|
|
 Re: المطلقة .. بين مطرقة الإخفاق وسندان المجتمع. (Re: معتز القريش)
|
معتز ...
Quote: أول شئ قبل الطلاق تعالن يا اخواتي أوزنن نفسكن هنا
وشوفن الغلط البجيب الطلاق بجي من وين ؟؟؟ |
شايفاك "ما شاء الله" رصيت ليك لسته بتاعت طلبات ..
ما قلنا حاجه ..
كلام جميييييل ...
بس عشان نوزن كفة الميزان ونكون عادلين ...
رص لينا لستة البنوزن بيها الرجال...
عشان تكون المقارنة ظاهرة وواضحة ..
ونعرف الغلط البجيب الطلاق بجي من وين؟
ونقدر بعد داك نحكم ....
وعندي ملحوظة بسيطه ...
انت ما ملاحظ اللسته دي موجهه لي مره قاعده في البيت .. ناس قدميهو للباب وطولي بالك عليهو لانو راجع تعبان .. طيب المره الشغاله وشايله معاهو الهم البقدما للباب منو؟ والبيراعي ليها لانها جات من الشغل تعبانه منو؟؟
عارف اغلبية الرجال بيطالبو المرأه العامله بانها تقوم بدورها في المنزل كامل غير ناقص ودون حتى مشاركة منهم .. وكانها في العمل ما بتتعب .. انا هنا ما بنكر عليك الكلام المكتوب في اللسته دا .. فيهو كتير صاح .. لكن كمان العدل مطلوب ... والمشاركه دي ما بتتجزأ ... ليه المرأه تشارك في العمل بره وهو ما يشارك جوا؟؟؟...
عشان كدا يا معتز ما تجيني بي عقلية "ذكورية" ، المرأه نصفكم الاخر يفترض تتبع مبدأ الحياد .... كون عادل وخت الكفتين عشان نقدر نتناقش....
منتظراك ...
| |
 
|
|
|
|
|
|
|
|
Re: المطلقة .. بين مطرقة الإخفاق وسندان المجتمع. (Re: Randa Hatim)
|
Quote: 1-الإختيار الخاطئ.
2- تدخل الأهل وخاصةً الأم في حياة الزوجين.
3- تجاهل الحقوق الزوجية.
4-الفارق التعليمي.
5-الأحلام الوردية.
6- وحاجات كتيييره. |
الأخت العزيزة رندا..و كل زوار البوست الكريم..
وعدتك بالعودة للتحدث عن أسباب معظم حالات الطلاق..من وجهة نظري المتواضعة..
لكن لقيتك إنتي و إيمو ما قصرتو..
أتفق معاكم 100% في الأسباب آنفة الذكر..و أحب أضيف ليها حاجتين مهمتين..
1/ معظم الشبان و الشابات بيدخلوا المؤسسة الزوجية و هم يتخيلو حياة تشبه إلى حدٍ ما حياة أهلهم أو جيرانهم أو أصدقائهم...يا إما وردية خااااالص...يا إما سوداء خالص!
مافي زول بيتخيل إنو كل حياة زوجية بتختلف عن الأخرى..بتشكٌلها ظروفهم و شخصياتهم و تجاربهم و عناصر كتيرة مختلفة...
حياة عادية - بعيدة عن المثالية و التنميط - فيها الأيام الوردية..و فيها الأيام السوداء...زي ما بنفرح و نتشارك الأيام الوردية..برضو نتحمل و نصبر على الأيام السوداء..
2/ قصة إنو كل واحد من الطرفين عاوز يغٌير الطرف التاني..
يعني تلقي الواحدة إتزوجت سكير عربيد...على زعم إنها ح تغيرو بعد الزواج...و تطلب الطلاق لمن تفشل في ذلك..
أو واحد يتزوج موظفة يتطلب عملها السفر الكتير...على زعم إنو بعد العرس ح تقعد في البيت أو تقلل سفرياتها...ويطلقها later on بحُجة إنها مشغولة طوالي..
طيب يا جماعة المفاجأة وين؟
إنتي يا زولة وكت عاوزة الملتزم المستقيم...ما إنتظرتيهو لمن يجيكي ليه!
و إنت يا زول وكت عاوز القاعدة في البيت و متفرغة ليك...ما فتشتها ليه!
| |
|
|
|
|
|
|
|
|
|
Re: المطلقة .. بين مطرقة الإخفاق وسندان المجتمع. (Re: mamkouna)
|
ممكونة مرحب بيك الف ...
النقطتين الذكرتيهم مهمات جدا ..
النقطه الاولى احيانا لا يكون سببها المباشر هو الاحلام الوردية فقط وانما الاقنعة الزائفة التي توضع في فترة الخطبة او التعارف .. نحن "نساءا ورجالا" نتجمل ونكذب .. بينما العكس هو الصحيح هذه الفتره الوردية يجب ان تكون البداية للمعرفة الحقيقية فمعرفة مزايا وعيوب كل طرف للاخر .. تخفف من صدمة الارتطام بارض الواقع .. فنحن في كلتا الحالتين .. ان تجملنا او لم نتجمل ... سنعايش واقع مغاير لما تخيلناه فهناك فرق بين الاحلام الوردية والرومانسية المطلقة وبين الواقع المعاش ومعاناة اليوم "من عمل وهموم ومشؤوليات ومشاكل" جميعها ستلقي بظلالها على السلوك اليومي المعاش..
للحديث بقية ...
تسلمي ...
| |
|
|
|
|
|
|
|
|
|
Re: المطلقة .. بين مطرقة الإخفاق وسندان المجتمع. (Re: Randa Hatim)
|
رندا وضيوفها
فى رأيي اننا ومنذ عهد بعيد نعيش فى مجتمع ذكورى 'درجة اولى'
بالاضافة الى اننا مجتمع قبلى ومتخلف فى انحاء وجوانب كثيرة..
المرأة كانت وما زالت 'لحد ما' تكملة عدد...
لا تشارك بقدر مؤثر فى اتخاذ القرار ولا حتى على مستوى الاسرة,
بما فى ذلك اختيار الزوج..
انا منتبهة تماما بان ذلك لا ينطبق على كل الحالات,
ولا كل النساء ولا كل المناطق...
كما انى واعية لمسألة النسبية والتفاوت بين وفى العلاقات الاجتماعية والشخصية..
ولكن الغالب هو ان المرأة عندنا يتزوجوها ويطلقوها
ولكن يا عزيزتى كلى يقين انك تعلمين ان رياح التغيير تهب ومنذ امد ليس بالقصير
ازالت تلك الرياح ما علق بعقولنا ونفوسنا كون اننا مخلوقات درجة تانية
نحتاج للرجل ليعيلنا, تحملنا ظلمه وقهره' وما زلنا'
الجانب الايجابى لانتشار ظاهرة الطلاق هو ان المرأة صارت تمتلك القرار فى تحديد
مسيرة حياتها الزوجية بدون ضغوط وهذا لعمرى انتصار..
نواصل الحوار
رباب
| |
|
|
|
|
|
|
|
|
 Re: المطلقة .. بين مطرقة الإخفاق وسندان المجتمع. (Re: Randa Hatim)
|
أختى المكرمة / رندا حاتم
تحية وأحتراما ,,,
___________________________________________________________
قبل عامين تقريباً كان في بوست بطرح قريب لبوستك :
المطلقه مابين مطرقه المجتمع ونيران الفهم الذكوري[/QUOTE]
للأستاذة / عشه بت فاطنه وأستاذة / عاليا عوض الكريم
عن أشكاليات المطلقات في ( المجتمع الذكوري )
كنت أحد المتداخلين باهتمام ..
*( أهتمام فرضته حالتي كمطلق _ وقتها _ )
وأكيد من باب ( الجمره بتحرق الواطيها )
****
(مفاهيم ) المجتمع السوداني بالذات ( نسائية ) ,,,,
وهن المتحكمات تماماً في صياغة أغلب المفاهيم الاجتماعية فلا مجال لاتهام المجتمع ( بالذكورية )...
ما عندي أضافة في موضوع ( الطلاق ) ...
بشجع جداً الناس ( تتطلق ) لو ما بينهم أطفال لانو فعلا حيكونوا قادرين يبتدوا حياة جديدة
أكتر ( توفيق ) من حياتهم السابقة
وبرفض وبشّدة الحل ده لو في ( أطفال )
لانهم حيسددوا فاتورة ما ليهم فيها أى ذنب
في الحالة دي على الزوجين ايجاد أى حلول لاستمرار حياتهم دون ( انفصال ) ....
لانوا في وجود الاطفال الناس لازم يبقوا (أب / أم ) أكتر من حته ( رجل / أمراة ) ...
ملاحظتي : أنها تجربة بتعمل في الواحد ( حرص زائد ) ...
وتوتر زائد حتى لو مرت ( نزلت برد ) خفيفة على حياتوا ....
فبصبح أكتر حكمة و صبر مماكان ....
وربنا يديم نعمة الاستقرار على الجميع ,,,,,,,,
ولك خالص الاحترام ,,,,,
| |
|
|
|
|
|
|
| |
معتز القريش
ترهاقا
نهلة عمر
mamkouna
Rabab Elkarib
فيس بوك
تويتر
انستقرام
يوتيوب
بنتيريست