|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
الاخت عواطف
السلام عليكم
غايتو ده موضوع اي زول بنظر ليه بزاويته البعرفها
لكن نحن في السودان عايزين امراة
زي ما قالت حبوبتي
يا بنتي راجل لو ما ناداك ما تمشي تلحقي
وكورة ام قعر تحت سريره ختي
الوسخ قدام بابه ما تكبيه
وجارتك المودر من قاموسك اشطبيه
اه
اه
اه
| |
|
|
|
|
|
|
Re: قسمة ونصيب أم هروب من الواقع ؟؟ (Re: maawia dawood)
|
الأخ الحبيب معاوية !!!
مودتي ,,,
والله ضحكتني بالجد وذكرتني أغنية الله والنبي كلام راجل أسمعا !!!
يديك العافية يا معاوية بتصدق في واحدة صاحبتي قالت أصلها ما بتعرس راجل هين لازم كان دخل ينخاف
وكان مرق ينشاف وتقول ليك الراجل كان ما نهر وشخط وخلاك تجي جارية توبك نصو فوق راسك والنص التاني
في الواطة يبقى ما راجل أها رايك شنو في جنس دة ؟؟؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
الاخت عواطف
السلام عليكم
احكي ليك حكاية
عن العرس ومنو الافضل
بت المدينة ولا بت القرية
وهذه تنطبق عليها
الاختيار من الاجنبي
مرة واحدة من المدينة عرسها واحد من القرية
وبعدين حبوبتها وصتها
اعملي ليه العين الحمرة
يعني اعملي فيه سرج واركبي
ودي كان زمن شهر العسل في البيت
وبعدين العريس و العروس دخلوا الغرفة
العريس سال عروسته كباية موية
والعروس عشان توريه العين الحمراء
قالت لعريسها قوم اشرب براك
فما كان من العريس
الا ضربها كف صاموتي
وصرخت العروس
وجفلوا من بالخارج وبدوا يسفسرون
فردت لهم الحبوبة
خلوها البت دايرة تركب وقعت
| |
|
|
|
|
|
|
Re: قسمة ونصيب أم هروب من الواقع ؟؟ (Re: maawia dawood)
|
معاوية !!!
تحياتي ,,
أولا آسفة ما شفت المداخلة الظريفة دي بتصدق ضحكت بصورة ما عادية على العين الحمرا اللي وقعت
صاحبتها من السرج , طبعا حكاية الوصايا دي قاعد تعمل مشاكل كثيرة جدا عشان كدة كله واحدة تعمل
حسب فهمها ولا شنو رايك ,, شكرا معاوية أبق معنا ,,
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
Quote: عواطف انت كتلتينا وفتنتينا بالبوستات الحلوة زى حنبك( بضم الحاء وتسكين النون وضم الباء) الطنضب دي |
يا جدو حنبك شنو ؟ انتو ما عندكم سوبرماركت ؟؟ يعني هسع الجماعة الفي البوست دة لو جني من جنياتم او واحدة او احد فيهم من جيل السبعينات والتمنينات و ما فوق يشرحو ليهم"حنبك " كيف ؟؟ ياخي الوالي-قراقوش- قطع كل الشدر وانت تقول "حنبك "؟ اها يشوفو وين ؟؟؟ ما بشان كدة ان قت ليك اطلع من هنا ....وبعدين انت ما علموك ياعربي يا عرريب "الطنضب" دة عربي ؟؟؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: أحمد الشايقي)
|
شفتو الحسادة كيف ؟ عايز يطرني من البوست العسل ده .
عواطف انت كتلتينا وفتنتينا بالبوستات الحلوة زى حنبك( بضم الحاء وتسكين النون وضم الباء) الطنضب دي
والله افوت مفلق عدييييييييل كده
حاشية للناطقين بغيرها
حنبك الطنضب هو ثمر السروب والسروب نوع من الاشجار ينمو باطراف القرى زمان . وبعد القطع العشوائي والجائر وما نتج عنه من خلل بيئي وانعدام الحنبك بحثنا عن البديل المناسب لهذه الثمار وعند مجيئي للخليج وجدت ان العنب هو اقرب الثمار للحنبك وربما يتساوى الاثنان في القيمة الغذائية غير ان العنب قد وجد نصيبه الاعلامي اما الحنبك فلا يعرفه حاليا الا اولاد الهامش .
| |
|
|
|
|
|
|
Re: قسمة ونصيب أم هروب من الواقع ؟؟ (Re: أحمد الشايقي)
|
حمادة !!!
مودة .. وتقدير اليوم المطر عامل فينا عميل الجماعة فرحانين يصورو ساكت أصلو المطرة عندهم حاجة
غريبة وتانية خالص مش زينا !!
و ماتنساش يا أحمد أن الرجل السوداني أيضا كذلك إلى ما بعدو أليس كذلك !!!
| |
|
|
|
|
|
|
Re: قسمة ونصيب أم هروب من الواقع ؟؟ (Re: ماجدة عوض خوجلى)
|
ماجي !!!
والله مشتاقين ,,,
سعدت بهذه المداخلة الجميلة وطبعا زي ما قلت الفشل غير مرهون بجنسية معينة ولكن قد يحدث في أرقى
المجتمعات ولكن القسمة والنصيب يلعبان دورا كبيرا في المجاح والفشل و الزواج أيضا عموما زي ما
حكيتي السودانيون يحترمون النسب وبقدرون مثلما يفعل بعض الأجانب وليس كلهم طبعا الناس اللي طبايعهم
زي طبايعنا عموما مهما قلنا برضه هو قرار شخصي ويكفينا شرف رمي الحجر في المياه الراكدة .. شكرا
ماجي اتصلي !!
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
جيتك يا عواطف
لي كم يوم بتاوق
هسي بت ادريس دي يلولو ليها الكلام والا يجيبوه عديل
العم شابك ود اخوهو يا ود غتي قدحك يا ود غتي قدحك لامن دبسه في بته اها ايوم ماشي في السوق معاه حرمه وعنه لاقاه صاحب ليه زمن طويل ما اتقابله سلم عليه وعرفه بي زوجته واتلخموا في الونسة والسؤال ، بعد شوية الصاحب قال ليه يا خي ما عرفتني بالراجل ، اخونا قال ليه آخ نسيت والله، ده ابو القدح
قسمة وترباس
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: حنبك الطنضب هو ثمر السروب والسروب نوع من الاشجار ينمو باطراف القرى زمان . وبعد القطع العشوائي والجائر وما نتج عنه من خلل بيئي وانعدام الحنبك بحثنا عن البديل المناسب لهذه الثمار وعند مجيئي للخليج وجدت ان العنب هو اقرب الثمار للحنبك وربما يتساوى الاثنان في القيمة الغذائية غير ان العنب قد وجد نصيبه الاعلامي اما الحنبك فلا يعرفه حاليا الا اولاد الهامش . |
اها انت مارادونا حفيدك دة حتجيب ليهو حنبك من وين ؟؟؟
بالمناسبة في اسوواق الفاكهة والخضار في شرق اسيا في حاجات كتيرة التقول الحنبك ذاتوووو ... اها انتو تقلعو الشدر البيجيب الحنبك والناس تعرض حنبكم في الاسواق ..انت جففتو الانهار ما تودرو الحنبك ؟؟؟ قال عنب قال ؟؟؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
الأستاذة عواطف إدريس إسماعيل
صبحك الله بالخير
نأسف للدخول المتأخر ولكن ماجعلني أهرب هو ذا Quote: قسمة ونصيب أم هروب من الواقع ؟؟ |
وأقول أن عمر أبن الخمس عشر ربيع رأي مالم يرأه الناضجين ودعي عمر وماأختارليس الخياربالقلب وبل بالعقل يختار ذو اللَب
وغريزة الأنسان السليمة تختار بالعقل قبل القلب في موضع الهوي ودعوا عقله بماأختار والقلب.
بنرجع للموضوع كبير وعميق وشايك الدروب ونرجو لمن سلك أن يهدينا التجربة بشقيها السلبي قبل الإيجابي
،،،،أبوقصى،،،،
| |
|
|
|
|
|
|
Re: قسمة ونصيب أم هروب من الواقع ؟؟ (Re: مجدي عبدالرحيم فضل)
|
الهارب أبوقصي !!!
سلامات ,,,
بصراحة افتقدناك وقلنا يمكن في إجازة من المنبر ولكن الحمد لله طليت زي هلال رمضان .. تعرف يا أبوقصي
أبو خمستاشر سنة عنده جنس قصصو حكايات عجيبة مرة كنت بعمل في مفروكة بامية وأخوه الصغير أربعة
سنوات واقف جنبي تحت البوتجاز قلت ليه أبعد الحلة دي بتنقلب ليك فوق راسك وتروح في حق الله قام أبو
خمستاشر كان عمره عشر قال لي الآخرة خير له من الأولى ,, طبعا زعلت وشخطت فيه وقلت ليه إنت قاعد
بي وراه تسوي شنو؟ قال لي أنا لسة ما قريت الجامعة قلت ليه يعني هو هسة في أوكسفورد تصور ؟؟ تقول
لي قال في أولاد صغار الزمن دة ؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
الأُختُ الرَّاقيةُ / عواطف إدريس إسماعيل ..
لكِ كلُّ الصَّباحاتِ
النديَّة ،
الزَّواجُ في اعتقادي اختياري ،
طالَما امتلكَ الواحدُ منَّا
القدرةَ العقليَّةَ التَّامَّة
لكينونةِ المفردةِ وتداعياتِها
المُستقبليَّة وبعينٍ أكثرِ اتساعاً وشفافيةً
ورؤيةً بما يختبيءُ خلفها من
سلبيَّاتٍ وإيجابيَّاتْ ،
فالزِّيجةُ حتَّى وإنْ كانتْ سودانيَّةً
خالصةً لها من العُيُوبِ مَا لها من
المحاسنُ ، والزيجةُ بينَ طرفينِ مختلفيْ
الجغرافيةِ والبلدِ أيضاً لها من العُيُوبِ
ما يَشينُها كما لها من المحاسنِ ما يُجَمِّلُها ،
وإنْ كانتْ تحمِلُ في طيَّاتِها كثيراً من الصِّراعْ ،
ولكن يتوقَّفَ ذلكَ على درجةِ التفاهُمِ
بينَ الزَّوجينِ ومَدَى ثقافتِهما وتقبُّلِهما الاختلافَ
وبدرجاتِهِ المُتفاوتةِ وكيفيَّة التعاملِ معها واستيعابِها
في مواعينَ أكثرَ احتواءً وضيقاً منْ أنْ يَفْلتَ
عنها ..
وهُناك زيجاتٌ ناجحةٌ برغمِ تبايُنِ المشاربِ الجغرافيَّةِ
والثقافيَّةِ بينَ الأزواجْ ،
فأحدُ أخوالي مُتزوِّجٌ من مصريَّةٍ وبناتُهما الآنَ بالجامعاتِ ،
ولا شيءَ يَشُوبُ ويعتري حياتَهما خلا ما يَشُوبُ أيَّ أُسرةٍ
سُودانيَّةٍ خالصةِ الطرفينْ ، فيما أسماهُ كثيرٌ من النَّاسِ تفَكُّهاً
وتَظَرُّفَـاً بفاكهةِ الحياةِ الزَّوجيَّة ،
ولي خالٌ آخر كانَ مُتزوِّجاً من " كويْتيَّة "
لكنَّهما انفصلا قبلَ أنْ تتوفَّى هيَ عنه
أيامُ دُخُولِ العراقِ الكويت ...
ولقدْ شارفتُ أنْ أخوضَ غِمَارَ هذهِ التَّجْربة من
كاتبةٍ سُعُوديَّةٍ لكنَّ كفَّةَ بنتِ خالي كانتْ
أرجَحَ وأعقلَ في تقديري ..
* * نداءٌ داخليّ : ( لكنَّني أرى أنَّ هُناكَ شخصاً ما بداخلي دائماً يَقُولُ لي :
" أنَّ بنتَ بلدِكَ هيَ الأفضلُ .. وأراهُ أيضاً يقول لي :
لقد صدقَ ود شيقوق بما أتى وزعَمْ .. فلهُ منِّي التَّحيَّة " ) .
وعسَاكِ بخيْرْ ..
أخُوكِ دَوْمَاً / محمَّد زين ...
| |
|
|
|
|
|
|
Re: قسمة ونصيب أم هروب من الواقع ؟؟ (Re: محمَّد زين الشفيع أحمد)
|
الأخ الحبيب محمد زين !!!
يا زين ما قلت .. مداخلتك تؤكد أن تجاربك الحياتية غنية و زاخرة وتدل على سعة أفق وبعد نظر كبير
عموما ليس لدي إضافة أقولها فكما يقلون في الخليج كفيت ووفيت ويديك إنت وبت خالك العافية ويجعله
عامر !!!
شكرا على طلتك الأنيقة ..
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
زيكم يا حلوين معليش اليومين الفاتن ديل انا كنت مزكّم ضربتني الزيفة كلو منكم ومن غسيل الفناجين. اسي شلاليفي منملات من كترة اكل البرتكان .. ونخري ماشات وحالتي بالبلاء .. وطبعاً خليت ود شيقوق يجبلكم القهوة والظاهر عليهو حا يضايقني في اكل عيشي لأنو شايف الكتابات خطيرة معناتو القهوة مظبوطة ومدنكلة .. هووووي يا جنا ابعد كدي من التكل ده وخليني النشوف شغلي النخرين جبتلن الفكسي .. اها ما قلتو لي انشاء الله قهوة الولية ما غلّطت على زول فيكم ولا فيكن وانت يا حريم اعملن حسابكن والله المرة دي حاقدة عليكن بالحيل وقالت لازم تنتقم من واحدة فيكن عشان تكون عبرة للباقيات : واخدت ليها تنهيدة وقالت (ختافات الرجال ديل)
ود عمي اللذيذ خالد المنسي احلى سوداني من شندي وعرّس ليهو مجرية ووداها البلدوبراها بعد داك بقت تجي وتخلي خالد هناك .. وعندي ود عمي الله يرحمو يوسف الجمري اتزوج سويسرية من زمان واولادو اسي كباااار وهم ولد (امير) وبت (عيشة) وزوجتو كمارغريت جات السودان زمان لمّن ركبت الحمارة في شندي ومشت جنينة عمي محمد وضربت الجوافة والمنقة من الشجرة مباشرة وكادت تجن من روعة المشهد .
Quote: أنسى حكاية النضافة دي ممكن تجيب الهوا والله لونا دة أحسن منو مافي ( مناي بالخدرة وزيتونة لو
شفتو القمر البرقص في عيونة!!! |
هوا شنو يا عطوف البجيبوا لينا الكلام ده انا بتكلم عن السودان كلّو (شمال شرق غرب جنوب وسط) .
وسماح قالت الحبش ديل احلى ناس : والله يا سماح احلى ناس لينا نحن . اها يا شباب القهوة كيف اوعة تقولوا لي حقت ود شيقوق احلى .. الزول ده بكون خاتّي ليكم فيها مصيبة يخليكم بعد شوية تلولوو وكلو واحد يمسك نخرتو ويفكها وتقولوا آآآآآآآآآخ شيقوق وينو شيقوق وينو !! قهوتو بي سرعة قهوتو بي سرعة .. والله تقولوا كده الا تاني اجيب ليكم قهوة فلانة ديك.
| |
|
|
|
|
|
|
Re: قسمة ونصيب أم هروب من الواقع ؟؟ (Re: امير عوض الجمري)
|
ود الجمري !!!
كيفك يا بعد عمري ؟؟
بصراحة إنت زول لذيذ جدا زي القهوة بتاعتك بالظبط بس ودشيقوق عايز ينافسك بشدة عشان كدة زود
الزنجبيل وخت جنب القهوة شوية كرواسون بالجبنة ,,, طيب وكت أولاد أهلك ديل كلهم عرسوا أجنبيات
و مبسوطين كدي إنت خبارك ؟ والله خاليها لبعدين ؟؟
أمير ابق معنا وجودك يهمني !!!
| |
|
|
|
|
|
|
Re: قسمة ونصيب أم هروب من الواقع ؟؟ (Re: sama7)
|
Quote: وقال سيد(نا) ابوبكر سيد احمد |
لا حولا ... خليتيني زي السمبرية اقبل يمين ويسار واشوف وينو "سيد(نا)" .. اها بربري وسيدنا ... دي كيف ؟؟؟ وخسوسا و الرسالة جاية من السما السابعة .. قت يمكن وفكرت اسوي لي حولية واخلي جدو يحت حتا يملي النهر الجاف موية ..
Quote: (عدل بواسطة sama7 on 14-01-2008, 10:13 ص) |
اها يابتي اسمك شوفي مكتوب كيف ؟ السما السابعة ( اها بسبب ال encoding ال h اتكتب 7 )
| |
|
|
|
|
|
|
Re: قسمة ونصيب أم هروب من الواقع ؟؟ (Re: sama7)
|
العسولة سموحة !!!
شرفتي ونورتي ,,,
خليك قاعدة معانا شوية عندنا فطاير بالعسل وواحدة بالقشطة أيه رايك ؟؟
ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !!
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: والله انت العسل ومواضيعك عسل وناسك عسل وقهوتك (قهوة امير طبعا ما ناس .........) عسل برضو |
تسلمي يا سماح .. الله يجبر بخاطرك انا كنت خايف شيقا يكون كتر من (.....) في قهوتو لكن كده طمنتيني.
Quote: اها انا كنت جاية اتكلم عن زواج الأجانب لكن بكلام شيقوق راسى لف زى لفة راسه لما ال ........ يلعب بيه |
اللييييييييييييلة .. اها لفة الراس بتاعت شيقوق دي الانا خايف منها يا سماح .. الله يستر ما بعدين تجي تقولي والله في الأول بتلف الراس بعد داك بتبقى لذيذة وتخلي الواحد ريلااااااااااااكس وتضحك من غير سبب والجو طرااااوة والعتود ده مالو بنطط جنب امو كده فرحان زيّي هاهاها والله لااكين .
اركزي يا سماح وخليك مع القهوة الاصلية الخالية من المواد الحافظة والمواد المسرطنة والمواد البتقرّف من الرجال (دي حقت الولية اياها) قالت والله اخليهن تاني الواحدة لو شافت ليها راجل زي البتشم ريحة المطبخ وهي بتتوحم.. طوال تتوّع!!
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
توفي الحبيبة
كل الاشواق
عندي ولدي ذي ولدك ده قال ما عاوز سودانية
ولمن أعمل حاجات السودانيات ديك يقول لي
ماما اتقطي ببطانيتي عشان الريحه تجي فيها
اقول ليه اهـ عاد ده ببقى الاثنين ما بتلمن
يقول لي بعلمها ،، باقي إليك ببقى مع حالتن
دي
برجعلك للنقاش الوقت بس ،،
دمتي وعميق ودي ،،،
| |
|
|
|
|
|
|
Re: قسمة ونصيب أم هروب من الواقع ؟؟ (Re: خالدة البدوي)
|
د. خالدة !!!
معزتي يا غالية مع حبي وتقديري ,,,
سعيدة بمرورك اللطيف وابنك اللذيذ ربنا يحفظه ويخليه ليك يا رب وتسعدي بيه وتشوفي جديده كان
سودانية كان أجنبية أصلو أولاد الزمن دة صعب إنك تتحكمي فيهم ولا شنو رايك ؟؟ بس قولي ليه يا
حبيبي صاحب بالين كداب !!!
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
Quote: والله انت العسل ومواضيعك عسل وناسك عسل وقهوتك (قهوة امير طبعا ما ناس .........) عسل برضو |
وحياتك انت العسل بي شمعو ( تعرفي الشمع؟)
عواطف
شفت بوستاتك بقت زى برم الطلح ( يعني زهرية الطلح يا ناس البندر) ما برك ( برك يعني بتلّب ) فيها الا النحل والفراشات المفرهدة زى سموحة اللذيذة .
Quote: اها انا كنت جاية اتكلم عن زواج الأجانب لكن بكلام شيقوق راسى لف زى لفة راسه لما ال ........ يلعب بيه |
تااااااااااااااااااااااااااااااااااااااني شكيتك على الله تشركي وتحاحي ساااااااااااى .
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
عواطف
Quote: اللييييييييييييلة .. اها لفة الراس بتاعت شيقوق دي الانا خايف منها يا سماح .. الله يستر ما بعدين تجي تقولي والله في الأول بتلف الراس بعد داك بتبقى لذيذة وتخلي الواحد ريلااااااااااااكس وتضحك |
خصمتك بالله دى ود الجمري ده شبّال ظرييييييييييف خليهو يزيد ويطفش لينا سماح الجات متلحاني بلا سبب دى .
الرطانــــــــــــــــــــــــــــــــــــي
شيقا قالوا اها انشاء الله تنشقّ انت من الحسد قول آمين.
انت سووك سيدنا كلو حاسدنا على شيقا الجات بالصدفة من سموحة دى ؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: الرطانــــــــــــــــــــــــــــــــــــي
شيقا قالوا اها انشاء الله تنشقّ انت من الحسد قول آمين.
انت سووك سيدنا كلو حاسدنا على شيقا الجات بالصدفة من سموحة دى ؟ |
انا تاهلت لان اكون "سيدنا"(شايف كيف ؟؟؟؟ ) انت اول يودووك التاهييل المهني يعالجوك من التصدع الحاصل ليك من الضبيحة خارج الجزارة بعديين نشوف ؟؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: الرطانــــــــــــــــــــــــــــــــــــي
شيقا قالوا اها انشاء الله تنشقّ انت من الحسد قول آمين.
انت سووك سيدنا كلو حاسدنا على شيقا الجات بالصدفة من سموحة دى ؟ |
انا تاهلت لان اكون "سيدنا"(شايف كيف ؟؟؟؟ ) انت اول يودووك التاهييل المهني يعالجوك من التصدع الحاصل ليك من الضبيحة خارج الجزارة بعديين نشوف ؟؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
Quote: انا تاهلت لان اكون "سيدنا"(شايف كيف ؟؟؟؟ ) انت اول يودووك التاهييل المهني يعالجوك من التصدع الحاصل ليك من الضبيحة خارج الجزارة بعديين نشوف ؟؟ |
انت يا سيدنا
هيييييييييييع لاعبين عليك سااااااااااى في بربري سيدنا؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
ود المنسي
Quote: والله يا عواطف عندي حكاوي كثيرة وجميلة عن التجربة الجميلة في حياتي لكن خايف من العريبي دا ود شيقوق شكيتو علي الله وكمان بدور يعمل علاقات وع وليد عمي أمير الجمري لكن ببعدو منو العريبي دا. |
عودك في ود الجمري عود ................ز
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
سلام لأحلى ناس
سيد(نا) ابى بكر
Quote: لا حولا ... خليتيني زي السمبرية اقبل يمين ويسار واشوف وينو "سيد(نا)" .. اها بربري وسيدنا ... دي كيف ؟؟؟ وخسوسا و الرسالة جاية من السما السابعة .. قت يمكن وفكرت اسوي لي حولية واخلي جدو يحت حتا يملي النهر الجاف موية .. |
سيدنا ما بتجى إلا لما يكون بربرى :-) خصوصا لما تكون جاية من سماح لووول..
شيقا
Quote: تااااااااااااااااااااااااااااااااااااااني شكيتك على الله تشركي وتحاحي ساااااااااااى |
هاهاها شاكينى انا مالى اشكى روحك من البتسويه فيها
Quote: خصمتك بالله دى ود الجمري ده شبّال ظرييييييييييف خليهو يزيد ويطفش لينا سماح الجات متلحاني بلا سبب دى .
الرطانــــــــــــــــــــــــــــــــــــي |
مرة سموحة عسل ومرة داير تطفشها شكلو راسك شارعه ما اتجاه واحد مرة يلف يمين ومرة شمال هااااااااااى بعدين مالهم الرطانة: انا دنقلاوية وصحى ما برطن لكن بديت الرطانة جديدة بس ما لاقية زول اتكلمها معاه مقدر الجبته دا من بوست جزيرة بدين العرفت انه حبوبتى أصلا منها
Quote: هيييييييييييع لاعبين عليك سااااااااااى في بربري سيدنا؟ |
ى ما لذتها هنا هو سيدنا دا إلا يكون سيد فى ................ تمها انت
امير
Quote: اللييييييييييييلة .. اها لفة الراس بتاعت شيقوق دي الانا خايف منها يا سماح .. الله يستر ما بعدين تجي تقولي والله في الأول بتلف الراس بعد داك بتبقى لذيذة وتخلي الواحد ريلااااااااااااكس وتضحك من غير سبب والجو طرااااوة والعتود ده مالو بنطط جنب امو كده فرحان زيّي هاهاها والله لااكين . |
الليلة ليك انت يا امير دا شيقا يادوب قال س ف ه ما جبنا سيرة الحاجات ديك اللونها green وبتجيب لينا ناس ال ..... وللا يكون شيقا اجازة السودان دى لسة ماثرة فيه هاهاهاها بععيد عنك شكلو كدا
خالدة البدوى
Quote: اقول ليه اهـ عاد ده ببقى الاثنين ما بتلمن
يقول لي بعلمها ،، باقي إليك ببقى مع حالتن
دي |
وما تقولى سودانيات كتير خلو الحاجات دى بقوا يقولو لا لا احسن حاجات victoria secrets وال body splashes خلاص خليها تنفع التانين
استاذة عواطف الناس دى خوفوك وللا شنو بيتى ما ظاهرة
مودتى
سماح
| |
|
|
|
|
|
|
Re: قسمة ونصيب أم هروب من الواقع ؟؟ (Re: sama7)
|
Quote: ى ما لذتها هنا هو سيدنا دا إلا يكون سيد فى ................ تمها انت |
يمكن المشروع الحضاري يا سماح اختى او يا سماح اخوى ؟
حاسي اسمك مستعار لانو بروفايلك بطانة ساااااااااااى مافيهو معلومة .
انتو بت طلحة وين يا الرطاني ؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: ود الجمري !!!
كيفك يا بعد عمري ؟؟
بصراحة إنت زول لذيذ جدا زي القهوة بتاعتك بالظبط بس ودشيقوق عايز ينافسك بشدة عشان كدة زود
الزنجبيل وخت جنب القهوة شوية كرواسون بالجبنة ,,, طيب وكت أولاد أهلك ديل كلهم عرسوا أجنبيات
و مبسوطين كدي إنت خبارك ؟ والله خاليها لبعدين ؟؟
أمير ابق معنا وجودك يهمني !!! |
والله يا عواطف انتي البعد عمري وبرضو عمري وقبل عمري وجنب عمري ولله يا عواطف كلمة بعد عمري دي طاعمة طعم .
وما عليك ود شيقوق خلاص اديناهو (خلو شرقرق) تاني ما بقدر يهوّي بي جاي .. وبعدين انا مسنود بالسمّوحة على وزن الصبوحة يعني شياقيقو ده موضوعو انتهى .. عرس اولاد اهلي من الاجنبيات عاجبني بالحيل لكن اظنّي انا شربت القهوة الفيهاالـ (.....) البتاع البخلي الزول يصنقر جنب بيت الجماعة واوروبا كلها بشوفه في مربع 27
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
Quote: جدو ودر عدييل ...يسوبيك شنو وانت في ارذل العمر ..انت قايل قميصك الاسود دة بيعمل ليك ديسكاونت في عمرك.. انت ما قالت ليك دنفلاوية؟ يعني تبع حوليتنا شت مودييك للبروفايل بتاعها وهسع ناس جزيرة بدين هنا كتار لو لمو فيك بطيرو باقي الفضل في قرعتك دي ... ياجدو لووول ... |
ينصر دينك دا الكلام انا واخوى على ابن عمى وانا وابن عمى على الغريب
thanx :-)
مودتى السماء السابعة سماح
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
ود الجمري
Quote: وبعدين انا مسنود بالسمّوحة على وزن الصبوحة يعني شياقيقو ده موضوعو انتهى .. |
نوعك ده ياهو البخرت مننا الجكسويات في الجامعة ويخلي الواحد فينا يتلفت يمين وشمال زى السورو .
اول مرة اعرف في خرت اسفيري للجكسويات
الله يجازي محنك يا ود الجمري الهمباتي
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
سماح
Quote: انا واخي على ابن عمي وانا ابن عمي على الغريب |
ده فذعك ؟ خمي وصري
Quote: جدو ودر عدييل ...يسوبيك شنو وانت في ارذل العمر ..انت قايل قميصك الاسود دة بيعمل ليك ديسكاونت في عمرك.. انت ما قالت ليك دنفلاوية؟ يعني تبع حوليتنا شن مودييك للبروفايل بتاعها وهسع ناس جزيرة بدين هنا كتار لو لمو فيك بطيرو باقي الفضل في قرعتك دي ... ياجدو لووول ... |
عيييييييييييييك انت طولت من السودان طولة ولسع تفتكر شرطا يكون لبيس من هيئة التدريس يا اخي ابشرك اوع سامية تسمعني والله بقينا حلوين حلاة ومؤشرنا ارتفع فووووووووق كمان عزل عديل كده مش يا عواطف ؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
Quote: ده فذعك ؟ خمي وصري |
اها فارس بني عبس ؟؟ ات ما سمعت برماة الحدق الرجعو جيوش العرريب محوليين كل واحد بعين واحدة ... خليك من قريبتي دي .. انا قت ليك ناس بدين دييل خليك بعيد منهم ..اشهدو يا جماعة .....
Quote: يا اخي ابشرك اوع سامية تسمعني والله بقينا حلوين حلاة ومؤشرنا ارتفع فووووووووق كمان عزل عديل كده مش يا عواطف ؟ |
يا ظلوط اوع تقع من حبل الغسيل تكسر رقبتك .. اصحي الديوك اذنت الصبح وخلصت وانت نايم علي حبل الغسيل تحلم
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
Quote: انا كمان سيد(نا) دى دخلت في مزاجي .. اشمعني ؟؟ ما اعمل لي حولية والم الرطان كلهم وادودر بي جدوو لووووول .. اكتب حجبات تخليهو يساسق ساااي |
انت يا الرطاني حتصير زى الهندى الكنت انا مغشوش فيهو بصلي وراهو التراويح على مدار الشهر وعندما اعجبتني تلاوته في نهاية الشهر اقدمت عليه لزوم الثناء عليه وكنت فاكرو عربي . قلت ليهو ما شاء الله والله تلاوتك ممتعة فرد على قائلا:
What are you saying
اخوك صلاتو طلعت شيح في ريح وعرف زولك اكان مرق شبر واحد من القرآن ما بعرف سجمو في اللغة العربية زيك كده .
وين الحالم سبانا - ود المنسي ؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
عواطف السمحة
Quote: العسولة سموحة !!!
شرفتي ونورتي ,,,
خليك قاعدة معانا شوية عندنا فطاير بالعسل وواحدة بالقشطة أيه رايك ؟؟
ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !! |
لكن قدري مكتوب من زمان يا العواطف اسوى شنو مكسور الجناح
ما تكلمي سموحة بالكلام ده بتنشبك فيني معاها فلان داك القال قريبها
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
Quote: انت بتتلصق مالك هي دنقلاوية وما بتعرف ترطن ومش من حلفا من بدين البدنة ال ............ |
بدين دي وين ؟؟اها تلتربع البرابرة الفي المنبر دة يامن بدين يا عندهم عرق في بدين ؟؟ يعني بدين دي ما جنب النهر الجاف ؟؟شن مودييك لهناك ... انا بتكلم مع بتنا قريبتناالنوبية وانت عرريب ساااي وبقميص اسود .....
| |
|
|
|
|
|
|
Re: قسمة ونصيب أم هروب من الواقع ؟؟ (Re: ismeil abbas)
|
سمعة !!!
كيفك يا جدو ؟ ولله مشتاقين ,,,
أسهبت فأصبت الهدف كالعادة فلك منا كل شكر وتقدير وزي ما قلت بنت البلد مافيش زيها لكن إذا توفر
التراض .. الحب .. الاحترام نقول اللهم لا أعتراض في حكمك أما حكاية عدم احترام السوداني لزوجته
فدي حالات نادرة جدا ولكن أغلبية النساء يجمعن على أن الرجل السوداني تنطفيء عنده جذوة الحب بعد
سنة أولى حب مباشرة أليس كذلك ؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: ismeil abbas)
|
الاخ اسماعيل الجميل
كيفك وكتر خيرك
Quote: شكرآ على ألأطراء...عجبنى أخونا الطيب شيقوق أبو العرسان بمداخلاته الحلوة اللطيفة والتى جعلت
للبوست رونقآ بهى... |
يا اخي البوست ده اصلو رونقه صار بهي باميرتو وحادي ركبه الاستاذة المناضلة والمكافحة عطوفيييييي والتي ما توانت لحظة في الكتابة عن الاحاسيس والمشاعر للجنسين بمختلف اعمارهم وبمختلف سحاناتهم وبمختلف الوان الطيف السياسي :
عجبيييييييييييي فقد اسمعت بوستاتها حتى الناطقين بغيرها ؟؟؟؟؟؟؟؟؟؟
عواطف :
Quote: تنتهي مظاهر الحب بعد عام من الزواج |
عام شنو والله انا من الاسبوع الاول فقط و حظى اني كنت متزوج وطالب في الثانوي والجامعة عشان كده كنت بحسب ليك الباقي كم يوم من الاجازة وكنت مرجع للطلاب في معرفة ايام الاجازات بس اول طالب بيرجع للمدرسة بعد الاجازة هو انا الكاشف القدمك ده .
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
الأخت عواطف سلام على روحك الطيبة
الزواج التي تتحدثين عنه هو ما يسمى بالزواج المختلط وهو نوعان: 1) مسلم أو مسلمة يتزاوجا ولكن من غير جنسه.
2) أما الشق الثاني فيتفرع إلى قسمين:
أ) مسلم يتزوج من غير المسلمة ( كتابية). مسلمة تتزوج من غير المسلم(كتابي)وهذا حدث كثيراً في دول الغرب
الزواج ليس قضاء شهوة أو وطر إنما هو حياة وأسرة وأجيال قادمة وإنتماء للأرض والأوطان والتمسك بالتقاليد أمر مستحب ..ومن تزوج بغير بنت بيئته عليه الإجابة على هذا السؤال: ماذا لونال أبناء هذا السوداني جنسية بلد الأم؟
نعم أؤمن بالحب ولكن ربما أن التمسك بالهوية والإنتماء أمر مرغوب فيهما ولكن ليس لدرجة التعصب لأن الزواج قدري فإن لم يرده الله لا يتم لأنه مثل الموت وكذلك مثل عدم إختيارنا لوالدينا أو أسمائنا هذه خير الادلة .. ولكن كل التجارب الناجحة تدل على أن الزواج من نفس البيئة هو الأصل وأن الزواج المختلط هو الإستثناء وتعقيداته كثيرة خاصة عندما تصل البنات سن الرشد في الغرب وتبدأ مرحلة الإستقلالية التي تتعارض مع بيئة وتقاليد الأب. وأيضاً في حالات الطلاق والمواريث والحضانة .. إلخ وأماالإحترام بين الزوجين فهو وليد الحب والتفاهم..وأهلنا زمان قالوا ( يا ولدي غطي ماعونك أحسن مما تغطي ماعون غيرك)
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: أن الرجل السوداني تنطفيء عنده جذوة الحب بعد
سنة أولى حب مباشرة أليس كذلك ؟ |
ليس كذلك ؟؟ الحب كعمر الانسان يبدء طفلا متبسما صبوحا ويكبر ويصير صبيا مراهقا ثم شابامتطلعا ثم كهلا متبصرا ثم عجوزا ينظر الي كل ذلك الذي مضي قانعا به ... ان نتوقع حرارة الشباب عند الكهولة فامر وان بدي للبعض متاحا الا انه خلط في الادوار قلكل عمر دور ولكل دور نجاحاته واخفاقاته وما الدنيا الا نجاحات واخفاقات
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
وين يا أحلى ناس والله وحشتونا بس اليوم دا ان شاء الله يعدى على خير
شيقا
Quote: ده فذعك ؟ خمي وصري |
هيييييييى يا شيقا فزعى مية مية انت قايلو عريبى ساى بقول الروب ويمسك جلابيته بسنونه ويقوم جارى
Quote: عيييييييييييييك انت طولت من السودان طولة ولسع تفتكر شرطا يكون لبيس من هيئة التدريس |
عاد كان خلوا اى شئ لبيس دى مستحيل يتنازلو عنها بعدين الجايب تامشاكل شنو غير (بلا بكلامكم انتو) الاولاد اللبيسين
Quote: عام شنو والله انا من الاسبوع الاول فقط و حظى اني كنت متزوج وطالب في الثانوي والجامعة عشان كده كنت بحسب ليك الباقي كم يوم من الاجازة وكنت مرجع للطلاب في معرفة ايام الاجازات بس اول طالب بيرجع للمدرسة بعد الاجازة هو انا الكاشف القدمك ده . |
لكن الكلام دا ادانك ادانة شديييييييييدة معناها مافى حاجة تخليها توريك السايد التانى عشان ترجع آخر واحد هاهاها
استاذة عطوفة
Quote: ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !! |
ياهو الزواج البرجعه بدرى من الإجازة ويخليه .......... بعد ما شاب لووووول
سيدنا يا قريبى
Quote: بدين دي وين ؟؟اها تلتربع البرابرة الفي المنبر دة يامن بدين يا عندهم عرق في بدين ؟؟ يعني بدين دي ما جنب النهر الجاف ؟؟شن مودييك لهناك ... انا بتكلم مع بتنا قريبتناالنوبية وانت عرريب ساااي وبقميص اسود ..... |
احنا نعمل لينا حلف ضد العروب بعدين كلها فترة بسيطة وابقى برطن اصلو السودان دا حق الرطانة بمختلف لغاتهم ولهجاتم اى زول بتكلم عربى بس يشوف روحه جاى من وين ويفرتق
اسماعيل عباس
Quote: ويجب عليها أن تعى هى ألأخرى ذلك |
دى أصعب حتة هى كان وعت للحتة دى هو هين زمان فى بوست ينتهى الحب بانتهاء مراسم الزواج قلنا كدا بس شايفة الزمن دا بقى زبط رجع زى زمن الحبوبات الواحدة الزمن دا تقول ليها أولادك وللا راجلك تقول طبعا هو الاولاد يطيرو هاهاها ما زى الناس الفى النص بين الجيلين الطفشو الناس من العرس.. ما قاصدة زول
الزمن دا زواج الاجانب زى السودانية بالضبط نشأة السودانية ما بتختلف كتير عن الأجنبية دا غير (السودانية الأجنبية)
مودتى
سماح
| |
|
|
|
|
|
|
Re: قسمة ونصيب أم هروب من الواقع ؟؟ (Re: sama7)
|
شيقا
Quote: هيييييييى يا شيقا فزعى مية مية انت قايلو عريبى ساى بقول الروب ويمسك جلابيته بسنونه ويقوم جارى |
هيييييييييييييييييييع نحن الساس ونحن الراس يا بت الناس
Quote: عاد كان خلوا اى شئ لبيس دى مستحيل يتنازلو عنها بعدين الجايب تامشاكل شنو غير (بلا بكلامكم انتو) الاولاد اللبيسين |
تبدلت المعايير وصار رجل المرة حلووووووووووووو حلاة irrespective of any negative side of him
هييييييييييييييييع تقولي شنو تقولي منو؟
Quote: لكن الكلام دا ادانك ادانة شديييييييييدة معناها مافى حاجة تخليها توريك السايد التانى عشان ترجع آخر واحد هاهاها |
السايد التاني فيهو شنو لووووووووووووووووووول وروني سريع يمكن ضيعت سنييييييييييييين يا سموحة
Quote: ودشيقوق دة مش أجنبية حتى من برة القرية ما بيعرس أجنبية شنو كمان البفكر فيها ديل نوع كانو في
الجامعة رافيعن شعار الحب في الجامعة والزواج في القرية !!
Quote: ياهو الزواج البرجعه بدرى من الإجازة ويخليه .......... بعد ما شاب لووووول |
يخليهو يتاتي بال ............. يعني؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: sama7)
|
Quote: plz try to find another name for this, we as muslims do not call it MARRIAGE |
Sama7
Shariaa wise yes BUT Marriage can generally be defined as:
The union of a man and a woman ,to the exclusion of all others , voluntarily entered into for life Related links
او
The union of a man and a woman as husband and wife, which becomes the foundation for a home and family
However,in Conflict of Laws, the issue of marriage has assumed increasing public policy significance in a world of increasing multi-ethnic, multi-cultural community existence
هييييييييييييييع سموحة الراقية شديييييييييييييييد وفاهمة اللعبة زييييييييييييييين
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: Marriage can generally be defined as |
dear sheega
thanx for the clarification but when i commented on what abubakr yusif said, i did not mean the general definition i was talking about marriage in islam sorry for changing the course of the topic
i will be back inshalla take care
sama7
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
Quote: عافي منك يالسما السابعة خليتي العرريب يرطن ( هو الانكليزي مو رطانة) |
انت يا سيدنا ابو بكر خليك متابع من بعيد شوفني كيف اطلع ليك الدرر واللآلي من هذه البنية العبقرية .
هييييييييييييع سموحة تعالي سرييييييييييييييع شوقتينا ليك
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
ازيكم
يا جماعة مافى زول عنده خبر من استاذة عواطف ما ظهرت الليلةان شاء الله المانع خير
سيدنا
Quote: عافي منك يالسما السابعة خليتي العرريب يرطن ( هو الانكليزي مو رطانة) |
والله ضحكتنى ضحك لما قالوا على مجنونة
Quote: انت يا سيدنا ابو بكر خليك متابع من بعيد شوفني كيف اطلع ليك الدرر واللآلي من هذه البنية العبقرية |
شايفاك ماشى كويس يا شيقا برضو بتقول سيدنا هاهاها انت بس ادينى فرصة وتشوف درر عمرك ما شفتهاش
يا جماعة لو جينا للموضوع الاساسى خلونى ازرزركم شوية خصوصا انى فى مرحلة ما قبل الوقوع فى موضوع البوست هاهاها
يمكن يكون السبب بحثا عن ال love & romance ما معروف يكون شنو
people say The unrealistic expectations that young people have is what often contributes to the failure of their relationship
لكن let me ask all of u
ممكن الواحد\ة يحس بالخجل to express his/her feelings to his/her partner?b
بصراحة البقتل العلاقات فى اعتقادى الخجل والرجل السودانى بقول المرأة خجولة وهى بتقول عليه نفس الشئ
انتو رايكم شنو؟؟؟؟؟؟؟
مودتى
سماح
| |
|
|
|
|
|
|
Re: قسمة ونصيب أم هروب من الواقع ؟؟ (Re: ابوبكر يوسف إبراهيم)
|
أخي الحبيب أبوبكر !!!
يديك العافية ويبعدك عن عين خلقه !!!
مداخلتك الثرة في الحقيقة ليست مداخلة بل موضوع كامل في حد ذاته في الحقيقة كفيت وفيت وبكل شفافية
شرحت الموضوع بمبضع الجراح المقتدر فكانت مداخلتك غنية كعادتها فتحت أفاقا جديدة لمشكلة ظلت ضاربة
في الجذور وليس لي إضافة سوى القول لا يفتى و مالك في المدينة أما حكاية دخولي عش الدبابير فهي
مغامرة غير محسوبة ولكن لن أخاف من شيء طالما وراي رجالة يا سيد الرجالة !!
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: بصراحة البقتل العلاقات فى اعتقادى الخجل والرجل السودانى بقول المرأة خجولة وهى بتقول عليه نفس الشئ
انتو رايكم شنو؟؟؟؟؟؟؟ |
سلام ياسماخ يابتي ..التعبير اللفظي المباشر عن المشاعر لسبب او اخر معدوم او قليل جدا في مجتمعاتنا ولذا تجدنا جميعا نحتمي بالغناء والشعر الغنائي الذي يعبر عن ذلك.. حتي التعبير عنه بين الاباء والامهات وابنائهم ينته بنهاية طفولتهم ...ربما في مداخلة اخري هنا تطرقنا لنفس الموضوع ...التعبير عن الحب ضروري واختلاف الوسيلة :لفظي او معنوي او من خلال عامل ثالث (هدية مثلا او حضور حفلة معا او نزهة سياحية ..الخ ) لا يذهب اهميته.. يجب ان نعبر عن الحب تماما كما نعبر عن الحزن والغضب ...التعبير عن الحب مكمل للعلاقة الزوجية او هو جزء اساسي فيه اما الوسيلة فتبقي رهينة ارث واسلوب حياة ...والتعبير عنه يجب ان يكون متبادلا بين الاثنين وليس من طرف واحد .....
عبري عن حبك لشريكك بالاسلوب الذي ترينه يوافقكما معا وهذا مهم
مودتي وتمنياتي لك دائما بحب كثير
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
الليلة جننتكم جن وبرضو استاذتنا ما ظاهرة
يا عطوفة طمنينا عليك
ابوبكر يوسف
حصل لى لبس فى المداخلة شوية انت هنا بتقارن بين الزوجة المسلمة وما دون ذلك
امور يجب على الواحد انه يوعى ليها بس صراحة للمدى البعيد ما كويسة
يعنى البنات العرفناهم امهاتهم غير مسلمات الحاجة دى عملت ليهم اضطراب نفسى شديد خصوصا البتربو وينشئو فى السودان بوجود امهم غير المسلمة وبكونو على دراية بامور دينهم... مفروض الناس تفكر فى احساس الاولاد بامهم على المدى البعيد
اما البتتزوج غير المسلم دى ما أظنها فارفة معاها أصلا أو حتى هى بتعرف حاجة عن دينها
عزيزى سيدناواستاذنا
والله ردك يحمل الكثير الواضح المثير يا قريبى
يبقى المشكل فى التربية... الطفل البتربى على ابداء رأيه مختلف من الخجول وبشجعوه اهله على الخجل بمدحه كصفة حميدة
التعبير عن العواطف مهم
لكن ليه بكون الخجل بس مع الزوجة؟ وهل هو خجل أم ملل لأنها غير مشجعة؟
مثلا الواحد لما يحب تانى أو يعرف واحدة تانية ما بكون خجول معاها يعنى ليست صفة فيه (الخجل)
هل المتزوجون من اجانب\اجنبيات بعانو من نفس المشكلة؟
مودتى
سماح
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: يبقى المشكل فى التربية... الطفل البتربى على ابداء رأيه مختلف من الخجول وبشجعوه اهله على الخجل بمدحه كصفة حميدة
التعبير عن العواطف مهم |
اكييد التربية مهمة والمجتمع الموجود فيه الطفل برضو بيساهم
Quote: لكن ليه بكون الخجل بس مع الزوجة؟ وهل هو خجل أم ملل لأنها غير مشجعة؟ |
هذا من تداعيات المجتمعات الذكورية التي تجعل المراة في درجة اقل من الرجل وبالتالي كلما يتعلق بها يصير عيبا.. المهمة مزدوجة وتحتاج الي تضافر بين الرجل والمراة للخروج من هذا المازق وارثه ...الاجيال الشابة والصغيرة مثلك هي التي يجب ان ترفع صوت الحب عاليا.. ليس هنالك في "الحب" عيب ..
Quote: مثلا الواحد لما يحب تانى أو يعرف واحدة تانية ما بكون خجول معاها يعنى ليست صفة فيه (الخجل) |
ليس خجلا وانما كما اشرت اعلاه نظرة المجتمع الذكوري الي المراة هو السبب
Quote: هل المتزوجون من اجانب\اجنبيات بعانو من نفس المشكلة؟ |
ليست لي تجربة في ذلك لكن التعبير عن الحب يجب ان يكون بين طرفيين كما ذكرت في مداخلتي السابقة وكون الرجل ياتي مثلا مشبعا بارث وتقاليد مجتمع ذكوري فربما-ولدرجة اقل- تعاني الاجنبية من اعراض عدم التعبير المتبادل عن الحب علنا كما في مجتمعها الاصلي
| |
|
|
|
|
|
|
Re: قسمة ونصيب أم هروب من الواقع ؟؟ (Re: خالد علي محجوب المنسي)
|
Quote: Quote: لكن ليه بكون الخجل بس مع الزوجة؟ وهل هو خجل أم ملل لأنها غير مشجعة؟ |
Quote: هذا من تداعيات المجتمعات الذكورية التي تجعل المراة في درجة اقل من الرجل وبالتالي كلما يتعلق بها يصير عيبا.. المهمة مزدوجة وتحتاج الي تضافر بين الرجل والمراة للخروج من هذا المازق وارثه ...الاجيال الشابة والصغيرة مثلك هي التي يجب ان ترفع صوت الحب عاليا.. ليس هنالك في "الحب" عيب .. |
انت بتلت وبتعجن مالك خايف شنو شد حيلك واتماسك وقولها عدييييييييييييل كده Quote: ملل لانها غير مشجعة |
في تقديري الزوجة الفنانة ( الفن خشم بيوت) والمتجددة وخفيفة الظل لا يملها زوجها اطلاقا.
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
Quote: ياسماح العجائز زي جدو ودشيقوق هم السبب .يقولو الهوايل برة وجو لا ... |
بس لانك سارح بعييييييييييييد واهلك زمااااااااااان ما كلموك قالوا ليك الشدر الكبار فيهو شنو يا سماح ؟ تميها وريحينا كلنا وحياتك
فين العواطف ؟ تعالي هنا احسن ليك من زهرة الخليج
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
Quote: بس لانك سارح بعييييييييييييد واهلك زمااااااااااان ما كلموك قالوا ليك الشدر الكبار فيهو شنو يا سماح ؟ تميها وريحينا كلنا وحياتك |
سلبطة ساي .. شدر كبار شنو البتقارنو بشدر اخضر ويانع ... دة كلام رفع معنويات ساااي.زاسال الدكاترة الصغار...
| |
|
|
|
|
|
|
Re: قسمة ونصيب أم هروب من الواقع ؟؟ (Re: abubakr)
|
Quote: سلبطة ساي .. شدر كبار شنو البتقارنو بشدر اخضر ويانع |
هيييييييييييييييييييييييييييع والله انت زى ود الموية ما بتتمسك اصلك
انتو يا الرطاني دحين زمان في المناهج قروكم قصة ابو مركوب المراوغ مع اعاصير كل الاتجاهات؟
| |
|
|
|
|
|
|
Re: قسمة ونصيب أم هروب من الواقع ؟؟ (Re: الطيب شيقوق)
|
Quote: ود عمي اللذيذ خالد المنسي احلى سوداني من شندي وعرّس ليهو مجرية ووداها البلدوبراها بعد داك بقت تجي وتخلي خالد هناك .. وعندي ود عمي الله يرحمو يوسف الجمري اتزوج سويسرية من زمان واولادو اسي كباااار وهم ولد (امير) وبت (عيشة) وزوجتو مارغريت جات السودان زمان لمّن ركبت الحمارة في شندي ومشت جنينة عمي محمد وضربت الجوافة والمنقة من الشجرة مباشرة وكادت تجن من روعة المشهد . |
Quote: تعرف كنت مرة في سويسرا وألتقيت بالحبيب عليه رحمة من الله تنزل عليه .. تعرف يوسف رجل يتعامل مع أهله بنفس طريقته في شندي ومع أنه طال به الغياب من شندي وطول شديد منذ 1962 فقط في العطلات .. زوجته صارت تتحدث مثله .. مرة كنا في منزل محمد عتيق زوج منى مريغني طه فقال لها مراقريت نمشي بعد دا قالت لي : قوم أمشي براك .. قام قال ليها يا زولا قومي وضربها ضربة حنية ردت لي : هي تقوم قومة أمي عيشة ديك أمشي براك |
إبن عمى امير ,ابن عمى خالد
لكما التحية والتقدير
| |
|
|
|
|
|
|
Re: قسمة ونصيب أم هروب من الواقع ؟؟ (Re: عواطف ادريس اسماعيل)
|
سيدنا
شيقا
خالد المنسى
شكرا على الرد
سيدنا
Quote: هذا من تداعيات المجتمعات الذكورية التي تجعل المراة في درجة اقل من الرجل وبالتالي كلما يتعلق بها يصير عيبا |
كدى جربو تختوها فى درجة أعلى والله كان قالت دايرة تنزل براها تقولو ليها حرم ما تنزلى مضيعين على روحكم جنس حب وجنس دلع لوووووووول
Quote: عايزين نقول ليك وخجلانين اها رايك شنو؟ |
كدى قول أنا بغمض أنا رأيى قلته فوق بس انت بارينى وتشوف
Quote: نحمد الله لا بس هل يعاني منها المتزوجين من سودانيات ؟؟؟ |
يا خالد خجل شيقا دا جاوب على سؤالك
Quote: انت بتلت وبتعجن مالك خايف شنو شد حيلك واتماسك وقولها عدييييييييييييل كده Quote: ملل لانها غير مشجعة
في تقديري الزوجة الفنانة ( الفن خشم بيوت) والمتجددة وخفيفة الظل لا يملها زوجها اطلاقا. |
يا شيقا سيدنا دا شكلو بجامل فيك ساى أصلا هو باين عليه رومانسى جدا و ما بعانى من مشاكلك دى بعدين على قولك الزوجة المتجددة دى أهم حاجة
Quote: بس لانك سارح بعييييييييييييد واهلك زمااااااااااان ما كلموك قالوا ليك الشدر الكبار فيهو شنو يا سماح ؟ تميها وريحينا كلنا وحياتك |
ما قالوا لى بس شكلها زى حكمة التاس الوحشين (الكلام على الأخلاٌق) لووووووووووول
مودتى
سماح
| |
|
|
|
|
|
|
Re: قسمة ونصيب أم هروب من الواقع ؟؟ (Re: sama7)
|
سماح
عواطف
انا الليلة مشغوووووووووووووووووووووووول ما قادر احك راسي
Quote: يا شيقا سيدنا دا شكلو بجامل فيك ساى أصلا هو باين عليه رومانسى جدا و ما بعانى من مشاكلك دى بعدين على قولك الزوجة المتجددة دى أهم حاجة |
مالك عايزة تجيبي الهواء للناس يا سموحة
| |
|
|
|
|
|
|
|