبوست وصاحبة
البوست ولوكان البروفائل بقرد مني خوجلي المادي قدووموا متر ونص وقاال أحمر شفاه ومن أجمل المداخلات مداخلت عماد عبدالله ياخي خلي الناااس
تفكفك حبتين وبعد داك بترجع وتروق مع مودتي لكل المتداخلين وخلي روحك رياااضية والعب مداخلت ود الجيران ثٌروا أوت ،
رايك شنو ننزل غنية المنديل لأبوالسيد لزوم تحرير البكاء وكده .
يعني يادينق تاني ما نفتح بوست جكس للأنضماام إلي المساحة الأسفيرية دي ولا شنو !!! لسع الأمتداد أربعتعشر مربع وأصغر مربع فيهو 68 بيت
وكل بيت فيهو قول فاطمة يعني بكري يجيب باصات المتعافي الأيرانية ماتكفي الدائري الشرقي .
،،،،أبوقصى ،،،،
|
Post: #102
Title: Re: العضوة الجديدة والجماعة البكايين.
Author: Deng
Date: 02-20-2008, 01:27 PM
Parent: #1
Quote: غايتو يا امين الصديق و ابوبكر صلاح ونور الدين صلاح
ياهو العشم فيكم اعمامكم ديل فتروا وقعدوا لي بوستات الونسة
اتحزموا مع اخوكم دينق ده بيهظر شويه لكنه لا يضع سلاحه ابدا. |
يا تراجي.
ما تخافي على عماد عبد الله ده أصلو ولدنا.
والحاجات كلها بتمشي مع بعض.
كلام عماد ده كلام زول زهجان قامت بيهو الغربة.
وبيني وبينك زول يكون في الخليج مع ناس الطقي وود القريش لازم يزهج.
دينق.
|
Post: #103
Title: Re: العضوة الجديدة والجماعة البكايين.
Author: Deng
Date: 02-20-2008, 01:31 PM
Parent: #1
Quote: يلا
خلي الدارة تقوم غبار.. |
المسافر.
الغبار والعجاج قايم ليهو أكتر من يومين أنت وين يا أخوي؟
دينق.
|
Post: #104
Title: Re: العضوة الجديدة والجماعة البكايين.
Author: ماجدة عوض خوجلى
Date: 02-20-2008, 01:49 PM
Parent: #1
دينق ازيك
هسه بوستك ذاتو مابكا ، برضو لكن بس الاختلاف
فى الشكل والبيمشى بيت البكا بيكون بكى حتى ولو فى سرو
وانت شكلك كده بكيت لمن فتحت ليك بوست بخصوص بيت البـكا
تســلم يارب ...
|
Post: #160
Title: Re: العضوة الجديدة والجماعة البكايين.
Author: Al-Sadig Yahya Abdall
Date: 02-22-2008, 11:25 AM
Parent: #104
سلامات دينق،،،
كلامك في محلو 100%. شخصي الكريم صادف نفس الموقف عام 2006 حينما تم قبول عضويتي، و الذي
صادف قبول عضوة جديدة. هي و انا اعلنا عن قدومناو في لحظات هي حصلت الصفحة الثانية
(ببكاء الكثير)، اذ ظل بوستها مرفوعا على مدار الثانية، و انا حصلت الصفحة الثالثة، بس ب zero replies.
معا لدك حصون البكايين!!!!!!!!!!!!!!
|
Post: #105
Title: Re: العضوة الجديدة والجماعة البكايين.
Author: زياد جعفر عبدالله
Date: 02-20-2008, 01:55 PM
Parent: #1
Quote: لا تأمنن على النساء مودة ان النساء وصالهن مقسم
فاليوم عندك تيهها ودلالها وغدا لغيرك كفها والمعصم |
كان بقت على الكف و المعصم هينة
|
Post: #106
Title: Re: العضوة الجديدة والجماعة البكايين.
Author: Deng
Date: 02-20-2008, 02:10 PM
Parent: #1
Quote: والله انتوا عليكم جنس شمارات ....حسع الخبر ده انا يادوب عرفته......!
بس اكان لي انا مامشيت بي هناك .....
بس انت يادينق ....جاوب هنا
Quote: يا دينق إنتا ظاطك البوديك هناك شنو? |
هارون دياب.
أنا مشيت أشوف الحاصل شنو.
مشيت أشوف البوست المعلق في أعلى الصفحة بتاع البت الجديدة الابا ينزل ده شنو!!
وصراحة الشفتوا هناك ده غلبني أسكت وكان لازم أفتح البوست ده.
أنا هسع داير لي فنان تشكيلي ولا رسام بتاع كركتير يجي يرسم لي المشهد ده.
Quote: حلوه حكاية المتزوج شايل العزابي دي ......يعني في كوم جديد كبر بي هنا .....وبرضو يعني ناس قريعتي راحت بعد دا الا اكان يشوفوا ليهم زول يكسر ليهم تلج في منبر تاني.....رائك شنو نتوسط ليهم في منبر الظلامي معتز القريش ( الدويم دوت كوم) بس في ناس كده مابقدروا يخشوا وكر الذئاب ده.
التحايا
هارون دياب |
يا زول الدويم شنوا ووكر شنو،صاحبكم الظلامي لقيتو بدفر ليهو في واحد في موضوع صورة العضوة الجديدة.
وموقع الدويم ده بكون مفتوح للسهلة وممكن يتهكر في أي لحظة لأن مسئول الموقع غير موجود.
دينق.
|
Post: #107
Title: Re: العضوة الجديدة والجماعة البكايين.
Author: زول ساكت
Date: 02-20-2008, 02:34 PM
Parent: #106
والله يادينق انت بوست دا برضو ملقط ماعندو عوجة
|
Post: #108
Title: Re: العضوة الجديدة والجماعة البكايين.
Author: Deng
Date: 02-20-2008, 02:40 PM
Parent: #1
| Quote: تعرف يا دينق الناس دى جنت ساكت او الاستاندر بتاعم بقى اى كلام الغريبه القبه ما تحتا فكى والله حاجه توهم الاخلاق زاتو |
ود الجعلي4
أنا أختلف معك تماما.
لأنو حب الناس مذاهب.
Quote: --------------------------------------------------------------------------------
لا تأمنن على النساء مودة ان النساء وصالهن مقسم
فاليوم عندك تيهها ودلالها وغدا لغيرك كفها والمعصم |
طيب النساء الاخريات.الاخوات،الزميلات وهلمجرا، كينف نتعامل معهن؟
دينق.
|
Post: #109
Title: Re: العضوة الجديدة والجماعة البكايين.
Author: Deng
Date: 02-20-2008, 02:47 PM
Parent: #1
Quote: عارف يا دينق ...
انا كل ما افتح المنبر بعاين اول شئ على كل العناوين وبعدين اشوف "اتلب" وين .. اها لمن جيت عند عنوان البيت وما البيت لقيت ليك عدد المداخلات كمية ما شاء الله وكل ما تعدي خمسة دقايق واعمل "رفرش" وحاتك انت القى ليك البوست "مشعلق" فوووق حالف ما يتدلى .. قلت بسم الله ونقرت عليهو ودخلت .. اجي .. حال السرور يا يابا .. عالم توصف في بيوتها .. وعالم تعزم .. وعالم تتعزم .. وعالم تقدم في دعوه لي روحها لي زيارة بيت الحسناء .. والكان كايس القروش بطل كواسة "وحتل" بي غادي وان على دكين "فت" اخره .. وهسي بكري صالح في بوستيك دا جاب اخرو برضو .. والله اتبسطت عديييل ياقول العمده .. قلت النبي نفسنا قام من المعافره والمدافره حقو ناخد لينا "بريك" وسط البيوت البتتطاقش دي. |
رندا حاتم.
في ناس قربوا يختو أرقام الرواتب قبل أرقام التلفونات.
بعدين أنا أول مرة أعرف أن جميع أعضاء البورد ساكنين في الصحافة.
دينق.
|
Post: #110
Title: Re: العضوة الجديدة والجماعة البكايين.
Author: Deng
Date: 02-20-2008, 03:24 PM
Parent: #1
Quote: بالمناسبة يا جماعة ..
بوست دينق دا ما حسيت فيهو أي نوع من الباد إنتنشنز
أنا بضحك من أول كلمة لغاية النهاية ..
دينق يا زول ولا يهمك ..
يحيا عبدالرحيم محمد أحمد
يعيش ريتشرد حسن
ولا نامت أعين المكسرين |
تيسير عووضة.
شكرا لوعيك وصحيانك.
سلمي لي على الدكتور ريتشارد حسن.
دينق.
|
Post: #112
Title: Re: العضوة الجديدة والجماعة البكايين.
Author: حسين محي الدين
Date: 02-20-2008, 04:35 PM
Parent: #1
دينق
كلامك جد
وحقيقة في الفترة الاخيرة نزلت كتير من الموضوعات كنت حاسي انها مهمة
بس الظاهر شناتي مرة ..
كامل الاحترام والتقدير للاخت امنة عبد الكريم - وحقيقة ماحسد ولا حاجة- ممكن تكون غيرة
دينق تحايا نضرة
|
Post: #113
Title: Re: العضوة الجديدة والجماعة البكايين.
Author: محمد البشرى الخضر
Date: 02-20-2008, 05:04 PM
Parent: #1
هدية لأخونا دينق بمناسبة الذكرى الربع سنوية
لغزوة سوركتي المباركة
|
Post: #114
Title: Re: العضوة الجديدة والجماعة البكايين.
Author: عبد العظيم احمد
Date: 02-20-2008, 05:07 PM
Parent: #113
|
Post: #115
Title: Re: العضوة الجديدة والجماعة البكايين.
Author: M A Muhagir
Date: 02-20-2008, 05:13 PM
Parent: #1
تحياتى
محمدمهاجر
|
Post: #117
Title: Re: العضوة الجديدة والجماعة البكايين.
Author: AnwarKing
Date: 02-20-2008, 05:46 PM
Parent: #1
| Quote: بعدين أنا أول مرة أعرف أن جميع أعضاء البورد ساكنين في الصحافة. |
|
Post: #118
Title: Re: العضوة الجديدة والجماعة البكايين.
Author: معتز القريش
Date: 02-20-2008, 06:01 PM
Parent: #117
انت يا دينق كان ما جبت سيرتي ما بترتاح
غايتو أول مرة تعمل ليك بوست ظريف
.
.
يا زول يا كضاب أنا كسرت ركبة متين
المرة الأولى عدلت ليها الصورة
عشان كانت كبيرة
والمرة التانية دخلت وما وصّفت بيتنا
عشان خايف من آمنة مختار
.
.
وانتي يا تراجي اصبري لي
بلاقيك وبنظمك ...
|
Post: #122
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-20-2008, 06:15 PM
Parent: #118
معتز القريش كيفك
مداخلتك دي فيها حاجة اتعدلت .. صح؟؟؟
كأني شفتك كاتب حاجه برضو عن (ود الجيران)؟؟؟
..
|
Post: #124
Title: Re: العضوة الجديدة والجماعة البكايين.
Author: معتز القريش
Date: 02-20-2008, 06:38 PM
Parent: #122
Quote: معتز القريش كيفك
مداخلتك دي فيها حاجة اتعدلت .. صح؟؟؟
كأني شفتك كاتب حاجه برضو عن (ود الجيران)؟؟؟ |
صاح ... أنا فتحت بوست لبكري عشان يسحب مداخلة ود الجيران
ويسحب الكلام اللي اترتب عليها
وبكري ما قصر
|
Post: #125
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-20-2008, 07:05 PM
Parent: #124
النجيضة .. قصّر تب
يعني أي زول يجي يوسخ لينا هنا نعاين ليهو ونمسح كلامو ولا شنو
|
Post: #119
Title: Re: العضوة الجديدة والجماعة البكايين.
Author: Rawia
Date: 02-20-2008, 06:04 PM
Parent: #117
Light..nice and lovely
Thanks George and contributors
|
Post: #120
Title: Re: العضوة الجديدة والجماعة البكايين.
Author: kamalabas
Date: 02-20-2008, 06:05 PM
Parent: #1
الاخ دينق- تحية
لم أطلع بشكل كافي علي كتابات الاخت المعنية ولكني قرأت لها هنا في
بوستك هذ ا :
Quote: شكرا لاهتمامكم
الموضوع عادي جدا وانا متقبلة الحكاية
واي شيء جديد الناس بتمشي عليهو
عادي وودي واحترامي للجميع.. |
وقد وضح لي أن الاخت أمنة تملك عقلية تتقبل النقد ولا تأخذ الامور بشكل
شخصي ...أنها تتعامل بعقلانية وبلا حساسيات جوفاء وهذا أمر جدير بالاعجاب
ويقود الناس فعلا لمتابعة بعض ما تكتب..
...
كمال غايتو أنت ذاتك ساهمت ببوستك دا للترويج والتسويق لبوستات الاخت أمنة
وولها أن تشكرك علي حملة العلاقات العامة الممتازة التي قمت بها!!!!!
|
Post: #162
Title: Re: العضوة الجديدة والجماعة البكايين.
Author: امنة عبد الكريم
Date: 02-22-2008, 01:52 PM
Parent: #120
Quote: وقد وضح لي أن الاخت أمنة تملك عقلية تتقبل النقد ولا تأخذ الامور بشكل
شخصي ...أنها تتعامل بعقلانية وبلا حساسيات جوفاء وهذا أمر جدير بالاعجاب
ويقود الناس فعلا لمتابعة بعض ما تكتب..
|
شكرا ..هذا من لطفك
Quote: كمال غايتو أنت ذاتك ساهمت ببوستك دا للترويج والتسويق لبوستات الاخت أمنة
وولها أن تشكرك علي حملة العلاقات العامة الممتازة التي قمت بها!!!!! |
شكرا جورج
شكرا كمال عباس
شكرا لجميع من ساندوني بداياتي وارجوا ان اكون عند حسن ظنكم بي
لكم الود...
|
Post: #121
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-20-2008, 06:05 PM
Parent: #1
دينق معليش حأوسخ ليك البوست شويه كده
لكن البوست ده فيهو حاجات ما كويسه
مداخلات الزول الوهم ده الشالا منو؟
خليها كده بعدين نشوف الحيحصل شنو
ده ده بقفع مرارة الواحد
Quote: يا زول لا عجاج ولا غيرو ..
كُل القِصة يا دينق إنو إنتا رآءت ليك نفسك الخرِبة وإحساس الدونية الكامِن جواك إنك غير مؤهل زيّك وزي باقي الناس ديل للتداخل مع الزولة دي بالشكل الإجتماعي الخفيف والبسيط الشايفو قدِّامك دا .. والغيرة بعدها ولعّت جواك زي النسوان .. وبموجب الخباثة المُتلبِّسة ذاتك .. قررتا تلعب علي سيكلوجيتا البسيطة والسمحة الظاهِرة في ردودا علي الاخوان والاخوات .. وتطفِشا مِن هِنا .. عشان يفضا لينا المكان لي جِنس قباحة نفسك دي
دا كُل ما في الامر يا دينق..
الزولة دي لا في زول قلا ادبو معاها .. ولا في زول كتب ليها كِلمة فارغة .. والناس دي كُلها بتتونس ما اكتر .. وهي ذاتا يوم يومين حتتِعود علي اساليب التعامل في البورد .. وناس البورد كمان حيتعودوا عليها .. والمسألة ح تبقى اكتر مِن عادية ..
بس إنتا كيف تختاها .. |
| Quote: لي كدا يا ود الجيران |
| Quote: لا تهتمي كثيرا بمثل هذا الساذج |
Quote: شايف البوست نبرتو إتغيّرت يا دينق ..
ايوة كِدة إتعدِل وخليك زول كويس ..
عشان نكون حِلوين مع بعض ..
سلام |
Quote: ود الجيران
إنت ود جيران منو؟
قال نبرتو إتغيرت قال |
| Quote: ود الجيران أنت من الشكينيبة ولا أم مغت? |
| Quote: لي كدا يا ود الجيران يا ظريف ؟؟؟؟ |
| Quote: منو الغشاك وقال ليك إنك مؤهل وإجتماعى كمان؟؟؟ |
| Quote: مداخلت ود الجيران ثٌروا أوت |
|
Post: #123
Title: Re: العضوة الجديدة والجماعة البكايين.
Author: Khalid Saeed
Date: 02-20-2008, 06:23 PM
Parent: #121
Quote: وصراحة الشفتوا هناك ده غلبني أسكت وكان لازم أفتح البوست ده.
أنا هسع داير لي فنان تشكيلي ولا رسام بتاع كركتير يجي يرسم لي المشهد ده. |
|
Post: #126
Title: Re: العضوة الجديدة والجماعة البكايين.
Author: wd al geran
Date: 02-20-2008, 08:19 PM
Parent: #1
Quote: مداخلتك دي فيها حاجة اتعدلت .. صح؟؟؟
كأني شفتك كاتب حاجه برضو عن (ود الجيران)؟؟؟ |
Quote: صاح ... أنا فتحت بوست لبكري عشان يسحب مداخلة ود الجيران
ويسحب الكلام اللي اترتب عليها
وبكري ما قصر |
الحاصِل شنو يا ناس .. يعني الواحِد يبطِّل اشغالو ويقعُد يحرسكم والا كيف!
البوست دا يا بكري ابوبكر لامن بدا .. بدا بي إحساس مُعيّن وفي ظِل مُلابسات مُعيّنة وكُل المُداخلات الفيهو تمت على هذا الاساس .. وكون إنك تحذِف مُداخلاتي فيهو .. إنتا كِدة (بتشرتِمو) وبتفقِّدو التسلسُل الطبيعي بتاعو .. فياخي بلاي عليك خلي عِندك الحساسية المطلوبة في التعامُل مع مِثل هذه المسائل ..
وياريت يا مُعتز .. لو امكن يعني .. إنو اعرف مُحتوى البوست بتاعك والردود عليه ..
تقديري لكم جميعاً
|
Post: #127
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-20-2008, 08:45 PM
Parent: #126
الأخ المحترم ود الجيران <<< ده بس عشان ما تجي تقول لي شلت الكلفة
ولا ما كدا
| Quote: بدا بي إحساس مُعيّن وفي ظِل مُلابسات مُعيّنة |
يعني الإحساس المعين ده
الناس الكتبت دي كلها
ما حست بيهو زيك كده
ولا خلااااس انت مقطعا
وفهمت الزول ده عاوز شنو برااك بس
| Quote: وكُل المُداخلات الفيهو تمت على هذا الاساس |
ما تقعد تصنف في الناس كتبت في ياتو أساس ولا ياتو مزاج
أنا شخصيا ما بكتب إلا الحاجه الداير أقولها .. لا أساس ولا كراس
|
Post: #128
Title: Re: العضوة الجديدة والجماعة البكايين.
Author: wd al geran
Date: 02-20-2008, 09:28 PM
Parent: #127
إنتا ياخوي قاعِد تتكلّم معاي انا؟
|
Post: #129
Title: Re: العضوة الجديدة والجماعة البكايين.
Author: Deng
Date: 02-20-2008, 09:55 PM
Parent: #1
Quote: وفي رواية أخرى شرط
الليلة دينق ما بنوم (وش ضاحك)
و عشان ما تقول قلنا للعضوة الجديدة شرط لزوم الإنبراششششششش .
ماما دومة ماقصرتي مع دينق تب وهو بأمانة له مكانة مميزة عندنا ده ما كسير تلج عشان
بس نوفر المجهود لي الكسير حق أمونة
تحياتي دينق
صلاح واسبه
تكة :
take it easy |
صلاح واسبه.
أنت عارف أنو الاستاذة دوما دي عضوة قديمة بالبورد ولها الحق في الدايرة تقولو، خصوصا لو كان الكلام موجه الى عضو قديم مثلي.
الكلفة مرفوعة. ولكن جماعتك الهناك سابق معرفة ساكت مافي.
شكرا لك يا دومة يا عزيزة
دينق.
|
Post: #130
Title: Re: العضوة الجديدة والجماعة البكايين.
Author: Kostawi
Date: 02-20-2008, 10:10 PM
Parent: #129
هاك يا دينق
حا أرسل ليك حق البرواز بالوسترن يونين
|
Post: #131
Title: Re: العضوة الجديدة والجماعة البكايين.
Author: Deng
Date: 02-21-2008, 00:22 AM
Parent: #1
Quote: البت سمحة يا دينق..
سمحة..
انتا ياخي قلبك ده ميت ولاشنو؟؟
انتا ماك شايف الضحكة دي؟؟
الانشراحة دي..
انا لو كنت شاعرا لاشعرتها شعرا ..
منو البضحك في السودان مثل هذه الضحكة..
منو العندو القدرة على الابتسام ساي في بلد الغلا والهموم والهامش والملشيات؟!!
منو البقدر يلبس احمر في بلد كان سكرتيرا الاحمر بين المخابي والدسائس؟!!
منو البجي طاخ كده من اول بوستات يقول وريني انتا قريت في الاهلية مع منو ومنو كان معاك وساكن وين؟؟
منو البتقدر تنزل صورتها بالحجم العائلي (الفري سايز) وبي ضحكتا؟!
منو البتجي ترد ردود انيقة ومقتضبة ووراها مودة ؟؟
حرم في السودان مافي زول يعمل العملتو هذه البت الشجاعة دي إلا ناس بسم الله..
وناس تانين في منتهى الجمال الله لاوراك ليهم..
ـــــــــــــــــ
وبعدين ياخ كل زول ببكي بطريقتو وهو في ذلك حر..
واهو انتا بكيت بي طريقتك..
يعني دي اول بت نبكي فيها ؟؟
اشمعنا دي بالذات جاي تلفت النظر في اننا بكينا فيها..
اعترف انو الحلاوة دي هزتك ونزلتا فيها بوست؟!!
اعترف ياعفرييييييييييت.. |
المتيم دكين.
والله مافي زول منعكم البكا لكن بكاكم ده عامل إزعاج شديد في الحلة(البورد) وحمانا نزاكر بالليل وما قادرين نركز مع البوستات التانية.
بعدين شايفك سكنت الصحافة وأشترين بيت كمان ومدخل إنعام حيمورة واسطة. أها بنيت في الصحافة ولا داير لك شركة بنا؟
دينق.
|
Post: #132
Title: Re: العضوة الجديدة والجماعة البكايين.
Author: Deng
Date: 02-21-2008, 00:28 AM
Parent: #1
Quote: دينق يا حبيب سلامات,,
فى البداية قررت أن اتحفظ وهى عادتى فى بعض الأحيان لما احس
إنو الموضوع ما عاجبنى أو لم تقع لى الفكرة,,,لكن بعد قراءة
المداخلات وردود الأفعال المختلفة تفهمت القصد وقلت ندلو بدلونا
لأخينا الكبير دينق (حسب ما تقول الصور)
الفرق بينك والكثيرين أنك تكتب معظم ما يدور فى رأسك الكبير ده
هنا,,,,وهي عادة أقرب ما تكون إلى الوضوح وصفاء النية وهو ما يعنى
أيضا بالنسبة لى عدم سوء النوايا,,,,
وهى نفس الصفات التى يمكن أن تتصف بها صاحبة البوستات المعنية أختنا
آمنة عبدالكريم وهى طريقة ناس كتار فى الدنيا,,,الوضوح وكتابة كل ما
يدور فى دواخلهم وكل ما يردإلى خواطرهم دون ترددأو تفكير كتير وعكسهم
أيضا ناس تعيش التعاقيد الكتيرة ويقتلون الأمور تقليبا وحساباحتى تموت
الأفكار نفسها!!!!وأنا منهم فى معظم الأحوال للأسف,,,
إنت هبشت السلك العريان فى البورد ده ووضحت مسألة الإصابة
بالEmotional Disturbance و(الفراخات) العاطفية التى عادة
ما تصيب الشعوب المرهقة التى تعانى من الشتاتات والحروب
وفقدان البوصلة الفكرية لديهم نفسها للتوازن الذي يمكنّها
من العمل بطريقة سليمة,,,,
آمنة عبدالكريم أخت كريمة وبرلومة نشطة لم ألتق بها قبلا
لكن من طريقتها فى الكتابةوطرح المواضيع يبدو أنها نوع
الناس التوووووووووشك to the pointوإنت كمان يا الحبيب
بتتعامل بنفس الفكرة,,,
إختلاف ردود الأفعال نفسه كان محيرا,, ناس أخدوا الموضوع شخصي جدا
ناس إتحسسوا !!!ناس إتجندروا!!!وناس نكشوا ورق قديم وناس نفشوا
ريشم,,, وناس ضربوا اللبشة وناس
تعاملوا معه بالطريقة السليمة ولم يحاولوا إيجاد شئ ما من بين
السطور
الضحك شرطنا,,,,,,,
*أحييك لفكرة ربط بوستك بذاك البوست الناجح فقد جعلت منه بوست جميل,
شكلو أهلنا ديل بقوا قصة مافيها حرابة ودفاس ما بتخارج معاهم......
إنت يا صاحبى بالمناسبة دى أسمح لى أقول ليك إنك (مدوراتى) كبير! !!
ماتهبش السلوك العريانة عشان السلوك الحايمة هنا دى معظمهاHigh Voltage |
أيمن الطيب.
أها ما قلت لي أنت مشيت بي هناك بكيت ولا لسه؟
بس أوعك تبكي في بوستي ده لأنو عندي هنا البكا ممنوع.
أنا ما "مدوراتي" ولكني مسحراتي.
دينق.
|
Post: #133
Title: Re: العضوة الجديدة والجماعة البكايين.
Author: صديق الموج
Date: 02-21-2008, 00:36 AM
Parent: #1
دينق كيف حالك
( لو كانت الشنا رجلا لقتلته) قول ماثور...
والله انا ندمان لى هسه ما حضرت بوست نسرين سوركتى
وهسه لو بتدينى فرصة ببكى ليك باثر رجعى
وبتدردق بالواطه كمان...
خلى حسادتك دى..
بالله مش احسن من يجيك صلاج غريبة يفقع ليك مرارتك
بانجازات الانقاذ...
دينق ارعى بى قيدك،،،
|
Post: #134
Title: Re: العضوة الجديدة والجماعة البكايين.
Author: Deng
Date: 02-21-2008, 00:40 AM
Parent: #1
Quote: دينق
سلام
انت امنة دى عملت ليها دعاية اسى انا مشيت شفت بوستاتها من جديد من مداخلتها ذكرتنى بالسفير عضو معانا قديم الناس قايلو ولد وهو طلع بنت فى رابعة اساس نفس المواضيع,,تذكر بوستان حوش البنات وحوش الاولاد وحاجات تانية نسانى ليها الزمن وحكم الانقاذواحلام الحركة الشعبية وناس الشعبية
هههههها قلنا ندخل ليك حبة سياسة عشان نطعم البوست
بوستك دا ظاتو لزيز وسوف يمتلىء ركاب
الشق نيل فائض |
أب قوتة.
هي أمنة عليك الله بتحتاج لدعاية دينق بعد كده؟ بوست بي تلاتة صفهات وكم ألف قاري وتجي تقول دعاية؟
أبو قوتة. قالو أنت حريف وكنت بتاوق ساكت، و حسب مرجعية بكري(102 كليك) في البوست داك من جهازك لوحده ده غير بتاع المكتب.
أنت قايل القصة مداخلات ساكت.
دينق.
|
Post: #135
Title: Re: العضوة الجديدة والجماعة البكايين.
Author: اسامة جعفر
Date: 02-21-2008, 01:08 AM
Parent: #134
آناس خلو البتسو فيهو ده
وراعو للبصلحكم آناس
|
Post: #136
Title: Re: العضوة الجديدة والجماعة البكايين.
Author: مصطفي سري
Date: 02-21-2008, 02:27 AM
Parent: #135
والله يا صديق الموج فقعتني بالضحك حتى عندي صورة دليل ، ضحك علي ناس البكا
قلت ( لو كانت الشنا رجلا لقتلته) قول ماثور...
والله انا ندمان لى هسه ما حضرت بوست نسرين سوركتى
وهسه لو بتدينى فرصة ببكى ليك باثر رجعى
وبتدردق بالواطه كمان...
خلى حسادتك دى..
بالله مش احسن من يجيك صلاج غريبة يفقع ليك مرارتك
بانجازات الانقاذ...)
بس ما تبكي لدينق هنا لانو البوست دة يفضح البكايين ، وانت كان داير بهناك بتلقى اللي يقادلك
لكن هنا تبكي جنب الحيطة ، بعدين يا عمك البكا باثر رجعي موش زي الراجل اللي لقى المراة السمحة
شديد وهو قاصد واحدة تانية مسك قلدها لمن نبهوهو يا خال دي ما ست البكا ، قال ليها ( وهي دي الماتو ليها حبة ) او كما قال ... غايتو بكيتك حارة شديد، نشوف دينق ح يقول ليك شنو ...
|
Post: #137
Title: Re: العضوة الجديدة والجماعة البكايين.
Author: Deng
Date: 02-21-2008, 03:56 AM
Parent: #1
| Quote: ممكن تسجلوني معاكم ؟ |
عمر التاج.
أنت قايل البكا ده هملة ساكت؟
أنت مسجل يوم 8 شهر 2 الفين وثمانية. كيف تجي تكابس مع ناس ليها أربعة وسبعة سنين
زي ناس دكين وعماد عبد الله؟. كده أديها صنة شوف الكوامر ديل بعملوا في شنوا بعدين تعال داخل.
دينق.
|
Post: #140
Title: Re: العضوة الجديدة والجماعة البكايين.
Author: salma subhi
Date: 02-21-2008, 05:47 AM
Parent: #137
الأستاذ الفاضل دينق....
لك التحية....
ولكل الإخوة المتداخلين.....
|
Post: #138
Title: Re: العضوة الجديدة والجماعة البكايين.
Author: wd al geran
Date: 02-21-2008, 05:37 AM
Parent: #1
بختك يا عم دينق .. عدادك رامي وماشة معاك آخر حلاوة ..
تاني كمان 1500 كليك .. وصفحتين زيادة .. وبوستك يحصِّل بوست
"العضوة" آمنة (يا قول عِماد عبدالله )
يلا إنكرب وخاطِر ضيوفك ديل ..
وكان فترتا مُمكِن تكلِّف تراجي تجي ترُد بالإنابة ..
سلام
|
Post: #139
Title: Re: العضوة الجديدة والجماعة البكايين.
Author: Deng
Date: 02-21-2008, 05:45 AM
Parent: #1
ود الجيران.
أجري أمشي شوف مستواك وين.
بلاش مسخرة وقلة أدب بتاعت صبيان.
دينق.
|
Post: #141
Title: Re: العضوة الجديدة والجماعة البكايين.
Author: haroon diyab
Date: 02-21-2008, 05:48 AM
Parent: #1
الحبيب / دينق
صباح الخير
Quote: في ناس قربوا يختو أرقام الرواتب قبل أرقام التلفونات.
بعدين أنا أول مرة أعرف أن جميع أعضاء البورد ساكنين في الصحافة.
دينق. |
مبااااااااالغة ....
ياها دي القلبته فيه الهوبا عديييييييييل كده .
وانا اقول ياربي الايجارات غلت في الصحافة اليومين ديل في شنو ....؟
يجازي محنك.
بوست يجيب الهواء ....ويودي الخور عدييييييل .....اريته حال شداد ومازدا .
مودتي
هارون دياب
|
Post: #142
Title: Re: العضوة الجديدة والجماعة البكايين.
Author: Zakaria Joseph
Date: 02-21-2008, 06:20 AM
Parent: #1
إبن خألتنأ جورج وإبن ألخأل شول أشونق
فضحتونأ عديل كده فى دأر ألمنوكورو و هو مش كأن آحسن لك تضرب نأئم. أنأ دأ مشيت بهنأك بس إكتفيت بنظرة سريعة من ألشبأك لأنه ألذحمة ألكأنت بهنأك كأنت ذى صف دخول مبأرة هلأل/مريخ ملح. قلت آبكى لوأحدى أهأ جأى فتح لنأ ألبوست.Shame on you George!!!!!!
|
Post: #143
Title: Re: العضوة الجديدة والجماعة البكايين.
Author: Deng
Date: 02-21-2008, 06:30 AM
Parent: #1
Quote: تحيا الإنسانية ..
لا للفقر و الشناة و كل الشوال بتاعا البيتشال في الضهر ..
يسقط دينق و تراجي ..
و .. تيسير عووضة |
عماد عبد الله.
قوول الرووب.
دينق.
|
Post: #144
Title: Re: العضوة الجديدة والجماعة البكايين.
Author: Deng
Date: 02-21-2008, 06:34 AM
Parent: #1
Quote: عزيزي جورج تحياتي وودي
كمان الحكايه جابت ليها بكاء عدييل كده
Quote: المتزوج شايل العزابي على وزن الاعمى شايل المكسر.
العزابي عرفناه بعذرو
المتزوج ده سببو شنو |
العوض.
هسع أنت ما مشيت بي هناك؟
تعترف ولا نفتو؟
في ناس شافوك بتدافر وشايل كمرة تصوير.
أما سبب المتزوج ده انا بحول السئوال ده ود القريش يمكن يجاوب.
دينق.
|
Post: #146
Title: Re: العضوة الجديدة والجماعة البكايين.
Author: العوض المسلمي
Date: 02-21-2008, 11:13 AM
Parent: #144
جورج اخي
نكتب سياسه ما تعجبك تقول كوز
نقول حب وغيره يجي جماعه يقول يالعوض
اتونس في محل تاني
نكتب مع ناس عسل تقول بكايين
يعني انت ما بكاي
وشنو تفتو ؟
براي بفتو
اي انا بحمل الجمال والحلاة في كل شئ
والله جميل يحب الجمال
اها خلاص ما سكتك
| Quote: في ناس شافوك بتدافر وشايل كمرة تصوير. |
صح كنت بدافر ولكن ما شايل كاميرا
| Quote: أما سبب المتزوج ده انا بحول السئوال ده ود القريش يمكن يجاوب. |
جاوب انت مالك صغير
وتحياتي
|
Post: #145
Title: Re: العضوة الجديدة والجماعة البكايين.
Author: شول اشوانق دينق
Date: 02-21-2008, 11:10 AM
Parent: #1
Quote: سلامات يا شول,,
مابراك يا اللخو معاك ناس كتاااااااااااااااااااار لكن نكرو بى الله واحد وقالو لا شفنا لا سمعنا بيه,,,,,,,
عادى المرة الجاية لوك الصبر يا حليو,,إنتظر لحدى ما الكلام
يتأكد بعد داك تجيب قطرتك ومناديلك وتجى بيت البكا تفرش!! |
آآآآى كتار لبدوا وعملوا فبهو معلمين وبتاع لكن ود البشرى لهم بالمرصاد هاهاهاهاهاهاهاهاااااااااااى.
صبر شنو يا أيمن يا أخوى؟؟؟ ما فينا حيل للصبر خلاص ... يلا نجيبو من الآخر.
بعدين شكلى شفتك فى البوست اللفتة بتاعت بت سوركتى!!! (تنكر) ولو نكرت تبقى ماك ذواق ... شفت كيف الكلام؟
سلامات
______________________
- ود البشرى شايفك جبت أجل دينق وبالثابتة كمان هههههههههههى.
- زكريا يا أخوى خلينا فى الخلونا فيو...
|
Post: #147
Title: Re: العضوة الجديدة والجماعة البكايين.
Author: غباشي
Date: 02-21-2008, 11:38 AM
Parent: #1
تحياتي يا دينق و أرحب بالأخت آمنة
| Quote: رغم أن هذا البوستات عادية جدا إلا بكايين البورد ساكنين في بوستات أمنة سكنة، شايف المتزوج جا جاري وشايل على أكتافه العزابي وأخر بكا، والله يا ناس سودانيز أونلاين الفيكم أتعرفت. ما تشوفو لكم صورة بت سمحة إلا أعصابكم تبوظ |
نسبة لقلة مشاركاتي في الآونة الأخيرة إلا أنني متابع لحركة البورد متمثلة في بوستات العضوة الجديدة الأخت آمنة, و كيف لاقت من الترحيب و الإهتمام من الإخوة و الأخوات الزملاء و الزميلات
الشباب و الله ما قصروا و قاموا بالواجب على أتم وجه , لهم التحية
لكن المحيرني يا دينق انو 75% من الجماعة طلعوا جيراننا
و للا ما كدة يا ود البشرى
|
Post: #148
Title: Re: العضوة الجديدة والجماعة البكايين.
Author: Ammir Mohamed
Date: 02-21-2008, 11:43 AM
Parent: #1
تعرف يا دينق نحن خريجين الأهلية لكن عشان جنس البتسوي فيه ده عملنا ياااااااع
لكن تعال هنا البت بتشبه لي واحد أو في قاسم مشترك بينها وبين واحد معانا ... كدي خليني أجيب الصور
خلاص يا جماعة واحد يمشي يجب المأذون ... ويجي
الشمار ولدي !!!!
محن
نحن هنا من خلال بوست دينق المسلط نرحب بالأخت (اسمها منو!) أمنة وبنتمنى ليها إقامة طيبة (أول ما قلنا إقامة ناس السعودية بكون نططوا عيونهم!!)
|
Post: #149
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-21-2008, 12:38 PM
Parent: #1
أها يا دينق
بيت الوصف الجديد ده كيف معاك؟؟؟
المرة دي أمشي وصف .. ما في ها كسير ولا حاجة
|
Post: #150
Title: Re: العضوة الجديدة والجماعة البكايين.
Author: Siham Elmugammar
Date: 02-21-2008, 01:01 PM
Parent: #149
Quote: موش زي الراجل اللي لقى المراة السمحة
شديد وهو قاصد واحدة تانية مسك قلدها لمن نبهوهو يا خال دي ما ست البكا ، قال ليها ( وهي دي الماتو ليها حبة ) او كما قال |
والله يا دينق ده الذ بوست اتاوق ليهو من شهور
قلبى مع امنه و مرحب بيها من حوشك يا دينق
اوع يكون عندك مانع والا حاجه؟؟!!!
|
Post: #151
Title: Re: العضوة الجديدة والجماعة البكايين.
Author: Emad Abdulla
Date: 02-21-2008, 01:05 PM
Parent: #149
و الله غايتو ..!!!
هس في بكا أكتر من بكاك ده يا دينق ؟؟
أنا مشيت هناك أهدي دكين .. و بس .
( ما ياها دي ماما دومة إتكسرت فيك .. فتحنا خشمنا نحنا ؟ )
أقعد باري تراجي دي ..
لمن تغطس حجرك .. إنت و أوباما .
........
يا شول , ادي ولدنا دينق ده راسو بدل تقعد تتضاحك كده ..!!
رحم الله غزوة سوركتي .
|
Post: #153
Title: Re: العضوة الجديدة والجماعة البكايين.
Author: doma
Date: 02-21-2008, 01:23 PM
Parent: #151
| Quote: ( ما ياها دي ماما دومة إتكسرت فيك .. فتحنا خشمنا نحنا ؟ ) |
تصدق يا عماد عبد الله مامه دومه نقاد ه جدا في و سامه الرجال
اانتوا يا جماعه وين الرحمابي ؟؟؟
ولمن لا يعرفه ود اخت بدر الدين شنا 
|
Post: #152
Title: Re: العضوة الجديدة والجماعة البكايين.
Author: Deng
Date: 02-21-2008, 01:19 PM
Parent: #1
Quote: الفاضل/ دينق
بوستك جميل ورائع زي بوستات امنة وزوارها
انت عارف يادينق
صدقني واقولها جاد كرهت ساسة يسوس دي
رغم اني ما قاعد اتداخل الا في بوستاتهالكن تقول شنو مرضة
اجارك الله
وبما انو من ناحية العمر فان زمانا فات وغناينا مات
نحن شبابنا كان كله نكد في نكد وغم في هم
ومسئوليات من الجهل وما شفنا البنات سمح الا في الجامعة
فبقيت ياصاحبي اطوف على بوستات الشباب ديل واستمتع
اخر سطر
انا شايف عدد كبير من دفعتي بتحاومو بي هناك شاربين دم الشباب |
محمد بكر.
والله أنت الاظرف يا حبيب.
نعم نحن نحتاج أن نأخذ قسطا من اراحة وبعيدا عن نقاش السياسة لبعض الوقت.
بوستات أختنا الجديدة أمنة دي مبالغة عديل كده، لأول مرة بهذا البورد أجد أن الشيب والشباب معا في معافرة ومدافرة.
والمتزوج يلز في العزابي. أنا أفتكرت الانتفاضة ح تقوم من بوستات أمنة دي.
دينق.
|
Post: #154
Title: Re: العضوة الجديدة والجماعة البكايين.
Author: Deng
Date: 02-21-2008, 04:58 PM
Parent: #1
Quote: العزيز دينق
كيف الحال؟
شفت البوست المضروب بتاع نسرين سوركتى ورانى الويل... كنت من ضمن الشلة إياها... بس الحمدلله عد على خير.
سلام ليك ولكل الحلوين
شول اشوانق |
شول أشوانق.
بس والله بوستات أمنة دي أخطر بكثير.
على الاقل ديك كانت مضروبة ولكن دي حق وحقيقة.
والبكا هنا بدموع حقيقية.
دينق.
|
Post: #155
Title: Re: العضوة الجديدة والجماعة البكايين.
Author: Deng
Date: 02-21-2008, 05:05 PM
Parent: #1
Quote: دينق
دي الصورة بس لو شافوها كدا يعني عيني عينك
حيكون الكسر بالطريقه الصاح
المتزوج شايل العزابي والاعزب والارمل كمان
........كع
--------------------------------------------------------------------------------
عبدالله عوض عبدالله
كع |
عبد الله كع.
تعرف ناس السعودية والخليج ديل أصلهم ناس صور ساكت، وفي أحسن الحالات فيديو ولمن يشوفو الفيديو القصة بتجيب ليها عرس.
أما بخصوص تواجد المتزوجين قبل العزابة فهذا تحتاج الى دراسة أجتماعية سريعة. وأنا من هنا أطالب ناشطات الجندر بأن يتدخلوا في الامر فورا
لانو القصة لا تحتمل أبدا.
دينق.
|
Post: #156
Title: Re: العضوة الجديدة والجماعة البكايين.
Author: Deng
Date: 02-21-2008, 09:43 PM
Parent: #1
Quote: السلام عليكم
والله يا دينق كلامك في محلو والقصة ما غريبة لانو انت في سودانيز اون لاين
والامر ان السياسة والثقافة شعارات مضي علي الدهر اكلا وشربا وبقيت الشوفنية
والسطحية لكن الموضوع برتو ممكن يكون زي ناس السياسية والثقافة وينزل كمنتدي ثقافي إجتماعي تحت شعار بيتكم بويين يا عيني وندعو له كل علماء الاجتماع والثقافة والسياسة
واهل الدين ورجال الاعمال وبالمناسبة دي يا دينق بيتكم بوين ؟؟
عارف انا دخلت بهناك لكن لقيت المحكرين كلهم من ناس شمس قمر نجوم بالليل
اتفق معك في عدم موضوعية البوست بس اهو ونسة سودانية
خربشة : أنتي لو فعلا بتريديني مفروض تسانديني؟؟؟؟؟ الكلام دا تحت اي شعار
من لا يساندني فهو لا يحبني : |
سودانية.
والله خليني أختلف معك في موضوع سطحية البوست أم لا، أنا أعتقد أن صاحبة البوست تقصد شئ معين ولكن ناس قريعني راحت لهم مأرب أخرى.
وصاحبة البوست لا ذنب لها بذلك. أنا بيتنا في أم مغت. أنتي من وين؟
بعدين أنتي ما عارفة الريدة بيني وبين منى خوجلي؟ الظاهر أنتي نايمة ساكت في البورد ده.
دينق.
|
Post: #157
Title: Re: العضوة الجديدة والجماعة البكايين.
Author: أيمن الطيب
Date: 02-21-2008, 10:21 PM
Parent: #1
Quote: آآآآى كتار لبدوا وعملوا فبهو معلمين وبتاع لكن ود البشرى لهم بالمرصاد هاهاهاهاهاهاهاهاااااااااااى.
صبر شنو يا أيمن يا أخوى؟؟؟ ما فينا حيل للصبر خلاص ... يلا نجيبو من الآخر.
بعدين شكلى شفتك فى البوست اللفتة بتاعت بت سوركتى!!! (تنكر) ولو نكرت تبقى ماك ذواق ... شفت كيف الكلام؟ |
سلامات يا شول,
It wasn't me ya bro<
إنت بس ما تقول لى الهاكر داك لسة ما لميتو فيهو!!!
بشتن العالم بشتنة, ,
ياخ اقول ليك حاجة, ,,,
قالو فى جماعة فكو كميات من المسنجرات وبرضو عمل أضانى
طرشا,,,,البوست زاتو قالو ماشفنا ولاجاء حايم بي عندنا,,
دينق ده الله يديهو العافية!!!!زول أجيييييييييييب وووو
جاب الهواء راجع تانى لي ناس كتااااااااااااااااار.
|
Post: #159
Title: Re: العضوة الجديدة والجماعة البكايين.
Author: محمد البشرى الخضر
Date: 02-22-2008, 04:36 AM
Parent: #157
| Quote: It wasn't me ya bro |
Guess who
قلت لي وازنت يو ابوي
|
Post: #158
Title: Re: العضوة الجديدة والجماعة البكايين.
Author: wd al geran
Date: 02-21-2008, 10:53 PM
Parent: #1
| Quote: "In the end, we will remember not the words of our enemies, but the silence of our friends" |
What an expressive adage
!
|
Post: #161
Title: Re: العضوة الجديدة والجماعة البكايين.
Author: Al-Sadig Yahya Abdall
Date: 02-22-2008, 11:34 AM
Parent: #158
سلامات دينق،،،
كلامك في محلو 100%. شخصي الكريم صادف نفس الموقف عام 2006 حينما تم قبول عضويتي، و الذي
صادف قبول عضوة جديدة. هي و انا اعلنا عن قدومناو في لحظات هي حصلت الصفحة الثانية
(ببكاء الكثير)، اذ ظل بوستها مرفوعا على مدار الثانية، و انا حصلت الصفحة الثالثة، بس ب zero replies.
معا لدك حصون البكايين!!!!!!!!!!!!!!
|
Post: #163
Title: Re: العضوة الجديدة والجماعة البكايين.
Author: Mohamed Ahmaed Olyesh
Date: 02-22-2008, 03:31 PM
Parent: #161
دينق ...يا...
عليك الله المابخلي الناس تبكي شنو؟؟
....
....
....جنس البذار ده ما ببكي؟؟
صورة كبيرة ولطيفه(فوتوجنك)
الماببكي شنو يادينق؟
كلو يوم صورة جديده وشكل مختلف..وميكياج جديد ....
الماببكي شنو؟
ياحليل ايام الشباب
محمد عليش
|
Post: #164
Title: Re: العضوة الجديدة والجماعة البكايين.
Author: Deng
Date: 02-22-2008, 03:34 PM
Parent: #1
أمنة عبد الكريم.
شكرا لتفهمك قصدي .
دينق.
|
Post: #165
Title: Re: العضوة الجديدة والجماعة البكايين.
Author: Salah Waspa
Date: 02-22-2008, 04:10 PM
Parent: #164
( ما ياها دي ماما دومة إتكسرت فيك .. فتحنا خشمنا نحنا ؟ )
أقعد باري تراجي دي ..
لمن تغطس حجرك .. إنت و أوباما .
-----------------------------------------------------------------
دينق دي مبااااااالغة !!!!!!
|
Post: #166
Title: Re: العضوة الجديدة والجماعة البكايين.
Author: امنة عبد الكريم
Date: 02-22-2008, 05:23 PM
Parent: #164
Quote: أمنة عبد الكريم.
شكرا لتفهمك قصدي |
شكرا لاهتمامك
وشكرا لاجل كل ما تفعلونه من اجل السودان
لك ودي اخي جورج..
|
Post: #167
Title: Re: العضوة الجديدة والجماعة البكايين.
Author: مصطفي سري
Date: 02-22-2008, 05:32 PM
Parent: #166
طيب يا امنة ودينق ندعوكما لادماج البوستين في بوست واحد لمزيد من التواصل
الاجتماعي ، حقيقة كل ثانية اعمل كلك في البوستين وبقت في ميزان عدادات بكري ابوبكر
وفي ميزان عدد القراء لبوستيكما ... بس يا دينق الجماعة جب اتبلعوا لا اثر لهم وللا
اليوم الجمعة طبعا الاجازة في السعودية ودول الخليج العربي ننتظرهم الى حين عودتهم ليروا
ان التواصل الاجتماعي بخفة الدم تلك والاريحية والضحكة ... انا ما بعرف الكلام الكبار كبار...
|
Post: #168
Title: Re: العضوة الجديدة والجماعة البكايين.
Author: Kostawi
Date: 02-22-2008, 06:01 PM
Parent: #167
|
Post: #170
Title: Re: العضوة الجديدة والجماعة البكايين.
Author: Salah Waspa
Date: 02-22-2008, 06:55 PM
Parent: #168
نصر الدين سلامات
ما عندكم لون تاني من التوب ده ?
تسلم الأيادي بس كدي شوف دينق بحب ياتو لون (وش غتيت )
تحياتي''
صلاح واسبه
|
Post: #183
Title: Re: العضوة الجديدة والجماعة البكايين.
Author: صديق الموج
Date: 02-23-2008, 04:16 PM
Parent: #164
Quote: أمنة عبد الكريم.
شكرا لتفهمك قصدي .
دينق |
دينق الشديد البكاء خشم بيوت..
هسه جنس حقك ناقص شنو بلا المخاته؟؟
سيب الجرس دى وابكى عديل ...
انت قايل نحن جينا عمرة والا البكى باللفه ما بنعرفه،،
|
Post: #184
Title: Re: العضوة الجديدة والجماعة البكايين.
Author: Deng
Date: 02-24-2008, 00:15 AM
Parent: #183
××
|
Post: #169
Title: Re: العضوة الجديدة والجماعة البكايين.
Author: بكري الخير
Date: 02-22-2008, 06:27 PM
Parent: #1
وانا أقول مافي زول رحب بي ليه؟؟
مشكور يا دينق علي لفتك للانتباه
طبعاانا يا جماعة رحت ضحية لانو تسجيلي جا في نفس ايام تسجيل امونة ورحت في الرجلين
غايتو حظي كعب شديد
انا ذنبي شنو ما ترحبو بي يا ناس سودانيز اونلاين؟؟
تخريمة: انشا الله تطلع فخ زي بتاع نسرين سوركتي عشان نشوف الناس البكايين ديل بخشو وين؟؟
|
Post: #171
Title: Re: العضوة الجديدة والجماعة البكايين.
Author: Abdelfatah Saeed Arman
Date: 02-22-2008, 07:24 PM
Parent: #1
دينق ياخوى والله مشغول وماجايب خبر ولقيت البوست بتاعك دا معلق فوق قلته اشوف الحاصل شنو
وشايف ليك الناس تبكى عملاً بالمثل الصينى
(جكسوية فى سودانيزاونلاين ولا عشرة فى امبدة)
لكن يا دينق انته لا تبكى ولا تخلي شيوخ البودر يبكوا!!
التحايا لكم جميعاًً
فتاح
|
Post: #172
Title: Re: العضوة الجديدة والجماعة البكايين.
Author: AnwarKing
Date: 02-22-2008, 07:31 PM
Parent: #1
يلا يا جورج، أنزل من بص الصحافة ده...وتعال لباصتنا السفرية المتجهة الى بورسودان
الأخت آمنة، شكراً مقدماً لتفهمك قصدي
|
Post: #173
Title: Re: العضوة الجديدة والجماعة البكايين.
Author: Al-Sadig Yahya Abdall
Date: 02-22-2008, 10:45 PM
Parent: #172
Wow!!!!!!!where are you Mr. Deng? The post is derailing! It has become more flirting than the one originally criticised
|
Post: #207
Title: Re: العضوة الجديدة والجماعة البكايين.
Author: emad altaib
Date: 02-24-2008, 04:15 PM
Parent: #173
ـــــــــــ
مجرد ترجمه بث
| Quote: Wow!!!!!!!where are you Mr. Deng? The post is derailing! It has become more flirting than the one originally criticised |
أبهر!!!!!!اين انت السيد دينق إن البوست يخرج عن السكة ! هو أصبح تغازل .اكثرمن الواحد يتنقد اصلا..
شكرا اخي الصديق للملاحظة ,, وشكرا اخي دينق
|
Post: #174
Title: Re: العضوة الجديدة والجماعة البكايين.
Author: wd al geran
Date: 02-22-2008, 11:14 PM
Parent: #1
الصعلقة يا دينق .. وقِلة الادب .. ما بِقروا ليها كورسات ..
ولا بشتروها بقروش .. دا بس عشان تفهم حاجة
يلا بعد دا مُمكِن تمش
ومرحب بيكي يا آمنة وسط أخوانِك وأخواتِك في البورد
|
Post: #175
Title: Re: العضوة الجديدة والجماعة البكايين.
Author: Deng
Date: 02-23-2008, 00:23 AM
Parent: #1
الحقير ود الجيران.
أنت جايبنك من ياتو كوشة؟
بطل قلة أدب وأتلمه على روحك .
|
Post: #176
Title: Re: العضوة الجديدة والجماعة البكايين.
Author: wd al geran
Date: 02-23-2008, 00:47 AM
Parent: #175
Quote: الحقير ود الجيران.
أنت جايبنك من ياتو كوشة؟ |
كِدة انا حزعل يا دينق ..
وكان زِعلتا حجيك راجع تاني ..
وكان جيتك راجع تاني إنتا ح تتعب ..
اكتر مما إنتا تعبان اسي ..
اقعُد ساكِت
|
Post: #179
Title: Re: العضوة الجديدة والجماعة البكايين.
Author: Tragie Mustafa
Date: 02-23-2008, 06:56 AM
Parent: #176
يا دينق
قفلت البوست بالمداخله الاخيره كدي عدلها.
الله يعدل طريقك يا اخوي وخلينا نتفرج في باقي البكاء ده.
ويا عماد عبد الله ده مولد فات ابو ساندرا.
يرجع لينا بالسلامه.
|
Post: #180
Title: Re: العضوة الجديدة والجماعة البكايين.
Author: ابراهيم عثمان آدم
Date: 02-23-2008, 07:30 AM
Parent: #179
Quote: يا دينق
قفلت البوست بالمداخله الاخيره كدي عدلها.
الله يعدل طريقك يا اخوي وخلينا نتفرج في باقي البكاء ده.
|
آي والله
|
Post: #181
Title: Re: العضوة الجديدة والجماعة البكايين.
Author: صديق الموج
Date: 02-23-2008, 10:46 AM
Parent: #179
دينق بطل الحساده ان شاء الله تموت وشيل مداخلتك الطويلة دى خلينا نسكب
ما بقى من دموع ومخاته هنا..
لكن بالصح امنه شبه الببكى وببكوا فوقو..
ان شاء الله ما نبكى عليك يا ست البنات..
نبكى على ناس دينق ومصطفى سرى وعماد عبد الله ديل،،،
|
Post: #182
Title: Re: العضوة الجديدة والجماعة البكايين.
Author: Deng
Date: 02-23-2008, 03:59 PM
Parent: #181
المداخلة دي كانت كويسة لغاية أمبارح ورد علي الاخ مصطفى سري كمان.
الحاصل شنو؟
دينق.
|
Post: #178
Title: Re: العضوة الجديدة والجماعة البكايين.
Author: مصطفي سري
Date: 02-23-2008, 03:42 AM
Parent: #182
تصحيح اغنية ابراهيم عوض عزيز دنياي
تشكر على الاغنية الجميلة ... دينق
|
Post: #185
Title: Re: العضوة الجديدة والجماعة البكايين.
Author: Deng
Date: 02-24-2008, 04:21 AM
Parent: #1
شكرا لك يا أخ بكري لتصليح الخطاء الفني.
يا مصطفى سري الاغنية راحت شمار في مرقة.
أنا عارف هنالك مؤامرة ضد هذا البوست تقودها قوات الانكشارية بقيادة اللعين عماد عبد الله والمتيم ود الموج.
ولا نامت أعين البكايين.
المراقب الدولي دينق.
|
Post: #186
Title: Re: العضوة الجديدة والجماعة البكايين.
Author: مصطفي سري
Date: 02-24-2008, 04:30 AM
Parent: #185
العزيز دينق
انا من قبيل اتحاوم القى البوست يصل الحاج لكن شتات خالي محطات زي ما بيقولو الكماسرة
والاغنية زي ما قلت راحت شمار في مرقة ... لكن شايف كم بوست بذات اسم بوست الزميلة امنة
محاكاة عجيبة ، يعني الناس ديل بكرة كل الصفحة الاولي عنوان واحد ( زي بيوت الاشلاق )
لمن عمك صديق الموج يطش ما يعرف ياتو بوست يخوشو يلقى نفسو في بوست (الباوقة ) الا يجري...
|
Post: #187
Title: Re: العضوة الجديدة والجماعة البكايين.
Author: Deng
Date: 02-24-2008, 04:39 AM
Parent: #1
| Quote: لمن عمك صديق الموج يطش ما يعرف ياتو بوست يخوشو يلقى نفسو في بوست (الباوقة ) الا يجري... |
هههههههههههههه
هههههههههههههههههه
هههههههههههههههههههههه
دينق.
|
Post: #188
Title: Re: العضوة الجديدة والجماعة البكايين.
Author: HAYDER GASIM
Date: 02-24-2008, 04:56 AM
Parent: #187
Quote: بعدين أنا أول مرة أعرف أن جميع أعضاء البورد ساكنين في الصحافة.
|
آحمم
|
Post: #189
Title: Re: العضوة الجديدة والجماعة البكايين.
Author: عواطف ادريس اسماعيل
Date: 02-24-2008, 08:28 AM
Parent: #188
الله يجازي محنك يا دينق أول مرة أكتشف إنك عفريت كدة !!! ياخي ما تسيب الناس في حالها العايز
يبكي يبكي والعايز يتكسر يتكسر وبعدين من ستر مؤمنا ستره الله يوم القيامة وبيني وبينك كمان أمونة
ظريفة وردودها أظرف ولا مو هيك ؟ ربنا يوفقها ويكفيها شر عين خلقو وإنت يا دينق خف شوية على
الجماعة ويجعلو عامر !!!
|
Post: #190
Title: Re: العضوة الجديدة والجماعة البكايين.
Author: صديق الموج
Date: 02-24-2008, 10:56 AM
Parent: #1
Quote: Quote: لمن عمك صديق الموج يطش ما يعرف ياتو بوست يخوشو يلقى نفسو في بوست (الباوقة ) الا يجري...
هههههههههههههه
هههههههههههههههههه
هههههههههههههههههههههه
دينق. |
دينق ومصطفى سرى ..خلو الحساده..
انتو خايفننا نتكسر نقول ليكم قودونا..
ان شاء الله ما مرقنا منها..
وبعدين كسير مع ناس امنه او فوقهم ولا جرى مع ناس ود الباوقة،،،
|
Post: #191
Title: Re: العضوة الجديدة والجماعة البكايين.
Author: مصطفي سري
Date: 02-24-2008, 02:17 PM
Parent: #190
يا صديق الموج
غايتو جنس محن ... شايفك ملصت الجلابية والعمة وجيت بالبدلة .. يعني نظام البداية التكسر
ما غارف الدور الجاي لو ما البدلة دي جابت حقها تجينا بي شنو ، اقترح تي شرت فيه رسمة
كبيرة وشوف عماد عبدالله يكتب ليك فيها قصيدة حميد ... يا مطر عز ال... شفت حسادتي وصلت وين ..
|
Post: #192
Title: Re: العضوة الجديدة والجماعة البكايين.
Author: غباشي
Date: 02-24-2008, 02:20 PM
Parent: #1
دينق
قال ليك الأيام دي العشاء في ركن جحا ... الشباب كاسر بيغادي
|
Post: #193
Title: Re: العضوة الجديدة والجماعة البكايين.
Author: صديق الموج
Date: 02-24-2008, 02:24 PM
Parent: #1
Quote: يا صديق الموج
غايتو جنس محن ... شايفك ملصت الجلابية والعمة وجيت بالبدلة .. يعني نظام البداية التكسر
ما غارف الدور الجاي لو ما البدلة دي جابت حقها تجينا بي شنو ، اقترح تي شرت فيه رسمة
كبيرة وشوف عماد عبدالله يكتب ليك فيها قصيدة حميد ... يا مطر عز ال... شفت حسادتي وصلت وين .. |
مصطفى يا اخوى انت اقعد انبح فوقى كده كان ما جيتكم ساى...لووووووووووووووووول،،،
|
Post: #196
Title: Re: العضوة الجديدة والجماعة البكايين.
Author: غباشي
Date: 02-24-2008, 02:50 PM
Parent: #193
| Quote: اقعد انبح فوقى كده كان ما جيتكم ساى |
قول مأسـووور
|
Post: #194
Title: Re: العضوة الجديدة والجماعة البكايين.
Author: Deng
Date: 02-24-2008, 02:41 PM
Parent: #1
Quote: ســــــــــــــــلام ملك مربع مربع لحد ماتصل 14 دي مربعات الأمتداد ومن ضمنها مربع 7 الساكن فيهو الملاك الجميل ده
دينق كدي أتخيل البوست ده من غير صورة البروفائل والبسمه الفي الوجه الساحر والتبري المرصوص في الفم داك الناااس دي كان شكل البكاء
حيكون بكزااام دي عشان سري جاااي من الديوم (حي الزهور ) ووصل قااال كبير للدرجة أعمل حسابك من السلمه رقم 7 أسعدتنا بالبوست وصاحبة
البوست ولوكان البروفائل بقرد مني خوجلي المادي قدووموا متر ونص وقاال أحمر شفاه ومن أجمل المداخلات مداخلت عماد عبدالله ياخي خلي الناااس
تفكفك حبتين وبعد داك بترجع وتروق مع مودتي لكل المتداخلين وخلي روحك رياااضية والعب مداخلت ود الجيران ثٌروا أوت ،
رايك شنو ننزل غنية المنديل لأبوالسيد لزوم تحرير البكاء وكده .
يعني يادينق تاني ما نفتح بوست جكس للأنضماام إلي المساحة الأسفيرية دي ولا شنو !!! لسع الأمتداد أربعتعشر مربع وأصغر مربع فيهو 68 بيت
وكل بيت فيهو قول فاطمة يعني بكري يجيب باصات المتعافي الأيرانية ماتكفي الدائري الشرقي .
،،،،أبوقصى ،،،، |
الاخ مجدي عبد الرحيم.
البكا في البورد ده شفناه لكن زي بكا اليومين ديل لم نراه إلا أمس.
وبعدين زي ما عارف دموع الرجال غالية خصوصا رجال بمقامة ود الموج،سري،عماد عبد الله ودكين.
دينق.
|
Post: #195
Title: Re: العضوة الجديدة والجماعة البكايين.
Author: Tabaldina
Date: 02-24-2008, 02:49 PM
Parent: #1
..
.
والله بوست تحفه ..
الواحد اتمرمغ فى الواطه وكمان على صفحتين مش تمرمغ بصفحة واحدة ..
والله يا دينق ليك وحشة
الواحد جا ليقاك دمك بقي شربات ..
Quote: يا أبو بكر صالح.
البوستات ديك غايتوا إلا أخونا بكري يديك باسورد خاص علشان تكابس فيه.
خصوصا أخوانا ناس الخليج السعودية ديل الله يديهم العافية بس. |
بس ما حسيت بالباص القصير الشاتلو ليك
بتاع الله يخليك للســودان ..
انت يا ماما دومه
خلينا من بدالدين خالد
خايف القاك بقيتى اسامة الدومة ..
عمو صديق ..
عاد جبجبة اخر العمر بتعمل هارد اتاك ..
صورة البروفايل عينة ..
انت بدر السما فى صفاك .. قر قرقر قرقر ..
________________
يا ملك .. طلمبة النيل الجنب محطة 7 قالو ليك بفتحو ليك حساب بالاقساط
وكن ما نفع ارحل من الحاج يوسف تعال اسكن معانا النزهة .. قطعت زلط بس ؟؟
|
Post: #197
Title: Re: العضوة الجديدة والجماعة البكايين.
Author: صديق الموج
Date: 02-24-2008, 02:55 PM
Parent: #1
Quote: عمو صديق ..
عاد جبجبة اخر العمر بتعمل هارد اتاك ..
صورة البروفايل عينة ..
انت بدر السما فى صفاك .. قر قرقر قرقر .. |
صالح تقشرينا انت الحساده عندك مافى الدم ما بتروح اصلو!!
ما اخير الهارد اتاك من زى ديل من فقيع المرارة من ناس غريبه وودالباوقة
ان شاء الله اموت زاتو انت مالك ومالى،،،
|
Post: #199
Title: Re: العضوة الجديدة والجماعة البكايين.
Author: مصطفي سري
Date: 02-24-2008, 03:20 PM
Parent: #197
(وبعدين زي ما عارف دموع الرجال غالية خصوصا رجال بمقامة ود الموج،سري،عماد عبد الله ودكين.)
والله يا دينق ذكرتني الالفة زمان في الابتدائي اللي يكتب المهرجل الصحي زي عماد عبدالله وصديق الموج
بس اقرب زول يشوفوا اتلفت وما قال بغم يكتبوا والولد - انا - اتجلد لا ايدي لا كراعي ، انا لا مشيت
بهناك ولا عارف بركبوا ياتوا مواصلات ، لكن النصيحة كل يوم بشوف في المحطة صديق ماشي على موقف
الصحافة دغش وسمعت انو حايم مع السماسرة بفتش في بيت انشاء الله مع العزابة (وجه عزابي مجعد)
مع انو صدسق بياجر هايس جعيصة براو لانو الحافلات بتمشي وتجي مليانة ...لكن السؤال الذي يفرض
نفسه اين بكري ابوبكر لم يتداخل ولا ترحيب ولا تشتيت ولا راي سديد ، هو بيكون سكن الصحافة ونحن
ما جابين خبر ... محن
|
Post: #198
Title: Re: العضوة الجديدة والجماعة البكايين.
Author: بكري الخير
Date: 02-24-2008, 03:12 PM
Parent: #1
شكلكم يا صديق الموج ناوين تطفشوها مننا
اهي طفشت الله يجازي محنكم
|
Post: #200
Title: Re: العضوة الجديدة والجماعة البكايين.
Author: صديق الموج
Date: 02-24-2008, 03:24 PM
Parent: #1
Quote: شكلكم يا صديق الموج ناوين تطفشوها مننا
اهي طفشت الله يجازي محنكم |
ود الخير ما ناوين قصدنا نطفشها منكم براكم ونجحنا،مش يا امنه؟؟
هسى هى جنبى وبنتونس ساى..عامل صلعتك الكبيرة دى،،،
|
Post: #213
Title: Re: العضوة الجديدة والجماعة البكايين.
Author: بكري الخير
Date: 02-24-2008, 06:05 PM
Parent: #200
يا صديق الموج حقبتها وقعدت؟؟؟
انشا الله تضوي ليك
|
Post: #201
Title: Re: العضوة الجديدة والجماعة البكايين.
Author: Tabaldina
Date: 02-24-2008, 03:26 PM
Parent: #1
..
.
مـِحنّ..!!؟؟
والله ليكـ حق تتمحنى يا بنية
انت زاتك البخليك توريهم صورة شنو.؟؟
بس انت الممحنة ولا الباسمة فى العربية ؟؟
فرق مش ؟؟
|
Post: #202
Title: Re: العضوة الجديدة والجماعة البكايين.
Author: عمار عبدالله عبدالرحمن
Date: 02-24-2008, 03:43 PM
Parent: #201
دينق ..........
بطل خوف وخليك زي الكومر صديق الموج واعمل ليك نيو لوك...
ابكي خلى الدنيا تضحك..
|
Post: #204
Title: Re: العضوة الجديدة والجماعة البكايين.
Author: baha eassa
Date: 02-24-2008, 03:53 PM
Parent: #202
اخي العزيز دينق .. تحية طيبة:
في هذا المنبر المحترم الموضوع والهدف لامكان لهما ..
فالجدية مفقودة والنقاش الجاد لامكان له هنا الشللية
والجهوية والعلاقات الشخصية هي التي تحكم كل شيء وكدة
المنبر ماشي الي نهاية لانرضاها للاخ بكري وموقعه الذي
نتمني ان يكون محترما ..
|
Post: #203
Title: Re: العضوة الجديدة والجماعة البكايين.
Author: صديق الموج
Date: 02-24-2008, 03:49 PM
Parent: #1
Quote: سلامات دينق،،،
كلامك في محلو 100%. شخصي الكريم صادف نفس الموقف عام 2006 حينما تم قبول عضويتي، و الذي
صادف قبول عضوة جديدة. هي و انا اعلنا عن قدومناو في لحظات هي حصلت الصفحة الثانية
(ببكاء الكثير)، اذ ظل بوستها مرفوعا على مدار الثانية، و انا حصلت الصفحة الثالثة، بس ب zero replies.
معا لدك حصون البكايين!!!!!!!!!!!!!! |
صادق يحى وحاتك العوراء الردو ليك ديل زاتم انا حاسدك عليهم
انت البجيبك مع البلوم شنو؟تعال براك بالليل
وكان رحبنا بيك نكون ما قصرنا..
قال وصل الصفحة الثالثه، مايصل ما بى حقها..
الصادق مرحب بيك يا سمى ولا يهمك واثقين منك..
الكلام الاخلاق،،،
|
Post: #205
Title: Re: العضوة الجديدة والجماعة البكايين.
Author: Deng
Date: 02-24-2008, 03:56 PM
Parent: #1
Quote: صادق يحى وحاتك العوراء الردو ليك ديل زاتم انا حاسدك عليهم
انت البجيبك مع البلوم شنو؟تعال براك بالليل
وكان رحبنا بيك نكون ما قصرنا..
قال وصل الصفحة الثالثه، مايصل ما بى حقها..
الصادق مرحب بيك يا سمى ولا يهمك واثقين منك..
الكلام الاخلاق،،، |
يا موج.
طيب القصة لو بقت أخلاق. صلاح غريبة زول طيب وأخلاقه سمحة، لذلك أنا أقترح أن تستبدل صورة أمنة بصورة صلاح غريبة في بروفايلك يا ود الموج أنتو ناس أولاد
نفس البلد.إغتراب وجنسية.
دينق.
|
Post: #206
Title: Re: العضوة الجديدة والجماعة البكايين.
Author: abubakr salih
Date: 02-24-2008, 04:03 PM
Parent: #205
يا ناس انتو العجايز ديل أكلوا رزقهم و كمان دايرين يأكلوا
رزق غيرهم و لا شنو؟؟؟ ما كفاية ورثتونا الفشل السياسى و فرطوا
فى الديمقراطية كمان لاحقننا فى الجكس و العسولات بنات جيلنا
يا ناس الله يرضى علينا و عليكم انقرعوا بعيد و خلونا نشوف
مواضيعنا مع بنات جيلنا ديل، قالو كان اكلتا حقك و حق اخوك بتخنق!!
|
Post: #208
Title: Re: العضوة الجديدة والجماعة البكايين.
Author: محي الدين جبريل
Date: 02-24-2008, 04:17 PM
Parent: #205
دينق
تحياتى وأشواقى
أول حاجة أرحب بالأخت آمنة عبد الكريم ، أنا غايتو ح أمشى أشوف بوستاتا وأجيك ( ما بكى ، شمار ساااااكت )
مع ودى لك ولها
محي الدين
|
Post: #209
Title: Re: العضوة الجديدة والجماعة البكايين.
Author: haroon diyab
Date: 02-24-2008, 04:25 PM
Parent: #1
محي الدين جبريل
مساء الخير
Quote: دينق
تحياتى وأشواقى
أول حاجة أرحب بالأخت آمنة عبد الكريم ، أنا غايتو ح أمشى أشوف بوستاتا وأجيك ( ما بكى ، شمار ساااااكت )
مع ودى لك ولها
محي الدين |
اها ....يادينق
التراب كالتك وكالت بوستك .....جوك ناس التلفزيون زااااااااتم .
برنامج ....برنامجين وتروح في الطراوه ياحبيبي .
محي الدين :
قلته لي كييييييييييف .....مابكي ....وهو في بكاء اكتر من كده .
التحايا النواضر
هارون دياب
|
Post: #210
Title: Re: العضوة الجديدة والجماعة البكايين.
Author: محي الدين جبريل
Date: 02-24-2008, 05:08 PM
Parent: #209
هارون
القصة ما كدى ... إنت عارف انا البنية دى ولمشغولياتى وظروف عمل قادتنى مؤخرا خارج الخرطوم لم اقرأ لها بوست واحد ، لكن جذبنى عنوان بوست دينق ، يعنى جابنى دينق ..
لك ولها ولدينق الود والورد ( واشياء أخرى )
محي الدين
|
Post: #211
Title: Re: العضوة الجديدة والجماعة البكايين.
Author: صديق الموج
Date: 02-24-2008, 05:41 PM
Parent: #1
Quote: اخي العزيز دينق .. تحية طيبة:
في هذا المنبر المحترم الموضوع والهدف لامكان لهما ..
فالجدية مفقودة والنقاش الجاد لامكان له هنا الشللية
والجهوية والعلاقات الشخصية هي التي تحكم كل شيء وكدة
المنبر ماشي الي نهاية لانرضاها للاخ بكري وموقعه الذي
نتمني ان يكون محترما .. |
Quote: baha eassa
.
تاريخ التسجيل: 21-07-2007
مجموع المشاركات: 488 |
يا جماعة كدى النرد على بهاء الحردان ونرجع لى فراشنا تانى من اول جديد
بهاء كيف حالك..
بالرجوع الى البروفايل وجدت تاريخ الدخول21/7/2007 وعدد المشاركات
488.
وبالرجوع الى المشاركات بيانها كالتالى:
البوست الاول: قتحتوا بعنوان مرحبا،ورحب بيك عضو واحد وهوالاخ محمد ابراهيم عثمان.
البوست الثانى:القتل غير مبرر فى كجبار لامتداخل البته.
البوست الثالث :الولاية الشماليه وظلم ذوى الغربى متداخل واحد وهو الشايقى.
البوست الرابع:بوست نقل عن جريدة الصحافه بعنوان البشير فى الشماليه لامتداخل البته.
البوست الخامس:البحث عن امرأة جميلة متداخل واحد محمد صباحى.
البوست السادس:السودانيين فى اسرائيل ولا متداخل واحد.
البوست السابع:الصحف المصريه تبكى حسرةالاهلى ولامتداخل وعدت سحبت البوست بحجةوروده فى مكان اخر. البوست الثامن:صحيفة الاهلى تصور هزيمة الاهلى كانه معركه حربيه متدخل واحد.
البوست التاسع:العيد الثامن للبترول ولامتداخل.
البوست العاشر:المنبر الى نهاية محزنه وهاجمت فيه الجميع علما بانه كان قد مضى على وجودك
بالمنبر 43 يوم فقط.
البوست الثانى عشر:مناشده لكل الاعضاء بالالتزام خمسه مداخلات.
البوست الثالث عشر:امام مسجد ارباب العقائد يطالب الدولة بتحمل مسئولياته
نقلا عن جريدة اخر لحظه ثلاثه متداخلين.
البوست الرابع عشر:بسبب علاقته بالجهاز سودانيزاون لاين تسحب عضوية.
العضو عمارنقلا عن صحيفةاخر لحظةمداخلة واحده الزميل سجيمان.
البوست الخامس عشر:فى اقصى الشمال التهميش بالكوم ثلاثه متداخلين.
البوست السادس عشر:الشعب السودانى فى نظر الشعب المصرى لاشىء عشرون متداخل.
البوست السابع عشر: اللاجى السودانى فى مصر وعودة الماساة لامتداخل البته.
البوست الثامن عشر:اسئلة عن الفكر الجمهورى والشيوعى سته متداخلين..
البوست التاسع عشر:حتى لايصبح المنبر ساحة للاخبار الغير صحيحة خمسة متداخلين.
البوست العشرون:الطاهر ساتى يكتب عن بائعات الشاى فى الشوارع متداخلين فقط.
ما تبقى تهانى وتعازى ومناشدات وتوقيعات بشطب مواضيع وخلافه.
عليه يا بهاء حقوا تراجع ما تكتب بدل تصفنا بالجهويه والشلليه،ياخى المنبر ده سوق كبير
فيه العاقل والمعتوه والمثقف والسطحى والدكتور وخريج الثانوى زى حلاتى وانصاف مثقفين
وناس من المتوسطه وبروفات وصلاح غريبه،لذا هو جميل ومهضوم وممتع ،عليه يا زول ما تجى
متحمس عشان تادب دكين وسجيمان وصديق الموج بعد ان خنقوا الخمسون عاما..فنحن ازهار حبكم
وحب المنبر جمعناها من هذه الارض التى يصلون عليها ويرتكبون فيهاالمعاصى
ولا تهتم كثيرا ان وجدت فى اطواء حديثنا بعض رحمان وبعض شيطان.
بهاء يا اخوى بعيدا عن الشلليه اكتب ما يفيد ويثرى البورد وسوف تجدنا كالجراد
حول بوستاتك..
ان شاء الله اكون وريتك ناس المنبر ديل،والرجاء حسن ظنك بهم.
ودعتك الله ،باقى عندنا فراش مفروش معزوم بكاء معانا والبكاء حق مشروع وما
تتحسس....سمح؟؟،،،،
|
Post: #212
Title: Re: العضوة الجديدة والجماعة البكايين.
Author: محمد عبد الماجد الصايم
Date: 02-24-2008, 05:58 PM
Parent: #211
الموج أخوي
مدرسة
ودرس مجاني
مدعم بالأمثلة
والوسائل التعليمية
خلاس
يديك العافية
غسل الطبيشير ده من يدك
|
Post: #214
Title: Re: العضوة الجديدة والجماعة البكايين.
Author: Deng
Date: 02-24-2008, 06:21 PM
Parent: #1
Quote: دينق ازيك
هسه بوستك ذاتو مابكا ، برضو لكن بس الاختلاف
فى الشكل والبيمشى بيت البكا بيكون بكى حتى ولو فى سرو
وانت شكلك كده بكيت لمن فتحت ليك بوست بخصوص بيت البـكا
تســلم يارب ... |
ماجدة خوجلي.
أنا برضه بتاع بكا؟
أنا متحير في بيوت البكا المفتوحة في البورد دي!!
أها أنتي ح تعزي منو فيهم، ود الموج ولا عماد عبد الله؟
دينق.
|
Post: #215
Title: Re: العضوة الجديدة والجماعة البكايين.
Author: motaz
Date: 02-24-2008, 09:43 PM
Parent: #214
الغالي دينق
هسي البكاي منو الناس المشو هناك
ولا الزول اللي فتح موضوع كامل عن العضوة الجديدة
ههههههه
فتك بالف عافية
كدي النمشي الصق صورتي زي الموج ده وارجع ليك
لوووول
|
Post: #216
Title: Re: العضوة الجديدة والجماعة البكايين.
Author: Deng
Date: 02-24-2008, 11:08 PM
Parent: #1
Quote: سلامات دينق،،،
كلامك في محلو 100%. شخصي الكريم صادف نفس الموقف عام 2006 حينما تم قبول عضويتي، و الذي
صادف قبول عضوة جديدة. هي و انا اعلنا عن قدومناو في لحظات هي حصلت الصفحة الثانية
(ببكاء الكثير)، اذ ظل بوستها مرفوعا على مدار الثانية، و انا حصلت الصفحة الثالثة، بس ب zero replies.
معا لدك حصون البكايين!!!!!!!!!!!!!! |
الاخ الصادق يحي.
والله أنت إلا تعمل شكلة علشان ناس ود الموج دييل يعرفوا أنت موجود.
يعني زي البوست الفاتحوا ود الموج ده لو أنت جديد ومافي زول شغال بيك تجي تدخل البوست وتعمل شغب.
بعد داك بعرفوك زي جوع بطنهم.
دينق.
|
Post: #217
Title: Re: العضوة الجديدة والجماعة البكايين.
Author: Deng
Date: 02-25-2008, 01:58 AM
Parent: #1
Quote: دينق
كلامك جد
وحقيقة في الفترة الاخيرة نزلت كتير من الموضوعات كنت حاسي انها مهمة
بس الظاهر شناتي مرة ..
كامل الاحترام والتقدير للاخت امنة عبد الكريم - وحقيقة ماحسد ولا حاجة- ممكن تكون غيرة
دينق تحايا نضرة |
حسين محي الدين.
أنت بوستاتك دي لازم تشوف ليها حل, على الاقل أضيف في نهاية العنوان(توجدصور)
وحتى لو ختيت صورة ود الموج ولا ود الباوقة. يمكن تاكل عيش.
وأنا أعيد وأكرر معك. كامل الود والاحترام لأختنا أمنة.
دينق.
|
Post: #218
Title: Re: العضوة الجديدة والجماعة البكايين.
Author: Deng
Date: 02-25-2008, 02:07 AM
Parent: #1
Quote: هدية لأخونا دينق بمناسبة الذكرى الربع سنوية
لغزوة سوركتي المباركة |
محمد البشرى
شفته مداخلتي كانت عادية كيف؟
دينق.
|
Post: #219
Title: Re: العضوة الجديدة والجماعة البكايين.
Author: محمد البشرى الخضر
Date: 02-25-2008, 05:28 AM
Parent: #218
| Quote: شفته مداخلتي كانت عادية كيف؟ |
آي إنت ما رزين وكدا
لكن حسك الأمني الجننت بيه العوض طلع حنك بيش ساي
|
Post: #220
Title: Re: العضوة الجديدة والجماعة البكايين.
Author: Deng
Date: 02-25-2008, 06:54 AM
Parent: #1
Quote: انت يا دينق كان ما جبت سيرتي ما بترتاح
غايتو أول مرة تعمل ليك بوست ظريف
.
.
يا زول يا كضاب أنا كسرت ركبة متين
المرة الأولى عدلت ليها الصورة
عشان كانت كبيرة
والمرة التانية دخلت وما وصّفت بيتنا
عشان خايف من آمنة مختار |
ود القريش.
ياخي أنت هربت من بوستات التكفير وكسرت رقبة في بوستات أمنة وشغال ليها مصوراتي عديل كده.
الله يخليك لينا يا أمنة الشغلتي ليناالظلامي معتز القريش من بوستات التكفير.
دينق.
|
Post: #221
Title: Re: العضوة الجديدة والجماعة البكايين.
Author: haroon diyab
Date: 02-25-2008, 08:42 AM
Parent: #1
دينق
صباح الخير بتوقيتنا
Quote: ود القريش.
ياخي أنت هربت من بوستات التكفير وكسرت رقبة في بوستات أمنة وشغال ليها مصوراتي عديل كده.
الله يخليك لينا يا أمنة الشغلتي ليناالظلامي معتز القريش من بوستات التكفير.
دينق. |
شنو ياحبيب ....شايفك بقيت تشوف طشاش ....معتز منوا البخلي التكفير ....وحاتك قبل يومين طلعنا اي كلام.....وجنس حصة تربية اسلامية وعينك ماتشوف الا النور .
انت زاااااااتك ....
كدي وريني ....بيتكم بي ويييييييييين ياعينيه .
جنس محن .
ناس افراحه زائده ....وناس بتالموا .
بختك ....جاتك في الثابته.....
وخليك ثابت
هارون دياب
|
Post: #222
Title: Re: العضوة الجديدة والجماعة البكايين.
Author: Deng
Date: 02-28-2008, 06:43 PM
Parent: #1
يا ناس ود الموج ده لسه بفرفر؟
|
Post: #223
Title: Re: العضوة الجديدة والجماعة البكايين.
Author: صديق الموج
Date: 02-28-2008, 08:09 PM
Parent: #1
| Quote: يا ناس ود الموج ده لسه بفرفر؟ |
دينق يا حاقد ..انت ماشايف الجنريتر الجنبى ده
والله يخلى الزول يرفس عديل ..خليها الفرفرة،،،
|
Post: #224
Title: Re: العضوة الجديدة والجماعة البكايين.
Author: مصطفي سري
Date: 02-28-2008, 08:44 PM
Parent: #223
صديق .. ياخ نوم وخلي خلق تنوم واحلم حلمك دة براك شنو زهجتنا بالصورة ( اغنية وردي)
ودينق انتصر عليك في البوست دة واعترف بطل النكران ... والدليل انو بوستيك بقى في
صفحة الوفيات ... قوم كدة وللا كدة عامل جلابتك باعت يوم سيد اللبن النسى حمارو ...
|
Post: #225
Title: Re: العضوة الجديدة والجماعة البكايين.
Author: Deng
Date: 02-28-2008, 09:22 PM
Parent: #1
Quote: دينق
تحياتى وأشواقى
أول حاجة أرحب بالأخت آمنة عبد الكريم ، أنا غايتو ح أمشى أشوف بوستاتا وأجيك ( ما بكى ، شمار ساااااكت )
مع ودى لك ولها
محي الدين |
أخونا محي الدين ده خرج ولم يعد.
أرجوا أن لا يكون قد صار ضحية من الضحايا.
دينق.
|
Post: #226
Title: Re: العضوة الجديدة والجماعة البكايين.
Author: مرتضي عباس
Date: 02-28-2008, 09:54 PM
Parent: #1
العزيز دينق
و شديده مش زي ........
|
Post: #227
Title: Re: العضوة الجديدة والجماعة البكايين.
Author: Deng
Date: 02-29-2008, 04:45 AM
Parent: #1
Quote: يا ناس انتو العجايز ديل أكلوا رزقهم و كمان دايرين يأكلوا
رزق غيرهم و لا شنو؟؟؟ ما كفاية ورثتونا الفشل السياسى و فرطوا
فى الديمقراطية كمان لاحقننا فى الجكس و العسولات بنات جيلنا
يا ناس الله يرضى علينا و عليكم انقرعوا بعيد و خلونا نشوف
مواضيعنا مع بنات جيلنا ديل، قالو كان اكلتا حقك و حق اخوك بتخنق!! |
أبو بكر صالح.
والله ما قصرت نب. والكلام لك يا المنطط عينيك.
دينق.
|
Post: #228
Title: Re: العضوة الجديدة والجماعة البكايين.
Author: محي الدين جبريل
Date: 02-29-2008, 11:48 AM
Parent: #227
دينق
أنا مشيت وجيت ، ياخى ده صيوان كبير خلاص ، حاجة مابتتوصف ، واحدين يوصفوا فى بيوتم ، واحدين يكسروا فى التلج ، وأعمامك الكبار ديل خليهم ساكت ( عارفيييين نفسهم ) . الله يستر ( أنا غايتوا وصفتا وماعبرونى ) وطلعتا بكرامتى .
الله يستر
وبجى
محي الدين
|
Post: #229
Title: Re: العضوة الجديدة والجماعة البكايين.
Author: Deng
Date: 03-01-2008, 04:27 AM
Parent: #1
Quote: دينق
أنا مشيت وجيت ، ياخى ده صيوان كبير خلاص ، حاجة مابتتوصف ، واحدين يوصفوا فى بيوتم ، واحدين يكسروا فى التلج ، وأعمامك الكبار ديل خليهم ساكت ( عارفيييين نفسهم ) . الله يستر ( أنا غايتوا وصفتا وماعبرونى ) وطلعتا بكرامتى . |
محي الدين.
نظرك ما وقع في عمك ود الموج؟
أصلي خايف عليه من الدفر والعفر بتاع الشباب اللي هناد ده.
دينق.
|
Post: #230
Title: Re: العضوة الجديدة والجماعة البكايين.
Author: محي الدين جبريل
Date: 03-01-2008, 07:23 AM
Parent: #229
دينق
ود الموج ده قصتوا خليها ساكت ، لكن أثبت لى حقيقة ( إنما تشيخ الأجساد )
وبعدين سوقوا حار
لكن فى واحد إسموا مازن الجمال ده الفراش على حسو.
الغريبة النسوان بى عدد الأصابع
|
Post: #231
Title: Re: العضوة الجديدة والجماعة البكايين.
Author: صديق الموج
Date: 03-01-2008, 07:44 AM
Parent: #1
Quote: دينق
ود الموج ده قصتوا خليها ساكت ، لكن أثبت لى حقيقة ( إنما تشيخ الأجساد )
وبعدين سوقوا حار |
محى الدين جبريل يا ود القبائل..تحياتى
كتر خيرك على التعضيد
بعدين السوق ده يحررو الله..
مادام ناس الجمال..عاصرين الفراش بالطريقه دى..
والله انا قايلو ود المرحوم بالميت كده
بعدين بكاء دينق بطريقة باريا
وزولك عامل فيها دمعة مانزلها
وحاتك المناديل الاستعملن ام كلثوم لما ماتت ماكملتن..
قوم بلا ما بتبكى،،،
|
Post: #232
Title: Re: العضوة الجديدة والجماعة البكايين.
Author: محي الدين جبريل
Date: 03-01-2008, 07:51 AM
Parent: #231
ود الموج يا روعة
الجمال ده أنا خايف عليهو من النهاية ونبقى فى ( حاو وتر ) الزول ده مشى بعيييييييد . أنت يك كبيرم . قوليهم ماتجوا الفراش يوميا ( بتكسروهوا ) وتبقى ميتة وخراب ديار
ياربى الكشف مغطى ؟
تحايا وبكرج شاى
|
|