|
أشكر الله، أصدقـــــــائي وأحبــــابي
|
أشكر أسرتي الصغيرة الكبيرة في معناها ومضمونها .. ( سودانيز اونلاين – بورداب الرياض ) .. أصدقاء بورداب الرياض .. أسر بورداب الرياض .. متصفحي سودانيز اونلاين .. بالرياض .. وبخارج الرياض .. أشكر كل الأصوات الرحيمة التي هاتفتني – من كل مكان وبلاد بعيدة ـ أشكر كل الأيادي التي امتدت لي مصافحة وكل الكتوف التي استندت عليها .. شكرا لكل الأصوات التي استمعت اليها لأول مرة .. وكانت بلسما شافي وترياق شكرا العزيز بكري أبو بكر الذي جعل من المستحيل ممكنا من هذا المكان ... شكرا لكل الذين جمعتني بهم هذه المساحة زملاء وزميلات شكرا لكم .. وأشكو عجزي وتقصيري عن رد الجميل حتى لو بكلمات وعبارات شكر وتقدير .. فوحدها لاتكفي
|
|
|
|
|
|
|
|
Re: أشكر الله، أصدقـــــــائي وأحبــــابي (Re: wadah beshier)
|
الاعـزاء .. خالد الطيب ( شكــرا لاتصالك المتكرر والسءال عن صحتي .. ) وبي صراحة البسمع صوتك في التلفون .. يستغرب من حركاتك القاطعة من راسك مرات مرات دي .. وما تزعل مني .. لانو أخوك زي ما عارف سودان قديم .. زيو وزي بشاشا واحد .. وما قاعد يصنفر الكلام.. .. العزيز نصر الدين بشير .. تشكر يا صديقي وربنا يديك الصحة والعافية .. .. سلامات يا وضاح بشير .. الف شكر ومرحب بيك .. وما تشوف شر يارب .. .. ود البشرى .. كيفك يا عمك .. اهـــا الجديد شنــو في الحلة .. بكــور العزيز .. سمندلاوي .. كيفك يا حبيبي .. كلووو تمام وعشان سمعت صوتك التمام زادت واتنفخت .. طمني على الحلوين وعلي حالك .. .. معتصم محمد صالح .. ( توجد صورة ) كيفك ..؟ اهــا العداد رامي الايامات دي واللا الحنك شنــو ..؟ بلاي اقرب مظاهرات ادي اخوك عوووك فيصل نوبي دا ما تشتغل بيهو شديد .. الزول دا ما مقدر لي امكانياتك ( العلاجية ) الفعالة .. شكرا ليك برضو توجد صورة .. اميــرة الشيخ .. بحر شنــو يا منقه ..؟ انا كان لقيت لي بحـر في الرياض دي والله ابيعكم بيعت السنين بي بكري زاتو .. أما فيما يتعلق بكميات الوحشة خليها ساكت .. بعدما باءت جهود التيم العامل معاك بالفشل في رصد النواحي الفنية المتعلقة بي البنج وكدا .. اعلن عن حصولنـا عن ملف تسجيلي من داخل غرفة العمليات تم تسريبه ويناقش بعض المواضيع الحساسة تدفعي كم ونرسل ليك نسخة منــو .. عايزين نشوف دنانير قطــر دي .. مش قاليك .. قطـــر دنانير مطــر .. ملحوظـة ( صورة من الرد للكفيل فيصل عباس ) لإجراء اللازم .. العزيز الأصلي .. صلاح عبد الله .. كيفك يا فردة .. والهل كلامك مية المية خاصة أنو فترة النقاهة ربما تمتد لي شهـر تاني حسب قرار الطبيب وخلال الفترة وجب التحرك بي حذر مع مراعاة عدم الجلوس لمسافات طويلة .. وعدم التعامل مع الاحمال الثقيلة .. يعني بي اختصار كدا يا اصلي الدكاترة عايزين يرطبو بي الواحد ونحن ناس شقـاوة .. البوست دا مكتوب ليهو كم يوم ... وما قادر ادخــل كلما ادخل البورد يعمل في حركات غريبة .. وانا مافي بكري عمل شنــو في البتاع دا ,,.؟ مشتاقين يا شفــت ..
ملحوظة: شكرا وحدهـا لا تكفي ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: سمندلاوى)
|
حمد الله على السلامة يا أصلي أجر وعافية إن شاء الله ولكونك في فترة نقاهة ، فينصح بعدم الجلوس لفترات طويلة أمام الكومبيوتر للرد على المهنئين بالعودة ممكن في الآاااخر كده تنزل أسمائهم كلهم مع كلمة (شكراً)
ونورتنا والله يا تامبا ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: هند محمد)
|
الاعــزاء .. حبيبنـا جعفر اسماعيل .. حاتم يوسف .. الطــاهر عثمان .. مــاما دومـه .. عاصم الطيب .. محمد صباحي .. سنــاء جعفر.. هند محمد .. حيدر حسن ميرغني .. معتصم رقم صفــر .. نــاذر .. .. . اشكركم .. اشكر كل من اتصل علي منكم دينكم على رقبتي واتمنى ان ارده في ساعات جميلة فيها من الخير الكثير ..
يا ناذر
| |
|
|
|
|
|
|
Re: أشكر الله، أصدقـــــــائي وأحبــــابي (Re: ناذر محمد الخليفة)
|
هو ياجماعة الحاصل شنو العملية دي ما فتاق صاح؟؟ هي عملية شنو ؟؟ انا شاكي تكون عملية لوز والزول ده مكبر المسألة ساكت انا قلت انا اكبر زول جرسة في المرض وكده لكن تمبس فاتني عديل وكمان ديل شابكنو ارتاح وما تجلس كتير قدام الكمبو يوتر ياود بطل جرسة وخليك صحراوي وقوم احرق بي نفس العافية تامة وكاملة واصح بدنك وعقلك وايامك الجاية كلها في البهجة ويلا نجبجب سوا سوا سواسوا
| |
|
|
|
|
|
|
Re: أشكر الله، أصدقـــــــائي وأحبــــابي (Re: Zoal Wahid)
|
الاعـــزاء: خالد علي محجوب المنسي .. اشكرك يا صديقي اشكرا بشدة لكل ما اجده منك .. .. محمــد السني .. العملية دي فتــاق ياخ .. (اتحداك) انها فتــاق ... عملية اللوز ح يعمله صديقنــا وحبيبنا عضو البورد (دكيــن) بعد كم يوم كدا .. وإن شاء الله يقوم بالسلامة ونحتفل بيهو احتفال يليق بي مكانتو بيناتنا .. والله فعلا يا السني شابكنو ارتاح وما تقعد قدام الكمبيوتر .. ياخي انا مش صحراوي واي حاجة..؟ تخيل بقيت ما صحراوي خالص الايامات دي .. تخيل انا ابقى بتاع ترطيبة بعد الخبرة دي كلها.. .. يا دكــتور ود محجوب .. الله يسلمك ويبارك فيك وفي ايامك .. سعيد كنت بالتحدث معاك بعد فترة انقطاع طويلة .. طبعا انا بكتب في سطر وافط سطــر .. يعني بي صورة اوضح .. بقعد مسافة كدا عشان اكتب ولما احس بالرد مسخن شوية .. وعايز ليهو معاملة خاصة .. بقوم اقيف ليهو علي حيلي وهكذا دواليك .. طلحــة يا مسكين .. اكرر شكري لاتصالك ودي روح رياضية عالية جدا كونك تتصل وتسال عن ناس غالبنك تلاتة صفر .. وقامو طلعو ليك في العراضة بتاعتكم .. لعمري دي روح رياضية سمحة جدا واصل علي كدا.. .. انعــام حيمورة . ما تفقدي عزيز يارب .. تحياتي للمعاك في التيم الانتحاري .. كلهم / ن وبدون فرز .. .. العزيز هـاشم .. تشكر يا صديقي وإنتو دائما اسياد الحارة .. ومعاك كل اولاد الصحافة الجميلين .. أمير ـ عادل جبارة ـ أحمد عجوز ، والعزيز عماد محمود وكل من سال عني من الأخوان .. .. وليــد الشفت .. تسلم يا صديقي .. ان طبعا لياقتي نازله الايامات دي .. وعندي كمية بتاعت (عصب وخيوط) في بطني .. باقي ليها فترة بسيطة وتروح .. وبعداك اخوك ح يعمل تمارين عضلات بطــن .. واسبرنتات ونط حبل .. اسال الله أن يكتر (الباسطــة) .. وبلاي ثبت لي مبدأ أنو الفورة مليون .. ( وحزم أي تفتافه ) تلقاها في طريقك لحدي ما اجيب السمينة واجيك بي هناك .. .. عبد الرحمن الضــو .. تشكر يا امير .. الف شكر يا صاحب.. .. محمد عبد الماجد الصايم .. وين يــا ..؟ من ديك وعييك .. تلقى كاس افريقيا دا عمل ليك (فتــاق) تشكر يا صديقي .. وأظهر علينا خلينــا نقدر نشوفك .. ولف يمين في شمال اطول نخله دي في بيتنا خليك حريف واصحى للون نحن قاعدين نشرح ونوصف من مرة واحده .. أخوي أبو الحسين .. الرياض دي بلعتك تــب ..؟ وين قواسيب مودتك .. ووين جياتك .. اكان لقيت ليك فرقه تعال شوفنــا .. بتلقى قواسيب كتيرة جدا في انتظارك .. تسلم ياخوي .. .. زول واحــد .. شكرا لصوتك ولي محادثتك اللطيفة .. عاجز عن الشكر وربنا يقدرني علي جزاك ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: Tragie Mustafa)
|
الأعــزاء .. حســام .. الف شكر يا صديقي وما تشوف شــر إن شاء الله .. .. العزيزة خالدة بدوي .. كلمات الشكر تخجل امامك .. لن انسى وقفتك معي حتى في لحظاتي الأخيرة وانا على بعد خطوات من تجربة قاسية فيها من الخوف والمصير الغير معروف .. ستكونون دائما بداخلي بكل المعاني الجميلة بالحب الذي طوقتوني به .. .. جنــي .. إنت مجنون واللا شنــو ..؟ تشكر يا حبيبي .. وبردهــا ليك وبعرف اشكرك تمام لما يرجع الماسينجر .. بس بعدين أوعك تخرخر.. .. اسماعيل عباس .. إنت من ضمن المجموعة الما عارف اقول ليها شنـو .. ولا عارف اشكره كيف ..؟ خاتيك لي قدام .. حسب الوعد والكلام السر الكان بيناتنا بس يا خوفي كلام المره الفاتت تقوم تقول عليهو دا كلام ( بنــج ) ساكت . والله ما كلام بنج انا كنت بكامل الوعي .. محمد خليل اسماعيل .. شكرا يا صديقي أن كنت ضمن هؤلاء الملائكة .. برغم زمنك الصعب.. .. استاذ مصطفى سري .. شكرا لك ولضحكتك الجميلة .. .. تراجي .. عليك الله كان ما تتصلي شوفي كان بعمل ليك شنــو يا وهم .. والله المكان دا كان ما يشيلنـا .. شكرا يا تراجي .. القيمة الجميلة فيك اصيلة جدا .. عامله صوتك السمح دا ..
ــــــ بين ليلة .. ومطـــر يسكن قلب شرختـه العشيقات بالهروب الطويل وأوصدت بابه أمراة التقيتها صدفة في الأسافير (نصار الحاج)
| |
|
|
|
|
|
|
Re: أشكر الله، أصدقـــــــائي وأحبــــابي (Re: عادل جبارة)
|
الآعـــزاء .. يـــاسيكـو .. شكرا يا صاحب لك .. وللاستاذ صديق أحمد فهذا كان لسان حالي .. .. أســـاسي .. ياخي الناس بترسل زهـور .. بترسل حلاوة من باتشي .. إنت بترسل أمنيات ساكت كدا .. بالمناسبة دي بهديك أغنية أسرار بابــكر .. راحــت عليك .. واضيف من عندي .. طــارت ليك،، الواحد فيكم اصبح يهضرب سااااكت .. اها ح تجيني متين اتصالك الوهمي دا خليني منو.. .. العزيز الدفعة معتصم أبو مرهف .. شكرا بكل الحميمية يا صاحب .. التلفون القديم دا وحياتك دقست فيهو كدا قبل فترة واشتغلت بالتاني .. ما صدقوا ناس الاتصالات .. لفحوهو طوالي .. ( 0568371878 ) ده الرقم الشغال .. تحياتي لمرهف وامه . .. اخونــا العزيز هشـام هباني .. اشكرك واتمنى أن لا يصيبك شــر .. ( الهباناب ) بالرياض ما قصروا معاي كالعهد بيهم .. وربنا يقدرني علي جزاهم .. .. هشــام لبيب .. اشكرك للمرور يا هشام .. وللدعوات الحلوة .. البوست دا يا هشام كتبتو حرفنــة مني وخبره .. وحسع كان ما عاملين لي حظــر اقتصادي من الجهاز في البيت كان عرفت حاجة .. واللبيب بالإشارة يفهم .. . .. يا قمــر بوبــا .. اشكر مرورك .. والنضال سكة حياتنا والنفس ما انقطع.. .. دكتـور ياسر عبدالقادر .. وين الحي بيك ..؟ زيارتك في البيت كانت جميلة وليها وقعها الخاص .. ومازلنـا نراجع في الدروس الطبية .. بعدما اتخذ صلاح شتات بعض المقاطع من المحاضرة كإستاندرد .. سمــارت .. اشكرك وما تشوفي شــر يارب.. .. مولانــا أحمد موسى .. تشكر يا صديقي .. ولا لوم بين الأصدقــاء .. واتمنى انو المشكلة التقنية الكانت مفروضة على البورد استعدلت معاك .. فكلنا كنا في الهواء سوى .. .. العزيز عادل جبــارة .. لا شكر لآل البيت أنتم من استندت عليهم في وعكتي وألتأمت جراحي بوجهكم وطلتكم البهية ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: wd al geran)
|
الأعزاء .. صديقي العزيز عبد الله وداعة الأمين .. شكرا لدعواتك يا صديقي واتمنى لك مثلها وربنا يجعل ايامك كلها افراح .. .. مليون سلام يا بكري عبد الله .. تشكر يا صديقي .. وتحياتي للمعاك وتسلموا من كل شر .. .. سلامات يا باشمهندس .. اشكرك هنا وهناك .. وصوتك الجميل وتفقدك دائما لشخصي والسؤال .. ربنا يديك الصحة والعافية يا هندسة .. .. بت الشيخ أم العزيزة عزوزة .. وأمي انا .. تسلمي يا رايقة يديك الصحة والعافية .. .. شيمــا . بت حلتنا .. شكرا على الكرت الجميل .. نردو ليك في الأفراح .. .. متولي ود الحلة .. تشكر يا صديقي وفقدنا واحد .. اتمنى ان اراك مجددا .. وحتما ح نلتقي في المكان المحدد نحتاج للكثير للاستمرارية .. تحياتي لك والاسرة .. واشكرك على الاهداء الجميل بصوت الجميلة نانسي .. .. العزيز عاطف عمر تشكر يا صديقي وما تشوف شــر .. .. الله يسلمك يا نجـوان .. وما تشوفي شــر.. .. تسلم يا الامين ونشوفك طيب يارب.. .. تحياتي يا ود الجيران الله يديك الصحة والعافية ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: mamkouna)
|
الأعـزاء ,, اشراقة العزيزة .. مافي ليك طريقة راجيك .. راجيك، بس اوعك تقومي تتصلي حسع دي .. والله شالتني نومه وقمت متأخر على الشغل .. نسيت الجوالين في البيت وجيت المكتب مدلدل يديني .. .. بعدين موضوع الكمونية دا .. إنت متاكدة أنو تيسير دي ما بتجوطو يعني وكدا .. إنت ما عندي اعتراض عليك من خلال ما ورد لنا في عيد الضحية الفات .. لكن إنت متأكدة انو تيسير دي ح تكون جادة في الموضوع دا ..؟ .. العوض المسلمي .. تسلم يا رب .. والله زمان يا المسلمي الواحد كان اكل ناقة سيدنا صالح ما كان بتجيهو حاجة .. لكن حسع الظاهر لي كورتنا فكت .. والواحد كريم شانتيه بقى يجهجهو .. بعدين عمليتي دي ما ليها علاقة بالحاجات الحارة إنت عميل مزدوج واللا شنـو ؟؟ .. حيدر عثمان .. الله يسلمك ياخ .. وينك يا مواطن ..؟ .. العزيز أنور كنق .. كيفك يا هندسة ..؟ اشكرك وانا سعيد جدا ب،كم تامين ولامين والحمد لله .. .. باشمهندس مزاحم الضوي .. تشكر يا هندسة واشكر وجودك مع الأخوان بالرغم من الجو البارد وقتها .. .. طارق يا جبريل .. كيفنك يا صاحب .. كلموني وما زلت منتظر .. تسلم يا جميل. .. أميرال يا عزيز .. تسلم يا صاحب .. وربنا يديك الصحة والعافية .. .. تيتاوي .. سلامات وفعلا فقدتك من فترة .. عودا حميدا مستطاب .. وبركة الجيت.. .. نصر الدين صلاح .. تشكر يا صاحبي على اتصالك .. من امنياتي الطيبة ليك . .. ممكونة العزيزة .. تشكري يا غالية علي الكرت اللطيف .. وعلى حاجات كتيرة جدا .. ونردها ليك في الافراح إن شاء الله .. سامع تحت تحت كدا في اشاعة انو ( توب تمبس ) نزل السوق بلاي بدلي القديم بي توب تمبس بتاع الموسم دا .. وبنقبل اي اقتراحات تانية ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: انعام عبد الحفيظ)
|
الاعــزاء .. محمد بــابكر الخال .. ( ناذر + واساسي + إنت ذاتك ) كان غيركم اشطــر .. جيت واللا لسه ..؟ قالو لي ضارب الطراوة وقاشي خشمك .. .. تسلمـم يا ناظم وما تشوف شــر إن شاء الله .. .. العزيز هــارون ديــاب تشكر شديد عل البوكية ونردو ليك في الافراح .. تحياتي لاصدقائي بطرفك .. .. سلامات يا مجاهد .. اشكر اتصالك المتكرر والسؤال .. وما تشوف شر إن شاء الله .. .. سلمى .. شكرا ليك .. وما تشوفي شر يارب .. .. عاطف مكاوي العزيز .. تحياتي يا صديقي .. وليك من الشكر الكتير .. ... .. ايو الريش يا صاحــب .. شكرا كتير جدا ..جدا .. بكل اكسسواراته برضو البتترد في المناسبات الزي دي .. ما تشوف شر يا رب .. .. العزيز ابو قصي مجدي .. تسلم يا صديقنا القريب .. على وعد اللقيا شكرا يا مجدي على اتصالك المتكر والسؤال .. .. معتصم دفع الله .. ( ......... ) عبي استمارة المحبة دي بي اي حاجة العملتو معاي ما ساهل لكن بخلص حقي منك بي يدي إن شاء الله كان الله ادانا باقي عمر .. عشت يا صاحب البتسند الضعفان.. .. العزيزة انعام عبد الحفيظ Quote: عايزين نقول حاجات تانية ياخ |
.. يازولة ما تتعبي نفسك تقولي .. انا الح اقول .. اشكرك شديد يا انعام على متابعتك .. اردها ليك في الافـراح ... ... الشيخ صاح .. مافي لوم يا صديقي بين الحبايب والقرايب والاصدقاء .. عارفك لو فاضي ما كان قصرت .. شكرا جزيلا .. واتمنى ليك كل الصحة والعافية .. .. سمي العزيز علاء الدين نصار .. ربنا يكتب سلامة الوالد .. وشكرا جزيلا يا صديقي .. .. العروسة جاهزة يا معتز . انا زاتو قلت ليها بعد كدا الكلام دخــل الحوش .. ابقى مارق مع صاحبك .. إنتو فرد العريس وكدا
| |
|
|
|
|
|
|
Re: أشكر الله، أصدقـــــــائي وأحبــــابي (Re: tmbis)
|
سألت الله الحميد اللطيف ما تشوف شر يا تمبس الظريف يا راقى يا حنين يا رهيف المرض كله يزول والالم يبقى خفيف يا الكريم من جدودك وبيتك ديمة خريف لعدوك ديمه منصور والمولى ليك نصيف الذوق كملت حدوا والادب عندك يقيف
يديك العافية والصحة ويرد غربتك سالم وغانم اللهم آمييييين تحياتى لمعتصم وكل البورداب المعاكم ولكم التحايا ام وضاح
| |
|
|
|
|
|
|
Re: أشكر الله، أصدقـــــــائي وأحبــــابي (Re: tmbis)
|
Habibna tmbis Al-hamdu li-Allahi ala as-salama It is good that you are back and healthy. May this be a year of hope and peace for us all here and in our country. Please forgive my belated welcome, as I had been away for a long time from this board and many other things.I even broke my finger. I'm looking forward to hearing from you Allah bless you and us all Abu Assal
| |
|
|
|
|
|
|
Re: أشكر الله، أصدقـــــــائي وأحبــــابي (Re: الزاكى عبد الحميد)
|
الأخ الحبيب تمبس سلام على روحك الطيبة والشكر لله الذي عافاك ووالاك بالصحة والعافية الوافية ونسأل الله القدير رب العرش المكين أن لا يريك بأساً آخراً ويحفظك ويمد في أيامك .. دعواتنا وإبتهالاتنا إلى الله بأن يديم نعمة الصحة والعافية عليك وعلى جميع من تحب ونحب وحتى من لا نحب ,آسف إن تأخرت أقلامي عنك لأننا كلنا ذلك الرجل وكلنا في الهم شرق ولكن فوق هذا وذاك هذا لا يعفيني من أنني قصرت ولكن عزائي أن الله الله الشافي إذا أحبّ عبد إبتلاه والعاقبة للصابرين ولنا في نبي الله أيوب أسوة وقدوة .. بارك الله فيك
| |
|
|
|
|
|
|
|